السلام عليكم ورحمة الله وبركاته. الحمد لله. حمدا كثيرا طيبا مباركا فيه. غير مكفي ولا مكفور ولا مودع ولا مستغنى عنه ربنا. اللهم اطعمت وسقيت واغنيت واغنيت. وهديت واجتبيت فلك الحمد على ما اعطيت - 00:00:31

اللهم صل على حبيب قلوبنا وعلى طبيب قلوبنا وعلى شفيعنا يوم العرض عليك. محمد صلى الله عليه وسلم في الاولين والاخرين والملأ الاعلى الى يوم الدين. اما بعد اخواني واحبابي في الله تخيلوا لو قائد عسكري داخل معركة فاصلة داخل معركة - 00:00:51

بصيرية وهو داخل المعركة داهية جندي من الجنود عارف اتجاه المعركة بعت للاعداء قال لهم ان القائد ده هيدخل المعركة الفلانية وجاي لكم عشان يحاربكم. القائد يعمل في الجندي ايه؟ تخيلوا يا جماعة دي في الاعراف العسكرية ايه؟ تخيلوا ان في واحد من اصحاب النبي عليه الصلاة والسلام - 00:01:10

عمل كده مع النبي عليه الصلاة والسلام. حاطب ابن ابي بلتعة رضي الله عنه. بعد كل التاريخ بتاعه في الاسلام. لما النبي جه يفتح مكة بعت لاهل مكة اخبارهم باللي النبي عليه الصلاة والسلام ناوي ان هو يعمله. فلما علم النبي عليه الصلاة والسلام ارادوا الصحابة انهم يقتلوه. ده خيانة عسكرية. اراد الصحابة ان هم يقتلوه - 00:01:30

النبي عليه الصلاة والسلام قال ايه ؟ قال كلمة ما فيش قائد عسكري في تاريخ البشرية عمل كده مع جند من جنوده. قال لعل الله قد اطلع على اهل بدر فقال اعملوا ما شئتم فاني غفرت لكم. يعني قال لهم وفاء لوقفته مع الاسلام - 00:01:50

كان يوم غزوة بدر انا مش هعمل فيها حاجة النهاردة. لعل الله قد اطلع على اهل بدر. فقال اعملوا ما شئتم فاني قد غفرت لكم. يا اخوانا الوفاء يا جماعة الوفاء جميل اوي يا اخواني. الوفاء حاجة مدهشة. الوفاء من اسباب ان فيه ملايين مملينة وفيه شعوب - 00:02:10

دخلت في الاسلام. عارفين بلد اسمها حمص. بلد عربية مشهورة. من بلاد سوريا اسمها حمص. المسلمين لما فتحوها يا اخواني خدوا الجزية من اهلها واهلها لسة على الشرك وعلى الدين غير الاسلام. فخدوا الجزية من اهلها. فلما خدوا الجزية جه الرومان عملوا هجمة على - 00:02:29

المسلمين فالمسلمين الجيش بتاعهم ما كفاش ان هو يحارب الرومان. فاستعانوا باهل حمص فاهل حمص وقفوا معهم في الجيش الاسلامي. فلقوا المسلمين يرجعوا لهم الجزية. فقال يا حمزة قالوا لهم ايه ده! ده الجزية اللي احنا دفعناها لكم. قالوا لهم لأ. كنا نأخذ الجزية منكم من اجل ان نحميكم. اما الان وانتم - 00:02:48

شاركوا لنا في القتال فلن نأخذ منكم الايه؟ الجزية بسبب الموقف ده في الوفاة. بسبب الوفاء بتاع المسلمين. للحاجة اللي اهل حمص عملوها معهم. وبسبب ان هم رجعوا لهم الجزية بتاعتهم. كانت النتيجة ان اهل حمص كلهم دخلوا في الاسلام. اهل حمص كلهم - 00:03:08

دخلوا في الاسلام بسبب الوفاء يا اخواني. الوفاء نبي الوفاء. اعظم شخصية في التاريخ اتكلمت عن الوفاء. اعظم مصلح في التاريخ اهتم بقضية الوفاء النبي عليه الصلاة والسلام ابو النبي عليه الصلاة والسلام حاطب ابن ابي بلتعة اللي عمله لا يمكن قائد عسكري ما كانش يعدم اللي عمل هزا - 00:03:28

الامر انه افشى سر عسكري لمعسكر الاعداء. ولكن النبي عليه الصلاة والسلام بعت له قال له ما حملك على هذا يا حاطب؟ فسيدنا حاطب قال له يا رسول الله انا ما ليش حد في مكة - 00:03:48

ولا لي قرايب في مكة. آآ فانا خفت على اهلي ان اهل مكة يؤذوهم. انما كل الصحابة لهم قرايب في مكة. يمنعوهم لو جيت تفتح مكة يا رسول الله سيدنا محمد عليه الصلاة والسلام قبل منه عذره وقال لعل الله قد اطلع على اهل بدر. فقال اعملوا ما شئتم فاني قد غفرت لكم. وفاء النبي عليه الصلاة والسلام - 00:03:58

وفاء النبي لاصحابه. شوفوا الانصار بعد ما وقفوا مع النبي عليه الصلاة والسلام في سنوات الدعوة. النبي قال ايه؟ قال اوصيكم بالانصار. النبي بيوصي بنفسه الامة كلها على الانصار. اوصيكم بالانصار فانهم كرشي وعيبتي. ده دول اقرب ناس لي في الدنيا. دول اللي حموني. دول اللي شالوا الدين معي - 00:04:18

قضوا الذي عليهم وبقي الذي لهم. فاقبلوا من محسنهم وتجاوزوا عن مسيئهم. النبي عليه الصلاة والسلام بيوصي النبي عليه الصلاة والسلام بيقول اية الايمان حب الانصار. النبي عليه الصلاة والسلام بيقول لو سلك الناس شعبا. وسلك الانصار شعبا لسلكت شعب الانصار - 00:04:38

النبي عليه الصلاة والسلام يا اخواني بيوفي لاصحابه الجميل بتاعهم. الوقفة بتاعتهم اللي وقفوها مع الاسلام. عشان كده اصحاب النبي عليه الصلاة والسلام اتعلموا الوفاء من النبي شوفوا سيدنا خبيب رضي الله عنه وهو بيتقتل لما ابو سفيان علقه على نخلة في التنعيم قبل ما يقتله. فقال له اتحب ان محمدا مكانك - 00:04:58

الوقتي خبيب ابن عدي جا له امل تاني ان المشركين يسيبوه. ليه؟ هو في موقف متعلق وابو سفيان بيسأله سؤال. كأن المعنى لو انت وجبت وشتمت كنت في محمد بن عبدالله الوقتي انا ممكن اخفف العقوبة عنك. انا ممكن اعفو عنك. فبيقولوا اتحب ان محمدا مكانك؟ كل الناس في الموقف ده بتتبرأ من بعض يا جماعة - 00:05:18

كل الناس لما الاعداء بيقبضوا عليهم معسكر الاعداء بيقبض عليهم بيتبرأوا من بعض يا اخواني. فسيدنا آآ خبيب ابو سفيان قال له اتحب ان محمدا مكانك وانت في بيتك فسيدنا خبيبة قال له ايه؟ قال له والله ما احب اني في بيتي ورسول الله - 00:05:38

صلى الله عليه وسلم يشاك بشوكة. ما احبش ان في بيتي والنبي عليه الصلاة والسلام بيشك بشوكة. الكلمة طبعا حرقت قلب ابو سفيان. فاخذ يضربه لحد ما ادمى ايديه ورجليه وقطع من جسده ثم ايه؟ ثم قتله. يعني يا جماعة الوفاء للنبي عليه الصلاة والسلام ما باعش ما بيبعش. اصحاب النبي اتعلموا - 00:05:58

ما يبعوش. اتعلموا ان هم ما يقلبوش. اتعلموا ان هم ما يتغيروش. اتعلموا ان هم على العهد لا يتغيروا. زي الشيخ حسن البنا رحمه الله. لما فكان في رحلة خلوية مع بعض اخوانه. الشراع كان مضلل عليهم. فلما المركب غيرت اتجاهها. فالشمس ضربت فيهم. فالحر لما اشتد - 00:06:18

الكل غير اتجاهه للناحية التانية. فسألوه لمازا لم تغادر مكانك؟ فقال نحن الذين لا نتغير. نحن الذين لا يتغير هي دي الوفاة يا جماعة احنا اللي احنا عليه. احنا ما بنبدلش ما بنقلبش ما بنتغيرش ما بنبعش - 00:06:38

ما بنسبش هو ده الوفاء. عشان كده النبي عليه الصلاة والسلام قالوا ان النبي عليه الصلاة والسلام يعني مصلح مات زي ما عاش. بدأ طريقه وختم الطريق زي ما بدأ الطريق. كل المصلحين بيغيروا مبادئهم - 00:06:53

بيغيروا رفقتهم. بيغيروا خط سيرهم. النبي عليه الصلاة والسلام تلات حاجات فضل وفي لها. وفي لطريقه. وفي لمبادئه. وفي للناس اللي شالت عاه الدين في البداية. هاتوا اي مصلح كده او اي قائد تلاقوه في نهاية حياته. كل اللي حواليه غير اللي كانوا حواليه في بداية حياته. ليه؟ لانه بيغير اللي حواليه بيتشاكل معه - 00:07:08

ده بيسيبه بيسيب ده. تلاقوه غير شوية حاجات في مبادئه. اللي ما بيغيرش مبادئه ولا طريقه ولا رفقاؤه. ده القائد اللي انت عمرك وانت مؤتمن على عمرك. ليه ؟ لانه عمره ما هيبيعك. عمره ما هيسيبك. وفاء النبي عليه الصلاة والسلام مع ابو جندل. ابو جندل يا اخواني جاء في اغلاله - 00:07:28

يوم صلح الحديبية ورمى نفسه وايديه ورجليه بتنزف دم من الاغلال. الصحابة كانوا هيجنوا كانوا هيفقدوا صوابهم من كتر القهر على موقف ابو جندل. فابو جندل بيقول اتتركوني ارد الى المشركين؟ فالنبي عليه الصلاة والسلام كان خلاص مضى على المعاهدة ان هو ما يرجعش واحد من المشركين - 00:07:48

اسلم لي. فقال ان بيننا وبين القوم عهد وان الله يا ابا جند الجاعل لك فرجا ومخرجا. ربنا فرج كرب ابو جندل وجعل له فرج ومخرج. والنبي عليه الصلاة والسلام ما نكزش العهد - 00:08:08

النبي عليه الصلاة والسلام كان اوفى الناس. كان اوفى الناس. عشان كده اصحاب النبي عليه الصلاة والسلام طلعوا من اية من ايات ربنا في الوفاء. سيدنا انس ابن النضر رضي الله عنه فاتته - 00:08:21

غزوة بدر فحزن اوي. فقال لان ادركت مشهدا اخر مع رسول الله صلى الله عليه وسلم. ليرين الله ما اصنع. انا انا اولي الله من نفسي خيرا لو جت غزوة تانية مع النبي عليه الصلاة والسلام. عاهد ربنا. فلما جت غزوة احد انس ابن النضر دخل المعركة - 00:08:31

متأخر دخل المعركة وقد اشاع ان النبي عليه الصلاة والسلام قتل. والصحابة استسلموا وقعدوا على الناحية التانية من جبل احد. وتركوا السيوف وقالوا خلاص مات رسول الله سلم جاي يدخل فلاقهم بيقولوا مات رسول الله داخل تعمل ايه يا انس؟ الصحابة اللي جوة في الناحية التانية من الجبل بيتقطعوا الوقت جسسهم بيمسل بها. هتدخل تعمل ايه - 00:08:51

فقال انس واها لاواها لريح الجنة. اني لاجد ريح الجنة دون احد. انا شامم ريحة الجنة على الناحية التانية من الجبل. اللهم اني اعتذر اليك مما فعل هؤلاء اللي هم الصحابة. وابرأ اليك مما فعل هؤلاء اللي هو المشركين. قوموا فموتوا على ما مات عليه - 00:09:12

رسول الله صلى الله عليه وسلم قوموا. طب هتعيشوا ما تفعلون بالحياة بعد رسول الله. صلى الله عليه وسلم وطلع من على الجبل ونزل الناحية التانية. وفضل يقاتل جيش المشركين هو بيحسب النبي مات. ما يعرفش ان النبي عليه الصلاة والسلام لسة حي. فخد تسعين طعنة وضربة سهم وطعنة سيف لدرجة - 00:09:32

ان جسمه كله اتقطع ما حدش عارفه ما حدش عارف ده مين اصلا بعد المعركة. ما عرفتوش الا اخته من شكل صوابع ايديه. كان شكل صوابع ايديه مميز عرفته اخته من شكل صابع ايديه. المكان الوحيد في جسمه اللي ما خدش ضربة سيف. سيدنا انس ابن النضر وفى بعهده يا جماعة - 00:09:52

سيدنا انس ابن النضر عنده وفاء. الوعد اللي وعده لله. العهد اللي عاهد ربنا عليه وفى به. فربنا سبحانه وتعالى انزل قرآن في انس ابن النضر. من المؤمنين رجال صدقوا ما عاهدوا الله عليه. هم دول الصادقين. ربنا نزل القرآن في الوفاء - 00:10:10

ربنا من حب ربنا في الوفاء نزل قرآن في موقف الوفاء. العظيم دهو. عكس بقى قول الله سبحانه وتعالى. ومنهم من عاهد الله لان اتانا من فضله لنتصدقن ولنكونن من المحسنين. فلما اتاهم من فضله بخلوا به وتولوا وهم معرضون - 00:10:27

فاعاقبهم نفاقا في قلوبهم الى يوم يلقونه بما اخلفوا الله ما وعدوه. يعني سبحان الله العظيم عكس واحد صدق الله عاهد الله علي. وواحد تاني قال يا رب اديني الدنيا وانا يا رب هبقى بتاع دين. وهقبل عليك وخان العهد - 00:10:49

ونكث العهد وغدر بالعهد ولم يوف لله سبحانه وتعالى ما عاهد الله سبحانه وتعالى عليه. الوفاء يا جماعة عشان كده سيدنا عمر بيزيد السكن في غزوة احد يعني كان بيموت فلما سمع ان النبي في خطر فضل يزحف لحد ما وصل للنبي عليه الصلاة والسلام ووضع رأسه على رجل النبي ومات - 00:11:06

سيدنا محمد قال اللهم اني اشهدك انه وفى النبي عليه الصلاة والسلام بيشهد ربنا ان ذلك الانصاري وفى ما عاهد الله عليه انه سينصر النبي. صلى الله عليه وسلم. عشان كده اصحاب النبي طلعوا اية من ايات - 00:11:26

في الوفاء. لان النبي عليه الصلاة والسلام كان اية من ايات ربنا في الوفاء يا جماعة. النبي كان وفي مع اصحابه وفي مع اعدائه. خدنا المرة اللي فاتت وفاؤه مع خديجة - 00:11:40

هي في قبرها كان بيحافز على مشاعرها ازاي ؟ خدنا وفاء النبي عليه الصلاة والسلام مع الجميع وفاء النبي في احلك الظروف. وفاء النبي عليه الصلاة والسلام في كل الظروف الصعبة. فتخيلوا اصحاب النبي عليه الصلاة والسلام طلعوا في الوفاء شكلهم ايه - 00:11:50

الانصار اللي عاهدوا النبي في يوم من الايام لما قال لهم اوعى تعاهدوني على ان تمنعوني مما تمنعون منه نسائكم وابناءكم صار يوم غزوة احد اتقتل منهم حوالي سبعين واحد - 00:12:06

اول ما النبي اتعرض للخطر ووفه بالعهد اللي عاهده النبي عليه الصلاة والسلام عليه في بائعة العقبة. واتقتلم واتقطعم قدام النبي عليه الصلاة والسلام. انس ابن النضر اتقتل واه اه كثير جدا من الانصار يا اخواني في الله قتلوا في ذلك وعمر ابن يزيد السكن اتقتل. وسعد ابن الربيع اتقتل - 00:12:20

وعبدالله ابن حرام اتقتل وعمرو ابن الجموحي اتقتل. كثير جدا من اصحاب النبي عليه الصلاة والسلام. وفى ما عاهد الله عليه وقتلوا يا جماعة في هذا الموقف الرهيب الوفاء الوفاء يا اخواننا حتى السلف سيدنا عمر ابن عبدالعزيز رحمه الله يعني لما المسلمين فتحوا فتح يعني - 00:12:40

تحية سمرقند وفتحوا البلد بس فتحوها عنوة مفاجأة من غير ما يدوهم مهلة تلات ايام. فالكفار اللي هناك رفعوا الامر للقاضي المسلم. قالوا له احنا اتفتحت البلد علينا عنوة وانتم عندكم انكم لازم تمهلونا تلات ايام - 00:13:00

فحكم القاضي بخروج الجيش الاسلامي وتسليم البلد لهذه مرة اخرى. بعد ما انتصرنا. في المعركة هو ماتش الكورة هنرجع فيه. بعد ما انتصرنا في الكفار ذهلوا. فدخلت المدينة كلها في الاسلام بسبب الوفاء. بسبب الوفاء وحفظ العهد اللي عند المسلمين - 00:13:15

ربنا علمنا الوفاء. ده ربنا نفسه قال على نفسه وما كان ربك نسيا. يعني ربنا ما بينساش الجميل. ما هو ما حدش يقدر يعمل لربنا فضل ولكن ربنا ما بينساش العمل الجميل. ربنا ما كان ربك نسيا. اية بتملى القلب بالامل. ربنا مش هينسى لك كل يوم صمت فيه. ربنا مش هينسى لك كل - 00:13:35

كل ليلة قمت فيها. ربنا مش هينسى لك كل سجدة بكيت فيها. ربنا مش هينزلك مش هينسى لك كل اية قرأتها. ربنا مش هينسى لك كل مرة اتكلمت عنه فيها - 00:13:55

ربنا مش هينسى لك كل مرة تعبت عشانه فيها. اية بتملى القلب بالامل ازا كان ربنا ما بينسلناش الفضل. هننسى لربنا سبحانه وتعالى الفضل يا اخواني في الله الملايكة الاسلام ده اعظم دين اتكلم عن الوفاء. الملايكة في الاسلام - 00:14:05

يعني شخصيات مليانة وفاة. ان الذين قالوا ربنا الله ثم استقاموا تتنزل عليهم الملائكة تتنزل عليهم الملائكة وهم بيموتوا. الا تخافوا ولا تحزنوا وابشروا. الملايكة عندها وفاء كان بينها وبين المؤمنين صحبة في العمل الصالح. كان بينها وبين - 00:14:20

المؤمنين عشرة. ساعة الموت مش راضية تسيبهم لواحدهم. وفاء الملائكة. نحن اولياؤكم في الحياة الدنيا وفي الاخرة. الملايكة بتقول احنا كنا معكم في الدنيا وهنبقى معكم في الموت وهنبقى معكم في الاخرة في الصراط والميزان والحشر والبعث والقبر مش هنسيبكم ابدا. وفاء الملائكة حتى - 00:14:40

في الجنة والملائكة يدخلون عليهم من كل باب. احنا كنا معكم في الدنيا بندخل عليكم نؤنسكم في العبادة وفي الجنة مش هنسيبكم كنتم بتتمتعوا بل هنفضل نخدمكم في الجنة. دعواهم فيها سبحانك اللهم. اول ما تحتاجوا اي حاجة قولوا سبحانك نيجي لكم. نخدمكم - 00:15:00

بالحاجة اللي انتم عايزينها وفاء لعبادتكم لربنا في الدنيا. الاسلام كله وفاء يا جماعة. الاسلام دين الوفاء الاسلام علمنا الوفاء العظيم. علمنا ازاي يكون عندنا وفاء في كل موقف من مواقف حياتنا. عشان كده ساعة الطلاق. الطلاق اللي - 00:15:20

ما حدش اللي الناس بتموت بعض فيه. اللي الناس بتتخانق مع بعض فيه. اللي الناس بتجري على المحاكم فيه. حتى الملتزمين كل ده دي تقوم محامي هو والمحامي ويقطعوا بعض. شوفوا ربنا ساعة الطلاق بيقول ايه. ولا تنسوا الفضل بينكم. اوعي تنسي لجوزك اللي بيطلقك النهاردة ايامه - 00:15:39

حلوة معك. اوعى تنسى لمراتك فضلها عليك امبارح. اتعاملوا مع بعض في الفضل. في الوقت اللي ما حدش بيطيق يتعامل فيه بالعدل. اتعاملوا مع بعض بالفضل ولا تنسوا الفضل بينكم. ربنا بيأمر بالوفاء ساعة الطلاق يا اخواني في الله. عشان كده مازا لو غاب الوفاء من الدعاء الى الله - 00:15:59

في سورة النحل اللي ربنا اتكلم عن الدعوة الى الله الدعاة اللي زي النحل اللي بيلف على الف زهرة من من دروس العلم عشان يطلع للناس معلقة عسل صغيرة ياخدوها يتوبوا لربنا بسببها. ربنا اتكلم عن الدعوة الى الله في سورة النحل. في النهاية ربنا بيتكلم عن حفظ - 00:16:19

العهد والوفاء عند الدعاء. فبيقول واوفوا بعهد الله اذا عاهدتم اوعوا يا اصحاب محمد. اوعوا تغدروا في العهد اوعوا تبقوا غادرين. النبي عليه الصلاة والسلام يقول ان يوم القيامة يرفع لكل غادر لواء اللي ما كانش وفي يتفضح فضيحة عالمية - 00:16:39

على رؤوس الخلائق كلها يوم القيامة. فضيحة عالمية يوم القيامة. بل ربنا قال والذين ينقضون عهد الله من بعد ميثاقه. ويقطعون ما امر الله به ان يوصل ويفسدون في الارض اللي ما عندهمش وفاء. اولئك لهم اللعنة ملعونين في الدنيا. ويوم القيامة هو الوفاء خطير للدرجة دي. فربنا بيقول - 00:16:57

واوفوا بعهد الله اذا عاهدتم اوعوا تغدروا. اوعوا تغدروا ولو مع كافر. اوعوا تغدروا ولو مع مشرك. اوعوا تغدروا مهما كان اللي قدامكم عدو ومؤذي بيقول لهم بعدها ولا تكونوا كالتي نقضت غزلها من بعد قوة انكاثا. اوعوا اللي انتم بنيتوه في الدعوة بدعوتكم - 00:17:17

تهدوه بسوء اخلاقكم. تهدوه بعدم وفائكم. ربنا بيقول بعدها ولا تتخذوا ايمانكم دخلا بينكم فتزل قدم بعد ثبوتها انها ستنتكس. الناس هتكره الدين لو انتم ما كانش لكم كلمة. الناس هتكره الدين لو اهل الدين ما كنتش كلمتهم سيف على رقبتهم - 00:17:37

لو ما حفزوش العهد لو ما حفزوش الجميل. لو ما حفزوش العشرة الناس هتكره الدين لو اهل الدين كلمتهم بقت ما هي السيف على رقبتهم. ولا تتخذوا ايمانكم دخلا بينكم. فتزل قدم بعد ثبوتها. الناس تنتكس. وتذوق السوء زي اللي حصل - 00:17:57

بعد خمسة وعشرين يناير وتذوق السوء بما صدقتم عن سبيل الله. مش انتم الدعاء الى الله انتم اللي هتبقوا سبب تنفير الناس عن الدين. لو بعدتوا عن اخلاق محمد محمد بن عبدالله لو بعدت عن وفاء الرسول عليه الصلاة والسلام - 00:18:17

تخيلوا يا جماعة الوفاء له مقام عالي اوي في الدين للدرجة ديت. الوفاء له مقام عظيم اوي في الاسلام للدرجة ديت. الوفاء له هذا المقام المهول في الاسلام لهذه الدرجة التي تحدث الله عنها والتي فعلها النبي صلى الله عليه وسلم يعني ايه الوفاء في نهاية الحلقة؟ الوفاء رقم واحد هو حفز - 00:18:32

كلمة ان كلمتك تبقى سيف كلمتك تبقى سيف. لو اديت ميعاد لواحد. لو اديت وعد لواحد. لو اديت عهد على نفسك حتى لو عهد مع الكفار. الوفاء هو حفز الجميل. ده المعنى - 00:18:52

خدوا بالكم من الكلام الخطير ده يا جماعة. لان ده الكلام العملي اللي هنخرج به. يبقى رقم واحد حفز الكلمة. ان الكلمة بتاعتنا تبقى سيف نقول كلمة تبقى على رقبتنا خلاص لما ندي معاد. لما نتفق اتفاقية. المعنى التاني للوفاء هو حفظ الجميل. حفظ الفضل - 00:19:04

اللي له فضل علينا ولو في يوم من الايام النبي المرأة اللي كنست المسجد صمم يروح يصلي عليها على قبرها بعد ما ماتت لانه ما عرفش ميعاد جنازتها. النبي عليه الصلاة والسلام حليمة - 00:19:24

السعدية بعد ستين سنة في كلية جميلة. النبي عليه الصلاة والسلام في وفد النجاشي يخدمهم بايديه. لانهم خدموا اصحابه في الحبشة. النبي عليه الصلاة والسلام بعد حداشر سنة من موت خديجة تيجي المرأة اللي كانت بتزوره ايام خديجة يكرمها ويقول ان حسن العهد من الايمان. النبي عليه الصلاة والسلام ما ينساش - 00:19:34

لحد ما ينساش معروف حد ما ينساش فضل حد. النبي عليه الصلاة والسلام يوم اسرى بدر يقول لو كان المطعم ابن عدي حيا اللي مرة من المرات اغاث النبي ودخلوا مكة في حمايته لو كان المطعم ابن عدي حيا ثم كلمني في هؤلاء لتركتهم الي سبعين اسير كلهم كنتم - 00:19:55

قوليهم النبي عليه الصلاة والسلام حفزك جميل حفز الفضل النبي دافع عن اصحابه دافع عن ابو بكر دافع عن الانصار حفزلهم فضلهم دافع عن خديجة قدام عائشة مراته جميلة الصغيرة وقال لها هي افضل منك ما ابدلني الله خيرا منها. وخديجة ميتة في القبر حفز الفضل. النبي ما رضاش يتجوز على خديجة - 00:20:15

حفظ الفضل لانها سدته. يبقى النوع التاني حفز الجميل. جميل امك. جميل ابوك. جميل المدرس اللي علمك الف به في ابتدائي. جميل اللي كانت سبب في جميل اللي حفزك قرآن جميل اللي علمك العلم جميل شيخك اللي علمك الدين ووعظك في يوم من الايام وشرايته ودروسه - 00:20:35

هزت قلبك في الدين والايمان. جميل انك تحفظ جميل الاسلام عليك. جميل النبي عليه الصلاة والسلام عليك. فتحفز سنته وتدافع عنه لما حتى يتجرأ عليه انك تحفظ نعم ربنا وتبقى وافي لنعم ربنا. وتشكر ربنا عليها. الوفاء المعنى التاني حفز الجميل. المعنى التالت حفظ العشرة - 00:20:55

حفز العشرة كل واحد كان بينك وبينه عشرة. كل واحدة كانت بينك وبينها عشرة في يوم من الايام تحفظي الود. ان الود يفضل صافي. انك تحافظي على الود اللي بينك وبين الناس. ما تبقيش قلابة. ما تبقاش غدار. ما تبقاش قلاب. بيقول لك قلاب زي الايام او قلاب زي الزمن. ما دام ده حكاية - 00:21:15

حبيبك في يوم من الايام طول ما هو على العهد تفضل انت على العهد. ان حسن العهد من الايمان. انك تفضل تحفز العشرة. المعنى الرابع للوفاء انك توفي بالديون اللي عليك. انك توفي بالامانات اللي عليك. انك توفي بالديون اللي عليك - 00:21:35

لان الشهيد لو مات يغفر له كل الذنوب الا الدين يعني الا الوفاء. الا المشكلة اللي في الوفاء الوفاء مانع من موانع دخول الجنة لو كان الانسان ما اداش الحق بتاعه. الحقيقة يا اخواني مش عارف اقول ايه واسيب ايه. مش عارف اتكلم - 00:21:53

عن ايه؟ اتكلم عن ايه في الدين اللي قال ان اللي عنده مشكلة في الوفاء هيرفع له لواء لغدرته على رؤوس الخلائق يوم القيامة؟ هيتفضح فضيحة عالمية ان اللي ما عندوش وفاء اولئك لهم اللعنة. اقول ايه؟ في الدين اللي نزل القرآن في موقف الوفاء بتاع انس ابن النضر. اقول ايه في مواقف النبي الباهرة في الوفاء - 00:22:10

لدرجة لما شاف القلادة بتاعة خديجة بعد خمس سنين من موتها العقد بتاعها رق قلبه عليه الصلاة والسلام واطلق الاسير زوج السيدة زينب من من غير ما ياخد منها حاجة عشان تزكر بس مشاعر قلبه ورقة قلبه تجاه السيدة خديجة الوفاء في الحروب. لما النبي ما رضاش يستعين - 00:22:30

حذيفة ابن اليمان وابو حسين وهو محتاج كل راجل يوم غزوة بدر قدام جحافل المشركين ما دام ادوا عهد للمشركين انهم مش هيقاتلوا مع النبي عليه الصلاة والسلام ايه الوفاء ده؟ ايه اللمسات الانسانية دي؟ ايه المشاعر المرهفة دي؟ ايه حفظ العهد ده؟ ايه حفظ العشرة دي؟ الوفاء يا جماعة. عايزين نتعلم - 00:22:50

الوفاء ندعي ربنا اللهم خلقنا بالوفاء. اللهم ارزقنا الوفاء يا رب. اللهم ارزقنا الوفاء يا رب على سنة حبيبك محمد صلى الله عليه وسلم. اللهم اهدنا لاحسن الاخلاق. لا يهدي لاحسنها الا انت. واصرف عنا سيئها. لا - 00:23:10

عنا سيئة الا انت. اللهم حسن خلقنا كما حسنت خلقنا برحمتك يا ارحم الراحمين. سبحانك اللهم وبحمدك اشهد ان لا اله الا انت استغفرك واتوب اليك وجزاكم الله خيرا - 00:23:30