Baheth

هذا سائل يقول ما مشاريع الشيخ المستقبلية في التأليف والله انا عايز آآ اوضح حاجة يعني اخواني يلومونني عليها ويقولون يبدو ان آآ كل مصري لا يتم عمله وضربوا المثل بالشيخ احمد شاكر رحمة الله عليه انه دخل في اكتر من مشروع وما كملش ولا مشروع - 00:00:00ضَ

بيقولوا انت شكلك برضه هتبقى زيه برضو فاتح في مشاريع كثيرة ومع زلك لا تتم مشروعا انا عايز اقول حاجة مهمة آآ مصر الدعوة فيها لها طعم مختلف اه يعني عايز اقول ايه - 00:00:24ضَ

انت ما تقدرش ترد سائلا مطلقا وبعدين لما دايما نقول للناس لابد ان يكون لك مرجع اما ان تكون عالما او بصحبة عالم. الناس بيعتقدوا ان احنا على شيء من العلم فبيجي بقى عشان يحكي لك حياته اللي فاتت - 00:00:48ضَ

يقول لك انا حياتي كلها مليانة مصايب. سبني احكي لك بقى براحتي علشان تقول لي المصيبة دي اطلع منها ازاي؟ ودي اطلع منها ازاي؟ ودي اطلع منها ازاي كل ما تقول يا اخي اختصر. انا مش فاضي ما هو برضه فيه ناس كتار جدا كل واحد له برضه مشكلة وبتاع وبتاع ما تعرفش - 00:01:07ضَ

لا تستطيع عشان خاطر الناس تحب الدعوة والكلام ده فبتقوم تبزل نفسك الدعوة الاعلانية استهلكت منا شيئا كثيرا. وما باعرفش اقول لحد لأ. يا بهجت. الشيخ الالباني كان صارما الشيخ الالباني واحد يعني بيحكي لي - 00:01:25ضَ

بيقول لي اتصلت به من المغرب وبسأله سؤال. فقال لي ما سؤالك؟ آآ بابلع ريقي قام حاطط السماعة فاتصلت به تاني فقلت له يا شيخ حطيت سماع قال لي ما انا مش ما قال له كلام يعني مش هتفضل تبلع ريقك. كل ما واحد يتصل ويبلع ريقه انا هضيع وقتي. فانت تقول انت عايز ايه بالضبط - 00:01:42ضَ

الشيخ رحمة الله عليه حريص على الوقت ما كان يحتشم انه يقفل سماعه. احنا ما نعرفش نعملها اه اقبال الناس المنقطع النظير عن الدعوة بيخلي الواحد مش قادر يواصل البحث. ما فيش وقت. واقول لنفسي اعلل يعني لنفسي. لا تدري اي عملك المقبول - 00:02:01ضَ

ممكن تصنف كتابا يعني تزن انه حيكسر الدنيا يموت بموتك وهذا الرجل الحائر الذي ينتظر كلمة منك ليستقيم على درب الهدى قد يكون هو ده اللي في ميزانك وانت لا تدري - 00:02:21ضَ

ما عدش عارف الواحد ايه يعني اللي كل ما تروح في ارض كأن الارض بتتزرع ناس واقبال من قطع النظير والدعوة لها مشاكلها مشاكلها يعني النهاردة مسلا لما ييجي واحد عشان يحكي لك حكاية - 00:02:37ضَ

ساعات انا ابقى متأثر بالحكاية اكتر منه هو انا ممكن اعيط عليه هو يمشي وانا عايش بمشكلته هذه الظلال اللي بتأتي على القلب والحزن اللي بيركب المرء والكلام ده بضد صفاء الذهن بالزات في علم الحديث يعني اخونا الشيخ ابو يوسف - 00:02:51ضَ

آآ يعلم ان علم الحديث ده علم يحتاج الى ذهن وقاد وقريحة صافية بتصطاد اصطاد يعني لما يكون في علة حديث بالزات لو انت بتعالج علم العلل. فيه كتاب مسلا زي كتاب ابن ابي حاتم في العلل. كلام الائمة كلام الائمة المتقدمين في العلل كلام مجمل - 00:03:09ضَ

يقول لك منكر باطل. انت مطلوب منك تعرف تعلي اللي له باطل. له منكر وقد يكون الطريق غريبا. رأس مال المحدث مفرق في عشرات الالوف من الاجزاء الحديثية والكتب لما يكون رأس مالك مفرق هزا التفريق انا اجيبه ازاي؟ لازم يبقى عندي فهارس علمية ولازم يبقى عندي كتب مسندة كثيرة واستحضر الفائدة والكلام ده - 00:03:31ضَ

فده عناء معاملة انا عشان اكون لسة جاي من محاضرة ومن مجلس صلح ومشكلة اطلع علشان اشتغل واصطاد العلة والكلام ده ما اعرفش والكلام في الحديث كلام جواهرجية يعني ممكن سطرين اتنين ياخدوا منك ليلة وليلتين وتلاتة - 00:03:55ضَ

مش زي الجماعة اللي عندهم بقى كل شهر يألفوا لي بتاع قال ابن تيمية عشرين صفحة قال مش عارف عشرين صفحة قالت قال الشيخ وفجأة بعد تلات اربع ليالي طلع بكتاب مسلا - 00:04:15ضَ

متين تلتميت صفحة في واحد اخد منزلة من منازل السائرين لابن القيم تلتميت صفحة فتح القوس في اول صفحة رقم تلاتة وقفله في الصفحة رقم تلتمية طب اديني عقلك وانا ايش عرفني هو القوس ده مفتوح لمين وهيتقفل امتى - 00:04:25ضَ

مسلا وخلاص وده يبقى مسلا كتاب والكلام ده واحد بقول لك يعني شغل ابن القيم بيبيعوه جملة وقطاعي. يقول لك ايه تحريم الغناء لابن القيم. ويقوم جايب فصل من اغاثة الله فان - 00:04:47ضَ

احنا بقى مش عارفين ان هو اخد الفصل ده وعمل فينا الفصل البايخ ده ها وسمى الكتاب من عنده انا فاكر ان هو كتاب مخطوط لسه جديد لابن القيم اشتري الكتاب الاقيه - 00:05:01ضَ

يعني جملة وقطعها زي ما بنقول لا التحرير في العلم هو ده العلم مش الجمع. الجامعة لون من العلم بس مش الجمع بطريقة الشباب بيعملوها اليومين دول علم الحديث علم التحرير. تكتب السطر تتعب عليه قبل ما تكتبه - 00:05:11ضَ

ممكن تقرأ عدة ابحاث عشان تكتب اسناده صحيح او عشان تناقش علة من العلل فالحقيقة ده عمل عندي اه يعني ايه عطلني كثيرا. العمل في الدعوة العامة ومشاكل الناس والكلام ده وان كان له ثمرة كبيرة جدا لكن حصل نوع من التعطيل لان انا ما بانقلش. ما بجبش وانقل انا بحرر - 00:05:30ضَ

وانا في ايام شبابي كان عندي مشروعات كثيرة كان عندي نهم كنت انام ساعتين تلاتة في اليوم واشتغل شغل يعني من حديد لحد عندي مشاريع يعني ابني ابن ماجة مسلا سد الحاجة الى ابن معين عند ست مجلدات - 00:05:50ضَ

لحد نهاية كتاب الطهارة بذل الاحسان تقديم سنة عبدالرحمن اتناشر مجلد لحد كتاب الجنائز عندي آآ كتاب آآ الكتاب اللي انا كملته يعتبر ماشي فيه كويس كتاب تنميل هاجت الى ما وقع من النظر في كتب الامازيغ كان طبع ست مجلدات من حوالي عدة سنوات. والان في المطبعة يمكن بعد آآ اسبوعين ولا حاجة. يطلع من سبعة لاتناشر - 00:06:07ضَ

ده تعقبات على العلماء الكبار. شرح علل ابن ابي حاتم جملة المستغيث بشرح علم الاحاديث. دي كلها من الاوراق القديمة ده آآ هيطلع كتاب الطهارة في ثلاث مجلدات المجلد اولاني صف والمجلد التاني والتالت ما زالوا في الصف. ده كله شغل قديم - 00:06:31ضَ

طبعا بعد ما جت قصة الفضائيات والكلام دهوت ما عادش الواحد قادر يعمل اي حاجة خلاص يعني انا عشان خاطر اهرب من الناس لازم اخلع الطربوش اللي انا لابسه ده - 00:06:51ضَ

هو ده اللي بيميزني. اول ما اخلع اقرع زيت الناس ما فيش حد يعرف الكلام ده. عشان اقدر اهرب من طبعا الناس فاكرة عشان انت تعرف الفضائيات يبقى انت وزير المالية وانت وزير الحربية - 00:07:00ضَ

وزير الداخلية وانت مش عارف اللي له از في الاسم واحد مسجون انت المفروض تطلعه. اللي عايز يجوز بنته المفروض تقف جنبه واللي عايز مش عارف ايه والكلام ده. فتنزل - 00:07:10ضَ

انزل من البيت اجد امة قدام البيت ده طالب مساعدة وده طالب دواء وده طالب مش عارف ايه وده طالب الكلام ده. طب انا النهاردة عشان اروح اصلي في المسجد - 00:07:20ضَ

آآ وارجع اقف مع دول ساعات يبقى فاضل على العصر مسلا نصف ساعة ما تلحقش تعمل حاجة اه تفتي يا دوب تفتح الكتب العصر بيدن عشان تنزل مرة اخرى عشان تلقى هؤلاء - 00:07:31ضَ

عشان انا يعني آآ اقدر اوفر وقتي احيانا انزل قبل الفرض بنصف ساعة وانا عارف بعض المساجد اللي بتقيم اول مساجد في البلد تقيم اصلي فيها وارجع الاقي النساء اللي ما علهمش جماعة قاعدين - 00:07:47ضَ

هو انا قعدت بقى ما ايه زي ما تقولي ايه يعني آآ واخد بالك فمش عارف الواحد يعمل ايه يعني يعني آآ فكرني بقصة المرأة اللي هي منكدة على جوزها وكده - 00:08:06ضَ

هو عرف انها ايه عشان يهرب منها فيطلع من الشغل يقعد على القهوة اروح الساعة اتنين بالليل تكون نامت فهي آآ فعلا قدر يومين تلاتة اربعة يعمل المسألة دي هي فهمت المزهب الجديد بتاعه. فكانت تنام له من بعد العشاء - 00:08:19ضَ

بحيس ازا جه الساعة اتنين تقوم فايقة بقى. ها فتقوم تتهجد بقى فيه. ها تقوم الليل فيه ما انتاش عارف تفلت لا من دي ولا من دي. حتى انني يعني آآ حاولت اتصل ببعض اهل العلم ممن يعني اثق في رأيهم. هل ممكن تسقط من علي - 00:08:38ضَ

ان انا مش قادر وقت رهيب وما تقدرش فيه ناس شبطة كده مهما تقول له مهما تنهره لا يمكن يترك ما يريد لازم ازهقك يعني هذا الضغط الشديد والكلام ده ما الذي يبقى لك - 00:08:56ضَ

من يومك لو انت ماشي بالنظام ده ما الذي يبقى لك من يومك فضلا عن ان الواحد رباه اسر طب بصوا انا مش زيكم انا قرموط ها اه يعني اه عندي اربع نساء والحمد لله وعندي اولاد اه كثر. وذاك اب كاب يعني كاب شف - 00:09:12ضَ

يهتم بالاولاد يشوف ده راح فين وده صلى ولا ما صلاش وده راح مش عارف ايه والكلام دهوت ده ممكن حياة الانسان تقف كلها على الاسرة انت شف لما تحط كل الكلام اللي انا بقوله بالمختصر يعني - 00:09:33ضَ

ما الذي يبقى لك من الوقت علشان تقدر تحرر عشان كده انا لا اجد مناصا من ان انا احيانا الغي آآ حلقة بالقناة الفضائية الغي حلقة الغي حلقتين بتاع الغي ساعات درس الغي خطبة جمعة عشان اقدر - 00:09:47ضَ

اشتغل عشان اقدر اطلع مشاريعي القديمة لان المشاريع القديمة كما لا يخفى يعني على اهل العلم اه مسودات لو انت مت الصبح ما فيش حد يعرف يطلع مشاريعك عشان كده انا ارى - 00:10:02ضَ

انه لا ينبغي ان يحاكم المؤلف على اخراج علمه بعد وفاته الكتب اللي اللي طبعت بعد وفاة الشيخ الالباني رحمة الله عليه آآ بخلاف الكتب التي نشرت في حياته. يعني صحيح ابي داوود اللي طبع حداشر مجلد. انا في حدود علمي ومطالعتي لكتب الشيخ لم ارى ان الشيخ في كتاب من - 00:10:17ضَ

بشر بقروب بقرب خروج هذا الكتاب ولا قال اعده للطبع ولا قال اهيئه للطبع ولا الكلام ده خالص النهاردة لما الكتاب ده يطلع بعد وفاة الشيخ ممكن يبقى المؤلف يقول اه البحس ده ضعيف - 00:10:37ضَ

انا هغيره بس انا اللي عارف البحس ما شطبتش عليه عشان ييجي اللي بعديه يقول ده شطب عليه فمش معتمد. لأ قلت ده هغيره بس ما غيرتوش لان انا عارفه - 00:10:52ضَ

مت قال لي بعديا شاف لا فيه شطب ولا بتاع والكلام ده اعتقد ان ده رأي الشيخ وقد يكون ينوي ان يغيره لا سيما اذا كان من مشاريعه القديمة قبل ما تستوي ملكته قبل ما يبقى عنده كتب كتير الكلام ده. فعارف ان الكتب التي الفتها - 00:11:01ضَ

وتعبت عليها كثيرا انها لو خرجت بعد وفاتي الاسهم والكلام الكتير اللي بالاحمر والاخضر والازرق والكلام ده مش هيعرف اللي ورايا يحط الكلام في مكانه وممكن يطلع الكلام مختل ابتديت احاول اخرج كتبي القديمة في حدود الوقت المتاح - 00:11:17ضَ

ودايما زي ما بقول لك بيطاردني مسألة ايه؟ انك لا تدري اي عملك المتقبل اللي الناس لما رجعت الى السنة بالفضائيات امم امم يعني الوف مؤلفة الانسان مش متصور او ما خطر بباله في يوم من الايام - 00:11:38ضَ

ان تكون هذه الثمرة بهذه الضخامة اللي احنا شايفينها بحيس ان الشباب الداعون الى الله عز وجل في الارياف والكلام ده خف من عليهم عبء كبير من مهاجمة العوام. كان زمان لما احنا كنا ندعوا العوام واقفين حائط صد - 00:11:55ضَ

ضدنا دلوقتي لأ بقوا بيحبوا المثل مشايخ وخلاص اللحية بقت هي علامة على السنة والشيخ ده طالما بيدعوا يبقى ده تبع الشيخ الفلاني والشيخ العلاني فخف ضغط على الشباب اللي بيدعوا في الارياف والكلام ده. فالحقيقة الناس رجع رجوعا حميدا جدا جدا. ونسأل الله عز وجل ان يبارك. فهو ده الحقيقة - 00:12:15ضَ

السبب اللي مخليني مش قادر ارجع لمشاريعي وان انا اكملها على النفس معلش انا يعني بسطت المسألة لاني كثيرا جدا ما اسئل وتصلني رسائل عتاب وان انا مش هكمل وان انا بفتح في ميت مشروع ما بقفلش ولا مشروع. انا فتحت في المشاريع دي كلها وانا شباب - 00:12:33ضَ

وانا شاب كان املي كبير وكان مجهودي كبير وكان عنده صحة الحمد لله والكلام ده. فكنت متصور اني هكمل. لكن آآ الله المستعان بارك الله فيك هذا - 00:12:52ضَ