Transcription
من دروس الفترة المكية من السيرة النبوية في الدرس اللي فات اتكلمنا عن بيعة العقبة الثانية البيعة الهامة جدا جدا. اللي مهدت لقيام دولة الاسلام في المدينة المنورة بعد ذلك - 00:00:00ضَ
شفنا قد ايه استعداد الانصار للبذل والعطاء والكفاح والجهاد وشفنا ازاي قبلوا الشروط الصعبة بتاعة بيعة العقبة الثانية مع انها فعلا فعلا شروط صعبة المهم تمت البيع العظيم ورجع الانصار لبلدهم يثرب. او المدينة المنورة - 00:00:14ضَ
وبدأوا يرتبوا اوضاعهم علشان يستقبلوا افواج المهاجرين من مكة واتكلمنا في الدرس اللي فات بردو عن بدء عملية الهجرة وهجرة معظم المسلمين في مكة الى المدينة المنورة. واتكلمنا عن صعوبة الهجرة وتضحياتها - 00:00:35ضَ
وعن كفاح الصحابة سواء من الرجال او من النساء كانت معاناة فعلا كبيرة وضخمة لكن الحمد لله تمت على خير ووصل المهاجر الى البلد العظيم المدينة المنورة لم يبق في مكة كما ذكرنا في اخر الدرس السابق الا الثلاثة فقط - 00:00:50ضَ
الرسول صلى الله عليه وسلم وابو بكر الصديق رضي الله عنه طبعا العائلة بتاعته. وعلي ابن ابي طالب رضي الله عنه وابو بكر وعلي رضي الله عنهما كانوا منتظرين في مكة بامر الرسول صلى الله عليه وسلم. كان كل واحد منهم له دور مهم هيعمله في المرحلة اللي جاية زي ما - 00:01:09ضَ
هنشوف ان شاء الله طبعا قريش كانت في ازمة كبيرة جدا جدا. كل يوم يصحوا يلاقوا واحد من المسلمين اختفى. او عائلة مسلمة اختفت كانوا يلاقوا فرع كامل من قبيلة مش موجود. الهجرة كانت بتتم في صورة سرية تماما. اللهم هجرة عمر ابن الخطاب زي ما - 00:01:28ضَ
قلنا في الدرس اللي فات وطبعا المشركين كانوا عارفين ان الهجرة كانت للمدينة المنورة. مش بس علشان كانوا شاكين في وفد يثرب اللي جه مكة قبل كده في موسم الحج سنة تلاتاشر - 00:01:50ضَ
زي ما قلنا لكن علشان في اخبار مؤكدة جت لقريش من المدينة المنورة عن طريق اعوان وحلفاء لهم تؤكد هجرة المسلمين الى بيأكد على كده اللي حصل مثلا من ابي جهل واخيه الحارث عملوا ايه؟ اخوه من الام كان اسمه عياش ابن ابي ربيعة رضي الله عنه وارضاه كان - 00:02:02ضَ
مسلم هاجر للمدينة المنورة زي بقية المهاجرين المسلمين. وابو جهل عرف الكلام ده. خد اخوه الحارس وسافر للمدينة المنورة مسافة خمسميت كيلو متر وعمل حيلة علشان يرجع عياش الى مكة. يعني اقنعه ان امه مريضة وان هي عايزة تشوفه قبل ما تموت. وفعلا - 00:02:22ضَ
العياش اخذته الرقة بالنسبة لامه ورجع مع الحارس ومع ابي جهل. وفي الطريق ايدوه بالحبال وخدوه مكة وهو مقيد قالوا لاهل مكة هكذا فافعلوا بسفهائكم. وفضلوا حابسينه في مكة فترة طويلة. الشاهد من القصة ان ابو جهل كان يعرف المهاجرين المسلمين بيروحوا - 00:02:42ضَ
بيروحوا المدينة المنورة. الحكاية ديت يا اخواني كانت عاملة قلق كبير جدا جدا في مكة في بعض الناس بتفتكر ان قريش خلاص هتستريح من المسلمين هيسيبوا البلد لهم. يعبدوا بقى زي ما يعبدوا ويحكموا زي ما يحكموا لكن لأ. المشركين يا اخواني - 00:03:02ضَ
كانوا على فقه كامل بخطورة الموقف اولا مكة ازمت نصين. الناس اللي هاجرت دي مش اغراب عن اهل مكة يا اخواني. ده كل واحد من زعماء قريش كان مهاجر اخوه - 00:03:19ضَ
او ابنه او بنته او حد من عيلته. وكل واحد جوة قلبه غيص كبير جدا جدا على الدين الجديد اللي عرضهم للمشكلة دية. وكل واحد منهم جواه برضه حب فطري لاولاده وقرايبه. وشايفهم بعدوا عنه. فدي كانت مشكلة كبيرة كان صعب ان اهل مكة يقبلوا بها. الحاجة التانية - 00:03:33ضَ
المهمة جدا والخطيرة ان دعوة الاسلام ديت لو انتشرت في الجزيرة العربية قريش ممكن تفقد كتير جدا جدا من وضعها في الجزيرة ليه؟ قريش بتكسب كتير جدا من تجارة الحج الى مكة ومن تجارة بيع الاصنام - 00:03:53ضَ
اه دين الاسلام هو كمان بيشجع الحج الى مكة لكن تجارة الاصنام هتقف وتجارة الخمور هتقف وتجارة الزنا هتقف وتجارة الربا هتقف مصالح مصالح كتير جدا هتقف لاهل مكة كلها هتتعطل لو انتشرت دعوة الاسلام في الجزيرة العربية. الحاجة التالتة خطيرة جدا جدا - 00:04:09ضَ
مشركين كانوا فاهمين كويس قوي قوي ان المسلمين راحوا المدينة مش لمجرد تغيير الجو او عشان يقضوا فترة راحة او استجمام؟ لأ طبعا. المسلمين رايحين يعملوا دولة اسلامية يا اخواني. لو عملوا الدولة ديت لازم هيرجعوا مكة تاني في يوم من الايام. ولما يرجعوا مكة مش هيرجعوا مكة علشان يسكنوا - 00:04:29ضَ
لأ هيرجعوا علشان يحكموا مكة. المنطق بيقول كده. طبيعة الدين الاسلامي بتقول كده. الرسول صلى الله عليه وسلم قعد مكة تلتاشر سنة يفهمهم قضية مهمة جدا. يفهمهم قضية ان الحكم الا لله. مؤكد المسلمين مش هيرضوا - 00:04:49ضَ
اهل مكة يفضلوا يحكموا هبل او انصار هبل في حياتهم. لازم هيرجعوا يحكموا الاله اللي بيعبدوه. الله عز وجل في امور مكة وبالتالي يحكموا مكة وطبعا ده كان مرعب لزعماء قريش. الحاجة الرابعة اللي كانت برضو مخوفة كفار قريش جدا جدا. ان الهجرة - 00:05:09ضَ
ديت مش لاي مكان لأ دي للمدينة المنورة ليثرب. يثرب ديت وضعها خاص جدا جدا. في اعتقادي ان ده اكتر مكان يزعل المشركين ان الهجرة تكون له. سبحان الله! ليه؟ يثرب يا اخواني وضعها خطير جدا بالنسبة للمشركين في مكة. شف معي النقط دي. واحد - 00:05:29ضَ
سكان يثرب هم الاوس والخزرج. قبائل من اعز القبائل العربية. من اقوى القبائل العربية في الحرب واشدها في ممارسة فنون القتال المختلفة وجايز اللي ما كانش عامل لهم كلمة كبيرة مسموعة في الجزيرة العربية هم انهم دايما كانوا في مشاكل داخلية. صراع مستمر بين الاوس والخزرج - 00:05:49ضَ
لو حصل اتحاد بين القبيلتين دولت القابيلتين الكبار دولة الاوس والخزرج هتبقى مشكلة حقيقية على بقية القبائل. نمرة اتنين في خطورة يثرب ان الاوس والخزرج من اصول قحطانية. بينما قريش من اصول عدنانية. فرع تاني خالص مختلف عن القحطانيين - 00:06:12ضَ
وانتم عارفين القبلية كانت عاملة ازاي في ايام الجاهلية؟ اذا كانت القبلية جوة الفروع المختلفة لقريش كانت كبيرة جدا جدا زي ما شفنا خلاف بني هاشم مع بني مخزوم. والاتنين في الاخر من قريش. ما بالك لو الموضوع مختلف تماما. قحطاني وعدناني. نمرة تلاتة في قضية خطورة المدينة - 00:06:32ضَ
منورة ان المدينة المنورة حصينة جدا جدا. حصلتها يا اخواني حصانة جغرافية طبيعية. زي ما هنشوف ان شاء الله في دروس المدينة المنورة. فلو فكرت قريش في يوم من الايام انها تغزو المدينة هيكون فعلا قرار صعب. الحاجة الرابعة والخطيرة جدا جدا في موضوع المدينة ان المدينة تقع على طريق القوام - 00:06:52ضَ
التجارية المتجهة من والى الشام. شيء في منتهى الخطورة يا اخواني. المدينة المنورة تقدر تخنق مكة اقتصاديا. تخنقها فعلا الكلام ده طبعا هتستوعبوا خطورته لما تعرفوا ان مكة كانت بتتاجر بربع مليون دينار دهب سنويا مع الشام. تجارة مهولة ربع مليون - 00:07:12ضَ
دينار دهب. تخيل في الزمان ده تساوي قد ايه! هذه يا اخواني كانت رحلة الشتاء. موسم الشتاء كله كان تجارة مع الشام. واخر حاجة هقولها في التحليل ده بالنسبة للمدينة المنورة وكانت مخوفة قريش جدا جدا ان فوق كل اللي فات في حاجة مرعبة بالنسبة لاهل - 00:07:32ضَ
وهي انهم عارفين ان اليهود ساكنين في المدينة المنورة. اليهود طبعا اهل السلاح ومال واقتصاد واعداد غفيرة المتعددة ماذا لو امن اليهود وانضموا الى رسول الله صلى الله عليه وسلم؟ طبعا دي بالنسبة لقريش كانت هتبقى مصيبة كبيرة جدا - 00:07:52ضَ
الحقيقة يا اخواني العقل كان يرجح اسلام اليهود. لانهم اهل كتاب. ويؤمنون بالانبياء. وكانوا عارفين ان في نبي هيظهر في الزمن ده قريش كانت عارفة الكلام ده عن اليهود. الاعتقاد ده كان مخاوفها جدا. لولا ان اليهود ما كانش عندهم عقل. هو ده بس اللي خلاهم ما يخشوش في الدين - 00:08:12ضَ
نتيجة العوامل السابقة المدينة المنورة كانت بتسبب خطر كبير جدا على زعماء مكة. كل الحاجات ديت خلت قريش فعلا مش عارفة تنام مش عارفة تعمل حاجة. المسلمين كلهم تقريبا اتسربوا من بين ايديهم. وما عدش فاضل غير الرسول صلى الله عليه وسلم. واتنين بس من اصحابه. ابو بكر - 00:08:32ضَ
وعلي رضي الله عنهما طيب المشركين يعملوا ايه؟ ما عدش فاضل غير ان الرسول صلى الله عليه وسلم يهاجر بنفسه وساعتها كل المشاكل اللي خايفين منها هتحصل. لكن من المؤكد ان ما فيش خطورة هتكون على مكة والرسول لسة فيها. ليه ؟ لان اكيد المهاجرين اللي هاجروا من - 00:08:52ضَ
المدينة واكيد برضو المؤمنين من الاوس والخزرج هيستنوا الرسول صلى الله عليه وسلم في المدينة علشان يضمنوا سلامته من ناحية وعلشان من ناحية تانية ياخد القرار بالهجوم على مكة لو كان هيهجم عليها. فلو قدر المشركين يسيطروا على الرسول صلى الله عليه وسلم يبقى خطر يثرب هيقل كتير جدا جدا - 00:09:12ضَ
لكن ازاي يسيطروا على الرسول صلى الله عليه وسلم؟ يعني يعملوا ايه يعني؟ قبيلة بني هاشم قبيلة كبيرة عزيزة يا اخواني. وهيكون صعب انهم يدخلوا في حرب او صراع. طيب يعملوا ايه؟ مشكلة. زعماء مكة نتيجة هذه الحيرة قرروا يعملوا اجتماع طارئ. لازم يشوفوا حل. فعملوا - 00:09:32ضَ
قالوا فعلا اجتماع مهيب. الكلام ده كان في يوم الخميس ستة وعشرين سفر من السنة الرابعة عشرة من البعثة. الاجتماع كان اخطر اجتماع في تاريخ دار الندوة. تقريبا حضره ممثلون عن كل القبائل القرشية. طبعا ما عدا قبيلة بني هاشم - 00:09:52ضَ
حاضر في الاجتماع ده مثلا ابو جهل ابن هشام عن قبيلة بني مخزون حضر شيبة ابن ربيعة وعتبة ابن ربيعة وابو سفيان ابن حرب كلهم عن قبيلة بني عبد شمس حضر النضر ابن الحارث عن بني عبد الدار حضر امية بن خلف عن بني جمح وغيرهم كتير. تقريبا كل فروع قريش حضرت - 00:10:12ضَ
الاجتماع من غير بني هاشم زي ما قلنا. والجميع طبعا كان من قريش ما كانش مسموح لاي قبيلة غير قريش ان هي تحضر او تدخل اصلا دار ندوة. وعلى فكرة بمناسبة دخول الناس لدار الندوة ما فيش اي دليل صحيح على قصة الشيخ المجدي اللي ابليس اتمسل في صورته وحضر معهم - 00:10:32ضَ
اجتماع هو اصلا يا اخواني شياطين الانس في مكة ما كانوش محتاجين شياطين الجن. المهم بدأ الاجتماع الخطير وطرحوا المشكلة اللي هم فيها وبدأوا يشوفوا اراء الحضور. الطائفة المعتدلة من زعماء مكة كانوا شايفين انه كفاية نحبس الرسول صلى الله عليه وسلم - 00:10:52ضَ
او ننسيه خارج مكة. لكن اليمين المكي المتطرف كان شايف غير كده. كان شايف ايه؟ قال احدهم لعله ابو جهل قال لابد من قتل هذا الرجل. لابد من قتل هذا الرجل - 00:11:12ضَ
الحقيقة يا اخواني الفكرة ديت كانت عاجباهم جدا لكن ما كانش حد عنده الجرأة انه ينطق بها. بنو هاشم قبيلة قوية. ومين هيضحي بنفسه وقابلته علشان يقف قدام بني هاشم. لكن سبحان الله خرج عليهم ابو جهل بفكرة شيطانية. وهي ان يختاروا من كل قبيلة في مكة - 00:11:29ضَ
شابا قويا فيحاصرون بيت رسول الله صلى الله عليه وسلم. ثم يضربونه ضربة رجل واحد فيتفرق دمه بين القبائل طبعا القصة مشهورة معروفة ساعتها ايه اللي هيحصل؟ لا تجد بنو هاشم امامها حلا الا قبول الدية. لانهم طبعا مش يقدروا يحاربوا كل - 00:11:49ضَ
ففعلا يا اخواني فكرة شيطانية. وعلشان الديموقراطية تتم ابو جهل سأل موافقون قالوا موافقون. المهم قال الله عز وجل في كتابه الكريم يصف هذا الحدث قال واذ يمكر بك الذين كفروا ليثبتوك يثبتوك يقيدوك او يحبسوك. او يقتلوك او - 00:12:09ضَ
اخرجوك ويمكرون ويمكر الله. والله خير الماكرين. هذه الافكار التي ظهرت في دار الندوة وهذه التدبيرات يا اخواني كلها تقع تحت كلمة ويمكرون. تعالوا نشوف الجزء المقابل. تعالوا نشوف ويمكر الله. والله خير الماكرين. نزل جبريل عليه السلام - 00:12:29ضَ
الى رسول الله صلى الله عليه وسلم يقتله بامر هذه الجريمة. وقال له لا تبت في فراشك الليل وامره بالهجرة. الرسول عليه الصلاة والسلام سأل خلي بالك قال من يهاجر معي؟ قال قال جبريل ابو بكر الصديق يا الله! يعني صحبة الصديق - 00:12:49ضَ
لرسول الله صلى الله عليه وسلم كانت بامر من الله عز وجل. درجة عالية جدا جدا للصديق رضي الله عنه وارضاه. وبدأ صلى الله عليه وسلم بسرعة يرتب لعملية الهجرة وبالذات انه عرف ان المشركين ناويين يقتلوه في الفجر من اليوم التاني. يعني فجر يوم الجمعة - 00:13:09ضَ
سبعة وعشرين سفر سنة اربعتاشر من النبوة. والرسول عرف بالموضوع ده في وقت الضحى من يوم الخميس ستة وعشرين سفر. يعني في نفس التوقيت اللي حصل فيه الاجتماع. طيب يعمل ايه؟ المفروض يبلغ الصديق رضي الله عنه وارضاه ويرتب معه موضوع الهجرة. ولازم كل شيء - 00:13:29ضَ
يكون في سرية تامة وما حدش من قريش ياخد باله ان الرسول عرف اصلا بموضوع جريمة القتل. عشان ما حدش ياخد احتياطه ويقدمه ميعاد القتل لرسول الله صلى الله عليه وسلم. وبعدين في مشكلة كبيرة جدا كان بيفكر فيها الرسول صلى الله عليه وسلم. يا ترى ابو بكر هيكون جاهز للسفر مباشرة - 00:13:49ضَ
في اليوم التاني ده جبريل بيقول له هاجر على طول في نفس اليوم ده. يا ترى هيكون عامل حسابه ومرتب نفسه ولا هيحتاج وقت؟ خلي بالكم يا اخواني ده مش بيقول له تعال نسافر يوم ولا اتنين ولا تلاتة لأ ده بيقول له تعالى نهاجر نهاجر نسيب كل حاجة ومش عارفين هنرجع امتى - 00:14:09ضَ
جايز ما نرجعش خالص جايز تموت في المدينة المنورة. وبعدين ده هياخده من غير عيلته. يعني هيسيب بناته واولاده وابوه وامه. طبعا دي مشكلة كبيرة جدا ده بالنسبة للصديق. لكن فيه مشاكل تانية قدام الرسول صلى الله عليه وسلم. قريش هتكتشف هجرة الرسول لا محالة. ان اجلا او عاجلا. طيب - 00:14:29ضَ
ازاي يعطل المطاردة المشركة له؟ ازاي يعطل المشركين انهم يطاردوه؟ ازاي يهرب منهم والكفار كلهم عارفين انه مش سافر للمدينة المنورة عارفين نفس الاتجاه اللي هيمشي فيه دي كلها كانت مشاكل قدامه عايز يعطل قريش ولو حتى كم ساعة بحيس يعرف يتصرف في - 00:14:49ضَ
طريق الهجرة دي كلها كانت مشاكل قدام الرسول صلى الله عليه وسلم. وفوق ده كله كان عنده امانات كتيرة جدا شايلها اهل مكة عنده. كان عامل كده زي البنك بالنسبة لهم بس من غير فوايد ولا ربا يعني. كان بيحفز لهم امانتهم وفلوسهم. ومع ان اهل مكة سبحان الله مشركين ورافضين للاسلام - 00:15:09ضَ
الا انهم ما كانوش لاقيين حد في مستوى امانة الرسول صلى الله عليه وسلم. فكانوا بيحطوا امانتهم عنده مع حربهم المستمرة لرسول الله صلى الله عليه وسلم والله يا اخواني من اعاجيب الزمان. المهم دي كانت مشاكل قدام الرسول صلى الله عليه وسلم وكان لازم يشوف لها حل بسرعة. الرسول صلى الله عليه وسلم - 00:15:29ضَ
ما ضيعش وقت. اول حاجة فكر ان هو يروح للصديق رضي الله عنه. وبعدين لقى انه من الافضل انه يروح له وقت الظهيرة. ما يروحش دلوقتي في الضحى يروح وقت الظهيرة لان شوارع مكة بتبقى فاضية في الوقت ده. وما حدش هيشوفه لو هو راح في وقت الظهيرة - 00:15:49ضَ
وفي نفس الوقت هو ما كنش متعود يروح للصديق في الوقت ده. فهيبقى ادعى للتخفي انه يروح له في وقت الناس متعودة انها ما تشوفش الرسول عليه الصلاة والسلام رايح - 00:16:07ضَ
صديق فيه الحاجة التانية فكر الرسول صلى الله عليه وسلم ان هو يكلف سيدنا علي بن ابي طالب رضي الله عنه للمهمتين كبار جدا جدا. المهمة الاولى هي ان ينام في فراش الرسول صلى الله عليه وسلم في هذه الليلة ويتغطى ببردة رسول الله صلى الله عليه وسلم. ليه الكلام ده؟ عشان اذا جاء - 00:16:17ضَ
مشركون ونظروا من ثقب الباب يلاقوا واحد نايم ومتغطي ببردة الرسول صلى الله عليه وسلم فيفتكروه ان هو الرسول ويتأخروا في الجري ورأى الرسول او في ملاحقة الرسول صلى الله عليه وسلم في قضية الهجرة. يعني عملية تمويه واخفاء لرسول الله صلى الله عليه وسلم. المهمة التانية - 00:16:38ضَ
لسيدنا علي ابن ابي طالب هي رد الامانات الى اصحابها. وبعد ما يخلص رد الامانات يبقى يهاجر للمدينة المنورة وحده بعد كده. يبقى ده اللي فكر فيه الرسول صلى الله عليه وسلم وبدأ التنفيز في الخطة بسرعة جدا. خرج فعلا في الظهيرة واتجه لبيت الصديق رضي الله عنه. وزيادة في - 00:16:58ضَ
فان رسول الله صلى الله عليه وسلم غطى رأسه ببعض الثياب. ووصل لبيت الصديق من غير ما حد يشوفه فعلا. الصديق يا اخواني استغرب جدا جدا ان الرسول جاء له في هذا الميعاد الغريب اول مرة يجي له في الميعاد ده. قال فداء له ابي وامي. والله ما جاء به في هذه الساعة - 00:17:18ضَ
الا امر خلي بالك لحد دلوقتي الصديق ما يعرفش انه هيهاجر مع الرسول صلى الله عليه وسلم. وان الهجرة النهاردة بالليل في نفس اليوم اللي جه فيه الرسول صلى الله عليه وسلم سبحان الله استأذن الرسول صلى الله عليه وسلم فاذن ابو بكر له. فدخل فوجد مع ابي بكر اهله فقال له - 00:17:38ضَ
اخرج من عندك. الرسول بيقول للصديق اخرج من عندك. يعني الزيادة في الحذر. فقال الصديق انما هم اهلك بابي انت يا رسول الله يعني ما تخافش منهم. فقال الرسول صلى الله عليه وسلم فاني قد اذن لي في الخروج. الهجرة يعني. فانا عايز - 00:17:58ضَ
تشوف وتركز معي في اول رد فعل للصديق رضي الله عنه وارضاه اول حاجة كانت شاغلاه انه يكون مع الرسول صلى الله عليه وسلم. هو مش متخيل يا اخواني ان ممكن يبعد عن الرسول صلى الله عليه وسلم ولو للحظات - 00:18:18ضَ
اول حاجة قالها ابو بكر لما عرف ان الرسول هيهاجر قال الصحبة. الصحبة بابي انت يا رسول الله. خدني معك سبحان الله. اوعى سبني دي بالنسبة له كانت كارسة ان الرسول صلى الله عليه وسلم يسيبه. فقال الرسول صلى الله عليه وسلم نعم. نعم الصحبة. يا - 00:18:35ضَ
اخواني ويا اخواتي فرحة الصديق بانه سيصحب رسول الله صلى الله عليه وسلم في هذه الرحلة كانت لا توصف. كانت فعلا لا توصف لم يتمالك نفسه من شدة الفرح. عمل ايه؟ بكى رضي الله عنه وارضاه. بكى فعلا. تقول السيدة عائشة رضي الله عنها - 00:18:55ضَ
فلم اكن ادري ان احدا يبكي من شدة الفرح حتى رأيت ابا بكر يبكي هذا مع الخطورة المعروفة يا اخواني في هذه الرحلة. هذا الفرح الشديد مع الخطورة الشديدة في هذه الرحلة. لا شك ان الصديق رضي الله عنه كان يقدر - 00:19:15ضَ
خطورة الموقف لا شك انه كان يعلم انه سيكون من المطلوبين بعد ذلك. وقد يقتل. لكن كل ذلك اخواني كل ذلك لم يؤثر في مطلقا. الحاجة الوحيدة اللي كان بيفكر فيها انه يكون مع الرسول صلى الله عليه وسلم. هو يحب الرسول صلى الله عليه وسلم حبا لا يوصف فعلا. تهون كل - 00:19:33ضَ
المصاعب ويبقى الى جوار الرسول صلى الله عليه وسلم. سبحان الله! قبل الرسول صلى الله عليه وسلم ما يسأل هنهاجر ازاي؟ قال الصديق رضي الله عنه وارضاه فخذ بابي انت يا رسول الله احدى راحلتي هاتين. ايه ده! سبحان الله! شيء عجيب جدا - 00:19:53ضَ
الصديق من غير ما الرسول صلى الله عليه وسلم يقول له انه هيهاجر معه كان مجهز راحلتين. احتمال مجرد احتمال ان يقول له تعال نهاج سوا. فاخد الرسول صلى الله عليه وسلم الراحلة ولكنه قال للصديق بالثمن يعني دفع ثمن الراحلة - 00:20:13ضَ
للصديق رضي الله عنه وسبحان الله احنا كنا لسة من شوية بنقول يا ترى هنلاقي الصديق جاهز لهذا السفر المفاجئ الطويل جدا جدا لقينا الصديق عنده استعداد نفسي كامل كامل للرحيل وترك الديار والبلاد. يا اخواني لا شك ان الصديق كان انسان وكان تايه - 00:20:33ضَ
وكان اب وكان زوج وكان كذا وكذا وكذا زي اي واحد فينا. لا شك ان عنده حاجات كتير جدا تشغله وتعطله زي اي انسان لكن سبحان الله كان الصديق رضي الله عنه وارضاه يعطي للعمل لله عز وجل القدر الحقيقي. علشان كده كان بيعرف يلاقي وقت ويلاقي - 00:20:53ضَ
لانه فعلا عايز ينفز اللي ربنا قاله واللي الرسول صلى الله عليه وسلم امر به. هو ده الانسان اللي عايش فعلا للاسلام يا اخواني الصديق رجل يعيش للقضية الاسلامية. حياته كلها في خدمة هذا الدين. اوراقه كله يا اخواني مرتبة لمصلحة - 00:21:13ضَ
الاسلام. الاولويات عنده واضحة جدا جدا. ودي من اهم الدروس والله اللي ممكن نتعلمها من الصديق. رضي الله عنه وارضاه. اننا نحط الاسلام واجبات الامة في المرتبة الاولى من اولوياتنا دايما. وقعد الرسول صلى الله عليه وسلم مع ابي بكر الصديق رضي الله عنه يخطط - 00:21:33ضَ
قال لامر الهجرة. الحقيقة حطوا خطة بارعة متقنة بذلوا فيها كل طاقة وفكر عملوا حساب لحاجات كتير جدا جدا علشان تطلع الخطة في الاخر بالصورة الجميلة اللي هنتكلم عنها دلوقتي - 00:21:53ضَ
ايه هي عناصر الخطة ديت؟ تعالوا نشوف. اولا الرسول مش هيبات في بيته الليلة ديت. هيخرج من بيته في اول الليل. وهيسيب علي رضي الله عنه وارضاه نايم في السرير بتاعه. ويجي يقعد في بيت الصديق علشان يتجنب الحصار اللي ممكن يتفرض على بيت الرسول صلى الله عليه وسلم - 00:22:08ضَ
هو عارف ان ميعاد القتل هيكون على الفجر. فعايز يسيب البيت قبل الفجر علشان يفوت الفرصة على المشركين. يبقى دي اول حاجة الحاجة التانية سيبقى رسول الله صلى الله عليه وسلم في بيت الصديق رضي الله عنه وارضاه جزءا من الليل. يعني مش هيهاجروا على طول. لأ هيستنوا الى ان - 00:22:28ضَ
ان تهدأ الحركة في مكة تماما. ساعتها هياخدوا الراحلتين وينطلقوا من بيت الصديق رضي الله عنه. الحاجة التالتة انهم مش هيخرجوا من باب بيت الصديق لأ هيخرجوا من فتحة في خلف البيت. لانه ابنه محتمل تكون فيه مراقبة على باب بيت الصديق. المشركين طبعا - 00:22:48ضَ
جايز يتوقعوا ان الصديق رضي الله عنه وارضاه وهو الصاحب الاول لرسول الله صلى الله عليه وسلم ان هو يهاجر معه. فاحتمال يحطه مراقبة على باب بيت الصديق. فيخرج من خلف البيت مش من امام البيت. رابعا المدينة لها طريقين من مكة. واحد معروف وسهل وقصير نسبيا. والتاني - 00:23:08ضَ
وعر صعب جدا وطويل غير مألوف. لا يعرفه كثير من الناس. الرسول صلى الله عليه وسلم فكر ان هو يهاجر من الطريق الصعب ده طريق ساحل البحر الاحمر اه هو طويل مش صعب لكن ما حدش كتير من اهل مكة يعرف الطريق ده. ما حدش متعود عليه. فهتكون فرصة الهجرة بامان في هذا الطريق اكبر. يبقى - 00:23:28ضَ
كانت النقطة الرابعة في خطة الرسول صلى الله عليه وسلم مع الصديق رضي الله عنه. النقطة الخامسة لازم يستأجروا دليل ييجي معهم في الرحلة الصعبة ديت لان الطريق غير معروف. الضياع يا اخواني في الصحراء امر خطير. والدليل مفروض يكون عنده خبرة وامين. وفي نفس الوقت لا يشك - 00:23:51ضَ
يشركون في امره. وسبحان الله الرسول صلى الله عليه وسلم والصديق اتفقا على دليل اسمه عبدالله بن اريقة. سبحان الله هذا الدليل يا اخواني من المشركين. تخيلوا! هذا في منتهى الذكاء - 00:24:11ضَ
المشركون لن يشكوا مطلقا في امري. وهو في ذات الوقت رجل امين يكتم السر. وهو رجل في النهاية اخواني صاحب مصلحة. هيؤدي مهمة وهياخد عليها اجر واكيد اجر كان مكسي. فديت كانت النقطة الخامسة. النقطة الساتة برضو الرسول صلى الله عليه وسلم قرر انه في اول الهجرة - 00:24:26ضَ
يتجه الى الجنوب. سبحان الله! يعني في اتجاه اليمن مش في اتجاه المدينة المنورة. لمسافة خمسة اميال. يعني تمانية كيلو متر مشوار ضخم مسافة كبيرة جدا. طبعا ده للتمويه لان المشركين اذا افتقدوا الرسول صلى الله عليه وسلم هيدوروا عليه فين؟ لا شك انهم سيطلبونه في اتجاه - 00:24:46ضَ
المدينة وليس في اتجاه اليمن. العنصر السابع في الخطة ديت انهم هيروحوا الاول الى غار ثور في جنوب مكة. غار ثور غار في جبل عالي الطريق صعب جدا له. وهيقعدوا في الغار ده تلات تيام كاملة. تلات تيام وبعدها يتحركوا للمدينة لما - 00:25:06ضَ
فيفقد اهل مكة الامل في العثور عليه. وكمان هيسيبوا الراحلتين مع عبدالله بن اريقة. الدليل علشان ما حدش يشوفهم جنب الغار ما راحلتين جنب الغار. وعبدالله بن اريقط هيبقى يقابلهم بعد كده عند الغار بعد تلات تيام. يبقى ديت كانت النقطة السابعة. النقطة التامنة - 00:25:26ضَ
الرسول صلى الله عليه وسلم محتاج يعرف ايه الوضع جوة مكة تحركات زعماء مكة. الوضع العام في مكة. فلازم حد يجيب لهم الاخبار في الغار كل يوم يا اخواني لازم حد يجيب الاخبار علشان يعجلوا الخطة لو حصل شيء مخالف للي هم مرتبينه. اتفق الرسول صلى الله عليه وسلم مع الصديق - 00:25:46ضَ
رضي الله عنه ان اللي هيقوم بدور المخابرات ده هو عبدالله بن الصديق رضي الله عنهما. هيقعد في مكة طول النهار. وبعدين هييجي الغار في اول الليل وهيقعد معهم في الغار طول الليل يقول لهم على الاخبار اللي جوة مكة. وبعدين يرجع مكة قبل الفجر. ويبات جوة مكة وبعدين يصحى - 00:26:06ضَ
الصبح يوري نفسه للناس يقف قدام الناس الناس كلها تشوفه علشان يفتكروا ان هو كان بايت في مكة ما كانش بايت برة مكة. يبقى ده كان دور المخابرات هيقوم عبدالله بن الصديق رضي الله عنهما. النقطة التاسعة في الخطة سيقوم عامر بن فهيرة رضي الله عنه. مولى الصديق رضي الله عنه - 00:26:26ضَ
وارضاه. طبعا هو كان مولاها هو اعتقه. سيقوم بدور التغطية الامنية لهذه العملية. يعني هيعمل ايه؟ هيرعى الاغنام على اثار اقدام الرسول صلى الله عليه وسلم واقدام الصديق رضي الله عنه. وبعدين بعد كده فوق اقدام عبدالله بن ابي بكر رضي الله عنهما. ليه؟ عشان يضيع فرصة - 00:26:46ضَ
تتبع اسار الاقدام على قد ما يقدر. وديت طبعا حاجة في منتهى الروعة. يعملوا تمويه عن الطريق اللي هم مشيوا فيه. مع انهم ماشيين في اتجاه الجنوب وممكن يقولوا ما حدش هيعتقد ان احنا ماشيين في اتجاه الجنوب لكن برضه واخدين الحذر في هذه النقطة. العنصر العاشر والاخير في هذه الخطة - 00:27:06ضَ
كان مهم جدا جدا. مين هيجيب لهم الطعام والشراب فترة التلات تيام بتاعة غار سور؟ اختاروا السيدة اسماء بنت الصديق رضي الله وعنهم. طب اشمعنى السيدة اسماء رضي الله عنها؟ لانه ما حدش هيشك في امرها ابدا. وبالذات يا اخواني انها كانت حامل. تخيلوا! وفي - 00:27:26ضَ
الاخيرة من حملها. طبعا المشركين ممكن يكونوا عاملين مراقبة على اولاد الصديق الرجال. لكن صعب يكونوا عاملين مراقبة على النساء. مش متعودين النساء تقوم بمثل هذه الادوار وخليكم فاكرين بنتكلم من الف وربعمية سنة سابقة. وتخيل معي كيف لامرأة حامل في شهورها الاخيرة - 00:27:46ضَ
ان تحمل الطعام والشراب وتسير به مسافة ثمانية كيلو مترات. تخيلوا! تمانية كيلو من مكة لحد غار سور ثم تصعد الجبل الصاع الذي به غار ثور. وتفعل ذلك يا اخواني تلات تيام متواصلة. تلات تيام. ما تستغربوش يا اخواني - 00:28:06ضَ
يا اخواتي خليكم فاكرين ان هي بنت الصديق رضي الله عنه ورضي الله عنها. يبقى ده كان العنصر العاشر في هذه الخطة النبوية الصديقية. وواضح طبعا ان هو مبذول فيها جهد ضخم جدا. ومترتب فيها لكل صغيرة وكبيرة. خطة فعلا رائعة. رجع الرسول - 00:28:26ضَ
صلى الله عليه وسلم لبيده. وبدأ يجهز نفسه ونادى سيدنا علي رضي الله عنه كان ساعتها عنده تلاتة وعشرين سنة. فهمه على الدور بتاعه كويس هينام في سرير الرسول صلى الله عليه وسلم طول الليل وهيتغطى بالبرج الاخضر بتاع الرسول صلى الله عليه وسلم. وفي نفس الوقت لما يصحى الصبح يبقى يرجع الامانات لاصحابها. استنى الرسول - 00:28:46ضَ
صلى الله عليه وسلم في البيت لحد الليل. وبعدين في اول الليل فكر يخرج من البيت ويروح للصديق زي ما هم متفقين. جه يخرج سبحان الله! اكتشف ان المشركين جم بدري عن الميعاد اللي هو كان فاكره. لقى المشركين يحاصرون البيت تماما. مشكلة. ماذا يفعل الرسول صلى الله عليه وسلم - 00:29:06ضَ
في هذا الموقف الحرج. عشرات السيوف يا اخواني يا اخواتي تحيط بالبيت. والقرار ليس الحبس والمحاكمة ابدا. لقد صدر القرار فعلا بالقتل. وهم جايين ينفزوا دلوقتي. طيب يعمل ايه الرسول صلى الله عليه وسلم؟ يخرج ازاي؟ سبحان الله! جبريل عليه السلام نزل - 00:29:26ضَ
بسرعة مباشرة الى رسول الله صلى الله عليه وسلم. نجدة ربانية. قال اخرج وسط المشركين. اخرج قدام الناس كلها. ما فيش مشكلة كلهم مفتحين عنيهم لكن ما حدش هيشوفك. سبحان الله! ربنا سبحانه وتعالى هياخد ابصارهم. ستعمل ابصاره. كما - 00:29:46ضَ
عميت قبل ذلك البصائر وخرج الرسول صلى الله عليه وسلم قدام كل الناس. خرج في ليلة سبعة وعشرين من سفر سنة اربعتاشر من النبوة. خرج وهو يقرأ صدر سورة ياسين من اولها الى قوله عز وجل وجعلنا من بين ايديهم سدا ومن خلفهم سدا فاغشيناهم - 00:30:06ضَ
فهم لا يبصرون. مش بس كده. ده الرسول صلى الله عليه وسلم اخد حفنة من التراب. ووضع جزءا منها على رأس كل مشرك سبحان الله! علشان يقول لهم اوعوا تكونوا فاكريني كنت بايت برة البيت. لأ. انا كنت جوة وطلعت قدامكم وانتم مش شايفين. وانطلقوا الرسول - 00:30:29ضَ
وسلم لبنت الصديق رضي الله عنه وارضاه علشان الجزء الاول من الخطة يتم بنجاح بحمد الله كان ممكن الموقف ده يا اخواني كله ما يحصلش. كان ممكن الرسول يخرج قبل ما ييجي المشركين. لكن اللي حصل ده لاثبات ان الامر كله - 00:30:49ضَ
بيد الله عز وجل وانه دون توفيق الله عز وجل لا يتم امر من الامور. وطبعا ظهرت المعجزة الظاهرة الواضحة في نصرة رسول الله صلى الله عليه وسلم. وصل الرسول صلى الله عليه وسلم لبيت الصديق رضي الله عنه. وقعد عنده لحد نص الليل. زي ما الخطة بتقول - 00:31:06ضَ
وبعدين خرجوا من الباب الخلفي للبيت. وتسللوا من مكة. واتجهوا فعلا في الطريق اللي كانوا محددينه. اتجهوا جنوبا الى غرسوا تمانية كيلو متر من مكة. مشوار برضو - 00:31:26ضَ