Baheth

بسم الله الرحمن الرحيم. الحمد لله رب العالمين. والصلاة والسلام على اشرف المرسلين. محمد واله نادينا المهتدين وكل من دعا بدعوته الى يوم الدين. اما بعد فان اصدق الحديث كتاب الله تعالى وخير الهدي هدي - 00:00:02ضَ

سيدنا محمد صلى الله عليه وسلم. وشر الامور محدثاتها وكل محدثة بدعة. وكل بدعة ضلالة. وكل كل ضلالة في النار نجانا الله واياكم من النار وما قرب اليها من قول او عمل. ثم اما بعد ايها المسلمون يقول الله - 00:00:22ضَ

الله عز وجل ان الدين عند الله الاسلام. الاسلام هو الدين الوحيد. هذه الاية الكريمة تقوم على اساس توحيد الدين لله عز وجل بمعنى ان الدين الحقيقي الذي لا شك فيه - 00:00:42ضَ

انما هو الاسلام. لما كيكون هذا التعبير العربي في القرآن الكريم او في غيره. بهاد الدين ان الدين بمعنى كل الدين او استغراق حقيقة الدين بمعنى ان الدين الحقيقي الصادق الديني - 00:01:02ضَ

الذي هو دين الله عز وجل الذي لا يقبل الا اياه انما هو الاسلام. بمعنى ان الدين كامل الحق هو وحدو فقط الإسلام وما دون الإسلام شي حاجة ماشي الإسلام راه ماشي دين ولذلك قال عز وجل - 00:01:22ضَ

ومن يبتغي غير الاسلام دينا فلن يقبل منه. وهو في الاخرة من الخاسرين. اللي مشى بغى يتدين بشي من غير دين الاسلام مغاديش يقبلو الله عز وجل منو يوم القيامة فهو خاسر في ميزان الله عز وجل وانما - 00:01:42ضَ

الناجح هو الانسان المسلم الذي اسلم حقيقة لله عز وجل ولكن المشكلة لي حاصلة فهاد الزمان في الامة الاسلامية هي انها لا تعرف ما الاسلام الناس مسلمين ولكن ما كيعرفوشاي اشنو هو الاسلام في غالب احوالهم وامورهم - 00:02:02ضَ

الغالبية ديال الناس من هاد الامة مزال معارفينشاي الاسلام اشنو هو حقيقة ولذلك الامور ديالنا كلها عواجت الامور كلها انقلبت الأمور ديالنا كلها فسدت فكاتلقاه مسلم ولا يحمل من الإسلام الا الإسم ماعندوش حتى شي نصيب من هاد - 00:02:22ضَ

الكلام لي راه كينتسب ليه غي السمية تلقاه سميتو محمد ولا علي ولا عبد القادر او شيء من الأسماء الإسلامية وما دون ذلك فلا علاقة بينه وبين الاسلام في شيء مع الاسف الشديد الامة الاسلامية اليوم محتاجة الناس كاملين محتاجين يعاودوا - 00:02:42ضَ

حققوا المعنى الحقيقي ديال الإسلام في الأنفس ديالهم حنا محتاجين واحد الشكل كبير جدا في خصوص هاد الزمان باش نعاودو نشجعو نفوسنا نراجعو نفوسنا واش حنا حقيقة مسلمين؟ واش هي المعنى ديال حنا المسلمين؟ اش معنت حنا مسلمين؟ ميمكنلناش نعرفو واش - 00:03:02ضَ

حنا مسلمين او المعنى ديال حنا مسلمين حتى نعرفو المعنى ديال الإسلام حقيقة او المعنى ديال الإسلام فصلوا القرآن او النبي محمد عليه الصلاة والسلام ولكن حنا مكنقلبوش او مكنسولوش او مكنراجعوش نفوسنا بل - 00:03:22ضَ

نعرفو هادي هي الحقيقة المرة لي عندنا فهاد الزمان الإسلام في العربية هو الخضوع لله عز وجل والإنسان المسلم هو الإنسان الخاضع لملك الملك ولملك لله رب الكون رب السماوات والارض. مسلم يعني خاضع لله عز وجل. هذا المعنى ديال الاسلام وديال - 00:03:42ضَ

في لغة العرب ما كنقولو مسلم اسلم يسلم فهو مسلم يعني خاضع خضع يخضع خضوعا فهو خاضع لله ومن هنا كانت العبادة اللي هي جوهر الدين اللي هي جوهر الاسلام هي الزلة - 00:04:06ضَ

والخضوع العبادة هي الذلة والخضوع لله عز وجل. فكنقولو ارض معبدة وطريق معبدة معبدة يعني دليلة مواطية ما فيها لا طلعة ولا هبطة ولا حجرة خارجة ولا حفرة داخلة مواطية - 00:04:26ضَ

والمومن لي كيكون عابد كنوصفوه بأنه عابد او كنوصفوه بأنه عبد كيما قال الله عز وجل نعم العبد يعني انه انسان خاضع ذليل لله عز وجل مواطن يعني انه ماشي - 00:04:46ضَ

مافيهش العانات ماشي كيقولو الله سير هاكا وهو كيمشي فالجيه المعاكسة يمشي فالاتجاه المعاكس الإنسان العبد الانسان المسلم هو الانسان اللي خاضع لله سبحانه وتعالى كيمشي فاش مشاه الله سبحانه وتعالى راضي قلبو - 00:05:06ضَ

مكيعاكسشاي الإرادة ديال الله سبحانه وتعالى. قلبو متمشي ومستاجب للإرادة ديال الله سبحانه وتعالى. هداك كيتسمى هو العابد الحقيقي وهداك هو معنى العبادة الحقيقية لأن العبادة هي الجوهر الحقيقي ديال الدين ديال الإسلام - 00:05:26ضَ

اذن باش يكون الإنسان مسلم اي خاضع لله سبحانه وتعالى قلبو مستاجب للإرادة الإلهية باش يكون المسلم كذلك خصو يكون كيطبق اركان الإسلام اشنو هي اركان الإسلام؟ اركان الإسلام هي السوري اللي - 00:05:49ضَ

قايم عليهم الإسلام هي الأصول القوية الأساسية لي مبني عليها الدين الى طاح منها واحد كيطيح الدين كلو او اركان الاسلام معروفة شهادة ان لا اله الا الله واقامة الصلاة وايتاء الزكاة وصوم رمضان - 00:06:09ضَ

وحج البيت لمن استطاع اليه سبيلا ولكن كاين عندنا هنا واحد التفصيل هاد التفصيل هو ان الركن الجوهر يعني القلب النابض ديال هاد الأركان الخمسة هو الصلاة. الصلاة هي حقيقة الدين - 00:06:29ضَ

هاد الأركان الخمسة كلها راجعة ومبنية هي بنفسها على الصلاة صحيح انها كلها اساسية وكلها ضرورية ولكن راه اللي كيحقق فيها معنى العبادة وكيحقق فيها ما معنى الاسلام على الدوام والاستمرار وعلى الشمول بمعنى انه معنى عام شامل ودايم ما كينقطعش راه - 00:06:48ضَ

هو معنى ديال الصلاة فلذلك الإنسان ايلا بغا يحقق كونو مسلم بغى يعني يأكد لنفسو ويحاسب نفسو ويشوف الحقيقة ديال نفسو واش هو مسلم حقيقي ولا ماشي مسلم حقيقي راه خصو يشوف الصلاة ديالو كيفاش - 00:07:15ضَ

دايرة هي بالدرجة الاولى قبل كل شيء اخر علاش؟ هاد الامر هذا راجع الكون الدين ديال الاسلام نفسه الكتاب اللي هو القرآن الكريم وفي السنة اللي هي اقوال وافعال وتقريرات النبي صلى الله عليه وسلم كلشي هاد النصوص - 00:07:35ضَ

تأكد لينا هاد الحقيقة هادي هي ان الدين ديال الإسلام مبني كلو وكيدور كلو على الصلاة هاد الحقيقة لي ناس كتار مع الأسف الشديد كيجهلوها وكيغمضو عينيهم عليها وغادي نعطيكم واحد الأدلة بإذن الله لي كتبين ان - 00:07:55ضَ

ان الاسلام في الحقيقة ديالو هو الصلاة كيمكن لك تقول في نهاية المطاف وتعرف الاسلام تقول الاسلام الاسلام هو الصلاة او متكونش غالطة متكونش غالط لأن الحقيقة هي هادي كاينة ادلة كثيرة من القرآن الكريم. وادلة كثيرة من السنة النبوية. كتأكد لينا هاد المعنى هذا وبإذن الله - 00:08:15ضَ

عز وجل غادي نحللوه ونبينوه بواحد المجموعة من اللطائف يعني واحد المعاني رقيقة الخفية اللي نكشفو عليها نبينوها باش يبان ليكم حقيقة وتشوفو بعينيكم ان الاسلام هو الصلاة اولا لما كنمشيو للقرآن الكريم - 00:08:40ضَ

واحد العادة هادي كثير ديال الآيات القرآنية. سواء في الآي المكي او في الآي المدني. اي في الأيات او السور للي نزل في مكة ولى الآيات والسور لي نزلات في المدينة كلها كتأكد على الصلاة اقامة الصلاة اقيموا الصلاة كلها هاد المعنى - 00:09:00ضَ

اقامة الصلاة كيتردد في القرآن الكريم ولكن انا غادي نختار واحد الاية وحدة من هاديك الايات الكثيرة جدا لي تكررات حول موضوع الصلاة باللفظ ديال الصلاة ولا بالمعنى لي كيتكلم على السجود والركوع والذكر والمعاني كلها لي داخلة فمعنى ديال - 00:09:20ضَ

الصلاة كيقول الله عز وجل الذين ان مكناهم في الارض اقاموا الصلاة الغاية ديال الإنسان المسلم في الأرض هو الصلاة هاد الآية ناطقة بالعبارة ديالها كتقول بأن بناء الدولة الإسلامية بناء المجتمع الإسلامي بناء المؤسسات لي فيها الإدارة وفيها السياسة وفيها الإقتصاد وفيها - 00:09:40ضَ

الاجتماع وفيها كلشي داكشي اللي كيكون في الدولة والمؤسسات ديال الدولة والمؤسسات ديال المجتمع هاد الامور ديالها الغاية الحقيقية ديالها عند الله سبحانه وتعالى. باش يدخل لها المسلم ويخدم فيها المسلم. ويبنيها المسلم الغاية اللي خصو يوصل لها. باش يهيء الظروف - 00:10:07ضَ

للناس باش يقيموا الصلاة هادشي كلو هادا الأصل ديالو خصنا نبنيو اقتصاد ونبنيو اجتماع ونديرو ادارة حقيقية ونديرو سياسة حقيقية ونديرو كل هاد الأمور ديال الدولة باش نهيئو الظروف المناسبة للصلاة الى مكانش هادشي كلو - 00:10:27ضَ

كيهيأ الظروف للشعب ولا الناس يهيأ ليهم ظروف مناسبة للصلاة راه ممنوش الذين ان مكناهم في الأرض اي مكنا لهم اعطيناهم الادارة ديال البلاد والسلطة ديال البلاد وهيئنا لهم الاسباب باش يكونوا - 00:10:47ضَ

ملاك حقيقيين ديال الأرض يعني ملاك حقيقيين ديال التسيير وديال الإدارة بإختصار ديال الدولة والمؤسسات ديال المجتمع هذا هو التمكين في الأرض العام بمعناه الشامل تمكين في الأرض اذن الغاية ديالو هو باش تصلح الصلاة ديال الناس - 00:11:07ضَ

الذين ان مكناهم في الأرض اقاموا الصلاة هادو هما المؤمنين الحقيقيين هادو هما المسلمين الحقيقيين اذن كتجري في امور المجتمع وامور ديال الدولة باش نوصلو لواحد الحقيقة وحدة هي نهيئو الظروف ديال الدين وديال التدين للناس كاملين - 00:11:27ضَ

وظروف الدين والتدين ذكرها ربي عز وجل باشارة وحدة هي اقاموا الصلاة بمعنى ان جوهر تنظيمات الاجتماعية والاقتصادية والسياسية باختصار جوهر الشريعة ديال الاسلام الشريعة اللي كتنظم الحياة الجوهر ديالها والغاية ديالها هو تهييء ظروف ديال الصلاة فإذن كيبان لينا من خلال القرآن الكريم ان الصلاة جوهرة اما - 00:11:46ضَ

ما السنة النبوية فحدث ولا حرج هاد المعنى هذا متواتر كتواتر القرآن متواتر في السنة كتواتره في القرآن كيف كتواتره في القرآن الكريم؟ يعني المعاني ديال القرآن معاني قوية ما يقد حتى شي واحد يردها لأن القرآن مقطوع به - 00:12:16ضَ

انه نازل من عند الله عز وجل. حتى السنة فيها واحد المجموعة ديال الأحاديث. ومجموعة ديال المعاني اللي القوة ديالها وصلت لنا بالقوة هو اللي وصل لينا بها القرآن الكريم وهاد المعنى ديال الصلاة قوي بحال القوة اللي فالقرآن بحال القوة اللي فالسنة فالقضية اللي كاتعلق - 00:12:36ضَ

اقامة الصلاة وجوهرية الصلاة في الدين وقيمة الصلاة في الدين. كيقول النبي عليه الصلاة والسلام العهد الذي بيننا وبينهم الصلاة فمن تركها فقد كفر. العهد هو الكونطرا لي موقعها الإنسان بينو وبين الله عز وجل. وشاهد عليها النبي صلى الله عليه وسلم - 00:12:56ضَ

لتكونوا شهداء على الناس ويكون الرسول عليكم شهيدا. انا ارسلناك شاهدا ومبشرا ونذيرا الشهادة ديال النبي صلى الله عليه وسلم على هاد الامة هي شهادة البلاغ يعني انه بلغ لينا هاد الدين وبلغ لينا هاد الدين على ان - 00:13:16ضَ

الجوهر ديالو هي الصلاة العهد الذي بيننا وبينهم الصلاح فمن تركها فقد كفر وفي حديث اخر بين وبين الكفر ترك الصلاة بين الإنسان وبين الكفر واحد الحدود وحدة هاد الحدود الى قطعها كيدوز من الإسلام ويخرج - 00:13:36ضَ

الكفر هاد الحدود هي الصلاة بين الرجل وبين الكفر وواحد الرواية اخرى بين الرجل وبين الشرك ترك الصلاة الى تركها راه نقز ومشى من الجهة لخرى خرج من الجهة ديال الاسلام للجهة ديال لي ماشي اسلام ديال الكفر وديال الشرك والضلال والعياذ - 00:13:56ضَ

وحديث اخر ايضا الصلاة عمود الدين العمود يعني السارية الأساسية اللي قايم عليها الدين العمود الفقري ديال الصلاة عمود الدين كمن تركها فقد كفر حديث اخر احاديث كثيرة جدا اول ما يحاسب عليه العبد يوم القيامة الصلاة الإنسان المسلم نهار يموت اول حاجة كيبدا - 00:14:16ضَ

الحساب ديالو بها بينو وبين الله عز وجل هي الصلاة. اول ما يحاسب عليه العبد يوم القيامة الصلاة فاذا صلحت صلح سائر عمله. واذا فسدت فسد سائر عمله الى كانت الصلاة ديالو صالحة مستقيمة - 00:14:41ضَ

اداها فوقتها مقادها ماناقصو منها لا فريضة لا ضهر لا عصر لا مغرب لا عشا لا فجر فراه العمل اللي جاي من بعد بإذن الله كيكون صالح ويكون سليم لأنه مبني على اساس وعلى اصل سليم وصالح ويلا كانت - 00:15:01ضَ

الصلاة فاسدة راه هاديك هي الساس اذن الساس فاسد ويلا كان الساس فاسد راه كلشي داكشي اللي تبنى عليه كلو كيكون فاسد فاذا صلحت صلح سائر عمله واذا فسدت فسد سائر عمله والعياذ بالله وكان سيدنا عمر بن الخطاب رضي - 00:15:21ضَ

الله عنه كيصيفط للعمال ديال الأقاليم دياولو ملي كيكون يوصيهم على الأمور ديال السياسة وديال الرعية وديال ادارة شؤون كيقولهم واعلموا ان خير اعمالكم عندي الصلاة فمن حفظها كان لما سواها احفظ ومن ضيع - 00:15:41ضَ

معها كان لما سواها اضيع. كيخبرهم وكينبهم بأن احسن حاجة. واهم حاجة عندو رضي الله عنه. اللي كيهتم او كيراقبها او كيخصو يعرف كيفاش دايرين العمال دياولو فيها هي الصلاة - 00:16:01ضَ

الا حافظوا عليها راه كيتهناو لأنه اللي حافظ على صلاتو وكان مومن عبد خاضع لله عز وجل فصلاتو كيتهنى عليه الخليفة كيتهنى عليه لأنه بما انه محافظ على هاديك الصلاة وخاض على الله عز وجل كيعرفو بلي راه حافظ وغادي - 00:16:19ضَ

حافظ على الامور الاخرى اللي مبنية على الصلاة من امور الدنيا وامور الدين واللي ضيعها راه كيغسل عليه يديه بمعنى انه راه داكشي اللي غادي يوصيه عليه من امور الراعية وامور ادارة الدولة كلو غادي يكون مبني على الخوا فلذلك قال فمن حفظ - 00:16:39ضَ

كان لما سواها احفظ اللي حفظ الصلاة ديالو راه كيكون حافظ الأمور اللي مبنية على الصلاة واللي ضيع الصلاة راه كيضيع الأمور لي مبنية على الصلاة من باب اولى وأحرى. وهكذا كنوجدو بأن حقائق الحديث النبوي الشريف وحقائق اقوال - 00:16:59ضَ

والاعمال الصحابة رضي الله عنهم كلها غادية فهاد الاتجاه وهي ان الصلاة هي حقيقة الدين الصلاة هي جوهر ديال الاسلام العهد الذي بيننا وبينهم. اي الميثاق والحبل الرابط بين سيدنا محمد وبين المسلمين اللي عطاو البيعة لسيدنا - 00:17:19ضَ

محمد صلى الله عليه وسلم في زمانه وكذلك سائر المسلمين الى يوم القيامة لأن العهد اللي بينا حنا فهاد الزمان وبين سيدنا محمد هاديك اللي موقعينها بينا وبين الله تعالى من جهة وبينا وبين سيدنا محمد صلى الله عليه وسلم من جهة اخرى راها باقية - 00:17:39ضَ

فين باقية؟ هي اللي كاينة في الركن الأول ديال الإسلام ان تشهد ان لا اله الا الله هادي هي اللي موقعين بينا وبين سيدي ربي واشهد ان محمدا رسول الله هادي هي لي موقعينها بينا وبين سيدنا محمد صلى الله عليه وسلم هذا هو العهد - 00:17:59ضَ

اللي بينا وبين الله من جهة وبينا وبين سيدنا محمد من جهة عليه الصلاة والسلام لأن هو الشاهد ديال الله تعالى علينا فلذلك هاد العهد هدا محدنا كنصليو راحنا محافضين عليه نهار نقطعو الصلا راه حنا خنا العهد راه حنا نقضنا العهد ولي نقض عهد - 00:18:19ضَ

تا ليت وما تكونشي بخير دنيتو ما تكونشي بخير احوالو ما تكونشاي بخير واخرتو والعياذ بالله ابدا ما تكونشي بخير بان العقد والاساس ديال الخير هو فقط بالدرجة الاولى الصلاة فاذا صلحت صلح سائر - 00:18:39ضَ

سائر عمله واذا فسدت فسد سائر عمله. قلنا من البداية بأن الصلاة هي الإسلام. وكيمكن لك تقول بأن الدين كله الإسلام كلو هو الصلاة حنا بينا شي حاجة من هاد المعنى ونبين ليكم بإذن الله بشكل الطف هاد المعنى والحقيقة ديالو - 00:18:59ضَ

كاين واحد الحديث مروي عن النبي صلى الله عليه وسلم حديث عجيب وحديت مشهور بزاف ديال الناس كيقراوه ولكن كيمرو عليه مرور الكرام زعما غير كيدوزو عليه بشكل سطحي بينما هو حديث عظيم جدا جامع الدين كلو هو المشهور المسمى - 00:19:19ضَ

حديث جبريل ولي رواح سيدنا عمر رضي الله عنه قال يعني الكلام ديال سيدنا عمر بينما نحن عند رسول الله صلى الله عليه وسلم ذات يوم اذ طلع علينا رجل شديد بياض الثياب شديد سواد - 00:19:39ضَ

العرب لا يرى عليه اثر السفر ولا يعرفه منا احد. قال لك سيدنا عمر واحد المرة جماعة ديال الصحابة جالسين مع النبي صلى الله وسلم ودخل عليهم واحد الراجل ما كيعرفوهش هاد الراجل عندو صفات رجل شديد بياض السيان لابس واحد الكسوة - 00:19:56ضَ

كتشعل نقية شديد سواد الشعر الشعر ديالو نقي كيشعل وكحل مزيان لا يرى عليه اثر السفر ماباينش عليه اثار ديال السفر وهدا سيدنا عمر كيبين لك بأن هاد المنظر غريب علاش غريب؟ لأنه بما ان الرجل اللي دخل عليهم ماكيعرفوهشاي - 00:20:16ضَ

اشمنت ما كيعرفوهشاي زعما راه ماشي من اهل الأنصار ولا من اهل المهاجرين ماشي من المسلمين المعروفين فإذا ماكانشاي من المسلمين المعروفين اذن خصو يكون واحد غريب شي واحد براني وفزمن النبي كانوا المسلمين كاملين معروفين بأنهم كانوا قلال ولكن هاد الراجل اللي دخل ماشي معروف - 00:20:36ضَ

ولكن لابس البيض مزيان والشعر ديالو نقي مزيان كحل مزيان والحالة ديالو طاهرة جدا بقاو كيتعجبو لأنه الى كان خصو يكون جاي مسافر ويلا كان جاي مسافر حوايجو مخصهومش يكونو بويض كيشعلو خصهم يكونو موسخين بالغبرة ديال الصحرا وبالرملة ديال الطريق - 00:20:56ضَ

مخصهومش يكون كحل كيشعل كيبرق خصو يكون اشعث اغبر ميكونش منشوط يكون مشتت فالهوا ويكون عامر بالغبرة باش كيتسمى راه انسان جاي بعيد وقاطع الاميال وقاطع الكيلومترات ومسافر عليه اثار السفر ولكن هاد الراجل اللي دخل عليهم راجل لابس مزيان - 00:21:16ضَ

نقي طاهر كيشعل وما كيعرفو حد اذن منين جا؟ هدا هو سيدنا جبريل جا من السما نزل من السماء ولكن فلول معرفوهش بأنه سيدنا جبريل اذن ملي جا فهاد الحالة وقال عليه سيدنا عمر هاد الكلام وقال عليه ولا يعرفه منا احد حتى جلس الى - 00:21:36ضَ

النبي صلى الله عليه وسلم فاسند ركبتيه الى ركبتيه ووضع كفيه على فخذيه جا هداك الراجل اللي هو سيدنا جبريل قدام النبي صلى الله عليه وسلم مقابل ليه الوجه للوجه ركبتيه الى ركبتيه؟ جلس واحد الجلسة ديال - 00:21:56ضَ

يعني كيما كنقولو بالدارجة ديال اليوم مقرد والركابي دياولو متكيين على الركابي ديال النبي صلى الله عليه وسلم ويديه شد بيهم الفخدين ديال النبي صلى الله عليه وسلم بحالا مستند عليه اي شاد فيه ومتكي عليه بهاديك الجلسة وقال - 00:22:16ضَ

محمد اخبرني عن الاسلام قالو يا محمد خبرني على الإسلام زعما قالو اشنو هو الإسلام؟ جاوبو النبي صلى الله عليه وسلم قالو الاسلام وان تشهد ان لا اله الا الله وان محمدا رسول الله وتقيم الصلاة وتؤتي الزكاة وتصوم رمضان - 00:22:36ضَ

وتحج البيت ان استطعت اليه سبيلا. قال صدقت جاوبو سيدنا جبريل قالو عندك الحق صادقت. قال سيدنا عمر فعجبنا له اسأله ويصدقه الصحابة زادو كيتعجبو كتر من داك العجب لي تعجبو فلول شافو الراجل كيسولو وملي - 00:22:56ضَ

كيجاوبو كيقولو ايه عندك الصح. لأن شكون لي كيقول اياه عندك الصح. كيقولها انسان لي عارف فإذا هذا عارف علاش كيسول؟ جاهم العجب جاهم العجب هاد السيد غريب وعارف هادشي وكيسول بهاد الطريقة - 00:23:16ضَ

فإذا لما سول سيدنا جبريل على الإسلام اشنو قال لو النبي صلى الله عليه وسلم؟ خبروا ان الإسلام هو اركان خمسة شهادة ان لا اله الا الله وان محمدا رسول الله - 00:23:35ضَ

واحد اقامة الصلاة ها تنين ايتاء الزكاة ها تلاتة صوموا رمضان ها ربعة حج البيت للي قدر ها خمسة هذا هو الإسلام عاود قالو فأخبرني عن الإيمان مزال نرجعو للإسلام والمعنى الحقيقي ديالو من خلال - 00:23:45ضَ

هاد الحديت هادا قال فأخبرني عن الإيمان عاود زاد سولو سيدنا جبريل قالو خبرني على الإيمان اشنو هو؟ فإذن السؤال الأول كان على الإسلام السؤال الثاني كان على الإيمان قالو الإيمان ان تؤمن بالله وملائكته وكتبه ورسله - 00:24:05ضَ

واليوم الاخر وتؤمن بالقدر خيره وشره قال صدقت لما كمل النبي صلى الله عليه وسلم الجواب عاود قالو سيدنا جبريل صدقتي عندك الحق وعاود بقاو الصحابة كيتعجبو كيفاش هاد السيد كيسول وكيقولو ايه عندك الصح فإدن الإيمان هو اركان ستة - 00:24:25ضَ

عددها النبي يعني احسبها لو النبي صلى الله عليه وسلم اللولة ان تؤمن بالله التانية الإيمان بالملائكة التالتة الإيمان الكتب اللي نزلت على الأنبياء من بينهم سيدنا محمد والأنبياء اللي قبلوا الرسل اللي قبلوا - 00:24:45ضَ

الرابعة الإيمان بالرسل الخامسة الإيمان باليوم الأخر يعني يوم القيامة والبعث والنشور الساتة والأخيرة هي الايمان بالقدر خيره وشره. فهذه اركان الايمان ستة. اذا اركان الاسلام خمسة. اركان الايمان ستة - 00:25:02ضَ

عاود سيدنا جبريل سول النبي صلى الله عليه وسلم سؤال ثالث قالو خبرني فأخبرني عن الإحسان خبرني على الإحسان اش هو الإحسان؟ قالو الإحسان ان تعبد الله كأنك تراه فإن لم تكن تراه فإنه يراك الإحسان - 00:25:22ضَ

هو تعبد الله عز وجل بحالا انت راك كتشوفو. ويلا ما كنتش راك كتشوفو راه هو سبحانه وتعالى كيشوفك فلما كيكون عندك هاد الإحساس فقلبك وهاد النية فقلبك ونتا كتعبد اله تعالى فأنت في مقام الإحسان والعبادة ديالك كتسمع - 00:25:42ضَ

احسان وعاود سيدنا جبريل سول النبي صلى الله عليه وسلم واحد السؤال رابع هاد السؤال الرابع كيتعلق بيوم الساعة قال يا محمد فأخبرني عن الساعة قال ما المسؤول عنها بأعلم؟ من سائل قال فأخبرني عن - 00:26:00ضَ

اماراتها قال ان تلد الامة ربتها وان ترى الحفاة العراة العالة رعاء الشائي يتطاولون في البنيان قال ثم انطلق فلبست مليا ثم قال لي يا عمر اتدري من السائل؟ قلت الله ورسوله اعلم - 00:26:20ضَ

قال فانه جبريل اتاكم يعلمكم دينكم ملي سيدنا جبريل سول النبي صلى الله عليه وسلم على الساعة يعني على يوم القيامة قالو خبرني فوقاش غادية تكون يوم القيامة النبي صلى الله عليه وسلم ما المسؤول عنها؟ على ما من السائل؟ قال لو يا ودي بحالي بحالك علمي علمك ما عنديش العلم فهاد القضية - 00:26:40ضَ

منك وهو الجهل التام النبي صلى الله عليه وسلم ماجايبش غي خبار للساعة يسألونك كيقول الله عز وجل في القرآن يسألونك عن الساعة ايام مرصاها الله تعالى جاوبو قالو فيما انت من ذكراها الى ربك منتها - 00:27:06ضَ

الى ربك منتهاها كيسولوك يا محمد على الساعة يعني وقتاش؟ قالو نتا مجايبشاي ليها الخبر والخبار ديالها عند الله وحدو ما عندها حتى شي واحد سواه ولكن سيدنا جبريل عاود سول النبي صلى الله عليه وسلم واحد السؤال - 00:27:26ضَ

قالو واخا الا مكتعرفشاي الساعة والميقات ديال الساعة وعالأقل قوليا العلامات ديالها قالو سيدنا محمد ايه العلامات ديال قال لها انا عارفهم وهي كالتالي هي ان تلد الامة ربتها الامة هي العبدة كتولد لالاها يعني ان المرا - 00:27:46ضَ

كتولي بنتها حاكمة فيها وهاد الزمن كنشاهدو هادشي بحال لما تكون الأم خادمة ديال البنت كلها الأحوال لي كتقلب القضية او كتقلب المسطرة بدل ما تكون البنت هي الخادمة ديال مها كتولي الام هي الخادمة ديال بنتها - 00:28:06ضَ

لما كتقلب وكتولي الطاعة مقلوبة فتلك علامة من علامات الساعة وكيمكن تشوفها فشحال من حاجة لما شوف بانه بالفعل الصغير حاكم في الكبير والصغير كيوجه الكبير وكيسيرو بمعنى انه علاقة ديال الأبوة وديال الأمومة كتقلب وكتولي لم خايفة من بنتها كيما كنشوفو حالات كتيرة لب خايف من ولدو - 00:28:26ضَ

اذن ملي كتوقع انقلاب لموازين هدا هو المغزى ماشي غير الحالة بالضبط ديال ان الام كتولي محكومة بالبنت ديالها المغزى هادي اشارة من النبي صلى الله عليه وسلم الى ان الموازين كتنقلب يعني ان الحق كيولي باطل والباطل كيولي حق والامور كتقلب - 00:28:56ضَ

ماكاتبقاش المسطرة غادية مقادة ماكاتبقاش طاعة الوالدين كما كانت زمان كيوليوا الوالدين هم اللي كيخافوا من اولادهم وهوما اللي كيطيعوا اولادهم وان هناك كيسيرو الاباء ديالهم الضلال والعياذ بالله وان ترى النقطة الثانية من العلامات وان ترى الحفاة العراة العالة الحفاة - 00:29:16ضَ

العراة اللي عريانين ما لابسينش العالة اللي ما عندهم ما ياكلو خاصهم اللي يوكلهم رعاء الشأن هوما سراحة كتشوف يعني الناس لي كانوا بدو هذا المغزى لي كانوا بدو كانوا غير سراحة وكيدورو في الخلا ولاو كيبنيو العمارات والفيلات - 00:29:36ضَ

القصور يتطاولون في البنيان يتطاولون يعني علي نعلي عليك كيتعاندو وكيتنافسو في البني فالدنيا لما كتشوف بأن الأمور ديال الحذر ديال المدينة ما بقاتشاي غير لهاد المدينة يعني المدينة تكبو عليها البادية - 00:29:56ضَ

الهجرة شملت جميع الناس ما بقى حتى واحد خارج المدينة وولاو واحد العدد كبير من الناس اللي كانوا البارح كيسرحوا ولاو كيتنافسو فلبني ولاو كيتكالبو على الدنيا فهدا ماشي مقصود منو ان لي كيسرح خصو يبقى يسرح ديما لا ولكن - 00:30:16ضَ

ان الدنيا كتسيطر على كلشي الدنيا كتلف كلشي وان البني مكيبقاش البني لله كيولي البني للدنيا التنافس في الدنيا تطاول في البنيان على اللي عليان على اللي عليك ما كيبقاشاي شامل غير اهل المدن كيولي يدخلوا في البيعة والشرية - 00:30:36ضَ

البادية لي مكانوش يعني مهتمين بالبناء كيوليو حتى هما مهتمين بالبناء واحد الزمان كان واحد العدد كتير من الناس مكيبغيوش يسكنو المدينة عاجبهم الحال يجلسوا مثلا في الخيام ولكن الآن ولى هادشي قليل ولى كلشي كيسعى باش يدير قصر ومول القصر - 00:30:56ضَ

كيبغي جوج دلقشور ومول جوج دلقشور باغين تلاتة دلقصور ولي عندو برطمة خصو يوصل لفيلا وهذا هو التطاول في البنيان قال ثم انطلق يعني هداك الرجل اللي هو جبريل مشى فحالو كمل الأسئلة وكمل الأجوبة ومشى بحالو قال عمر فلبست ماليا - 00:31:16ضَ

بقيت واحد المدة هكدا طويلة وحنا جالسين ساكتين شوية سيدنا محمد صلى الله عليه وسلم دار فسيدنا عمر قالو يا عمر اتدري ما للسائل؟ واش عرفت شكون هادا اللي كان كيسولني دابا؟ قالو الله ورسوله اعلم ما نعرف الله عالم ونتا راك عارف لأنه انت اللي كان كيتكلم معاك - 00:31:34ضَ

وكتجاوبو قالو النبي صلى الله عليه وسلم هداك راه جبريل اتاكم يعلمكم دينكم هادي راه عبارة مهمة جدا اتاكم يعلمكم دينكم يعلمكم دينكم هذا جبريل جاي يعلمكم الدين ديالكم ماشي غير هكا كتفهم بشكل سطحي يعني راه جا باش يعلمكم الدين - 00:31:54ضَ

ديالكم كامل من الألف حتى للياء. يعني هاد الحديد راه جمع الدين كامل من الألف حتى للياء يعلمكم دينكم كيقولو العلماء صحاب اصول الفقه النكرة لما كتضاف للضمير بحال هاد - 00:32:18ضَ

هادي النكرة المضافة للضمير كتعطي العموم والاستغراق والشمول دينكم يعني كل دينكم كأنه عليه الصلاة والسلام قال اتاكم ليعلمكم كل دينكم كلشي الدين ها هو هنا هاد الكلام اللي راه هو الدين. ما بقاتش شي حاجة اللي خارجة من الدين على هاد الكلام هذا. فاللي حفظ هاد الكلام وطبق هاد الكلام تطبيق حقيقي - 00:32:38ضَ

راه طبق الدين كامل بإذن الله عز وجل. نرجعو اذن لهاد الحديث لي قلنا راه فيه دليل على ان الصلاة هي الدين كلو هاد الحديت اش فيه؟ فيه ربعة دالاسئلة وربعة دالأجوبة سولو على الإسلام قالو اركان الإسلام الخمس اللي سردناها وعددناها سولو على الإيمان جاوبو بأركان الإيمان - 00:33:08ضَ

اللي حسبناها وعددناها ستة جاوبو على الإحسان الإحسان قالو ان تعبد الله كأنك تراه فإن لم تكن تراه فإنه يراك تعبد الله بحالا راك ويلا انت ما راكش تشوفو را هو يشوفك سبحانه وتعالى. سولو على الساعة قال لو الله غالب. انا ما عارفش ونتا ما عارفش. ولكن جاوبو على الأمرات - 00:33:28ضَ

والعلامات ديال الساعة. وحنا تكلمنا على علامات الساعة الإسلام اللي جاوب عليه النبي صلى الله عليه وسلم وقال لو اشهد ان لا اله الا الله وان محمدا رسول الله وتقيم الصلاة وتؤتي الزكاة وتصوم رمضان - 00:33:48ضَ

البيت ان استطعت اليه سبيلا. ملي كنتأملو هاد العبارات وكنبداو نشوفو الحقيقة ديالهم كنوجدو بأنه اعمال التطبيقات ان تشهد شهود قلبي ولفظي كتشهد بقلبك وباللفظ ديالك بأنك مسلم كتشد بأنك مسلم اي اشهد ان لا اله الا الله واشهد ان محمدا رسول الله ووحدة من هادو كافيين وحدة كافية بمعنى انه - 00:34:02ضَ

شاهدت واحد المرة وحدة ان لا اله الا الله وان محمد رسول الله كافية شي واحد نصراني ولا يهودي ولا مشرك اسلم شحال خصو من مرة يقول اشهد لا اله الا الله واشهد ان محمدا رسول الله مرة وحدة مرة وحدة كافية ويلا زاد من بعد شي حاجة نافلة ماشي فريضة اللي فرض عليه - 00:34:32ضَ

مرة وحدة اذن فالمسلم راه شاهد ان لا اله الا الله وان محمد رسول الله فهاد الزمن هدا وفهاد البلاد هادي اللي هي بلاد المسلمين شاهدها هاد الوراثة وارثة على والديه. فأبواه يهودانه او يمجسانه او ينصرانه. كل مولود بداية الحديث يولد - 00:34:52ضَ

اذن بما انه تولدنا من اب او ام مسلمين را حنا مسلمين بالأصالة بالوراتة اذن هاد اشهد ان لا اله الا الله وان محمدا رسول الله فوقاش نحتاجو ليها؟ كيحتاج ليها من المسلمين لي ارتد على دينو شي خطرة ضربو الله وكفر هداك خصو يعاود الشهادة ديالو - 00:35:12ضَ

ويلا عاودها مرة وحدة كافية ها هو عاود دخل للإسلام ها هي دازت اذن هاد الركن الأول اللي هو اول اركان الإسلام شحال خصنا منو؟ فريضة خصنا منو شهادة وحدة شهادة وحدة مكاينشاي شي مسلم لي راها ممحققاش عندو الا اذا ارتد عن دينه فذلك امر اخر - 00:35:32ضَ

طيب نخليو الصلاة من بعد لي هي الركن الثاني. انقزو للركن الثالث لي هو الزكاة. الزكاة هاد العبادة مشاكل شاملة لجميع الناس اش معنى انت ماشي شاملة لجميع الناس؟ ماشي شاملة لجميع الناس يعني انها عبادة خاصة - 00:35:52ضَ

الناس اللي عندهم الفلوس وواصلين للنصاب يعني داك مقدار المال اللي عندهم واصل باش واجب عليه يزكي هداك هو لي واجبة عليه الزكا ولي مواصلشاي النصاب راه مواجبشاي عليه يزكي ثم هاد الزكاة شحال من مرة - 00:36:12ضَ

كتكون مرة في العام مرة في العام على المال لي عندو طيب اذن الى كانت مرة في العام وهي غير على مجموعة من الناس هاد المجموعة من الناس هوما فقط الناس اللي عندهم المال واصل النصاب ديال الزكاة اش معنى انت هادشي - 00:36:32ضَ

ان هاد الفريضة ديال الزكاة ماشي واحد الفريضة اللي شاملة وعامة فالمسلمين كاملين محصورة يعني لأن الوقوع ديالها فالمجتمع ديال المسلمين وقوع محصور بزمن معين لي هو مرة فالعام وبأشخاص - 00:36:52ضَ

وهم الأغنياء ملاك الأنصبات من الزكاوات هادي دازت فإذا هي عبادة قليلة الرواج وقليلة الوقوع في المجتمع الاسلامي بالنسبة للصلاة اللي هي خمسة المرات في النهار وما فيها لا غني ولا فقير كلشي - 00:37:12ضَ

الركن الرابع هو رمضان هاد العبادة مرة في العام فريضة على المسلمين كاملين ايه ولكن مرة فالعام وهي محصورة من الناحية الزمنية ماشي كثيرة ماشي دايمة الفرض اللي هو رمضان مرة فالعام شهر رمضان - 00:37:32ضَ

ها هو بان بأن رمضان او الصيام عبادة قليلة بالنسبة للصلاة الركن الخامس والأخير هو الحج. الحج مرة في العمر. ماشي غير مرة في العام. مرة في العمر. ثم واجب على اللي قاد لو. قاد لو من حيث - 00:37:53ضَ

الصحة البدنية قاد لو من حيت القدرة المالية الظروف ديال الطريق ماشي صعيبة ما مقطوعاشاي الطريق ما كايناش فتن ما يخافش بنادم على نفسو فالطريق ما كاين لا حرب لا دمار لا قطاع لا خراب فالطريق ادن راه شروط ديال الحج ادن - 00:38:13ضَ

تقتضي بأنه عبادة قاصرة بالنسبة الى الصلاة. فهو مرة في العمر واجب. اذا اش كيبقى لنا دايم الا كانت الشهادة مرة في العمر واجبة عليك تقولها مباقيش واجبة عليك مرة اخرى تبقى تلفظ بها ها هو اقرار كيبقى بعد ذلك نية - 00:38:33ضَ

في القلب دايما مصحوبة الا كان الزكا محصورة بواحد الناس معينين هم الأغنياء ومرة في العام ورمضان عبادة محصورة بواحد الشهر معين هو رمضان مرة في العام والحج مرة في العمر وعلى لي قاد لو اش باقي لي هو من الدين - 00:38:53ضَ

لجميع الناس مطالب به كل الناس في جميع الاحوال والازمان باقي الصلاة الصلاة الركن الثاني من اركان الاسلام وفي الحقيقة العمق اذن كيتبين بأن هي الجوهر ديال الدين هي العمود ديال الدين هادشي باش النبي صلى الله عليه وسلم قال العين - 00:39:13ضَ

عهد الذي بيننا وبينهم الصلاة. الميثاق لي بينا وبين المسلمين. الميثاق لي موقعها المسلم مع الله تعالى وشهد عليها النبي صلى الله عليه وسلم هاد الميثاق الحبل اللي شادو والتوقيع اللي شادو هو الصلاة لما كتوقع شي ورقة - 00:39:36ضَ

تقاليزي عليها وتحط عليها صبعك بديك البصمة ديالك باش دير المداد الصبع ديالك وتبصم عليها هاديك البصمة ديالك اللي كتعرض الشخص ديالك وكتأكد بأنك نتا شاهد على هاديك الوثيقة هي في الإسلام هي الصلاة نهار تنكر اذن الصلاة - 00:39:56ضَ

ونهار تقطع الصلاة راك نكرت الدين ديالك راك نكرت الإسلام وخنت العهد اللي بينك وبين سيدنا محمد صلى الله عليه وسلم مكتبقاش مسلم حقيقي ديك الساعة خصك تقلب على شي سمية خرا على شي تنبرة خر على شي وصف اخر من غير وصف اسلام ومن غير وصف مسلم - 00:40:16ضَ

لأن المسلم هذا هو العهد اللي قاطعو على نفسو بينو وبين الله وشاهد عليه سيدنا محمد صلى الله عليه وسلم الصلاة فريضة على كل مسلم وكل مسلمة كلشي الناس اللي بلغوا مبلغ الرشد ولات التكاليف متعلقة بهم واجب عليهم يصليو - 00:40:36ضَ

واجب عليهم يأديو الفريضة ديال الصلاة في كل وقت واحد شوفو هاد الأمر العجيب لي في الصلاة كلها العبادات كدخلها الرخصة وفي بعض الأحيان رخصة الإسقاط بمعنى انه رخصة الإسقاط يعني ديك العبادة كتسقط عليك وما كتوليش انت مكلف بها بحال الحج مثلا اللي ما قادلوش - 00:40:56ضَ

ما واجبش عليه رمضان كتسافر وعندك الحق تفطر هاديك ليامات لي راك مسافر مريض عندك الحق تفطر هاديك ليامات لي مريض حتى تعاود تأدي فيما بعد الزكاة ما عندكش ما تزكيش ولكن الصلاة ما كتسقطشاي بالسفر كتسافر ربعة دالركعات كتردها جوج هدا - 00:41:16ضَ

تجمع بين الظهر والعصر تجمع بين المغرب والعشاء هذا حدها ولكن الصلاة هي الصلاة معندكش الحق تقول راني مسافر اذن منصلي حتى مريض صلي ما قادش توقف صلي قاعد ما قادش قاعد صلي مجبد راقد في الارض ما قادش تحرك راسك صلي بهدوء - 00:41:36ضَ

ما قادش تحرك هدو بعينيك صلي بعقلك. مادام العقل عندك حاضر ما حدك ما غبت بالمرض عافانا الله واياكم. فإذن الصلاة متعلقة بالعقل ديال بنادم ماحد بنادم عندو القدرة العقلية لأداء الصلاة فهو مكلف بأدائها في وقتها ولا - 00:41:56ضَ

له اخراجها عن وقتها الا لعذر اما ان تسقط عنه بتاتا فلا مادام عقله حاضرا اللهم الا غاب على عقلو ونهار يغيب على عقلو راه كيف يرجع لعقلو الى كان مريض او برا راه كيف يرجع خصو يرجع للصلاة ديالو بمجرد ما كيرجع العقل بمجرد ما كيرجع - 00:42:16ضَ

الوجوب ديال الصلاة الصلاة ماحد البدن كاين فالدنيا راها معلقة بيه هداك الوجوب ديال الصلاة بل نمشيو بعيد الإنسان في الحرب في الجبهة كيقاتل في سبيل الله مكتصدقشاي عليه الصلاة هاديك الصلاة ديال الحرب كيسميوها الفقهاء صلاة - 00:42:36ضَ

الخوف فيها جوج د الصور صورة لما كيكونو المسلمين في حالة حرب راهم في الجبهة ولكن المعركة مشعلاش كيصوم المهم الجماعة بواحد الشكل معين بحيث ان الإمام كيصلي بجوج الصفوف على الأقل الصف الأول ملي كيركع مع الإمام الصف الثاني - 00:42:56ضَ

مكيركعشاي كيتسنى حتى يقول الصف لول مع الإمام سمع الله لمن حمده عاد الصف التاني كيركع باش دائما العدو مراقب بهادوك المسلمين نفوسهم لي كيصليو شوف هاد الحالة الحالة ديال الفزع والحالة ديال الخوف والحالة ديال الترقب ديال العدو - 00:43:16ضَ

والصلاة ما سقطاتش عليه وصلاها النبي صلى الله عليه وسلم بالمسلمين فهاد الحالة هادي ديال الفزع وديال الترقب وديال الخوف ومع ذلك مخرجشاي الصلاة على وقتها ومع ذلك مقالهومشاي الصلاة هاد ليامات ديال الحرب الله يسامح تنرجعو للسلم ونعاودو نبداو نصليو - 00:43:36ضَ

حالة طوارئ حالة حرب حالة فزع والصلاة مسقطتشاي واجبة والحالة التانية هي حالة الاشتباك كيكون الانسان راه مشتابك مع العدو النار شاعلة والإتصال الحربي مستمر ومع ذلك مكتسقطشاي الصلاة فتصلى حينئذ صلاة - 00:43:56ضَ

ركعة واحدة النار شاعلة ونتا كتصلي مادام العقل حاضر واخا راك مطلي بالدم من راسك حتى لرجليك كانوا الصحابة كيصليو وهما فيهم الدم ديال المعركة مع ان الدم نجس وفي حالة السلم الا كنت فدارك الا كان الدم فيك بزاف فحوايجك راها الصلاة باطلة راه - 00:44:16ضَ

ما عندكش الحق تصلي والدم طاليك لأن الدم نجاسة ولكن في الحرب سامحنا الله فهاداك الدم اللي كيطلي المجاهدين في سبيل الله على اساس ان الصلاة ميخرجهاش على وقتها ومتسقطش عليه شوف سبحان الله العظيم كلشي الأركان ديال الإسلام دوز فيها الأركان لي هي اركان - 00:44:36ضَ

عملية يعني رمضان او الحج او الزكا فيها ان الفريضة كتقدر تسقط عليك او انك تأجلها حتى لشي وقت والصلاة بوحدها لا ما كتسقطشاي عليك وما كتسقط لا على كبير ولا على صغير ولا على راجل ولا على مرا اللهم الا ان تكون المرأة حائضا او - 00:44:56ضَ

نفساء كانت المرا حايضة ولا نفيسة هاديك كتسقط عليها الصلاة غير بمجرد ما كتطهر كتعاود توجب عليها الصلاة والانسان الا بلغ مبلغ التكليف راه واجبة عليه الصلاة فالصبي راه مطلوب باش نعلموه الصلاة النبي صلى الله عليه وسلم قالك علموا الأبناء ديالكم الصلاة على سبع سنين - 00:45:16ضَ

عليها ولكن ضرب ديال الأدب وضرب ديال الرحمة ضرب ديال التنبيه ماشي ضرب ديال التعذيب ضرب ديال التنبيه واضربوهم عليها في عشرين كيوصلو عشر سنوات شوف هاد العبادة واش كاينة شي عبادة لي النبي صلى الله عليه وسلم قالنا ضربو عليه هاد الدراري في عشر سنين هادشي - 00:45:36ضَ

تقال فالزكا مكاينش هادشي تقال فالحج مكاينش هادشي تقال فرمضان مكاينش تقال فقط فالصلاة هادشي باش كيبان بأن الدين هو الصلاة. الدين هو الصلاة. الذين ان مكناهم في الأرض اقاموا الصلاة - 00:45:56ضَ

الدنيا كلها عمارات الدنيا كلها بناء الحضارة كلها بناء المعامل بناء المدن بناء السدود بناء الدولة ما فيها وما عليها كله ينبغي ان يكون خادما لاقامة الصلاة. فان لم يكن فلا بركة فيه ولا خير فيه - 00:46:19ضَ

الدنيا كلها خصها تكون خادمة للصلاة. ان مكناهم في الأرض اقاموا الصلاة. هادي الغاية ديال الدين. هادي الحقيقة الاسلام هذا الجوهر ديال الاسلام ملي كنرجعو للإيمان اش كنلقاو فيه؟ هاديك الأركان الست هي معتقدات اش ماعندش معتقدات؟ يعني امور كنفهموها بعقلنا - 00:46:39ضَ

وكنامنو بها ندفنوها ونركزوها فقلوبنا فهي امور اذن ليست ظاهرة بل هي امور باطنة يعني امور ما كتبانش ان تؤمن بالله الايمان بالله وبالملائكة والكتب والرسل واليوم الاخر والقدر هاد الامور هادي كلها - 00:47:02ضَ

مدفونة في القلب مخبعة في القلب. فاش كتبان؟ كتبان فقط في حالة واحدة. كتبان في الإسلام. يعني كتبان فهاديك الأركان الخمس ديال الإسلام ملي الانسان كيصلي وكيصوم وكيزكي وكيحج ومن قبل كيشهد ان لا اله الا الله وان محمدا رسول الله كيبان بأنه راه مؤمن - 00:47:22ضَ

بمعنى ان هاديك اركان الإيمان الست راه كاينة فقلبو ويلا ما كانش كيصلي وما كيصومشاي وما كيزكي شاي وما كيحج شاي مايمكنلكشاي تعرفو بأنه يؤمن بالله وملائكته الى اخره الى اخره يعني هاديك امور ديال الإيمان امور قلبية امور ماشي عملية ماكاتبانش فإذا - 00:47:42ضَ

حقيقة الايمان انما تكون لها مصداقية بالاسلام. الايمان امر شعوري زعما واحد الاحساس اللي في قلوبنا في الباطن ديالنا وهاد الإحساس راه معندوش القيمة الى مكانش كيعبرو عليه الناس بالفعل شي واحد متلا ايلا قالك اودي اسي - 00:48:02ضَ

انا راني كنحبك وكنبغيك ولا قالك راني كنكرهك علاش عبر؟ عبر على شي حاجة لي فقلبو ولكن نتا مكيمكنلكشاي تعرف الحقيقة ديال الأمر واش كدب عليك ولا قالك الحق؟ باش تعرف هاد الأمور؟ تعرفها فقط بالأفعال ديالو بالأعمال الى قالك اودي راني كانحبك - 00:48:22ضَ

ثم لما كتحصل كتلقاه جنبك وكيعاونك ها هنا اذن العمل ديالو صدق الحقيقة لي شعر قلبو ويلا قالك اودي انا كنحبك ولكن فالحزة مكتلقاهش هدا مكيحبكش حقيقة ويلا قالك كان بغضك او كنكرهك او كتلقاه - 00:48:42ضَ

بالفعل كيدير لك المشاكل بالأعمال ديالو اللي كدل على هداك الشعور فهدا كتقول هاد الإنسان راه صادق فالبغض ديالو اذن اللي كيعطي الحق حقيقة والمصداقية لداكشي لي في القلب هو العمل. ولما كنقولو حنا اشهد ان لا اله الا الله وان محمدا رسول الله. كنشهدو بأن كنحبو الله سبحانه وتعالى - 00:49:02ضَ

هو اننا كنحبو النبي صلى الله عليه وسلم هو ان هاد المعاني ديال الإيمان هي امور شعورية قلبية هادي احاسيس كنحسو بها في الباطن ديالنا في القلوب ديالنا ما كيمكنش نكونو صادقين ايلا ما عبرناش عليها بالأفعال ديالنا ولذلك كان الإسلام افعالا افعالا وكان الإيمان ما شاء - 00:49:22ضَ

مشاعر باطنة داخلية والإسلام امور عملية ظاهرة للعيان الى كدخل لواحد البلاد ولقيت اقامة الصلاة والجوامع كيرفعو الاذان والناس كيدخلو للجوامع وفي رمضان كتلقى الحالة ديال الصيام كتقول هادي بلاد المسلمين - 00:49:42ضَ

الى دخلت ليها وما لقيتش الأثر ديال هادشي واخا يقولوا لك الناس كاملين را هادو كيشهدوا ان لا اله الا الله وان محمد رسول الله وانهم كيآمنوا بالأركان الإيمان الست - 00:50:00ضَ

مايمكنلكشاي تصدق هاد الحقيقة حتى تشوف الدليل ديالها فالواقع حتى تشوف البرهان ديالها فالواقع وهو الإسلام الأمور العملية التطبيق اذا الحقيقة ديال الأمر في الدين اش هو؟ الحقيقة ديال الأمر في الدين هو الجمع بين الإسلام وبين الإيمان - 00:50:10ضَ

يعني ان الانسان الا كيآمن فقلبو راه خصو يعبر بالفعل ديالو ويلا كيعبر بالفعل ديالو خص هداك التعبير يكون تعبير حقيقي لأنه عاود الى كان كيصلي وكيصوم وكيزكي وكيحج ولكن الإيمان ديالو بالله تعالى ماكاينشاي هادا منافق يعني انه يظهر - 00:50:30ضَ

الإسلام ويبطن الكفر كيما قال الله عز وجل في حق الأعراب قالت الأعراب آمنا قل لم تؤمنوا ولكن كونوا ولما يدخل الإيمان في قلوبكم هاد الأعراض كانوا مجموعة من المنافقين كيجيو لعند النبي صلى الله عليه وسلم كيقولو يا رسول الله را حنا سلمنا - 00:50:50ضَ

ولكن القلوب ديالهم مازال ما دخلهمش الايمان مازال ما كيآمنوش بالله حقيقة ويامنوا بالملائكة والكتب واليوم الاخر والقدر مازال ما عندهمش هادشي اذن عندهم الشكل عندهم الظهير وما عندهمش المضمون وما عندهمش الباطن - 00:51:10ضَ

عندهم الإسلام وما عندهمش الإيمان اذن ما عندهم والو اللي عندو الإسلام وما عندوش الإيمان راه ما عندو والو واللي عندو الإيمان وما عندوش الإسلام راه ما عندو والو اذن الدين هو اسلام وايمان جوج عقيدة وشريعة - 00:51:26ضَ

نية وعمل فإذا الإسلام الدين الحقيقي اللي قال فيه الله عز وجل ان الدين عند الله الاسلام هذا الدين الحقيقة ديالو شعور في القلب وعمل في الواقع شعور في القلب هو اركان الايمان الست عمل في الواقع هي اركان - 00:51:46ضَ

الاسلام ما خدش. طيب اذا اذا تبين بان الايمان اللي هو معاني قلبية شعورية ما عنده حتى قيمة حتى يكون مفرغ في الإسلام حتى يكون خرج في الإسلام يعني بان فيه والإسلام امور عملية اللي هي اركان - 00:52:10ضَ

الإسلام الخمسة طيب اذن او بان لنا بأن الإسلام بهاد الأركان الخمسة كلو كيدور على ركن واحد هو الصلاة اذن النتيجة اشنو هي؟ ان الإيمان الحقيقة ديالو مكتكون عندها المصداقية والصدق ديالها حتى - 00:52:30ضَ

خرج فأعمال اللي هي الإسلام والإسلام اللي هو اعمال خمسة وأركان خمسة كلو كيدور على ركن واحد ومبني على اساس واحد هو الصلاة النتيجة ان الإيمان نفسو هو الصلاة الإيمان نفسو هو الصلاة الإيمان - 00:52:50ضَ

حقيقتو كتبان بالإسلام وكتعطي النتيجة ديالها بالإسلام والإسلام حقيقتو هو الصلاة اذن الإيمان هو الصلاة الإيمان هو الصلاة اذن الدين الجوهر ديال الدين والحقيقة ديال الدين هي الصلاة باش كتشوفو بأن - 00:53:10ضَ

القرآن كيدور كلو على الصلاة والسنة ديال النبي صلى الله عليه وسلم اكدت مرارا مرارا على الصلاة والصحابة رضي الله عنهم جعلوا الصلاة هي ميزان باش كيعرفو الإنسان واش انسان صالح تعول عليه ولا انسان ماشي صالح مايمكنلكش تعول عليه - 00:53:30ضَ

ولكن الصلاة الصادقة الصلاة الحقيقية الصلاة اللي كتحقق معنى العبادة واش هو معنى العبادة؟ قلنا بأن العبد هو الإنسان الخاضع لله عز وجل اذا هو هذا المعنى لي شارلو النبي صلى الله عليه وسلم في المعنى ديال السؤال الثالث لي كيتعلق بالإحسان ملي سولو سيدنا جبريل - 00:53:50ضَ

على الإحسان قالو خبرني عل الإحسان قالو ان تعبد الله كأنك تراه فإن لم تكن تراه فإنه يراك الإحسان هو تعبد الله بحال اما نتا كتشوفو ويلا ما كنتش كتشوفو را هو سبحانه وتعالى كيشوفك هدا يعني انك ملي كتصلي كتصلي ونتا فالدهن ديالك - 00:54:13ضَ

وفي الشعور ديالك القلب ديالك كيضرب وكينبض بهاد المعنى هو ان الله تعالى راه كيشوف فيك بل قبل من هادي ان راك نتا كتصلي ونتا كتشوف نتا كتشوف فالله سبحانه وتعالى. صحيح مكتشوفوش بعينيك ولكن تشوفو بالقلب ديالك - 00:54:33ضَ

لأن الإيمان ديالك بالله سبحانه وتعالى واحد الإيمان رقي رافع مرفوع في السماء بحيث انه كتحس بالوجدان ديالك او بالشعور ديالك او بالأعصاب ديالك او بالوجدان ديالك كلو انك انت بين يدي ربك بحال - 00:54:53ضَ

الجنس في الحضرة ديال الله سبحانه وتعالى كتشوف بعينين البصيرة الله سبحانه وتعالى في ملكه وعظمته كي غيوقع لهاد القلب؟ غادي يبقى يرجف؟ غادي يكون خاضع خاشع لهاد الملك القهار ملك السماوات والأرض ملك - 00:55:13ضَ

الدنيا وملك الملوك وملك الاخرة مالك يوم الدين مالك يوم الدين نتا اذن ملي كتعبد الله تعالى بهاد هاد الاحساس بهاد النية راه هدا هو الاحسان وهادي هي الصلاة الحقيقية لي ميمكنش يدخلها الغرور ميمكنش يدخلها - 00:55:33ضَ

النفاق ما يمكنش يدخلها العجب ما يمكنش تكون مغشوشة الصلاة صحيحة لانك كتعبد الله تعالى وقلبك عامر بالله واخا الواحد يدوز حداك ولا يعيط عليك ماتسمعوش وماتشوفوش لأنك كاتسمع الله ديك الساعة وحدو وكاتشوف - 00:55:53ضَ

ديك الساعة وحدو نتا ديك الساعة راك كتصلي. فإذن الإحسان اش هو؟ الإحسان ماشي شي حاجة زايدة على الإسلام لا ردو البال الاحسان النتيجة نتيجة كنقول الاحسان النتيجة ديال ارتباط الاسلام - 00:56:13ضَ

بالإيمان لاحظوا واحد الملاحظة انا ما النبي صلى الله عليه وسلم تكلم على الإسلام احسب لينا خمسة دالأركان واحد اثنين ثلاثة ربعة خمسة نمشي على ان لا اله الا الله وتقيم الصلاة الحديث الى اخره ملي يتكلم على الايمان حسب لينا ستة ديال الاركان وملي تكلم على الاحسان ما حسب والو - 00:56:33ضَ

علاش؟ اش قال؟ قال ان تعبد الله كأنك تراه. انتبهوا لواحد العبارة ان تعبد الله. الإحسان هو تيعبد الله بحالا نتا كتشوفو تعبد الله اذن هو واحد الحالة كتجي للانسان خلال العبادة ان تعبد الله وباش - 00:56:53ضَ

السي عبد الله بالإسلام؟ الإسلام هو العبادة الشهادة والصلاة والصيام والحج والزكاة قبل هاديك هي العبادة وقلنا بأن العبادة الجوهر ديالها والمحور ديالها هو الصلاة اذن كيمكن لك تقول بعبارة اخرى ونتا تشرح الإحسان ان تصلي - 00:57:13ضَ

لله عز وجل كأنك تراه. اذن هو الإحسان عبارة عن اداء للعبادة. او قل عبارة عن للاسلام بمقتضى الايمان يعني ملي كتعجن الاسلام والايمان كتجمع بيناتهم وكطابق بيناتهم لما كتوصل انك كتصلي وكتصوم وكتحج يعني كدير الإسلام والقلب ديالك عامر بالإيمان لواحد المستوى عالي - 00:57:33ضَ

هداك هو الإحسان لأن شنو هو الإيمان؟ ان تؤمن بالله وملائكته وكتبه ورسله واليوم الآخر والقدر خيره وشره يعني في هاد الحالة ديال الإيمان بالله والإيمان بالآخرة والإيمان بالحساب والعقاب والجنة والنار هاد المعاني كلها معمرة لك معمرة لك قلبك - 00:58:03ضَ

ونتا كتصلي ايلا كانت معمرالك قلبك ونتا كتصلي راه هداك هو الإحسان. ونتا محسن والمقام ديالك يعني المنزلة ديالك ديالك كتسمى الإحسان فالإحسان ماشي شي حاجة غريبة خارجة على الإسلام وخارجة على الإيمان يعني زايدة عليهم بجوج لا الإحسان هو نتيجة - 00:58:23ضَ

خديجة الجمع بين الايمان والاسلام. الاحسان هو نتيجة المطابقة بين الظاهر والباطن. بين من الاعمال والنيات لي كتكون النيات سليمة خاشعة خاضعة لله عز وجل وكتكون الاعمال مستقيمة كيما النبي صلى الله عليه وسلم وتجمع بيناتهم هداك هو الإحسان كتجمع بين الظاهر والباطن كتجمع بين داكشي لي في القلب وداكشي لي كدير بالأفعال ديالك - 00:58:43ضَ

هداك هو الإحسان ان تعبد الله ان تعبد الله نعبده بما نعبده بالإسلام كأنك تراه يعني معمر بالإسلام كانك تراه ان تؤمن بالله وملائكته الى اخره هاد الحقائق ديال الايمان هي المعنى ديالك انك تراه فان لم تكن تراه - 00:59:13ضَ

انه يراك. هادي اشارة عجيبة من عند النبي صلى الله عليه وسلم. الإحسان هاد المعنى بحالا كيبان لبنادم رفيع بحالا صعيب تعبد الله بحالا نتا كتشوف الله. اذن خصك واحد الحالة تحضر قلبك لواحد الدرجة كبيرة كبيرة بزاف - 00:59:33ضَ

باش تكون قاد تصلي وتعبد الله بحالا نتا كتشوف الله اذن واحد الحالة توجدها للقلب ديالك تحضر قلبك وتخشع راسك لواحد الدرجة بحالا كتغيب على الدنيا وما فيها وكتبقا حاضر - 00:59:53ضَ

مع الله وحده سبحانه. هادشي مكيتأتاش للإنسان المسلم في جميع الأحوال. ومكيتأتاش لجميع الناس ولكن من النبي صلى الله عليه وسلم خفف خفف على هاد الامة قال الا ما قديتش تحضر فقلبك هاد الحالة فجميع الاوقات كتجيك - 01:00:09ضَ

وقت ووقت ما تجيكش ولا ما قديتش تحضرها كاع بصفة نهائية؟ فحضر واحد الحالة اخرى هي من درجة ثانية رقم اثنين ديالها رقم تنين وهي ان تعبد الله باعتباره هو عز وجل يراك شوفو الحديد ان تعبد الله كأنك - 01:00:29ضَ

ها الاولى ولكن الى مجاتكشاي هادي قال فان لم تكن تراه فانه يراك حضر قلبك واحد التحضير اخر. دير واحد النية خرى ان الله تعالى كيشوفك. ماشي نتا كتشوفو. هو كيشوفك. هادي ساهلة. هادي - 01:00:49ضَ

بسيطة مكيضهرنيش شي مومن شي مسلم من المسلمين مقادرشاي يجيب هاد المعنى لقلبو هاد المعنى ديال ان الله كيشوفنا الله كيشوفنا كاملين انا في اي حالة كيمكن لك تحضر ان الله تعالى راقيب عليك وكيشوف فيك الى ما استاطعتش انت تحضر قلبك كأنك انت ترى - 01:01:08ضَ

نتا كتشوف اله مقدرتش لهادي فحضر الدرجة التانية ديالها لي قل منها شوية وهي ان تعتاقد وتحس وتشعر قلبك بأن الله كيشوف فيك وهادي سهلة الله كيشوف فينا جميع الله يرانا جميعا في كل الأحوال وفي كل الأعصار وفي - 01:01:28ضَ

الازمنة وفي كل الامكنة الله تعالى كيشوف في الجميع وقادرين باش نحسو بقلوبنا ونعتاقدو بالضمائر ديالنا اننا لما كنديرو ديالنا وكنقدموها لله راه الله كيشوف فينا. الى استطعت دير هادي راه حتى هذا احسان. ماشي غير الاحسان هو فقط انك تعبد الله - 01:01:48ضَ

انك انت كتشوف الله هذا هو الإحسان الرفيع والراس ديال الإحسان ولكن كاين عندو معنى اخر سهل كيمكن لأي واحد يحضر نقلبو عليه هو هاد المعنى البسيط لي قلت دابا عاد وهو ان الله تعالى كيشوف فيك الى قدرت تنوي في العمل ديالك انك تقدمو لله وراك كتشوف - 01:02:08ضَ

كتحس بأن الله تعالى رقيب عليك راك محسن في العمل ديالك راها درجة الإحسان هاديك فإذا فيه قمة وقاعدة فيه احسان الخاصة الا بغيت تقول بلغة اخرى واحسان العامة لي كيمكن للناس كاملين يمارسوه ويديروه شوف هاد السهولة عندنا - 01:02:28ضَ

وهاد البساطة عندنا فدين الإسلام دين يتأتى لجميع الناس دين في متناول جميع الناس كلشي كيمكن لو يطبقو وكلشي يمكن لو يطبقو في اعلى الصور ديالو فالقمة ديالو اللي هي الإحسان اللي هي الربط بين الإيمان والإسلام اللي هي الربط - 01:02:48ضَ

بين الظاهر والباطن. ذلك هو الاحسان. اذا باش تحقق الاحسان وتوصل لهاد الدرجة الرفيعة. صلي. صلي صلي راه هي الصلاة هي القنطرة هي المعبر اللي كدوز منو هو مكان العبور الاساس اللي - 01:03:08ضَ

يجعلك مسلم وكيجعلك مومن ويجعلك محسن لي كيعطيك درجات الإسلام ويعطيك درجة الإيمان ويعطيك درجة وبلا صلاة ما تشد حتى وحدة فيهم بلا صلاة الضلال بلا صلاة الكفر والشرك والعياذ بالله الصلاة - 01:03:28ضَ

الاسلام. الصلاة هي الايمان. الصلاة هي الاحسان. الصلاة هي الدين. ان الدين عند الله الاسلام الصلاة هي الدين. الجواب ديال النبي صلى الله عليه وسلم لسيدنا جبريل. فيما يتعلق بالساعة الجواب مهم جدا - 01:03:48ضَ

ما المسؤول عنها باعلى ما من السائل؟ قال لو انا بحالي بحالك جاهلين بجوج الحقيقة ديال الساعة وهذا ماشي معنت ان جبريل مكانش عارف بأن النبي صلى الله عليه وسلم جاهل بحقيقة الساعة او سولو لا كان عارفو بأنه معارف والو فالقضية ديال الساعة او مع ذلك سولو عليها علاش - 01:04:08ضَ

باش يربينا ويعلمنا ما نبقاوش نسولو على الأمور اللي ما فيهاشاي شي حاجة عملية تلقى عدد ديال الناس كيبدا يسولو هاد داك الكلب ديال صحاب الكهف كيفاش كان داير؟ بيض ولا كحل؟ كان ذكر ولا انثى؟ سيدنا موسى تزوج الصغرى ولا الكبرى؟ اسئلة خاوية - 01:04:28ضَ

كتبعد الانسان على الدين ديالو علاش؟ لان ما مبني عليها عمل او من بعد هانتا عرفتك بالكهف واش كان بيض ولا كحل؟ اش زادك في الايمان؟ اش فالإحسان اش زادك فالإسلام؟ اش زادك فالعمل؟ والو السؤال ينبغي ان يكون عما تحته عمل يعني امور ديال الدين - 01:04:48ضَ

الاسلامي امور عملية اللي ماشي عملية راه خارجة على الدين الاسلامي فلذلك جبريل بغا ينبه الصحابة كيقولهم ردو البال سولو النبي ديالكم على امور الاسلام سولوه على امور قبل ذلك سولوه على امور الإيمان على امور العمل باختصار النتيجة سولو على امور العمل وماتسولوشاي على الأمور لي مامبنيش عليها - 01:05:08ضَ

فيها العمل اللي غير معنى كيزيد فالراس ويزيد غير يبرزط الإنسان ويفتن الإنسان ما عندك ما دير به الى ما تلفك ما يهديك وهذا منهج الاسلام في امور الدين وامور التدين العملية ولذلك لما سولو على الامارات جاوبو علاش؟ لان الامارات - 01:05:33ضَ

كتنبه الإنسان اش هي الأمارات؟ هوما العلامات ها علامات الساعة لما كتبقى فهاد الزمان تشوفها كتخاف وكتخشى على الله وكترجع لله لما كتشوف ان الأمور اللي تنبأ بها النبي صلى الله عليه وسلم على انها امور كتبين بأن الساعة قريبة وأن امور كتبين بأن الدنيا ماراهاشي بخير - 01:05:53ضَ

يبقى الإنسان خايف على راسو وكيجري الأعمال الصالحة يديرها فإذا الأمارات كتنفع وما كضرش بإذن الله عز وجل اما الأمور ديال المعاني اللي ما مبني والو فالدين ميبقاش بنادم يقلب عليها بزاف ديال الناس كيمشيو لعند الفقيه يبداو يسولوه اسئلة ديال التحصاو كيبغيو يحصلوه وهي امور خاوية - 01:06:13ضَ

القضية تلفهم وضيع لهم الشغل ديالهم وعمر بحال هاد النوع ما كيقدر يستاقم على الدين الحقيقي استقامة مزيانة ربي تعالى يوم القيامة مغاديش يحاسبك على هاد المعلومات الخاوية راك نقصت منها وزدت منها غادي يحاسبك على الأعمال ديالك اش درت فيها - 01:06:33ضَ

ارا الصلاة ديالك فين هداك الفجر ديالك؟ اش درت فيه؟ فين هداك الظهر ديالك؟ اش درت فيه؟ فين النية في الصلاة؟ اش درت فيها؟ فين الخشوع في الصلاة؟ اش درت فيه - 01:06:52ضَ

فين الزكا ديالك؟ فين الصيام ديالك؟ فين الحج ديالك؟ ها السؤال فين غادي يكون؟ ها الأسئلة فاش غادية تحط هدا هو الإمتحان تيسول كيقولك ايوا قوليا صحاب الكهف شحال سبعة ولا ستة ولا تمنية شحال؟ ويلا معرفتش شاي تحصل ودخل لجهنم ابدا الأسئلة مكيناشي هنا - 01:07:02ضَ

الذين ظل سعيهم في الحياة الدنيا وهم يحسبون انهم يحسنون صنعا هما في الدنيا تالفين ضالين وجايب لو عقلو بخير عليه راه العمل ديالو مزيان مستقم وهم يحسبون كيحساب ليهم راه يحسنون صنعا راه مصاوبها مزيان راه بخير - 01:07:22ضَ

هو ما بيخير والو تالف هاد النوع من النبي صلى الله عليه وسلم مع جبريل عليه الصلاة والسلام فهاد الحوار فهاد المناقشة لي دارت بيناتهم كانوا الصحابة وكيعلمو الأمة الإسلامية الى اخر الزمان انتبهوا سولو على الأمور العملية ولذلك كان هاد الحديث كيما قلت فالبداية جمع الدين كامل - 01:07:42ضَ

باش النبي صلى الله عليه وسلم قال لعمر واش عرفت شكون هذا لي كان كيسول؟ قالو معرفتشاي الله ورسوله اعلم قالو ذلكم جبريل اتاكم يعلمكم دينكم يعني كل دينكم الشدة والفاذة المهمات الاساسية في الدين اركان ديال - 01:08:02ضَ

الدين ديالكم هي هادي فإذن الى بان بأن الدين ثلاثة دالحاجات اسلام ايمان احسان وبان بأن الإحسان انما هو نتيجة ديال الجمع بين الإسلام والإيمان وبان بأن الإيمان الحقيقة ديالو ما عندها اساس حتى تكون متجلية فالعمل - 01:08:22ضَ

وبان بأن الإسلام هو مرجع الدين كامل وبان بأن مرجع الإسلام كامل هو الصلاة اعطينا النتيجة دابا ديال الدين كله الدين كله هو الصلاة باش تعرفوا ايها المؤمنون يا مسلمين تعرفوا بأنه الصلاة راه شي حاجة كبيرة - 01:08:42ضَ

راه هي الحقيقة والمصداق ديال الإنسان المسلم واللي تاركها راه تارك الإسلام ديالو ردو البال ردو البال الصلاة راه خصها تكون عند الإنسان المسلم بحال التنفس اليومي كيما كيتنفس بشكل طبيعي كيما - 01:09:02ضَ

كياكل ويشرب بشكل طبيعي خص تكون الصلاة عندو حركة عملية دائمة مستمرة بشكل طبيعي خاص المسلم مايديهش النعاس وما يقدش يديه النعاس ايلا ما كانش مصلي العشا الا كانت ناقصاه الصلاة ديالو ديال النهار ديالو خصو ما يرتاحش كيما ما - 01:09:23ضَ

لي جيعان ما مغديش وما معشيش وما فاطرش خصو ما يرتاحش كيما ما كيرتاحش الإنسان الى شديت لو النفس ولا شديت لو مناخرو مخليتوهش يتنفس كيديق كيبغي يطرطق هكداك المسلم الحقيقي الى فلتات الوصلة الى مشاتلو الصلاة راه الوضعية الحقيقية - 01:09:43ضَ

لي خصو يكون عليها هي وضعية الاختناق. باز اسيدي لهاد الجمهور ديال البشر لي عايش بحال البهايم صباح وعشية غادي تا لفضال ما يفكر فالصلاة ديالو مسلم باش؟ باش مسلم؟ راه اسيادنا قدامنا واحد الحقيقة ومن ورانا واحد الحقيقة - 01:10:03ضَ

صباح وعشية واحد الحقيقة هاد الحقيقة هي اننا غادي نموتو غاديين نموتو كي كتشوف فيها بعينيك وكيفاش غادي نموتو؟ غادي نموتو وتنسخنا الأجيال ديالنا كتناسخ الفصول كتناسخ الفصول اش معنى التناسق الفصول - 01:10:23ضَ

الاصول ديال الطبيعة اللي خلقها الله تعالى الشجر اللي كيورق فالربيع ويصفر فالصيف ويسوس فالخريف ويتعرى فالشتا ويعاود يورق فالربيع هاكداك دايرة الدنيا. الدنيا اوراق شجر. جيل ينسخ جيلا. حنا جيل جينا نسخنا الجيل السابق - 01:10:41ضَ

اللي غادي ينصحنا يعني غادي يبلاصينا راه عايش معانا هوما ولادنا طالعين باش يحتلو المكان ديالنا وحنا نمشيو وهادشي راه كيدوز بسرعة ياك كتشوف الفصول الاربعة ديال الطبيعة كدوز بين عينيك بشكل متواتر بشكل - 01:11:01ضَ

متراتب ها الشجرة خدرت ها هي صفرت ها هي ساست ها هي تعرات ها هي ورقت والحركة ديال الدنيا راه هكداك حنا ومن هنا كانت الحقيقة ديال الموت حقيقة وجودية اش معنى حقيقة وجودية - 01:11:21ضَ

حقيقة وجودية يعني انها كتعلق بالوجود كامل يعني انها قضية كتأرق وكتقلق الإنسان كيفما كان اي ديانة كانت عندو يهودي نصراني مجوسي او ما عندو دين او مسلم كلشي البشر اللي على وجه الأرض - 01:11:40ضَ

حقيقة الموت ساكنة لو فالشعور ديالو ولا فاللا شعور ديالو اما واعدها وعي حقيقي وحاضرة معاه من وقت لاخر ولا كيتجاهلها كيتناسى ومع الأسف واحد العدد كبير ديال المسلمين كيتجاهلو الموت ماشي جاهلينها لا كيبغي يوجه - 01:12:04ضَ

لأن الموت ماشي معلقة بالمسلم بوحدو معلقة بالإنسان كيفما كان يهودي عارف راسو غادي يموت النصراني عارف راسو غادي يموت. المجوسي عارف راسو غادي يموت. البشر فينما كان عارف راسو غادي يموت - 01:12:33ضَ

ولكن كيختلف الإنسان على خوه الإنسان في التعامل مع هاد الحقيقة لي هي الموت. كيختلف في التعامل كاين اللي كيتعامل معاها بالمنطق ديال الدين وكيختار الدين اللي بان لو هو الحق وكاين اللي - 01:12:52ضَ

معها بالمنطق ديال العبث. منطق ديال العبث هو منطق ديال الإنسان اللي لاهي. لاهي انسان اللي كيدير السياسة ديال النعامة مع الموت. مغطي راسو بالرملة باش ميشوفش الحقيقة وقلت عدد ديال المسلمين مع الأسف كيتعاملو مع هاد الحقيقة بالطريقة ديال النعامة مغطيين روسهم في الرملة هاربين - 01:13:12ضَ

الحقيقة ديال الموت وهذا ماشي حل الحل الحقيقي هو نواجهو هاد الحقيقة هو نتعاملو بشكل ايجابي مع هاد الحقيقة وكيفاش نتعاملو مع المنطق الوحيد لي كيتعامل مع الموت تعامل ايجابي هو الدين مكاينش غيرو حتى شي فكرة - 01:13:39ضَ

حتى شي مبدأ حتى شي منطق ما كيعطي للموت الحق ديالها ويعطيها داكشي اللي كتستحق كتر من الدين لأن ان الدين اجعل لينا الموت شي حاجة ايجابية شي حاجة لي كتحفزنا للعمل. ماشي كتعلمنا الكسل - 01:14:02ضَ

ماشي كتزرع في القلوب ديالنا اليأس لا كتزرع في القلوب ديالنا الامل. علاش؟ لان الدين والاسلام لي هو الدين الحقيقي دين ديال الأمل الدين ديال العمل ومن هنا كانت الصلاة - 01:14:22ضَ

لي هي الدين كيما بينا فهاد الكلام كولو الصلاة هي لي كتعلمنا الأمل هي لي كتعلمنا العمل هي لي كتحسسنا بالوجود ديالنا طويل لي مكتقطعوش الموت الموت اش كدير لو - 01:14:39ضَ

كتحولو من مجال لمجال كتبدلو من عالم العالم فالموت هي انتقال بالنسبة للانسان المؤمن واذا اذا كان هاد الانتقال عندو في اليقين ديالو راه خصو يضمن واحد الانتقال من الخير الخير من الخير - 01:14:55ضَ

واحد الخير حسن منو كبير. لأن الدنيا خير من خيرات الله تعالى. خير من خيرات الله نعمة من نعم الله عز وجل نحمدو الله سبحانه وتعالى عليها وعلى النعم اللي نعم علينا فيها والوسيلة الوسيلة باش نحمدوه ونشكروه هي - 01:15:15ضَ

الدين او راس الدين قلنا هو الصلاة فالصلاة هي وسيلة للتعبير لله عز وجل على الشكر ديالنا ليه والحمد ديالنا ليه ولذلك كانت الصلاة كلها الصلاة مبنية على الحمد لله رب العالمين سورة الفاتحة - 01:15:35ضَ

وكل سورة خطاتها سورة الفاتحة سورة باطلة. لأن الحمد هو حقيقة الصلاة هو جوهر التعبد لله سبحانه وتعالى طيب اذن اذا كانت الصلاة كتعمر لينا في الحياة ديالنا هاد الحقيقة الكبيرة حقيقة الوجود ديالنا حقيقة المصير - 01:15:55ضَ

ديالنا ثم هي كتمتل حقيقة الإسلام في الجوهر خصنا نتساءلوا شكون هي الصلاة؟ باش نشوفو واش حنا كنصليو حقيقة ولا مكنصليوش الا كنا كنركعو ونسجدو لله رب العالمين الصلاة قلنا هي العبادة. الصلاة هي لي كتجعل القلوب ديالنا كتواطى. لمولانا وكتنقاد وتقاد - 01:16:20ضَ

لله الواحد القهار اذن باش تكون هاد الصلاة كتعطي هاد المعنى الرفيع الجميل خصها تكون كتحقق جوج ديال المعاني المعنى الأول انها خضوع لله عز وجل وخشوع كيفاش هي خضوع وخشوع؟ لما - 01:16:46ضَ

يخضعوا للملك الوحيد الديان راه كنحققوا واحد المعنى وهو معنى ديال الانتساب الانتساب وهدا راه واحد المعنى لطيف وكبير بزاف مكاين غير فالاسلام اش معنى الانتسابي الانتساب زعما انت لمن منسوب؟ شي واحد مثلا كتبغي يتوسط لك عند شي واحد كبير باش يقضي لك شي - 01:17:08ضَ

المصلحة اش كيعطيك؟ كيعطيك ديالو كيقولك سير عندو قولو انا من طرف فلان هاد اللحظة اش كدير راك كتمشي تعمر لو الذهن ديالو وكتمشي تفهملو بأنك منسوب لهداك الفلان بلي راك جيت من جهة هداك الكبير - 01:17:35ضَ

بلي راه كيشفع لك وراك من طرفو زعما راك منسوب ليه. فنتا كتقضي هاديك الحاجة بالقوة ديال هداك لي راك منتسب ليه لي راه كتعتز بيه وجعلو هو الوسيطة ديالك والوسيلة ديالك - 01:17:55ضَ

نعام اسيدي حتى انت ملي راك كتصلي راك كتجيب ديال مولانا سبحانه وتعالى. راك كتصرف مع الخلق كل الخلق. باعتبارك منسوب لله سبحانه وتعالى. ومن هنا باش كان الإنسان المسلم تسمى عبد الله. عبد الله هاديك - 01:18:11ضَ

كيتسمى في العربية الإضافة يعني انت مضاف الى الله عز وجل منسوب الى الله تعالى الى عمر القلب ديالك بهاد المعنى تعرف اش كيحصل لك كيحصل لك انك انت كنت بشر ضعيف ضعيف ضعيف ما كتسوى والو وهادي هي الحقيقة ديال - 01:18:31ضَ

البشر ضعيف جزئي ضئيل نسبي كيتولد وكيموت في خطفة في رمشة ديال العين حياة كلها هي هكذا ولكن ملي كيعبد الله تعالى ملي كيصلي لله سبحانه وتعالى. ملي كيسجد ويركع لله تعالى كيحقق العبادة. لله. حقق العبادة لله - 01:18:51ضَ

كيولي هو عبد اله. اش هي عبد اله؟ يعني عبد منسوب الى الله سبحانه وتعالى. فنسبة الى الله ايها الانسان الضعيف الضئيل النسبي تجعل منك قويا بقوة الله سبحانه وتعالى - 01:19:15ضَ

عزيما لعظمة الله سبحانه وتعالى بهاديك النسبة اللي نتاسبت فيها وبها لله سبحانه وتعالى كتستمد القوة من الله وتستمد العظمة من اله سبحانه وتعالى. انت عبد خاضع لله ولكن شي حاجة كبيرة - 01:19:35ضَ

عند الله شي حاجة كبيرة عند اله علاش؟ لأن نتا عبدو ديالو ماشي ديال غيرو والحاجة ديال الله راه كبيرة وقوية وعظيمة اي حاجة منسوبة لشي واحد عظيم من البشر. الناس كيخافو منها - 01:19:55ضَ

تيقولو وياكم من هاديك الأرض راها ارض ديال فلان وفلان راجل واعر وياكم هاديك الطوموبيل ولا هاديك الدار راها ديال فلان وفلان هو رجل واعر كيخافو منو الناس. كتولي الحاجة ديالو كتخلع تا هي. كتولي قوية كتولي عزيزة كتولي شي حاجة رفيعة - 01:20:14ضَ

فما بالك الى كانت هاد الحاجة اللي منسوبة منسوبة لله وياك هاد العبد راه عبد الله كيقولك الحديث القدسي اللي رواه النبي صلى الله عليه وسلم على الله سبحانه وتعالى من عادى لي وليا فقد اذنته بالحرب - 01:20:34ضَ

من عادى لي وليا فقد اذنته بالحرب من شيء تعدى على شي ولي من اولياء الله عز خصو يعرف بلي راه الله تعالى اعلن عليه ديك الساعة الحرب او معروفة النتيجة ديال الحرب اذا اعلنها الله تعالى على شي واحد من المخلوقين - 01:20:53ضَ

وكل مخلوق بازاء الله عز وجل ضعيف ضعيف هالك فان امام قدرته سبحانه وتعالى شكون هو الولي؟ الولي هو العبد الحقيقي اللي خضع قلبو لله سبحانه وتعالى وعدد كبير من الناس كاينين فالدنيا اولياء لله حد ما جايبلهم الخبار علاش؟ لأنهم ناس - 01:21:13ضَ

ناس مساكن مقابلين الصلاة ديالهم خاضعين مقابلين القات ديالهم غاديين من ديورهم للجامع ومن الجامع لديورهم نمشيو للعمل ديالهم ويجتهدوا في الدنيا ديالهم ولكن ما ناسيينش حق الله سبحانه وتعالى - 01:21:37ضَ

هادوك هوما الاولياء الحقيقيين اللي القلوب ديالهم خاضعة لله سبحانه وتعالى الصلاة اذن الصلاة ايها المؤمنون كتحقق لينا هاد المعنى. معنى ديال عبد منسوب لله سبحانه وتعالى وملي كيتحقق هاد المعنى هدا الكبير العظيم - 01:21:54ضَ

هاد المعنى الكبير بزاف هو انك تكون مستافد استافد بكونك عندك المدد الدائم المستمر من الله اليك عمرك ما تصيبك شي حاجة فنفسك ولا فدنيتك ولا فآخرتك بإذن الله تعالى - 01:22:14ضَ

لي كيصلي يصلي صلاة حقيقية عمر الأمراض النفسية متعرف الطريق ليه عمر القلق والصداع ديال الراس ميوصل ليه عمر الدنيا كلها ما تغلبو ولا تأثر عليه علاش؟ لأن المدد من عند الله تعالى دايز لو النور - 01:22:34ضَ

ديال الله سبحانه وتعالى بحال الشتا كيطيح عليه اصبح وعشية ليل ونهار ربعة وعشرين ساعة على ربعة وعشرين عشرين ساعة لأن الصلاة بالشكل ديالها في الإسلام كتحقق للإنسان المسلم الإتصال الدائم المستمر - 01:22:54ضَ

الله سبحانه وتعالى ربعة وعشرين ساعة على ربعة وعشرين ساعة كيف كيف ذلك ان الصلاة نهار تفرضت اول مرة راه تفرضت على المسلمين خمسين صلاة. وخففها الله سبحانه وتعالى على سيدنا محمد صلى الله عليه وسلم - 01:23:14ضَ

ملي كان كيطلب منو التخفيف من خمسين لخمسة. من خمسين لخمسة فكانت كل صلاة كتنوب على عشرة ديال الصلوات خرا كل صلاة كتنوب على عشرة ديال الصلوات خرا وكل وقت كينوب على عشرة د الأوقات خرا ولا بعبارة خرا - 01:23:34ضَ

هاديك الخمسة د الأوقات لي كنصليو راه في الحقيقة ديالها كتنوب على ربعة وعشرين ساعة كلها يعني ان داكشي باقي من اليوم والليلة كلو راه كتصليه راك ما قالشاي راك كتصليه فاش كتصليه كتصليه فهاديك الخمس - 01:23:54ضَ

الصلوات فهاديك الخمس صلوات الصبح وقت الظهر وقت العصر وقت المغرب وقت والعشا مغرب ويلا تأمل وكتلاحظ كتشوف بأن هاد الأوقات الخمسة محطات محطات وقتية معينة الفجر او الصبح حال فلكي وقت كينتاقل فيه الزمان الفلكي من حال لحال من الليل للنهار - 01:24:14ضَ

الظهر الشمس كتزول عن كبد السماء يبدا العد العكسي ديال النهار. يعني النهار ملي كتشرق الشمش وهو كيتزاد كيتزاد كيتزاد في الظهر كيبدا ينقص العكسي تناقصي العصر محطة خرا كيتبدل فيها الجو والطبيعة ديال الشمس والهوا - 01:24:44ضَ

الظلم حتى هو باش كيبدا يمهد كيبدا يمهد للغروب كيمهد للفناء ديال النهار والغروب غروب موت النهار وبداية الليل محطة زمنية اخرى والعشا الظلام الظلام في الكون في البيئة لي راك فيها - 01:25:08ضَ

الظلام مسيطر يعني هذا وقت اخر كيعبر على الليل كلو هاديك العصا ديال العشا كتنوب على الليل كلو حتى للفجر حتى الفجر وكيتبدل الوقت لاحظ هاد الأوقات كيفاش مقسمة واحد التقسيم عجيب واحد التقسيم غريب بحيث - 01:25:28ضَ

ان كل وقت عندو ذوق. وعندو معنى عند الله سبحانه وتعالى. فهي رموز كتعبر على الأوقات كلها. اليوم الى كل فإدن الحقيقة ديال الإنسان لي كيصلي الأوقات الخمسة راه كيصلي ربعة وعشرين ساعة على ربعة وعشرين ساعة بالنية - 01:25:48ضَ

يعني كل صلاة راها كتنوب على عدد كبير وفترة زمنية عدد كبير ديال الأوقات وفترة زمنية واسعة باش كتكمل الخريطة ديال الزمن ديال الدورة ديال اليوم وديال الليلة. فإذا الإنسان المصلي - 01:26:08ضَ

الحقيقة ديالو انه عبد سائر الى الله. والسير الى الله فيه جمال وفيه جمال. فيه جمال انه العبد كيحس بهاد الحال ديال الفرح وديال السرور وديال الراحة وديال الأمل ان الموت ماشي هي نهاية المطاف - 01:26:28ضَ

مغادياش تقضي عليه غادي يمشي غير للخير وغادي ينتقل غير لما هو افضل وغادي يمشي باش يلقى الجزاء ديال هاد العمل ديالو اللي كان كيديرو ربعة وعشرين ساعة على ربعة وعشرين ساعة هادا هو الجمال والمتعة المتعة واللذة اللي كيحس بها العبد - 01:26:53ضَ

لله في العبادة ديالو لله عز وجل جلال الجلال هاديك الرهبة والقوة والعظمة اللي تيتمتع بها العبد المصلي نفسيا امام المشاكل تا حاجة مكتخلعو تا حاجة من جهة صعيبة حتى حاجة متكاليه في امور الدنيا كلها علاش؟ لأنه معتز بالله - 01:27:13ضَ

وشد في الله وعبد لله سبحانه وتعالى. واللي كان عبد ديال القوي راه حتى هو قوي. باش قوي بالقوة ديال الله سبحانه ولذلك كانت الصلاة في الإسلام شي حاجة كبيرة ما عندها ثمن - 01:27:37ضَ

فيا ايها المؤمن الرجوع لله سبحانه وتعالى. الرجوع لله بالصلاة راه مكاينش فضل منها. صلي تلقى راحتك. صلي تلقى قوتك. صلي تفتح عليك ابواب الخير كلها صلي تكون مسلم حقيقي. والا راك غادي تضيع فتيه. وراه الزمان لي فاتك عمرو مكيتخلف - 01:27:57ضَ

راه الزمان لي فاتك عمرو مكيتخلف. راه الزمان لي فاتك عمرو مكيتخلف. والوقت لي فاتك راها عمرها ما كتخلف الوقت اللي فاتك راها عمرها ما كانت تخلف شوف الى داك النعاس فالليل وما كليتشي العشا ديالك العشا باش - 01:28:23ضَ

ما كليتوش ونضت الصباح وجلست على الطبلة ديال الفطور وجابو ليك هداك العشا ديالك ديال البارح الماكلة ديال البارح وبديتي اش كتاكلها؟ واش يقولوا لك راك كتعشى ابدا راك غير كتفطر واخا الماكلة راها ماكلة ديال العشا لأن العشا عمرك ما غادي تعشاه هاداك العشا اللي دازك عمرك ما غادي تعشاه لأن العشاوة - 01:28:43ضَ

ودازت وقتو وادا دازت عمرها مكتخلف عمرها تعاود الى الماكلة بقات للنهار راك كتفطر بيها ماشي كتعشا وتخليها العشا ياخور ولكن راه عشا جديد والعشا القديم راك ضعت فيه راه عمرو مكيتخلف ولي كيفطر - 01:29:07ضَ

راه مكيتعشاش ولي كيتغدى راه مكيفطرش وهي غادية فلذلك الأوقات راها عمرها مكتخلف راها عمرها كتخلف بدر توب لله سبحانه وتعالى. او قاد اوقاتك توب لله سبحانه وتعالى او رجع لصلاتك. باش تكون مسلم او تكون - 01:29:27ضَ

وبخير وعلى خير مع الله سبحانه وتعالى في الدنيا وفي الاخرة اش كيقول الله سبحانه وتعالى فهاد الشأن ديال اوقات الصلوات هاد الشأن ديال اوقات صلوات كيقول سبحانه وتعالى ان الصلاة - 01:29:47ضَ

كانت على المومنين كتابا موقوتا. اشمن عند كتاب موقوت؟ كتاب يعني فريضة فريضة ديال الله سبحانه وتعالى العباد ولكن هاد الفريضة ماشي فريضة مطلوقة فريضة مشروطة باش؟ مشروطة بالوقت والصلاة الى ضاع الوقت ديالها ضاعت قيمتها - 01:30:07ضَ

ضاعت قيمتها الى كان داك الوقت لي فرطت فيه فرطت فيه هكداك بلا عذر بلا حتى شي مبرر شرعي كيقولو الفقهاء حتى للصلاة اذا تأدات في الوقت ديالها الصلاة اذا تادات في الوقت ديالها مختلفة عند الفقهاء على الصلاة اللي تادات خارج - 01:30:30ضَ

الوقت ديالها شي واحد كيصلي الصلاة فوقتها كيقولو راه يؤدي الصلاة وهداك الفعل ديالو كيتسمى اداء اداء داز الوقت ديالها ما كيسميوهش اداء الصلاة ما كيقولوش يؤدي الصلاة كيقولو يقضي قضاء زعما كترد الكريدي - 01:30:50ضَ

وعمر الحاجة الى دازت في وقتها مكتكون بحال الحاجة لي دازت بعد وقتها كيما متلنا في القضية ديال القضية ديال الماكلة ديال العشا الا صبح ليك للصباح مكيبقاشي عشا تيولي فطور وخا الماكلة هي الماكلة - 01:31:10ضَ

الى مصليتشاي الفجر فوقتو وطلع عليك النهار وشرقت الشمس وانت شرت راه فالحقيقة وخا كتصلي ركعتين ديال راه الجوهر الحقيقي راه ماشي صبح هداك هاديك راها ضحى نعام ا سيدي هاديك ضحى علاش؟ لأن الله تعالى سمى - 01:31:30ضَ

موقوتة يعني الصلاة هي الوقت الله تعالى من الحكمة ديالو بغانا نعبدوه باش؟ نعبدوه بالوقت نعبدوه بالوقت نعبدوه بالفجر بديك الوقت ماشي بركعتين لا كنعبدوه بالوقت ماشي بربعة د الركعات ديال الظهر لا - 01:31:50ضَ

كنعبدوه بالوقت ديال الظهر. ماشي بربعة د الركعات ديال العصر لا كنعبدوه بالوقت ديال العصر ماشي بثلاثة د الركعات ديال المغرب لا كنعبدوه بالوقت ديال المغرب وماشي بربعة د الركعات ديال العشا - 01:32:10ضَ