ان الحمد لله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا. انه من يهده الله فلا مضل له. ومن يضلل فلن تجد له هاديا مرشدا يا ايها الذين امنوا اتقوا الله حق تقاته. ولا تموتن الا وانتم مسلمون - 00:00:01

يا ايها الناس اتقوا ربكم الذي خلقكم من نفس واحدة. وخلق منها زوجها وبث منهما رجال كثيرا ونساء واتقوا الله الذي تساءلون به والارحام. ان الله اه كان عليكم رقيبا. يا ايها الذين امنوا اتقوا الله وقولوا قولا سديدا. يصلح - 00:00:34

لكم اعمالكم ويغفر لكم ذنوبكم. ومن يطع الله ورسوله فقد فاز ومن يطع الله ورسوله فقد فاز فوزا عظيما. اللهم صل على الحبيب محمد وعلى ازواجه امهات المؤمنين وعلى ذريتي وال بيته انك حميد مجيد. اما بعد اخواني واحبابي في الله مر حبيب الله محمد عليه الصلاة والسلام على قوم - 00:01:04

المبتلين يعني قبيلة كده او مجموعة من الناس كلهم في مصيبة. كلهم حصل لهم وباء مسلا اجتاحهم مرض معين من الامراض الصعبة اللي بتهد البني ادم وتنيمه. ويبقى عايز يدخل في هزه الايام عناية مركزة اصابهم كلهم. المجموعة - 00:01:34

كلها في مصيبة فمر النبي صلى الله عليه وسلم على قوم مبتلين فقال حبيب الله محمد عليه الصلاة والسلام اما كان هؤلاء يسأل الله العافية. الله اكبر. هو الدعاء وسؤال الله العافية. ممكن يحمي من المصايب العامة. هو لو شعب - 00:01:54

كامل سأل الله العافية. ممكن ربنا ينجيه من الموجة الرابعة من كورونا. هو الله سبحانه وتعالى ممكن يعالج اوبئة عامة زي الوباء المتوطن في يثرب لما النبي عليه الصلاة والسلام دخلها وازيل هذا الوباء بالدعاء من النبي صلى الله عليه وسلم. هو ممكن مشاكل عامة - 00:02:14

تتحل بكلمة يا رب وبالتوجه الى الله. غير ان الرسول عليه الصلاة والسلام بينقل رسالة تانية. اما كان هؤلاء يسألون الله العافية؟ هم دول ما كانوش عارفين ان الدنيا فيها مصالح - 00:02:34

طيب هم دول ما كانوش عارفين ان الدنيا دي مكان مليان اختار وملآن ميكروبات ومليان اوبئة ومليان امراض ومليان كوارث ومليان جوارح ومليان مصائب. هم دول ما كانوش فاهمين الدنيا. ما كانش عندهم وعي بحقيقة الدنيا ومفاجآت الايام - 00:02:44

ازاي ما كانوش بيتحصنوا بسؤال الله العافية؟ نسأل الله العفو والعافية. اما كان هؤلاء يسألون الله العافية؟ الدنيا مليانة شر يا جماعة عشان كده الله سبحانه وتعالى يقول قل اعوذ برب الفلق من شر شر؟ هو فيه شر يا رب! هي فيه حاجات وحشة! فيه شر من شر ما خلق! ده انت - 00:03:04

كده يعني في عشرين مليون موقع حي على وجه الارض. منهم مسلا نص مليون كائن مؤزي. تعابين وعقارب وحيات وو انت بقى بالكلمة دي خبطت لك نص مليون كائن مؤزي ربنا يحميك به. من شر ما خلق. ومن شر هو لسة فيه شر تاني يا رب! ومن - 00:03:24

شر غاسق اذا وقب واحد مستني لك. واحد مستخبي لك. وقاعد يجمع لك عشان يخبطك خبطة. يقسم وسط اللي بيكرهوا فيها او الليل لما بيشتد ظلامه ويبدأ بقى فيه ناس وفيه جن وفيه مصايب مستنية الضلمة عشان تبدأ - 00:03:44

طيب الناس ومن شر لسه فيه شر تاني يا رب. ومن شر النفاثات في العقد. ناس عايزة تعقد عليك عيشتك. ناس عايزة الحياة تبقى عقد عقد ناس ما تقدرش تستحمل انك تبقى مستريح او الخوارق بقى. او ناس رايحة لعوالم تانية. تبعت لك قوة من الجن والشياطين - 00:04:04

تدمر حياتك بالسحر. ناس بتستعين بقوة فوق قوتك انت كبني ادم. انت قمة قوتك في الاستعاذة بالله. وقمة ضعفك انك انت تواجه الحياة ديت بنفسك وبعضلاتك. وانت فاكر انك تقدر تواجهها. ومن شر هو لسة فيه شر يا رب. يا رب كل ده - 00:04:24

شر ومن شر حاسد اذا حسد. في نفوس سودة مش قادر يشوفك في نعمة. مش قادر يشوفك بتضحك. مش قادر يشوفك ماشي جنب مراتك وانتم بتضحكوا مع بعض مش قادر يشوفك شايل عيل صغير وفي ايدك عيل ومراتك في ايدها عيلين وهو ما مش قادر يشوفك راكب عربية حلوة - 00:04:44

مش قادر يشوفك ماشي لك وضع في المجتمع. مش قادر يشوفك سليم وقوي وعفي ومش قادر يسمع ان ابنك جاب تسعة وتسعين في المية سنة مش قادر مش قادر يشوف النعمة اللي انت فيها. من شر وشر وشر وشر. كل ده شر يا رب. قل اعوذ برب الناس. ملك الناس - 00:05:04

من شر هو لسة فيه شر تاني من شر الوسواس الخناس. القرآن والسنة بيقول لك ان الدنيا هنا شر. اوعى اتخدع. اوعى تفتكرها بامب لانها مش بنب خالص ده كروهات في كروهات. اوعى تفتئ الدنيا مليانة ابتلاءات. الدنيا مليانة مصايب. الدنيا مليانة شياطين وجن - 00:05:24

الدنيا مليانة سحر وحسد. الدنيا مليانة مفاجآت. الدنيا طب اعمل ايه؟ بسيطة بسيطة انت اقوى اقوياء الدنيا. لو انت توجهت الى الله. عشان كده في حاجة في القرآن والسنة اسمها الاستعاذات. لازم بالذات في الايام اللي احنا فيها دي. واحنا داخلين - 00:05:44

او فعليا بدأت الموجة الرابعة من كورونا انك انت والعالم كله مرعوب من كورونا دلتا بلس ومرعوبين من التحورات اللي بتحصل واللي لسة متوقعين ان ممكن فيه تحورات اخطر تحصل المفروض ان انت يوميا يبقى عندك ورد استعازة ليلا ونهارا. المفروض انك تلجأ الى الله رب العرش - 00:06:04

العظيم آآ هتلبس كمامتك وهتتباعد وهتعمل كل حاجة. بازن الله لان ده من كمال توكلك على الله. والا فمن لا يأخذ بالاسباب يتهم الشريعة في حكمتها. فهو قدح في حكمة الشرع الا تاخز بالاسباب. ولكن السبب - 00:06:24

الاعزم. السبب الاضخم. السبب الاكبر. السبب الاقوى هو التعوذ بالله سبحانه وتعالى. يعني ايه اعوذ بالله. يعني ايه اللهم اني اعوذ بك من جهد البلاء؟ يعني ايه اعوذ؟ يعني ايه اللهم اني اعوذ بك من زوال نعمتك. يعني ايه اللهم اني اعوذ بك من الهم والحزن - 00:06:44

يعني ايه اللهم اني اعوذ برضاك من سخطك؟ يعني ايه اللهم اني اعوذ بك من ليلة السوء ويوم السوء؟ يعني اللهم اني اعوذ بك من شر ما عملت وشر ما - 00:07:04

كم اعمل؟ يعني اعوذ بكلمات الله التامات من شر ما خلق. يعني ايه اعوذ كلمة العوذ اللي مالية احاديث النبي وكان بيتعوذ بالله ليل نهار. قل اعوذ برب الفلق. قل اعوذ برب الناس فاستعز بالله. ان - 00:07:14

الكلمة دي معناها ايه ؟ يعني ايه انني استعيذ بربي ولازم بييجي بعدها الباء بتاعة الاستعانة. ما هو ما فيش غيره. العزة لله جميعا. القوة بالله جميعنا يا عم ما تدورش هو ما قدامكش غير ربنا اصلا. هو الوحيد اللي يملك الحل الحقيقي. الله سبحانه وتعالى يقول لك العوز في عند - 00:07:34

العرب هو الملجأ. يعني الشخص اللي بيلجأ اليه لما بتبقى فيه مصايب. يعني ايه ملجأ؟ يعني كلمة ملجأ عند ايه؟ يقول لك الملاجئ. يعني ايه ملجأ؟ لما ييجي قصف طيران من دولة معادية يقوموا الناس ينزلوا بسرعة في الملجأ. ويفضلوا فيه لحد ما القصف يعدي وما يخرجوش غير لما يطمنوا ان القزف انتهى - 00:07:54

الملجأ اللجوء الى الله. ربنا هو الملجأ بتاعك. يعني لما الدنيا تقصفك لما الاوبئة والامراض والكورونا والاوبئة تقصف الدنيا. لما المصايف تقصف الدنيا. المصائب تقصف الدنيا. لما العقوبات العامة بسبب - 00:08:14

ذنوب الناس وانتهاك الناس للكبائر ليل نهار. تتنزل وتقصف المجتمع. عذب الله سبحانه وتعالى. رح الملجأ بقى روح اطلب بقى ايه طلب جوار من الله سبحانه وتعالى. يعني افضل اللحم عوذة. يعني ايه عوذة؟ قال لك اللحم - 00:08:34

اللي لازق في العضم اللحم اللي بالعضم بقى اللي يعني قال لي يعني ايه عوذوا الملتصق اللاجئ الى العظام؟ يعني الاستعاذة هي اللجوء الى الله طورت جناب الله سبحانه وتعالى. اجري على ربنا. اعوز عايزين يا اخوانا نقف مع بعض التعوذات النبوية في هذه الخطبة. عائزين - 00:08:54

نقف مع بعض التعوزات عشان نتفق من الوقت ان يبقى لك ورد في هزه الايام بالزات والمفروض طول عمرك. لان الخطر اللي في الدنيا مش هو كورونا بس الدنيا مكان - 00:09:14

خطر جدا. الدنيا مكان صعب جدا. الدنيا مكان الدناءات كلها والدنايا كلها. والمصايب كلها وربنا خلاها كده عشان لما تعرف ضعفك تجري عليه. فيبقى عجزك كنزك. وربنا خلاها كده عشان تشتاق للجنة. دار السلام اللي ما فيش فيها مصاب - 00:09:24

سلمت من المصائب والكوارث والهم والغم والاكتئاب فوبيات والديون والسجون شقاق النفاق والغش والحسد والسحر والشياطين مكان ما فيش فيه كل ده والله يدعو الى دار السلام. دار سلمت من كل هزا عشان تشتاق - 00:09:44

وعشان تقف على باب ربنا سبحانه وتعالى وانت ضعيف متضاعف من استعازات حبيب الله محمد عليه الصلاة والسلام. اللهم اني اعوذ بك من جهد البلاء ودرك الشقاء وسوء القضاء وشماتة الاعداء. انا عايزك تحفز التعوذات دي. وعايزك تمسك - 00:10:04

بعد الخطبة تجيب ورقة وقلم وتكتب استعازات مجموعة من الاستعازات انت تختارها بقى وتنقيها بازن الله تبقى ورد عندك تستعيز بالله ليلا ونهارا. انت محتاج انك تتعوذ ليل نهار من المشاكل اللي مالية الدنيا. امال احنا حياتنا مليانة مصائب ليه؟ هو احنا حياتنا خنيقة ليه - 00:10:24

هو احنا حياتنا مليانة مشاكل اقتصادية ومشاكل مادية؟ مشاكل اجتماعية ومشاكل نفسية مشاكل اسرية ومشاكل في المهنة هو الدنيا بقت خنيقة ليه ؟ ما هو اما كان هؤلاء يسألون الله العافية من غير دعاء مش هتكمل. من غير استعازات الدنيا هتبقى مكان صعب جدا - 00:10:44

كان سيدنا زكريا بيقول ولم اكن بدعائك رب شقيا. انا نجيت من الشقى يعني ايه نجيت من الشقى؟ بكلمة يا رب يعني انا جيت من هي الدنيا كلها شقى. هي الدنيا من غير ربنا شقى دار فلا يخرجنكما من الجنة فتشقى. وخلاص تلقى - 00:11:04

كل اللي برة الجنة شقى. ما فيش سعادة غير في الجنة. فكل اللي بره طب انجو ازاي من الشقة بتاعته انا عايز اعيش سعيد في الدنيا يا رب. مش انت ربي ومولايا الجأ الى - 00:11:24

الله بقى ولم اكن بدعائك بعبادتك وبالتوجه اليك وبالتوسل اليك للنهار ولم اكن بدعائك ربي شقيا. اللهم اني اعوذ بك من جهد البلاء. يعني ايه جهد البلاء؟ جهد البلاء. الابتلاءات نوعين يا جماعة. فيه ابتلاءات عادية. يعني واحد جاي اه - 00:11:34

امبارح الموتوسيكل بتاع اتسرق. والشغل آآ بتاعتي راحت. قلت له يا ابني انت هتترسم! انت انت عايز تعيش انك انت مبتلى! تعال بقى تعال اما اخدك الوقت زور تلاتة اربعة مبتلين بجد تعرف انك انت معافى اوي. فدي ابتلاءات. وحاجة صعبة. بس مش دي شهد البلاء. شهد البلاء الابتلاء - 00:11:54

اللي تستنزف طاقتك. الابتلاءات اللي ما انتاش عارف تاخد نفسك من الغم اللي انت فيه. الابتلاءات اللي تقول فيها يا رب يا تشفيني يا تاخدني. انا ما عدتش طايق الحياة انا بقى عندي رفض للحياة. تسمعها من الدكاترة لما يزوروا حد كبير - 00:12:14

في السن يقول لك عنده رفض للحياة ليه؟ ما انا مشلول وقعيد وما عدتش بتحرك وبقيت عبء على ولادي وما عدتش منتج في حاجة خدني يا رب. خلاص انا مش مش عايز اعيش بقى فيقول لك عنده رفض للحياة. يعني ايه جهد البلاء؟ جهد البلاء. الابتلاء اللي يوصلك - 00:12:34

الى ان الموت ارحم من اللي انت فيه. سبحان الله الفترة اللي فاتت نشوف كثير من احبابنا يقول لك ده دخل عناية مركزة. مش عارف خد نفس وحطها على السداد. هيحطوها على التنفس الصناعي بقى له شهر في في العناية المركزة. ده بيتألم ده جهد البلاء. ابتلاء - 00:12:54

مخلي مش قادرين نستحمل. طب وايه اللي يوصل الناس لهذا؟ ايه اللي يوصل الناس لجهد بقى؟ حاجات كثير جدا. ان البلاءات ايه ده! البلاءات المستنزفة للطاقة. البلاءات اللي بتشل حياة البني ادم. البلاءات اللي اللي بتقسم الظهور دي - 00:13:14

موجودة شف بقى اما كان هنا يسألون الله العافية الاستعازة والدعاء سبب من اسباب رفعها. عدم الزنوب المجحفة والجرأة الرهيبة على شريعة الله وتبديلها بكل سهولة. على حرمات الله واولياء الله والدعاء الى الله. على الكبائر وحدود الله - 00:13:34

الناس لما بتتجرأ اوي وبتستهين بربنا اوي ساعتها الدنيا بتتملى جهد بلاء والعياذ بالله. اللهم اني اعوذ بك من جهد البلاء ودرك الشقاء. يعني ايه درك الشقاء؟ درك يعني واحد بيجري وراك وهيدركك. هيلحقك. يبقى درك الشقاء الشقى بقى - 00:13:54

الدنيا فيه ناس تقول لك يا عم انا شقيان. يعني ايه الشقاء في الدنيا؟ الشقة ابسط صوره اللي احنا بنشوفها. يقول لك انا عايش في شقة. يعني ايه؟ يعني انا بصحى من النوم الساعة - 00:14:14

ستة الصبح بافضل اشتغل لاتناشر بالليل. باموت وفي الاخر صاحب الشغل بيديني في الاخر الف وتمنميت جنيه اخر الشهر. لا بيكفوا حاجة ولا انا ميت ميت لا عنده حاجة اسمها يوم اجازة ولا عنده حاجة اسمها ساعة اقعد مع ولادي في اليوم ولا عندي وقت راحة ولا عندي يوم راحة وفي الاخر - 00:14:24

ما فيش حاجة مكفية ولا انا مكافيء وعايش في شقا هو ده الشقا. الشقى ان الدنيا تبقى صعبة. تبقى لا تطاق يبقى الظروف المادية والظروف الحياتية فالرسول عليه الصلاة والسلام بيستعيز بالله ايه ؟ استعاذ الاول من جهد البلاء الابتلاءات البشعة. الابتلاءات الصعبة. آآ الشلل الفشل الكلوي - 00:14:44

اسأل الله العفو والعافية. ودرك الشقاء ان الدنيا تبقى شائعة. طب يعني ايه درك؟ درك ده يعني حد بيجري وراك وهيلحقك. هيدركك يعني يعني ما تخليش الشقا يلحقني. هو الشقى بيجري ورانا! اه الشقا بيجري وراك. ما انت اللي مش فاهم الدنيا. انت اللي انت اللي نايم في العسل. انت حر. هي الدنيا مليانة - 00:15:04

والشقى بيجري وراك. ولو ربنا ما حالش بينك وبينه هيدركك. وترك الشقاء. وسوء القضاء. يعني ايه سوء القضاء؟ القضاء القضاء ده بتاع ربنا القضاء والقدر. ربنا اللي بيقضي وبيقدر الامور هو فيه مش المفروض بنرضى بالقضاء؟ اه المفروض انت بترضى بالقضاء بس - 00:15:24

في اقدار بتسيئك. في اقدار صعبة بتحصل. وسوء القضاء ان واحد راكب العربية ورابط الكاوتش وفجأة صامولة فكت وهو مع مراته وولاده العربية اتقلبت. لما الكاوتشة فكت ولا الكاوتشة اللي قدام فرقعت نسأل والله العفو - 00:15:44

والعافية. اتقلبت العربية كلهم ماتوا. كلهم ماتوا. هو ايه ده! هو سوء القضاء ان تحت مصائب القدر. الله! وهو القضاء بتضرب يعني اللي ربنا قضاه بيترد ؟ اه لا يرد القضاء الا الدعاء كما قال النبي صلى الله عليه وسلم. يعني ده انت بصوا يا اخواننا ده - 00:16:04

انا عرض كومبو استعازات النبي دي. استعازات بتفتح افقك على حاجات انت كنت هتعيش وتموت وانت ما انتاش فاهمها اصلا. الواحد بيتعبد والله العزيم بيتعجب انا انا نفسي نجيب ادعية النبي عليه الصلاة والسلام ونترجمها وندعو كفار وملحدي العالم - 00:16:24

ليه قريتها زي ما كده كل اربع مصاحف مترجمة آآ بتتوزع على ناس من الكفار في الارض واحد من الاربعة بيسلموا لما بيقرا المصحف انا اظن ان اللي يقرأ ترجمة ادعية النبي يسلم. اللي يقرأ ترجمة اذكار النبي عليه الصلاة والسلام يسلم. لانها مليانة معجزات - 00:16:44

مليانة معاني نورانية جبارة. من المعاني النورانية ان النبي نبهنا المشاكل ولا حد واخد باله منها. زي تعوز النبي عليه الصلاة والسلام. اللهم اني اعوذ بك ان الى ارذل العمر. دعاء جبار. اللي شاف حد عنده تمانين سنة. ومش قادر يتحرك فعلا في يعني ايه ارزل العمر - 00:17:04

اما توصل يعني العلماء قالوا النهاردة ان العمر مش شرط واحد عنده تسعين سنة وما عادش قادر يتحرك ولا عاد فاهم ولا عاد وقال زهايمر ولا عاد اصلا مركز وبيقضي حاجته في السرير وما عدش منتج وممكن احب الناس اليه بيخدموك. بس وهم مستثقلين فيتمنى - 00:17:24

بابه اللي بيحبوه اللي هم هيموتوا من البكاء عليه لو مات بس هم بيتمنوا موته. لان هم شايفين ان هو متعذب وهم متعزبين. فقال لك ارزل مش بس كده. قال لك ممكن شاب عنده خمسة وعشرين سنة ويدخل في ارض العمر. ازاي ؟ حادسة مفاجئة. زي ما بنشوف دايما. حاول تزور المبتلين - 00:17:44

حاول تزور الناس المبتلاة بجد عشان تعرف نعمة ربنا عليك. وعشان تعرف انت مطلوب منك دعاء قد ايه. وسؤال الله العفو والعافية قد ايه. حاول تزور الناس المبتلين بجد. الناس اللي عندها ابتلاءات تفهمك ان اللي مبكيك ومسهرك. انت يا ابني انت انت عايز تعيش في الدور بس. انك - 00:18:04

انت مبتلى ده ده فيه ناس في عافية قوي قوي قوي. فيه ناس مبتلى اه فيه ناس مبتلاه. فيه ناس عندها ابتلاءات لا عنده شلل. نسأل الله الشفاء لكل مريض مسلم يا رب. اللي عنده فشل كلوي. اللي عنده اللي مهدد ان هو ينام على تنفس صناعي. نسأل الله العفو والعافية. هناك اقوام مبتلون - 00:18:24

فانت اعوذ بك ان يرد الى ارذل العمر. قال لك من ضمن ارذل العمر واحد شاب فجأة وجاء له فشل كلوي يعني ما كنا في يعني في امتحانات امراض الكلى في الجامعة يدخل عليك شاب عنده خمسة وعشرين سنة ده ايه ده ده اكشف عليه بقى الولد عنده - 00:18:44

فشل كلوي وفجأة شاب زي الفل وصحة وقوة وفجأة خلاص الضغط ضرب الضغط اثر على الكلى الكلى وقعت هيبدأ يغسل كلى فجأة هيدخل في واحد فجأة حصل له خبطة عربية كسر في العمود الفقري من تحت العنق شلل رباعي ما حدش هيتحرك. الا ان يشاء الله - 00:19:01

معجزة بقى واحد فجأة حصل له حاجة اتعمى. نسأل الله العفو والعافية. فقال لك ده دخل فرزن العمر. ليه ؟ ما عدش منتج. ما عدش بيعمل حاجة. فبقى احب الناس لسه يعني يعني احد الشباب الافاضل والله حسيبه يعني متصل بي بيقول لي انا اللي بيخدمني امي. خمسة وستين سنة ويعني يعني يعني - 00:19:21

ربنا يعافيه ويشفيه يا رب ويعني مريض جدا يعني اصيب بشلل. بيقول انا انا حاسس ان والدتي نفسها ما عادتش قادرة. ما عادتش قادرة من المشاكل الصحية والابتلاءات الصحية اللي هو فيها فارزل العمر يا رب انا مش عايز في لحزة من اللحزات ابى حمولة على اللي حواليا. انا مش عايز في لحزة من اللحزات - 00:19:41

ابقى جسم بس ما عدش فيه انتاج ولا عاد فيه معنى للحياة. عمر رزل بقى. عارف لما بيقول لك فلان ده رزل؟ اه واد رزل بقى يبقى حياة اصلا. يعني يا رب ارحمني من ان المرحلة دي اعيشها. لا بسبب حادسة مفاجأة وابقى يعني ميت مع اقامة - 00:20:01

التنفيز بتنفس وببص وخلاص ولا بسبب ان انا اوصل لسن يخليني ارضى للعمر يخليني خلاص انا لا انا طايق اللي انا فيه ولا اللي حواليه ولا اللي حواليا طايقينه فالنبي عليه الصلاة والسلام بينبهك لحاجات انت ممكن وانت في قمة الصح مش واخد بالك منها. اللهم اني اعوذ بك من جهد البلاء ودرك الشقاء - 00:20:21

ان الشقى يلحقك. ان الدنيا تبقى انك عايز تجيب الجنيه تطلع روحك. وسوء القضاء المصايب بتاعة القضاء والقدر بقى مشاكل القضاء والقدر بقى. اللي هو يعني يعني عمله يعني فيه دراسات بتتعمل. يجيب لك اكبر حرايق حصلت في الدنيا. يجيب لك ان - 00:20:41

سببها كان آآ آآ بس واحد نسى آآ حاجة يعني واحد كده نسى مسلا ايه آآ واحد نسى عقب سيجارة مولع في مخزن حاجة عملت انفجار رهيب. واحد تاجر مصنعه كله اتحرق بسبب عقب سيجارة. وبسبب عود بخور. بسبب صامولة اتصابت مفكوكة ما حدش واخد باله - 00:21:01

منها حوادس مروعة انفجارات مروعة بسبب حاجات اصلا ما فيش انسان يقدر ياخد باله منها مهما استقصى. مهما استقصى وسوء القضاء احميني يا رب. احميني. التأمين بقى. الدعاء ده تأمين على المستقبل. انت ما بتروحش شركة تأمين تأمن على الحياة. يقول لك ان شاء الله لو حضرتك مت هندي لولادك - 00:21:21

طب ممكن تمنعوا عني الموت؟ ما اقدرش. تأمين على العربية. لما عربيتك بقى تتقلب بقى ويحصل فيها مصيبة تعال لنا نديك فلوس. طب ممكن حضرتك تمنع الحادسة يا عم انت انت بتتكلم على قدك. التأمين الحقيقي هو ده. ان ربنا يمنع هزه الحوادس في حياتك. الله قادر. الله - 00:21:41

قدر سبحانه وتعالى اليقين في قدرة الله. عشان كده الدعاء ده خطير لانه تأمين حقيقي على المستقبل. على المستقبل وسوء القضاء وشماتة الاعداء. شماتة يعني كل واحد بيتصدم لما بيغلط. انت مش هتتصدم طول ما انت ماشي صح. لان كل اللي حواليك ما انتاش عارف مين بيحبك ومين بيكرهك - 00:22:01

اول ما تغلط غلطان قل يا سلام لو انت شخصية مشهورة بقى. وتلاقي المقاطع اللي نازلة فيك. وتلاقي البوستات اللي بتتريق عليك. ايه يا عم في ايه هو انتم كنتم مستنيين غلطة تفاجأ ان ناس كتير حواليك كانت مستنية لك غلطة. احساس صعب. الاحساس انك انت مشموت فيه - 00:22:21

انك انت شماتة الاعداء. ان ربنا يعني يسيبك تقع في مشكلة يشمت عدوينك فيك احساس في غاية الالم من تعوذات النبي صلى الله عليه وسلم. اللهم اني اعوذ بك من زوال نعمتك. الله اكبر. الدعاء ده جبار يا جماعة. اللهم - 00:22:41

فاني اعوذ بك من زوال نعمتك. وخد بالك النبي ما قالش من زوال نعمك. ما اصل ما فيش حاجة اسمها زوال نعمك. ده نعمة واحدة تروح من حياتك حياتك كلها تتقلب ضنك. نعمة واحدة. انت ما انتاش حاسس بنعم ربنا. عشان كده ربنا جعل الابتلاءات في الدنيا ليه؟ لما يعني - 00:23:01

مرة آآ قلت اعدي على مرضى السرطان في آآ في مستشفى السرطان فوانا باعدي خلاص مسكت الملف بتاع كل عيان اللي ما محطوط قدام السرير بتاعه اللي عنده. انا فزعت يا جماعة. والله العزيم يعني احنا واخدين في الكلية انواع سرطان كتير. انما لما بتيجي بقى جوة المستشفى تفاجأ بان ما - 00:23:21

ما فيش سنتوفة في الجسم ما بيطلعش فيها سرطان. ما فيش انا مش عايز اتكلم لان فيه ناس موسوسة يبدأ بقى ايه يفكر آآ آآ بقى مرض توهم المرض كان بيجي لنا واحنا طلبة في كلية طب من كتر ما انت قاعد تدرس امراض تبقى قاعد هو ايه ده! هو انا جا لي كزا هو انا جا لي كزا ففينا آآ ما - 00:23:41

حتة ما فيش مللي في الجسم ما بيطلعش فيه سرطان. فانت ما انتاش حاسس بنعم ربنا عليك فربنا بيجيب بقى الابتلاءات ليه؟ عشان واحد هو نتيجة صبره على الابتلاء يدخل الجنة وكل الناس تعرف انها في نعمة وهي مش حاسة في هزه اللهم اني اعوذ بك من زوال نعمتك الزوال الانحراف - 00:24:01

هو ربنا جاب النعمة في طريقك. اوعى تفتكر ان النعمة جت لك بسبب شطارتك وفهلوتك. ربنا اللي جابها لك. ربنا اللي فتح مجرى بينك وبينها. وخلاها تجي لك ما تنساش ده. ربنا قادر ان اي سكة جانبية يخلي النعمة تحود منها تروح لغيرك. وهتلاقي نفسك قاعد من غيرها. وقاعد تبص على غيرك وانت بتقول ياه! الم - 00:24:21

زوال النعمة يقول لك النعمة زوالة فعلا النعمة زوالة. واللي مش فاهم ان النعمة زوالة بيدفع التمن غالي قوي. اللي مش فاهم اللي قاعد مع مراته ومبسوطين وسعداء سهل جدا ان يعني لي ناس من احباب احبابي. ويعني ناس في غاية العقل والرزانة وفجأة يقوم رايح طب انا - 00:24:41

اتجوز تاني مراته تطلقني. تطلق تقوم رايح. طب والله لانا رايح. اول واحد هيتقدم لها ام مجوزاه. مش ممكن. بيت اية من ربنا اللي كانت بتضرب في الارض في السعادة فجأة هو بقى متجوز واحدة تانية وهي متجوزة واحد تاني والعيال ما انتاش عارف راحوا فين - 00:25:01

هو هي النعمة بتزول ؟ النعمة زوالة اصلا. النعمة لازم تحافظ عليها. حافز عليها بالشكر. حافز عليها انك ما تستعملهاش في معصية الله. حافز عليها انك ما تحرمش المحرومين منها واديهم. واشرك الناس في الخير. حافز عليها بكثرة الطاعات. حافز على النعمة. حافز على النعمة انك تستعملها في - 00:25:21

بان تعينك على طاعة الله. لان الم زوال النعمة الم صعب اوي. نعم بسيطة لا تتخيلها. تفاجئ ان هي يعني ما كنتش انت ما كنتش واخد بالك منها خالص خالص. وسبحان الله العظيم نعم في كل لحزة في حياتك وفي كل - 00:25:41

كل شيء في حياتك وانت مش هتفهم النعمة غير لما تشوف الامراض اللي جت او الابتلاءات اللي جت وحرمت غيرك من هزا اللي كان دخل المستشفى عمل عملية سرطان مثانة وركبوا له حاجة من الامعاء. فبيقول اول مرة كان جارنا بيقول اول مرة في حياتي البول بقى بيتخزن بقى في حتة - 00:26:01

يبقى معه المثانة ربنا عملها بحيس انها تقعد توسع توسع توسع. فانت نايم عشر ساعات ومش مضطر تقوم تصحى. المثانة قاعدة تتأقلم مع كمية البول بيقول اول مرة في حياتي اعرف يعني ايه ان انا انام ساعتين. انا ما كنتش عارف انا نفسي اكمل ساعتين مش نافع. كل ساعة لازم اقوم ادخل الحمام. واحد عمل - 00:26:21

في العضم نام شهر كده على ضهره. بيقول اول مرة اعرف نعمة ان انا اتقلب على السرير. واحد جا له شوية توتر مش عارف ينام. يعني بزور حد من اخواني - 00:26:41

يعني من امبارح مش عارف ينام. انك تعرف يعني ايه نعمة انك تحط راسك على المخدة وتقعد تفكر في اي متاهة ولا في اي حاجة كده خمس دقايق وتلاقي نفسك فجأة بيقولوا لك يلا يا عم الحق الشغل بتاعك يا قم اجري بقى ابدأ يوم جديد انت ما انتاش عارف النعمة دي شكلها ايه انت ما انتاش مهدرها غير لو - 00:26:51

قل اللهم اني اعوذ بك من زوال نعمتك. نعمة واحدة تروح تقلب الحياة كلها نكد. وتحول عافيتك. ايه الفرق بين الزواج والتحول الزوال ان كان فيه نعمة موجودة وراحت. اومال التحول لأ التحول يقول لك آآ فلان بيتحول الى آآ الرجل الاخضر ولا الى غريندايزر ده بيبقى حاجة تانية - 00:27:11

تحول عافيتك ان العافية تروح ويبقى امراض وبلاءات وهم وغم بقى. انها تقلب غم بقى. والعياذ بالله وتحول عافيتك. العافية لولا العافية لما طاب شيء في الحياة. انت فاكر ان آآ كل النعم اللي انت فيها كوم - 00:27:31

افيا كوم تاني الحجاج بن يوسف السقفي خرج في رحلة صيد بري. فجايب مع الطباخين بقى وحجاج بيصطاد بقى. الدنيا كلها لازم تتقلب هيصطاد بقى وجاب الطباخين فلقى واحد اعرابي تعال كل معنا يا اعرابي. فقال اني صائم. فقال انه طعام لذيذ شهي - 00:27:51

باكل ما حصلش. فقال ما طيبه طباخه ولا طيبه خباز. وانما طيبته العافية هو انت فاكر ان الاكل حلو عشان الطباخ اللي عمله وما حصلش والخباز اللي عمل الباتيهات والبتاع ده انت لو ربنا خد - 00:28:11

منك العافية ولا هيبقى لقمة لها طعم. ولا هيبقى بوق له طعم. ولا هيبقى عربية عندك ستة متر لها طعم ولا هيبقى جمال زوجتك له طعم. ولا الدنيا من اولها لاخرها يبقى لها طعم. لما انها العافية. انها العافية يا عباد الله. لو - 00:28:31

العافية لما كان في الدنيا طعم لشيء. عشان كده النبي عليه الصلاة والسلام كان يسأل الله العافية ليل نهار. ليل نهار. اللهم اني اسألك العافية في الدنيا والاخرة. اللهم اني اسألك العفو والعافية في ديني ودنياي واهلي ومالي لانها دي لو اتاخدت بقى عليه العوض. الدنيا كلها - 00:28:51

باظت وتحول عافيتك. آآ شهر ايران جه سنة واحد وسبعين وكان مسمي نفسه شاهن شاء. الاسم اللي النبي نهى عنه اصلا اللي هو ملك الملوك سمى نفسه في العالم كله ما حدش يكلمه غير ملك الملوك. بس عمل حفلة عزم كل ملوك ورؤساء وامراء - 00:29:11

الكرة الارضية دخلت في موسوعة جينيس في الارقام القياسية. عمل لهم عشوة دخلت في موسوعة جينيس في الارقام القياسية كافخم عشاء تم في تاريخ الكرة الارضية. الكلاب كانوا ملبسينها عقود الماز. في الحفلة داهي. استورد خمسين الف طير مغرد - 00:29:31

عشان الخيام الملكية اللي عملها الوفود العالم تسعة وتنام على صوت تغريد الطيور. واستورد الوف مؤلفة من ازهار عمق صرف مليار دولار. تخيل مليار دولار على حفلة. على حفلة بيعملها عمل لهم مطار عشان - 00:29:51

يجيبوا الاكل من كل انحاء العالم. كان جايب الاكل من انحاء العالم. مطاعم افخم مطاعم في الكرة الارضية قفلت في اوروبا. وجت قعدت له تطبخ له في الحفلة ده ايه سبحان الله العظيم! وتحول عافيتك شوية ونزول الملك بتاعه. شوية وييجي له وهو في اجمل لحزة - 00:30:11

قبل ما يزول ملكه كمان سرطان الغدد الليمفاوية. ويفضل يلف العالم عشان يدور على علاج ولا يجد له علاج. ويموت بعد ان ملكه ويموت وهو يتألم والعياذ بالله وتحول عافيتك ان الدنيا تقلب بقى. انقلابات الايام. ان يحصل انقلاب التاني لم تتعوذ بايه - 00:30:31

بالله من ايه ؟ تتعوز بالله انها ما تقلبش. ما تغيرش معاملتك معي يا رب. انا غلبان انا كده كده باعصي. ما تغيرش مهمتك. ما هو يعني ايه زوال نعمتك؟ هو بياخدها منك - 00:30:51

ما هو ربنا يعلم ان زوال نعمة واحدة هيخلي حياتك مدمرة. من الالام. وتحول عافيتك انها فجأة قلبت هم وغم ليه يا رب! ده انا كنت قبل كده يا رب! بارفع ايدي واقول يا رب تسمع دعائي! ده انا كنت يا رب اما اتعب في ركعتين المرض بيشفى! ده انا كنت يا رب قبل كده انت مكفيني - 00:31:01

وغنيني وهادي لي قلبي وكانت الدنيا سهلة قوي هي ما لها قلبت كده ليه؟ هي بقت هم في غم وبقت خنيقة قوي كده ليه هو ده دعاء اخر سورة البقرة. ربنا لا تؤاخذنا ان نسينا او اخطأنا يا رب. يا رب لو عملت غلطة ما تعاقبنيش وتنتقم مني ما اقدرش. ربنا - 00:31:23

ولا تحمل علينا اثرا كما حملته على الذين من قبلنا. يا رب لو انا عملت حاجة غلطة ما تحملش علي ثقل. ربنا ولا تحملني ما لا طاقة لنا به ما تسبش يا رب العنوسة تنتشر في المجتمع. يبقى بنات زي الورد والبنت وصلت لاربعين سنة. ما فيش حد بيخبط على الباب - 00:31:43

طب وعدم الزواج انتشر. الشاب بتتقد الشهوة في جسمه. هتجوز مين؟ مين اللي هيدخلني بيته اصلا؟ الامراض النفسية تكتسح النفوس مش طايقينها يا رب. حاجة لا تطاق. يبقى ربنا ولا تحملنا ما لا طاقة لنا به. مش عملت زنب يا رب - 00:32:03

بقى تنزل عقوبة لا استطيع ان اتحملها. فما تغيرش معاملتك معي يا رب. اللهم اني اعوذ بك من زوال نعمتك وتحول عافيتك جاءت نقمتك. دخلنا في ليفل الليفل تلاتة بقى. الليفل الاولاني عصيت ربنا شوية نعمة تزول. كملت ودست بنزين وما فيش فايدة - 00:32:23

العافية تتحول. كملت ودست بنزين وما فيش فايدة. تعال بقى على فجأة نقمتك وجميع سخطك. تعال بقى على فجاءة النقمة الانتقام بقى. الانتقام المفاجئ. انتقام الله لما ينزل على مجتمع. او لما ينزل على بني ادم. وجميع سخطك سخط الله - 00:32:43

لما ينزل على مجتمع ولا لما ينزل على بني ادم وجميع صحتك ايه الفرق بين الانتقام والسخط؟ الانتقام يعني واحد يقول لك طب انا مبتلى انا عندي مرض ولا انتقام؟ لأ. ده ده تصحيح مسار ده ده ربنا بيوجهك ده ده ربنا الابتلاءات بتاعتنا دي كلها يا جماعة - 00:33:03

آآ وعقوبات الذنوب اللي حواليا دي دي مش انتقام من ربنا. ده دي تصحيح مسار ده دي رسايل صحح مسارك. الانتقام لما ربنا يريد انه تقطم ضهر حد بقى. يعني بعض العلماء قالوا زي موت الفجأة زي اللي يموت هو وواحدة في عربية وهم بيزنوا ويكتشفوهم بعد ما بدأوا يعفنوا - 00:33:23

ده بقى اللي هو الايه؟ اللي هو وفجاعة نقمتك. اللي هي جت خبطة بقى نزلت وجميع سخطك. لما مفاجآت الايام وتيجي وكل حاجة تروح فجأة ايه الفرق بين الانتقام والسخط؟ السخط يقول لك ده ربنا سخطه قرد. يعني يعني ايه السخط يا جماعة؟ السخط عكس الرضا. اللهم اني - 00:33:43

اعوذ برضاك من سخطك. السخط عكس الرضا. الرضا امتى انا بارضى عن ابني؟ لما ابني بيعمل لي كل حاجة بيجري يجيب لي كل اللي انا عايزه. آآ بيستقبلني كويس وانا داخل آآ لما بتعب بيخاف علي بجد وبيبان بصدق. في الاخر انا راضي عن الولا ده. انا راضي عن بنتي فلانة ليه؟ لانها بتعمل كل اللي انا بحبه - 00:34:03

السخط بقى فساعتها هرضيها بقى هديها. اللي يرضيها ويبسطها. السخط العكس لما يبقى البني ادم بيعمل كل اللي ربنا بيكرهه كل اللي ربنا ولا همه بقى خلاص المعاصي بقت عنده بقى عنده اللامبالاة. اللامبالاة بالدين. عادي يا عم طب انت رايح في قرية - 00:34:23

ساحلية والبنات ماشية بوت شورتات عادي طب طب علاقات مهارة عادي يعني طب انت فلوسك والربا عادي ايه المشكلة؟ طب انت قاعد تسمع حاجات عادي بقى هو بقى عنده لا مبالاة دينية. طب انت قاعد تتفرج على فيديوهات على التيك توك عادي. خلاص لما تقوى هنا بقى يجي السخط - 00:34:43

اللي هو عكس الرضا. الرضا لما بتعمل كل حاجة ترضيه. السخط لما كل حاجة بتعملها غلط. فيقول لك سخطه قرد. يعني ايه سخطه قرد؟ ما هو الرضا لما ربنا بيرضى بيديك - 00:35:03

كل اللي بتحبه. طب لما بيسخط بياخد منك كل اللي بتحبه. هات سلسلة المفاتيح بقى. لما اب بقى غضب عسخط على ابنه. لما اب رضا على ابنه خد يا ابني عربية هدية. لو اب غني خد يا ابني مفتاح الشاليه بتاع الساحل الشمالي روح اقعد لك تلات تيام هناك. خد يا ابني الفلوس دي خليها معك. خد يا ابني - 00:35:13

مش عارف ايه خد طب لما بقى الاب بيسخط على ابنه هات هات سلسلة المفلحات وافتح العربية وهات مفتاح الشقة وهات مفتاح الخزنة وهات بقى يبقى الانتقام ان نزلة النقم نزلة العقوبات امال السخط لأ ان اتسحبت النعم - 00:35:33

اتسحبت بقى هات بقى اللي انت قاعد باشا ومرتاح فيه انت بتاخد نفس وفاكر ان الدنيا هات النفس بقى اللي انت بتعمله. رح شف انت بقى هتجيبه منين وجميع سخطك ادعية جبارة. تعوذات النبي صلى الله عليه وسلم. كلها تعوذات. بتوجه الى الحذر من ان في - 00:35:53

فيه مشاكل كتير وفيه اخطار كتير وان الله قادر ان يرفعها عنا. ربنا قادر انه يغير لك مسار حياتك خالص. ان اخلصت لله وصدقت في الاستعاذة بالله. اقول اقول قولي هذا واستغفر الله لي. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله - 00:36:13

واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين وفي كل وقت وحين اما بعد اخواني واحبابي في الله من الاستعازات العظيمة التعوز ساعة الخروج من البيت. وواحد لا بيذكر ربنا وهو داخل بيته ولا بيزكر ربنا وهو خارج من بيته. انت عايز - 00:36:33

بيتك ده يبقى شكله ايه؟ ولا حياتك يبقى شكلها ايه عند الخروج من المنزل؟ النبي عليه الصلاة والسلام علمنا انك انت بتقول بسم الله توكلت على الله ولا حول ولا قوة الا - 00:36:53

الا بالله. اللهم اني اعوذ بك ان اضل او اضل. او اذل او اذل. او اظلم او اظلم او اجهل او يجهل علي. لو نسيت هزه الازكار انت حر بقى ما تزعلش. آآ هو يعني انا قاعد اقول كل الادعية دي تمن تعوزات وانا خارج من البيت - 00:37:03

يا ابني شياطين مستنياك على باب بيتك. يا ابني الشياطين مالية الشوارع والاسواق. هو الشيطان شغال عليك جوة بيتك بس! يا مولانا شارع مليان خطر واحد جاي من الخليج وجايب عربية من الخليج فخمة جدا ونازل بقى يعني في الشارع ونازل بها خبط في آآ شاب - 00:37:23

آآ راكب توكتوك في آآ يعني في في مكان من الاماكن. خبطوا في بعض بدأ ده يشتم بكلمة ده يرد بكلمة. الشاب قام جايب اصحابه قاموا ماسكين العربية مدششينها له. دشدشوا العربية. الراجل غضب نزل يتخانق قاموا قاتلينه. اخوه راكب جنبه نزل يتخانق له قاموا قاتلين اخوه - 00:37:43

انت الشياطين مالية الشوارع. والشياطين مالية النسوان. والشياطين مالية الدنيا. فانت ما تفتكرش انك انت نازل الدنيا بمب. الدنيا مش بمب ولا حاجة. اللهم اني اعوذ بك ان اضل او اضل او واحد يعني نسأل الله العفو والعافية واحد ماشي في الشارع قابل واحد صاحبه الحد يدي له شبهتين - 00:38:03

ضيع له دينه. يضيع له واحدة آآ يعني يعني كانت متصلة بنا وماشية في الشارع واحد جاء لها تصوري واحدة مديونة. ومش لاقية فلوس ظروفها الاقتصادية كرب وفجأة واحد بيقول لها تصوري حاجات ومدتها قصيرة وتاخدي الافات مؤلفة عرض - 00:38:23

وديها في ستين داهية دين ودنيا. والعياذ بالله وبدأت تتزبزب ما تحسنش الظن بنفسك. وما يتهيأ لكش ان انت يعني صديق ولا قديس ولا حاجة. ومن شر حاسد لا حسد يعني حسد ده كل الناس بتحسد. بس هي المصيبة ازا حسد بقى لو الشيطانة طلعت عليه وبدأ بجد يركز مع نعمة غيره. فما حدش يحسن الزن بنفسه - 00:38:43

ولازم ولا حد يحسن الزن بالدنيا. فالتعوذات دي ربنا سبحانه وتعالى بيحميك بها. فانت لو عشت من غير ازكار الصباح والمساء. ازاي لو عشت من غير قل هو الله احد والمعوزتين صباحا ومساء. ازاي ؟ لو عشت من غير ما يكون عندك ورد تعوذات نبوية صباحا ومساء في هزه الايام اللي احنا - 00:39:03

ازاي؟ الرسول عليه الصلاة والسلام كان من اكثر تعوزاته. اللهم اني اعوذ بك من شر ما عملت. ومن شر ما لم اعمل. من شر ما عملت. ما تنتقمش بي بعقوبات ذنوب - 00:39:23

يا رب. طب ومن شر ما لم اعمل؟ معصية انا ما عملتهاش اصلا غير اللي عملها. ايوة ما هو عقوبات واتقوا فتنة لا تصيبن الذين ظلموا منكم ايه؟ خاصة. خد بالك ان العقوبات اللي غيرك بيعملها ممكن ينزل بسببها عقوبات عامة. على المجتمع كله. عشان كده - 00:39:33

امرأة فرعون الفطنة كانت تقول ونجني من فرعون واه عمله. لما تنتقم منه يا رب ما تاخدنيش معه. لما تنام زي قصر به وبداره الارض كده لما قارون نزل لانتقام نزل عليه وزوجته وخدمه والدنيا بتاعته فيا رب لما تنزل انتقام عليه ما تنزلنيش - 00:39:53

لانك متأكدة هتنتقم منه. ما تاخدنيش معي يا رب. ومن شر ما لم اعمل ايه بقى ومن شر ما لم اعمل. ليه النبي كان بيتعوز منه كتير؟ لانه تعوذ من العقوبات العامة للمعاصي في المجتمع. انت متخيل الخنقة اللي احنا فيها دي كلها! عقوبات عامة! ربا زي ما انت عايز تقول قل. عري زي ما انت عايز تقول قل. طب - 00:40:13

زي ما انت عايز تقول قل. زلم اكل ميراس اكل مال يتيم. هجر آآ قطيعة ارحام آآ عقوق والدين اكل مال حرام رشوة زي ما انت عايز علاقات محرمة زنا خيانات زوجية انت هو ايه اللي ربنا بيكرهه وما بيتعملش؟ هو ايه اللي ربنا - 00:40:33

نهى عنه تلك حدود الله فلا تعتدوها. ومن يتعدى حدود الله فاولئك هم الظالمون. فانت دلوقتي عايش كل الزنوب دي مش بتعدي كده بتنزل عقوبات. انت قاعد بقى في النص العقوبات دي نازلة عليك! طب انا ما عملتش الكلام ده يا رب! تعوز بالله سبحانه وتعالى. تبرأ الى الله منها واعوذ بك اللهم اني اعوذ بك من شر ما عملت - 00:40:53

واعوذ بك من شر ما لم اعمل. التعوذات النبوية كثيرة. روح هات اي كتيب من كتيبات الادعية وطلع قل اعوز اعوز اعوز ونقي منها تلاتة اربعة. نقي منها خمسة ستة كده. يعني اما يبقى اعوذ بك من زوال نعمتك وتحول - 00:41:13

اعوذ بك من جهد البلاء ودرك الشقاء. وسوء القضاء. اعوذ بك من الهم والحزن. هو بيقتل غير الهم. هو بيشل غير الهم. هو بيجيب خطوة يسد شرايين القلب غير الهم. هو بيجيب جلطات في المخ غير الهم. هو بيدمر البني ادم ويعمل له انهيار في - 00:41:31

الجهاز العصبي العضلي الحركي غير الهم. هم بيشل وبيدمر وبيموت. واحد بيتسوى على نار هادية. اعوذ بك من الهم والحزن والعجز والكسل والجبن والبخل وغلبة الدين وقهر الرجال. اما يتسلط عليك مدير في شغلك يزلك. قهر الرجال - 00:41:51

واحدة ابوها يزلها لا راضي يقبل عريس ولا مفهمهم هو عايز ايه اصلا ولا هو لأ وخلاص قعدها جمبك قهر الرجال لما ولي ايز الله لما تتجوز واحد يزلها ويطلع روحها قهر الرجال. لما واحد داينك في حاجة ويزلك وانت ما انتاش عارف ترد له الدين بتاعه - 00:42:11

قهر الرجال كلها تعوذات نحتاجها في حياتنا ونحتاج ان نضرع الى الله سبحانه وتعالى بهذه الاستعاذات. الله اللهم انا نعوذ بك من جهد البلاء ودرك الشقاء وسوء القضاء وشماتة الاعداء. اللهم انا نعوذ بك من زوال نعمتك - 00:42:31

وتحول عافيتك وفجاءة نقمتك وجميع سخطك. اللهم انا نعوذ بك من الهم والحزن. ونعوذ بك من العجز والكسل ونعوذ بك من الجبن والبخل ونعوذ بك من غلبة الدين وقهر الرجال. اللهم انا نعوذ برضاك من سخطك - 00:42:51

ونعوذ بمعافاتك من عقوبتك. ونعوذ بك منك. لا نحصي ثناء عليك. انت كما اثنيت على نفسك اللهم انا نعوذ بك من ليلة السوء ومن يوم السوء ومن ساعة السوء ومن جار السوء. اللهم ان - 00:43:11

فنعوذ بك ان نرد الى ارذل العمر. الله نعوذ بكلمات الله التامات من شر ما خلق. نعوذ بكلمات الله الله التامات من شر ما خلق وذرأ وبرأ ومن شر ما ينزل من السماء. واللهم انا اللهم - 00:43:31

انا نعوذ بك من كل شر. اللهم انا نعوذ بك من كل شر خزائنه بيدك. اللهم انا نعوذ بك من الشر كله عاجله واجله. ما علمنا منه وما لم نعلم. اللهم انا نستعيذ بك من كل شر استعاذ بك - 00:43:51

انه عبدك ونبيك محمد صلى الله عليه وسلم وانت المستعان وعليك البلاغ. ولا حول ولا قوة الا بك. سبحانك اللهم وبحمدك اشهد ان لا اله الا انت استغفرك واتوب اليك - 00:44:11