Baheth

عقدة من لساني يفقه قولي. السلام عليكم ورحمة الله وبركاته. اهلا بحضراتكم في الحلقة رقم اتنين وتلاتين من حلقات سلسلة آآ تدبر اسماء الله الحسنى واحنا النهاردة مع الحلقة الثانية والاخيرة من تدبر اسم الله العليم - 00:00:00ضَ

آآ قلنا امبارح عليم صيغة مبالغة على وزن فعيل الله سبحانه وتعالى هو عالم الغيب وهو عالم الغيب والشهادة وهو علام الغيوب دي كلها اسماء مضافة ومقيدة ارجعوا للحلقات المقدمة عشان تعرفوا ليه احنا ضيقنا نطاق الاسماء عشان نحاول نوصل لتسعة وتسعين اسم - 00:00:30ضَ

فعندنا مسلا اسم العليم بتدخل تحت معاني اسم العليم كل هذه ايه؟ الصفات. علام الغيوب عالم الغيب والشهادة. عالم الغيب. واتكلمنا فيه هذه المعاني العليم اي هو وحده الذي يملك العلم كله - 00:00:56ضَ

وهو وحده مصدر العلم كل علم يجب على الانسان الاعتراف بان علمه قليل مهما بلغ ربنا سبحانه وتعالى في سورة الاسراء اعوذ بالله السميع العليم من الشيطان الرجيم ويسألونك عن الروح - 00:01:20ضَ

قل الروح من امر ربي وما اوتيتم من العلم الا قليلا وربنا امر نبيه عليه الصلاة والسلام انه يقول انه لا يعلم بعض الاشياء لا اقول لكم عندي خزائن الله ولا اعلم الغيب - 00:01:49ضَ

ولا اقول لكم اني ملك كما ان النبي عليه الصلاة والسلام يحتاج الى تصديق الناس ودعم الناس ووقوف الناس معه يعني السياسيين الحالة دي بيكذبوا وبيدعوا ان عندهم قدرات وعلم وخبرة في كل شيء لكن ربنا امره انه يقول الحق - 00:02:14ضَ

امر يقول ان علمه محدود مش نبي مش خاتم النبيين قول انك لا تعلم الغيب وان قدراته محدودة لانه انسان وليس ملك من الملائكة. ما يقدرش يرفع قرية ويقلبها عليها واطية مش هيخوف آآ قريش يعني - 00:02:36ضَ

فيجب ان الانسان يتواضع لله سبحانه وتعالى ولا يدعي العلم العليم هو الله وكل علم من الله ومع ذلك فالانسان لابد ان يدعو الناس بقدر العلم اللي عنده انت بتتواضع - 00:02:58ضَ

وبتقول للناس انك لا تعلم اشياء لكنك هناك اشياء اخرى تعلمها ولو قليلة. قال رسول الله صلى الله عليه وسلم بلغوا عني ولو اية لم يأمر الناس بانها تفتي ما قالش افتو. قال بلغوا عني ولو اية. انت عليك البلاغ. عليك ان تبلغ. عليك ان تدعو - 00:03:19ضَ

بقدر العلم البسيط العمق يعني ما فيش حد ينتزر لما يبقى عنده علم علشان يدعو. طب مين يقدر يقول انا عندي علم مين يقدر يقول انا النهاردة اصبح عندي علم ما حدش يقدر يقول كده - 00:03:47ضَ

ابن المبارك وده احد تابعي التابعين كانوا بيسموه امير الاتقياء في عصره بيقول لا يزال المرء عالما ما طلب العلم فاذا ظن انه قد علم فقد جهل الانسان بيبقى عالم طول ما هو بيتعلم وبيطلب العلم - 00:04:00ضَ

اول ما يبدأ يشوف نفسه عالم يبقى بقى جاهل خلاص ان اول شيء لازم تعلمه هو ان علمك مهما بلغ هو قليل جدا بالنسبة لعلم الله قليل جدا ده شيء اساسي انت تعرفه - 00:04:27ضَ

يعني الجملة دي تكررت في القرآن اربع مرات والله يعلم وانتم لا تعلمون. جت في البقرة مرتين. ومرة في ال عمران ومرة في النور وجت ايضا في في اه في سورة النحل بصيغة ان الله يعلم وانتم لا تعلمون - 00:04:43ضَ

انا انا طول عمري بقى بتوقفني الحتة دي القرآن المفروض ان هو دقيق جادة ما فيش فيه غلطة ازاي ربنا يقول انتم لا تعلمون ازاي لا تعلمون لا انا اعلم بعض الاشياء. وكل واحد في حضراتكم يعلم بعض الاشياء. لا خلي بالك - 00:05:04ضَ

انتم لا تعلمون لم تأتي ابدا في القرآن الا مقترنة به. الله يعلم. الله يعلم وانتم لا تعلمون. يعني مهما بلغ علمك يا اللي معك عشرين دكتوراة قريت ميت الف كتاب - 00:05:23ضَ

علمك صفر اذا قورن بعلم الله. اذا ذكر مع علم الله فهو صفر والله يعلم وانتم لا تعلمون. ان الله يعلم وانتم لا تعلمون انتم عارفين قصة موسى عليه الصلاة والسلام والرجل والعبد الصالح اللي هو في التفاسير يسموه الخضر - 00:05:38ضَ

حصلت ليه اصل القصة دي ايه حديث من اجمل واروع ما يمكن بيرويه سيدنا ابي بن كعب. وده على فكرة من علماء القرآن الكبار ابي ابن كعب من الصحابة اللي كانوا اعلم الناس بالقرآن. وبينتهي له عدة اسانيد في عدة قراءات. ابي بن كعب - 00:05:57ضَ

بيقول ايه بقى الحديث ناصر بيقول حدثنا ابي بن كعب عن النبي صلى الله عليه وسلم وقف موسى خطيبا في بني اسرائيل. وفي رواية وقف موسى النبي خطيبا في بني اسرائيل. فسئل - 00:06:21ضَ

اي الناس اعلم خلوق اوقاف بيخطب في بني اسرائيل فقالوا له يا موسى مين اعلم انسان على وجه الارض سؤال غريب يعني لا يصدر الى مباني اسرائيل يعني هم عايزين يوقعوا في مشاكل يعني - 00:06:41ضَ

فقال انا سيدنا موسى معروف بالتواضع الشديد جدا. احنا درسنا اول حاجة عملناها لو تفتكروا في حظر التجول من تلات سنين اخدنا الصور اللي فيها قصة سيدنا موسى عشان كده احنا رجعنا خدنا الاعراف وبعدين رجعنا تاني للجزء الستة وعشرين اللي احنا كنا فيه - 00:06:55ضَ

عشان كنا بندرس شخصية سيدنا موسى. شخصية سيدنا موسى شخصية متواضعة جدا خاف على الدعوة من عيوب الشخصية قال ويضيق صدري ولا ينطلق لساني وارسل الى هارون فطلب النبوة لاخوه - 00:07:15ضَ

طلب الرسالة لاخوه ولكن لما تيجي تشوف قصة موسى آآ يعني ابلى بلاء حسنا جدا واصبح من احسن خمس رسل مشيوا على وجه الارض من اولي العزم يعني سيدنا موسى ما كانش محتاج حد معه - 00:07:31ضَ

لكنه متواضع لكن هنا ليه قال انا؟ لما قالوا له من اعلم الناس؟ قال انا. هو توقع زلك يعني هيكون مين يعني اعلم الناس؟ هو نبي هذا العصر هو رسول هذا العصر. وبرضو خايف وهو بيتكلم مع بني اسرائيل لو تواضع لهم - 00:07:49ضَ

زيادة هيركبوا يعني ايه آآ آآ لو اقول لهم انا مش عارف ده انا راجل غلبان انا يا دوبك اللي ربنا بيقوله لي وبتاع الشكل ده من التواضع قد جرأهم عليه يعمل عملية عصيان كفر او غيره يعني - 00:08:06ضَ

فقال لهم انا انا انا اعلم الناس اسمع بقى بقية الحديث فعتب الله عليه اذ لم يرد العلم اليه ربنا عاتبه ليه ما قلتش الله اعلم فعتب الله عليه اذ لم يرد العلم اليه. كان لازم يقول الله اعلم - 00:08:21ضَ

يعني ايه؟ يعني ما فيش نبي هيقول كلمة في الدين من دماغه. ما فيش حاجة من دماغك. خد المعلومة دي بقى ها واوعى تتجرأ بعد كده على كلام من عندك - 00:08:47ضَ

فاوحى الله اليه ان عبدا من عبادي بمجمع البحرين هو اعلم منك عند التقاء البحرين عبد من عباد ربنا اعلم منك يا موسى قال يا ربي وكيف به يعني اوصل له ازاي - 00:08:57ضَ

وفي رواية وكيف السبيل اليه؟ اقدر اوصل له ازاي يا رب ليه بقى سيدنا موسى عايز يوصل له هل لانه اعلم منه فعايز يروح يقتله فيبقى هو اعلم الناس؟ لأ طبعا - 00:09:17ضَ

هنشوف عايز يوصل له ليه فقيل له احمل حوتا في مقتل فاذا فقدته فهو ثم يعني هتاخد آآ آآ حوت آآ حوت يعني سمكة على فكرة يعني في اللغة العربية حوت يعني سمكة. مش بالضرورة يكون حوت كبير - 00:09:30ضَ

الحوت احنا بنسميه الحوت الازرق ده والحوت لأ. ممكن يكون حوت يعني سمكة عادية اسمها حوت. انا واحد مرة في بلجيكا مغربي بيقول لي تعال النهاردة عندنا في البيت احنا طابخين - 00:09:55ضَ

حوت قلت له انت انت عازم بلجيكا كلها ولا ايه؟ اتاري حوت يعني سمكة انا ما كنتش اعرف يعني. في المغرب بيقولوا سمكة خليني اوريكم يعني ايه مقتل مقتل احنا بنسميه اوفه عندنا في في الفلاحين دي اسمها القفة اسمها مقتل - 00:10:05ضَ

يعني بيقول لك القفة اللي لها ودنين يشيلوها اتنين. افة او آآ مقطف ده اسمه مقتل فربنا امره انه يحمل حوتا في مقتل. المكان اللي هيضيع فيه الحوت هو ده المكان اللي هيقابل فيه - 00:10:20ضَ

هذا الرجل اللي بيعلم اكثر منه انطلق مع فتاة المساعد بتاعه يوشع ابن نون اللي بقى نبي بني اسرائيل بعد سيدنا موسى اللي ربنا فتح على ايده فلسطين وقاد الايه؟ الجهاد لما - 00:10:38ضَ

ولد جيل مجاهد في التيه كان ايه شاب صغير كده ايه بيتعلم بقى لسه على ايد سيدنا موسى وايه هو المساعد بتاعه الخدام بتاعه الخادم ده بيبقى معه مرافقه عشان يتعلم منه - 00:10:58ضَ

وحمل حوتا في مقتل حتى كان عند الصخرة وضعا رؤوسهما وناما. انا بحكي لكم الحديث بقول لكم نص الحديث نامة الاتنين ناموا عند الصحرا من سل الحوت من المقتل فاتخذ سبيله في البحر سربا - 00:11:16ضَ

فهمتم بقى حكاية السمك اللي كانوا شايلنها في مقتل دي ماشيين بها ولما ضاعت دي العلامة اللي هيوصلوا بها لمكان الراجل مكان ما فقده السمكة. بس يوشع ابن نون ما يعرفش الحكاية دي - 00:11:36ضَ

فانطلق بقية ليلتهما ويومهما. وبعدها بيوم وليلة اصبح ايه سيدنا موسى وقال له بقول لك ايه احنا جعنا وتعبنا لقد لقينا من سفرنا هذا نصرا. يلا هات ايه؟ اتنا غداءنا. هات الغدا. تعال ناكل - 00:11:53ضَ

لقد لقينا من ما كانوش هياكلوا الحوت. احنا فاهمين غلط. ما كانوش هياكلوا السمكة هو المقطف بتاعهم ده فيه كل حاجتهم من ضمنها سمكة مستنينها تضيع هو سيدنا موسى مستني انها تضيع. يوشع بيقول ما يعرفش حاجة - 00:12:09ضَ

فسيدنا موسى قال له احنا خلاص احنا تعبنا هتناكل بص في المقتل ما لقاش السمكة قال له ارأيت اذ اوينا الى الصخرة فاني نسيت الحوت. وما انسانيه الا الشيطان. سيدنا موسى كان بيقول له ركز مع الحوت ده وخلي بالك منه - 00:12:23ضَ

لو حصل حاجة قل لي فسيدنا موسى قال للغلام هاتنا يا كل احنا تعبناه ما كانوش هياكلوا السمكة زي ما قلنا لكن لما بص ما لقاش السمكة قال له انت عارف احنا لما وقفنا عند الصخرة ونمنا اهناك الحوت ايه - 00:12:44ضَ

اتخذ سبيله في البحر سربة ايه ده سيدنا موسى قال له زلك ما كنا نبغ شف سيدنا موسى قال ايه؟ قال ذلك ما كنا نبغ. فارتدا على اثارهما قصصا انا كت لما بقرا الاية دي فاكر ان سيدنا موسى بيهزر - 00:12:58ضَ

وبيسخر من الموقف اللي هم فيه. وبيقول يعني ادي اللي كان ناقص كمان ان الاكل يروح ولا ان السمكة تضيع لا لا لأ هو كان منتظرها تضيع فهمت ده بقى الحديس بقى كان منتظر السمكة تضيع فعلا. فارتد الارتداد هو العودة الى الوراء. الردة عودة الى الوراء. فارتدا - 00:13:23ضَ

على اثارهما يعني اثار اقدامهم قصصا يعني بيقصوا اثار اقدامهم القصاص دي شغلانة زمان بتاعة واحد كان لما عيل يتخطف يجيبوا قصاص الاثر. يمشي على اثار الاقدام بتاعة الخاطفين فيوصل - 00:13:44ضَ

مخطوف. سيدنا موسى عاوز يرجع بالزبط للمكان اللي نسيوا فيه السمكة. فرجعوا فارتد على اثارهما قصصا يعني بيتتبعوا اثار اقدامهم عشان لا يروح يمين ولا يروح شمال يوصل في الحتة دي - 00:14:04ضَ

وفعلا كمل الحديس بقى فلما انتهيا الى الصخرة اذا رجل مسجل بثوب وصلوا عند الصخرة لقوا راجل نايم مسجى يعني متغطي بعباية عباية فسلم موسى فقال الخضر وانى بارضك السلام - 00:14:19ضَ

قال له انا موسى وقال العبد الصالح. موسى بني اسرائيل اه ده عارف بقى قال نعم هل اتبعك على ان تعلمني مما علمت رشدا شايفين ادب المتعلم ادب المتعلم هناك اداب لطلب العلم - 00:14:41ضَ

المتعلم يسأل المعلم بادب. مش يقول له اتفضل علمني. بابا بيدفع لك فلوس. خلص. لأ طب ممكن سيدنا موسى يقول له اه ربنا باعتني عشان تعلمني اتفضل علمني. لأ فربنا بعته عشان يتعلم فعلا - 00:15:07ضَ

ادب المتعلم سيدنا موسى هذا الشخصية القوية تحولت بين يدي المعلم الى حمى الوديع بص طريقة سيدنا موسى وهو بيتكلم عاملة ازاي قال له موسى هل اتبعك على ان تعلمني مما علمت رشدا - 00:15:24ضَ

قال انك لن تستطيع معي صبرا. ياللا يا بابا من هنا ما انتش هتقدر تصبر وكيف تصبر على ما لم تحط به خبرا قال ستجدني ان شاء الله صابرا ولا اعصي لك امرا - 00:15:45ضَ

ايه ده! حمى الوديع يا جماعة! ايه ايه الادب ده! وايه الليونة دي! وايه ده ادب المتعلم انصح هنا بكتاب انا هزكر الليلة ان شاء الله اداب طلب العلم سريعا لكن انا انصح بكتاب لابوه حامد الغزالي اسمه منهاج المتعلم - 00:15:59ضَ

الخلاصة بقى كيف احنا ننفعل مع اسم الله العليم؟ يعني انا بقول لكم ان هو سبب القصة دي هو ان سيدنا موسى كان عايز يوصل لواحد بيعرف اكتر منه. ليه - 00:16:20ضَ

عشان يقدروا يبقى هو اعلم واحد لأ عشان يتعلم منه سافر من اجل طلب العلم واختفى يوشع ابن نون من القصة وبدأت قصة لسيدنا موسى مع الرجل. سيدنا موسى بيتعلم من هذا الرجل - 00:16:31ضَ

اه اه الحكمة طيب نرجع بقى لاسم العليم. كيف ننفعل مع اسم الله العليم عشان يبقى سبب في دخولنا الجنة واحنا اصلا بنتعلم واحنا اصلا مركزين ليه في في اسماء الله الحسنى - 00:16:46ضَ

عشان قول النبي صلى الله عليه وسلم انا لله تسعة وتسعين أسماء مائة الا واحدة. من احصاها دخل الجنة طيب اسم العليم ازاي يبقى سبب في دخول الجنة قلنا احصاها يعني ان فعل مع معانيها ومقتضياتها - 00:17:02ضَ

مقتضياتها مسلا مقتضيات اسم الرحيم ان الله عنده رحمة فالمؤمن بسم الرحيم بيطلب رحمة الله. طب باسم العليم كزا حاجة بقى. اول حاجة الناس بفطرتها تحب العلماء انسان عنده علم - 00:17:23ضَ

بتحبه انه عنده علم تحس ان عنده كنز عنده عنده فايدة هيستفيدوا منها. هم تخيل بقى لما يبقى فيه العليم يعني الذي عنده العلم كله. يبقى اول انفعال مع اسم العليم هو ان تحب العليم - 00:17:44ضَ

محبة العليم ازاي تعرف ان فيه حد عنده العلم كله ولا تحبه العلم دي حاجة كبيرة قوي يقول الامام علي ابن ابي طالب رضي الله عنه العلم احسن من المال - 00:18:00ضَ

لونه ايه ؟ قال لهم العلم يحرسك وانت تحرس المال. عندك فلوس تبقى قاعد حارسها ومش عارف تنام خايف تتسرق انما العلم بيحرسك بيحميك تاني حاجة طالما ان العليم معناه مصدر العلم كما قلنا فيجب عليك طلب العلم من العليم - 00:18:16ضَ

كل العلوم من الله علوم الخلق وعلوم الامر علوم الطبيعة الكيميا الطب الهندسة الرياضيات هي كلها من علم الله. وقال العلماء انه اذا وصل غير المسلمين الى اختراع قبل المسلمين يأثم جميع المسلمين - 00:18:37ضَ

انت اولى الناس بهذا العلم. اولى الناس بالاكتشاف اولى الناس بالاختراع كل هذه العلوم هندسة رياضيات طب علم كيميا كلها من علم الله وعلى الانسان ان يطلبها بنية ان ينفع نفسه وينفع امته ومجتمعه. ويعمر الارض فيقوم بواجب من واجبات الخلافة. لا يمكن يقوم به - 00:19:00ضَ

الا بالعلم وهو تعمير الارض اعمار الارض وكذلك علوم الشريعة كالفقه والتفسير والعقيدة يجب تعرف ايه الحلال وايه الحرام عشان تبتعد عن الحرام عشان لا تغضب ربنا عشان ترضي ربنا - 00:19:26ضَ

ولكن حتى علوم الفقه والتفسير والعقيدة وعلوم الشريعة يجب ان تطلب بنية بنية صالحة بنية نفع الناس قال رسول الله صلى الله عليه وسلم ركز في الحديس ده والحديس ده خطير - 00:19:41ضَ

خطير قال رسول الله صلى الله عليه وسلم من تعلم علما مما يبتغى به وجه الله عز وجل لا يتعلمه الا ليصيب به عرضا من الدنيا لم يجد عرف الجنة يوم القيامة - 00:19:57ضَ

عرفا الجنة يعني ريحة الجنة اي واحد بيتعلم علم اي علم ممكن يبتغى به وجه الله تفسير آآ علوم قرآن شريعة فقه هندسة طب كيميا كل ده ازا كان مش بيتعلموا الا فقط لتحصيل الدنيا - 00:20:18ضَ

والغنى والكلام ده كله لن يشم ريحة ريحة الجنة يوم القيامة. يعني ايه؟ يعني ممكن تطلب العلم بنية ان انت تشتغل شغلانة كويسة يبقى دخلك كويس ويبقى عندك فلوس كويسة. اه ممكن لكن - 00:20:40ضَ

ده السبب الوحيد يجب ان تتعلم العلم اساسا لبنية اعمار الارض مصطفى كامل آآ الزعيم الامة رحمة الله عليه. كنت كان راجل وطني وكان راجل متدين جدا. يعني ما نعرفش موضوع انه كان راجل متدين دي مش مش من الحاجات اللي بيظهروها لنا في - 00:20:52ضَ

في الافلام وفي المسلسلات وفي الاعلام وبتاع مصطفى كامل رحمه الله بيقول ما استحق ان يولد من عاش لنفسه فقط اللي عاش نفسه ما يستحقش انه يولد اصلا علوم الطبيعة لو طلبها الانسان بنية اعمار الارض يصبح طلب العلم ده واحد بيدرس هندسة - 00:21:12ضَ

يصبح طلب العلم ده عبادة يثاب عليها سواء بقى بيطلب علوم القرآن او علوم علوم الخلق علوم العلوم الطبيعية ويقول النبي صلى الله عليه وسلم حديس جميل قوي من سلك طريقا - 00:21:35ضَ

يطلب فيه علما سلك الله به طريقا من طرق الجنة يعني اللي بيسلك طريق من اجل العلم. سافر من اجل العلم. رايح مشوار عشان يحضر درس. يحضر محاضرة وهذا العلم ممكن يكون علم الطب علم الهندسة علم الرياضيات علم الفلك اي علم - 00:21:55ضَ

طريقك كنت رايح الجامعة هو طريقك الى الجنة الله به طريقا من طرق الجنة وان الملائكة لتضع اجنحتها رضا لطالب العلم يعني واقف لك على الصفين بقى وانت رايح الجامعة كده او وانت رايح الجامع - 00:22:18ضَ

رايح تطلب العلم ها وقف لك على الصفين حرس الشرف مش عساكر شطرنج لأ ملائكة وضعوا اجنحة تعدي يقوموا عاملين لك ايه فاديين لك الاجنحة بتاعتهم. شف التشريف رضا لطالب العلم. خلي بالك ده مش العالم ده طالب العلم - 00:22:36ضَ

اسمع بقى اللي جاي بقى وان العالم لا يستغفر له من في السماوات ومن في الارض حتى الحيتان في الماء وفي رواية والحيتان في جوف الماء يبقى كل المخلوقات تستغفر - 00:22:56ضَ

كل المخلوقات في السماوات والارض تستغفر للعالم. العالم هنا هو طالب العلم وقلنا قبل كده ما يزال المرء عالما ما زال يتعلم. طول ما هو بيتعلم طول ما هو عالم - 00:23:15ضَ

فان ظن انه علم فقد جهل اسمع بقية الحديث وان فضل العالم على العابد كفضل القمر ليلة البدر على سائر الكواكب يا جماعة كلمة كوكب يعني نجمة بس عشان تبقوا فاهمين في القرآن الكريم كواكب اللي هي النجوم - 00:23:28ضَ

فلما نشوف القمر ليلة البدر منور اوي ازاي تقريبا بتبقى مش شايف النجوم نور القمر بيبقى مخبي على النجوم بعيدة اوي فنورها خفيف اوي فضل العالم على العابد مش على الناس العادية. العابد الانسان بيكتسب اسم الفعل لما يتكرر منه الفعل كثيرا ويشتهر به - 00:23:48ضَ

العابد ده حد صوام قوام مش مجرد واحد بيصوم آآ يعني يومين تلاتة في الشهر لأ ده انسان صوام قوام عابد العالم على العابد ده زي القمر ليلة البدر على بقية الايه؟ الكواكب - 00:24:13ضَ

وان العلماء ورثة الانبياء وان الانبياء لم يورثوا دينارا ولا درهما. الانبياء اصلا ما بيورسوش فلوس ورثوا العلم فمن اخذه اخذ بحظ وافر. ورثة الانبياء هم العلماء يروي النبي صلى الله عليه وسلم ان اول من تسعر بهم النار يوم القيامة مين؟ عالم ومنفق وشهيد. ياه - 00:24:31ضَ

العالم يقول يا جماعة انا كنت اعلم الناس وكنت بعلمهم ازاي ترموني في النار. فتقول له الملائكة كذبت بل كنت تعلم الناس ليقال عالم وقد قيل. يبقى انت كنت بتعلم الناس فقط عشان الشهرة. عشان المنزرة والمنفق كان يقول انا - 00:24:58ضَ

في سبيل الله قالوا له كذبت بل كنت تنفق ليقال جواد يعني كريم وقد قيل والشهيد يقول انا قتلت في سبيل الله فيقال له كذبت قاتلت ليقال جريء وقد قيل - 00:25:17ضَ

يعني يعني النية اهم شيء النية ممكن تبقى سبب في افساد العمل الصالح اللي انت بتعمله. يفسد لان نيتك فاسدة فلازم الانسان باستمرار يجدد النية كزلك ازا كان طلب العلم عبادة بقى يبقى لابد والعبادة لابد لها من نية صالحة - 00:25:33ضَ

عشان تقبل يبقى لابد من تجديد النية واصلاح النية في طلب العلم تمام؟ طيب اقصر طريق لطلب العلم ايه شف دي كده كورس شهرين شوف لي كده حاجة اقصر طريق لطلب العلم هو تقوى الله - 00:25:55ضَ

والدليل في اواخر اطول اية في القرآن الكريم اطول اية هي ايه؟ اية الدين الاية متين اتنين وتمانين. اية عبارة عن صفحة كاملة تنتهي ازاي واتقوا الله ويعلمكم الله الله بكل شيء عليم - 00:26:17ضَ

عايز تتعلم اتق الله اللي بيتتلمذ على يد عالم كبير يبقى مش فخور بالعالم ده. انا تلميزي الشيخ الفلاني. انا تلميزي الدكتور الفلاني والناس تنزر له على ان العيب اللي عنده ده علم قوي جدا. العلم يا جماعة ده تلميز الشيخ الفلاني - 00:26:38ضَ

العالم العلاني ما بالكم بمن كان معلمه هو الله نفسه واتقوا الله ويعلمكم الله ازاي ربنا يعلمني يا ريت يبارك في طلبك للعلم. احيانا يا جماعة الواحد يقعد يقرا ساعتين في كتاب ويطلع مش محصل منه حاجة - 00:27:00ضَ

واحيانا ربع ساعة تطلع محصل منه وهاضم معلومات كثيرة جدا. فهناك بركة في الوقت ده كل حاجة فيه بركة ربنا ازا نزعت البركة اللي الانسان عمله ما ما يستفيدش منه - 00:27:22ضَ

تدخل تنام تمن ساعات وتقوم مكسر وتعبان وعايز تنام تاني. وممكن تخش تنام تلت ساعة تقوم فايق ورايق لان ربنا بارك في هذه النومة بركة ربنا واحد بيقبض مسلا آآ الفين جنيه تلات تلاف جنيه في الشهر مكفيينه لان ربنا حط فيهم بركة - 00:27:36ضَ

واحد بيقبض خمسين الف جنيه في الشهر ما بيكملوش عشر تيام لان ما فيش يوم. ربنا هينازع منهم البركة يصرفهم بقى في عمليات ويصرفهم في تصليح عربية وحوادس وبتاع وما فيش بركة - 00:27:56ضَ

طيب ما هو قيمة العلم الا عند الله العالم بيقيم واخد كم دكتوراة آآ كاتب كم كتاب اه كم من كتبه بيدرس في الجامعات والله بكل شيء عليم. قدر العلم من عند الله هو كل العلم. بكل شيء عليم - 00:28:10ضَ

هو عالم الغيب والشهادة هو علام الغيوب علام على وزن فعال صيغة مبالغة لكن العجيب هو ان التقوى تؤدي الى العلم ثم العلم يؤدي الى مزيد من التقوى مرة اخرى - 00:28:38ضَ

شوف بقى واتقوا الله ويعلمكم الله بعد ما بتتعلم بيحصل ايه؟ بتزيد التقوى عندك لانك لما تؤمن بان علم الله يشمل حتى اللي بتكتمه في صدرك تشعر انك عريان امام الله. انك مكشوف فتبدأ تخاف من الله - 00:28:55ضَ

فاتق الله. هم. ربنا بيقول في سورة الانبياء انه يعلم الجهر من القول ويعلم ما تكتمون. هذا الشعور بانك مكشوف تماما عاري امام الله تؤدي الى شعورك بالعبودية فكلما ازددت علما كلما ازدت عبودية لله - 00:29:16ضَ

كتيرة جدا دي لان الانسان كل ما يزداد علم كل ما يتفشخر ويتنفخ ما هو عالم بقى وبيتقال له يا دكتور ومش عارف لأ ده العلم ده ازا كل ما - 00:29:39ضَ

زاد علم حقيقي العلم الحقيقي تزداد عبودية لله. ربنا بيقول في سورة الحج يعلم ما بين ايديهم وما خلفهم والى الله ترجع الامور. يا ايها الذين امنوا اركعوا واسجدوا واعبدوا ربكم - 00:29:49ضَ

وافعلوا الخير لعلكم تفلحون لانك على طول الايمان بان الله يعلم ما بين ايديهم وما خلفهم يعرف مستقبلك ويعرف ماضيك ويعرف اللي قدامك ويعرف اللي وراك والى ترجع الامور وان كل شيء هيرجع لربنا. هذا العلم ينتج عنه ان يخر الاسلام ساجدا وراكعا ويفعل الخيرات - 00:30:08ضَ

في ناس لما بتزداد علما تزداد غرورا لأ للعلم الحقيقي يجعل الانسان يزداد تواضعا وعبودية لله الايمان بان الله يعلم ما في قلوب الناس. ويعلم النوايا يجعل الانسان يبتعد عن التكبر والافتعال - 00:30:32ضَ

انت بتفتعل ايه ؟ ربنا آآ يعني عارف كل حاجة عارف اللي جواك. عارف انت المسل العام يقول لك انا عاجنك وخبزك يعني امه يعني عارفاه كويس اوي. عارفة بيفكر في ايه وهو قاعد - 00:30:50ضَ

هل بقى يعني ولله المثل الاعلى ومن ربنا بقى يعلم ايه طب امك عارفة وانت قاعدة بتفكر في ايه ؟ امال ربنا ايه بسرعة كده اداب طلب العلم قلنا اول حاجة استحضار النية وتجديد النية. طب انت رايح تتعلم - 00:31:04ضَ

احضر قبل الموعد وتنتزر المعلم مش تدخل حلقة العلم متأخر هذا هذا ليس من ادب طلب العلم ابدا ما ينفعش ان المعلم يروح وبعد ما هو اما يبدأ والناس عمالة تيجي لسه ده منتهى الاستهتار بالعلم - 00:31:19ضَ

في حالة الحدود. طب انت بقى اضطريت تدخل بعد ما الحلقة بدأت لسبب ما يعني غصب عنك وحصل حاجة. وكان فيه مشكلة في الطريق دخلت الحلقة والحلقة شغالة المحاضرة لا تلقي السلام - 00:31:40ضَ

هو بيقول لك ايه ؟ ما تقولش السلام عليكم تخش ساكت واقعد ما ما تشتتش الناس تلاتة لا يلقى عليهم السلام يا جماعة اللي جالس في حلقة العلم وقارئ القرآن - 00:31:55ضَ

الانسان اللي في الخلاء يعني ما ينفعش تدخل المسجد وواحد قاعد بيقرا قرآن. لاحزت بيحصل كده كتير. جرب كده في المسجد شف واحد قاعد بيقرا قرآن وواحد معدي قال له السلام عليكم - 00:32:10ضَ

فسابق قرآن وعليكم السلام ورحمة الله وبركاته. وبعدين نرجع بقى تاني كده لاحز الراجل يقلب كده يقلب كده هو مش فاكر كان واقف فين قبل كده مش فاكر هو اخر اية كان بيقرا فيها ايه مش فاكر - 00:32:23ضَ

يوم قافل المصحف وحطوه اهي طب ليه ؟ عشان فيه واحد دخل شتته لا يلقى السلام على قارئ القرآن طبعا ولا اللي في الخلاء واحد في التواليت تخش تخبط عليه تقول سلام عليكم. مش معقول - 00:32:37ضَ

يبقى تلاتة لا يلقى عليهم منهم ايه الجالس في حلقة العلم قعدت عايز تسأل سؤال لا تقاطع بدون اذن اوعى تفتح بوقك. لازم تستأزن كده هو الراجل قال لك لأ لأ مش هسأل مش هقبل اسئلة تسكت خلاص مش هتفضل بقى كل شوية ترفعه لايدك ترفعه له ايدك لا تقاطع - 00:32:49ضَ

الحاجة التانية بقى اجلس في تواضع آآ هارون الرشيد ارسل للامام مالك والامام مالك كان معاصر لهرون الرشيد تسع سنين معاصر له يعني هارون الرشيد قعد حاجة تلاتة وعشرين سنة تقريبا خليفة. اول تسع سنوات كان الامام مالك حي وقال له يعني آآ - 00:33:09ضَ

عايز اتعلم منك وكده وراح يعني المدينة يعمل آآ يزور قبر الرسول عليه الصلاة والسلام. فقال له يعني عايزك تيجي في القصر بتاعي او في السكن بتاعي وتديني بقى درس وبتاع يعني - 00:33:33ضَ

فانا عايز اعرف انت ايه النظام عشان الخطر يعني تعلمني. قال له ازا اردت ان تتعلم فانا اعطي درس بعد العصر في مسجد رسول الله. تعال احضر الدرس زي الناس - 00:33:47ضَ

وبعت له قال له ايه واحذر ان تأتي متأخرا يعني ههزقك قدام الناس سيدنا والله يعني الخليفة هارون الرشيد راجل متواضع جدا وكان راجل عزيم من اعظم حكام العالم على فكرة - 00:33:57ضَ

راح فعلا بدري كرسي كده في الاخر قعد عليه الامام مالك قاعد والناس كلها قاعدة على الارض وفي الوش قدامه كده الخليفة قاعد على كرسي بس في الاخر هل كنا بنتكلم في ايه امبارح؟ وقلنا هنتكلم في ايه النهاردة؟ قالوا لي النهاردة انت كنت هتكمل قراءة في الموطأ. كتاب الامام مالك اللي هو الموطأ. موطأ الامام مالك - 00:34:20ضَ

مش هنكمل في الموطأ. احنا النهاردة هنتكلم عن التواضع هارون الرشيد راح ساحب الكرسي من تحتيه وقاعد على الارض قال لك انا هاتهزق قالت لأ خلاص خلونا نكمل ايه في الموطأ هو كده اجلس في تواضع العلم يا جماعة يزيد الانسان سكينة ووقار - 00:34:42ضَ

ده مهم جدا عمر ابن الخطاب بيقول رضي الله عنه تعلموا العلم وعلموه الناس وتعلموا له السكينة والوقار. العالم ايضا يجب ان يكون عنده سكينة ووقار ما يبقاش خفيف طبعا - 00:35:04ضَ

ستة احترم المعلم شف سيدنا موسى قال له موسى هل اتبعك على ان تعلمني مما علمت رشدا قال ستجدني ان شاء الله صابرا ولا اعصي لك امر لازم تحترم المعلم الشاعر اظن احمد شوقي بيقول قف للمعلم ووافيه التبجيلا كاد المعلم - 00:35:23ضَ

ان يكون رسولا لا تحاول اظهار علمك والتباهي به. تلاقي كده تلاقي واحد قاعد في الحلقة كل شوية واللي بيدي الدرس بيتكلم هو عمال يلاحقه في الكلام عشان يوري الناس - 00:35:47ضَ

بيوري اللي حواليه ان هو عارف الكلام ده. عارفه كويس اوي. حضرتوا قبل كده. قريته قبل كده. هذا التباهي بالعلم. محاولة اظهار العلم تعالوا اه تمانية افسح مكانا للمتأخرين واحد جه متأخر - 00:36:01ضَ

اعمل كده يمين شوية كده اتفسح له مكانه عشان يقعد جنبك ماذا يؤلف القلوب مش ييجي مش لاقي مكان يشعر ان الناس كلها رافضاه ما حدش عايز يعجم. لأ فسحوا للي جاي متأخر يا جماعة - 00:36:21ضَ

طيب ده ادب اللي قاعد الحلقة. طب وادب اللي جاي؟ اللي جاي ما يطلبش ان الناس تفسح له مكان. امال يعمل ايه؟ يجلس خلف الصف. انت مين يعني عشان الناس تفسح لك يعني؟ فلن تطلب ان الناس - 00:36:34ضَ

افسح لك مكان وانت لو قاعد تفسح للناس مكانه. شف القرآن الاسلام دايما يتعامل مع الطرفين ازاي طيب قمت من الحلقة عملت حاجة كنت ناسي حاجة في العربية عملتها ورجعت تاني لقيت واحد قعد مكانك - 00:36:46ضَ

اوعى تقول له لو سمحت ده مكاني اتفضل قم. اوعى تعمل كده. هناك نهي عن زلك قال رسول الله صلى الله عليه وسلم لا يقم الرجل الرجل من مجلسه ثم يجلس فيه. وفي رواية لا يقم احدكم اخاه من - 00:37:04ضَ

مجلسي ثم يجلس فيه. ما فيش حاجة اسمها زي ما كان انت كاتب على اسمك يعني ما انتاش اهم منه. واحد جه لقى مكان فاضي قعد فيه. اقعد ورا الصف - 00:37:20ضَ

حداشر العلم ان لم يعمل به الانسان بيبقى حجة على الانسان انت تعلمت شيء اعمل به. ما دام شيء ممكن يطبق طبقه آآ من اقوال السيد المسيح رضي الله آآ آآ عليه الصلاة والسلام - 00:37:30ضَ

واورد ذلك الامام احمد في مسنده قال من اقوال السيد المسيح من علم وعمل وعلم فذلك يدعى عظيما في ملكوت السماء. خلي بالك من علم وعمل وعلم. يبقى تعلم العلم تعمل به وتعلمه للناس - 00:37:50ضَ

من هناخد الادب الاخير وهو لا يجوز كتمان العلم لا يجوز للانسان اذا طلب منه انه يعلم الناس علم معين انه يرفض ده على فكرة السر ان انا دايما حريص على التسجيل كل كلمة وكل درس بقوله ليه؟ يتحط على اليوتيوب يتحط على الفيسبوك. يبقى لما حد ييجي يقول لي تعال قل الدرس - 00:38:12ضَ

ربنا يقول لك يا عم عندك ايه الفيديو هناك ولا كده ؟ لو اللي انا باقوله ده مش متاح للناس مجانا ومتاح للناس يبقى انا لازم اروح اقوله. والى باباكتم علم. ما ينفعش اكتم علم - 00:38:33ضَ

خلاص شف ده ورد فيه حديث من اخطر ما يمكن قال رسول الله صلى الله عليه وسلم آآ من سئل عن علم فكتمه الجم بلجام من نار يوم القيامة اللي يسأل عن علمه ويكتم العلم يلجم بلجام من نار يوم القيامة. لان العلم كله هو علم العليم - 00:38:45ضَ

اللهم انا نسألك علما نافعا وعملا صالحا متقبلا موعدنا ان شاء الله يوم الجمعة القادمة في نفس الموعد باذن الله اني داع فامنوه. اللهم لك الحمد انت نور السماوات والارض ومن فيهن. ولك الحمد انت قيام السماوات والارض - 00:39:14ضَ

ولك الحمد انت رب السماوات والارض ومن فيهن انت الحق ووعدك الحق ولقاؤك الحق والجنة حق والنار حق والساعة حق اللهم لك اسلمنا وبك امنا وعليك توكلنا واليك انبنا وبك خاصمنا. واليك حاكمنا فاغفر لنا ما قدمنا وما - 00:39:36ضَ

تأخرنا وما اسررنا وما اعلنا. انت الهنا لا اله الا انت اللهم انت ربنا خلقتنا ونحن عبيدك وايماءك نواصينا بيدك ماض فينا حكمك. عدل فينا قضاؤك اللهم ربنا ورب السماوات ورب الارض ورب كل شيء ومليكه فالق الحب والنوى منزل التوراة والانجيل والقرآن - 00:40:00ضَ

القرآن العظيم نعوذ بك من شر كل دابة انت اخذ بناصيتها. انت الاول فليس قبلك شيء. وانت الاخر فليس بعدك شيء. وانت الظاهر فليس فوقك شيء. وانت الباطن فليس دونك شيء - 00:40:31ضَ

اقض عنا الدين واغننا من الفقر اللهم انت الله لا اله الا انت انت الغني ونحن الفقراء اليك اللهم اغننا بالافتقار اليك ولا تفقرنا بالاستغناء عنك نعوذ بك من الفقر الا اليك. اللهم اكفنا بحلالك عن حرامك واغننا بفضلك عمن سواك - 00:40:50ضَ

اللهم ما امسى بنا من نعمة او باحد من خلقك فمنك وحدك لا شريك لك فلك الحمد ولك الشكر يا ربنا لك الحمد كما ينبغي لجلال وجهك وعظيم سلطانك اغفر لنا ذنوبنا ادخلنا في رحمتك وانت ارحم الراحمين - 00:41:16ضَ

تب علينا انك انت التواب الرحيم حسن اخلاقنا بالصفات الحميدة والاخلاق الكريمة. اعزنا بطاعتك ولا تذلنا بمعصيتك. اللهم انا اسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما - 00:41:37ضَ

زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك - 00:42:01ضَ

بياءك ورسلك وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم انفعنا بما علمتنا وعلمنا ما ينفعنا وزدنا علما وذكرنا ما نسينا واحفظ علينا ما علمنا - 00:42:25ضَ

نسألك علما نافعا وعملا متقبلا يصير حجة لنا لا علينا اللهم اجعلنا ممن احصوا اسماءك الحسنى وبلغتهم بها جنتك. اللهم اجعل القرآن الكريم رابع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا - 00:42:57ضَ

اسأل الله ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرنا - 00:43:21ضَ

اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين - 00:43:41ضَ

يا حي يا قيوم برحمتك نستغيث اللهم سدد رميهم وخيب رمي عدوهم اللهم انصر اوليائك على اعدائك انصر اولياءك في فلسطين كن مع اخواننا في تركستان الشرقية وفي الشام وفي كشميرا وفي الهند انصر من نصرهم. اخذل من خذلهم. طهر المسجد الاقصى من - 00:44:07ضَ

فانهم لا يعجزونك اللهم احفظ المسلمين من الزلازل والغرق والهدم والامراض. اللهم يا من جعلت النار بردا وسلاما على ابراهيم اجعل السجن بردا وسلاما على عبادك المأسورين واناءك المأسورات وعجل بفرجهم. احسن خلاصهم. فرج كربهم. كن مع المبتلين من عبادك المهجرين من ديارك - 00:44:33ضَ

ضاعف ثوابهم ثبتهم على دينهم ان كانوا جياع فاطعمهم ان كانوا حفاة فاحملهم. ان كانوا عراة فاكسهم. ان كانوا مرضى فعافهم وان كانوا مقهورين فانصرهم واشف صدور عبادك ممن ظلمهم - 00:44:57ضَ

فيه يوما كاليوم الذي شققت فيه البحر لموسى وهارون واغرقت فيه عدوك اللهم اشفي مرضانا واهدي شبابنا وارض عنا وربنا واجمعنا في ظل عرشك يوم لا ظل الا ظلك واسقينا من يد سيدنا محمد شربة هنيئة لا نظمأ بعدها ابدا - 00:45:14ضَ

ولا تحرمنا يا ربنا لذة النظر الى نور وجهك الكريم اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطة - 00:45:37ضَ

وادم ودها واهدها سبلها. واملأها بنورك الذي لا يخبو. واشرح صدورها بفيض الايمان بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه - 00:45:58ضَ

السلام عليكم ورحمة الله. ونراكم غدا باذن الجمعة القادمة باذن الله في نفس هذا الموعد ان كنا من اهل الدنيا - 00:46:27ضَ