Baheth

عقدة من لساني يفقهوا قولي السلام عليكم ورحمة الله وبركاته. اهلا بحضراتكم في الحلقة رقم تلتاشر من سلسلة تدبر اسماء الله الحسنى وهي الحلقة الثانية من حلقات تدبر اسم الله الغني - 00:00:00ضَ

الحلقة المتممة لاسم الله الغني ان شاء الله ما نحتاجشي حلقة تالتة المرة القادمة هتكون يوم الجمعة القادم آآ سبعتاشر مارس بس متأخر ساعة يعني هتبقى الساعة عشرة مساء بتوقيت القاهرة. انا هبدأ بصعب عليكم بس انا بكون ايه - 00:00:26ضَ

راجع لسه من سفر ومش مش ضامن ان انا اكون موجود الساعة تسعة عشان ما نأخركوش يعني. ما ما اجيش انا ارجع في اخر لحظة اعدل المعاد. طيب الحمد لله والصلاة والسلام على رسول الله - 00:00:47ضَ

ما زلنا مع اسماء الله الحسنى او مع اسماء الله الحسنى وتحديدا مع اسم الله الغني الحلقة اللي فاتت تدبرنا المواضع التي ذكر فيها هذا الاسم المبارك ووجدنا ان اول حاجة ربنا سبحانه وتعالى استغنى عنها - 00:01:02ضَ

هي الشرك استغنى عن الشركاء فهو غني عن الشرك وبالتالي هو الواحد الاحد وغني عن صدقاتنا وغني عن اموالنا. وغني عن جهادنا وغني عن عبادتنا وغني عن تسبيحنا وغني عن تحميدنا. حتى الناس تقول الحمد لله ربنا غني عن الحمد لله بتاعتك - 00:01:25ضَ

ان هو اللي بيطلب مننا كل ده الله غني ايضا على فكرة. عارفين عن ايه ده ما قلناش امبارح الله سبحانه وتعالى غني عن عقاب الناس يعني في الحديث القدسي - 00:01:53ضَ

يقول الله عز وجل يا عبادي انكم تخطئون بالليل والنهار وانا اغفر الذنوب جميعا. فاستغفروني اغفر لكم يا عبادي انكم تخطئون بالليل والنهار. طب يلا فرصة بقى عشان ربنا يعاقبهم. ابدا - 00:02:14ضَ

ربنا غني عن عقاب الناس الله غني عارفين عن ايه كمان ؟ عن تقوى الناس لا يؤثر في ملك في ملك الله ايمان الناس ولا تقوى الناس ولا يضر الله فجور الناس. ومعاصي الناس. كمل الحديث - 00:02:37ضَ

يا عبادي انكم لن تبلغوا ضري فتضروني. ولن تبلغوا نفعي فتنفعوني يا عبادي لو ان اولكم واخركم وانسكم وجنكم كانوا على اتقى قلب رجل واحد منكم ما زاد ذلك في ملكي شيئا - 00:02:57ضَ

يا عبادي لو ان اولكم واخركم وانسكم وجنكم كانوا على افجر قلب رجل واحد منكم ما نقص ذلك من يعني لو كان كل الخلق بني ادمين وجن من اول واحد منهم لاخر واحد منهم - 00:03:25ضَ

اتقياء زي اقوى انسان تقي في الدنيا زي الرسول عليه الصلاة والسلام. تخيل بقى لو كان كل البشر عبر التاريخ مليارات تريليونات البشر. وتريليونات الجن كلهم زي سيدنا محمد عليه الصلاة والسلام. في التقوى - 00:03:49ضَ

ما كانش ده هيزود في ملك ربنا ولا حاجة. ما كانش ده هينفع ربنا بولا حاجة. ربنا مستغني عننا كلنا بتقوانا بعبادتنا. كلنا لو كنا كلنا زي سيدنا محمد. برضه ما يزودوش حاجة. ايه ده - 00:04:08ضَ

لو كان كل الخلق بني ادمين وجن من اول واحد لاخر واحد فاجرين زي اكتر مخلوق فاجر زي ابليس ما كانش ده هيقلل من ملك ربنا ولا يضر ربنا ولا حاجة - 00:04:24ضَ

ييجي بقى الشيطان يوسوس لمسلم ويقول له ايه طيب يعني لو ربك غني اوي كده ليه بيطلب اللي بيريد اليست الارادة دليل على الاحتياج اريد ماء. يعني انا محتاج ماء - 00:04:45ضَ

اريد طعام يعني انا محتاج طعام اريد ملابس يبقى انا محتاج ملابس يبقى انا مفتقر للماء او للطعام او للملابس قلنا لأ مش لازم. الارادة يكون معناها احتياج. قلنا الام اللي بتطلب من ابنها يزاكر - 00:05:05ضَ

هي لن تنفعها هي شخصيا المزاكرة في شيء هي بتأمره من اجل مصلحته او لانها تحبه. المدرس نفس الكلام ما حدش يقول اصل الام وقلب الام وقلب ام هيوجعها لو ابنها مش ابدا - 00:05:24ضَ

ولله المثل الاعلى ربنا لما بيريد شيء بيريده لمنفعتنا احنا اقرا كده في البقرة مية اربعة وتمانين يريد الله بكم اليسر ولا يريد بكم العسر ده يسر لنا احنا لان الاية دي جاية في سياق - 00:05:36ضَ

الفطر في رمضان لمن كان مريضا او على سفر فعدة من ايام الاخر. ها ليه فربنا اراد اليسر ده يسر لنا احنا مش له هو ازا مش معنى ان ربنا اراد شيئا يبقى محتاجه. ابدا - 00:05:58ضَ

سورة النساء تلات ايات متتالية ورا بعض الله يريد يريد يريد لكن بيريد ايه؟ كل منافع ومصالح للعباد. بص معي سورة النساء ستة وعشرين سبعة وعشرين. تمانية وعشرين يريد الله ليبين لكم ويهديكم سننه. سنن الذين من قبلكم ويتوب عليكم - 00:06:15ضَ

والله عليم حكيم اللي بعدها والله يريد ان يتوب عليكم ويريد الذين يتبعون الشهوات ان تميلوا ميلا عظيما يريد الله ان يخفف عنكم وخلق الانسان ضعيفا كلها حاجات لمصلحتنا احنا - 00:06:39ضَ

هو الغني احنا احنا اللي محتاجين الهداية ومحتاجين التخفيف عننا ومحتاجين آآ انه انه انه يسامحنا ويتوب علينا ازا ربنا هو الغني يعني ايه الغني الغني يعني الذي لا يحتاج. خلاص - 00:07:04ضَ

النهاردة بقى احنا هنركز على انعكاس هذا الاسم علينا احنا خلينا دايما فاكرين اننا بندرس وبنتفكر وبنتدبر اسماء الله الحسنى ليه ربنا اخبرنا في سورة الاعراف ولله الاسماء الحسنى فادعوه بها - 00:07:30ضَ

الذين يلحدون في اسمائه سيجدون ما كانوا يعملون. فاحنا عشان ندعوه بها يعني عشان نعرف مقتضيات هذا الاسم ونفهم ماذا عند الله لنا هنطلبه منه وقال النبي صلى الله عليه وسلم ان لله تسعة وتسعين اسما. مائة الا واحدة. من احصاها دخل - 00:07:49ضَ

على الجنة وقلنا احصاها يعني فهم معانيها ومقتضياتها وعاش بهذه المعاني. وعرف يدعو الله بايه. طيب. اسم الغني بقى ايه اثره علي انا ركز بقى ايه اسر اسم الغني علينا - 00:08:13ضَ

صلوا على رسول الله طالما فهمت ان الله وحده هو الغني يعني هو الغني الحقيقي فده معناه انك تدرك ان كل اغنياء العالم دول ليسوا اغنياء على الحقيقة. في الحقيقة مش اغنيا - 00:08:33ضَ

مليارديرات العالم مش اغنيا اغنياء ماليا لكن مفتقرين الى الله في اشياء كثيرة. في اجسامهم مفتقرين الى الله. في صحتهم مفتقرين الى الله. في امنهم الواحد منهم لو خبطته عربية ما هو بيموت حتى لو غني - 00:08:52ضَ

يعني ما فيش حاجة بتقول اصل العربية لما خبطت واحد غني ما ماتش طبعا ده غني ما فيش حاجة اسمها كده الطيارة بتقع بالغني بيموت ما فيش حاجة اسمها الطيارة وقعت. طبعا الاغنياء عاشوا يا عم. لا ما فيش حاجة اسمها كده - 00:09:11ضَ

بتوع الطيارة الغريبة بيموت والفقير بيموت جا له مرض جديد ليس له علاج ما ما بينفعش مع المال يبقى حضرتك عشان تستفيد من اسم الغني اول حاجة لازم تدرك انك فقير - 00:09:24ضَ

تأخير مش عشان ما عندكش فلوس كفاية لأ. فقير لانك انسان والانسان بطبيعته فقير. هو الغني وانت الفقير ايها الانسان ايه هو اول ذنب جاء للانسان في القرآن اول صورة العلق صح؟ اقرا معي سورة العلق - 00:09:41ضَ

اعوذ بالله السميع العليم من الشيطان الرجيم. بسم الله الرحمن الرحيم اقرأ باسم ربك الذي خلق. خلق الانسان من علق. اقرأ وربك الاكرم. الذي بالقلم علم الانسان ما لم يعلم. اسمع اول ذنب يأتي للانسان في القرآن - 00:10:03ضَ

كلا ان الانسان ليطغى ان رآه استغنى كلا ان الانسان ليطغى يعني بيعتدي آآ آآ بيتعدى آآ آآ الحدود امتى ؟ من رآه استغنى لما يشوف نفسه مستغني فالذم بيأتي للانسان لما يستغني - 00:10:30ضَ

بيحس انه مستغني عن ربنا مش محتاج ربنا. فبيطغى مسلا تلاقي الولد من دول بيصلي كل فرض في ميعاده قبل الامتحانات ليه؟ لانه شاف نفسه مفتقر الى الله. محتاج ربنا ما هي الامتحانات قربت - 00:11:03ضَ

وقت الامتحانات بقى لأ ده بيصلي الفروض والسنن ويطيل في السجود ويخشع ويطلب من الله ويدعو لانه شايف نفسه مفتقر اكتر الى الله خلصت الامتحانات من هنا بقى توقفت السنن - 00:11:22ضَ

اللي كان بيصلي للسنن ده اول ما الامتحانات وقفت وقف السنن بس لسة بيصلي الفرائض ليه ؟ اصل النتيجة ما طلعتش. فدرجة افتقاره قل شوية هو كان بيصلي السنن عشان بس الامتحان اللي جاي ييجي سهل بقى. وكل ما يعدي امتحان يبدأ يحس بالافتقار عمال يقل لربنا - 00:11:41ضَ

خلصت الامتحانات؟ مش مهم السنن ليه يعني ما يعني الفرائض كفاية لغاية النتيجة تطلع النتيجة نجح ترجع الصلاة تقيلة على قلبه بقى. وممكن حتى يوقف تاني الفرائض او يبدأ يصلي ايه على سطر ويسيب سطر. او يأخر الصلاة او او او - 00:12:00ضَ

يبقى اللي يدخلك الجنة احصاء اسم الغني يعني ترى نفسك مفتقر الى الله طول الوقت نسبة افتقارك الى الله هي نسبة نجاحك في الدنيا شعرت انك مفتقر جدا فيزيد تضرعك ودعائك فتصبح من الفائزين - 00:12:23ضَ

ازا درجة الافتقار كل ما تقل كل ما احتمالات فوزك ونجاحك في الدنيا تقل كل درجة الافتقار بتاعك ما تزيد. افتقار الى الله. كل ما نسبة احتمالات فوزك ونجاحك تزيد انك مفتقر فبتتقرب اكتر من الله - 00:12:53ضَ

طيب اذا الله سبحانه وتعالى دائما يذم من يرى نفسه مستغنيا عن الله اقول لكم على حاجة. ربنا عاتب النبي امتى عليه الصلاة والسلام لما اعطى انتباهه واهتمامه للكفار المستغنيين مش للكفار عشان مستغنيين عن الله - 00:13:13ضَ

اما المؤمن المسلم الضرير اللي جاء يطلب العلم يعني مفتقر الى الله مفتقر الى العلم النبي ادى اهتمام اكتر للكفاءة نزلت يعني في صورة عبس لاحزوا الكلام اه عبس وتولى - 00:13:40ضَ

ان جاءه الاعمى وما يدريك لعله يزكى او يذكر فتنفعه الذكرى اما من استغنى المشكلة مش انه كافر بس ده مستغني ما هو لو كافر وعنده خشية وعايز يعرف الحقيقة خشية قلنا يعني يخشى انه يكون غلط - 00:14:00ضَ

لأ دول مستغنيين اما من استغنى فانت له تصدى ربنا عاتب النبي انه اعطى الاهتمام للمستغني بدلا من المفتقر المسلم الضرير عبدالله ابن ام مكتوم سمع صوت النبي فجاء يطلب العلم والنصيحة - 00:14:23ضَ

يعني جاء يشعر بالافتقار والاحتياج لعلم يقربه من الله اما اللي مش عاوز يسمع والنبي عمال يحاول معهم عشان يؤمنوا ويحاول معهم. النبي كان عنده عاطفة ايمانية. يريد الكل ينجو من النار يعني - 00:14:42ضَ

لكن هم عندهم شعور بالاستغناء مستغنيين عن الله وعن العلم وعن النبي وعن الدين وعن الحقيقة. مستغنيين سورة الليل سورة الليل ربنا سبحانه وتعالى ذم الانسان اللي بيشعر بالاستغناء ايضا - 00:14:55ضَ

كده واما من بخل واستغنى وكذب بالحسنى وسنيسره للعسرى وما يغني عنه ما له اذا تردى. بخل ولم ينفق ليه؟ لانه استغنى استغنى عن رضا الله يشعر ان مش محتاج ان ربنا يرضى عنه اصلا. واما من بخل واستغنى وكذب بالحسنى - 00:15:15ضَ

بعد ما استغنى كذب بالحسنى كذب بالثواب وبالجنة قال لك مش عايزهم بناقص الجنة مستغني فبالتالي عمل ايه لم ينفق واما من بخل هو بخل. لانه استغنى وكذب بالحسنى فبخل. لم ينفق - 00:15:47ضَ

هيحصل ايه بقى؟ فسنيسره للعسرى داخل ايه؟ النار بسهولة وما يغني عنه ما له اذا تردى يعني فلوسه دي اللي بخل بها مش هتنفعه وهو بيسقط في جهنم لذلك وبعد ما فهمنا معنى اسم الله الغني بقى - 00:16:05ضَ

يأتي التدبر اين انت من هذا الكلام؟ كل واحد يسبت لنفسه. اين انا من هذا الكلام انا وضعي ايه ؟ ازا كان الله وحده هو الغني يبقى انت ايه لو ربنا هو الغني يبقى انت والناس كلها ايه - 00:16:25ضَ

رد علي فقراء فقراء كل الناس فقراء كل الناس فقراء ربنا قال كده. يا ايها الناس انتم الفقراء الى الله والله هو الغني الحميد يا ايها الناس مش يا ايها الذين امنوا لا يا ايها الناس كلهم مؤمنوهم وكافرهم انتم الفقراء. كلكم حتى نجيب - 00:16:49ضَ

حتى جيف بيزوس حتى الم ماسك. كلكم فقراء الى الله الله! انت بتقول اسماء ناس عندها مليارات! يوه! اللي عنده مليارات ما حميتوش من الكورونا ما اغنى عني ماليا؟ اه ورد ان هيقولها الكافر في الاخرة عند الحساب لما ياخد كتابه بشماله لكن ايضا هيقولها في الدنيا لما يجي له مرض - 00:17:15ضَ

ما لوش علاج معروف وما له مش عارف يعالجه. ما له مش بيدخله. المستشفيات اللي دخلها ما عرفش تعمل له حاجة. فيه ناس حصل لها كده اللي فاتوا اهو جبت لكم والله صور ناس منهم - 00:17:41ضَ

تعالوا نشوف ده الاستاز جوزيف صفرا جوزيف صفرا اه جوزيف صفراء ده ملياردير برازيلي من اصل سوري صاحب مجموعة بنوك في سويسرا سروته اكتر من تلاتة وعشرين مليار دولار. تلاتة وعشرين الف مليون دولار - 00:17:55ضَ

مات بفيروس كورونا هل اغنى عنه ماله ابدا لم يغني عنه ماله وهو بيموت بلسان الحال كان بيقول ما اغنى عني ماليا ملياردير لكن فقير تلاتة وعشرين مليار دولار وفقير - 00:18:25ضَ

وقيل انه مفتقر الى الله محتاج فهمت ما اغنى عني ما لي في الدنيا ثم في الاخرة اذا اخذ كتابه بشماله بقى وقلنا انه في لغة العرب الغني هو الذي لا يحتاج الى غيره - 00:18:49ضَ

يبقى ابو تلاتة وعشرين مليار دولار ما كانش غني بقى. لانه احتاج الطب واحتاج الدواء واحتاج التنفس الصناعي واحتاج الشفاء. ولم يجدوا يبقى كان مفتقر الى الله خد واحد تاني كمان اهو - 00:19:05ضَ

الاستاز ده اسمه الاستاز ليكون هي ده رئيس مجلس ادارة شركة سامسونج صاحب سامسونج الكورية كوري هو سروته سبعتاشر وتلاتة من عشرة مليار دولار سبعتاشر وتلاتة من عشرة الف مليون دولار - 00:19:22ضَ

بفيروس كورونا يعني مخلوق جديد لسة طالع ما كانش موجود قبل كده ما بيتشافش حتى بالعين المجردة يعني حاجة ضعيفة اوي هل اغنى عنه ماله ابدا؟ اذا هذا الملياردير كان فقير - 00:19:49ضَ

لانه مفتقر الى الله رغم السبعتاشر مليار دولار. برضه مفتقر الى الله. يبقى لما ربنا يقول يا ايها الناس انتم والفقراء حتى المليارديرات انتم الفقراء الى الله امال مين اللي غني - 00:20:07ضَ

والله هو الغني الحميد. الوحيد الغني. فعلا على الحقيقة هو الله الملياردير ده يوم ما اتولد ودخل الدنيا دخلها عريان. ولما خرج منها خرج منها عريان. ما خدش حاجة كل الاسماء الحسنى بقى لو تلاحزوا - 00:20:28ضَ

تجدها كلها بتاخدك في اتجاه التوحيد كلها بتاخدك في اتجاه التوحيد الاول الرسول عليه الصلاة والسلام قال اللهم انت الاول فليس قبلك شيء. يعني الوحيد والاخر فليس بعدك شيء. يبقى الوحيد الاخر. ما فيش اخر تاني - 00:20:48ضَ

وانت الظاهر فليس فوقك شيء. يبقى هو الوحيد اللي اللي ظاهر وانت الباطن فليس دونك شيء. هو الوحيد هو الملك الوحيد المالك الوحيد المليك الوحيد ده معناه ان كل الناس مملوكين له - 00:21:10ضَ

حتى اللي بيملك حاجة الحاجة دي في الحقيقة ملك لله واحنا مستلفينها بس شوية كده في الدنيا بنختبر بها كل الاسماء بتاعة الله هتاخدك في اتجاه التوحيد. نفس الكلام. الغني توحيد الله في اسمه الغني - 00:21:29ضَ

ده معناه انك تدرك انك فقير. بس خلي بالك الفقر مش حاجة كويسة الا لو كان لله. اوعى تكون فرحان الحمد لله فقير ما عنديش حاجة. لا دي مش حاجة حلوة - 00:21:47ضَ

دي مش حاجة حلوة. الفقر لله هو اللي كويس مش الفقر من الاسباب بتاعة الدنيا والفقر من المال لا ده مش حاجة كويسة على فكرة فانت اذا افتقرت الى الله - 00:22:00ضَ

اصبحت غنيا عن الناس وغني عن الدنيا فمن نعم الله انه يغنيك من نعم الله على نبيه انه يجعله غني يعني مستغني عن الناس. سواء معه فلوس او ما عهوش. لكن المهم ما يحتاجش الناس - 00:22:14ضَ

في سورة الضحى ووجدك عائلا فاغنى. لقاك بتعول وعندك عيال وعندك فاغناك اغناه بانه جعل جعله يرى الدنيا على حقيقتها هو النبي ده ساعة ما ربنا قال له ووجدك عائلا فاغنى. النبي كان مليونير يعني؟ لأ خالص خالص - 00:22:35ضَ

كان بينام على الحصير بس كان غني لانه استغنى عن الناس شوفوا عن عبد الله ابن مسعود رضي الله عنه اه نام رسول الله صلى الله عليه وسلم على حصير - 00:23:00ضَ

وقد اثر في جنبه. يعني بقى مع الحصير معلم في جنبه وقلنا يا رسول الله لو اتخذنا لك وطاء يعني اسمح لنا نجيب لك مخدة طرية شوية مخدة فوم ولا ريش نعام لا لا لا حاجة كده يعني معمولة من القش. دي تعتبر مخدة يعني - 00:23:17ضَ

وقال النبي صلى الله عليه وسلم رايحين يجيبوا له مخدة. قش قال ايه ما لي وللدنيا ما انا في الدنيا الا كراكب استظل تحت شجرة ثم راح وتركها يعني الدنيا دي مدتها قصيرة اوي - 00:23:41ضَ

فما فيش داعي نضيع فيها وقت زي واحد مسافر سفر طويل وبعدين وجد شجرة فقعد شوية صغيرين تحتها ثم تركها وكمل في طريقه. اهي الدنيا حياة الانسان في الدنيا السبعين تمانين تسعين سنة اللي بنعيشهم في الدنيا دول - 00:24:08ضَ

زي بالزبط الفترة القصيرة اللي بيقعدها الانسان المسافر في الصحرا تحت شجرة في الضل وبيسيبها بعد كده اقول لكم على حاجة. احنا واحنا مسافرين من مدينة لمدينة اخرى. مش بنلاقي كده حاجة اسمها سيرفس اريال فيها ريست هاوس - 00:24:25ضَ

بنخش نستريح في بنخش او نحط بنزين في تلات دقايق في العربية واللي عاوز يخش الحمام بسرعة يخش. وان كان اللي سايق العربية يشرب فنجان قهوة عشان يفوت كده واللي عايز ياكل ساندوتش بسرعة ياكل ساندوتش ها - 00:24:44ضَ

وبنترك السيرفس اريا دي خلال ربع ساعة تلت ساعة بالكتير ما حدش فاضي. احنا رايحين اتفسح تخيلوا ناس كده رايحين يقضوا الصيف كله في الساحل الشمالي هيقضوا تلات شهور واخدين معهم عشر تلاف دولار - 00:25:01ضَ

عشان يستمتعوا بقى طول الصيف وياكلوا سوشي ومش عارف ايه ويتفسحوا بقى لكن لما يقفوا في الريست هاوس اللي في الطريق ربع ساعة يصرفوا كل الفلوس اللي معهم كريست هاوس حصل ايه ؟ خربوا اخرتهم. خربوا الساحل الشمالي. كده هيروحوا مفلسين ومش هيلاقوا حاجة يتفسحوا يصرفوها هناك - 00:25:18ضَ

الصرف وكل حاجة في الدنيا. في ايه الدنيا رست هاوصل ازا عايزين لازم ندرك من فهمنا لاسم الله الغني ان كل حاجة عندنا منه هو ربنا قال ايه فما منكم من نعمة فمن الله - 00:25:41ضَ

اي حاجة عندنا هي نعمة من الله كل حاجة منه. يبقى انت فقير بايديفولت كده بطبيعتك هو غني بذاته. يعني ايه؟ ربنا لم يغتني بالميراث ولا باكتساب عن طريق العمل ولا الشراء ولا البيع - 00:26:05ضَ

هو الغني بذاته صفة ذاتية في الله. يعني لا تتغير هذه صفة الله لا تتغير. واحنا فقراء بطبيعتنا كمان فقراء حتى الملياردير فينا فقير الشعور يا جماعة بالافتقار الى الله - 00:26:26ضَ

يبدأ من الشعور بانك ليس لك ملك في الدنيا جسمك ملكه هو روحك ملكه هو. ما لك ملكه هو. عيالك ملكه هو. ليس لك ملكه ليس لك ملك من دون الله - 00:26:45ضَ

ربنا قال يا ايها الناس انتم الفقراء الى الله والله هو الغني الحميد ربنا بيذكرنا بما ينفعنا. هو ليه بيفكرنا احنا فقراء؟ بيزلنا يعني؟ لأه لما واحد يقول لواحد ايه انت فقير يا فقراء يا فقراء انت بتزلهم. لكن لأ ربنا بيفكرنا بما ينفعنا والا هنصاب بالغرور. والعشب ازاي عمال يبص - 00:27:06ضَ

على فلوسه فيصاب بالغرور والعشب انا غني. انا فلوسي هتنفع في ربنا يفكرنا. يا ايها الناس انتم الفقراء الى الله يبقى اول حاجة يجب الا ترى لنفسك ملكا انت لا تملك اي شيء. المالك الوحيد هو الله. وبالتالي فانت مفتقر الى الله في كل شيء - 00:27:32ضَ

حتى النفس اللي بتاخدوه مفتقر الى الله الى الله انك تقدر تطلعه تقدر تخرجه؟ شربة الماء اللي بتشربها انا دلوقتي مفتقر الى الله اني اقدر اخرجها في ناس بيجي لها انحباس في البول لا تستطيع تخرج الماء من جسمها - 00:27:54ضَ

احد الصالحين لهارون الرشيد اذا منع عنك الماء كم تدفع من ملكك في شربة ماء بعد تلات تيام مش لاقي ماية قال له نصف ملكي. سيدنا يعني آآ هارون الرشيد كان ملكه من حدود الصين لغاية آآ المغرب. يعني تقريبا - 00:28:17ضَ

العالم المعروف في الوقت ده اصلا ما كانوش لسه اكتشفوا امريكا اوروبا كان اصلا مش لاقية تاكل نص ملكه ده يدفعه شربة ماء قال له طب واذا انحبس الماء في جسمك فلم تستطع اخراجه. كم تدفع كي تخرجه - 00:28:45ضَ

كي تتبول قال نصف ملكي الاخر قال يا حسرة على ملك لا يساوي شربة ماء وبوله شربة وبولة ولا حاجة تدبر الاخر بقى في التأثر بسم الله الغني خلاص قلنا اول تدبر يفيدنا ان احنا نعرف اننا فقراء الى الله وما عندناش حاجة ملكنا بالحقيقة. طيب - 00:29:02ضَ

ايه التدبر التاني بقى انك تتخلق بصفات الله. ربنا صفته الغني يخليك انت ايضا غني. يعني ايه؟ يعني استغني بالله عن الناس اما تحتاج للناس هيتحكموا فيك الشيخ النابلسي آآ ربنا يا رب يبارك في عمره قال - 00:29:29ضَ

احتج الى المرء تكن اسيره. واستغني عنه تكن نظيره واحسن اليه تكن اميره ما تحوجش نفسك لحد عشان تبقى حر نفسك. وقرارك بايدك احتج الى المرء تكن اسيره الصين بتضطهد المسلمين. صح؟ الايغور وكلنا عارفين كده - 00:29:49ضَ

طب ما فيش دولة تجرؤ تقاطع الصين ولا تركيا تقدر تقاطع الصين. مع ان الاوغور دول ايه اصل الاتراك الاتراك اصلا قبائل من المنطقة دية منطقة التركمانستان ما حدش يقدر يقطعها. ليه - 00:30:18ضَ

الصين داخلة في كل حاجة المسلم لو فكر يتخلص من كل المنتجات الصينية اللي عنده وهيقف عريان. بس تبقى كارثة يبقى عشان تبقى حر نفسك استغني عن الناس. ازرع طعامك. انتج ملابسك. انتج دواءك. انتج سلاحك. عشان تبقى اغنى - 00:30:40ضَ

ناس استغني عن الناس. تبقى غنية هتستغني عن الناس سيدنا ابو بكر الصديق كان رايح مع مجموعة كده من الصحابة مشوار وهو كان راكب وبعضهم كانوا راكبين راكبين جمال والبعض راكبين آآ بغال. والبعض راكبين حصنة. والبعض ماشيين على رجليهم - 00:31:01ضَ

فسيدنا ابو بكر الصديق وقعت منه العصاية الخرزانة الصغيرة دي اللي بيسوق بها الجمل بتاعه فوقف الجمل وبرك بالجمل. برك به يعني خلاه ينزل على ركبه. الجمل بينزل الاول بيبرك على رجليه القودمانيين. وبعد كده رجليه الورانيين. وبعدين سيدنا ابو بكر نزل - 00:31:26ضَ

على الجمل وراح جاب العصاية وطلع فوق الجمل وطلع بالجمل تاني ومشي دي عملية بتاخد دقايق احد الصحابة اللي كان ماشي على رجليه مستغرب جدا قال له هو ايه اللي انت عملته ده - 00:31:47ضَ

يعني انت كان ممكن تقول لي ناولني العصاية هاناولها لك. ايه كل اللي انت عملته ده قال له لقد عاهدت رسول الله صلى الله عليه وسلم في خمسين من اصحابه الا نسأل الناس شيئا - 00:32:02ضَ

والكلام ده ورد عن كتير من الصحابة سمرة بن جندب قال نفس الكلام انه عاهد نفس العهد ده للنبي. ابو ذر الغفاري قال نفس الكلام انه عاهد هذا العهد للنبي. عبد الله - 00:32:20ضَ

ابن عمرو ابن العاص عاهد على ده معناه ان النبي صلى الله عليه وسلم كان عنده مجموعة من الصحابة بيربيهم مجموعة خاصة وصل معهم بدرجة التربية روحية والتزكية الى درجة الاستغناء عن الناس فعاهدوه انهم لا يطلبوا من احد اي حاجة ولا اي خدمة طول حياتهم - 00:32:30ضَ

هيبقوا فقط بيخدموا الناس وما يطلبوش خدمات من الناس خدت بالك بقى يعني ايه احتج الى المرء تكن اسيره واستغني عنه تكن نظيره يبقى راسك براسه هو ملياردير وانت موزف ما حيلتكش الا مرتبك - 00:32:53ضَ

تاخد الفين جنيه في الشهر وانتم الاتنين عايشين في نفس الحي هو عايش في قصر كبير وانت عايش في شقة صغيرة اوضة وصالة بس انت مستغني عنه ومش محتاج منه اي حاجة خالص - 00:33:14ضَ

انت نظيره. انت راسك براسه بتتساوى معه في كل شيء. ليه ما كنتش عايز حاجة منه واحسن اليه تكن اميره. لو انت عملت للانسان احسان احسنت اليه. عملت له خدمات علمته واطعمته وكسيته وخدمته - 00:33:26ضَ

هيعتبرك اميره يعني تأمر باي شيء هيعمله لك وهيعمل لك وهو سعيد لانه عاوز يرد لك شيء من افضالك وخدماتك يبقى اسم الغني يعلمك انك تستغني عن الناس لا تفتقر الا الى الله فقط والاستغناء عن الناس - 00:33:46ضَ

بيحصل لما تستغني عن الدنيا ما يكونش لك طلبات كتير في الدنيا الحديد ده خطير عن ابي هريرة رضي الله عنه قال قال رسول الله صلى الله عليه وسلم تعس عبد الدينار وعبد الدرهم وعبد الخميصة - 00:34:04ضَ

تعس وانتكس واذا شيك فلنتقش. يعني ايه عبد الدينار وعبد الدرهم عبد الفلوس بالعامية يقول لك ده كلب فلوس. بيجري وراه اي حاجة فيها فلوس. عبد للفلوس. حاجة فيها فلوس يجري على طول حتى لو فيها تنازل عن عن عن آآ - 00:34:26ضَ

عن كرامته وعن شيء عبده فلوسه عبدالخميصة. الخميصة الملابس الشيك. اخر موضة يعني الانسان اللي هتستعبده الدنيا وفلوسها وزينتها فوزينتها هيعيش تعيس عايزين نروح باريس وميلانو عشان نشتري ملابس اخر موضة - 00:34:48ضَ

وبعد ما نرجع بكام شهر الملابس بتبقى ديموديه تاني. ليه ؟ ما راحت موضتها ونزلت موضة جديدة. محتاجين نسافر باريس وميلانو تاني. ليه ؟ عشان احنا مفتقرين فقر طنين الى الموضة الجديدة - 00:35:11ضَ

انما اللي مش فارق معه الخميصة يعني الموضة غني مستغني عن باريس واللي خلف باريس وميلانو واللي خلف ميلان خلاص استغني والنبي وصف الانسان اللي بيلهث وراء الدنيا قال تعيسة على طول تعسان على طول مدايق على طول عايز - 00:35:27ضَ

تعس وانتكس انتكس يعني ييجي يقف يقع انتكس في الصعيد يقول لك كل ما جه فقع. يعني كل ما اجي اقف اقع. كل ما اجي اقف هي دي نقطة تعس وانتكس. ها. واذا شيك فلا انتقل - 00:35:46ضَ

اذا شيكا يعني لو شوكة دخلت فيه شوكته ها فلنتقش المنقاش هو ده الايه؟ الملقاط. هم فلا انتقش يعني ما يعرفش يطلع الايه الشوكة منه ده حاله الانسان اللي بيلعب في وراء الدنيا كل ما يقف يقع وكل ما شوكة تخش مش عارف يطلعها على طول عاوز عاوز عاوز مش مستريح على طول متشكشك كده - 00:36:02ضَ

طيب هل معقول الواحد يقدر ان هو يعني ما يحتاجش خالص احوج نفسك لله فقط الله هو الغني وهو اللي بيحب انك تطلب منه هو اللي يقدر يغنيك لذلك من صفات الله انه يغني المغني - 00:36:26ضَ

من صفات الله في ناس اعتبرت المغني من اسماء الله على فكرة. ازن من الاسماء المشهورة التسعة وتسعين اللي الناس بتغنيها دي في الافراح وبتاع لأ يعني هو مش اسم بصوا - 00:36:51ضَ

هم جابوه منين هم اشتقوه من ايات موجودة مسلا آآ سورة التوبة فيها قول الله تعالى لا استنى سورة التوبة اهي وان خفتم عيلة فسوف يغنيكم الله من فضله. فربنا بيغني - 00:37:02ضَ

هذه صفة من صفات الله ما قالش عن نفسه المغني لكنه فعلا مغني كصفة ما بنقولهاش كاسم مسلا في سورة النور وليستعفف الذين لا يجدون نكاحا حتى يغنيهم الله من فضله - 00:37:26ضَ

فمن صفات الله المغني هو اللي يغنيك. لكن عليك ان تطلب منه انه يغنيك حتى يصبح الغنى نعمة مش ابتلاء من دعاء النبي عليه الصلاة والسلام وده دعاء خطير اوي. ركزوا فيه - 00:37:44ضَ

اللهم اكفني بحلالك عن حرامك. واغنني بفضلك عمن سواك جاء لسيدنا علي ابن ابي طالب كرم الله وجهه ورضي عنه وارضاه مكاتب يشكو. يعني ايه مكاتب؟ مين عارف قلنا المكاتب هو العبد اللي عمل كتاب اللي كتب كتاب مع سيده. في عقد بينه وبين سيده - 00:38:02ضَ

اصبح حر بس يسد الدين اللي عليه سيده كتب له انت تسوى خمس تلاف دولار هاتهم لي تاخد حريتك فالمكاتب جه بيقول له انا مش عارف اؤدي الدين اللي علي - 00:38:31ضَ

وده دليل على فكرة الرأي اللي بيقول ان المكاتب بيصبح حر بمجرد ما يكاتب. والفلوس اصبحت دين فسيدنا علي قال له الا اعلمك كلمات علمنيها رسول الله صلى الله عليه وسلم من قالها سد الله عنه دينه ولو كان كالجبال - 00:38:44ضَ

والله يا جماعة مجربة انا مجربها اللي عليه دين ان شاء الله مهما يكون كبير ربنا يسده عنه طبعا ياخد بالاسباب ويشتغل كل حاجة لكن لازم الدعاء دوا قل اللهم اكفني بحلالك عن حرامك واغنني بفضلك عمن سواك - 00:39:10ضَ

الله هو الغني ولا مغني الا الله هذا والله اعلى واعلم اني داع فامنوا اللهم ربنا ورب السماوات ورب الارض ورب كل شيء ومليكه فالق الحب والنوى. منزل التوراة والانجيل والقرآن العظيم. نعوذ بك من شر كل دابة انت اخذ بناصيتها - 00:39:31ضَ

انت الاول فليس قبلك شيء وانت الاخر فليس بعدك شيء. وانت الظاهر فليس فوقك شيء. وانت الباطل فليس دونك شيء عنا الدين واغننا من الفقر اللهم انت الله لا اله الا انت انت الغني ونحن الفقراء - 00:40:01ضَ

اللهم اغننا بالافتقار اليك ولا تفقرنا بالاستغناء عنك. نعوذ بك من الفقر الا اليك اللهم اكفنا بحلالك عن حرامك. واغننا بفضلك عمن سواك اللهم تب علينا انك انت التواب اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة - 00:40:25ضَ

لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك - 00:40:54ضَ

ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاك - 00:41:18ضَ

اللهم اجعل اللهم اجعلنا ممن احصوا اسماءك الحسنى. وبلغنا بها جنتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:41:38ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف فيك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرور - 00:42:05ضَ

ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين. اللهم سدد رميهم وخيب رمي عدوهم وانصرهم على عدوك وعدوك - 00:42:25ضَ

وكن مع اخواننا في تركستان الشرقية وفي الشام وفي كشميرا وفي الهند. وانصر من نصرهم واخذل من خذلهم. وطهر المسجد الاقصى صمين الدنس فانهم لا يعجزونك. اللهم احفظ المسلمين من الزلازل والغرق والهدم والامراض - 00:42:50ضَ

اللهم يا من جعلت النار بردا وسلاما على ابراهيم اجعل السجن بردا وسلاما على عبادك المأسورين وانائك المأسورات بفرجهم واحسن خلاصهم وفرج كربهم وكن مع المبتلين من عبادك المهجرين من ديارهم. ضاعف ثوابهم ثبتهم على دينهم - 00:43:09ضَ

فان كانوا جياع فاطعمهم وان كانوا حفاة فاحملهم وان كانوا عراة فاكسهم وان كانوا بردا فعافهم وان كانوا مقهورين فانصرهم واشف صدور عبادك ممن ظلمهم فارهم فيه يوما كاليوم الذي شققت فيه البحر لموسى وهارون واغرقت فيه عدوك - 00:43:29ضَ

اللهم اشف مرضانا واهدي شبابنا وارض عنا ورضنا واجمعنا في ظل عرشك يوم لا ظل الا ظلك واسقنا من يد سيدنا محمد شربة هنيئة لا نظمأ بعدها ابدا ولا تحرمنا يا ربنا لذة النظر الى نور وجهك الكريم - 00:43:51ضَ

اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك. وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها. واملأها بنورك الذي لا يخبو - 00:44:09ضَ

اشرح صدورها بفيض الايمان بك وجميل التوكل عليك وحيها يا ربنا بمعرفتك وامتنا يا مولانا على الشهادة في سبيلك انك نعم المولى ونعم النصير. وصل اللهم وسلم على سيدنا محمد - 00:44:32ضَ

نراكم يوم الجمعة سبعتاشر مارس الساعة عشرة مساء بتوقيت القاهرة باذن الله. مع اسم الله الحميد. والسلام عليكم ورحمة الله - 00:44:48ضَ