الايام ستحلو وترى الدنيا شط نجاة. دينك بحر من امال السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير - 00:00:00

كله واليك يرجع الامر كله. لبيك يا ربنا ويا سيدنا وسعديك. والخير كل الخير في يديك والشر ليس اليك. انا بك واليك تباركت وتعاليت استغفرك واتوب اليك. اللهم صل على النبي محمد - 00:00:18

اللهم صل على النبي محمد وعلى ازواجه امهات المؤمنين وعلى ذرية وال بيته انك حميد مجيد. اما بعد اخواني واخواتي احببنا جميعا في الله درس الليلة بازن الله سبحانه وتعالى درس هيدور حوالين خمس قرارات. بلا مقدمات. خمس قرارات يا جماعة. لازم كل شاب قرر انه يتوب لربنا. لازم كل فتاة - 00:00:36

لازم كل واحد قرر انه يرجع لربنا لازم ياخد الخمس قرارات دول. فيه شباب كتير جدا دلوقتي نفسهم انهم يتوبوا. خطوا اول خطوة لكن مش عارفين يعملوا ايه بعد كده دي خمس حواجز. لو انت ما عرفتش تعديها انت مش هتعرف تكمل. مش هتعرفي انك انت توصلي خمس قرارات. لازم كل واحد مننا يحفزهم في ده - 00:00:56

الليلة مش هرجع اتنين مش هضعف تلاتة مش هندم اربعة مش هييأس مش هقف خمس قرارات يا جماعة. احد الشيوخ الافاضل كان احد الاخوة الملتزمين كان معه وكان ماشي معه بعد كده هزا الشاب انتكس. وترك - 00:01:16

التزام وفتن فتنة شديدة جدا بالدنيا. فالشيخ كل ما يكلمه يقول له ارجع يقول له والله راجع يا عم الشيخ. ارجع والله راجع يا عم الشيخ شوية وهرجع شوية اتصلوا بالشيخ قالوا له الحق فلان في المستشفى. ليه عنده ايدز ؟ راح المستشفى عنده ايدز يعني بيموت. اول ما الشيخ دخل على الاوضة بتاعته قال له انا كنت - 00:01:36

كنت عايز ارجع لربنا برجلي ربنا جابني على وشي. بادر قبل ان تبادر. يا جماعة قضية القرارات قاتل المئة لو كان اتاخر في قرار التوبة لو كان اتأخر في قرار الانطلاق للصحبة الصالحة عشر دقايق كان ضيع مصيره يا جماعة. فيه قرارات ما ينفعش ان احنا نأخرها ما ينفعش. ان احنا نأجلها - 00:01:56

زي صاحب شركة سوزوكي بيقولوا له انت سر اللي انت فيه ده ايه بازن الله وحده. قال لهم قرارات قالوا له جبتها منين؟ قال لهم خبرة قالوا له جبت الخبرة منين؟ قال لهم قرارات خاطئة. قالوا له طب القرارات اللي مالية حياتك دي بتاخد القرار في قد ايه؟ قال لهم عشر دقايق. قالوا له طب عشر دقايق يكفوا القرار - 00:02:16

قال لهم لاني لو ما خدتش قرار سريع اتسبق. طب ده خايف يتسبق في الدنيا. طب انت مش خايفة انك تتسابقي في الدين؟ طب انت مش خايف انك تتسابق في الدين - 00:02:36

خمس قرارات يا جماعة. كل واحد مننا يكتبهم على قلبه. كل قرار يتكتب على صابع من صوابع ايديك وايديك. كل الخمس قرارات اتكتبوا على ورقة قدام السرير اللي انت بتنام عليه. تنام اخر حاجة تبص لها هم وتصحى اول حاجة. تبص لها هم مش هارجع مش هاضعف. مش هيئة - 00:02:46

مش هندم مش هقف خمس قرارات. القرار الاول مش هرجع انا مش راجع. لا يمكن ارجع لو الشهوات كلها تزينت. مش هرجع لو الفتن كلها عرضت علي. مش هرجع انا لا يمكن والله لو جعلوا الشمس عن يميني والقمر عن شمالي على ان اترك دين الله او طريق الله - 00:03:06

بعد ما مشيت في طريق ربنا مش هرجع لا يمكن لو اصحابي جم وراودوني مش هرجع لو الفتاة اللي كنت بحبها وقلبي متعلق بها. لو الشاب اللي كان قلبها ميت - 00:03:26

وقلبك متعلق به مهما عمل مش هرجع بنت فضلت ورا الشاب اللي كان متعلق بها ومتعلقة به بعد التزامه. تلات سنين لحد ما رجعته تاني. لحد ما وقعته في المعصية تاني. مش هارجع مهما الفتن جت. مهما المعاصي جت. البنت اللي كانت على علاقة بشاب. هو - 00:03:36

تبت وقمت حاول تتصل به ترجعه. بعد كده هي تتوب يقوم يحاول يتصل بها يرجعها. مرة اخر مرة تاب التوبة صح. فقعد يتصل بها ويبعت لها ردت عليه برسالة بتقول له من وجد الله فماذا فقد؟ ومن فقد الله فماذا وجد؟ عذرا عرفت ربي خلاص - 00:03:56

مش هرجع لايه؟ ترجع لخنقة زمان ترجعي لايه؟ ترجعي لعدات المعاصي اللي كان شغال ليل نهار بتاع زمان ترجع لايه؟ ترجع لزنوب زمان ترجع لايام ما كان. لايام ما كان الواحد ماشي بيحط راسه على المخدة. حاسس ان ربنا من فوق سبع سماوات غضبان عليه. بنت باعتة لي ورقة في ندوة جامعية - 00:04:16

تقول لي انا بعصي ربنا انا متأكدة ان ربنا غضبان علي. انا متأكدة ان ربنا غضبان علي جدا. طب انت عايشة عايشة الحياة دي ليه؟ ترجع ليه ترجع ترجع وتسيب مين ؟ تسيب ربنا. تسيب ربنا ترجع بعد ايه ؟ تعمل زي اللي بعد ما عدى من على الصراط وعلى باب الجنة يقرر انه يرجع - 00:04:36

جهنم تاني برجليه وابواب الجنة ربنا فتحها له تسيبي مين؟ تسيبي ربنا انه كان بي حفيا. اللي استقبلك بحفاوة واستقبلك بحفاوة جالك قلب ان بعد الليلة اللي قضيتها في قيام الليل. تقضي ليلة قدام موقع اباحي. جا لك قلب. ان بعد حجاب امهات المؤمنين والحجاب الشرعي ما لبستيه - 00:04:56

تلبس اللبس التاني اللي النبي عليه الصلاة والسلام قال على صحباته قال للنبي عليه الصلاة والسلام قال على صحبته كاسيات عاريات كاسيات لابسين ومتغطيين من اول شعر راسها لحد رجليها ولكن كاسيات عاريات ترجع لايه ؟ مش راجع - 00:05:16

الغ من العربية بتاعتك نقلة المارشيدير ما عادش فيه حاجة اسمها مارشيدير. ما عادش فيه حاجة انها اسمها ارجع ورا. ما تسيبش المعصية اكرها. اقفل كل كل باب موارب بينك وبين المعصية. لا يمكن ارجع انا مش هرجع اوعى اوعى التزامك يبقى زكرى في يوم من الايام. اوعي حجابك يبقى زكرى في يوم من الايام. اوعى تدوم - 00:05:34

اللي نزلت من عينيك ندم على المعاصي تبقى زكرى في يوم من الايام. اوعي اوعي فرحتك بالمصحف. اوعي فرحتك وانت اول مرة لابسة حجاب امهات المؤمنين قدام المراية اوعى فرحتك بدين ربنا اوعى فرحتك بقيام الليل. اوعي فرحتك بالصلاة كل دي تبقى زكريات. اوعى توبتك اوعى التزامك اوعى - 00:05:54

يبقى زكرى في يوم من الايام. يا جماعة يا جماعة احرقوا السفن يا جماعة. احرقوا السفن المرايات اللي على الجنب اللي اللي ورا اكسرها هتبص للماضي زي ما ربنا قال ولا يلتفت منكم احد. اوعي تبصي لورا اوعى تبصي للماضي. اوعى لو الماضي في رجليك. اوعى - 00:06:14

كنت على علاقة بها. اوعي لو قناة كنت بتحبيها. اوعى لو معصية كنت غرز فيها. اوعوا لو المعاصي احاطت بكم تاني. احرقوا انا مش هرجع يعني مش هرجع مغني من المغنيين. جه في درس الجمعة بتاع المنصورة. الجمعة اللي كانت اول امبارح دايت بيقول لي انا عمري ما كنت اعرف - 00:06:34

دعاء ولا غير دعاء؟ انا بيقول لي من تمانية واربعين ساعة داخل على جوجل بادور على فيلم الطريق الى ايلات فبكتب الطريق الى طلع لي الطريق الى الله. قمت خابط اما اشوف - 00:06:54

الطريق الى الله. بيقول دخلت لقيت درس اسمه كيف انتشر كنتاكي. اللي هو درس الاسبوع اللي فات. بيقول دخلت لقيتك بتتكلم عن اسطوانة ايامنا الحلوة المعسكر بيقول دخلت على الاسطوانة لقيت حفلة سمر بيقول دخلت على حفلة السمر لقيت المطرب التائب ايمن العطار وهو بيتكلم عن قصة التوبة بتاعته - 00:07:04

بيقول حسيت ان كلامه صح. حسيت انه فاهم الدنيا صح. حسيت ان هو ده الكلام السليم. بيقول اتاسرت رجعت سمعت كل السي دي بتاع المعسكر. قال لي انا جاي لك - 00:07:24

الوقتي انا كنت بفطر واتغدى واتعشى حشيش. كان بيشرب خمرة. كانوا مسمينه في البلد بتاعته كازانوفا من العلاقات المحرمة اللي هو فيها. بيقول لي انا الوقتي انت جاي لك كاسر اربع شرايح. عشان اقطع ما بيني وبين المعصية. اقطع ما بيني وما بين صحبة السوء. حرق السفن يا جماعة. هو كده مش - 00:07:34

مش راجع اوعي في يوم من الايام قول لا ينطبق عليك. اوعى في يوم من الايام قول الله ينطبق عليك. ان الذين ارتدوا على ادبارهم من بعد ما تبين لهم الهدى. الشيطان سول لهم واملى لهم. اوعي بعد ما بقى اسمك ملتزمة. يبقى اسمك منتكسة. اوعى ما بعد ما بقى اسمك تائب يبقى - 00:07:54

عاصي اوعوا تكونوا كالتي نقضت غزلها من بعد قوة. اوعى تهد اللي انت بنيته. انت بقيت صفحة بيضا. اوعى تشخبط فيها تاني. اوعى اوعى الصفحة دي تتوسخ تاني. اوعي اوعي بعد ما ربنا يرجعك صفحة بيضا. اوعي بعد ما عملت شفت ديليك لكل اللي فات. اوعى احجز تزكرة سفر - 00:08:14

زهاب بلا عودة للجنة. يا جماعة الحديس اللي اوله اوله بيوصف حالنا واخره مرعب. ان العبد ليعمل بعمل اهل الجنة. اهو فيما يرى للناس قدام الناس بس وهي مع صاحباتها بس. وهو وسط الصحبة بس. حتى ما يكون بينه وبينها الا ذراع. فيعمل بعمل اهل النار فيدخلها. نهاية سودا. ليه - 00:08:34

لانه كان عايش على سطر وسطر كان مسنود كان متلصم ما خدش قرار مش راجع. كان ستر طاعة وستر معصية مات على السطر بتاع المعصية والعياذ بالله فمش راجع اقفل اي باب بينك وبين المعصية. اقفلي اي باب بينك وبين المعصية. عمرنا ما شفنا شاب قال كيف اثبت على المعصية - 00:08:57

ليه؟ لانه داخل المعصية بحب. داخل القهوة بحب. طالع الرحلة بحب. داخل النادي بحب. داخل ساعة الجامعة بحب. داخل مش هتقدر تغمض عينيك ولا ولا ميلودي ولا روتانا ولا المواقع الاباحية داخل بحب داخل بقلبه فما بيفكرش يرجع. انت اولى بالثبات منه. انت اولى بالثبات - 00:09:17

انه مش راجعة مش راجع. لو الدنيا عملت ايه! هان عليك! هان عليك صلتك بربنا! هان عليك دموعك اللي نزلت في التوبة بين ايدين ربنا هان عليك ركعتين التوبة اللي صليتهم لربنا. هان عليك. هان عليك اول رؤية ربنا وراها لك انك ماشي صح. هان عليك اول مرة ترفعي ايدك تنزل الاجابة - 00:09:37

قبل ما رفعة ايدك تنزل هان عليك لما حسيت ان ربنا معك. لما حسيت ان انت بقى لك ضهر. لما حسيت ان انت بقى لك سند. لما حسيت انك حط راسك على المخدة ربنا مش غضبان عليك. هان عليك جا لك قلب تسيبي ربنا. جا لك قلب تسيب طريق الجنة. جا لك قلب تسيب طريق الوحيد - 00:09:57

فيه رضا ربنا واللي يوصل للجنة واحد مش راجع لا يمكن ارجع لا يمكن ارجع لا يمكن هتنازل. لو الشهوات كلها جت واحاطت بي خلاص. زي سيدنا كعب بن مالك. لما ما لك غسان بعت له لما النبي عليه الصلاة والسلام - 00:10:17

قاطعوا اربعين يوم ها لما ما رضاش يطلع في غزوة تبوك. فمالك غزال بعت له قال له الحق بنا نواسك تعالى. تعال واحنا هنبسطك. زي ما المعصية تناديك تعالي تعالي وانا هابسطك تاني. تعال وانا هاسعدك تاني. زي ما الماضي القديم يرجع لك ويقول لك تعال كعب ابن ما لك بيقول فيممت - 00:10:33

التنور الفرن فسجرته سم احرقتها. خلاص هحرق السفن. يعني هحرق السفن ما عدش فيه مارشيدير. خلاص انا هرمي الهيلب بتاع المركب عارفين بتاع المركب لما بينسى على الشط يقوم رامي الهلب عشان المركب الموج ما يجرفوش. انا هرمي الهلب انا هنزل احفز قرآن. انا هرتبط - 00:10:53

محافز قرآن يشدني لو جيت ابعد. انا هرتبط بصحبة صالحة يتصلوا بي ياخدوني للدرس الاسبوعي. عشان ما ارجعش وحتى لو انا كسلت وهم ياخدوني. انا على منتدى موقع اسلامي زي الطريق الى الله. اتعرف على الصحبة اللي فيه عشان لو بعدت هم يشدوني ويسألوا عني انا هورط نفسي. انا هورط نفسي في طريق - 00:11:13

ربنا انا هاستعين بقوة الله قدام شهواتي انا هدخل الطريق ده بحب مش هرجع. رقم اتنين تاني القرار التاني اللي احنا لازم ناخده الوقتي مش هاضعف يعني ايه مش هاضعف يا جماعة؟ يعني يا جماعة انا عمري ما شفت عزيمة ابليس. قد ما شفتها مع الشباب اللي بيحاول يتوب - 00:11:33

الشاب هيموت عليها. اللي كانت البنت هتموت عليها قبل ما يلتزم. وما هوش عارف يجيبها وهو نفسه فيها في المعصية. اول ما يتوب اول ما الشيطان يجيبها له على صينية من فضة. شاب من الشباب بيقول لي انا كنت هموت على رحلة لشرم الشيخ. حاولت ودورت وسألت واطقست وسعيت - 00:11:53

ما فيش فايدة. بيقول لي اول ما التزمت لقيت واحد بيتصل بي رحلة برخص التراب لشرم الشيخ. ايه يا ابني ده! دلوقتي دلوقتي الشاب ده رفض خاف على التزامه بعد سبع سنين الوقتي داعي الى الله كان معه واحد صاحبه لسة ما له التزام راح وما خافش على دينه لحد دلوقتي بعد سبع سنين لسة منتكس - 00:12:13

مش هضعف. انا مش هضعف لا يمكن زي سيدنا يوسف. عليه السلام لما امرأة العزيز نادته قال معاذ الله يا رب انقذني يا رب. اعزني يا رب انا مش اضعف اذ طبق الباب. طلع يجري انا مش هسمح ان ان يدخل لي الشيطان من نقطة ضعف. انا مش هضعف خلاص شاب من الشباب - 00:12:33

كان على لقب بنت سابها وتاب الى الله منها. قابلته قلت له الاخبار ايه ؟ قال لي اتصلت بي. قالت لي حرام عليك. حرام عليك تتوب وتسيبني ما اتوبش انا كمان. حرام عليك تعرف - 00:12:53

لطريق ربنا وما تاخدنيش معك حرام عليك. خدني لحنانك خدني. حرام عليك. خدني معك في طريق ربنا نحب بعض على سنة الله ورسوله قلت له يا ابني بتدحك عليك يا ابني الشيطان بيضحك عليك وعليها. يا ابني انت لو عايزها تتوب سبها. انت الشيطان اللي في حياتها. انت الحاجز اللي بينها وبين ربنا سبها سيبها - 00:13:03

اعرف طريق ربنا ابعد عنها. مشي معها ما شفتوش من بعدها تاني. ليه؟ في المسجد في طريق ربنا. ليه؟ خلاص يا جماعة مش هضعف. هو هو ضاعف زي الشاب اللي بعد ما التزم اصحابه يقولوا له تعال انزل معنا لا لا انا لا يمكن امشي مع صحبة سوء الوقت وانا لسه في الاول وضعيف تعال طب والله ما احنا رايحين - 00:13:23

مكان حرام. طب والله ما احنا عاملين حاجة حرام. طب والله ده احنا هنروح نزور واحد صاحبنا في شقته بس. مش اكتر ضعف نزل معهم. كانت فتاة من البغايا الزنا والعياز بالله كمين حاطينه له في الشقة دخلوه الشقة وكلهم قفلوا عليه وطلعوا يجروا زنا هزا الشاب وقع في الزنا ومات ممكن من حسرته - 00:13:43

وممكن من قهرته ممكن قدر ربنا مات بعد ان زنا. تلاقى الله وهو زاني والعياذ بالله. وهو من ساعة كان هيلقى الله وهو تائب. مش اضعف انا لا يمكن هاضعف. واحد صاحبي قابلته لقيته حالق لحيته بعد ما بدأ يلتزم الايام اللي فاتت. قلت له في ايه؟ قال لي صحابي حلقوا لي لحيتي. يا ابني - 00:14:03

واحد من الشباب بيقول لي انا حريقة مخدرات انا شربت كوكايين. وشربت هيروين وشربت بيقول لي كل الانواع. فبقول له شاب من الشباب. فبقول له يقول لي وبعد كده قررت ان انا اتوب. قلت له عملت ايه؟ قال لي رحت عمرة مكة عشان اتوب الى الله. قلت له وبعدين؟ قال لي تصدق ان كان في نوع هيروين اسمه كريستال - 00:14:23

لفيت عليه مصر كلها ما لقتوش بيقول لي تصدق ان انا لقيته في مكة. قلت له يا ابني انت رايح تتوب الى الله. الشيطان في مكة يوصله لسكة نوع المخدرات اللي كان هيموت عليه في مصر. بيقول لي انتكست طبعا. انتكس اللي بيدور عليه من المخدرات في مصر راح لقاه. لقاه هناك. راح لما سافر لقاه. الشيطان - 00:14:44

يا جماعة الشباب شقى عمره. شباب بقول لهم يا جماعة الشيطان مستنيكم. الشيطان مستنيكم اول ما ترجعوا بلدكم. الشيطان مش هيسيبكم. شاب الموبايل كده هل شايفين سبحان الله العظيم. ده يعني الاخت الفاضلة اللي بيجاهدوا مع بعض في سبيل الله بتتصل بي الشيطان جاي لي لحد هنا. الشيطان - 00:15:04

مش سايبني لحد هنا وانا مع شباب الجامعة امبارح واقعد اكلمهم في الدين والشباب بدأ يتأسر والشباب بدأ فعلا ياخد قرار ولقيت شاب سبحان الله العظيم يعني بعد ما خلصت بقى شاب رافع الموبايل بتاعه دعوة للزنا دعوة للزنا جاية له على الموبايل. الان حالا على وجه السرعة فورا ربنا انقز اللهم لك - 00:15:24

ولكن يا جماعة الشيطان هيتجنن على الشباب للدرجة ديت. الشيطان هيموت عليهم للدرجة ديت شاب من الشباب اللي اعرفهم كان بيشرب نوع مخدرات غالي جدا. نوع مخدرات يعني ايه؟ يعني مش اي حد يقدر ان هو يشتريه. لما تاب والتزم بيقول لي اتصل بي واحد صاحبه - 00:15:44

قال له قال له انا مستنيك. قال له يا عم لأ خلاص وانا بطلت وانا خلاص بقى وما عدتش امشي في الطريق ده. قال له انا عازمك على حسابي الليلة على ازازة يعني - 00:15:59

مادة معينة من المواد المخدرة اللي سعرها غالي جدا. قال له انا عازمك على الازازات دي الليلة. فبيقول لي انا قدام العرض المغري ده قررت ان انا اضعف. بيقول فين؟ قال له قدام بيتك. قدام بيته ده حتة فاضية جدا. يعني لو مشيت الساعة تسعة بالليل قدام بيته انت تخاف انك تمشي لوحدك - 00:16:09

لو انت راجل وقوي كمان تخاف انك تمشي لوحدك. بيقول لي ركبت العربية عديت من قدام البيت ما لقيتوش. قمت لافف لفة كبيرة. وراجع من قدام البيت ما لقتوش. قمت لافف - 00:16:27

وراجع ما لقتوش طلع نام بقى وصحي وقام الليل وصلى الفجر وقعد جلسة الضحى وكمل. تاني يوم صاحبه بيتصل به. قال له ما جتش ليه؟ قال له يا ابني انا جيت وما لقتكش. قال له - 00:16:37

انا كنت واقف قدام بيتك سبحان الله! الشيطان بيخطط و بيدبر ولكن ربنا عماهم هم الاتنين عن بعض. شاب بيقول اول ما التزم بيقول اصحابه وبقوا ينفخوا السجاير في وشه. بيقول عمر ما واحد عزم علي بسيجارة قبل ما اتوب. النهاردة السجاير بتتنفخ في وشي ليه - 00:16:47

عشان يرجع عشان يرجع للمعصية الشيطان مش هيسيبك. مش هضعف. احترم لحزات ضعفك. انت عارف انك ما بتقدرش تغض بصرك. انت عارف ان فتنة النساء عندك اوعى تطلع رحلة بقى وتقول انا مش انا انا مش هضعف ما تعرضش نفسك لما لا تطيق انت عارف انك ضعيف قدام المواقع الاباحية ما تقوليش ادخل النت ومش هضعف - 00:17:06

انت عارف انك ضعيف قدام المخدرات. ما تقوليش انا هانزل لصحبة امبارح ومش هاضعف. انت عارفة انك انت ضعيفة قدام حاجة معينة وزنب ما تروحيش المكان اللي هتشوفيه فيه وتقولي انا مش هاضعف. احترموا لحزات ضعفكم. احترم ان انت لك لحزات ضعف. ما مش هضعف. لو اصحابي سخروا مني - 00:17:26

لو الناس اتريقوا علي مش هاضعف. لو كل الناس واحد صاحبي كان مليونير. شاب من الشباب اللي كان بعيد جدا. لما التزم رحنا نكلم اصحابه اللي قدام ندعوهم الى الله - 00:17:46

فواحد منهم قال له ايه ده انت التزمت. تعال اقرأ لي الفاتحة على العربية بتاعتي الشاب خرج جوع. انا حاسس ان هو هيجي له ضغط هيموت فيها. انا يقول لي تعال اقرا لي الفاتحة على العربية بتاعتي. مش هاضعف. لو الدنيا اترقت علي. لو - 00:17:56

اصحابي خدوني اللبانة بتاعتهم في الجلسة بتاعتهم. انا مش هضعف يعني مش هضعف. لو الناس سخرت مني. لو التوك شو سخر مني. لو الناس كلها وقفت في وشي. لو ابويا قال لي انت - 00:18:10

نفسك يا بنتي انت ضيعتي شبابك ايه اللي انت لبستيه ده؟ ايه اللي انت عملته في نفسك ده؟ انت وديتي نفسك فين؟ انت عملت في نفسك ايه؟ مش هضعف. يعني - 00:18:20

مش هضعف يا جماعة. هو ده القرار. شاب من الشباب كان بيقف في معصية العادة السرية. بعد التزامه مش عارف يعمل ايه. خد قرار غريب جدا. اقسم بالله ما انت برضه اغتنم لحزات قوتك. ساعة ما تيجي لحزة قوة اقسم بالله ان كل مرة هيقع فيها في العادة السرية هيصوم حداشر يوم قصادها. بيقول - 00:18:30

انا ما اعرفش حداشر اشمعنى بس انا قلت كده. حداشر يوم رقم كبير ويخوفني. بيقول وقعت فيها مرة. صمت حداشر يوم. وقعت تاني. صمت حداشر يوم بيقول عمري ما عملتها ترت. اتنين وعشرين يوم قدموه وربوه. اغتنم لحزات قوتك. اغتنم لحزات قوتك. يا جماعة اقسم على نفسك - 00:18:50

ان انت لا يمكن هترجع للمعصية دي تاني. رقم واحد مش هرجع. رقم اتنين مش هضعف. انا مش هضعف لا يمكن مهما حصل. رقم تلاتة مش هندم. يعني ايه مش هندم ؟ يعني ايه مش هندم ؟ لاحزتها مع شباب كتير اوي يا جماعة. لاحزتها مع شباب وفتيات القضية يا اخوانا - 00:19:10

ان بيبقى الشاب خايف يعمل فيها راجل وخايف يعمل فيها بريف هارت. وخايف يدوس بنزين في طريق الطاعة. خايف يكسر شريحة الموبايل يرجع يندم. على الارقام اللي كانت عليه وراحت منه يا خسارة ده كان كلها بقت ارقام بنات. طب ما انا هاعمل فيها ايه ؟ خايف ان هو خايف ان هو يفرمت الهارد ديسك بتاعه والعشرين جيجا اللي بقى له تلات سنين - 00:19:32

قعد يجمع فيهم افلام اجنبية وكليبات وصور احسن يرجع يندم على السروة دي وراحت. خايف انه يكسر الميموري او يفرمت الميموري اللي عليها كل الصور بتاعته واللقاءات الصور العاطفية بتاعته احسن يرجع يندم على الماضي بتاعه. خايف انه يقول للاخت الفاضلة كل سنة وانت طيبة. حمد الله على السلامة كل واحد مننا - 00:19:52

في اتجاه احسن يرجع تاني يتزللها ويبقى منظره بايخ. لما يقرر انه يرجع للمعصية. خايف يعمل جدع قدام اصحابه ويقول لهم خلاص يا جماعة انا اخترت طريق احسن لما ييجي يرجع يعملوه التسلية بتاعة القعدة واحنا قلنا لك وانت ما لكش وانت ما لكش في القصة دي. شاب من الشباب بيقول لصحابه استلموه اول ما جه ينتكس - 00:20:12

احنا قلنا لك قال لهم بقول لكم ايه خلاص خلونا في اللي احنا فيه. هو عايز يهرب من السخرية بتاعتهم باي طريقة مش هندم. مش هندم يعني ايه يا ابني يا ابني فرمت المطوي وما تندمش. يا ابني اعمل مين يا جماعة اللي راح لربنا وندم - 00:20:32

مين يا بنات اللي اختار ربنا وندم؟ مين يا شباب من ترك شيئا لله؟ عوضه الله خيرا منه. يا جماعة مين اللي يسيبه ويندم مين اللي يبعد عن طريق المعصية ويختار ربنا وربنا يسيبه يندم؟ يا ابني يا ابني اللي واقف على سقالة في الدور الخامس بيشوف الدنيا لما بيطلع على سقالة في الدور العاشر - 00:20:48

بيشوف الدنيا اكتر انت كل ما هتطلع كل ما هتشوف اكتر. كل ما هتقول لربنا يا ريتني عرفت ربنا من زمان. يا رب يا ريتني عرفت جلالك وجمالك وودنك ولطفك وعطفك وحنانك من زمان. يا جماعة العصر بيبقى عامل زي اللي واقف عند سور ويقول لك ده نهاية الدنيا. ادي رجلي حوض ادي - 00:21:08

حط رجلك على ايدي وبص ورا يلاقي الدنيا واسعة وكبيرة ومنورة والشمس طالعة يقول ده انا ما كنتش عايش. مش هندم. ابو طالب لما نام الموت والنبي بيقول له قل لا اله الا الله وابو جهل بيقول له مت على ملة عبدالمطلب اتردد خلت في جهنم. ابو ابن سيدنا نوح - 00:21:28

قال لابوسي اوي الى جبل يعصمني من الماء. يوم القيامة هيبوس رجلين ابوه. يقول له اشفع لي عند الله. اشفع لي اغثني. هيلقى في جهنم ابو سيدنا ابراهيم يلقى اباه سيدنا يلقى ابنه سيدنا ابراهيم يوم القيامة. فيقول له اليوم اطيعك ولا اعصيك خلاص انا ندمت خلاص - 00:21:48

اغثني اشف عند ربنا لي. سيدنا ابراهيم ييجي يشفع لربنا فيمسخ ابوه على هيئة ضبع ويتشال من رجليه يتمرمى يترمى في جهنم باص هيجي يندم بعد ايه ؟ بعد ايه خلاص راحت اوعى مش هندم. مش هندم اوعي تندمي. اوعى تخاف انك تندم. اوعى يمنعك عن - 00:22:08

طاعة ربنا طب وبعدين لو فرمت الماضي بتاعي لو شفرت القنوات الوحشة لو عملت ويب بلوك ومنعت القنوات الاباحية لو فرمت الهارد ديسك لو الشريحة لو فرمت الميموري لو قطعت ما بيني وما بين العصاة. يا ابني والله ما هتندم. مش هندم. مش هندم. ده تالت قرار. مش - 00:22:28

ارجع مش هضعف مش هندم رقم اربعة مش هييأس مش هييأس يعني ايه ؟ لاحزتها في شباب كتير. انه بعد ما بيلتزم يقوم واقع في معصية. يقوم واقع في معصية سر، تقوم واقعة في المعصية اللي بتتوب لربنا منها - 00:22:48

يقول لك خلاص انا ضايع انا عارف ان انا يا ابني اليأس اشد من الكفر. يا ابني اليأس بيورث الكفر. يا بنتي معصية اليأس من رحمة ربنا وان ربنا قادر يسبتك - 00:23:03

اشد عند ربنا من كل الكبائر اللي في الدنيا. الشيطان حيلته مش هاقدر. ما انتش هتقدر. الشيطان كل الحيلة بتاعته ما انتاش هتقدر اليأس ده كفر والعياذ بالله. الشاب اللي وقف المخدرات وهو بيتوب منها. الشاب اللي وقع في العادة السرية وبيتوب منها. الشاب قاتل المئة بعد ما قتل تسعة وتسعين نفس. بيقول للراهب ليه - 00:23:13

يا توبة قال له لأه قتله. وهو بيتوب من نفس المعصية وقع في نفس المعصية. وكمل مش هييأس. اوعى تيأس. لو وقعت قم. لو ازنبت مليون مرة قم قابل التوب. التوب جمع التوبة. قابل التوب. لو وقعت الف مرة قم يا اخوانا الشعار الرابع بتاعنا - 00:23:33

مش هيأس مهما حصل لا يمكن ايأس. الشعار الخامس بتاعنا والاخير مش هاقف مش هاقف تسعة وتسعين في المية من الشباب اللي بيلتزم بل من الملتزمين والملتزمات. مشكلتهم في الكلمة دي الوقوف. مش هاقف - 00:23:53

مش هاقف ان هو بعد ما بيلتزم ويقوم يدخل في الدين بيفتكر انه خلاص بقى ملتزم. فما عدش مطلوب منه ان هو يعمل اي حاجة. فهو خلاص يعيش حياته عادي - 00:24:10

فقل من عاصي الى غافل. فتنتقل من عاصية الى غافلة. قضية ان انا مش هاقف يا جماعة. قضية ان انا لا يمكن اقف زي سلمان الفارسي. ابوه يؤيده السلاسل يبص على قافلة رايحة الشام عشان يقابل حد يدله على الله ويهرب من ابوه ويسافر ويسيب بلده واحبابه ووطنه عشان - 00:24:20

دين ويفضل يلف من دولة لدولة عشان الدين لحد ما يوصل للنبي عليه الصلاة والسلام مش هقف يعني ايه مش هقف زي اصحاب النبي عليه الصلاة والسلام لما كانوا بيدخلوا في الدين كانوا بيدخلوا صح. الدين عندهم يعني انطلاق الدين عندهم يعني يا جماعة ما فيش عربية بتفضل ماشية على النقلة الاولى ابدا. لازم تنقلي بقى - 00:24:40

لازم تنقل بقى. لو وقفت هترجع الخمس قرارات. الخمس قرارات اللي احنا اتكلمنا عنهم النهاردة. واحد مش هرجع لا يمكن هرجع للمعاصي اللي كنت بعملها. اتنين مش هضعف. لا يمكن هاضعف لما الشيطان يفتح لي ابواب معاصي كان نفسي فيها. ويجيبها لحد عندي لا يمكن - 00:25:00

مش هندم انا هاخد قرار الانطلاق الى الله ومش هندم انا عارف ان ربنا مش هيخليني اندم ابدا. اربعة مش هييأس لو هاتف الف معصية وانا باتوب الى الله من المعاصي مش هايأس وهاقوم واكمل طريق التوبة. وربنا هيقبلني ولو وقعت الف مرة وتبت الف مرة - 00:25:20

ربنا هيقبلني في الالف مرة قابل التوب يحب التوابين. ده انا كل ما اقوم واتوب كل ما ربنا يحبني اكتر. القرار الخامس مش اوف انا مش هاقف انا خلاص هادخل حياة الدين بقى. زي الشاب اللي قرر انه يبوز ويفسد انا هانزل اروح النادي. واروح القهوة. وهاطلع الرحلة وادخل على جوجل وادور على الكليبات - 00:25:40

اكتر كليبات واكتر انا هيعيش بقى ادخلي بقى وعيشي في حياة الدين. دوري على الدروس الدينية. دوري على المواقع الاسلامية. دوري على المنتديات النسائية الاسلامية على النت اللي تدخلي وتلاقي فيها صحبة. دور على حد يحفظك قرآن. دوري على صحبة صالحة. دور على دينك. اجري انطلق وابشر لان ربنا - 00:26:01

سبحانه وتعالى مش هيسيبك واحنا بنقول القرارات الخمسة دي يا جماعة قرر قبل ما ما حدش ينفع انك تقرر سب قبل ما المعصية تسيبك احنا واحنا بنقول القرارات الخمسة ديت - 00:26:21

ومنة الله سبحانه وتعالى زي ما قلناكم يا شباب وزي ما عاهدنا الشباب وعاهدنا اللي عايزين يوصلوا لطريق ربنا بازن الله احنا معكم. عملنا معسكر بفضل ومنة الله الاسبوع اللي فات. كان - 00:26:31

سريع شوية بس كان جميل اوي. اوي اوي. كان اسمه معسكر حب في حب. الواحد بيصعب عليه. ان احنا نبقى عاملين الحاجات ديت وما نقولهاش لاحبابنا. وما نقولهاش اخوانا واخواتنا ما نقولهاش للشباب والبنات. عشان يا جماعة اخوانا من الدعاة هم كمان يعملوا كده عشان الشباب والفتيات يعملوا البنات للبنات والشباب مع - 00:26:43

شباب يعملوا كده لو انتم في اسر جماعية لو انتم بتعملوا نشاطات في جامعاتكم في نواديكم نعمل احنا كمان كده. نعيش نعيش الشباب في جو حقيقي يلاقونا جنبهم بنمد ايدينا لهم. المعسكر كان اسمه حب في حب. عشان نحب بعض قوي. عشان رسالة للشباب ان احنا نحب بعض. عملنا المعسكر - 00:27:03

دمياط الجديدة فضل ومنة الله كان فيه آآ فقرات رياضية. كان فيه فقرات فنية. فوجئنا بفنانين تائبين يعني زلزلوا لنا قلوبنا. بالقصص اللي كانوا بيحكوها. يعني اتمنى لو اخواننا بازن الله في يعني في يعني القطاع الفني في في القناة ان هم يجيبوا لنا كده يعني مقطع يعني يلخص حتى بعض النشاطات - 00:27:23

الرياضية والترفيهية. الجو الجميل. جو الحب الجميل. اللي كان بينا وبين بعض في المعسكر ده فضل ومنة الله. عشان يا جماعة انا بقول كده عشان اول تعرفوا ان احنا معكم - 00:27:45

وان احنا مستعدين نسيب الدنيا كلها عشانكم يا شباب. ونضحي باي حاجة عشانكم. تاني حاجة عشان نقول ان الدين ان الدعاء ينزله للشباب ويعيشوا معهم بينتشروا وسط الناس ويوصلوا الدين للناس لان معزم الشباب مش هييجي غير كده فيعني نشوف مع بعض مقطع من المقاطع كده اللي اخوانا في - 00:27:56

المونتاج ربنا يبارك فيهم. عاملينه من معسكر حب في حب لا تحسب ان الدين بعيد عن حب وحياة. صل على محمد السلام عليك حكايات يا رسول الله. الشعار بتاعنا النهاردة حب في حب. الشعار بتاعنا النهاردة ازاي نحب بعض؟ يعني من - 00:28:16

فينا بيحب التاني اكتر ده الاقرب الى الله. يعني مين فيكم بيحب اخوانه اكتر ده الاقرب الى الله؟ يعني لو قلنا الوقتي مين اقرب واحد الاتوبيس ده لربنا اللي في قلبه حب لاخوانه اكتر في الله. آآ طبعا السؤال الان للفريق الرهيب جدا جدا جدا جدا - 00:28:42

فريق الشيخ اسلام من كان يقاتل المسلمين في معركة القادسية. الفرس اجابة صحيحة انا خلصان يا عم اول منكر وسعوا يا رجالة. ضبط سيجارة واتحرزت يا باشا. اتحرزت غير ملغمة في اول تلات دقايق من المواسير - 00:29:02

عاش يا رب يا اخوانا خلونا نعرف قيمة الاشياء. اهل الدنيا عرفوا قيمة كل حاجة في الدنيا. احنا مش عارفين قيمة الاشياء في الدين يا جماعة. قد جعل الله الله لكل شيء قدرا. كل اهل الدنيا عارفين فيلا صف اول آآ في دمياط الجديدة لا تمن. انما فيلا في تجمع سكني جوة لها تمن تاني. انما مش - 00:29:42

ايه في جمصة لها تمن تالت. يعني انت ممكن في الدين اخ مسلا يقول لك ايه يقوم واخد جمب مسلا ويقعد مسلا ايه يصلي في جنب. يا ابني انت الوقتي وسط سروة - 00:31:22

الصحبة دي قيمتها ايه ؟ ما في قيمة زي انك تطلع بصاحب صالح مجتهد في الدين. ده ده مستقبل يا ابني انت بتعمل لنفسك مستقبل. يا ابني انت خسران دم قلبك لو سبت الصحبة صليت - 00:31:32

ايه ده لا لا تحسب ان الدين انا بعيد عن حب وحياة وبها السلام عليكم ورحمة الله وبركاته. يعني سبحان الله يعني لحزات جميلة قوي يعني بالزات بالنسبة للعشا وانا بتفرج على المقاطع دي معكم يا جماعة. افتكرت ميدر ميدرش - 00:31:52

الشاب اللي هو من كرغيزستان لو كنتم شفتوه وهو بيعمل عمليات ايه حاجات كده عايزة لياقة شوية. كان معنا شاب من كرغيزستان جاي يطلب علم في مصر على حسابه مش تبع الازهر. ساب شايفين كرغيز ستاند فين ؟ ده مين الحتت بتاعة آآ الاتحاد السوفيتي الولايات اللي انفصلت عنه. جاي من - 00:32:47

لمصر للمنصورة يطلب علم ويسعى على دينه على حسابه يا جماعة. شاب من الشباب يعني قالها بالحماس بتاعنا وهو ومعنا ويعني شاب من الشباب بقى يعني ايه كان زي العسل معنا شاب من سوريا. يعني سبحان الله الاخوة جمعتنا كلنا من سوريا وكورغزستان - 00:33:06

على المنصورة على ناس جايين بفضل ومنة الله من اماكن تانية. فضل الله سبحانه وتعالى يعني آآ كان معسكر جميل وكان معسكر مليان حب في حب. يعني ربنا يجزيكم كل خير طبعا احنا ده مش جهد فرد يا جماعة. ده مش مجهود فرد. يعني ده مجهود فريق من الفرق. ده فريق من الفرق شغالة. يعني آآ يعني ربنا يجزيهم كل - 00:33:25

كل خير دكتور محمد جلال ودكتور مصطفى رفعت. وباشمهندس علي واخوانا اللي يعني ما شاء الله واستاز مصطفى سلطان طبعا يعني بفضل الله فريق كبير من اخواني الواحد سعيد جدا - 00:33:45

وهو معهم بفضل ومنة الله يعني كل يوم اربع بنعمل حاجة للشباب معسكر رحلة الاربع الجاي ده رحلة بازن الله سبحانه وتعالى رحلة تدبر في خلق الله آآ آآ ان شاء الله عايزين نشوف مقطع تاني بقى يا اخواني من المعسكر. يعني اسر في قلوبنا كلنا. اتنين من المطربين التائبين كانوا معنا. انت طبعا - 00:33:55

ممكن تشوفوهم بدأت لحية واحد منهم تطلع. واحد منهم ملتحي من شوية. انما يا جماعة واحد منهم كان في السوبر ستارز. وكان في ستار اكاديمي وساب كل ده عشان يتوب لربنا - 00:34:15

بعد ما اتعرض عليه فرصة لانتاج ويدخل في عالم الكليبات. ويدخل من شركة يعني مش عايز اقول لك اكبر شركة انتاج للكليبات والانتاج الاعلامي في مصر وبالتالي في الوطن العربي وشاب من الشباب منهم سبحان الله العظيم يعني بيقول انا مسحت عربيات هتشوفوا الوقتي كلمة تزلزل القلب عشان اتوب لربنا من - 00:34:25

خاصية المعازف. بيقول لي انا حسيت في لحزة ان انا اكل حرام. لبسي حرام. شرب حرام. المخدة اللي نايم عليها حرام. كل حاجة بعملها حرام حياتي بيتي اللقمة اللي في بق ابني كل ده حرام؟ قال لي يعني سبحان الله العظيم - 00:34:45

حسيت ان انا لازم اتوب بيقول لي مسحت سيارات. بيقول الفتاة اللي قلبه ارتبط بها. عدت عليه وهو بيمسح عربيات. بصت له خلاص هي ما فكرتش في تاني الحمد لله ربنا صرفها عنه. بيقول اصحاب المغنيين عدوا وانا بمسح عربيات. بصوا لي مزولين. يا ابني ده انت قدامك فرص تكسب الوفات. ايه اللي انت - 00:35:02

ده وربنا سبحانه وتعالى عوضه يعني زي ما هتشوفوا دلوقتي في المقطع اللي جاي شغال الوقتي في الحرم مع شيخ المعيقلي ربنا يبارك فيه وصوته قريب من صوت الشيخ المعيقلي - 00:35:22

جزاه الله خيرا. نشوف مقطع تاني كده يأسر في قلوبنا عن مزاهر التوبة عن قد ايه في ناس ابطال في التوبة. قد ايه في ناس بتضحي في التوبة. اخويا يعني مطرب يعني تائب معنا برضه الوقتي يعني ممكن ما اقولش اسمه. يعني معروض عليه حفلة بخمسة وتلاتين الف دولار. يعني ربع مليون جنيه ولكن اثر - 00:35:32

ان هو يكافح في الدنيا عشان لقمة عيشه وولاده وما يستجبش ابدا لهذا العرض ولا يرجع لهذه الحياة. نشوف المقطع بقى بتاع اتنين من المطربين آآ كانوا معنا في معسكر حب في حب بازن الله - 00:35:52

ان الدين بعيد عن حب وحياة. انا اسمي انس مختار. طبعا انا كنت من صغري باعزف في كرديون لحد ما وصلت للكلية. طبعا بعد ما خلصت الكلية المفروض لا اعرف صنعة ولا اعرف اي حاجة. ما اعرفش اي حاجة غير الغنا وغير القرب وغير العزف. جيت زبطت البدل - 00:36:06

وزبطت البوستر وزبطت كل حاجة. كات عندي عشرين سنة لسة. طبعا جو كله طبعا ان الواحد يمشي فيه طبعا حريم نساء آآ شهرة كل حق فلوس ثلثها ونقول كل حاجة. فطبعا جيت ما قعدت مع نفسي قلت يعني هو انا اروح الفرح اجيب فلوس؟ الفلوس اللي هجيبها دي حرام - 00:36:26

الاكل اللي اكله حرام. هجوز حرام. الشقة حرام. كل اللي انا بصرفه فلوس حرام. قلت والله ما انا ماشي في الموضوع ده طبعا قعدت طبعا آآ ناس تقول لي اطلع ناس تقول لي يا فاشل ناس تقول لي يا عاطف انا مش معي صنعة انا معي فلوس اي حاجة خالص. طلعت طبعا راس البر مسحت عربي - 00:36:46

يلا بان الناس اللي كانت المطربين عدوا علي كانوا بيعدوا علي يشوفوني. ناس اعرفهم كانت تعدي. شفني. طب ليه كده دلوقتي؟ غسلت عربيات. سرحت فيه شغلانة في راس البر اسمها الزبادي بتشيل زبادي - 00:37:06

بتلف على الشقق والعشش تبيع زبادي ده رزق جميل جدا ما شاء الله احلى شوية وانا اشتغلت. الناس قالت لي طب ما اطلع غني وصلي الفروض آآ في وقتي جيت اطبق الكلام ده تفكيري بقى ايه هبدأ بالاغنية ايه؟ هختم بايه؟ يا ترى الناس اللي قدامي هتبقى شكلها عاملة ازاي؟ ادي لهم ايه؟ من يومها قلت ما عدتش مكمل في الغنا - 00:37:16

من ترك شيء لله عوضه الله. نعم ربنا مغرقاني دلوقتي من ساس الرصف. قلت لوالدي جبت لي عروسة قال لي ماشي تعال في منتقبة وعارفة ربنا واصلة لايه؟ قلت له والله؟ قال لي والله - 00:37:36

والله ما اعرف هم مين. خدني ورحت البيت. انا داخل على السدين. دخلت شفت النزرة الشرعية الحمد لله قعدت وبعد كده عملت استخارة توكلت على الله ورحت وافقت بعد ما دخلت عشان الدين ظهر لي ايه بقى ؟ اسمع. طلعت معها بكالوريوس انجليزي وعايزة تتوزف - 00:37:46

فانا ما اعرفش. طلعت اكبر عيلة في الدقهلية. طلعت ما شاء الله جميلة. طلعت ما شاء الله زات اخونا. شكرا الدين جاب لي ايه؟ ومن يتق الله يجعل له مخرجا. ويرزقه من حيث لا يحتسب - 00:38:16

ومن يتوكل على الله فهو حسبه. الدين جاب له كل الناس كانت بتقول لي عليه. قلت لها ما شاء الله عيلة وكل حاجة برضو اتوفر ثم استعملنا ولا تستبدلنا السلام عليك يا حبيبي. يا رسول الله. اللهم لا تدع لنا ذنبا - 00:38:36

من الا غفرته ولا مريضا الا شفيته ولا الا هديته ولا اي من الا زوجته ولا ايمن الا زوجته ولا ميتا الا رحمته. اللهم اغفر لنا يا رب العالمين. انك لا تهدي من احببت ولكن الله يهدي من يشاء - 00:39:06

اللي قدامكو ده طبعا يعني بصرف النزر بقى عن اللحية وعن الواحد مليان كده كنت زمان بقى ستايل وروش ومش عارف ايه اول ما اشتغلت اشتغلت في فندق الجامعة في فندق رمادا آآ من وانا عندي تمنتاشر سنة تقريبا - 00:39:36

احنا عشر سنين فاتوا كنت بقبض حوالي الفين ونص تقريبا في الشهر. بيجي لنا سياح من جميع الدول العربية. مطلوب منك مقابل فلوس انك بتاخدها انك ترقصهم وتبسطهم كل اللي هم عايزينه. المهم ففوجئت ان انا آآ بتقدم لمسابقة مشهورة جدا. ستار اكاديمي طبعا انتم عارفين ستار اكاديمي طبعا يعني. والمهم من وسط تلت تلاف واحد - 00:39:56

قال لك احنا هنختار اكتر تلاتين واحد يعني جزاب وتحس ان هو كده آآ سوبر ستار يعني وصوته حلو. فالمهم كان للاسف الشديد آآ اخوكم ابو بلال من تلاتين واحد دول اللي سافروا من لبنان. وتوصل بقى طبعا انت شايف الدنيا من برة لسة ما شفتهاش من جوة عاملة ازاي. بمجرد وصولنا هناك يلا اتفضلوا - 00:40:16

آآ اول اختبار هنكشف على البنات فيرجن ولا لأ ؟ طبعا انا صدمت. الحمد لله رب العالمين الفترة اللي كانت عند الواحد خلته يرفض هزا الكلام في الاخر مرة كده فقال لي خش ارقص مع واحدة لبنانية. والله يا اخواني كانت لابسة يعني قسما بالله لبسي انا هاتكسف البسه. انا الراجل والله هاتكسف البسه. تمام - 00:40:36

اه فالمولى عز وجل يعني الهمني ان انا اقول له لأ انا مش داخل. قال لي ازاي ؟ ده فقرة اجبارية انك تدخل. وترقص وتورينا مهارتك كمان فهي جت قربت مني مالك في ايه تقبرني ومش تؤبرني قلتلها انت هتقبرني هتيجي هتيجي معايا انتي في القبر تقبرني ايه وبتاع انا الكلام ده سبحان - 00:40:56

والله يا اه تؤبرني ولازم نرقص ولازم نتبسط لا ولا ولا تقبريني ولا اقبرك كل واحد هيخش قبره لوحده. طبعا انا يعني كل اصحابي اللي هناك قلشوا علي تقريبا انا مش عايز اقول لكم يعني في ايه يا عم انت جاي تستشيخ لنا في ستار اكاديمي في لبنان ده مصنع الحب هنا يا عم الحاج. لحد ما مر واحد من الاحباب زارني يعني وكان اول مرة يزورنا في البيت - 00:41:16

قال لي يا اخي تعال جرب معنا. يعني يوم بس كده نطلع في المسجد مع بعض. نشوف الوضع ايه؟ نقعد نتكلم ونتبسط فالمهم فوجئت وانا واقف كده مع الاحباب لقيت ايه جت الصلاة خش امام. مش نزام بقى ايه يميزها كلهم متفقين عليا وعارفين ان انا كنت مطرب فلقيت كله بيزق فيا مرة واحدة - 00:41:36

فببص لقيت نفسي قدام المايك. الله عز وجل طلعت وقرأت. ومن هنا بقى كانت رب العالمين يعني. الروح تسري ملائك حولنا طاب المساء والقلب يسبح في بحار شوقي يحمله الرجاء - 00:41:56

لا لا تحسب ان الدين بعيد عن حب وحياة وبهجرك للدين ستحيا ايامنا الحلوة يعني سبحان الله العزيم يا جماعة انتم متخيلين المتعة اللي احنا عايشين فيها. لما الواحد ليل نهار عايش كده بقى مع مغني تائب مع واحد كان بيشرب مخدرات وتائب مع - 00:42:26

واحد كان دولار مخدرات وتائب مع واحد كان ملحن وتائب مع الحياة وسط التائبين يا جماعة يعني حياة جنة والله يا جماعة ايامنا الحلوة خدوا بالكم برنامج ايامنا الحلوة لسة فعليا ما بدأش - 00:42:45

لسة هنتكلم عن الايام الحلوة في حياة الملتزمين. الايام الحلوة في حياة. الناس يوم جوازه يوم تخرجه. يوم ما مراته قالت له ان هو حامل في اول ولد له خمس ست ايام وخلاص ايام الحلوة بتاعة الملتزمين. كل ليلة قاموها بين ايدين ربنا. كل دعاء ربنا اجابه لهم حتى يوم لقاء الله. احلى يوم في - 00:42:58

يوم القيامة من ايامهم الحلوة احنا ايامنا الحلوة كل يوم في حياتنا والخمس ست ايام بتوعهم برضه احنا يوم جوازنا ويوم تخرجنا ويوم وكل الايام الحلوة ايامنا الحلوة كتير اوي يا جماعة. التوبة اللي احنا شفناها في عينيهم واللي الواحد بيشوفها في عينين شباب كتير. وبفضل ومنة الله شباب والفتيات الناس - 00:43:18

الشباب للدين بيعود. الشباب بيرجع لربنا. عارفين دول عاملين زي ايه؟ عاملين يا جماعة زي ما كان الواحد راكب في الطيارة كده اول مرة وهو بيبص جنبه كده المباني بتاعة - 00:43:38

مطار كبيرة والناس حوالين الطيارة كتيرة والابراج باينة من بعيد. التيار يقوم طالع بالطيارة في لحزة فوق تقوم تبص يا نهار ابيض! القاهرة الكبرى كلها عاملة زي النمل تحت عينيك. اللي ابراج الضخمة الفنادق العالية. العربيات - 00:43:48

الناس كلها بقت نمل تحت عينيك. اول ما طلعت عرفت ان الدنيا دي ولا لها قيمة. امال من فوق سبع سماوات الدنيا دي قيمتها ايه بقى؟ الناس دي طلعت فشافت ان كل اللي - 00:44:08

غيرها ده ولا له اي قيمة. خمس قرارات اللي احنا اتكلمنا عنهم النهاردة يا جماعة. خمس قرارات حفزتيهم مش هارجع. مش هاضعف مش هندم مش هييأس مش هقف قبل ما نقف معهم تاني. احنا بفضل ومنة الله سبحانه وتعالى استكمالا للمعسكرات بقى. احنا عملنا العمرة التربوية - 00:44:18

واحد في اول شهر اتنين الوقتي بفضل ومنة اللي احنا بنرتب للعمرة التربوية رقم اتنين. العمرة التربوية هتبقى تقريبا يوم اه تقريبا يعني. يعني العشرة الاواخر من شعبان. يعني هنروح نرجع على اول رمضان بازن الله سبحانه وتعالى. تبقى عمرة استعداد لرمضان. تبقى عمرة تربية بقى - 00:44:38

اتربة في مكة والمدينة في الوقت اللي الناس مخلصة فيها الاجازة. والشباب طالع على راس البر ومارينا. نطلع على مكة والمدينة. نطلع نعبد ربنا. نطلع تمشى على نفس الخطوات اللي مشي عليها رجلين الصحابة. نطلع نطوف حوالين الكعبة زي ملايكة السماء السبعة. ما بتطوف حوالين الكعبة. نطلع نصلي في الصف الاول - 00:44:58

في قيام الليل في الحرم المدني زي ما كنا بنعمل بازن الله في عمرة التربية واحد. نطلع نقضي يوم بين شهداء احد. نعيش نطلع نقضي يوم في غار حراء المكان اللي نزل فيه سورة اقرأ. المكان اللي النبي بشر فيه بالنبوة. المكان الجبال حوالينا من كل مكان. قلبك يتزلزل من الاحساس - 00:45:18

الدين ده عايز رجالة قد ايه. نطلع يا جماعة بازن الله سبحانه وتعالى نعيش حياتنا بقى نستمتع بشبابنا بقى. نستمتع بحياتنا فعلا بايامنا الحلوة في مكة والمدينة يبقوا عشر تيام حلوة قبل رمضان بازن الله. نتربى فيهم نقوم الليل مع بعض. نتشحن قلوبنا مع القرآن بازن الله. سبحانه وتعالى مع بعض. مش - 00:45:38

مجرد عشر تيام يعني الداعية اللي في يعني مسلا ايه انا بدي فيهم درس وخلاص لا ده احنا نعيش مع بعض بقى مع الشباب حيس انهم يتربوا ويرجعوا رجالة ده يبقى احسن رمضان في حياتنا ان شاء الله بازن الله بعدها - 00:45:58

العمرة التربوية اللي عايز يلتحق بها بازن الله آآ آآ يعني من الشباب بازن الله سبحانه وتعالى العملة التربوية اللي عايز يلتحق بها. طبعا لو دخل على موقع الطريق الى الله هيلاقي الاعلام بتاعها وكيفية التواصل معها. وفيه رقم هيظهر قدامكم على الشاشة الوقتي. اسم الموقع هيزهر قدامكم على الشاشة بازن الله. آآ - 00:46:13

شبكة الطريق الى الله الشبكة المباركة. اللي ربنا هدى بسببها مئات الالوف من الشباب والفتيات. على مستوى العالم كله. فضل منة الله الشبكة المباركة اللي رفع لها اسم الله من اول يوم فضل ومنة الله ربنا رافعها بذكر الله سبحانه وتعالى. آآ آآ اللي عايز يتواصل مع رقم رقم هاتف مباشرة - 00:46:33

هيتكتب قدامكم على الشاشة برضه الوقتي صفر عشرة حداشر عشرة ستة ستة اتنين ستة. هيتكتب قدامكم رقم الهاتف للتواصل مع العمرة التربية اتنين. بازن الله سبحانه وتعالى فكرة يعني بفضل الله ربنا - 00:46:53

بها علينا وفكرة فتح من الله. المرة اللي فاتت بفضل ومنة الله خرج ناس دلوقتي ما شاء الله على طريق الدعوة بفضل ومنة الله. من عمرة التربية واحد. عمرة اتنين بقى ان شاء الله منتزر انها تبقى فكرة اقوى كمان بازن الله سبحانه وتعالى. ويبقى فيها يعني معاني تربوية مع الفريق التربوي اللي هيبقى موجود في العمرة. بازن الله سبحانه - 00:47:10

حالة هيبقى فيها معاني تربوية اعلى. رقم الهاتف يا جماعة اللي عايز يتواصل معه صفر عشرة حداشر عشرة ستة ستة اتنين ستة. يعني نقوله لكم تاني آآ آآ يعني بازن الله سبحانه وتعالى يعني بصوا يا حبيب قلبي. بصوا يا اخواني في الله - 00:47:30

يعني احنا عايزين نخرج من درس النهاردة ده بقرارات بطولية في حياتنا. عايزين نخرج ان احنا مش راجعين. مش راجعين يا مواقع يا فاسدة. مش راجعين ولو التبرج بقى اكتر من كده الف مرة. مش راجعين ولو الرايات الحمر علقت على البيوت. مش راجعين ولو بقت الخمر والمخدرات هم دليفري - 00:47:50

مش راجعين. الشباب لازم يقول مش راجعين. مش هنضعف. مش هنضعف قدام الشيطان ولا شهواتنا. مش هنضعف لو الدنيا كلها سخرت مننا مش هنضعف مش هنيأس ولو وقعنا الف مرة ولو الشيطان ضحك علينا مرة هنقوم وبكل عزيمة كان احنا لسة راجعين لربنا حالا اهو - 00:48:10

مش هنيأس مش هنندم. احنا يا رب خلاص يا رب احنا هنحرق السفن يا رب. احنا هنلغي آآ حركة المارشيدير في العربية يا رب. احنا نقفل الباب بينا المعصية يا رب. احنا هنرمي الهلب عشان المركب الموج ما يجرفوش يا رب. خلاص يا رب احنا هنحجز تزكرة سفر رايح. ذهاب بلا عودة للجنة يا رب - 00:48:30

يا رب احنا هنكسر المرايا الجانبية اللي بتورينا اللي ورا اللي بتورينا الماضي خلاص يا رب. احنا هنعيش يا رب عشان دين ربنا. هنعيش يا رب عشان ربنا مش هارجع. مش هاضعف. مش هاندم. مش هايأس. مش هاقف. زي اصحاب النبي عليه الصلاة والسلام. من الوقت لحد رمضان - 00:48:50

يا جماعة نكسر الدنيا. نقطع سجاجيد الصلاة يا اخوانا. نعبد ونقوم ليل ونصوم. اهو بكرة الاتنين صيام. وبعد كده تلات واربع وخميس تلتاشر واربعتاشر وخمستاشر في الشهر العربي. يعني التلات ايام البيض. يعني اتنين وتلات واربع وخميس صيام على السنة بازن الله. ونبدأ بقى نلقط - 00:49:10

يا جماعة قلوبنا تلقط بعد الحلقة نقوم نتسحر نقوم بقى نستعد لصيام بكرة الاتنين وبعد كده تلتاشر واربعتاشر وخمستاشر تلات واربع وخميس نبعت بهم رسايل نعلق فيهم ورق على جميع الجوامع والسكاشن والراوندات ومدرجات المحاضرات والنوادي نعرف الدنيا كلها. رمضان جاي يا امة محمد - 00:49:30

رمضان لسة عليه شهرين ونص. قوموا بقى استعدوا قوموا اسخنوا عشان يبقى رمضان مش هاقف. رمضان الانطلاق الى الله سبحانه وتعالى. آآ آآ بازن الله اخواني المعصية ممكن تسيبها لانك هتمرض ممكن تسيبها. يعني لانك انت ممكن الواحد يموت ويسيبها. ممكن هي تسيب الواحد. عايزين نسيبها قبل ما هي تسيبنا - 00:49:50

عايزين نقرر قبل ما عدش ينفع ان احنا نقرر قلنا لكم الوقتي خلاص في النهاية العمرة التربوية تاني يا اخواني. بازن الله موقع الطريق الى الله. واللي عايز الرقم بتاعها للتواصل خلاف الطريق الى الله صفر عشرة - 00:50:10

حداشر عشرة ستة ستة اتنين ستة اخوانا على موقع الطريق الى الله برضه للي هيدخل عاملين دورة في المنتجة دورة في تعلم المنتجة. يعني مقاطع معسكر ايامنا معسكر الحب في حب اللي انتم شفتوها دي اسمها منتجة. ديت بتخلي عرض الدين عرض جميل كده مش اهل الباطل بس اللي يعرضوا عرض حلو - 00:50:25

احنا كمان نعرض المواد الدعوية. شاب علماني تاب وبقى الوقتي في الدعوة بسبب مقطع تلات دقايق ونص. اخوانا على الطريق الى الله عملوه مونتاج واحد على الفيسبوك كتاب الى الله بسببه يبقى فيه دورة في المونتاج على موقع الطريق الى الله. اللي هيدخل على الصفحة الرئيسية على الطريق الى الله هيلاقي الاعلان عن دورة المونتاج دي - 00:50:47

دورة تعليم مونتاج مجاني تدخل وتدخلي تتعلموا وتبقوا معنا بقى في فريق المنتجة الكبير اللي بيمنتج المقاطع اللي انتم بتشوفوها في حلقاتنا دي بازن الله اللي بيمنتش الشغل ده وبعد كده نشير بقى المقاطع دي على الفيسبوك وعلى النت وعلى اليوتيوب يعني تدخلوا وتشاركوا معنا ادي مهنة اهي ادي صنعة اهي ممكن تخدم بها دي - 00:51:07

ربنا يعني اخيرا يا اخواني في الله يعني طفل آآ سنه اتناشر سنة كريم علي كريم علي خميس. آآ كريم علي خميس علي رشوان الطفل كريم يا جماعة دهوت ده آآ آآ يعني من بني سويف من مركز سماسطة - 00:51:27

آآ شارع الحرية متغيب من يوم الجمعة تسعة وعشرين تلاتة الفين وتلتاشر. متغيب من الجمعة تسعة وعشرين تلاتة. الطفل ده هو يا اخواني في الله الطفل كريم علي. الطفل ده عنده اتناشر سنة. يعني واهله يعني وجدتهم في القناة هنا يعني مش عارف بقى والده او يعني حد قريبه - 00:51:44

طبعا يعني يعني ان الابن يموت يعني اخف الف مرة من ان الابن آآ يسرق. زمان اهله دلوقتي قلبهم شكله ايه؟ يا ترى ابننا راح فين يا ترى ابننا الوقتي طب قتلوه طب عملوه طب هيطلعوه ايه ؟ فيا اخوانا عايزين نتفاعل مع هزه القضية. الطفل ده من بني سويف من مركز سماسطة متغيب من يوم الجمعة تسعة وعشرين - 00:52:04

تلاتة اللي يعني يستطيع العسور عليه يا جماعة لوجه الله سبحانه وتعالى. يتصل على الرقم دهوت اللي هو صفر حداشر واحد وعشرين ستة ستة تمانية اربعة اتنين اتنين آآ آآ والحلقة دي هتنزل على الموقع بازن الله موقع الطريق الى الله. اللي يعني عايز اي اللي عايز يوصل للطفل ده - 00:52:24

واصليه هيلاقي الرقم موجود على الحلقة اللي هتنزل على موقع الطريق الى الله. ربنا يسددكم وربنا يبارك فيكم يا شباب. ربنا يحفظكم. ربنا يبارك فيكم يا بنات ربنا يستعملكم لنصرة دينه. ربنا يبارك فيكم يا اخوانا ويا اخواتنا. ربنا يبارك فيكم يا ابائنا وامهاتنا. يعلم اللي احنا بنحبكم في الله قد ايه. ويعلم الله ان - 00:52:47

حياتنا ورسالة عمرنا ان احنا كلنا ناخد ايدنا في ايدين بعض عشان نوصل للنبي عليه الصلاة والسلام على الحوض على الحوض ربنا يبارك فيكم ربنا يحفزكم ربنا يستعملكم لنصرة الدين في الارض اللهم لا تستبدلنا. اللهم استعملنا ولا تستبدلنا. اللهم استعملنا ولا تستبدلنا. اللهم لا تتولى عنا. اللهم اخرج منا - 00:53:07

وداعيات وعباد وعابدات ومجاهدين ومجاهدات وعلماء وعالمات انك ولي ذلك والقادر عليه. سبحانك اللهم وبحمدك اشهد ان لا اله الا انت استغفرك واتوب اليك - 00:53:27