Baheth

طيب الحمد لله والصلاة والسلام على سيدنا رسول الله. اهلا بكم في الدرس الثالث من دروس التربية الايمانية. وهذا هو الدرس الثالث بعد المقدمة المحاضرة التمهيدية اللي هي اسمها التوازن التربوي. المرة اللي فاتت كان درس ثمار الايمان وادينا فيه واجبات - 00:00:12ضَ

اتكلمنا عن الناس اللي تقدر تزور وحدة عناية مركزة. مين فيكم قدر يخش وحدة عناية مركزة؟ الحمد لله قليلين الحمد لله. جالي ايميل من احد الاخوة قال لي ايه اللي انت قلته ده انا طبيب الناس دي كلها الالاف دي لو دخلت اقتحمت وحدات العناية المركزة المرضى اصلا هيموتوا - 00:00:42ضَ

فالحمد لله هم اصلا ما بيسمحوش بدخول العناية المركزة. ولكن هناك بعض وحدات العناية المركزة بيليها زجاج شفاف. فلما تبص من ورا الزجاج شوف الناس في هذه الحالة الضعيفة بتعرف قد ايه ضعفك. فده اللي كان مقصود منه طبعا. ولكن احنا ادينا بديل عنها وهو - 00:01:02ضَ

وحدة الحوادس في مستشفى زي مستشفى هليوبوليس. مين راح بقى وحدة حوادس المستشفى؟ احد المستشفيات؟ قليل قوي يا جماعة اللي بيعمل الواجب قليل جدا قليل جدا. لأ لابد ان احنا نحاول نزور كوحدة حوادس نقف فيها كده بتاع عشر دقايق نشوف الناس اللي داخلة مكسرة ومدغدغة من الحوادس - 00:01:22ضَ

كله عشان نعرف نعمة ربنا علينا ونعرف ان نعمة الصحة. نعمة الانسان لا يتذكرها الا اذا فقدها فالواحد فينا ما بيتذكرش نعمة البصر الا لما شوية تراب يخشوا في عينه. او عينه تتعب. اول واحد ما بيتذكرش - 00:01:42ضَ

نعم لا يمكن تفكر فيها. مين فيكم فكر بان البلع نعمة. نعمة البلع وتعرفها امتى لما زورك يحتقن وتبقى مش قادر تبلع ريقك طب ياه ده البلع بتساوي له نعمة ولا عمرنا ركزنا فيها خالص بتبلع ريقك كام يوم - 00:02:02ضَ

كم مرة في اليوم؟ الاف المرات طيب ورد الالحاح فاكرينه؟ ان نلح على الله بانه يمن علينا القلب السليم. ارفع ايدك لو عملت الورد ده لو سمحت. اه احسن عدد انا عايز اكتر من كده بقى. كله بازن الله من هنا ورايح للورد ده معنا على طول. اللهم - 00:02:22ضَ

علي بالقلب السليم. اللهم من علينا بقلب سليم. في السجود وقبل الصلاة وبعد الصلاة على طول. طيب مين قرا المختصر بتاع فضائل القرآن لابن ابي شيبة او فضائل القرآن كله. لابن ابي شيبة. قليل قوي من الناس يا جماعة. طيب. عايز اقول لك حاجة اسهلها لك. فضائل القرآن من - 00:02:42ضَ

اي كتاب من الكتب الطبيعية الموجودة عندي زي مسلا رياض الصالحين. مين فيكم عنده رياض الصالحين؟ الحمد لله. ممكن نقرا باب فضائل القرآن من رياض الصالحين لو سمحتم مش هياخد منك ربع ساعة - 00:03:02ضَ

لكن ده قلناه المرة اللي فاتت ده اسمه التحفيز. بنحفزك انك تعرف فضائل القرآن الكريم عشان هتقبل اللي عليه ابتداء من المرة دي الواجب قرآن. طيب مين استسمح التلاتة اللي اغتابهم - 00:03:17ضَ

شكرا. طب مين حصل عنده مشاكل؟ حصل مشاكل ها؟ طب مين لقاها صعبة وهو بيعملها صعبة مش كده؟ حسيت انك ناوي تغتاب تاني؟ استحالة صعبة اشتريتم المصحف اللي فيه التفسير في الهوامش؟ ده مهم جدا يا جماعة. وعلى فكرة الاخ احمد جبلي قال لي ان توفر عنده مجموعة من المصاحف. ماشي - 00:03:37ضَ

فالاخ احمد جبلي اه احد الاخوة المنزمين موجودة برة ها؟ بعد المحاضرة هناخدها من برة. طيب آآ ده عندكم كمية قد ايه مسلا؟ في حدود ميتين دولار. في حدود متين تلتمية دول آآ هدايا. خلاص. اللي ما عندوش مصحف من دول ياخد واحد هدية - 00:04:08ضَ

اللي ما عندوش مصحف من دول كلام واضح جدا. طيب الرسول عليه الصلاة والسلام يقول عن قارئ القرآن قد ايه انا كنت سعيد النهاردة وانا داخل ولقيت مقرأة ياه قعدت في مقرأة والناس بتتعلم تلاوة القرآن الكريم. وتذكرت قول رسول الله صلى الله عليه وسلم الذي - 00:04:28ضَ

اقرأ القرآن وهو ماهر به مع السفرة الكرام البررة اللي هم الملائكة سفر كرام بررة والذي يقرأه وهو يشتد عليه اللي بيقراه بيتتعتع فيه لقاه صعب عليه له اجران اجره مضاعف - 00:04:58ضَ

اجر القراءة اللي بياخدها اللي مع السفرة الكرام البررة واجر التعتعة واجر عشان المشقة اللي هو بيجدها. القرآن ده عبارة عن ايه يا جماعة انتم عارفين يقول لك ايه انا النهاردة معزوم على الغدا. يقول لك عند مين؟ ليه عند اشمعنى - 00:05:23ضَ

ما انا معزوم على غدا وخلاص. لأ. كل ما كان معزوم عند حد آآ له شأن. كل ما عرفنا ان السفرة مليانة هيكون فيها طبعا احسن سفرة هيكون فيها لحوم وفراخ وآآ سي فود وبتاع والكلام ده كله ها اشحال بقى لو - 00:05:46ضَ

ربنا اللي عازمنا. ربنا عمل لنا مأدبة اللي هي ايه؟ القرآن. يقول رسول الله صلى الله عليه وسلم ان هذا القرآن مأدبة الله فتعلموا من مأدبة الله ما استطعتم ده بقى العزومة اللي ربنا عملها لك. خد منها على قد ما تقدر. خد في جيوبك. عبي - 00:06:06ضَ

فايدة كلها في ده. هذا القرآن هو مأدبة الله ويقول صلى الله عليه وسلم لا فاقة يعني لا فقر لعبد يقرأ القرآن ولا غنى له بعده. ما فيش حاجة اسمها فؤاد فلان ده فقير طالما انه انسان مواظب على قراءة - 00:06:36ضَ

القرآن الكريم. ما يتقالش عليه فقير. ده عنده كنز. وما فيش حاجة اسمها حد اغنى ابدا من حد بيقرأ القرآن. هو ده الكنز الحقيقي في هذه الدنيا. يبقى لا فاقة لعبد يقرأ القرآن ولا غنى - 00:06:59ضَ

له بعده. ما فيش حاجة اقيم من زلك. يقول رسول الله صلى الله عليه وسلم افلا يغدو احدكم الى المسجد الواحد منكم يروح المسجد. فيعلم او يقرأ ايتين من كتاب الله خير من - 00:07:19ضَ

الناقة افخم وسيلة من وسائل الركوب في هزا الوقت. كان فيه الحمار وكان فيه بغلة وكان فيه الا حصان لكن الناقة فخمة زي الحصان وعملية وبتشيل عليها وتحطها وتحط عيلتك كلها ويعني كرفان يعني - 00:07:39ضَ

ايتين اتنين خير من عربيتين مرسيدس. ايتين اتنين تعلمهم لحد. او انت تقراهم بس تقراهم ازاي؟ امسك الاية اقراها كده اهو من غير فهم؟ هنيجي بقى للكلام ده النهاردة يبقى ايتين اتنين خير من عربيتين مرسيدس - 00:07:59ضَ

الشعبي يروي عن ابن مسعود رضي الله عنه قال سيدنا ابن مسعود بيقول يجيء القرآن يوم القيامة فيشفع لصاحبه. فيكون قائدا الى الجنة ويشهد عليه فيكون سائقا له الى النار. قرآن يشفع يعني ايه يشفع - 00:08:19ضَ

بيقول لك احنا بالليل بنصلي ايه؟ شفع والوتر. يعني ايه الشفع؟ مجوز مجوز فيقول لك المكان ده يدخله كابلز. فده معناه شفع. فالقرآن ييجي شفع لصاحبه. يعني ييجي مجوز معه ييجي واخدك كده. ماشي؟ وداخل بك ياخدك الجنة - 00:08:47ضَ

او يسوقك على النار. يا اما يشهد عليك انك لم انك خالفت اوامره او انك قمت باوامره انك لم تهجروا فالقرآن جاي معك جاي معك. يليك يعالجك دلوقتي بقى قبل ما نبدأ - 00:09:17ضَ

في مثال انا ضربته هنا في هذا المسجد قبل كده ولكن عشان احنا بنبدأ هذه الدورة من الاول. خلينا نضربه لكم تاني. عايز كل حد من يتخيل نفسه الليلة روح - 00:09:44ضَ

فوجد عند باب البيت اسرة سورية. وقالوا له ان بيتنا قصف في سوريا ربنا يا رب يفرج عنهم. امين يا رب. وينصرهم. بتنا قصف وليس لدينا مكان يؤوينا الساعة تسعة تسعة ونص ده هيباتوا في الشارع اظن طبعا - 00:10:01ضَ

احنا هنعمل ايه؟ اتفضلوا جوة وباتوا لغاية الصبح لغاية ما نشوف حل في مشكلتكم. شوفوا هتقعدوا فين بعد كده. راجل ومراته معه اربع عيال مسلا. مش هنسيبهم بالليل كده في البيت هندخلهم - 00:10:30ضَ

طيب. هل فينا حد هيعمل حاجة احسن من كده شوية؟ هيقول لهم مسلا لأ لأ خالص ما فيش مشاكل. اتفضلوا انتم هتقعدوا معنا في البيت الى ان تحل مشكلتكم. يقولوا مراته والولاد يلا خشوا في اوضتين وهنسيب ايه - 00:10:48ضَ

عمو وطنط وعيالهم في اوضتين. في حد يقدر يعمل كده؟ حد عارف هتستحل المشكلة امتى؟ ده بقى لها سنتين. ما يمكن تقعد لها كمان سنتين منكم تقعد على طول صعب بس ممكن حد يعمل كده. طب هل في حد بقى اقوى من كل - 00:11:08ضَ

ايمانيا مستعد يقول لهم ولا فيه مشاكل خلاص ده بيتكم. يلا قسمناه بالنص. انتم قاعدين معنا على طول كلام طبعا يعني مستحيل. طب ايه رأيكم ان ده حصل قبل كده بالفعل؟ الشعب بالكامل هجر - 00:11:28ضَ

من بيوته وشعب اخر استقبله في بيوته. الشعب المهاجرين هجر. وشعب الانصار في بيوتهم. وقعدوا معهم خمس سنين. لغاية بني النضير. بداية زهور المال وبداية زهور الغنائم المهاجرين قال لك ايه كل واحد يطلع يشتري له بقى شقة ولا يجيب له بيت - 00:11:50ضَ

ويحل عن الناس اللي قاعدين على قلبهم بقى لنا خمس سنين كان ايه رد فعل الانصار؟ بكوا باكو قالوا لهم احنا قصرنا معكم في ايه؟ عايزين تسيبونا ليه؟ عايزين تسيبونا ليه؟ مش عايزين نسيبكم - 00:12:20ضَ

لكن كنت يعني جزاكم الله خيرا. والله ما قصرتم عملتوا اللي عليكم لكن خلاص بقى لنا على قلبكم خمس سنين. ودول يبكوا لا يمكن مش هتخرموا طبعا كتير مننا قاعد دلوقتي متعجب اوي هم الانصار دول كانوا ايه؟ الناس دي بتفكر ازاي يعني؟ انا اعتقد ان هم - 00:12:40ضَ

لو نظروا الينا النهاردة واحنا بنقول للاخوة السوريين اتفضلوا لغاية الصبح. هيقولوا هم المصريين دول ايه بيفكروا ازاي؟ ازاي؟ فاحنا متعجبين منهم وهم متعجبين مننا. القضية قضية ايه؟ قضية مستوى ايماني مختلف. مختلف مستعدين للتضحية - 00:13:03ضَ

بالدنيا بنسبة قد ايه؟ تمسكنا بالامور الدنيوية قدره قد ايه؟ لكن برضو في ناس قاعدة متضايقة دلوقتي هو ايه الحكاية هو بيقارنها بالانصار ازاي؟ وما قارنكش بالانصار ليه؟ تقول لي لا ما هو انت برضو دي - 00:13:33ضَ

مقارنة غير عادلة. احنا فين والانصار فين؟ وليه يا حبيبي ما قارنكش بالانصار ليه؟ تقول لي اصل هم اول حاجة دول تربية رسول الله صلى الله عليه وسلم. احنا فين منهم؟ ايه رأيكم بقى؟ ان حتى هذه اللحظة - 00:13:53ضَ

فالمهاجرين هاجروا ما كانش الانصار لسة تربية رسول الله صلى الله عليه وسلم. ولا كانوا شافوه خالص. الا خمسة وسبعين واحد منهم يوم بيعة العقبة الثانية لمدة دقائق بالليل في جنح الظلام وبس. احنا اللي نعرف عن رسول الله صلى الله - 00:14:13ضَ

عليه وسلم اكتر من الانصار حتى هزه اللحزة الاف المرات. لوجود كتب السنة عندنا. البخاري ومسلم وابن ماجة وابي داود وموطئ الامام مالك كل ده بيقول لنا سنة النبي اكتر من الانصار حتى هزه اللحزة. ايه رأيك بقى - 00:14:33ضَ

هيقول لك لأ بس برضو يمكن يعني مسلا مستواهم الايماني نتيجة وجودهم في المدينة المنورة والجو الايماني الحلو بتاع المدينة والمسجد النبوي. لأ ما كانش فيه كل ده خالص. لحتى هزه اللحزة ما كانش حتى اسمها المدينة. ما كان اسمها يثرب - 00:14:53ضَ

ولا كان فيه عبادات ولا حاجة. هل يقبل احد ان حد يقول انه صحابي جليل هو وزوجته صحابية جليلة يصحوا الصبح يشربوا خمرة في رمضان ما حدش يقبل هزا الكلام. طب ده كان بيحصل حتى هزه اللحزة. ايه رأيكم بقى؟ الخمر حرمت سنة ستة هجريا. ويقال اربعة هجريا - 00:15:13ضَ

رواية اخرى والصوم فرض سنة اتنين هجريا. يعني لغاية اللحزة دي كانوا صحابة وبيشربوا خمرة وفي رمضان. ايه رأيك بقى وايمانهم اقوى من ايماننا. الاف المرات. تقول لي ما اقارنكش بهم ليه؟ هو حاجة واحدة - 00:15:40ضَ

خلت ايمانهم اقوى من ايماننا. الحاجة دي هي القرآن. الحاجة الوحيدة اللي كانت عندهم ومش عندنا هي القرآن. الناس عمالة تبص على المصاحف. اومال ده ايه؟ اللي عندنا يا جماعة - 00:16:01ضَ

هو الفاظ القرآن. اما هم كان عندهم حقيقة القرآن. هم فما كانوش بيتعاملوا مع القرآن بالطريقة اللي احنا بنتعامل بها مع القرآن. هم لما كان حد يقول لهم اقروا قرآن - 00:16:21ضَ

ما كانوش يسألوا السؤال ده. بفهم ولا بدون فهم؟ احنا بس اللي بنسأل السؤال ده. هي دي الاضافة بتاعتنا اللي اضفناها للقرآن. جعلناه الكتاب في الدنيا اللي يقرأ بدون فهم. ليه مش فاهم؟ عشان نيجي مسلا يوم القيامة نقول يا ربي كنا نقرأ كتابك بدون فهم تعظيما لك - 00:16:41ضَ

اجلالا له ازاي؟ اي كتاب في الدنيا تقول لحد يقرأه ويقول لك حاضر لا يمكن يسألك بفهم ولا بدون فهم الا القرآن الكريم. اقرا اخر كتاب لشيخ القرضاوي. ما فيش حد يسألني بفهم ولا بدون فهم. يعني ايه بدون فهم؟ قراءة يعني بفهم طبعا - 00:17:07ضَ

الا القرآن. احنا عندنا كارسة. كارسة بجد حتى ان الاية الكريمة ربنا اننا سمعنا مناديا ينادي للايمان ان امنوا ربكم فامنا قال فيها احد المفسرين محمد بن كعب القرضي هو القرآن. لان ليس كله امرأة - 00:17:28ضَ

النبي صلى الله عليه وسلم فالمنادي الذي نادانا للايمان ان امنوا بربكم اتمنى على تفسير محمد ابن كعب القرضي هو القرآن. حاجة عايزين نفهمها يا جماعة في العقيدة عندنا الكفر يساوي الموت. والايمان - 00:17:58ضَ

يساوي الحياة. فالكافر كأنه ميت بالزبط. قلب الكافر قلب ميت يحيى بالايمان. ربنا سبحانه وتعالى بيقول في سورة الانعام او من كان ميتا فاحييناه وجعلنا له نورا يمشي به في الناس. يعني كافر دخل قلبه الايمان ربنا بيقول فاحياه - 00:18:28ضَ

وجعلنا له نورا يمشي به في الناس. يقول ايضا سورة النحل اموات غير احياء وما يشعرون ايام يبعثون. كتير مننا اموات. القلب بالغير عامر بالايمان قلب ميت. ليس بالضرورة يكون كافر. لكن ما دام ما فيش ايمان في القلب القلب ميت. وما يستوي - 00:18:58ضَ

والبصير ولا الظلمات ولا النور ولا الظل ولا الحرور. وما يستوي الاحياء ولا الاموات. اللي في قلبه ايمان لا يستوي بالقلب اللي ما فيش فيه ايمان انك لا تسمع الموتى ولا تسمع الصم الدعاء اذا ولوا مدبرين - 00:19:28ضَ

موتى ربنا بيقول له انت مش هتسمع الموتى ولا تسمع الصم الدعاء اذا ولوا مجبرين. يعني يجب ان يدخل الايمان في القلب يبقى طيب عشان القلب الميت يحيا. ايه الفرق بين الحي والميت؟ اه وعندنا واحد ميت - 00:19:58ضَ

لقيت واحد حي اهو الميت جسة والحي جسة لكن بتزيد ايه عن جسة الميت؟ روح يبقى احنا عايزين روح يبقى عايزين نبحس روح في القلب الميت حتى يحيا. الروح ده هي ايه - 00:20:18ضَ

القرآن ربنا سبحانه وتعالى بيقول وكذلك اوحينا اليك روحا من امرنا قرآن روح من الله. اوحى بها الله الى رسول الله صلى الله عليه وسلم. فالقرآن روح. روح القلب يقول الشاعر الباكستاني شاعر الاسلام محمد اقبال. انه ليس بكتاب فحسب - 00:20:38ضَ

القرآن ده مش كتاب عادي. انه اكثر من ذلك. اذا دخل قلب تغير الانسان. واذا تغير الانسان تغير العالم. اذا القرآن كتاب يستطيع ان تغير العالم لانه يستطيع ان يغير الانسان. واذا تغير الانسان تغير العالم. عايز تغير بلدك عايز تغير - 00:21:08ضَ

العالم كله البداية من هذا الكتاب. سيد قطب رحمة الله عليه يقول انه نظر الى الجيل الاول جيل الصحابة وكان متعجب قال كنت اراجع سيرة سماع المسلمة الاولى سيرة الصحابة. واقف امام شعور هذه الجماعة بوجود الله وحضوره في - 00:21:38ضَ

وفي حياتهم. كان بيشوف كده الصحابة مدركين وجود ربنا قوي. ربنا عندهم حاضر في حياتهم كان يتعجب جدا ازاي حد يوصل بايمانه وبوجود ربنا الى هذه الدرجة. قال لك ما كنتش قادر افهم ابدا حتى عدت الى القرآن اقرأ في ضوء الموضوع الاصيل - 00:22:18ضَ

الرئيسي بتاع القرآن الكريم اللي هو ايه ؟ تجلية يعني اظهار حقيقة الالوهية تعبيد الناس لله وحده. هو ده اساس القرآن. بيرجعك عبد ويعرفك حقيقة الالوهية. قال لك وهنا فقط ادركت كيف تم هذا كله. ادركت سر - 00:22:48ضَ

الصنعة وعرفت كيف صنع ذلك الجيل الفريد في البشرية كلها. كيف صنع صنعوا ها هنا في المسجد انتم هنا في المصنع مصنع يصنع الرجال والنساء انت بعد دورة زي دي لما تمشي على الواجب اليومي بقولها لك تاني هتبقى صنعت - 00:23:16ضَ

في مصنع الرجال ومصنع النساء المسلمين والمسلمات. تبقى صنع في المسجد. هيتكتب كده عندك تيكت كده صنعت المسجد. زي ما الصحابة صنعوا في المسجد. والصنعة دي موجودة في القرآن. الصنعة دي بتجعلك ايه؟ انسان - 00:23:46ضَ

المنهج الربانية يعني ايه انسان رباني؟ يعني انسان موصول بالله بتعيش بالله ولله ليس في قلبك الا الله وليس في حياتك الا الله. يبقى انت كده اكنك ماشي بالكهربا والكهربا واصلة لك من ربنا - 00:24:06ضَ

عايز باستمرار تبقى متوصل. هو ده. هو ده يا اخواننا. يبقى الرب يبقى التارجت بقى الهدف بتاع الدورة بتاعتنا دي نوصل بايه؟ اننا نبقى ربانيين. موصولون بالله ونعيش بالله ونعيش لله وليس في قلوبنا الا الله وليس في حياتنا الا الله. هي دي الحياة - 00:24:36ضَ

ايه يا جماعة؟ هي دي الحياة الحقيقية. يبقى ازا عشان ده يحصل لابد ندرك قيمة هذا قيمة القرآن عشان الاسلوب اللي احنا بنتعامل به مع القرآن خلى الرسول عليه الصلاة والسلام يشكون الى الله - 00:25:05ضَ

وقال الرسول يا ربي ان قومي اتخذوا هذا القرآن مهجورا. ربنا بيقول كلنا في القرآن انتم عملتم فيه ايه؟ جاي يشتكي منكم ليه؟ الرسول رايح بيشتكي لربنا وبيقول له يا ربي ان قومي اتخذوا هذا القرآن مهجورا. الحمد لله ما قالش هجروه. احنا هجرناه. ما احنا بنقراه - 00:25:25ضَ

احفظوا لكن هو قال اتخذوه مهجور. ارجو الشباب يتقدموا ايضا فسحوا لاخوانهم في الخلف. والكراسي ترجع وراء. ده حسب بالكلام بتاع الاخوان. معلش احنا اسفين. بالمناسبة المرة وجاية يوم الاحد مش التلات خلاص هنرجع الاحد تاني. ماشي؟ طيب. يبقى مجرد ان احنا نقرأ - 00:25:55ضَ

وبدون فهم. نقرأه بدون تدبر. هذا اتخاذ للقرآن ولكن اتخاذ بهجر. يعني هجرناه احكاما واخلاقا طيب اين البداية؟ نبدأ ازاي؟ الطريق الى الايمان ازاي اول حاجة الايمان بالقرآن هو البداية. يجب ان تؤمن بقدرة القرآن على التغيير - 00:26:25ضَ

الذين اتيناهم الكتاب يتلونه حق تلاوته. اولئك يؤمنون به فيجب الايمان قبل القرآن. الايمان يأتي قبل القرآن الايمان بقدرة القرآن على التغيير. يقول عبدالله بن عمر رضي الله عنه وارضاه لقد عشنا برهة من - 00:26:55ضَ

دهرنا واحدنا يؤتى الايمان قبل القرآن. فتنزل السورة على محمد فنتعلم حلالها وحرامها. وامرها وزجرها. وما ينبغي ان يوقف عليه منها يعني قعدنا فترة جيل الشباب بيقولوا ده عبدالله ابن عمر جيل الشباب زيكم ايه؟ قعدنا فترة مع رسول الله يؤتى احدنا - 00:27:25ضَ

الايمان قبل القرآن. ثم تنزل السورة على محمد صلى الله عليه وسلم فنتعلم حلالها وحرامها الاحكام اللي فيها. وامرها وزجرها. اللي بتبقى الاوامر فيها والنواهي. وما ينبغي ان قف عليه منها احكام التلاوة والوقف. سيدنا جندب بن عبدالله رضي الله عنه وارضاه يقول - 00:27:55ضَ

كنا مع النبي صلى الله عليه وسلم ونحن فتيان حزاير. يعني الشباب في قمة الفتوة. فتيان حزاير. فتعلمنا الايمان قبل القرآن سم تعلمنا القرآن فازددنا ايمانا. يبقى القرآن ده ربنا نزله ليه؟ نور بيهدي - 00:28:25ضَ

الناس اول حاجة اؤمن بها هو ده النور الذي يهدي الله به الناس. يا ايها الناس قد جاءكم برهان من ربكم وانزلنا اليكم نورا مبينا. عايشين في ضلمة وربنا نزل لنا نور. هو ده القرآن الكريم - 00:28:55ضَ

قرآن يا جماعة هو طوق نجاة. عارفين واحد بيغرق يلاقي الطوق نجاة هيعمل ايه هيتشبث بي واللي بينجيه يبدأ يتشبث ايضا من الناحية التانية ويشده. اسمع حديث قال النبي صلى الله عليه وسلم ابشروا مبروك يا جماعة ابشروا جود نيوز اخبار حلوة - 00:29:15ضَ

في ايه؟ ان هذا القرآن طرفه بيد الله. وطرفه بايديكم فتمسكوا به فانكم لن تهلكوا. ولن تضلوا بعده ابدا. القرآن ده حبل نجاة ممدود لك. لازم تفهم كده. انت واحد في الدنيا دي بتغرق في الشهوات - 00:29:45ضَ

وفي الامور الدنيوية وفي المشاكل والاكتئاب وكل اللي احنا عايشين فيه ده. طوق النجاة بتاعك هو القرآن الكريم. لزلك الدكتور مجدي الهلالي بيقول في احد كتبه القرآن لا يستعصي عليه باذن الله اي مرض من الامراض - 00:30:15ضَ

ويشفيه ولا شبهة ولا ظلمة من الظلمات الا وينيرها بنور الله. الذي بسيط ويشع من كل ايات الله ومن كل كلمات الله. ولكن يجب ان يتعرض الانسان له تعرضا مستمرا. يعني ايه؟ واحد بياخد جلسات اشعاع. يقول لك كل يوم تروح تاخد جلسة - 00:30:35ضَ

تقعد ساعة بيشع عليك هو كده. القرآن حتى يشفي امراض القلب اللي عندنا. يجب ان يكون تعرض لتعرض مستمر اشعاع. ليشع على قلبك. يا ايها الناس يا ايها المسلمين كل الناس يا ايها الناس قد جاءتكم موعظة من ربكم وشفاء لما - 00:31:05ضَ

الصدور وهدى ورحمة للمؤمنين. يبقى اخطر وظيفة من وظائف القرآن الكريم. والسر الاعظم في كل اية من ايات القرآن الكريم انها بتحمل منابع ايمان غزيرة بتتفجر في قلب انسان لما يتعرض لها - 00:31:35ضَ

مهما كانت قسوة هذا القلب. وهنشوف دلوقتي عمر بن الخطاب ازاي هذا القلب القاسي تأثر بالقرآن ولان بقى زي العجيبة. القرآن ده عبارة عن بث الهي مستمر بس كلنا عارفين ان فيه بث للراديو دلوقتي. متأكدين لكن ما حدش سامعه. ليه - 00:31:59ضَ

عشان ما حدش ضابط الراديو. لازم الراديو يتفتح ويتزبط. نفس الكلام. القرآن بث الهي مستمر اربعة عشرين ساعة انت لم تستقبله الا لما تفتح جهاز الاستقبال بتاعك اللي هو قلبك. وتزبطه على الموجة الصحيحة - 00:32:29ضَ

تتلقى بث الهي اربعة وعشرين ساعة. جاي لك من ربنا. الرسائل تأتيك. لزلك سيد قطب رحمة الله عليه يقول القرآن يزيل الغشاوة. عارفين انتم الازاز لو لما يشبر ويقوم واحد جايب جلدة الجلدة بيمسحوا بها الازاز ويقوم ماسح حتة كده تلاقي الحتة دي راحت منورة يزيل - 00:32:49ضَ

الغشاوة والقرآن يزيل الغشاوة من على القلب. ويفتح النوافذ بيهوي ويخرج الكمكنة يخرج الحاجات المكمكمة جوة القلب. ويسكب النور. ويحرك المشاعر ويستجيش القلوب ويخلص الضمير وينشئ حياة للروح تنبض بها - 00:33:19ضَ

وتشرق وتستنير. تأثير القرآن سر لا يمكن وصفه يشعر به تأثير القرآن شيء ما يتوصفش. ربنا سبحانه وتعالى بيوصفه بيقول الله نزل احسن الحديث كتابا متشابها مثاني تقشعر منه جلود الذين يخشون ربهم. جلود تقشعر تقشعر - 00:33:49ضَ

ثم تلين جلودهم وقلوبهم الى ذكر الله. ذلك هدى الله يهدي به من يشاء ومن يضلل الله فما له من هاد. طب امال احنا ما بنتأسرش ليه؟ يقول لك هنا - 00:34:19ضَ

شبكة ضعيفة. طب ايه المطلوب؟ رح كده ناحية الباب. يمكن الشبكة هناك تكون اقوى. يبقى عندك تلات شرط هنا ما فيش غير شرطة واحدة. هو ده بالزبط. القرآن له دوائر تأثير. فاحنا على اطراف دائرة التأثير القرآني - 00:34:39ضَ

نخش ونطلع نخش ونطلع. نخش نقعد نبقى عندك شرطة واحدة تقوم طالع تاني. تروح تحضر لك مقرأة تنبسط قوي. عندك شرطة تقوم خارج تاني. لأ احنا في الدورة دي عايزين نخش ونقرب من السنتر. نخش نقرب من دائرة التأثير القرآني - 00:34:59ضَ

ندخل نفسنا جواها. ده اللي ابتداء من المرة دي الواجب هيركز عليه. هتفضل تيجي وما بتعملش الواجب انت بتدور وبتلف حوالين دائرة التأثير من برة. بتخش يوم المحاضرة تطلع عندك شرطة - 00:35:19ضَ

تاني يوم راحت الشرطة. لأ احنا عايزين نبقى بشرطتين وبتلت شرط. المسلم ابو شرطة ده احنا مش عايزينه. طيب يا جماعة القرآن اسر في ناس اقول لكم على حاجة. الكاتب الفلسطيني الشهير ميقولا - 00:35:39ضَ

كتب قصيدة اسمها من وحي القرآن. وعمل للقصيدة دي مقدمة يقول فيها قرأت القرآن فاذهلني. وتعمقت به ففتاه ثم اعدت القراءة فامنت وكيف لا اؤمن ومعجزة قرآن بين يدي انظرها واحسها كل حين هي معجزة لا - 00:35:59ضَ

بقية المعجزات. معجزة الهية خالدة. تدل بنفسها عن نفسها. وليست بحاجة لمن يحدث بها او يبشر بها. معجزات سيدنا موسى تحتاج الى سيدنا موسى. والى العصاية بتاعة سيدنا موسى لن تنقلب ثعبان. اضربها كده لو لقيتها في البحر لن ينفلق البحر - 00:36:39ضَ

معجزات سيدنا المسيح تحتاج الى سيدنا المسيح. اما معجزة سيدنا محمد. صلى الله عليه وسلم بعد مماته هي معجزة باقية. تتحدث بنفسها عن نفسها. لانها هي الرسالة الاخيرة الخالدة لا يمكن تعتمد على معجزات حسية يجب ان تعتمد على المعجزة - 00:37:08ضَ

باقية لانها الرسالة الباقية. دكتور ديفيد ليبرد احد الاطباء في كندا. هذا الرجل كان عنده زملاء مسلمين فحب يدعوه هم الى دينه. فقال لك يقرا هو له كتاب جميل اسمه تشوزنج في موجود بالانجليزي. تشوزن فيه - 00:37:38ضَ

موجود عندنا حضرتك ممكن نبعته لكم على التاتشنت ممكن تدور عليه على الانترنت موجود سبعة وسبعين صفحة. بينزلوا بي دي اف على طول. لكن بيقول لك دائما كنت وحذر من قراءة القرآن. لان قراءة القرآن ستدمر الايمان في قلبي. قال فقرأت - 00:38:08ضَ

القرآن فعرفت معنى الايمان الحقيقي. دكتور ديفيد طبعا النهاردة هو من قادة الجالية اسلامية في كندا. بصوا يا اخوانا الجن بيتعاملوا مع القرآن ازاي؟ الجن ربنا سبحانه وتعالى بيقول في سورة الاحقاف. واذ صرفنا اليك نفرا من - 00:38:28ضَ

اني يستمعون القرآن. فلما حضروه قالوا انصتوا فلما قضي ولوا الى قومهم منذرين. قالوا يا قومنا انا سمعنا كتاب انزل من بعد موسى مصدقا لما بين يديه يهدي الى الحق والى طريق مستقيم. يا قوم - 00:38:58ضَ

انا اجيب داعي الله وامنوا به يغفر لكم من ذنوبكم ويجركم من عذاب اليم. سيد قطب القرآن على الاية دي مش ممكن. تقول لك مش ممكن الفرق بينا وبينهم. واذ صرفنا اليك نفرا من الجن. اسمع - 00:39:28ضَ

يستمعون القرآن. مش يسمعون. يستمعون. في شعور بالانصات. فلما حضروه وفي ناس جاية انصتوا. فلما حضروه قالوا انصتوا. بس القرآن شغال. شف شف الفرق في التعامل والاهتمام والانصات. فلما قضي يعني لما خلص يعني ايه لما خلص؟ يعني لما خلص - 00:39:48ضَ

خالص. يعني لما الرسول عليه الصلاة والسلام توقف عن التلاوة ما مشيوش. استنوا شوية حتى يتأكدوا انه مش بياخد ويرجع يقرا تاني. ده خلص بجد. خلاص خلص. مش هيقرا ته لأ مش هيقرا تاني. بص بقى بعد كل الانصات والتريث والهدوء السرعة - 00:40:18ضَ

ولوا الى قومهم منذرين. جري طيران على قومهم. ليه؟ لانهم محملين برسالة لا يستطيعوا ان يتحملوها وحدهم يريدوا ان يبلغوا ولوا الى قومهم منذرين. قالوا يا قومنا انا سمعنا كتابا انزل من بعد موسى. مبروك يا جماعة كتاب جديد نزل بعد التوراة لان فيه تشريع الانجيل ما كانش فيه تشريع. ها يهدي الى الحق والى طريق - 00:40:38ضَ

مستقيم يا قومنا اجيبوا داعي الله وامنوا به يغفر لكم من ذنوبكم ويجركم من عذاب اليم. ايه المبادرة دي ايه السعي بالدعوة ده؟ حاجة مش ممكن. احنا يا جماعة لو نقارن بحالنا احنا بص الجن الانصات والاصغاء والاهتمام انما احنا حتى عيالنا - 00:41:08ضَ

ربيها غلط عايزين نفهم عيالنا ان القرآن كتاب مهم. يقوم كل يوم الصبح نصحى نشغل ايه قناة المجد الفضائية قرآن يتلى اناء الليل واطراف النهار. وما حدش بيسمعه. الولد يصحى يلاقي بابا وماما بيشتغلوا قناة - 00:41:38ضَ

المجد قرآن بيتلى وبابا قاعد بيعمل تليفوناته وماما داخلة طالعة من الاوضة ولا كأن فيه اي حاجة مهمة في التليفزيون وبعدين الولد يلاقي بقى ماتش كورة ويا ريتوا ماتش كورة مهم. لأ ده بين اسبانيا وايطاليا في كاس اوروبا. لا احنا - 00:41:58ضَ

اسبان ولا احنا ايطاليين ولا اوروبا قارتنا. يعني المفروض ما نتفرجش خالص على الماتش ده. بابا مش قادر تحمل كلمة اسناء الماتش. الواد ييجي يكلمه ويقول له اسكت بعد الماتش. مش شايف الماتش شغال. دي حاجة مهمة جدا الماتش ده. لكن - 00:42:24ضَ

لكن القرآن في قناة المجد كل يوم اربعة وعشرين ساعة شغال في البيت. اول ما الشوط الاول يخلص باباين جري على الحمام لان بابا ماسك طول الشوق. ليه؟ اسبانيا بتلاعب ايطاليا في كاس اوروبا. يقوم يروح الحمام ازاي؟ لكن القرآن شغال اربعة وعشرين ساعة سبع ايام - 00:42:44ضَ

في الاسبوع مش مهم. عرفتم بنربي ولادنا ازاي ؟ غلط. غلط. هو دا المفروض بقى الصورة دي تعمل اعادة صياغة للعلاقة بالقرآن. علاقتنا بالقرآن غلط. ما بنديش القرآن فرصة يغيرنا. القرآن - 00:43:04ضَ

مش عارف يغيرنا عشان الطريقة اللي احنا بنتعامل به معه. عشان الحواجز اللي احنا حاطينها بيننا وبينه. احنا ما حصلناش مشركين مكة مشركي مكة ابو سفيان والاخمس ابن شريق وعمرو ابن هشام. ابو جهل. يتقابلوا - 00:43:24ضَ

هم التلاتة عند بيت النبي عليه الصلاة والسلام بالليل. ليه؟ عشان النبي في الوقت ده عليه الصلاة والسلام بيقرا قرآن بصوت عالي. فالتلاتة رايحين يسمعوا. انت ايه اللي جايبك انت ايه اللي جايبك هنا؟ لا انا سجاير كده وبشتري حاجة بتشتري ايه يا ابني انت وهو ما ينفعش كده يا جماعة. لو عرفت قريش ولو عرفوا الغلمان بتوعنا ولو عرفوا - 00:43:48ضَ

النساء بتوعنا ده تبقى مشكلة وهتبقى مصيبة ويدخلوا في دينه واحنا مش ناقصين ما حدش يجينا تاني اتفقوا ما حدش يجي تاني. تاني ليلة يتقابلوا برضه هم وبعدين يا جماعة مش قلنا معلش بس ما قدرتش ما قدرتش يعني ايه هو لعب عيال خلاص تالت ليلة يتقابلوا برضه هم التلاتة - 00:44:08ضَ

عاهدوا ان لا يمكن يعملوا كده تاني. ليه؟ عارفين مش قادرين يتحملوا القرآن بيطلب ما يروحوش يبقى لو كان مكتوب وعندهم كانوا هيقروه برضو. ده مشركي مكة اشد الناس عداء للاسلام - 00:44:28ضَ

مش قادرين يبعدوا عنه واحنا بنتعامل معه تعامل سيء جدا. نفس الكلام الوليد المغيرة. قالوا له قل كده كلمتين في القرآن. كلمتين وحشين طبعا. وحشين ايه؟ قال ان لقوله لحلاوة. وان - 00:44:48ضَ

عليه لطلاوة وانه ليحطم ما تحته وانه لا يعلى وما يعلى عليه. ابو جهل قال له والله ما انا سايبك الا اما تقول كلام وحش ، ده انت هتودينا في داهية. قل يا عم كلمتين فيه وحشين. قال له مش لاقي حاجة اقولها. قال له دور. قال له طب استنى خليني افكر كده - 00:45:08ضَ

اه مش هو بيفرق بين المرء وزوجه؟ مش الواحدة من دول بتستر بالام سايبة جوزها؟ قال له بس خلاص. انه لسحر ان هذا الا الا سحر يؤثر. ليه؟ قال لك اما رأيتموه يفرق بين الرجل واهله وبين الرجل - 00:45:28ضَ

سيدنا ابو بكر الصديق دخل في جوار واحد اسمه ابن الدغنة. جوار يعني دخل في حمايته قال له تعال اقعد عندي وما حدش هيقدر يقرب لك. فسيدنا ابو بكر قعد عنده وعمل مسجد صغير كده في الحديقة بتاعته في الفناء بتاع البيت وبقى - 00:45:48ضَ

يقف يقرا القرآن بالليل فراح للراجل قال له لأ احنا ما اتفقناش على كده. ان ده غنى وكافر على فكرة مشرك. قال له انت حضرتك هتقعد عندي هنا هو اهلا وسهلا بك. لكن قراية قرآن بصوت عالي لأ. ليه ؟ الله! احنا عندنا ستات يا عم. عندنا آآ - 00:46:08ضَ

فشباب يسمعوا الكلام ده يخشوا على طول. قال له لأ رد عليه جوابه. فعمل ايه المشركين ان اخطر حاجة ان القرآن يتلى بصوت عالي والمشركين يسمعوا. فقالوا ايه؟ وقال الذين كفروا لا تسمعوا - 00:46:28ضَ

هذا القرآن والغو فيه لعلكم تغلبون. لعلكم تغلبون. يعني ايه والغوا فيه يعني غلوشوا عليه. يتسمعوا اوعوا تغلوش غلوش عشان ما حدش يسمعه القرآن كان سبب اسلام الاوائل. سيدنا عمر ابن الخطاب قبل ما يسلم كان ايه؟ كان مسلم نص نص زينا - 00:46:48ضَ

مشرق عادي ده كان من الشياطين مكة هو سيدنا عمر ده كان كافر عادي؟ ده صاحب الفكرة بتاعة كل كل عائلة تعذب مسلميها بنفسها. حتى لا يتقاتل عائلات قريش. فقام كل واحد - 00:47:14ضَ

اولاده. مين صاحب الفكرة؟ سيدنا عمر ما كانش لسه سيدنا كان عمر ساعتها. وبعدين خد سيفه ورايح يقتل الرسول عليه الصلاة والسلام. فراحوا واحد مقابله وماسكه انت رايح فين بالسيف ده؟ رايح اقتل محمد ثم اسلم نفسي بنفسي لبني هاشم عشان يقتلوني وما - 00:47:39ضَ

مشكلة بينهم وبين ال الخطاب. عبقري. فالراجل وقفه ده كان مسلم بس مش قايل لهم فقال لك بس ده هو كده رايح يقتل روح الصلاة. قال له يا عم رح شف بيتك الاول. قال له بيتي بيتي ايه؟ قال له رح شف بس اختك. ها - 00:48:03ضَ

واخوها وهم اسلموا اصلا. سعيد ابن زيد. فراح رايح عليهم عند الباب سمع القرآن بيوت لجوة زق الباب دخل ضرب اخته وضرب آآ جوزها وسيح دمهم. هات الورقة اللي في ايدك دي. قالت له امشي - 00:48:23ضَ

تكافر نجس قال لها لازم اقرا قالت خشي اغتسل الاول. دخل اغتسل وطلع. وقرا. طه انزلنا عليك القرآن لتشقى الا تذكرة لمن يخشى تنزيلا ممن خلق الارض والسموات العلى كانوا على العرش استوى لهما في السماوات وما في الارض. وما - 00:48:43ضَ

وما تحت الثراء. خذوني الى رسول الله. واسلم. ايه ده ايه التأثير ده؟ اتأثر كده ازاي؟ الطفيل ابن عمرو الدوسي من قبيل الدوس رايح ماكلوس خلي بالك في هناك واحد اسمه - 00:49:23ضَ

محمد بيقول كلام اسمه القرآن هيضيعك. حط قطن في ودانك وانت داخل. حاضر. وهو داخل مكة راح حط القطن في ودانه ومعدي من قدام الرسول عليه الصلاة والسلام وهو بيتلو القرآن بصوت عالي. فقال لك يعني قال لك فابى الله الا ان يسمعني بعضه. ربنا - 00:49:43ضَ

اسمعني شيء منه. فقال لنفسه ايه السخافة اللي انا فيها دي؟ ايه اللي انا باعمله ده اصلا؟ انا رجل لبيب. انا انسان ناصح. انا مش راجل عبيط انا اقدر احكم على الحسن والقبيح. راح شايل القطن سمع اسلم على طول - 00:50:03ضَ

قال ما سمعت قط قولا احسن منه ولا امرا اعدل منه فاسلمت الجبير بن مطعم بن عدي اسر يوم بدر داخل مع الاسرى المدينة في المغرب. والرسول عليه الصلاة والسلام بيتلو من سورة الطور. بيقول ايه؟ فلما قرأ - 00:50:18ضَ

ام خلقوا من غير شيء ام هم الخالقون كاد قلبي يطير. هم اتخلقوا من غير حاجة ولا هم اللي خلقوه ايه؟ فاكرين ريليه دي كارت قلنا ايه؟ فيلسوف الفرنساوي اللي قال ايه؟ انا اشك في وجود ربنا. بس ما دام باشك يبقى بافكر - 00:50:48ضَ

فدام بفكر يبقى انا موجود ما دام انا موجود يبقى انا اتخلقت. ما دام انا ما خلقتش نفسي يبقى حد تاني خلقني يبقى هو ده ربنا فقضى الشك الى الايمان عن طريق ايه؟ مين الخالق؟ مين الخالق؟ ام خلقوا - 00:51:18ضَ

من غير شيء ام هم الخالقون؟ قال لك كاد قلبي يطير. وفي رواية اخرى كان هذا اول ما دخل قلبي من الايمان. على فكرة الجبير بن مطعم العادي ده كان خاطب السيدة عائشة قبل النبي صلى الله عليه وسلم. مش انتم عارفين - 00:51:38ضَ

اسيد ابن خضير في المدينة ايه حكاية مصعب ابن عمير ده اللي جالنا بقى له سنة والناس عمالة تسلم تسلم تسلم بيفسد نساء ويفسد الغلمان ويفسد العبيد. راح رايح ماسك الحربة ورايح له. سيدنا مصعب قال له بص بس. اتفق معك اتفاق - 00:51:58ضَ

حط الحربة دي واقعد اسمع. عجبك؟ اسلم. ما عجبكش لك علي ما قلش حاجة لك ولا لعيلتك قال له عدل. غرز الحربة قعد. قرأ عليه شوية قرآن. قام يلا بنا. قال له رايح فين؟ قال له هعرفك - 00:52:18ضَ

على ناس مهمة جدا في الاوس وفي الخزرج. عشان لو عرفت قدرت عليهم هندخل القبيلتين دول يلا مع بعض. وراح وراح ما عرفه على سيدنا طبعا اسلم وراح عرفه سعد بن معاذ وسعد بن عبادة. من الاوس ومن الخزرج. هو ديتها شوية قرآن بفهم وتدبر. مش بالطريقة بتاعتنا - 00:52:38ضَ

معجزة القرآن الكبرى هي القدرة على التغيير. تغيير الانسان. ايوة في اعجاز بياني. وفيه اعجاز تشريعي. وفيه اعجاز آآ علمي اكبر معجزة هي الاعجاز في في قدرة القرآن على تغيير الانسان - 00:52:58ضَ

الامام القرافي يقول لو لم يكن لرسول الله صلى الله عليه وسلم معجزة الا اصحابه لكفوه. يكفي معجزة هو قدرة القرآن على التغيير. بيتكلم في هذا الشيخ محمد الغزالي رحمة الله عليه يقول ان هذا القرآن نزل - 00:53:23ضَ

الامة فاعاد صياغتها عندما قرأ العرب القرآن تحولوا تلقائيا الى امة تعرف الشورى وتكره استبداد الى امة يسودها العدل الاجتماعي. ولا يعرف فيها نظام الطبقات الى امة تكره التفرقة العنصرية وتكره اخلاق الكبرياء والترفع على الشعوب. وجدنا بدوية - 00:53:43ضَ

كربيعي ابن عامر يعلم قائد الفرس. ويقول جئنا نخرج الناس من عبادة العباد الى عبادة الله وحده. ومن ضيق الدنيا الى سعة الدنيا والاخرة ومن جور الاديان الى عدل الاسلام. بدوي بيكلم قائد الفرس اللي هم عندهم حضارة الفين - 00:54:17ضَ

سنة بيدي له درس في العدل كيف كان شأن النبي صلى الله عليه وسلم مع القرآن؟ كان دائما يذكر اصحابه بمكانة القرآن. دايما اقعد كده مع اصحابي قل لهم ايه يا جماعة القرآن ده اهم حاجة. ده اعزم كلام. اكتر حاجة ربنا بيحبها هو دوه. اهو يقول ايه عليه الصلاة والسلام. وما من - 00:54:47ضَ

كلام اعظم عند الله من كلامه. وما رد العباد الى الله كلاما احب اليه من كلامه وقال ايضا صلى الله عليه وسلم القرآن احب الى الله من السماوات والارض ومن فيهم - 00:55:11ضَ

طب كيف كان يتأثر بالقرآن؟ كان السيدة عائشة بتقول عليه كان خلقه القرآن يبقى هو كان اخلاقه هو القرآن. يعني كان تجسيد للقرآن. كان قرآنا يمشي على الارض. تقول كما يرضى لرضاه ويسخط لسخطه - 00:55:31ضَ

يقول رسول الله صلى الله عليه وسلم شيبتني هود واخواتها قبل المشيب. هود واخواتها اللي هي السور اللي بحا ميم الحواميم. يقول لك شيبتني قبل سن المشيب. من الكلام اللي فيها. كان يقرا ويتدبر - 00:55:55ضَ

ليه؟ لان هو ده سمة المؤمنين. سورة الفرقان بتوصف عباد الرحمن بتقول ايه؟ والذين اذا ذكروا بايات ربهم لم يخروا عليها صما وعميان. مش زي لأ فاهمين. مش زي اللي مش سامعهم - 00:56:15ضَ

اصلا طب كيف كان يتأثر بالقرآن؟ سيدنا عبدالله بن مسعود بيقول انه كان يطلب منه ان اقرأ القرآن كان يقول له يا رسول الله اقرأه عليك وعليك نزل فكان صلى الله عليه وسلم يقول اني احب ان اسمعه - 00:56:36ضَ

من غيري ان اسمعه من غيري. تحب اسمعه من غيري يا اخي. اقرا. فيقول فقرأت عليه سورة النساء. حتى اذا جئت هذه الاية فكيف اذا جئنا من كل امة بشهيد وجئنا بك على - 00:56:56ضَ

هؤلاء شهيدا. قال حسبك اقف كفاية قال فنظرت اليه فاذا عيناه تذرفان عن ما لعيط ويبكي وينزل دموع. ليه؟ يتأثر طيب كان بيتأثر بالقرآن عمليا. يعني ايه؟ يعني عشان تبقوا عارفين ان الرسول عليه الصلاة والسلام كان اجود الناس - 00:57:16ضَ

يعني ايه؟ يعني اكرم الناس. اكتر واحد كريم في الدنيا هو النبي عليه الصلاة والسلام. ولكن يقول ابن عباس وكان اجود ما يكون في شهر رمضان. لكن اكتر وقت بيبقى كريم فيه شهر رمضان. ليه - 00:57:43ضَ

اشمعنى رمضان؟ يقول ابن عباس لان جبريل كان يلقاه في كل ليلة في شهر في رمضان حتى ينسلخ. يعرض عليه رسول الله صلى الله عليه وسلم القرآن. فاذا لقيه جبريل كان - 00:58:04ضَ

اجود بالخير من الريح المرسلة. يبقى الرسول عليه الصلاة والسلام هو اكرم الناس. واكتر وقت كريم فيه رمضان. ليه؟ عشان كان بيقرا قرآن كتير جدا اكتر من اي وقت مع جبريل كل يوم. فالرسول عليه الصلاة والسلام تأثر فعليا وعمليا بالقرآن - 00:58:24ضَ

كلامي ده ولا كلام ابن عباس كلام ابن عباس. يبقى ازا كان اصل فرصة نام. طب كيف كان يقرأ القرآن كانت قراءته هادئة مترسلة يعني ايه؟ يعني متمهلة. حزينة كما امره ربه وقرآنا فرقناه لتقرأه على الناس على مكث - 00:58:44ضَ

ورتل القرآن ترتيلا. يبقى كان يرتل السورة حسب كلام السيدة عائشة حتى تبدو وكانها اطول. ليه؟ كان يمد الحروف في نهاية الاية اسمه الايه؟ المد الايه؟ ها؟ مد ايه؟ اه وقف للزوم. عند الوقف بمد - 00:59:15ضَ

بدي لازم عين الوقف. يا اما حركتين يا اربعة يا ستة. ليه؟ حتى اعطي فرصة للعقل انه يتدبر قال لاقراها قبل ما انقل على الاية اللي بعديها مد عارض للزوم اسمه. ماشي. ازا كل ما تذكر الجنة يستبشر ويدعو الله. تذكر - 00:59:45ضَ

يستعيذ منها السيدة ام سلمة تصف قراءته تقول كانت قراءة مفسرة حرفا حرفا. كان بيفك الحروف من بعضها. ما يقولش السيدة عائشة بتقول لو اراد السامع ان يعد حروفها لعدها. لو عايز كده وهو بيقرا - 01:00:09ضَ

تعد الحروف هتعرف تعدها. هتلحق تعدها. بفككها من بعضها. مش هدر مش سريع وكان ممكن يقعد ليلة كاملة في اية واحدة. وقعد ليلة كاملة في اية واحدة ان تعذبهم فانهم عبادك. وان تغفر لهم فانك انت العزيز الحكيم. يبكي - 01:00:31ضَ

ويقول يا ربي امتي امتي ويتلو الاية مرة تانية وتالتة ورابعة وعشرة والف ليلة كاملة في اية واحدة. عشان الناس يقول لك ايه ؟ يلا يا عم خلص عشان نلحق نختم قبل آآ في آآ المسابقات - 01:01:01ضَ

داخلين احنا ري الفراعنة. اه مسابقات بقت. طب التلاوة دي كل اسبوع يوميا وفد سقيف جم المدينة اتأخر عليهم شوية بعد العشاء طلع قال لهم معلش انا اسف بس ايه طرأ علي حزبي من القرآن. فكرهت ان اخرج - 01:01:20ضَ

من المسجد حتى اقضيه. انا كان لازم اخلص الحزب بتاعي. كان لازم اخلص الايه؟ الورد بتاعي. كان لازم اقرا. يبقى القراءة كانت كل يوم مش كل رمضان طيب الواحد يطول في ايه؟ لما كان بيطول - 01:01:40ضَ

في التدبر والتأمل مش في كم الايات. السيدة عائشة بتقول لا اعلم نبي الله صلى الله عليه وسلم. قرأ القرآن كله له في ليلة ولا قام ليلة حتى اصبح. ما فيش حاجة اسمها قيام لغاية الصبح. ما فيش حاجة اسمها قاعد يقرا - 01:02:00ضَ

القرآن كله خلصه في ليلة مش كداب. الكلام دا سمعناه في اجيال اخرى بعد بعد جيل الصحابة. كانت اجيال اكثر حماسة متحمسين. فيقول لك كان يصلي الفجر بوضوء العشاء تلاتين سنة. يعني ما نامش تلاتين سنة بالليل ابدا - 01:02:20ضَ

من العشاء يفضل يصلي قيام لغاية الفجر. الرسول عليه الصلاة والسلام لا كان بيعمل كده ولا الصحابة. كانوا وسطيين جدا في عبادتهم. كانوا يقوموا الليل وكانوا بيناموا. ولكن العبرة كانت لها كواليتي مختلفة. ما كتش بتركز على كانت بتركز على الكواليتي. كانت تركز على الكيف مش على - 01:02:40ضَ

واحد راح لسيدنا عبدالله بن مسعود ده احد العبادلة الاربعة من اعزم الصحابة في القرآن الكريم. قال له ده انا بقرأ المفصل كله في ركعة. مفصل يعني اخر اربع آآ اجزاء. اقراها كلها في ركعة - 01:03:10ضَ

سيدنا عبدالله قال له هزا كهز الشعر. ان قوما يقرأون القرآن لا يجاوز تراقيهم. ولكن اذا وقع في القلب فرسخ نفع بتقراه بسرعة كده زي الشعر. مش هو ده. مش كده خالص. طيب - 01:03:30ضَ

نشوف بقى الرسول عليه الصلاة والسلام كان بيعلم الصحابة ازاي. سيدنا عثمان بن عفان وعبدالله بن مسعود وغيرهما من الصحابة قالوا قالوا انهم كانوا بيتعلموا مع النبي صلى الله عليه وسلم العشر ايات من القرآن لا نتجاوزها. عشر ايات بعشر - 01:03:54ضَ

ايات. عشر ايات واقف. وبعدين حتى نتعلم ما فيها من علم وعمل. فتعلمنا القرآن يعني ابتلاء والعلم الفهم والتفسير. والعمل التطبيق جميعا كنا نتعلم مع رسول الله العشر ايات من القرآن لا نتجاوزها حتى نتعلم ما فيها من علم وعمل - 01:04:14ضَ

فتعلمنا القرآن والعلم والعمل جميعا. كلام خطير. احنا عايزين كل واحد فينا لازم يجيد التلاوة. انا شفت هنا نتفق ونقسم نفسنا ونيجي آآ آآ الدكتور سامي اخواننا هنا في المسجد يعلمونا التلاوة. ما جلس قوم بص حديس عليه الصلاة والسلام. ما جلس قوم في بيت من بيوت الله - 01:04:41ضَ

يتلون كتاب الله ويتدارسونه بينهم. دلوقتي بنعمل كده ها؟ الا نزلت عليهم السكينة وحفتهم الملائكة وغشيتهم الرحمة. دلوقتي احنا بنرحم. خلي بالك ها الله في من عنده. ربنا بيزكرك باسمك دلوقتي واحد واحد فيكم. بيزكرك باسمك يا اختي يا اللي قاعدة فوق دلوقتي. واحد واحد فيكم - 01:05:11ضَ

لازم نفهم قراءة قرآن يعني بتدبر. لا بديل عن التدبر قراءة زي زمان بدون فهم خلاص هذا عهد وولى انتهى كتاب انزلناه اليك مبارك لام السببية. ليحفظوا اياته ما قالش كده - 01:05:41ضَ

ليدبروا اياته. سبب انزال القرآن حتى نتدبر الايات افلا يتدبرون القرآن ربنا بيقول سؤال بيتعجب افلم يتدبروا القول افلا يتدبرون القرآن ام على قلوب اقفالها. قلوب مقفلة سيدنا عبدالله بن عمرو بن العاص راح الرسول عليه الصلاة والسلام. طيب يا رسول الله عمال يتحايل عليه الصلاة والسلام. طب ائزن لي اقراه في تلات تيام. قال له لأ - 01:06:11ضَ

قال له ايه؟ لا يفقهه من يقرأ في اقل من ثلاث. يا ابني افهم مش هتفهم لو قريت في اقل من تلات ايام. يعني ايه يعني الاصل انك تفهم. الاصل انك تفقه. الاصل انك تتدبر - 01:06:50ضَ

وقال صلى الله عليه وسلم اذا قام احدكم من الليل فاستعجم القرآن على لسانه فلم يدري ما يقول فلينصرف فليضطجع. ما تقعدش تعزب نفسك. انت واقف بتقوم الليل. ابتديت مدروخ. والقرآن تقيل على لسانك. وما انتش دريان بحاجة - 01:07:10ضَ

رح نام يا عم الحصان بيقول لك فلينصرف فليضطجع. خلاص انت مش مركز ومش فاهم. ايه اللزوم اللي بتعمله ده اصلا؟ قرآن فاهم يعني التدبر عشان يؤثر. محمد بن كعب ده احد المفسرين الكبار وسبحان الله! ده آآ يعني - 01:07:30ضَ

واجداده من بني قريظة من يهود بني قريظة. محمد بن كعب القرابي من اعظم المفسرين يقول لان اقرأ في ليلة ان حتى اصبح اذا زلزلت والقارعة بس. الزلزلة والقارعة يقعد طول الليل يقراها لغاية الصبح. لا - 01:07:50ضَ

زيدوا عليهما واردد فيهما الفكر. واقعد افكر واتفكر فيهم احب الي من ان اهد القرآن ادى او انثره نثرا. احسن بكتير من اني اقعد اقرا لي سبع تمن تجزاء. ليه؟ القارعة واذا زلتم - 01:08:10ضَ

طول الليل وافكر فيهم وفي معانيهم وابكي ويشحنوني. شحن ايماني. ازا الواجب اليومي من قراءة القرآن بتدبر. قد ايه؟ تقترح ونقرا قد ايه كل يوم ربع صفحة سورة ساعة ما خلاص - 01:08:30ضَ

بقى انسى الكم برضه بتكلموني ربع جزء حزب. بعدين بقى ساعة كل ما قريت فيها اقل كل مكان احسن قسمها نص الصبح ونص بالليل اجمل عشان تبقى عارف. بس المهم عدد الايات ما يكونش كبير. لانك هتقرا - 01:09:02ضَ

تدبر وتركز. ده مهم جدا اسمع منكم المرة الجاية. عملنا ايه؟ تجربتكم ايه يبقى هنعمل الاتي ورد الالحاح ده ماشي معك على طول. بتلح على الله انه يمن عليك بقلب سليم. ويوميا حضرتك هتقرا لنا هتقرا لنفسك اقرا لنا الحماية. تقرا لنفسك. ساعة - 01:09:26ضَ

قرآن كل يوم. عندك بقى امتحانات. عندك بتاع هتقول لي ما عنديش وقت. هاقول لك ايه اعتبر نفسك وقعت من طولك دلوقتي وقعت من طولك وخدناك على المستشفى. فالدكتور قال حالة القلب عندك خطيرة. وهتموت الا لو - 01:09:56ضَ

كل يوم مشيت ساعة. عشان الدورة الدموية بتاعتك تمشي. هتلاقي الساعة ولا مش هتلاقي؟ هتلاقيها. انا بقول لك اهو انت حالتك خطيرة وقلبك بيموت. ومحتاج ساعة قرآن. لقيها بقى. خدها من نومك. خدها من وقت التويتر بتاع - 01:10:21ضَ

من الفيسبوك بتاعك خدها باي طريقة. قلل شوية التوك شوز اللي طول النهار بنتفرج عليها. عندك ساعة قرآن كل يوم هنقرا فيها وهنتدبر وتقوم باعت ايميل. على اي ميد ماي هوم وورك - 01:10:41ضَ

الجيميل دوت كوم. بتكتب رقم التسجيل بتاعك. اللي ما عندوش رقم تسجيل يبعت على الليلة ويمسل المعزم واخد ارقام تسجيل. رقم التسجيل بتاعك مسلا مية ستة وتمانين على تعمل لي سلاش - 01:11:01ضَ

اكتب لي عدد الدقايق اللي قريتها. لو قريت خمسين اكتب خمسين. قريت خمستاشر دقيقة اكتب لي خمستاشر. بس ما تسيبنيش متعلق من غير ما تكتب لي انت عملت ايه ؟ باتابعكم كل يوم. انا طالع من عندكم ده انا دوبي الحق الطيارة عشان تبقوا عارفين دلوقتي. فالشباب بيفرغوا في جوجل دوك - 01:11:21ضَ

من اي مكان مسافر فيه بفتح واشوف كل واحد عمل ايه لازم هنشتغل مع بعض شوية نتعب مع بعض شوية بس هيجيب نتيجة بازن الله في الاخر. وفي اخوة موجودين هنا معنا. كانوا حاضرين الدورة دي قبل كده يكلموكوا عن اثرها - 01:11:41ضَ

من فضلكم تعملوا الهوم ورك بتاعك وتبعت لي على الايميل. خلاص؟ رقم التسجيل بتاعك شرطة عدد الدقايق اللي قريتها. قريت اقل من ساعة ما تتكسف اكتب لي. اكتب لي. تواصل معي لو سمحت. خلاص؟ جزاكم الله خيرا - 01:12:01ضَ