Baheth

نعود بحول الله مرة اخرى الى كتاب الله جل وعلا من قوله سبحانه وتعالى ود كثير من اهل الكتاب لو يردونكم من بعد ايمانكم كفار حسدا من عند انفسهم من بعد ما تبين لهم الحق فاعفو اصفحوا حتى ياتي الله بامره ان الله على كل شيء قدير - 00:00:01ضَ

واقيموا الصلاة واتوا الزكاة. وما تقدموا لانفسكم من خير تجدوه عند الله. ان الله بما تعملون فهذه الاية الجديدة التي نقف عليها اليوم بعدما سبق بيانه من قوله جل وعلا ود كثير منه الكتاب اقصد الجديد قوله - 00:00:21ضَ

سبحانه وتعالى واقيموا الصلاة واتوا الزكاة. اية تأمر بالعمل بين ايتين بين ايتين تقريريتين يعني هاد الآية العجيبة وأقيموا الصلاة وآتوا الزكاة التي تكررت في كتاب الله كثيرا وتكرارا آيات العمل كطلب منا الخدمة العمل - 00:00:42ضَ

اطلبوا العمل وما تقدموا لانفسكم من خير تجدوه عند الله ان الله بما تعملون بصير. ومتلها شكلا او مضمونا معا كثير في كتاب الله جل وعلا. قلت وردت بين ايتين تقريريتين تقريريتين يعني كتعطينا واحد الخبار وواحد الحقيقة. ليالي - 00:01:02ضَ

هي التي ذكرنا قبل ود كثيرون يا ربي تعالى كيقرر لينا ويخبر لينا هاد الطبيعة ديال الكفار في علاقتهم بدينكم وفي علاقتهم معكم من حيث انتم مسلمون. ود كثير من اهل الكتاب لو يردونكم من بعد ايمانكم كفارا - 00:01:22ضَ

السبب علاش؟ حسدا من عند انفسهم من بعد ما تبين لهم الحق من دينكم واصفحوا فقد تبين ما قصد بهذه العبارات كما اورده المفسرون فاعفوا واصفحوا اي لا تهتموا بذلك كثيرا ولا - 00:01:38ضَ

تقيموا له وزنا فانه لن يضركم. تعفوا واصفحوا حتى يأتي الله بامره. فالله عز وجل سيكشف الحقائق بنصركم وبتسليطكم عليهم او بهدايتهم او باي سبيل من السبل او بايقامة القيامة او غير ذلك من الاحتمالات - 00:01:55ضَ

التي هي في قدرة الله وقدرة الله لا تنحد. ان الله على كل شيء قدير اذن هذا تقرير ربي كيعطينا خبار ديال الطبيعة ديال الكفار فعلاقتهم بكم من حيث ان نتوما مسلمين اكيفاش كينضرو لكم بصفتكم مسلمين ثم - 00:02:15ضَ

امرا بالعمل وعطانا الامر بالعمل وعاود جاب لينا واحد الاية من بعدها كتعطينا تقرير وهي قوله جل وعلا وقالوا ليدخل الجنة الا من كان هدى وقالوا اي اليهود والنصارى وقالوا لن يدخل الجنة الا من كان هودا او نصارى تلك امانيهم قل هاتوا برهانكم - 00:02:32ضَ

كنتم صادقين فإذا هذا عاود التقرير اخر كيقولك اودي ها الكفار اش راه يقولوا يقولوا بأنه هوما اللي على حق وقالوا ليدخل الجنة الا من كان هودا او نصارى قال المفسرون اي وقالت اليهود لن يدخل الجنة الا من كان يهوديا. وقالت النصارى لن يدخل الجنة الا من كان نصرانيا. ماشي معنى الكلام - 00:02:52ضَ

يعني انهم تافقوا بيناتهم بجوج وكيقولوا اللي كان يهودي يعني النصارى يؤمنوا باليهودية وبالنصرانية واليهود يآمنوا بالنصرانية واليهودية هادا غير حاصل حتى وان ظهر في بعض الاحيان ذلك في الظاهر فانما هو سياسات. اما المعتقدات فلكل معتقده. وقالت اليهود ليست النصارى - 00:03:13ضَ

على شيء في الاية الاخرى وقالت النصارى ليست اليهود على شيء وهم يتلون الكتاب اي كل واحد يتلو الكتاب الذي انزل عليه بما حرف بما فالحقيقة هي فالله يحكم بينهم يوم القيامة فيما كانوا فيه يختلفون. طيب هذا جدل جدل ديني حضاري. كل - 00:03:33ضَ

اليهود يقولون مقالتهم والنصارى يقولون مقالتهم وبين اليهود والنصارى فرق كثيرة فرق اليهود كثيرة وفرق النصارى كثيرة بعضها يلعن بعضا وبعضها يكفر بعضا هذا معروف في علم الاديان المعاصر وفي تاريخ الاديان - 00:03:53ضَ

اذا وضعوهم انهم يحسدون المسلمين. والدكاتير من اهل الكتاب لو يردونكم من بعد ايمانكم كفارا. حسدا من عند انفسهم. هذا التقرير التقرير الثاني وهو انه يزعمون ان الاخرة لهم وحدهم كل حزب ببلدهم فرحون فكل اهل دين بما لديهم - 00:04:13ضَ

ومعتزون ويظنون ويعتقدون بانهم هم على صواب وان غيرهم الى النار. الشيء العجيب ان الله عز وجل ما قاليناش راه نتوما اللي على حق هادي بديهية في كتاب الله. ولكن قالينا الله تعالى متديوهاش فداكشي. خدمو قال بين ايتين تقريريتين. لولا كتخبرنا - 00:04:34ضَ

الثانية كتخبرنا في الوسط قال نتوما وأقيموا الصلاة وآتوا الزكاة هذا الترجمة ديال فعفوا واصفحوا اي لا تشغلوا بالكم بخرافاتهم وخزعبلاتهم. واقيموا الصلاة واتوا الزكاة وما تقدموا لانفسكم هو هوما راه يقولو كلام وقالت اليهود ذلك قولهم بألسنتهم وبأفواههم تلك امانيهم ولكن الذي اريد - 00:04:54ضَ

يا عبادي انما هو العمل ماشي الكلام. واقيموا الصلاة وآتوا الزكاة. هذا غادي يلقى الأثر ديالو. هذا هو الجواب. الجواب ديال اليهود والنصارى صلي وزكي واقيموا الصلاة وآتوا الزكاة وما تقدموا لأنفسكم من خير تجدوه عند الله ان الله - 00:05:24ضَ

تعملون الخدمة العمل بصير بصير. ثم لنا مع هذه الاية العلامة وقفة اخرى. ما من موقف في كتاب الله فينما القرآن الكريم يوقف على شي موقف حرج على المستوى النفسي او المستوى العقدي او المستوى الاقتصادي او مستوى المصائب النازلة - 00:05:44ضَ

للمسلمين كيعطينا واحد الدوا واحد مع ولد ديما نفس الوصفة وهي هذه الاية واقيموا الصلاة واتوا الزكاة واقيموا الصلاة واتوا الزكاة اقيموا الصلاة واتوا الزكاة. الأعمال في الإسلام كثير بزاف ديال الأركان كاينة خمسة ديال الأركان ثم من بعد الأركان الواجبات كثيرة - 00:06:04ضَ

ولكن رب العالمين كيجيب لنا جوج يقرنهما معا لا يفصل ولا يفرق بينهما الصلاة والزكاة فاذن هذا هاد التمني الكفري هاد التمني اليهودي او المسيحي الصليبي العالمي وعبر التاريخ الكيد بصفة عامة كيد الاخرين وكيد الحضارة - 00:06:24ضَ

عمرو التاريخ هل يضركم في شيء؟ قد يضر ولكن اذا اخذتم بشروط العمل انه لن يضركم ماشي يعني الأمة متراخية عن العمل هالكة فانية كسولة خبثت انفسها وتقول نحن منهم؟ طبعا لا ولكن الافضلية تكون بالصلاة والزكاة مازال مازال يعني سنتحدث عن النكت واللطائف العلمية بحول الله التي - 00:06:44ضَ

هي مكنونة في الجمع بين الصلاة والزكاة. وانما قبل ذلك نتحدث عن العمل. فالأمة تميزت بعملها فلا قيمة لها ان لم تتميز بالعمل ان اكرمكم عند الله اتقاكم التقوى هي التي ترفع الشخص او تضعه والتقوى هي التي - 00:07:14ضَ

الامة او تضعها. واقيموا الصلاة واتوا الزكاة. ما سلط الكفار على المسلمين في التاريخ. الا في اللحظات اللي الامة الاسلامية قد تهاونت في اداء حق الله وحق الناس لان هاد العبارة ديال اقموا الصلوات والزكاة فيها حق الله وحق الناس فحق - 00:07:34ضَ

والله المحضو يعني صافي مية فالمية متمثل في الصلاة وحق الناس متمثل في الزكاة فضمن لي جوج الحقوق اتضمن لك العزة والنصرة. حقوق الله تؤدى في البلاد بين العباد وحقوق الناس تؤدى بين العباد - 00:07:54ضَ

تلك امارة العزة وعدم تأثير اي جهة على المسلمين في العالم ما هزم المسلمون وما غلبوا وما اذن الا بسبب غياب هذين معا. غياب حقوق الله بيناتهم وغياب حقوق المسلمين. بيناتهم. فيسلط عليهم الاعداء. تما فعلا - 00:08:14ضَ

ذلك الحسد حسد من عند انفسهم يضر يضر بسبب يعني الأذى الذي يلحقونه انئذ لأنه الحسد كيولد كيولد الأذى وهذا الذي وحاصل في هذا الزمان وقبل هذا الزمان. وايضا حتى التأثير بين قوسين كما نعبر اليوم الإيديولوجي. وقالت وقالوا لن يدخل الجنة الا من كان - 00:08:34ضَ

الإعلام الآن يقول هذه الحقيقة. يقولها اما بشكل ديني او بشكل اخر مدني. زعما يقول لك حنا لي متقدمين حنا الحضارة نحن مركز الأرض ولذلك ضعوا فالمسلمون والتحقوا بهم في اخلاقهم والبستهم وعلاقاتهم الاجتماعية واشكال الحياة بصفة عامة لانهم كيعتقدو - 00:08:54ضَ

مع الأسف ان الآخرين افضل سبب التأثير السيء الذي لهذا الإعلام الآخر الإعلام الآخر على الإنسان الإعلام ديال لخرين ديال اليهود والنصارى افقدون الثقة في انفسنا وفيما عندنا من قيم ومن حضارة وما كنا لنفقد هذه الثقة بانفسنا وبالله لو كنا فعلا - 00:09:14ضَ

على ميزان قول الله جل وعلا واقيموا الصلاة واتوا الزكاة وما تقدموا لانفسكم ماشي لغيركم مكنعطيو لله والو سبحانه هو الغني يا ايها الناس انتم الفقراء الى الله نحن الفقراء والله عز وجل هو الغني الحميد سبحانه وتعالى فلذلك كل ما - 00:09:34ضَ

المسلم فرضا كان او مؤسسة او مجتمعا فانما يقدمه لنفسه. المستفيد عمليا وحضاريا وعمرانيا من الدين ومن العمل من العمل انما هو الانسان وما تقدمه لانفسكم تجدوه عند الله كما في الاية الاخرى هو خيرا واعظم اجرا وهنا ان - 00:09:54ضَ

الله بما تعملون. العمل بصير. والله عز وجل لا يظلم مثقال ذرة سبحانه وتعالى. يجازيك في الدنيا ويجازيك في الآخرة لأن الأعمال بحال القوانين ديال الطبيعة فهي ايضا سنن الله عز وجل العمل سنة الله في الإجتماع كما ان لله سننا في الطبيعة - 00:10:14ضَ

فالنبات فحركة الأسلاك فالشمس والقمر فالجاذبية فالفضاء كذلك فالإجتماع الإنساني يعني فالعلاقات الإجتماعية وفي حركة التاريخ الإنساني في الأرض فيها سنن فيها قوانين كتحكمها الله عز وجل جعل من اعلاها من اعلاها العمل العمل الوقت - 00:10:34ضَ

لي دخل الاستعمار لبلاد المسلمين. يعني كان فواحد الحالة يعني مخيفة فعلا. فيما بينهم وبين انفسهم وفيما بينهم قبل ذلك وبين ربهم مكانوش بخير وما كان الله ليسلط عليهم العدو بتلك الصورة التي كانت لولا انهم فعلا قد فرطوا في حقوق الله وفرطوا في حقوق الناس وهادشي يعني - 00:10:54ضَ

ما زال الى عهد قريب كان كيتدكر ما تحتاجش فيه كاع كتب التاريخ يعني كاين اللي يعني عقل على شي حاجة من داكشي كاين اللي يعني يروي عن ابيه يعني غير - 00:11:14ضَ

شيء من هاد الحقائق اما الأجداد فقد كانوا في قلبي تلك الحقائق. يعني في الظروف لي دخل الإستعمار المغرب قبلها بقليل وفيها بالضبط اشياء غريبة. يعني الصلاة هادشي انا نفسي انا باقي يعني في الاربعينات من العمر ديالي الصلاة يعني في اواسط اواسط الستين - 00:11:24ضَ

وبداية السبعينات كانت شيء نادر في الناس. قليل اللي كيصلي الشي اللي حليت عليه انا عيني قليل اللي كيصلي. شي غريب جدا. الصلاة يعني واحد العمل مسجد تلقى فيه تلاتة ربعة د الناس شي غريب المسلمون لا يصلون بل افظع من هذا يحكي عدد من العلماء من بينهم المختار السوسي الله يرحمو عالم - 00:11:44ضَ

والوزير الأسبق هو يعني المؤلف والعالم الى اخره وغيره غيره ماشي غير هو سمعت ايضا من من بعض العلماء هنا في مكناس اتاو فاس يعني في الوقت ديال الطلب طلب العلم بفاس انه في القرويين وفي غير القرويين من المعاهد الدينية طلبة العلوم الشرعية لي مفروض غادي يوليو هما العلماء هما غيوليو العلماء - 00:12:04ضَ

كيجلسو يقراو العلوم الشرعية هادشي في اللحظة ديال يعني قبل دخول الإستعمار ومع الإستعمار في اللحظة د الإستعمار وقبل دخول الإستعمار كيقراو الدين كيقراو الإسلام يعني الشرعية في المسجد قلب الجامع ملي كيأدن كيخرجو كيصليوش اعني اذا كان هداك لي غادي يداوي البلاد مريض ماذا تريد لهذه الامة - 00:12:24ضَ

ان تكون ادن هادي هادي شهادات تاريخية مكتوبة بوثائق الان كتعرف يعني الامة كيفاش كانت هالك خربة خربة الزكاة خلاص حديت ولا حرج يعني الآن والحمد لله تحدث يقظة لا شك في ذلك الخراب في البلاد كبير على المستوى الخلقي والديني - 00:12:44ضَ

اليقظة موجودة والحمد لله الإقبال على المساجد يتزايد والإحساس والوعي بحق الله جل وعلا في الزكاة يتزايد ولله الحمد شيء كبير جدا جاني واحد حيسوب كنترجمو هكدا يعني واحد واحد الحيسوب جا عندي بارك الله فيه عجبني بزاف - 00:13:04ضَ

يا ودي هادي مدة يعني قريب يعني مدة على كل حال بضعة اشهر وهذا مؤشر انا بالنسبة ليا مهم جدا ونقلة نوعية في وسط في وسط المسلمين في وسط المغاربة مهم جدا - 00:13:24ضَ

جا طلب مني واحد جلسة عمل باش نقاد معاه واحد العدد ديال الزكوات ديال واحد العدد د المؤسسات والشركات لأول مرة كيطلبو منو باعتبارو هو الحيسوبية ديالهم يخرج لهم الزكا ماعرفتش عندو الحق مايعرفش مع الأسف زعما خصو يعرف ولكن عندو الحق مايعرفش لأنه التكوين الإقتصادي ديال المؤسسات او ديال الكلية - 00:13:34ضَ

الاقتصاد اللي كتقري مكتخرجش هادشي فمعندوش تكوين فهادشي هدا فشيء طبيعي انو ميعرفش مكنلوموهش انه ميعرفش ولكن انا بالنسبة ليا شيء عجيب جدا انه هاد السؤال كيتطرح بمعنى ان واحد العدد ديال الشركات عدد ديال المؤسسات مكانوش كيخرجو الزكا ويبداو يخرجو الزكا. فإذا هادي حالة صحية ويقظية - 00:13:54ضَ

روحية. معنى ذلك اذا اننا اذا اصلحنا امرين العلاقات التعبدية والعلاقات الاقتصادية اذا تصلحت في البلاد بإذن الله يقوى النسيج الإجتماعي ديال الأمة وتنزل البركة والرحمة والمنعة من الله عز وجل يعني الله تعالى كيحمل - 00:14:14ضَ

ويحمي الأمة ويقوي النسيج الإجتماعي بواحد الشكل لا مثيل له. جوج ديال الأمور تصلح العلاقة ديال الناس مع الله عز وجل. وتصلح العلاقات ديالهم بيناتهم. واساس العلاقات بيناتهم تصلح العلاقات المالية بين الناس. من اسوأ ما خرب بين الناس لا العلاقات المالية. يعني ديك العلاقات لي كتربط الناس ما يتعلق - 00:14:34ضَ

بالمال الأكريا والإيجارات والمهن وكل الأنواع ديال العلاقات المالية والبيوع العقود بصفة عامة كل انواع عقود مع الأسف الفساد غالب عليها الناس فقدوا الثقة في العلاقات المالية بين يعني حد ما بقا يسلف حد حد ما باقي يكري لشي حد في البيع ديما حاضي راسك باش ياكلوك يعني واحد الحالة مثيرة جدا - 00:14:54ضَ

صحاب المهن مشكل يعني اصحاب الاختصاصات مشكل يعني هادشي غريب جدا انا بالنسبة ليا مباقيش شي قطاع اللي كنعرفو مدخلوش المرض ديال العلاقات المالية الفاسدة مع الأسف حتى قطاع التعليم لي كان الى عهد القريب نقي دخلو الفساد فإذا مشكل كبير يعني كان واحد الوقت كان الطبيب شخص عندو - 00:15:18ضَ

واحد الهالة في المجتمع لي قالها الطبيب يعني كأن كأن اقول كأن لها تابع القداسة لأن العوام مع الأسف ولاو كيشكو في الطبيب لأنه حالات حالات امتحانات ديال الفساد وقعت مالية ودابا كنعطي المهن اللي كانت يعني الى عهد قريب نقية اما الفساد فالمهن الأخرى بكري دخل ماشي زعما جبدت هادوا انا باش نحقر - 00:15:38ضَ

انا خدام فالتعليم ولكن كنبين بأنه زعما هادو كانوا موقرين الى عهد قريب كان الأستاذ او المعلم باقي موقر والطبيب موقر الآن ما بقاش موقر قال كلو يستهز ويسخر منه ولا ثقة فيه اما يعني الصباغين والحدادين من بكري يدخلهم للفساد هادو فالمشكل اذن انه العلاقات المالية فسادا - 00:15:58ضَ

لما كتخسر العلاقات الاجتماعية تعرفو اش كيوقع كيتمزق النسيج الاجتماعي يعني داكشي لي كيتسمى المجتمع كيبقى غير شكل غي صورة كينهار فاذن المجتمع الى ما قويش في البنية ديالو في العلاقات تشد فيا ونشد فيك. هداك التضامن الاجتماعي والتعامل تعطيني ونعطيك وتخدمني ونخدم لك. بواحد الشكل متين كيكون مجتمع ضعيف - 00:16:18ضَ

بحال هاد المجتمع يبيع باه بدرهم ولذلك يعني المجتمعات العربية الاسلامية الان يعني مهلوكة يعني هادوك الفلسطينيين اللي كيموتو شكون كيبيعهم انا تساءل مع راسك واحد ركب فسيارتو وفجروه باعو فلسطيني خوه هو لي باعو ماشي بعيد هوما راهم طالعين من السما بأن هداك لي راكب تما هو فلان مستحيل كيبيعوه لصحاب الأرض وفي كل - 00:16:38ضَ

مع الأسف علاش النسيج الإجتماعي مزق بين بين البلاد والعباد فلما كتبدا الزكاة تخدم الله سبحانه وتعالى يجعل فيها بركة عبودية كترفع الثقة فواحد الشكل عالي من المسلمين يخرج الطبيب الزكاة ديالو يخرج التاجر للزكاة ديالو يخرج الصيدلي الزكاة ديالو يخرج المهندس الزكاة ديالو - 00:16:58ضَ

ويخرج الأستاذ الزكاة ديالو كل من له كنز من المال يعني الما المخبع رصيد هذا المقصود بالكنز رصيد مالي داز عليه العام كتخرج فيه الزكاة اذا وصل النصاب هاديك الزكاة اضافة للأثار الإقتصادية لي راه كتخلي آثار اقتصادية جيدة في المجتمع راه اهم من ذلك كتخلي آثار نفسية - 00:17:18ضَ

يعني الفقير كيحس بأنه عندو خوتو فعلا لأنه ملي كتعطيه المال يعني هو لا تراعي في ذلك الا وجه الله الا الدار الآخرة راه كيحس بواحد الراحة انك تصلح حاله ودينه من حيث لا تشعر لا انت ولا هو الله عمرو ما يكون قطيع شفار كيقطع الطريق ويكريسي عباد الله ملي تعطيه الزكا اليوم - 00:17:38ضَ

وغدا ومرة اخرى ومرة اخرى راك كداوية راه الزاكا دوا نفسي وروحي واجتماعي قبل ان تكون اعانة اقتصادية وهاديك شحال من واحد عينو كيشوف بأن الزكا فقط يعني راه كتحل مشكل اقتصادي لا ماشي غير مشكل اقتصادي نعم كتحل مشكل اقتصادي ولكن المشكل الاقتصادي عمرو مايتحل الى مات - 00:17:58ضَ

على المستوى النفسي والاجتماعي هانتا سير هز الفلوس وبدا تعطي للفقراء عمرهم ميخدمو اصبح وعشية مدين يديهم مغاديشاي يقولو شبعنا وميخدموش تما تجي تخدم يقولك لا منخدمش اكيد لما كتبدا تخدم الزكا الزكا لها بركة خاصة يمكن فعلا الزكاة طور بأشكال عصرية من حيث التوزيع ديالها وتحولي الى مشاريع - 00:18:18ضَ

وتخدم الناس الفقراء فيه نيت كيولي مشروع ديالو وخدام فيه لو انه مع الأسف كاين مؤسسات لي دير هادشي هدا والمفروض المفروض المفروض الدولة دير هادشي من قبل يعني بيت المال - 00:18:38ضَ

ديال الدولة الرافض ديالو المالي رقم واحد هو الزكا فكان كيتحل المشاكل ديال المجتمع وديال الامة الحضارة ديال المسلمين بناء على هادي الفريضة لي هي ماشي ربي غير هاكاك دارها ركن وتكلمنا على قيمة الأركان شنو هوما؟ ركن ماشي غي فرض كاين الفرض وكاين الركن الركن اعلى من الفرض بكثير - 00:18:48ضَ

والزكاة اكثر اثارا من كثير من الواجبات في المجتمع اذا اصلح الاقتصاد وبدات الزكاة كتخدم متحتاجش تحارب الربا علاش ما تحتاجش تحاربو ؟ لأن الزكى بإذن الله كتقتل الربا. هي الدوا ديالو. تقتلو ؟ لأنها منافس طبيعي فطري. منافس - 00:19:08ضَ

طبيعي فطري. اذا كان الشر موجود في البلاد دير نتا الخير. اذا كان الظلام مسيطر شعل شمعة. فذلك النور بصورة تلقائية ولو كان قليلا يملأ جنبات المكان نورا وضياء. تزكي انت ويزكي لاخر ويزكي لاخر شيئا فشيئا. يتراجع الناس عن - 00:19:28ضَ

وكاين تراجع فعلا والحمد لله وهادشي نفرحو بيه كاين تراجع للمعاملات الربوية الى عهد قريب كان الربا يعني طام مكاينش لي كيفكر بأنه او كذا الآن كاين تراجع فيه. رغم انه كاين محاولات كثيرة جدا لتعميمه. تطبيع المجتمع على الربا ولكني ارى ان هاد المحاولات كلها فاشلة - 00:19:48ضَ

يائسة بائسة ولن تنجح بإذن الله عز وجل متنجحش لأن المستقبل ديال الأمة غادي للخير رغم الظلمات ورغم المحن ورغم الإحن راه الخير هو اللي جاي باذن الله عز وجل حنا مبشرات واقعية موجودة. وارقام مادية حسية موجودة. فاذا اقبل الناس على الله واخلصوا قلوبهم تعبدا - 00:20:08ضَ

الصلاة الصلاة هي التعبيرة رقم واحد لي كيعبر على العبادة الخالصة لله. الرمز الأول لتصحيح الصلة بالله فاذن كاين عندنا علاقة افقية وعلاقة عمودية علاقة عمودية اي عالية نعني علاقة عمودية بين العباد وربهم هي الصلاة - 00:20:28ضَ

وعلاقة افقية بين الناس فيما بينهم. هي يعني العلاقات المالية هي الزكاة. وما ترمز اليه. لان الزكاة يربيها الله يعني كتولي عالية كتنمو يمحق الله الربا ويربي الصدقات المقصود بالصدقة د الزكاوات فإذا صلح في المسلمين - 00:20:48ضَ

صلاتهم وزكاتهم صلح بعد ذلك باللزوم بشكل تلقائي كل شيء بإذن الله جل وعلا فإذا الله عز وجل قالينا الضعف ديالكم الضعف ديالكم قال لكم اصلحوا ها الأدوات ديال الخدمة قالت فيكم اليهود هذه نيتهم مقاصدهم قالت فيكم النصارى والدكاتير من اهل الكتاب لو يردونكم - 00:21:08ضَ

من بعد ايمانكم كفارا حسدا من عند انفسهم اذن هادي المقاصد ديالهم هادي النية ديالهم وهم يزعمون بعد ذلك انكم لن تدخلوا الجنة نتوما فزعموم هذا ونيتهم تلك حسدا هادي النية الله تعالى را كيفضح النية ديالهم حسدا هدا مفعول لاجله كيعطي النية حسدا - 00:21:28ضَ

من عند انفسهم من بعد ما تبين لهم الحق عندكم حق عندكم كنز ولكن نحن ضيعنا هذا الكنز ضيعناه فالوجود او حضور الدين في المجتمع باقي قليل. باقي ماشي في المستوى لي اهل الأمة للتحول الجيد والخير. لكنه يتنامى ويتكاثر ولكن الفساد غالب - 00:21:48ضَ

كثير لكن الخير بادي وغالي في الاتجاه لانه كان في واحد المرحلة اسوأ مما نحن فيه واقيموا الصلاة واتوا الزكاة وما تقدموا وراه ربي ما كيضيع حد وما تقدموا لأنفسكم من خير تجدوه تجدوه عند الله وهادي لها دلالتان كبيرتان فردية وجماعية بمعنى - 00:22:08ضَ

ان هاد الآية ماشي غير على الأمة وعلى المجتمع كلو حتى الفرض انت لقيت حياتك مخسرة حتى حاجة مابغات تقاد لك يعني الحالة اللي الإنسان دار يدو فشي بيعة ويشريها - 00:22:28ضَ

تزوج ما كينجحشاي تا حاجة ما كتقادلو اصلح امرين من حياتك علاقتك مع ربك والراس ديالها الصلوات رأس العلاقة بين العبد وربه الصلاة. كما قال رسول الله عليه الصلاة والسلام في الحديث الصحيح الثابت المسند - 00:22:38ضَ

اليه واعلموا ان خير اعمالكم الصلاة ولا يحافظ على الوضوء الا مؤمن. هذه تتمة الحديث. واعلموا ان خير اعمالكم الصلاة اطلاق. بدون تقييد وتعميم بغير تخصيص. فاذا اصلح عبدو صلاته اصلاحا يعني مهتم بها بحال شي عندو اله بحال عندو شي سيارة خاسرة وخدام يصحح فيها وفين كاين العطب دالهم ليها - 00:22:57ضَ

ربي كيبين لو العيوب ديالو يكشف له اسرار مشكلته ويعينه على اصلاح ما فسد من عبادته يا اما في الاوقات يا اما في الشروط الدينية اما يا اما ربي كيبدا يعاونك حتى تصلح. فإذا بصلاتك صلاة وإذا بك تتصل بالله مباشرة. وان احدكم اذا صلى يناجي ربه كما في الصحيح - 00:23:22ضَ

صلح هادي واصلح العلاقات ديالك المالية اذا واجب عليك زكا خرج الزكاة طيب واحد ما واجباشاي عليه الزكاة ما عندو زكا اش يصلح في المال؟ كاين ما يصلح في المال اتقين - 00:23:42ضَ

عملك انا صاحب مهنة مهنة اختصاصية او خبرة او مهنة حرفية اتقن لما كتقن راك كتصلح العلاقة وزارة المالية ديالك. عندي مهنة نجار حداد صباغ او استاذ او مهندس او طبيب. فحينما ادخل في العمل عرفتي اش راك كدير؟ انت الآن تشتغل في حق من حقوق - 00:23:52ضَ

حقوق الغير يعني اذا كدير واحد الخدمة لواحد غادي تخلص عليها راه داك الوقت لي راك خدام راه ماشي ديالك راك بعتو بعتو لأن الإجارة الإجارة راه كتعطي واحد الخبرة في وقت معين لغيرك مقابل مال مقابل مال كنصبر ايوا نتقن - 00:24:12ضَ

كندير الباب او نجار او مكتب نتقن هداك العمل ديالي لأنه هاديك اللحظة لي كنشتاغل فيها فأنا اؤدي حق الغير الذي اشتريته بالمال غادي نتخلص عليه. الآن راه كتصلح العلاقات المالية ديالك. واحد الوهم كيوقع للناس والحرفيين بشكل - 00:24:32ضَ

خاص اللي كيغش مع الأسف الظاهرة كثرت من بين الوساوس الشيطانية اللي تخلي الإنسان يغش انه كيتوهم انه يعني كيبدا يجيه جوج د الاحتمالات اما ان اتقن العمل اما ان اغش في العمل. طيب كيقول وانا اتقنت هاد العمل شكون لي ساق لي الخبر بأنه تقنتو؟ ابليس تيقولك شكون لي ساق لك الخبار؟ لأنه واحد كيقول - 00:24:52ضَ

تقن العمل باش يولي كلشي يجي عندك شكون لي ساق لي الخبار انا بأنه تقنتو بأنه هاد العمل متقون؟ خاصة وان الظاهر ديالو بحال لي متقون بحال لي مغشوش في الظاهر ماكيبانش - 00:25:12ضَ

والناس كلهم كيغشو وكيربحو بالغش وانا غادي نتقن بوحدي فوسط الناس كي ندير نربح؟ هذا وسواس وسواس سببه الجهل بالله دابا نتا واش كيسحاب لك ملي كتقن الخدمة زعما راك كتوريها زعما لي راه لي غادي يجازيك هو هداك لي راك خدمتلو - 00:25:22ضَ

راه غلط اذا عتقنت العمل فإن المطلع عليك ورب العمل رب العالمين الله عز وجل فهو سبحانه راه مطلعش لأن قضية الإتقان علاقة بينك وبين الله. لأن هاديك فيها حق من حقوق الناس. كتأديه. هداك لي خدمتلو. ساق الخبار - 00:25:42ضَ

ناقص الخبار ما كيهمش اللي مهم هو يسيق لك ربي الخبار. سبحانه وهو بكل شيء خبير وعليم. لما كيسيقلك الخبار بأنك اتقنت كيجازيك فالدنيا وفالآخرة يجازيك فالدنيا يجيب لك الآلاف ديال الكليان لأن الأمور ديال المهن والأعمال قلوب وأذواق - 00:26:02ضَ

واحد كيمشيو يتعرمو الناس على واحد كيبيع الديشي. امور نفسية امور نفسية. فالله عز وجل يسوق القلوب اليك. الرزق يجيبو لك. يجيبو لك اضعاف مضاعفة انك اتقنتها ولو لم يعلم اتقانك الا ربك. ما ترفدش الهم رفد الهم من شغلك ما ترفدش الهم لشغل الله. يعني الكليان يجيو ما يجيوش هداك ماشي شغلك - 00:26:22ضَ

اشكر رب العالمين. شغلك انت الإتقان. فإذا احسنت واتقنت فاعلم. علم اليقين. بأن الله عز وجل لن يخسرك. ولن يفقرك سبحانه وتعالى وخود هاد القاعدة فجميع المهن وجميع الاختصاصات كيما بغات تكون ولو كانت ادارية سياسية كيما بغات تكون من اتقن جاز - 00:26:42ضَ

الله جل وعلا برزق وفير. وجزاه بحسنات في الآخرة وذلك فضل وما عند الله خير سبحانه وتعالى مع الأسف فعلا يعني بنادم كيسحابلو بأنه مكتكون عندو مسؤولية مالية حتى يكون غني لا الفقير ايضا عليه مسؤولية مالية اقل مسؤولية - 00:27:02ضَ

المالية اقلها اللي ما كايناش اللي ما كتنطبقش عليه سوء تدبير المال انا راس مالي درهم وهداك الدرهم غنتحاسب عليه كيف صرفتوه تشكيلات فعلا الطائفات واحد العدد كبير ديال الفقراء يعني من السفهاء في التدبير المالي ماشي غير الأغنياء واقعة هادي يعني الناس اللي كيتعاشر مع هاد الطائفة من الناس كيلقى واحد المشاكل - 00:27:20ضَ

كبيرة وهادي وقعات ليا وقعات لغيري يعني واحد واحد المرة مازلت اذكرها جا يتسلف واحد المقدار ديال المال من واحد السيد سلفو وكيعرف يعني العائلة ديالو يشوف غير هكا يشوف زعما داك المال فين مشى لقاه شنو داير. هو معندوش باش يعشي ولادو. معندوش باش يعشي ولادو. اوما سلفو لاخر الا لأنه عارف بأنه مسكين الله يحسن - 00:27:40ضَ

راه محتاج وفنيتو مياخدش منو هادوك الفلوس فنيتو راه تصدق عليه غي مبغاش يخبرو ملي مشى شنو لقاه دار عندو تلفازة بيض كحل شرا وحدة كولور هذا السفه وما عندهم باش يتعشاو. مشكلة. فهذا راه داخل في المحاسبة المالية. سوء التدبير المالي. ما كاينش ما كاينش في الأرض - 00:28:00ضَ

اللي ما عندوش مسؤولية مالية. انما حقيقة الغني كتكبر المسؤولية ديالو. كتضاعف لأنه كتعلق به ماشي غير حقوق ديال الأطفال ديالو والأبناء ديالو. حقوق المسلمين لأن عندو زكاوات وعندو صدقات ايضا عامة فإذا صلح هذان الأمران في المؤمن صلحت حياته جميعا والله يا اخي الكريم - 00:28:19ضَ

كترفع الغمة او تكشف الكربة او ترتب الحياة ديالك كترتب كتنضم بوحدها بشكل تلقائي لأنك نتا شديت السوارت ديال الإدارة ديال الحياة ديالك ديال ربعة وعشرين عشرين ساعة على ربعة وعشرين ساعة نظمت العلاقة الروحية مع الله وفي ذلك اسرار ونظمت العلاقة المالية ديالك لأن العلاقة المالية لا تكون الا بينك وبين الآخرين اما - 00:28:39ضَ

بينك وبين الزوجة ديالك والأطفال ديالك او بينك او بين المجتمع. ولا شك من ذلك شيء يكون ولو كنت مستخدما واجيرا. راه عندك علاقة مالية. اللهم ارنا الحق حقا وارزقنا اتباعه وارنا - 00:28:59ضَ

الباطل باطل وارزقنا اجتنابه واجعلنا لك من الشاكرين واخر دعوانا ان الحمد لله رب العالمين. ودوما يتجدد اللقاء بمشيئة الله - 00:29:09ضَ