ان الحمد لله نحمده ونستعين به ونستهديه ونستغفره ونعوذ بالله من شرور انفسنا سئنا ومن سيئات اعمالنا. انه من يهده الله فلا مضل له. ومن يضلل فلن تجد له هاديا مرشدا - 00:00:01

يا ايها الذين امنوا اتقوا الله حق تقاته. ولا تموتن الا وانتم مسلمون. يا ايها الناس اتقوا اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء - 00:00:21

واتقوا الله الذي تساءلون به والارحام. ان الله كان عليكم رقيبا يا ايها الذين امنوا اتقوا الله. يا ايها الذين امنوا اتقوا الله. اتقوا الله وقولوا قولا سديدا يصلح لكم اعمالكم ويغفر لكم ذنوبكم. ومن يطع الله ورسوله فقد فاز - 00:00:41

فوزا عظيما. اللهم صل على الحبيب محمد وعلى ازواجه امهات المؤمنين. وعلى ذريته وال بيته انك حميد مجيد. اما بعد اخواني واحبابي في الله القرآن بيوفر لك عمرك. لان الانسان اللي بيعيش في الدنيا من غير خبرات رهيبة. انسان بيضيع عمره - 00:01:11

وبيدفع عمره تمن انه يفهم تقعد مع واحد عنده تمانين سنة يقول لك يا ابني تعال اما اقول لك الخبرات اللي انت لو ما قلتهاش في حياتك هتضيع عمرك كله. وكل واحد مش عايز يسمع خبرات اللي قبله. الحل الوحيد عشان ما تدفعش عمرك تمن - 00:01:31

انك انت تفهم لانك هتفهم منين. لازم خبرات. والخبرات هتجيبها منين؟ لازم تجارب. لازم تجرب. لازم تخسر عشان بعد كده تتعلم ازاي تكسب. لازم تخسر ناس قريبة منك اوي. لازم تخسر ناس كانت سانداك في حياتك. لازم تخسر. ممكن تخسر - 00:01:51

عشان تاخد خبرات في الحياة. زوجة حبيبة لقلبك. ممكن تخسر ولادك. لانك انت سافرت عقد عمل تلاتين سنة. وقاعد تحول فلوس تحول فلوس مش واخد بالك ان انت في النهاية بقيت بالنسبة لهم كارت ايه تي ام خلاص تعال يا عم الحاج كل سنتين هات لنا الهدايا وارجع تاني - 00:02:11

ما تصدقش نفسك بقى انك انت بقيت اب بقى واعمل يا ابني وانت نازل الوقت ليه يا ابني وانت لابسة دلع ليه يا بنتي لأ خلاص ارجع تاني يا عم الحاج. وابعت لنا الفلوس انت ممكن - 00:02:31

تخسر كتير عشان تتعلم لان الانسان ما بيتعلمش غير من التجارب والتجارب تمنها غالي. اصعب مربي في الحياة هو الايام والليالي. اقسى اشد المربين قسوة في الحياة هو الايام والليالي. بتربي ولكن - 00:02:41

دفعك تمن غالي اوي عشان تفهم. طب الحل ايه؟ الحل ايه؟ الحل انك انت تفهم من كتاب الله خبرة الحياة. القرآن بيوفقك عمرك القرآن بيجيب لك من الاخر. القرآن بيديك خبرات ما انتاش محتاج انك تدفع عمرك تمن انك تفهمها. وده الفرق بينا وبين الصحابة - 00:03:01

اصحاب النبي عليه الصلاة والسلام ما كانوش محتاجين يجربوا ربنا عشان يصدقوا. انما احنا لازم نجرب لازم نعصي في حياتنا تبقى ضنك وتبقى شقى. فانا اعرف ان ربنا عزيز. وانه مش هيسيبك تعصيه. من غير ما تنزل عقوبة. لازم احنا احنا لازم - 00:03:21

نتعرض لابتلاء. وبعد كده ربنا يفرجها. فنعرف ان ربنا كريم ومش هيتخلى عننا. ابدا. انما الصحابة مش كده. الصحابة كانوا بياخدوا كلمة من النبي عليه الصلاة والسلام مصدقينها. النبي عليه الصلاة والسلام عن ابي نجيد عمران بن حصين. قال النبي صلى الله عليه وسلم يكون في هذه الامة مسخ - 00:03:41

يكون في هذه الامة خسف ومسخ وقذف قذف يعني زلازل وانهيارات ارضية وخسوفات ارضية مسخ مسخ بشري ان جمال البشر ده ربنا يمسخه القبح. جمال الاجساد جمال النفوس جمال القلوب. الناس تتمسخ من جوة - 00:04:01

قلوبها ونفسيتها تبقى ممسوخة. يبقى من برة بني ادم زيه زيك وهو مسخ من جواه. بقى لا عنده مبادئ ولا عنده دين ولا عنده حاجة ترده عن الحرام والعياذ بالله. وقذف القذف بييجي من السما بقى. القزف بييجي من فوق. فواحد من المسلمين بيقول له يا رسول - 00:04:21

ومتى ذاك؟ هو مش بيقول له يا رسول الله يعني ايه خسف ومسخ وقذف وانهيارات ارضية وزلازل وقصف من السما. رسول الله هو الكلام ده ممكن يحصل بجد لأ هم مصدقين. هم مش محتاجين يشوفوا المصايب. اللي احنا شفناها في هزا الزمان. لما انتشرت المعاصي وانتشر التبرج وانتشر - 00:04:41

وبعد الناس عن الله. وانتشر اكل الورس وانتشر اكل الحرام. وانتشرت الرشوة وانتشر المال الحرام. وانتشر المواقع الفاسدة وانتشر العلاقات المحرمة والخيانات الزوجية. وانتشر القسوة والزلم بين البشر. والتجبر من القوي على الضعيف. هم مش - 00:05:01

محتاجين يشوفوا الضنك اللي احنا عايشين فيه الوقتي بسبب المعاصي عشان يصدقوا. النبي قال لما هتعصوا ربنا لما هتبعدوا عن ربنا استنوا بقى الخسف والمسخ والقزف. فقال وما تأذاك يا رسول الله؟ قال اذا ظهرت القينات المغنيات يعني والمعازف - 00:05:21

وشربت الخمور. يعني الكريسماس يعني ما علينا مش دي قضيتنا. قضيتنا الوقتي انك انت المصدر الوحيد او المصدر الاعظم لخبرات الحياة. وانك انت تعرف ازاي تعيش صح. وانك تعرف ما تضيعش عمرك - 00:05:41

وما تدفعش عمرك تمن انك تفهم الصح من الغلط. وانك انت تفهم الطريق الصح اللي انت تمشي فيه. انك ترتبط بالقرآن. بس ترتبط القرآن ارتباط سليم. ارتباط واحد فعلا بيتعب عشان يفهم. كتاب ربنا. تعالوا اما ناخد ايتين كده مع بعض. نحاول ناخد منهم خبرة من الخبرات. الايتين دول في - 00:05:57

سورة البقرة وربنا بيتكلم عن بني اسرائيل. ربنا في اول جزء من القرآن علمنا الاول الحياة. قبل ما يكلفنا التكاليف بتاعة التسعة وعشرين عشرين جزء الباقيين من القرآن ربنا الاول اهلنا ان احنا نعرف نعيش. بنى لنا عقلنا وشخصياتنا وتفكيرنا السليم في الجزء الاول من القرآن - 00:06:17

الله سبحانه وتعالى يقول واذ قلنا ادخلوا هذه القرية فكلوا منها حيث شئتم رغدا واذ دا فاكرين لما كان قدامكم فرصة مش ممكن حد يقاوم نفسه قدامها. فاكرين لما كان قدامكم فرصة خطوة واحدة بس. خطوة - 00:06:37

وكنتم هتاخدوا حلم عمركم كله اللي هو حيث شئتم رغدا. خطوة واحدة وكنتم هتبقوا ملوك الارض. فاكرين ياما ضيعتم فرص اكبر مشكلة انك انت ربنا يفتح لك الباب بايديه. وانت ما انتش فاهم قيمة الفرصة اللي في الحياة. الفارق ما بين الانسان القناص اللي ما بيضيعش - 00:06:57

فرصة ربنا بيفتحها له في الدين والدنيا وما بين على شرط انها تكون فرصة بجد. وما بين الانسان اللي مستني ان الكورة تيجي عند رجليه عشان يشوطها فرق كبير اوي في الحياة. فرق المقام في النجاح والسعادة ما بين الاتنين كبير اوي. مش مشكلة انك انت تضيع فرصة من الفرص اللي ربنا - 00:07:17

حالك المصيبة انك تفضل طول عمرك كده. انك ما تفضل طول عمرك ما انتاش عارف ان الحياة فرص. وما انتش قناص للفرص اللي ربنا بيفتحها لك فربنا بيقول لهم كده اللي انا باعرضه عليه دلوقتي بكرة هتندم عليه. الفرصة اللي قدامك الوقتي بكرة هتندم عليها - 00:07:37

المتاح الوقت مش هيبقى متاح بكرة. المفتوح دلوقتي هيتقفل بكرة. الحق الفرصة اللي ربنا فتحها لك. ما دام انت عارف انها فرصة واذ قلنا ادخلوا قلنا دي انا اللي قلت لك. ما تخافش بقى. ما تقوليش فيها قوم جبارين. ما تقوليش انا داخل اهلك. هو ربنا هو ربنا - 00:07:57

ليه ؟ هو ربنا بيني وبينك حاجة؟ هو ربنا زعلان منك في حاجة؟ هو ربنا ربنا مش هيضيعك. ربنا مش هيبيعك. ربنا مش هيتخلى عنك. ربنا ربنا مش هيسيبك ما دام ربنا اللي وجهك في الطريق هيفضل معك طول الطريق. ما تخافش من توجيهات ربنا. اكبر مصيبة في حياة الانسان هي سوء الظن في الله - 00:08:17

وهي دي اللي ابليس خرج ادم من الجنة بها. ما نهاكما ربكما عن هذه الشجرة؟ هو انت فاكر ان ربنا قال لك ان الربا حرام ده عشان الربا ده هييجي يوفر لك دخل سابت. ده هيخسف بك دنيتك واخرتك. هيولع عليك امرك. هو فاهم انه - 00:08:37

هو بيدخل لك من سوء الزن في الله. بيدخل لك من انه بيتهم الله في صدرك. ان توجيهات ربنا لك مش في مصلحتك. ربنا مش منزل التكاليف دي كلها في مصلحتك امال في مصلحة مين ؟ هو ربنا يريد مني حاجة؟ واذ قلنا ادخلوا هذه القرية. هذه القرية اللي هي - 00:08:57

الارض المقدسة خلاص بني اسرائيل خرجوا ستميت الف واحد ورا سيدنا موسى هربانين من فرعون خرجوا من محافزة الشرقية كده من ناحية محافزة الشرقية راحوا لحد خليج السويس ربنا شق لهم البحر الاحمر. فرعون غرق هو وجنوده عدى بني اسرائيل. بني اسرائيل خارجين - 00:09:17

ومنطلقين ويا رب نجينا. يا رب خد بايدينا. يا رب احنا احنا يا رب خلاص سمعنا اوامرك. احنا ماشيين ورا نبيك احنا يا رب مش هنستسلم للعبودية تحت فرعون. احنا يا رب مش هنعيش في القهر اللي احنا فيه. اولادنا بيتقتلوا وزوجاتنا بيغتصبوا وبيغتصبوا - 00:09:37

طب حياؤهم واحنا بنستعبد. احنا يا رب مش هنرضى بالحياة دي. خلاص احنا وقفوا وقفوا قدام البحر الاحمر شق البحر الاحمر عبده البحر الاحمر وفوجئوا ان الكرامة طلع لها تمن. وفجأة لاول مرة ان الفول والعدس اللي كانوا بياكلوه - 00:09:57

في مصر ببلاش وهم عايشين حياة الخدم والعبيد. زوجاتهم تغتصب وولادهم يتقتلوا. فوجئوا ان الكلام ده طلع له تمن. فوجئ في الحياة ما بتجيبش ما بتجيبش شواطئ الحظ ما انتاش مستني امواج الصدفة تلقيك على شواطئ الحظ. النجاح له - 00:10:17

والسعادة لها تمن. واللي مش مستعد يدفع تمن الكرامة هيعيش طول عمره تحت الرجلين. واللي مش مستعد يدفع تمن النجاح وضريبة النجاح هيعيش طول عمره فاشل. هيعيش طول عمره في عار قدام الناس كلها. وبيوهم نفسه ان هو مش عايش في عار. واللي مش مستعد يدفع تمن الساعات - 00:10:37

هيعيش طول عمره تعيس. فوجئوا ان ستميت الف واحد واقفين في سينا. نروح فين؟ طب نعمل ايه؟ طب ناكل منين؟ ده احنا في صحراء طب الشمس اللي ضاربة في دماغنا من الفجر للمغرب دي؟ نعمل فيها ايه؟ طب نشرب بق مية منين؟ طب آآ طب هنعمل ايه؟ طب هنعيش ازاي - 00:10:57

طب آآ الخطوة اللي بعد كده ايه ؟ فجأة ان اصبح بعد ما كانوا عايشين حياة العبودية اصبحوا مكلفين ان هم يدفعوا تمن النجاح والسعادة في حياتهم عشان يتحولوا لامة بقى. لا لا لا لا لا تعال بقى يا موسى ابن عمران. تعال هنا. ما على هزا تبعناك - 00:11:17

انت جبتنا هنا تقتلنا من الشمس ظللنا عليهم الغمام. انت جبتني هنا تموتنا من الجوع. انزلنا عليهم المن انت جبتنا هنا عشان تقتلنا من العطش. اضرب بعصاك الحجر. وانت انت جبتنا هنا يا موسى يروح ياخد التوراة - 00:11:37

اه يرجع يلاقيهم قاعدين يعبدوا العجل امة عنيدة. امة صعبة. سيدنا موسى عليه الصلاة والسلام. يفضل صابر عليهم سنة ونص. يفضل حمل البلاء ويعالج بني اسرائيل في المرحلة الانتقالية. ما بين شق البحر لحد ما وقفوا قدام القدس. لحد - 00:11:57

ما وصلوا للمكان اللي لو رضوا يدخلوه هيصبحوا ملوك الارض. هيبقى لكم دولة بقى خلاص. هتبقوا بشوات بقى. هتعيشوا زي ما ربنا قال حيث شئتم رغدا. خلاص الرغد ده يعني دلوقتي اي بيت مصري بيقبض الراجل المرتب مراته بتشتغل او ما بتشتغلش على مرتب - 00:12:17

مراته مصادر الدخل بتاعته كلها ويقعد يحسبها. طب ادي فلوس المدارس بتاعة العيال. طب ادي فلوس الدروس. طيب ادي الفواتير الشهرية. طيب ادي طب وبعدين؟ طب والاكل والشرب يا عم مش مهم ناكل ولا نشرب! يا عم شف بس الالتزامات اللي ورانا. طب القسط الشهري اللي علي - 00:12:37

طب القصة اللي علي. الرغد عكس كده. الرغد انك ما عدتش محتاج حسابات. انك ما عدتش محتاج تحسبها. ما عدتش محتاج تعد اللي في كام ؟ انت بتصرف في اي حاجة وفي اي وقت وبتشتري اللي نفسك فيه. واللي معك اضعاف احتياجاتك. هو ده الرغد - 00:12:57

رغب انك وصلت لدرجة من الرفاهية لم تعد معها تحتاج الى حسابات ولا ميزانية بيت بقى ولا مصروف بيت وتقعد تتشاكل مع مراتك مصروف البيت كام ؟ طب زوديه. طب نقصيه وتتشاكله وتخرج غضبان وترجع تتصالحه تاني. خلاص كل الهم ده راح - 00:13:17

نفسهم في ده ، نفسكم في ده ؟ عايزين المستوى ده ، واذ قلنا ادخلوا هذه القرية. ادخلوا الارض المقدسة. فكلوا منها حيس شئتم رغدا. ممكن يكون بينك وبين تغيير كبير اوي في حياتك خطوة واحدة. انت اللي مش راضي تاخدها. ده ربنا بيقول لهم خطوة - 00:13:37

فواحدة خطوة هتدخلوا تحاربوا العماليق الكنعانيين في ارض بيت المقدس وانا هنصركم عليهم نصر مؤزر ما لكوش دعوة فاذا دخلتموه فانكم غالبون. ادخلوا بعدها هتبقوا بني ادمين. ما عدتوش هتبقوا مشردين على موائد العالم. قاعدين تشحتوا من كل دولة - 00:13:57

انها تمن على اليهود هيبقى لكم خلافة هيبقى لكم شريعة هيبقى لكم دولة هيبقى لكم رزق واقتصاد ومجتمع هتتنقلوا نقلة تانية في حياتكم بس ادخلوا ادفع تمن كرامتك. ادفع تمن انك تنقل نقلة من المستنقع اللي انت عايش فيه ده. ادفع التمن - 00:14:17

ربنا سبحانه وتعالى ما بيربيش تنابلة. مش ممكن لا امة اسلام ولا هي سنن الله لا يحابي فيها احد. والله لا يجامل فيها احد. انا هاساعدك ارفعك وهدي لك الرغد بس ادخل. بس ادفع تمن نقلة من نقلات حياتك. احيانا بيبقى تمن انك انت تغير - 00:14:37

زروف حياتك كلها خطوة واحدة بس انت اللي متهيب تاخدها. المشكلة فيك المشكلة مش في الواقع. المشكلة مش في الزروف. المشكلة نفس الزروف اللي انت فيها غيرك قلب الدنيا. نفس ظروف الفتن والفجور اللي في الواقع. وغيرك بقى من اولياء الله الصالحين. اشمعنى هو؟ نفس ظروف - 00:14:57

الهم دي وغيرك ربنا فتح عليه ماديا. نفس زروف الدراسة الصعبة وغيرك جاب سبع تلاف في المية. اشمعنى انت ما تعلقش فشلك على الزروف. ممكن يكون خطوة واحدة بينك وبين النجاح. وانت اللي متهيب تاخدها. فانت السبب واذ قلنا ادخلوا. هذه - 00:15:17

قرية القرية على قول بعض المفسرين مش هي القدس امال ايه؟ بلد قبلها كده قرية قبلها اسمها حبرون. بلد حلوة كده في الطريق للقدس يعني يعني انا هاديك الرغد مش لما تدخل القدس. انا هغير لك حياتك مش لما تدخل القدس. انا هغير لك حياتك. اول ما هتاخد خطوة - 00:15:37

وواحدة صح في الطريق للقدس. ربنا بيغير معاملته لك اول ما بتبدأ تصلح حياتك. ربنا بيغير معاملته لك اول ما بتبدأ تحط رجليك على الطريق الصح. واذ قلنا ادخلوا هذه القرية. حيث شئتم رغدا. هتتغير كل حاجة في حياتكم - 00:15:57

بس خدوا الخطوة دي وادخلوا الباب سجدا. خدوا بالكم ما هو برضو فيه عماليقانيين. قاعدين في فلسطين ومحتلينها. فيه كفار وعبدة اوثان قاعدين في ومحتلنها ادخل بقى عشان اعدائك يعني عندهم عظمة وعندهم قوة رهيبة عظم ربنا ما السجود ده على - 00:16:17

تعظيم الله عظم الله ربنا يكسر لك اعداءك قدامك. ادخلوا الباب سجدا يعني ايه؟ سجدة هتوفر عليك معركة معركة ممكن ما لكش طاقة بها. ولا انت هتقدر تدخل فيها بطاقتك الضعيفة دي. لانك انت الغلبان وضعيف. سجدة واحدة صح لربنا. ربنا - 00:16:37

وفر عليك بها معركة. سجدة صح قبل الفجر ربنا ممكن يوفر عليك بها معركة مع مرض لا طاقة لك به سجدة واحدة صح قبل الفجر. ربنا ممكن يوفر عليك بها معركة. فيه مشكلة بينك وبين مراتك. ممكن البيت كله يخرب فيها. سجدة واحدة - 00:16:58

صح. ربنا ممكن يوفر عليك فيها معركة في الرزق. تطلع عينين البني ادم عشان يجيب الجنيه. وفي الاخر ما فيش حاجة مكفية اجدى صح كل سجدة صح بمعركة ربنا هيوفرها عليك. وفر على نفسك مشاكل كتير ومعارك كتير - 00:17:18

طاعات كتير بانك تعرف تسجد بين ايدين ربنا صح. وتطلب منه صح الحل عند ربنا. انت ما لا تملك اي حل. الحل عند ربنا توجه لوينز اسعى وربنا يبارك لك في سعيك. وادخلوا الباب سجدا. وقولوا حطة. حطة البعض قال اي حط عنا ذنوبنا - 00:17:38

هو ايه اللي هيمنع عنك الفتح؟ هي مقفلة ليه ؟ هي متربسة بالضبة والمفتاح ليه ؟ هي كانت بمبي ايه اللي خلاها كاروهات؟ هو ايه اللي حصل؟ كلوا السبب الزنوب. انت ما انتاش متخيل احنا كل واحد مننا بقى بيعصي ربنا قد ايه. وبقى بيسكت على معاصي قد ايه من غير ما يدعو الى الله - 00:17:58

وتعالى. ما هو ده الحديس بتاع عمران ابن حصين اللي قلته لكم الوقتي آآ يكون في هذه الامة يعني عند المسلمين يعني اوعى تفتكروا ان ده كلام للكفار. غزف فسخ وقذف. فقال الصحابي ومتى ذاك يا رسول الله؟ قال اذا ظهرت القينات والمعازف. ظهر يعني مش آآ مش - 00:18:18

في مغنيات طول عمر الدنيا فيها مغنيات. طول عمر الدنيا فيها خمرة. طول عمر الدنيا فيها معازف واغاني محرمة انما ازا ظهرت زهرت بقت المعصية عيني عينك. وما حدش راضي يقول حرام. وما حدش راضي يدعو الى الله. وما حدش راضي يتكلم عن ربنا. يعني الناس كلها بقت - 00:18:38

فاسدة لأ يا حبيبي الناس ما بقتش فاسدة. بالعكس ده اكتر ده معزم الناس صالحين. ناس طيبة وبيصلوا وعارفين ربنا. ولكن ما فيش مصلحين. عشان كده السيدة عائشة قالت للنبي عليه الصلاة والسلام يا رسول الله انهلك وفينا الصالحون؟ الخسف والمسخ والقزف ده هييجي واحنا فينا - 00:18:58

الصالحين اه طالما ما فيش مصلحين. قال نعم. اذا كثر الخبث. يبقى من ابشع الجرائم انك انت تبقى عارف الحرام من الحلال وتشوف الحرام في كل مكان. وما تقولش حرام. دي جريمة عند ربنا. فهنا وقولوا حطة. يا رب حط عنا ذنوبنا يا رب. يا رب لو علينا والله - 00:19:18

نستاهل. والله ما نستاهل فتح. والله ما نستاهل اجابة دعاء. والله ما نستاهل كفاية في الرزق. والله ما نستاهل مين؟ ده احنا يا رب متلغمش ذنوب من فوقنا لتحتنا. كما في الحديث القدسي ان النبي صلى الله عليه وسلم روى عن رب العزة ان الله تعالى قال مروا بالمعروف. كلمه - 00:19:38

في الدين وانهوا عن المنكر. ما تسكتش على كلمة حرام. قل حرام. قبل ان تدعوني فلا استجيب لكم وتسألوني فلا اعطيكم. وتستنصروني فلا انصركم. حديس سابت عن النبي عليه الصلاة والسلام - 00:19:58

ربك اللي خلقك هي احنا مش جايين نتبل هنا. احنا جايين نشتغل دين ودنيا واستعمركم فيها. احنا جايين نعمر الدنيا بالاعمال الصالحة جايين نعمر الدنيا بالدعوة الى الله. جايين نعمر الدنيا ببناء بيئات الايمان. جايين نعمر الدنيا بالسعي على ارزاقنا وارزاق عيالنا. في سبيل الله - 00:20:18

جايين نعمر الدنيا باقامة دين الله سبحانه وتعالى. وقولوا حطة. ذنوبكم كتير بقى. قولوا يا رب حطوها عنا. فيه قول تاني اي سنحط رحالنا هنا. يعني بالاخر احنا جايين نعيش هنا ونموت هنا. مش قصة بقى ان فلسطين بتجيب - 00:20:38

اكل وشرب هناكل ونشرب. لو ما عادتش بتجيب هنسيبها ونمشي لا احنا جايين عشان الدين. احنا جايين عشان عندنا احنا اصحاب رسالة. جايين عشان قضية اوعى تخاف من ربنا. اوعى ربنا ما تعاملش ربنا زي الشريك المخاوي. ما تعاملش ربنا ان هتديني بقى ايه يا رب - 00:20:58

ما تخافشي هيديك كل حاجة. على قد ما انت هتديها يديك اضعاف اضعاف مضاعفة. كن لله كما تريد. يكن لك فوق ما تريد من جعل الهموم هما واحدا كما قال النبي صلى الله عليه وسلم من جعل الهموم هما واحدا كفاه الله هم دنياه - 00:21:18

ومن تشعبت به الهموم في اودية الدنيا فلا يبالي الله في اي اودية يا هلك روح في داهية بقى خلاص لازمتك ايه ؟ هو انت قيمتك عند ربنا على قد دينك؟ هو انت هو انت في نسب بينك وبين ربنا - 00:21:38

هو انت في حاجة بينك وبين ربنا لم يلد ولم يولد. ما فيش اي نسب صلة ولم يكن له كفوا احد ولا اي نسب صفة. ما فيش بينك وبين ربنا حاجة - 00:21:58

عبادي انما هي اعمالكم اللي بينك وبين ربنا طاعتك. اللي بينك وبين ربنا عملك الصالح. وقولوا حطة يا رب احنا جايين هنا مش عشان عشان ناكل السمنة والعسل بتوع فلسطين وعشان حيس شئتم رغبة. احنا جايين هنا عشان نرضيك يا رب. طب وهو هيدينا ايه؟ يا عم ما تخافش - 00:22:08

هو فيه حد وقف على بابه وما خدش ؟ هو فيه حد ضحى عشانه وما خدش اضعاف اضعاف اللي قدمه؟ هو فيه حد ساب عشانه وربنا ما عوضوش. من ترك شيئا لله عوضه الله خيرا منه. مش ربنا اللي يتقال له كده. مش ربنا اللي يتعامل المعاملة دي. مش ربنا اللي يتهم - 00:22:28

ويساء الظن به سبحانه وتعالى. ثق في الله. وثق في كرم الله. وقولوا حطة نغفر لكم خطاياكم. وسنزيد المحسنين بعد ما تدخلوا بقى ده ربنا بيقول لهم على بعد الفتح. كأن الفتح ده موضوع بسيط. يا ابني ما تخافش. القصة بالنسبة لك انت صعبة. انما - 00:22:48

ربنا ما فيش قصة اصلا. ما انت متهيب. هو انا آآ انا عايز افتح مشروع. والمشروع عايز مجهود كبير اوي مني. انا في ست سبع سنين ممكن ما اروحش يا ابني ده بالنسبة لك انت. عند ربنا ده لا شيء. اقرأ باسم ربك. طب انا ما انا بقارئ. ما هو ما حدش قال لك اقرأ باسمك انت - 00:23:08

امكانياتك انت هتعيش بقدرة ربنا هتدخل في كادر تاني في المعاملة. هتعيش بنفسك انت حر بقى. لاسلطن عليه الدنيا ترقد فيها كركض الوحوش في البرية ثم لا ينالك منها الا ما قسمته لك كما قال النبي صلى الله عليه وسلم من كانت الدنيا همه - 00:23:28

السدم اللي هو الغضب والغيظ والندم والانفعال والحقد يعني اللي كل مشاعره وانفعالاته بسبب الدنيا انت فرحان ليه ؟ اصل انا النهاردة كسبت شوية فلوس حلوين. هو انت مقهور ليه ؟ اصل آآ آآ ما جبتش مجموع حلو ولا ولا انا اصل انا هو هي الدنيا - 00:23:48

هي كل انفعالاته وافراحه واحزانه بسببها. من كانت الدنيا همه وسدمه وسدمه. والسدم هو الولوع بالشيء نون دنيا ما بيتكلمش غير عليها. السلم هو اللهج بالشيء. ما بيتكلمش غير عليها. من كانت الدنيا همه همه وسدا - 00:24:08

ولها يشخص عينيها تطلع من مكانه اما بيشوف برج طالع. عينيها تطلع من مكانها. اما بيشوف عربية جديدة. اما بيشوف موبايل ايفون اخر حاجة اما بنشوف حد ماشي ومراته جنبه ملكة جمال. اما بيشوف عينيها تطلع ولا يشخص. عينيه مش مش ما فيش - 00:24:28

حاجة باصص لها غير الدنيا ولها ينصب ويطلب. كل مجهوده من ساعة ما بيصحى لحد ما بينام عشان لقمة العيش. يا ابني اشتروا الراحة من ربنا بساعة تعبدوا فيها في اليوم - 00:24:48

انت انت انت كل ساعة عبادة في حياتك هي مش بتاخد من وقتك. ده انت بتضيف لعمرك بركة على بركة عمرك كله كل حاجة ما نقص وقت من عبادة. انت كل ساعة بتعبد فيها ربنا اوعى تفتكر ان ان وقتك نقص. ده وقتك زاد وبركة عمرك - 00:25:03

زادت ولها ينصب ويطلب. مطل طالع عينيه. عشان الدنيا جعل الله الفقر بين عينيه. يفضل كده ولا بالله ونزع الله الغنى من قلبه. خنقة فلا يصبح الا فقيرا. ولا يمسي - 00:25:23

الا فقيرا وشتت الله عليه ضيعته. يعيش مشتت وتايه ومتقطع ومتمزق وفقير ولا من الدنيا الا ما كتب له. ومن كانت الاخرة همه وسدمه. الله اللي انفعالته افراحه واحزانه عشان الدين بقى. وعشان طاعة - 00:25:43

ربنا ولها يشخص ولها ينصب ويطلب العكس بقى النموزج العكسي نزع الله الفقر من قلبه وجعل غناه في قلبه وجمع عليه امره فلا يصبح الا غنيا ولا لا يمسي الا غني. غنى مادي مش بس غنى معنوي. غنى مادي وليس فقط غنى معنوي. فمن جعل همه هو الله. كفاه الله هم كل شيء. وقولوا حطة - 00:26:03

نغفر لكم خطاياكم وسنزيد. هو انت فاكر ان اللي انت خدته من ربنا ده اخر اللي عند ربنا! هو اللي عند ربنا بيخلص! ده لسة كتير ده انت لسة ما خدتش حاجة. لسة ما شفتش فتح. ده ربنا عنده كتير اوي. ويقدر يزودك كمان وكمان يا رب. كمان وسنزيد - 00:26:33

المحسنين المحسنين هم المشغولون بجمع الحسنات. الانسان اللي مشغول بالحسنات ومشغول بالاحسان في الدين. وسنزيد هيفضل طالع ده. ده مش هينزل. ده ده زي ما ربنا قال لتركبن طبقا عن طبق. هتفضلوا تترقوا في الطبقة طول ما انتم منطلقين الى الله - 00:26:53

وتعالى فبدل الذين ظلموا قولا غير الذي قيل لهم فانزلنا على الذين ظلموا رجزا من السماء بما كانوا يبسطون سيدنا موسى لما وقفوا قدام القرية فبني اسرائيل خايفين. فسيدنا موسى بعت اتناشر راجل سيدنا يوشع اللي بقى النبي بعد موسى وآآ كالبرض - 00:27:13

ومن تلامذة موسى الاساسيين وعشرة كمان فقاموا رايحين فلقوا الارض حلوة اوي ولقوا فلسطين حاجة جنة بس لقوا العمالقة الكنعانيين جبابرة ضبابرة حصون مرعبة. قوة مدججة بالسلاح. دوريات حراسة ليل نهار حوالين المدن بتاعتهم. الموضوع كده ده احنا داخلين نتقتل بجد بقى يا جماعة - 00:27:33

رجعوا قعدوا مع سيدنا موسى قال لهم قووا قلب بني اسرائيل. انا هاجمعهم لكم. قووا قلبهم. قولوا لهم ادخلوا اسندوني. ما فيش مصلح يقدر يقدر يغير بلد. ما فيش الا ولم يكن هناك ارادة من الناس ما حدش هيقدر يغير. سيدنا موسى كقائد اعظم من سيدنا يوشع. بكتير - 00:27:53

ومع زلك فلسطين اتفتحت على ايد يوشع مش على ايد موسى. لان الناس اللي ورا موسى كانوا جبناء. مازا تفعل بطولة فرد وسط صف من الجبناء وصف من المتوكلين. انما يوشع الصف اللي وراه لا يتبعني رجل من ثلاث. ما فيش اي حد في قلبه دنيا يمشي ورايا - 00:28:13

اللي ورا يوشع كان صف رجالة. فالقصة مش عظمة القائد بس. ولكن لازم الصف كله يبقى صف كويس. فالعشرة رجعوا يوشع وكلب رجعوا قعدوا يقولوا لهم ادخلوا الارض المقدسة. قال رجلين من الذين يخافون انعم الله عليهما ادخلوا عليهم الباب. فاذا دخلتموه فانكم - 00:28:33

هو مين اللي قال لك ادخل لي؟ هو انت اللي عايز تاكل سمنة وعسل ولا ربنا اللي قال لك ادخل؟ ربنا ما كان الله ليوجهك لشيء شق عليك ثم ينزع منك ما تستعين به على قضائه. ما دام ربنا اللي مشاك في السكة دي مش هيسيبك. فالعشرة الباقيين رجعوا قالوا لهم هتروحوا في داهية - 00:28:53

والعمالقة يقتلوكم وخانوا القضية. وخانوا الرسالة. اللي خانوا القضية العشرة. العشرة الخونة. عشرة دمروا امة كما يقول المفسرون عشرة دبروا امة. امة اتدمرت بسبب عشرة. المفروض انهم موجهين. المفروض ان هم ناس معهم برامج - 00:29:13

اعلامية ولا توك شو ولا المفروض انهم موجهين. عشرة دمروا امة كما يقول المفسرون في تفسيرهم. واتنين كان ربنا احيي بهم الامة لولا الجبن بتاع انقياد بني اسرائيل للعشرة. ربنا خلد الموقف ده في سورة البقرة وخلد الموقف ده في سورة المائدة. خلد - 00:29:33

موقف الاتنين قال رجلان من الذين يخافون ان هم يوشع وكلب. آآ ادخلوا عليهم الباب فاذا دخلتموه فانكم آآ غالبون. قال الرجلين من الذين خافون. وخلد موقف العشرة الجبناء الخونة المخادعين لشعوبهم. المدمرين لمستقبل شعوبهم باسم التوجيه وباسم التنوير - 00:29:53

والف بدل الذين ظلموا اللي هم العشرة دول قولا غير الذي قيل لهم فانزلنا على الذين ظلموا رجزا من السماء بما كانوا يفسقون ربنا انتقم من العشرة دول بالزات يعني ايه؟ يعني الدين مواقف. الدين مش كلام. الدين مش حباس فارغ. انت عايز تعرف انت متدين ولا لا؟ انت عايز - 00:30:13

اعرف انت لك قيمة في الدين ولا لأ ؟ مواقفك ايه مع الدين؟ لما النبي تجرأ عليه الغرب قلت كلمة انت مواقفك ايه مع الدعوة لما بتشوف ان ربنا بيعصى في كل - 00:30:33

مواقف الدين مواقف. الدين فربنا بيخلد في القرآن المواقف الحلوة والوحشة. مش الكلمات الرنانة. واذ استسقى موسى في قومه هو ايه اللي حصل؟ ده احنا كنا قدام فلسطين خلاص ما انتوش عايزين تدفعوا التمن. مش عايزين تدفعوا التمن ان انتم بني ادمين! مش عايزين تدفعوا تمن ان لكم - 00:30:43

كرامة في الحياة ما هو ربنا مش ادى لك ببلاش. اوعى تفتكر انها حتة بقلاوة. لو ربنا هيديك النجاح ربنا قادر لا حرج في فضل الله لكن احنا بنتكلم على السنن. احنا بشر بنتكلم على السنن. وربنا خلق السنن عشان تحكمنا مش عشان تحكمه هو. فاحنا كبشر نتكلم عن السنن. والله يؤتي فضله من - 00:31:03

يشاء سبحانه وتعالى. واز استسقى مش عايزين تدفعوا التمن. ارجعوا بقى للهم بتاع صحراء سيناء ومتاهة سيناء تاني. از استسقى هنموت العطش يا موسى واز استسقى موسى لقومه فقل نضرب بعصاك الحجر. كان زمانكم الوقت بتاكلوا السمنة والعسل. انتم اللي ما رضيتوش تسمعوا كلام ربنا. انتم - 00:31:23

سبب في الفقر اللي انتم فيه. انتم السبب في الهم اللي انتم فيه. انتم اللي عملتوا كده في نفسكم. انتم اللي مش عايزين ربنا. خلاص انتم احرار عيشوا عيشة العبيد بقى. عيشوا عيشة الفقر والزل والمرض والهم والغم. والديون ونكف الشهر ازاي؟ انت حر. انت اللي اخترت - 00:31:43

كده لما افتكرت ان مصلحتك مش مع ربنا. وازا استسقى رجعنا تاني للهم بتاع. هنشرب من اليموس. فقلنا اضرب بعصاك الحجر ربنا بيعمل لهم كرامات. لسة ربنا بيعمل لهم معجزات. لسة ربنا بيفجر لهم اتناشر عين ماية عشان الاتناشر سبط من اسباط بني اسرائيل - 00:32:03

اومال المعاملة هتتغير امتى ؟ يعني هم مش عايزين يسمعوا كلام ربنا. ولسه المعاملة ما اتغيرتش. امال المعاملة هتتغير امتى؟ المعاملة هتتغير في الاية الجاية. وازا استسقى موسى لقومه. فقل - 00:32:23

اضرب بعصاك الحجر فانفجرت منه اثنتا عشرة عينا. يا ربي حتة الخبطة دي طلعت اتناشر عين منفجرة. هي بالله هي كده كده انت اللي مش عايز تعرف ربنا قادر قد ايه. طب ما كان من غير عصاية. يا ابني لازم تاخد بالاسباب. النبي ربط البراق في رحلة المعراك. ربط - 00:32:36

البراق في المسجد الاقصى. انت عايز اخز بالاسباب اكتر وهو البراق كده معجزة. النبي عليه الصلاة والسلام زهر بين ذراعين في غزوة احد. الوحيد اللي كان لابس العين مش درع واحد والوحيد اللي لما الجيش كله جري وهرب هو الوحيد اللي سبت. والرسول يدعوكم في اخراكم. الاخز بالاسباب مش جبن. الاخز - 00:32:56

باب مش قلة توكل. الاخذ بالاسباب عقل وحكمة وعبادة وعبودية واحسان زن بالله وبطولة عند الله وتكميل للتوكل على الله. فانفجرت منه اثنتا عشرة عينا قد علم كل اناس مشربهم. كلوا واشربوا من رزق الله ولا تعفوا في الارض مفسدين. واذ قلتم يا موسى لن نصبر - 00:33:16

كلمة لن نصبر دي كانت النهاية القاسمة في تغيير المعاملة مع بني اسرائيل. لن نصبر على طعامنا واحد انت جايبنا هنا كل يوم من وسلوى كل يوم حمام محشي وعسل كل يوم سماق - 00:33:42

وحلويات لا لا لا انت جايبنا تموتنا من خلاص مركز الاشباع في المخ عندنا قفل. ما عدناش طايقين حمام وعسل. شف لنا يا حبيبي ما هو هي دي سنة ربنا في المراحل الانتقالية. انت دلوقتي لسة ما انتش بني ادم. انت صفر - 00:34:02

انت لا تساوي شيء في معادلة التغيير والقوة في الحياة. ادخل الارض المقدسة تبقى بني ادم هتاخد حيس شئتم رغدا. لا احنا الوقت حيث شئتم رغدا ما ينفعش. دي مش سنة المراحل الانتقالية. لازم تفهم ان المراحل الانتقالية دي سنة في الحياة - 00:34:22

احسن ربنا لما بيواسيك في المراحل الانتقالية بيواسيك بالمن والسلوى. انما حيس شئتم رغى دي لما تصبر للنهاية. اول ما قالوا لن نصبر تغير كل شيء في معاملة الله لهم. فما الذي حدث بعد هذه الكلمة التي اعلن فيها بنو اسرائيل التمرد - 00:34:42

موسى. خلاص صبرنا خلص. خلاص ما عدناش قادرين نستحمل. ادفعوا التمن. مش قادرين. عارفين الكلب لما راح لواحد قال له ان الناس عيروني باسم الكلب. فازا شتم الناس بعضهم بعضا قالوا يا كلب اريد ان اغير اسمي. فالراجل قال له خلاص خد حتة اللحمة دي - 00:35:02

بس عينها لي عندك تلات تيام واما تجيبها لي ان شاء الله بعد تلات تيام انا هغير لك اسمك. الكلب راح هيموت من الجوع عادي يبص للحمة والله لو انت ده انا انا ده انا عندي عزيمة. تاني يوم صاحي هيموت من الجوع. لا لا لا مش انا اللي اعمل كده ابدا. لا يمكن بالليل - 00:35:22

على حتة اللحمة وما له اسم الكلب. ده حتى اسم جميل يا اخي. هو ده اللي بني اسرائيل عملوه. وما له ومالها حياة العبودية. وملأ حياة ادعو لنا ربك. يخرج لنا مما تنبت الارض من بقلها. وقفائها وفومها يا سلام على طبق الفول بالعدس! وطبق - 00:35:42

البصل كده اللي كنا بناكله الصبح قبل ما نقوم نتضرب بالكرابيج عشان نشتغل في السخرة وقبل ما ياخدوا زوجاتنا يغتصبوهم يوميها وقبل اما ييجوا ياخدوا ولادنا يا سلام ده كان حتة طبق فول بعز. هو وحشك الفول بالعدس. وعي ربنا بيقول لك حيس شئتم رغدا. ومديك المن والسبا تسيب - 00:36:02

عشان فول بعدس. تضيع قيمتك في الحياة عشان عبد لقمة. عشان عبد اكلة. مش عايزين يدفعوا التمن. مش عايزين يدفعوا تمن الحياة عشان كده كانت النهاية وضربت عليهم الذلة والمسكنة وباءوا بغضب من الله. اقول قولي هذا واستغفر الله لي ولكم. الحمد لله وكفى - 00:36:22

وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك يرجع الامر كله. اللهم صل على عبدك ونبيك محمد صلى الله الله عليه وسلم عدد خلقك ورضا نفسك وزنة عرشك ومداد كلماتك. اما بعد واذ قلتم يا موسى لن نصبر مش لا نصبر لن - 00:36:42

خلصت بقى لنا سنة ونص من وسلوى. والله ما عدنا دايقينه. يا راجل! فضلوا اربعين سنة بعدها ما ياكلوش غير منه وسلوى. انت حر. اتقال لك ادخل وهتتغير كل حاجة. مش داخلين. جايبنا تموتنا هنا. يا اخي اول ما سيدنا موسى عدى بيوم. جايبنا - 00:37:02

جايبنا تحرقنا في الشمس. جايبنا تجوعنا. جايبنا تموتنا. ما فيش فيه ناس هي عايزة تعيش كده وهتعيش كده وهتموت كده. مين الانسان ده؟ الانسان اللي شعاره في الحياة لن نصبر. انا مش هقدر ادفع تمن اني ابقى بني ادم. انا مش مستعد - 00:37:22

فين هو بقى ما فيش فلوس ليه ؟ طب وانت اشتغلت ليه ؟ لأ المفروض يدونا فلوس. وانت قابل الحياة دي ليه ؟ تقابل انك تعيش في القاعة ليه؟ انت قابل المستنقع ليه؟ لما رضيت ان تكون انت الاعمى لما راحوا لواحد من - 00:37:41

الصالحين قال له يا الله هو الرزاق فقال له لابد ان تسعى الشيخ بتاعه. فقال له يا شيخي لقد رأيت عجبا. رأيت غرابا اعمى. لا يستطيع ان يأكل فجاء غراب مبصر واطعمه الطعام في فمه. فسبحان الله! قال له يا بني ولم رضيت ان تكون انت الاعمى! عايز تعيش اعمى - 00:38:01

حر. بس ما تجيش تقول بقى فين حيث شئتم رغدا. فبيقولوا لم نصبر على طعام واحد. ها فادعو لنا ربك يخرج يخرج مجزوما. يعني احنا في الله. طب ما يقينك في الله ده يخليك موقن في وعد الله. هو ايمان كلام وخلاص؟ هو الكلام قد كده وآآ وآآ والدماغ آآ - 00:38:21

بلد ويا عين القلب قد العصفورة يخرج لنا مما تنبت. انت بس لو رفعت ايدك يا موسى وقلت يا رب الارض دي كلها هتطلع كنوز اخرج لنا مما تنبت الارض. انت هتعيشني منه بسلوى! انا هافضل كل يوم السما هي اللي بتجيب لي رزقي! لا يا عم! لأ انا عايز مما تنبت الارض - 00:38:41

انا عايز حاجة في ايدي. انا مش عايز انا مش عايز اروي الارض زي الفلاحين زمان بماء المطر. يبقى انا مضطر كل يوم اصحى في التلج اصلي الفجر انما لما بقى الري بقى بالمواسير اللي بتوصل للارض انا ما عدتش مضطر اصحى الفجر خلاص بقت منة تنبت الارض. رزقي بقى في ايدي - 00:39:01

ما عادش بيجي لي من السما على حسب طاعتي ومعصيتي. انا عايز حاجة مادية امسكها في ايدي. ادعوا لنا ربك. يخرج لنا مما تنبت ارض من بقلها وفومها وعدسها وبصلها. قال اتستبدلون الذي هو ادنى؟ بالذي هو خير اهبطوا مصرا فان - 00:39:21

يعني ايه اهبطوا مصران مصر مش هي دولة مصر هنا لان مصر ممنوعة من الصرف. مصرا اي مصرا من الامصار. الامصار يعني البلاد. خلاص انزلوا لكم اي بلد رح شف لك بقى - 00:39:41

ده عمل بقى يا عم انت هتقرفني ليه ؟ رح شف لك اي بلد انزل اشتغل وفلح هتاخد فلوس هات بها يا عم الفول والطعمية اللي انت عايز تاكلهم دول. او - 00:39:54

رح اشتغل في اي بلد مزارع عند اي حد. وهيطلع لك الفول والعدس والثوم والبصل وكل كل اللي انت نفسك فيه. ايه يا موسى؟ فيه ايه؟ لا لا لا. هي - 00:40:04

بجد ولا ايه! احنا مش قاصدينها! انزل اشتغل! انا! انا ده انا صاحب رسالة. رسالة مين يا عم! انت تصدق نفسك! رسالة مين! ما انت واقف اهو وما انتش راضي - 00:40:14

آآ اهبطوا مصرا عايز تاكل الفول والعدس والبصل انزل اشتغل يا موسى ما احنا من اولها بقى لنا سنة ونص عطشانين ترفع ايدك تنزل الميه ايه على المحروقين من الشمس ترفع ايدك الضللة تيجي علينا من الغمام. جعانين ترفع ايدك المن والزلق. لأ احنا مش قصدنا نشتغل ونتعب - 00:40:24

ونتبهدل. احنا قصدنا برضه ترفع ايدك تطلع لنا لا لا لا لا. ده السنة ونص اللي فاتت دي. كان ربنا بيعمل معكم كده عشان انتم ماشيين في خط السير تجاه الارض المقدسة. اول ما هتغيروا خط السير اول ما هتبقوا ما نتوش اصحاب رسالة - 00:40:44

اول ما هترفضوا انكم تشيلوا الدين والدعوة. اول ما هتنحرف نواياكم من الاخرة الى الدنيا ستتغير المعاملة. انزل اطلع عينك زي زيك زي غيرك عشان تاكل. ده كان ربنا بيكفلك لانك شايل هم الدين. فاذا تغير - 00:41:04

يرى همه الدين بداخلك ستعامل مسل معاملة من لا هم له الا الدنيا. رح بقى انت ما لك بربنا. هو انت فاكر ان ربنا بيديك عشان ولا افتكرته بجد عشان انتم شعب الله المختار؟ ولا افتكرتم بجد ان ربنا بيديكم عشان ربنا بيديك لانك شايل الدين؟ هو ايه اللي بينك وبين ربنا؟ - 00:41:26

هو انت اللي بينك وبين ربنا هو انك تحمل هم الدين. وانك انت تعبد ربنا طول ما انت في طريق ربنا عشان كده الله سبحانه وتعالى يقول الصحابة في غزوة احد ثم صرفكم عنهم. ليه - 00:41:46

ثم صرفكم عنهم ليبتليكم. يعني ايه؟ صرفكم عن انتم كنتم نازلين الغزوة بتجروا وراء بني عبد الدار تقتلوهم؟ وبتجروا وراء ابو سفيان ووراء المشركين عايزين تقتلوهم عشان ربنا اول ما شفتم الغنائم اتغيرت الوجهة. صرفكم الوجهة اتغيرت - 00:42:02

اتصرفت من الجهاد في سبيل الله للدنيا. فاول موجهة اتغيرت وجريتوا وقلتوا الغنيمة الغنيمة حصل ايه يعني ايه ينزل عليكم المصائب. ما هو انت ربنا اول موجتك هتتغير وبقيت بتاع دنيا خلاص هتبقى زيك زي غيرك بقى. الدنيا كلها - 00:42:22

هم وغم وبلاء ونكد. عشها بقى. انما انت كنت ما انتاش عارف ربنا شايل عنك ايه. طول ما كانت وجهتك ربنا فاهبطوا مصر انزلوا بقى اشتغلوا خلاص لان كده القصة انتهت. واللي هيكمل هو اللي ربنا سبحانه وتعالى هيكفله. اهبطوا مصرا فان لكم ما سألتم. وضربت عليهم - 00:42:42

والمسكنة ما هي انت ما قدامكش غير طريقين لو انت عايز تاكل بقى الهوا. الطريق الاولاني انك تدفع التمن. التمن هنا اللي هو المرحلة الانتقالية. السنة ونص اللي بني اسرائيل ما رضوش يصبروا عليها - 00:43:02

وفي الاخرة قالوا لا لن نصبر. مش هاستحمل يا اما اكل بقلاوة ازاي وانا مش عايز ادفع التمن. ضربت عليهم الذلة والمسكنة. عيش نملة بقى عشان تاكل سكر. اتزلل ده واتكسر لده. واعمل نفسك آآ عويل قدام ده. عشان ده يديك حاجة وده يديك حاجة - 00:43:16

وده يساعدك في جوازك وده يساعدك في مش عارف ايه. ففي الاخر تعرف تعيش. ضربت زي ما خيمة تضرب فوق ناس كده. الذلة الذلة دي من جوة هو جوة نفسه حاسس انه قليل. الانسان لما بيفشل يا جماعة الانسان لما بيحققش نجاحات هو بيتكسر جوة نفسه قدام نفسه - 00:43:36

هو ما انساش ابدا لما كت في يعني ماجستير امراض الكلى في جامعة اسيوط. وكان تلات سنين ما يعلم بهم الا ربنا. سبحانه من الامراض الرحلة الرحلة عشر ساعات من المنصورة. وحر وبهدلة وتعب ومزاكرة ووسط حياتك - 00:43:56

اسرتك ما انساش مرة طلعت من المنصورة العصر عشان اوصل هناك عشان عندي امتحان تاني يوم الصبح. امتحان ينفع ان انا اؤجله عربية كاوتشها ضرب في اول الطريق. بعد كده الكاوتش ضرب تاني. بعد كده وقفنا في الطريق ما فيش عربية راتب تقف لنا. كل ده واحنا لسة ما جيناش. وصلت القاهرة هنا الساعة - 00:44:16

اتناشر بالليل وقعدنا نغير الكاوتش. فبكلم واحد صاحبي فبقول له هو واحد صاحبي ده طيب بقى كده وحنين كده فقلت بس بقى ايه ارجع واجل وخلاص هيحصل يعني فبقول له انا خلاص احنا دخلنا على واحدة بالليل ولسه ما وصلناش اسيوط ولسه هاروح ولسه هزاكر ولسه هامتحن ولسه انا ما عدتش قادر - 00:44:36

خلاص ارجع وابقى بقى ان شاء الله بعد ست شهور ايه ابقى ادخل الامتحان ده مرة تانية في آآ دورة تانية من الدورات بتاعته قال لي انت بقى لك مدة - 00:44:59

ما دوقتش نجاح. انت محتاج حاجة ترجع لك سقتك في نفسك تاني. سافر عشان تنجح عشان ترجع تاني. الكلمة سافرت واللهم لك الحمد وطلعت الاول فيها وفضل ومنة الله سبحانه وتعالى ورجعت وانا الكلمة بتاعته فعلا الانسان - 00:45:09

لما بيقعد فترة ما بيدوقش نجاح بيتكسر جوة نفسه. بيحس بالزلة بقى. اللي بتجيب بعد كده المسكنة يبدأ بقى يتمسكن لكل الناس. عشان ده يساعد وده يدي له وده يسيبه وده ليه تقبل الحياة ديت ؟ المرحلة الانتقالية سنة من سنن ربنا. المرحلة الانتقالية اللي مش عايز يقبلها عمره ما هيطلع في حياته. ممكن - 00:45:29

تكون المرحلة الانتقالية دي مش لازم تكون في الدين. ممكن تكون انك هتفتح مشروع وهتفضل صابر خمس سنين. تتلطم لحد ما يقف على رجليه ولازم تصبر ما ينفعش تيجي في النص تقول لن اصبر. خلاص خليك في اللي انت فيه. ممكن تكون المرحلة الانتقالية ديت هي شهادة عالية. انت عايز تحضرها - 00:45:49

حياتك هتتغير وانت مستصعبك ما تستصعبش حاجة. ما تتهيبش حاجة ما دام ربنا معك فازا دخلتموه فانكم غالبون. طلب للنجاح عبادة من اعظم العبادات. لان الرسول عليه الصلاة والسلام يقول المؤمن القوي خير واحب الى الله من المؤمن. الضعيف ممكن تكون المرحلة - 00:46:09

الانتقالية دي الفترة اللي انت هتحفز فيها القرآن. الفترة اللي انت هتطلب فيها العلم. الفترة اللي انت هتطلب فيها التربية. اقبل انك انت تستحمل فترة في حياتك. وبعد كده ربنا يغير لك حياتك. اقبل سنة المن والسلوى فترة. وبعد كده حيس شئتم رغدا. انما الانسان اللي مش - 00:46:29

عايز يدفع ومش عايز يستحمل ضريبة النجاح. هيفضل طول عمره عايش تحت والعياذ بالله. اللهم اهدنا وسددنا. اللهم انا نسألك الهدى والسداد. والحكمة والرشاد والتوفيق والمدد. اللهم الهمنا رشدنا واعذنا من شر انفسنا. اللهم قنا - 00:46:49

شر انفسنا واعزم لنا على ارشد امرنا عسى ان يهدينا ربنا لاقرب من هذا رشدا. اللهم اشرح لنا صدورنا ويسر لنا امورنا اللهم اتي نفوسنا تقواها وزكها انت خير من زكاها انت وليها ومولاها. اللهم انا نسألك الثبات في الامر. والعزيمة - 00:47:09

على الرشد ربنا اتنا في الدنيا حسنة وفي الاخرة حسنة وقنا عذاب النار. اللهم انا نعوذ بك من زوال نعمتك وتحول عافيتك وفجاءة نقمتك وجميع سخطك. اللهم انا نسألك الفردوس الاعلى ونستجير بك من النار. اللهم زدنا ولا تنقصنا - 00:47:29

واكرمنا ولا تهنا واعطنا ولا تحرمنا. واثرنا ولا تؤثر علينا وارضنا وارض عنا. سبحانك اللهم وبحمدك. اشهد ان لا اله الا انت. استغفرك واتوب اليك - 00:47:49