Baheth

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد. النهاردة بازن الله تعالى موعدنا واحنا نكمل في تفسير جزء عم سلسلة تفسير جزء عم - 00:00:00ضَ

انتهينا من فضل الله تعالى خلصنا دارسين. الدرسين دول تناولنا فيهم سورة النبأ بالكامل. وآآ الموعد اليوم بازن الله تعالى مع سورة صورة آآ النازعات سورة النازعات هي السورة السانية في آآ جزء عما تأتي بعد سورة النبا. دايما انك انت تتعرف على السورة بيديك - 00:00:20ضَ

اه رؤية احنا ماشيين في انهي اتجاه. وبيخليك فاهم هي اه المقاطع بتاعة الصورة ازاي بتخدم اه موضوع الصورة. طيب سورة النازعات المعلومة الاولى اللي هنتناولها النهاردة هل هي صورة مدنية ام مكية؟ سورة النازعات سورة مكية بلا خلاف - 00:00:42ضَ

ماكين تمام؟ ليه بقول بلا خلاف؟ في بعض سور القرآن فيها ايه؟ فيها خلاف. هل نزلت في مكة ولا ايه؟ مش كل سور القرآن متفق هي مكية ولا مدنية؟ وده موضوع - 00:01:02ضَ

تاني بيدرس في علوم القرآن. تمام؟ فسورة النازعات سورة مكية. دي ما فيهاش خلاف. خلاص؟ لما انا قلت لك سورة مكية ده فده افادك انك انت متوقع ايه هي المواضيع اللي هتطرح في الصورة. لان الصور المكية لها لها جو كده معين. سورة مدنية لها جو تاني - 00:01:12ضَ

صور المنكية في العادة بتدور حوالين الاصول الكبرى. لان السور المكية طبيعي حاجة نزلت في مكة. يعني في اول الاسلام. يبقى اكيد الايه المواضيع هي اللي بتطرح في الاول هي القضايا الكلية الكبرى اللي عايزة تتسبت الاول قبل ما نتكلم في الحلال والحرام ودقائق الامور نتكلم الاول في - 00:01:33ضَ

فاكيد الصورة تتكلم اما في اسبات التوحيد. ده عموما مش بقول النازعات دلوقتي. بس انا بعلمك بنكرر ان احنا بنحاول اسر عندك اصول علشان انا مش هدفي من التفسير دوت ان انت مجرد تسمع التفسير وخلاص. انما انا فين اهداف من اهداف السلسلة ان انت بتمرن - 00:01:53ضَ

انك انت تقدر بعد كده يبقى عندك ايه آآ حس التفسير. حس ان انت تقرا بعد كده مش حس بس انا مش هديك احساس يعني لكن هديك ادوات حقيقية اه قواعد زي ما اقول احنا شغالين كده ندي قواعد ندي شوية معلومات. خليك بعد كده تقرا التفسير لوحدك ممكن تفهم ايه اللي بيحصل. عشان - 00:02:13ضَ

احنا قلنا احنا بنحاول نعالج في السلسلة دي مشكلة كبيرة. وهي الحاجز النفسي بين طلبة العلم. او بين حتى القارئ العادي وبين التفاسير لما تكبر شوية. كل نقرا التفسير الميسر نقرا السعدي نقرا ايسر التفاسير الدنيا جميلة. اول ما نبدأ في مختصر ابن كسير او ابن كسير فضلا عن الكتب الاكبر من كده. تحس ان انت مش فاهم ايه اللي بيحصل - 00:02:33ضَ

فعلا ساعدك اهو تمام؟ الصورة مكية يبقى هتدور حول اما اسبات التوحيد او آآ رد شبهات الشرك او الكلام عن اليوم الاخر بعس الموت بتتكلم على قصص آآ الاولين بتتكلم على قصص الانبياء. بتتكلم على الثبات والاستضعاف التمكين. الجو اللي هو ايه؟ جو السواب. اسبات - 00:02:53ضَ

رسالة رد على من ينكر رسالة. الكلام على القدر هتلاقي الحياة اللي هي الايه؟ على اركان الايمان هي اكتر مواضيع المسارة في السور المكية. ويقل اللي فيها الكلام على التشريعات وكده. الصور المدنية زي ما قلنا جواب يبقى ايه؟ جواب بقى باقي اليهود منافقين تشريعات غزوات - 00:03:13ضَ

الطبيعي ده اصلا ده القصص اللي بتحصل في المدينة ولا وبرضو شغال التوحيد شغال معاك كده كده بس ايه مش زي الصور المكية. طيب ايه سورة استاز عادل هتدور حول احد المواضيع ديت. طب ايه الموضوع اللي بتدور حوالين النازعات؟ تدور حول موضوع البعس - 00:03:33ضَ

خلاص الموضوع منتهي. كل السورة بتدور حول البعس وده شيء زاهر. ويبان معك يعني. فازا في الاخر بقى ايه؟ قال يوم ترجف الراجفة تتبع الرادفة. القصة ايه؟ بيتكلم عليهم ليه - 00:03:50ضَ

وبعد كده في اخر السورة فاذا جاءت الطامة الكبرى يوم يتذكر الانسان ما سعى يوم ترجف الراجفة يوم يتذكر الانسان على الايه؟ على يوم القيامة يبقى الكلام كله على اسبات القيامة اسبات البعس. خلاص الجو ده هيفرق معي في ايه؟ هيفرق معي وانا - 00:04:00ضَ

اول الصورة في حاجات معينة. احنا قلنا قبل كده في واحنا بنشرح الكتاب اللي دايما بنوصي اللي بيتابع السلسلة دي يحاول يسمعه. موجودة على القوائم كتاب المراحل لطالب فهم القرآن. كتاب سهل شرحناه في تمن دروس بس. كتاب مهم جدا بيساعدنا دلوقتي. احنا كنا في كتاب المراحل الثمانية اللي هو بيتكلم على تمن - 00:04:21ضَ

مراحل ازاي تفهم القرآن عن طريق تمن مراحل؟ كم من مراحل ديت انك تفهم موضوع الايه؟ موضوع السورة بيدور حوالين ايه؟ ده بيأثر معك في التفسير بعد كده. هتيجي في حتة - 00:04:41ضَ

كده هقول لك هي اثرت معي في ايه دلوقتي تمام؟ طيب. الصورة بدأت بايه؟ والنازعات غرقا والناشطات نشطا. طب ايه اصلا ايه مقاطع السورة؟ الاول والنازعات غرقا المقطع الاولاني بيتكلم على الملايكة زي ما هنبين. وهي تنزع ارواح الكافرين وتنشط ارواح المؤمنين. وتسبح بامر الله تعالى وتسابق في - 00:04:51ضَ

تنفيز امر الله تعالى وبعد كده ربنا اتكلم عن يوم القيامة في الاول على طول يوم ترجو الفراج فتتبعه كأنه تقرير الاول الموضوع منتهي. وبعد كده جت قصة فرعون وحدها لاتاك حديث موسى اذ ناداه ربه وبعد كده قص فرعون خلصت اخزه الله نكال الاخرة ايه؟ والاولى. وبعد كده مرة واحدة دخلنا في السما اانتم اشد خلقا؟ يلا ام السماء - 00:05:11ضَ

ايه اللي دخلنا في الايه؟ في الموضوع دوت. بعد كده الكلام على الارض متاعا لكم ولنعامكم. بعد كده رجعنا تاني يوم القيامة. فازا جاءت الطامة الكبرى اول ما يتذكر الانسان ما سعى. بعد كده خلصت بترغيب وترهيب. ما نهى النفس عن الهوا يحصل فيه ايه بقى اللي ايه؟ اللي اثر الحياة الدنيا يحصل فيه ايه؟ وبعد كده خلصت الساعة - 00:05:31ضَ

ما حدش يعرف عنها حاجة لا انت ولا غيرك والكلام ايه؟ خلاص. والدنيا دي قصيرة وهتخلص كأنهم يوم يرونها لم يلبسوا الا عشية او ضحاهم. المقاطع دي قصيرة جدا ان احنا بنتكلم على ايه؟ على البعس. زي ما قلنا ان طريقة القرآن في طرح القضايا مش لازم يكون الطرح المباشر اللي انت ايه آآ نتكلم عن البعث فتلاقي اول الاية البعث - 00:05:51ضَ

كزا وكزا يعني. انما هي لها طرق بديعة في اسبات القضية. منها منها اه التقرير ستقع ومنها الترغيب والترهيب ومن الادلة العقلية ومن القصص كل دي ادلة. كل دي ادلة. وربنا اعلم بالنفوس. وكزلك نصرف الايات - 00:06:11ضَ

لتصريف الايات تنويع الايات. ده من علم الله تعالى بخصائص النفوس. انها تميل الى التنويع. ومش كل واحد بيجي بنفس الدليل. وده بيفيدك في دعوة على فكرة. يعني تجد في سورة النازعات مسلا تقرير يوم ترجو الفراجين فتتبعه تقرير معه ترهيب اصلا. وبعد كده قصة - 00:06:35ضَ

القصة دي مفيدة لان هي قصة واحد كزب. هو قصة واحد كزب البعس ما الكنز بالالوهية كلها. حصل له ايه؟ ونهايته كانت ايه؟ طب سيدنا موسى اللي قال له على البعث واليوم الاخر ودعاه الى الايمان بالله تعالى كنهايته ايه؟ فدي بتديك ايه؟ اه طب ايه اللي ناوي على ايه؟ هتكمل في نفس السكة - 00:06:55ضَ

هتمشي زيه؟ يا اهل مكة. انتم اسهل من فرعون بكتير. فرعون زي الاوتاد. الذين طغوا في البلاد فاكثروا فيها الفساد. صب عليهم ربك صوت عذاب انتهى الامر في ايسر مما تتخيلون. انتم اهون من فرعون بكثير. فاذا سرتم في نفس الطريق ستنالون نفس الجزاء. هذه سنن - 00:07:14ضَ

لا تقبل التبديل ولا تقبل التغيير. وكأن في نوع من اثبات ان ده حق لان قبل كده في واحد كذب وانتم عارفين حصل فيه ايه. فده دليل ان الله تعالى سبحانه وتعالى هو الحق وان ما يأمر يدعو اليه هو الحق وان هؤلاء الرسل قد جاؤوا بالحق - 00:07:34ضَ

بعد كده جابت دليل عقلي خالص. طب يا مكذبين بعس انتم اشد خلقا نعمل ايه؟ ام السماء بناها رفع سمكها فسواها يعني اللي يخلق السما ما ما يخلقكم تاني. ده انا خلقت السما. انتم اسهل بكتير ايسر بكثير اهون على الله. بكثير. فبه اسبات قدرة الله تعالى على بعثه - 00:07:52ضَ

عن طريق استدلال بايه؟ بانه خلق حاجة اكبر من كده. فاكرين احنا شرعنا الموضوع ده بالتفصيل في سورة النبأ اللي هي طرق الاستدلال في القرآن على ربنا بيستدل بالخلق الاول - 00:08:12ضَ

يستدل قدرات طالما خلقتك الاول اخلاقك تاني افعينا بالخلق الاول بل هم في لبس من خلق جديد. صح؟ طريقة ان انا خلقت حاجة اكبر منك انتم اشد خلق هنعمل ايه؟ اوليس الزي خلق السماوات والارض بقادر على ان يخلق مسلهم؟ بلى وهو الخلاق العليم. الاستدلال باحياء موتى اصلا في الحياة - 00:08:25ضَ

دنيا الاستدلال بانبات النبات. قلنا في طرق كتير قوي اسبات استدلال بالنوم. على قدرة الله تعالى على بعث الاجساد. لكن هنا هيستدل بخلق الايه؟ السبب السماء والارض على اعتبار ان ده مخلوق اكبر من الانسان. فلا شك ان ده دليل عقلي اللي خلق اللي اكبر من انسان ايسر عليه انه يخلق الانسان وايسر عليه انه يعيد خلقه. يعني - 00:08:45ضَ

خلقه سهل والاعادة اسهل. واخد بالك؟ وهو الذي يبدأ الخلق ثم يعيده وهو ايه؟ اهون عليه. وله المثل الاعلى في السماوات والارض والعزة الحكيم. احنا ماشيين عادي. نفس السياق. وبعد كده ترجع تاني بعد ما اسبت لك ترهيب وترغيب وقصة دليل - 00:09:05ضَ

عقلي برجع اقرر تاني لاني بخلص بقى اجيب ايه؟ خلاصة الكلام خلاصة الكلام الموضوع منتهي مش مجال نقاش انت لازم تقتنع فازا جاءت الطامة الكبرى يوم يتذكر انسان صعب وبعد كده اتك عليك تاني ترغيب وترهيب - 00:09:25ضَ

اسلوب دعوي ممكن انا اناقش واحد بالطريقة ديت. الاول اقرر له المسألة. لو استجاب خلاص ما جبش احاول ان انا اجيب له دليل عقلي عشان كده ما حدش يقول القرآن ادلة نقلية وفيه ادلة عقلية. ده كلام غلط - 00:09:47ضَ

القرآن هو دليل نقلي وداخله الادلة الايه؟ العقلية القرآن جه بادلة عقلية كتير. القرآن مش نص بنسلم به كده وخلاص. بل جواه ادي استدلالات. عقلية كتير. انت بتتعلم ازاي تستدل - 00:10:05ضَ

حقل عن طريق طرق القرآن في الاستدلال العقلي. القرآن مليء بقى وده موضوع طويل. طرق القرآن في الاستدلال العقلي دوت. انا ممكن اقنع اللي قدامي بالعقل طب العقل واحد زي ده كده وامشي معه كده. وبعد كده احاول اتك عليه شوية ارغبه. اقول له لو امنت ويحصل وبتاع وبعد كده رهبه. فدي انواع من وسائل الايه - 00:10:20ضَ

دعوة لكن برضو اللي بيلفت انتباهك او المشهد والنازعات غرقا والناشطات نشطا. رغم ان سورة النبأ بدأت برضه كانت بتتكلم على البعث لسه ما بدأتش بنفسي ليه؟ الطريقة. بدأت عما يتساءلون عن النبأ العظيم الذي هم فيه مختلفون. بتحكي كان ناس قاعدين مختلفين في موضوع. وبعد كده اسبتت لهم - 00:10:40ضَ

القصة لغاية ما خلصت. يا ايه؟ يقول الكافر يا ليتني ايه؟ كنت ترابا. وكانها قررت. وبعد كده لما هعيد لك الكلام تاني لا انت ما سلمتش في المرة الاولى يبقى المرة التانية يعني هبتدي ايه؟ التهديد على طول - 00:11:01ضَ

ايها الكافر الذي رأيت كيف سيكون الحال يوم القيامة؟ انت ستتمنى ان تكون ترابا ساحكي لك ما الذي سيحصل عند الموت. النازعات غرقا. الملائكة ستنزع روحك نزعا. الغرق من الاستغراق لما الامر - 00:11:20ضَ

ابلغ منتهاك. هنروح الكافر تتبعتر في جسمه. تروح في كل حتة في كل في الاطراف مش عايزة الملايكة توصل لها. فالملايكة تغرق في جسد الايه؟ الكافر وتنزع روحوا من كل خلية في جسمه. كل خلية متمسكة بالحياة. لان هو اصلا متمسك بالدنيا. لانه عارف هو رايح فين. النازع - 00:11:37ضَ

غرقا الملائكة تنزع ارواح الكافرين من اجسادهم. كما جاء في الحديث قال النبي عليه الصلاة والسلام وان العبد يا كافر ازا كان في انقطاع من الدنيا واقبال من الاخرة نزل اليه من السماء ملائكة سود الوجوه - 00:12:01ضَ

معهم المسوح فيجلسون منه مد البصر متخيل المشهد عامل ازاي كافل قاعد مرة واحدة يجد مد البصر ملائكة سوداء يجلسون هو لسه مش هيعملوا حاجة. اصلا هو شاف كده عرف الموضوع انتهى - 00:12:22ضَ

تبدأ روحه ايه؟ تتفرغ في الجسد مش عايزة تطلع انا عارف هو رايح فين ثم يجيء ملك الموت. ملك الموت شغال لوحده ملك الموت هو المسئول عن القضية دي. مسؤول عن الموت. لكن لو اعوان وده يفسر لك مسلا توفته رسلنا وهم لا يفرطون. ما تقولش غير - 00:12:42ضَ

بصورة ما شاء الله ملك الموت اللي لأ. ملك الموت له ايه؟ اعوان. بس هو المسؤول عن القضية. يأتي ملك الموت حتى يجلس عند رأسه فيقول ايتها النفس الخبيثة اخرجي الى سخط من الله وغضب. قال فتتفرق روحه في الجسد - 00:13:08ضَ

فينزعها كما ينزع السفود من الصوف المبلول. كانك جايب كده حتة حديدة لها ايه يا بروز كتير كده حطيتها في صوف مبلول وشديت مرة واحدة. اتفرتك كذلك الجسد تنزع منه ليه؟ تنزع منه الروح نزع شديد. فيتألم ويتعذب في النزع - 00:13:27ضَ

والملائكة لا تتركه تحاول تتفرغ روحه شدة تمسكه بالدنيا وهذا يعطيك انطباع هو كان عامل ازاي مع الدنيا. متمسك بها جدا. زاهد تماما في الاخرة. لزلك اول ما جت الملائكة تنزع روحه مش عايز يسيب الدنيا ابدا. ابدا. انه - 00:13:53ضَ

عارف ما الذي سيلقاه؟ نسأل السلامة والعافية. فالملائكة تنزعه نزعا. واخد بالك؟ غير خالص الناشطات نشطا. الناشطات هي الملائكة التي تقبض ارواح المؤمنين تنشط ارواح المؤمنين ناشطات نشطن. يعني ايه نشطة؟ طب النازعات عرفناها؟ حد بينزع والنزع ده يدل على المقاومة. انا مش بنزع حاجة الا وفي مقاومة او رغبة في - 00:14:08ضَ

في عدم الخروج هو اكيد مش عايز يخرج. فالموضوع هيبقى ايه؟ فيه نزع. كما قال تعالى آآ مسلا يؤتي الملك من يشاء وايه ينزع الملك ينزع مش مش معناه ان في صعوبة في في اخز الملك لأ. معناه ان الشخص لا يريد - 00:14:35ضَ

ان يترك الملك متشبس بالملك. فالصفة النزع لانه لا يريد. هزا الامر. لو كان يريده يسلمه. يبقى خلاص هات خد خلاص الموضوع منتهي. فهذا يدل كلمة نزع من الكافر لا يريد اصلا ان يخرج الى الدار الاخرة. واما الناشطات نشطا فهي الملائكة التي تقبض ارواح - 00:14:55ضَ

يعني ايه ناشطات؟ الناشط اللي هو الايه؟ اللي هو خد حاجة بسهولة ويسر. يعني ايه؟ كلمة ناشطات هي الملائكة التي تسل روح المؤمن من جسدي بخفة وسهولة لما ييجي يوصف لك ان واحد ايه - 00:15:15ضَ

فك كده بسرعة وقام بسرعة وجري بيقول لك قام فكأنما ايه كانما نشط من عقال انت عارف نشط نشط يعني ايه؟ يعني كان مربوط وحد فكه اول ما فكه قام يجري - 00:15:34ضَ

نشطة من عقابي. عشان كده لما يوصفوا واحد قام كده وفاء مرة واحدة وجري. لما واحد خف بس يقول لك ايه؟ اول ما ادى له الدواء قام فكأنما ايه؟ نشط من عقابه. كأنه كان مربوط - 00:15:52ضَ

وفكوا له الرباط وجري زي الحصان كده بيبقى مربوط تفك له الرباط يجري. فرحان فدوت كلمة ناشطات. اصلا الايه؟ يقول لك الانشوطة في اللغة هي الرابطة الخفيفة نطة خفيفة كده. اول ما تفكها كده تلاقي نفسك جريت على طول. مش محتاجة حتى الفكة نفسها كانت بسيطة - 00:16:02ضَ

الفكرة في ايه؟ الفكرة ان روح المؤمن كانت مربوطة وكأن اصلا روحه ما كانش في الدنيا هي معلقة بالاخرة. بس عايزة بس حد ايه يوديني بجد فكي لي الرابطة دي - 00:16:24ضَ

طلعني من الحياة وصلني لله. بس انا عايز ده. انا مربوط بالدنيا انا مش عايزها. انا عايز انتقل الى الله رغبتي ان اكون عند الله سبحانه وتعالى اول ما تيجي الملايكة مجرد ها يلا اجري على طول. يلا بنا - 00:16:39ضَ

يلا خدوني انتم مستنيين ايه؟ فنروح اللي هي الروح اصلا طالعة خلقة مش بيعملوا حاجة عشان كده النبي عليه الصلاة والسلام وصف الروح امهم وهي بتطلع يقول كما تخرج القطرة من في السقاء. تعال اما نجيب بايه؟ ازازة ماية كده وتدلق. هي - 00:16:58ضَ

بتجري على طول اول ما انت تعمل منحنى كده تلاقي القطرة جريت على طول انت مش بتقعد ايه تعمل كده زي الكاتشب مسلا ولا بتاع لا ماية ماية على طول تلاقي ايه جريت معك على طول. فهي اول بس ما يقولوا له يلا بنا يروح ضارب يلا انا انا اصلا انا اصلا مستنيكم من زمان - 00:17:14ضَ

كما قال معاذ ابن جبل رضي الله عنه حين حضرته الوفاة مرحبا بالموت مرحبا سمعوه يقول زلك يعني اما حضراته الوفاة نزر كده وابتسم بايه ده ولو بيتكلم قال مرحبا بالموت مرحبا. زائرا مغيبا حبيب جاء على فاقة - 00:17:32ضَ

حبيب جاء على فاقة. انت فين؟ انت ما بتجيش ليه؟ انت ما لك ده احنا مشتاقين اليك من زمان. سبحان الله! حتى يكون الموت هو احب غائم اليه لزلك في الحديس العكس بقى نفس الحديس اللي قلته لكم. قال العبد ازا ان العبد المؤمن ازا كان في انقطاع من الدنيا واقبال من الاخرة. تأتيه ملائكة - 00:17:52ضَ

بيض الوجوه. معهم اكفان الجنة. وحانوت من حانوت الجنة. يجلس اليه ملك الموت مرة يقول اخرجي ايتها النفس ليه؟ الطيبة اخرجي الى مغفرة من الله ورضوان ورب غير غضبان. فتخرج فتسيل كما يستسيل القطر من في السقاء. فدوت الناشطات ايه؟ نشطا - 00:18:12ضَ

هي الملائكة تقبض روح المؤمن. تنشط روح المؤمن. المؤمن تخرج روحه نشيطة بتجري بتسعى في الخروج. وكأنه اصلا بيقول انا عايز اخرج انا عايز اروح الناحية التانية انا عايز اروح الاخرة - 00:18:36ضَ

انا مشتاق الى الله. اسألك الشوق الى ايه؟ لقائك. من كان يرجو لقاء الله. فان اجل الله ايلاءات. ما من احب لقاء الله احب الله لقاءه. من كره لقاء الله كره الله لقاءه. السيدة عائشة الموضوع دوت قالت يا رسول الله ما منا من احد الا ويكره الموت - 00:18:49ضَ

قال ليس هزا يا عائشة. ان العبد المؤمن بقى شرح لها بقى ايه؟ لما يشوف الملايكة على طول هيحب الايه؟ هيحب الموت. ما انت ما انا دلوقتي انت عايز تموت هتقول لي هو الصراحة انا - 00:19:08ضَ

الان ما انا برضو ايه انا اه بصلي وبتاع بس ما اضمنش نفسي انا قلقان الصراحة. فما فيش حد فينا بيحب الموت اللي هو مغسل وضامن جنة يعني. انا برضو قلقان - 00:19:18ضَ

عندي نسبة قلق. بس لو اول ما تشوفوا الملايكة البيضا تعمل ايه؟ يلا بنا. خلاص انا كده اطمنت. عشان كده اللحظة دي هنا يحب المؤمن الموت جدا يتمنى يرجو لقاء الله فيحب الله لقاءه. واول لحزة دي يكره الكافر ليه؟ لقاء الله فيكره الله ايه؟ لقاءه. والناشطات نشطا - 00:19:28ضَ

وكأن في معنى في النازعات والناشطات بيقول لك الدنيا سجن المؤمن وجنة الايه؟ الكافر. وكأنك وانت طلع المؤمن من روحه طلعه من السجن. عارف لو واحد قالوا له افراج وفتحوا الباب هيعمل ايه؟ هيجري - 00:19:48ضَ

تخيل بقى العكس واحد وهم مدخلينه باب السجن. خلاص لو دخلوه هيقفله فبيعمل ايه؟ بيقاوم ويزقهم وعايز وعايز يفلت منهم باي شكل بالزبط كده. باب سجن. بس انت مين شايف ايه السجن؟ المؤمن شايف الدنيا السجن؟ والاخرة الجنة - 00:20:05ضَ

والكافر شايف الجنة السجن والاخرة الايه؟ الجنة هي السجن والدنيا هي الايه؟ هي الجنة. فده فرق واحد فتحوا له السجن جري واحد هيدخلوه السجن فبالتالي بيقاوم يقاوم انت الان تستطيع ان تحدد من اي طرفين انت. هل تشعر ان الدنيا فعلا سجن بالنسبة لك؟ ليه سجن؟ لان انت مقيد بقيود - 00:20:25ضَ

ما بتعملش كل حاجة على راحتك واحد يقول لك انا حر. لا انت سجين في هزه الدنيا سجين لك اوامر تقدر تزني؟ قال لها لا لا ما اقدرش حرام. يبقى سجين. تقدر ترابي؟ لا لا ما اقدرش. طب ايه اللي مانعك؟ حرام - 00:20:51ضَ

في حرام وفي حلال. اما الكافر فلا يبالي حرية شخصية ابا ملحد ابقى شاز ازني امشي عريان في الشارع انت ما لكش دعوة انت حر ما لم تضر كما يقولون - 00:21:10ضَ

الدنيا سجن المؤمن. ملتزم مسلمة. عايزة تطلع عايزة تخفف سيابها. عايزة تمشي زي البنات. عايزة الدنيا حر. بس لازم هتلبس حجابها الكامل وهتستحملي الحر. وكل دوت من اجل الله تعالى سجن ده سجن - 00:21:25ضَ

ده السجن جميل. ربنا بيخليه جميل. لما المؤمن فعلا يقبل على الله ربنا بيخلي له المكان. زي ما في ناس صالحين يتسجنوا مع الصالحين. يقول لك السجن ده كان ايه؟ كان - 00:21:40ضَ

كان رام نوع سجن فالدنيا سجن بس سجن محبب ان ربنا بيخليه طيب في نفوس المؤمنين. لكن برضو مهما كان ما فيش حد آآ عايز يفضل في السجن على طول. برضو الطلوع - 00:21:50ضَ

فليخرج المؤمن الى الله سبحانه وتعالى ايه؟ في حالة النشاط والسابحات سبحا. السابحات هي الملائكة برضو كل دي اوصاف للملاك والسابحات سبحا. يعني يعني سابح سابح. انت فهمت ان هو بيعوم في ميه صح - 00:22:02ضَ

واللي بيطير في الهوا برضه بيتسمى ايه؟ سامح اي حد بيتحرك حركة خفيفة في في وسط ما بيتسمى ايه؟ سابح. فتسمى الايه؟ تسمى الطيور. الطيور تسبح في الهواء. الملائكة تسبح في الفضاء - 00:22:22ضَ

الرجل يزبح في الماء في اي حركة في اي وسط كده سريعا تتسمى ايه؟ سباحة. عشان كده الملايكة لانها تسعى وتجري عشان تنفز اوامر الله تعالى وتجوب افاق السماء وتنزل الى الارض. تلايكة تطلع وتنزل وتروح وتيجي وتطلع وتنزل. فربنا وصفها بالايه؟ السابحات. تجري في كل حتة كده. تحس ان هي - 00:22:36ضَ

في كل مكان ارضاء لله تعالى وتنفيذا لامر الله سبحانه وتعالى. طيب طب يا انيس فالسابقات والسابحات سمحا فالسابقات سبقا هي الملائكة تسابق بعضها بعضا يسبق بعضها بعضا في تنفيز امر الله تعالى. وكان الله تعالى يأمر هم كده كده هم كده كده شغالين. فكأن الاولانية بتقول لك هم شغالين ما شاء الله - 00:23:02ضَ

سامحات بس التانية بتقول لك خد بالك هديك وصفة مش شغالين بس. دولا بيسابقوا بعض يرحمك الله. دولا ايه؟ يعني ربنا كلف مسلا ملائكة ملائكة معينة كل واحد هيعمل امر معين. بيتسابقوا مين ينفز الاول - 00:23:31ضَ

فبتفرق معك ايه؟ ما انت كده كده هتنفز. لا ده جو تاني. وعجلت اليك يا رب ليه؟ لترضى. فهم يسعون في مرضات الله تعالى الملايكة بتسابق بعض تخيل الجو عامل ازاي! ملايكة بتسبح في كل مكان. الدنيا دي كل اللي حواليك ده فيه ملائكة بتسبح فيه. وكل واحد بينفز امر ما - 00:23:49ضَ

ومش بيسبحوا بس سبح عادي. انت ممكن نكون كلنا شغالين بنشاط. بس شغالين بوتيرة واحدة. بيسابقوا بعض. سباق عايشين في سباق السابقة سبقا. السابقات هي الملائكة تسابق في امر الله تعالى - 00:24:07ضَ

ثم قال تعالى فالمدبرات امرا. المدبرات امرا يعني الملائكة التي تنفذ ما امر الله به المدبرات ليس هم الذين يدبرون الامر. وانما ينفزون ما امروا بتدبيره ربنا هو ايه؟ هو الذي يأمرهم. ثم هم ينفذون. ما امر الله تعالى انهم لا يعصون الله ايه؟ ما امرهم. لذلك قالوا لهم معقبات - 00:24:24ضَ

بين يدي ومن خلفي يحفظونه من امر الله يعني هيحفظونه بامر الله. الله هو الذي يأمرهم فيحفظون العبد آآ بحفظ الله تعالى مدبرات امر الملائكة تنفذ ما امرت بقضاء وتدبيره. فبقى منهم المنكرون بالمطر والنبات واعمال العباد والكتبة والحافظون وحمل - 00:24:52ضَ

العرش ملائكة الجنة وملايكة نار انت متخيل كمية الايه؟ كمية الاوامر يعني آآ التي تصعد وتنزل من السماء والى السماء في اللحظة الواحدة حاجة تدبير عجيب. المشهد ده كله اصلا بيدل على - 00:25:12ضَ

غير بقى الجو اللي انت عشته ده. وجو الخوف اللي المفروض الكافر يخافه. جو النشاط المؤمن يفرح به ويستبشر في كزا جو بقى. الجو الاولاني انك انت حسيت بتحفيز ملايكة دايما احنا عندنا في قدوة ومسل اعلى الملايكة دول هم قدوة دايما بالنسبة لنا. انا بقعد ادور على صفاتهم في الكتاب والسنة. واحاول اتشبه بهم - 00:25:26ضَ

ربنا يصفهم مرة بالصافات مرة السابحات وانا نحن الصافون وانا نحن ايه؟ المسبحون. اذا هم منزمين هم بيذكروا ربنا كتير. هم لا يعصون الله ما امرهم. كان في تلات اوصاف جديدة. الوصف الاولاني على طول بيسعى في مرضاة الله - 00:25:50ضَ

ما فيش لحظة ليست في مرضاة الله. قل ان صلاتي ونسكي المفروض ومحياي ومماتي الله رب العالمين. خلي شغلك لله. انوي فيه نية خلي جوازك انوي في نية. لما تشتري حاجات لزوجتك واولادك انوي نية. لما تجامع زوجتك انوي نية. لما تزاكر انوي نية. غير الصلاة والصوم دي سهلة. لكن - 00:26:10ضَ

حياتك نفسها لازم تكون كلها نوايا عشان تبقى سامح. دايما في مرضات الله. ما فيش لحظة بتعمل فيها كده حاجة ما لا اجر ولا وزر. بتحاول تحول المباحات دايما الى ايه - 00:26:30ضَ

الى طاعات. مش بس كده السابقات. ده انا بنافس. مش برضه اكون اخر واحد. منفز في الصف الاول. بنافس على الازان. بنافس اسبق صاحبي في حفز القرآن منافس في آآ العبادة بنافز في طلب العلم على طول حاطط لنفسي واحد كده لازم اعديه. اول ما اعديه بحط واحد تاني. لازم - 00:26:40ضَ

حط واحد تالت على طول مؤمن كده ايه بيسبق. سارعوا الى مغفرة سابقوا الى مغفرة بادروا بالاعمال فستكون فتن كقطع الليل ليه؟ تحس اصلا السنة بتجريكم. الكتاب بيجريك. سابق سارع. كان ربنا اتكلم في الدنيا قال فامشوا فيه. فامشوا في ملكهم على مهلك. لكن اول ما تيجي تلاقي في طاعة ربنا تلاقي سابق - 00:27:00ضَ

سارع واجري واخد بالك وتلاقي الدنيا وفي زلك فليتنافس المتنافسون يبقى انا المفروض مش بس اسعى في مرضاة الله ده انا دايما انا عايز اسبق اي حد اي حد بيسبقني بخبطه - 00:27:20ضَ

انا عايز ابقى زيه وبعد كده عايز احسن منه. بعد كده اعديه. بعد كده معه بص اللي بعده. وهكزا اسعى في مرضاة الله. فالمدبرات امرا يعني اطلع من موضوع اخش في موضوع اخلص دي سبقت دوت - 00:27:34ضَ

خلصت دي خلاص. خش في التاني. خلصت خلصت الهدف ده. خش في التالت. على طول من امر لامر من امر الامر. ده جو ايه كمان الايه؟ اللي انت بتعيشه جو تاني بقى خالص. ان كل الصفات دي - 00:27:44ضَ

ننتقلك الى تدبر في عظم قدرة الله تعالى كل دول مجرد جنود من جنود الله تعالى. فهذا الذي خلق هذه هذه الملائكة على عظم خلقتها وكثرتها المهولة. طبعا عدد مهول. النبي عليه الصلاة والسلام - 00:27:58ضَ

سلام وصف انتم عارفين البيت المعمور هي كعبة الملائكة ده في السما السابعة. النبي عليه الصلاة والسلام لما في رحلة المعراج لما ارتقى الى السماء السابعة قال فوجدت ابراهيم عليه السلام مستندا الى البيت المعمور - 00:28:17ضَ

ساند ضهره كده البيت المعمور. وضع ايه مسالي وده يعني راجل يعني مميز عند الله سبحانه وتعالى طبعا قال فوجدته يحج اليه في اليوم الواحد سبعون الف ملك لا يعودون - 00:28:31ضَ

يعني اليوم الواحد بيحج يكملك زي الناس بتحج كده بيطوفوا كده عادي سبع اشواط وبتاع. سبعين الف ملك كل يوم ما بيرجعوش تاني. الملك بيحج مرة واحدة كل يوم هم كم واحد - 00:28:46ضَ

سبعين الف كل يوم خلق مخلوقات ديت على عظام النبي عليه الصلاة والسلام قال اذن لي ان اتحدس عن ملك من ملائكة العرش حملة العرش ما بين شحمة اذنه الى عاتقه تخفق الطير خمسمائة عام - 00:29:00ضَ

لو طائر طار خمسميت سنة يجيب من ودنه لكتفه شيء مأمول. طيب الذي خلقه لهذه المخلوقات؟ مش ده دي دليل على البعس؟ يعني جملة الصفات ديت توقع في نفسك يعني - 00:29:17ضَ

يعني يقين ان الذي خلق هذا الخلق ايسر عليه ان يبعث هذا المخلوق الضعيف جدا المسمى بالانسان طيب كل دي قسم ربنا بيقول ايه؟ والنازعات والناشطات ده اسمه واو الايه؟ واو القسم. المفروض انا اقسمت اقسم على حاجة بقى. انا بقول لك دلوقتي - 00:29:30ضَ

والله الفاول والله يسقط هتقول لي والله ايه وربنا دلوقتي قال والنازعات والناشطات والسابحات والسابقات فالمدبرات. وبعد كده اليوم ترجف الراجفة جواب القسم بيخصم على ايه هنا بيقول لك جواب القسم محزوف - 00:29:53ضَ

ليه محزوف ده من بلاغة اللغة عموما دي حاجة في اللغة البلاغة سماها الايجاز. يعني ايه الايجاز؟ الايجاز العربي ازا كان الشيء مفهوم تحزفه انت اكيد انت فاهم انا عائز اتكلم على ايه؟ عشان كده انا قلت لك هرجع لك ثاني موضوع الصورة - 00:30:13ضَ

لما تبقى فاهمه هتقدر انت تعرف جواب القسم ايه والنازعات والناشطات والسابحات فالسابقات فالمدبرات لتبعسن يبقى جواب القسم ايه؟ لتبعسن لانه خلاص هو مفهوم جدا من موضوع الايه؟ السورة. فيحزف لانه تقديره واضح جدا. ربنا بيقسم عليه. كل القسم ده على البعس. مش كده؟ وده هتلاقيه كتير - 00:30:32ضَ

ايه بقى في القرآن اسلوب شرط ما لوش جواب ولو ترى اذ وقفوا على النار فقالوا يا ليتنا نرد ولا نكذب بايات ربنا ونكون مؤمنين. المفروض ولو ترى يحصل حاجة بقى. ايه بقى فين جواب الشرط؟ مش موجود - 00:30:59ضَ

طب ايه معنى كزلك؟ يقول لك حزف لانه مفهوم بالبداهة. يعني ولو ترى هزا المشهد لرأيت امرا مهولا ولو ترى يا محمد هزا المشهد لرأيت ايه؟ امرا مهولا فيما هنا جواب القسم محزوف تقديره ايه؟ لتبعسن. طيب - 00:31:18ضَ

خلاص احنا اتكلمنا كده في حتة آآ شرحنا المعنى وفسرنا حطينا حتة ايمانية تربوية خلينا بقى نحط حتة ايه؟ علمية كل الاوصاف اللي انا كلمتك فيها دي اختلفوا فيها النازعات هل اتفق العلماء على ان النازعات هي الملائكة؟ لا - 00:31:39ضَ

في ناس قالوا الملايكة وناس قالوا الموت. نازعاتها الموت ينزع النفوس. وناس قالوا النجوم. لان الملائكة النجوم تنزع من مكان الى مكان وناس قالوا هي القسية اللي هو البتاع بتاع السهم. ان هو ايه شد عليه السهم جامد - 00:31:57ضَ

طيب الناشطات نفس الخلاف. فيه ناس قالوا الملايكة ونسأل الموت ينشط ارواح المؤمنين الموت نفسه ونسأل النجوم وهكزا ونفس الخلاف وقع في الايه؟ السابحات نسأل الملايكة ونسأل الموت. نسأل النجوم ونسأل الخيل. بصوا ان السابحات ايه؟ حاجة بتجري - 00:32:21ضَ

اضافوا قول جديد اللي هو الايه الخيل. سابقات نفس الكلام جم عند المدبرات المدبرات امرا كل المفسرين قالوا ان هي ليه؟ قال الملائكة اختلفوا في كل ما عدا المدبرات كلهم قالوا ان المدبرات هي الايه؟ هي الملايكة - 00:32:45ضَ

طيب نقولوا الاول ايه سبب الخلاف؟ وبعد كده نقوله طب وايه ايه الاقرب طبعا فسروا الملايكة خلاص انت عارف اكيد احنا هنختار ايه. بس هو ايه سبب الخلاف؟ فاكرين احنا قلنا من خلال دراستنا كل شوية كده هتيجوا حتة علمية - 00:33:12ضَ

احنا قلنا دايما ان معك كراسة. هنقوله مسلا سبب الخلاف. يبقى في حاجة اسمها كده في عمود اسمه اسباب الخلاف في التفسير. كل شوية تضيف لنفسك ايه؟ معلومة من اللي انا - 00:33:28ضَ

ايه اسباب الخلاف؟ كل ما اقول حاجة حطها في الايه؟ حطها في الصفحة بتاعة اسباب الخلاف. بعد كده تلاقي نكون عندك مجموعة كبيرة من القواعد تستفيد بها. واعمل تعمل صفحة - 00:33:38ضَ

اسمها قواعد للترجيح قواعد للايه؟ للترجيح. ليه اخترنا القول ده وسط الاقوال دوت وفي صفحة تالتة اسمها انواع الخلاف. تضاد وتنوع الكلام دوت. بس خلينا الاول الصفحة اللي فيها اسباب الخلاف. ايه سبب الخلاف - 00:33:48ضَ

للنازعات نسأل الملايكة نسأل الموت نسأل لان الكلام هنا ربنا زكر وصف ما زكرش ايه موصوف نازعات حاجة بتنزع. ربنا قال ان هم الملايكة هو قال وصف فانت ممكن تجتهد وتحدد الايه؟ الموصوف - 00:34:06ضَ

مين النازعات؟ ما هو ممكن يكون الموت ما الموت بينزع. طب ما ممكن تكون البتاعة بتاعة السهم اهي بتنزع. طب ما هي ممكن تكون الملايكة ما هي بتنزع نبتدي اجتهادات بقى - 00:34:34ضَ

هي الناشطات هي السابحات. طب ما السابحات ممكن تكون خير ممكن يكون طاير صح؟ ممكن تكون ملايكة مش ده وصف. يبقى ازا سبب الخلاف ان يزكر الوصف بدون ان يزكر - 00:34:46ضَ

الموصوف بس وبالتالي يجتهد الايه المفسر او الصحابة او التابعين مسلا في تحديد مين هو الايه؟ الموصوف. طبعا اجتهاد مش عشوائي. حد يحاول يربطه بالايه؟ بالسياق وكده عشان كده اختلفوا في كل الايه؟ في كل الاوصاف ديت - 00:35:00ضَ

طيب ايه اللي بيخلي الواحد مسلا يعني يقول الاقرب ان هي الملايكة انهم ما اتفقوا على الايه؟ على المدبرات امرا. كلهم قالوا ان هي ليه الملايكة انت بتقول لي طب ما هم كلهم طالما اتفقوا على ان هم المدبرات امر الملائكة. ليه اختلفوا في الايه؟ في الباقي طب ما كانوا يقولوا زي ما انا قلت كده خلاص يبقى كله الملايكة وخلاص - 00:35:18ضَ

عادي ممكن يختلفوا لان مش ضروري يكون النازعات الناشطات السابحات سابقات بنتكلم في نفس الحاجة ممكن يكون بيتكلم في كزا حاجة. يبقى المدبرات دي الملايكة وعادي النازعات تبقى الموت صح في مانع؟ ما فيش مانع مش كده - 00:35:43ضَ

بس احنا نحط ايه؟ قاعدة القاعدة دي بتخليك لما تحصل حاجة زي كده ممكن تميل لقول الاقوال ازا وجد موصوفات يعني بمعنى انا دلوقتي عندي كزا كزا وصف اخليهم لموصوف واحد ولا اعدد الموصوفات - 00:36:01ضَ

ايهما اولى وصف وصف وصف وصف وصف خلي الاوصاف دي لموصوف واحد ولا اخلي كل وصف بموصوف شكلي الاولى خليه الموصوف واحد ده سياق فالاقرب ان دايما بيبقى الكلام على على واحد - 00:36:32ضَ

وانت بتنوع في ايه؟ فوسفاته. خاصة ان ربنا ربطهم بفاء. يعني ايه؟ مسلا السابحات سبحا فالسابقات سبق. الفدي تدل ان فيه بين الاولاني وليو تاني. فالمدبرات امرا. يبقى دول مترتبين على ايه؟ على بعض - 00:36:50ضَ

يبقى طالما اختلفوا واتفقوا في واحد يبقى الاولى اخلي الواحد ده هو الايه؟ هو كله فدي قاعدة ترجيحية ازا ازا وجد موصوفات او اوصاف يعني. فالاولى ان احملها على ايه - 00:37:08ضَ

موصوف واحد بدلا من ان احمل على عدة ايه؟ على عدة موصوفات. خلاص؟ خدنا قاعدة خلاص خلصنا الجزء الايه؟ العلوي يبقى انت استفدت استفدت ليه اختلفوا؟ بسبب ما ان هو ربنا زكر صفة ولم يزكر موصوف. وازاي قدرنا نميل الى ترجيح النية - 00:37:27ضَ

ده قول الجمهور ان هي الملايكة ان حمل الاوصاف على موصوف واحد اولى من حمل الاوصاف على عدة موصوفات خاصة ان هنا السياق بيدل ان هم ان هم تابعين لبعض لان اتعاطف في اخر اتنين بالفاء - 00:37:46ضَ

والسامحات سمحا فا. فالسابقات يبقى دي مرتبطة بايه؟ اللي قبله. فالمدبرات يبقى دي مرتبطة وطالما اتفقنا على المدبرات يبقى هات لي بقى اللي وراها كله ايه يبقى دي الملايكة يبقى ده الملايكة يبقى ده الملايكة يبقى ايه؟ وهكزا - 00:38:04ضَ

صح؟ يبقى ايه؟ يبقى موصوف واحد. اولى. ده ترجيح. لكن هل احنا بنلغي الخلاف؟ لا ما نلغيهوش. نقول والله خلاف واقع. هو كده كده خلاف تنوع على فكرة آآ في مشكلة ان السابحات تبقى الملايكة او الخيل او الطير في تعارض؟ عادي - 00:38:19ضَ

ده صح وده يمشي وده يمشي. زي ما قلنا خلاف التنوع واسع. اه لكن هنا زي ما قلنا برضه خد حتة فايدة لك. فاكرين احنا قلنا خلاف لازم ارجح صح؟ قلنا خلاف التنوع مش لازم ارجع - 00:38:35ضَ

بس مش لازم اراجع ما ارجعش ممكن ارجح بس عادي وفي الاخر ممكن الاقوال كلها ايه؟ ان انا استوعبها وخلاص مش لازم انهي ليه؟ انهي الخلاف. بس في التضاد لازم انهي الخلاف لان هو في ايه؟ تضال. لكن هل طالما خلاف تنوع يبقى ما يرجحش؟ ما ينفعش - 00:38:50ضَ

لا ممكن عادي. بس هنا الترجيح مش هنقول ان هو ان هو بقول الاقوال التانية غلط. بقول القول ده اولى او اقرب مع ان انا بقول الاقوال التانية عادي لان هي ما تضرنيش في حاجة - 00:39:10ضَ

صح؟ يعني انا اما اقول ان السابحات الاقرب انها الملائكة. يزعلني ان هي برضو تبقى الخيل. يزعلني ان هي تبقى برضو الموت. ما تزعلنيش في حاجة يبقى انا مش رغم ان هو خلاف تنوع. ان الاقوال مش متعارضة. ان انا خدت الكلمتين اهو. ينفع ارجح عادي؟ مع عدم ايه؟ الغاء الايه؟ الاقوال - 00:39:24ضَ

التانية واعتبارها عادي ان هي موجودة بس انا بقول ده ايه؟ اولى وانسب للايه؟ للكلام. اه. وممكن نجمع بينهم. ثم قال تعالى ثم ترجف الراجفة. تتبعها الرادفة يوم ترجف الراجفة - 00:39:43ضَ

قال لك الراجفة هي النفخة الاولى تتبعها الرادفة هي النفخة الثانية الراجفة لانها ايه ترجو في الارض. يوم ترجف الارض والجبال. وكانت الجبال كثيبا مهينا ترجف في الارض بسبب النفخة. يوم ينفخ في الصور فصعق من في السواد. ففزع من في السماوات. رجفة - 00:40:00ضَ

الراجفة هي النفخة الاولى تتبعه الرادفة. يقول لك ايه فلان رديف فلان يعني ايه؟ يعني جه وراه يعني. فابن عباس يقول كنت رديف النبي صلى الله عليه وسلم على حمار - 00:40:27ضَ

قال لي يا ابن يا غلام اني اعلمك كلمات الحديس ليه؟ يعني ايه رديف؟ يعني قاعد وراه. فالرادفة هي اللي جاية ايه؟ وراها على طول بين النفختين اربعين كما قال النبي عليه الصلاة والسلام. فبعديها تيجي الايه؟ النفخة التانية لنفخة الايه؟ البعس. يوم ترجف الراجفة النفخة الاولى - 00:40:39ضَ

الرادفة قال تعالى مبينا احوال الناس بقى. قلوب يومئذ واجفة ابصارها خاشعة. يقولون ائنا لمردودون في الحافرة. فاذا كنا عظاما نخرة قالوا تلك اذا كرة خاسرة قلوب يومئذ واجفة. ربنا ما قلش القلوب يومئذ وجه. قال ايه - 00:40:58ضَ

قلوب وهذا يدل على ايه؟ ان مش كل القلوب واجفة. وانما هناك قلوب واجفة. بس طبعا الجمع يدل ان هم كتير. يعني احنا استفدنا حاجتين من كلمة خلود. ده مش كله. لانه ما قالش - 00:41:24ضَ

قلوب ان الف لام الاستغراق هتدل ان ايه؟ كل القلوب. لا وكونه زكرها جمع كده. مع التنكير يدل ان هم كتير لان الكفار اكتر من المؤمنين وما اكثر الناس ولو حرصت بمؤمنين. يبقى اذا قلوب كثيرة ستكون واجفة واجفة يعني ايه - 00:41:38ضَ

خائفا خائفا. تمام؟ قلوب ربنا زكر القلوب هي التي ستخاف. لان الانسان قد يكون زاهره ان هو فيه اسباب خوف حواليه. بس ربنا يجعل قلبه ايه؟ مطمئن. يا ابا بكر لا تحزن. ان الله - 00:42:01ضَ

هاي معنا فانزل الله سكينته عليه. تمام؟ يعني انا ممكن يكون حواليه اسباب الخوف بس انا ايه؟ قلبي مطمئن. لكن لو القلب يبقى انت خايف بجد ممكن الواحد يبقى حواليه اسباب الامان وخايف - 00:42:20ضَ

هو ده اللي ربنا بيعمله في الكفار في الدنيا سنلقي في قلوب الذين كفروا الايه؟ الرعب. يبقى حواليك كل اسباب الامان. حرس وفلوس ومتع وقلبه ايه؟ فيه خوف. فيه المؤمن العكس حواليه اسباب الخوف ربنا ينزل على قلبه ليه؟ السكينة. يبقى القلب. عشان كده ربنا قال ده القلوب خائفة - 00:42:36ضَ

يعني خوف خوف رعب قلوب يومئذ ايه؟ واجفة يعني خائفة. ابصارها خاشعة يعني ذليلة نزل بها من الخوف ما جعلها خاشعة. ابصارها ما قالش ابصارهم. ابصارها اللي هي ابصار القلوب. وكأن القلب خلاص كله جسمه بقى قلب - 00:42:54ضَ

خلاص القلب بيتحكم في كل حاجة دلوقتي. ابصارها خاشعة. سبحان الله! طب ازاي الانسان يعني يعني لا يشهد مشهد كهزا اه بص بقى النبي عليه الصلاة والسلام يقول قال الله تعالى في الحديث القدسي - 00:43:16ضَ

وعزتي وجلالي لا اجمع على عبدي خوفين ولا امنين ان خافني في الدنيا امنته في الاخرة وان امنني في الدنيا خوفت في الاخرة ازا الصورة بتقول لك عايز تهرب من المشهد ده - 00:43:31ضَ

خلي الاوصاف دي في الدنيا. تكن في الدنيا خاشعا ذليلا لله باختيارك خائفا من الله باختيارك. عشان كده سورة النازعات نفسها يكثر فيها ذكر الخشية قال ان يوم يتزكر قال سبحانه وتعالى ان آآ يوم تزاكر الانسان ما سعى برزق هل لك الى ان تزكى واهديك - 00:43:54ضَ

الى ربك فايه؟ فتخشى ادي اول مرة. وبعد كده ربنا قال آآ واما من خاف مقام ربه ونهى النفس عن الهواء تمام اه وهكزا تجد السورة فيها الخوف والخشية تتكرر كتير. وكأن في معنى اه اللي هيخاف هنا بمزاجه هيهرب من الايه؟ من المصير دوت - 00:44:16ضَ

ولم يلبسوا ايمانهم بظلم اولئك لهم الامن. قال من جاء بالحسنة فلهو خير منها وهم من فزع يومئذ امنون. تمام؟ يعني قال فان الذين سبقت لهم من الحسنى اولئك عنهم مبعدون لا يسمعون ايه؟ حسيسها وهم فيما اشتهت انفسهم خالدون. لا يحزنهم فزعوا الاكبر وتتلقاهم الملائكة - 00:44:40ضَ

انت هنا في الدنيا تحاول انك تنمي في قلبك عبادة الخوف. الذل لله تعالى. فهو ده العز الحقيقي اخواني في الدنيا والاخرة. تمام؟ فالزي ان يخشى الله في الدنيا ذا ومصيره. قلوب يومئذ ابصارها خاشعة. يقولون ايه بقى؟ يقولون ائنا لمردودون في الحافرة. يعني ايه الحافرة - 00:45:00ضَ

هادي المشكلة دلوقتي عندي في الاهلي اكيد كلنا مش فاهمين ايه الحافرة دي الحافلة في اللغة يعني. الواحد لما بيمشي بيعمل ايه برجله؟ حفرة وهو ماشي كده صح؟ ما تمشي كده بتعمل علامات فتبص وراك - 00:45:20ضَ

تحس ان فيه حفرة طويلة اوي العرب بتقول رد في الحافرة يعني ايه؟ راجعة تاني يعني ان هو لما راح حفر فلو رجع في نام في الحفرة ديت يبقى هو فين؟ يبقى راجع تاني. مش كده؟ فعايزين يقولوا احنا هنرجع تاني - 00:45:34ضَ

احنا في حياة تاني بعد الموت هو احنا هنرجع للارض دي تاني بعد ما ننزل تحتها لاننا لمردودون في الحافرة يعني هنرجع بعد ما نزلنا الارض نرجع تاني فوق الارض بعد الموت نرجع تاني عشان كده ناس في ناس فسروا الحافرة الحياة بعد الموت. وناس فسروا الحافلة الارض ما فيش تعارض. لان هو لما يرجع - 00:45:52ضَ

الحقيقة هيرجع تاني ايه؟ يا اب على الارض. فانهينا ما فيش تعارض بين التفسيرين عشان اتكلم اصلا. تمام؟ بس كلمة مردودنا في الحفلات لفظ عربي. يعني انا ارجع تاني يعني هرجع تاني في الحفرة اللي انا مشيت فيها كل الحفرة اللي عملتها دي هرجع تاني ده معنى الايه؟ الحافرة. بعد ما ندفن في التراب نعود مرة اخرى. طبعا - 00:46:12ضَ

هم بيقولوا هنا استهزاء يعني عشان كده بص بس كمل في الكلام عارف لو سؤال استفهام لا باين الكلام اذا كنا عظاما نخيره ده احنا بقينا فرافيت انت متخيل المشهد كأنهم ايه؟ وضرب لنا مسلا ايه؟ ونسي خلقه - 00:46:32ضَ

جاب كده بتاع قال من يحيي العظام وهي ايه؟ رميم. قل يحييها الذي يرسل الاستدلال العقلي انشأها ايه؟ اول مرة. وهو بكل خلق عليم فاذا كنا عظاما نخرة ده خلاص بالية كيف نعود؟ تمام؟ آآ كما قال وازا كنا ترابا زلك راجع ايه - 00:46:52ضَ

بعيد وايه المشكلة؟ طالما ربنا يعلم انت رحت فين ويقدر. الا ايه الاشكالية؟ قد علمنا ما تنقص الارض منهم. وعندنا كتاب حفيظ. انا مش هرجعك محتاج حاجتين. علم وقدرة. علم انت رحت فين - 00:47:12ضَ

انا لو عندي قدرة بس ومعرفش انت فين مش هعرف ارجعك لو عندي علم بس انت فين بس ما اقدرش مش هقدر ارجعك يبقى عايز علم وايه وقدرة عشان كده ربنا زكر في اخر ياسين العلم مع القدرة. اوليس الزي خلق هيسماء الارض بقادر - 00:47:28ضَ

على ان يخلق الاسلام؟ بلى وهو الخلاق الايه؟ العليم يربط العلم مع القدرة. لان البعس محتاج حاجتين بس. علم مع ايه؟ مع قدرة. عشان كده في السورة قال هم قالوا ترابا. عايزين يقولوا هتجيبنا منين - 00:47:43ضَ

قال قد علمنا ما تنقص الارض منهم. وعندنا كتاب ايه؟ ده احنا مسجلين كمان. كتاب حفيظ. فاذا كنا عظاما نخرة باليا قالوا تلك اذا كرة خاسرة. ده احنا لو رجعنا - 00:47:59ضَ

اه هنروح في ستين داهية طبعا هم بيقولوا كده استهزاء يعني. تلك اذا كرة خاسرة. احنا لو رجعنا لو فعلا في بعث احنا اول ناس ايه؟ هنخسر. احنا عارفين عملنا ايه. سبحان الله - 00:48:16ضَ

يعني هزه الرجعة لا خير فيها. لا خير فيها. وصدقوا ستكون لهم كرة خاسرة يوم يجمعكم ليوم الجمع ذلك يوم الايه؟ تغابن. يعني ايه التغابن؟ يعني يكتشف الكافر انه كان مخبون - 00:48:29ضَ

باع الاخرة تماما مقابل دنيا حقيرة فانية قباعة قصادها اوف جنة عرضها السماوات والارض. فده غم غني يعني ايه يعني انا اديك سلعة غالية قوي وانا وانا رضيت بثمن ايه؟ صغير قوي وسبتها - 00:48:51ضَ

ده الغبن عشان كده يوم الايه؟ يوم التغاوان. اما اهل الايمان فلا يرون ان الرجعة دي كارة خاسرة ابدا كان خالي وليد يقول جئتكم بقوم يحبون الموت كما تحبون الحياة. والمهم يقول اسألك الشوق الى لقائك. فالمؤمن يعلم انه - 00:49:08ضَ

ننتقل الى الى دار بازن الله تعالى هي اه مستقر ستكون بلا شك خير من الدنيا وما فيها. والاخرة خير وابقى. ثم قال قال تعالى مبينا الامر ايسر ما يكون. انتم تستبعدون؟ بص بقى الرد رد قوي قوي. انما هي - 00:49:26ضَ

زجرة واحدة يعني كمان مش هقدر ده الموضوع اسهل مما تتخيل مش هقدر يعني لأ ده سهل جدا زجرة واحدة هي نفخة واحدة قال فازا نفخ نفخ في الصور فصعق من في السماوات ومن في الارض الا من شاء الله. ثم نفخ فيه اخرى فاذا هم ايه؟ قيام. ينظرون - 00:49:45ضَ

امر ايسر مما تتخيل. انما هي زجرة واحدة. فاذا هم بالساهرة ايه السيارة دي؟ قال لك الارض طب اتسمت ظاهرة ليه؟ لانهم سيسهرون عليها ولا ينامون بعد ذلك ابدا يقول لك فلان سهران يعني سهران يعني ايه؟ بينامش - 00:50:14ضَ

فاتسمت الارض نفسها الساهرة يعني كأن ما حدش ايه ما حدش هينام تاني خلاص كده ربنا وصف يوم القيامة باليوم الايه العقيم يوم عقيم في سورة الحج باليوم الايه؟ يوم عقيم. عقيم يعني ايه - 00:50:32ضَ

مش هيولد تاني ما فيش واحد بعديه ما لوش خلف. ده اخر يوم عندنا. يوم عقيم. فهذا ارض الساهرة التي سيسهرون عليها ولن يناموا بعد زلك ابدا اما اهل الجنة فلن يناموا طبعا. البعض يسأل مسلا يقول لك واهل الجنة لهم فيها ما يشاؤون. ينفع انام؟ مين ده اللي هيطلب النوم؟ هل يطلب احد النقص - 00:50:55ضَ

الجنة النوم نقص في واحد عنده كل المتعة ديت بيقول لك عايز انام شوية لن ينام اهل الجنة لانهم في متعة دائمة ولن ينام اهل النار لانهم في عذاب دائم - 00:51:16ضَ

يتمنوا ادعوا ربكم يخفف عنا ايه؟ يوم عذاب. بس هو ما يقدرش ينام من شدة الالم نسأل الله السلامة والعافية. فازا هم بالساهرة. ثم ذكر سبحانه وتعالى قصة فرعون هل اتاك حديث موسى؟ طبعا قصة فرعون زكراه بعد الايه؟ بعد المشهد دوت من باب ايه؟ من باب اه مم الربط بقى - 00:51:30ضَ

ربط المواضيع بقى. ان انا خلاص انا اقنعتك بشكل ما في الاول وبعد كده اقنعك بشكل قصة قصة ازا كنت غير مقتنع الان تعال اوريك واحد زيك بالزبط. جاله رسول زيك بالزبط من عندي برضو - 00:51:54ضَ

وقال له نفس الكلام هو طلب من نفس الطلب ورفض. خلصت على ايه اخزه الله نكال الاخرة والاولى. فهذا نوع تهديد لاهل مكة. فده اسلوب دعوة. نتيجة مسلا تحزر واحد من السجاير تقول له تحكي له قصة واحد مسلا سوء خاتمة وبتاع - 00:52:10ضَ

صلوا وسوى فيه. عايز تحزر واحدة من التبرج ممكن تحكي لها قصة واحدة متبرجة. تابت او ماتت على التبرج. يعني ايه؟ دي الاتنين ايه؟ بينفعوا معك زكر القصص في وسط الكلام ما فيهوش اي اشكالية عندك. ما تقولش ايه ايه اللي دخلنا في قصة سيدنا موسى؟ افهم احنا بنتكلم ده اسلوب دعوي - 00:52:25ضَ

ربنا بيهدد اهل مكة بالقصة ديت. فرعون قصة مشهورة. حصل واتسوى فيه وجاله رسول وانكر والكلام دوت. طبعا القصة فيها فوايد يعني اه جميلة. فان شاء الله ايه خلاص احنا كده آآ دايما اول مرة ما بناخدش كتير عشان في كلام حوالين الصورة كتير بس احنا زي ما قلنا خلاصة الكلام - 00:52:45ضَ

بعد الدرس ده انت ممكن عادي جدا تقرا التفاسير اما التفسير المختصر فالمتعة ان انت هتفهم قد ايه التعب في التفسير المختصر ده تفتكر الناس ايه كتبوه بسهولة كده. لأ ده دولا قروا التفاسير الكبيرة كلها. وعملوا شغل كبير اوي عشان الكلمة اللي انت بتقراها في السريع - 00:53:05ضَ

تتحط. التعب فيها يعني. ما تقعد فيها جامد. على فكرة التفسير المختصر اصعب من التفسير الكبير. التفسير الكبير يحط كل الاقوال وخلاص تفسير مختصر بيختار الاختيار ده مهمة شاقة جدا. واحيانا بيبقى فيه - 00:53:31ضَ

مفسر بديع ممكن يكتب لك عبارة فيها كل الايه؟ كل الاقوال حطها ورا بعض. فلما تفهم اصلا ده هم دول اقوال كلهم. انت عملتها ازاي كده؟ هو كتبها لك انت طبعا ما تعرفش ان كان فيه خلافات واقوال وبتاع فراح - 00:53:47ضَ

هو حطها لك في عبارة جميلة كده. انت قبل ما تفهم الخلافات كنت فاكر العبارة دي سهلة وهو ايه بيقول كلام ادبي مسلا ويحط حتة من عنده تاتش وبتاع لا. ده - 00:54:04ضَ

عشان يصبغها لك الصيغة العزيمة ديت تقول ياه قد ايه التعب في التفسير دوت. فانت هتيجي تقرا دلوقتي التفسير ميسر مستمتع جدا ايسر التفاسير تستمتع. هتقرا مسلا مختصر في التفسير. تقرا تفسير الساعة دي. كل دي مستوى اول او اول وتاني يعني. هتستمتع قوي بالعبارة الموجزة - 00:54:14ضَ

اللي المفسر جابها وازاي تعب فيها عشان يختصر لك الخلاف في كلمة او كده. وممكن بعد الدرس ده عادي جدا تخش تقرا ابن كثير يرى ابن كثير عالم ويفضل عشان برضو الاسانيد الكتير وبتاع اقرا مختصر لابن كثير - 00:54:35ضَ

انا بنصح دايما بالمصباح المنير. كتاب مشهور اسمه المصباح المنير مختصر ابن كسير جميل اوي شال بس الاسانيد وبتاع واختصر على الاقوال الايه؟ المعتمدة وكده. فده تيجي تقرا دلوقتي الله على السلام اول مرة افهم الموضوع طلع بسيط والشيخ سهل لنا الموضوع - 00:54:50ضَ

خالص تمام طيب انا بحضر من انهي كتاب او الكتاب اللي انا بركز عليه هو كتاب صعب شوية. وانا مش اي حد هيبقى سهل ان هو يستوعبه بس لو حد انا - 00:55:07ضَ

ما بحبش اخبي المصادر انتم عارفين. انا في كتاب جميل قوي للدكتور مساعد الطيار. قلت عليه اول مرة اسمه تفسير جزء عم. بس توازنه تفسير جزء عام. هو ده بتفسير وزعمة بس - 00:55:19ضَ

للدكتور مساعد الطيران. صعب شوية بس لو حد يعني مستواه متقدم ممكن يقرا فيه هيستمتع جدا جدا جدا. لكن انا بقول لك اي تفسير دلوقتي هتقراه في المستويات اللي انا قلتها دوت لغاية ان كثير هتلاقي نفسك مشفق عادي خلاص بدأت يبقى عندك ادوات تقبل على التفسير ما عندكش اي اشكال في الموضوع ده. المرة الجاية - 00:55:31ضَ

نستمتع ان شاء الله ببقية الصورة. ربنا يبارك فيكم. جزاكم الله خيرا. الحمد لله رب العالمين - 00:55:52ضَ