الحمد لله وكفى الحمد لله وكفى وصلاة وسلاما على عباده الذين اصطفى. اللهم لك الحمد كله. ولك الملك كله وبيدك الخير كله. وبيدك الخير كله واليك يرجع الامر كله. لبيك وسعديك والخير كله في يديك - 00:00:07

والشر ليس اليك. انا بك واليك تباركت وتعاليت استغفرك واتوب اليك. اللهم صل على عبدك ونبيك وحبيبك ووليك وصفيك ورسولك محمد صلى الله عليه وسلم ثم اما بعد قصدتك يا حمى روحي - 00:00:27

ويا غوثي من الكرب ويا حصني من الايام والايام تعصم بي ويا حصني من الايام والايام تعصف بي. اختي المسلمة هنبدأ باذن الله سبحانه وتعالى من اول الليلة لقاء مع بعض. لقاء مفتوح مع بعض - 00:00:47

الله سبحانه وتعالى وراء كل عظيم امرأة وراء كل عظيم امرأة. الكلام ده مش كلامي انا. ده كلام ربنا سبحانه وتعالى. قال تعالى في ايات عباد الرحمن ربنا هب لنا من ازواجنا - 00:01:04

ذرياتنا قرة اعين من ازواجنا قرة اعين ها وجعلنا للمتقين اماما. يبقى اذا وراء كل عظيم امرأة فعلا لما فاوتي من ازواج قرة اعين ربنا جعله امام للمتقين. وراء كل عظيم امرأة. انا عايزك تسمعيني. ربنا سبحانه وتعالى بيقول حتى اذا ما جاءوها شهدوا - 00:01:17

عليهم سمعهم وابصارهم وجلودهم. اول ما ييجوا عند النار اول حاجة تشهد عليهم ايه؟ سمعهم. اول حاجة هتشهد عليك قدام ربنا ودنك. انا عايز انت بتسمعيني ليه؟ ودنك دي على حسب اللي انت اديتيه له ودنك على حسب مقامك في الاخرة عند الله. يا جماعة ادينا وادينا لمين؟ اديتي ودنك لمين؟ لدعاة - 00:01:37

تحرير المرأة والتغرير بالمرأة اديتي ودنك لمين ؟ للقنوات الفضائية الساقطة اديتي ودنك لمين ؟ لشاب ممكن يضحك على كتاب محصول الكلام ولا اديتي ودنك للدعاة اللي بيزكره بالله سبحانه وتعالى؟ ولا اديتي ودنك للدعاء اللي بيدعوك الى الله والى الفردوس الاعلى؟ ولا اديتي ودنك لكل ده - 00:01:57

اية اسلامية حفظتك القرآن وعلمتك كتاب الله. اديتي ودنك لمين؟ احنا عايزين نتكلم. انا بكلم مين الاول؟ انا بكلم كل فتاة دلوقتي في مرحلة الجامعة. وهي وسط المجتمع بتاع شهوات اللي عايشة فيه. وباكلم كل فتاة متقدم لها خطيب ومحتارة ترفضه ولا تقبله. وباكلم كل واحدة مستنية نصيبها. لسة الزوج الزوج - 00:02:17

ما جلهاش. وباكلم كل واحدة اتجوزت وبقت ام في سنة اولى جواز او ولادها كبروا. او ولادها خلاص سابوها وباتية لوحدها. بكلم كل فتاوى كل امرأة ايا ما كان وضعها وايا ما كان سنها من اول البنوتة الصغيرة لغاية امهاتنا الفضليات. يا جماعة المرأة لها دور خطير جدا في حياتنا. ده الرسول عليه الصلاة والسلام - 00:02:37

بيقول ان المرأة خلقن من ضلع خلقن من ايه؟ من ضلع ضلع من ضلع سيدنا ادم. طب ما كان ربنا ممكن يخلق المرأة من ايد سيدنا ادم. من رجل سيدنا ادم من - 00:02:57

سيدنا ادم اشمعنى الضلع؟ لو انت فكرت معي الضلع ده هو الضلوع ده اللي بتحاوط القلب من كل جهة. اللي حامية القلب من كل اهو ده دور المرأة بالنسبة للراجل. المرأة دي بتحتوي الراجل. بتحميه من كل جهة. اي والله يا جماعة. الكلام ده ممكن يكون عجيب شوية بس هو ده الحقيقة. هو ده - 00:03:07

دور المرأة بالنسبة للراجل انها تحتضنه انها تبقى الحنان بتاعه. ان هي تبقى توفير السكن بتاعه. زي ما الضلوع محاوطة القلب بالزبط. وبتوفر له الحنان سكن والاحتضان من كل جهة. انا عايز كل امرأة عايزين يا جماعة عايزين نساء السلف مرة تانية. عايزين نساء الصحابة مرة تانية ام سليم لما جا لها - 00:03:27

صالحة يخطبها وكانت امرأة جميلة. كانت جميلة العيناني كانت جميلة. فبيقول لها يعني اريد ان اخطبك. يعني شوفي مهرك كم. قالت له اني لا اريد بيضاء ولا صفراء انا لا عايزة دهب ولا عايزة فضة. قال لها قال لها امال عايزة ايه؟ قالت له ولكن صداقي الاسلام. فان اسلمت تزوجتك. الله اكبر. ايه ده؟ بتقول انا مش - 00:03:47

عايزة قايمة بتسعين الف جنيه. انا مش عايزة فرح بميت الف جنيه. انا مش عايزة شبكة بخمسين الف جنيه. انا مش عايزة تكتب لي مؤخر بمية وخمسين الف جنيه. انا عايزة دين - 00:04:07

انا طالبة دين. انا عايزة واحد اخد احط ايدي في ايده وندخل الفردوس الاعلى مع بعض. يا جماعة ام سليم اختارت ربنا قبل ما تختار زوجها فعرفت تختار زوج صح. كان سعادتها في الدنيا وان شاء الله في الاخرة. عايزين نساء زي زمان. انا انا نفسي تبقي سعيدة. ربنا يريد انك انت تبقي سعيدة. عايزينك تبقي سعيدة يا اختي - 00:04:17

خدي بالك المكياج وعلب المكياج وعلب الفرفان لو انت اخترتيها والله انت واقفة في طريق سعادتك. اللبس الديق واللبس القصير واللبس ده وقفة في سعادتك اي اختيار المرأة اللي فاكرة ان عندها لزوجها وان هي تحط نفسها بجانب زوجها وما فيش حاجة انها اسمها ان انا اسمع كلامه في كل حاجة بيقولها وتتمرد على زوجها - 00:04:37

انت واقفة في طريق سعادتك. انت عايزة تبقي سعيدة سعادتك دي في قلبك. وقلبك ده بايد ربنا سبحانه وتعالى لوحده. عايزة تبقي سعيدة يبقى مش ايدك غير اللي قلبك بايديه ربنا ومش هيسعدك غير لما تبقي مع الله سبحانه وتعالى. هو ده عايزين نساء زي زمان. عايزين نساء عظيمات بطلات - 00:04:57

عايزين حبيبات لله. حبيبة الله. ده الموضوع اللي احنا هنلف وندور عليه. حبيبة الله انك انت تبقي حبيبة الى الله. ان ربنا يحبك انك بالليل كده تحطي راسك على المخدة وربنا من فوق سبع سموات بيحبك وينتظر اليوم اللي انت هتلقيه سبحانه وتعالى عشان يسكنك في الفردوس الاعلى - 00:05:17

الله نساء السلف يا جماعة ونساء الصحابة كانوا حبيبات الى الله. ام سلمة. ام سلمة رغم ان هي زوجها من غير زوج. ام سلمة خارجة هي وزوجها ابو سلمة وابنهم - 00:05:37

خارجين وهم على ابواب مكة ييجي قبيلتها وييجي قبيلة زوجها وييجوا هم الاتنين انت خارجة من انتم رايحين فين؟ الله! انت طب انت يا ابو سلمة خارج واخد بنتنا واحد فين ؟ هات بنتنا معنا. ياخدوا ام سلمة هي وابنها على ايديها. يقوم قبيلة ابو سلمة تغير. تقول قال لها طب انتم واخدين بنتكم. طب والطفل اللي هو ابن ابو - 00:05:47

اللي هو مننا انتم واخدينه ليه ؟ قبيلة ابو سلمة تاخد الطفل. وقبيلة ام سلمة تاخد ام سلمة وابو سلمة ينطلق لوحده. لوحده الى الله مهاجر الى الله ورسوله. طب وام سلمى بقت من غير زوج ومن غير ابن ساب الدينها شدت فيه قالت له لأ يلا نرجع. قالت له لأ خلاص خلاص نرجع انا ما اقدرش اسيبك. ما اقدرش اسيب ابني وضنا - 00:06:07

لأ راحت لقومها يا جماعة لغاية ما ربنا فرجها عليها. احنا عايزين انسانة بطلة. عايزين حبيبة الى الله سبحانه وتعالى ام عمارة. نسيبة بنت كعب رضي الله عنها عمارة يروى ان هي في غزوة احد ما نظر غزوة احد لما النبي عليه الصلاة والسلام انكشف لما عبد الله ابن قام احاره حفر حفرة للنبي والصحابة ظهرهم انكشفوا الرماة - 00:06:27

تركوا المكان بتاعهم والمشركين احاطوا برسول الله. وكان ممكن الدعوة الاسلامية كلها تنهار في لحظة. لو كان رسول الله صلى الله عليه وسلم قتل. السيدة ام عمارة هو ان رسول الله صلى الله عليه وسلم ما التفت يمينا ولا شمالا الا ووجدها عن يمينه او شماله تدافع عنه. كانت كانت راجل يا جماعة مش ست - 00:06:48

وبطولات يا جماعة. ابنها حبيب ابن زيد اللي الرسول عليه الصلاة والسلام بعته المسلمة كذاب. عشان يدعوه الى ترك ادعاء النبوة. قبل ما النبي يموت بفترة بسيطة جدا عليه الصلاة والسلام. يروح حبيب ابن زيد لمسيلمة الكذاب. فيقول له مسيلمة اتشهد ان محمدا رسول الله؟ يقول اشهد ان محمد صلى الله عليه وسلم رسول الله. فيقول - 00:07:08

تشهد اني رسول الله يقول يقول له لا اسمع. فيبدأ يقطع من جسمه ويقطع من ايديه. ويقول له اتشهد ان محمد رسول الله؟ يقول له اشهد. يقول له اتشهد اني رسول الله - 00:07:28

تقول له لا اسمع يقطع بقية ايديه. اتشهد اني رسول الله لا اسمع يجيب ايديه التانية. اتشهد اني رسول الله لا اسمع. يبدأ يقطع في ايديه ورجليه وجسمه وسيدنا حبيب ابن زيد لسة حي لغاية ما يقتل حبيب ابن زيد شهيد في سبيل الله باذن الله. وهو مقطع ارب ليه ؟ لانه مش راضي يعترف لمسالمة - 00:07:38

اي كلمة ولو على سبيل ان هو ينجو بعدها وخلاص. ام عمارة اللي هي ام حبيب ابن زيد بعد ما قتل ابنها بهزه الطريقة نامت قعدت في بيتها قعدت مقهورة على ابنها لأ ده كانت من احد تلاتة قتلوا مسيلمة في معركة اليمامة. فضلت تجاهد في سبيل الله ومسكت السيف. امرأة تنزل للمعركة وتمسك السيف. سبحان - 00:07:58

الملك العظيم. عايزين نساء زي زمان يا جماعة. نساء زي زمان ما تقوليش انا اقدر اعمل ايه؟ السيدة عائشة مرة طلعت تمرة صدقة. تمرة تمرة كان عندها تمرة. طلعتها لله صدقة - 00:08:18

يا الهي! عايزين نساء! عايزين نساء حبيبات الى الله. حبيبات الى الله. انا باكلم المرأة ليه؟ انا النهاردة باكلم المرأة ليه؟ انا باكلمك ليه؟ ليه يا جماعة؟ ليه قناة كاملة تتعمل للمرأة. ليه المرأة يهتم بها اعلاميا كل هذه الدرجة؟ ليه الدعاة يكلموا النساء في برامج خاصة ليه؟ انا عايزك تعرفي اول حاجة انت حبيبة الى الله - 00:08:28

انت ربنا سبحانه وتعالى خلقك وبيحبك قد ايه؟ ده اول سبب بيخليني اكلمك. ان النساء دول حبيبات الى الله. اوعي تخسري الحب ده. اوعي تخسري حب ربنا لك اوعى تغسلي ربنا وصى بك ابوك. شوفي من حبه لك. يوصي بك ابوك. ويوصي بك اخوك. ويوصي بك زوجك. ويوصي بك ابنك. ابنك يقول له - 00:08:48

الجنة تحت رجليك. ابنك يقول له ان الجنة ان الوالد اوسط ابواب الجنة. يعني انت اوسط ابواب الجنة. يعني باب من ابواب الجنة التمانية هو انت باب من ابواب الجنة التمانية هو انت ايتها الام الفاضلة. اللي تأثيرك في صدور اولادك اكتر مما تتخيلي. واوسط ابواب الجنة يعني اجمل ابواب الجنة. يعني لما الواحد - 00:09:08

يدخل الجنة كده تمن تاب قدامه يبقى اجمل باب من برة هو باب باب بر الوالدين. سبحان الله! ويوصي بك بنت ويوصي بك اخت من احاديث رسول الله صلى الله عليه وسلم - 00:09:28

التي صحت عن رسول الله انه قال فيما روي عنه عليه الصلاة والسلام ان من احسن الى بنتين او اختين. بنتين او ايه؟ او اختين يعني الرجالة ببناتها وبيوصي الرجالة باخواتها البنات. وصيتك اختك من احسن الى بنتين او اختين. من احسن الى بنتين او اختين طب - 00:09:38

رباهم تربية واحسن اليهم ماديا واحسن اليهم في تربية يحصل ايه؟ دخل الجنة معي. يدخل الجنة جنب النبي عليه الصلاة والسلام. ربنا زوجة الزوج لو حط لقمة في بقك يبقى دي صدقة. يعني مش معنى كده ان الزوج لما الاكل ما يعجبوش بقى يقعد ايه؟ جزاء من جنس العمل يقعد يأكل - 00:09:58

مراته لا يا جماعة ده صدقة انه يضحك في وشها. دي صدقة انه يضحك في وش مراته. وصدقة انه ضحك في وش مسلمة. انه يطعمك في بقك دي صدقة. كل مليم بينفقه - 00:10:18

وعليك ده متقبل له كأنه عمل صالح عند الله سبحانه وتعالى. ربنا جعل يا جماعة كل امرأة باب من ابواب الجنة. يعني كل امرأة في حياة اي رجل انا بنتي طريق - 00:10:28

للجنة. مراتي طريق ليها للجنة. اختي طريق لي للجنة. امي طريق لي للجنة. انت متخيلة! يعني ايها الرجال انت كل امرأة موجودة في حياتك فرصة انك انت تدخل من خلالها من خلال الاحساس لها. وهو ده كلام ديننا ده كلام القرآن وكلام السنة. تخيل اما ربنا يرفعك للمقام ده. تخيل اما ربنا يكرمك التكريم ده. والله - 00:10:38

يا جماعة لما بقرأ ايات النساء في القرآن الايات اللي بتتكلم عن المرأة باحس ان انا هابكي. بل احيانا الواحد بيبكي فعلا. وانا باقرأ في سورة الطلاق. وربنا بيتكلم عن حقوق المطلقة - 00:10:58

وحقوق نفقة المطلقة وحقوق نفقة متعة المطلقة وحقوق سكنى المطلقة وحقوق انها لو رضعت اولاد اللي طلقها تاخد نفقة عشان الاولاد وعشان العيال. وحقوق حضانة المطلقة لعيالها. سورة الطلاق بتتكلم اسكنوهن من حيس سكنتم. من وجدكم ولا تضاروهن لتضيقوا - 00:11:08

كلام عظيم. الاية اللي بعدها ربنا بيقول ايه؟ بيقول وكأين اسمعي معي كده يا اختي وكأين من قرية عتت عن امر ربها ورسله فحاسبناها حسابا شديدا وعذبناها عذابا نكرا. اهدى يا رب. يا رب ده انت الوقتي بتكلم واحد بيطلق مراته وواحدة مطلقة - 00:11:28

ده احنا على يعني يا رب طب قل ان اللي هيظلم المطلقة الزوج اللي هيظلم طليقته هيعذب ربنا يكلم الامة كلها ليه؟ وكأين من قرية كأنه ربنا بيقول ان المرأة لو اتزلمت في المجتمع مش جوزها اللي زلمها هو اللي يعاقب. المجتمع كله هيعاقب. المجتمع كله مسئول عن ان المرأة لا تظلم يا جماعة. حبيبة الله - 00:11:49

انت حبيبة الله ما تخسريش حب ربنا لك. ان يعني انا عايز اكلمكم عن حبيبات الله سبحانه وتعالى. ام كلثوم ام كلثوم مين قصدك على مين ؟ ام كلثوم بتاعة زمان. مش بتاعة آآ ام كلثوم بتاعة زمان يا جماعة. ام كلثوم بنت عقبة ابن ابي معيط. ام كلثوم دي بطلة - 00:12:09

من البطلات اللي الواحد لما قرأ قصتها استغرب جدا. وحس انه مشدود وحاسس انه قدام فعلا قصة بطلة بحق وحقيقي. بنت مين؟ انت بتقول ام كلثوم بنت مين؟ بنت وعقبة بن ابي معيط عقبة بن ابي معيط يا جماعة ده الوحيد اللي حاول انه يغتال النبي عليه الصلاة والسلام يقتل النبي عقبة ابن ابي معيط. المجرم الملعون الكافر - 00:12:27

اللي قتل كافر في غزوة بدر من اكابر مجرمي المجرمين اللي حاربوا الدعوة الاسلامية. عقبة ابن ابي معيط مرة والنبي عليه الصلاة والسلام داخل يصلي في الكعبة. داخل يصلي واقف يصلي - 00:12:47

جاب طوب ثم شد على رقبة رسول الله صلى الله عليه وسلم. خلق النبي وفضل يشد التوب لغاية ما رسول الله صلى الله عليه وسلم خنق وسقط مغشيا عليه تقول الرواية فسقط رسول الله الى ركبتيه عليه الصلاة والسلام. الرسول وقع وهو فاضل يشد السوب. ومشركي مكة بدأوا يتلموا هم كمان يؤازروا هزه - 00:12:57

لاختيار رسول الله صلى الله عليه وسلم. حبة بن ابو معيط لما شهد الثوب حتى وجب رسول الله وقع رسول الله واغمى عليه. عليه الصلاة والسلام. ويجي ابو بكر من ورا الرسول يقول اتقتلون يا رجل - 00:13:17

ان يقول ربي الله ويمسك ابو بكر الرسول من ضبعه يعني من من من تحت كتافه كده من من ضهره ويشد الرسول عليه الصلاة والسلام يا سيسي من بين ايديهم لما يلاقوا المنزر ده يلتفتوا الى ابو بكر يفضلوا يضربوا ابو بكر عقبة ابن ابي معيط هزا المجرم يقلع النعل بتاعه ويظل يضرب سيد - 00:13:27

ان سيد الخلق بعد الانبياء سيدنا ابو بكر اطهر من مشى على وجه الارض بعد الانبياء. يفضل يضربه على رأسه يضربه لغاية ما ابو بكر بعد هذا الضرب يا جماعة ما عادش - 00:13:47

حد يعرف وشه من ضهره من كتر الدم. شعره لما كان حد يمسكه بعد هزا الضرب كان يطلع في ايديه رضي الله عنه وارضاه. الصديق يضرب بهزه الطريقة الصديق يضرب حتى يكاد يقتل رضي الله عنه. والنبي عليه الصلاة والسلام يسقط مغشيا عليه. بتقول لك الرواية يعني وسيدنا ابو بكر بيحاول يسحبه فهذا - 00:13:57

يضرب وهذا يجئ يعني كله النبي عليه الصلاة والسلام في صحن الكعبة يضرب باللكاكين وبالايدين وبيضار عليه الصلاة والسلام. كل ده بسبب مين ؟ عقبة ابن ابي معين اللي هو ابو مين؟ ابو ام كلثوم. اللي احنا بنتكلم عليها دلوقتي كحبيبة من حبيبات الله. بازن الله سبحانه وتعالى - 00:14:17

عقبة بن ابي معيط ده من اكابر المجرمين ده مر النبي عليه الصلاة والسلام كما في صحيح البخاري واقف يصلي في الكعبة فلما سجد عقبة بن ابي معيط راح جاب امعاء جمل - 00:14:34

لسه مدبوح جاب الامعاء بالروث اللي فيه بالفرث اللي فيه بالدم اللي فيه وقام حطه على رسول الله صلى الله عليه وسلم وهو ساجد وفضل المشركين آآ ابو جهل لا بيضحكم وينظروا الى بعض ويحيل بعضهم الى بعض. يعني انتم عارفين بقى السفهاء لما يقعد كل واحد يمسك كف التاني ويضرب كف ويقعد يشاور له محمد شف عملنا فيه ايه ويقعد - 00:14:44

يشاور على التاني كانه بيقول لسيدنا محمد ده ده اللي عملها ده سخرية برسول الله صلى الله عليه وسلم. والسبب مين ؟ عقبة بن ابي معيط عليه من الله ما يستحقه. احنا بنتكلم عن ايه دلوقتي ؟ ام كلثوم. بنت عقبة ابن ابي معين. ام كلثوم دي يا جماعة ربنا نزل - 00:15:04

سورة كاملة باسمها. سورة الممتحنة. نزل اية جبريل سيدنا جبريل سبع سماوات. نزل من فوق سبع سماوات عشانها هي. عشان امرأة وكفى بهذا تكريم للمرأة ينزل سبع سماوات وعشرين امرأة عشان يوحي الى الرسول عليه الصلاة والسلام قول الله يا ايها الذين امنوا اذا جاءكم المؤمنات مهاجر - 00:15:19

فامتحنوه مجاهرات ايه ايه قصة ام كلثوم؟ ام كلثوم اسلمت من وينسة في مكة. من وهي لسة صغيرة وكان ابوها عقبة ابن معاذ كان واقف في وشه طبعا لا يمكن انها تعلن اسلامها ولا انها تجرؤ على كده. لدرجة يعني انا عايز البنت اللي عايزة مسلا تتحجب وابوها مش راضي - 00:15:39

انت اللي عايزة تلتزم وتجتهد في الدين واهلها محاربينها. اهلك زي عقبة ابن ابي معيط. متخيلين معي؟ فلما يموت عقبة في عقبة ابن ابي معيط في بدر. ييجي اخواته الوليد وعمارة يصمموا انهم يجوزوها. فتختار العذرية على الا تتزوج مشرك او تتزوج كافر. مهما كان ماله ومهما كان مركزه - 00:15:57

مصرة في اصرار عجيب. مهما يحاولوا معهم ان هو يقف معها انهم يجوزوها. ما ترضاش ان هم يجوزوها. وما حدش عارف السبب ايه. يعني هي كاتمة جواها اسلامها. وتفضل كاتمة - 00:16:17

ومصر على ترك الزواج لاجل الله. البنت اللي تأخر جوازها لغاية الوقت شوية. لاجل الله اصبري. ابتلاء من الله. انشغلي في الدين. انشغلي في الجمعيات الخيرية شغل في العبادة والنشاطات الخيرية. وابشري بفرج الله سبحانه وتعالى. وتفضل على عذريتها وتفضل على اصرارها عدم الجواز لغاية صلح الحديبية - 00:16:27

لما الرسول عليه الصلاة والسلام يعمل صلح حديبية تقوم ام كلثوم تلاقيها فرصة. هو دلوقتي النبي عليه الصلاة والسلام اتفق يعني خلاص النبي زهر بقى وبقى له قوة. بس الوقت النبي اتفق مع مشركي مكة ان اي واحد هيروح للنبي من مكة - 00:16:47

انما يرجعه. ودي امرأة. طب هتعمل ايه؟ لو قالت لاي حد في مكة انها عايزة تهاجر للنبي عليه الصلاة والسلام في المدينة. هيحصل مشكلة. ممكن يمنعوها ممكن يعملوا فيها اي حاجة طب هيحصل ايه؟ فخرجت مهاجرة الى الله ورسوله وحدها. خرجت لوحدها من غير ما اي حد في مكة يعرف. الله اكبر! ايه البطولة دي! وتنطلق في الطريق رغم - 00:17:01

وتسيب امها رغم مكانة الام عند بنتها. وتسيب اخواتها وتسيب وطنها وتسيب بلدها وتضحي بكل حاجة. عشان تنطلق الى الله مهاجرة الى مهاجرات. العلماء بيقولوا دي الوحيدة اللي عملت كده. في النساء كلها. الوحشين كده ربنا سورة كاملة في القرآن يسميها باسمها. ام كلثوم بنت عقبة ابن ابي معيط - 00:17:21

الرسول عليه الصلاة والسلام يجوزها مين ؟ يجوزها زيد ابن حارثة. زيد اللي نزل فيه كلام الله سبحانه وتعالى في سورة الاحزاب. في الصحابي الوحيد اللي ذكر اسمه صراحة في القرآن عشان يبقى واحد نزل فيه قرآن تزوج واحدة نزل فيها قرآن ويبقى بيت قرآني الى ان يقتل زيد ابن حارثة في غزوة مؤتة رضي الله عنه - 00:17:41

يا جماعة حبيباتي اللي عايزين عايزينك تبقي حبيبة من حبيبات الله سبحانه وتعالى. السيدة خديجة واحدة من حبيبات الله. واحدة لاجل الله صبرت. السيدة خديجة كانت غنية جدا. البنت الغنية اوي اوي اللي عندها اموال كتير. اللي لها حرية انها تعمل اي حاجة. وفي نفس الوقت وضع اجتماعي مرموق وفي نفس الوقت زاد جمال. ابوها كان غني جدا ويموت - 00:18:01

سابوها تتزوج رجل من قريش غني جدا يموت وهو شاب. ويزداد المال الى المال. بعد كده الرسول عليه الصلاة والسلام يذهب ليتاجر في تجارة السيدة خديجة يعني يدير التجارة فتعجب برسول الله صلى الله عليه وسلم. وتعرض عليه الزواج وتتزوج رسول الله. ربنا يرزقه من اول السيدة زينب. بنت النبي رضي الله عنها - 00:18:21

بعد كده رقية وبعد كده ام كلثوم. طب عايزين اولاد ذكور ترزق القاسم يموت بعد ولادته. ترزق عبد الله يموت بعد ولادته. تصبر وتحتسب بعد كده ربنا السيدة فاطمة اصغر بنات رسول الله صلى الله عليه وسلم. السيدة خديجة يا جماعة لما الرسول عليه الصلاة والسلام بدأ يتحنس في غار حراء كان بيروح شهر كامل. ما قالتلوش انت رايح فين؟ ما عطلتوش - 00:18:41

لما لقت علو همة رسول الله صلى الله عليه وسلم الى الله ما وقفتش في طريقه. ما عطلتش جوزها ما كانتش عقبة. ما كرهتش جوزها في اللحزة اللي بيدخل فيها البيت. لأ بالعكس. ده - 00:19:01

كان النبي يرجع بعد شهر من العبادة يتزوج لشهر تاني. يتزود لفترة تانية. بل روي انها كانت بتروح تشوف غار جنب رسول الله صلى الله عليه وسلم. عشان تتعبد فيه - 00:19:11

النبي مرة وهو مفزوع وبيرتعش وبيرتجي في ايه؟ نزل عليه الوحي. فتسبته وتقول والله ما يخزيك الله ابدا. امرأة لها دور في حياة جوزها عشان كده النبي في المدينة تزوج السيدة عائشة وتزوج بعدها وبعدها وبعدها. انما في مكة لم يتزوج اي امرأة مع خديجة. بل لما ماتت السيدة خديجة ما تزوجش عليها - 00:19:21

غير لما عرض عليه الزواج. ليه؟ انسانة لها دور. اتحفر دورها في قلب زوجها. بعد اكتر من عشر سنين من موتها. الرسول يسمع صوت اختها. يرتاع النبي كأن قلبه ارتجف من شدة الشقة للسيدة خديجة. رضي الله عنها. كانت غنية جدا. اول ما نزل الوحي قريش ادركت ان مال السيدة خديجة رضي الله عنها هيكون هو - 00:19:41

اساس الانفاق بتاع الدعوة الاسلامية. عملت ايه؟ الشركاء بتوعها في التجارة يسيبوها. اللي كانوا بيشتغلوا عندها اجراء في التجارة يحرضوا ويسيبوها. يصادر اموالهم تبدأ تحارب في مالها ما تقولوش انت جوعتني. ما تقولوش انت بهدلتني. بل يعملوا حصار على بيت رسول الله صلى الله عليه وسلم. لدرجة يا جماعة - 00:20:01

ان ان يعني الرسول عليه الصلاة والسلام بيقول لقد رأيتني وقد مر علي شهر وليس لي ولاهل بيتي اهل بيته مين؟ السيدة خديجة وفاطمة الطفلة الصغيرة وزينب وام كلثوم ورقية وليس لي ولاهل بيتي الا ما يواري ابط بلال. سيدنا بلال كل يوم يعرف يخبي تحت اوربة ورغيف - 00:20:20

او رغيفين كده ان لقى فلوس يشتري بهم هو ده اكلي انا وبناتي. هو ده اكلي انا وعيلتي. سبحان الله العظيم. والسيدة خديجة ما تقولوش انا تعبت معك. ده انا كنت بنت ناس. ده انا اتبهدلت - 00:20:40

تصبر وتستحمل معه وتقف جنب جوزها. ولما يؤذوا رسول الله يرجع تقعد تواسيه وتقعد تبشره لغاية ما يتبسم ويأكل ويشرب عليه الصلاة والسلام. بعد كده ييجي هجرة الحبشة الاولى السيدة رقية تهاجر مع اللي هاجروا في هجرة الحبشة الاولى. عشان الدين تسيب بنتها. عشان الدين تقبل ان فلزة كبدها - 00:20:50

عنها ثم تأتي الطامة الكبرى الشعب يوم واحد محرم سبعة مكية. تقرر قريش المقاطعة التامة للمسلمين تماما. يدخل النبي الشعب تدخل معها السيدة خديجة. معها بنتها الطفلة السيدة فاطمة. بنتها تلات سنين يا جماعة المسلمين بياكلوا ورق الشجر. تلات سنين. جاعوا الخيط ما اكلوا ورق الشجر - 00:21:10

السيدة خديجة تشوف بنتها الطفلة فاطمة بتاكل ورق الشجر وتصبر وتستحمل. هي تفضل تاكل ورق الشجر تصبر وتستحمل. وديت في مالها وديت في الحصار وديت في هجرة بنتها قدامها وتصبر وتستحمل وقدام عينها ام كلثوم لما ابن ابو لهب يطلقها مطلقة جنبها برضه في الشعب وتصبر وتستحمل وتشوف - 00:21:30

جوزها تخرج السيدة خديجة من الشعب رضي الله عنها. امرأة عظيمة. امرأة كان لها دور خطير جدا جنب جوزها. امرأة من عظيمات النساء يا جماعة. عشان كده سيدنا من سبع سماوات ينزل بامر الله عشان امرأة برضه. يعني سبع سموات عشان امرأة سيدنا جبريل. ايوة. ينزل ويقول للرسول عليه الصلاة والسلام بشر خديجة - 00:21:50

بقصر من قصب لما بحست في كلمة قصب في في اللغة لقيت ان قصب يا اما معناها اللؤلؤ المجوف يعني قصر كله لؤلؤ مجوف. الاراضي والصالة والاوض والبلكونات يا اما يا اما الدهب المرصع اللي هو الدهب المجوهرات المرصعة مش المجوهرات اللي نوع واحد لأ يعني زبارجت على يقول - 00:22:10

يعني المجوهرات المرصعة سبحان الله! يعني السيدة خديجة تخرج يا جماعة من الشعب. المرض يكون تمكن من جسمها خلاص. تنام على فراش المرض تموت ايه ده خديجة تموت بعد تلات سنين كلت فيهم ورق الشجر مع النبي. ما شافتش اي نصر للاسلام. وبنتها غايبة عنها في الحبشة ترجع بعد كده السيدة رقية رضي الله - 00:22:30

وعنها مشتاقة ترجع من هجرة الحبشة الاولى مشتاقة انها تشوف امها. تجري على بيتها عشان تشوف السيدة خديجة. تجري فتبشر ان امها ماتت. وهي في الغربة السيدة رقية رضي الله عنها البطلة بنت البطلة. البطلة رقية رضي الله عنها بنت البطلة خديجة بنت خويلد. السيدة رقية ما تلحقش تشوف امها ترجع بعد ما السيدة خديجة تموت - 00:22:50

بعد كده تطلب منها الهجرة تاني للمدينة المنورة تهاجر. عشان كده بتسمى زات الهجرتين تمرض قبل غزوة بدر مرض شديد جدا. الرسول عليه الصلاة والسلام يعمل ايه ؟ دين ربنا احتاج. يخرج الرسول عليه الصلاة والسلام غزوة بدر. تموت السيدة رقية يوم - 00:23:10

بدر يرجع النبي من غزوة بدر يلاقي السيدة رقية قد فارقت الحياة وانتقلت الى جوار ربها. سبحانه وتعالى. يا جماعة بيت نسي استحملتني. نساء عظيمات في ساعة عشوة عشان الدين حبيبات الى الله. عشان كده شوفوا البشرى بقى بتاعة ربنا. بشر خديجة بقصر من قصب لا تعب فيه ولا وصب. لا تعب فيه. ما عدتيش - 00:23:26

خلاص انت هتموتي الوقتي. ورسول الله هيكمل الجهاد بعد كويس تعمل عامل هيستحمل عامل حزن. وهيستحمل الجهاد الطويل اللي لسة قدامه. بس ان شاء الله لما فربنا هيجي لك في القصر بتاعك في الجنة وهتسكني معه في القصر بتاعك في الجنة وانت ملكة متوجة. في القصر بتاعك والقصور بتاعتك والاملاك بتاعتك في الجنة - 00:23:46

السيدة خديجة يا جماعة نموزج من حبيبات الله. اللي ربنا بشرها بحبه من وهي في الدنيا لا تعب فيه. لا تعب فيه ده كلمة ده كلمة محب. ده كلمة حد بيحب. ما عدتيش - 00:24:06

خلاص ما عدش تعب عليك ليه من حب الله فيها حبيبة الله. حبيبة الله. يا اختي انا عايزك تبقي حبيبة الى الله انا عايزك تعرفي ان المطلوب منك عشان تبقي حبيبة الى الله ما هواش حاجة كبيرة. ده الرسول عليه الصلاة والسلام بيقول من صلت - 00:24:16

خمسها واطاعت زوجها وحفظت فرجها وصامت شهرها. دخلت من ابواب الجنة ايها شاءت. يعني يوم القيامة ربنا يجيبك كده التمن تابواب مفتوحين تختاري انهي باب؟ اختاري. اختاري دي كلمة حب - 00:24:31

من اي ابواب الجنة شاءت ده كلمة حب. ده حبيبة الى الله. ليه؟ اطاعت زوجها. ما هي لو ما قطعتش زوجها الاسرة انهارت. طيب وبعدين حفظت فرجها. ما هي المرأة - 00:24:46

ما بقتش عفيفة واتحجبت والتزمت بالعفاف وتركت الاختلاط مع الرجال. المجتمع كله ينهار. طيب وصلت خمسها وصامت شهرها قلبها وايمانها وعبادتها. ما هو ايه قلبها ودينها ينهار. انت المطلوب منك مش كبير. ولكن خطير. انا عايزك تعرفي انا ليه باكلمك الوقتي؟ لانك خطيرة - 00:24:56

والله العزيم يا اختي في الله. الوقت في اللحزة اللي انا باكلمك فيها في هزه اللحزة. عشرات القنوات الفضائية المنحلة قاعدة تفتن في شباب المسلمين والسلعة اللي بتستغلها من اجل هدم الاسلام هو انت. لو لو البنات تركوا ساحات ساحات الجامعات والكليات ما عادش البنات بينزلوا. تلات تربع شباب مش هينزلوا. لو البنات تركوا - 00:25:14

النوادي ما عدوش ينزلوا فيها. النوادي هتقفل والشباب هيتحولوا على الكافيشيبز. لو البنات يا جماعة تركوا الاعلانات والكليبات. الكليبات خلاص ما علش هتبقى موجودة. لو البنات تركوا كل هذا هيحصل ايه ؟ انا عايز احسيك انك سلاح خطير في ايدي اعداء الاسلام. الراجل لو لو الراجل لو المرأة سقطت هيسقط وراها - 00:25:34

المجتمع كله. ولو المرأة سبتت هيسبت وراها المجتمع كله. الف راجل لو سقطوا وانحلوا ما يغيروش امرأة صالحة واحدة. ولكن امرأة واحدة ده تسقط وتقع تبوز وتفسد المجتمع كله. انا عايز اقول لك الوقتي ان عشرات القنوات الفضائية بتفتت شباب المسلمين وانت الاداة اللي في ايديها. الصحف الصفراء اللي - 00:25:54

تطلع الصبح كل يوم وجايبة صور فتيات المسلمين والشباب يشتروها عشان يشوفوا الصور ديت. انت الاداة اللي في ايديها. انا عايز اقول لك ان الكليبات اللي شغالة دلوقتي بتفتن شباب المسلمين - 00:26:14

انت الاداة اللي في ايديها. انت يا اختي المسلمة. هو بوش لما ضرب المسلمين. ضربهم ليه؟ ما هو لما الوقت يفتح الدش. يتفرج على القنوات. يلاقي بنات قاعدة تتنطط ولابسة لبس زيها زي - 00:26:24

بنات الغرب يقول دول مين ؟ دول بنات من الغرب من امريكا واوروبا يقولوا له لأ. دول بنات مسلمات مسلمات! هم المسلمات بقوا زيهم زي اللي عندنا! بيلبسوا زيهم زيهم ويرقصوا زيهم ويعملوا نفس الكليبات اللي بيعملوها يبقى اضربوا المسلمين. لان نقطة التميز اللي كانت لهم علينا خلاص راحت. خلاص ما عادوش متميزوا - 00:26:34

عندنا ايام ما كانت المرأة عفيفة والرجل عفيف والمجتمع طاهر ونقي ما كناش نقدر نعمل لهم حاجة انما ما دام وصل للمستوى ده اضربوا المسلمين خلاص. ما عادوش يقدروا اعملوا لكم حاجة. انا عايز اقول لك - 00:26:54

انت دورك خطير قد ايه؟ انا عايز اقول لك انت ليه ليه النساء اكثر اهل النار؟ ليه شوفي شياطين الانس والجن كلها مجتمعة عليك. انت مستهدفة يا بنتي. انا خايف عليك. والله خايف عليك. خايف عليك ام. وخايف عليك بنت وخايف - 00:27:06

زوجة خايف على بنات سانوي اللي بقوا جرح في قلب الامهات والاباء. خايف على البنات الصغيرة اللي طالعين في اعدادي. وهي متصورة ان خلاص هي خرجت عن الطوق تماما. خايف - 00:27:22

على بنات الجامعة اللي الفتن حواليها من كل ناحية. خايف على البنت اللي اتخرجت من الجامعة. ممكن تستعجل عايزة نصيبها عايزة زوج. خايف على الامهات. ابنك اللي في ايديك ده ثروة للمجتمع - 00:27:32

انا نفسي انكم تنزلوا المعركة. انا نفسي ان المرأة تنزل المعركة. انزلي المعركة بقى. انزلي معركة دينك ربي ولادك. ربي ولادك ككل ابن من ولادك قنبلة قنبلة في قلب اعداء الاسلام بس انت ربي انزلي المعركة بقى انت لما غبت عن المعركة لما غبت عن تربية الابناء ايه اللي حصل؟ ايه اللي كسبناه؟ ايه اللي استفدناه - 00:27:42

بنات سانوي ما هي البنت هم بنات سانوي بيعملوا كده دلوقتي ليه؟ ما هي البنت من وهي صغيرة ارقصي يا حبيبتي آآ فرجي عمو يا حبيبتي الاغنية اللي انت كنت بتتفرجي عليها بتاعة فلانة - 00:28:02

اعملي يا حبيبتي البسي اللبس المكشوف ده يا حبيبتي. ده طفلة ما حدش يقول حاجة. ما هي طفلة بس هتتعود. هتطلع كده. شباب الشباب يا جماعة بتوعنا. اليوم اللي كان - 00:28:12

غزة بتضرب فيه من كزا يوم. اللي كان اليهود عليهم لعائن الله بيضربوا غزة من كزا يوم. يوميها الشباب خرجوا مزاهرات في القاهرة وفي اسكندرية وفي المنصورة ليه خرجوا لسدوا الشوارع ليه ؟ عشان ضرب غزة؟ لأ. اومال عشان ايه ؟ عشان مصر كسبت الكابرون اربعة اتنين. لا حول ولا قوة الا بالله. لما سمعت - 00:28:22

الكلام ده قلت يا رب لولا ان من الله علينا لخسف بنا. يا اختي انت صعبان عليك اللي بيحصل للمسلمين في غزة؟ صعب ان عليك اللي بيحصل للمسلمات في غزة - 00:28:42

صعبان عليك مرادات الفشل الكلوي اللي لما الكهربا تتقطع عنهم. ما عادوش يعرفوا يعملوا غسيل كلوي ويحصل لهم تسمم ربنا يعافيهم جميعا. صعبان عليك الاطفال قدام امهاتهم كانوا محطوطين على اجهزة الانعاش. وماتوا بسبب ان ما فيش كهربا لما اجهزة الانعاش انت صعبان عليك اللي بيحصل في غزة؟ يا جماعة غزة مش هتتحرر - 00:28:52

الا لما ييجي صلاح الدين فلسطين يا بنتي مش هتتحرر غير لما ييجي صلاح الدين. العراق مش هترجع يا امي غير لما يجي صلاح الدين. وصلاح الدين مش هييجي غير - 00:29:12

لما الاول يتوجد ام لصلاح الدين ام صلاح الدين هي الاول اللي تيجي. وبعد كده صلاح الدين. لا يمكن كان الامام الشافعي يبقى الامام الشافعي. لولا ام الامام الشافعي. لا يمكن كان معاوية خليفة المسلمين يبقى معاوية - 00:29:22

لولا ام معاوية اللي كانت بتقول ثكلته ان لم يسد الا قومه. لا يمكن كان محمد الفاتح يفتح القسطنطينية ويبقى محمد الفاتح. لولا ام محمد الفاتح اللي كانت تاخده كل يوم وتطلع به توريه القسطنطينية من بعيد تقول له يا بني هذه التي قال عنها رسول الله روي عن رسول الله صلى الله عليه وسلم انه قال عنها ثم - 00:29:35

تفتح القسطنطينية فلنعم الامير اميرها. ولنعم الجيش جيشها. واني ارجو ان تكون انت امير هذا الجيش. وتفتح هذه البلد على يديك كانت ام محمد الفاتح هي السبب في نشوء محمد الفاتح. لولا ام احمد ابن حنبل ما كانش طلع احمد ابن حنبل. احنا عايزين يا جماعة نعرف دور الامهات. دورك انا عايزك تنزلي - 00:29:55

المعركة تنزلي بقى تنزلي تخرجي لنا رجالة رجالة. انت عاملة بالزبط زي العامل اللي في مصنع انا واقف برة المصنع بشوف منتجات خارجة من المصنع مبهرة. بشوف منتجات خارجة منتجات انا ما شفتش العمال وهم بيصنعوا المنتجات دي جوة. اهو انت كده انت جوة - 00:30:15

قاعدة تربي ولادك. قاعدة تشحني جوزك. قاعدة عظيمة وراء رجل عظيم يخرج من بيته وهو مشحون بالايمان. اوعي تفتكري انك انت دورك قليل في توجيه جوزك اوعي تفتكري انك انت دورك قليل في التأسير على ولادك. لا والله. المرأة والله العظيم يا جماعة دورها في المجتمع اكتر ما يكون انت خطيرة. انت خطيرة والله - 00:30:32

لو صلحت هيبقى دورك خطير في الاصلاح. ولو فسدت وسقطت هيبقى دورك خطير في افساد المجتمع كله. للاسف الشديد في اللحزة اللي احنا فيها دهيت بنات في النوادي بيفتنوا شباب المسلمين وهم مش عارفين ان هم اداة اداة في يد اعداء الدين لهدم الدين - 00:30:52

انتم عارفين ليه النساء اكتر اهل الجنة؟ عد معي. اهل الباطل اهل الباطل اللي بيحاربوا الاسلام. اكتر سلاح لهم بيهدموا به الاسلام هو انت. فشغالين عليك اهل الشهوات الشباب الشباب اللي مش ملتزم بدين ربنا هدفه هو انت - 00:31:11

اهل المال اللي عايزين يعملوا قناة فضائية يجيبوا من وراها فلوس وخلاص. انحلال مش انحلال ما يهمهمش. اللي عايزين يعملوا كليبات واعلانات يكسبوا من وراها ما يهمهمش ايه اللي فيها - 00:31:27

هدفهم وسلاحهم في كده هو انت. انت مستهدفة. مستهدفة في اخرتك. انا خايف عليك. خايف على اخرتك. انت في خطر يا بنتي. انت علاقتك بالله في خطر دخولك الفردوس الاعلى في خطر اخرتك في خطر. عشان كده لازم تنتبهي ان كل دول بيحاربوك انت. شياطين الانس والجن كلها مجتمعة عليك. وبتستعملي - 00:31:37

اصلاح لتنفيز اغراضها. فلازم انك انت تسبتي عارفة يوم القيامة. عارفة يعني ايه عايزين يضيعوا لك اخرتك؟ عارفة يعني ايه انت مستهدفة في اخرتك؟ انت زي قول الله سبحانه تعال - 00:31:57

ولا يسأل حميم حميما. ده يوم القيامة الكلام ده. يعني ايه لا يسأل حميم حميمة؟ في الدنيا لو حد حميم لك حد بتحبيه. لو لو واحد ماشي في الشارع مسل ولقى اخوه بيتضرب هيدافع عنه هيسأل ايه اللي بيعمل مين اللي بيضربه وبيضربه ليه ؟ لو حد شاف حد حبيب يؤزى هيسأل عنه انما يوم القيامة لا يسأل - 00:32:08

حميم حميمة. هيطلع الناس يوم القيامة يشوفوا المنازر لو حد شاف احب الناس اليه بيتسحب على وجهه الى جهنم مش هيعمل له حاجة. لو حد اللي قدامه احب الناس اليه بيعدي من على الصراط قدامه. وجه لسان لهب اختطفه والقاه في قاع جهنم مش هيبص له. لو حد شاف قدام عينيه حد - 00:32:28

سيدنا ابراهيم هيشوف ابوه قدام عينيه يمسخ في شكل ضبع ويحمل من قوائمه الاربعة ويلقى في النار فلا يلتفت اليه. سيدنا نوح لما هتشوف وبيترمى في النار مش هيعمل له حاجة. زي ما في الدنيا لما شاف ابنه بيغرق في الطوفان ما عملوش حاجة مش هيعمل له في الاخرة حاجة. ربنا بيقول يوم تشقق الارض عنهم - 00:32:48

تشقق الارض عنهم صراعا. الارض تتشقق والناس تطلع. الارض تتشقق والناس تطلع تتشقق والناس تطلع. والمقابر اللي بيتدفن فيها الناس دلوقتي من الفين سنة كانت مقابر ناس تانية ومن خمس تلاف سنة كانت مقابر ناس تالتة تالتة فالناس طالعة طبقات طبقات طبقات يوم تشقق الارض عنهم صراعا وكله طالع بيجري بيجري - 00:33:08

بيجري الوقوف بين ايدين ربنا سبحانه وتعالى. انت ما وقفتيش مع كلمة صراعا ليه صراعا؟ ده انت بتطلعي تلاقي امك وتلاقي ابوك وتلاقي اخوك كل دول جنبك المفروض امي حبيبتي وتحضنيها. ابويا حبيبي وتحضنيه. ده المفروض انك مشتاقة للناس دي من سنين ما شفتهاش. سبحان الله! طب ليه صراع؟ ليه ما حدش يبص لحد - 00:33:28

ولا يسأل حميم حميمة لحد جوزك لو عصيتي ربنا عشانه خطيبك اللي بتعصي ربنا عشانه. واللي بتستسلمي يقول لك لأ انا عايز واحدة اخرج معها حرام ان انا اخرج معك في الخطوبة - 00:33:48

تخافي عليه وتخرجي معه. ولا يسأل حميم حميما. والله ما حد هيبص لحد يوميها. يبصرونهم. العصا هيبقى فرجة. يود المجرم لو يفتدي من عذاب يومئذ ببنيه ببنيه. يا الهي! يعني ما حدش يستاهل انه يعصي ربنا عشانه ولا حتى الابناء. وصاحبته واخيه - 00:34:01

وصاحبته مراته يعني واحد عصى ربنا عشان مراته مراته ما تبصلوش يوم القيامة وواحدة عصت ربنا عشان جوزها جوزها مش هينفعها يوم القيامة. وفي فصيلته التي تؤويه ومن في الارض جميعا كل الناس تترمي في جهنم بس ثم ايه؟ ثم ينجيه طلب النجاة. طب ما نطلب النجاة من دلوقتي - 00:34:21

نطلب النجاة. يا اختي في الله. يا اختي في الله انت فعلا بتمسلي خطر دلوقتي في المجتمع. دلوقتي السلاح الاساسي في ايد اهل الباطل لافساد المجتمع هو انت طب ليه ؟ ما تنزلي المعركة بقى الام الفلسطينية خنساء العصر الحديث. اللي عندها عشر ابناء سبعة منهم قدمتهم شهداء في سبيل الله - 00:34:41

بازن الله سبحانه وتعالى. سبع سبع من ابناءها تقديمهم شهداء في سبيل الله. سبحانه وتعالى. وتقول التلاتة الباقيين هاقدمهم كمان من اجل حرب العدو الصهيوني انت متخيلة معي دي امرأة بطلة فارس عودة اللي احنا شفناه الطفل اللي عنده تسع سنين واقف في وش الدبابة المركافة بتاعة اليهود بيضربها لغاية ما قتلوه استشهد - 00:35:00

ربنا يرحمه امه ده خرج من بيت بيت ابطال. ده خرج من بيت الام اللي فيه ام بطلة. فانا عايزك تعرفي انا باكلمك ليه انا ليه باكلمك ؟ انا ليه باكلمك الوقتي وقاعد من فعل وانا باتكلم معك لانك اول حاجة حبيبة الله - 00:35:20

حبيبة الله سبحانه وتعالى انت حبيبة الى الملك سبحانه وتعالى. اوعي تخسري حب ربنا لك اوعي تخسري علاقتك بالله عشان اي حاجة. انت ربنا في القرآن ضربك قدوة. وضرب الله مثلا للذين امنوا امرأة امرأة في فرعون. امرأة امرأة - 00:35:37

يضربها قدوة. امرأة ربنا يضربها مسل للامة كلها. يا رجالة يا صحابة يا سلف. يا كل الامة تعالوا تعالوا قوموا عشان هذه المرأة قدوة لكم. لما بقرأ قصص النساء في القرآن قصة امرأة عمران. قصة آآ بلقيس. قصة امرأة فرعون. والله آآ - 00:35:53

انتم عارفين يا جماعة تحس بايه ؟ تحسي ان بقى ربنا منزل جبريل سبع سماوات عشان يحكي قصة امرأة وتحسي قد ايه ربنا ضرب بك المسل في القرآن كقدوة. قد ايه ربنا اداك قدوة للرجال وللنساء؟ تحس ان ذكر قصص النساء في القرآن ده تشريف - 00:36:13

تريكي اي تشريف وعلامة على حب ربنا لك سبحانه وتعالى. ربنا ضربك في القرآن مثل في القدوة. ضرب الله مثلا للذين امنوا امرأة عمران. امرأة امرأة ربنا يضربها مثل وخدي بالك ان امرأة امرأة امرأة فرعون. خدي بالك ان امرأة فرعون دي نشأت في بيت بيت كله فساد. كله شهوات كله انحلال. بيت ضايع. بيت بيكفر اهله بالله ولا - 00:36:30

بالله والاية اللي بعدها ومريم ابنة عمران. مريم ربنا ضربها مثل برضو. بس مريم نشأت في بيت كله صلاح كله طهر كله تقى. فربنا جاب النموزجين قصاد بعض. المرأة اللي نشأت في بيت فاسد وبيئة فاسدة وجامعات فاسدة وسكاشن فاسدة - 00:36:51

دي فاسدة واعلام منهار. مرأة نشأت وسط كل ده وطلعت كملت. المرتين اللي كملوا من النساء قبل النبي عليه الصلاة والسلام. اما اسيا امرأة فرعون ومريم ربنا جابهم على الاتنين. دي نشأت في بقى فاسدة تمت الفساد. ودي نشأت في بيئة صالحة تمت الصلاح. وربنا حطهم جنب بعض. ورا بعض. وذكر امرأة فرعون الاول ليه - 00:37:10

انها رغم الفساد اللي حواليها صبرت وصمدت ووقفت اشد من سبات الرجال في وجه اي فتنة لي في دينها. يا اختي اسبتي يا اختي ما لكيش عزر. ما لكيش عزر مهما كان المجتمع اللي حواليك. مهما كان جوزك. حتى لو جوزك مش مساعدك على الالتزام - 00:37:30

حتى لو ولادك تاعبينك. ومطلعين عينيك. حتى لو شغل البيت تاعبك. مهما كان حتى لو الجمعة حواليك فيها فتن. حتى لو انت بنت في سانوي والبنات لك يعني يعني ربنا يهدي بناتنا يا رب. اللهم امين. مهما كان يا اختي ما فيش عزر - 00:37:46

ما فيش اي عزر ان الواحدة تبعد عن ربنا سبحانه وتعالى. تبعد عن ربها الذي يحبها ابعد ده انت حبيبة الله. حبيبة الله. ربنا ضربك في القرآن مثل كقدوة. زي امرأة فرعون. ربنا ضربك في القرآن مثل في الكرامات - 00:38:01

السيدة مريم كلما دخل عليها زكريا المحراب وجد عندها رزقا. سيدنا زكريا نبي بس قال لها يا مريم اني لك هذا. انى لك هذا يا مريم منين؟ ازاي ايه ده كله جالي نبي يتعجب من الكرامات اللي ربنا عملها لامرأة. ربنا ضربك مثل في القرآن للفراسة. امرأة بنت شعيب لما شافت سيدنا موسى قالت - 00:38:16

لا ما تستأجر ان خير من استأجرت القوي الامين عندها فراسة. عندها فراسة في الصفات. ربنا ضربك مثل في القرآن للحكمة. زي بلقيس كده بالزبط واني مرسلة اليهم بهدية فناظرة بما يرجع المرسلون. امرأة عندها حكمة. ربنا ضربك مثل في القرآن للوحي - 00:38:36

واوحينا الى ام موسى ان ارضعيه. اوحينا هو مش وحي زي وحي الانبياء. يعني مش نبيا ولكن نالت مقام الوحي. نالت مقام الوحي من الله سبحانه وتعالى. ربنا ضربك مسل - 00:38:55

القرآن للايجابية للايجابية. اذا جاءكم المؤمنات مهاجرات ايجابية. انسانة سابت امها وسابت بيتها وسابت اخواتها وسابت مجتمعها حوسية وسابت قرايبها وسابت صاحباتها وسابت وطنها وسابت ارضها. وانطلقت وحيدة الى رسول الله صلى الله عليه وسلم في المدينة. اللي هي ام كلثوم وام كلثوم بتاعة زمان بقى - 00:39:05

ام كلثوم بنت عقبة ابن ابي معيط اللي احنا اتكلمنا عنها الليلة. ده ربنا ضربك مثل للقرآن لكل حاجة جميلة ولكل صفة عظيمة. ولكل صفة بيقوم عليها المجتمع ربنا يشوفه ربنا في سورة الاحزاب. الاحزاب دي لما الاحزاب جت على الاسلام. لما احزاب المشركين بالسيف واحزاب المنافقين زي الجرايد العلمانية والصحف الصفراء دلوقتي. اللي بتهدم - 00:39:25

في الاسلام بوسائل غير مباشرة عشان ما حدش يعرف انهم اعداء لدين الله سبحانه وتعالى. لما ربنا سبحانه وتعالى في سورة الاحزاب ذكر الاحزاب والهجم على الاسلام الشرسة قال ايه ؟ شف ربنا بيقول ايه ؟ ان المسلمين والمسلمات - 00:39:45

والمؤمنين والمؤمنات والقانتين والقانطات والمتصدقين والمتصدقات والصادقين والصدقات. الصائمين والصائمات الحافظين فروجهم والحافظات الذاكرين الله كثيرا والذاكرات. ايه يا رب؟ ليه يا رب؟ لانك انت والراجل ايد بايد كدهوه انتم الاتنين بتبنوا في الامة - 00:40:01

انتم الاتنين لكم نفس الدور في بناء الامة. انت بتحطي طوبة وهو يحط طوبة. فتحتي طوبة فيحط طوبة. فانتم الاتنين بعد كده مع بعض تبقوا صف بيملوا المجتمع. عشان كده سورة - 00:40:20

ممتحنة اللي نزلت بعنوانها عنوانها على اسم آآ ام كلثوم بنت عقبة بن ابي معيط اللي احنا قلناها بعدها على طول جت ايه؟ سورة الصف ليه؟ لان لما المرأة اتضافت مع الراجل بينها صف واحد. نقدر نقف في وش الاعداء. انما المرأة تبقى الصغر اللي ينفز فيه اعداء الاسلام للمجتمع. لأ ما ينفعش يا اختي في الله. ما ينفعش - 00:40:30

البرنامج الكبير يا جماعة اللي احنا اللي هو على مدى الاسبوع اسمه قوارير. البرنامج اللي احنا بنتكلم فيه. قوارير انت عارفة يعني ايه قوارير عارفة كلمة قوانين ده يعني ايه ؟ قوارير دي اول معنى لها يعني الزجاج الرقيق اللي زي القارورة كده. يعني المرأة رقيقة قد ايه ؟ المرأة عايزة حنان قد ايه ؟ المرأة عايزة رفقة قد ايه - 00:40:50

المرأة عايزة كل اللي حواليها ابوها وزوجها واخوها وابنها يحنوا عليها قد ايه عارفة يعني ايه قوارير تاني ؟ تخيلي يا اختي يعني ايه قوارير! تخيلي! قوارير دي في اللغة اسم النني العين - 00:41:09

من العين بتاع الناس اسمه القوارير يعني نن العين ده على نن العين ده على اسمهم القوارير. يعني كأن يعني كأن الرسول عليه الصلاة والسلام بيوصي ان كل راجل يحط امه في عينيه - 00:41:22

يحط مراته في عينيه. يحط بنته في عينيه. يحط اخته في عينيه. يا الهي! يعني يا جماعة وانا باقول لكل راجل قاعد معنا وصيتك اختك وصيتك اختك ده النبي عليه الصلاة والسلام قال ان اللي يهتم باخته ولو له اختين واحسن اليهما. يوم القيامة يبقى ايه؟ يبقى مع النبي عليه الصلاة والسلام في دخول الجنة. فكلمة قوانين - 00:41:36

دي معناها ان الدين بيقول لكل راجل انه يحطك في عينيه. انت متخيلة الرسول عليه الصلاة والسلام لما بيقول النساء شقائق الرجال. شقائق الرجال يعني ايه؟ شقائق ديت لها اكتر من معنى جميل جدا جدا. اول حاجة يا اما ان يعني حاجة اتشقت من حاجة. حاجة اتاخدت من حاجة. يعني انت حتة من الراجل اصلا - 00:41:55

فانت زي ما ربنا سبحانه وتعالى بيقول من انفسكم ازواجا من انفسكم. انت حتة من الراجل. فالراجل ده لازم يعرف انك انت جزء منه. يعاملك زي ما بيعامل نفسه يخاف عليك زي ما بيخاف على نفسه. يحبك زي ما بيحب نفسه. يحترمك زي ما بيحترم نفسه. وشقائك برضه لما اجيب حاجة واشقها نصين. فيبقى النص ده زي النص ده - 00:42:14

يعني البنت زي الولد اه بس مش البنت زي الولد ناقصها دقن وشنب. البنت اللي في بنات تلاقيها ماشية كده عاملة شعرها موزمبليه في الخلاط وضرباه وماشية كده وحاجة والله يا بنتي انت مشكلة بس المشكلة يعني ايه؟ يعني ربنا هيخلي دي تتجوز واحد هيوريها ليه عملته في شباب المسلمين. ولكن - 00:42:33

المشكلة لاكبر البنت المسترجلة. البنت المسترجلة اللي واقفة بنديها للراجل. يا بنتي انت زيك زي الراجل. بس مش اندات. انتم بتتكاملوا مع بعض في بناء المجتمع. مش انداد انت بتطيعي الراجل وانت بتشتغلي جوة البيت وهو بيشتغل برة البيت. وفي الاخر بيبقى المجتمع كله صف واحد. النساء شقائق الرجال من ضمن معاني الشقائق السحاب اللي - 00:42:53

خير ومليان غضب بيسموه في اللغة الشقائق السحاب اللي مليان خير ومليان بيسموه في اللغة الشقاء. يعني كأن المرأة دي هي سر كل خير في حياة الرجل. الام دي سر كل خير في حياة ابنها. والزوجة سر كل خير في - 00:43:13

زوجها والبنات لما بيتولدوا بيبقى حتى رزقهم واسع بييجوا بالخير لاهاليهم. والاخت خير لاخوها. يعني يعني انت انت مقامك في دين ربنا مقام عالي جدا. عشان كده انا عايز اقول لك انا ليه باكلمك - 00:43:28

انا ليه بكلمك؟ انا قلت لك لغاية دلوقتي باكلمك ليه؟ لانك حبيبة الله. حبيبة الله بس خايف انك تخسري الحب ده خايف انك تخسري حب ربنا لك شايف ان بعد ما ربنا نزل قصص من النساء في القرآن عشان يضربهم قدوة وضرب القدوة القرآن وضربك مسل في القدوة ومسل في الفراسة ومسل في - 00:43:40

ومسل في العفاف والطهارة ومسل في الارتقاء الايماني ومسل في الكرامات العليا ومسل في الايجابية بعد ما ربنا كرمك ورفعك فيه صورة كاملة باسم مريم. سورة مريم رغم ان السورة فيها اسم سيدنا يحيى واسم سيدنا زكريا. واسم سيدنا عيسى. طب ما كانت تسمى سورة يحيى. سورة زكريا. المرأة الوحيدة اللي تزكر في - 00:43:59

سورة السماء باسمها. ليه؟ ليه يا جماعة؟ عشان ربنا يقول ان المرأة عملت نفس اللي الراجل بيعمله عملت نفس البطولات اللي الراجل بيعملها زيك زيه وصورة كاملة اسمها المجادلة على اسم امرأة. وصورة كاملة اسمها الممتحنة على اسم امرأة. وسورة كاملة اسمها النساء - 00:44:19

النساء ودي النقطة اللي انا عايز اقولها لك. انا باكلمك ليه ؟ عشان دورك وقيمتك انت دورك كبير اوي انت تقدري تعملي حاجات كتير اوي. انت تقدري تطلعي للفردوس الاعلى. اوعي تستهتري بقيمتك. اوعي اوعي يا امي يا فاضلة تستهري بقيمتك في تجويع اولادك - 00:44:37

اوعي يا اختي يا شابة يا اللي في الجامعة تستهري بقيمتك في نصرة دينك. اوعي يا بنوتة يا صغيرة يا ليه لسة صغيرة وقاعدة تتفرجي الوقتي علي. اوعي تستهتريه بقيمتك ده انت بكرة - 00:44:53

ممكن ربنا يعز بك الاسلام في الارض. اوعي اوعي يا اختي يا مخطوبة ولا يا اللي يا اللي لسة في سنة اولى جواز ولا الام اللي ولادها سابوها وقاعدة لوحدها. والله يا جماعة انتم تقدروا تعملوه كتير - 00:45:03

تقدروا تملوا الارض خير. تقدروا ولكم تأثير في كل اللي حواليكم. دورك وقيمتك الست اول واحدة سال دمها شهيدة في سبيل الله. اول شهيد في الاسلام خالص كان سمية اول حد في الاسلام سال دمه عشان راية لا اله الا الله. كانت سمية اول واحدة بعد رسول الله صلى الله عليه وسلم قالت لا اله الا الله كانت خارجة بنت اخوها - 00:45:13

يعني اول حد اسلم بعد الرسول عليه الصلاة والسلام كان خديجة امرأة او القايمة بتاعة الامة في السابق اولها امرأة اول شهيد في الاسلام كان سمية امرأة اول من تحمل التعذيب حتى الموت في الاسلام. يعني دايما نعرف ان فيه صحابة يعني آآ يعني قالوا كلمة الكفر تحت وطأة التعذيب في مكة - 00:45:36

يا بلال بلال صبر للنهاية. اهو برضه بننسى ان احنا نقول سمية لان سمية برضه صبرت للناية. استحملت التعذيب حتى لموت المرأة الضعيفة الغلبانة الرقيقة ده ايه؟ عشان كده المرأة لما الدين بيدخل في قلبها - 00:45:56

تبقى طاقة جبارة. عشان كده والله يا جماعة الواحد يعني من من اللي مر عليه في الدعوة من رؤيته للنساء. النساء اكثر انفعال من الرجال. واكثر ايجابية من الرجال. ولما - 00:46:11

تدخل وبتعتنق عقيدة او بتعتنق الالتزام بتبقى اثبت وبتعمل اكتر وبتبقى دقيقتها لاجل الانطلاق الى الله اعظم. فالمرأة انت انت اول واحدة سعت بين الصفا والمروة. اول من سعت بين الصفا والمروة مين ؟ امرأة السيدة سارة. السيدة هاجر رضي الله عنها. اول من صحى بين الصفا والمروة. لما سيدنا ابراهيم يسيب - 00:46:21

الوحيدة ومعها ابنها الرضيع وتقعد تسعى بتطلب من الله سبحانه وتعالى ان ربنا يجيب لها مية تطعم ابنها وربنا يفجر المعجزة بتاعة بئر زمزم على على رجل اسماعيل. اول من سعى بين الصفا والمروة اللي كلنا دلوقتي ملايين كل سنة بنسعى بين الصفا والمروة اقتضاء به امرأة - 00:46:43

امرأة رضي الله عنها اللي هي السيدة هاجر رضي الله عنها. اول من تزاحم النبي على باب الجنة على باب الفردوس الاعلى يوم القيامة امرأة. لما النبي يدخل الجنة يحرك حليقة الجنة عليه الصلاة والسلام يدخل الجنة فيجد امرأته تزاحمه امرأة فيقول من انت؟ فتقول انا امرأة قعدت على عيال ليه؟ اتفرغت لتربية - 00:47:02

لما ربط ولادها ربنا رافعها الفردوس الاعلى. لما ربط ولادها صح وطلعتهم صح انزلي المعركة بقى يا اختي انزلي المعركة بقى الستات دول الاوائل وانت لسة عندك فرصة تبقي من الاوائل - 00:47:22

لسة عندك فرصة تبقي من الاوائل قدامك انك تبقي الاولى. يا سلام! لو تبقي الاولى على صاحباتك في حفز القرآن. يا سلام لو تبقي اول واحدة في صحباتك تقوم الليل كل يوم في التلت الاخير من الليل. يا سلام لو تبقي الاولى في صحباتك انك تبقي اول واحدة في صحباتك تدعي الى الله. يا سلام لو تبقي اول واحدة في صحباتك تلبسي النقاب. يا - 00:47:35

سلام لو تبقي اول واحدة انك تبقي الاولى خليك الاولى انت طول عمرك الاولى. يعني حتى في السانوية العامة يقول لك اللي بيطلع الاوائل بنات. خليك الاولى دايما في دين ربنا سبحانه وتعالى - 00:47:54

ربنا في القرآن يجيب سورة اسمها النساء النساء من اطول سور القرآن بعد البقرة وال عمران. بعد البقرة وال عمران ليه البقرة وال عمران بتكلمنا ازاي الامة تتبنى والامة ما تتبناش غير بالرجالة. بس صح ولا لأ - 00:48:05

فمين اللي هيبني الرجالة النساء؟ عشان كده بعد ما ربنا يبين في البقرة وال عمران ازاي الرجالة يبنوا الامة يجيب سورة النساء عشان يقول ان النساء هم اللي هيبنوا الرجالة دول. ده انت الانبياء كل نبي ربنا ادى له من النساء اللي كانوا سبب في صناعته وفي تربيته. صلى الله وسلم على جميع - 00:48:20

سبحانه وتعالى. يعني سيدنا محمد يبعت له خديجة بنت خويلد من اعداد ربنا له سيدنا موسى سيدنا موسى يبعت له امرأة فرعون من وهو طفل تحتضنه وتربيه غير ام موسى رضي الله عنها. سيدنا عيسى سيدنا عيسى في سورة ال عمران قبل ما - 00:48:40

ازكر قصته يزكر قصة امرأة آآ عمران وبعد كده يزكر قصة مريم. كأن ربنا الاول بيجيب اللي ورا سيدنا عيسى العظيمات اللي ورا هذا الرجل العظيم. العظيمات اللي وراء سيدنا عيسى اللي هو من اعلى خمس شخصيات في تاريخ البشرية كلها. واحد من الخمسة من اولي العزم من الرسل. كأن ربنا بيقول - 00:48:55

انت اللي بتخرجي الرجالة. خرجوا رجالة. خرجوا رجالة. خرجوا رجالة يحرروا فلسطين. خرجوا لنا بنات. يدعوا الى الله. داعيات الى الله. خرجوا لنا بنات عفيفات حبي ولادك. اعرفي رسالتك. اعرفي وظيفتك. قومي لله. اذكري الله اناء الليل واطراف النهار. احفظي القرآن. اطلبي العلم. انت تقدري. تقدري والله تعملي حاجات كتير - 00:49:15

اوي اوي اوي فوق ما تتوقعي. فوق ما تتخيلي. عشان كده يعني زي ما قلت لكم هو مصنع يا جماعة. الست جوة البيت جوة المصنع. بيخرج من البيت وبيخرج بنات ما شاء الله رجالة. وبيخرج زوج متحمس منطلق بابن في المجتمع. وبيدعو الى الله. واللي صنع اللي في المصنع مين؟ المرأة اللي ما حدش شايفها - 00:49:35

كله شاف اللي خرج من المصنع. انما انت جوة انت صنعت الاجيال انت انت اللي بتصنعي هذه الاجيال كلها. فيعني يا اختي في الله. يعني انا كلمتك النهاردة عن حبيبة الله. ان شاء الله بازن الله من اول المرات الجاية - 00:49:55

هنبدأ نتكلم عن حبيبة الله. ازاي تبقي حبيبة الى الله؟ ازاي ازاي ربنا يحبك ازاي هنجيب قصص من حبيبات الله في القرآن قصص نساء القرآن؟ حبيبات الله. هنعرف مع بعض ازاي تقربي منه؟ ازاي ربنا يصطفيك؟ ازاي - 00:50:10

ربنا ينعم عليك. ربنا لو حبك هيديك ايه في الدنيا وفي الاخرة؟ هيديك ايه في الجنة؟ نعيم المرأة في الجنة. ونعيم المرأة في الدنيا وكرامة المرأة عند الله في الدنيا - 00:50:27

السلسلة بتاعتنا يا جماعة ان شاء الله بازن الله المحور بتاعها حبيبة الله. ولانك حبيبة الله فيعني الواحد فعلا متشجع ان هو يعمل سلسلة كاملة من اجل وعظ المرأة وتوجيه المرأة وصناعة امرأة تكون بحق وحقيقي حبيبة الله - 00:50:37

احنا هناخد فاصل دلوقتي باذن الله سبحانه وتعالى. ثم نعود بعد هذا الفاصل عشان يعني نتلقى الاتصالات ان شاء الله. وعشان اقول لكم التوصيات بتاعة هزه الحالة اقول قولي هذا واستغفر الله - 00:50:52