Baheth

السلام عليكم. برنامج مدرس دين هيبقى فكرته بسيطة جدا ان احنا كل مرة هنجيب مسألة دايما بتسألوا عنها دايما بيجي لي اسئلة كتير قوي عليها. آآ احب اختصرها ان نلمها بسرعة على السبورة نقول كل المسائل اللي حواليها. بحيس - 00:00:00ضَ

خلاص اي حد يرجع للفيديو دوت يبقى خلاص فهم المسألة كلها. البرنامج دوت انتم هتشاركوني فيه لان في الغالب او اكيد المسائل هي اللي بتجي لي منكم فاي حد عنده رأي او اقتراح لمسألة عايزين نشرحها نفهمها للناس ببساطة على السبورة يا ريت يقترحها في الكومنتات - 00:00:16ضَ

نبدأ النهاردة باول مسألة كتير جدا بتسألوا عليها وهي مسألة احكام اليمين. يعني ايه احكام اليمين؟ يعني واحد حلف على حاجة انهم مش هيعملها وعملها يعني يعمل ايه؟ خلينا نبدأ الاول حاجة خلينا نقسمه تمن مسائل اللي هي تمن مواضيع مختلفة. الموضوع الاول - 00:00:34ضَ

يمين هو هو حلف على حاجة في المستقبل ولا في الماضي؟ يعني هو قال والله مش هعمل كزا وبعد كده طلبت معي اعمله ولا هو بيقول والله ما ما عملتش كزا وهو عمله. تفرق كتير. بمعنى انا دلوقتي مسلا اه امبارح ما ما قابلت فلان. فقلت لا والله - 00:00:58ضَ

ما قابلتش فلان امبارح. ده مش موضوعنا خالص. لان احنا مش بنتكلم على دي. دي بقى اسمها يمين غموس. يعني انت حلفت على حاجة وانت متأكد انك كداب دي يمين غاموس ما لهاش كفارة اصلا لانها زنب عظيم. بل هي من اكبر الكبائر في الاسلام. لزلك ما لهاش كفارة من عظم - 00:01:18ضَ

ديت والجريمة ديت ما لهاش غير توبة صادقة لله سبحانه وتعالى مع الاكثار من العمل الصالح والاستغفار لعل الله ان يقبل هذه التوبة. اومال احنا كلامنا على ايه؟ كلامنا على اليمين اللي في المستقبل. يعني انا بقول والله مش هكلم فلان. والله مش مش هعمل كزا. والله مش رايح المكان الفلاني - 00:01:38ضَ

بعد كده طلبت معي اكلمه او اروح او اكل او او او. ديت اليمين اللي بنتكلم عليها. طيب اليمين ديت المسألة التانية المسألة التانية ان اليمين دي ما تنعقدش الا لو انا قاصد اليمين فعلا. مش لغو مش مش زي ما بيقولوا ايه لا والله ما واكل والله ما شارب الكلام اللي هو بيجري على الالسن من غير ما - 00:01:58ضَ

قصدي اصلا احلف. ده لغو. ربنا قال لا يؤاخذكم الله باللغو في ايمانكم. يبقى لازم اليمين اكون عازم وجازم ان انا بحلف خلاص طيب الحلف علشان يبقى اسمه حلف لازم يبقى بالله او باسماء صفاته بافعاله. يعني تقول والله تقول والرحمن تقول - 00:02:17ضَ

الله وحياة ربنا تقول والقرآن قصدك به كلام ربنا؟ اي حاجة متعلقة بالله او بصفاته. لكن لو واحد قال والنعمة هذا لو الكعبة واحد علو العشرة دول اصلا اليمين ده مش ما ينعقدش ده مش يمين ده حرام ده شرك اصغر لازم تتوب منه لو قلت حاجة زي كده - 00:02:37ضَ

انسى اليمين ده ما حصلش ولا كانك قلته يجب عليك انك تكفر عنه بانك تقول لا اله الا الله. فهمناها؟ طيب بعد كده عندنا بقى الاية العظيمة هي الاصل في الموضوع دوت الاية في سورة المائدة. قال تعالى لا يؤاخذكم الله باللغو في ايمانكم ولكن يؤاخذكم بما عقدتم الايمان فكفارته. طب انا - 00:02:57ضَ

عملت حاجة وطلبت معي ان انا ما اعملهاش خلاص مش هعملها اعمل ايه بقى كفارة واحد اطعام عشرة مساكين او كسوتهم او تحرير رقبة. فمن لم يجد فصيام ثلاثة ايام - 00:03:17ضَ

الاية بتقول لنا ان انت عشان تكفر تختار حاجة من التلاتة قبل ما تفكر في موضوع الصيام ده خالص. الناس على طول بتروح تقول لك صوم تلات ايام غلط لازم الاول - 00:03:32ضَ

شوف انت تقدر تعمل حاجة من التلاتة دول ولا لأ اول حاجة اطعام تقدر تطعم عشر مساكين او كسوة اطعام او كسوة تجيب لهم كسوة تكسوهم او تحرير رقبة طبعا دي مش موجودة خلاص. لان ما فيش رقاب ما فيش عبيد. ففاضل لك الكسوة والاطعام. طبعا الكسوة غالية. فغالبنا هيخشوا على الايه؟ على الاطعام لانه اكيد ارخص - 00:03:42ضَ

ناس كتير اه يبقى انا قبل ما اتكلم في ان انا اه اصوم تلات ايام الاول فكر تقدر تطعم عشر مساكين ولا لا؟ تقول لي هو الاطعام عامل ازاي؟ طيب - 00:04:02ضَ

الاطعام اطعم عشر مساكين. اطعمهم ايه؟ اول حاجة ممكن لو هتعمل لهم وجبة جاهزة زي الاكل اللي بتعمله في البيت. اعمل اي وجبة تكفي شخص وتعمل منها عشرة وتطعم عشر مساكين - 00:04:12ضَ

حتى لو ما فيهاش لحمة يعني الناس يظن لازم يحط لحمة وفراخ لأ لو عملت له رز بطبيخ وجبة كويسة تشبع واحد دي اسمها وجبة خلاص لو اطعمت عشر مساكين عشر وجبات زي دول. لازم عشر مساكين. عشر وجبات زي دول وجبة مشبعة. وجبة من اللي احنا بنأكلها. وجبة من اللي بتعملها في البيت حتى لو ما فيهاش لحمة - 00:04:26ضَ

لو فيها لحمة يبقى احسن خلاص انت كده اطعمت. لا انا عايز ادي له حاجة نواشف. لو نواشف بقى هتخش في المقادير. الفقهاء حددوا المقدار لو حددوا نواشف. حددوا رز ادي له مكرونة تدي له دقيق. اختلفوا. البعض قال يكفي مد. قد ايه المد ده؟ يعني سبعميت جرام. وفي فقهاء تانيين قالوا لأ. لازم نص - 00:04:46ضَ

صاع قد ايه نصف صاع دوت؟ يعني حوالي بالكتير يعني كيلو ونص رز مكرونة فول دقيق فالاحوط خلينا حتى لو احتطت اوي هتخليك في كيلو ونص. يعني كيلو ونص احنا بنتكلم في خمستاشر جنيه مسلا اه او في الحدود ديت. يعني الكفارة - 00:05:06ضَ

تتراوح من على القول الاولاني سبعميت جرام رز بعشرة جنيه. كيلو ونص رز مش هيعدي خمستاشر جنيه او اكتر شوية يعني الكفارة ما بين ميت جنيه ومتين جنيه. عشان نخلص الموضوع ده بالاسعار دلوقتي. فلو انت معك المبلغ دوت يبقى انت تقدر تطعم - 00:05:26ضَ

لو ما عكش بقى المبلغ ده خالص يبقى احنا بنتكلم بعد كده في الصيام. فلازم تتأكد ان انت معك معك من مية لمتين جنيه يبقى انت معك انك انت تكفر. ما عكش - 00:05:45ضَ

يبقى احنا بنتكلم ممكن تخش بعد كده في الايه؟ في موضوع الصيام. لكن ما ينفعش اروح للصيام قبل ما ابقى متأكد ان انا ما اقدرش اطعم. تقدر تطعم؟ مش هينفعك الصيام. لا يجزئ - 00:05:55ضَ

صيام تلات تيام ازا كنت قادر قادر على الاطعام. تمام؟ طيب. طب انا ما اعرفش مساكين. ما اعرفش مساكين. ما اعرفش اطعم مين؟ ادي مين؟ قطعان. ممكن توكل واحد يعني ايه توكله اوكله لأ مش قصدي. توكله يعني تخليه وكيل لك. يعني تروح لراجل في مسجد ماسك حالات اجتماعية وبتاع. تقول له والله انا علي كفارة يمين. طب بتاخد كم في الموضوع - 00:06:05ضَ

دوت يقول لك هات مية جنيه هات متين جنيه وانا هاشتري وجبات واتعامل. فتدي له الفلوس. تقول لي الله مش انت لسه قايل لي من شوية لازم اطعام! انا كده اديته فلوس. هو يجزئ - 00:06:25ضَ

ان انا ادي فلوس ما يجزئش انك تدي الفقير فلوس. ما ينفعش لازم اطعام لازم اطعام. ما ينفعش تدي الفقير فلوس. لكن انا ما بديش الفقير دلوقتي انا بدي الشخص اللي هيجيب وجبات. انا اديته فلوس. ده اسمي ان انا خليته وكيل عني. قلت له خد المتين جنيه اهم. رح اشتري عشر وجبات يا عم. او اشتري قد - 00:06:35ضَ

ده رز ووزعه مع العشر مساكين. يبقى انا ما اديتش فلوس. انا اديت واحد وكيل لي هو هيشتري النواشف ديت او هيعمل وجبات. المهم هو هيتصرف لكن ينفع انا ادي المسكين فلوس على طول؟ لا لازم اطعام. طب انا بقى ما اقدرش اتأكدت ان انا ما اقدرش لا اطعام ولا كسوة ولا اي حاجة. هنخش بقى في الايه؟ في الصيام لو انت مش قادر - 00:06:55ضَ

خالص. اصوم قد ايه؟ تلات ايام. اختلف الفقهاء. فيه ناس قالوا لازم التلات ايام وراء بعض. وناس قالوا مش لازم يكونوا ورا بعض. فخلافهم هل لازم متتابعة ولا غير متتابعة. لو قدرت تطلع من الخلاف ده وتصوم التلاتة متتابعين يبقى كتر خيرك. عشان تخلص من ايه؟ من الخلاف دوت - 00:07:15ضَ

مسألة نمرة سبعة متى تجد الكفارة؟ بمعنى انا دلوقتي عايز آآ انا دلوقتي قلت والله مش هكلم فلان بعد كده قلت طب انا خلاص انا عايز اكلمه هل اكفر بعد ما اكلمه يعني لازم اكلمه الاول بعد كده تجب علي الكفارة ولا ينفع من ساعة ما نويت يعني انا دلوقتي خلاص انا ناوي اكلمه خلاص بس انا لسه ما كلمتوش اكفر واكلمه - 00:07:34ضَ

ولا اكلمه وكفر؟ الاتنين صح تاني الاتنين صح. ينفع اكفر وبعد كده اكلمه؟ وينفع اكلمه وبعد كده اكفر. فيجوز ان تدفع الكفارة قبل قبل ما تخالف ويجوز ان تدفع الكفارة بعد الحنس اللي هو بعد ما تايه؟ ما تخالف. فطبعا قبل ما تخالف يبقى ده جائز لكن بعد ما تخف - 00:08:01ضَ

الف واجب خلاص انت خالفت خلاص يبقى لازم هتعملها. اخر حاجة هل الكفارة واجبة على الفور؟ يعني لازم اول ما حنزت مسلا رحت كلمته لازم اطلعها دلوقتي حالا ولا ينفع - 00:08:24ضَ

بكرة بعده بعد بعده هي الكفارة دي على الطراف. يعني ايه هي عليك؟ دين عليك ادفعوا وقت ما تدفعوا بس هي لازماك. فلو كفرت ولسه ما دفعتش الدين عادي بس هو عليك يجب انك انت تطلعه يعني ويفضل طبعا المبادرة ما حدش - 00:08:34ضَ

ضامن عمره. شفتم بقى وشرحنا المسألة بسرعة دورك انك انت تقول لي عايز ايه في الدرس الجاي ايه الاسئلة اللي في بالكم المهمة اللي ممكن نشرحها على السبورة شاركوني في حلقات مدرس دين عايز اعرف - 00:08:51ضَ

في البرنامج شاركنا في كومنت او بشير وعلم الناس ربنا يرضى عنكم السلام عليكم - 00:09:04ضَ