Baheth

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهدي الله تعالى فلا مضل له ومن يضلل فلا هادي له واشهد ان لا اله الا الله وحده لا شريك له - 00:00:01ضَ

واشهد ان محمدا عبده ورسوله اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة - 00:00:22ضَ

وكل ضلالة في النار اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم - 00:00:46ضَ

للعالمين انك حميد مجيد قال الامام البخاري رحمه الله تعالى باب من بلغ ستين سنة فقد اعذر الله اليه في العمر لقوله تعالى اولم نعمركم ما يتذكر فيه من تذكر وجاءكم النذير - 00:01:07ضَ

قال البخاري رحمه الله حدثنا عبد السلام بن مطهر قال حدثنا عمر بن علي عن معن ابن محمد الغفاري عن سعيد بن ابي سعيد المقبوري عن ابي هريرة رضي الله عنه - 00:01:33ضَ

ان رسول الله صلى الله عليه واله وسلم قال اعذر الله الى امرئ اخر اجله حتى بلغه ستين سنة وكنا في اخر مرة قد استوفينا الكلام عن رجال الاسناد وكان اخرهم مخرج الحديث الا وهو صحابي الحديث. وهو ابو هريرة رضي الله عنه - 00:01:53ضَ

واليوم ان شاء الله تعالى نتكلم عن الحديث بالاضافة لما آآ سبق ذكره في معنى هذا الحديث اتكلم اليوم ان شاء الله تعالى عن اعذار الله للعبد لان كلام النبي عليه الصلاة والسلام - 00:02:19ضَ

بدأ بقوله اعذر الله الى امرئ بلغه ستين سنة ويعني الهمزة في اعذر يسميها العلماء همزة السلب بمعنى قطع عذره اعزر الله اي قطع عذره واقام عليه الحجة فنتكلم عن اعذار الله للعبد - 00:02:38ضَ

هل الله تبارك وتعالى يعذر عبده ومتى يعذره ومتى لا يعذره فرأيت ان يكون مدخلي الى الكلام في هذا حديث عذب جميل اخرجه الشيخان في صحيحيهما من حديث المغيرة بن شعبة رضي الله عنه - 00:03:04ضَ

قال قال سعد بن عبادة لو رأيت رجلا مع امرأتي لاضربنه بالسيف غير مصفح فبلغ ذلك رسول الله صلى الله عليه واله وسلم فقال تعجبون من غيرة سعد والله لانا اغير من سعد - 00:03:28ضَ

والله اغير مني ومن اجل ذلك اي من اجل غيرة الله تبارك وتعالى حرم الفواحش ما ظهر منها وما بطن وما احد احب اليه العذر من الله لذلك ارسل الرسل مبشرين ومنذرين - 00:03:54ضَ

ولا احد احب اليه المدحة من الله عز وجل لذلك وعد الله الجنة وفي رواية اخرى لذلك اثنى على نفسه تبارك وتعالى هنا توسط العذر ما بين الغيرة والمدح ما جعلت هذا الحديث - 00:04:22ضَ

جعلته مدخلي الى الكلام لانه يشتمل على معان جليلة ساتكلم عن الغيرة واتكلم عن العذر واتكلم عن المدحة لله سبحانه وتعالى ولا يتصورن احد انني خرجت بهذا عن موضوع الحديث - 00:04:49ضَ

لا لماذا توسط العزر ما بين الغيرة والمدحة والنبي عليه الصلاة والسلام يقول في هذا الحديث لا والله لانا اغير من سعد والله اغير مني ومن اجل غيرته تبارك وتعالى حرم الفواحش - 00:05:09ضَ

على عباده ما ظهر منها وما بطن. ادي الغيرة ولا احد احب اليه العذر من الله لذلك ارسل الرسل مبشرين ومنذرين ولا احد احب اليه المدحة من الله لذلك وعد الله سبحانه وتعالى الجنة او اثنى على نفسه كمفردة اخرى - 00:05:33ضَ

يبقى انا عندي غيرة وعندي عزر وعندي مدحة فتوسط فتوسط العذر ما بينهما فانا اتكلم عن هذه الصفات الثلاثة لله تبارك وتعالى وبالكلام عن الغيرة سيظهر معنى العذر او يظهر كمال الله تبارك وتعالى - 00:05:59ضَ

في العزر وبعد العذر يأتي المدح فلنعرف الغيرة ابتداء اولا الغيرة نار ومن شأن النار انها تعطي وقودا فمن خلا قلبه من الغيرة فلا حياة له يبقى الغيرة في الاصل - 00:06:29ضَ

هي هيجان القلب اذا زاحمه احد فيما اختص به ادي معنى الغيرة التنافس الغيرة هيجان القلب حمية لما اختص به اذا زاحمه احد في هذا الاختصاص وتكون الغيرة اكثر فيما يتعلق بالعرض - 00:06:57ضَ

ويكون بين الزوجين اكثر من غيرهما الحديث الذي ابتدأت الكلام به حديث المغيرة له قصة بسطت في آآ سنن ابي داوود وفي مسند الامام احمد من حديث ابن عباس رضي الله عنهما - 00:07:29ضَ

وآآ ذكرها الامام مسلم ايضا اشار اليها من حديث ابي هريرة رضي الله عنه اه اخترت سياق احمد لانه آآ ابسط يعني الذي الشاهد الذي اريده اه اه زاده احمد على ابي داوود - 00:07:53ضَ

وان كان يعني ابو داوود واحمد اشترك في اه طول القصة الذي حدث ان آآ النبي صلى الله عليه وسلم بينما هو جالس مع اصحابه اذ جاء هلال ابن امية الواقفي رضي الله عنه - 00:08:10ضَ

وهو احد الثلاثة الذين تيب عليهم كما في قوله تعالى وعلى الثلاثة الذين خلفوا حتى اذا ضاقت عليهم الارض بما رحبت وضاقت عليهم انفسهم وظنوا ان لا ملجأ من الله الا اليه ثم تاب عليهم ليتوبوا - 00:08:31ضَ

كان هلال ابن امية الواقفي واحدا من هؤلاء الثلاثة آآ دخل بيته فوجد رجلا مع امرأته فاتى رسول الله صلى الله عليه وسلم وقال يا رسول الله بصرت عيني وسمعت اذني - 00:08:46ضَ

طبعا ما هيجه حتى الصباح فاخبر النبي عليه الصلاة والسلام بذلك ربما توقف هلال ابن امية في هذا لانه لم يكن معه بقية النصاب الشهادة عارفين اي ان اي رجل - 00:09:07ضَ

او اية امرأة رمى احدهما الاخر بالزنا لابد ان يكون هناك اربعة شهداء. اذا هو رأى بعينه وسمع باذنه ولم يأت بالثلاثة آآ الشهداء الباقين يجلد كان ده قبل ان ينزل بقى الملاعنة ما بين الرجل وبين امرأته - 00:09:25ضَ

عشان كده يعني في احيانا يعني بعض الناس يسألني يقول ان آآ زوجي يزني او يقول امرأتي تزني فهذا لا يجوز حتى لو رآه بعينه لو ان رجلا بعيد عن المرأة والرجل - 00:09:50ضَ

الرجل وامرأته لو ان رجلا رأى اخر يزني فعلا بعينيه ولم يأت بثلاثة اخرين يجلد ليه؟ لان صيانة الاعراض على في آآ يعني آآ لا يعني الاعراض لا يغسلها الا الدم يعني - 00:10:06ضَ

وصيانة لهذا يمنع المرء ان يتكلم بهذا الا اتى اذا اتى بالنصاب كاملا فلم يكن نزلت بقى المسألة الملاعنة بين الرجل وامرأته فجاء هليل ابن ابية الوقيف وقال هذا فقال النبي صلى الله عليه وسلم يا هلال - 00:10:23ضَ

اربعة شهداء او حد في ظهرك كرب هلال ابن امية الواقفي وقال الله يعلم اني صادق في هذا المجلس كان سعد بن عبادة سيد الخزرج جالسا فقال يا رسول الله اهكذا نزلت - 00:10:43ضَ

قال نعم قال يعني لا اهيجه لو رأيت لكاعا يتفخذ امرأتي لا اهيجه ولا امسه وادعه والتمس له اربعة شهداء والله لا ارجع الا وقد قضى حاجته فالنبي عليه الصلاة والسلام قال - 00:11:02ضَ

للانصار انظروا ما يقول سيدكم يعني يعارض بكلامه نص اية فقالوا يا رسول الله اعذره انه لغيور فوالله ما تزوج امرأة قط الا بكرا وما طلق امرأة فاجترأ احدنا ان ينكحها بعده - 00:11:23ضَ

اي من شدة غيرته فقال النبي صلى الله عليه وسلم حينئذ ان سعدا يغار وانا اغير من سعد والله اغير مني فقال سعد بن معاذ فسعد بن عبادة معلقا بعد ذلك - 00:11:50ضَ

والله يا رسول الله اني لاعلم انها حق اي ان الاية حق وانا ما قصدت ان اعارض حكم الله لكني تعجبت من ذلك ليه؟ لشدة غيرته. انت عارف العرب كانوا آآ في القمة في مسائل الغيرة والحفاظ على العرض - 00:12:08ضَ

ما باراهم احد في هذا ابدا وكما قلت يعني شف سعد ابن آآ عبادة يقول والله لا اعطيه الا السيف غير مصفح اي لا اضربه بصفح السيف. مش غير مصفح يعني اصفح عنه واعفو. لا - 00:12:30ضَ

آآ للسيف حد وصفح زي السكينة الحد اللي انت بتحس به او تدبح به وجانبي هذا الحد من اليمين والشمال ده اسمه صفح يعني يقول انا لن اضربه بصفح السيف بهذا بهذا الاتجاه يعني او المكان بل اضربه بحده - 00:12:48ضَ

ادي معنى ايه والله ما اعطيه الا السيف غير مصفح دي كما قلت لكم الاعراض ما فيش فيها حل. لا يغسلها الا الدم يعني شوف حديث ابي سعيد الخدري رضي الله عنه في صحيح مسلم - 00:13:13ضَ

آآ يقول ابو السائب مولى هشام ابن زهرة اتيت ابا سعيد في بيته وهو يصلي فانتظرته حتى يقضي صلاته فسمعت صوتا في عراجين البيت العرجون اللي زي ليه؟ اللي هو اللي زي الحطب والكلام ده - 00:13:30ضَ

او في سقف البيت كانوا زمان آآ انت عارف البيوت كانت بتتعمل به الاشجار تجيب الشجرة تلات اربع شجرات ويحط عليهم قش يحط عليهم بوص او انه مسلا ممكن يعمل السقف للخشب - 00:13:52ضَ

فكان زمان السقف يكون من الشجر ويحطوا عليه قش. فالقش ده ممكن يسكنه تعبان اه اسكنوا عصافير يسكنوا اي حاجة يعني المهم في العراجين البيت في في في جنب كده سمع ايه - 00:14:06ضَ

ابو السائب صوتا بيبص كده فاذا حي قال فوثبت لاقتلها فاشار الي ابو سعيد وهو يصلي ان اجلس وطبعا آآ هذه الاشارة هذا الحديث مع احاديث اخرى يدل على بطلان الحديث الذي يقول - 00:14:22ضَ

آآ من اشار في صلاته اشارة تفهم عنه بطلت صلاته. في حديث بكده لكنه حديث باطل بهذا الحديث وباشارة النبي صلى الله عليه وسلم وهو يصلي ورد السلام وهو يصلي اشارة هكذا. يعني اذا كان الوضع اليمنى على اليسرى وحد السلام عليكم فيجوز المصلي - 00:14:44ضَ

ان يرفع يده له تحية له كما فعل رسول الله صلى الله عليه وسلم وصح ذلك عنه في غير ما حديث المهم ان ابا سعيد اشار ايه؟ اشار اليه ان اجلس - 00:15:04ضَ

فلما قضى ابو سعيد صلاته قال له ترى هذا البيت واشار الى بيت في الدار البيت في الدار البيت يعني الحجرة يعني البيت لو عشر حجرات او خمس حجرات كل حجرة اسمها بيت - 00:15:17ضَ

يقول يقال بيت في الدار قال له اترى هذا البيت قال نعم قال كان يسكن فيه فتى وكان حديث عهد بعرس وخرجنا مع النبي صلى الله عليه وسلم الى الخندق - 00:15:36ضَ

فكان هذا الفتى يستأذن النبي صلى الله عليه وسلم في انصاف النهار ويأتي بيته يقعد ساعة ساعتين وبعدين يرجع الى الرسول صلى الله عليه وسلم مرة اخرى فقال النبي عليه الصلاة والسلام له - 00:15:54ضَ

بمرة وقد استأذن ليأتي اهله قال خذ عليك سلاحك فاني اخشى عليك من قريظة وفي رواية مالك في الموطأ قال اخشى عليك من بني قريظة الغلام اخذ سلاحه بيدخل الدار فاذا امرأته بين البابين واقفة - 00:16:09ضَ

فرفع السيف وهيضرب مراته ادركته غيره كما في الحديث قال وادركته غيرة ورفع السيف ليضرب امرأته اللي واقفة بين البابين تعمل ايه؟ بتعاكس حد مسلا ولا بتبص على رجالة ولا بتعمل ايه والكلام ده - 00:16:32ضَ

فقالت اليك عني يعني اضمم اليك سلاحك وتعالى فانظر لتعلم ما الذي اخرجني بين البابين فنظر فاذا حية عظيمة منطوية على فراشه على السرير بتاعه حية عظيمة لف على نفسها يعني - 00:16:46ضَ

الغلام دخل فانتظمها برمحه انتظمها يعني غرز الرمح فيها وقام شايلها بالرمح وذهب الى وسط الدار وقام غرز الرمح فين في الارض يا لما غرز الربح في الارض كانت الحية - 00:17:11ضَ

ازاي بتقول ايه يعني رأس الرمح ماسك في الحية فاضطربت الحية لانها كانت حية عظيمة كبيرة اضطربت الحية وقامت داخلة على الغلام قتلته قال ابو سعيد فما ندري ايهما كان اسرع موتا - 00:17:29ضَ

الفتى ام الحية فلما بلغ النبي عليه الصلاة والسلام هذا قال الصحابة يا رسول الله ادع الله ان يحييه لنا فقال استغفروا لصاحبكم ثم قال ان في المدينة جنا اسلموا - 00:17:48ضَ

فاذا وجد احدكم شيئا من هذا دخل لقى حية فليؤذنه ثلاثا يعني يقول له اخرج اخرج من البيت تلات مرات يقول له اخرج من البيت فاذا لم يخرج فليقتله فانما هو شيطان - 00:18:09ضَ

فشوف شوف الحديث الغلام مجرد انه رأى امرأته فقط تقف بين البابين ادركته غيره كان سيقتل امرأته ظنا منه انها يعني امتد طرفها الى غيره العرب كانت مسألة الغيرة كانت عنده شديدة وزي ما قلت لك - 00:18:30ضَ

الغيرة اه اه حمية القلب وهيجانه عند مزاحمته فيما يختص به عشان كده تجد مثلا الرجل اذا احب امرأة وتعلق بها لو عرف ان في واحد تاني بيزاحمه على محبة هذه المرأة مثلا - 00:18:55ضَ

فانه يكاد يقتله او ان عجز عن مثل هذا يقتله الغم ليه لان حصل مزاحمة لما اختص به القلب من محبة هذه المرأة او محبة هذا الشيء عموما يعني الغيرة في في حق العباد - 00:19:18ضَ

نوعان والعذر نوعان والمدح نوعان هناك آآ غيرة محمودة واخرى مذمومة وعذر محمود وعذر مذموم ومدح محمود ومدح مذموم. هذا كله فيما يتعلق بالعباد بخلاف ربنا سبحانه وتعالى فان له الاسماء الحسنى والصفات العلى - 00:19:41ضَ

كل اسمائه كل اسمائه حسنا وكل افعاله حكمة لكن انا الان اتكلم عن الغيرة في بني ادم ولي قصد في هذا ليتضح المقام آآ بمسألة الغيرة المحمودة والغيرة المذمومة. هناك حديث صحيح - 00:20:09ضَ

اخرجه ابو داوود والنسائي واحمد وغيرهم من حديث جابر رضي الله عنه قال قال رسول الله صلى الله عليه وسلم ان من الغيرة غيرة يحبها الله وغيرة يبغضها الله فاما الغيرة التي يحبها الله - 00:20:34ضَ

فهي الغيرة في غير ريبة فهي الغيرة في ريبة اما الغيرة التي يبغضها الله سبحانه وتعالى فهي الغيرة في غير ريبة وفي حديث جابر ابن عبدالله رضي الله عنه آآ ان رسول الله صلى الله عليه وسلم وهذا الحديث في صحيح مسلم - 00:21:01ضَ

آآ قال او نهى ان يطرق الرجل اهله ليلا ليتخونهم او ليلتمس عثراتهم وهذا الحديث حديث آآ جابر رواه البخاري ايضا لكن انا عزوت هذا السياق الى مسلم لان سفيان الثوري - 00:21:27ضَ

احد رواة هذا الحديث شك في اخر الحديث واللي هو ايه ان يتخونهم او يلتمس عثراتهم سفيان الثوري رحمه الله قال لا ادري اهذا شيء قاله محارب بن دثار الذي روى هذا عن جابر ام هو شيء في الحديث - 00:21:53ضَ

يعني سفيان الثوري لا يدري الذي قال ان يتخونهم او يلتمس عثراتهم لا يدري اهذا من جملة كلام النبي عليه الصلاة والسلام؟ ام شيء قاله محارب محارب ابن ديثار يعني يعلل به النهي عن ان يطرق الرجل اهله ليلا. يطرق اهله ليلا يعني ييجي بالليل - 00:22:14ضَ

انما البخاري رحمه الله لما شك سفيان الثوري في الجملة دي لم يخرج هذه الجملة. انما خرج الحديث من طريق شعبة اه ابن الحجاج واقتصر على اول الحديث وهو ان النبي صلى الله عليه وسلم نهى ان يطرق الرجل اهله ليلا - 00:22:38ضَ

طبعا ده في اللي هي اكسر اكسر من سبب السبب الاول اه حتى تستعد المرأة للقاء زوجها لا سيما اذا كان الرجل مسافرا وهذا كانت عادة عند النبي عليه الصلاة والسلام - 00:22:59ضَ

كان اذا جاء من سفر لا يذهب الى اهله مباشرة انما ينزل المسجد فيصلي ركعتين وينذر اهله انه قدم ولزلك النبي صلى الله عليه وسلم في حديث جابر ايضا يقول آآ حتى تستحد المغيبة وتمتشط الشعثة - 00:23:13ضَ

يعني المرأة تهيئ نفسها للقاء زوجها. بعض الناس يقول لك اما خليها مفاجأة ويبقى بقى له شهور طويلة آآ مسافر وبعدين فجأة يطب ما يرضاش يقول لهم انا جاي الساعة كم؟ طب ما انت هتدخل قد تجد المرأة في ثياب المهنة او انها غير مستعدة او الكلام ده او قد يقع - 00:23:33ضَ

نظرك على شيء آآ يعني قبيح او شيء لا تحبه فيحصل نوع من النفرة بين الرجل وامرأته فكان بقى النبي عليه الصلاة والسلام يعني ايه كان يؤخر الذهاب الى البيت ويرسل انذارا لهديله لهذا. الحاجة التانية - 00:23:52ضَ

ليه المعنى الذي ذكره سفيان الثوري وشك فيه وهو ان الرجل قد يدخل على آآ زوجه وفي حالة غير مرضية. يعني يعني في في حديث جابر ايضا آآ ان عبدالله بن رواحة - 00:24:09ضَ

رضي الله عنه آآ دخل على امرأته واذا شخص اخر معها فعبدالله بن واحة معه السيف فداخل على الرسول على اساس ايه؟ يضرب الايه؟ يضرب المرأة لانه شخص ايه؟ ايه اللي يدخل شخص ومع امرأته؟ فالمرأة قالت ايه؟ قالت يعني كف - 00:24:29ضَ

انما هي امرأة اخرى جاءت آآ تمشطني كانت امرأة بتسرح لها شعرها يعني اشوف يعني ممكن حاجة زي كده قد الرجل يسيء الظن. يعني ممكن يبص يلاقي شيء يجده شيئا - 00:24:47ضَ

وممكن ما يدخلش البيت والمرأة اللي معها دي تنصرف فوقد وقع في قلب الرجل ان رجلا كان مع المرأة طب ما هو ده نوع من اساءة الظن. العشرة هتنفض على طول سيطلق الرجل امرأته لاجل هذا - 00:25:01ضَ

عشان كده الرسول عليه الصلاة والسلام ايه؟ انما نهى ان يطرق الرجل امرأته ليلا لاجل هذا. ليه؟ علشان قد يكون هناك شيء يفهم خطأ. ها؟ مش زي ما بعض الناس - 00:25:20ضَ

كان بينكر هذا الحديث ويقول لك يعني النبي صلى الله عليه وسلم آآ بيتستر على الفواحش يعني بيأمرنا ان نتستر على الفواحش يعني ما قراش آآ اقول للست عشان لو معها راجل اقول لها انا جاي تلحق تطرق الراجل وتمشيه عشان خاطر الكلام ده؟ طبعا لا - 00:25:32ضَ

يقول هذا الا انسان مختل في الفهم او مريض القلب ليه؟ لان المعاني هذا الحديث له معنى مستقيم فينبغي اذا كان هناك معنى مستقيم للحديث الا يخرج عنه. لا سيما ولم ينص احد قط من اهل العلم. اطلاقا على هذا المعنى الذي خطر على بال - 00:25:47ضَ

هذا الانسان المريض القلب او راجل مختل الفهم فالرسول عليه الصلاة والسلام نهى بقى ايه؟ ان يتخون الرجل امرأته او ان يلتمس عثراتها طالما المرأة شريفة وعفيفة والكلام ده بتتلصص علي ليه - 00:26:06ضَ

بتحط لها كاميرا تسجل ليه بتحط الموبايل مسلا في مكان معين. الموبايلات دلوقتي اللي بتسجل بالساعات يحط الكلام ده ويضيق مشاكله كلها بتعرض لي. يعني الناس بيسألوني عنها حط الموبايل صوت وصورة - 00:26:26ضَ

يصور له ساعتين ويسجل له ساعتين وتلاتة والكلام ده. بحيس لما ييجي يبتدي ايه يبتدي يشوف مين اللي اتكلمت مع مين وكانت بتعمل ايه والكلام دوت. ازا لم يكن هناك ثمة ريبة - 00:26:42ضَ

مرأة شريفة وعفيفة والكلام دهوت فانه يحرم على الرجل ان يلتمس عثراتها يبقى اذا الرجل الغيرة التي يحبها الله ان يغار الرجل في ريبة اه فيه ريبة والست آآ ظهر منها اشياء والكلام ده كوني بقى احافظ على عرضي هذا شيء يحبه الله - 00:26:54ضَ

اما في غير ريبة فهذا شيء يكرهه الله سبحانه وتعالى ويبغضه يبقى انا عرفت بقى الغيرة المحمودة والغيرة المذمومة وغيرة الرجل تختلف عن غيرة المرأة غيرة الرجل اشد وانكى من غيرة المرأة - 00:27:17ضَ

يعني غيرة الرجال تكون قوية. ليه؟ لان الرجل منوط به ان يحفظ العرض. مش العكس يعني مطلوب من الرجل ان يحمي المرأة مش مطلوب من المرأة انها تحمل رجل ولذلك الرجل لا يحتاج مثلا الى محرم - 00:27:38ضَ

اه في سفره المرأة تحتاج الى محرم كما قال صلى الله عليه وسلم لا يحل لامرأة تؤمن بالله واليوم الاخر ان تسافر الا مع ذي محرم منها واشوف كلمة لا يحل - 00:27:55ضَ

ان يحرم على المرأة ان تسافر بعض الناس بكل اسف يقول لك آآ دلوقتي المرأة اذا بلغت خمسة تسعة واربعين سنة لا تحتاج الى محرم ويعني بعض الناس بلغني ان حتى في السعودية آآ لا يشترطون المحرم بعد خمسة واربعين سنة - 00:28:12ضَ

الله! طب ليه هو ما هي العلة في الا تسافر المرأة الا مع محرم هل العلة هي فتنة المرأة بس يعني يعني المرأة جميلة تكون جميلة يعني ان تكون مطمعا - 00:28:30ضَ

يعني وهي شابة ما تسافرش وهي كهل بلغت الكهول او قاربت الكهولة. فضلا عن ان تكون امرأة عجوزا. يبقى دي يباح لها ان تسافر يبقى محرم؟ طب ده بالعكس ده المرأة كلما علا سنها وارتفع احتاجت الى المحرم اكثر من المرأة الشابة - 00:28:47ضَ

للمرأة الشابة فيها شباب فتوة لو حد حب انه يعتدي عليها ولا حاجة تقدر تدافع عن نفسها ممكن في الاخر ما تقدرش على الراجل المعتدي اقوى منها عضلات والكلام ده لكن في الاخر تقدر تفلت منه لكن المرأة اذا كانت عجوزا وكانت - 00:29:05ضَ

ضعيفة. ايه حيلة هذه المرأة ما تقوليش المرأة اللي هي بلغت الكهول او المرأة العجوز لا فتنة فيها. الكلام ده كلام غير حقيقي كما قال الشافعي رحمه الله في مثل هذا المعنى قال لكل ساقطة في الارض لاقطة - 00:29:21ضَ

وكل نافقة يوما لها سوق يعني كل بضاعة في الدنيا لها زبون انت ممكن تمر على بضاعة تتأفف منها وما ترضاش تبص لها ليه سيئة للغاية البضاعة دي في ناس بينتظروها - 00:29:38ضَ

محتاجينها اما لانها عجباهم لفساد ذوقهم واما لا انهم فقراء ما يقدروش الا على كده لما بتدخل انت السوق هتشتري بها اوطة ولا اشتري بطاطس ولا اشتري الكلام ده. ممكن اه تلاقي الطماطم مفعصة الكلام ده وانت نفسك ما بتبصلهاش - 00:29:53ضَ

واستنكف انك تبص لها وعليها دبان ومش عارف ايه والكلام ده ما تروحش الا المحلات الفخمة اللي الكيلو فيها بقد كده والكلام ده. لأ الطماطم اللي مش عجباك دي المفعصة دي وعليها دبان لها زباين كثر - 00:30:10ضَ

لفقراء ما يعرفش يشتري الا دي وبياضي عليها دبان وراضي ياخدها كده نفسه حلوة ها كل بضاعة في الدنيا لها زبون ما فيش حاجة اسمها بضاعة كسيرة ابدا من ادراك بقى وهي المرأة بلغت هذا السن - 00:30:25ضَ

عشان كده المرأة لا يجوز لها ان تسافر الا مع ذي محرم سواء كانت شابة او سواء كانت كبيرة فلان المرأة كما يعني قال عمر بن الخطاب رضي الله عنه - 00:30:42ضَ

النساء لحم على وضم الا ما ذب عنه المرأة اللي ما لهاش محرم مطمع لكل انسان المرأة اللي محرمها ضعيف ما يعرفش يدافع عنها والناس كلها عارفة انه ما يعرفش يدافع عنها ولا الكلام ده بتبقى مطمع - 00:30:56ضَ

امتى بقى المرأة تبقى مصونة العرض ازا كان وراه رجالة شوف يعني اه عمر ابن ابي ربيعة الشعر المعروف كان رجلا ماجنا تعرض لامرأة بالحج بيعاكسها فقالت له اتق الله انا انت في حرم الله والكلام ده الراجل ايه - 00:31:20ضَ

برضو لم يرتدع قامت رايحة جايبة مين؟ اتت بزوجها هو بقى جاي كالعادة عشان ايه يشوف القصة دي المرأة لوحدها ولا حاجة فلاقى ايه وجد زوجها معه قام لامم نفسه على طول وواخد على جنب - 00:31:50ضَ

فقامت قايلة بيت لنابغة الزبياني قالت ايه تعدو الذئاب على من لا كلاب له وتتقي مربط المستثثر الحامي شوف المرأة بقت في مأمن اهو طب ده عمر ابن ابي رعب قال له اديب بقى ذيب - 00:32:08ضَ

يعني زئب بقى بيختلس. اللحزة عشان ينقض على الفريسة بتاعته لكن هذا الذئب اذا وجد كلب الغنم ياخد جنب على طول ما يقربش المستثمر الحامل هو كلب الغنم مستثمر الذي يضع ذيله بين فخذيه وهو جالس على مقعدته. بس ديلي كله قدام مش لورا - 00:32:29ضَ

ادي المستثمر ها ده المستثمر الحامي انت عارف كلب الغنم ده ما لوش حل شرس فالمرأة قالت هذا البيت اشارة الى ايه؟ الى ان فيه حماية عندها حماية. وده لما لقى ان معها ان معها زوجها قام واخد بعضه وماشي - 00:32:51ضَ

فعمر بن الخطاب يقول النساء لحم على وضم الا ما ذب عنه الا ازا كان في حد بيدافع عنه. لحم على وضم يعني ايه؟ الوضم اللي هو الارمة بتاع الجزار - 00:33:08ضَ

الاورمة اللي هي الخشب دي اللي الجزار بيقطع اللحمة عليه لما يكون فيه لحمة محطوطة على الاورمة ديت تبقى اللحمة دي كلأ مباح ولا لأ اكلها مباح يعني اللي عايز يشتري يشتري. الجزار مش جاي جايب العجل ومعلقه للفرجة. انما جايبه عشان يبيعه - 00:33:20ضَ

فلما يحط لحمة على الاورمة ويقعد يقطع في اللحمة دي. اي واحد يقول له اديني كيلو يقول له اتفضل. اديني نص كيلو يتفضل. يعني اللحم النساء كلأ مباح لحم على وضن - 00:33:35ضَ

الا ما ذب عنه الا ازا كان فيه حماية النساء وعشان كده غيرة الرجال اللي هم اللي هم المؤتمنين على الاعراض اللي هم المؤهلون لحماية العرض الغيرة بتاعتهم لا تنطفئ - 00:33:48ضَ

وما تعرفش تطفئ غيرة الرجل الا بالدم ودي مشكلته مشكلة ان مشكلة غيرة الرجل شف اديك مر بنا الكلام عن سعد ابن عبادة ومر بنا الكلام عن الغلام اللي الحية ضربته - 00:34:08ضَ

ومر بنا كلام عبد الله بن رواحة قصته مع امرأته يعني الرجال غيرتهم غيرة شديدة النساء يغرنا غيرة شديدة لكن يمكن هذه الغيرة ان تنطفئ بسهولة تنطفئ بايه تنطفئ بكلمات جميلة - 00:34:24ضَ

تنطفئ بهدية مسلا تنطفئ بعطية او هبة تنطفئ بخلق جميل حسن اي ترضية للمرأة ترضى وعشان كده غيرة النساء سهل قوي انك انت تطفيها لو كنت رجلا عاقلا وتعرف ازاي تطفئ غيرة المرأة - 00:34:42ضَ

والا فالغيرة عيب الغيرة في المرأة عيب ما هيش ميزة يعني شف في في في سنن الامام النسائي في كتاب النكاح بسند صحيح على شرط مسلم من حديث انس رضي الله عنه - 00:35:07ضَ

قال قيل للنبي صلى الله عليه وسلم يا رسول الله الا تتزوجوا من نساء الانصار فقال عليه الصلاة والسلام ان فيهن لغيرة شديدة فالنبي عليه الصلاة والسلام لم يتزوج من ساء الانصار ليه - 00:35:26ضَ

عندهم غيرة عندهن غيرة شديدة وكما قلت الغيرة نار نار تسري في العروق يعني لما اي انسان رجل كان او امرأة تدركه الغيرة الحقيقية لما يقول لك انا انا باتحرق صدقه - 00:35:46ضَ

ليه الغيرة دي زي ما يكون نار ماشية مع الدم في العروق عشان كده في في يعني ورد في بعض الاحاديث الضعيفة آآ انا ما بحتجش به كانه حديث يعني بس بفسر به كأنه قول - 00:36:04ضَ

المرأة الغيراء لا تبصر اعلى الوادي من اسفله عميا يعني النبي عليه الصلاة والسلام رأى ان هذه الغيرة عيب في نساء الانصار فلم يتزوج منهن وآآ انتم تعلمون ان شاء الله تعالى - 00:36:18ضَ

آآ مقالة ام سلمة رضي الله عنها لما الرسول عليه الصلاة والسلام ارسل اليها ليتزوجها قالت له على تلت عيوب فيها قالت اني امرأة مصبية وغير وكبيرة في السن تلات حاجات ام سلمة بتقول انا يعني آآ لا اصلح زوجة لك - 00:36:37ضَ

عشان التلات حاجات دول مصبية يعني عندها ولاد فالنبي صلى الله عليه وسلم قال فاولادك الى الله ورسوله واما قولك انا كبيرة فانا اكبر منك واما قولك اني غير فسأدعو الله ان يذهبها عنك - 00:37:05ضَ

فلو كانت الغيرة محمودة لما سأل النبي صلى الله عليه وسلم ربه ان يذهبها كان يبكيها لكن الغيرة في النساء عيب عيب ليه؟ لانها بتكدر الحياة كدر الحياة الزوجية. ومش شرط يعني ان المرأة آآ تغار اذا كانت مع امرأة اخرى مع زوجها. مش لازم يكون الرجل تزوج عليها عشان تغار. لا - 00:37:27ضَ

ممكن امرأة لوحدها مع زوجها وتنكد عليه من الغيرة تغير من امه آآ تغار من ابيه تغار من اخيه تغار من اخته وده اشياء واقعة بكل اسف والام مسلا ممكن تغار - 00:37:51ضَ

ان ابنها تزوج ليه اللي ممكن تكون بتحب ابنها حب مرضي فلما تزوج تتصور ان المرأة خطفته امرأته خطفته ازا عامل امرأته معاملة كريمة اه طبعا ما هو خرع ده ما يشكمهاش ده وادبها وعرفها. قال بيقول لها يا بيبي وقل لها مش عارف ايه مش عارف هي ايه ويا ماما - 00:38:07ضَ

كلام الجماعة بيقولوه كده. ويقعد يدلع في الست والكلام ده. ويا ويله لو دلع المرأة وقال كلمة كده قدام امه ولا حاجة ليلتهم مش هتعدي ده ليه المرأة الام تتصور ان تو ما الراجل تزوج ان المرأة خدت قلبه. وخدت اهتمامه وخدوه بالزات لما يخلف كمان يبقى المرأة وعيالها خدوا كل اهتمامهم - 00:38:32ضَ

وهي بقت على الايه؟ على الرف ازا يعني مرضت شوية صغيرين كده والولد ما جريش كده ورمى نفسه تحت رجليها؟ طبعا ما هو انت يعني ما اللي ما يصعبش عليك عز فيه على مهلك. ها وتقول له هزا الكلام. وتقعد تقطم فيه. يحاول يرضيها ويبوس ايديها ويبوس رجليها والكلام ده ابدا - 00:38:54ضَ

ده بيبقى الام بتحب ابنها حب مرضي كذلك العكس الزوجة ممكن تحب آآ تحب زوجها آآ بطريقة مرضية اللي هو العشق يعني فاذا رأى مسلا رأت المرأة ان الابن بيهزر مع امه - 00:39:12ضَ

ان بيقبل ايدها بيقبل رجليها بيقبل خدها مسلا الكلام دهوت تستشيط غيزا ها لو لقيته بيتكلم في التليفون كده تبقى خلاص المرأة مش قادرة ده كله نوع من الغيرة اللي هي بتكدر حياة الراجل. معنى امرأة غيرها يعني في كرسي في البيت اسمه كرسي الاعتراف - 00:39:30ضَ

من ساعة ما خرجت من البيت قل لي خط سيرك لحد ما رجعت كلمت مين وسلمت على مين وضحكت لمين وكشرت في مين ومش عارف ايه الكلام ده ازا ما قالش بالتفصيل الممل وممكن تكون بتعسس وراه - 00:39:50ضَ

عشان تعرف القصة وتعرف الحدوتة وتقول له اه انت كتمت عني الموضوع الفلاني ومش عارف ايه الموضوع علاني قل لي بقى حقيقة الموضوع حياة بتبقى نكد حقيقي فعلا فالغيرة من المرأة يمكن ان تنطفئ - 00:40:02ضَ

ولكنها على اي حال هي عيب المرأة المرأة كلما كانت عاقلة لا تغار كلما وصلت الى قبة قلب زوجها بالدنيا فعشان كده احنا برضو بننبه النساء لهذه المسألة كل ما المرأة تكون عاقلة الرجل يحب المرأة العاقلة - 00:40:15ضَ

اللي هي يكون عقلها اكبر من غيرتها يبقى انا عندي غيرة الرجل عندي غيرة المرأة لكن الغيرة في الاجمال سواء كانت من الرجل او المرأة تدل على حياة القلب بس تحتاج الى تقنين - 00:40:34ضَ

حياة القلب. القلب الذي لا غيرة فيه هذا قلب خرب ان الوقود اصل مادة الحركة وكما قلت الغيرة هي وقود القلب ولذلك النبي عليه الصلاة والسلام يقول ان سعدا يغار - 00:40:50ضَ

وانا اغير من سعد والله اغير مني. طب ايه موقع الترتيب ده بقى هو سعد بن سعد بن عبادة رضي الله عنه لما قال والله لاعطيه الا السيف غير مصفح غير مصفح - 00:41:09ضَ

يعني هاج سعد لما سمعوا المسألة دي طب النبي عليه الصلاة والسلام هج لأ لما جه هلال ابن رواية الواقفي وقال له وجدته رجل مع امرأتي قال له يا هلال - 00:41:24ضَ

اربعة شهداء او حد في ظهرك يعني مش واضح في الرواية ان وجه النبي صلى الله عليه وسلم تغير ولا هاج ولا ازاي ولا الكلام ده ولا هو معنى هدوء النبي عليه الصلاة والسلام - 00:41:40ضَ

انه اقل غيرة في ناس كده في ناس كده يعني في احداث اللي بتجري للمسلمين الان اللي في العراق واللي في غزة واللي في افغانستان في كل جنبات الارض المواطن المشتعلة في جنبات الارض هي مواطن بلاد المسلمين - 00:41:55ضَ

لما واحد ييجي يتكلم بعقل كده قولوا يا جماعة الخير الواجب او واجب الوقت ان نفعل كذا وكذا وكذا لأ ده مش مقنع ده بارد انما اللي بيصرخ واللي بيجيب الاعلام ويحيى يولع فيها واللي يعمل الماكيت ويضربه بالنار واللي يطلع في المظاهرات واللي يصرخ ويعمل الكلام ده يبقى هو ده اللي عنده حياة - 00:42:17ضَ

الله! هي المسألة هتتقاس كده طب ما المسألة تتقاس كده يبقى سعد بن عبادة اغير من النبي عليه الصلاة والسلام. ما هو سعد كان هايج ويقول له اضربه بالسيف غير غير مصفح - 00:42:42ضَ

ها وهو سعد ابن عبادة رضي الله عنه لما يعني يطلق امرأة لا يجرؤ احد ان يتزوجها بعد ما كان سيد الخزرج هو ده صح الله! يعني المرأة اللي سعد ابن عبادة طلقها دي محكوم عليها بالاعدام؟ تفضل كده مطلقة تحمل هذا اللقب الى ان تموت - 00:42:54ضَ

وده ليس من العدل فمش معنى ان انت عمال تزعق وتصرخ والكلام دهوت انك انت تحس بالقضية اكثر مني او ان انت يعني غير ان اكتر مني. القصة مش كده خالص - 00:43:13ضَ

ففي آآ مسلا الانسان في تلقاء المصيبة ساعات تلاقي بني ادم لما يسمع المصيبة يخبط دمه في الحيطة ويشق الهدوم ويتمرغ في الارض ويحط التراب على راسه والطين على راسه ويلطم على خدوده والكلام ده - 00:43:27ضَ

وواحد تاني تلاقيه هادي وساكت هو انا عايز افهم يعني هو اللي عامل الحركات دي كلها الحزن بتاعه اعظم من حزن الساكت لأ طبعا لكن القصة كلها ان اللي اتنطط وشق الهدوم ولطم على خدوده والكلام دوت ليس في قلبه فسحة للصبر - 00:43:42ضَ

دي ما لوش علاقة بواقع المصيبة على القلب هناك قلب كبير محشو ايمانا اذا لطمته المصيبة استوعبها. وده كلام النبي عليه الصلاة والسلام لما قال انما الصبر عند الصدمة الاولى - 00:44:06ضَ

عايز تعرف بني ادم صابر ولا لأ ؟ اول ما يقرع الخبر سمعه نعرف رد الفعل اذا استرجع وحوقل واستجار بربه حتى وان بكى هذا يدل على انه صابر صابر شرعا الصبر الممدوح - 00:44:27ضَ

عند الله عز وجل بخلاف الانسان اللي بيتلقى المصيبة يعمل الحركات اللي انا قلت لكم عليها دي عشان كده العلماء قالوا ايه قالوا الاحمق تلقاء المصيبة يعني يفعل ما يفعله الصابر - 00:44:51ضَ

الاحمق يفعل بعد شهر ما يفعله الصابر اول ما يتلقى الخبر ازاي قلنا الوصف اللي احنا قلناه على الجدع اللي اتمرغ في التراب ولطم وحطتين على راسه وشق الهدوم والكلام ده - 00:45:13ضَ

خلاص؟ وقد يتكلم بكلام الكفر مات له ميت ولا حاجة اصيب بمصيبة ولا حاجة تبص ليه يا رب اشمعنى انا؟ هو انا عملت ايه؟ ده انا ماشي على الصراط المستقيم - 00:45:35ضَ

الله! يعني ما فيش حد في الدنيا غيري اللي تبتليها مش طبعا عارفين ان فيه ناس كتير بيقولوا هزا الكلام. بكل اسف يعني كلام كفر يعني بعد اسبوع بعد اسبوعين - 00:45:45ضَ

تيجي تسأله ايه الاخبار يا فلان؟ نقول الحمد لله رضا. الله الحمد لله الرضا دي الصابر حقيقة قالها في اول سانية انما الاحمق ده على ما استوعب المصيبة ها تصور مصيبة بعد اسبوع باسبوعين بعد شهر بعد شهرين على حسب بقى يعني آآ مكان الصبر في قلبه - 00:45:59ضَ

يقول بعد شهر ما يقوله المحتسب في اول لحظة فانا عايز اقول هو الانسان الساكت ده اقل صبرا من هذا او اقل احساس احساسا بالمصيبة من هذا؟ لا القصة مش كده خالص - 00:46:20ضَ

احنا عايزين ننظر الى المسائل نظرة موضوعية انا اقدر واعلم انه في زمان الفتن تختل عقول الرجال وفيه ثوابت بتتغير يعني النهاردة مسلا في احداث غزة الاخيرة حصل نوع من الاضطراب الشديد والتباين في وجهات النزر بين العلماء المتكلمين في هذه القضية - 00:46:38ضَ

واحد يقول نطلع ونقاتل واحد يقول لأ نقعد في بيوتنا ونستغفر وواحد يقول مش عارف نطلع نتظاهر واحد يقول لك ان ده كل ده على حسب رد الفعل. لما انت بتشوف على الفضائيات تشوف بقى القتلى وتشوف الاطفال الصغار المعجونين - 00:47:03ضَ

تحت الدبابات المدوسين والكلام دوت وتشوف البيوت وتشوف النساء المشردات القاعدين والكلام دوت حاجة لا يتحملها انسان لا يكاد انسان ان يحتملها لكن انت من من بحكم موقعك انت كفرد - 00:47:21ضَ

ما الذي يمكن ان تفعله لابد ان تنظر ما ما هو الذي تستطيع ان تفعله في امكانك؟ اللي انت تفعله في امكانك ان تقوي قلوب اخوانك على ان يقدموا ما - 00:47:39ضَ

لا يستطيعون من المساعدة لنصر هؤلاء اي نوع من المساعدة يستطيع المرء ان يفعلها لا يتأخر عنها لكن في الاخر لنا طاقات واحد مثلي مسلا لا بيده قرار ولا بيد حل ولا عقد ولا شيء من هذا اطلاقا. كل الذي يمتلكه لسان - 00:47:52ضَ

يبقى تكلم في حدود اللسان في حدود امكاناته اذا كان يستطيع ان يفعل اكثر من هذا وجب عليه ان يفعل اكثر من هذا لكن لا يلام ولا يقال له اين انت؟ زي ما انا قلت هزا الكلام في ايام محنة غزة وضرب اليهود للمسلمين هناك في غزة والكلام ده - 00:48:16ضَ

كثير من الناس قالوا اين انتم من العز بن عبدالسلام طيب الوضع مختلف تماما قدر العز في الدولة كان مختلفا والدولة كان شعارها الاسلامي فيه خلافة انذاك والخلافة حتى وان لم يعملوا بكتاب الله وسنة رسوله. لكن على الاقل رافعين الراية - 00:48:38ضَ

يقول لك نحن آآ حياتنا كتاب الله وسنة رسوله وكان في زلك الوقت يقربون العلماء العاملين وكانوا فعلا يستنصحونهم وكان العلماء لا يخشون الامراء كانوا يتكلمون بالحق المر وزات العز ابن عبدالسلام - 00:49:01ضَ

شف بقى لما اصر يبيع المماليك حكام البلد ان لم يعني لم يقع لي من طريق مشروع انهم احرار دول مماليك ملك بيت المال فالمفترض رئيس الوزرا ده المملوك ده المفروض يتباع في السوق - 00:49:20ضَ

وناخد الفلوس بتاعته ونحطها في بيت المال لانه ما زال مملوكا والعتق بتاعهم لم يأتنا من آآ يعني من طريق صحيحة يبقى ده مملوك للدولة ازاي انت تبيع رئيس الوزرا؟ ازاي تبيع للوزير الفلاني؟ اللي ماسك البتاع الفلاني والكلام ده؟ ازاي طبعا المماليك ما استحملوش الحدوتة دي؟ والعز مصر - 00:49:39ضَ

اول بس ما جم يكلموه ويساوموه وهددوه قام واخد بعضه ورايح على الشام راح على آآ ترك مصر وذهب للشام ايه الجماعة المخلصين قالوا لحاكم مصر انذاك نجم الدين ايوب - 00:50:00ضَ

قالوا له الراجل ده لو خرج من مصر انت يا سلطانك سيزول راح يجري وراه عشان يجيبه ويسترضيه. يقول له طلباتك اللي انت عايزه نبيع المماليك نبيع المماليك وفعلا نودي على المماليك وما كانش بيرضى يبيعهم الا باعلى سعر - 00:50:17ضَ

شف بقى لما يكون بقى واحد من دول عامل قانون ومجنن الناس والكلام ده شف بقى عدوك بقى هتشتريه وتخليه يشتغل في الردم ويفحت ويردم لحد ما تطلع عينيك شف بقى نادى باعلى الاسعار وبتاع والكلام اه العز كان له حشمة كبيرة - 00:50:36ضَ

لكن هو مش معنى ان الانسان احنا لما نيجي في عز الفتن نتكلم ونرشد ونقول افعلوا كزا وافعلوا كزا يقول لك لأ ده اللي بيصرخوا احسن منكم. ده هم اللي شايلين - 00:50:52ضَ

القضية. ده هم اللي حاسين بالعار والكلام ده. لكن انتم اصلكم كلكم بتوع قلم وورقة وكل حياتكم في الكتابة وكل حياتكم نزرية والكلام ده. طب انت يا حبيبي يا بتصرخ انت واتنططت وحنجرتك راحت وشالوك من رابعة كده لان ما عادش فيك نفس. بعد ما شالوك رابعة حطوك على السرير. عملت ايه بقى؟ انت كمان - 00:51:02ضَ

ما هو انت تقول لي انت عملت ايه؟ لو انت كنت عملت حاجة هعمل زيك لكن كل المسألة انك قعدت تصرخ وانا ساكت فانا عايز اقول ان مش معنى ان الانسان صوته مرتفع اوي ان هو اكثر غيرة او اشد احساسا بالالم والكلام ده. لأ الكلام ده مش صحيح - 00:51:22ضَ

اشوف هنا في الحديث اهو النبي عليه الصلاة والسلام لما قالوا له والله ما تزوج امرأة قط الا بكرا وما طلق امرأة فاجترأ احدنا ان يتزوجها بعده مش اكتر من كده بقى حمية - 00:51:40ضَ

فحتى يصحح لهم هذا المفهوم قال لهم كده ان سعدا يغار. ماشي لكن ليس معنى انني ساكت ان سعد اغير مني لا انا اغير منه بس النبي عليه الصلاة والسلام - 00:51:55ضَ

يتبع كلام ربه شوف في صلح الحديبية لما صد المشركون النبي صلى الله عليه وسلم واصحابه عن البيت جاء عمر بن الخطاب وبعد قصة ابي جندل والكلام ده قال الست رسول الله حقا - 00:52:12ضَ

قال بلى قال السنا على الحق وعدونا على الباطل ولا بلى قال فلم نعطي الدنية في ديننا؟ سبني عليهم انت مكتفنا ليه؟ سبنا واحنا ندخل عليهم نخرب بيوتهم والصحابة كانوا في استطاعتهم ان يفعلوا ذلك - 00:52:32ضَ

اشجع الشجعان ما فيش حد يقفوا بالهم. ما اتهزموش ابدا في غزو من الغزوات ان انا حصل نوع من الفرار وبعدين رجعوا تاني اخذوا المبادرة مرة اخرى وانتصروا. زي ما حصل في احد زي ما حصل في حنين - 00:52:55ضَ

فالنبي عليه الصلاة والسلام قال له ايه بهدوء قال انا رسول الله ولست اعصيه وهو ناصري تلت جمل اه شف عمر بن الخطاب بيغلي ليه يشعر بهذه المهانة؟ ليه؟ يطلعوا ايه المشركون دول - 00:53:15ضَ

النبي عليه الصلاة والسلام ماشي تبع القانون قانون الوحي انه لا يحرك ساكنا ابدا ولا يسكن متحركا الا اذا اذن له ربه فيه قال تعالى وما ينطق عن الهوى لو كان ينطق عن الهوى لبرأ عائشة في حديث الافك من اول مرة - 00:53:38ضَ

لكنه ظل شهرا كاملا لا يتكلم في القضية لانه لم يؤذن له ان يتكلم واراد الله عز وجل بهذا التأخير المر على نفس النبي عليه الصلاة والسلام ونفس المجتمع كله ان يمحص هذا المجتمع المجتمع ويظهر بقى المنافقين من غير المنافقين - 00:54:01ضَ

من الصادقين يميز اهل النفاق من اهله الصدق النبي عليه الصلاة والسلام قال له كده. فعمر بن الخطاب قال له الم تحدثنا انا نأتي البيت ونطوف به قال افأخبرتك انك تأتيه العام - 00:54:21ضَ

قال لا. قال فانك اتيه ومطوف به طفل الهدوء في قضية ساخنة عمر بن الخطاب برضو اللي في صدره في صدره يعتلج ذهب الى ابي بكر رضي الله عنه قال له نفس الكلام - 00:54:44ضَ

قال يا ابا بكر اليس رسول الله حقا قال بلى قال السنا على حق وعدونا على باطل قال بلى قال فلما اعط الدنية في ديننا قال له ايها الرجل استمسك بغرزه - 00:55:01ضَ

فانه رسول الله وليس يعصيه وهو ناصره نفس الكلام بلا تواطؤ يعني النبي صلى الله عليه وسلم ما قالش الكلام ده قدام ابي بكر الصديق عشان ابو بكر يكرره لأ بلا تواطؤ - 00:55:21ضَ

فقال له عمر اولم يحدثنا انا نأتي البيت ونطوف به فقال له ابو بكر افأخبرك انك تأتيه العام قال لا قال فانك اتيه ومطوف به هذه قضية ساخنة جدا وبالزات بعد آآ قصة ابي جندل - 00:55:40ضَ

والكلام ده الصحابة كلهم صاروا شعلة نار من هذا الهوان الظاهري اللي هم شايفينه فانا عايز اقول لك بس عشان دي تبقى قضية منضبطة كثير من الناس آآ يعني لا يضبطون بعض القضايا الشائكة - 00:56:07ضَ

بعض القضايا الشائكة. النبي عليه الصلاة والسلام كان يضبطها لهم يعني من اغنى الناس ده سؤال انا بسأله لكم يعني من اغنى الناس اكثر الناس يقول اللي معه المليارات هذا واغنى الناس - 00:56:26ضَ

ودي ده هذا الجواب مش جوابنا احنا دلوقتي. ده الجواب ده قديم او هذا الظن قديم اغنى الناس اللي معه فلوس ليه؟ قال لك لانه بماله يستغني عن الناس القضية دي غلط وهذا الجواب غلط - 00:56:45ضَ

لان الراجل اللي معه مليارات ده جابها ازاي هو قعد يفحت بالفاس كده ويشتغل على دراعه ولا مشغل الوف مؤلفة في المصانع بتاعته طبعا مشغل الالوف مؤلفة. طب الالوف المؤلفة دول لو عملوا اضراب - 00:57:07ضَ

وطق في دماغهم كده ما يروحوش المصانع الراجل ده هيفلس ولا لأ هيفلس اذا غناه بغيره النبي عليه الصلاة والسلام طرح القضية دي على الصحابة فقال لهم مصححا بقى ليس الغنى - 00:57:26ضَ

عن كثرة العرض كثرة العرض يعني كثرة الاشياء المملوكة مش ده الغنى لكن الغنى غنى النفس هو ده الغني فعلا كده خدي خدي خدي القاعدة دي الغني هو من لا يحتاج الى احد - 00:57:51ضَ

فان احتاج كان في اضيق الحدود عشان كده ربنا تبارك وتعالى هو الغني الحميد اي المحمود بكل لسان مستغني عن كل احد بل كل نعمة عند العبد منه تبارك وتعالى وما بكم من نعمة فمن الله - 00:58:17ضَ

احنا كبشر كل ما تتخفف من الحاجة الى الناس تكون غنيا وشف كلام سفيان الثوري رحمه الله كلام يتكتب بماية الدهب قال ان استطعت وانا بقول دي لطلبة العلم على وجه الخصوص - 00:58:39ضَ

عشان بعض طلبة العلم بينتظر بقى حد يكفله ولا حد مش عارف ايه اوعى اشتغل واعف نفسك ما تمدش ايدك لحد حتى تظل عزيزا وتعزى وتعزوا دعوتك بعزك لان كثيرا من الناس لا يفرقون بين الدعوة والداعية - 00:58:59ضَ

يعتبرون الداعية والدعوة شيئا واحدا ازا طلع اللي بيدعو الى الله حرامي خلاص يسيئون الظن في الدين اعفى لحيته عشان معجب بانسان طلع الانسان ده اي كلام يقوم رايح حلق دقنه تاني يوم - 00:59:21ضَ

الله هو انت كنت مربي لحيتك دي لمين ليه؟ ولا لانها سنة فرضها النبي صلى الله عليه وسلم علينا الله امال حلقتها ليه لما لقيت البني ادم ده مش مستقيم يعني - 00:59:39ضَ

هو عنده كده الدعوة الداعية شيء واحد فازا تناقض الداعية يبقى الدعوة متناقضة اشوف بقى سفيان الثوري بيقول ايه ان استطعت ان تأكل الخبز بالملح لم يستعبدك احد خبز هتلاقي على المزابل - 00:59:51ضَ

مش هتروح حتى تشحته على المزابل تروح اي مزبلة تلاقي الناس راميين الخبز والكلام ده والملح اهو مبزول ببلاش ازا استطعت ان تصبر على ان تأكل الخبز هذا اللي جايبه من على المزبلة - 01:00:12ضَ

بالملح لم يستعبدك احد اول ما تدخل في الفلوس وتلم فلوس والكلام دهوت بيضعف جانبك ليه طمعان بقى قاعد في وسط ناس من رجال الاعمال ومش عارف ايه والكلام ده - 01:00:27ضَ

وبعدين سئلت عن ايه؟ عن مسلا اللحية مسلا تقول والله المسألة فيها خلاف فمنهم من يقول هي سنة عادة ومنهم من يقول يا عبادة ومنهم من يقول هي واجب ومنهم من يقول هي مستحب. لكن على اي حال الاسلام يبحث عن مصلحة راجحة ان كانت لحيتك دي هتعمل لك مشاكل فمش - 01:00:42ضَ

ما فيش داعي لها ايه مش هتعملها مش ما كان لا اربيها تاخد سنة يا اخي ها؟ الله! يا سلام! ايه الرخاوة دي وايه الحلاوة دي! ومالك يعني خلاص آآ بتنونو! ما احنا كنا بنضرب نار اول امبارح - 01:01:02ضَ

ها وكلامنا كان واضح زي الشمس. ايه اللي حصل في القصة ديت؟ بتنونو ليه دلوقتي؟ آآ فيه ضعف بنوع من الضعف ان ايه ده يعني بيقضي لك مصلحة وده مش عارف بيعمل لك ايه وده بيعمل ايه وده مش عارف ايه وده بيتوسط لك في حاجة وده بيعمل لك خلاص ضعف المرء - 01:01:16ضَ

لكن شف ده العز الحقيقي الا تحتاج الى احد. اللي تقدر تستغنى عنه ارميه من على اكتافك تعيش طيلة حياتك عزيزا ان استطعت ان تأكل الخبز بالملح لم يستعبدك احد. الشاهد يعني من الكلام الطويل اللي انا يعني بخرج وارجع للمعنى تاني قصدي ان انا اوضح المسألة تكون واضحة جدا - 01:01:33ضَ

كثير من الناس. القصد ايه ان عدم الانفعال ما يدلش على انك انت مش فاهم القضية دي بالعكس ده الانسان وهو من فعل نص دماغه بيروح وساعات تلات تربعه ساعات كله - 01:01:57ضَ

ده ليه الانسان وهو غضبان مش مش قادر يقول كلام موزون انما طول ما هو هادئ محتفظ بهدوء يستطيع ان هو يوجه الدفة يقول اعمل كزا خلي كزا سوي كزا الكلام ده - 01:02:13ضَ

يبقى ازا النبي صلى الله عليه وسلم لما آآ قرن او او او لفت النظر الى غيرته عليه الصلاة والسلام عايز ينبه على القصة دي ليس معنى انني ساكت ان انا اقل غيرة - 01:02:26ضَ

ها وبعدين ثم قال والله اغير مني يشير الى حلم الله تبارك وتعالى حلمه على العصاة تلاقي العبد يا اخي بيزني بالسنة والاتنين والتلاتة والاربعة والعشرة والعشرين وما اتكشفش ولا ربنا فضحه - 01:02:41ضَ

ده ليه بيسرق تلاقيه بيشرب الخمر تلاقيه بيرتشي بيعمل محرمات ويفضل فترة طويلة جدا مستورا ان الله لا يعجل كعجلة احدكم ولو يؤاخذ الله الناس بما كسبوا ما ترك على ظهرها من دابة - 01:03:08ضَ

اي دابة تدب لان ما فيش دابة الا ووقعت في ظلم حتى الدواب غير المكلفات من غير المكلفين وطبعا عندنا ادلة على ذلك مر النبي صلى الله عليه وسلم مع ابي ذر يوما - 01:03:32ضَ

فوجد شاتين تنتطحان بينطحوا بعض قال يا ابا ذر تدري فيما تنتطحان بينتطحوا ليه قال لا يا رسول الله قال ان الله يعلم فيما ينتطحان وسيفصل بينهما مع انها غير مكلفة - 01:03:51ضَ

لكن هذا من تمام العدل ان يؤخذ للمظلوم من الظالم انا عايز الجماعة الزلمة اللي عمالين يزلموا العباد ليل نهار ويروحوا المحاكم ويخبط نفسه بسكينة ويعمل تقرير طبي والكلام ده ويكيدوا بعضهم لبعض - 01:04:20ضَ

عايزهم بس يتنبهوا للقصة دي يعني يعني جدي مع جدي. الاتنين بينطحوا بعض خروف مع خروف بهيمة مع بهيمة. بينطحوا بعض. ودي ده لا مكلف ولا دي مكلفة الرسول عليه الصلاة والسلام يقول - 01:04:39ضَ

ليقتصن للجلحاء من القرناء الجلحاء اللي هي البهيمة التي لا قرون لها اهي انتطحت التي لا قرون لها مع التي لها قرون ربنا النبي صلى الله عليه وسلم يقول ليقتصن - 01:04:55ضَ

للجلحاء من هذه القرناء معناها غير مكلفة فكيف بالمكلف الذي انزل الله من اجله كتابا وارسل من اجله رسولا مسألة جد ليس فيها شيء من الهزل ربنا سبحانه وتعالى واسع حلمه هذا الستر - 01:05:14ضَ

كله فمش معنى ان العبد بيعمل الغلط ويلاقي النعمة جاية له ان هو مرضي عنه لأ شف ربنا عز وجل بيقول ايه وقالوا اللي هو المشركون يعني يقصد المشركين وقالوا نحن اكثر اموالا واولادا - 01:05:36ضَ

وما نحن بمعذبين قل ان ربي يبسط الرزق لمن يشاء ويقدر ولكن اكثر الناس لا يعلمون وما اموالكم ولا اولادكم بالتي تقربكم عندنا زلفى الا من امن وعمل صالحا فاولئك لهم جزاء الضعف وهم في الغرفات امنون - 01:06:00ضَ

يعني شف قضية كثير من الناس بيتصور ان المليارات والملايين والكلام ده اللي عنده لان ربنا راضي عنه قال له ربنا قال لأ وما اموالكم ولا اولادكم بالتي تقربكم عندنا زلفى - 01:06:24ضَ

مين اللي بقى اللي هو يعني آآ يقربه الله زلفى الذي امن وعمل صالحا يبقى لا يغترن احد بستر الله عليه ها ويتصور ان هو تماديه في هذا المحرم ان هو يعني سيغفر له. لا - 01:06:39ضَ

يعني ازا مش معنى ان ربنا عز وجل لم يعاجل العبد بالعقوبة ها ان هو لا يغار لا ده هو اعظم غيرة من النبي صلى الله عليه وسلم برضو ده نوع من تصحيح المفهوم. يعني يعني سنتكلم عن حلم الله صفة الحلم - 01:07:03ضَ

صفة الحمل اللي انا لها طبعا لها يعني دخل كبير بمسألة الاعذار لها دخل مسألة الاعذار. يعني في المرة القادمة اعتقد وقت البرنامج يعني اوشك على الانتهاء. فباذن الله الكريم آآ ان احيانا الله سبحانه وتعالى وآآ يعني - 01:07:25ضَ

قدر ان نلتقي المرة القادمة نبسط الكلام ايضا عن مسألة الحلم ونحن نتكلم عن مسألة الاعذار. بس ارجو ان يكون احنا خدنا عن مسألة الغيرة اه فكرة عامة فيما يتعلق بغيرة العباد بعضهم ببعض - 01:07:40ضَ

وهندخل على مسألة العزر برضه نتكلم عنه ونتكلم عن متى يعزر المرء ومتى لا يعزر المرء نسأل الله سبحانه وتعالى ان ينفعنا بما علمنا وان يعلمنا ما جهلنا وان يجعل ما قلته لكم زادا الى حسن المصير اليه - 01:07:56ضَ

وعتادا الى يمن القدوم عليه. انه بكل جميل كفيل فهو حسبنا ونعم الوكيل وصلى الله وسلم وبارك على نبينا محمد الحمد لله رب العالمين - 01:08:13ضَ