Baheth

اذا نتابع ان شاء الله الجزء الثاني من تدريبنا اليوم نذكركم وتسأل الله البركة في هذه الليلة تذكروا اذكار المساء نسأل الله انه يحفظكم جميعا انتم واحبائكم. خصوصا في هذه الظروف الصعبة علينا جميعا - 00:00:02ضَ

طيب بسم الله ونتابع كنا نتحدث عن الاسئلة واهمية الاسئلة وطريقة التساؤل ووصلنا الى النقطة الاشكالية الاساسية وهي كيف قد نجد نوع من المسكنات من افضل المسكنات اللي هي بتعمل نوع من الاستقرار. وحكينا - 00:00:29ضَ

مش بالضرورة يكون استقرار كلي استقرار جزئي اولا هادا واحد. اتنين يفهم المراجع انه ما زلنا في عملية انقاذه من المشكلة سويا تشاركيا فبالتالي لا يعني اذا اجى عندك ليحل مشكلته او يتعامل مع الامه النفسية - 00:00:54ضَ

انه مجرد ما اجا عندك حيخلص ومجرد ما اجى عندك بلش في طريق انه كيف الطريقة الممكن يخلص فيها وعلما انه لازم نكون احنا ايضا متواضعين ونعرف انه في مشكلات - 00:01:15ضَ

احنا بنحل جزء منها مش كلها او بنقلل من اثرها عالشخص حسب كثير من التفاصيل المدة اللي بقدرها طبيعة المشكلة. كثير من الاشياء تتدخل في العملية العلاجية وبالتالي خليني اشوف الان - 00:01:28ضَ

كيف بدكم تشاركه بطريقة التساؤل هذا المراجع اللي كنا معاه قبل شوي وبحكي لم استطع النوم طوال ليلة البارحة لقد كنت افكر كثيرا فيما يخص اليات العمل وهل سينجح مشروعنا الجديد - 00:01:47ضَ

استخدموا لي اذا سمحتوها تكرمتوا على التشات اسئلة هي اسئلة استكشافية او استفهامية مناسبة لو كان هذا المراجع الان بيحكي لك هذا الكلام تمام؟ شو ممكن تسألوا؟ سؤال استفهامي او استكشافي تفضلوا يلا - 00:02:06ضَ

اكتبوا بعض الاسئلة الاستكشافية او الاستفهامية اسئلة استكشافية او استفهامية احسنت يا ايناس اول مرة بصير معك هيك ؟ ممكن تشاركني بطبيعة العمل الخاصة بك آآ يعني هذا السؤال صار تخصص شوي. بلشت انا - 00:02:25ضَ

اسأل عن جزئية معينة اذا كان ببالك يا مريم سلسلة من الاسئلة بدك توصلي لشيء هذا جيد ما هو مشروعك الذي سبب لك القلق هذا حينقلنا نحكي عن المشروع لاحظت يا ايمان - 00:02:54ضَ

هل تكثر من المنبهات؟ فراح عمالها بتسأل الان اسئلة تتوسع بشكل افقي ليش؟ لانها اخدت مشكلة النوم فبتتوسع بشكل افقي. بهاي الطريقة سألت عن المنبهات فيما كنت تفكر تحديدا تمام؟ هادا السؤال اصبح - 00:03:07ضَ

اه اه التوسع عمودي مش افقي. رحت للفكرة ايش اللي كنت تفكر فيه بالضبط؟ او ايش اللي خطر على بالك بالضبط. عمالي بدخل لا العمق كيف قدرت تنام بالاخر؟ سؤال جيد سنة. لانه طيب بعدين كيف قدرت تنام؟ بعدين متى نمت؟ او كيف قدرت تنام جيد؟ سؤال جيد ممكن يفهمني - 00:03:26ضَ

اذا كان ببالي سلسلة من الاسئلة لاحظوا سؤال واحد لا يكفي مشان هيك احنا حكينا هي عمليا او سلسلة او مبنى معين بدي اوصل له تمام هل مشكلته الاساسية التوتر بسبب عدم - 00:03:48ضَ

مشكلتك الاساسية التوتر بسبب عدم النوم ام الاهتمام بامر العمل؟ جيد. جيد. سؤال جيد يا اياد ما الذي حاولت فعله لتهدئة نفسك؟ برضه سؤال جيد يا ايناس شو طبيعة الافكار اللي كانت تدور ببالك ممتاز جدا يا الاء حكينا هذا توسع عمودي الان لطبيعة الافكار. ما هي اكثر فكرة ملحة؟ احسنت يا انفال. هذا - 00:04:03ضَ

هذا السؤال تبع السنارة الصح. هذا اللي بطول تمام السمكة مباشرة في العلاج المعرفي او في العلاج العاطفي العقلاني الانفعالي. ايش هي الفكرة اللي كانت مشغلتك اكثر شي او اهم فكرة كانت بتدور في ذهنك في ذلك الوقت - 00:04:25ضَ

واضح لانه اكيد زيه زينا. في كثير افكار بباله لما يكون قلق الواحد. لكن ايش اكثر فكرة وبشوف وبربط قديش هي الها علاقة بالموضوع. هل حصل هذا سابقا؟ ممتاز يا مريم. جيد. بدي اشوف اذا كان متكرر لانه ممكن يكون صار لمرة واحدة - 00:04:42ضَ

تمام؟ مش امر متكرر فبالتالي حيكون طريق التعامل مع امر متكرر يختلف تماما عن طريقة استكشافي واستفهامي عن امر صار لمرة واحدة ما اكثر شيء شغل تفكيرك ممتاز يا رامز. منذ متى تؤثر عليك هذه المشكلة؟ كم مرة تكررت؟ ممكن نسأل يمكن التوضيح اكثر. ممتازين جدا. سامحوني - 00:04:58ضَ

اسئلة كثيرة تمام؟ لكن يعني انا بشكر كل حدا شارك ممتاز جدا وان شاء الله المرات الجاي بنقرأ مشاركاتكم الاخرى حاولت اقرأ عشرين سؤال واضح؟ طيب في المقابل اكتب لي - 00:05:18ضَ

طريق التساؤل ممكن تعتبرها مش مناسبة ومش صحيحة اللي حكينا لا تفعل ايش السؤال الممكن مش لازم تتساءل او تستكشف بهاي الطريقة لا تفعل يلا نشوف فنياتكم في تخريب الموضوع عالمراجع. يلا - 00:05:34ضَ

اسألوا اذا سمحتم اعطونا تلات اربع خمس اسئلة طريقة التدريب على الشيء وضده من الاشياء اللي جدا مفيدة لانه لما بتعرف كيف تمارس الاشي بطريقة خطأ بتعرف كيف مش لازم تعمله - 00:05:51ضَ

يلا في سؤال جيد هون لعمر من الاسئلة اللي هو ما هو اكثر المشاعر التي تنتابك قبل النوم. ايش كان شعورك اكتر شعور كان مزعجك فرضا. بهديك اللحظة. هذا سؤال جيد - 00:06:15ضَ

لانه بخلينا نتوسع بالمشاعر برضه. هل هذا التفكير فقط في الليل ليش بتهتم بامر المستقبل؟ شكلك متوتر زيادة عن اللزوم اه صار افتراض هون ليش انت مو واثق فيك من قدراتك ايا سلام يا سناء! انت فتحت هون الباب - 00:06:26ضَ

تابعت موضوع عالسريع نبلش انت لازم تكون واثق اكثر من هيك مش لازم تفكر بهاي السلبية. فكر بايجابيات. ليش انت بتقدرش تفكر بايجابية؟ ليش انت انسان ضعيف؟ ما هو المشروع - 00:06:45ضَ

اذا كان بطريقة الفضول احسنت. ما بتحس انك مبالغ احسنت يا ايناس ليش بتفكر كثير اصلا؟ ليش بتفكر بالموضوع اسئلة جيدة جدا ليه مكبر الموضوع احسنت يا رامز وليش انت مهتم لهذي الدرجة؟ احسنتم - 00:07:00ضَ

اسماء راحتها عالارباح. طيب ان شا الله انه ربحان الامور معك. تمام؟ آآ زي لقطة من مسلسل فبقول له فقام وقتلها. بحكي له قتلها بايه؟ بيحكي له قتلها بمسدس. بيحكي له - 00:07:17ضَ

تمنه كم؟ فيعني واضح انه هيك بعض الاسئلة مش حاسس انه تفكيرك بهالطريقة خطأ احسنت انت قبل ما تنام بتحب تتصور خيالات برضه هذا سابق الاوان. صح؟ انت مش مؤمن بالرزق؟ يا سلام! هذا من الاسئلة المهمة. اللي اصلا ما بتخليني استكشف. انت مش مؤمن؟ انت - 00:07:31ضَ

هذا احنا بنوجه لك انت شخصيا الان كمعالج كيف تسأل هذا الكلام اذا كان مسموح من ابوه من اخوه من صديقه لانه احنا بنتعرض له من اصدقائنا يا اخي انت مش مؤمن كفاية - 00:07:53ضَ

تتقبله لكن انت جاي للمعالج تطرح مشكلتك بين يديه فاحنا منا صلة امنة وثقة وتواصل صحيح ليش ما جربت تنهي الاجراءات قبل المسا. مثلا هذا فيه ملام وشو يعني لو مازبط المشروع؟ - 00:08:06ضَ

ليه بتضل بتتحمل الامور؟ او بتحمل الامور. اه ما هو اكثر شي تحب ان تفعله قبل النوم موضوع ما اله صلة فرضا. اه او ما ما اهتم في الموضوع. شكرا لكم والله اسئلة ممتازة هاي. هاي لازم نسجلها. طبعا احنا - 00:08:24ضَ

التشات هادا حناخده لانه بفيدنا جدا بيطلع معنا على ملف مستقل. هناخده حيفيدنا جدا من يعني لانه هاي مشاركاتكم مشاركات ثرية الله يعطيكم العافية واضح فهذه هي الاسئلة الافتراضات. ايش هي الافتراضات؟ - 00:08:39ضَ

هي عبارة عن ما يحمل المعالج من ايش؟ من تصور بس اللي بيختلف في الافتراض انه غير قطعي بالضرورة. يعني مش نهائي ويكون شرطيا غالبا شو يعني؟ امتى الان المراجع عماله بيحكي عن مشكلة - 00:09:00ضَ

وبلشت تسأل اكثر تستكشف تستفهم بلاش يتكون عندك افتراض معين اتجاه اللي بمر فيه المراجع و ليش بمر في هيك شغلة هذا الافتراض ما زال غير قطعي وفي الشرطية الشرطية انه ما دام بعمل هيك اذا ممكن السبب هيك - 00:09:20ضَ

تمام؟ يعني هذا مرتبط في ذاك هذه هذه هي الافتراضات. خلينا نشوف احنا الان وين هي مشكلة الافتراضات رنا دكتور مو شايف المشكلة مشكلة يعني ما في داعي لمعالج عادي كل انسان طول اليوم بضله مشغول وفي الليل اشي طبيعي يفكر باللي صار معه. اه تمام تمام - 00:09:41ضَ

احنا ما حطينا موضوع كتير معقد حطينا شغلة بسيطة. انت كمعالجة بدك تستكشفيها بطريقة او باخرى. يعني فبسطنا قدر الامكان مشان ناخد بعين الاعتبار انه بعض المتدربين الموجودين ممكن مستجدين او لازم يفهموا الموضوع بطريقة صحيحة. فيعني معك حق. ممكن ما يكون مشكلة. وعكل الاحوال مشان تعرفي انه مش مشكلة بدك تستكشفي تستكشفي. مشان هيك كان - 00:10:04ضَ

من الاسئلة الجيدة بصير معك هاد الاشي مشان نعرف اذا كان نمط نعم مشكلة. اذا ما كان نمط لا مش مشكل. ونستكشف قديش شدته ومدته وتكراره. هاي استكشافات مهمة افعل في الافتراضات. اجعل الافتراض بنائي - 00:10:30ضَ

يعني لا تقفز لا افتراض جزافي احلى اشي على جروبات الواتساب بتيجي مثلا صبية بتسأل. عندي حالة بعاني من الاكتئاب وتعبان. شو رأيكم اعمل معه؟ فبتقفز واحدة صلحي اه شو اسمه علاقته مع اهله - 00:10:47ضَ

عندي ولد عدواني بالفترة الاخيرة. وبشكوا منه المسات. شو اعمل معه؟ يعني حتى نفس السؤال ما في معلومات كافية تمام؟ اه اه اكيد اهله اه بتعاملوا معه بطريقة مش منيحة - 00:11:06ضَ

فهاي القفز للاستنتاجات والعشوائية تمام والجوزافية مشكلة كثير كبيرة احنا بنستفهم وبنستكشف وقت كافي عن المشكلة حتى نفهمها فلاجل ذلك يعني احيانا بعض الناس بعض الناس شو بيعملوا ؟ بيسأل عالواتساب. فلما نسأل سؤالين بتنرفز - 00:11:20ضَ

انه يا اخي شو بدكم في كل هالمعلومات او حتى بكون زميل. شو بدك في كل هالمعلومات ؟ طب انت عمالك بتسأل عن شيء بخص حياة انسان احنا مش عمالنا بنلعب لما بناخد - 00:11:46ضَ

او منجاوب او منحاول نتدرب هذا التدريب اللي بخص حياة الناس هذا شيء اعمق ما يمكن في حياة الناس لانه في ناس بتتقبل المرض الجسدي. بتتقبل الاصابات بتتقبل الظروف السيئة. لكن اصعب اشي اصعب اشي. تمام؟ لما يكون الاشي - 00:11:59ضَ

شو اللي جواك تمام؟ الاشي اللي جواك هو اللي مش مخليك ترتاح فمش مزحة حياة الناس اذا كان في ناس بالتاجر بالاعضاء البشرية فانا اجد انه اصعب واسوأ تجارة هي التجارة بمشاعر الناس لما بنصب حاله احد معالج - 00:12:18ضَ

بده يتعامل مع مشاعر الناس ومواضيعهم ويدق الباب ويخلي هادا الشخص يفوته لغرفة النوم تبعته اللي هي اكتر خصوصياته وما ايده ما يفيده لاجل ذلك اما هاي الامور تقوم بحقها - 00:12:40ضَ

حياة ناس تخيل واحد بلعب بحياتك باملك بغير امل بخليك تحكي وعفوا منكم للكلمة شنيعة بس تتعرى بكل ما فيك من مشاعر ومن اخطاء ومن ذنوب تحكي قدامه كل هذا الكلام - 00:12:58ضَ

تمام؟ وهو يستمع وما عنده ادوات يساعدك ولاجل ذلك لما تعرضوا ارجوكم احنا شركاء في اللي قاعد بحكيه هادا ما بخص يوسف مسلم. احنا شركاء انتم كلكم زملاء. افاضل احنا شركاء - 00:13:14ضَ

اي حدا انصحوه مجرد ما طرح كلمتين بده استشارة او حدا بلش يقفز للاستنتاجات قولوا له وقف انت الان ممكن عمالك بتسرق من هذا الشخص تمام؟ مش بالتاجر بالاعضاء. انت بتتاجر بمشاعره الان - 00:13:30ضَ

فممكن هو جاهل في الامر لازم يتعلمه لازم يكون الامور تابعة لاطار واضح يعني ما بيزبط اجي اشكل حالي معالج وانا مش متدرب تدريب وافي على طريقة علاجية. طريقة مثلا السلوكية - 00:13:49ضَ

او العلاج المعرفي او العلاج العاطفي العقلاني او مثلا الاي ام دي ار. اي طريقة علاجية اي اشي بده يكون تابع لاطار لانه لما انت مثلا تعلمت الرياضيات تعلمت قواعد وقوانين كيف تحل المسائل - 00:14:06ضَ

في قواعد وقوانين كيف تحل المشكلات هاي القواعد والقوانين الها اطر. الها مسلمات وافتراضات ونظريات تمام اما يعني غالبا المعالجين الاقل خبرة بحكي لك يا اخي انا انتقائي يا اخي والله بعد عشرين سنة الواحد - 00:14:22ضَ

يعني بيعتبر انه تدرب على خمس طرق علاجية بشكل عميق واخذ الاشراف فيها. ما بيستجري يحكي انا انتقائي لانه الانتقائية معناه انت وصلت من العمق بحيث انه انت صرت كل الطرق العلاجية مختمرة في راسك و هاي الادوات بتستخدمها بشكل - 00:14:46ضَ

ولين وهذا صعب يوصله حدا قبل عالاقل عشرين سنة تمام فبالتالي بده يكون تابع لاطار بده يكون الكلام تكاملي. يا بتشتغل معرفة بالكلية. يا بتشتغل عاطفي عقلاني بالكلية. بتشتغل سلوكي بالكلية. او اذا انت بتعلم طريقتين - 00:15:04ضَ

بتشتغلهم مع بعض لانه لازم يكون في اطار وفي تكاملية بدك تستوضح بخصوص هذا الكلام وبدك تسأل اكثر وتستفهم دائما دائما علم حالك تستفهم وبدك تكون شرطي باعتدال. يعني مش معنى اذا كذا لازم يكون كذا - 00:15:23ضَ

لكل قاعدة شواذ حتى في الرياضيات فكيف في احوال الناس لا تفترض مسبقا وهو مخبي عليك اشي هذا بصير مثلا من معالجينا الجدد. مخبي اشي و بدوش يحكي انا حاس انه عنده تحرش. بجوز يطلع الموضوع ما لوش علاقة في التحرش. واحدة من - 00:15:45ضَ

المتدربات وهذا ليس انتقادا لها بالعكس هي اجت وسألت. شو لازم نعمل؟ انا حاس انه عماله هذا الشخص يعني في اشياء ما بده يحكيها براحته لكن بعد فترة لما انفتح لها وحكى بعض الامور اكثر تبينت انه - 00:15:59ضَ

هذا الشخص كان مستاء من خيانات ابوه لامه اللي كان يسمعه بالليل بيحكي مكالمات فكان مستاء جدا من هذا الكلام. القصة ما الها علاقة لا انه تعرض لا تحرش ولا غيره. موضوع تاني هو مستاء من سلوك ابوه - 00:16:13ضَ

تمام؟ اللي كان يعتبره قدوة ونموذج. وزعلان على امه. هاي هي كل القصة بس هو حدا كتير عالي الخصوصية. ما احنا احنا خصوصيتنا عالية يا اخوان من واحد لواحد. خصوصيتنا بتختلف. فهذا عامل الخصوصية مش هاين له ابوه اللي بحبه وبحترمه وبقدره انه يشارك هذا الموضوع - 00:16:29ضَ

وبخصوصه حتى لولا معالج او معالج بده شوية وقت لتصير الصلة كثير اقوى مشان يشعر بالامان يقدر يشارك هذا الاشي بده يكون دائما برضه افتراضاتك قابلة للمراجعة. يعني هي مش قطعية ونهائية. في اشياء ممكن تتصلح وتفهمها اكثر عبر الطريق. انت شو بتحاول تعمل - 00:16:49ضَ

انه يكون عندك خارطة عامة ثم اثناء العلاج هاي الخارطة بتبلش تاخذ معالمها بشكل صحيح لاجل ذلك معالم الافتراضات اللي حتكون واضحة الاشي المش واضح ما اله راس من رجلين. مش حتعرف كيف تصلحه وتعدله وتبدله. لكن الاشي الواضح بتعرف وين الجزئية اللي ممكن ما انتبهت لها. الجزئية اللي تستكشف اكثر - 00:17:09ضَ

تستفهم اكثر تمشي فيها اكثر لاجل ذلك لا تفعل تكون جزافي وتنطلق بعشوائية مشتت وقطعي بما انه عمل هيك لازم السبب هيك. وهاي واحدة من المشاكل التحليلية. هاي وحدة من - 00:17:31ضَ

المدرسة التحليلية انها في كثير من الاحيان ترى حتمية في السلوك وقطعية شرطي انه شرط كذا يكون كذا وكأنه اللي انت وصلت له نهائي تمام؟ واحيانا بالعكس الافتراضات بتعملها بطريقة غامضة. احلى شيء - 00:17:43ضَ

على صفحات الفيسبوك ورجعت وبقول لكم كمان مرة اللي حكيناه ببداية التدريب رجاء انا بشارككم شو اللي بشوفه وبسمعه وكذا. لا اقصد احد لا اسيء لاحد اذا حدا شعر بالاساءة والانزعاج او كان هذا اشي بيصدر منه انا بعتذر - 00:18:04ضَ

تماما انا مش قصدي على احد تمام؟ بس احنا بنتشارك لانه ضرورة تدريب يكون في شيء من العملية ونفهم ممارساته على ارض الواقع اه لما بيجي بيحكي لك اه مثلا بعض المجموعات بروحوا بجيبوا لك المتلازمات النفسية الغريبة وبطرحوها وبصيروا يتناقشوا فيها - 00:18:18ضَ

يا اخي انتم يعني معقول خلصتوا القلق والاكتئاب وفهمتوها الفهم العميق. واليوم قاعدين تتناقشوا باشي بصير في واحد من عشرة مليون عشرين سنة لي امارس هذا العلاج النفسي او واحد وعشرين سنة تمام؟ في بعض الحالات ما مرت علي - 00:18:36ضَ

وفي حالات مر مرة او مرتين تمام احد الناس كان بناقش في جلسة احنا مجموعة من الاخصائيين منحكي. يعني بتحاول تقول لك انه والله انا ما فيش فترة الا بمر علي حدا عنده تعدد شخصيات - 00:18:58ضَ

معقول وعشرين سنة وبنشوف كل هالمراجعين معقول احنا يعني مهو النسبة وقديش بمر علينا بطوال الفترة ممكن بمر عالواحد بجوز بالعشر سنوات مرة او مرتين او تلاتة مش مش اكثر من هيك - 00:19:17ضَ

تمام فهذا هو الافتراضات اللي بنكونها وشو بنفترض عن مشكلة المراجع بدها تكون واضحة. مشان نعرف كيف نسأل نستكشف نفهم ونعرف كيف نبني تصوراتنا الناس غالبا بتميل لعلم النفس. والميتافيزيقيا. تمام - 00:19:36ضَ

للغموض بتحب الغامض هيك. غريب عجيب اه ويعني ويغوص في اعماق النفس البشرية. المشكلة انه المعلوم اليوم عن النفس اكثر من المجهول فعليا في معلومة كبير في معلومة كبير فلننشغل بالمعلوم نتعلم المعلوم وننطلق ثم فيما بعد للمجهولات. والله ان شاء الله ياخد باليد - 00:19:58ضَ

ويصير في كمان اه عشر تشخيصات جديدة. شو المانع تمام لكن لنتعلم المعلوم كيف نفترض حسب المعلوم نفهم حسب المعلوم ثم ننطلق فيما بعد يعني اللي بروح لعقد فرويد واللي حكى انه - 00:20:22ضَ

اه انا اسف اه البكالوريوس كله تحليل نفسي لانه كل اساتذة مال درسونا تحليل نفسي يعني تمام؟ فحتى الكلينيكال سيكولوجي اللي اخدناه في البكالوريوس كان اللي هو بالتحليل النفسي تمام - 00:20:38ضَ

ففي اشياء غريبة عجيبة في عمق التحليل النفسي بصراحة مضحكة مضحكة جدا تمام ؟ واسماء العقد وربطها بالاساطير. يعني في اشياء مضحك ايش قصة الغموض وانه لازم نغوض بالغموض؟ مشان هيك في الان اللي ببلش يكون اكثر دراية في علم النفس وبده يشتغل فيه - 00:20:55ضَ

ببلش يعرف انه لأ بدك تاخد منهجيات واضحة. فيها بروتوكولات واضحة. تعرف كيف تشتغل مع الناس وتساعدهم. هي الشغلة يعني ما بدهاش كل هالتعقيد وما بدهاش كل هالفلسفة بخصوص هذا العلم - 00:21:19ضَ

وبالتالي خلينا نشوف الان ايش الافتراضات اللي ممكن تشكلها ومعلش بسمح لكم هون بالقفز للاستنتاجات في الافتراضات تمام؟ بدك تشارك المراجع الان في الافتراض بيحكي لك لم استطع النوم. تخيل مراجع عندك وختم بهاي الجملة وبدك تعطيه افتراض. لم استطع النوم طوال ليلة البارحة. لقد كنت افكر - 00:21:32ضَ

كثيرا فيما يخص اليات العمل وهل سينجح مشروعنا الجديد اعمل افتراض وشاركنا فيه تمام خلينا نشوف في بعض الافتراضات قد يكون فيها اشكالية لما بفترض مثلا افتراض ربما ربما انك لم تخطط - 00:21:55ضَ

في طريقة مختلفة انه لازم حتى الافتراض يكون استفهامي طيب خليني اشاركك انا شو فهمت عن موضوعك اللي طرحته كانه شوية القلق بتصير هاي معك من فترة لفترة عمالها لانه مش قادر تمنع نفسك انك تحكي للهم - 00:23:13ضَ

بخصوص شغلك وخصوصا مع وجود مشروع جديد هل هذا الافتراض اللي طرحته برأيكم جيد مناسب هاي حنيجيها بعدين شوية سناء كيف ما يملي عليه تمام؟ حتى لما من شارك المراجع - 00:23:37ضَ

في الافتراض لازم يكون نوضح له قبل جملة استباقية. الجمل الاستباقية كثير منستخدمها بالعلاج. زي ما شفتوا اول ما بلشت التدريب انا عملت جملة استباقية الجملة الاستباقية توضح امر بعدين تكمل. لما مثلا حكيت لزملائنا من الدكاترة - 00:24:11ضَ

اعمل جملة استباقية انه عفوا انا مش عمالي بعلم زملائي انا عمال بشاركهم بالخبرة. هذه جمل استباقية. جمل استباقية كثير مهمة في العلاج تمام؟ فليش؟ لانها بتوضح الامور وبتخليك من غير يعني ما بتخليك تقرع باب خطأ زي ما حكينا. ينفهم خطأ عليك - 00:24:27ضَ

فالجمل الاستباقية من الاشياء الجيدة هلأ لما انا بعمل جملة استباقية قبل الافتراض انه طيب خليني اشاركك بالزبط كيف انا فسرت الموضوع او كيف ممكن يفسر الموضوع تمام فهذا كويس. اسماء حطت اه اه جملة استباقية كويسة. انا حاليا عم بدور عالاسباب - 00:24:45ضَ

فاحكي لي اللي حشاركك فيه قديش هادا الاشي دقيق واضح ضروري الجمل الاستباقية تكون موجودة قبل طرح اي افتراضات لانه طرح الافتراض مرة وحدة تمام معناه انه ممكن يصير في عليه قطعية - 00:25:07ضَ

لاجل ذلك حنحكي هذا ايش علاقته بالتشاركية في العلاج تمام؟ فضروري انه تكون افتراضاتنا في مكانها اما الافتراضات الجزافية اذا انت شارب منبهات كتير اذا انت تعبان زيادة اذا انت عندك اضطراب القلق - 00:25:25ضَ

هاي ممكن تكون جزافية. هلأ ممكن تكون افتراضات صحيحة بعد استيفاء يعني اللي كتبوها انا متأكد كان قصدهم انه استوفى المعلومات وحط براسه مثلا مراجع معين. فبناء على ذلك طلع بهذا الافتراض - 00:25:44ضَ

اذا هذه هي الافتراضات وهذا هو توظيفها في موضوع الحوارات العلاجية عمر بيحكي مثلا يبدو انه المشروع بشغلك ولكن تفكر بنقاط وانت بتفكر بنقاط ضعف ممكن تواجهك. لاي درجة بتتفق معي في ذلك. مثلا - 00:25:59ضَ

تمام مريم بتحكي اذا لانك ما صليت قبل ما تنام ما استعديت جيدا هذا ممكن تكون افتراض جزافي. احسنت. طيب. اذا بدي منكم افتراضات جزافية حقيقية في حقنا المراجع الان. يعني هذا المراجع مش بس بدكم تدقوا الباب الغلط. لأ وبدكم تطوا من الشباك كمان. افتراضات - 00:26:20ضَ

جزافية في حقه هي طريقة مش اسئلة تساؤلية طريقة تساؤلية يا اسماء. صياغة الافتراض بتكون بشكل تساؤلي. تساؤلي استفهامي السؤال شيء بده جواب. الاستفهام بيجي بشكل استفهامي وكانه انا بستوضح - 00:26:40ضَ

مثلا شكلك بتقلق على كل اشي ما بتحكي. دقيقة دقيقة ما شاء الله. طب يبدو تعرضت لتجربة فشل المشروع واثرت عليك سلبا. اذا كان طبعا ما اخدت المعلومات الكافية. يبدو انه بتاخد قيمتك من العمل بشكل هائل. ممتاز يا عمران هاي الاشياء - 00:27:06ضَ

فورا ممكن تكون جزافية. شكلك انت كثير يا اخي ما بتسأل عن الشغل. ما كلنا بنسأل عن الشغل. فينا حدا ما بيسأل عن الشغل اه بعد طرح الافتراض بسأله عنه اذا كان افتراضي صحيح او لا عشان ما يكون قطعي. صحيح؟ نعم. فبحكي له انا بدي اشاركك الان. اه ايش اللي ممكن وصلت له - 00:27:23ضَ

على ذلك وارجوك انه تحاول تصحح اذا كان في شيء غير صحيح. تمام؟ خبرني علاقتك بربك جيدة ولا لا انت بوصوص على ما اعتقد يبدو انك بتبالغ انت شخصية قلقة - 00:27:43ضَ

يمكن لعندك مدرسة الموضوع بشكل صحيح لانه شكلك اندفاعي. انت مكتئب وقلق وموسوس قهريا. شطبتيه يا رنا ما خليتي له اشي احيانا هاي الاشياء بس تيجي بهيك شكل فعليا بتكون مش افتراضات. لولا شوي بحس هالمراجع كانها مسبات كانك بتسب عليه - 00:27:56ضَ

تمام؟ جزافي انت انسان وسواس يشكاك وهذه طبيعتك. طب شو يعني لو ما نجحت وين المشكلة نهاية الدنيا احسنت يا مريم. يبدو انه شغلك اهم شي عندك. احسنت يا مها. شكلك بتركز عتفاصيل كثيرة. شكلك حساس ومهتم بنظرة الناس الك - 00:28:14ضَ

غالبا اذا قلنا لحدا حساس حتى لو كان يعاني من الحساسية وخصوصا في بدايتها ومن غير ما نكون احنا عملنا الصلة الجيدة ليتقبل كلامك هادا. تمام؟ حيكون دفاعي جدا. الناس بتكره كلمة انت حساس - 00:28:29ضَ

او انه انت بتهتم بنظرة الناس الك. ليش هو مفكرني بصير يحكي لك؟ طراز جوزيف يبدو انك تضخم وتبالغ في القلق. احسنتم احسنتم جدا جدا جدا اذا زي ما انتم شايفين صار عنا - 00:28:42ضَ

فهم الان بفضل الله خلينا نشوف اذا كيف بدنا ننتقل للنقطة اللي بعد واللي هي التوضيحات. شو يعني التوضيحات لما بدي اوضح امر بدي اربط ملامح الموضوع بتفسيرات واضحة اوضح موضوع - 00:28:56ضَ

التوضيح تمام؟ جزئية الافتراض كلية. يعني انا بوصل لافتراض لتشخيص المراجع. بوصل لافتراض للي مر فيه. بس التوضيح بدي اوضح جزئية معينة فانا في جزئية حكى لي عنها بدي اوضح بعد ما انا صار عندي افتراضي واضح واخدت التأكيدات منه. تمام؟ بدي اوضح بناء على الافتراضات - 00:29:17ضَ

السابقة اللي اتفقنا عليها. لانه حتى في العلاج المعرفي احنا الاصل بنشتغل بنكون احنا موجهين بالفرضية العلاجية اللي بنشتغل عليها. يعني بنعمل اللي هو الشكل المفاهيمي. تمام؟ اه والتصور المفاهيمي للحالة. بعدين بنعمل الفرضية العلاجية بناء على الفرضية لما نتفق عليه - 00:29:40ضَ

بنشتغل بعدين ومن خلالها بنبلش نوضح بعض التوضيحات الخاصة في وضع المراجع وبالتالي لهاي التوضيحات لازم مش الافتراضات عفوا افعل برجع بحكيكم هاي توضيحات عفوا وقعت خطأ مش مش الافتراضات. افعل - 00:30:05ضَ

تروى قبل ما تعطي توضيحات. افهم كويس مشان تعرف كيف تربطها. استوضح اكثر لو استدعى الامر. حلل جيدا الموضوع. وضح بدليل. لما باجي بقول له هاي من عوارض القلق بده يكون عندي دليل - 00:30:26ضَ

ومن اهم الادلة انه اصلا مشخص بالقلق وضح بوضوح لغة واضحة. لغة تناسب الشخص تناسب عقله. تطرق الباب الصحيح في راسه. على لغته على كلامه على فهمه. واختصر فش داعي - 00:30:45ضَ

توضح بشكل كبير بالافتراض بعمل جملة وممكن تكون الجملة كبيرة بس بالتوضيحات بدها تكون مختصرة عموما ومن غير تفاصيل زي لما بوضح لمريض القلق طلبا موضوعه انه مثلا شفت انت مثلا زي جهاز الانذار تبع الحريق - 00:30:59ضَ

اذا صار في دخان تمام؟ جهاز الانذار هذا بيشتغل القلق كانه بيشتغل جهاز الانذار وبقول لك انه في تهديد او في خطر لكن حقيقة الدخنة ما بتكون من نار. بتكون من طبخة فرضا - 00:31:19ضَ

او عفوا منكم للمدخن ممكن نحكي لهم من سيجارة فبنوضح له انه بيضرب الانذار بلا سبب كافي تمام وبالتالي هاي المختصرات هاي التوضيحات مع التشبيهات رايحين نحكي عن تشبيهات بعدين. تمام؟ كلها بتساعد - 00:31:36ضَ

اللي ما بدك تفعله انك تتعجل او تنطلق من جزئية لا فهم الموضوع وعلى اساسها تفسر كل اشي واحدة من شكاوى المراجعين احيانا مع بعض الاطباء بقول لك بعدين كل ما رحت له بقول لي ما انت عندك اكتئاب. طيب يا اخي مرتي زعلت لانه عندك اكتئاب. ابني - 00:31:53ضَ

ما قصر بالمدرسة لانه عندك اكتئاب. فواضح انه لا لا هاي هاي مش توضيحات. توضيحات بدها تكون مبنية على فهم كافي على استيضاح شوية من المراجع استفهام مشان اوضح له اللي بمر فيه. لما المراجع بيجي وبيضع بين ايديك مشكلته - 00:32:11ضَ

بصير بده توضيحات لكثير من الاشياء اللي بتصير بحياته. مشان هيك مثلا احنا في العلاج المرتكز عالمناعة. واحدة من الاشياء الاساسية اللي بنعملها بالبداية اللي بنسميه قائمة مجالات الحياة مشان نوضح للمراجع. وين الاشياء اللي بحياته - 00:32:29ضَ

سببها مشكلته وين الاشياء اللي بحياته ما الها علاقة بمشكلته الها علاقة باشياء اخرى فنوضح له وين بقدر يأثر او وين اشياء الها علاقة بطبعه تمام وبالتالي ما بتسأل يعني المعالج ببني التوضيح بناء على الافتراض ام العكس. توضيحات بناء على الافتراض الاولي. لما نتأكد منه بعدين بنصير نوضح - 00:32:46ضَ

بعض الاشياء. لانه انا اذا مش فاهم كيف بدي اوضح. انا بدي اوضح لك المشكلة اذا مش فاهمها وعندي افتراض واكدت على الافتراض واتفقنا على الافتراض صعب اوضح توضيحات زي مثلا لما نوضح للمراهق انه اللي بمر فيه نتيجة فترة المراهقة وتغيراتها. نعم. اذا كان صحيح - 00:33:10ضَ

بس ممكن اللي بمر في نتيجة وفاة شخص عزيز فهي اعراض اخرى. ما بنقدر نعزيها ونوضح له انه السبب. تمام؟ ونربطها هذا الكلام فلازم نكون حذرين في التوضيحات لانه برجع وبحكي واحدة من الاشياء المهمة. ليش احنا اعتبرنا التوضيحات اذا شفتوا في اربعة باربعة. اربعة باربعة يعني اربعة على - 00:33:28ضَ

اصل اربع نقاط اساسية اعتبرناها زي الطاولة لازم يكون الها اربع رجلين. صح بتمشي بتلات رجلين بس مش بتمشي يعني بتقعد بتلات رجلين بس احنا خليناها اربعة. وخلينا اربعة كمان للصلة - 00:33:53ضَ

ليش اعتبرنا التوضيحات شيء مهم؟ لانه واحدة من الاخطاء القائمة في الحوارات العلاجية انه بصير الشخص دائما يوضح الموضوع للمراجع بناء على انه اذا عنده مشكلة فكل مشاكله بنعلقها عالمشكلة الاساسية - 00:34:08ضَ

تمام اسماء بتحكي التوضيح هو الافتراض لما يتحول لنظرية تناسب المريض. نعم ممكن تحكي هيك. ممكن تحكي افتراضات فرعية بس بتفسر او بتوضح ليش بصير معها هيك فبيجي شخص تمام؟ - 00:34:26ضَ

مثلا زوجة بتيجي لمشاكل مع زوجها. فبنكتشف في مشكلة معينة عند الزوج. فبنصير دائما نربط كل اشي بما انه صار عنا افتراض نربط كل اشي بفرضيتنا هاي رغم انه في اشياء يعني بتصير من الزوج هي ما الها علاقة بمشكلته اصلا - 00:34:40ضَ

اعطيكم مثال حدث من قريب واحدة من الناس اللي اجت للعيادة تأخرت عن موعدها تمام فعملت لي مشكلة كبيرة هاي المشكلة الكبيرة تم الاساءة لي فيها بشكل كثير. يعني بشكل سيء يعني - 00:34:57ضَ

تمام جدا واضح انا بالنسبة لالي ما فعلته غير مبرر في مشكلتها. يعني القلق في سلوكيات لو صدرت منه تعذروا فيها الفصامي فيه سلوكيات لو صدرت منه تعذر فيها بس سامحوني بين قوسين في سلوكيات تصدر من الناس قد تكون من قلة ادبهم وسوء ادبهم - 00:35:17ضَ

ولاجل ذلك هذا اللي بنعلمه لطلابنا لما براجعك شخص قدر سلوكه معك اذا كان سلوكه معك حتى لو في تجاوز عليك نتيجة حقيقية يعني لمشكلته انت افترضت ايش المشكلة وصلت للتشخيص والتفاصيل - 00:35:45ضَ

والان او تصور المفاهيم الواضح احنا بنستخدم الافتراضات اكثر في العلاج اكثر من التشخيص تمام ضروري نعرف متى هذا سلوك الشخص الحر وبارادته ومتى هذا فعليا هو بسبب مشاكله سوء الادب - 00:36:04ضَ

مش مبرر انه يصير في حقك يا معالج مشان هيك بدك تعرف متى تستوقف المراجع اذا تجاوز الادب ما دام انه الموضوع حاد ما اله علاقة بمشكلته بتذكر اه عملنا دورة في اه اه علاج الادمان. اه وحضرت بمصر فترتها - 00:36:23ضَ

تمام؟ كانت هي تدريب مدربين اه علاج الادمان. تمام؟ وكانت هي على اه ثلاث اه محاور. محور للاطباء. في العلاج دوائي محور للاخصائيين النفسيين في موضوع العلاج النفسي لمرضى الادمان ومحور اه المتخصصين في - 00:36:45ضَ

اللي هما تمام ليعملوا اللي هي متابعة الحالة وفحص خلينا نحكي او الاستبانات الاساسية اللي بعبوها للمراجعين فكنا في اه مستشفى اه زرنا مستشفى اسمه مستشفى المطار فبحكي لنا اه - 00:37:09ضَ

كان في شوية تدريب فاللي صار كان في دكتور طلب من واحد من المعالجين. تمام؟ هو طبيب اصلا بس بدرس عماله بالعلاج النفسي للادمان فبيحكي له اشتمني المعالج الجديد التلاجة المصرية اللطيفة حلوة يعني بقول له طب واشتمك ليه - 00:37:32ضَ

بيحكوني لاني بقول لك اشتمني واشتمك ليه؟ قال له يا اخي اشتمني. قال له تبقى مش حلو. قال له دي هي دي شتيمة يا راجل فراح الدكتور هاد اللي هو رئيس القسم. شتموا شتيمة من الاخر - 00:37:56ضَ

فهداك عصب قال له ايوه انت هنا هتتشتم انت داخل قسم الادمان بدك تشتغل حتتشتم ازاي هتتصرف مع الشتيمة بالطريقة يعني المصرية اللطيفة وصلنا رسالة انه فعليا في مواقف معينة - 00:38:11ضَ

ومحطات معينة ومع نوعية من المراجعين معينة. ممكن تتعرض لاشياء مش لطيفة يعني قسم مرضى الفصام. ممكن تشوف اشياء او يصير اشياء او تصرفات عدائية او تحرشات جنسية حتى. في حق الشخص - 00:38:34ضَ

كيف بدك تتصرف معها؟ كيف بدك تاخدها واضح فمهم جدا التوضيحات لالك قبل ايضا للاخرين. لانه هاي التوضيحات لتكون فيها مش على تحليل مجتزأ مش دليل هش مش الغوص بتفاصيل غامضة وتضيع وقتك فيها ولا تطويل - 00:38:52ضَ

بدك تعرف كيف هاي التوضيحات تكون وتنقلها للمراجع ولاهله. لما بيجيك اهل مراجع يعاني من الادمان تم ادخاله للمستشفى وطلع بتهم الاهل انه هم السبب في جزء كبير من هاي الحالات هي بسبب حالة الادمان. وبعض العوارض اللي بتصير عند المراجع اللي يظن - 00:39:12ضَ

او يربط السبب باهله وبالتالي مشان هيك بنحكي اي شيء بدك تتعلمه في العلاج خد جزئيات وتوسع فيها بالتدريج والسبب حتى ما تأذي نفسك وتؤذي الاخرين خلينا نشوف الان اذا ايش هي التوضيحات اللي ممكن تعطيها لهاي المراجع - 00:39:36ضَ

من جديد مراجعنا بطل الحلقة اليوم. لم استطيع النوم طوال ليلة البارحة. لقد كنت افكر كثيرا فيما يخص اليات العمل. وهل سينجح مشروعنا الجديد ايش ممكن تعطيه توضيحات يلا منا - 00:39:56ضَ

تعطيه توضيحات. خلصنا افتراض افترضنا انه مريضنا هاد او مراجعنا يعاني من اضطراب القلق تمام ومهموم خلال هاي الفترة. عنده اضطراب القلق المعمم ايش التوضيحات؟ اه ايناس بتحكي ممكن طبيعي يتأثر النوم بما انه بالك مشغول. لانه في علاقة بين الجسد والمشاعر او الحالة المزاجية - 00:40:13ضَ

جميل توضيح لطيف لطيف من الطبيعي انك ما تنام لانه بالك مشغول تمام تمام ممكن تصغيها بطريقة تانية يا امل قبل شوي تغيري صياغتها كتوضيح طيب يلا نشوف مين ممكن يضع توضيحات اسماء؟ لو بدي اشرح لك الاشي يلي صار معك بعد ما اتفقنا سواء انه عندك اضطراب القلق ممكن - 00:40:37ضَ

طريقة التفكير ناتج عن اضطراب القلق يلي هو من اعراض القلق احسنت. توضيح جميل خليني اخبرك من اعراض القلق المعمم هو التفكير الزائد. جميل هادا نوع من اشترار الافكار الناتج عن الوضع اللي انت فيه. جيم - 00:41:09ضَ

تمام اه اه لست متمكنا كفاية من الاليات الجديدة لمشروعك لذا انت قلق حيال هذا الوضع. اذا كان هذا زي ما حكينا بده يكون عندك افتراض قوي بنيتي عليه الان - 00:41:25ضَ

التوضيح. واضح يا هدى؟ وهذا كلام طبعا للجميع. بده يكون عندك الافتراض قوي جدا اللي بنيت عليه. فهمك للمراجع ثم على اساسه بنية التوضيح اغلب الاحيان بتأثر الشخص عند تفكيره بشيء مما يشعره بعدم الرغبة في النوم - 00:41:38ضَ

احسنت ممكن نطرح معه الموضوع من خلال بيان الية عمل الدماغ. ايوه صهيب هاي جزئية كثير مهمة. واحدة من التوضيحات احيانا بيصير للقلق انت في عندك في دماغك هاي بتبلش تشتغل. انا مع - 00:41:55ضَ

التوضيحات التي تناسب الناس ببساطة. فش داعي انه نعقد الامور وخصوصا اذا دخلناه لموضوع والقلق والتفاصيل. يا دوب احنا وبعد سنين الواحد فاهم التفاصيل فكيف بدنا ندخل مع المراجع؟ بدك تكون الامور امور ايزيار - 00:42:11ضَ

بتعرف انا كيف بحكي لهم اللي عندهم مشاكل الدوم مرتبطة بقلقهم؟ بحكي له تخيل انك كثرت قهوة وبدك تنام هل سهل انك تنام جاوبوني هل سهل انك تنام سهل ينام لو كثر قهوة - 00:42:28ضَ

يلا يا جماعة تمام فبالتالي لما انت بتكون قلق بزيد مادة اسمها الادرينالين وهي زي المنشط زي منشطات القهوة. تمام؟ اللي موجودة بالقهوة فبتخليك مش قادر تنام واضح فبنربط القلق باداء معين. هلأ مشان هيك - 00:42:51ضَ

بدك تربطه احنا حكينا مش بشيء تشريحي قوي صعب. واذا بدك تربطه بكون اشي كثير ابسط تمام ويكون اسهل للفهم مع مرضى الاكتئاب بوضح له ليش ما عنده طاقة للعمل؟ بقول له تخيل انك تكون انت لثلاث اربع ايام ما نمت - 00:43:20ضَ

وتعبان جدا لما بتصحى اليوم الرابع او الخامس كيف بيكون مزاجك كيف بيكون وضعك؟ اللي بصير معك الان كانك فعليا في هادا الوضع اللي هو الك ايام مش نايم فما بكون عندك القوة الكافية انك تقوم وتعمل - 00:43:38ضَ

فالتوضيحات للمشاكل جدا مهمة وفق ما فهمت منك انك تعاني من الانشغال القلقي وتعاني من حالة عدم اليقين تجاه العمل بهذا المشروع هذا استفهام ممكن يقود نعم لتوضيح. القلق عدو بهيئة صديق ممكن يسهرنا طول الليل. وهو يصور لنا انه عم بساعدنا نكون جاهزين لهادا المشروع - 00:43:56ضَ

لكن بالحقيقة بكون عم بستنزفنا قبل ما يبدا المشروع. احسنت جدا جدا جدا. جدا يا الاء من اروع ما كتب للاب. طبعا كلكم رائعين بس اسمحوا لي اعطيها نجمة الاء اليوم. الك دونم كنافة من عنا - 00:44:16ضَ

تمام فعليا هاي من التوضيحات القوية. مشان هيك لمن ييجي اللي بعديها للتشبيهات حنشوف كيف فعليا يكون في عنا تشبيهات الحلو بهذا التوضيح تمام؟ انه عمالنا بنوضح انه القلق صديق - 00:44:31ضَ

بالاصل لكن ممكن يكون عدو في نفس الوقت فهو اذا زاد عن الحد بصير انه بده ايانا نكون جاهزين لكن النتيجة عمالها بتكون صعبة. قديش بتعطوا على هذا التشبيه خليني اشوف. متفقين نعطيها دونم كنافة - 00:44:49ضَ

اللي معه قلق يضخ النظر في الامور مع الايام بتعلم كيف نناقش هذه النظرة. احسنت عادة الشخص اللي بفكر كثير ممكن ما يقدر ينام. نعم. يعني هذا تبسيط. وبس حلو - 00:45:08ضَ

ربطه باي اشي بيعرفه المراجع وتكون على نفس الارضية. احسنت. صحيح ممتازين طيب فبالتالي زي ما انتم شايفين فعليا التوضيحات جزء اساسي في الحوارات العلاجية وكيف نوصل للمراجع اه عيد اللي حكيتيه يا الاء عيدي لهم اللي حكيتيه. تفضلي. اهتموا وشوفوا شو اللي حكيتيه فعليا - 00:45:20ضَ

وبشكرك يا ايمان لانك سألتي لانه فعليا المعالج الجيد بهمه الصياغات الجيدة هاي يحفظها ليوظفها فيما بعد احنا لما بنروح منسمع لزملاء ممكن هو بيعطي زي ما انت بتعطي بالظبط - 00:45:46ضَ

لكن نتيجة خبرته تعامل مع نوع مختلف من المرضى وكون عبارات وصياغات انت بتستفيد منها كليا. مشان هيك اللي بحكي لك انا بحضرش اه اه ولا لبيجينرز انا لا بحضر كل سنة من جديد - 00:46:02ضَ

يعني بحضر التدريبات اللي بتكون تأسيسية كل مرة لانه كل مرة فيها بتصير انت تدور على الكلمات والصياغات اللي كل مرة ممكن شخص يعطيك كلمات وصياغات مهمة احسنت يا الاء - 00:46:17ضَ

طيب اذا التوجيهات. كيف بدي اعطي توجيهات؟ التوجيهات ايش هي بالاصل توجيه المراجع لخيارات التعامل او العمل امتى بتوجه المراجع بدنا نعمل كذا لازم نعمل كذا هذا القلق بنتعامل معه بالطريقة الفلانية. هاي توجيهات. لاحظوا اذا احنا حكينا عن التساؤل - 00:46:33ضَ

صحيح وحكينا عن تكوين افتراض مع تكوين الافتراض في توضيحات والان الاشي اللي بنعمله في العلاج بنعطي توجيهات ايش اللي بدنا نعمله. طب هون لازم ندرس افكارك اكثر. هون خلينا نعمل التمرين المعين هاد. هون منا - 00:47:04ضَ

نرجع ونقيس كذا. هون في عنا بينصح مثلا بالتعرض. وخليني احكي لك كيف بنعمله اذا التوجيهات. توجيهات توجيه المراجع لخيارات ايش الخيارات هاي للتعامل او العمل مع مشكلته مع جزء من مشكلته مع ربع من مشكلته مع نص من مشكلته مع كل مشكلته هي خيارات للتعامل والعمل - 00:47:22ضَ

وبالتالي ايش بدنا نعمله استوضح دائما تذكر استوضح ودائما تذكر شارك احكي بمشاركة مع المراجع. شف التوجيهات الحديثة عمالها بتحكي او بينصح فيها بالقلق انه نعمل واحد اتنين تلاتة اربعة - 00:47:49ضَ

وبشرح له العملية تمام؟ بدي اشاركه وهذا اللي بيشكو منه المراجعين بقول لك انا رحت عند دكتور وقال لي خد دوا. انا اللي بفهم وانا الطبيب وانا بعرف شو اللي بساعدك - 00:48:08ضَ

يا اما او لا ما بدي اشوف وجهك تمام؟ بدنا نعطي خيارات وغالبا كل اجراء في خيار واتنين وتلاتة شو اللي لازم نعمله بدنا نوضح الاسباب بدنا نوضح السيناريو. بدنا ندعم بدليل علمي. بدنا ندعم بدليل عملي. ندعم بدليل علمي انه طيب - 00:48:20ضَ

احيانا بنشارك شوي انه غالبا الان التوجه العلمي او احيانا للاكثر ثقافة من المراجعين واللي بهتم يقرأ واللي عقوق هالكنا تمام بتيجوا بتقولوا طب خليني افرجيك في الادلة تبعتنا ايش اللي ينصح فيه - 00:48:39ضَ

تمام؟ الدليل العملي من خلال شغلي مع المراجعين احنا بنستخدم الاسلوب واحد اتنين تلاتة اربعة. تمام؟ من غير كشف سرية المراجع. فدير بالك انك بتشتغل وكانه انا اللي بعرف وانتهى - 00:48:57ضَ

او من غير ما تشرح وتوضح او من غير ما يكون على الاقل لو في دليل عملي تمام فهادا اشي مهم وبالتالي ممكن هون بتسأل رنيم منرجع لسؤال سنة انه كيف ممكن نخليه هو يقرر بدون ما نملي عليه القرار اللي شايفينه انه مناسب. لما نيجي للتعاون - 00:49:12ضَ

آآ بعض المرضى ممكن يفضل انه ما نعطي توضيحات. صحيح اذا حسينا بينزعج من التوضيحات وهذا بصير اه بجيب المراجع وصار اه بقول لك هيك بتحسه نرفز وانت بتشرحه وبتوضح بتقول له معلش. انا خليني افهمك - 00:49:31ضَ

كيف احنا طريقة عملنا فانا بصير عندي الان التوضيح اللي بدي اعمله اياه اوضح له طريقة عملي سامحني. انا بالنسبة لالي لما بوضح شوي بزيادة لانه في اشياء لو افترضت مسبقا انك انت فاهمها كلها زي ما هي - 00:49:50ضَ

تمام ممكن ندخل باجراء انت مش متوضح او مش واضح لالك فسامحني اذا احيانا شوي بطول بالتوضيح او بعطيك توضيحات اكثر تمام هذا مهم ينعمل وبرجع و بحكي هي الجمل الاستباقية كثير بتلعب دور. خلص هو لما يعرف مراجعك انه طريقتك العلاجية دائما في التوضيحات. واي اشي بدك تعمله - 00:50:07ضَ

بتوضح بتعطي توضيحات كافية. بتدعمه بدليل بصير يتقبل هادا الكلام تمام اه بالتالي بدنا نعرف انه ما بدك تلعب دور انا اللي بعرف انك توقف برضه اه يعني هلأ انت بتحكي عن التوضيحات. في المقابل تخيلي. اعمل لا تعمل - 00:50:30ضَ

بتكون صعبة. وهون بيجي بيجي حسن حسك السريري كمهني قديش بتقدر تحدد انه قديش تعطي حجم توضيح بس لازم يكون في توضيحات. قديش تتوسع في الشرح. بس لازم يكون في درجة بالشرح. تمام؟ قديش تعطي ادلة بس لازم يكون عالاقل لو في دليل اللي هو الدليل العملي - 00:50:50ضَ

تمام؟ انه من خلال خبرتنا العلاجية من خلال اللي بستخدموه في العلاج. كذا كذا. كشف السرية بدنا ننتبه دائما اه هاي موضوع كشف السرية بتلاقوه كثير عند اللي بيعملوا الرقية الشرعية. خليني احكي لكم هو ليس انتقادا لهم. ارجوكم مش انتقاد لحدا - 00:51:11ضَ

تقعد مع راقي شرعي وكثير منهم اصدقائنا وفعليا بشتغلوا شغلتهم وبيخافوا الله فيها لكن في الا يطلع عنا العدد اللي عندهم مشكلة. فانا اللي عملته مع عدد منهم كنت بتصل مع الراقي الشرعي وبتعرف عليه وبتعرف على شغله وبقول له شو رأيك تيجي تستفيد شوي من اللي بنعمله مشان تتعرف انه في جانب نفسي وفعلا - 00:51:29ضَ

حاليا كثير منهم تغير موقفه تجاه الجانب النفسي تمام؟ لدرجة انه واحد من الناس قال لي اقسم لك بالله بعد ممارستي للرقية الشرعية لسنوات لما بلشت افهم منك التفاصيل واخد معنا كذا دورة يعني - 00:51:52ضَ

ليفهم اكثر عن الاضطرابات النفسية وطبيعتها. انه واضح انه سبعين بالمية. سبعين بالمية من الناس اللي كنت اشوفهم عندهم اضطرابات نفسية. ما عندهم شيء بيحتاج للعلاجات اللي احنا كنا نعملها - 00:52:06ضَ

واضح طبعا الرقية الشرعية بتلزمنا كلنا وكل واحد بقدر يعمل رقية شرعية لنفسه. بس خليني احكي لكم ايش القصة يعني ايش الشاهد من هاي القصة بتكون مثلا مع الراقي الشرعي فبقول لك - 00:52:21ضَ

اه والله بنت فلان لفلانة ومن من عيلة كذا. تمام؟ كانت هذيك اليوم رحنا عليهم وعالجناهم ويا زلمة الوزير شلاد تخيل انا شفت ابنه بوضع تمام؟ لا اله الا الله. يعني انت لما تقعد معه وتقول - 00:52:33ضَ

الدقيقة هذا يعني قعدته الان حكى لك عن ست اشخاص. طب لما بروحوا عليه طالبين الرقية عن اكم من شخص بيحكي وفعليا في منهم كثير مشان يفرجيك انه هو بقدر وبستطيع وكذا - 00:52:51ضَ

تمام ؟ ببلش يحكي لك عن اسماء وشخصيات او بالاسم والله في ناس من المحابسة. اه من عندي هذا الاسم. المحابسة. تمام؟ عندهم بنت هدول اللي دارهم في الحارة الشرقا. تمام - 00:53:05ضَ

هادا واحد تنين تلاتة اربعة فيعني لا يجعل لاحد سرية. تخيلوا قبل فترة على صفحتي عالفيسبوك كنت بكتب منشور شبه يومي اسمه آآ يوميات معالج نفسي والسبب كان انه بدنا نعطي مواقف معينة يستفيدوا منها الناس - 00:53:19ضَ

بعد ما نشرت ثلاثين منشور رغم انه ما فيهم اشارة لاي شيء والاشياء اللي اخدتها كان باذن من الناس. يعني اقول له هاي الجزئية بدي انشرها بس طبعا اذا كان ذكر بخليه انثى. بغير هاي بس في ناس اه من المراجعين نفسهم كانوا منزعجين - 00:53:44ضَ

وحدة حكت لك قالت لي بس ارجوك اذا يعني انا حكيت لك اشي ماين ما تنشره حتى لو كان كتير بعيد. انا بعرف اكيد انت بتنشر الجزئية طبعا انا بحكي عن قضية جزئية اللي يعني بتقدروا ترجعوا وتشوفوا كيف هي جزئية. كان الهدف انه نعلم الناس من جزئيات معينة ممكن يستفيدوا منها. فتوقفت عن - 00:54:01ضَ

كتابة هذا المنشور لهذا السبب لانه صاروا يخشوا الناس انه انت ممكن للحظة تكتب اي شيء يشير لهم مشان هيك برضه الجمل الاستباقية لما انا بحكي للمراجع بقول له طيب دقيقة - 00:54:20ضَ

انا بدي اشاركك بجزئية لحدد من المراجعين من غير اسمه ومن غير تفاصيل فقط لتستفيد من الاجراء اللي عمله ممكن فممكن نشارك بهاي الطريقة من غير كشف السري. واضح؟ وبالتالي - 00:54:34ضَ

منا هون ايش نعمل؟ الله اكبر بدنا نعطي توجيهات لمراجعنا بطل الحلقة فاعطوه توجيهات لهذا الشخص. يلا اكتب جملة فيها توجيهات واضحة. حاول انك ما تشرب منبهات قبل ما تنام واعمل تمارين الاسترخاء هادا ممكن يساعدك على النوم - 00:54:51ضَ

هذا توجيه عام جيد بشكل عام يعني ممكن يوجه لاي حدا. طيب اعطونا توجيهات اكثر خصوصية اكثر دقة ما رأيك انه نحصل القلق في ساعة واحدة من اليوم؟ هذي نعم - 00:55:16ضَ

اه قضية حصر القلق او ساعة القلق في القلق المعمم. واحدة من الطرق العلاجية في علاج القلق المعمم. واحدة من الطرق المعرفية. بسموها ساعة القلب انه بتاخد ساعة خلالها بتشوف كل المواضيع المقلقة لالك. بس تنتهي هاي الساعة. حتى لو اجا لك اي موضوع بدك حتى لو خايف - 00:55:41ضَ

انسى بتسجله على موبايلك وبتقول بكرة بساعة القلق بفكر فيه. فهذا نوع من اللي بينا بنعمل على القلق حاكم افكارك المنطقية ومارس الرياضة بانتظام ممكن تكون وممكن تكون قبل النوم - 00:56:01ضَ

اه مهو منطقية بدك تحكي له كيف المنطقية يعني لو جينا وفكرنا انه اذا خطرت على بالك الفكرة تمام؟ بس اسأل نفسك قديش مهم افكر فيها الان فرضا قديش حيساعدني لو فكرت فيها الان؟ ممكن يكون توجيه جيد. يمكن يساعدك تحدد بالزبط خايف من ايش - 00:56:16ضَ

ثم تشتغل عليه حتى يهدى بالك. جيد. جيد. هذا توجيه جيد. حاول الاستعانة بخبيراتك عن تساؤلاتك المبهمة حول المشروع. جيد. هذا توجيه جيد. انه انا هون حساعدك في الجانب النفسي لكن واضح انه في عندك بعض الامور خاصة بمشروعك ضروري تستشير حدا فيها خبير مشان تجاوبك على - 00:56:36ضَ

جيد. لما يروح للنوم يكون مع كتاب يقرأ فيه ويخفى وهو بيقرأ مش بالضرورة اذا كان مناسب توجيه مناسب مثلا بيجي بحكيك طب شو اللي ممكن عادة احنا بنحكي عن شخص صار هذا الاشي يعني يوميا بصير معه. شو الاشي اللي احيانا بستعمله قبل النوم بساعدك تنام اسرع؟ بقول لك استغفر فرضا - 00:56:55ضَ

او احط شغلة اسمعها واحاول التهي فيها او اقرأ شوي بنعس. طب شو رأيك نعمل هادا الشي على طبعا هذا الشيء من تمارين اللي ممكن نسميها اللي هي خفض المشكلة. بس مش حل مش علاج. البرت اليس بيحكي عن تلات مستويات - 00:57:18ضَ

في التعامل مع مشكلات الناس المستوى الاول اللي هو مستوى بسميه الشعور بالتحسن وهو بتعمل شوية اجراءات اللي فيها تشتت. يعني بتتشتت ذهنك عن الموضوع. او بتركز على اشي ثاني او بتشغل حالك باشي ثاني او شوية تمارين استرخاء - 00:57:36ضَ

او تروح تعمل شاور فتهدا او تشرب شوية اشياء زي الينسون وكذا فتهدا هاي شعور بالتحسن لكن احنا بنعالج لنوصل للتحسن الحقيقي. اذا بدنا نعطيه اشي يخليه شوي عنده درجة من الشعور بالتحسن. احنا هدفنا التحسن الحقيقي. شو يعني التحسن الحقيقي - 00:57:54ضَ

انه احنا نشتغل على المشكلة الحقيقية اللي هي مشكلة القلق للقلق نفسه تمام فمش غلط بنعطيه شوية توجيهات لخفض تأثير المشكلة لكن لازم نشتغل على المشكلة. بحكي عن اللي هو الشعور بالتحسن او - 00:58:12ضَ

التحسن او التحسن بعمق مع الوقاية من الانتكاس لاجل ذلك في العلاج لمعرفة سلوكي في العلاج العاطفي العقلاني بنحاول نشتغل احنا على البند الثالث اللي هو التحسن بعمق مع الوقاية من الانتكاس. مشان هيك بنروح مباشرة - 00:58:30ضَ

تمام لا لا لا المشكلة قدر الامكان ممكن تقرأوا مادة معينة تساعد في فهم القلق اكثر. ممكن انك تحاول مثلا اه ممكن التوجيه اخليه يقرأ على يعرف عن تأثيره توجيه. بس هادا زي ما حكينا يعني انا بدي اياه اول اشي يعرف عن قلق وتأثيره بعدين يعرف عن بعض فنيات التعامل مع القلق وبعدين ادخل معه بعلاج - 00:58:46ضَ

مش معرفة للافكار الواردة على ذهنه كيف يتعامل معها وكيف يخفف من اللي بسموه هو ثريث روديكشن اللي هو خفض تهديد الافكار تمام؟ فبنبلش بالتدريج. ممكن انك تحاول تكتب اللي عم بتفكر فيه وبعدها تنظم افكارك لتحاول تنام. ممكن. اه هذا - 00:59:07ضَ

توجيه جيد شروق. احيانا نطلب منهم قبل ما تنام مثلا اذا لما تيجي تنام اذا خطر باي افكار خد انه اكتب اهم الافكار بس مش اكثر من خمس دقائق وبعدين نام وقرر انك تفكر فيها ثاني يوم - 00:59:28ضَ

تمام؟ هذا من ادارة القلق من الاشياء المطروحة في العلاج المعرفي وبعملوها طيب قديش فعلا ممكن تفيد ساعة القلق؟ قديش الناس قادرة تطبقها؟ هاي امانة هي مرحلة لنخفض شوي من القلق. يعني اذا كان انا بدنا نجيب مقياس زي - 00:59:43ضَ

مقياس الحرارة اه تمام؟ والقلق عنده اه تمانين بالمية بجوز نعمل اجراءات تخلي القلق ستين بالمية. ليتحسن النوم شوي بس انا بعرف انه هاي اجراءات تهدئة. اجراءات تهدئة تمام مش اجراءات علاجية - 00:59:58ضَ

بس هاي التهدئة اللي صارت شوي للقلق بتساعدني اشتغل الاجراءات العلاجية براحتي معه فيما بعد. واضح وبتساعده هو خذ بالاسباب واعمل ما عليك ثم اطمئن ولا تفكر كثيرا بالنتائج آآ - 01:00:16ضَ

يعني هذا بده تحضير كثير مشان نوصل هون. يا ايات لانه هذا بصير باسلوب الوعد وبده تحضير. انا بحكي كمعالج. مش كشخص هو اخ او شيخ او كذا هذا بقدروا يعملوه. لكن احنا الطريقة العلاجية شوي بدها يكون فيها توجيهات اوضح. عدد الاشخاص يللي بعانوا من القلق يفضل انه يخففوا بشكل كبير من المنبهات وخاصة - 01:00:32ضَ

وخلال ساعات نعم اذا اكتشفت انه في عنده مشكلة في المنبهات ايش رأيك نتعلم كيف نناقش الافكار ونصححها معرفيا. هذا اسلوب عميق هذا اسلوب علاجي فبالتالي اه اه عمالي بوجهه على هذا الاسلوب عمالي بعطيه توجيهات بس هاد بدنا نشتغل عليه بعمق. اذا انا اشتغلت عالاسلوب العلاجي الان يا ذرية بطريقتك. صحيح - 01:00:52ضَ