بسم الله الرحمن الرحيم السلام عليكم ورحمة الله وبركاته. معكم محمد شاني التعب من قناة الدعوة الاسلامية على اليوتيوب وعلى قناة اكاديمية لسوق للعقيدة وعلومها على تليجرام وحلقة جديدة لمناقشة الاسئلة حول كتاب اظهار الحق للشيخ العلامة محمد رحمة الله الكيراناوي الهندي. السؤال الاول هل توصي بكتب - 00:00:00

معينة لتعلم يونانية العهد الجديد؟ والله يا اخي الكريم فيه فيه كتب كثيرة لتعلم يونانية العهد الجديد. في موضوع تعلم اللغة اليونانية للعهد الجديد بس لازم ااكد على ملحوظة اللغة اليونانية للعهد الجديد واللغة العبرية للعهد القديم او اليونانية الكتابية والعبرية - 00:00:25

كتابية مش هم اليونانية الحديثة والعبرية الحديثة اللي هم بيتكلموا بها دلوقتي. لو انت جيت تتعلم لغات قديمة غير لما تيجي تتعلم لغات حديثة يونانية وعبرية فدي نقطة مهمة. يعني لو انت دورت على النت هتلاقي مسلا دانيال و العالم المسيحي الناقد المشهور اللي بيحاول - 00:00:45

يرد على اطروحات في اسبات تحريف الكتاب المقدس له كتب كثيرة في تعليم يونانية العهد الجديد المراجع كتيرة جدا جدا بس في حاجة انا اوصي بها لو انت حابب تتعلم اليونانية بتاعة العهد الجديد اولا ان انت تتقن القراءة وتتقن آآ - 00:01:05

ازاي تكتب الحروف وازاي تقرا من المخطوطات وهكذا دا افيد بكتير جدا جدا. اصعب حاجة في اللغات القديمة هي انك تفك خطوة القراءة. لو انت عرفت ازاي لما تشوف نص يوناني قصادك سواء مكتوب بخط الكمبيوتر او مكتوب بخط المخطوطة - 00:01:25

اليد يعني لان خلي بالك برضو دي نقطة مهمة ان انت لو اتعلمت بس الكتابة بخط الكمبيوتر بفونت الكمبيوتر احرف صغيرة واحرف كبيرة لأ لما تيجي تبص على المخطوطات القديمة هتلاقي المخطوطات القديمة كلها مكتوبة باحرف كبيرة. ويمكن فيه فرق بسيط - 00:01:45

في الخط لكن المهم يعني تاخد بالك ان انت لما تتعلم اولا القراءة واللغة دي ما تبقاش بالنسبة لك هيروغليفي هيروغليفي بمعنى مجرد شخبطة او خطوط ما لهاش اي معنى بالنسبة لك. على الاقل انت عارف الحروف وعارف الاصوات وعارف ازاي تقراها - 00:02:02

تسهل عليك كتير جدا جدا دراسة اللغة. سواء بقى بعد كده هتجيب مراجع باللغة الانجليزية او هتجيب مراجع باللغة العربية. الموضوع معك هيبقى سهل جدا جدا موضوع القراءة ده فيه عندي على قناة الدعوة الاسلامية فيديوهات للاخ احمد سبيع ربنا يحفزه ويبارك فيه وربنا يفك اسره ويخرجه بالسلامة ان شاء الله قريبا بازن - 00:02:22

الله هو احمد سبيع بيعلم قراءة العهد القديم العبري. وانا عندي فيديوهات لي انا على قناة الدعوة الاسلامية لتعلم قراءة العهد الجديد يوناني لو انت على الاقل بدأت بالفيديوهات دي هتلاقي ان الموضوع بقى سهل عليك جدا جدا. تاني نقطة عايز اقولها ان لما تيجي تتعلم - 00:02:42

تحديدا للعهد الجديد اليوناني هتلاقي ان الكتب متقسمة في تعليم نطق الحروف لمدرستين. مدرسة بتعلم ما يسمى بالنطق القديم ومدرسة بتعلم بما يسمى بالنطق الحديس. النطق الحديس زي اليوناني اللي هم بيتكلموا به دلوقتي - 00:03:02

انا اجد انه اصعب شوية لانه بعض الحروف لها اكتر من طريقة للنطق. لكن النطق القديم اسهل لان تلاقي ان كزا حرف بقى له طريقة واحدة فقط للنطق فمش هتقعد تحفز في قواعد لما الحرف ده ييجي بعديه حرف ايه - 00:03:22

غير لكزا وكزا وكزا. بس على كل حال لازم تبقى عارف ان لما حد بينطق بنطق حديس وحد بينطق بنطق قديم ما تغلطوش. تبقى فاهم النقطة دي كتاب اسمه اللغة اليونانية للعهد الجديد واظن ان الكتاب ده موجود على شبكة الانترنت. اللغة اليونانية للعهد الجديد. الطبعة الثالثة اللي هي - 00:03:42

ومنقحة تكرار للطبعة السانية الموسعة تأليف الدكتور موريس تواضروس موريس تواضروس ده له كتب كتيرة جدا في موضوع اللغة اليونانية ودراسة اليوناني بتاع العهد الجديد الكتاب ده يعتبر اضخم كتاب عربي في تعليم يونانية العهد الجديد. بعد كده في عندك كتاب برضه مشهور - 00:04:02

والمؤلف بتاعه عامل له شرح موجود على الانترنت. الكتاب برضه اسمه يوناني العهد الجديد شرح مبسط لقواعد اللغة اليونانية العهد الجديد. دي الطبعة الثانية مزيدة ومنقحة. اعداد الراهب القمص ببنودة الانبا بيشوي. ومراجعة الاستاذ الدكتور موريس تواضوس - 00:04:22

ده برضو كتاب مهم جدا. فيه كتاب تاني اصدار دار الكتاب المقدس. وهو كتاب مترجم. مبادئ اللغة اليونانية للعهد الجديد جون دانيال كتاب كويس جدا وسهل جدا. فيه برضو عندهم واحد تاني متخصص في تدريس اللغة اليونانية للعهد الجديد. جرجس بشرى - 00:04:41

له كتاب اسمه قواعد اللغة اليونانية القديمة. اللهجة العامة. الجزء الاول والمفروض يكون نزل منه الجزء التاني. يعني هو جزئين. فيه برضو كتاب تاني اه يعتبر اه سهل وبسيط وصغير لجورج فرج. اسمه اللغة اليونانية للعهد الجديد منهج مختصر لتعليم - 00:05:01

مبادئ اللغة اليونانية الخاصة بكتاب العهد الجديد. فيه عندي برضو كتاب تاني اسمه اساسيات بناء الكلمة اليونانية في العهد الجديد بس ده يعتبر مستوى اعلى شوية. ده كتاب من اصدار دير القديس انبا مقار اسمه قواعد اللغة اليونانية للعهد الجديد - 00:05:21

تاد رهبان الدير. النقطة الاخيرة اللي انا كنت عايز اقولها ان مش بالضرورة تغوص قوي في دراسة قواعد آآ اللغة اليونانية او اللغة العبرية. زي ما قلت اهم حاجة بس ان انت تتعلم ازاي تقرا. وان انت تحاول ان انت تتصفح الكتب بتاعة - 00:05:41

تدريس اللغة على قد ما تقدر يعني توفيرا للوقت والمجهود الا بقى لو انت هتتخصص في الموضوع. لما تيجي تدرس نص معين وعايز مسلا تعرف معنى النص ده في اللغة اليونانية او كزا ؟ في طبعا مراجع كسيرة جدا مراجع تفسير بترجع للنص اليوناني او للنص العبري دي - 00:06:01

برضو تعتبر كويسة جدا جدا ممكن ترجع لها. حاجات من اللي انا ذكرتها اللي هي موجودة على برنامج اللوجوس والبرونيكس والحاجات الغالية دي. ممكن ترجع لها هتفيدك جدا جدا في تحليل النصوص من اللغات الاصلية. او لو انت ما عندكش البرامج دي او ما عندكش المراجع دي. فعلى الاقل - 00:06:21

تبقى عارف تقرا النص وبعدين ترجع لحاجات مساعدة قواميس ومعاجم ونسخ كتاب مقدس تساعدك اللي هي ترجم من النص الاصلي زي مسلا العهد الجديد يوناني عربي بين السطور والعهد القديم عبري عربي بين السطور والترجمة السبعينية مش عارف مين - 00:06:41

في كده نسخ باي سطرية. لما ترجع للنسخ دي برضو هتسهل عليك الدنيا وتشوف بقى لما تيجي تدرس انت عايز تحلل كلمة معينة الكلمة دي اسم ولا فعل ولا مش عارف مين وبعدين ترجع بقى للكتب المتخصصة في القواعد تطلع منها القواعد برضو في - 00:07:01

فيديو كنت عملته قبل كده هيكون مفيد جدا جدا في الموضوع ده هحط اللينك تحت في وصف الفيديو له علاقة ازاي تقدر تفهم من العهد الجديد اليوناني فدي برضو نقطة انت بتكتسبها مع الخبرة ان احيانا في بعض النصوص المتعلقة بالمسيح - 00:07:21

تجد ان الكلمة اليونانية بيتم ترجمتها بمعنى معين علشان يحاولوا يسبتوا منها تأليه للمسيح وتلاقي نفس الكلمة مستخدمة عشرات المرات في اماكن اخرى وما بيترجموهاش في الترجمة العربية بالمعنى ده. فالمهم يعني انت في عندك الادوات اللي بترجع للنص بلغته الاصلية سواء مراجع زي - 00:07:40

ما قلت يوناني عربي بين السطور وعبري عربي بين السطور والكلام ده. او برامج تقدر من خلالها تطلع تفاسير وقواميس وهكذا. فالموضوع كبير ممكن ابقى افرض عنه فيديو خاص على قناة الدعوة الاسلامية لكن لان عدد الناس المهتمة بالموضوع ده قليل جدا جدا انا كنت شرحته في دورات قبل كده متخصصة - 00:08:00

هحاول احط اللينكات تحت في الوصف للي عاوز يعني ايه يستزيد في الموضوع ده. السؤال التاني بيقول هل كلمة الناموس الواردة عند اهل الكتاب تحمل نفسي معنى ما قاله هو رقم نوفل للنبي صلى الله عليه وسلم. آآ هذا الناموس الذي انزل آآ انزل الله على موسى. وان ادركني يومك انصرك نص الموت - 00:08:20

ثم قال البخاري الناموس صاحب السر الذي يطلعه بما يستره من غيره. صحيح البخاري كذا. هو يا اخي الكريم اهل الكتاب اسفار العهد الجديد وفي العهد القديم في الغالب لما بيستخدموا كلمة ناموس بيقصدوا به المعنى اللغوي - 00:08:40

الاوضح المنتشر اكتر اللي هو بمعنى القانون. او بمعنى التشريع. فهم يا اما بيزكروا كلمة ناموس شكل مفرد كده الناموس كما هو مكتوب في الناموس. غالبا بيقصدوا به شريعة موسى. او بتتجاب بصيغة المضاف والمضاف اليه ان هو - 00:09:00

هو ناموس موسى فيبقى برضه يقصدوا بها تشريع سيدنا موسى عليه السلام. وهو غالبا ورق ابن نوفل لما قال برضه هذا الناموس الذي فانزل الله على موسى هو يقصد به انه يعني النبي محمد صلى الله عليه وسلم نزل عليه من الوحي المشابه للذي نزل على سيدنا - 00:09:20

موسى عليه السلام ولو كان لي ان انا اعلق على الرواية دي فهي دلالة على النبوة المشهورة جدا المنسوبة لسيدنا موسى. اللي هو نص تمنتاشر تمنتاشر يقيموا لك الرب الهك نبيا من وسط اخوتكم مثلك. واجعل كلامي في فمي فيكلمكم - 00:09:40

بكل ما اوصي به اللي هو فيما معناه سيدنا موسى بشر بنبي سيبعث من اخوة بني اسرائيل سيكون شبيه سيدنا موسى عليه السلام شبيه به بقى بحاجات كتير. النقطة دي مهمة في العهد الجديد لما بيتم الاشارة للناموس - 00:10:00

احنا ما نعرفش بالزبط هو يقصد انهي اسفار تحديدا. بعض النصارى بيقولوا ده هو يقصد اسفار موسى الخمسة. التكوين والخروج واللاويين والتثنية. قد يكون ده الصحيح لكن احنا ما عندناش الدليل القاطع. هل اصفار موسى الخمسة بالشكل ده كان معروف على ايام - 00:10:20

المسيح عليه السلام وهو ده اللي كان يقصده المسيح وكان يقصده اليهود على ايام المسيح عليه السلام. على سبيل المسال برضو لما عبدالله بن في المشكلة بتاعة اليهود لما جم للنبي قالوا له ايه حكم الزاني فكذبوا عليه؟ فعبدالله بن سلام قال لهم دول كذابين حكم - 00:10:40

زاني في التوراة الرجم. ايه هو نص التوراة اللي كان ما بين ايديهم وقتها؟ هل هو كان التكوين والخروج واللاويين والعدد والتثنية ولا التوراة السامرية ولا شكل من التوراة احنا ما نعرفوش المقصد في النهاية ان كلمة ناموس لما بيتم استخدامها للاشارة الى نص - 00:11:00

بعينه ده صعب علينا جدا تحديده. لكن بشكل عام احنا عارفين ان هم يا اما بيتكلموا عن اسفار اليهود بشكل عام المنسوبة للانبياء واهمهم سيدنا موسى او هم يقصدوا شريعة موسى. ايه بقى اللي كان عندهم اللي كان بيمثل شريعة موسى صعب - 00:11:20

ما نعرفش. السؤال التالت وجدت تقريبا اغلب المراجع المسيحية التي اعتمدها الشيخ في كتابه وبالخصوص المزكورة في المقدمة فهل ابعثها لك اذا اردتها وهل منها فائدة ممكن تبعتها لي ما فيش مشكلة سواء عايز تبعتها لي ابعتها لي الافضل على تليجرام تقدر تبعت الملفات اللي انت عايزها او لو مواقع او اي حاجة. بص يا اخي الكريم ربنا يحفزك - 00:11:40

ويبارك فيك. وفي اخ برضه كان علق على الموضوع ده اختصارا يعني. انا لا اقلل من المراجع اللي رجع لها الشيخ آآ رحمه تالله الهندي لان من ضمنها زي ما قلت الى الان بعضها بيتم الرجوع اليها فعلا. زي مسلا اه تفسير ادم كلارك - 00:12:03

ادم كلارك ده احد كبار العلماء البرتستانت تفسيره كان باللغة الانجليزية لغاية النهاردة بيشار اليه بالبنان عالم ودارس للكتاب المقدس وكان بيعرف في النقد. يعني كان بيشير الى النصوص بلغتها الاصلية وكان بيشير الى - 00:12:23

مخطوطات ومش عالم كده على باب الله ليلي اقصد يعني انه لم يكن يمثل دائما الرأي الايماني التقليدي وانا قلت قبل كده في المحاضرات ان في فرق كبير ما بين الناحية الايمانية التقليدية والناحية تاريخية النقدية. فواحد زي ادم كلارت - 00:12:43

مشهور جدا لغاية النهاردة لزلك هو ده اللي انا افتكرت اسمه لعل الباقيين برضه كانوا علماء ومشاهير وزي الفل. لكن لغاية النهاردة في في اوساط الدارسين اليوم بحسب علمي انا وعلى حسب اطلاعي الباقيين دول ما لهمش ذكر. لكن ادم كلارك لغاية النهاردة حتى ان - 00:13:03

طيروا تم ترجمته الى اللغة العربية وهم شغالين على ده. يعني في موجود تفسير ادم كلارك لسفر التكوين مترجم باللغة العربية. دلالته ان لغاية النهاردة الراجل ده تفسيره بيرجع اليه وبيستفاد منه وانا حتى في ابحاثي قبل كده وفي فيديوهات عملتها وحاجات زي كده - 00:13:23

كده اشرت قبل كده لادم كلارك. لكن هو بشكل عام زي ما قلت حتى ادم كلارك فاحنا بقى عندنا مراجع اقوى واوثق وادق بعض الاخوة يعني قال لي انت كده كانك بتقلل - 00:13:43

من قيمة الكتاب طب انت ما دام كده شرحت الكتاب ليه؟ طب ما وكأنه اتقمص وزعل يعني. كتاب اظهار الحق قيمته مش في راجع اللي بيستشهد بها لان كثير من هذه المراجع يا اما مش هتقدر توصل لها يا اما هي قديمة آآ مش هتعرف تطلعها للمسيحي دلوقتي - 00:14:00

فالقيمة قيمة الكتاب مش في المراجع اللي رجع لها. قيمة الكتاب في الافكار اللي شرحها والافكار اللي هو استدل بها على الحاجة اللي هو عاوز يوصل لها سواء تحريف الكتاب المقدس او اثبات آآ بطلان الوهية المسيح او نقد آآ التجسد - 00:14:20

الصلب والفداء والكلام ده كله. فجوهر الكتاب واهميته الافكار. مش المراجع اللي استدل بها علشان يثبت صحة تالت حاجة هو بيقولها. ففي النهاية لو انا عايز مراجع هقدر اجيب مراجع واشرت في المحاضرات. سواء احنا وصلنا للنقطة دي في الفيديوهات ولا لأ. اشرت في المحاضرات - 00:14:40

ان المعلومات دي موجودة في مراجع تانية واشرت اليها في حينها وهكزا. احنا بنشكر الشيخ محمد رحمة الله الهندي على مجهوده وان اكيد آآ دراسة هذه المراجع الكثيرة في زمنه كانت اصعب بكتير والوصول لهذه المعلومات كانت اصعب بكتير وهكذا. لكن خلاص يعني الاهم بالنسبة - 00:15:00

ان المعلومات اللي هو استخرجها من الكتب. الادلة عليها بقى من خلال بعض المراجع واستشهادات العلماء خلاص احنا ما بقيناش محتاجين ان احنا نرجع لنفس المراجع لان المراجع دي ما فيهاش السر الخفي. نقدر نجيب زيها من مراجعة تانية معاصرة نقدر نحصل عليها - 00:15:20

بسهولة علشان نقدر نعرضها على المسيحي ويقتنع ان بالفعل الكلام ده كان معروف عند العلماء حتى من ايام الشيخ رحمة الله الهند دي من زمان. السؤال رقم اربعة كتاب فيليب كونفورت نيوتاستمنت هل ينصح به في بيان التحريف؟ فيليب كونفورت من العلماء المتخصصين - 00:15:40

في دراسة نص العهد الجديد وتاريخ انتقال نص العهد الجديد. وهو له نظرية او تصور معين ازاي نقدر نوصل للنص الاصلي العهد الجديد له كتاب مشهور جدا اسمه او حاجة زي كده لفليب كونفورت ولودر - 00:16:00

على المخطوطات والبرديات والكتاب ده بتاع له كتب كتيرة يعني. كل كتب فيليب كونفورد يعني ينصح بها في بيان التحريف لانه حتى لو هو كان بيتبنى تصور معين هو بالنسبة للمسيحي التقليدي - 00:16:20

مرفوض. والنقطة دي انا اتكلمت عنها في الفيديوهات الشرح وحتى في فيديو اسئلة. فيما يخص ازاي نقدر نثبت للمسيح ان الكتاب المقدس اسمه حرف احنا في الغالب الاعم لما هتيجي تتكلم مع شخص مسيحي هيبقى مسيحي تقليدي. وفي الغالب هتلاقيه - 00:16:40

يا اما متعسر بالكلام بتاع الثورة البروتستانتية في بدايتها اللي تقريبا كان برضو متأثر المسلمين والثقافة اسلامية فيما يخص تصور المسلمين لوحي القرآن الكريم وعصمة القرآن الكريم. المسيح التقليدي هتلاقيه بيؤمن ان الكتاب المقدس موحى به من الله لفظ - 00:17:00

ولا يحتوي على اي نوع من انواع الخطأ ومعصوم عصمة تامة والكلام ده كله. اي حد اي مخلوق اشتغل في مجال النقد النصي للكتاب المقدس. يعلم قطعا ولا شك ان التصور المسيحي التقليدي - 00:17:20

لحفظ نص الكتاب المقدس باطل. علشان كده كبار علماء النقد النصي كانوا بروتستانت لكن غيروا قادهم فيما يخص وحي وعصمة الكتاب المقدس آآ لدرجة كبيرة وفي منهم ناس طلعوا بتصورات مختلفة هل احنا نقدر نوصل - 00:17:40

العهد الجديد ولا ما نقدرش هو ده الكتاب اللي انت تقصده كومنت. لو انت تقصد الكتاب ده هو كتاب ممتاز جدا جدا. بيفوت على العهد الجديد كله على مواقع آآ فيها - 00:18:00

ما بين آآ المخطوطات وهو بيرجح انهي شكل هو الاصلي وبيشرح المشكلة او بيشرح سبب التحريف او بيعلق عليه مرجع ممتاز جدا جدا ومن اهميته اه ترجمة الاشكال المختلفة للنص في المخطوطات. يعني ايه الكلام ده؟ يعني - 00:18:20

مسلا هو غالبا غالبا بيرجح ما بين شكلين. الشكل اللي موجود في الاقدم والشكل اللي موجود في الاغلب. ده في في الغالب تجيب لك الشكل النصي اللي موجود في اقدم المخطوطات باليوناني وبعدين بيترجمه بالانجليزي. وبعدين بيجيب لك شكل النص اللي موجود في اغلب المخطوطات الباقية - 00:18:40

اليوناني وترجمته بالانجليزي فده بيساعدك ان انت برضو تعرف الشكل المختلف للنص اللي ممكن ما يكونش موجود في نسخة الكتاب المقدس بس اللي ما بين ايديك دلوقتي دي الكلمة دي ترجمتها ايه او معناها ايه وبعدين بقى بيعلق وبيقول لك انهي مخطوطات فيها وانهي مخطوطات ما فيهاش وبعدين غالبا بيشرح لك - 00:19:00

يعني ايه سبب التحريف؟ هو مرجع ممتاز جدا طبعا. السؤال الخامس ما معنى حديث افترقت اليهود على احدى وسبعين فرقة وافترقت مصارعة اتنين وسبعين فرقة؟ هل عدد مصاري هيك موسى بعينا نعرف فقط البروستات واللازم. بص يا اخي الكريم العلماء عندهم اكسر من تفسير في قول النبي محمد صلى الله عليه وسلم احدى - 00:19:20

واتنين وسبعين وتلاتة وسبعين. المفروض بقية الحديس بيقول انه وستفترق امتي بعدد اكبر من اليهود ومن النصارى. فيه بعض العلماء قالوا ان العدد ده مقصود وفيه بعض العلماء قالوا ان لأ العدد مش مقصود. ده اسلوب من اساليب العرب في بيان الكثرة. زي ما الله عز وجل - 00:19:40

يقول في القرآن الكريم ان تستغفر لهم سبعين مرة لن يغفر الله لهم. فيعني هو السبعين مرة يعني تمسك السبحة وتعد رقم سبعين لأ مش ده المقصود في الغالب المقصود يعني بيان الكثرة ان انت حتى لو استغفرت لهم عدد كبير من المرات - 00:20:00

ده مش هينفع وربنا مش هيغفر لهم. فهو الحديث معناه ان اليهود افترقت بعدد كبير بس اقل. والنصارى افترقت بعدد كبير بس اكتر من اليهود. وهييجي المسلمين يفترقوا بعدد اكبر من الاتنين. فمش المقصود العدد. آآ - 00:20:20

انه ان هتعد اتنين وسبعين او تلاتة وسبعين بالزبط واحد وسبعين او اتنين وسبعين بالزبط. لأ مش ده المقصود المقصود هيتفرقوا لعدد كبير من الفرق. ممكن واحد ييجي يقول لك يعني هم النصارى افترقوا لدرجة انه يتقال سبعين - 00:20:40

سبعين يعني المقصد رقم كبير اكتر من عشرة عشرين تلاتين رقم كبير. الواقع يا اخي الكريم ان لو احنا حبينا هنعد طوايف النصارى من اول رفع المسيح عليه السلام للسما. لغاية النهاردة انا اكاد اجزم انه هيعدي المية - 00:21:00

البروتستانت ما بينهم وما بين بعض عدد فرق مهول. البروتستانت ما بينهم وما بين بعض عدد فرق اهون. كذلك المنتسبين للارثوذكس عدد كبير كذلك الكاثوليك رغم ان بيرأسه البابا الا ان في زي ما تقول كده مدارس تحت الكاثوليك - 00:21:20

برضه بيختلفوا ما بينهم وبين بعض مش مش بالحد الكبير لكن ده ايضا موجود. فوق ده كله ان فيه اصلا طوايف كثيرة جدا مبكرة قديمة دول لوحدهم يتعدوا عشرة عشرين طايفة لوحديهم. اللي هي - 00:21:44

اشهر الهرطقات اللي كانت موجودة قبل ما اجمع نيقيا سنة تلتمية خمسة وعشرين ميلادية. فلأ انت وكذلك اليهود نفس الكلام يعني فالواقع ان بالفعل صدق رسول الله صلى الله عليه وسلم اليهود فرق كثيرة جدا جدا النصارى فرق كثيرة جدا - 00:22:00

للاسف الشديد برضه مسلمين فرق كسيرة جدا جدا لكن طبعا اسباب التفرق مختلفة وتفرق المسلمين اسبابهم واسباب تفرق مسلمين مختلفة تماما عن اسباب تفرق اليهود والنصارى لكن هو ده الواقع يعني هنا الاخ بيقول انا اعرف فقط البروتستانت والاريوسين والكاثوليك - 00:22:21

والارثوذكس وشهود يهوى. لا البروتستانت دول تحتيهم زي ما قلت عدد كبير جدا من الطوايف. الاريوسين مجرد مثال على ارتقات القديمة اللي كانت موجودة قبل مجمع نيقيا انا كنت عملت حلقة عن اشهر الهرطقات اللي كانت موجودة قبل مجمع نيقيا - 00:22:44

هحط اللينك ان شاء الله تحت في وصف الفيديو. الكاثوليك تعتبر يعني ابرز طايفة متماسكة لكن هي برضه تحتها مدارس والارثوذكس تحتيها طوايف زي ما قلت قبل كده البابا تواضروس الثاني بابا الكنيسة القبطية الارثوذكسية مش هو بابا الارثوذكس في كل العالم وفيه ارثوذوكس - 00:23:04

هنا وهناك بغض النظر عن المسميات. فيه كتب كتيرة آآ النصارى مؤلفينها في في فرق النصارى. سواء القديمة او المعاصرة يمكن اخر تعليق حابب اقوله في النقطة دي ان ليه البروتستانت عددهم كبير جدا جدا لطوائف البروتستانت مختلفة وكثيرة - 00:23:23

جدا ليه؟ لان هم رافضين الهيكلة الكنسية. نظام الهيكلة الكنسية كان بيحافظ نوعا ما على ان ان يبقى فيه طايفة متماسكة لكن بما انهم بينكروا الكهنوت وبما انهم بينكروا الهيكلة الكنسية وبما انهم - 00:23:43

بينكروا حاجات كثيرة جدا في التقليد الابائي. وكل واحد بقى شغال بدماغه وفهمه حسب ما بيقدر يستشف من النصوص ان يعني البروتستانت تكاد كل كنيسة بروتستانتية تكاد تكون فرقة مستقلة بذاتها. السؤال اللي بعد كده هل يستلزم في - 00:24:03

قول في مرحلة المحاورة للنصارى حفظ النصوص المتناقضة ومواضعها بكتبهم مثل ما نرى في مناظرات الشيخ ديدات رحمه الله دكتور زاكر. بص يا اخي الكريم هتقدر تحفز كان بها. ولكن الاولى يعني لو انت مش حافظ كتاب الله هتخصص جزء من - 00:24:23

دماغك وزاكرتك علشان تحفز نصوص الكتاب المقدس فهذا يعني مش عايز اقول كلمة تجرح بس ده يبقى وحش اوي يعني. وحش وحش لو انت ما شاء الله عليك حافز كتاب الله عز وجل. ويعني حافظ من النصوص الشرعية الاسلامية وعندك فائض من - 00:24:43

دماغك عايز تخصصه لحفظ هذه النصوص ربنا يعينك. انا حابب اقول نقطة مهمة يمكن انا كررت التعليق ده اكتر من مرة لكن كويس انه جه السؤال ده في السلسلة دي. اغلب الاخوة الافاضل اللي بيظهر عليهم ان هم حافظين ده مش هو ما قعدش يحفظ. هو - 00:25:03

ومن كتر التكرار ومن كتر المناظرة ومن كتر المجادلة والمحاورة ومن كتر ما استشهد واقتبس بهذه النصوص والشرع هذا الكلام ورجع له عشرة وعشرين وتلاتين وميت مرة حفظ لدرجة انه بقى بيحفظ بالشاهد. انجيل يوحنا سبعتاشر تلاتة - 00:25:24

وهزه الحياة الابدية نعرفوك انت الهلال الحقيقي وحدك ويسوع المسيح الزي ارسلته يوحنا عشرة تلاتين عشرة وعشرة تلاتين انا والاب واحد احفز بالشواهد من كتر ما فات عليه ومن كتر ما تحاور به هو ما كنش قاصد انه يحفزه. الا بقى لو في يعني في ايام الشيخ - 00:25:44

احمد ديداتو ولعلي برضه الشيخ الدكتور زاكر نايك او حتى الشيخ رحمة الله الهندي او غيره. مقام المناظرة دي حاجة تانية ولها برضو انا ازاي هنازر ؟ لكن انا بقول احنا دلوقتي اصبحنا في عالم ديجيتال. انا مش محتاج احفز. انا لو مزبط لنفسي - 00:26:04

ملفات وورد محترمة جداول محترمة وملخصات محترمة وحاططها على التابلت او حاطه على الكمبيوتر او حاجة زي كده. احنا النهاردة نتناقش في ايه يا جماعة؟ هنتناقش في الوهية المسيح من الكتاب المقدس - 00:26:24

طيب كويس قوي. هقوم مطلع الملف اللي فيه نصوص العهد الجديد اللي ضد الوهية المسيح. وانا طبعا مش اول مرة اقرا الكلام ده انا قريته مرة واتنين وتلاتة وعشرة وعشرين وتلاتين - 00:26:38

وده يكاد يكون علشان بس ما انساش حاجة. ولما اجي اتناقش عادي جدا افتح الموبايل ولا عادي جدا افتح اللابتوب او التابلت علشان افتكر لك النصوص وعلشان اتأكد من استشهادي للنص او ايا كان. سواء بقى انا هستشهد بالنصوص او بمراجع او تفاسير - 00:26:51

او ايا كان. ده من ناحية الحفز بشكل عام. فيه بقى نقطة تانية ان اه ما فيش مشكلة. ان انت لو اه هتخش بقى مجال اه الحوار والمجادلة والمناظرة وهتتكلم في مواضيع معينة وعايز تبقى متأكد انك حافظ النصوص اللي لها علاقة - 00:27:11

كان موضوع معين على سبيل المثال زي ما هو مذكور في السؤال. انا مسلا هتكلم عن تحريف الكتاب المقدس فهأصل الاول لفكرة ان وجود تناقض في الكتاب المقدس يعني وجود خطأ والخطأ يعني عنصر بشري يعني ده معناه - 00:27:31

اي يا اما الكتاب مش موحى به من الله اصلا او ان الكتاب كان موحى به من الله لكنه دخله التحريف. يا تن تن يا تنتن. طب ايه المسال على التناقض - 00:27:49

خد انا انا وافقتك على اللي انت اصلته ده. هيا بنا نثبت ان الكتاب المقدس فيه تناقض. لو انت مش عارف مواطن التناقض فين هتقيم عليه الحجة ازاي ؟ فيا اما تبقى حافظ يا اما تبقى مجهز الملفات - 00:27:59

متفهرسة بالمواضيع وخلي بالك الناس اللي بتشتغل على برنامج البلطوك او اللي بتشتغل على الكلاب هاوس او غيره خصوصا الناس اللي سواء سواء متخصصة من ناحية المسلمين لان انا انا مش بتكلم عن النية دلوقتي - 00:28:16

لان في المقابل المسيحي احنا وجدنا ان في نصارى بيمتهنوا مهنة ان انا عايز اشكك المسلمين في دينهم وبينتهنوا مهنة عرض الشبهات على المسلمين وتشكيكهم في دينهم. فيبقى هو مجهز ملفات كتب - 00:28:33

الكترونية قادر على البحس فيها. انا دخلني مسلم. ازيك يا مسلم النهارده عامل ايه؟ تحب نتكلم في انهي موضوع؟ ده انا عندي كتاب الكتروني تقسم بالمواضيع. طب ايه رأيك في الموضوع الفلاني واقوم دايس على الموضوع؟ الاقي الشاشة فتحت لي كل النصوص او كل الاستشهادات مواطن - 00:28:53

من الشبهات اللي انا هقولها على المسلم. في ظهر هذا الشخص بمظهر انه ايه ده ده حافز الاحاديث وحافظ آآ ارقامها وده فين ومنين شغل اه زي ما هم بيعملوا كده احنا ممكن نعمل كده. وفي الاخر بقى اللي معه الحق اه يشكر على مجهوده - 00:29:13

انا نفسي عامل مسلا ملزمة ملزمة فكرة شاملة عن الكتاب المقدس دي ايه لازمتها؟ فهرسة بالمواضيع المتعلقة بالكتاب المقدس الاقتباسات لما اعوز ارجع لاقتباس معين اعرف ارجع له وبسهولة الكتاب المقدس كتاب غريب ومحير. لو عايز نصوص عن القتل او عن كذا او كذا او كذا ملزمة متفهرسة بالمواضيع اقدر ارجع لها بسهولة - 00:29:33

الملزمة بتاعة نصوص كتابية ضد المسيحية. هحط الملازم دي كلها ان شاء الله روابطها تحت في وصف الفيديو. في النهاية انا من الناس اللي بتشجع ان انت اصل معلش انا بعاني من ده. ما تكونش انت بتجاهل نفسك عشان تحفز كتاب الله وما انتش حافظه كويس او - 00:29:55

وان انت ممكن تحاول تقتبس اية من القرآن الكريم وتخونك الذاكرة وما تعرفش تقتبسها ولا تقتبسها غلط ولا اي خيبة احنا واقعين فيها انا شخصين وقع فيها واقوم انا ابذل مجهود في حفز النصوص الكتابية اقصى شيء ممكن تعمله زي ما قلت قبل كده كتير - 00:30:15

ان انت تحفز كلمات دلالية بحيث ان انت يبقى عندك على الموبايل برنامج بحس في الكتاب المقدس وممكن احط لينك البرنامج اللي انا بستخدمه او عندك على الكمبيوتر لينك البرنامج باحس في الكتاب المقدس او موقع او ايا كان. اه انا عايز اقول له النص بتاع اه - 00:30:35

حينئذ سيخضع الابن يبقى انا عارف الكلمة المفتاحية سيخضع الابن او كي يكون الله الكل في الكل يبقى دي مفتاحية. انا مش فاكر النص كله بيقول ايه. ولا فاكر النص ده موجود فين. بس انا فاكر كلمة مفتاحية بكتبها في البحس يطلع لي - 00:30:55

قص بالكامل اقول له اتفضل ادي النص اهو. هو ده الشاهد. ودايما وغالبا الكلمة المفتاحية دي بتكون الشاهد من النص اللي هو هو انت جايب النص ده ليه اصلا عشان الحتة دي ؟ ان يعرفوك انت الاله الحقيقي وحدك - 00:31:15

ابي اعظم مني. ابي اعظم من النصوص دي انا مش فاكر هي فين بالظبط. لكن انا عارف الكلمات المفتاحية او بها في ملف ورد. ويعني لا احب ان اطيل في الموضوع ده اكتر من كده ازن يعني وجهة نزري وصلت. السؤال بعد كده هل يستلزم - 00:31:34

اللغة اليونانية لدراسة المخطوطات القديمة جزاك الله خيرا. بص يا اخي الكريم من اساسيات المعلومات اللي احنا بنعرفها لدراسة الكتاب المقدس لغات الكتاب المقدس. ان العهد القديم مكتوب باللغة العبرية وبعض المقاطع باللغة الارامية وبعض الاسفار باللغة اليونانية القديمة. والعهد الجديد بالكامل مكتوب - 00:31:54

باللغة اليونانية القديمة. يبقى بالتالي اي دراسة جادة. اي دراسة جادة لنص العهد القديم استلزم تعلم اللغة العبرية. واي دراسة جادة خلي بالك ما يعني انا برضه يعني بيجي في دماغي حاجات يا محمد انت - 00:32:14

ده انت انت بتدرس نص العهد القديم. انت دارس اللغة العبرية لأ. بس على الاقل هي بالنسبة لي زي ما قلت في السؤال الاولاني. هي بالنسبة لي مش هيروغليفي الحروف العبرية انا عارفها اه في بالنسبة للعبري بالنسبة لي انا في مشقة ان انا اقراها بس هي على الاقل - 00:32:34

مش بالنسبة لي هيروغليفي مش بالنسبة لي رموز ما لهاش معنى. باعرف اتعامل معها لما اكون محتاج اتعامل معها. باعرف اقرا نص باعرف اجيب البرامج اللي بتترجم باعرف اجيب البرامج اللي فيها معاجم باعرف اجيب المراجع اللي بتتناول النص العبري - 00:32:54

اعرف اتصرف مش بطيخة خالص في الموضوع. فده اقل حاجة اي دراسة جادة للعهد القديم لازم تكون عارف عبري. واقل مستوى من المعرفة انك عارف الحروف وعارف تقراها. اي دراسة جادة لنص العهد الجديد يستلزم دراسة اللغة اليونانية - 00:33:14

قديمة واقل معرفة للغة اليونانية انك تعرف تقراها. بعد كده بقى زي ما قلت ترجع بقى لمراجع ترجع لبرامج ترجع لميعاد ترجع لقواميس لكن لازم طب يا اخي انت ما جبتش سيرة المخطوطات. ما هو مخطوطات العهد القديم مكتوبة ايضا بالعبري. مخطوطات - 00:33:34

العهد الجديد مكتوبة باليوناني. اه فيه ترجمات للعهد القديم ماشي. بس اه النص الاصلي. النص اللي بيعتمدوا عليه بانهي دي لغة ومخطوطاتها بانهي لغة. العهد القديم بالعبري العهد الجديد باليونان. فلو انا عايز ادرس نص العهد الجديد بمستوى من الجدية زي ما قلت - 00:33:54

وارجع للمخطوطات واشوف نص المخطوطات او على الاقل مراجع بتتناول هذه المصادر لازم زي ما قلت وباكرر تاني اقل مستوى من المعرفة باللغة اليوناني قرايته العبري قرايته. اقل حاجة. هطرح انا بقى سؤال. طب هو - 00:34:14

الاحسن ولا الافيد ولا الاولى لو احنا هندرس الكتاب المقدس. ندرس يوناني ولا ندرس عبري؟ لان السؤال ده متكرر كتير. انا بقول اليوناني ابواب تطبيقاته اوسع من العبري. لان اليوناني هينفعك في دراسة العهد القديم من ناحية - 00:34:34

الترجمة السبعينية اليونانية ودراسة العهد الجديد من ناحية الاسفار بتاعة العهد الجديد ودراسة المسيحية من ناحية كتابات الاباء الاوائل وهكذا فالخلاصة لو انت هتتخصص في المسيحية يبقى تدرس يوناني لو هتتخصص في اليهودية او او العهد القديم يبقى تدرس عبء - 00:34:54

انت بقى وتشوف يعني المجال اللي انت فيه. الناس اللي بتناقشهم يهود او محتاجين دراسة العهد القديم اكتر ولا لأ دي يعني انت وزي ما انت شايف يعني. متى نبدأ في قراءة الانجيل محرف؟ بص يا اخي الكريم قراءة الكتب المقدسة دي مش مش حوار يعني - 00:35:14

على عكس ما المسيحيين بيتخيلوا او بيأملوا او بيتمنوا ان المسلم هيفتح العهد الجديد هيقراه هيتنصر ولا لو هيفتح العهد القديم او لم او لو هيفتح الكتاب المقدس ويقراه هيتنصر. الكلام ده غير حقيقي وغير واقعي - 00:35:34

غير موجود في الوجود فيعني هو اجابة السؤال ده انه انت امتى تدخل اصلا مجال الحوار الاسلامي المسيحي ومقارنة الاديان والكلام ده كله لازم تكون مت اتقن عقيدتك الاسلامية. لو انت هتدخل في موضوع دراسة الكتاب المقدس - 00:35:54

يبقى انت خصوصا في دراسة العقيدة لازم تدرس آآ العقيدة في الله عز وجل ولازم تدرس العقيدة في كل حاجة الكتاب المقدس بيتكلم عنها. ودي نقطة مهمة زيادة على ده. يعني تدرس العقيدة كلها من الاخر. لازم تبقى متقن العقيدة - 00:36:12

ايه ده! لازم عشان لما تقرا عن الله في هذه الكتب تبقى عارف ده غلط ولا صح. ما ينفعش تقرا في هزه الكتب وانت آآ ابيض يا وردي ما انتاش دريان هل يجوز نتكلم عن ربنا بالشكل ده ولا ما يجوزش؟ فلازم تدرس العقيدة الاسلامية كويس ولازم تضبط اعتقادك - 00:36:32

فيما يخص الكتب دي انا اعتقادي ايه في الكتب دي اصلا؟ وانا باقرأ الكتب دي ليه اصلا؟ غير كده فيعني ممكن تقرا. انا شخصيا انا عامل فيديوهات اللي هي قراءة محتويات العهد القديم هحط اللينك تحت في الوصف. وعامل محاضرات صوتية قراءة في الاناجيل واعمال الرسل ورسايل بو - 00:36:52

برضو موجودة في الوصف. انا للاسف يعني في المحاضرات الصوتية ما كملتش العهد الجديد كله. وفي الفيديوهات بتاعة العهد القديم ما كملتش العهد القديم كله لكن ان شاء الله ان شاء الله في مستقبل قريب عاجل نكملهم. اللي ما بدأتش فيه فيديو هبدأ فيه فيديو واللي بدأت فيه فيديو ان شاء - 00:37:12

ان شاء الله اكملوا. اهم حاجة بس في موضوع القراءة ده زي ما قلت. تضبط اعتقادك وانا ليه باقرأ؟ انت انت فاتح انت ليه عاوز تقرا الانجيل محرم لو ما عندكش تصور هو انا ليه بقرأه وليه بتعرف عليه؟ وليه بدرس نصوصه؟ ما تفتحوش احسن. سؤال بعد كده هل - 00:37:32

هنالك ترجمة عربية كاملة للترجمة السبعينية اليونانية العهد القديم لأ ما فيش لغاية دلوقتي هم شغالين فيه فيه عندهم الراجل اللي شغال في الترجمة احمد يزن السلك. الكتاب ده هو طبعا الفوكس مش هيظهر عليه. هبقى اعرضه انا في الفيديو يعني. في عندهم كزا حد اشتغل - 00:37:52

ابتداء في موضوع آآ ترجمة عربية للسبعينية اليونانية. ابيفانيوس المقاري اشتغل في الموضوع شوية وبعدين اتقتل في الدير وبعدين فيه واحد تاني بقى اشتغل في الموضوع اسمه خالد جورج اليازجي. واظن برضه ان الناس بتوع - 00:38:12

اه الترجمة يوناني عربي بين السطور والعبري عربي بين السطور اعتقد ان هم شغالين على الترجمة السبعينية اني عربي بين السطور. المهم السلسلة دي هي اكمل سلسلة حتى الان. اللي هي الترجمة بتاعة السبعينية - 00:38:32

بتاعة خالد جورج اليازجي. هو كل سنة بيطلع مجلد. فهو طلع مجلد. المجلد بتاع توراة موسى. اللي انا اللي انا ماسكه في ايدي ده توراة موسى اصفار موسى الخمسة وبعدين الاسفار التاريخية الجزء الاول والاصفار التاريخية الجزء التاني اعتقد ان بس ده اخره. لو - 00:38:52

وطلع اكتر هعرضه على الشاشة. لكن هو ما كملش العهد القديم كله. وحتى اعتقد ان حتى يعني في بعض الكنايس الاخرى التابعة للكنيسة القبطية الارثوذكسية بعمل فردي قعدت تترجم هي كمان يعني ازن في ترجمة لسفر ايوب وفيه ترجمة لمراسي ارميا - 00:39:12

وفيه ترجمة للانبياء الصغار وفيه ترجمة لسفر اشعيا. برضو كل مجهوداتهم لم تؤدي الى آآ ان انت تجمع من المصادر المختلفة دي ترجمة كاملة عربية للسبعينية اليونانية. لكن اظن يعني سنتين تلاتة بالكتير خمسة هيكونوا - 00:39:32

خلصوا على الاقل السلسلة دي هتكون خلصت يعني. هيبقى عندك ترجمة عربية كاملة للسبعينية اليونانية بالعربي. لكن خلي بالك يعني المراجع دي هي مجرد مراجع بتساعد لكن اوعى اوعى مرجع خصوصا عربي خصوصا - 00:39:52

خصوصا عربي تاخده على انه يعني يعني كان فيه اخ حتى كان بيتكلم عن اليوناني عربي بين السطور والعبري عربي بين السطور في مواضع كثيرة تدليس وخلي بالك هقول لك بقى نقطة لو عاوز تعرف آآ ازاي تكشف موضع التدليس. انت مسلا في نص معين النص ده مشهور - 00:40:12

ان في كلمة معينة هي محل الخلاف او هي محل الاشكال. بدل ما تفتح المرجع على النص ده علشان تشوف النص ده المرجع ده بيقول ايه في النص ده؟ لأ انت دور على نفس الكلمة في نصوص تانية. نصوص تانية ما عليهاش خلاف - 00:40:35

ودور في المراجع وشوف المراجع دي لما جت على الكلمة دي في النصوص اللي ما فيهاش خلاف قالت ايه؟ لانك كثيرا تجد في راجل عربية تحديدا اشمعنى المراجع العربية اللي هي تقدر تقول ان هي منفصلة عن العالم الاكاديمي - 00:40:53

المحكم اللي هو فيما معناه انا هخترع اللي انا عايزه او هقول اللي انا عايزه بدرجة ما وغالبا مش هلاقي في العالم العربي كله حد يطلع يقول لي ان انا غلطان. لكن لو انت آآ راجل اكاديمي في الغرب وطلعت عمل اكاديمي مهم - 00:41:13

زي مسلا ترجمة للسبعينية او حاجة زي كده هتلاقي عشرميت واحد هيشتري المرجع لينتقده ويختبره ترسمدة دقته. فلو انا مألف فيه ومخترع هتفضح. انا فاكر كويس اوي ان انا اشتريت الترجمة دي ترجمة توراة موسى - 00:41:33

ترجمة عربية للسبعينية هي من اصدار مكتبة مسيحية. بفوت عليها كل سنة في معرض القاهرة الدولي للكتاب اشوف ايه الكتب الجديدة اللي عندهم. فالراجل اللي واقف في المكتبة عارفني عارفني شخصيا قال لي ايه رأيك في الكتاب بتاع السنة اللي فاتت ومش عارف مين قلت له لأ فيه مشاكل فيه نصوص معينة ارجع كده شف - 00:41:53

هو قايل ايه عن النص ده وتعليقاته الهامشية على النص ده قايل فيها ايه. الكلام ده غلط. الكلام ده غلط والدارسين عارفين الكلام ده غلط. فيعني متى املش نفسك ان اه هو المرجع ده نعتمد عليه لأ. دايما نوع مراجع اجنبية. المراجع يعني لو انت جاد خلي بالك - 00:42:13

برضو لو انت جاد في دراسة النقد الكتابي او نقد المسيحية او كذا لازم يبقى لك حظ من اللغة الانجليزية واقل مستوى مش ان انت تعرف تقرا الحروف كده لأ تقرا وتفهم تعرف تقرا كتب بالانجليزي تفهم منها - 00:42:33

اي نعم اه دلوقتي زي ما بنقول ثراء المكتبة العربية اللي بترجم انجليزي لعربي او الماني لعربي او فرنساوي العربي اه بقى عندنا مراجع كتير بس برضو يعني. لأ يعني كل ما بتحط ما بينك وما بين المصدر وسايط - 00:42:53

ما تبقاش مطمن قوي المعلومة اللي انا قريتها دي صح فعلا ولا لأ ؟ السؤال رقم عشرة وغالبا ده اخر سؤال. هل يمكن لباحس ان يكتب بحس في المقارنة بين الطبع الاول للقرآن الكريم والكتاب المقدس وهل منه فائدة؟ انا مش فاهم يعني ايه الطبع الاول للقرآن الكريم - 00:43:13

كريم لو انت تقصد المخطوطات الاولى للقرآن الكريم مصاحف المبكرة مصاحف القرن الاول الهجري بص يا اخي الكريم هو دايما فيه فايدة واي مقارنة حقيقية دقيقة ومعتمدة بمعنى ان معلوماتها الصحيحة ما بين - 00:43:33

القرآن الكريم والكتاب المقدس او الاسلام والمسيحية او الاسلام واي حاجة دايما انا انا من انصار اللي بيقولوا ان دايما ده افضلية الاسلام. لا يمكن تحط الاسلام ومصادره في كفة - 00:43:53

واي حاجة تانية قصادها وتقارن الا وهيبين افضلية الاسلام. انا بعتقد بشكل عام ان مجال للمصاحف القرآنية القديمة ومجال الدراسات المتخصصة المتعلقة تاريخ انتقال للقرآن الكريم خصوصا من ناحية المخطوطات لسة محتاج دراسات كتير ولسه محتاج شغل كتير ولسه محتاج تأليف كتير يستحق - 00:44:10

انه يكتب فيه كتير كتير كتير. مؤخرا الدنيا بقت افضل. ووجدنا ان فيه بعض الجهات بتجيب هذه المصاحف القديمة منسوبة للصحابة اه مصحف سيدنا علي اكتر من مصحف منسوب لسيدنا عثمان. مصحف برمنجهام مصحف مش عارف مين ومش عارف ايه. وبيبتدوا - 00:44:40

المخطوطات صنعاء على سبيل المسال ويبتدوا يدرسوا ويقارنوا ويدرسوا ويقارنوا وبتاع. في كتب بالفعل موجودة في الموضوع ده بس انا بعتقد احنا لسة محتاجين كتير على كافة المستويات. لسة محتاجين على المستوى الاكثر تعقيدا - 00:45:00

تخصصا ومحتاجين على المستوى الشعبوي. المستوى البسيط مستوى عامة الناس. انا لو عاوز اقدم كتاب لواحد مسلم بسيط اقول له اقرا عن تاريخ انتقال نص القرآن في مقابل تاريخ انتقال نص الكتاب المقدس ويكون كتاب بسيط وسهل - 00:45:20

ومزين ببعض الصور المخطوطات المصاحف القديمة ومخطوطات الكتاب ومش عارف مين ومقارنات سهلة وشرح سهل ورسومات سهلة في كتب اه موجودة بس يعني مش على المستوى العامي. اهم حاجة بس اه اي مقارنة هيبقى فيها فائدة ان شاء الله بازن الله. بس تكون - 00:45:40

عن علم وبصيرة وربنا ينفع بجميع الباحسين الزين يريدون الانتصار للاسلام العزيم وبيان زي ما بحب اقول دايما افضلية الاسلام على كل الاديان والمزاهب والمعتقدات الاخرى. نكتفي بهذا القدر في هذا الفيديو - 00:46:00

فالى لقاء اخر باذن الله عز وجل يوم الثلاثاء القادم فيديو جديد في شرح كتاب اظهار الحق للعلامة محمد رحمة الله الكيراناوي الهندي وبعديها الساعة حداشر بتوقيت القاهرة اتناشر بتوقيت مكة المكرمة. لقاء اخر مباشر نتناقش فيه. فيه اسئلة حول - 00:46:20

موضوع الكتاب والحوار الاسلامي المسيحي والكلام ده كله وجزاكم الله خيرا على حسن الاستماع. سبحانك اللهم وبحمدك اشهد ان لا اله الا انت استغفرك واتوب اليك. الى لقاء واخر قريبا جدا بازن الله عز وجل. والسلام عليكم ورحمة الله وبركاته - 00:46:40

- 00:47:00