Transcription
اذن كتعرف البيئة وتعرف الوضع كيفاش غادي دير. فهادي مجرد ما ترجم والو دابا هادا راه نهار تمنية غدا سميتو تسعود. تسعود هو الوقوف بعرفة الوقوف بعرفة ركن من اركان الحج - 00:00:00ضَ
وفي الحديث الحج عرفة علاش قال الحج عرفة؟ كيقولك اودي ما عندو وقت الى فلت لك مشى مفيهشاي التيساع لأن الطواف عندك الشهر كامل الطواف طواف الافاضة يعني مزيان يكون نهار عشرة ويلا مدرتوش نهار عشرة لا بأس بذلك ما فيه لا فدية ولا والو واخا تأخروا - 00:00:15ضَ
عندك شهر كامل كلو ذي الحجة يمكن لك دير طواف الإفاضة ولما دير طواف الإفاضة عندك السعي بين الصفا والمروة فإذن عندك الوقت الأركان كلها عندك الوقت ما عدا النية اللي خصها تكون لهيه فالميقات وعرفة - 00:00:39ضَ
عرفة عندك نهار تسعود لا قدر الله لي يفلتلو نهار تسعود ضاعلو الحج ديالو والحمد لله يعني الإنسان عادة راه كيكون مع الجماعة مغاديشاي. لأن بعض الناس كيكون فيهم شوية ديال - 00:00:52ضَ
يعني الفضول وخاصة يعني بنادم ايلا ما قاريش تيمشي يبدا يتسارى بوحدو ولا شي حاجة يتوضر كيصدق يلاقي راسو فمكة ونهار تسعود مشى للحج نهار تسعود خصو يجيبك فعرفة وخاصة النصف الأخير من النهار يعني من العصر حتى للمغرب خاص تغرب عليك الشمس ديال نهار تسعود فلوطيا ديال عرفة الى مشينا - 00:01:08ضَ
ضربت عليك الشمش نهار تسعود فشي موضع اخر اللي ماشي هو عرفة الحج العام الجاي ولذلك قال الحج عرفة بحال لي كيقولك ردو البال لعرفة ولهذا ايضا يعني ذكرت بأنه الإنسان - 00:01:32ضَ
ملي كيصبح النهار ديال تسعود النهار ديال تسعود راه كتجي يعني الجهة اللي مسؤولة عليكم كتعزكم بالحافلات راه الأمور منظمة كتركبو وتنطالقو لعرفة كتكون صليت الفجر الصبح والفجر يعني الفجر الصلاة اللولة الفريضة اللولة بنافلتها كتكون صليتها في منى نهار تسعود في منن - 00:01:48ضَ
ومع يعني بداية النهار راه كيهزوكم باش تمشيو لعرفة اذن كيبقاو قدامك في عرفة الظهر والعصر المغرب والعشاء مغتصليهمشاي في عرفة. عندك غير الظهر والعصر كاين واحد المسجد تما في الحدود ديال عرفة يعني شاد على عرفة نيشان لأن شني هي عرفة؟ هي واحد البطحا واحد الوطية كبيرة تنتهي بجبال من - 00:02:12ضَ
هداك الجبل لي كيتسمى جبل الرحمة فيه واحد الصخرة كبيرة طايحة فلرض تما وقف النبي صلى الله عليه وسلم نهار عرفة حدا هاديك الحجرة كتسمى يعني الصخرة جبل كيتسمى جبل الرحمة - 00:02:37ضَ
قلت ادن هاد الوطية تنتهي بمسجد سميتو مسجد نمرة مسجد نمرة راه الإمام تما كيصلي الظهر والعصر جمعا وقصرا ركعتين في ركعتين كيقصر الصلاة. وبالجمع وكيخطب واحد الخطبة فبالنسبة لي يقدر يوصل لتما يصلي مع الامام شيء حسن - 00:02:51ضَ
ويسمع الخطبة ديال الإمام ما قدرشاي لتعب في بدنه او لمرض لا قدر الله او لأي علة من العلل واخا يكون غي التعب يجلس فالخير القيمة ديالو ويصلي الظهر والعصر تما جمعا وقصرا بلا خطبة بلا حتى شي حاجة ولا بأس بذلك - 00:03:13ضَ
لكن اللي قادر وما عندوشاي مسؤوليات كتيرة ما متبعش معاه شي يعني واحد العدد دالناس او مسؤول بعيالات او كدا الى اخره يعني او هو بوحدو مزيان يمشي لتما او اذا كانت مرا قوية يعني يمكن لها تمشي تمشي راه كاين محل ديال النساء ويصليو كاملين في مسجد نمرة اذا استطاعوا لذلك - 00:03:29ضَ
جمع تقديم طبعا لأنه كيصليو في الوقت ديال الظهر. كيصليو في الوقت ديال الظهر كيصليو معه العصر. جمعو تقديم نعم فإذا حصل ذلك التجأ للخيمة ديالك ماتجلسوشاي فالشمش خاصة اذا كان نهار مشمس - 00:03:49ضَ
لأنك راك محتاج لصحتك مزال عندك الخدمة. فنهار عرفة نص نهار التالي وغادي تحتاج الخدمة في مزدلفة ومزال تحتاج الخدمة في في منى جمرة العقبة ومازال مازال باقي خدمة مازال الطواف طواف الإفاضة مازال كلشي - 00:04:08ضَ
ولذلك بنادم مايبقاش يعني يغامر بالشمس الشمس ديالهم صعيبة حارة سبحان الله العظيم. فلذلك بنادم يحتاط يعني احتاط على الصحة ديالو والكمال على الله ربي تعالى هو اللي كيحفظ انما الإنسان يدير عاود الأسباب ديال ديال الصحة وما يكونش متهور - 00:04:24ضَ
يمشي للخيمة ديالو يستارح والخيام عادة كيديرو مكيفة. يعني فيهم مزيانين الحمد لله فإذا كيجلس فالخيمة ديالو حتى لديك الوقت يعني ديال يعني كيبرد الحال شوية وتولي الشمس رطبة يعني الوقت اللي كيسميوه الأصيل - 00:04:39ضَ
يمكن لو يخرج يمكن لو يجلس في الخيمة. يدير يعني الوقفة ديال عرفة يمكن لو في الخيمة يمكن لو يخرج. الى قدر يخرج. يعني والشمس ديك الساعة ما كضرش به ديال الله عز وجل. بغا يمشي لداك - 00:04:56ضَ
المكان اللي وقف فيه النبي صلى الله عليه وسلم او يقرب لو مزيان انما راه كيكون فيه الزحام شديد جدا فالزحام ما يدخلوش بنادم كاين الشجر ادايرين شي شجرات يعني هوما قلال ولكن موجودين فكل موضع يمكن الانسان يوقف تحت واحد الشجرة ويستقبل القبلة - 00:05:06ضَ
يستقبل القبلة ويهز يديه على طريقة الإبتهال لأن كاين الدعاء وكاين الإبتهال. الدعاء ان ترفع يديك حذو منكبيك هكذا. والابتهال ان تمدهما. هذا في الحديث صحيح المسألة ان ترفع يديك حدو منكبيك والابتهال ان تمدهما والاستغفار ان تشير باصبع واحد - 00:05:23ضَ
فإذا النبي صلى الله عليه وسلم فهاد النهار دعا ربه مبتهلا اي رفع يديه بالمدهما مدا. عليه الصلاة والسلام وكان راكبا على ناقته كان راكب على الناقة ديالو هاز يديه بجوج وشاد اللجام ديال النقب واحد اليد - 00:05:46ضَ
وهو يدعو ربه مستغرق في الدعاء حتى سقط زمام او لجام الناقة من يده داك اللجام ديال الناقة طاح لو من يدو ملي طاح خلا واحد اليد مهزوزة وديك اليد لخرى هبطها شد اللجام ديال الناقة وعاود هز يديه هدا دال على الحرص ديال النبي صلى الله عليه وسلم على الدعاء وعلى رفع يديه ومدهما - 00:06:01ضَ
وهو يسأل الله جل وعلا من فضله وكرمه عشية عرفة هداك الجبل لي تما كيتزاحمو عليه الناس يطلعو. لأن النبي صلى الله عليه وسلم عمرو ما طلع لهداك الجبل غير كيتزاحمو عليه الناس ويموتو فيه لا اقل ولا اكثر ما عندو حتى شي قيمة هداك الطلوع للجبل - 00:06:21ضَ
النبي صلى الله عليه وسلم وقف ماشي على رجليه على الجمل والجمل ما كيطلعشاي للجمل الى جانب الصخرة. الصخرة يعني من بكري يعلم الله اشمن سنة باش تكون طاحت من راس الجبل. تكركبت كيما معروف عفاوها من التعرية وهبطت لتحت. واحد الصخرة ضخمة حداها - 00:06:39ضَ
اوقف النبي صلى الله عليه وسلم الإنسان يجي للطرف ديال يعني ديال المكان فشي ظل ويوقف ولكن قلت توجه للقبلة القبلة فين جاية في عرفة؟ جايا فاتجاه الغروب لأنه اودي غا الكعبة - 00:06:55ضَ
مديروش الميزان ديال المغرب ديما حنا القبلة عندنا في الشرق. لا تما راك وصلت الكعبة وفتها لهيه فتها لهيه اذن راه عرفة من الكعبة لهيه دابا الانسان لي راه في عرفة راه وصل دابا باتجاه من المغرب يعني راه وصل الكعبة وفات الكعبة للجهة الاخرى الاتجاه المشرق فإذا فات الكعبة - 00:07:11ضَ
اتجاه المشرق القبلة غتولي عندك في المغرب فهذا هو لي واقع لا في منى ولا في مزدلفة ولا في عرفة القبلة في اتجاه الغروب يعني تقدر يعني بنادم تما ماعارفشاي فين القبلة كدا الى اخره يمكن لك تسول سهل بسيط جدا مسجد نمرة راه قدامك باين الهندسة ديالو الاتجاه ديالو للغروب فهادشد غي الاتجاه ديال - 00:07:32ضَ
مسجد نمرة واخا يقدر يكون بعيد عليك كاع را من بعد كيبان لك كيبان لك الاتجاه ديالو فباختصار اذن كتشد الاتجاه والناس را عاطيين للاتجاه ديالهم للغروب اي القبلة بإذن الله مغاديش تغلط غي تشوف الإتجاه ديال الناس كيفاش دايرين ودير بحالهم. فتتجه نحو القبلة وتسأل الله من فضل الدنيا وفضل الآخرة وحاجاتك - 00:07:53ضَ
جميعا حتى تغرب الشمس تتشوف الشمس بعينك راها كتنزل كتنزل حتى دوب بتاتا يعني الوقت ديال المغرب ديال الصلاة د المغرب تما كتنتهي الوقفة ديال عرفة ومعروف بأنه ثبتت الأحاديث الصحيحة بأن الله جل وعلا يغفر الذنوب جميعا لأهل عرفة - 00:08:13ضَ
كيقول الملائكة اشهدكم يا ملائكتي بأني قد غفرت لهم اي واحد طلب شي حاجة في عرفة ربي تعالى كيعطيهالو. وقد ثبت ثبت هذا في احاديث كما ذكرت كثيرا من بعد ما كتكمل الوقفة ديال عرفة مباشرة ترجع للكار ديالك. وللجماعة ديالك - 00:08:35ضَ
ولذلك من الأحسن ما تبعدش بعيد بزاف على الخيمة ديالك لأن الناس راه كيتجلاو وخا قاري لانهم ما كان متشابه متشابه بحال هاد الخيمة بحال هاد الخيمة بحال هاد الكار بحال هاد الكار يعني راه كيوقع مشكل وبنادم الى معندوش القدرة باش يمشي على رجليه - 00:08:51ضَ
والصحة عيانة مخصوش يغامر مزال بعدا لي باقي صحيح حتى الى هرب الكار سير على رجليك بالمعقول لأنه مزدلفة قريبة ولكن الناس كيمشيو على رجليهم كيروحو كاينة الطريق واحد داير - 00:09:07ضَ
كبار والشباب غادين فيه على رجليهم يعني واحد ميكملش شي ساعة د المقانة حتى يوصل ربما اقل من ساعة خمسة وربعين دقيقة ولا ربعين دقيقة يوصلو مزدلفة الليل يعني ما كاين لا شمس لا والو لكن الإنسان اللي ما يقدرش يمشي على رجليه يعني ما يغامرش نهائيا يبقى قريب من الكار ديالو فالوقفة ما يبعدش بزاف باش يعرف غير يكمل يعرفها - 00:09:17ضَ
الجماعة كاينة هنايا لأن من بعد المغرب مباشرة كتقلع الحركة ديال ديال الدفع الى مزدلفة. كيروحو الناس لمزدلفة تركب مع الجماعة ديالك وتمشي لمزدلفة مزدلفة هي حتى هي واحد الوطية بطحا بين جبلين - 00:09:37ضَ
اه كتباتو فيها راك ما مصليش المغرب لأن المغرب ودنت عليك في عرفة ما مصليهاش وما خصكش تصلي في عرفة. لأن السنة ان النبي صلى الله عليه وسلم اخرها دار جمع تأخير. تقريبا ما غادي توصل مزدلفة - 00:09:52ضَ
ازحى مول الكيران كيمشيو غير - 00:10:04ضَ