Transcription
يمكن لو يأخرو لا بأس بذلك يؤخرو يومين تلتيام ربعيام خمسيام يعني محدو فشهر ذي الحجة وهو عندو الحق يعني تأخرت الطواف ديال الإفاضة وكذلك المرأة المراة ايلا لقات راسها حاضت مثلا طبعا ما غاديش دير طروف الافاضة وغاديا تسنى حتى تطهر او يعني حتى هي عندها شي عذر من هاد الأعذار لقات الزحام بزاف او - 00:00:00ضَ
يعني فيها تعب او كدا من من هاد القبيل فإذا نهار عشرة اذا بغا يدير الإنسان طواف الإفاضة اقول وهو حسن هاديك را هي السنة فعلا فيمكن لهم اذا اذا - 00:00:24ضَ
اذا رجم بكري يعني قبل الظهر او من بعد الظهر يمشي يروح لمكة. ويدير طواف الإفاضة طواف الإفاضة بحال داكشي لي بينا في العمرة مكاين تا فرق انما فيه حاجة وحدة ما فيه شاي الاضطباع ما يعريشاي كتفو - 00:00:34ضَ
وديك الجرية لا يرمون في الأشواط الثلاثة وإنما يسعى يعني كيمشي سبعة دالمرات ومن بعد ما كيسعى سبعة دالمرات كيصلي مور اا قام ابراهيم ويسلم على الحجر الأسود كي العادة ويشرب زمزم ويمشي يدير السعي بين الصفا والمروة لأنه لا يجوز الفصل - 00:00:52ضَ
بين طواف الافاضة بين اي طواف يعني الى طواف الافاضة ولا طواف القدوم بين طواف الافاضة او طواف العمرة وبين السعي بين الصفا والمروة يعني تكمل هذا خصك تشد هذا فيعتبرون يعني توالي الركنين واجبا يعني هذا مع هذا باش يكونوا مترابطين هذا واجب - 00:01:12ضَ
اذن كيكمل الطواف كيمشي يدير السعدي الصفا والمروة وهادشي بيناه في العمرة حرفيا كيعاود يديرو في الحج. هو نفسو كيعاودو فاذا صنع ذلك فقد انهى اعمال حجي ولم يبقى له الا المبيت بمنى ليالي التشريق - 00:01:32ضَ
عندو جوج د النهارات جوج ليلات واجبين ليلة ديال حداش وليلة ديال طناش وتلطاش ان شاء بغى يزيد طلطاش مزيان مزادشاي لا بأس بذلك فإذن لما كمل حنا باقين كلشي هاد الخدمة ديال عشرة ديال نهار العيد كمل طواف الإفاضة خصو يرجع لمنن يبات فمنن ديك الليلة ديال العشرة للصباح حداش - 00:01:49ضَ
عندو قلنا حداش طناش تلطاش يدوزوهم في منى يمكن لو يدير حداش طناش عشية ديال طناش يروح فحالو لمكة يكمل ميزيدش تلطاش الى بغا مكاين باس شنو كيدير فهاد الأيام الثلاثة الا دوز تلتيام - 00:02:11ضَ
او في اليومين الى دوز يومين في منى عندو الدين ديالو العام لي هو الصلوات الخمس والخدمة ديال الحج يعني الكمالة ديال الحج تتمة وهي من الاعمال الواجبة الى مشاينين لا ماشي ركن لا واجبة يعني لان الركن ما كيتجبرش - 00:02:24ضَ
والواجب الى غلط فيه ولا ماداروش كيتجبر يذبح يجبرو بدم هدا من الواجبات هاد الرمي ديال الجمرات اذن هداك النهار ديال حداش طناش تلطاش هاد الايام هادي عندو خدمة وحدة وهي هادوك تلاتة ديال الاحواض تلاتة ديال الحفاري تلاتة ديال الحفاري هادي راه مكيكون فيها زحام - 00:02:41ضَ
راه الزحام كاين في الجمرة نهار العيد. ديك ديال عشرة. جمرة العقبة بوحدها ذاك النهار بوحدو فيه الزحام. لأنه كاين واحد العدد ديال المذاهب وديال الدول اللي كيدوزو هوما غير عشرة وكيمشيو فحالهم ما عندهمش هوما في المذهب ديالهم لا حداش ولا طناش ولا تلطاش يعني الايرانيين - 00:03:00ضَ
الشيعي مافيهش هاد الخدمة كاع كلها ماكيعمروش وهما كتار كيخويو الدنيا ويخليو الدنيا مرتاحة ولذلك فعلا يعني عندك سبعة ديال الحصيات لديك الحفرة اللولة وسبعة ديال الحصيات للحفرة الثانية وسبعة ديال الحصيات. الحفرة الثالثة - 00:03:19ضَ
كل حفرة كترمي فيها حصية تكبر الله اكبر وترمي واحدة وخصك تشوف الحجيرة ديالك بأنها طاحت فالحوض طاحت فداك الغار حوض كبير ايلا مشاتي ضربتها وضربت الحوض او خرجت ما هبطتش او ما جاتش كاع ما شدتش نيشان عاودها - 00:03:37ضَ
مزيان يكون عندك الزيت ديال الحجر وحسب حسب يعني حسب واحد اثنين ثلاثة. يعني الله اكبر حسب بيديك او شي طريقة من الطرق باش باش تعرف بلي راك درت سبعة مادرتشاي تمنية ولا مادرتشاي ستة او خمسة - 00:03:59ضَ
اذن من بعد ما كتكمل يعني ديك ديك الحوض الأول كترمي فيه سبعة ديال الحصيات كتعطيه بالظهر وتستقبل القبلة وتهز يديك طلب الله سبحانه وتعالى من الدعاء ما شئت وتزيد للتانية عاود ترجمها بسبعة بالتكبير - 00:04:13ضَ
وتعطيه بالظهر وتشد القبلة وتهز يديك وطلب الله سبحانه وتعالى. وتزيد للتالتة اذا الاولى من بعدما كتكمل فيها الدعاء. الثانية من بعدما كتكمل فيها الدعاء الثالثة من بعدما كتكمل ما فيهاش الدعاء. قبط الطريق - 00:04:30ضَ
لأنه هاديك هي السنة وثانيا هداك راه الطريق خوي الموضع للناس باش الناس كيمشيو اذن هذا الخدمة ديال النهار الاول فوقاش كترجم من بعد الظهر يعني السنة ديال جمرة العقبة نهار العيد كترجم السنة قبل الظهر ويجوز بعد الظهر قلنا حتى الليل هادي السنة ديالها - 00:04:44ضَ
بعد الظهر حتى يودن الظهر وتسمع الاذان ديال مسجد الخيف راه كيودن مكبر الصوت عاد تمشي ليها يمكن لك تصلي عاد تمشي يمكن لك تمشي ترجمها قبل ما تصلي انت حر. لكن من بعد الأذان - 00:05:07ضَ
والوقت كلو العشية كلها ديالك حتى لليل ديالك. وبالتأكيد ما فيهاش الزحام هاد حداش طناش تلطاش مافيهم زحام ولي خلا قاع يعني نقولو حتا من بعد العصر يعني تقريبا لا يكاد يجد احدا - 00:05:20ضَ
بعد العصر كتخوى الدنيا سبحان الله العظيم. لا نهار حداش ولا يعني ايام التشريق را ما فيهاش مشكل. راه المشكل الوحيد اللي كاين هو نهار عشرة والناس كيشددو على روسهم. ربي تعالى وسع - 00:05:33ضَ
قالك لي ماقدشاي قبل الظهر يدير من بعد الظهر ما كفاكشي من بعد الظهر قدامك الليل انما اللي ما بغاش يزيد نهار تلطاش راه كيخصو يخوي منن في العشية ديال طناش قبل ما تغرب الشمس - 00:05:45ضَ
راه ايلا غربت عليه الشمش او هو مزال جالس في منن خصو يزيد تلطاش ما عدا فحالة وحدة ايلا هو ركب فالكار ولا فالطاكسي قبل غروب الشمس ولكن داك الكار ما قلعش بقا قاعد تما حتى ودنت المغرب لا بأس بذلك لأن - 00:05:58ضَ
اللي ركب ولا محسوب على مكة. ما بقاش محسوب على منى. لأن ماشي الأمور ماشي بيدو. وفعلا في بعض الأحيان كيكون الزحام ما كيوصلش داكشي. ما كيقلعش داكشي حتى كيودن المغرب عليك. ما عندك ما دير - 00:06:14ضَ
المشكل هو مازال مالك باقي كدور هنا وتشوف هادي وتجمع هادي الى اخره. تا ودن عليك المرض ما عليك الا تبات هاديك الساعة فإذا هذه خلاصة الأمر يعني اللي كان دار طواف الإفاضة وزاد ليه التعب بين الصفا والمروة انتهى الحج هاديك الساعة كتروحو لمكة - 00:06:24ضَ
اش كيبقاو قدامك ؟ كتبقى الصلوات الخمس يمكن يعطيكم نهار يومين تلتيام عشر ايام على حساب نظام الرحلة في مكة. ما حدك في مكة ونتا تصلي الصلوات الخمس في المسجد الحرام - 00:06:42ضَ
نهار يقولو لكم اليوم غادي نقلعو او غدا غادي نقلعو عندك واحد الخدمة سميتها طواف الوداع اخر عهد بينك وبين المسجد الحرام تودع المسجد الحرام بطواف الوداع مافيهشاي السعي بين الصفا والمروة في غي طواف سبعة د الاشواط - 00:06:52ضَ
وسير فحالك الله يجعل البركة هداك هو وداع ديال البلاد كلها وكتمشي نيشان للسيارة او للكار باش تمشيو فحالكم للزيارة دالمسجد النبوي دالمدينة او كترجعو للطائرة لي كانوا سبقو الزيارة كترجعو لجدة باش تركبو فالطائرة - 00:07:10ضَ
خلال هادشي كلو كاين واحد الطواف كيتسمى طواف التطوع طواف التطوع يعني فينما رشق لك بالليل بالنهار بالضحى قبل الفجر من بعد الفجر فالجوج فالليل التلاتة فالليل في اي لحظة من اللحظات - 00:07:25ضَ
شئت ووجدت نشاطا في بدنك لك ان تطوف تظاف تطوع انما طواف التطوع عندو شروط شناهي الشروط ديالو؟ سبعة تمشي دير ثلاثة تقول باراكا عليا. ها شي وحدين كيديرو هاد الخدمة هادي. دير خمسة بركة - 00:07:39ضَ
لا سبعة درت الطواف ودرت الطواف بحقو وطريقو. ما فيهشاي السعي بين الصفا والمروة. لا غير الطواف. تطوف انتهى لا مكاين احرام اه بالسوب السوب ديالك العادي البس المخيط. الإحرام فضينا منو نهار عشرة - 00:07:53ضَ
نهار عشرة حنا قلنا حسنت راسك قلعت حوايجك طواف الافاضة طواف الافاضة لركن من اركان الحج كديروه بحوايجك العاديين ما كديروشاي بالاحرام كاينة واحد النازلة فقهية كيمكن انت كطوف تطوع ولا فرض او ركن من الأركان لي هو طواف الإفاضة - 00:08:11ضَ
الصلاة ظهر او عصر او مغرب او عشاء او فجر. شوف الظروف فاش جابتك نتا هاديك الساعة من بعد الأذان كتكمل الطواف ديالك كتزيد حتى تقام الصلاة ملي تقام الصلاة الموضعفة شراك ووقف - 00:08:31ضَ
لأنه المسجد داك الصحن كلو كيولي صفوف ما ترفدشاي الهم للصوف كي غادي شي يوقع لو الموضع فاش شراك غتلقى راسك راك فالصف مشكل تلقائي يمكن كاع تزيد واحد الخطوة القدام ولا خطوة اللور هانتا فالصف - 00:08:47ضَ
كتصلي في موضعك الفريضة لما يقولوا السلام عليكم كمل الطواف ديالك على الحساب لي عندك عندك خمسة زيد ستة سبعة عندك ثلاثة زيد كمل عندك ربعة او نص كمل النص يعني حيثما انت فأنت في عدك الذي كنت فيه والله - 00:09:00ضَ
والسلام عليكم ورحمة الله وبركاته - 00:09:17ضَ