Baheth

الحمد لله واشهد ان لا اله الا الله وحده لا شريك له واشهد وان محمدا عبده ورسوله صلى الله عليه وسلم. اما بعد آآ ما زلنا نتناول هذه السلسلة المباركة التي نتكلم فيها عن اساسيات السير الى الله - 00:00:00ضَ

سبحانه وتعالى. امور لا يستغني عنها السير الى الله. يعني لا يصح ان الانسان يعني يعتبر نفسه فعلا على الطريق الصحيح وهو ما عندوش المعالم ديت. وكنا كل مرة بنتكلم في معلم من معالم الهداية او - 00:00:25ضَ

اعلى من معالم الالتزام الاساسية ان ما ينفعش ان احنا يعني ننفك عنها ابدا. لزلك يعني كنا آآ تكلمنا في العلاقة مع الوالدين تكلمنا عن علو الهمة تكلمنا يعني عن امور الاساسية لكن اليوم بين ايدينا مطلب اساسي جدا - 00:00:41ضَ

طالما سلكت الطريق الى الله لازم يكون عندك هذا الايه؟ هذا الامر وهذا المطلب. وهي قضية العلم ان تتعلم انك انت ما ينفعش تبقى ملتزم ما بتتعلمش مش بتطلب علم - 00:01:01ضَ

او انك انت بتكتفي بمجرد محاضرات وعظية بدون علم حقيقي. ففي خلل زاهر جدا في المسألة دي عند اي واحد يسير الى الله سبحانه وتعالى. لها ملامح بقى الايه؟ الاشكالية دي لها ملامح. او الملمح لها الزهد - 00:01:19ضَ

في طلب العلم اصلا زهد بمعنى الانسان عارف عارف ان لابد له ان يطلب العلم وعنده وسيلة لطلب العلم وعنده وقت وعنده يعني آآ وسائل لطلب العلم. لكن هو يزهد في زلك. وبيرمي بقى على ايه؟ يقول لك طالما في طلبة علم وفي مشايخ وبتاع. وهو نفسه ما عنده اي رغبة في الايه - 00:01:39ضَ

في القصة ديت. بيكتفي بمعلومات سطحية بشوية فتاوى وشوية درس هنا على درس هنا وخلاص. ده مظهر. المظهر التاني طلب علم زائد عشوائية. وده بقى كتير جدا. عشوائية يعني ما فيش رؤية واضحة. ما فيش هدف واضح. ما فيش خطة واضحة - 00:02:01ضَ

انما هي كده ايه؟ بزروفها يعني. اسمع عن درس هنا يروح. يسمع عن درس هنا يروح. يروح معرض الكتاب يشتري الكتاب اللي اسمه حلو افتح في ده شوية وبعد كده الكتاب ده شوية والكتاب ده شوية ويفضل الكتب كلها فيها اوراق كده - 00:02:21ضَ

واقف هنا عند صفحة تلاتين ما كملش وده عن صفحة مية وما كملش. ودوت ما اتفتحش اصلا. وده بقى له سنين في المكتبة ومش عارف هو جابه ليه اصلا؟ انا كنت جبته ليه الكتاب ده - 00:02:38ضَ

وكتب كبيرة وكتب صغيرة ويخش في كتاب مش بتاعه اصلا. وما لوش فيه. ومستوى مش مستواه او يفضل في مستوى واحد مدة طويلة جدا. هو مش عارف هو فين علشان يقدر يعرف هي المرحلة اللي جاية المفروض تبقى ايه. عشوائية بلا نظام بلا منهج. وبالتالي يفضل الاخ بيلتزم - 00:02:48ضَ

سنين طويلة وهو محلك سر حاسس ان هو ما مسكش علم فعلا. ما يقدرش ان هو يقول لك انا كويس في العقيدة. كويس في الفقه. يفضل طول عمره حاسس ان هو ضعيف - 00:03:13ضَ

عشان كده تلاقيه بيحضر الكتاب مرة واتنين وتلاتة. هو بيغير الشيخ بس. بس هو نفس الكتاب. وقاعد يعيد ويزيد فيه. طب ليه بيحصل معي كده او ان طلب العلم هو عبارة عن نشاط روتيني اصلا. هو اصلا ما عنده نية في طلب العلم. لكن هو في المسجد فيه درس يروح. الاخوة بيقولوا له تعال - 00:03:24ضَ

في شيخ مشهور اهله درس تعالى نروح لكن هو اصلا ما عندوش تصور واضح هو جاي الدرس ليه او عايز منه ايه فالنشاط الروتيني ان هي بقت ايه؟ حاجة روتينية. زي ما بيصلي سنة الضهر كده بقت روتينية بلا هدف بلا نية ما بيحسش فيها باي حاجة. كزلك احيانا العين - 00:03:44ضَ

روتينية يحضر الدرس وده تعرفه بقى اللي هو الروتيني ده بييجي من غير كتاب من غير قلم ما بيزاكرش لو قلت له في امتحان مش هيجي تاني الجو كده عارف - 00:04:04ضَ

النتيجة سواء الزاهد او العشوائي او الروتيني النتيجة واحدة هو جهل جهل يتحول اخ بعد سنين طويلة الى عبارة عن جاهل. يظن الناس في انه عنده علم وهو جاهل جدا - 00:04:16ضَ

الجهل بقى نوعين فيه واحد جاهل وعارف انه جاهل وقانع بالموضوع دوت ومعترف ان هو جاهل. وده قليل لكن في واحد جاهل ومعتقد ان هو عنده علم على اعتبار ان هو حضر شوية دروس شوية عشوائية فتح له كم كتاب وسمع كم درس ديني في التلفزيون وقرأ كم فتوى فبيزن ان هو عنده علم - 00:04:32ضَ

يترتب على الجهل ده بقى مصايب سودا بقى خاصة ازا كان الجهل مركب على شخص بيعتقد انه مش جاهل لان هو معتقد ان هو الحبة اللي عملهم دول دولا اسمهم طلب علم. بيترتب عليه امور - 00:04:57ضَ

منها من اخطرها الفتوى بغير علم تجد الاخ ان شاء الله مجرد ما التزم سنة ولا نص سنة ولا حضر له كم درس ابتدى يفتي بقى. حلال وحرام ويفتي في مسائل ضخمة جدا. يعني ممكن - 00:05:12ضَ

شفت في طلاق وزواج واستحلال فروج وامور صعبة جدا. امور ممكن الواحد يهاب بعد سنين من طلب العلم انه يفتي فيها. امور متعلقة بطلاق زواج تحل له ولا ما تحلش له مواريث حاجات يعني قد تكون صعبة يعني. او قد يكون فيها عبء ومسؤولية في الفتوى - 00:05:27ضَ

تجد انسان كل ما تقدم به العلم كل ما يهاب المسائل ديت وتجد ان صاحبنا اللي ايه ابو شبر دوت اسرع واحد في الايه ؟ اسرع واحد في الفتوى ديت. فيضلل ناس وكم من ناس اتازوا بسبب الاخوة اللي هم اللي في الاول - 00:05:47ضَ

الطلب دول وكان فيه سعة يعني كان فيه مشاكل كبيرة ممكن تتحل لو اتسأل واحد عنده علم ان الامر كان فيه سعة كان فيه خلاف كان فيه ممكن مخرج. لكن هو الاخ ما يعرفش هو سمع فتوى هنا قرا على اسلام ويب فتوى ولا دخل اسلام وهي قرأ له فتوى ولا - 00:06:02ضَ

الشيخ بيقول في التليفزيون حاجة خلاص هو ده الدين ما فيش اي مخرج تاني وبدأ ان هو ينطلق ويكلم الناس باللي هو ايه؟ باللي هو عرفه ده بس يترتب عليه جهل يترتب عليه مفاسد يترتب عليه تضييق على ناس ممكن كان الامر يتحل بشكل تاني يترتب عليه - 00:06:17ضَ

آآ خطأ اصلا في الفتوى لان ممكن الفتوى اللي سامعها دي كانت حالة معينة. فهو عممها بقى خلاها حكم مش فتوى. حكم بقى اي حد بيسأل السؤال ده بغض النظر - 00:06:36ضَ

وايه احواله ايه؟ هو نفس القضية هيرددها وخلاص. او هو دارس كتاب فقه واحد ما سمعش غير قول واحد وما يعرفش في الدين غيره ما بيقولش ما يعرفش غيره ما يعرفش ان فيه خلاف فلو سمع حتى فتوى تانية ممكن يتشنج ويخسر اللي بيتكلم في الايه المسألة التانية ديت. ودي المشكلة التانية وهي الخصومة بقى - 00:06:46ضَ

ان دايما تجد الايه الاخ الجاهل دوت اللي هو المبتدئ جدا اسرع الناس في الخصومات. وده بقى هتلاقيه منتشر على النت قوي ده تلاقي واحد كاتب مسألة ولا كاتب حكم هو صاحبنا ما يعرفش الحكم ده. هو يعرف حكم تاني. بيزن ان اللي هو اللي يعرفه هو ده بقى ايه؟ الحق الوحيد ما فيش غيره. يخش بقى ايه - 00:07:06ضَ

يتخانق بقى لا ده باطل وايه الفتاوى الشازة دي عارف انت الجو ده ويجيب له بقى كوبي بيست فتوى من على النت ويحطها له اين اقوال العلماء كفوا عن نزام بقى ايه بيخش بقى كل كوبي بيست طبعا صاحبنا ده ما عندوش اي ارضية. ويبتدي يخاصم الناس على مسائل هي اصلا خلاف - 00:07:26ضَ

فيها خلاف يعني اختلف فيها السلف اصلا الائمة الاربعة اختلفوا فيها علماء الامة اختلفوا فيها وما زالت القلوب سليمة رغم الخلاف في لان العلماء علماء عارفين ايه اللي يحتمل خلاف وايه اللي ايه اللي الرأي فيه يكون محترم وايه اللي المسألة ما ينفعش يبقى فيها خلاف لكن هو صحيح - 00:07:46ضَ

هو ما يعرفش غير حكم واحد في حياته كلها. هو ده بس غير كده يبقى لازم يبقى باطل ممكن انت اللي تكون غلط ومش ضروري تكون غلط المسائل الاجتهادية ديت ممكن ما تعرفش الحق فين. قد يكون الحق معك قد يكون الحق مع غيرك. لكن دي مسألة تانية ان انت لازم اصلا بعد ما - 00:08:07ضَ

مرحلة من العلم هتعرف ايه المسائل اللي فيها خلاف سائغ. يعني ايه سائغ؟ يعني السلف اختلفوا فيه. وكان الامر محتمل عندهم. ده والمستحب ده بيقول واجب والمسألة فيها سعة وهتعرف ايه المسائل اللي ما فيهاش خلاف؟ ما هي الدنيا مش زايطة برضو. مش كل حاجة خلاف - 00:08:26ضَ

ومش كل اتنين قالوا اتنين اختلفوا يبقى ده خلاف. ممكن واحد فعلا يبقى باطل جدا. ليه؟ بيقول كلام مخالف للاجماع مسلا وانت تعرف منين المخالف الاجماع؟ وانت اصلا ما تعرفش. ايه المسائل اللي فيها اجماع؟ واحد طالع يقول لك الحجاب مش فرض. هل احنا نعتبر دي خلاف - 00:08:44ضَ

واحد طالع يقول لك السجاير مش حرام. هل هنعتبر دي خلاف مسائل فيها فيها خلاص انتهى الكلام فيها من زمان. فبالتالي آآ دي انهي مسألة اللي ممكن انكر فيها واتشنج وانهي - 00:09:02ضَ

اللي ممكن الامر يحتمل. والاقوال فيها تكون محتملة. لا هو صاحبنا بيميل الى التشنج في جميع الاحوال ان هو لازم يبين انا ما انا فاهم. انا عارف. فيحصل خصومة المسألة التالتة ان هو صاحبنا ده بقى - 00:09:15ضَ

اللي هو الغلبان ده ابو شبر. ده اسرع الناس قبولا للافكار الخطيرة زي التكفير اسرع الناس استجابة للايه؟ للجماعات المضللة من خوارج وكده سهل جدا ان هم يخدعوا مسل هزا الشخص. هو ما عندوش علم فبيجيبوا له شوية حاجات كده كلام من كلام ابن تيمية. على كلام مش عارف ايه. شوية حاجات متقطعة كده ويبعتوا - 00:09:33ضَ

لو هو مسلا بيراسل هؤلاء فيقتنع جدا ان هم صح. هو ما يعرفش الكلام ده اتكتب فين وفي انهي سياق وفي انهي كتاب. الموضوع ده مقصود بايه؟ وايه الرد عليه - 00:09:56ضَ

وايه الشبهة اللي في الموضوع دوت؟ هو ما يعرفش. هم مجرد بيرموا له فتاوى قديمة على كلام على على برضو زي حالاته كده. فبيصدق ويبتدي بقى هيتحول الى ايه؟ تكفير والى جهاد والكلام الايه؟ الكلام اللي بيؤدي الى قتل النفوس واراقة الدماء البريئة. لانه ما عندوش علم. صاحبنا الجاهل - 00:10:06ضَ

دوت دايما بيتحمس في الدعوة. في اي منشور ديني يلا بنا انشر تؤجر. يلا احاديث موضوعة واحاديث ضعيفة وكلام ليس عليه دليل. وقد تكون منشورات شيعية. وهو مش حاسس يلا منشور فعلا شيعي تلاقي اخ باعت لك منشور شيعي. ايه ده؟ انت ازاي يعني؟ عدت عليك ازاي؟ هو ما عرفش هو لقى ايه - 00:10:26ضَ

قال علي بن ابي طالب ما خدش باله قال الامام علي بن ابي طالب عليه السلام ما خدش باله هو من الصيغة ديت خالص. وادي له يلا بنا مشكلة كبيرة - 00:10:55ضَ

فيكذب على النبي عليه الصلاة والسلام ولا يشعر وهو لا يشعر من كذب علي متعمدا فلا يتبوأ مقعده من النار. صاحبنا دوت الغلبان دوت بيعمل مشاكل كبيرة قوي في موضوع الامر بالمعروف والنهي عن المنكر. ان هو ما يعرفش المسائل اللي فيها خلاف وما فيهاش خلاف. هو يشوف واحد بيعمل حاجة خلاف اللي هو عارفه. وممكن يروح داخل دب - 00:11:05ضَ

زي القطر فيه وينكر عليه ويتخانق معه. وممكن اصلا المسألة فيها خلاف عادي. ممكن انت اه اقصى حاجة يعني ايه الفرق بين المسألة اللي فيها خلاف ولا ما فيهاش خلاف؟ في حالة الانكار - 00:11:27ضَ

في فرق في درجة الانكار المسألة اللي فيها خلاف سائغ بين اهل العلم مش هقدر مش هنكر على اللي قدامي بشدة. انما ممكن احاول اقنعه بالقول اللي انا بعتقده بس. ما اقتنعش خلاص حبيبي وكل حاجة تمام - 00:11:40ضَ

ما فيش اي مشكلة بيني وبينك. لكن المسألة اللي ما فيهاش خلاف ممكن فعلا هشتد شوية في الانكار. طب انهي المسألة اشتد امتى وما اشتدش امتى؟ هو برضو بيميل الى ان هو - 00:11:56ضَ

اشتد في الانكار على طول. فممكن يزعل ناس منه. وممكن يكلم ناس في المسجد في حاجات في احكام في الصلاة ومش عارف ايه. هي امور فيها خلاف. يقول له لازم تعمل كده وان انت الصلاة - 00:12:06ضَ

دي غلط وما ينفعش تقف كده ما ينفعش تنزل كده. ولا لا لا وده غلط غلط خالص غلط خالص مين ؟ هو بيصلي صح. مين قال لك ان هو هو ممكن بيتعبد بيقلد شيخ معين اعلمه وهو صغير. والكلام ده فعلا له وجه في الشرع. قالت له - 00:12:16ضَ

زي بيحصل مشاكل في المساجد نتعرف بقى لايه العالم دي لما ايه الامام مسلا ايه ينسى في الصلاة عارفهم اول ما يسلم الامام تلاقيهم كلهم بانوا بقى على طول. لأ - 00:12:32ضَ

الصلاة دي لازم تتعاد من الاول. ليه؟ ليه يعني ما فيش اي في اي مزهب الصلاة تتعاد من الاول؟ يعني لازم في حل اكيد. يعني في حل هنسجد سوا هنعيد ركعة يعني تتجمل اول ليه؟ واخد بالك؟ لا لا ما ينفعش اسجد لأ تسجد عارف انت تلاقي العملية - 00:12:42ضَ

مرة واحدة. وكل واحد طبعا سمع فتوى واحدة في حياته كلها. فيبتدي الناس يتخانقوا بقى. اتخانقوا. الامام قاعد يا عيني مش عارف يعمل ايه؟ يروح يجيب الصلاة تاني في بيت وخلاص. فبيحصل مشكلة لما يجي هيحصل خلاف او امر بالمعروف او او تغيير منكر بيبان بقى المشكلة ديت. او - 00:13:02ضَ

صاحبنا بيحصل له تشدد. من مظاهر التشدد ان هو ما يبقاش عارف زي ما قلنا المسائل اللي فيها سعة. فممكن يتبنى قول مسلا ماشي انت محترم. تبنى قول زي ما انت عايز. لكن يبتدي يشق على على الناس. يشق على اولاده يشق على اهل بيته مسلا في قول معين. هو المسألة ممكن فيها ساعة. ممكن هي - 00:13:22ضَ

تتبنى قول معين في مسألة وهو قول صحيح وهو بيتبنى قول تاني ممكن يشق عليها بسبب ان هو بيعتقد مسألة ما فيهاش خلاف. مسلا هو الزوج بيتبنى قول ان ان الحلي فيها زكاة - 00:13:42ضَ

والزوجة سمعت فتوى ومن شيخ بتحترمه وبتقلده. ان حلي المرأة ما فيهاش ما فيهاش زكاة هي ما بتطلعش زكاة الحلي. وهو بقى يقول لها لأ ده حرام ده لازم ما ينفعش ويبتدي يتخانق معه ولازم طب هي الكلام ده كلام لوجه - 00:13:58ضَ

في وجه كلام قوي وهو بردو الكلام بتاعك كلام قوي. انت انت مش مش لازم تلزمها بمزهبتك وهي مش ملزمة تلتزم بمزهبك. دي فلوسها وهي بتدين لله وهي فعلا مش بتشتهي ما خدتش القول ده عشان ده سهل وهيوفر. لأ هي فعلا سألت عالم تسق فيه ووقفتها بكده وهي من ساعتها متبنية - 00:14:17ضَ

هي القول ده وخلاص. عايز انت بقى تعمل تنجيها من النار ادفع من جيبك انت وانقزها يقول لك لا انا شايف القول التاني ده مريح جدا. الموضوع فيه خلاف معروف طبعا. ممكن الاخ بسبب الجهل يقع في بدعة. بدعة - 00:14:37ضَ

ويبقى اخ ملتزم وبتاع وبيعمل بدعة. تخيل! طبعا وقوعه بقى في المحرمات ده كتير بقى. بس ده مش بيزهر بقى فين؟ سيبك من الصلاة برضه الحاجات اللي هي السهلة الوضوء والصلاة دي الاخوة ما شاء الله بيبقوا حافظينها كويس. بس حافظين قول واحد بس. استعالوا بقى في الحج مثلا ابيض بقى عارف انت - 00:14:55ضَ

ما عمره ما مكة كمل كتاب فقه لغاية الزكاة اصلا ما وصلهاش. هتلاقيه بيبان بقى من اول الزكاة وطالع بيبان بقى العلم كله. هو كويس قوي في الوضوء خش بقى من اول الزكاة وطالع في الدين كده ما يعرفش اي حاجة خالص. تلاقيه عنده مشكلة في البيوع دايما. الاخوة يخشوا في تجارة وبعد ما يتورط يسألك - 00:15:15ضَ

يطلع موضوع فيه ربا. وفيه منكر وفيه غرر وفيه كلام كتير. في الحج والعمرة طبعا ابيض. ما يعرفش اي حاجة. تلاقيه ماشي جنب الشيخ بقى وعرف الايه؟ طبعا دافع فلوس - 00:15:35ضَ

سيطري شايفتي في الموضوع ده خالص. ولا يفتي نفسه ولا هيتكلم كلمة. هو يسأل في كل سنتي هيسأل. علشان دافع فلوس. ما ينفعش العمرة تروح هو ممكن يفتي الناس. مش مهم. بس هو بيسأل بقى في كل حاجة. في العمرة والحج. زكاة المال ممكن تلاقيه اخ ملتزم ما بيطلعش زكاة ما له. يقول لك هو - 00:15:45ضَ

اه اصل انا ما بعرفش احسبها. طب هو انا علي زكاة مال اصل انا عندي محل ببيع حاجات هو المفروض اطلع وتلاقي العملية ابيض في زكاة المال. وبقى له سنين - 00:16:06ضَ

عنده مشكلة في زكاة المال وما يعرفش احكام بقى العقد احكام النكاح احكام الطلاق مصايب في المسائل ديت هو بيعتقد ان المسائل دي خلاص هو طلب ايه؟ بيطلب العلم المحدود دوت. النبي عليه الصلاة والسلام يقول طلب العلم فريضة فريضة. على كل مسلم - 00:16:16ضَ

انهي طلب علم لفريضة طلب العلم اللي اللي دينك لا يصح الا به اللي هو ايه اللي هو مسائل التوحيد كلها. لازم الانسان يتعلم مسائل التوحيد. والشرك عشان يعرف يستقيم على التوحيد ويعرف يتجنب - 00:16:39ضَ

الشرك. مسائل الفقه اللي انت بتعمل بها. ودي بتتفاوت حسب شخص واخر. وكلنا بنتوضى وبنصلي. لازم كلنا نتعلم فقه الوضوء والصلاة. فيه بيزكي وفيه ما بيزكيش. لو بتزكي لازم تتعلم فقه الزكاة ما علكش زكاة. ما يلزمكش. واحد قرب يطلع حج او عمرة. لابد يتعلم فقه الحج - 00:16:59ضَ

واحد اتجوز لازم يتعلم فقه النكاح والعقد والخطبة. والطلاق والخلع والكلام دوت لازم يتعلموا. واحد بيبيع ويشتري لازم يتعلم فقه البيوع المسألة مش اختيارية. لو هو ما اتعلمش وهو دينه ما يصحش الا بالحاجة دي. يأثم - 00:17:19ضَ

اذا لم يتعلم. ذلك عمر ابن الخطاب كان يمر في السوق بالعصايا المشهورة بتاعته ويضرب البياع اللي يعرف ان هو ما يفهمش فقه البيوع. اضربه يقول ان من لم يتعلم فقه فقه الربا وقع فيه شاء ام ابى - 00:17:36ضَ

بيقول لو ما اتعلمتوش البيوع هتقع في الربا غصب عنك. وساعتها هتيجي تسأل بعد ما تكون وقعت. زي ما بيحصل في كتير من الاخوة في التجارة. يقعوا في ربا صريح - 00:17:54ضَ

وملتزم بقى له سنين ويجي يسأل موضوع صريح جدا وما كانش يعرف ان الموضوع ده ربا. هو ما اتعلمش. المسائل ديت. انا عايز اقول لك يعني ان ان قد ايه - 00:18:04ضَ

بيت الجهل مش مسألة سطحية لأ دي مسألة كبيرة ممكن تتفرع عنها مصايب كتير جدا لو الانسان متعلمش يبقى ازا احنا مسألة انك تطلب العلم دي مسألة اساسية مش رفاهية مش اختيارية مش دي مش نافلة هتعملها؟ لأ ده فيه جزء كبير منها فريضة. لازم تتعلم الحلال والحرام. الاحكام - 00:18:15ضَ

بتقابلك كل يوم ايه حكم السجاير ايه حكم الاغاني ايه حكم آآ غض البصر مش الحاجات دي بتقابلها كل يوم فلازم تبقى عارف الاحكام اللي انت بتتعامل معها كل يوم - 00:18:40ضَ

العلم له شأن كبير في القرآن. له شأن كبير في سنة النبي عليه الصلاة والسلام. لو لم يكن للعلم الا هذه الاية لكفى بها شرفا قال تعالى شهد الله انه لا اله الا هو. والملائكة واولوا العلم قائما بالقسط. لا اله الا هو - 00:18:54ضَ

عزيز الحكيم. فربنا سبحانه وتعالى شهد بنفسه انه لا اله الا هو بالدلائل والبراهين وجعل من الشهداء الملائكة ثم جعل منهم اولو العلم فجعل هؤلاء الشهداء على التوحيد. وهذا اشرف شيء في الوجود. ومن اجل خلقت السماوات والارض. ومن اجلي اقيمت الجنة - 00:19:19ضَ

ومن اجلي شرع الجهاد كل ده من اجل التوحيد. فالذي يكون شاهد على التوحيد هذا له منزل كبير عند الله. مين اللي يدعو الناس للتوحيد ومين اللي بيدافع عن التوحيد ومين اللي بيصحح عقائد الناس؟ اهل العلم. لما انت يبقى عندك علم التوحيد وتنال الشرف دوت انت بتعلم الناس - 00:19:43ضَ

عقيدة بتعلم الناس التوحيد بتعلم الناس الحاجة اللي من غيرها لن يدخلوا الجنة ابدا ازا يعني ما عندهمش اصل التوحيد يعني. وبتنجيهم من شركيات كتير ممكن هم موحد بس بيقعوا في شركيات كبيرة - 00:20:03ضَ

ممكن يكون شركة اكبر وهو مش حاسس. ممكن يكون شركة اصغر ويكون وضعه برضو صعب يوم القيامة ازا اراد الانسان انا لما بالتزم عايز ايه عايز ان انا ارضي ربنا - 00:20:17ضَ

واكيد لما انت بتدور على حاجة ترضي ربنا بتدور على حاجة اللي هي تجيب معك بسرعة. اللي هي تخليك تنافس على اعلى الدرجات. اللي هي بتخليك ترتقي ولن تجد شيء بيرقي سريعا - 00:20:29ضَ

اسرع من العلم العلم يخليك تطلع بسرعة. طبعا ان صحت النية دي مسألة تانية هنتكلم عنها بعدين. ازا فسدت النية يبقى مصيبة سودا. ازا صحت النية فلا اشرف من العلم - 00:20:44ضَ

واذا ساءت النية فلا اسوأ من العلم اذا صحت النية كان الارتقاء السريع. يرفع الله الذين امنوا منكم والذين اوتوا العلم درجات. والله بما تعملون خبير. وهذه الرفعة ليست فقط - 00:20:56ضَ

في الاخرة انما الرفعة دي في الدنيا قبل الاخرة قبل الاخرة سيدنا عمر رضي الله عنه وارضاه كان جاله واحد كان ايه من من الولاة بتوعه يعني نافع اسمه نافع ابن الحارث. فجا له - 00:21:14ضَ

عمر استقبله بتاع فبيقول له انت سبت مين استخلفت مين؟ هو جاي له من وادي معين يعني. قال له انت سبت مين مكانك فقال استخلفت ابن ابزة. فقال عمر ابن ابزة هذا مولى - 00:21:30ضَ

استخلفت على الناس مولى عارف يعني ايه مولى؟ يعني كان عبد واعتق عبد يعني عبد ده بالنسبة للناس اقل شأنا من الحر فتخيل هو خلى رئيس المكان ده واحد كان عبد امبارح تحرر خلاه رئيس - 00:21:46ضَ

رئيس بلد كان عبد امبارح كانش يملك نفسه اصلا بقى بيملك البلد كلها قال له ابن ابزة خليت على الناس الاحرار مولى كان عبد اول امبارح ومتحرر فقال يا امير المؤمنين ان ابن ابزى - 00:22:02ضَ

قارئ لكتاب الله عالم بالمواريس بالمواريس فقال عمر سبحان الله سمعت النبي صلى الله عليه وسلم يقول ان الله يرفع بهذا الكتاب اقواما ويضع به اخرين بيقول سبحان الله الكتاب شف كتاب عل ابن ابزة من مولى الى رئيس رئيس محافزة بكاملة بحالها عشان هو حامل لكتاب الله - 00:22:17ضَ

عطاء بن ابي رباح تلميذ ابن عباس عارفينه طبعا. وكان هو امام مكة. وكان ازا كان موسم الحج كان ينادى في الحج لا يفتي في الحج الا عطاء ابن ابي رباح - 00:22:44ضَ

كان هو المفتي بتاع الايه؟ بتاع الحج. وكان ما حدش بيفتي الا هو. المهم مين اللي كان مزنوق في فتوى سليمان ابن عبدالملك ابن مروان. وكان امير المؤمنين يومها كان خليفة سليمان ابن عبدالملك ابن مروان. انت متخيل؟ نتكلم في مين؟ فكان موجود في موسم الحج دوت - 00:22:59ضَ

وعايز فتوى هو وابنه عنده ابنين كده كانوا معه. فعايزين يسألوا في حاجة عملوها عايزين يستفتوا. عملنا صح ولا غلط. ما فيش حد بيفتي اصلا في الحج. لو حد اتسأل في الحج - 00:23:21ضَ

ما بيردش. انما الفتوى مع مين؟ مع عطاء ابن ابي رباح. عطاء بن ابي رباح كان اسود شديد السواد. وكان شكله وحش يعني استغفر الله لكن لم يكن كان دميما يعني - 00:23:31ضَ

اسود ودميم. تخيل! المهم راح سليمان عبدالملك راح يستفتيه فوجده يصلي فراح وقف جنبه وقعد مستنيه يخلص صلاة عطا خيري واخد راحته ويصلي مش مهم انت مين خلص صلاة عطاء بن ابي رباح وقعد يختم في الصلاة. فقام امير المؤمنين سليمان ابن عبدالملك وقام ولاده وقفوا جنب اعطاه بن ابي رباح - 00:23:46ضَ

وهو مديهم ضهره وقاعد يختم في الصلاة ويسألوه يروح مجاوب. سالوه يجاوب. سالوه يجاوب. وبعد كده خلص ومشي سليمان ابن عبدالملك مش قادر. ساكت. متغاظ جدا وبعد كده قال لولاده ايه - 00:24:13ضَ

فقال يا بني لقى تانية في طلب العلم. اطلبوا العلم جامد فاني لا انسى ذلي بين يدي هذا العبد الاسود. لان انا قاعد ما بين ايديه مزلول شادر ما اقدرش اقوم - 00:24:29ضَ

مش عارف اعمل ايه شرف العلم خلى الخليفة قاعد على ركبته قدام عطاء بن ابي روايح وهو اصلا مش بيبص له. وقاعد يختم في الصلاة ويجاوبه كده يعني عادي يعني - 00:24:48ضَ

عطاء عطاء شأنه في الدولة اشرف من سليمان ابن عبدالملك فبيقول لولاده اطلبوا العلم انا انا مش هنسى الموقف اللي حصل لي دوت نالوا الشرف نالوا الشرف كان بعض المربين بيربي ابناء الخلفاء يعني. فكان الخليفة معدي - 00:24:59ضَ

فشاف ولاده شايلين الجزمة بتاعت الشيخ دوت المربي. فالمهم هو دخل عليه فقال اصلح الله الخليفة يعني قال اوعى بقى يثني عليه وبتاع لك العز ولك الشرف وو قال ليس الشرف لي - 00:25:21ضَ

انما الشرف لمن يحمل ابناء الخليفة نعله. ينقال له الشرف مش لي لمين؟ ده انا اولادي بيشيلوا جزمتك نشيلوا جزمتك. ما مين مين اللي له العز ومين اللي له الشرف. فالله تعالى ازا كان ده حال الناس في الدنيا بالعلم يعني كيف الحال - 00:25:39ضَ

في الاخرة العلم علاج لحاجات كتير. لان العلم يورث الخشية انما يخشى الله من عباده العلماء علاج لحاجات كتير. دايما كتير من الشباب يسألك على حاجات هي علاجها ان هو يتعلم - 00:25:58ضَ

العلم هيؤدي للخشية والخشية هتحل له المشكلة دي. مشكلة غض البصر مشكلة العادة السرية. مشكلة الفتور. مشكلة تقصير في صلاة الفجر. مشكلة تقصير في قيام الليل مشكلة الكسل عن طلب العلم. كل ده فرع عن مسألة واحدة. الجهل - 00:26:19ضَ

لان الانسان اذا لم يعلم شرف ما يطلب لا يطلبه. وازا كان يجهل خطورة ما يفعله انه سيتجرأ عليه ويفعله لذلك ربنا سبحانه وتعالى لما اتكلم عن قيام الليل قال امن هو قانت - 00:26:41ضَ

اناء الليل. ساجدا وقائما يحذر الاخرة. ويرجو رحمة ربه قل هل يستوي الذين ايه؟ يعلمون والذين لا يعلمون. رغم ان الكلام قد يكون سياقه كان توقع ايه؟ قال ليس والذين يعملون - 00:27:00ضَ

والذين لا يعملون. ان هي ما اتكلمتش عن علم اصلا. واحد قائم ساجد راكع. ده ما اسموش علم. ده اسمه عمل. ولكن هذا العمل لا يكون الا بسبب علم ولولا العلم - 00:27:18ضَ

ما قام هذا الرجل لان لولا ان هو يعرف شرف قيام الليل واتعلم المسألة دي وحافزها كويس. هو ده اللي خلاه يقدر يقوم قبل الفجر بساعة. يقدر يترك الفراش قبل الفجر بساعتين - 00:27:29ضَ

يقدر يسمع ازان الفجر ينتفض من مكانه. ما يستحملش يقعد دقيقة واحدة على السرير بعد ازان الفجر. لكن الجاهل بشرف الحاجة دي الجهل بخطورة ترك الحاجة ديت يتجرأ عليها. الذي يقرأ القرآن ويفهم معانيه ويتدبره - 00:27:42ضَ

قد يكون هذا الامر علاج لمسألة العادة السرية لما يقرأ قول الله تعالى يستخفون من الناس ولا يستخفون من الله وهو معهم اذ يبيتون ما لا يرضى من القول وكان الله بما يعملون محيطا. انسان ازا كان يعلم هزه الاية احفزها - 00:28:00ضَ

ازا كان يعمل بها. ازا كان يتدبرها قد يكون ده رادع له عن مصايب كتير بيعملها. لكن انما انسان يؤتى من الجهل دايما. الجهل ذلك النبي عليه الصلاة والسلام يربط بين العلم وبين المشاكل دي كلها. يقول انا اعلمكم بالله - 00:28:17ضَ

واشدكم له خشية. ازا كان العلم علم نافع فعلا والنية سليمة فيه. لازم يبان عليك. هتلاقي نفسك كل يوم بتتحسن. فممكن انك انت معصية انت مش قادر عليها تيجي لها من حتة تانية. يعني انا مش قادر ابطل الزنب الفلاني. مش قادر اعمل الطاعة الفلانية. اطلب علم بنية ان خشيتك - 00:28:34ضَ

لله تزيد بعد فترة هتلاقي الحاجة دي بطلتها او الطاعة دي عملتها وده مشاهد سيد الاخوة الصالحين اللي هم دايما بيطلبوا علم. دايما بيتحسنوا. السلوك بتاعه بيتحسن. اخلاقه بتتحسن. كلامه بيتحسن. رغم ان هو ما رحش درس في فن الكلام - 00:28:54ضَ

ولا راح درس في فن السلوك ولا راح درس عن صلاة الفجر ان هو بيتعلم علم تاني ممكن. بس هو انتوى به ان يزيد خشية لله فكل ما عارف ربنا سبحانه وتعالى باسمائه الحسنى وصفاته العلية ازداد له تعظيما. التعظيم ده بقى بيتفرع عنه الايه؟ العمل. التزام الواجبات - 00:29:13ضَ

ترك المحرمات تلاقي الدنيا بتتحسن معه صلى الله عليه وسلم. القرطبي يقول لو كان هناك شيء اشرف من العلم لامر الله النبي صلى الله عليه وسلم ان يزداد منه. ولكن لما كان العلم اشرف مطلوب قال الله للنبي صلى الله عليه وسلم وقل ربي - 00:29:33ضَ

زدني علما. زدني علما. ولا تجد في القرآن مثل هذه الاية قط لا يوجد في القرآن مثل هذه الاية. بهذا الشكل بهذا الامر هي شيء واحد. ربنا امر النبي عليه الصلاة والسلام ان يزداد منه ولا يتوقف. قل ربي زد - 00:29:58ضَ

ابني علما. ولما اثنى الله على النبي عليه الصلاة والسلام. وبين المنة التي امتن بها عليه. قال وعلمك ما لم تكن كن تعلم وكان فضل الله عليك عظيما. وامتن على يوسف. قال جل في علاه - 00:30:14ضَ

ولما بلغ اشده اتيناه حكما وعلما. وكذلك نجزي المحسنين وامتن على موسى في سورة القصص. ولما بلغ اشده اتيناه حكما وعلما. وكذلك نجزي المحسنين. وامتن على عيسى عليه السلام. قال يا عيسى ابن مريم اذكر نعمتي عليك - 00:30:32ضَ

وعلى والدتك. اذ ايدتك بروح القدس تكلم الناس في المهد وكهلا. واذ علمتك الكتاب والحكمة والتوراة والانجيل الانسان لما يسمع هذه الكرامات للانبياء يعني يغير يشعر ان هو عنده رغبة في ان يقتفي اثار هؤلاء اولئك الذين هدى الله فبهداهم - 00:30:53ضَ

اقتضي هذا هو هداهم. هذا هو هداهم. الذي ينبغي ان نقتدي به. انهم يتعلمون ولا يتوقفون عن طلب العلم. موسى عليه السلام وقف على المنبر يوما فسئل اي الناس اي من من الناس اعلم؟ فقال انا - 00:31:16ضَ

فعاتبه رب العزة جل في علاه انه لم يرد العلم اليه. وكان ينبغي على موسى ان يقول الله اعلم انا اقصد يعني ربنا هو الاعلم من الاعلم يعني فلما قال انا عاتبه الله وقال ان عبدا لي في مجمع البحرين اعلم منك يا موسى - 00:31:35ضَ

فما كان من موسى الا ان قال بسرعة. قال يا رب دلني عليه. قالش بقى ازاي ده انا واحسن واحد على وجه الارض وآآ ولا مش مهم كفاية العلم اللي عندي يعني عنده ايه يعني اكتر من اللي عندي. هو اللي عنده يعني مش مش لازم يعني حلو قوي كده. لا الانبياء ما ينفعش. ما ينفعش - 00:31:56ضَ

يبقى في معلومة ما يعرفهاش. ما يستحملش. لذلك موسى قال لفتاه لا ابراح. لا ابرح لا اهدأ حتى ابلغ مجمع البحرين او امضي حقبا. حقبا يعني سنين. يعني لو الرحلة دي كلفتني سنين - 00:32:16ضَ

همشي سنين عشان اوصل للراجل ده واعرف ايه العلم اللي عنده اللي مش عندي وفعلا سار وتعب لغاية ما وصل مجمع البحرين لم يهدأ. حتى وصل الى الخضر عليه السلام وتعلم منه هذا العلم. انظر الى همة الانبياء - 00:32:35ضَ

عنده استعداد سنين يسافر علشان يتعلم مسألة واحدة في العلم. مسألة واحدة في العلم ممكن الاخ يكون بيكسل يعني ينزل المسجد تحت البيت. في في درس جاهز جاهز على الاكل. الشيخ بيجي له لغاية عنده - 00:32:52ضَ

او مكسل يشغل درس على الكمبيوتر اصلا ده ما فيش شيخ ولا بتاع ده هو قاعد قدام اللعب وفاتح الفيس ومكسل بالتوازي حتى يشغل درس يسمعه حتى يلقط لك متين مكسل يكتب ييجي من غير ورقة وقلم مكسل يزاكر مكسل يحفز ورد القرآن مكسل يراجع - 00:33:09ضَ

موسى عليه السلام بيقول انا لو قعدت عشرات السنين عشان مسألة واحدة في العلم هروح واعرف ايه المسألة ديت فرق كبير الناس يا اخوانا الهمة دي يعني رزق من الله سبحانه وتعالى - 00:33:28ضَ

وجاء رجل الى المدينة الى ابي الدرداء رضي الله عنه وارضاه. راجل من بلد بعيدة جاي المدينة. قال ابو الدرداء ما الذي اتى بك؟ جاي ليه؟ فقال سمعت انك تعلم حديثا - 00:33:41ضَ

عن النبي صلى الله عليه وسلم لا يعلمه الا انت وقد جئت اتعلمه منك فاني لا اعرفه فقال او غير ذلك انت جاي المدينة كده بس قال له لا اريد الا ذلك - 00:33:59ضَ

قال بالله عليك ما جئت لتجارة قال والله ما جئت لتجارة اليس لك حاجة في المدينة؟ قال ليس لي حاجة في المدينة جاي السفر ده كله عشان حديس واحد واحد بس هقوله لك في سانية وهتمشي. قال له انا جاي عشان حديس واحد - 00:34:15ضَ

سبحان الله طالع الحديس ايه؟ فقال ابو هريرة سمعت النبي قال ابو الدرداء سمعت النبي صلى الله عليه وسلم يقول من سلك طريقا يبتغي فيه علما سلك الله به طريقا الى الجنة. وان الملائكة - 00:34:32ضَ

لفضعوا اجنحتها لطالب العلم رضا بما يصنع وان العالم ليستغفر له من في السماوات ومن في الارض حتى الحيتان في الماء وفضل العالم على العابد كفضل القمر على سائر الكواكب - 00:34:49ضَ

وان العلماء ورثة الانبياء. وان الانبياء لم يورثوا درهما ولا دينارا وانما ورثوا العلم فمن اخذه اخذ بحظ وافر اخذ بحظ وافر. هذا الحديث من روائع الاحاديث في فضل العلم - 00:35:07ضَ

انت تأتي الى مجلس العلم يبقى ربنا فعلا سلك بك طريقا الى الجنة. وهداك الى طريق الجنة. ويسر لك سبيلا للجنة. يبقى ربنا هو هو الذي اراد بك ذلك ويسر لك ذلك. واعانك على ذلك - 00:35:26ضَ

فتفرح ما تروح مجلس علم تفرح خصوصا ان ربنا اختارك دون عن الناس. قاعد على القهاوي واللي بيسمع اغاني واللي بيعاكس بنات واللي بيتمشى على البحر. وانت سبت كل دوت ولقيت نفسك عايزة - 00:35:46ضَ

درس علم ورحت وقعدت وقاعد على الارض والدنيا ممكن حر شوية وممكن مطول وممكن ركبك واجعاك بس انت سعيد انك انت في مجلس علم تحفك الملائكة تغشاك رحمة تتعلم تسمع عن الله - 00:35:59ضَ

تسمع قال رسول الله صلى الله عليه وسلم فتصلي عليه فتزداد شرفا ويصلي عليك رب العزة عشر مرات وتنال دعوة النبي عليه الصلاة والسلام. نضر الله امرأ سمع مقالتي فوعاها - 00:36:15ضَ

فاداها كما سمعها. فرب قال فرب آآ مبلغ اوعى من سامع. فرب مبلغ او عامل مين سامع فانت بتنتوي بمجلس العلم انك انت هتبلغ. تروح تحكي لزوجتك. درس تقول لها حديث. تروح تدور على الاحاديس ديت تعلمها وتحفزها. تقولها للناس في الشغل تقولها للناس في - 00:36:36ضَ

تقولها لاولادك ربنا يرزقك نضارة الوجه. ومين اللي بيدعي لك؟ النبي عليه الصلاة والسلام. نضر الله امرأ سمع مقالتي. انتم الان تسمعون مقالة النبي عليه الصلاة والسلام. واثر الله شرف شرف - 00:36:58ضَ

ان تسمع قال رسول الله صلى الله عليه وسلم هذه وحدها شرف انسان يعتز بهذه المقالة. ويفرح ان الله اصطفاه لكي ينقل هذا الكلام. فيسمع الناس عن طريقه قال رسول الله صلى الله عليه وسلم - 00:37:16ضَ

الملائكة تضع اجنحتها لطالب العلم. يعني تتواضع له. تفرح بهم. رضا بما يصنع ليس فقط النبي عليه الصلاة والسلام بيدعي لك. لأ ده كل من في السماوات ومن في الارض يدعون لطالب العلم - 00:37:32ضَ

طالب العلم وان العالم لا يستغفر له من في السماوات ومن في الارض وهؤلاء جميعا ليس لهم خطيئة لانهم ليسوا مكلفين سواء كانت الملائكة او كان الحيوانات الطيور. كل دولا بيستغفروا للعالم - 00:37:55ضَ

حتى الحيتان في الماء حتى الحيتان في الماء ازا كان الانسان بيجي راجل صالح عنده زنوب شوية قليلة فيطلب بركة دعائه ويقول ادعي لي وبتاع ان هو بيقول لك ده احسن مني شوية - 00:38:16ضَ

وعنده زنوب فكيف بدعوة من لا ذنب لهم دعوة الحوت في الماء كائن ليس له زنب حتى ترد دعوته. حتى النملة في جحرها. في كم نملة بقى؟ في كم حوت؟ في كم طائر - 00:38:31ضَ

في كم حيوان في كم كل من يعرف او او يوحي ربنا له هذا الامر فانه يدعو ويستغفر للعالم فضل العالم على العابد كفضل القمر على سائر الكواكب. لان العابد ليس له قيمة بغير العالم - 00:38:46ضَ

والعابد ضال حتى يسأل العالم. والعابد بدون العالم سيقع في البدع والمنكرات ولن يهتدي لهدي النبي عليه الصلاة والسلام. العابد فقير الى العالم والعالم لا يحتج الى العابد كزلك الكواكب تحتاج الى القمر عشان الاضاءة والانارة - 00:39:07ضَ

والقمر لا يحتاج الى الكواكب لا يحتاج الى الكواكب. وان العلماء ورثة الانبياء. الانبياء لم يوارسوا درهما ولا دينارا. لزلك ابن مسعود رضي الله عنه كان يجلس في حلقة في المسجد فدخل اعرابي - 00:39:28ضَ

فقال علام اجتمع هؤلاء قال رجل اجتمعنا لنتقاسم ميراث النبي عليه الصلاة والسلام. ما فهمش طبعا حاجة العربي ومشي. فكان رجل يدعو الناس الى العلم فكان يذهب الى السوق يقول هلم ان ميراث النبي عليه الصلاة والسلام يقسم في المسجد وانتم ها هنا جلوس فكل الناس اب اجري وراحوا - 00:39:42ضَ

وصف اول كلهم. بعد البتاعة فين يا عم الميراس بتاع النبي عليه الصلاة والسلام؟ ده راجل بيقول كلمة في المسجد يعني ما فيش حاجة. فقال هذا وميراث النبي عليه الصلاة - 00:40:06ضَ

والسلام. فان الانبياء لا يورثون درهما ولا دينارا. طبعا خدوا بعضيهم ايه؟ ومشي عادي يعني مش ضروري يعني. ميراث الانبياء سبحان الله هنيئا لمن نهل من هذا الميراث. قال عطاء بن ابي رباح مجلس علم يكفر سبعين مجلسا من مجالس اللهو. جميل - 00:40:16ضَ

اوي الاسر ده بيفرحني كده. لان احنا عندنا مجالس لهو كتير وغيبة ونميمة وجلسات عائلية فيها كلام كتير واصحاب وبتاع. تحضر مجلس ربنا يكفر به سبعين مجلس. من مجالس اللهو. قال عمر رضي الله عنه موت عالم - 00:40:36ضَ

اشد من موت الف عابد كذلك النبي عليه الصلاة والسلام يبين ان الله سبحانه وتعالى يحب في هذه الدنيا صنف معين من الناس اما ذاكر واما عالم واما متعلم. غير كده صفر - 00:40:55ضَ

فقال عليه الصلاة والسلام ان الدنيا ملعونة ملعون ما فيها. كل ملعون الا ذكر الله وما والاه وعالم ومتعلم دولا الوحيدين اللي ربنا راضي عنهم على الارض كلها فانت مش عالم اكيد. ولا انا عالم. فلا اقل انك انت تكون ايه؟ متعلم. على سبيل نجاة زي ما بيقولوا. زلك علي ابن ابي طالب قال الناس - 00:41:36ضَ

عالم ومتعلم وهمج رعاع همج رعاع. اتباع كل ناعق. لم يستضيئوا بنور العلم ولم يهتدوا به. يا اما عالم يا متعلم يا همج رعاع اتباع كل ناعق. ودي مشكلة تانية. العلم بيحلها لك - 00:42:08ضَ

وهي مسألة اتباع كل ناعق دي. ان اتباع كل ناعق دي عاملة لنا كارسة كبيرة الان في المجتمع. لان في كم ناعق دلوقتي في التليفزيون في ناهق فيه ضرب نار بيحصل. فيه فتاوى شازة فيه شبهات طحن. فيه كلام رهيب عن الدين - 00:42:32ضَ

بمناسبة تتكلم بألسنة الدين والعالم الفلاني استاذ الفقه واستاذ الاصول وخريجي الجامعة الاسلامية الفلاني. وبيقول كلام ما انزل الله به من سلطان. مين الضحية؟ لا العالم ولا المتعلم انما الصنف التالت ده دايما هو المسكين. الضحية. اتباع كل ناعق. اول ما يسمع الشبهة الحق امبة ادى. يا شيخ بيقول لك الدين فيه كزا - 00:42:53ضَ

بيقول لك الموضوع طلع كزا. طب ايه؟ احنا دينا صح ولا غلط؟ ويقعد يا عيني كل ده يجيبه شمال وده يجيبه يمين. الشيخ يكلمه شوية يهدى. يروح يسمع تليفزيون تاني يتعب. يروح للشيخ يهدى. يروح يكلم صاحبه ويتعب - 00:43:18ضَ

كلم صاحبه التاني يهدأ هو كده شغلته للنار. ما تعرفش هيموت على ايه بس هو ايه يعني ايه لعبة في ايد اللي بيقع فيه. لان هو ما بيفهمش. فده هيقول له حلال يبقى حلال. ده يقول له هو مش عارف حلال ليه؟ ولا حرام ليه؟ وازاي اتأكد من الكلام دوت؟ وايه وايه اللي - 00:43:34ضَ

وهو ما يعرفش ما عندوش علم. العالم عنده علم. طب المتعلم؟ المتعلم يعرف يجيب المعلومة منين؟ يعني هي ممكن مش عندي مش عارف الرد. هيجي لي واحد يقول لي المسألة شبهة مسلا في التليفزيون. انا مش ضروري اكون عارف كل حاجة. بس اعرف اجيب الرد منين. ده اسمه متعلم - 00:43:51ضَ

العالم هيجاوب على طول. جميل مش اي حد عالم. طب المتعلم هتيجي تقول له والله فلان في التليفزيون بيقول كزا. اقول لك طب هرد عليك كمان ساعة. هي ساعة واحدة - 00:44:11ضَ

اروح اقلب الكتب واقلب بتاع او حتصل بناس معينة انا عارف هسأل مين ؟ هجيب الاجابة شف يا وافية واديها لك. سهلة. حتى لو انا ما عنديش علم بس انا عارف اجيب منين ؟ العلم. فالعلم انك انت تكون عارفه - 00:44:21ضَ

او عارف تجيبه منين في الحالتين انت كده كويس المشكلة التالت ده لا هو عالم ولا يعرف يجيب المعلومة منين ما حضرش درس علم. فيه الشيخ قال له دله على مصادر العلم بتتجاب منين؟ ازاي نتعامل مع كتاب فقه؟ ازاي يتعامل مع كتاب عقيدة؟ ازاي يعرف الفتوى دي صح ولا غلط؟ ازاي يفهم - 00:44:36ضَ

الدليل صحيح والضعيف والكلام ده ازاي يميز الاسار الكلام ده وما يعرفوش فتيجي انت حتى لو قلت له المسألة بالدليل هو ما يعرفش يعني ايه استدلال اصلا قل له طب ما اعود تاني شيخ برضه بيقول. يا عم الحاج بقول لك الدليل - 00:44:56ضَ

يقول لك طب ما التاني بيقول برضو وبيقول في شيوخ بيقولوا كده. هو ما يعرفش ايه الفرق من الحديس وكلام الشيوخ. ما يعرفش الفرق بين قول الصحابي وبين الكلام ده كله ما - 00:45:11ضَ

فحتى لما بتقول له بالدليل مش بيقتنع. ما دي مشكلة. تقول له بالدليل مش بيقتنع ان هو ما يعرفش الاستدلال اصلا ازاي يعني ايه موقع الدليل ده؟ لما تقول المسألة فيها اجماع - 00:45:24ضَ

الرد مسلا واحد بيقول لك مسلا ايه شيخ آآ بيقولوا الحجاب مش فرض الرد بسيط جدا تقول والله المسألة فيها يا جماعة. المفروض لو واحد بيفهم الكلام خلص يعني هشرح لك ايه تاني؟ بقول لك المسألة فيها اجماع - 00:45:38ضَ

بيبان بقى على طول اول ما تقول له بيقول لك طب اصل هم بيقولوا كده والراجل ده جاي بدليل يا عم الحاج المسألة فيها يا جماعة. ايوة بس هو بيقول ما هو طالما انت بترد بعد ما قلت لك في جماع ده دليل انك انت ايه - 00:45:53ضَ

ان انت مش مستوعب القصة خالص. تمام؟ ففي خلل هو مش فاهم اصلا. ما يعرفش الاجماع ده من اقوى الادلة في الشرع ان ما ينفعش حد ينقد اجماع خلاص الموضوع انتهى. فهي المشكلة في اتباع كل الناس دول - 00:46:08ضَ

ضحايا الشبهات وضحايا كل الكلام التليفزيون دول اكتر ناس ضحايا لي. لذلك ربنا سبحانه وتعالى بين ان الوحيد اللي بينجو من الشبهات دي اهل العلم بس. سورة الحج. قال جل في علاه وما ارسلنا من قبلك من رسول ولا نبي. الا اذا تمنى - 00:46:29ضَ

اتمنى هنا يعني ايه يعني قرأ. خلاصة يعني. تمنى يعني قرأ. الا اذا تمنى القى الشيطان في امنيته. يعني الشيطان يبتدي ايه؟ يبث ويطلعها على السنة الناس وكده. القى الشيطان في امنيته. طب ربنا ماذا يفعل الله؟ الله تعالى يسخر ناس - 00:46:49ضَ

القضاء على هؤلاء قال فينسخ الله ما يلقي الشيطان ثم يحكم الله اياته. والله عليم حكيم. طب مين بقى اللي بيتاسر؟ قال ليجعل ما يلقي الشيطان فتنة للذين في قلوبهم مرض - 00:47:09ضَ

والقاسية قلوبهم وان الظالمين لفي شقاق بعيد. مين بقى اللي بيعدي؟ وليعلم الذين اوتوا العلم انه الحق من ربك فيؤمنوا به فتخبت له قلوبهم وان الله لهادي الذين امنوا الى صراط مستقيم. ربنا بيقول ان الشبهة دي بتزود الذي - 00:47:22ضَ

اللي عنده علم بتزوده ايمان. ليه؟ لان هو عنده الرد بمعنى مثال واحد عالم جت له شبهة اول مرة يسمع بها فراح ده بحث في الكتب فلقى لها رد يحصل له ايه - 00:47:42ضَ

جات له شبهة تانية راح دور لقى لها رد. يزداد ايمان. كل الشبهة بتزودوا ايمان. لان هو بيتأكد ان هذا الدين ذلك الكتاب لا ريب فيه. هدى للمتقين. لكن الغلبان التاني اللي ما عارف العلم ولا عارف يجيب معلومة منين. كل شبهة بتضيعه اكتر - 00:48:00ضَ

خليه في الاخر هلامي لا الى هؤلاء ولا الى هؤلاء مسكين. فبالتالي قضية انك انت تبقى اما عالم او متعلم يسألوا اختيارية خاصة في الزمن دوت. يعني لو لو في زمن الصحابة ولا التابعين ناس قالوا مسألة ايه؟ قريبة. كل الناس علماء حتى لو انا جاهل شوية يعني مش هغلب. هسأل اي حد والناس كلهم - 00:48:18ضَ

هناك علماء لكن في الزمن ده مش زي ما اتعلمش ازاي ما تعرفش تجيب المعلومة منين انت اسرع ضحية للناعق اللي في التليفزيون ده. الله المستعان القلوب ابن القيم يقول ان الله سبحانه وتعالى جعل العلم للقلب - 00:48:38ضَ

كالمطر للارض. فكما انه لا حياة للارض الا بالمطر فكذلك لا حياة للقلب الا بالعلم وهذا مصداق قول النبي عليه الصلاة والسلام ان مثل ما بعثني الله به من الهدى والعلم كمثل غيث - 00:48:56ضَ

الكثير اصاب ارضا. فكانت منها نقية يعني طيبة قبلت الماء انبتت الكلأ والعشب وكان منها اجاذب امسكت الماء فنفع الله بها الناس فشربوا وسقوا وزرعوا. واصاب طائفة اخرى فانما هي قيعان - 00:49:13ضَ

لا تمسك الماء ولا تنبت الكلأ فذلك مثل من فقه في دين الله ونفعه الله بما بعثني به من العلم فعلم وعلم ومثل من يرفع بذلك رأسا لم يقبل هدى الله الذي ارسلت به. هو ما مقصود الحديث؟ بيقول للناس تلات اصناف. زي المطر كده بينزل الارض. فيه ارض طيبة بتنبت - 00:49:32ضَ

ينزل عليها المطر تنبت. جميل. دي واحدة. في ارض تانية هي مش بتنبت بس هي فيها ميزة بتجمع الماء. يعني ايه مش بيغور فيها الماء مش بينزل. انما اجمعوا فهي هي نفسها ما بتنبتش بس الناس بيجوا ياخدوا منها - 00:49:56ضَ

ويزرعوا ياخدوا منى ويزرعوا فكويس في ارض تانية زي الرملة في البحر مسلا. ينزل عليها الماية لا تمسك مية ولا ايه ولا بتنبت فبيقول للناس كده تلاتة في واحد ياخد العلم - 00:50:11ضَ

يحوله لايه حوله بقى يطلع فتاوى ويطلع كتب ويطلع انتاج يخش المعلومات مصنع يتحول لانتاج تطلع مصنفات وتطلع فتاوى وتطلع فحول العلم لانتاج وفي واحد بياخد العلم يبلغه وخلاص. بس هو نفسه ما عندوش الة الانتاج ديت - 00:50:26ضَ

زي رواة الحديث. راوي بينقل عن راوي بينقل عن راوي لغاية ما الرواية دي تقع في يد ايه؟ عالم. يروح محولها لفقه على طول. وزي واحد حافز قرآن وبيحفظ قرآن هو نفسه ما يعرفش تفسيره ولا يقدر يقول لك حاجة في الاية. بس هو بينقل لغاية ما تقع لغاية ما يحفز طفل ربنا يكرمه ويطلع مفسر. فده كويس برضو بينقل - 00:50:44ضَ

في واحد تالت بقى لا هو بيحفز علم ولا بيفهم ولا بيعلم ولا عايز يعمل اي حاجة. فده يعني اسوأ الانواع. اللي هو لا بيتعلم طبعا فضلا ان هو ما بينقلش علم. ولو وصل له العلم لا عايز يسمعه ولا عايز يحفزه. ولا عايز يعني يتشرف به. يتشرف به. فلا - 00:51:04ضَ

القلوب الا الا بالعلم. ازا اردت ان تعلم قدرك عند الله فهو بقدر ما وفقك الى طلب العلم لان النبي عليه الصلاة والسلام قال من يرد الله به خيرا يفقهه في الدين. في الدين. فاذا اراد الله بعبد خير هداه الى العلم - 00:51:24ضَ

فاذا لم تكن مهتديا للعلم زاهد في العلم ممكن تخاف على نفسك ممكن تخاف على نفسك. تقول هو ليه ليه انا محروم؟ ما عنديش رغبة في طلب العلم. ما عنديش شهوة كده ان انا استزيد. ليه انا قانع باللي انا فيه كده؟ ليه انا ما بدورش؟ ليه ما بسعاش - 00:51:53ضَ

ليه راضي بالرتوش اللي انا بتعلمها كل اسبوع الحاجات البسيطة دي؟ ليه ما عنديش همة؟ زي ما عندي همة كده في طلب الدنيا وما اشتغلش صبح وليل. ليه بزاكر لما بتبقى سانوية ولا كلية ولا ميت ترم ممكن اقعد ازاكر في اليوم بالست سبع تمن ساعات. عشر ساعات. اول ما تيجي الاجازة عندي العلم الشرعي - 00:52:10ضَ

مش عارف اقعد ساعة على بعض. لسه طالع من الامتحان. يعني انت ما فيكش عيب اول ما بتبدأ الاجازة المفترض تخش بنهم بقى على طلب العلم وتستغل امكانياتك اللي انت اختبرتها من شوية في الامتحانات - 00:52:30ضَ

وتبين انك انت عندك امكانيات تقدر تقعد تزاكر علم شرعي لعشر ساعات في اليوم ايه المشكلة؟ لكن اول ما تيجي الاجازة بلطجة بقى. ما فيش. مش عايز افتح كتاب. ولا شرع حد. ولا قرآن عايز يقضيها كده اجازة يعني ما - 00:52:47ضَ

هذا يدل على زهم تغريب فان النبي عليه الصلاة والسلام بيوصف للصحابة يعني الحال يقول عليه الصلاة والسلام ايكم يحب ان يغدو كل يوم الى بطحان. مكان كده يعني. مكان فيه ابل - 00:53:02ضَ

ويرجع بناقة او ناقتين كل يوم من غير اثم ولا قطيعة رحم يعني مش هيروح يسرقه. هيروح يجيب ناقتين ويرجع. عارف يعني ايه ناقتين؟ يعني خمسين الف جنيه بس. كل يوم - 00:53:20ضَ

وايه رأيك كل يوم تروح تجيب ناقتين كده وترجع مين يحب كده من منا لا يحب زلك ببلاش كده يعني تروح تاخدهم وتمشي؟ اه خدهم ما فيش اسم ما فيش قطيعة رحم ما فيش حاجة - 00:53:30ضَ

فقال عليه الصلاة والسلام افلا يغدوا احدكم الى المسجد فيعلم او يقرأ ايتين ايتين من كتاب الله عز وجل خير له من ناقتين. وثلاث خير من ثلاث واربع خير من اربع ومن اعدادهن من الابل - 00:53:42ضَ

فانت اما تحضر كلمة في الفجر تفسير الشيخ بيفسر ايتين تلاتة انت عدت الى بيتك باكثر من مائة الف جنيه. لو انك تفهم وتفقه فعلا هل تشعر بذلك؟ هل تشعر ان انت الكلمة اللي بتسمعها في مجلس اعلامي دي - 00:54:03ضَ

افضل من الدنيا وما فيها هل تعلم هل تشعر ان الصفحة التي تقرأها في كتاب الله بعد الفجر او بعد الصلاة او وردك اللي تجيبه بالليل افضل من الدنيا وما فيها - 00:54:22ضَ

لو الموضوع ده انت مش حاسه في مشكلة ده لسه كتير لسه عندك انت شايف الفلوس افضل من العلم. علي ابن ابي طالب يقول العلم افضل من المال. ليه؟ قال العلم يحرسك - 00:54:35ضَ

وانت تحرس المال العلم يزداد بالنفقة والمال تأكله النفقة العلم حاكم والمال محكوم عليه مات خزان المال والعلماء احياء باقون ما بقي الدهر اجسادهم مفقودة واثارهم في القلوب موجودة الله اثارهم اجسادهم مفقودة - 00:54:52ضَ

واثارهم في القلوب موجودة. حديث العالم بينتفع به كله. بالتلات احوال بتاعته قال النبي عليه الصلاة والسلام اذا مات ابن ادم انقطع عمله الا من ثلاث صدقة جارية او علم ينتفع به او ولد صالح يدعو له. العالم بيستفيد بالتلاتة دول. ليه؟ لان هو ما كان يعلم الناس باجر. كان يعلم ما - 00:55:28ضَ

مجانا فدي تعتبر ايه صدقة يتصدق بالعلم صدقة جارية واما العلم الزي ينتفع به فده زاهر دي دي واضحة جدا واما الولد الصالح الذي يدعو لهم فكل طالب علمه كلما ذكر شيخه قال رحمه الله - 00:55:58ضَ

فصار له جيش من الابناء مش ولد صالح بس. ده فيه جيش بيدعي له. ونحن الى الان نقول ابو هريرة رضي الله عنه. قال قال الامام احمد رحمه الله. قال شيخ الاسلام ابن تيمية قدس الله روحه. قال الشافعي عليه سحائب الرحمة. الله على - 00:56:16ضَ

ما نفسكش وانت بتسمع الكلام ده يتقال عنك كده انك تترك اثر في الناس كلما زكرك الناس قالوا رحمه الله جزاه الله عنا خيرا. يكون لك طلبة كده. يكون لك ناس اتعلمت منك واستفادت منك. وفعلا ما ينسوا لكش المعلومة اللي تعلمها. ما ينسلكش الحاجة اللي انت - 00:56:36ضَ

سعدتم فيها يبقى لك كم ولد صالح يدعي لك بقى دلوقتي؟ غير واولادك الحقيقيين جيش من الاولاد في كم واحد دعا للشافعية ودعى لابي حنيفة ودعا لابن القيم ودعا لابن حزم ودعا لهؤلاء الاكابر والعلماء كم واحد - 00:56:54ضَ

مليارات يدعون لهم بالصباح والمساء. هذا شيء يعني يخلي الواحد يعني ياكل في نفسه كده. ليه؟ عشان للمنزلة العزيمة ديت ثم الانسان دائما في سعيه الى الله يتمنى لو كان خير الناس - 00:57:14ضَ

ويريد يفضل يبقى احسن واحد ولن تجد اسرع من طلب العلم. قال عليه الصلاة والسلام خيركم من تعلم القرآن وعلمه. عبدالرحمن السلمي جلس في مسجد الكوفة يعلم الناس القرآن اربعين سنة - 00:57:35ضَ

وهو عنده علم كتير على فكرة. وكان مصمم ما يعلمش غير الايه؟ غير القرآن. فسألوه عن زلك. فقال سمعت النبي صلى الله عليه وسلم يقول خيركم من تعلم القرآن واعلمه. لذلك الناس بتوع القرآن عارفين في الاسانيد دايما. اسانيد القرآن لازم عبدالرحمن السلمي ده تلاقيه موجود. ما شاء الله - 00:57:54ضَ

اي سند قرآن تلاقي عن فلان عن فلان هتلاقي عبدالرحمن الصنمي ده موجود في كل اسانيد او اغلب اسانيد القرآن تقريبا. لان كل الناس اصحاب العلم القرآن من بعده كانوا عالة على علمه رحمه الله رحمة واسعة. يعني انا لا اريد ان احنا نطيل في في القضية ديت - 00:58:13ضَ

هي تستحق الاطالة لكن يبقى السؤال الحائر. جميل انت سخنتنا وخلاص وهتسبنا كده ولا ايه لأ ما هي مشكلتي مش في الموضوع دوت. ما انا كل الكلام اللي انت قلته ده انا عارفه - 00:58:33ضَ

ايه بقى ؟ ايه ؟ اعمل ايه اطلب علم ازاي ايه مشكلتي؟ ابدأ بايه ايه المرحلة الاولى؟ ايه المرحلة التانية طب لو عايز ابقى عالم مفروض ابقى اوصل لايه؟ لا انا مش عايز ابقى عالم. انا عايز ابقى مدرس مهندس طبيب بس عندي علم - 00:58:49ضَ

ايه الحد الادنى؟ المفروض يبقى معي. لا انا عايز ابقى داعية مطلوب يبقى معي ايه؟ طب انا ليه دايما مشتت طب ايه المفروض ابدأ به؟ طب ليه جدولي بيبوظ؟ طب انضم وقتي ازاي؟ طب ايه الافات - 00:59:11ضَ

اللي بتعتريني دايما بتخليني ما بكملش. طب ايه النصايح اللي تنصحني بها عشان كده هنخلي الدرس القادم. درس مستقل في الايه؟ في القضية ديت. هيبقى هو نصايح نصائح في طريق طلب العلم. بيان الافات اللي بتعترض طالب العلم. ثم سنبين منهج. مقترح والا بمناهج كتير. يعني هي مش هنحصر مش بردو ما تبقاش ايه - 00:59:26ضَ

كده اللي هقوله قال لأ ده منهج مقترح. ممكن تسمع منهج تاني. تمام. لكن نقترح منهج ميسر في وسع الجميع ان هو يمشي فيه. ممكن لو واحد عايز يبدأ يكون يعني اه سهل عليه. بازن الله تعالى تكونوا معنا في الايه؟ الدرس القادم. جزاكم الله خيرا - 00:59:49ضَ

الحمد لله رب العالمين. فيما قال جيدة على النت اسمها آآ اربعين حديث في فضل العلم. حلوة جدا. اربعين حديث في فضل العلم ممكن تدور عليها جميلة جدا. جزاكم الله خيرا والحمد لله رب العالمين - 01:00:06ضَ