ان الحمدلله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا انه من يهده الله فلا مضل له. ومن يضلل فلن تجد له هاديا مرشدا. يا ايها الذين امنوا اتقوا - 00:00:01

اتقوا الله حق تقاته. ولا تموتن الا وانتم مسلمون. يا ايها الناس اتقوا ربكم الذي خلقكم من نفس واحدة. وخلق منها زوجها وبث منهما رجالا كثيرا ونساء واتقوا الله الذي تساءلون به والارحام ان الله كان عليكم رقيبا - 00:00:23

يا ايها الذين امنوا اتقوا الله وقولوا قولا سديدا. يا ايها الذين امنوا اتقوا الله وقولوا قولا سديدا. يصلح لكم اعمالكم ويغفر لكم ذنوبكم. ومن يطع الله ورسوله فقد فاز. ومن يطع الله ورسوله فقد فاز فوزا عظيما. اللهم صل على محمد - 00:00:53

اللهم صل على عبدك ونبيك محمد. اللهم صل على الحبيب محمد صلاة تشفي بها امراضنا وتنور بها قلوبنا وتزكي بها نفوسنا وتشرح بها صدورنا وتيسر بها امورنا وتصلح بها بالنا. اللهم صل وسلم وزد وبارك على الحبيب محمد. صلاة - 00:01:24

توسع بها ارزاقنا وتكشف بها الهم والغم عنا وتصلح بها بالنا وتقوي بها في في رضاك عزمنا وتسدد بها خطانا. اللهم صل وسلم وزد وبارك على الحبيب محمد. صلاة ترضى - 00:01:54

يا عنا وتسكنا بها في جواره في الفردوس الاعلى. اللهم صل وسلم وزد وبارك على حبيب قلوبنا وعلى طبيب وعلى شفيعنا يوم العرض عليك محمد صلى الله عليه وسلم عليه افضل الصلوات من رب العالمين الى يوم الدين - 00:02:14

اما بعد اخواني واحبابي في الله حبيب الله محمد عليه الصلاة والسلام يقول اني ارى ما لا ترون واسمع ما لا تسمعون النبي عليه الصلاة والسلام الله اطلعه على غيبيات لم نرها نحن ولم نسمعها نحن. وحبيب الله محمد عليه الصلاة والسلام كما قال الله عنه - 00:02:34

عز وجل عنه وما هو على الغيب بضنين. النبي لا يضن علينا باي غيب اطلعه الله علي. الا ما لم يأذن الله له ان يتكلم فيه. فالنبي عليه الصلاة والسلام اعلمنا كثير من الامور الغيبية. وده محض الايمان وده الاختبار. اليقين في الغيبيات - 00:02:54

اللي النبي عليه الصلاة والسلام قال لنا عنها. اليقين انت عايش على الارض. فانت معزم معلوماتك او هي كل معلوماتك فعليا هو الجزء اللي انت شفته بعينيك وسمعته ودانك من على الارض ولكن فيه فوق في السماء حاجات انت ما تعرفش عنها حاجة. في تحت الارض حاجات انت ما تعرفش عنها حاجة. ويتعلق - 00:03:14

بها مصيرك دنيا واخرة. ويتعلق بانك تفهمها مصيرك دنيا واخرة. من نعم الله سبحانه وتعالى ان حبيب الله محمد عليه الصلاة سلام. اطلعه الله على كثير من هزه الاشياء. فالنبي له رحلات فوق السماء وتحت الارض. رحلته فوق - 00:03:34

رحلة المعراج. رحلة الاسراء والمعراج طبعا. رحلته فوق السماء وكانت حقيقة. ما هياش رؤية. كانت حقيقة طب ورحلته تحت الارض دي اللي احنا هنتكلم عنها الليلة وكانت رؤيا في صحيح البخاري كما سنتكلم عنها في هذا في هذه - 00:03:54

بازن الله سبحانه وتعالى آآ النبي عليه الصلاة والسلام الله اطلع له غيبيات. طب انا مش شايف غيبيات. انا عايز اشوف بعيني واسمع بوداني. يبقى انت انسان لن علمي ولا انت فاهم اي حاجة في اي حاجة. ليه ؟ لان انا الوقتي العربية واقفة برة المسجد. انا هاطلع الريموت من جيبي وهاضغط على زرار فتح العربية. العربية تفتح - 00:04:14

هو انت شفت اللي طالع من الريموت وفتح العربية ؟ طب انا الوقتي هجيب راديو وهفتحه. هتلاقي الشيخ الحصري طالع. الله! هو الشيخ الحصري فين يا جماعة! انا تسمعه بوداني لحد ما جه جهاز الراديو سمعه لي. وحول لي الذبذبات والموجات اللي في الهواء الحاجة تتسمع. يبقى في حاجات كثير - 00:04:34

موجودة وانت مش شايفها بعينك في الارض مش بقول فوق السما. مش بقول تحت الارض في الارض. موجود معك في المسجد الوقتي. حواليك حاجات كتير جدا لا انت شايفها بعينيك ولا انت سامعها بودانك وحقائق علمية ثابتة راسخة. العلماء - 00:04:54

عمرهم ما عرفوا عنها حاجة غير بعد تطور بعض اجهزة فالتقطوا بهذه الاشياء بل انا ممكن اقوم مقلب الراديو بعد ما سمعت الحصري على الشباب الرياضة الاقي اغنية لفلان ولا لفلان؟ قال لها هو كل الناس دي كانت هو الزبزبات والموجات دي معنا. اخواني واحبابي في الله. الله سبحانه وتعالى جعل اول - 00:05:14

اول صفة للمؤمن في القرآن كله الف لام ميم ذلك الكتاب لا ريب فيه. هدى للمتقين الذين يؤمنون بالغيب اول صفة في القرآن كله هو الايمان بالغيب. هو طب يؤمنون الايمان من الامان. يعني الايمان والامان الاتنين في الجزور اللغوية لو هتدور في المعاجم - 00:05:34

من مادة امان من الامان. يعني ايه يؤمنون بالغيب؟ انا ما فيش في جيبي جنيه ولكن ابويا في جيبه مليون جنيه انا مآمن مآمن ليه ؟ في جيب ابويا يؤمنون بالغيب هو مطمن. مطمن بالفلوس اللي في خزاين ربنا اللي مش في جيبه. مطمن بان - 00:05:54

معه وسانده ومأيده وهياخد بايده وهو مش شايف ربنا هو ده محض الايمان اصلا. الايمان مش باللي لك اول صفة في القرآن الذين يؤمنون مصدر الامان بتاعهم مصدر الاطمئنان مصدر الثقة مصدر البطيخة الصيف - 00:06:14

حاطينها في بطونهم الذين يؤمنون بايه؟ بالسندات الملكية يؤمنون بارصدة البنوك يؤمنون بالفلوس اللي معه في بتاعته مصدر امانهم مصدر فرحهم مصدر سعادتهم مصدر السقة واليقين والثبات الداخلي والاتزان النفسي الداخلي اللي جواهم. بايه ؟ بالغيب. خلي بقى اللي يقول لك انتم بتؤمنوا - 00:06:34

اللي مش شايفين خليه دعهم كل واحد هيدفع ضريبة عقائده. زي ما النبي قال سبحانه وتعالى وربنا سبحانه وتعالى يعني زكر هزا على لسان النبي في سورة الكافرون لكم دينكم ولي دين. يعني ايه لكم دينكم ولي دين؟ لك دينك ده لك في الاخر انت اللي هتجني - 00:07:04

انت اللي هتجني ثماره لو صح. وانت اللي هتدفع ضريبته لو لو غلط. ولي دين. لي دين انا بقى ديني انا هجني ثماره دنيا واخرة وهجني افراحه دنيا واخرة. وهجني عطاءات ربنا لاهله دنيا واخرة. كل واحد هيدفع ضريبة عقيدته. كل واحد هيدفع ضريبة فكره. بل الذي - 00:07:24

لا يؤمنون بالاخرة في العذاب والضلال البعيد. مش في عذاب جهنم هيعيش معذب في حياته. الانسان اللي مش مؤمن الغيب ده هيعيش معذب هيعيش ضايع من جواه. هيعيش متقطع من جواه والعياذ بالله زي ما ربنا سبحانه وتعالى قال في القرآن - 00:07:44

ومن يشرك بالله فكأنما خر من السماء. هو كان في السما فوق اللي موصول بالله ده فوق. قلبه فوق. عايش فوق لو رجليها على الارض خر من السماء فتخطفه الطير. الطير هنا بقى الشهوات والشبهات والدنيا والمشاكل الدنيوية تقعد في مصر - 00:08:04

قلب كل مشكلة بتخطف حتة من قلبه. عكس ما قاله الله سبحانه وتعالى يكاد البرق يخطف ابصارهم. يكاد البرق اللي هو نور القرآن يخطف ابصارهم. يعني هنا خطف وهنا خطف. ايه اللي هيخطفك؟ يا اما القرآن هو اللي يخطف قلبك من الدنيا وشهواتها. وحقارتها يا اما طيور - 00:08:24

المشاكل الدنيوية والشهوات الدنيوية هي اللي تخطف قلبك. كده هتتخطف وكده هتتخطف. ايه اللي خاطف قلبك؟ قلبك عايش مع ايه؟ وقلبك عايش مع مين شف قلبك لان ده اداة الاتصال الوحيدة بينك وبين الله. سبحانه وتعالى لو واحد مرمي في صحراء وما عهوش موبايل او الموبايل بتاعه فصل - 00:08:44

شحن وعربيته على طريق صحراوي مهجور ضاع لاداة اتصاله بكل مصادر الانقاز وكل مصادر النجدة اغاثة اتقطعت. خلاص راحت بقى اللي في ايده حتة حديدة ما لهاش لازمة. قلبك ده لو مش موصول بالله. قلبك ده اداة الاتصال الوحيدة. القرد - 00:09:04

الوحيد الانتنة الوحيدة اداة الاتصال الوحيدة بالسماء. لو قلبك فسد لو ما اهتمتش بقلبك لو ما صلحتش قلبك بالقرآن لو ما صلحتش قلبك بالذكر خلاص انت انت مش اللي مرمي في الصحراء والموبايل بتاعه فصل - 00:09:24

انت مش فقدت الاتصال بالمخلوق. انت فقدت الاتصال بالخالق. قلبك ده اخطر حاجة لازم تحافظ عليها في حياتك. اخطر حاجة لازم تطهرها وتنورها في لان ده اخطر جهاز اتصال لو وقعت في ازمة وجهاز جهاز الاتصال بايز ما انتاش عارف تقول يا رب. مش قادر تقول يا رب جهاز الاتصال - 00:09:44

لو نفسك في حاجة وجهاز الاتصال بس مش قادر تقف على بابه مش عارف. وانا مش عارف مش عارف ليه؟ لان جهاز الاتصال فيه مشاكل عشان كده القلب ده هو اخطر حاجة في حياتك. يجب ان تهتم بها. حبيب الله محمد عليه الصلاة والسلام لما تعرض للاذى في مكة ربنا سبحانه وتعالى - 00:10:04

اجرى له رحلة المعراج. اطلع يا محمد بقى لو اهل الارض ما هماش عارفين قيمتك. اطلع شف قيمتك عند اهل السماء. لو اهل الارض ظلموك شفت تكريم اهل السماء لك. لو اهل الارض اذوك وعذبوك وخلوك تاكل ورق الشجر في الشعب. اطلع شوف قصورك وقصور - 00:10:24

في الجنة لو اهل الباطل قطعوك اطلع شف وصل ربنا لك. اطلع شف مقامك ومقام دينك ومقام ومقام امتك المعراج لم يكن تكريم للنبي صلى الله عليه وسلم وحده. المعراج كان تكريم لهذه الامة كلها. وكان عشان كده المعراج مش هيتعلق بالنبي بس - 00:10:44

عليه الصلاة والسلام ده تعلق بالامة. اطلع شف قيمة القرآن. قيمة اهل القرآن. قيمة الدعاء الى الله. قيمة اللي هيقف في وش الباطل في الارض كلها عشان ربنا قيمة اللي هياكل ورق الشجر في شعب ابي طالب عشان الدعوة الى الله. قيمة اللي هيستحمل سلك جسور بيلقى عليه. والناس كلها واقفة - 00:11:04

ففي الحرم المكي تضحك عليه وانت حل بهذا البلد. البلد الحرام الوحيد اللي مستحل فيها انت. البلد اللي ما حدش فوت فيها عصفورة الوحيد اللي مطلوب دمه فيها انت. البلد اللي الفاجرات محترمين فيها. والمرابين - 00:11:24

ومن فيها الوحيد اللي ما لوش هيبة فيها هو انت. وانت حل بهذا البلد. انت الوحيد اللي مستحل هنا. اطلع بقى شف تكريم ربنا لك. اطلع شف جزاء صبرك. اطلع شف جزاء صبر كل من سيصبر على الدعوة الى الله. لو ابو لهب قال لك تبا لك سائر اليوم لو - 00:11:44

وابو لهب جري وراك ما بين خيام منى وانت بتدعو الى الله. يدمي قدميك وساقيك وعرقوبيك. بالحجارة لحد ما تنزف دم. وانت ماشي قل من يمنعني حتى ابلغ كلام ربي فان قريشا من عبدي ان ابلغ كلام ربي لو صبرت على ده اطلع شف جزاء ربنا - 00:12:04

يصبر انا اعطيناك الكوثر. انا اديتك كتير ولسه هديك كتير. وهديك اكتر حاجة من كل حاجة. ليه؟ عشان ولا تمنن تستكثر. لانك تدي للدين كتير ولانك هتدي للدعوة كتير. ودي سنة ربنا في التعامل مع كل واحد بينصره. سنة ربنا في التعامل مع كل واحد - 00:12:24

انصر دينه وبينصر دعوته وبيعيش عشان دعوته انا اعطيناك الكوثر. هديك كتير اوي. انت مش هتقدم حاجة مهما ظنيت ان اللي انت بتقدمه الدين كتير ولنصرة النبي لما حد بيتجرأ عليه كتير وللدعوة الى الله كتير اللي انت هتاخده اكتر من اي حد ممكن - 00:12:44

يتخيلوا لأ دي رحلة من الرحلات اللي ربنا سبحانه وتعالى اطلع فيها النبي على غيبيات ومليانة معاني عظيمة وهي رحلة تكريم للنبي وتكريم وتعظيم لقدر القرآن اللي هو مدد دعوة النبي وتكريم لهذه الامة اللي هو هذا النبي نبيها - 00:13:04

وتكريم للدعوة الى الله. اللي كان التخفيف عن هذا الداعية بعد عشر سنين اذى وتحمل فتخفيف عليه بشارة من الله سبحانه وتعالى واعلمها من الله ان ربنا لن يترك من تحمل من اجله. الله سبحانه وتعالى في اكتر سورة اتكلمت عن المشقة اللي النبي قابلها في - 00:13:24

حياته اكتر صورة اتكلمت عن البلاءات التي تعرض لها رسول الله بسبب الدعوة الى الله. اكتر سورة اتكلمت قد ايه في ناس خزلته. قد ايه في ناس حاولت تشوه سمعته. قد ايه في ناس بسبب حبها لاثقلت عليه ولم - 00:13:44

تحترم هيبة مقام النبوة بسبب حبها ليه ؟ قد ايه ؟ كان متألم جوة بيته برة بيته. قد ايه كان عنده مشاكل جوة بيته عشان نساءه عايزين نفقة. قد ايه كان عنده مشاكل برة بيته من اصحابه. قد ايه كان بيحس ساعات بخزلان من بعض المقربين اليه. في - 00:14:04

واقف لما الاعداء بيحاصروا المكان او يسيطروا عليه. اكتر سورة اتكلمت عن معاناة محمد وعن الام محمد. وعن مسئولية محمد وعن امانات محمد. وعن تحمل محمد عليه الصلاة والسلام. سورة الاحزاب. سورة الاحزاب السورة اللي ربنا من اولها - 00:14:24

عشان كده دي اكتر سورة فيها تكريم للنبي عليه الصلاة والسلام. عشان كده هي دي السورة اللي ربنا قال فيها ان الله وملائكته يصلون على النبي يعني الكون كله بيصلي على النبي لانه شايل هموم انت مش متخيلها. اقرا سورة الاحزاب كده بتركيز وتشوف النبي كان مستحمل - 00:14:44

قد ايه جوة بيته وبرة بيته وفي الجهاد ومن صحابته ولما تزوج زينب واللي اتقال عليه والمنافقين كانوا بيشوهوا صورته ازاي؟ واللي وان نسوته كانوا بيطلبوا نفقة ازاي ؟ ولما الجيش الفين وسبعميت واحد سابوه في الخندق وسابوه مع تلتميت واحد وقالوا ان بيوتنا عورة. قصص - 00:15:04

الام فربنا بيقول ان الله وملائكته يصلون على النبي رحماته تتنزل. كل ما هتشيل الدين كل ما ربنا هيرحمك. كل ما هتشيل هم الدين كل ما ربنا هيشيل عنك هم الدنيا. كل ما هتبقى من جنود ربنا في الارض كل ما ربنا هيتولاك. اوعى تفتكر ان اللي بيعيش عشان دينه ضحى - 00:15:24

دنيته. ده اكتر واحد هياخد دنيته. انا اعطيناك الكوثر. ده ربنا يعني الكوثر ده الشيخ الشعراوي رحمه الله بيقول اي كوثر اي العطاء الكثير. الزمخشري بيقول اي الاكثر من كل شيء. انت هتاخد اكتر واحد. اوعى تفتكر ان انت بتضحي - 00:15:44

ده انت بتاخد لانك ما عدتش بتقبض من بني ادمين. انت عدت بتقبض من ربنا. السكينة اللي في قلبك ما فيش دكتور نفسي اقدر اجيبها لك الامل اللي جواك ما فيش حبوب مهدئة تقدر تديه لك - 00:16:04

السقة واليقين باللي في خزاين الله ما فيش حد مهما كان في جيبه هيحسها. انت هتاخد كتير اوي على قد ما هتدي على قد ما هتاخد فوق تخيلك وفوق تصورك. ان الله وملائكته يصلون على النبي. اشمعنى في سورة الاحزاب؟ لانها السورة اللي ربنا قال فيها انا عرضناها - 00:16:19

والامانة انا عروضنا الامانة على السماوات والارض والجبال. الامانة تحمل مسئولية الدين من يحمل هم الاسلام؟ تحمل مسئولية نصرة دين الله. ونشر دين الله. تحمل مسئولية الامر بالمعروف والنهي عن المنكر. تحمل مسئولية الدعوة الى الله - 00:16:39

تحمل مسئولية ان اطفال المنطقة دي كلها يحفزوا قرآن. تحمل مسئولية بنتك وابنك ومراتك ان هم يعرفوا دينهم تحمل المسؤولية. اللي اصبح الوقتي صفة تايهة عن الامة. ما حدش شايف انه مكلف بحاجة في الدين. ما حدش يقدر يبقى المسؤولية. هم الخمس فروض - 00:17:00

وبنخطفهم في الجامع او برة الجامع. والحمد لله ده انا تمام التمام. ما حدش واخد باله. احنا مسئولين عن ايه؟ ما حدش واخد باله يعني ايه ان شاعر في الارض خليفة - 00:17:20

انت خليفة الله في الارض ان انت ربنا استخلفك في الدنيا دي ليه واستعمركم فيها؟ يعني عمرها بالعمارات والبيوت لأ يا حبيبي تعمرها تحفيزات القرآن تعمرها بالصلاة وقيام الليل. تعمرها بالدعوة الى الله. تعمرها بتحفيظ الاطفال القرآن. تعمرها بنشر الهداية - 00:17:30

تعمرها بالامر بالمعروف والنهي عن المنكر. تعمرها بتطبيق شرع الله والدنيا جاية ورا ده. وتعمرها بالنهضة في كل مجالات الدنيا. عشان يبقى واوتينا العلم من قبلها وكنا مسلمين. رسالة كبيرة اوي. سورة الاحزاب ربنا بيقول انا عرضنا الامانة على السماوات والارض - 00:17:50

والجبال فابين ان يحمي الله لا لا لا لا انا انا هبقى مكلف بحمل امانة الدين في الارض بان الجاهل والفاسد يدعى واللي عايز يوصل لربنا يتربى انا هبقى شايل امانة ان كل منكر ادعو الى الله - 00:18:10

بابا غيره وان المعروف اللي ناقص في حياة الناس ادعو الى الله وانبه الناس عليه. انا وابينا ان يحملنها فابين ان يحملنها فقن منها وحملها الانسان. وحمل الصورة اللي بتبين امانة الرسول في حمل الامانات. جوة بيته وبرة بيته. في الجهاد - 00:18:30

شف الدعوة وفي العلم وفي العبادة. وفي كل حاجة في تربية الرجال والنساء والاطفال. السورة اللي اتكلمت عن عن قوة النبي في حمل الامانات هي اللي ربنا اللي هي مسئولية الدين هي اللي ربنا قال فيها. ان الله وملائكته يصلون على النبي. عليه الصلاة والسلام. الرحمات دي كلها - 00:18:50

لم تتنزل يا رب على النبي بالزات لانه شايل كل ده. على قد ما هتشيل على قد ما يبقى لك قيمة عند ربنا. وعلى قد ما يبقى كل همومك هي دنيتك. كل همومك هي مشاكلك الدنيوية. على قد ما هتعيش جوة نفسك. وجوة دماغك انت. وجوة الانا بتاعتك انت. وجوة - 00:19:10

ضباط نفسيتك انت من ساعة ما بتصحى لحد ما بتنام شغال لي مين ؟ لنفسيتك. شغال لمين ؟ لطموحاتك انت. شغل لمين ؟ لنفسك انت على قد ما هتهون عند الله في الدنيا. وعلى قد ما هتطلع من ذاتك وتفكر في الدين وتفكر في دعوة ربنا. وتفكر في - 00:19:30

نصرة رسول الله لو حد مجرم تجرأ على النبي عليه الصلاة والسلام ولا تكلم عن الدين ولا تكلم عن سوابت الدين على قد ما هتبقى راجل مع الدين هنا على قد ما ستجد لك قيمة عند الله سبحانه وتعالى وتجد صلوات الله ورحمات الله سبحانه وتعالى تتنزل عليك. دي رحلة - 00:19:50

الرحلة اللي هي فوق السماء الرحلة اللي تحت الارض بقى. الرحلة اللي تحت الارض دي باتكلم عنها دلوقتي ليه ؟ رحلة حديس سمرة بن جندب في صحيح البخاري. رحلة رؤية النبي - 00:20:10

صلى الله عليه وسلم لعذاب اهل الكبائر. الحديس طويل طبعا. حديس كبير ونعيم بيتكلم عن اصناف النعيم ودرجات الجنة. ولكن حديس كبير حوالي ست صفحات فلوس كم؟ حديس في آآ صحيح البخاري. حديس سمرا بن جندب. فانا عايز اتكلم عن الحتة اللي في الاول بتاعته بس. اللي هي رؤية رسول الله صلى الله عليه وسلم - 00:20:22

عذاب اصحاب الكبائر في القبر. طب اشمعنى الحتة دي بنتكلم عنها؟ لان احنا لسه في رجب يا جماعة. احنا لسه في شهر حرام. يعني ايه شهر ربنا قال عن الاشهر الحرم كلمة لو الامة فهمتها لن نتعامل مع الاشهر الحرم بهزا التعامل البارد اللي احنا - 00:20:42

احنا بنتعامل بيه معها. لما ربنا سبحانه وتعالى قال منها اربعة حرم. ذلك الدين القيم. يعني ايه الدين القيم هو انا واقف على انا واقف واقف ازاي ؟ لان فيه عمود فقري هو اللي مقومك هو اللي مقوم طولك. زلك الدين القيم ده العمود الفقري. اللي من غيره - 00:21:02

الامة دي تنهار. اللي من غيره الامة دي مش هيقوم لها امة لا في دين ولا في دنيا. ايه ده! الكلمة دي ربنا قالها على الاشهر الحرم! اه والله زلك الدين القيم مقصودها في الاية منها اربعة حرم اللي هو منهم رجب اللي احنا فيه ده الاشهر الحرم هي العمود الفقري - 00:21:22

الامة عم الشيخ انت بتقول ايه ؟ الكلام العجيب ده منين ؟ يا جماعة الاشهر الحرم رمضان جاي وشعبان جاي ان شاء الله بعد ايام وبعده رمضان زي الحجة كل دي مواسم تعظيم قدر الطاعة. مواسم ربنا جابها لنا عشان نعظم قدر الطاعة. يعني مسلا في رمضان - 00:21:43

كما قال النبي صلى الله عليه وسلم كما قال حبيب الله محمد صلى الله عليه وسلم. يعني ربنا من علي كده بكتاب اسمه الاربعون الرمضانية. حاطط الحديس ده فيه. لان ناس كتير مش واخدة بالها منه. ان الله يمهل - 00:22:03

في رمضان حتى اذا مر ثلث الليل الاول نزل رب العرش الى السماء الدنيا. حتى اذا مر ايه طولت الليل الاول يعني تنزل الملك لاهل قيام الليل طول السنة امتى ؟ في التلت الاخير. تنزل الملك لاهل - 00:22:17

قيام الليل في رمضان امتى ؟ في التلتين الاخرين. يعني انت خارج من التراويح وتنزل الملك ابنك. عشان كده الصحابة كانوا يخلصوا مع الناس صلاة التراويح ويروح يكمل صلاة لحد الفجر. الصحابة كانوا بيخلصوا التراويح الفجر يا جماعة. كانوا بيجروا يتسندوا على العصيان من كتر القمة طول الليل - 00:22:37

عشان عشان يلحق يتسحر. كانوا بيصلوا بالبقرة في تمان ركعات. طب هم كانوا بيصلوا طريقة كده ليه؟ عشان يفوز عمر ابن الخطاب لما الناس صلاة التراويح وروحت قال لهم والتي تنامون عنها افضل. ده انتم جايين في وقت تنزل الملك في التلتين الاخرين من الليل وراح تنام. في التلت - 00:22:57

اولاني طب اعمل ايه ؟ تعمل ايه ؟ رمضان شهر المرجلة. ده رمضان ده العمود الفقري بتاع السنة بتاعتك كلها. ما هي دي. لما ربنا يقول عن مواسم الطاعة الحرم ذلك الدين القيم تفهم. ليه المواسم دي لازم تبقى فيها بني ادم تاني؟ ولازم دينك يبقى رقم واحد في اعتبارك والعبادة لان ده اللي هيقويك - 00:23:17

يومك طول السنة ففي مواسم ربنا جعلها لتعظيم الطاعة. رمضان شعبان. كل ما الطاعة تزيد. اه السواب يزيد. وفيه نواسم ربنا جعلها لطاعة تنظيم المعصية اللي هي بقى من شهور التحلية شهور التخلية. اللي هي شهور ان المعصية الصغيرة بقت كبيرة. كبيرة. فتخيل - 00:23:37

تخيل انت يوميا بتتفرج على كم مقطع ودي مزيعة متبرجة وده مشهد يا عم والله ما انا قصدي يا عم ده انا بتكلم اتفرج على مقطع وكل شوية يجيبوا بها ممسلة من - 00:23:59

لقطة من فيلم كده والممسلة بتقول للممسل حاجة. وطبعا هي لابسة ايه ولا ولا ما زهقناش. المهم يا عم ده مقطع. ده مقطع اخباري. انا ما لي! انت فاكر ان هو مقطع! انا مش داخل - 00:24:09

وكم مرة بتشوف منزر وكم مرة بتشوف بتاع فانت تلات اربع تلاف زنب صغير في اليوم. تخيل بقى في رجب ان هم يبقوا تلات اربع تلاف كبيرة يا نهار ابيض! هي الاشهر الحرم الزنوب تضاعف قدرها فيها لهزا القدر - 00:24:19

لدرجة ان الزنوب الصغيرة ما عدتش صغيرة وبقى قدرها اعظم عند الله. اه طب ليه؟ ذلك الدين القيم عشان الامة في الشهور الحرم تترعب كلمة حرام. فتقوم الشهور دي تبقى موسم ترك الحرام. تقوم تتدرب على ترك الحياة. عشان كزلك الدين القيم ليه؟ لان مش هيقوم لك - 00:24:36

ولا هيقوم للامة قومة طول ما الزنوب دي معنا. انت عارف واحد واحد جاي كل ما ييجي يقف على رجليه يقوم واحد مدي له باجانة على دماغه. يقوم نايم بارك له شهر - 00:24:56

بعد كده ييجي يقوم تاني على رجليه يقوم مدي له خبطة على دماغه. يقوم قاعد شهر. ييجي تاني يوم على رجليه. يقوم مدي له هيقوم ازاي؟ طول ما احنا نيجي نقوم على رجلينا دنيا ولا اقتصاد ولا نهضة ولا سعادة ولا تربوت اجتماعي ولا يقوم الربا بالدين على دماغنا نقوم واقعين. عقوبة - 00:25:06

فازنوا بحرب من الله ورسوله. آآ تيجي تقوم الزنا والتبرج والحاجات اللي خابطة تيجي تقوم الجرأة على الله في الاعلام والجرأة على سومة الدين خطأ. مش عارفين نقوم من عقوبات الزنوب. هنقوم ازاي؟ هيقوم للام عمود فقري ازاي والذنوب - 00:25:26

الذنوب دي ملياها. طب يبقى الحل ايه؟ الحل ان نفهم قيمة رجب ان رجب ده عشان كده اسماء بنت ابي بكر كانت تصوم شهر رجب كله وكثير من اصحاب النبي كانوا يعتمرون في رجب. رغم ان عمرة رمضان كحجة مع الرسول. عليه الصلاة والسلام. لأ كانوا يعتمروا في رجب ويروحوا وبعد كده يحجوا. الاقيش - 00:25:46

اشمعنى رجب؟ هو فاهمين قيمة رجب في الشرع. مش معنى ان الصلاة الرجبية بدعة. ومش معنى ان كثير مما يقال في رجب بدعة. ان رجب مش موسم عبادة. جمهور اهل العلم جمهور اهل السنة على ان رجب موسم عبادة. وموسم صيام. وموسم قيام بس على سنة النبي - 00:26:06

مش تأليف صلوات بقى وحاجات والبدع اللي بتتقال دي. انما هو موسم عبادة. موسم عبادة عظيم. جمهور اهل العلم الوحيد اللي خالفهم مين؟ الامام احمد طب الامام احمد قال ايه؟ هل رجب ما يتعبدش فيه؟ لأ يا حبيبي. الامام احمد قال رجب لو تلاتين يوم ما تصومش التلاتين. افطر ولو يوم - 00:26:26

بس يعني مش قال لك آآ قال لك افطر احيانا في رجب بس. انما مش رجب مش موسم. لأ رجب موسم عند كل علماء الاسلام مع هذه الرحلة اللي تحت الارض قال النبي صلى الله عليه وسلم قال سمرة بن جندب كثيرا ما كان نبي الله محمد صلى الله عليه وسلم - 00:26:45

بعد الغداة يقول هل رأى منكم احد اليوم رؤية؟ النبي كان بعد جلسة الضحى او بعد صلاة الفجر يبص للصحابة يقول لهم حد شاف رؤية النهاردة هو احنا ما بنشوفش - 00:27:05

رؤى. ما هو الرؤى دي عايزة اتصال بالله بقى. ما هو الرؤى دي رسايل من ربنا مثل يلقيه الملك في روعك وانت نائم. الرؤية دي عايزة ازاز صافي عشان تشوف - 00:27:15

لانها شيء من الغيب بيوحى اليك بشرى من بشرات ربنا. توجيه من ربنا. فدي حاجة غالية. دي رسالة خاصة لك من ربنا. فانت يعني هل انت تستاهل؟ فالنبي عليه الصلاة والسلام كان بيدرب الصحابة على الاتصال بالله. فيقول هل رأى منكم احد اليوم رؤيا؟ آآ فمر - 00:27:25

آآ فزات غداة قال النبي صلى الله عليه وسلم انه اتاني الليلة اتيا. انا الليلة جا لي اتنين. هم جبريل وميكائيل. جبريل ملك ارزاق الروح وميكائيل ملك ارزاق البدن. جبريل ملك الوحي وميكائيل ملك المطر. فيعني شف ربنا باعت له مين؟ يعني كان المؤمن - 00:27:45

الموصول بالله آآ الله بيمده بمدد الروح ومدد الجسد. فاللي جايين له الملك اللي مسئول عن ارزاق الارواح والملك اللي مسئول عن ارزاق الابدان. عشان كده الملكين دول بالزات مين اللي كان مع ديهم؟ لو حد زكي بقى وحافظ سورة البقرة. مين اللي كان كارههم؟ اليهود - 00:28:05

اليهود وجبريل وجبريل وميكال كانوا فان الله عدو للكافرين كانوا معه يقول من كان عدوا لله وملائكته ورسله وجبريل وميكال. اشمعنى انا جبرائيل وميكائيل للي اليهود كانوا معديينهم لان اليهود اصحاب انا اصحاب انانية. فعايزين لما ينزل خير من رزق الدين علي انا بس - 00:28:26

بس ما يتفتحش على غيري. ولما ينزل خير من رزق الدنيا انا بس. فجبريل بتاع انا وميكائيل البتاع انا. طب لو جبريل هيديك وهيدي لغيرك؟ ما اعرفوش عدوي. لو ميكائيل هيديك وهيدي لغيرك. عدوي. ايه ايه - 00:28:46

نفوس المتعفنة دي. عشان كده ربنا رد عليهم في سورة البقرة قال وهو ربنا وربكم. هو ربنا بتاعك انت لوحدك! هو انت اما تشوف واحد غني تقول لي يا عم اللي اداك اديني. هو ربك مش ربي! هاقف على بابه زي ما اداك يديني. يبقى هو ربنا وربكم وربنا بيدي لحد - 00:29:06

وبيسيب حد اقف على بابه ويديك سبحانه وتعالى. الله يطمعك في رحمته. النبي صلى الله عليه وسلم يقول انه اتاني الليلة اتيان جا لي اتنين ملايكة اللي هم جبرائيل وميكائيل وانهما ابتعثان ابتعثان يعني وهو النبي نايم حلم انهم بيصحوه من النوم. عارف انت لما تحلم - 00:29:26

نايم فصحيت من النوم فعملت كزا كزا وبعد كده تصحى من النوم اصلا بعد كده فكأنهم صحوا النبي من النوم جوة النوم يا اما ابتعثاني زي ما مبعوث الامم المتحدة كده يلا طالعين في بعثة. يلا طالعين في مهمة خطيرة. وانهما قال لي انطلق فانطلقنا. يلا بسرعة يلا - 00:29:46

دي فرصة الله اذن لك ان ترى اشياء من عالم ما تحت الارض. الله اذن لك ان ترى من الغيبيات. الله اذن لك ان ترى عذاب اهل الكبائر من امتك يا محمد. الله اذن لك انطلق ما فيش وقت ما تضيعش الفرص. ما تضيعش الفرص عشان كده النبي عليه الصلاة والسلام - 00:30:06

اول ما واحد شافه فاتينا على رجل مضطجع واحد نايم كده عارف نايم على المخدة واحد نايم على جنبه زي ما كان بينام على المخدة على سريره كده مضطجع واذا - 00:30:26

ورجل قائم على عليه بصخرة. وواحد تاني واقف راجل تاني واقف ومعه صخرة فوق راسه. واذا به يهوي على رأس بها فيثلغ رأسه يفرم رأسه. في رواية فيذهب مخه في جهة والصخر في جهة - 00:30:36

اخر رواية خارج البخاري فيفلغ رأسه يفرمها فيتدهده الحجر. الحجر ايه؟ ينزل كده كأن هو فوق جبل يعني. والحجر ينزل يقع فيقوم نازل الراجل جايب الحجر عما يرجع يكون التاني راسه رجعت كما كانت فيقوم على رأسه بالصخرة فيسلغه يعني ده - 00:30:55

شاب ليوم القيامة والعياذ بالله. فالنبي عليه الصلاة والسلام قال سبحان الله ما هذان! سبحان الله! كلمة النبي مرتبط بذكر ربنا اللي مرتبط بذكر ربنا لو تعجب يقول سبحان الله - 00:31:15

لو انبهر يقول الله اكبر لو شاف حاجة جميلة يا سلام يا اللهم لك الحمد. هو مرتبط بزكر ربنا فعادة تعبيرات اللاشعورية يا عنده تعبيرات بالزكر من كتر ما الذكر دخل في لحمه ودمه وقلبه. من كتر ما الذكر بقى بيجري في عروقه. فالنبي عليه الصلاة والسلام لما ارتاح فقال - 00:31:28

سبحان الله! ما هذان! فقال لي انطلق! انطلق! الحديس ده النبي اتقال له انطلق تلتاشر مرة. يعني ايه انطلق! ما فيش وقت نفسر لك انت ربنا ازن لك مسلا بعشر دقايق. رؤية للغيب. هنفسر لك بعد ما يخلصوا. ما تضيعش الفرصة في اللي ما لوش لازمة - 00:31:48

التفسير هييجي بعدها الوقتي الحق شف مشاهد غيب مما تحت الارض من عذاب القبور من عذاب اهل الكبائر بسرعة. وبعد كده نفسر لك لما الفرصة تخلص ولما الوقت يخلص انت كمان انطلق. انطلق. احنا اكبر مشكلة في حياتنا تضييع الفرص. لما ربنا يفتح لك فرصة - 00:32:08

فما تضيعهاش. ما تقعدش الصنابيح الصنابيح ده من كبار التابعين. وهو من اهل اليمن. فالصنابيحي قاعد مرة مع ابي الخير. عبدالله اه ابن عبدالله المصري واحد من التابعين بقى مصري فبيقول للصنابيحي بقى كلمني عن الهجرة بتاعتك. فالسرابيح بيتكلم كلام - 00:32:28

دكتور دم استاز رباحي كان يقول بيني وبين رسول الله خمس ليال السونابيحي قرر يهاجر للنبي عليه الصلاة والسلام وهو عند الجحفة. يعني عدى مكة بمية وخمسين كيلو. يعني خلاص طالع في طريق المدينة النبي مات. عليه الصلاة والسلام - 00:32:48

فكان لسه له على المدينة خمس تيام ويوصل. فقال فكان دايما طول عمره يقول الكلمة دي. كان بيني وبين رسول الله خمس ليال يا ريتني لحقت ما لحقش النبي عليه الصلاة والسلام. يعني ما تتأخرش عشان ما تندمش - 00:33:03

ما تضيعش الفرص اللي ربنا فتحها لك. اي باب خير في الدنيا باب خير في الدين بالعقل طبعا وبالوزن وبمقاييس النضج. والعقل. انما لما تكون فرصة بحييك في فرص دين بتتفتح لك. اي تحفيظ قرآني اتعرض عليك ما تضيعش يا ابني الفرصة. اي صحبة صالحة ما تضيعش الفرصة. اي فرصة لحد آآ في الدعوة الى الله بيقول لك تعال معي. ما تضيعش الفرصة. فرصة - 00:33:20

طلب علم معهد على النت فيه طلب علم مناجي. ما تضيعش الفرصة. اللي مفتوح النهاردة مش هيبقى مفتوح بكرة. الا ان يأذن الله. فكان دايما يقول الكلمة دي كان بيني وبين رسول الله خمس ليال. يا يا ندمي! انطلق! انطلق! فبيقول النبي يلا بس يلا اللي بعده - 00:33:40

هو مررنا على رجل الاولاني اللي نايم على جنبه ده المضطجع اللي هو زي بالظبط نايم على المخدة كده والصخرة بتنزل تفرم راسه مخه في ناحية راسه في ناحية على الرواية التانية يعني انطلق. طب والتاني؟ فاتينا على رجل مستلق لقفاه. واحد بقى مش نايم على جنبه. مش نايم ومأنتخ بقى. لأ - 00:34:00

ده واحد نام على ضهره كده. ها نومة المستسلم كده نومة اللي في المشرحة وبيتشرح. نومة الجسس اللي في المشرحة بتتشرح. واذا برجل معه من حديد معه عصاية حديد كده ايه طرفها بيبقى آآ متن كده. فيأتي على احد شقي وجهها وجهه - 00:34:20

ييجي على النص اليمين من وشه. فيشرشر شدقه الى قفاه. يقعد يقطع كده بالحديد خد بالك الكلوب اللي من حديد ده بالسكينة يعني لو سكينة هتقطع لو سكينة بيقطع لأ ده ده حديدة يعني تخيل تخيل الالم اللي هو فيه عشان كده النبي عليه الصلاة والسلام ما قالش في قطع شدقه اللي هو بوقه الى قفاه - 00:34:40

يشرشر يشرشر لان التقطيع بها بيخلي اللحم يتقطع بشكل مش مستوي اصلا. شرشرة المنشار انك تعمل له سنان كتير. فمش مش حد واحد فبيتعذب بطريقة صعبة جدا. جدا. ويشرشر منخره الى قفاه. يقوم قاطع من - 00:35:03

لقفاه. وبعد كده من مناخيره منخره الى قفاه. وبعد كده عينه الى قفاه. وبعد كده يقوم رايح على الوش التاني النص التاني ابشر شدقه الى قفاه منخره الى قفاه عينه الى قفاه - 00:35:23

فالنبي عليه الصلاة والسلام لما شاف المنظر فقال آآ سبحان الله ما هذان؟ مين الراجل اللي نايم وقعد يتشرح ده قعد يتشوه قعد يتشلفط وشه ده. الراجل ده مين ؟ فقال لي انطلق انطلق. فاتينا على مثل التنور فرن - 00:35:38

فرن تخيل فرن كده تحت الارض. واذا فيه لغط واصوات. اللغط اصوات الخناقات. يعني النبي قبل ما يشوف فيه ايه سامع صوت ناس بعض شتيمة. ناس مقطعين بعض خناق. ناس يعني هم ولا عليهم وهم نفسهم مولعين في بعض. اذا فيه - 00:35:58

واصوات فاطلعنا فاذا في هزا التنور فاذا رجال ونساء عراة واذا بلهب يأتيهم من اسفل فلا يحدسها في صحيح البخاري في باب تعبير الرؤى. باب تأويل الرؤى. واذا بلهب يأتيه من اسفل منهم. فاذا جاء اللهب ضوضوا. ضوء يعني - 00:36:18

ايه؟ عملوا ضوضاء رهيبة. قعدوا يصرخوا وقعدوا يتشكوا والضوضاء اصوات الخناقات وهم بيتعزبوا وقاعدين يشتموا في بعض. وقعدوا يحاولوا يطلعوا من رأس الفرن رأس الفرن من فوق ضيقة ومفتوحة. هيطلعوا خلاص اللي بينزل يقوموا نازلين تاني. ويرجعوا للغط والاصوات والخناقات - 00:36:38

وبعد كده اللي ها بييجي يقعدوا طالعين نازلين كده. ليوم القيامة كده. فقلت سبحان الله ما هذان؟ فقال لي انطلق. انطلق. هو ايه ده يا جماعة ايه اللي بيحصل ده ؟ اللي بيحصل ده ان شاء الله - 00:36:58

نقول في الخطبة الثانية الحمد لله وكفى وصلاة وسلاما على عباده الذين اصطفى. اما بعد الاولاني الملايكة قالت للنبي الراجل اللي دماغه قاعدة تتحطم ده تسلخ رأسه قالوا اما الاول - 00:37:12

فكان يأخذ القرآن فيرفضه. وينام عن الصلاة المكتوبة يبقى ده اللي كان نايم على جنبه ده نفس منزر نومته على جنبه والمسجد جنبه الادان بيدن نسأل الله العفو والعافية فبيتعزب وهو في نفس منظر نومته على جنبه كده - 00:37:24

والاذان بيدن ويا عم كبر فكانت راسه تقيلة عن الصلاة. فبيتعزب في راسه. امال يعني ايه يأخذ القرآن فيرفضه؟ يعني ربنا حفزه القرآن وما بيقومش به ليل وفي القرآن يعني بيحفظ القرآن او بيفهم القرآن. يعني ربنا اتاه في القرآن فهمه. او اتاه في القرآن حفظ. فيرفضه - 00:37:43

يعني ما عندوش وقت له ما عندوش وقت له. فربنا ادى له القرآن ومتائل على مراجعته او على الصلاة به او على فهمه. واحنا جايين رمضان اعظم عمل على الاطلاق في رمضان مدارسة القرآن. دا الجلسة الليلية في رمضان بين النبي وبين جبريل. كان في ليه جلسة مدارسة قرآن كل ليلة بين النبي - 00:38:03

تخيل! اما تيجي انت وتلاتة اصحابك كده ولا انت وواحد صاحبك وتقول يلا اما نعمل جلسة مدارسة في صفحة من الجزء اللي هيتقلي النهاردة في التراويح. انت سنة جلسة النبي وجبريل. اعظم جلسة ايمانية وتربوية وقرآنية اتعملت في الوجود كله. آآ عشان كده سيدنا محمد كان بيقول ايه - 00:38:25

بيقول عليه الصحابة وكان اجود ما يكون في رمضان حين يأتيه جبريل فيدارسه القرآن. مش فيقرئه. رمضان بالشهر قراية بس. رمضان شهر مدرسة اسمع في تفسير القرآن. اقرا تدبر. كل يوم اديه لجزء واحد. يعني النهاردة اليوم الاولاني. رمضان غالبا هيبقى الصلاة فيه - 00:38:45

جمعة بالليل. يعني يعني هتبقى احنا بنصلي التراويح قبل واحد رمضان. واحد رمضان يبقى السبت بقى احتمال يعني غالبا يعني. ان شاء الله. فهيبقى بالليل. انت بقى من يوم الجمعة الصبح او من يوم الخميس بالليل انت عارف حضرتك بتعمل ايه مع الجزء الاول. يا عم الشيخ انا عايز امشي في اربع ختمات - 00:39:05

عايز تمشي فين ؟ اربع خدمات خلاص اقرا الجزء الاول اربع مرات. وبعد كده تاني يوم الجزء التاني اربع مرات. ليه ؟ عشان يا عم تركز عشان تطلع بحاجة. عشان - 00:39:25

حاجة عشان اما رمضان يخلص تبقى ارتبطت بالقرآن. يا سلام لو جبت سلسلة في شرح تفسير الجزء بقى وسمعت لك النصاية دهي انت بتقرا ايه يا اخوانا رمضان شهر مدارسة القرآن. طب والتاني يا رسول الله؟ الرسول بيسألهم قال لهم اما الزاني التاني بقى اللي هو نايم وعاد يتشرح ده. قعد يتشرشر - 00:39:35

وشو ؟ ها؟ فقالوا كان الرجل يخرج من بيته فيكذب الكذب حتى تبلغ الافاق الباشا رايح برنامج التوك شو بتاعه ويمسك واحد من اهل الدعوة ولا واحد من اهل الدين ولا واحد محترم في المجتمع ويقوم خابطه كلمة وهو كداب - 00:39:55

ونصاب وضلالي. الله اعلم بقى كداب ونصاب وضلالي ليه ؟ كداب ونصاب. فتبلغ الافاق. تعال بقى حبيبي عشان كدا النبي ما قال قال يشرشر يشرشر ليه؟ طريقة التعزيب نفسها صعبة جدا. آآ مش يقطع لأ من السكينة. ده كل ملة هيبقى بالم. طب الرسول ما قلش يشرشر فمه - 00:40:15

الى قفاه. قال شدقة ليه ؟ الباشا كان بيتشدق. عارف اللي بيتشدق اللي قاعد يتكلم بقى وفصيح وفاكر نفسه يا ما هنا يا ما هناك. تعال يا بتاع التصدق على اعراض الناس انت تعال. ويشرشر منخره. طب ليه النبي ما قالش يشرشر انفى؟ المنخر ده من النخر. عارف يقول لك يا عم انت قعدت نخو - 00:40:35

ورا فلان ليه ؟ من نار قاعد ينخر وراء اعراض الناس. قاعد يدور. يا عم انت ما لك بتدخل مناخيرك في اللي ما لكش فيه ليه ويشرشر عينه الى قفاه. فقاعد يتعزب بالاعضاء اللي كانت السبب في انه شوه سمعة الناس. ولو سمعة الناس - 00:40:55

اه اه مما لم يأذن به الله. طب والتالت يا رسول الله؟ التالت بقى اللي هو الزرجال والنساء العراة فقال له هؤلاء الزناة والزواني عشان كده النار بتيجي من اسفل لان نار الشهوة اللي من الاعضاء الجنسية هي اللي كانت والعياذ بالله بيستسلموا لها وبيقعوا في المعاصي - 00:41:15

ادخل بقى اتفرج على حاجة على السوشيال ميديا تقلبه لمعاصي سر تقلبه والعياذ بالله العلاقات محرمة. تدخل في الخناقة الزوجية هي سلسلة. هي مرجيحة. هي عاملة زي الزحليقة. اللي بيركب من فوق هيوصل لتحت. لأ يا باشا مش انا. ده انا جدع واعجبك قوي. امال حضرتك هتعمل ايه - 00:41:35

انا هركب من فوق واقف في النص. والله العزيم كان غيرك اشطر. المعاصي زحليقة. ركبت من فوق هتيجي من الاخر. انت في الاول قرارك انك انت طلعت. انما كل اللي بعد الطلوع تطور طبيعي. هتقع هتقع. فانت فاكر انك هتقف هنا. انما - 00:41:55

انك انت المعصية يا جماعة عاملة زي اللي بيشد حبل. شد حتة جه اللي بعدها. شد حتة جه اللي بعدها. والطاعة عاملة زي اللي بيشد حبل. شد حتة دي اللي بعدها. عشان كده سواب الطاعة - 00:42:15

الطاعة بعدها. وعقوبة المعصية المعصية بعدها. وجزاء سيئة سيئة مثلها النبي عليه الصلاة والسلام كل يعني علمنا ان كل ما يؤدي الى الزنا زنا. يعني الزنا مش بس واحد وواحدة آآ زنوا. ده النبي قال فالعين تزني وزنها - 00:42:25

يعني فرجة على المواقع الوحشة زنا. يعني الفرجة على كليب زنا يعني الفرجة على آآ صور وحشة زنا. والاذن تزني وسناها السمع. يعني واحد قاعد في مكالمة كده مع واحدة قاعدين يقولوا مش زنا. كلام زنا - 00:42:43

اه واليد تزني وزناها البطش. قال لك اللمسة زنا والرجل تجني رايح يقابلها زنا. فالرسول قال لك ان الزنا مش الزنا. ده كل ما يؤدي الى الزنا زنا. عشان كده النبي عليه الصلاة والسلام يقول اذا خرجت المرأة من بيتها وهي متعطرة - 00:42:59

هي كذا وكذا يعني زانية. الله ليه ؟ ما هو البرفان ده آآ هيشد حد حد طب وانا والله ما انا قصدي حاجة. ما هو انت مش قصدك حاجة بس انت ازيت - 00:43:15

الرجال في شهوتهم. ما هو انت عارفين ان نص اللي خارجين متبرجات هي مش بتشد انزار الرجال. هي عايزة تبقى حلوة. ايوة ربنا خلق المرأة عندها رغبة انها تبقى حلوة بس انت مش متخيلة انت ازيت قد ايه بالرغبة دي. فانت فسبحان الله العظيم حديس من الاحاديس العظيمة يبين رحلة من الرحلات العظيمة - 00:43:25

النبي عليه الصلاة والسلام تحت الارض وكان هذا في رؤية في صحيح البخاري. آآ اخواني واحبابي في الله نحن في الايام الاخيرة من شهر رجب. عايزين نتوب لربنا وعايزين نجدد التوبة مع الله سبحانه وتعالى. شعبان جاي شهر رفع الاعمال الى الله. شهر ليلة النصف من شعبان اللي ربنا هيطلع فيها على قلبك. قلبك فيه - 00:43:45

فيه حقد. فيه مشاكل بينك وبين ناس بلاش بقى حركة كل آآ يوم اربعتاشر شعبان دي. اللي هي تلاقي فجأة الواتس ولع والفيس ولع الاخوة وفي الله طلعت على الامة كلها. وتلاقي امة لا اله الا الله باعتة لك على الواتس آآ لو انا غلطان في حقك سامحني. هو في ايه؟ آآ الناس - 00:44:05

كلها خايفة من يطلع الله الى اهل الارض ليلة النصف من شعبان فيغفر لاهل الارض الا مشرك او مشاحن. فمشاحن دي لا يا عم احسن لو بين خلافات بينه وبين الناس ابعت - 00:44:25

طب ما تستسمح من الوقتي طب ما تصلح العلاقات من وقتي. هو انت جاي عامل زي الطالب اللي جاي يزاكر قبل الامتحان بساعة ليه؟ وبعد كده جاي رمضان الشهر بقى اللي ان فزت به فهيعمل نقلة جبارة في حياتك. وان اقبلت على مدارسة القرآن فيه. وان عكفت على - 00:44:35

ترتيل القرآن به تركيز فيه. فسيكون خير شهر مر عليك منذ ولدتك امك. اللهم اهدنا وسددنا. اللهم تب علينا توبة ترضى بها عنا اللهم تب علينا توبة ترضيك. تب علينا توبة نصوحة. تب علينا توبة لا نرد على اعقابها معا. لا نرد على اعقابنا بعدها ابدا - 00:44:55

اللهم انا نستغفرك من كل ذنب عصيناك به. ونستغفرك من كل صلاة ضيعناها. ونستغفرك من كل امر فعلناه نظنه حلال وهو عندك حرام. ونستغفرك من كل ذنب تبنا اليك منه ثم عدنا فيه. يا من تبسط يدك بالليل ليتوب مسيء النهار. تب - 00:45:15

يا ربنا من ذنوب الليل والنهار. رب اغفر لنا وتب علينا انك انت التواب الرحيم. اللهم اغفر لنا. اللهم اغفر لنا ذنوبنا كلها دقها وجلها صغيرها وكبيرها. اللهم اغفر لنا ما قدمنا وما اخرنا وما اسررنا وما اعلنا وما انت اعلم به - 00:45:35

ان انت المقدم وانت المؤخر وانت على كل شيء قدير. اللهم اللهم بارك لنا فيما بقي من رجب وشعبان. وبلغنا رمضان. اللهم اللهم بارك لنا في رجب وشعبان وبلغنا رمضان. اللهم بارك لنا في الساعات الباقية من رجب وفي شعبان - 00:45:55

وبلغنا رمضان واجعلنا فيه من الفائزين. واجعلنا بليلة القدر من الفائزين. اللهم استعملنا ولا تستبدل بنا. اللهم استعملنا ولا تستبدل اللهم استعملنا ولا تستبدل بنا. سبحانك اللهم وبحمدك اشهد ان لا اله الا انت استغفرك واتوب اليك - 00:46:15