Baheth

السلام عليكم ورحمة الله وبركاته. الحمد لله حمدا كثيرا طيبا مباركا فيه. كما يحب ربنا ويرضى. اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على حبيب قلوبنا. اللهم صل على طبيب قلوبنا. اللهم صل على عبدك ونبيك - 00:00:00ضَ

وحبيبك محمد صلى الله عليه وسلم عدد خلقك ورضا نفسك وزنة عرشك ومداد كلماتك ثم اما بعد عايزين يا اخوانا النهاردة نضرب مثل في البداية لاسرة كانت الام محتاجة انها تعمل عملية على وجه السرعة والا ممكن تموت فيها. البنت خطيبها اتقدم لها وعايزها تجهز وما عهاش فلوس - 00:00:20ضَ

تجيب الجهاز. الابن عايز ياخد دروس خصوصية والا هيسقط وهيترفد من الكلية بتاعته. الاب لقى البيت كله مشاكل قال لهم انا هاسافر وهابعت لكم كل فترة في جواب حل كل مشاكل - 00:00:40ضَ

حياتكم. بدأ الاب بعد فترة يبعت لهم اول جواب. مسكوا الجواب ده اللي في حل مشاكل حياتنا. الام تبوسه. والبنت تبوسه. والابن يبوسه يحطوه على راسهم ولا المشاكل حياتنا لسة الام لسة تعبانة. والابن هيسقط والبنت لسة ما فيش حاجة جت. مش ابونا قال لنا ان ده فيه حل لكل مشاكل حياتنا. بعت لهم جواب تاني. طب هنعمل ايه ؟ هنحط - 00:00:50ضَ

في علبة قطيفة بقى ونحطها كده والعلبة القطيفة ديت وهنحط الجواب ده في سلسلة ما شاء الله واختنا تلبسها كمان وخلاص بقى بالتأكيد مشاكل حياتنا هتتحل يا اخوانا العالم ديت مشاكل حياتها مش هتتحل ليه؟ لان الحل انهم يفتحوا الجواب. الحل انهم يطلعوا الفلوس اللي جوة الجواب. كذلك كتاب الله المصحف - 00:01:10ضَ

حياتنا عمرها ما هتتحلل لما نفتح المصحف. عمرنا ما هنتغير لما لما نفتح كتاب ربنا سبحانه وتعالى. عشان كده مش هتتغير مشاكل الدنيا الا اما نفتح الجواب. مش هتتغير مشاكل دنيتنا ودينا الا اما نفتح المصحف. رمضان غيرني. رمضان غيرت ده الشعار بتاعنا الليلة. ده الشعار من احد - 00:01:30ضَ

الشعارات اللي هندخل بها رمضان السنة دي ان شاء الله. رمضان اكبر فرصة للتغيير. اكبر فرصة انك تتغير انك تتغيري تغيير من جوة. تغيير حقيقي. اكبر فرصة يا جماعة ان احنا - 00:01:50ضَ

يبقى في الصورة اللي نتمنى من سنين ان احنا نبقى فيها. رمضان غيرني لما يوشع الننون يوشع النون رضي الله عنه عليه السلام لما راح يفتح فلسطين ومعه الجيش ولقى الشمس بتغيب. بص للشمس كده عايز يدخل فلسطين باي طريقة. بص للشمس قال لها انت مأمورة. وانا - 00:02:00ضَ

مأمور اللهم اوقفها علينا. احنا عايزين يا جماعة السنة دي نقول لربنا في كل نهار رمضان. وفي كل ليل لرمضان. اللهم علينا. مش عايزين رمضان يروح يا رب. رمضان بيغيرنا. بيغير قلوبنا. بيغير كل شيء في حياتنا. بيدي لحياتنا كل حاجة طعم. مش عايزين رمضان يخلص يا رب - 00:02:19ضَ

رمضان اكبر فرصة للتغيير. هنتكلم الليلة ازاي نتغير في رمضان؟ ايه اللي هيغيرنا في رمضان؟ عشان من الوقت يا جماعة. الموضوع استقتل يا جماعة ده ده رمضان يا جماعة. ده الفرصة - 00:02:39ضَ

الاساسية لنا في السنة كلها. اول حاجة اتغيرنا في رمضان القرآن. القرآن اكبر حاجة بتغيرنا في رمضان. المشهد الاولاني اللي نبدأ به حلقة الليلة. مشهد يوم القيامة قبل بداية القيامة بسواني ساعة ما القبور بتبدأ تتجمع فيها الاجساد. وساعة ما الاجفان بتتمزق من تحت التراب. عارفين لما واحد بيدفن وهو عايش - 00:02:49ضَ

بس ضاع في غيبوبة حسبوه ميت يصحى يلاقي نفسه في قبر هو ده اللي هيحصل لنا كلنا يوم القيامة. كل واحد يصحى يلاقي نفسه في قبر ايه ده؟ هو انا فين؟ وبعد كده ينشق القبور - 00:03:09ضَ

يطلع يلاقي ظلام رهيب. يعني انا انا طلعت من امر القبر ولا ايه؟ بس الفرق ان القبر التاني الكبير ده فيه اصوات حواليه ما هوش شايف حاجة. تخيل في الموقف ده وانت - 00:03:19ضَ

ومفزوع والحر والعرق والنار والملايكة والصراخ على اليمين والشمال. تخيل في المنزر ده لقيت واحد واقف لك على باب القبر بيقول لك ما تخافش انا صاحبي انت مين؟ انا صاحبك. انت مين؟ انا صاحبك القرآن. انا القرآن زي ما سبتنيش في الدنيا مش هسيبك النهاردة. ما اناش - 00:03:29ضَ

سيبك ما فيش صاحب بيسيب صاحبه ابدا. مين اللي صاحب للقرآن يا جماعة؟ مين فينا اللي هيلاقي القرآن مستنيه وهو طالع من القبر؟ فاكرين عباد ابن بشر؟ لما حبيب الله صلى الله عليه وسلم - 00:03:49ضَ

كلفه انه يحرس الجيش والناس نابت. وقف عباد يقوم الليل بالقرآن. وقف يرتل القرآن. واحد من المشركين شافه. رمى عليه سهم. ما هو ده الحارس بتاع الجيش رمى عليه سهم انا متخيل لما السهم غرز في جسمه يا ترى جه في جنبه جه في كبده جه في ضلع من ضلوعه كسرها له جه في دراعه جه في رجله جه فين السهم - 00:03:59ضَ

بدأ الدم ينزف. بدأ الالم يزيد. وعباد مش عايز يسيب المصحف. ما هوش عايز يسيب كلام ربنا سبحانه وتعالى. ما هوش عايز يسيب القرآن وهو بيتلوه. بدأ يرمي عليه سهم - 00:04:19ضَ

تاني السهم اتكسر عضم كسر ضلع الالم زاد الدم زاد النسل زاد وعباد ابن بشر مش راضي يسيب القرآن مش راضي يبطل قراءة للقرآن انا صاحبك القرآن زي ما ما سبتنيش في الدنيا مهما كانت الزروف مهما كانت الانشغالات مهما كان ده حبيبك ده صاحبك ده رفيقك في الدنيا والاخرة - 00:04:29ضَ

السهم التالت اتضرب في عبان ابن بشر. خلاص بدأ يحس ان هو هيموت. خلاص هيموت. الجيش هيتكشف. لو انا مت انا حارس الجيش. سلم من الصلاة وراح نبه الجيش ان هو بيضرب بالسهاب. يا جماعة انا صاحبك القرآن يا ترى كم واحد فينا هيسمع الكلمة دي يوم القيامة وهو طالع من قبره؟ مين اللي صاحب القرآن؟ مين اللي هيصاحب - 00:04:49ضَ

القرآن عصى موسى اللقوة ولا كتاب ربنا؟ عصى موسى اية واتشق بها البحر. القرآن اقوى من عصا موسى بنص حديس رسول الله صلى الله عليه وسلم ان القرآن اقوى من اي اية اوتيها اي نبي. يعني القرآن ممكن يشق قلبك ويشق جبال المعاصي اللي فيه. والغفلة اللي فيه اشد ما اي حاجة. مو اشد - 00:05:09ضَ

موسى ممكن تشق البحر لولا القرآن. لما بمسك كتاب من كتب الصحابة انبهر بانبهر بايه يا جماعة؟ مش بالصحابة. بنبهر بالقرآن. بنبهر بالكتاب اللي صنع البطولات دي بنبهر بالكتاب اللي كان سبب في ان خالد مسك تسع سيوف اتكسرت في ايديه في مؤتة وهو ما اتكسرش. بقت باهر بالكتاب اللي خلى انس ابن النضر يتقطع في احد وهو ما يستسلمش - 00:05:29ضَ

بنبهر بالكتاب اللي خلى مصعب ابن عمير وجعفر ابن ابي طالب يتقطعم والراية ما تسقطش وما تسقطش الراية من ايديهم ابدا. ده انبهر بالكتاب. اللي صنع عمر عمر ابن الخطاب ومصعب وسلمان وصهيب وعمار بنبهر بالكتاب اللي خلدوه الابطال. الكتاب ده يا جماعة ممكن يخلينا كده. عطاء القرآن لسة ما انتهاش - 00:05:49ضَ

عطاء القرآن مخلصش يا شباب. عطاء القرآن لسة. يعني لولا القرآن ما كانش الصحابة قدروا يسبتوا. ما كنتش امه شريك. شربوها العسل وبعد كده حطوها في تلات تيام بدون ماية هتموت من العطش. وبعد كده طردوها من مكة وسبتت وصبرت. يقول لك القرآن ما كانتش سبتت. لولا القرآن ما كانتش سمية جيفت - 00:06:09ضَ

ابنها وجوزها بيقولوا كلمة الكفر ارضاها ان الكفار عشان يبطلوا التعزيب فيهم. وهي ما رضتش تبطل ابدا. وجه ابو جهل. عايزة تقول كلمة على النبي زي الباقيين قالوا كلمة اول ما طلب منها انها تقول كلمة على النبي بصقت في وشه فقام قتلها. لولا القرآن ما كانتش سبتت. لولا القرآن يا جماعة ما كانتش زنيرة. جارية عمر ابن الخطاب - 00:06:29ضَ

على كوي ولها بالنار لغاية ما عماها. قبل ما يسلم. لولا القرآن ما كانش خدام سبر على انهم ما حفروا له حفرة نار ونيموه فيه بضهره. فلقد قضوا نارا ما اطفأها الا ودق ظهري. لولا القرآن ما كانوش يستحملوا. لما كان كانوا عبيد ان الصحابة كان فيهم عبيد. يجيبوا اللي كانوا يملكون الست - 00:06:49ضَ

يا حمو لغاية ما يحمر وهم بيصلوا يحطوا السيف على روسهم يطلع الدخان ويسقطه مغشي عليهم. لولا القرآن ما كانوش استحملوا ما كانوش صبروا. ما كانوش قدروا اسبتم عايزين تسبتم عايزين تتغيروا عايزين تستحملم عايزين غفورصة حقيقية للتغيير الشامل والكامل في حياتنا. رمضان يا جماعة - 00:07:09ضَ

رمضان غيرني غيرني بالقرآن. غيرني لما صاحبت القرآن فيه. غيرني لما عشت مع القرآن فيه. كل البطولات اللي طلعت من الصحابة كانت بسبب القرآن. كل السبات اللي طلع من الصحابة كان بسبب القرآن. كل الانجازات اللي فتحوا العالم بها كانت بسبب القرآن. القرآن يا شباب عايزين نتغير السنة دي تغيير حقيقي. انا عايز اكلمكم - 00:07:29ضَ

قد ايه القرآن عاصفة هتغير قلبك. قد ايه القرآن هيزرع في قلوبنا مشاعر رهيبة. قد ايه القرآن هيزرع في قلبك طوفان مشاعر ايمانية قد ايه القرآن هيغيرك من جوة وهيغيرك من برة. قد ايه القرآن هيخليك كتلة حماس وايمان وانطلاق الى الله سبحانه وتعالى؟ القرآن غيرني. القرآن غيرني في رمضان - 00:07:49ضَ

برة رمضان. احنا عايزين من اول ما الحلقة تخلص نمسك كتاب ربنا ونقعد ليل نهار معه. احنا عرفنا كنز حياتنا. عرفنا مفتاح تغييرنا. عرفنا سر التغيير الفيلا الكبيرة مفتاح الشقة مفتاح الباب بتاعها قد كده هو. حياتنا كلها. الجنة كلها مفتاحها. الكتاب ده اهو. عايزين - 00:08:09ضَ

كتاب قرآن يفتح قلوبنا ويفتح حياتنا ويفتح لنا باب للاتصال بالله سبحانه وتعالى. القرآن غيرني. القرآن بيغير فيك ايه؟ القرآن بيزرع فيك ايه انا عايزك دلوقتي تركزي معي. انا عايزك تركز معي عشان تعرف القرآن هيفرق معك قد ايه. القرآن هيربيك على انك تترعب انك تقول لربنا لأ في اي امر. في اي امر - 00:08:29ضَ

في اي حاجة ربنا يأمر بها تترعب لما يوريك نهايات اللي عصوا ربنا. نهايات اللي اتحدوا ربنا نهاية اللي عنده ربنا. نهايات اللي ادوا ضهرهم لربنا. نهايات اللي قالوا لربنا - 00:08:49ضَ

ربنا يتقال له لأ. طب شف الاولاني حصل له ايه. كهشيم المحتزر. والتاني كعصف المأكول. والتالت اعجاز نخل خاوية. والرابع اعجاز نخل منقاعة والخامس حصيدة خابضين. والسادس جفاء. والسابع غثاء. كلها. كل دول لانهم قالوا لربنا لأ. كعصف مأكول. عارفين لما البهائم - 00:08:59ضَ

كل ورق الشجر يتحضن في بطنها وبعد كده يخرج والعياذ بالله في عملية الاخراج. المنزر ده هو اللي وصلوا اليه. عارفين يعني ايه اعجاز نخل خاوية؟ عارف النخلة لما تتقطع راسها اهو ده اعجاز نخلة ساق نخلة من غير راس. الريح جت قطعت لهم رقبتهم. فصلت رقبتهم عن جسمهم. وبعد كده خاوية - 00:09:19ضَ

خويه يعني فتحت بطنهم طيرت احشائهم وامعائهم منها. بقت بطونهم فاضية. تخيلوا المنزر ده اللي قال لربنا لأ. اللي اتحدى ربنا كأنه حصيدا خامدين. حصيد حصيد يعني كان زرع مزهزه وطالع ومنبت واتحصد كله. خامدين كانت نار موقدة مشعللة متوهجة - 00:09:39ضَ

واتطفت كلها. كانوا ايه وبقوا ايه ؟ لانهم قالوا لربنا لأ. انا باكلم مين ؟ انا باكلم كل واحدة متبرجة. واللي اداها فلوس التبرج. والاب اللي شجعها والام اللي لقيت لهم سيبوها - 00:09:58ضَ

عشان تتجوز. والمحل اللي باع لها الهدوم. انا باكلم كل واحد فاتح مشروع دي جي. كل واحد فاتح قناة فضائية غير اسلامية. كل واحد فاتح موقع نت اغاني او موقع نت انحلالي - 00:10:08ضَ

كل شركة شرائط اغاني. كل مدرس بيعمل دروس مختلطة عشان الشباب والبنات ييجوا ياخدوا عنده. كل واحد بيعمل حفلات في نوادي او في جامعات. عشان يفسد الشباب وياخد فلوس. انا بكلم كل مغني وكل ممسلة وكل واحد بيشارك في المعصية وكل مسئول يقدر يمنعهم ويمنحهمش. انا بكلم كل واحد بيفسد في - 00:10:18ضَ

القرآن بيرعبك من عاقبة انك تقول لربنا لأ. القرآن بيربينا على ايه تاني ؟ القرآن بيربينا يا جماعة على ان احنا ما نقفش ابدا. يبقى عندنا رهيبة في الطاعة القرآن بيربيك على علو همة في مواجهة الشهوات ما لهاش حل ما فيش هوا تقدر توصل لك. ولا شهوة تقدر توصل لك شف ربنا بيقول عن سيدنا يوسف ايه. وراودته - 00:10:38ضَ

التي هو في بيتها راودته يعني مش جات لك مرة. لا ده الفتنة جات لك مرة ورا مرة ورا مرة. قاعدة تروح وتيجي وتروح وتيجي وتلف حواليك. التي هو في بيتها - 00:11:00ضَ

يعني الفتنة مش بعيدة عنك وبتبعت لك رسايل دا في وشك. دا انت شايفها متمكيشة متكحلة. شايف الفتنة متقشرة وجاية لك على صينية لغاية عندك. وراودته التي هو في بيتها - 00:11:10ضَ

عن نفسه يعني الفتنة واضحة وصريحة وموجهة الهدف بتاعها وانت الهدف بتاعها. وغلقت الابواب يعني ما فيش منفز. ما انتش لاقي مكان تهرب له. ما انتش لاقي صحبة صالحة تساعدك. ما انتاش لاقي بقية ايمان تحتويك. ما انتش لاقي حد يسمع مشاكلك. وغلقت الابواب وقالت هيت لك تهيأت لك. اتزينت لك. اتمكيجت لك - 00:11:20ضَ

هيأت نفسي كل حاجة ممكن ابهر قلبك بها بهرت قلبك به. كل حاجة ممكن ازين نفسي في عينك بها. زينت نفسي بعينك بها. انا الفتن يا جماعة جاية متمكيجة على الاخر. وقالت ايت لك. قال معاذ الله. القرآن بيربي الشباب. على ان يطلع شاب ويطلع فتاة. يقولوا لكل - 00:11:40ضَ

فتنة معاذ الله. يقولوا لكل شهوة معاذ الله. يقولوا لكل فرصة معصية معاذ الله. القرآن بيربينا. القرآن هيغيرنا. القرآن هيفجر الايمان اللي في قلوبنا. القرآن هيخلينا ماشيين في حياة نور على نور. القرآن هيخلي لك كل الشهوات اللي في الواقع دي ولا تأسر فينا. ولا تحرك شعرة صغيرة. من شعر ولا تعمل - 00:12:00ضَ

فيك اي حاجة ولا فيك اي حاجة. القرآن بيربينا يا جماعة على قوة علو الهمة في الطاعة. انك ما تقفيش. ان ما فيش حاجة اسمها توقف. ان من طاعة لطاعة. من طاعة - 00:12:20ضَ

شف القرآن بيقول ايه يا جماعة! القرآن بيربيك انك ما تقفش في الدعوة ابدا. سيدنا ابراهيم فما كان جواب قومه الا ان قالوا اقتلوه او حرقوه. اترمى في النار الاية اللي بعدها ايه؟ وقال انما اتخذتم من دون الله اوثانا. قال انت لسه بتتكلم انت رموك في النار ولسه بتتكلم؟ انت يا خليل الرحمن بعد ما اترميت - 00:12:30ضَ

اطفي النار لسة بتتكلم ما بيقفش. ما فيش حاجة اسمها توقف عن الدعوة. ما فيش حاجة اسمها توقف عن العبادة. واعبد ربك حتى يأتيك اليقين. يعني طول ما انت فيك نفس ولسه ما متش اعبد ربنا. طول ما انت لسة فيك نفس بيتردد في صدرك اعبد ربنا. سبح ربنا. القرآن بيربيك انك ما تقفيش. فاذا فرغت - 00:12:50ضَ

اول ما تفرغ من اي طاعة انصب في الطاعة اللي تليها. ما فيش توقف في حياة المؤمن. المؤمن ما بيضيعش دقيقة يا جماعة. ما بيضيعش لحزة. القرآن بيربيك انك ما تتوقفش في طلب - 00:13:10ضَ

في العلم وقل رب زدني علما. ده مين ده؟ ده مين اللي يقول؟ النبي النبي بعد سنين من نزول جبريل عليه لسه عايز علم. يعني كان اعلم من اعلى اهل الارض دلوقتي عليه الصلاة والسلام لسة عايز ايه ؟ لسة موسى بعد ما جبريل نزل له رايح في سورة الكهف يقطع المشوار الرهيب ده عشان يطلب تلات مسائل على ايد بشر مخلوق - 00:13:20ضَ

ازاي يا جماعة؟ القرآن بيقول لك ما تقفش عند طلب العلم. ما تقفيش عن الدعوة. ما تقفيش عن العبادة. ما تقفوش عن الطاعة. سورة الكهف ذو القرنين حتى اذا بلغ - 00:13:40ضَ

مغرض الشمس. يا نهار ابيض! مغرب الشمس. خلاص يا ذو القرنين. ده انت عملت انجاز ما فيش حد عمله في التاريخ. لا. مش هاقف ابدا. حتى اذا مطلع الشمس لفة حوالين الكرة الارضية. يا زو القرنين انت عملت انجاز رهيب خلاص كفاية لا حتى اذا بلغ بين السدين ما بيقفوش - 00:13:50ضَ

جماعة زي موسى والخضر فانطلق حتى اذا لقي غلاما فقتله. فانطلقا حتى اذا ركب في السفينة خرقها. فانطلقا فانطلق ما فيش توقف. هو ده هو ده اللي عارف ربنا سبحانه وتعالى ما بيقفش ابدا. ما بيستريحش. ما بياخدش اجازة يا جماعة. من الطاعة ما بياخدش اجازة. القرآن هيخليك كده - 00:14:10ضَ

القرآن هيخليكي كده. القرآن هيغيرك. القرآن هيفرمطك من جوة. هيعمل فورمت لك من جوة هيغير كل حاجة في مشاعرك وافكارك وطموحاتك واهدافك ومنهجك وعزيمتك. يا اللي نفسك عزيمتك تبقى اقوى مما هي عليه. يا اللي نفسك ارادتك في طاعة ربنا تبقى اقوى. يا اللي نفسك حبك لربنا يزيد. يا اللي نفسك خوفك - 00:14:30ضَ

ربنا يعلى. يا اللي نفسك تبكي مرة من خشيته. يا اللي نفسك تنبهر مرة وتبكي من جلاله. يا اللي نفسك تعيش مشاعر الصادقين. يا اللي نفسك لربنا القرآن هو اللي هيغيرنا. القرآن هو اللي هيوصلنا. القرآن هو اللي هيخلينا من جوة زي السابقين اللي احنا بنسمع عنهم في القصص يا جماعة - 00:14:50ضَ

القرآن القرآن هيزرع في قلبك مشاعر ايمانية ما لهاش حل. تخيلوا لما بيكلمنا عن الاخرة بيزلزل قلوبنا. انا عايز قلبك يتزلزل وانت بتقري الاخرة. انا عايز قلبك يتزلزل وانت بتقرا ايات الجنة والنار. شوفوا ربنا سبحانه وتعالى سبحانه وتعالى بيقول ايه في اخر سورة ابراهيم؟ ولا تحسبن الله غافلا - 00:15:10ضَ

عما يعمل الظالمون. امال هتعمل فيهم ايه يا رب؟ شوفوا الكاميرا شوفوا بقت مصورة مين ؟ ومركزة على ايه ؟ انما يؤخرهم ليوم ما فيش ما فيش لا سما ولا ارض ولا ملامح. من اولها المنزر جاي على عينيه. انما يؤخرهم ليوم تشخص فيه الابصار. الكاميرا مركزة على العين بس - 00:15:30ضَ

مقطعين على العين. مقنعي رؤوسهم لا يرتد اليهم طرفهم. مركزة على العين تماما ليه؟ عينيها تنطق بكل حاجة هو عايش فيها. عينيه يوميها هتنطق بكل حاجة جواه. وكل حاجة بتحصل له من برة عينيها تنطق. ليوم تشخص فيه الابصار زهول. مهضعين مهتعين المهتع زي اللي - 00:15:50ضَ

حريقة وبيجري على الحريقة وفي البيت ده اعز الناس عليه. بيجري على الحريقة ومبرق ومش قادر. مش قادر يغمض. لا يرتد اليهم طرفهم مش قادر. وافئدتهم هواء وينقلك بعد اهل القلب. قلبه اتخلع من مكانه. وانذر الناس. يوم يأتيهم العذاب. العذاب جاي. مش احنا اللي هو اللي جاي بيستقبل الناس من هنا على باب القبور والعياذ بالله. يوم يأتيهم - 00:16:10ضَ

العذاب. العاصي يطلع بدل ما يقول انا صاحبك القرآن يلاقي العزاب واقف له في وشه. وازر الناس يوم يأتيهم العذاب. فيقول الذين ظلموا ربنا. اخرنا الى اجل قريب يا رب عايزين دور تاني ما فيش دور تاني في الامتحان ده. اخرنا الى اجل قريب. يا رب عايزين تأجيل ما فيش تأجيل. نجيب دعوتك ونتبع الرسل - 00:16:30ضَ

فين الزل شايفين الاستغاثة؟ ده واحد طالع من قبره منظر عينيه في الرعب وبعد كده يشوف وشه العذاب يبدأ يستغيس ويتوسل. وبعد كده الايات تخليك اتنقل لمشهد تاني يوم تبدل الارض غير الارض. الارض كلها تتبدل يا رب اللي اتخلقت في ست ايام تتبدل في يوم والسماوات وبرزوا لله الواحد القهار - 00:16:50ضَ

كل واحد واقف ما حدش يعرف يستخبى ورا التاني. برزه. كل واحد برز. ما حدش عارف يستتر. ما حدش لاقي حاجة يستخبى فيها. ما حدش لاقي مكان يستخبى فيه. وبرزوا لله. يعني - 00:17:10ضَ

مش واقفين قصاد ملاك بيحاسبهم ده قدام الملك الجليل. الواحد القهار. متخيل الرعب ساعتها. وترى المجرمين يومئذ مقرنين في الاصفاد. زعماء المعاصي وائمة الفساد في الدنيا كلها. مقرنين في الاصفاد سرابيلهم من قطرات. متغطي جسمهم كله والعياذ بالله عارفين النحاس - 00:17:20ضَ

مسفور والعياذ بالله متغطي جسمهم كله بمعادن نارية والعياذ بالله. سرابيلهم من قطران وتخشى وجوههم النار. ليجزيهم الله كل نفس ما كسبت. ان الله سريع الحساب. القرآن بيعيشك. ايات زي دي لو دخلت قلبك الليلة وانت بتصلي بسورة - 00:17:40ضَ

ابراهيم ما تغير حياتك. ايات زي دي لو دخلت قلبك الليلة هتقلب حياتك هتقلب تصورك. هتزهدك في الدنيا لان القرآن بيربيك ان الدنيا دي سراب. حتى اذا جاءه لم يجدوا شيئا. منظر واحد في الصحراء. هيموت من العطش. حلقه هيتقطع من العطش. وشاف من بعيد ماية بيحسبها ماية هي سراب. طلع يجري يجري وكل ما يجري الصلاة بيبقى - 00:18:00ضَ

هو مش قادر يا جماعة من طول وقم قوم انت هتموت من العطش قم عشان ترتوي. قم اتعب شوية وبعد كده ارتوي. قم ويقوم ويجري والسراب يبعد وفي اخر حتى اذا جاءه لم يجده شيئا. ووجد الله صدمة. صدمة وانت بتقرا الايات تحس انك اتصدمت. تحس ان قلبك - 00:18:20ضَ

خلع تحس انك انت اتفزعت. تحس ان القرآن. القرآن والله العظيم يا جماعة بس مباشر. القرآن لما بيتكلم عن النار والجنة ما بيتكلمش بيتكلم بس مباشر. انت بتتفرج على اهل النار تتفرج على اهل الجنة او القى السمع وهو شهيد. شهيد يعني شهود القلب للايات. يعني شاشة مفتوحة قدامك - 00:18:40ضَ

القرآن غيرني القرآن هيغيرنا يا جماعة ولا لأ ؟ القرآن في رمضان عن صاحبه تلاتين يوم ليل نهار. ولسه ايام على ما شعبان يخلص ولا لأ ؟ لازم نتغير. لو عندك - 00:19:00ضَ

على قد ما في قلبك رغبة انك توصلي لربنا اجتهدي في القرآن. على قد ما في قلبك رغبة انك انت قلبك يطهرك تأتي القرآن. على قد ما في قلبك رغبة انك توصلي للجنة اجتهدي - 00:19:10ضَ

القرآن على قد ما في قلبك رغبة ان زنوبك تتغفر وربنا يرضى عنك اجتهد في القرآن. على قد ما عندك رغبة ان تربي قلبك وقلبك يتطهرت اجتهدي في القرآن على قد ما عندك رغبة انك توصل لربنا وترضي ربنا. وربنا يحبك اجتهد في القرآن. على قد كل اللي في قلوبنا تجاه الله. نجتهد - 00:19:20ضَ

في القرآن يا شباب نكتات في القرآن القرآن كتابه واقع القرآن ما بيتكلمش كده كلام وخلاص. القرآن بيتكلم من من الواقع. بيكلمنا من الواقع اللي احنا عايشين فيه. كل سورة بتكلمك وبتكلمك وبتكلمني وبتكلم - 00:19:40ضَ

كل صورة القرآن بيكلم الاطفال والكبار والشباب والرؤساء والحكام والوزراء والمدراء والفقراء والاغنياء والجميلة واللي ماتتش حاضر جمال واللي اتجوزت واللي مش متجوزة واللي مبتلى واللي معافى. والغني والفقير القرآن بيكلم الجميع. كتاب واقع. يعني شف شف صورة مسلا زي سورة الواقعة - 00:19:55ضَ

سورة الوقاحة بتكلم مين ؟ سورة الوقاحة بتكلم عبيد المظاهر. عبيد المزاهر الغشاشة. عبيد المراكز. كنت بسمع من فترة ناس قاعدة تتكلم على انا اتخنقت حسيت اني مخنوق هو فيه ناس عبيد مراكز للدرجة ديت ؟ فيه ناس عبيد علاقات عامة للدرجة ديت. السورة بتكلمك على ان - 00:20:15ضَ

المقاييس اللي انتم حطيتوها في الدنيا ديت كل ده عند ربنا ما هواش حاجة. كل ده يوم القيامة بيتقلب وبتبقى فيه مقاييس تانية خالص. اذا وقعت الواقعة الواقعة اللي هي الحرب اللي - 00:20:35ضَ

خلي العبيد يبقوا حكام. والحاكم يبقى ذليل. الواقعة اللي بتقلب الموازين كلها. اليس لوقعتها كاذبة خافضة رافعة الناس كانت تحت في الدنيا هتترفع فوق. وناس كانت فوق في الدنيا هتنزل تحت مقاييسكم دي ما لهاش اعتبار. ربنا بيقول لك كده. بيقول لك مقاييسكم دي ما لهاش اعتبار عندي. يوم القيامة هتتقلب كلها - 00:20:45ضَ

عشان كده لما يجيب عزاب اصحاب الشمال واصحاب الشمال ما اصحاب الشمال. في سموم وحميم وظلم يحموم. انت مش واخدة بالك لغاية دلوقتي الايات دي بتوصف ايه دي بتوصف المصيف. باصية في مصيف ايه! بتوت نفس منزر المصيف بتاع الدنيا. مصيف هوا وقدامنا بحر وفوقينا شمسية ظل - 00:21:05ضَ

في سموم ادي الهوا ولكن هوا حار وحميم ادي الماية ولكن الماية بتغلي وظل من يحموم ادي الشمسية ولكن دخان النار يعني المترفين اللي في الدنيا عاشوا شهواتهم زي ما هم عايزين ونسوا ربنا ونسوا الدين ونسوا الدنيا كلها. عشان كده الاية اللي بعدها انهم كانوا قبل ذلك مترفين - 00:21:25ضَ

الواقعة بتكلم اللي خايفة تلتزم احسن صورتها وسط الناس تتأسر. بتكلم اللي خايف يتوب احسن اصحابه يتكلموا عليهم وقاموا ينزل. بيتكلم اللي خايفين على اعتبارهم لاجتماع للدين اللي خايفين احسن الدين ينزل قطرهم وينزل وضوءهم. احسن لو لبست نقاب وسط صاحباتها وبيئتها يتأسر منزرها. احسن لو مسك وسواك وسط اصحابه يبصوا على المنزر ده او قصر - 00:21:45ضَ

جلابية وسط اصحابه او ربى لحيته وسط شغله وسط مركزه وسط وضعه الاجتماعي. سورة الواقعة بتقول احزروا الواقعة اللي هتقلب كل الموازين. عش بقلبك معها من دلوقتي هو ده القرآن. القرآن بيخليك بطل. بيخليك قوي - 00:22:05ضَ

بيخليك بتطبق السنة وسط ناس ما بتطبقش اي سنة. وانت حاسس انك انت العزيز هم الغلابة. ونظرات الضحك اللي بيضحكوها عليك. انت بتضحك من جواك عليهم قدها الف مرة بيخليك قوي بيخليك متين بيخليك بطل. صورة تانية. سورة زي سورة الطور. سورة التور عارفين بتكلم مين يا جماعة؟ بتكلم اللي فاكرينها لعبة. ما هو كل سورة - 00:22:19ضَ

كلم نموزج. بقى انا بقول لك القرآن بيكلمك. كل اية من اخطر الطرق اللي لقيتها بتأسر في قيام الليل. ان انا اقرا القرآن كأن سيدنا جبريل نازل به لية الوقت حالا هو. ان الاية دي جاية لي انا الاية دي بتكلمني انا. الاية دي ربنا باعتني فيها رسالة لي انا. اقري كل اية على انها رسالة لك. اقرأ - 00:22:39ضَ

كل اية على انها رسالة لك. سورة الطور بتكلم مين ؟ سورة الطور بتكلم اللي فاكرينها لعبة. الذين هم في خوض يلعبون. قاعدين في مخض المعاصي هيموتوا الوقت الوقت هينتهوا هيتنسفوا. ولكن فاكرينها لعبة. قاعدين بيلعبوا الذين هم في خوض يلعبون. سورة الطور بتقول لهم ايه؟ بتقول لهم ان عذاب ربي - 00:22:59ضَ

كان واقع. ما له من دافع هتدفعه مين ؟ هتدفعه سبع سمات ويقعوا عليكم ازاي ؟ هتدفعوا واحد وتمانين في المية من مساحة الارض اللي هي مساحة البحار اتقلبت نار ازاي ؟ هتدفعوا - 00:23:19ضَ

ملائكة السماوات السبع نازلة عشان تقبض عليكم وتحاسبكم ازاي ؟ هتدفعوا قدرة الله ازاي ؟ هتدفعوا ارادة الله زي ما له من دافع يوم تمور السماء مورا. ويجيب لك خد بالك المشهد الاولاني بينه وبين المشهد التاني خمسين الف سنة. والاتنين يوم القيامة. المشهد الاولاني يوم طابور السماء - 00:23:29ضَ

وتسير الجبال سيرا. يوم القيامة لسة في اوله. السما بتمور تمور يعني ايه ؟ عارفين لما تيجي العاصفة بتعمل ايه في التراب وبتطيره ازاي ؟ اهو القيامة هتعمل كده في - 00:23:49ضَ

ملكوت بتاع السماوات في النجوم والكواكب بتاع السماوات. وتسير الجبال وربنا يجيب لك السماوات والجبال اشد حاجتين. فويل يومئذ للمكذبين. الذين هم في خوض يلعبون وتلاقي نفسك خمسين الف سنة مرت. ودخلت في الاية اللي بعدها يوم يدعون الى نار جهنم. يوم يدعون الى نار جهنم دعا - 00:23:59ضَ

واخد بالك منزر الملايكة وهي قاعدة تدعوهم للنار. قاعدة تنقلهم للنار. قاعدة تضربهم بالسياط منزر الاقتياد الى جهنم. منزر الطريق الرهيب الى جهنم. منزر الاقتياد الرهيب الى نار جهنم والعياذ بالله. وهم بيدعوا الى نار جهنم وبعد كده اقفوا - 00:24:19ضَ

هذه النار التي كنتم بها تكذبون افسحر هذا؟ ام كنتم لا تبصرون؟ انت شايف ولا ما انتش شايف وبعد كده فجأة تلاقي الايات قلبت على منظر تاني احنا في منزر اقتياض رهيب للنار تلاقي فجأة المشهد اتقطع واللقطة اللي بعدها صوت ضحك وصوت بهجة وصوت حفلة عظيمة في الجنة - 00:24:38ضَ

حاضرها المؤمنين وحاضرها الملايكة وفيها الولائم. وحاضرها الخدم وحاضرها العحور والزوجات. منزر رهيب ان المتقين في جنات ونعيم كلوا واشربوا هنيئا بما كنتم تعملون. يا رب ايه المنظر ده! الملايكة بتقول لهم هنيئا وهم متكئين جمب بعض. والولائم جاية لهم. كذلك - 00:24:58ضَ

انهم بحور عين وكل واحد زوجته معه حفلة رهيبة. ما هو كله اخوان يا جماعة اخوانا على السرور المتقابلين. خلاص ما عادش واحد يبص لمرات حد الشهوة دي انتهت. بقت القلوب طاهرة يا جماعة. القلوب - 00:25:18ضَ

الطاهرة ياه! ياه على القرآن! ياه على الحياة اللي بيعيشها! اللي بيقرأ القرآن! ياه على الجنة اللي بيدخلها! اللي بيعيش حياته مع القرآن ياه على المشاعر اللي بيعيشها اللي بيسلم قلبه للقرآن. اوصف لكم ايه؟ اوصف لكم ايه؟ الواحد بقى له سنين يا جماعة والله العظيم. من اول مرة كان له علاقة فيها - 00:25:28ضَ

في كتاب ربنا سبحانه وتعالى من اول اعتكاف. من الاعتكاف اللي اعتكفته وانا في سنة رابعة كلية. اول مرة اجرب ان انا اقرا القرآن صح. ان انا امسك كل اية اقراها تلات اربع خمس مرات واعرضها على قلبي - 00:25:48ضَ

وجاهدت وسبحان الملك وربنا وله الفضل. طلعت بعدها حسيت ان انا مزهول. ايه ده! انا انا انا لقيت غير اللي انا حاسس فيه جوايا ده! انا مش ممكن! انا السنين اللي بقى لي تلات اربع سنين - 00:25:58ضَ

في الالتزام ديت. انا انا ازاي ما اكتشفتش القرآن؟ كان اول مرة اكتشف القرآن في حياتي. كان اول مرة اكتشف القرآن بيغير قد ايه؟ بينور طريقك قد ايه ؟ كان اول مرة اكتشف القرآن بيقلب حياتنا دي ومن يوميها لغاية دلوقتي. وده رسالة عمري، ورسالة حياتي. وطريق حياتي. عايز شحن اهو. عايزة ايمان اهو - 00:26:08ضَ

عايز بصيرة اهو. عايز كتاب يحل لك مشاكلك اهو. عايز كتاب تحكم به حكام الامة اهو. عايزين ايه؟ عايزين ايه؟ عايزين تغيير. اهو التغيير اهو القرآن غيرني. القرآن غيرني يا جماعة. القرآن غير كل حاجة فينا. القرآن كتاب بيكلم الواقع. القرآن كتاب بيعيشك ان ربنا - 00:26:28ضَ

وتعالى اغلى حاجة في حياتك. تسيب اي حاجة عشانه. المنزر بتاع سيدنا ابراهيم في سورة الصافات. ربي هب لي من الصالحين. خلاص يا رب الارض فسدت. الناس ضلت الناس ضاعت يا رب. يا رب انا عايز ذرية جديدة تنشئ التوحيد من جديد يا رب. بشرناه بغلام حليم. فلما بلغ معه السعي لما ايه؟ بلغ. لما حلم حياتك بقى - 00:26:48ضَ

قدام عينك. لما الحلم بتاعه ابنه بقى قدام عينه بلغ معه. رايح معه جاي معه. راجل ساند ابوه. مش طفل وخلاص. لا من وهو صغير وهو راجل السعي. القرآن ما جابش ولا مرة كلمة السعي على الدنيا. السعي دي ما تجيش غير معك. اخرة بس. غير مع الجهد بتاع الاخرة بس. القرآن يا جماعة بيجيب كلمة السعي دي اساسا - 00:27:08ضَ

اساسا اساسا مع مع الاخرة بس. عشان كده بلغ معه السعي. يعني بقى شغال معه في الدعوة. بقى شغال معه في العبادة. بقى شغال معه في انقاز الناس من النار. خلاص - 00:27:28ضَ

هيبقى راجل ويقف معي في ساندي في دعوتي. فلما بلغ معه السعي قال يا بني اني ارى في المنام. كل ما انام اشوف بدبحك. هي اي اني ارى في المنام اني اذبحك. يا رب يا رب آآ ابني ولا ربنا. ربنا. روحي قول لربنا ربنا. اي حاجة ربنا اغلى منها - 00:27:38ضَ

اي حاجة هتتشال من حياته ويتحط ربنا مكانها. انا الكسبان. انا الكسبان. فانظر ماذا ترى. شايف ايه؟ قلبه بيتقطع على ابنه. وابنه قلبه بيتقطع على ابوه يا في كلمة كلها حنان ورحمة يا ابت افعل ما تؤمر هتعمل ايه يا اسماعيل؟ ستجدني ان شاء الله من الصابرين. هاصبر هتصبر اسماعيل هاصبر هتصبر على السكينة على رقبتك - 00:27:57ضَ

اسماعيل هصبر. هتصبر على الدبح يا اسماعيل هصبر. انا مش بقول لك اصبر. اصبر على انك تسيب آآ معصية ولا تسيب معصية. اصبر على طاعة. لا ده انا بقول لك اصبر على - 00:28:17ضَ

ابراهيم بيعرض على اسماعيل الصبر على الدبح يا جماعة. وهو بيقول له اصبر. فلما اسلم خد السكينة وخد ابنه وطلعم. وزوجته بتبص هيعملوا ايه مش عارفة مسكينة مش عارفة مش فاهمة ايه اللي هيحصل بس حاسة ان فيه حاجة. حاسة ان فيه حاجة قلقاها وياخد ابنه ويفضلوا طالعين لغاية ما يوصل لمكان بعيد يحطه على وشه عشان ما - 00:28:27ضَ

ويشوف وهو بيدبحه ويبدأ يحط السكينة على رقبته. وبقلب الاب عايز يخلص عشان امر ربنا ينفز. ويبدأ يودي السكينة ويجيبها. ويوديها ويجيبها مستني يشوف ده ما فيش دم مستني قلم ابنه او ابنه يقول اه ما فيش اه. مستني يحس ان السكينة بتدخل ما بتدخلش. يزود ما فيش. وفجأة وانا هديناها - 00:28:47ضَ

وناديناه ان يا ابراهيم قد صدقت الرؤيا ويفدي ربنا سبحانه وتعالى بكبش سيدنا اسماعيل. كأن ربنا بيقول له انتم فاكرين ان انا كنت هسيبكم ان انا كنت هسيبك تدبحه. انتم فاكرين ده انا ارحم بكم من نفسكم. ده انا ارحم بكم من ارحم الناس بكم. ده انا ارحم الراحمين. انتم - 00:29:07ضَ

فاكرين ان انا كنت اسيب اسماعيل يتدبح ولا ايه! ولا ايه! سبحانك يا رب! القرآن بيربيك انك تسيب اي حاجة في اي وقت عشان ربنا سبحانه وتعالى ان في اي وقت تقدر تسيب اي حاجة عشان الملك الجليل العظيم سبحانه وتعالى - 00:29:27ضَ

ربنا يا جماعة على تغيير حقيقي. تغيير شامل وكامل في حياتنا. لما بيكلمنا عن اول يوم في الجنة. اول يوم في الجنة تخيلي كده. اول يوم في الجنة في سورة الزخرف - 00:29:43ضَ

سورة الزخرف سورة بتوع الزخارف. صورة بتوع زواق. صورة من صور عبيد المزاهر. صورة من اللي بتكلم الناس يا مخدوعين فوقوا. بتجيب لك اول يوم في الجنة عشان تجيب لك النعيم الحقيقي - 00:29:53ضَ

ان اصحاب الجنة اليوم في شغل فاكهون هم وازواجهم. اليوم ده في سورة ياسين. سورة الزخرف جايبة لك المنظر يا عبادي. لا خوف عليكم اليوم النهاردة خلاص ولا انتم تحزنون. منظرهم تشوفهم كأنك شايفهم على باب الجنة. قاعد يبص وراه. وقاعدة تلتفت وراها. لسه معديين من على الصراط. بقى لهم خمسين سنة واقفين في على صوت - 00:30:03ضَ

القيامة. مش مصدقين ان الجنة اخيرا هيدخلها من غير ما يطلع حاجة جديدة. خلص من القبر وحساب القبر طلعوا لقوه قيامة. طلعوا من القيامة لقوا حساب الملكين. لقوا حساب الملايكة. طلعوا من حساب - 00:30:23ضَ

الملايكة لو العرض على الله طلعوا لقوا الميزان طلعوا لقوا الصراط. عدوا لقوا القنطرة عدوا مش مصدقين ان كل ده خلص. ان ما عدش فيه امتحانات. ان اللجان خلصت. ربنا بيقول لهم لا خوف - 00:30:33ضَ

عليكم اليوم ما تخافوش ولا انتم تحزنون. ما عدش حد يبص وراه. ما عدش فيه قلق ما عدش فيه خوف. ادخلوا الجنة انتم وازواجكم تحبون يطاف عليهم بصحاف من ذهب واكواب. اهل الجنة فرحانين بهم فرح رهيب. قاعدين يجيبوا لهم ولائم. وحفلة جواز على باب الجنة انتم - 00:30:43ضَ

تؤمرون وبعد كده الولائم والحفلات. وبعد كده وتلك الجنة التي اورثتموها. رحلات في املاكهم في الجنة الملايكة تفرجهم عليها. رحلات وحفلات وولائم واقراص. ايه ده! ايه يا رب ده! ايه النعيم ده! القرآن بيعيشك عيشة ما فيش بعدها. بس لو دخلنا بقلوبنا. بس لو - 00:31:03ضَ

ابتدينا بقلوبنا بس لو عشنا مع القرآن بقلوبنا القرآن بيرعبك القرآن بيرعبك انك تسيبي ربنا. القرآن بيرعبك انك تبدل مع ربنا. القرآن بيرعبك انك تسيبي الملك الجليل وتدي له ضهرك. رعب رهيب. ازاي؟ القرآن بيصورك - 00:31:23ضَ

واتل عليهم نبأ الذي اتيناه اياتنا. اهو القرآن اهو القرآن اهو ياه بنات امة محمد. القرآن اهو يا شباب امة محمد انا اهو يا رجالة ونساء امة محمد اهو اتيناه اياتنا اهو - 00:31:37ضَ

فانسلخ منها انسلخ منها اتسلخ كانه اتسلخ من جلده بالزبط. قصة بلعام ابن بعراء في سورة العرب بترعبنا ليه يا جماعة؟ لانها قصة واحد حول. حول من طريق اصل اللي بيسيب ربنا ده واحد حول - 00:31:52ضَ

حول من طريق اخرج الجنة لطريق اخره نار. حول من طريق مليان ملايكة رحمة لطريق مليان ملايكة عزاب. حول من طريق عداد الحسنات شغال ليل نهار لطريق عداد السيئات شغال ليل نهار - 00:32:04ضَ

ولما حول اتنكس. لما حول انسلخ منها فمثله كمثل الكلب. زي الكلب المسلوخ اللي ماشي قاعد يلهث. قاعد يدور على ماية ما فيش حاجة ترويه. كان كلام ربنا هو اللي هيروي قلبك وهيروي حياتك. منزر فظيع. واول ما وقع اتبعه الشيطان. الشيطان الشيطان اتلم عليه. والشياطين فكان من الغاويين - 00:32:14ضَ

شلة المعصية اتلمت عليه ضيعوه. منزر انسان اتنسف. منزر انسان اتدمر ليه؟ لانه ساب ربنا. صم بكم عمي فهم لا يرجعون. يعني ايه يعني حفرة نار اهي وواحد ماشي هيقع فيها. طب المفروض عشان ينجو منها يحصل ايه ؟ انه يبقى بيشوف فيشوفها. لأ ده عمش. طب انه يبقى بيسمع فلما حد يحزره يقول له - 00:32:34ضَ

بيسمع ده ما بيسمعش ده اصم طب ان هو حتى يخاف احسن يكون فيه حاجة فيقول يا ناس فيه حاجة ولا ايه فيه خطر ولا ايه فيتكلم لأ ده ابكم صم بكم - 00:32:54ضَ

وهم لا يرجعون ما عدش فيه امل. نسبة النجاة بقت صفر في المية. بقت مستحيل. بقت مستحيل ان هو يقدر يرجع تاني. ليه؟ لانه انتكس. لانه ساب ربنا بيرعبك. القرآن بيرعبك انك تسيب ربنا. القرآن بيرعبك انك تسيب طريق ربنا سبحانه وتعالى. القرآن بيرعبك ان يبقى في حياتك اي حاجة اغلى من ربنا. اي حاجة - 00:33:05ضَ

اغلى من الملك الجليل سبحانه وتعالى. شوفوا يا ناس. شوفوا يا ناس الناس في القرآن عملت ايه عشان ربنا. شوفوا يا ناس الناس في القرآن جاهدت قد ايه عشان ربنا. شوفوا يا شباب - 00:33:27ضَ

الرجالة تعبوا قد ايه عشان ربنا. شوفوا سيدنا ابراهيم وواقف يتدبر في الملكوت. فلما شن عليه الليل رأى كوكبا. فضل يتابع الكوكب لغاية الصبح. طب يا ابراهيم روح طب يا ابراهيم قل لأ لما اوصل لربنا. طب يا ابراهيم ارتاح لأ. لما اوصل لربي. لما اوصل لربي اللي بيحبني وبحبه. فلما جنى. فلما رأى القمر بازغا - 00:33:37ضَ

خلاص طب يا ابراهيم انت تدبرت في القمر. والكون قمر قفل. خلاص روح لأ. طب استريح لأ طب نام لأ طب قل لأ طب اشرب لأ امال هتعمل ايه فلما رأى - 00:33:57ضَ

قال هذا ربي يا ابراهيم ده انت طول الليل سهران بتتدبر لأ لغاية المغرب يتدبر كمان في الشمس اربعة وعشرين ساعة لا نوم ولا اكل ولا شرب زي سيدنا موسى في سورة الكهف لا ابرح حتى ابلغ مجمع البحرين. لا ابرح حتى ابلغ ربنا. حدد لي المهمة بتاعتي. انا مش هرتاح. انا مش هنام. انا لا ابر - 00:34:07ضَ

لا ابره حتى ابلغ رمضان. لا ابرة حتى اجيب التلاتين يوم تراويح فيه. لا ابرح حتى اصوم التلاتين يوم واقوم التلاتين يوم واتهجد التلاتين يوم. لا ابرح في العشرة الاواخر اعتكاف كله ايمان ورجولة وبطولة. لا عبر حتى اعيش كل لحزة في رمضان في الطاعة. دعني استمتع بشبابي اللي عبد الله - 00:34:27ضَ

آآ عبد الله بن عمرو بن العاص قالها لرسول الله. يا رسول الله سبني اصلي واصوم واقوم ليل نهار. تعاونا نستمتع برمضان. عايزين رمضان قمة المتعة. عايزين رمضان قمة البهجة. عايزين رمضان كله متعة في طاعة ربنا سبحانه وتعالى يا شباب. عايزين نعيش رمضان. عايزين نعيش مع رمضان ونعيش احلى عيشة واعظم عيشة في - 00:34:47ضَ

رمضان رمضان غيرني. رمضان غيرنا كلنا. رمضان غيرنا ليه ؟ واول حاجة بتغيرنا في رمضان القرآن. القرآن الكريم. القرآن العظيم. القرآن يا جماعة. القرآن بيرعبك انك تقول لربنا لأ. القرآن بيرعبك انك تبدل مع ربنا سبحانه وتعالى. انا عايزك تركزي - 00:35:07ضَ

الاية دي فبدل الذين ظلموا منهم قولا غير الذي قيل لهم اليهود فارسلنا عليهم رجزا من السماء بما كانوا يظلمون. وقفت اسمع الاية في صلاة المغرب قلت يا رب يا رب ليه رجزا من السماء؟ لو قلت رجزا بما كانوا يظلمون كانت عدت. ليه من السماء يا رب؟ بصيت للايات اللي قبلها لقيت ان ربنا اتكلم في الايات اللي قبلها - 00:35:23ضَ

عن المن والسلوى اللي نازل من السما وعن الظلال والغمام اللي صليت عليهم من السما قلت يا الهي كأن ربنا بيقول لهم السما اللي كانت امبارح بتجيب لكم النعم النهاردة هتنزل رجس. بصيت في اول الاية قل ليه ؟ لقيت اول الاية فبدل الذين ظلموك. لما بدلوا ربنا بدل عليهم. ربنا بدل - 00:35:43ضَ

يبقى مصدر الامن يبقى مصدر رعب في حياتك. مصدر الطمأنينة يبقى مصدر بعد ما كانت مراتك وولادك وكل حاجة مصدر رحم ومصدر عزاب. بعد ما كان مدير الشغل بيحميك ومدير الشغل بيقف يدافع - 00:36:03ضَ

هو اللي يستقصدك في الشغل. بعد ما كانت الدنيا كلها معك الدنيا كلها تبقى عليك. لو خسرت ربنا خسرت كل حاجة. لو كسبت ربنا كسبت كل حاجة. لو طبعا ربنا انت مع كل قوة في الكون كله. لو انت ما نتاش مع ربنا انت بتواجه انتقام لقوة الكون كله. عايزين نحسبها صح. عايزين نعرف احنا حاطين رجلينا فين - 00:36:13ضَ

شباب عايزين نعرف احنا حاطين رجلينا فين يا اباها يا امهات يا رجالة. يا اطفال يا اللي انتم الصحابة وهم في سنكم كانوا بيفتحوا العالم. وكان الامام في قلوبهم زي الجبال. ليه يا جماعة؟ ليه يا جماعة؟ ليه ما نعيش في حتة مع القرآن؟ ليه ما نخليش حياتنا كلها لكتاب الله؟ ليه ما نعيش جنة القرآن؟ ليه ما ندخلش - 00:36:33ضَ

مش الجنة الوارثة العظيمة بتاعة القرآن. قدامنا اهو حوالي اسبوع على رمضان بازن الله سبحانه وتعالى. وتلاتين يوم في رمضان مع كلام ربنا. وكتاب ربنا العظيم الجليل رمضان غيرني رمضان غيرني ليه؟ عشان القرآن رقم واحد. رمضان غيرني عشان الدعوة. الدعوة تاني حاجة هتغيرك في رمضان. لما تشتغلي في الدعوة. لما تدعي صحباتك. لما تدعو اصحابك. رمضان - 00:36:53ضَ

الدعوة فيه ابسط مما نتخيل يا جماعة. الدعوة فيه تعالى تراويح ماشي تعالي تهجد ماشي. تعالي. تعالي عاملين فطار لنا مع بعض ونسمع بعدها درس ماشي. رمضان يا جماعة الدعوة فيه اسهل ما تكون يا جماعة. الناس كلها عايزة تسمع خد الشريط ده اسمعه ماشي. خد يا عم صاحب الميكروباص الشريط ده شغله حاضر. الناس كلها عايزة - 00:37:15ضَ

عزة دين عايزة ربنا. اللي يشتغل في الدعوة في رمضان هو اللي هيتغير تغيير رهيب. الدعوة عارفين الدعوة هتغيره ليه؟ لانه اجتهد ان الناس تتغير. فربنا شكور فربنا هيغيره. كل كلمة قلتها للناس عشان الناس تهتدي. ربنا هيقذف نورها في قلبك. زي اللي بيغسل طبق. الطبق مش نضيف. اول حاجة بتنضف ايه - 00:37:35ضَ

واكتر حاجة بتنضف ايه ايده. ليه ؟ هو اللي بيغسل الطبق سبحان الله! مش الطبق بس اللي بينضف يا جماعة! راحوا لواحد مثل ضرب مثل فاستمعوا له. راحوا لواحد قالوا له انت يعني زو وجاهة وزو وزو زو احنا عايزينك تتعين سفير. سفير! سفير يعني وظيفة خطيرة. يعني رعاية مصالح الدولة في الدول الاجنبية. قال لهم - 00:37:55ضَ

بس والله ده ده شرف بس انا ما اقدرش. قالوا له ليه ؟ قال لهم لان انا آآ انا باشتغل عشان اصرف على بيتي وولادي. لو انا سبت شغلانتي هاصرف على بيت اولادي منين ؟ وفي نفس الوقت انا بيني وبين الناس - 00:38:15ضَ

نزاعات وخصومات. لو انا ما فضيتلهاش الناس تاكلني وتاكل حقي. وولادي بوديهم المدرسة كلهم وباجيبهم. مين اللي يوديهم؟ ومين اللي يجيبهم غيري؟ انا ما اقدرش والله لان انا مشغول. قالوا له بس كده - 00:38:25ضَ

تحت امرك. الفلوس هنديك مرتب الوفات ومش بالمصري بالدولارات. اولادك عربية مخصوص عليها هيئة دبلوماسية هتوديهم المدرسة وتجيبهم. بيسوقوا مخصوص وانت قاعد في مكتبك. الطيارة هتركب طيارة درجة اولى انت وولادك رايح جاي. كل حاجة هتبقى تحت امرك. اللي بينك وبينهم منازعات بمكالمة واحدة - 00:38:35ضَ

كل المنازعات تخلص في مصلحتك. ليه؟ عشان رعاية مصالح الدولة اهو اللي بيدعو الى الله وزيفته ايه؟ سفير لربنا سفير عن الملك الجليل عن دين ربنا. لرعاية مصالح الدعوة. لرعاية مصالح ربنا هيكفل لك كل حاجة. هيكفلك في كل حاجة - 00:38:55ضَ

هيخلي لك ما عندكش احتياج في حياتك. ربنا هيكرمك هيرفعك هيعليك. ربنا بيقول للنبي الم نشرح لك صدرك ووضعنا عنك وزرك. ورفعنا لك ذكرك. فتحنا هناك فتحا مبينا. ليغفر لك الله وينصرك نصره. ايه يا جماعة كل ده عطاءات اللي شغال في الدعوة؟ كل ده يا جماعة عايزين نتغير في الدعوة في رمضان. رمضان غيرني - 00:39:15ضَ

رمضان غيرني بصنائع المعروف. رمضان غيرني بان انا اشتغلت في كفالة اليتامى والاسر الفقيرة في رمضان. رمضان ابو الدحداح دفع ستميت نخلة عشان ياخد نخلة في الجنة. هتدفعوا قد ايه للفقراء والمساكين في رمضان عشان الجنة؟ عايز ربنا يوم القيامة يقول لك عبدي. استقرضتك فلم تقرضني؟ من ذا الذي يقرض الله؟ قلت لك - 00:39:35ضَ

ده لو واحد غني قال لك اديني سلفني هتسلفه على طول ليه ؟ ضامن انه هيسدد لك غني وعايز تتقرب له. ربنا قال لك سلفني قال لك اقرضني سبحانه وتعالى اقرضني ازاي يا رب ادي لمين - 00:39:55ضَ

الفقير دهو ادي للمسكين دهو ادي للارملة دهي ادي للمحروم دهو ادي للمريض دهو ادي لمريض الفشل الكلوي ده ومريض السرطان ده ومريض الكبد ده ادوا لهم غرقوا اللي معكم كله عندي كله هتلاقوه عندي. رمضان غيرني بصنائع المعروف. رمضان غيرني بالدعاء اكتر شهر بندعي فيه. قبل الفطار بندعي. في التراويح بندعي. في - 00:40:05ضَ

التهجد والتلت الاخير بندعي. رمضان غيرني في رمضان غيرنا. عايزين نتغير في رمضان يا شباب. انا اتكلمت معكم النهاردة عن رمضان بازن الله. الدرس الجاي درس رمضان الكبير بقى ان شاء الله بازن الله. درس الجاي زلزال رمضان - 00:40:25ضَ

الدرس الجاي رمضان عشرة ريختر. الجمعة الجاية بازن الله سبحانه وتعالى. هنتقابل وهنشوف برنامج رمضان ايه. واثرت ان الدرس يبقى برمضان بيومين بازن الله. عشان ندخل رمضان مين اخر شحنة؟ هنتزلزل مع رمضان النهاردة رمضان غيرني. المرة الجاية رمضان زلزلني بازن الله سبحانه وتعالى. عايزين نستعد للدرس لأ لرمضان يا حبيبي - 00:40:39ضَ

لرمضان مش للدرس. عايزين نستعد يا رجالة. ان شاء الله معنا في رمضان ان شاء الله بازن الله سلسلة على فين يا شباب؟ كل يوم بازن الملك بعد الفطار. السلسلة دي موجهة - 00:40:59ضَ

كل المنقبة اللي نايمة في بيتها والملتحي الكسول واللي مش راضي يلتزم واللي مش راضية تتحجب. والشباب موجهة لكل الشباب بازن الله سبحانه وتعالى. وموجهة للاباء ليه عشان نرجع لهم شبابهم ان شاء الله. بازن الله سبحانه وتعالى. عايزين نشتغل مع بعض. نبقى فريق واحد. عايزين رمضان ده يبقى دعوة الشباب الغير ملتزم بكل قوة. على النت وفي الواقع وفي - 00:41:09ضَ

الشوارع وفي المصايف وفي كل مكان يا جماعة عايزين نتغير. عايزين رمضان ده يبقى رمضان تغيير حقيقي. ان شاء الله بازن الله سبحانه وتعالى. قبل ما اسيبكم شنطة رمضان ما ينفعش - 00:41:29ضَ

نعلن عنها الجمعة الجاية لان يعني يعني خلاص هيبقى رمضان لسة عليه يومين. فانا ان شاء الله لقيت جمعيتين من الجمعيات بازن الله النشيطة جدا. اللي بتوصل معونات رهيبة للاسر - 00:41:39ضَ

بفضل الله. انا عايز اديكم بسرعة محمولك بسرعة اكتبوا النمرتين بتوع الجمعيتين. بسرعة اكتبي بسرعة هاتي ورقة وقلم بسرعة معي. اللي بيحفز بسرعة يحفز يا جماعة. جمعية في المنصورة عندنا - 00:41:49ضَ

وجمعية في القاهرة عشان اللي قريب من هنا يروح هنا واللي قريب من هنا يروح هنا. عشان يا جماعة رمضان يغيرنا بصنائع المعروف. عشان شنطة رمضان للناس الجعانة يا اخواننا - 00:41:59ضَ

الجمعية الاولى اللي هي الجمعية المنصورة جمعية العدل والاحسان. خدوا معي صفر عشرة ستة خمس تمنيات اربعة. صفر عشرة ستة خمس تمنيات اربعة. كل لقمة هتتحط في بق فقير في ميزانك. عند الملك الجليل. الناس الفقرا دول في رقبة مين؟ اللي مش لاقيين - 00:42:09ضَ

في رقبة مين ؟ اللي اتقتلوا في فرن العيش عشان العيش في رقبة مين ؟ اللي انتحر وولع في نفسه عشان مش عارف يجيب لولاده مصاريف المدارس في رقبة مين ؟ يلا يا رجالة. يلا يا رجالة صفر عشرة - 00:42:31ضَ

ستة خمس تمنيات اربعة. دي العدل والاحسان. مشروع شنطة رمضان ان شاء الله. ما جمعية منابر النور في القاهرة من الجمعيات العزيمة ربنا يبارك في القائمين عليها يا رب اللهم امين - 00:42:41ضَ

منابر النور صفر عشرة دي في القاهرة بقى جمعية القاهرة صفر عشرة ستين تمانية وتمانين صفر اربعين صفر عشرة ستين تمانية وتمانين صفر اربعين. يبقى جمعية المنصورة العدل والاحسان وجمعية القاهرة منابر النور. واتمنى ان انا يجي اليوم اللي يتعاون فيه مع كل - 00:42:51ضَ

ولكن دول اللي اعرفهم لغاية دلوقتي يا جماعة. دول اللي اعرفهم وانا عايز اخدم اخدم دين ربنا ولو بخطوة. ده الشبر الاولاني اللي بحاول اقدمه في صنائع المعروف. اللي بحاول استغل - 00:43:14ضَ

الدعوة من خلال منبر الدعوة ان انا اخلي الناس تشتغل في صنائع المعروف. يمكن ربنا يرحمني ويعفو عني. ويعفو عننا كلنا. ونبقى امة بلا يتيم بلا فقير رمضان غيرني. كنا مع بعض النهاردة في اخطر موسم تغيير. عايزين نستعد له. عايزين القرآن يغير حياتنا. عايزين نطلع بعد الحلقة على القرآن يا شباب - 00:43:24ضَ

عايزين ننطلق على ربنا بقى. يلا يا رجالة. يلا يا اللي عايزين تتغيروا. يلا يا اللي عايزين توصلوا لربنا. اعزم موسم للتغيير جاي. اللهم بلغنا رمضان. الله اللهم بلغنا رمضان اللهم اعنا فيه على ذكرك وشكرك وحسن عبادتك. اللهم استعملنا فيه في طاعتك ليلا ونهارا. اللهم لا تحرمنا من فضلك الواسع العظيم - 00:43:44ضَ

عظيم فيه يا رب. اللهم بلغنا ليلة القدر واجعلنا فيها من الفائزين. اللهم شرفنا ومن علينا بطاعتك. استعملنا ولا تستبدلنا. اقمنا على مرادك منا. يا رب اصلحنا وجهنا ارفعنا اعنا. علمنا وجهنا فهمنا يا رب. يا رب ما لناش غيرك يا رب - 00:44:04ضَ

يا رب سددنا. يا رب اعمر حياتنا بطاعتك. غير قلوبنا. اصلح قلوبنا. اصلح احوالنا برحمتك. يا ارحم الراحمين سبحانك اللهم وبحمدك اشهد ان لا اله الا انت. استغفرك واتوب اليك. وجزاكم الله خيرا. يلا على المصحف يا رجالة - 00:44:24ضَ

- 00:44:46ضَ