السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك يرجع الامر كله. لبيك يا ربنا وسعديك والخير كل الخير في يديك. والشر ليس اليك. اللهم صلي وسلم وزد وبارك على الحبيب محمد - 00:00:00

وعلى ازواج امهات المؤمنين وعلى ذريته وال بيتي انك حميد مجيد. اما بعد اخواني واحبابي في الله سامحوني بداية والله ان انا الخميس اللي فات كان عندي ظروف اضطرارية ما كنتش اقدر اجي ابدا ابدا يعني. آآ والنهاردة يعني المفروض كان هو معادنا مع بعض. عشان كده كلمت بشمهندس سعد وقلت له بص انا يعني ايه - 00:00:22

يعني انا عايز اصالح الناس باي طريقة فكان المفروض النهاردة ان الفطار يبقى يعني ايه على قد العدد بجد بس انا صراحة يعني آآ يعني يبدو ان العدد كان اكتر من المتوقع. فسامحونا يا جماعة احنا مقصرين في حقكم وربنا يوفقكم وربنا يبارك في مستقبلكم. آآ انا فعلا والله مريض جدا. آآ بس انا جيت النهاردة - 00:00:42

يعني يعني رغم التعب الشديد اللي الواحد فيه اللهم لك الحمد يعني آآ يعني جيت النهاردة التزاما بالمعاد بتاعي آآ وقلت ممكن نتكلم في حاجة حتى لو يعني ايه آآ يعني لو تبقى حاجة خفيفة او نفتح قلوبنا لبعض او اسمع منكم مشاكلكم او كده. آآ لان صحيا مش قادر ان انا آآ - 00:01:02

اه آآ يعني اتكلم معكم بقى في دورة سورة الحديد احنا حد منكم كان معي المرة اللي فاتت كان عنوانها ايه جدع صفات رجل المرحلة ايه الجمال ده! طب حد فاكر يا جماعة احنا يعني قلنا سورة الحديد بتتكلم عن ايه - 00:01:22

سورة الحديد يعني بتتكلم عن آآ رحلة الرجولة او يعني ازاي تبقى راجل! راجل في ايه! هو مين الراجل يا جماعة! الراجل في الدين راجل في ايه! اول حاجة الراجل في الدين راجل في اتصاله بالله. راجل في وجوده في بيئة الايمان. يعني انتم دلوقتي المسجد اللي انتم فيه ده اسمه ايه؟ ده بيئة ايمان. طب بصوا يا رجالة - 00:01:39

رجالة اقول لكم حاجة. بص انا تعبان والدنيا زحمة، صح كده ؟ لا لا لا لا انا والله انا في موضوع هو اللي شاغلني انا فعليا اليومين دول. فتعالوا بسم الله والصلاة والسلام على رسول الله. تعالوا نتكلم في الحاجة اللي انا الايات اللي انا - 00:01:59

حاليا عايش معي اليومين دول. خلاص؟ لان هو يعني باقي حاجة بسيطة. آآ واللي انا يعني سبحان الله العظيم حاسس ان انا الفترة الجاية لحد نهاية رمضان انا شخصيا انا عايز اركز في حياتي مع هزه الايات. هي آآ اول ايات نزلت - 00:02:14

ها يعني وده اشار اليه. يعني يعني المفسرين في التفاسير اول ايات نزلت بعد الاسراء والمعركة على طول. يعني النبي عليه الصلاة والسلام بعد فرض الصلاة في الاسراء والمعراج اول ما نزل اول ايات نزلت ايه؟ حد يقدر يقول لي - 00:02:33

اقم الصلاة لدلوك الشمس الى غسق الليل. وقرآن الفجر ان قرآن الفجر كان مشهودا. ومن الليل فتهجد به نافلة لك عسى ان يبعثك ربك مقاما محمودا. لحد اخر الايات يا جماعة الايات دي مقصرة فيها جدا اليومين دول. عارفين ليه؟ آآ النبي عليه الصلاة والسلام في عام الحزن عامل حزن - 00:02:50

ده يا جماعة ما كانش حاجة سهلة. يعني احنا دلوقتي اما حبينا نلتقي فيه مسجد. فيه بيئة ايمان. التقينا فيه. عام الحزن ده دار الارقم ما عادش الصحابة عارفين يتقابلوا في دار الارض - 00:03:10

ما عادش عامل حزن ده عامل زي اللي بيحصل لاخواتنا في غزة دلوقتي كده. ده كان عام ابادة. يعني ده العام اللي حصلت فيه هجرة الحبشة التانية. اللي هو مين - 00:03:20

صحابي هجرة الحبشة الاولى كانت عشرة صحابة بس. عشرة راحوا ورجعوا. هجرة الحبشة التانية ميت صحابي. انت عارف يعني ايه؟ يعني نص قوة الاسلام في الارض راحت ايه ؟ راحت الحبشة. نص قوة الاسلام في الارض. ولما المشركين بعتوا عمرو بن العاص عشان - 00:03:30

ماء النجاشي يسلم الصحابة كانت هي بعد الهجرة التانية دي. كانت هي دي. يعني المشركين كانوا مصممين انهم يتعقبوا المسلمين في اي مكان في العالم عالم يعني دي كانت حرب ابادة حقيقية لدرجة ان المشركين راحوا المدينة المنورة راحوا لاحبار اليهود قالوا لهم احنا عندنا واحد بيقول انه نبي - 00:03:50

نتعامل معه ازاي بقى ؟ قولوا لنا كلام تعجيزي نقوله له. ودي كانت اول مرة اليهود ينزلوا في المعركة ضد الاسلام. اول مرة لما قالوا قلت لهم اسألوه عن آآ اللي هو نزل يتفاهم قصة اصحاب الكهف. واسألوه عن اللي هي نزلت فيها قصة ذو القرنين واسألوه عن الروح. فعامل الحزن ده يا جماعة - 00:04:10

ده العام اللي مات فيه السند اللي هو ابو طالب. ابو طالب ده كان سند النبي مش لانه شخص سند. لان ابو طالب كان كبير العيلة. كان كبير بني عبدالمطلب - 00:04:30

فكان كل ما يحصل للنبي ازمة ابو طالب كان يجيب قومه كلهم اللي هم العيلة كلها. عارفين ولولا رهطك لرجمناك. كان العرب كده عندهم الرهط فابو طالب ده كان زعيم راهط اقويا فكان كل ما يحصل مشكلة يهدده النبي ابو طالب ايه وهو كافر يدافع عن النبي - 00:04:40

عليه الصلاة والسلام زي شعب ابي طالب لما كان بينيم النبي عليه الصلاة والسلام في السرير بتاعه. ففجأة ابو طالب مات. مين بقى اللي مسك الرهط دول؟ ابو لهب بقى كبير بني عبد المطلب في الوقت ده بقى كبير العيلة هو ابو لهب. فانتم متخيلين! يعني بقى السند اتقلب عدو اصلا. بجانب - 00:05:00

كيف عامل حزن ماتت الوزيرة؟ يعني ايه الوزيرة يا جماعة؟ الوزير ده كلمة كبيرة اوي. يعني آآ مش موجودة عندنا في الواقع. مش موجودة عندنا في الواقع بتاعنا في الواقع الديني تقريبا خالص. الكلمة دي وزيفة مش موجودة اصلا. ليه مش موجودة؟ لان ممكن تلاقي الوزير ده - 00:05:19

مع الملوك لان اللي هيقرب من ملك هيبقى باشا. ده لو قرب من ملك يشتغل بس ينضف الارض بتاعة البلاط الملكي يا عيب يا باشا فما بالك لو بقى وزير وزير من الوزرا اللي هو الجبل يعني ده بيبقى شخص ضهر وسند اللي صاحب الامر او صاحب المشروع يلاقي حد - 00:05:38

يلاقي حد يتكلم معه. يلاقي حد يقعدوا يوصلوا لخط سير مع بعض. بيبقى مشكلة اي حاكم. اي صاحب مشروع. اي صاحب رسالة اي رئيس مجلس ادارة شركة عالمية في القارات السبعة بيبقى مشكلته اساسا خط السير فين؟ هو عايز ياخد قرارات كتير فالوزير - 00:05:58

هو الشخص اللي بيساعد صاحب المشروع او صاحب الامر ان هو يوصل معه لخط سير. ففجأة الوزيرة ماتت. والوزيرة دي مش اه يعني مش مات محمد ييجي ابراهيم. الموضوع مش كده. الموضوع الوزيرة دي كانت سيدة اعمال كبيرة جدا. كانت واحدة يعني صاحبة شركة تجارية عالمية - 00:06:18

كانت واحدة عقلية تجارية يعني زي الوقت كده مسلا واحدة امريكية فاتحة شركة في تلات قارات. فانت متخيل لما تقعد معه تخيل انت لو اتجوزت واحدة زي دي. متخيل؟ او وانت او مسلا واحدة من اخواتنا اتجوزتي واحد آآ دماغه فعلا كبيرة. السيدة خديجة فعلا دماغها كانت كبيرة جدا. فعلا كانت انسانة - 00:06:38

في الحياة كبير جدا. فالنبي عليه الصلاة والسلام كانت خديجة وزرته. كان بيقدر يوصل معه القرارات في الدعوة. عشان كده يعني قالوا ان اول حاجة النبي عملها بعد التكليف بالنبوة آآ او التكليف بالرسالة عليه الصلاة والسلام انه استشار سم زار سم بنى الدار استشار مين؟ خديجة فاول عمل - 00:06:58

اقيم في الاسلام كان مشورة الوزيرة الاولى اللي هي السيدة خديجة. وبعد كده النبي والسيدة خديجة لما شاور السيدة خديجة يبدأ ايه؟ قالت له ابدأ بقى زور الناس هو وهي وصلوا ابدأ زوبة خط السير فين؟ البوصلة فين؟ انتم عارفين انتم مشكلتكم ايه - 00:07:18

انتم عارفين انتم قاعدين كده انت ممكن نديها لك ان مشكلتك انك عايز فلوس تتجوز. مشكلتك انك انت عايز حد يساعدك في يا ابني انت انت اكبر مشكلة عندكم في سنكم ده البوصلة انك ما انتش عارف تعمل ايه - 00:07:34

يعني انت الوقتي تعمل ايه ؟ هتروح تطلب علم ولا هتاخد شهادة كويسة اوي ولا تمتن دراساتك العليا في مجالك الدنيوي ولا تبدأ تفتح مشروع يا عم والشهادة دي حاجة تتجوز بها وخلاص - 00:07:48

ولا تروح اه تاخد دورات تنمية بشرية وتعديل سلوك وتبدأ تأسس في شخصيتك القيادية وتفكيرك في الحياة ولا تعمل ايه ولا تدور على عقد عمل برة ولا تهاجر. كندا واستراليا وتشوف شروط الهجرة تعمل ايه؟ تروح فين؟ ازاي تعيش حياة حلوة؟ ازاي تعيش - 00:07:58

ايه صح ازاي تعيش حياة لها القيمة. فالنبي عليه الصلاة والسلام اول عمل اقيم في الاسلام انه لقى وزير يتشاور معه. الوزير ده وصل وهم الاتنين ايه ؟ اعمل ايه ؟ اخرج آآ زعق في الشارع. اقول للناس يا جماعة قولوا لا اله الا الله. اعمل ايه ؟ آآ اروح لعم ابو لهب ابدأ معه. فواصل هو وسيدنا - 00:08:18

خديجة ان هو يزور ناس معينة كان منهم ابو بكر الصديق تاجر الملابس والنبي عليه الصلاة والسلام كان تاجر ملابس قبل البعسة عليه الصلاة والسلام تاجر اللي هو انتيم النبي عليه الصلاة والسلام قبل البعسة ويزور فلان ويزور فلان ويكلم علي ابن ابي طالب ويكلم السيدة خديجة وهو لقى حد يكلم - 00:08:38

معه اعمل ايه؟ ابدأ بايه؟ فكانت البداية الدعوة الفردية. فكانت البداية زيارات معينة لاشخاص معينة. والاشخاص دول ربنا بارك في هزا الامر لدرجة ان بدأ يبقى فيه عدد من المسلمين من اول يوم فكان العمل التالت سم بنى الدار استشار سم زار اللي هي الزيارات الفردية الدعوة الفردية ثم بنى - 00:08:58

اللي هي بيت الايمان. فتخيلوا ان فجأة الشخصية اللي انا كنت بارجع بالليل تعبان. يعني انا الوقتي مسلا انا انتم قدامي الوقتي شباب زي الورد شمس الورد مالي المسجد والبنات زي الورد فوق ويعني ربنا يبارك في مستقبلكم كمان فانا ممكن انا انا بعد الدرس ده انا عايز اتكلم مع حد الناس دي يا جماعة - 00:09:18

ازاي نساعدها انها تلاقي نفسها؟ ازاي نساعدها؟ وناخد بايديها ان يبقى لها مستقبل وتبقى مجد للاسلام وتبقى عز للاسلام. دايما اي صاحب رسالة او صاحب دعوة او صاحب مشروع بيبقى عايز حد يتكلم معه. فجأة اللي النبي كان بيتكلم معه مات. فجأة الوزيرة دي ماتت. طب مين اللي مات - 00:09:38

كان ما فيش حد مكانها. ابو بكر الصديق نفسه في الوقت ده ما كانش ينفع يبقى مكان السيدة خديجة. يعني اصل الوزير ده حاجة آآ يعني حاجة مش من يوم وليلة كده - 00:09:58

تعال يا فلان خليك الوزير بتاعي آآ ابو بكر يا جماعة النبي بزل معه تلات سنين من عمره. تلات سنين بعد موت السيدة خديجة عشان يأهل ابو بكر للوزارة عشان يحولوا من صحابي نشيط بطل منطلق في العبادة ومنطلق في الدعوة الى وزير. وزير دي يعني فهمك من عينيك - 00:10:08

وانا ببص لكم كده انا افهم من عينيك انت عايز ايه ؟ انت تفهم من عيني انا عايز ايه ؟ عشان كده ابو بكر في الهجرة بعد تلات سنين بقى من اللحزة دي ان بيقول للنبي اذ يقول لصاحبه - 00:10:28

لا تحزن يعني ايه لا تحزن الكلمة دي عبقرية يا جماعة كلمة يعني تدل على عبقرية من ابو بكر الصديق ده فاهم من غير ما النبي يتكلم ايه اللي جوة النبي - 00:10:40

لان لو انا مكان سيدنا ابو بكر او اي حد منكم كان ما قالش للنبي ما تزعلش. كان قال للنبي ما تخافش. لان الموقف موقف رعب. احنا فوقنا لو نزر احدهم تحت قدميه لرعانا. المنزر منزر رعب. فالمفروض ما تخافش. انما ابو بكر عارف ان النبي عليه الصلاة والسلام مش خايف ولا بيخاف. ولا النبي عليه الصلاة والسلام اهل الباطل - 00:10:50

ازا كان تلميز من تلامزة النبي خالد ابن الوليد كان بيتقال عليه كان يرى الروم كانهم نملة. نملة احنا دلوقتي مشكلتنا ان احنا شايفين امريكا حاجة كبيرة. شايفين اليهود حاجة كبيرة دي مشكلتنا. خالد ابن الوليد كان يرى الروم كانهم نملة. عشان كده لما دخل في القادسية القادسية ديت حرب عالمية جبارة. اليرموك - 00:11:10

اقصد حرب عالمية جبارة. كان فيه امير من الجيوش الخمسة ضد اليرموك. كان امير الروس. وكان فيه امير للارمن. وكان فيه اتنين امراء للجيوش الاوروبية. وكان فيه امير للممالك النصرانية في شمال الجزيرة العربية. اللي هو جبل ابن الايهم امير الغساسنة. انتم متخيلين يا جماعة - 00:11:30

اليرموك دي كانت حرب عالمية مروعة. مروعة وسيدنا خالد ابن الوليد دخل قدام العالم كله. المعركة دي غيرت تاريخ العالم وجغرافيته غيرت خريطة العالم كله اصلا. ده تلميز من تلامزة النبي عليه الصلاة والسلام. ما ترعبش اما لقى العالم كله تحالف عالمي جاي ضد الاسلام. ما اترعبش ودخل وقاتل - 00:11:50

اقتصر عليهم في ايام قليلة. فما بالكم النبي! النبي مش خايف! فعشان كده ابو بكر بيقول له لا تحزن! يعني ايه لا تحزن! ما تزعلش لانه عارف ان النبي مش خايف عليه الصلاة والسلام - 00:12:10

عارف النبي حزين. حزين على احوال الامة. حزين على ان جزء من المسلمين بيتقطع في الحبشة. وجزء في اليمن مع ابو موسى الاشعري. وجزء في القبائل بتاعتهم ده في ده وسوداء. النبي عليه الصلاة والسلام حزين على احوال الصحابة. حزين على الصحابة اللي بيتعزبوا. حزين - 00:12:20

على الوضع للاسلام فيه. فالوزير ده مش كلمة قليلة. الوزير ده بيبقى واحد ربنا بيبعته لصاحب المشروع او صاحب الرسالة بيبقى فاهم من عينيه هو زعلان ولا مبسوط ولا عايز ايه؟ ولا مشكلته ايه؟ ولا رايح فين؟ فالنبي عليه الصلاة والسلام كان في اللحزة دي كان وقت صعب جدا. ربنا داوى جرح النبي - 00:12:39

في الاسراء والمعراج عشان يجبر خاطره. ولكن النبي عليه الصلاة والسلام راجع من الاسراء والمعراج عليه الصلاة والسلام. حبيب الله محمد عليه الصلاة والسلام راجع من الاسراء والمعراج لا تزال المشكلة موجودة. لا يزال ما فيش وزير - 00:12:59

لا يزال ما فيش سند ارضي دنيوي لا يزال العيلة بتاعة النبي بدل ما كانت معه بقت ضده. لا يزال مطلوب طرده من مكة ودخل في جوار المطعم ابن عدي لا يزال دار الارقم مقفولة. وما عدش فيه امكانية للمقابلة مع بعض بسهولة. هو والصحابة كل ليلة زي قبل كده - 00:13:14

لا يزال الوضع كارثي لا يزال الوضع صعب. فربنا نزل له الروشتة دي انا باحسها في في ايام الحزن اللي احنا فيه حزن على غزة الحزن على نفسنا احنا احنا في ازمة يا جماعة. يعني كلنا حاسين بده. اي انسان مننا عنده طموح للاسلام حاسس بالازمة. اي انسان - 00:13:37

مننا عايز يعمل حاجة للاسلام بجد حاسس بازمة طب اعمل ايه؟ طب ابدأ منين؟ طب اتبنى ازاي؟ طب اجيب صحبة منين؟ طب خط السير ايه؟ طب اجمع بين الدين والدنيا ازاي - 00:13:57

فكانت الروشتة الاولى باسمي الايات اللي نازلة دي روشتة الفرج. روشتة الخروج من عام الحزن. كأن ربنا كان متوقع بقى ان ربنا هينزل للنبي ايات ها عايز تخرج من عامل حزن. خلاص يبقى توجيهات دعوية. توجيهات تربوية. توجيهات في الحركة. توجيهات في يعمل ايه مع مجاهد - 00:14:07

هنفاجأ دلوقتي ان التوجيهات كلها توجيهات في الاتزان الداخلي. توجيهات في بص لو انت صاحب هدف في الحياة لما كنا نركب طيارة فدايما في خمس دقايق رعب في الاول كده وانت راكب الطيارة يقول لك لو الطيارة جت تقع ولا حصل مشاكل تعمل ايه - 00:14:28

فمن التوجيهات اللي دايما يقولوها لك يقول لك لو الاكسجين قل في الكابينة بتاعة الطيارة اوعى تلبس الطفل اللي جنبك قناع الاكسجين قبل ما انت تلبسه انت انت تلبسه الاول وبعد كده تنقز اللي حواليك ما تعملش شهم وانت واقع. فكان اول توجيه انت لو وقعت مشروعك كله وقع. دعوتك كلها وقعت - 00:14:48

فشوفوا ربنا بيقول للنبي ايه عليه الصلاة والسلام. واحنا بقى اللي عايز مننا يتوازن نفسيا. واللي عايز مننا يقف على رجليه. واللي عايز مننا ينجح في حياته ما ابدا. لازم الروشتة دي تبقى نصبة عينيه. دي روشتة الخروج من عام الحزن. دي روشتة الفرج. اول حاجة اقم الصلاة - 00:15:10

الشمس الى غسق الليل الفروض الخمسة دي مش لعبة. انت لو ما انتاش فاهم فلسفة الفروض الخمسة في حياتك. وتوزيعة الاوقات بتاعتها حتى النوافل نفسها توزيعة اوقات النوافل. اللي في اللي على مدار اليوم انت لو مش فاهم قيمة الخمس مرات اللي انت بتقابل فيهم ربنا. وتعيط - 00:15:30

فيهم بين ايدين ربنا وتسجد لربنا في الخمس فروض وتطلب من ربنا الخمس فروض دول انت من غيرهم ما تقدرش تعيش. يعني غالبا غالبا يعني في الجيل الجميل بتاعكم ده انت مش هتعدي تلاتين خمسة وتلاتين سنة من غير ما تاخد ادوية نفسية من غير الفروض الخمسة. او من غير ما تنهار نفسيا الفروض - 00:15:52

في حياتك. اوعى تفتكر ان فرض وبتأديه. يا ابني دي وجبة روحية. بتديك توازن داخلي جبار. فربنا بيقول للنبي اول حاجة اقم الصلاة لدلوك الشمس. يعني ايه دلوك الشمس يا جماعة - 00:16:12

ملوك الشمس اللي هو الضهر. يعني ايه دلوك الشمس الدلوء عارف التدليك؟ لما حد يبقى ايده مسلا فيها شد عضلي او كده. فييجي حد يقعد يدلك آآ ايديه. فالتدليك ده بالراحة مواد الالم - 00:16:28

المواد اللي عاملة الشد دي تبدأ تتسحب بالراحة. تلاقي نفسك بعدها ايه ده انا بقيت زي الفل. وايه اللي حصل؟ الدلوك ده هو الغروب التدريجي الشمس ان بالتدريج وبالرفق خالص تلاقي الموضوع تم - 00:16:47

فعشان كده لما نجيب مسلا شوية فول سوداني وانا عايز آآ او قمح عارف يقول لك آآ دلك القمح في ايديه او دلك الفول في ايديه انك تلاقي القشر بتاع القمح او القشر بتاع الفول جه لوحده. والمادة نفسها اللي هي القمحاية او الفولاية جت لوحدها. عشان كده في اللغة العربية يقول لك رجل دلك - 00:17:03

اه اه او رجال دلك يعني ايه دلك؟ يعني يقول لك اه يعني ناس عندهم حرفنة في الحياة عقلاء في الحياة واحد خبير يعرف يحل المشكلة من غير حرق اعصاب. معظم المشاكل اللي انت هتحرق اعصابك فيها. وتحرق بنزين نفسيتك فيها. هي مش عايزة حرق اعصاب اصلا - 00:17:23

ازاي تشوف اقوى من الصلاة لدلوك الشمس. فدلوك الشمس ده الغروب التدريجي للشمس. الشمس بتقعد تغرب في قد ايه ؟ في ربع ساعة ولا في نص ساعة ولا في ساعة - 00:17:42

ساعة نص ساعة ربع ساعة. ايوة شف الراجل الزكي دهو. الشمس بتقعد تغرب من اول الضهر لحد المغرب يا جماعة. اه. الشمس بتقعد تغرب ست ساعات الشمس اول ما بتطلع اول ما بتطلع بتقوم ايه تفضل تطلع تطلع لحد ما تتعامد تبقى فوقك بالزبط. اول ما تبقى فوقك الوقت ده اسمه ايه؟ الزوال بقى هيبدأ - 00:17:55

زوال. الزوال يعني ايه؟ هتبدأ ترجع تاني تغيب. عارف انت عمرك انت انت دلوقتي لسة طالع معزمكم يعني الا اللي هيموت وهو صغير. نسأل الله سبحانه وتعالى حسن الخاتمة انت عمرك ده عامل زي الجبل. انت قاعد تطلع من ناحية. قاعد تجري تجري تجري تجري. انتم لسة في المرحلة بتاعة تطلع اللي فوق دي. معي؟ الا اللي هيفاجأ منكم بالموت - 00:18:19

ده بقى واحد ايه فجأة آآ ده اللي بيسميه الناس اتخطف. لان الناس مش متخيلة ان هو لسه طالع لقمة جبل حياته ده في حد بيموت هنا تمام؟ يعني حاجة طبيعية - 00:18:39

فتفضل يا بشمهندس باسل الله يرحمه الله يغفر له ويرحمه. فتفضل تطلع تطلع تطلع لحد ما توصل لقمة جبل عمرك عند الاربعين كده. بعد كده مين اللي راح مش هييجي تاني - 00:18:49

يعني خلاص انت نازل بقى فلازم تبدأ تفهم ايه انك انت مش هتعيش قد اللي انت عشته قبل كده. خلاص انت نازل من الناحية التانية. فدلوك فالشمس بتفضل تطلع لحد ما توصل - 00:19:02

كبد السماء خلاص تعمدت تبدأ تغرب من ده بقى وقت الضهر. لدلوك الشمس اي فور بدء الدلوك. الدلوك ده هو عملية الغروب اللي بتبدأ من بعد الضهر لحد الايه؟ المغرب وده من اعجاز او ابداع ربنا في خلق الكون. ان ربنا ما خلقش نزام الاضاءة في الكون اون واف - 00:19:12

الشمس مش بتطلع فجأة ومش بتغيب فجأة ده الدنيا يا جماعة ماشية بنزام نزام الاضاءة في في الكرة الارضية نزام مزهل. اقم الصلاة لدلوك الشمس الى غزق ايه الغسق ده - 00:19:32

اول الليل حاجة اسمها الغروب. بعد الغروب بتدخل السما في مرحلة تانية اسمها الايه الشفق بعد الشفق بتدخل السما في مرحلة اسمها الخسق اللي هو اختفاء الشفق اللي هي ضلمت اسودت كلها. اخر الليل بقى بتدخل - 00:19:47

انما في مرحلة اسمها السحر. السحر ده زي السحر. السحر ده انت عارف خيل اليه من سحرهم. انت تبص في السما مش عارف هي نورت ولا لسه. فالسحر جاي من - 00:20:06

السحر دي اللي هو ايه؟ ان انك يتهيأ لك حاجات وهي مش حقيقية فيجي السحر بعد السحر الفجر. الفجر اللي هو انفجار النور في الزلام. بعد الفجر ييجي حاجة اسمها الايه - 00:20:16

يا سيدي يجي الغلس. اه الغلس ده اللي هو ايه؟ اللي هو الدنيا لسة السما لسة مضلمة بس بدأ يبقى فيها ايه نور عشان كده يقول لك فلان غلس فلان غلس ليه - 00:20:30

لان بعد الفجر الوقت الغلس ده المفروض في اليوم الطبيعي يعني بتاع الناس زمان هو ده وقت بداية النشاط فالست بتعجن وبتخبز وبتحضر الفطار الراجل بدأ يستعد عشان نازل عشان يبدأ التجارة بتاعته. البيت كله الدنيا مقلوبة. ده وقت بداية نشاط اليوم. ده وقت التجهيز لبداية النشاط. تخيل بقى - 00:20:43

الضيف بقى في الوقت ده. هو ده اللي بيسموه الايه؟ الغلس بقى الغلس بقى اللي هو ايه؟ اللي هو انت انت جاي تنطلق الى الله الوقتي وجاي تطلب علم فجأة بقى صاحبك بقى اللي ايه بتاع السهر وبتاع الهق وبتاع ايه جه افتكرك الوقتي يا عم ما انا كنت قدامك زمان ما كنتش بتعبرني. انت جاي تفتكرني اول ما حد - 00:21:03

في بنات تبقى جد. فالغلس يقول لك يا عم ما تغلش علي. يعني فيه اوقات ما تتقحمش حياتي فيها. فييجي بعدها الغلس. اللي هو الوقت اللي النبي عليه الصلاة والسلام كان بيصلي - 00:21:23

في الفجر معزم الايام. بعد الغرس بيجي وقت الايه؟ الاسفار. الاسفار السماء نورت بس لسه الشروق ما طلعش. بدأت بقى السماء تبقى ايه؟ منورة. الوقت هو افضل وقت لصلاة الفجر - 00:21:33

ولكن طبعا لان ما حدش هيصبر على هزا الامر يعني فايه زي بالزبط كده وقت العشا الافضل لما يعدي تلت الليل ولكن ما حدش بيستر على هزا فاحنا بنصلي بالغلس - 00:21:45

وكان معزم صلاة النبي صلى الله عليه وسلم في وقت الغرس وبعد كده الصلاة. انا عايز اوصلك لايه؟ عايز اوصلك يا جماعة ان السما جميلة اوي ان مشاهد الكونية دي مهولة وربنا كان ممكن يقول اقم الصلاة للظهر والعصر والمغرب والعشاء والفجر. وخلاص انما ربنا يقول ربنا - 00:21:55

بيربط لك الفروض الخمسة بالشواهد الكونية بيقول لك على مدى الدلوك انت هتصلي تلات فروض. لدلوك الشمس اللي هم الضهر والعصر والمغرب اول الدلوك الايه؟ الضهر. واخر الدلوك اللي هو الغروب الايه؟ المغرب وما بينهم ايه؟ العصر - 00:22:13

ازيك يا عسل؟ وما بينهم وما بينهم العاصي انتم زي العسل والله. وما بينهم العاصي عشان كده الاية دي من الايات اللي بتؤكد ان ما ينفعش قرآن من غير سنة. يعني تخيل لو الاية ديت السنة ما شرحتهاش - 00:22:32

وما بينتش بقى كلمة كلمة فيها آآ تفاصيلها ايه ؟ احنا كنا نعرف نصلي طب هاقول لك حاجة تانية ، حلوة جدا. مفسرين اتكلموا فيها وحاجة غريبة جدا. اغرب تلات حاجات قرأتها للمفسرين في امهات التفاسير، في الاية دي يا جماعة - 00:22:51

مع اغرب تلات حاجات. الحاجة الاولانية اشارتهم ان دي اول ايات نزلت بعد الايه؟ بعد نزول النبي للارض. يعني التقاطة غريبة جدا الملاحظة التانية انهم لاحزوا ان اول فريضة النبي صلاها بعد فرض الفروض الخمسة كان ايه - 00:23:07

الضهر يعني النبي ما بدأش بالفجر يعني ربنا ما بدأش مع النبي بالفجر اول فريضة صليت في الفروض الخمسة لله. بعد الاسراء والمعركة كانت صلاة ايه؟ الضهر. دي اول فريضة. صليت في الاسلام - 00:23:27

الملاحزة التالتة الغريبة جدا اللي التقطوها ان النبي لما نزل كنا كنا امتى ؟ لما نزل من المعراك كنا امتى ؟ كنا خلاص ليلا. كنا لسه بالليل. النبي عليه الصلاة والسلام اصلا معراج في عمر الدنيا ما خدش شيء. فالنبي اسري به وعرج به ليلا ورجع تاني ليلا. يعني - 00:23:44

النبي كان موجود في الارض ولا لأ كان موجود. طب وربنا كلفه بالفروض الخمسة في السما ولا لأ ؟ يبقى صلاة الفجر دي كانت صلاة ضمن الفروض الخمسة ولا لأ ؟ ومع زلك اتفق المفسرين النبي ما صلاش - 00:24:02

ان صلاة الفجر دي ما اتصلتش. ان اول فريضة صليت في الاسلام كانت صلاة الايه؟ العلم حلو والقراية حلوة والقراية في امهات كتب التفسير سنة وبتلاقي معلومات جميلة وقيمة يعني دايما اقول لاخواني في آآ يعني بيعملوا مقاطع في السوشيال ميديا اقول لهم يا جماعة ما تبقاش واحد عايز تعمل مقطع - 00:24:19

تروح تشوف اي درس حلو الداعية من الدعاة وتقوم جاي سامعه ومنقي لك كلمتين وطالع ايه المقطع! يا ابني غوص في امهات الكتب. اقرا اتعب شوية يعني يعني اتبنى شوية اتملى شوية - 00:24:39

غوز في الكتب وافهم الكلام طيب قالوا ليه اول صلاة صليت صلاة الظهر؟ هو طبعا هنا الكلام اقم الصلاة لايه؟ دلوك الشمس اللي هو من اول الضهر فدي اول فريضة صلوا على النبي. حتى جابوا احاديس النبي عليه الصلاة والسلام. لما نزل سيدنا جبريل يومين. اليوم الاول بعد الاسراء والمعراج على طول - 00:24:53

بيبو اول معاد للفروض الخمسة اليوم التاني جبريل عمل معه ايه صلى معه نفس الفروض الخمسة بس في اخر معاد لوقت الفروض الخمسة. معي من الاحاديس العظيمة. جبريل نزل له يومين. يوم صلى بالفروض - 00:25:13

خمسة في اول وقت لها وعلمه يعني جبريل بيعلم النبي عليه الصلاة والسلام الصلاة عشان كده قال لك وليه النبي ما صلاش الفجر في اليوم ده لان كان جبريل لسة ما قالوش. فما فيش تكليف الا بعلم. فالنبي عليه الصلاة والسلام لم يكن يعلم صفة هزه الصلاة. فقال لك ان جبريل لسة لم يكن تنزل على النبي صلى الله عليه وسلم - 00:25:29

قال لك طب جبريل ما تنزلش ليه ؟ خلاص يبقى دي ما كانش فيه تكليف في الفجر ده اصلا. قال لك لتكون اول صلاة يصليها النبي في الاسلام ويصليها الصحابة في الاسلام هي صلاة الظهر - 00:25:50

طب ليه بقى الله اراد ان اول صلاة تبقى صلاة الضهر ايه لأ سألت مين يا مولانا؟ هو كلام جميل بس ده لو لنا احنا. لو لنا احنا الكلام طبعا جميل وواقعي. الصحابة كلهم اتجمعوا. انت لو اشتغلت في الدعوة هتبقى راجل رفيق وطيب مع الناس. عليه الصلاة والسلام. صلاة الضهر - 00:26:00

كلام صاحبك اللي هو الرفق ونقدر نتجمع بالساهل. لأ دول رجالة يا مولانا دول مش زينا يعني انت بقى انت بص انت راجل دماغك انت لو اشتغلت في الدعوة هتبقى دماغك حلوة وهتطلع زتون كتير يعني. انت بيقول لك ايه لان وقت الضهر ده وقت الطحنة بتاعة - 00:26:18

الدنيا فالله اراد. ان اول فريضة تبقى ايه؟ في وسط طحنة الدنيا. يلا عشان نوقف الدنيا ونتعلم نفرمل لما ربنا ينادينا. ماشي بس قول عشان مش جاهرية طب ايه يعني عشان مش جاهلية - 00:26:39

تبقى اسهل يعني بداية اسهل انت راجل برضو طيب وزوق والله. قل بداية انكسار الشمس ايه بقى ما يعني ارتباط بمشهد كوني! طب ما كل الصلوات الخمسة مرتبطة بمظاهر طبيعية - 00:26:56

ايوة قال لك ليه ربنا بدأها من يعني ليه ربنا ما قالش اقم الصلاة لقرآن الفجر ولدلوك الشمس وغاسق الليل ليه بدأت الضهر الضهر الناس كلها موجودة ده عندنا احنا يا مولانا. رسول الصحابة خلفاء الله في الارض دول لو كان ربنا قال لهم البداية الساعة تلاتة بالليل كانوا برقوا تلاتة بالليل - 00:27:09

قول الحر والصعب والدنيا والطحنة عشان تبقى مرجلة من اولها قل لا ده انا عمري ما قلتها ان ان نص السنن نص السنن الرواتب في الضهر لوحده. يعني السنن الرواتب اتناشر - 00:27:34

ست ركعات منهم مرتبطة بالاربع فرائض التانيين. وست ركعات مع الضهر لوحده. اربعة قبل الضهر واتنين بعد الضهر. انما الاتنين بعد المغرب واتنين بعد العشاء واتنين قبل الفجر طب ليه نص السنن الرواتب في الضهر - 00:28:05

اشمعنى نص السنن وكمان بتسجر النار قبل الايه؟ قبل الضهر ده وقت تسجيل جهنم الوقت اليومي لتسجيل جهنم. ليه؟ لان ده وقت انشغال هل الناس بالدنيا بقت الماية بتاعتها حمم - 00:28:18

بقى العقارب بتاعتها عقارب جهنم بقت زنازينها زنازين جهنم. بعد كده كل يوم عشان جهنم ما تطفاش ربنا بيسجرها. يعني ايه؟ يعني بيتولع عليها عشان تفضل هتفضل مولعة. فالتزجير ده بيحصل قبل صلاة الضهر على طول. عشان كده المفروض اكتر وقت في اليوم - 00:28:32

كان تبقى في صلاة النافلة امتى قبل الضهر في حين ان ده وقت ايه منع صلاصل منع صلاة آآ تحريم على قول يعني يعني اكراهة على قول اه منع الصلاة. طب ليه اتمنع فيه الصلاة؟ لانك هيجي يوم القيامة جهنم مش هتبقى بتسجل هتبقى بتايه ؟ بتسعر - 00:28:51

وما فيش حاجة اسمها صلاة. ممنوع كلمة استغفر الله ممنوع اصلا فكأن بروفة ليوم القيامة ان الوقت ده ربنا مش منعك من الصلاة بالعكس ده وقت عبادة ده الرسول قال لو يعلم الناس ما في التهجير - 00:29:12

اه اه لاستبقوا اليه. يعني الناس لو تعرف سواب انك تروح قبل ادان الضهر بربع ساعة نص ساعة تعبد وتقرا قرآن في المسجد كانت الناس تتنافس سيب السوق وتسيب الاستباق على الدنيا وتجري على المسجد. فالوقت ده وقت عبادة بس مش وقت صلاة. ليه؟ عشان والله اعلم عشان ربنا - 00:29:25

انك انت تفتكر يوم القيامة هييجي وقت هتبقى جهنم بتسعر ومش وقت تصلي. ما ينفعش تصلي. فعشان كده الزهر ده بيبقى ايه؟ انت عارف شوق المؤمن الصلاة بقى اكتر سنن رواتب في اليوم وهو نفسه اربع ركعات. بس برضو المفسرين ما قالوش كده - 00:29:45

الانوسي قال آآ دي اجتهادات يا جماعة ليست اكسر من اجتهادات يعني ممكن تبقى ايه هي دي اجتهادات عند المفسرين اللي بيحبوا تعليل الاشياء انما هي حكم هو حكم خلاص هي كده. اول صلاة صلت الضهر وجبريل ما نزلش للنبي الفجر ونزل للنبي آآ عند الضهر وخلاص هي مشت كده - 00:30:02

واخد بالك معي؟ قال لك عشان اسم صلاة الظهر من الظهور ومن الانتصار. فكأن اول صلاة صلاها النبي كان دهب يحمل بشرى من الله سبحانه وتعالى بالايه ؟ بالظهور والانتصار. عشان كده لما ييجي واحد يقول لي انا حلمت ان انا باصلي العصر امسك ايدي على قلبي - 00:30:21

العصا مش دايما مش دايما كل صلاة كل واحد يعني الرؤى دي تأويلها اما واحد ييجي يقول لي حلمت اني بصلي الضهر اقول الله اكبر. بص في حاجة ده ده ربنا هيرفعها - 00:30:40

في زهور في حاجة او في آآ انتصار وفرج في حاجة. فاسماء الصلوات ساعات بتبقى ايه آآ يعني يعني طبعا هو تأويل الرؤى مش بيمشي بالمنزر البسيط ده. ولكن يعني ده ايه حاجة كده من من زاوية من مئات الزوايا في تأويل اللفظ اللي بيجي في الرؤى. فالنبي عليه الصلاة والسلام - 00:30:52

فربنا قال له اقم الصلاة لدلوك الشمس اللي هي الضهر العصر المغرب الى غاسق الليل غسق الليل اللي هو لما تسود خالص. لما الشفق يغيب اللي هو ايه؟ اللي هي اللحزة اللي احنا فيها دي اللي هي صلاة ايه؟ العشاء - 00:31:12

وقرآن الفجر اللي هو صلاة ايه؟ الفجر يبقى الخمس فروض يبقى نلاحز هنا في الاية ديت طبعا الاية دي مليانة ملاحزات عزيمة وقيمة وقوية. ولكن نلاحظ هنا اهم حاجة ان اول دواء في روشتة - 00:31:26

وروشتة الخروج من عام الحزن. وروشتة البعد من الحزن. اوراد الفرائض الخمسة. اوعوا تفرطوا فيهم يا جماعة. اوعى تفتكر ان الفروض الخمسة فقط سواب ده دي سبب لاتزانك النفسي في الحياة - 00:31:41

ده دي مواعيدك مع الله سبحانه وتعالى. ده دي الاوقات اللي انت سجود الفرائض ده سجود الفرائض ده يا جماعة حياء. اوعى تقول سجود الفرائض انت مش نازل تقول سبحان ربي الاعلى سبحان ربي - 00:31:56

وتقوم. ده ده اكتر وقت للدعاء مع الله. ده ده ورد الدعاء الاساسي اهم وقت للدعاء في اليوم كله هو سجود الفرائض الخمسة. ادعوا ربنا كتير. ما تبقاش حياتك مليانة مشاكل. نفسي نفسي اتجوز. طب ما بتدعيش - 00:32:06

ما هو ما ينفعش ما ينفعش ليه؟ ما كل اللي حواليا مش متجوزين انا يبقى ما ينفعش اتجوز بالتأكيد الجواز ده. مين اللي قال الكلام ده ما يمكن يا عم ربنا آآ يعني يديك سيناريو تاني لحياتك - 00:32:22

مين قال لك كام ؟ ما تفكر برة الصندوق شوية ما تفكر برة الدايرة اللي غيرك بيفكر فيها شوية ما تخليك كده آآ ما تخليك نموزج جديد ونموزج مختلف. وانسان راجل دين ودنيا - 00:32:36

سم برضو ما ينفعش ما ينفعش ليه ؟ ما هو اصل انا بزاكر. انا بادرس بجد. بجد بتزاكر! يعني انت راجل آآ يعني يعني مش تروح تجيب المزكرة قبل الامتحان بيومين من المكتبة بتاعة اه يعني انت بجد بتزاكر ؟ والله كويس جدا لو انت بجد راجل مشروع عالم في مجال من مجالات - 00:32:49

العلوم الدنيوية الله يعينك يا ابني. يعني ربنا يجعلك في الدين وفي الدنيا رفع الراس الاسلام في الارض. ورفع الراس للمسلمين في الارض بس آآ طب انت ما بتشتغلش ليه ؟ اصل انا بزاكر - 00:33:09

طب آآ يعني ماشي امال بتقعد على السوشيال ميديا تلات ساعات في اليوم ليه ؟ امال قاعد تهق مع كل اصحابك ليه ؟ اومال رايح جاي بتخلص محاضراتك الساعة اتنين الضهر - 00:33:21

وتروح بيتك الساعة تسعة بالليل ليه امال آآ انت يا ابني يعني يعني سيطر على حياتك شوية يعني في حاجات كتير في حياتنا هي بايظة لان احنا سايبينها بايظة احنا مش متخيلين ان احنا نقدر نغير حياتنا. انت تقدر تبقى بطل. فكر برة الصندوق شوية - 00:33:31

فكر يعني سمعت كلمة لرجل اعمال آآ رجل اعمال كبير عالمي يعني مصري كنت بتفرج له على بودكاست كده فانا بيشد دايما تفكير الناجحين يعني انا دايما احب الناجحين اوي - 00:33:48

احب الناجحين. احب اقرب من الناجحين. احب اشوف الناس اللي نجحت في حياتها. ما نيش معترف بالفشل يعني يعني لما انت بتيجي تقول لي آآ انا ضايع يا شيخ انت بتخسرني في لحظة - 00:34:03

لان انت يبقى انت دماغك دماغ واحد ضايع يعني. يعني دماغك فيها كنت امبارح باقرأ قول الله سبحانه وتعالى يضاعف لهم العذاب ما كانوا يستطيعون السبعة وما كانوا يبصرون. آآ يضاعف لهم العذاب. انا حسيت شوية بمعنى يا جماعة انا بقرأها غير ان يضاعف لهم العذاب يوم القيامة. ان الناس دي اللي في دماغها هو اللي خلاها - 00:34:15

الناس دي عاشت الدنيا شقى لانها استغنت عن ربنا ثبات مكلفة بكل حاجة في حياتها. فاللي في دماغك ده ممكن يبقى هو سبب شللك. ممكن يبقى هو سبب فشلك انت اكبر حاجة محتاج تغيرها في حياتك. مش زروفك - 00:34:38

اكتر حاجة محتاج تغيرها في حياتك اللي في دماغك. هو اللي جايبك ورا. هو اللي معيشك في شقى. هو اللي معيشك في بهدلة. هو اللي ممكن يضيعك دنيا واخرة ما تسقش في مواهبك في مفاهيمك زيادة عن اللزوم - 00:34:58

يعني يعني بصوا انا كنت قاعد من يومين كده على يعني في على ترابيزة كده مع ناس فبيتكلموا في مشروع ديني يعملوه مع بعض فواحد بيقول للتاني بيقول له المفروض ان احنا نجيب متخصصين. فقام التاني قام قايل له ايه ؟ قال له لا لا لا ده انا فاهم انا بعمل ايه اول ما قال الكلمة دي اقسم بالله انا كأن عقرب لدغني قمت - 00:35:11

قايم ومسيب المكان وماشي. كله الناس اتصلت بي تاني يوم هو انت ماشي زعلان زعلان مين يا ابني؟ كفاية بقى حرق بنزين في الفواضي انا لسة هقعد مع ناس مخها استغفر الله العزيم عايشة في كوكب المريخ - 00:35:31

واحد بيقول لك يا ابني انت معك متخصصين ولا لأ انت درست مشروعك الديني ده دراسة احترافية ولا لأ ؟ والتاني يقول له انت انا لسة اقعد مع واحد بيعبد دماغه - 00:35:44

فاكر ان دماغه اخر الكون؟ انا اول ما بالاقي اللي قدامي دماغه ناشفة بلغيه من حياتي لان ده انسان فاشل. واللي هيجي ينقزه هيفشل جنبه لازم تميل الاول يا ابني لازم يعني ايه تفهم ان دماغك دي دخل حاجات كتير فيها من الاعلام وحاجات من آآ اصحابك وحاجات من اسرتك وحاجات من المجتمع مش - 00:35:54

كله صاحبني والله. انت عندك تصورات كتير عن نفسك هتوديك في داهية. لو ما غيرتهاش. وعندك تصورات كتير عن البلد هتوديك في داهية لو ما غيرتهاش وعندك تصورات كتير عن النجاح والفشل هتوديك في داهية. لو ما غيرتهاش - 00:36:15

انت ماشي عارف استلقونه بالسنتكم. عارف لما يكون خمسة بينطقوا كورة وقاعدين يتلقوها برجليهم ده يديها لده يقوم ده ياخدها برجليه. حاططها على كتفه يقوم باصها للتاني يقوم التاني واخدها على صدره - 00:36:30

ومباصيها بكتفه ده تلقونه بايه؟ بيتلقوا الكورة براسهم وصدرهم ورجلهم. اه استلقناه بين سيدكم ربنا بيوصف لحظة. المجتمع كان فيها لغى دماغه بياخد الكلام على لسانه ويقوم حدفه من لسانه على لسان واحد تاني مش على دماغ واحد تاني. حدفه على ايه؟ على لسانه. اليوم التاني ياخده لسانه ويبقى مفهوم مجتمعي - 00:36:44

منتشر هو كلام غبي اصلا في قمة الغباء وقمة غيابنا ما تضيعش حياتك نص المفاهيم اللي انت آآ بتعلمها ما هياش صح. راجع نفسك تاني وابدأ شف النجاح ده فين ؟ فعجبني الكلمة في البودكاست ده بتاع راجل - 00:37:05

الاعمال ده هو راجل اعمال يعني شغال في العالم كله يعني حد تقيل جدا يعني فبيقول انا وقت وانا صغير بيتكلم عن شبابه فبيقول وانا صغير اصل النجاح ملة واحدة. خدوا بالكم - 00:37:21

يعني نفس القواعد نفس القواعد بيل جيتس نجح بها في اقامة مايكروسوفت في العالم هي نفس القواعد. اللي الطالب اللي بيطلع الاول على كليته نجح بسببها هي نفس القواعد دكتور احمد زويل الله يرحمه عمل آآ الكاميرا بتاعة الفيمتو سكند بها هي نفس القواعد - 00:37:33

اللي الدعاة الناجحين اللي غيروا الواقع دعاة الاسلام غيروا الواقع بها. يا ابني النجاح ملة واحدة النجاح قواعد واحدة هياخدها الكافر هينجح. هياخدها المسلم هينجح. الدليل فين في القرآن وقدر فيها اقواتها في اربعة ايام ها. سواء للسائلين. اي سواء على السواء لكل من سأل الثمار - 00:37:56

كل كل اللي عايز اه سواء سنن النجاح واحدة. مين اللي ياخد بها بقى فلما انت تعيش حياتك يعني الحاجات اللي سبحان الله عجبتني في الحوار بتاع الراجل ده بيقولوا له انت نجحت ليه ؟ قال لهم على فكرة يا جماعة يعني ستين في المية هو طبعا هو مش - 00:38:19

هو مش مسلم يعني بيقول لهم ستين في المية من النجاح حز. ما حدش يقعد يضحك عليكم ويقول لكم اصل انا خططت يقول لهم التخطيط عبقري والكلام ده كله اربعين في المية. فافتكرت قول الله وقل رب ادخلني مدخل صدق - 00:38:34

واخرجني مخرج صدق. يعني يا رب آآ آآ دخلني بلد الدعوة فيها حلوة دخلني مكان فيه رجالة يشيلوا الدين. واخرجني خرجني من مكة على خير يا رب خرجني من البلد اللي مش عايزة تشيل دين دي على خير من غير ما ايه! يأزوني انا وصاحبتي. بس في الاخر واجعل لي من لدنك - 00:38:49

سلطان الناصرة. المفسرين اللي نقلوا كلام جميل اوي يا جماعة. كلام جميل للي يقرا كلام المفسرين وهو بهدوء كده. احنا داخلين على رمضان عايزكم تقروا بهدوء انا عايز رمضان ده يبقى نقلة في حياتكم - 00:39:08

عايزك تفهم قرآن مش عايزك مسابقة عد البنكينوت بتاع الحرف بعشر حسنات هو فيه خلاف بين العلماء اصلا يعني العشر حسنات ده قول النبي ولقول ابن مسعود وهو كلام مزبوط. بس يا ابني انا عايزك تفهم - 00:39:20

عايزك تقرا النهاردة جيت المسجد بدري صليت الضهر في المسجد هنا آآ تحت وقعدت آآ بعد الصلاة قعدت آآ اقرأ كده فقلت انا هقرأ صفحة واحدة بس في الاية في الركعة - 00:39:35

ففي صفحة عجبتني قوي وشدتني قوي. قمت جاي الركعة اللي بعدها قلت ايه؟ هاعيد نفس الصفحة في الركعة اللي بعدها. آآ الصفحة الركعة اللي بعدها. يا ابني ما فيش حد بيجري وراك والله - 00:39:46

والله العزيم لو ما ختمت المصحف في رمضان ما هيحصل مصيبة ولا حاجة. ايه! يعني اقعد انتخ! يا ابني مش باقول لك انتخ! انت كنت هتقرا القرآن قد ايه ساعتين انا عايز الساعتين دول تقرا فيهم ربعين - 00:39:56

يا عم انت كنت هقرا تمن ساعات انا عايز التمن ساعات دول تقرا في الجزء. ازاي ؟ اقراه يا عم تمن مرات عادي الموضوع بسيط والله يا جماعة وكله عارفين انتم فيه مسابقات كده ما بين الاخوات. ابنك وصل للجزء الكام ؟ ابني بقى في الجزء التامن. ابني بقى في المفصل ابني - 00:40:13

بقى فلوس وتقوم الام مروحة بقى الام بقى لابنها يا عيني لسة ما وصلش غير التسعة وعشرين والتلاتين. تقوم ماسكة الولا معلقاه فضحتني قدام الناس كل ولاد صاحباتي حافظين وانت يا بنتي هو مش مسابقة - 00:40:32

يا بنتي انت انت هو فاهم حاجة هو اللي بيحفزها ؟ طب حفزيه ماشي بس الموضوع مش كده يا جماعة. احنا يعني للاسف ما عدناش واخدين بالنا ان المقصد الاساسي من القراءة والفهم - 00:40:48

الذين اتيناهم الكتاب يتلونه حق تلاوة اولئك يؤمنون به. عشان كده في اخر دوا في الروشتة دي وننزل من القرآن ما هو شفاء. انت معبي مشاكل انت مليان المفاهيم الغلط اللي باكلمها لك دي حلها ايه ؟ القرآن هو اللي هيروقك من المفاهيم الغلط دي - 00:41:01

القرآن هو اللي هينضف لك الصندوق الاسود اللي جواك القرآن هيعالجك فعلا انا مش باكلمك كلام ما كنت في ندوة طب القصر العيني والطلبة والطالبات قاعد اكلمهم بقى عن عن عطاء الله فكلهم - 00:41:20

العيال كلها تنتحر يعني يعني نصهم بيفكر في الانتحار ونصهم بيفكر في جيل بائس استغفر الله العزيم يا فواحدين يبعتوا لي بقى بجد سعيد؟ انت ولا انت بتمسل علينا انت آآ انت انت جبت الكلام ده منين ؟ انت قلت له يا ابني انا يعني يعني بصوا يا جماعة يعني - 00:41:36

اجمل حاجة في الدين انك انت تبقى بتقول الكلام اللي انت عشته انا ما باقول لك القرآن هيغير حياتك. انا القرآن غير كل حاجة في حياتي. انا ما فيش حاجة جميلة في حياتي الا بسبب القرآن - 00:41:56

ما فيش مفهوم جميل في حياتي الا بسبب القرآن. ما فيش قوة ربنا اداها لي في حاجة في حياتي الا بسبب القرآن. يا ابني القرآن ده بعس. زي ما ربنا قال في الروشتة دي - 00:42:08

ومن الليل فتهجد به نافلة لك. عسى ان يبعثك ربك. بعث عارف يعني ايه بعس ؟ القرآن ده هيملى صدرك ببواعث ودوافع هتخليك بطل الدنيا كلها تنهار وانت واقف على رجليك. عسى ان يبعثك ربك مقاما. هتبقى من اصحاب القومات في الحياة - 00:42:18

مش بس مقام الشفاعة للنبي عليه الصلاة والسلام. مفسرين قالوا يعني فيه مفسرين قالوا ان الاية لا تشمل فقط مقام الشفاعة للنبي يوم القيامة. الانسان المرتبط بالقرآن قيام الليل فتهجد به نافلة لك ده. عسى ان يبعثك ربك مقاما. هتبقى من اصحاب القومات في الحياة. هتبقى انسان قوي. انت ليه عايش ضعيف - 00:42:40

ليه راضي انك تبقى انسان عادي؟ ليه الراضي انك تبقى نسخة مكررة زيك زي غيرك؟ شاب زيك زي غيرك. دخل الكلية زيه زي غيره. بيتزنق ايام الامتحانات وعايز ينجح زيه زي غيره. هيتخرج ويدور على شغل زيه زي - 00:43:01

قعد كده يدور على واحدة يتجوزها زيه زي غيره. يا ابني ما يمكن انت تبقى نسخة جديدة احنا يعني يعني استغفر الله العظيم التخلف اللي احنا عايشين فيه ده سببه ايه؟ مين السبب - 00:43:13

وازا الموؤدة سئلت هو اللي وأد قيمة الحياة عندك مين ؟ اللي وعد قيمة انك تعمل انجاز كبير في حياتك. مين اللي حسسك انك ما لكش قيمة مين اللي حسسك انك انسان عادي؟ زيك زي غيرك. انت مش عادي - 00:43:27

خذ العفو. يعني كل واحد من صحابتك يا محمد عنده زيادة ونماء في موهبة من المواهب. اكتشف موهبة كل واحد ووزفه فيها. انت شفت نفسك انت عرفت ايه قوتك ولا انت عبد للعرف عبد لنظرة المجتمع لازم ادخل كلية لازم اتخرج من الكلية لازم اخطب لازم اشتغل - 00:43:43

لازم اعمل ايوة يا حبيبي ماشي. لازم اشتغل في شغلانة من الحاجات الموجودة في الحياة. لازم ادور على عقد عمل زي ما الناس بتدور. لازم اعمل حبيبي بص لنفسك ما تبصش للمجتمع - 00:44:03

انت ما انتاش عايز في مجتمع حلو لدرجة انك انت تتأسر به في حاجة اصلا يعني ايه النجاح اللي خطفك في المجتمع؟ من الحاجات اللي عملوها عندنا انهم موتوا التاريخ بتاعنا - 00:44:13

احنا التاريخ بتاعنا ده كنت بشرح آآ بسجل في سلسلة رمضان من يومين. آآ سلسلة اسماء الله الحسنى بسجل في اسم الله النصير. فبقول ان اخطر اسم من تسعة وتسعين اسم. اسماء الله الحسنى. اللي ربنا تجلى على الامة به الف وربعمية سنة. هو اسم الله النصير. احنا مش مهزومين - 00:44:24

احنا دايسين على رقبتهم بجزمنا احنا سحقناهم هم اللي بيعملوه معنا ده من السحق اللي اتسحقوه الف وربعمية سنة. احنا ده نبينا الله تجلى عليه باسمه النصير مية مية وتلاتين مرة في تسع سنين. في حاكم انتصر في مية وتلاتين معركة في تسع سنين! في تاريخ البشرية - 00:44:43

ابو بكر الصديق كان بيقاتل في مية وخمسة جبهة وانتصر في المية وخمسة جابها. في حاكم جيشه اتوزع في مية وخمسة جبهة. وانتصر في المية وخمسة جبهة الخلفاء الراشدين في فتح فارس والروم سحقوهم. سحقوهم في خمستاشر سنة - 00:45:07

فيه امبراطوريتين في العالم يختفوا من الوجود في خمستاشر سنة في الاف المعارك. يا اخوانا احنا ده احنا انتصرنا انتصارات! والله العظيم ده احنا تاريخ الانتصارات بتاعتنا وفي الاخر يقول لك تعال اما ندرس نابليون، نابليون مين يا تافه - 00:45:25

نابليون ده كان بيقول على خالد ابن الوليد قدوتي في الحياة احنا عندنا قادة عسكريين ما حصلوش في تاريخ البشرية. يا ابني احنا انتصرنا على الصين. احنا دفعنا الصين الجزية في وقت من الاوقات - 00:45:39

الصين اللي امريكا مرعوبة منها دي يا ابني الدولة العسمانية اوروبا كلها دفعت لها الجزية. عشان كده قاعدين يشوهوا فيهم اوروبا كلها دفعت لها الجزية انت انت انت عارف تاريخك المخول لما اسلموا موسكو دفعت لهم الجزية - 00:45:52

احنا معلمين على العالم كله. احنا لا احنا قليلين ولا احنا جينا بس انا وانتم في زمن النكسة جينا في الفترة السودا اللي كان لازم ها ان ان الامة تفوق فيها بقى. تفوق فيها وترجع تاني لدينها عشان ربنا ينصرها تاني. انما احنا مش مهزومين فانت دلوقتي مش حاسس بقيمتك لانك انت اللي انت - 00:46:09

تاريخك ولا انت انت بتشايف جدودك. عارف اما اجي اقول لك آآ آآ تعال يا ابني آآ عارفين آآ فيلم آآ الاسد الملك ايوة انت هتترسم سيمبا يا سيدي عارفين لما هرب لما عمه عمه اسمه اسكار اهرب يا سيمبا واهرب يا سيمبا ما يرحش مش عارف خنزير رح اشبع شوية - 00:46:31

ايه؟ لا انا ما اعرفش ما ده. لكن الموضوع ده بيتفرج عليه من عشرين سنة ولا حاجة مش فاكر بس انا اللحزة اللي اسرت فيها جدا في الفيلم. لما بيقولوا انت اسد يقول لهم لأ انا مش اسد - 00:47:02

ها قبل ما يرجع ها انت يا ابني انت اسد انا مش اسد اسد مين يا عم ده انا حتة آآ بتاع آآ حاجة نصاية كده حاول انت اسد انت قوي والله العزيم - 00:47:17

يعني والدك ووالدتك هم اللي حسوك انك انت حد عادي؟ ما تقدرش تعمل حاجة ولا المجتمع ولا التعليم ولا الاعلام ولا ان ما حدش درس لك تاريخك بحق وحقيقي. فما حدش عرفك مين جدودك - 00:47:26

وما حدش عرفك انت جدودك دول بانوا اعزم حضارة في الكرة الارضية ازاي ؟ وانتصروا اعزم انتصارات عسكرية زي يا ابن الاسلام مدرسة محمد ما تخرجش انصاص ما فيش حد بيتخرج من هارفارد نص آآ اي كلام. ما فيش حد بيتخرج من السوربون اي كلام. ما فيش حد بيتخرج من مدرسة القرآن اي كلام - 00:47:39

ما فيش حد بيتخرج من مدرسة قيام الليل اي كلام. ومن الليل فتعجب به عسى ان يبعثك ربك مقاما. محمودا. الدنيا كلها تبقى واقفة مبهورة. ايه القومة الرهيبة اللي انت عاملها دي - 00:48:01

ايه ايه البعس اللي انت عملته في الواقع ده خريجي مدرسة القرآن وخريجي مدرسة محمد ابطال. بس احنا نتربى صح مش عايزين ندخل في مسابقة الختمات في رمضان. ولا عايزين نأنتخ مش باقول لك كده باقول لك انتخ. لأ انا باقول لك في رمضان عيش بقى مع الجزء - 00:48:15

تيجي بقى تصلي الفجر في المسجد وتقعد بقى في جلسة الضحى تقرا الجزء اللي هيتقال النهاردة في التراويح. او اللي نصه هيتقري مش مشكلة يعني القصة آآ بعد الضهر بتسمع شرح الجزء بقى - 00:48:34

اه غالبا بشمهندس سعد برضو هيعمل لكم بعد العصر في رمضان حاجة. بازن الله سبحانه وتعالى دورة في صورة او حاجة. حاولوا يعني حاولوا انكم ترتبطوا بالقرآن ارتباط عميق يا جماعة. احنا - 00:48:45

وطبطب القرآن من وانا طالب في الكلية انا القرآن غير لي حياتي غير كل حاجة في حياتي. كل حاجة في تصوراتي اتغيرت. ليه يعني فاكر ده نفسك مين يا ابني - 00:48:55

هو انا بقول لك انا جاي من هارفارد ايوة بركة بقى لي عشرين سنة مع القرآن. او خمسة وعشرين سنة مع القرآن فاتعبوا اتعب مع القرآن ربنا يريحك في كل حاجة بعد كده - 00:49:06

نرجع تاني لراجل الاعمال الكلمة اللي كان بيقولها وفكر النجاح انا باحب افسح اللي قدامي ما لاني باتعامل معكم ولادي فانا فانا عايز افهمك حاجات كتير عايز افهمك حاجات كتير. فبيقول فبيحكي عن شبابه يعني وقصة نجاحه - 00:49:17

فبيقول زمان ما كانش فيه لأ ما حدش خلاص يا جماعة ما فيش حد فبيقول ما كانش فيه حاجة اللي بينجح ده لازم واحد عنده خمسين سنة ستين سنة يعني ايه شاب طالع عايز يعمل حاجات كبيرة ومشاريع كبيرة فبيقول لك انا لازم اتشارك فهو بيتكلم عن بيقول قال كلمة بيقول الوقتي تلاقي واحد عنده عشرين سنة - 00:49:36

وبيتاجر في مليارات الافق بيختلف. هو الفرق مش مستوى الزكاء. ولا مستوى العقلية الافق. انا عايز اقول لك انت تقدر تبقى حاجة كبيرة قوي في الدين عايز اقول لك انت تقدر تبقى حاجة كبيرة اوي في الدعوة - 00:49:58

ما تستاهلش بنفسك وانا طالب في الكلية ونفسنة تانية او تالتة وكان عندي شعرتين طالعين من هنا وشعراية طالعة من الناحية التانية من هنا وشعرتين طالعين مننا طوال كده وكان شكل دقن يدحك يعني وانا كنت ابيض على فكرة يا جماعة وكنت بيبي فيس خالص يعني - 00:50:14

ها كنت شاب مرفه جدا والدنيا فهو انا واقف بقى مع مع الملتزمين بقى اللي في الكلية بقى الوحوش بقى اللي اكبر مني بقى بتوع سنة خامسة في الكلية وستة والكلام ده. فبقول - 00:50:32

امناء انا نفسي اخطب جمعة كلهم بصوا في الارض وكتموا الضحك. عشان ما يحرجونيش تخطب جمعة مين يا ابني انت تعرف تعمل حاجة اصلا في حياتك؟ فضل منة الله سبحانه وتعالى بقى الواحد مشكلتك الوقتي ان الواحد مش لاقي وقت من كتر الاستعمال فاطلب منك - 00:50:42

ما تستقلش نفسك. انت غالي عند ربنا. انت مليان طاقات. انت اللي هتوئد نفسك او هتفجر الطاقات اللي جوة نفسك بازن الله سبحانه وتعالى فالروشتة دي مش بس روشتة الفرج - 00:50:59

ده روشتة الفرج للامة كلها ده روشتة المجد. ده روشتة انك تبقى بني ادم اولها اقم الصلاة لدلوك الشمس الى غسق الليل يبقى الفروض الخمسة. طب ربنا ربط الفروض الخمسة من الزواهر الطبيعية ليه - 00:51:14

ليه تفكر في الكون يا ابني التفكر في الكون ده قمة الاتزان النفسي اللي انت هتعيش فيه قمة الاتزان النفسي والارتباط بالكون اوعى تفتكر ان الكلام ده بيعطل حد من اخواني الدعاة المشهورين جدا في مصر - 00:51:28

كان زمان نروح مع بعض تفكر في الخلق وآآ وآآ يعني ايه ونقعد بقى ايه نسمع ايات الله قرآنية يعني نشغل اي صوت قرآن يعني واحنا بعنينا قاعدين نتفرج على ايات الله الكونية. وبودننا بنسمع ايات الله قرآنية يعني كانت ايام جميلة. فهو جا له فترة اتشغل شوية عن الكلام ده - 00:51:45

فرأى رؤيا ان هو كان راكب عربية طاير بها زي الصاروخ. وبعد كده حصل حاجة في اماكن العربية على جنب. فطبعا دي رؤية توجيهية يعني معناها ايه؟ معناها اوعى تفتكر ان جلسات العبادة وجلسات التفكر في الخلق والتهجير لصلاة الضهر والتدبر في القرآن اوعى تفتكر ان الكلام ده - 00:52:05

آآ بيضيع وقت. يا ابني انت بتتحول لانسان زو شأن في هزه الحياة والا خلاص يعني اللي بيستعجل في العبادة ما بياخدش السمرة الحقيقية بتاعتها. العبادات فيها سمرات كبيرة اوي. قراية القرآن آآ الصلاة سجود الفرج - 00:52:25

التفكر في الخلق فيها سمرات كتير قوي في تغيير شخصيتك وتغيير اهدافك وتغيير عزيمتك وعلاج نفسيتك وتصحيح مفاهيمك تفكيك الصندوق الاسود اللي جواك وتركيبه تاني صح العبادة والقرآن يا جماعة لهم تأسير جبار فيك. وفي مستقبلك بس للي بياخدها صح. مش للي ايه؟ قاعد يعد ورق بنكنوه - 00:52:42

خلصت خاتمة اتنين تلاتة. ومن الليل فتهجد به نافلة لك. عسى ان يبعثك ربك مقاما محمودا. اقيم الليل يا شباب ما تستخسروش الليل في ربنا ما تعتقدش انك انت بتضيع وقتك الا اما بتقوم الليل - 00:53:06

ما تعتقدش ان قيام الليل ده انا كان في الليل ده كان زماني عملت يا ابني والله العزيم والله يا ابني الكلام ده ما هو صح كنت بتكلم مع زوجتي من ايام باقول لها تخيلي كده انا بقى لي تلاتين سنة ملتزم فضل ومنة الله - 00:53:22

تخيلي لو انا بقى لي تلاتين سنة محافظ على ان الليل ده كان يبقى لربنا بس. كان زماني فين الوقتي كان زماني فين مع القرآن؟ كان زماني فين في الايمان - 00:53:35

كان زماني فين في كل حاجة في حياتي الحياة طويلة مش قصيرة لو انت عشت حياة طويلة مش قصيرة ما تستعجلش انت ممكن من الفجر للضهر تخلص كل حاجة في حياتك اصلا. ما ربنا قال للنبي كده ان لك في النار سبحا طويلا. رتب حياتك صح. ما تستخسرش الليل - 00:53:46

في العبادة والقرآن وبالزات احنا داخلين على رمضان خلاص يا جماعة. رمضان عليه كم يوم خلاص بقى زي هو النهاردة الاتنين ؟ اه. يا راجل يعني مش زي النهاردة ده زي امبارح يا باشا. ده كده هتبقى تراويح الحد مش كده؟ حسبنا الله ونعم الوكيل. ادعي عليكم بايه يا اخي؟ فانت - 00:54:05

ابدأ بقى رتب حياتك صح فرصة جميلة. طب انا عايز ازاكر يا ابني اقسم بالله قيام الليل هيرتب لك كل حاجة في حياتك وهيرتب لك مزاكرتك وهيزود عزيمتك وهيزود بركة وقتك. ان لك في النهار صباحا طويلا. اشتري عمرك من بدري. ورتب حياتك من بدري - 00:54:27

عسى ان يبعثك ربك مقاما محمودا. تبقى بعس يا ابني وربنا يبعس فيك معاني هتخليك من اهل العزم في الحياة. وهيبقى لك قومات كل الدنيا هتبقى مبهورة بك فيها وقل رب ادخلني. اه وقل رب باقي الدعاء. يبقى بعد روشتة الفروض الخمسة والتفكر في خلق الله وقيام الليل. الحاجة اللي بعد كده وقل رب - 00:54:45

ادخلني واخرج لي الدعاء. ما تعيش حياتك من غير دعاء. انا عايزك النهاردة تجيب دعائين تلاتة اربعة خمسة انت بقى يعني ايه بس ما تزودش عن خمس دقايق. ويبقوا ورد عندك دول لازمة في سجود الفرائض ليل نهار تدعو فيهم. فاي نافلة بتدعي بها - 00:55:09

انت ماشي في الشارع! ايه ده يا بيه! اختار لك اختار لك خمس ادعية. اللهم اكفني بحلالك عن حرامك واغنني بفضلك عمن سواك. دعاء بالرزق دعاء الرزق ودعاء من الجواز الحلال - 00:55:24

ودعاء بان ربنا يملى حياتك حلال ودعاء ان ربنا يغنيك. جميلة اوي. اللهم اني اسألك الهدى والتقى والعفاف والغنى. حاجة عزيمة انت عارف انت بتطلب ايه ربنا اتنا في الدنيا اتنا في الدنيا. يا رب انا عايز في الدنيا. حسنة يقضيني احسن حياة. وفي الاخرة حسنة وقنا عذاب النار - 00:55:37

اللهم اني اسألك الهدى والسداد. يا رب خليني زي السهم المنطلق. حطني على الطريق السليم وخليني زي السهم المنطلق يا رب. خلي حياتي كلها انجاز فإدع ربنا وقل رب ادخلني مدخل صدق. واخرجني مخرج صدق من معاني الجميلة اوي - 00:55:58

ادخلني يعني هي فيها معاني كتير ، بس انا هاقول لكم معنى واحد فيها بس عشان يعني احنا كده خلصنا يعني. آآ آآ ادخلني في عبادات كتير انت مش قادر - 00:56:15

تدخل فيها انت نفسك تقوم الليل ومش قادر. نفسك تطلب علم ومش قادر. نفسك تحفز قرآن ومش قادر. ادخلني مدخل صدق يا رب دخلني في الطاعات اللي مش قادر ادخل فيها. نفسي يا رب استعمل في الدعوة. نفسي نفسي في حاجة واخرجني مخرج صدق. كتير منكم عندهم معاصي سر مش قادرين يخلصوا - 00:56:25

منكم ناس واقعين في العادة السرية ومش عارفين يخلصوا منها منكم ناس واقعين في زنوب ومعاصي ومش قادرين يخلصوا منها. واخرجني مخرج صدق. خرجني من الغرزات اللي انا غارز فيها دي يا رب - 00:56:44

خرجني من الابتلاءات والمصايب اللي مالية حياتي. خرجني من المشاكل اللي مالية دنيتي وديني واجعل لي من لدنك سلطانا ناصرا. يعني ايه ؟ يعني يا رب انا مهما اشتغلت ومهما خططت ومهما فكرت ومهما خدت باسباب النجاح، ومهما ارتبطت ببقية الايمان ومهم - 00:56:59

مهما طردت صحبة الهاء وجبت صحبة الهمة. ومهما عملت احتكاكات عظيمة وقعدت ادور على الناس الناجحة. ومهما كترت من الحياة في حياتي. انا يا رب اقصى حاجة اقدر ان انا اعملها في حياتي للنجاح اربعين في المية. اه - 00:57:15

اقل من كده كمان يا رب يا رب عارفين لما كان بيقول تسعة وتسعين في المية من اوراق القضية في ايد امريكا؟ تسعة وتسعين في المية من اوراق القضية في الاسباب السماوية مش في الاسباب الارضية - 00:57:35

اجعل لي من لدنك سلطانا نصيرا. يعني هاتها من عندك جمايل يا رب. بارك لي في مستقبلي من عندك. رتبها من عندك. سهلها من عندك ارها من عندك. صلحها من عندك. حليها من عندك. انا حياتي مش حلوة يا رب - 00:57:45

انا مش سعيد انا مش سعيد لان انا عندي مشاكل كتير في حياتي مادية ونفسية ودراسية واعباء ومشاكل وتساؤلات انا يا رب مش سعيد. حليها من عندك يا رب يا ابني - 00:58:01

ارم نفسك ربنا عنده كتير يا جماعة والله ربنا عنده كتير. عنده كتير اوي احنا شفنا في الطريق ده حاجات كتير جميلة اوي شفنا في الطريق ده عطاءات كتير جميلة قوي والله العزيم اتنغنغنا - 00:58:11

شيء اصلا ربنا جوزنا وربنا ادانا ادانا كل حاجة واستعملنا في الدعوة واتفتح لنا ابواب العبادات ربنا ياما ادانا وياما نجانا. الطريق ده جميل اوي يا جماعة. اوي اوي اوي - 00:58:27

ما فيش اي طريق في الدنيا له اي علاقة بطريق ربنا انك تخلص لربنا. وانك تسعى في طريق ربنا سبحانه وتعالى. واجعل لي من لدنك سلطانا نصيرا وقل جاء الحق وزهق الباطل. ان الباطل كان زهوقا. وننزل من القرآن ما هو - 00:58:41

شفاء. ما انا لما اقول لك خد الشفاء ده. يبقى معناها انت ايه؟ انت مريض. اعترف يا ابني انك مريض. انت عندك مفاهيم غلط وعندك صعوبات غلط. وعندك مشاعر غلط وعندك شبهات وعندك شهوات - 00:58:57

انت معبي انت عايز يعني ايه؟ عايز حاجة كده تنضفك من جوة. سلم نفسك للقرآن احنا بفضل ومنة الله الوقتي. خلاص اهو لسة على رمضان اسبوع ورمضان انت شهر واسبوع يا بختك عند ربنا - 00:59:07

انا عايزك بقى تخلص للقرآن في الوقت ده. انا عايزك تتعلم قيام الليل اصبر. اصبر الذين صبروا وعلى ربهم يتوكلون اصبر. اصبر على شهر واسبوع صعبين وتقال وهتبعد عن اصحابك اللزاز العزاز شوية. وهتبعد عن الفسح والهق شوية - 00:59:22

اصبر شوية بقى. استرجل الشهر اللي جاي ده استرجل لحد ما العشرة الاواخر يخلصوا. وبعد كده اقف وعيد حساباتك تاني مع نفسك. وشف القرآن هيعمل فيك ايه. بس ادخل المستشفى اللي احنا قلناها دي روشتة الفرج دي - 00:59:42

ادخلها في الشهر واسبوع اللي جايين. ربنا يوفقكم ويسددكم. ويبارك في بشمهندس سعد على الدورة الجميلة اللي هو عملها. وسعيد ان انا شفتكم يا جماعة والله يا جماعة فعلا والله والله انا لو عرض علي مليون دولار مقابل هزا الدرس - 00:59:57

والله ولا مليون دولار ولا ملايين الدنيا كلها تقابل الوجوه المشرقة دي. والشباب اللي زي الورد ده ربنا يبارك فيكم ومستقبلكم. سبحانك اللهم وبحمدك اشهد ان لا اله الا انت - 01:00:14