Baheth

السلام عليكم ورحمة الله وبركاته. الحمد لله وكفى. وصلاة وسلاما ثم اما بعد. كل سنة وانتم طيبين يا جماعة. كل شباب كل سنة وانتم الى الله اقرب. كل سنة ورمضان ييجي يغير حياتنا كلها. كل سنة ورمضان ييجي يغير قلوبنا وينور قلوبنا وينور طريقنا لربنا سبحانه وتعالى - 00:00:00ضَ

واحد اعرفه يعني اخ من الاخوة المجتهدين في الدعوة ربنا يبارك فيه. سافر فرنسا. سافر فرنسا يدعو الى الله. راح هناك بار من اكبر البارات. اللي معظم اللي فيه مسلمين. فبيقول - 00:00:20ضَ

فلقيت واحد قاعد واحد مسلم قاعد بيشرب خمرة والعياذ بالله. فبيقول رحت قعدت جنبه. قلت له انت لو معك جوهرة. جوهرة غالية اوي. وعايز تبيعها تروح تجيب محل فخم في منطقة - 00:00:30ضَ

فخمة وتحطها في فاترينة فخمة ولا تروح تبيعها في سوق السمك؟ قال له لأ اجيب محل فخم في فاترينة فخمة في منطقة فخمة. قال له طب انت لا اله الا الله - 00:00:40ضَ

ارميها في المكان ده. انت معك جوهرة لا اله الا الله. ترميها هنا ازاي؟ بيقول لقيته بدأ يبكي. فبدأ الشاب يبكي بيقول وهو بيبكي لقى شاب تاني واقف. شاب يا جماعة على وشه حيرة وعلى وشه حزن وعلى وشه قلق. بيقول له طب انا ينفع اتوب - 00:00:50ضَ

انا ينفع اصلي! انا ينفع ارجع! انا بعد كل اللي عملته ده ربنا يقبلني لو جيت! انا ممكن باب ربنا يتفتح لي تاني بعد كل اللي عملته ده! افتكرت كلمة - 00:01:07ضَ

قاتل المائة وهو بيلف الدنيا كلها بيدور على حد يعرفه طريق يرجع منه لربنا. بيلف على الدنيا كلها ما عدتش قادر ابعد عن ربنا اكتر من كده. ما عدتش قادر استحمل - 00:01:17ضَ

وبيسرخ في كل واحد يلاقيه هل لي من توبة؟ انا ينفع اتوب؟ انا ينفع ارجع نضيف؟ انا ينفع ارجع طاهر تاني ؟ يا جماعة يا اخوانا لو فيه يوصلني لربنا يرجعني لربنا يدلوني عليه. احنا معنا الليلة قصة يا جماعة. قصة ممكن تكون قصة اي واحد مننا. ممكن تكون قصة اي واحد من اللي قاعدين قدام - 00:01:27ضَ

من وقت او واحدة قصة شاب عادي اتولد في بيت عادي. ابوه امه مسلمين من النوع العادي. ولما صاحبنا بدأ يكبر ووصل لسن المراهقة بدأ يعمل معاصي غير عادية. ولكن في المجتمع العادي كل ده شيء عادي. وبدأ صاحبنا يكبر في مجتمع حواليه في صور - 00:01:47ضَ

والقنوات الفضائية والاغاني والكليبات. وبنت الجيران وزميلة اخته وبنت خالته وبنت وبدأ يكبر في وسط مجتمع حواليه في الشوارع. حواليه فيه الفتن. حواليه فيه المعاصي من كل ناحية. ولما صاحبنا وصل لثورة الشباب وصل لدرجة من المعاصي الغير عادية رهيبة - 00:02:07ضَ

وصل من السيجارة اللي محشية مخدرات لحتة الحشيش وبسهولة جدا وصل لكاس الخمرة واول ما شرب الخمرة كل الموبقات بقت سهلة قدامه. ولما وقع في الموبقات كلها بدأ يشتكي ان الاحوال بقت غير عادية. صداع مزمن. ما حدش عارف ينام - 00:02:28ضَ

بيقعدوا اربع ساعات يتقلب على السرير مش عارف ينام. مخنوق على طول قرفان صاحي قرفان ونايم قرفان. حاسس انه مكتئب حاسس انه مرعوب. حاسس انه قلقان. ما هوش عارف يعمل - 00:02:48ضَ

ايه ولكن لان صاحبنا عادي متربي في بيئة عادية فضل يدفن راسه في الرمل. معلش كل الشباب كانوا كده. يا سيدي يومين وهتعدي ان الله غفور كل ده شيء عادي. وبدأ الضغط جواه يزيد. يزيد يزيد. وفي ليلة غير عادية. كان راجع من سهرة غير - 00:02:58ضَ

غير عادية راجع صاحبنا برجليه ماشية به مش عارف يروح فين. تايه حطام انسان. نفسه يعيط بس مش قادر. نفسه في حد يسمعه بس مش عارف مين اللي يسمعه ولا هيعبره. نفسه في حد يحضنه ويضمه ويفهمه. نفسه في مكان يحتويه ويحميه من العزاب اللي جواه واللي حواليه. نفسه في حاجة بس مش عارف - 00:03:18ضَ

يا ايه نفسه في نفسه في جو تاني بس مش عارف يلاقيه فين. حطام انسان مخنوق بس ما هوش عارف ليه. رجليه فضلت واخداه وهو ماشي ماشي ماشي مهوش عارف يروح فين وعند الفجر سمع ادان الفجر بيشق قلبه اول ما سمع الادان اترعب صاحبنا هو مش عايز يسمع الادان - 00:03:38ضَ

مش عايز يفتكر هو بعيد عن ربنا قد ايه. بدأ يجري بعيد عن الجامع. بدأ يشوف اي شارع ولا اي حودة يحود منها بعيد عن الجامع وبعيد عن نداء الله. مش عايز يسمع ربنا بيناديه - 00:03:58ضَ

مش عايز يسمع صوت النداء وهو بيجري خبط في واحد كان رايح الجامع وقعوا الاتنين ولما فاقوا من الصدمة قام صاحبنا العادي ومد ايديه اللي بترتعش الملوسة باخر سيجارة شربها. اللي بترتعش من اسر المخدرات وبدأ يقوم الشيخ اللي وقعه - 00:04:08ضَ

ووقف الاتنين يبصوا لبعض مستغربين. يصاحبنا يبص للشيخ ايه ده هو وشه منور كده ليه ؟ هو وشه بيبخ نور كده ليه ؟ ده بالك من الملايكة ده ولا ايه! والشيخ يبص له ايه ده! اعوز بالله! ده شيطان ده ولا ايه! صاحبنا يبص - 00:04:26ضَ

ايه اللبس اللي كله نور ده! ده اللبس ده جاي من من الجنة ولا ايه! والشيخ يبص له اعوذ بالله! ده لابس ايه ده! ده ولد ده ولا بنت! صاحبنا يبص له ايه - 00:04:41ضَ

الجميلة دي ده حاطط ريحة من الجنة ده ولا ايه! والشيخ يبص له اعوز بالله! ده خارج من باكابورت ده ولا ايه! وفضل الشيخ يبص لمنزر صاحبنا باستغراب! سواد تحتها - 00:04:51ضَ

سواد حوالين شفايفه شعره منكوش ولا دي تسريحة جديدة وبص الاتنين لبعض كأن ده من كوكب وده من كوكب لغاية ما الشاب بدأ يقول بصوت انا انا اسف يا عم الشيخ. فاق الشيخ من الخواطر اللي فجرها في سدره. منظر الشاب قال له انت مين يا ابني؟ ياه - 00:05:02ضَ

آآ خبطة على قلب الشاب انابيم والله ما انا عارف انا مين ، والله ما انا عارف انا ليه. والله ما انا عارف يا عم الشيخ الشيخ بدأ يضرب كف بكف ويقول مسكين والله العظيم مسكين. لأ. عندك انا انا مش مسكين انا انا عارف طريقي انا انا كويس وساعات - 00:05:22ضَ

ساعات باصلي والله العظيم. انا انا مش وحش. الشيخ كانه ما سمعش اي حاجة. قال له على فين يا ابني؟ ياه تاني خبطة في نفس الدقيقة. على فين ؟ والله ما انا عارف على فين - 00:05:41ضَ

والله ما انا عارف يا عم الشيخ. انا من تلات سنين كنت لسة انسان طاهر وانسان نقي. لقيتهم بايه؟ انا عايز السعادة يا جماعة. انا عايز ابقى سعيد. لقيت واحد بيقول لي انت عايز - 00:05:56ضَ

السعادة اه هو ده طريق السعادة امش في الطريق ده. خد السيجارتين دول اشربهم وهتبقى سعيد. اول سيجارتين شربتهم كنت حاسس ان انا سعيد. يومين حاسس ان انا سعيد وطاير - 00:06:06ضَ

بعد كده رجعت مخنوق تاني. قلت وهي السكة دي ما فيش فيها سعادة ولا ايه ؟ لقيت صوت بيسرخ في وداني لأ. هي دي سكة السعادة امال هي فين ؟ المحطة اللي بعدها - 00:06:16ضَ

ايه المحطة اللي بعدها تنزل تقعد على القهوة وتشرب شيشة وتقعد مع الشلة بتاعة القهوة نزلت وشربت وقعدت يومين تلاتة اسبوع ورجعت مخنوق تاني بعد ما كنت سعيد في الاول. هي السكة دي ما فيش فيها سعادة ولا ايه ؟ لقيت صوت بيسرخ في وداني تاني لأ. السكة دي هي اللي - 00:06:26ضَ

السعادة امال فين؟ فين؟ المحطة اللي بعدها. ايه المحطة اللي بعدها؟ تنزل الجامعة وتكلم دي ودي وتكلم كل دول وتعمل علاقات مع دي وتدي ميست لدي وتبعت مسج لدي وتكلم دي هبقى كده سعيد اه هتبقى سعيد. نزلت واتكلمت وعملت كل حاجة اتقالت لي - 00:06:43ضَ

شهر اتنين رجعت مخنوق تاني. بعد ما كنت طاير وسعيد. قلت هي السكة دي ما فيش فيها سعادة ولا ايه؟ لقيت الصوت بيصرخ في ودان الاتنين لأ السكة دي هي اللي فيها السعادة - 00:07:02ضَ

لأ ما فيش سكة تانية فيها سعادة. طب هي فين ؟ المحطة اللي بعدها. ايه المحطة اللي بعدها؟ يبقى بتكلم واحدة بس من كل دول تبقى حبيبتك وتبقى حبيبهم تكلمها ست ساعات كل ليلة في التليفون بالليل. الادان الفجر يدن ما تقومش تصلي ركعتين لله. هابقى كده سعيد اه. شهر اتنين تلاتة - 00:07:12ضَ

ست عشرة كنت سعيد. وبعد كده رجعت مخنوق تاني. هي السكة دي ما فيش فيها سعادة ولا ايه! والله يا عم الشيخ باين انها سكة ما في اخرها حاجة كل يوم بتورط محطة ورا محطة. كل يوم بتتورط رجلي في الطريق اكتر وبتخنق اكتر. والله يا عم الشيخ عندك حق. انا مين وانا ليه - 00:07:32ضَ

انا رايح على فين؟ بدأ الشيخ يبص لمنزر القلم اللي على وش الشاب والعزاب الرهيب اللي بتشوفه في منظر كل وش شاب عادي يا كل شاب عادي ويا كل بنت عادية - 00:07:52ضَ

بدأ الشيخ يبص في منزر وش صاحبنا وبدأ يصعب عليه. بدأ يحس انه غلبان. بدأ يحس انه فريسة وقعت في قوت العنكبوت واتلف حواليها القيود حقنة سم واتشلت وخلاص هتتاكل هتتاكل هتنتهي هتنتهي. ومش هيقدر يخرج نفسه. عايز حد يمد له ايده من برة. عايز حد يقطع عليه - 00:08:04ضَ

الشرنقة اللي اتحبس فيها ويخرجه من اللي هو فيه. ويخرجه من الغيبوبة اللي هو فيها. بدأ يصعب عليه منظر الشاب مسك ايده وقال له تعال يا ابني. تعال معي يا ابني على فين يا عم الشيخ؟ تعال يا ابني لبيت ربنا. تعال الملاذ التايهين. تعال يا ابني اتصالح على ربنا سبحانه وتعالى. انت بتصلي - 00:08:24ضَ

انا اه لأ مش عارف. تعال يا ابني تعال الصالح على ربك. وشده من ايده وفضل ماشي به. وصاحبنا رجليه بتزحف في الارض لغاية ما وصلوا لباب الجامع. واول ما وقف قدام باب الجامع ياه! ايه النور ده! ايه الجو ده! ده ده بيسجد لربنا - 00:08:44ضَ

ومنزر منزره وهو بيسجد كأن الملايكة بتاعة السما كلها محوطاه وده واقف بيصلي ووشه طاقت نور مفتوحة وده رافع ايديه وبيدعي ياه اه انا الوقت لو وقعت في زنقة وحبيت اقول يا رب هينفع بعد كل اللي عملته ده قل يا رب. وده بيستغفر ودمعة فيها نور السما والارض كلها. نازلة - 00:09:04ضَ

وده وده ماسك المصحف. المصحف انا انا من قد ايه ما مسكتش المصحف. انا من قد ايه ما قريتش كلام ربنا انا من قد ايه وانا هاجر كتاب ربنا سبحانه وتعالى ياه! وقف صاحبنا قدام المشهد ده. هادخل ازاي ؟ هادخل بكل الوحل اللي انا فيه ده ازاي ؟ هادخل من - 00:09:24ضَ

الطين اللي انا جاي منها دي ازاي ؟ وبدأت شاشة تتفتح في صدر صاحبنا. منزر البنت اللي اول ما دخلت الجامعة كانت طاهرة وبريئة ونقية. الشيطان ما عرفش يضحك ويغويها وهو طلع وطلع اقذر من الشيطان وضحك عليها وغواها. منزر ابوه ومنزر خيبة الامل على وشه وفي خيبة امله في ابنه وعمره اللي - 00:09:43ضَ

ضاع وحس ان ابنه خلاص خسر ابنه. وبدأت الشاشة تسرع اكتر. منزر الكاس. منزر السيجارة. منزر رأي الكوتشينة. منزر شيشة السينما. منزر الزنا والمخدرات والشرب. منزر ورقة الجواز العرفي. منزر سهراته وزكرياته على الرمز بتاعة النت والناس بتصلي الفجر تحت - 00:10:03ضَ

منزر واحد واحد من اصحابه من شلة القهوة وغير القهوة. وبدأ يحس انا هعدي كل ده ازاي؟ انا هاسيب كل ده ازاي؟ انا بتخلص من كل ده ازاي؟ انا هاقدر اعيش - 00:10:21ضَ

من غير كل ده انا مش هاقدر. مش هاقدر سب ايدي. انا مش هاسيب ايدك. سبني. انا باكرهك. انا باكره كل واحد زيك من اصحابي بقى زيك وقلب بقى زيك - 00:10:31ضَ

كل ما بشوفهم بفتكر انا بعيد عن ربنا قد ايه. سبني ما لكش دعوة بي مش هاسيبك يا ابني مش هسيبك تودي نفسك جهنم برجليك. قل يا رب يا ابني. قل يا رب وهتقدر. والله العزيم هتقدر. والله العزيم هتقدر. والله - 00:10:41ضَ

العظيم هتقدر يا ابني لأ سبني انا جيت قبل كده وما قدرتش وغيرك جه وما قدرش وغيرك جه وقدر. انا حاولت قبل كده ووقعت وغيرك جه وما وقعش انا مش هاقدر مش هاقدر سب ايدي ونزع ايده منه وطلع يجري يجري يجري لغاية ما راح بيته دخل ما كلمش حد وقفل على نفسه باب - 00:10:57ضَ

بتاعته وفضل قاعد مش عارف ينام مش عارف يفكر مش عارف يعمل ايه! انا انا ما دخلتش ليه ما الباب كان مفتوح قدامي وربنا فتح لي بابه. انا ما دخلتش ليه ؟ انا انا كان نفسي ادخل. والله العزيم كان نفسي ادخل. وكل ما بامشي في الشارع واشوف باب جامع مفتوح وناس داخلة فيه بيبقى - 00:11:17ضَ

قلبي بيتقطع وكل ما بشوف شاب زيي زيه. شاب زيي زيه ماشي في الشارع وساب النور على وشه واللحية في وشه وماسك السواك بايديه. بيبقى قلبي بيتقطع مني في ايه ؟ انا مش قادر اعمل زي ما هو عمل ليه ؟ هو خد القرار ده ازاي ؟ انا كان نفسي ادخل والله العظيم. بس انا هادخل ازاي بالوحل اللي انا فيه ده كله - 00:11:37ضَ

هدخل ازاي من بركة الطين اللي انا كنت فيها دي؟ ازاي؟ انا يا رب نفسي ابقى طاهر ونضيف بس اخرج من الوحل اللي انا فيه ده ازاي؟ مش عارف يا رب اخرج منه - 00:11:58ضَ

ما عدتش عارف. انا كنت باحسبها في الاول سكة هاحط فيها خطوتين وهارجع ما اعرفش ان انا هتورط التوريط ده. ما اعرفش ان ابليس هيستعبدني الاستعباد ده ما اعرفش ان انا افقد ارادتي تماما وهتشل تماما في الطريق ده للدرجة دي - 00:12:09ضَ

ما اعرفش ان انا هاعيش الخنقة دي انا كنت باحسبه طريق سعادة. طلع طريق خنيقة الدنيا كلها انا كنت باحسبه طريق الفرح طلع طريقي الخنقة والحزن والالم اللي في الدنيا كله. انا كنت باحسبه سهل خطوتين وهارجع. انا متورط يا رب - 00:12:25ضَ

انا متكلبش في الطريق ده. انا محقون حقن سم وما عدتش قادر اتخلص من اللي انا فيه. اعمل ايه ؟ وبدأت شاشة تتفتح قدام عينيه منظر صاحبه منظر صاحبه اللي كان جميل ووسيم وقوي وبصحته ويا حرقة قلب امه وابوه عليه. لما في جرعة مخدرات زي - 00:12:41ضَ

ده راح في لحزة ودفناه بايدينا. ومنظر صاحبته اللي كانت ملكة جمال. وكان الكل هيموت عليها. وفي لحزة في حادسة ماتت ومنظر صاحبه اللي طلعوه من الحمام من مرحاض الحمام مات ووشه في مرحاض الحمام وهو بياخد جرعة مخدرات - 00:13:00ضَ

ومنظر صاحبه اللي كان عنده عربية وفلوس والدنيا كلها معه. الساعة اتنين بالليل على الطريق السريع مع بنت والعياذ بالله. يموت والعياز بالله وهو في الوضع ده. واهله ان الفضيحة يدفنوه من غير ما حتى يصلوا عليه. خايفين من الفضيحة وبدأت الشاشة تسرع. منظر فلان اللي مات فجأة في مارينا. وفلان اللي مات فجأة على الطريق وهو رايح يعمل مصيبة - 00:13:17ضَ

وفلان اللي مات بعد السفرة كلها منكرات. وفلان وفلان وفلان. يا رب يا رب انا مش عايز اضيع زي ما باعوا يا رب. يا رب انجدني يا رب يا رب اغثني يا رب انا مش قادر بس انت اللي تقدر. انا مش قادر اخلص نفسي بس انت يا رب اللي تقدر تغيثني من اللي انا فيه - 00:13:37ضَ

تحول صاحبنا لعادي الواحد ما عدش حاسس بالفسح العادية والنكت العادية والافشات العادية تاني يوم وهو خارج مع اصحابه ايه يا عم الكئيب! ايه يا عم ما لك! انت في واحدة جديدة في حياتك ولا ايه! يا عم انت ما لك النهاردة ما انتاش عادي كده! ومنزر الشيخ شاشة في قلبه مفتوحة ومنزر - 00:13:53ضَ

الشيخ بيقول له هتقدر. والله العزيم هتقدر. وهو قاعد يفكر هاقدر فعلا ولا مش هاقدر. نزلوني. يا ابني انت ما لك خليق النهاردة كده ليه نزلوني هنا. يا عم نزله يا عم تلاقيه بيحب جديد ولا حاجة. وينزلوه وما يفكرش يروح في اي مكان. رجليه جري على المسجد اللي قابل فيه - 00:14:13ضَ

شيخ امبارح صاحبنا عند الفجر اصبح انسان من الليلة غير عادي. راح للمسجد وفضل يستنى الشيخ لغاية ما لقى شيخ جاي. جري عليه يحضنه بيقول له ادعي لي يا عم الشيخ. والشيخ بيحضنه وبيقول له حمد لله على السلامة يا ابني. حمد لله على السلامة يا ابني. يقول له انا فرحان يا عم الشيخ. انا حاسس ان انا - 00:14:33ضَ

كله نور يا عم الشيخ بس خايف. بس مرعوب احسن الاحساس ده يروح انا انا نفسي معقولة يا عم الشيخ ربنا يفتح لي بابه! معقولة بعد كل اللي عملته ربنا هيقبلني! انا ينفع اصلي! انا ينفع اتوب! انا ينفع ارجع لربنا - 00:14:53ضَ

وتعالى انا في طريقة اقدر ارجع منه لربي ومولاي وحبيبي. فيه طريق لو فيه طريق دلني عليه. انا حاسس ان انا عدت باحب الصلاة قوي. باحب باحب الملتحيين والملتزمين اوي - 00:15:08ضَ

عايز احضنهم كلهم. عايز امشي في الشارع ابصهم. عايز اصاحبهم كلهم. انا انا خايف ارجع. انا خايف اقع. خايف ما استمرش. معقولة يا عم الشيخ! معقول! ربنا هيقبلني! انت متأكد ان ربنا هيقبلني؟ انت انا هقدر هقدر اتوب. هقدر اسيب كل اللي كنت بعمله. هقدر اعمل كل الطاعات. هقدر اصلي في الجامع - 00:15:18ضَ

هقدر ابقى انسان تاني هقدر اتغير والشيخ بيهز راسه بيهز راسه بوشه المنور وهو بيقول له هتقدر. والله العزيم هتقدر. هتقدر. والله العزيم هتقدر مع كل هزة راس من الشيخ. طاقة نور وامل بتتفتح في صدر صاحبنا. اللي اصبح من اللحزة دي - 00:15:36ضَ

يا شباب يا بنات مين فيكم كان زي صاحبنا ده في اول القصة؟ مين فيكم مش عايز ربنا؟ بس لازم لازم يروح لربنا سبحانه وتعالى. مين فيكم يا شباب؟ مين فيكم - 00:15:59ضَ

انت لغاية امتى يا ابني؟ هتقرب نفسك في الطريق اللي انت ماشي فيه ده لغاية امتى؟ لحد امتى؟ متعة ايه اللي الاتياء في الطريق اللي انت ماشية فيه ده عشان تكملي فيه؟ لحد امتى هتفضل مدي ضهرك - 00:16:13ضَ

لحد امتى هتفضل تورط نفسك في الطريق ده خطوة ورا خطوة لحد امتى ؟ لحد امتى هتفضل ماشي في سكة ما فيش اخرها حاجة؟ لحد امتى هتفضلي ماشية في سكة اخرها النار - 00:16:23ضَ

اخرها جهنم اخرها السعير. لحد امتى؟ لحد امتى كل يوم؟ كل يوم واحدة جديدة بتوب. كل يوم واحدة جديدة بتنتقب. كل يوم شاب جديد بيتوب. كل يوم بيرجع لربنا اللي كانوا معنا في رمضان اللي فات والنهارده ما شاء الله ما شاء الله بقى دعاء الى الله في سنة واحدة احسن منك في ايه؟ احسن منك في ايه؟ اللي قال في - 00:16:33ضَ

ربنا احسن منكم في ايه ؟ اللي تابوا لربنا احسن مننا في ايه ؟ يا شباب احد الشباب احد الشباب ربنا يبارك فيه يا رب لسة كان بيتجوز من ايام ووشه ما شاء الله لا قوة الا بالله. وشه نور باللحية. وزوجته ما شاء الله بالنقاب كان زمان في وحل. كان من المفسدين والعياز بالله. من المفسدين - 00:16:53ضَ

عندنا ودخل الجامع وقرر يرجع لربنا ويبقى انسان غير عادي وهو داخل الجامع قابل واحد صاحبنا صاحبنا اول ما شافه راح قام حاضنه اول مرة يدخل الجامع صلاة الفجر. راح حضنه وقال له حمد لله على السلامة. يا - 00:17:11ضَ

بيقول الكلمة دي زلزلة قلبي. حسيت ان قلبي بيتسلسل وانا وانا باسمعها. يا شباب هنسمعها امتى بقى ؟ حمد الله على السلامة. هنقول لكم نقول لنفسنا امتى حمد الله على السلامة؟ رجعتم لربكم ومولاكم بالسلامة. النبي هيقول لنا على حوض على الحوض عليه الصلاة والسلام واحنا رايحين فرحانين مع بعض. بنجري - 00:17:27ضَ

عليه مع بعض كلنا وهو بيقول لنا حمد الله على السلامة. رجعتوا لنا بالسلامة. رجعتم لربكم ومولاكم بالسلامة. رجعتم لي بالسلامة. هنقول لك امتى حمد الله على السلامة هنقول لك امتى حمد الله على السلامة يا شباب هتقدر والله العزيم هتقدر هتقدر تتغير و هتقدر تسبت وهتقدر تتوب و هتقدر تبقى بطل - 00:17:47ضَ

بص انا انا انا انا خايف ما اقدرش انا خايف ما اسبتش انت عامل حبيب قلبي زي واحد بيصحى من النوم فاول ما بيصحى من النوم والدنيا برد وفي الشتا وسبعة الصبح قاعد - 00:18:07ضَ

انا انا مش هاقدر دقيقتين بس. اصبر دقيقتين. قم اشرب بق مية. اشرب شفطة شاي. قم بس دقيقتين. هتلاقي نفسك في وقت. لو كسلت هتقف هو كل اللي مطلوب منك تصبره دقيقتين. كل اللي مطلوب منك تصبريه شهر واحد. اصبر شهر وهتلاقي نفسك فقت خلاص. وقلت ايه اللي انا كنت فيه ده؟ يا جماعة والله هي اول - 00:18:17ضَ

خطوة اول خطوة بس يا شباب يا شباب لو وقعت قم وكمل لو وقعت قومي وكملي اوعوا تيأسوا. اوعوا تحبطوا ابدا يا جماعة من الايات الخطيرة والاسئلة الخطيرة اللي الواحد سألها لنفسه في ايات عباد الرحمن في سورة الفرقان. عباد الرحمن اولئك يجزون الغرفة اعلى درجات الجنة. عباد الرحمن يا جماعة - 00:18:37ضَ

الواحد سأل نفسه في ايات عباد الرحمن ليه ربنا في وسط الذين يبيتون لربهم سجدا وقياما؟ ربنا بيقول والذين لا يدعون مع الله الها اخر ولا يقتلون نفس حرم الله الا بالحق ولا يزنون. يا رب انت بتتكلم عن الا من تاب. انت بتتكلم عن اللي زنا وتاب ليه يا رب؟ وسط عباد الرحمن. عشان - 00:18:58ضَ

ربنا يقول لكل واحد وقع في الكبائر. انت قدامك فرصة تبقى من عباد الرحمن. انا مش باقول لك الوقتي انت قدامك فرصة تتوب وربنا يقبلك. انا باقول لك انت قدامك فرصة تبقى من - 00:19:18ضَ

اسبق الخلق الى الله انت ما فيش حاجة راحت عليك. ربنا هيبدل لك عمرك اللي فات كله. كل السيئات هتتبدل حسنات. كانك قضيت عمرك اللي فات كله قاعد تصلي وتصوم لربنا. معقولة بس لو جيت صح - 00:19:28ضَ

لو بدلت صح لو توبت صح لو رجعت لربنا سبحانه وتعالى صح. ساعتها شف ربنا هيعمل لك ايه. شف ربنا هيعمل لك ايه. هل لي من توبة؟ ده انت انت لك توبة وتوبة وتوبة هل لي من توبة؟ ده انت لك توبة ولك فرصة انك تبقي من اصدق الخلق الى الله. سؤال خطير سألته لنفسي وانا بقرأ سورة الزمر. سورة الزمر انت - 00:19:41ضَ

عن اعلى زمرة هتدخل الجنة. اعلى زمرة خالص. اول زمرة هتدخل الجنة. لقيت ربنا بيقول في وسطها قل يا عبادي الذين اسرفوا على انفسهم لا تقنطوا من رحمة الله. اصل يا رب انت بتتكلم ازاي واللي عمل المنكرات والموبقات كلها! انت بتكلم يا رب! اللي اسرف على نفسه في المعاصي! انت بتكلم اللي ما صلاش سنين - 00:20:01ضَ

انت بتكلم اللي بعد عنك كل ده يا رب في وسط الصورة اللي بتتكلم عن اعلى الزمر له يا رب عشان اقول لهم اني قدامك فرصة لسة تبقى من اعلى زمرة. عشان كل عاصي يعرف ان قدامه فرصة مش انه يتوب بس وانه يتقبل بس. انه يتفتح له ابواب - 00:20:21ضَ

ابواب الجنة التمانية وابواب الفردوس الاعلى. هتقدروا يا شباب. هتقدروا والله العزيم. هتقدروا تخلصوا من مخططات اليهود. ومخططات اعداء الامة. هتقدروا تخلصوا العنكبوت هتقدروا تخلصوا من حقن السم؟ هتقدروا تخلصوا من الكلابيش اللي الشيطان كلبشها في رجلينا في طريق جهنم. هنقدر نخلص وهنقدر نتوب وهنقدر نبقى ابطال يا جماعة - 00:20:37ضَ

عايزين نتوب لربنا. عايزين نرجع لربنا. عايزين نعرف طريق ربنا سبحانه وتعالى عايزين نقول لبعض بقى حمد الله على السلامة. حمد الله على السلامة ده هي اول خطوة. كنت بقرأ في قول الله لقد تاب الله على النبي والمهاجرين والانصار الذين اتبعوه في - 00:20:57ضَ

العسرة. قلت يا رب دي ما كانتش ساعة. غزوة تبوك كانت شهر يا رب. غزوة تبوك كانت تلاتين يوم في اربعة وعشرين ساعة. كل ساعة جوع وعطسة وعزاب رهيب. اتعرض له الصحابة. غزوة تبوك يا رب كانت شهر العسرة مش ساعة العسرة. لا ده هي اول ساعة بس بتاخد فيها القرار - 00:21:13ضَ

هي اللحظة اللي هتاخد فيها القرار. هي اللحظة اللي هتقرري فيها انك تبقي في طريق ربنا. هي اللحظة اللي انت هتقرر فيها انك تبقى بطل في الدين. هي اللحظة اللي انت هتكرر فيها انك تتوب - 00:21:33ضَ

انا باكلم حتى الملتزمين والملتزمات. احنا عايزينكم تبقوا ملتزمين غير عاديين. عايزين يا جماعة نتقلب يا جماعة. عايزين نشيل الكسل اللي احنا فيه. الغفلة اللي احنا فيها المعاصي اللي احنا فيها. شهوات القلب اللي متمكنة من قلوبنا دي. عايزين نبقى شباب غير عادي - 00:21:43ضَ

عايزين نبقى شباب غير عادي. عايزين عايزينك تبقوا بنات غير عادية. شباب غير يا اخوانا عايزين نتوب لربنا ونرجع لربنا قدامنا الفرصة والباب مفتوح وهنقدر والله العزيم هنقدر. هل لي من توبة؟ ايوة. توبة وتوبة وتوبة. طول ما انت بترجع لربنا سبحانه وتعالى. وصلنا - 00:22:01ضَ

اخطر فقرة في البرنامج يا جماعة. فترة التوصيات. الفقرة بتاعة التوصيات. واما باقول فقرة زي فقرات العمود الفقري. فقرة. يعني حاجة بتصلب طول يعني لو نفزت الكلام ده هو ده لازم التنفيز يا جماعة. التوصيات دي العمود الفقري بتاعنا. الرسول عليه الصلاة والسلام كان بعد الجلسة بتاعت الصحابة كلهم - 00:22:21ضَ

ينطلقوا ينطلقوا يشتغلوا بقى. يا اخوانا عايزين على فين يا شباب؟ على فين الليلة؟ على المسجد جري. على المسجد ركعتين توبة بقى. على المسجد ركعتين توبة نتوب لربنا سبحانه وتعالى من كل اللي فات - 00:22:41ضَ

ايه المشكلة؟ ركعتين التوبة دول يا جماعة للجميع والله. للملتزم وغير الملتزم ده احنا كلنا معاصي. كلنا معاصي والله العزيم. ركعتين توبة. نعاهد ربنا على صفحة جديدة كده مع ربنا سبحانه وتعالى. يا شباب الشباب اللي عايزين يشتغلوا في الدعوة. الشباب اللي عايزين يعملوا الحلقات دي سيديهات ويدوها للشباب اللي بعيد عن ربنا - 00:22:54ضَ

لسة موجود على الموقع بعد الحلقة على طول ان شاء الله هتلاقوها على موقع وايتو الله. الطريق الى الله بازن الله سبحانه وتعالى. وان كان رمضان ما هوش وقت نت. رمضان وقت دعوة. يعني انت - 00:23:14ضَ

لو هتدخل لمصلحة دعوية بس ما فيش اكتر من كده يا جماعة. او عشان تسمع تاني. عشان تتأسر تاني. يبقى يا اخواننا عايزين بازن الله سبحانه وتعالى عايزين رمضان ده يبقى رمضان - 00:23:24ضَ

جديد. رمضان ده يبقى نقلة في حياتنا. عايزينك تاخدي امتياز مع مرتبة الشرف في رمضان ده. عايزينك تاخد امتياز مع مرتبة الشرف. عايزين نقول لكم كلكم ابشروا بخير شهر عليكم منذ ولدتكم امكم بعد نهاية الشهر ده. يا شباب عايزين نتوب لربنا ونرجع لربنا. ما تنسوش دروس مشايخنا الكبار دروس اساتزتنا - 00:23:34ضَ

شيخنا الشيخ حسان شيخنا الشيخ يعقوب دروس الصحابة والسلاسل بتاعة التوبة وبتاعة التغيير دي كلها. عايزين يا جماعة ما ننساش السلاسل دي ابدا نتفرج عليها. عشان بقى حصل لنا الفرمطة بتاعة الكمبيوتر نتغير دي اتقلب. نخرج من رمضان ناس تانيين. نخرج من البيئة الايمان الرهيبة اللي ربنا فتحها لنا دي ناس تانيين. على فين يا شباب - 00:23:54ضَ

على حياتنا كلها نغيرنا. نغيرها على ركعتين التوبة. ونبدأ طب نعمل حاجة عملية نعمل حاجة هو الانسان الصالح بيعمل ايه ؟ بيعمل كل حاجة. طب يعني انا عايزك النهاردة تروح على ايد امك وابوك تبوسها. وعلى رجل امك وابوك تبوسها. ليه ؟ ده انا - 00:24:14ضَ

اتكسف. مكسوف ايه يا ابني! مكسوف من الجنة! مكسوف يا ابني! مكسوفة يا بنتي! تعملي حاجة تدخلك الجنة! قومي يا بنتي! الاطباق والمواعين ديت اللي بعد الفطار محطوطة ديت. قومي يا بنتي شطبيها - 00:24:31ضَ

لوالدتك قومي اعملي حاجة. قومي اعملي انت هتصلي ركعتين توبة ولا هنروح ولا نغسل يا ستي اغسلي لوالدتك وبعد كده ابقي روحي صلي ركعتين توبة. يلا يا رجالة يلا يا شباب. يلا يا شباب انطلاق. يلا يا شباب جيم اوفر خلاص بقى كفاية علينا الليلة كده مع بعض - 00:24:41ضَ

كفاية جيم اوفر يلا بس مش جيم اوفر واحد كسبان واحد خسران كلنا كسبانين مع ربنا. جيم اوفر يلا انطلاق يا رجالة. يلا انطلاق على الشغل يلا انطلاق على ان احنا نبقى شباب - 00:24:56ضَ

غير عادي اقول قولي هذا واستغفر الله لي ولكم. اللهم تب علينا. اللهم تب على عصاة المسلمين. اللهم انا نتوسل اليك ان تتوب علينا. اللهم اعصم اعيننا من النظر للحرام. اعصم اسماعنا من سماع الحرام. اعصم السنتنا من نطق الحرام. اعصم قلوبنا من تمني الحرام. اعصم - 00:25:06ضَ

بطوننا من اكل الحرام. اعصم ارجلنا من السعي للحرام. يا رب يا رب اغثنا. يا رب اجرنا يا رب افتح على قلوبنا يا رب يا رب يا رب املنا فيك كبير يا رب - 00:25:28ضَ

يا رب ما لناش امل غير فيك يا رب. يا رب افتح لنا بابك يا رب. يا رب اقبلنا يا رب اقبلنا يا رب برحمتك يا ارحم الراحمين سبحانك اللهم وبحمدك - 00:25:42ضَ

اشهد ان لا اله الا انت استغفرك واتوب اليك. وجزاكم الله خيرا - 00:25:56ضَ