سلام عليكم ورحمة الله وبركاته. اخواني واخواتي في الله. الجزء الخمسة وعشرين وليلة خمسة وعشرين عند المحدثين هذه هي ليلة القدر كما قال النبي صلى الله عليه وسلم انزل القرآن لاربع وعشرين خلينا من رمضان فمن اخطر الليالي اللي بنرتجي فيها ليلة القدر هي ليلة الخامس - 00:00:17

والعشرين عايزين نقرأ القرآن بقلب. ان في ذلك لذكرى لمن كان له قلب. طب اللي لسة قلبه ما لقطش او القى السمع وهو شهيد. هي دي الطريقة اللي احنا بنقرأ بها القرآن هذا العام. الشعار الاول في الجزء الخمسة وعشرين لا يسأم الانسان من دعاء - 00:00:37

شوفوا ربنا بيقول على الانسان ايه لا يسأل السئم الضجر. السأم مش اي ملل. السأم اللي هو اتخنقت ده جرد خلاص ما عدتش طايق الحاجة الانسان ما بيتخنقش ابدا من دعاء اي من طلب. والسعي ومن دعاء الخير الخير اللي هو الفلوس. الخير اللي هو الشهرة الخير اللي هو الكراسي - 00:00:55

الخير اللي هو الرفعة. الخير اللي هو الاراضي والعقارات. والاسهم لا يسأم الانسان. الانسان في الدنيا طول ما هو بيكسب ما ما بيزهقش ما بيتخنقش. انما لو قلت له ارفع ايدك خمس دقايق يسأم. انما لو قلت له اقف صل ركعتين تلاتة يتخنق. تلاقي الشاب ما شاء الله لا قوة الا - 00:01:15

يفرح طول بعرض ييجي يصلي التراويح الامام لو زود عن خمس ركعات يتخنق ويقعد بعدها على السوشيال ميديا تلات ساعات ما يزهقش. ويقعد يشيت على الواتس ساعتين ما يزهقش لا يسأم الانسان. الانسان في الدنيا ما بيزهقش ما بيتخنقش. انما سبحان الله لو الانسان استشعر الجنة واستشعر نعيم الجنة واستشعر ان كل - 00:01:35

سبحان الله وبحمده سبحان الله العظيم بنخلة في الجنة مش هيسأم من العمل الصالح ابدا من دعاء الخير. الدعاء يا جماعة هو العبادة. يعني العبادة من دعاء الخير عايز يصلي ويصوم للجنيه. عايز يعني الجنيه ده بالنسبة له ده حاجة مقدسة. عارفين - 00:01:55

كان بيتخانق مع حد فبيقول له انت هتعمل مقام للجنيه وتطوف حواليه والعياذ بالله بالنسبة له الدولار ده هو الحياة. من دعاء الخير لا يسأم امتى بقى المقام ده هيبقى معنا من دعاء الله سبحانه وتعالى؟ لا نسأل من دعاء الله. لا نسأل من طلب الجنة. لا نسأم من التزود للدار الاخرة - 00:02:15

واذا انعمنا على الانسان اعرض ونأى بجانبه. شفتم الانسان! شفتم الندالة! واذا انعمنا على الانسان بعد ما كان في ابتلاءات! وبعد ما كان وبعد ما كان مش مشهور ربنا ادى له الشهرة. وادى له الرفعة وبقى مطلوب وبقى سوبر ستار وبقى معه فلوس. وبقى عنده عزوة اول جريمة اعرض اعرض - 00:02:35

زي ما الراجل اللي جه على النبي عليه الصلاة والسلام كده فلقى مجلس النبي والدنيا حر والمجلس زحمة فمشي. فالنبي عليه الصلاة والسلام قال اعرض فاعرض الله عنه. اعرض يعني ما عندوش - 00:02:56

للدين. ما عنديش وقت يبقى لما ربنا يدي للانسان فلوس ويدي له مركز اول حاجة يعملها. ما عنديش وقت لك يا رب. اعرض. والله ما انا فاضي ما انتش فاضي. يا عم ده انت انشغالك ده - 00:03:06

كله بنعمة الله. ده كله عطاء من ربنا. تبخل على ربنا بالوقت اللي ربنا اصلا مالاه بنعمه لك. سبحان الله العظيم! ونأى المصيبة التانية بعد يبعد عارفين واحد عايز يعادي واحد بس من غير مشاكل يقعد يبعد يبعد يبعد يبعد يبعد ونأى قاعد يقطع يقفل الابواب اللي بينه وبينه - 00:03:16

ونأى بجانبه بجانبه يعني كما يقول الشوكاني بنفسه نأى بنفسه هو الانسان بينأى بنفسه عن الحاجات اللي يعني يشمئز ان هو ينزل نفسه لدرجتها. بقى الدين بالنسبة له حاجة بيشمئز منها. بقى انا احضر درس في مسجد زي ده انا امشي - 00:03:38

ناس زي دي انا افكر بالطريقة دي وانا بقى باشا ربنا خلاه باشا فاما بقى باشا بقى باشا على الدين. بقى باشا على امر الله سبحانه وتعالى. شفتم البني ادم؟ اوعى لما ربنا يفتح عليك بنعمة - 00:03:58

اوعى تبخل على ربنا بوقتك. او تبعد عن ربنا وتقفل الابواب اللي بينك وبينه. او تحس انك بقيت اعلى من حاجة من حاجات الدين. اتكسر لله. كل فربنا يرفعك في الدنيا اتكسر له اكتر في الدين عشان يزيدك رفعة. سورة الشورى بقى تكاد السماوات يتفطرن من فوقهن - 00:04:12

والملائكة يسبحون بحمد ربهم بعض المفسرين احد المفسرين بيقول ان ده وصف حالة الملائكة في السماوات السبعة والقرآن نازل. تكاد السماوات يطفأ السماء تتشقق وهتنهار وهتنزل حتت على السما اللي تحتها. والملائكة يسبحون بحمد ربهم. الملائكة بتجأر بالتسبيح مع كل اية بتنزل - 00:04:33

المشهد ده حصل واية الحجاب بتنزل انت نفزتيها ولا لأ ؟ المشهد ده حصل واية تحريم الربا بتنزل. بنوكنا اتقت الله وبطلت ربا ولا لأ ؟ المشهد ده حصل وكل احكام الشريعة الاسلامية بتنزل. حكامنا اتقوا الله وطبقوا الشريعة ولا لأ ؟ المشهد ده حصل وايات قيام الليل بتنزل. اتقينا الله - 00:04:53

قمنا الليل ولا لأ ؟ تكاد السماوات يتفطرن يعني هينهاروا هيقعوا من فوقهن. يعني السماوات هتقع على بعض. او من فوقهن السماوات هتقع على الارض او من فوقهن السماوات هتقع على الكفار. والملائكة يسبحون بحمد ربهم ما اعظم وحي الله. ما اعظم كلمة قال الله - 00:05:13

في كل الكون الا في صدور بني ادم. والعياذ بالله. له مقاليد السماوات والارض. المقاليد المفاتيح كل الابواب المقفولة مفاتحها في ايد ربنا. سبحانه وتعالى. كل الابواب المقفولة. طب ربنا بيبتليني والدنيا والدنيا اتقفلت في وشي. هو انت لما ابوك بياخد منك سلسلة - 00:05:33

مفاتيح. معناه ان ابوك كرهك او ابوك رماك هو بس بيأدبك في حاجة. اول ما هتزبطها سلسلة المفاتيح هترجع تاني. والابواب المغلقة في الرزق والبركة والدنيا والسعادة والمتعة. هترجع تاني. ربنا احن عليك من ابوك. لما الابواب بتتقفل اعرف ان ربنا اللي في ايده المفاتيح مش قفلها - 00:05:52

ودعك وقلاك. انما قفلها عشان يأدبك. عشان لما تتزبطي وتزبطي حياتك على امر الله هترجع الابواب كلها تتفتح تاني مقاليد السماوات والارض يبقى الابواب اللي مقفولة مفاتحها في ايده. طب قفلها ليه؟ تربية لنا. وممكن يكون لان فيه مصيبة فيها. ما انتاش عارف. الله لما بيمنع - 00:06:12

عننا حاجة بنحبها ممكن يكون المنع هو عين العطاء وحرمنا عليه المراضع. كان قمة الحنان على موسى انه تحرم عليه. المراضع في هزه اللحزة. طب والابواب اللي اتفتحت هو اللي فتحها لان هو اللي معه المفاتيح. يبقى كل مفاتيح الخزائن في السماوات والارض بايده. له مقاليد اي له خزائن. ده المعنى التاني. جميع وان - 00:06:32

من شيء من شيء الا عندنا خزائن له مقاليد والقلادة ما احاطت بالعنق. ربنا محيط بكل شيء. خيوط كل شيء في ايد الله. كل حاجة خيوطها في ايد ربنا تسعة وتسعين في المية من اوراق القضية. في ايد امريكا غلط - 00:06:52

مية في المية من اوراق القضية في ايد ربنا سبحانه وتعالى اية عظيمة له مقاليد السماوات والارض. لما باب يتقفل قدامك افتكري المقاليد في ايه المفاتيح في ايده. لما باب يتفتح قدامك افتكر اللي فتحه هو مفاتيح كل احلام حياتك. مفاتيح كل خزائن السماوات - 00:07:10

ارض في ايده هو معنى جبار سلسلة المفاتيح في ايد رب العرش العظيم. شف بقى علاقتك به بعد الاية دي هيبقى شكلها ايه ان اقيموا الدين ولا تتفرقوا فيه. الله! الاية دي جبارة للعاملين لدين الله. ان اقيموا الدين. الدين ده عامل زي المبنى ده يا جماعة - 00:07:30

الدين ده والله انا لسة صاحي على رؤية. سبحان الله بنفس المعنى ده. يعني سبحان الله العظيم! حلمت ان فيه عمارة كده يعني كأنها بتاعتي انا واحد من من احب - 00:07:49

يعني ويعني ويعني واحترم رأيه وبيقول لي الشقة دي خدها والشقة دي لفلان والشقة دي لفلان والشقة دي لفلان والشقة دي لفلان وانا في الحلم مستغرب الله ده ده الارض بتاعتي والبنا بتاعي. انا انا آآ اوزع الشقق ليه ؟ فسبحان الله لما صحيت استبشرت جدا بالرؤية وحسيت انها توجيه من الله. سبحانه وتعالى لما ربنا يديك - 00:07:59

عمل من اعمال الدين العظيمة اشرك اخوانك معك فيه. ان اقيموا الدين. ما حدش يقدر يبني لوحده. ما حدش هيقدر يشيل لوحده. الدين هو العمارة اللي انا فيها. هو المبنى اللي انا فيه ده حد - 00:08:19

قدر يبنيه لوحده ده فيه بنا وفيه واحد صبي وفيه سباك وفيه نجار وفيه نقاش وفيه مبلطاتي وفيه كهربائي وفيه الف ايد عشان يتبنى عمارة. كذلك الدين الدين تخصصات محتاج واحد يدعو وواحد يربي وواحد يربي اطفال وواحد يهتم بالدعوة العامة واحد يهتم بالدعوة على النت وواحد يهتم باعمال - 00:08:29

بصنائع المعروف واحد يهتم بدعوة غير المسلمين. وواحد بان اقيموا الدين ولا تتفرقوا فيه. اوعوا بقى وانتم بتبنوه كل واحد يمسك ويبنيها ففي الاخر الدين اتبنى ولكن اجزاء ما لهاش دعوة بعد العشر عواميد موجودين. ولكن عمود في اول الشارع وعمود في اخر الشارع. ما هماش مرصوصين جنب بعض ما ينفعش - 00:08:49

يطلع عليهم عمارة. هو ده يعني حال كثير من الدعاء الوقتي. عواميد ولكن كل عمود في ناحية. العواميد عشان يطلع عليها عمارة لازم تبقى جنب بعض. ومتنزمة في العلاقة بينها وبين بعض عشان يقدر يطلع عليها عمارة. ومن كان يريد حرف الدنيا نؤته منها وما له في الاخرة من نصيب - 00:09:09

اي ترعب يا جماعة. يعني انا يا رب انا باحب الدنيا. خد دنيا. بس ما لكش في الاخرة حاجة عندي بقى عارفين ما لكم اذا قيل لكم انفروا في سبيل الله اذ فقلتم ما لكم ما لكش حاجة عندي. لو انت ما شلتش الدين ما لكش حاجة عندي فربنا بيقول للي بيحب الدنيا ما لكش حاجة عندي - 00:09:29

طب امال يا رب اسيب الدنيا؟ لأ ما تسيبهاش بس ما تحبهاش تبقى في ايدك ما تبقاش في قلبك وامرهم شورى بينهم. الله! سورة الشورى! الشورى يا جماعة الشورى ان احنا نقعد مع بعض كده - 00:09:46

عمرهم يعني كل امور دينهم. كل امور دعوتهم كل امور نصرتهم لدين ربنا. لازم يكون في بيئة الايمان في كل منطقة في مسجد المسجد ده. اخوة بيتقابلوا فيه كل صلاة فجر وكل جلسة ضحى ويعملوا مشهورة مرة مرتين في الاسبوع هنعمل ايه طب هننزل للناس ازاي طب هنعمل الاعمال الخيرية ازاي امور المسجد - 00:10:00

وبناء الدعوة لازم دعوتنا تبنيها مع بعض. وامرهم اي دعوتهم ودينهم شورى بينهم. بناء دعوتهم شورى بينهم. كل مجموعة اخوة في قرية كل مجموعة اخوة منطقة كل مجموعة لازم امرهم شورى. يعني ايه شورى؟ الشور في اللغة هو جني العسل. العسل النحل عشان يجيب لك كيلو عسل لازم يلف - 00:10:20

حوالين الارض من مركزها ربع حداشر مرة. يعني الارض من عند خط الاستواء اربعين الف كيلو متر. يعني ربعمية واربعين الف كيلو متر. المسافة اللي بيقطعها النحل عشان يجيب لك كيلو عسل عشان يجيب لك معلقة عسل صغيرة يلف على الف زهرة. فالشور هو جني العسل. النحل طلع عينيه ولف الدنيا وانت في الاخر - 00:10:40

بالساهل. اهي دي الشورى. الشورى ان كل واحد مننا عنده خبرات حياة رهيبة. وعنده خبرات وعنده افكار وعنده ثقافة. فلما بناخد رأي بعض انت الدنيا وانا خدت تعبك وشقاك في لحزة. وكلنا خدنا تعب بعض وخبرة بعض في لحزات. كأن احنا بنجني العسل بتاع كفاح بعض. معنى جبار. وان ربنا يسمي - 00:11:00

اخذنا الرأي بعض الشورى معنى جبار. وربنا جاب امرهم شورى بينهم بين حاجتين. واقاموا الصلاة وامرهم شورى بينهم ومما رزقناهم ينفقون. يبقى قبلها صلاة وبعدها انفاق وزكاة. لان لما نتشاور لازم يكون في جو ايماني. ما يبقاش فيه نفسنة. انا مش باقول رأيي عشان لازم يتاخد به. انا باقول رأي عبادة. انا بادعي ربنا ان - 00:11:22

حكمة تيجي على لسان اخويا. انا ما يهمنيش اتاخد رأيي ولا ما اتاخدش رأيي. ولا اتسمع ولا ما اتسمعش اصلا لازم التجرد ده هو اللي يبقى بينا. المهم المكنة قماش. المهم المكنة تطلع قماش. فلازم يبقى فيه جو ايماني وجو عبادة ونتشافر في وسط عبادة. مش نتشاور في وسط نفسنا المشورة - 00:11:42

لو مش في وسط عبادة بتخرب الدنيا. لان كل واحد بيغير من التاني بينفسن على التاني. بيتهيأ له ان التاني بيحتقر رأيه لازم يبقى جو عبادة. وربنا وضع الشورى ما بين فردين - 00:12:02

اقاموا الصلاة. الصلاة ومما رزقناهم ينفقون الزكاة. وضع الشورى ما بين فردين. كأن الشورى فرض ان احنا نسمع بعض. حتى لو ما خدناش رأي بعض في كل حاجة بس ان احنا نسمع بعض. فرض ان احنا نتواصل مع بعض. معاني جبارة - 00:12:12

وكذلك اوحينا اليك روحا من امرنا. يبقى السلسلة دي عودة الروح. روح انت ميتة من غير القرآن. انت ما انتاش عايش من غير القرآن عارفين واحد آآ يعني لما واحد بيحب جديد يقول لك ده انا ما كنتش عايش اللي بيرتبط بالقرآن والله يا اخوان يقول ده انا ما كنتش عايش الرحمن - 00:12:29

علم القرآن. القرآن ده اعظم رحمة من رحمات الرحمن. ما كنت تدري ما الكتاب ولا الايمان. هو احنا كنا نعرف حاجة قبل القرآن؟ القرآن هو اللي نور لنا طريقنا هو اللي عرفنا كل حاجة في سورة الزخرف والكتاب المبين. عارفين كشافات الشبورة الكتاب المبين القرآني اللي هيبين لك - 00:12:49

كل حاجة في حياتك القرآن اللي هينور لك كل حاجة في حياتك. كل غموض وكل ضباط فلما اضاءت ما حوله. القرآن هيخليك فاهم كل حاجة حواليك وشايف كل حاجة. حواليك - 00:13:09

والكتاب المبين انا جعلناه قرآنا. ربنا بيقسم بالقرآن على القرآن يعني ما فيش حاجة عند ربنا اغلى من القرآن. فالمقسم به القرآن. والمقسم عليه القرآن. يعني والقرآن القرآن صدق القرآن عزيم. يعني اغلى حاجة تتقربي بها الى الله هي القرآن. اغلى حاجة تنفق عمرك فيها هي القرآن. يا ليتني اعطيت القرآن - 00:13:20

عمري كلمة مشايخنا وابن تيمية ندمت على كل ساعة اضعتها في غير كتاب الله. ده انت كل عمرك قضيته في الدين يا ريتني اديت كله للقرآن. ولئن سألتهم من خلق السماوات والارض ها لا يقولن خلقهن العزيز العليم. يا واد يا مؤمن - 00:13:43

شف الكلام خلقهن العزيز العليم لما بييجوا يتكلموا عن ربنا ربنا العزيم. طب ربنا العزيم ده ما تسمع كلامه لأ. طب ما ربنا العزيم ده قال لك اتحجبي لأ طب ربنا العزيم ده قال لك يا حاكم طبق الشرع لأ طب ربنا العزيم ده قال لك اعبدني لأ طب ربنا العزيم ده قال لك تلتزم لأ - 00:14:04

ربنا العزيم وبس كلام حلو وخلاص. انما بلا حقيقة للاسف الشديد بلا حقيقة. ومن يعش عن ذكر الرحمن نقيد له شيطانا العشاء الليلي ان الواحد يبقى بالليل بيشوف نص نص - 00:14:24

العشاء ان هو شايف ومش شايف. ما عدش شايف اوي. يعني يعني قدامه مسلا واحدة جميلة جدا. هو مش شايف هو شايف واحدة. يعني بالعافية كده. دي واحدة ومن عن ذكر الرحمن. ربنا سمى القرآن ذكر الرحمن ليه؟ لانه كله رحمات. هيرحمك من الاكتئاب والتوتر هيرحمك من الفقر والبهدلة هيرحمك - 00:14:39

من الاسئلة والشكوك اللي جواك هيرحمك من ذكر الرحمن عشان كده بعد اية منه ايات منه ايات المحكمات واخر ربنا قال ربنا لا تزغ قلوبنا. لان احيانا واحد ملتزم ومتدين ييجي في زهنه شبهة. طب هو ربنا عمل كده ليه؟ طب وايات النار فيها كزا ليه؟ طب وايات كزا فيها كزا ليه - 00:14:59

يتجنن بقى. ربنا لا تزغ قلوبنا بعد اذا اتيتنا. يا رب ما تخليناش نقع في المتشابهات دي. ها وهب لنا من لدنك رحمة. بعض العلماء قالوا الرحمة ان لو واحد جا له شبهة في الحاجات الاسئلة اللي زي دي ربنا يفهمها له. او ربنا ينورها له بحيس انه يترحم من العزاب اللي بيجي جوة الانسان لما بيبقى في - 00:15:19

حاجة في المتشابهات ما هوش فاهمها. سبحان الله! عشان كده ذكر الرحمن. لانه شفاء لما في الصدور. لانه هو اللي هيرحمك من عزابات نفسية رهيبة هتعيش فيها لو بعدت عنه ومن يعشه. ده كان عشاء بعدها بايتين افانت تسمع الصم او تهدي العمي. يبقى الدنيا الاول جابت عشا ليلي اضاءة - 00:15:39

نص نص. فضل حب الدنيا لحد ما العشاء بقى عمى فاستمسك بالذي اوحي اليك. نختم على هذه الاية الجبارة تستمسك بالذي اوحي اليك. استمسك بالقرآن في سورة الزخرف وزخارف الدنيا بتخطف الناس. وبتضيع الناس عن ربنا. امسك في القرآن بايديك وسنانك - 00:15:59

امسك بكل ما تستطيع. استمسك لما تيجي تطلب علم اطلب علم التفسير. لما تيجي تعبد ربنا رتل القرآن ترتيلا. لما يحصل نازلة اجري على وافهم منه نور ربنا في النازلة دي ايه؟ فاستمسك لما تيجي تشتغل في الدعوة ادعو الى الله بالقرآن. استمسك بالقرآن في الدعوة وفي العبادة - 00:16:19

لو في العلم وفي النوازل وفي الموازل استمسك بالذي اوحي اليك. انك على صراط مستقيم. شايف يا محمد ابن عبد الله. القرآن خلاك نور العالمين ازاي؟ القرآن قلب ليلك ونهارك عبادة وجهد ونور ازاي؟ ده عطاء القرآن. اعظم حاجة تقنعك بالقرآن والارتباط - 00:16:39

هو اثر القرآن عليك لما انت ارتبطت به. الاعجاز التغييري لكتاب الله. فاستمسك هي دي الكلمة اللي السلسلة كلها بتلف حواليها. اللي سلسلة اني انس نورا بتلف حواليها استمسك. احنا عايزين نعيش بالقرآن ونعيش للقرآن ونقطع الطريق الى القرآن والطريق مع القرآن. اللهم اجعل - 00:16:59

القرآن العظيم ربيع قلوبنا ونور صدورنا وجلاء احزاننا وذهاب همومنا. كل سنة وانتم طيبين - 00:17:19