صحابي. سلام عليكم ورحمة الله وبركاته. شبابنا الجميل اخوانا واخواتنا وشبابنا وبناتنا ربنا يبارك فيكم. كل سنة وانتم طيبين يا جماعة. في حاجة عظيم جدا يعني استدعى ان احنا الوقتي بازن الله سبحانه وتعالى نتواصل مع بعض مباشرة على صفحة الفيس. الصفحة الرسمية وهو ان النهاردة واحد شعبان - 00:00:00

واحد شعبان يا جماعة يعني احنا دخلنا في اخطر فترة في حياتنا كلها. عارفين نهاية السنة المالية شهر ستة بتلاقي المحاسبين بتوع الحكومة ما بيناموش ليه في السنة المالية لازم يقفلوا ميزانية الدولة. شعبان نهاية السنة التكليفية ترفع فيه الاعمال الى الله يا جماعة. يعني في الايام اللي جاية ديت الله - 00:00:20

اعلم هو اي يوم من ايام شعبان مليار صحيفة هترفع الى الله. يا ترى انت صحيفتك هتبقى اي صحيفة فيهم؟ يا ترى انت صحيفتك هيبقى ترتيبها ايه فيهم؟ يا اخوانا عايزين نفكر تفكير في غاية الجدية الان ونحن في شعبان اكبر زنب عملتيه السنة اللي فاتت ايه؟ انت عارف ان رمضان السنة اللي فاتت ده - 00:00:40

هيرفع في شعبان داهو سنة كاملة من عمرك هترفع الى الله. صحيفة اتناشر شهر من عمرك هترفع الى الله. وهتغلق ولن تفتح الا يوم القيامة هو انت عمرك فيه كم سنة؟ انت عمرك فيه كم سنة؟ عشان نستهين ان سنة كاملة هترفع الى الله. اخوانا يعني الواحد شغال في المستشفى واي حد شغال في - 00:01:00

اي مهنة حكومية بيترفع عنه التقرير السري اخر السنة انا بشوف ناس زمايلي لما بيعرفوا ان عليهم جزاء والله يا اخواني بيعملوا عمايل شبه انتحارية ليه ؟ ما ينفعش التقرير السري بتاعي يطلع وعلي جزاء ليه ؟ مش هترقى لو علي جزاء في التقرير السري. مش هينفع لو حضرت دراسات عليا ان انا اخد - 00:01:20

اجازة والمرتب بتاعي يمشي لو علي جزاء في التقرير السري هيحصل لي مشاكل في في التوصيف الوظيفي بتاعي. لو علي جزاء في التقرير السري. تخيلوا بقى كم الجزاء علينا هيرفع الى الله. يا اخوانا اللي بيدخل النت دلوقتي بياخد كمية زنوب مهولة. ليه؟ المعازف الاختلاط الصور المحرمة. ده ده كمان لو ما دخلش - 00:01:40

على حاجة والعياذ بالله يعني فيها ايه؟ فيها كبيرة من الكبائر. اللي بيدخل فضائيات دلوقتي ويدخل على اي قناة. من القناة يعني الوقت الذنوب بقت سهلة قوي. الذنوب بقت كتيرة اوي علينا زنوب كتير اوي. زنوب اتناشر شهر هترفع الى الله في الايام اللي جاية ديت. هنسيب صحيفتنا ترفع الى الله كده. انت عارف انت عارف صحيفتك دي لو فيها حسنات - 00:02:00

اول ثمرة للحسنات هتجنيها هي ايه ؟ فتح الله عليك بسبب الحسنات في رمضان الجاي. تلاقي ربنا فتح لك في رمضان الجاي. انت عارفة الزنوب اللي في صحيفتك دي لو طلعت لربنا كده اول عقوبة للذنوب دي هتتنزل هتتنزل امتى ؟ في رمضان الجاي. تلاقي اغلاق عن العبادة، اغلاق عن يا جماعة احنا عايزين - 00:02:20

ربنا يفتح لنا. صحيفة سنة كاملة من عمرنا هترفع الى الله. ولن تفتح الا وانت داخلة تعرضي على الله. الحقي صلحي اللي فيها. الحق توب الى الله اه يا جماعة شعبان ده نهاية السنة التكليفية. والرسول عليه الصلاة والسلام يقول انما الاعمال بالخواتيم. يبقى يعني ممكن انسان بدأ - 00:02:40

كويس ولكن ختمها بفتور. يبقى عامل زي اللي استقبل ضيف استقبال عالي جدا. وبعد كده والضيف ماشي قال له الباب عندك شد الباب وراك وانت نازل. ضيع كل جمال الاستقبال - 00:03:00

المدن المتسابق في اخر ميت متر في السبق بيجيب اخره بيموت نفسه. المفروض ان احنا في نهاية سنة يا جماعة شعبان شعبان شهر اكمال الدين شعبان يا جماعة الشهر اللي اتفرض فيه الزكاة. الشهر اللي اتفرض فيه الصيام. الشهر اللي اتفرط فيه القتال. شعبان قنطرة رمضان. اللي هيستغل - 00:03:10

شعبان صاحي هو اللي هيدخل في رمضان صح. شعبان شهر مضاعفة ثواب الاعمال الصالحة. ذاك شهر يغفل عنه الناس. وفي مواسم غفلة الناس اللي يعبد ربنا بيتضاعف له الاجر. ليه؟ ليه جلسة الضحى بحجة وعمرة؟ ده ساعة يا رب. لان كل الناس نايمة. ليه قيام الليل يتنزل له الملك؟ لان كل - 00:03:30

الناس نايمة وانت قايم تصلي بين ربنا. فشعبان والناس غافلة انت مجتهد يا اخواننا شدوا حيلكم. يا اخوانا اوصلوا الليل بالنهار في شعبان. اجتهدوا اعظم في شعبان النبي عليه الصلاة والسلام كان يصوم شعبان كله. النبي مش قادر يوم في شعبان يفطروا. ليه؟ لان شعبان ده شهر رفع الاعمال الى الله. كل حسنة عملتيها - 00:03:50

السنة اللي فاتت كل معصية عملتها السنة اللي فاتت هترفع على الله في هذه الايام. شدوا حيلكم في شعبان يا جماعة. يعني عارفين عارفين اه اه في برامج البلايستيشن زي الصب واي كده تلاقي المتسابق بيجري كل ما يلاقي فلوس ياخدها كل ما يلاقي دهب ياخدها. كل ما يلاقي حاجة ياخدها. احنا عايزين يعني انتم عارفين شعبان صبو ايه بقى؟ اللي الناس بتعمله في - 00:04:10

بلاي ستيشن في اللعب. احنا مش اقل طلاب الاخرة مش اقل من رغبة الناس في لعبة. احنا عايزين رغبتنا في الجنة تبقى اعظم من رغبة الناس في اللعب يا جماعة يبقى يعني زي السابواي كده. انت ماشية في شعبان بتكنسي كل عمل صالح في حياتك. انت ماشي في شعبان ما بتضيعش - 00:04:30

اي عمل صالح يقابلك في حياتك نكمل صحيفتنا نكمل دينا. ليلة النصف من شعبان اللي ثبت على النبي عن النبي عليه الصلاة والسلام. ان الله يغفر لكل عبد من عباده المؤمنين الا لمشرك او مشاحن. مشاحن يعني عنده الاخوة في الله مضروبة. صلحي اخوتك بينك وبين اخواتك. صلح اخوتك - 00:04:50

وبين اخوانك ومشرك عنده التوحيد فيه مشاكل. جددوا التوحيد. جددوا الايمان. ربنا يسددكم. ربنا يبارك فيكم. اخوانا واخواتنا في مصر الحبيبة اخوانا واخواتنا في المغرب العربي حبايب قلبنا اهل تونس والمغرب والجزائر ربنا ينصرهم يا رب. اخوانا واخواتنا في الخليج اخوانا واخواتنا في امريكا الجنوبية واوروبا - 00:05:10

اوبا واستراليا وكل مكان في العالم عايزين ننشر في الدنيا كلها خطورة شعبان عايزين ننشر في الدنيا كلها قيمة شعبان عايزين يعني كل واحد فينا مشترك على الواتس بس في عشرين جروب ولا حاجة كل جروب فيه خمسين ستين واحد. يعني انت بس كلمة عن شعبان تنقلها على الجروبات اللي عندك انت فيه خمسمية - 00:05:30

بني ادم وصلت لهم خطورة الموسم اللي احنا فيه وانت لم تبزل كثير جهد. يا اخوانا اجتهدوا في نشر الهداية. اجتهدوا في تطبيق هذا الكلام. ربنا يسددكم ونبقى على تواصل دائما مع الصفحة الرسمية بازن الله على الفيس. سددكم الله وجزاكم الله خيرا - 00:05:50