السلام عليكم ورحمة الله وبركاته. واحد حبيبي قوي يا جماعة وكان ما شاء الله يعني في فترة شبابه شاب وسيم كده وبادي بلت وحاجة يعني ايه حاجة نقطة كده عريس لقطة يعني. فحد قال له على عروسة فراح يشوفها فبيقول لي رحت لقيت واحدة ملكة جمال. جمال بيقول لي ولكن كانت بدينة جدا - 00:00:03

كانت مليانة جدا بيقول فانا خرجت زعلان جدا ان هي فعلا جميلة وملامحها جميلة ولكن الوزن كان زايد جدا فهي هي فضلت تستنى الرد بتاعه وهو يعني اعتزر واتكسرت نفسيتها قوي. ان هي كان فعلا هو كان عريس كويس جدا فكان نفسها ان هي تتجوزه - 00:00:23

ولكن للاسف الشديد هو ما قبلش بسبب زيادة الوزن اللي عندها. ربنا يعافينا جميعا. بيقول مرت الايام وهو كان بيشتغل مهنة معينة كده لها علاقة افراح فبيقول فجاء لي اوردر في فرح ان انا مطلوب بالاسم يعني ما اجيبش واحد موزف تبعي ما اجيبش واحد تبعي هو اللي يعمل النقطة دي في - 00:00:43

فرح لازم فلان الفلاني هو اللي يجيب نفسه. ليه يا جماعة العروسة طالباه هو ييجي بنفسه. فبيقول عادي خلاص ما فيش مشكلة العروسة طلباني ممكن الدراسة ممكن يعني هو فكر اي تفكير وقتها كان هو لسة ما التزمش وقتها يعني. فبيقول فبيقول فراح الفرح بيقول داخل خد صدمة - 00:01:03

مروعة العروسة اللي كان اتقدم لها قبل كده هي العروسة. بيقول ولكن خست جدا فبقى يعني بان بقى يعني شدة جمالها بيقول بقت حاجة وهم يعني يعني جميلة جمال رهيب. فبيقول انا طول الفرح انا حاسس انها جايباني عشان تقول لي شف انت - 00:01:23

وما رضتش انك انت فبيقول لي يعني هو بعد كده بقى بيقول مرت الايام هي طبعا خست وبقت حاجة كويسة جدا وهو زاد وبيقول انا تقريبا مش عارف اخس بزنبها. انا عايز اقول يا جماعة العبرة الجد من الموقف ده. اصل الموقف ده جبار هي البنت اتصدمت - 00:01:43

البنت خدت صدمة كبيرة اوي انها كان نفسها تتجوز العريس ده. ولكن العريس ده رفضها بسبب نقطة معينة هي تقدر تغيرها مش مش في ايديها. في ايديها ولكن هي كانت متكاسلة عنها. كانت قاعدة في منطقة الراحة في النقطة دهيه. فلما خدت الصدمة وحست بالخسارة قررت ان هي تتغير - 00:02:00

قررت بعد خسارة ولكن عوضت الخسارة وكسبت بعد كده باقي حياتها. انا عايز اقول لك ايه. انا عايز اقول لك ايه. مش لازم تتصدم عشان تكسب. مش لازم تاخد صدمة عشان تتغير. مش لازم الدنيا تقسى عليك. عشان تبدأ تنتبه وتفوق وتصحى. مش لازم صاحبك يموت في حادسة عشان تتوب - 00:02:20

مش لازم صاحبتك يجي لها سرطان. ربنا يحفظنا جميعا. عشان انت تلبسي حجاب. مش لازم انك انت تشوف واحد جا له سرطان في الرئة عشان تبطل تدخين مش لازم يجي لك سكر وضغط والدكتور يرعبك عشان تبدأ تخس ولا ولا تبدأ تروح تشوف اخس ازاي حتى لو هاعمل عملية تكميم معدة - 00:02:40

مش لازم. يا جماعة عايزين نتعلم من اللي حصل لغيرنا. واحد حبيبي بيقول انا واقف في الشارع وانا شاب زمان طالب يعني بيقول جا لنا واحد قال لنا يا شباب بيشربوا بقى دخان - 00:03:00

يعني سجاير. قال لنا يا شباب انا لسة جاي من مستشفى الصدر وسايب شاب في نفس سنكم مش عارف ياخد نفسه بسبب التدخين. اوعوا تدخنوا يا شباب اوعوا بيقول انا سبت التدخين طول حياتي بسبب الكلمة دي. وبطلته مهما كانت الاغراض بسبب الكلمة دي. اتعلم من تجارب غيرك. مش لازم تدفع نفس التمن اللي غيرك دفعه - 00:03:10

عشان تفهم اللي غيرك فهمه. ما تدفعش عمرك تمن للفهم. ما تتعلمش بالصدمات. ما تكبرش بالصدمات. ما تنضجش بالصدمات لان الصدمات زي ما بتفهمك وبتقومك. الصدمات بتشرخ لك نفسيتك. وبتحولك لبعد كده لانسان ناضج وفاهم وبيعمل الصح بس من جوة متحطم - 00:03:30

بس من جوة مفروم بس من جوة خلاص نفسيته بقت مليانة ندوب وجروح من الدنيا واللي الدنيا عملته فيه. مش عايزين نتصدم يا جماعة. عايزين نعقل. وده الفرق اللي بينا وبين الصحابة. الصحابة ما كانوش بيجربوا ربنا. الصحابة - 00:03:50

لما ربنا يقول لهم ان ده صح يعملوه. ده غلط ما يعملوهوش. احنا لازم نعمل الغلط عشان نتخبط عشان نقول سبحان الله. شفت بقى ان ربنا حزرنا من ده عايزين - 00:04:07

تصدق ربنا وعايزين نبقى ناس من اللي بتصحى بدري. عايزين نبقى ناس من اللي عارفة مصلحتها زي ما النبي عليه الصلاة والسلام قال احرص على ما ينفعك. لازم تبقى فاهم مصلحتك - 00:04:17

لازم تبقى عارف طريقك. ولازم ما تضيعش عمرك وتضيع شبابك. في انك تفهم ايه اللي ينفع وايه اللي ما ينفعش. ربنا وفر عليك الطريق. خليك مع ربنا ووفر عمرك - 00:04:27