كتاب انزلناه اليك مبارك ليدبروا اياته وليتذكر اولوا الالباب بسم الله والحمد لله والصلاة والسلام على رسول الله صلى الله عليه وسلم رب اشرح لي صدري ويسر لي امري واحلل عقدة من لساني يفقهوا قولي - 00:00:08

يقول النبي صلى الله عليه وسلم ما اجتمع قوم في بيت من بيوت الله يتلون كتاب الله ويتدارسونه فيما بينهم الا نزلت عليهم السكينة وغشيتهم الرحمة وحفته الملائكة وذكرهم الله فيمن عنده - 00:01:01

ويقول النبي صلى الله عليه وسلم ما اجتمع قوم يذكرون الله الا ونادى مناد من السماء ان قوموا مغفورا لكم قد بدلت سيئاتكم حسنات وقال صلى الله عليه وسلم من سلك طريقا يلتمس فيه علما سهل الله له به طريقا الى الجنة - 00:01:19

اه فاللهم لك الحمد ان ربنا سبحانه وتعالى بيجمعنا على هذه الطاعة وزي ما كل مرة بنقرر ان انت لما بتيجي الدرس ده مش بشطارتك. انت بتيجي هنا بتوفيق من ربنا سبحانه وتعالى. ربنا اراد بك خيرا ان انت تيجي - 00:01:41

وتسمع ييسر لك الطاعة زي ما كنا بنقول في الدرس اللي فات ان من علامات محبة الله للعبد تيسير الطاعة. ربنا يا رب يفتح علينا كده ويبارك لنا في في المجلس ده. بسم الله. ان شاء الله النهاردة هنتكلم عن - 00:01:59

علامات صدق محبة العبد لله ماشي اه بنقول العلامات دي ليه علشان اه علشان انت تقف مع نفسك كده واقفة وتقول اه هي دي موجودة في ولا لا ان انت تراجع نفسك - 00:02:14

فاحنا بنقول العلامات اللي لو العلامات دي موجودة فيك يبقى انت بتحب ربنا ولو مش موجودة فيك يبقى في خلل في مسألة ايه المحبة. العلامة الاولى من علامات حب العبد لله هي حب لقاء الله سبحانه وتعالى - 00:02:30

الانسان لما بيحب حد بيحب يقابله بيحب يقعد معه بيحب يتكلم معه فمن من صدق من علامات صدق محبة العبد لله ان انت تحب ان انت تصلي تحب ان انت تقف بين ايدين ربنا سبحانه وتعالى - 00:02:46

النبي عليه الصلاة والسلام كان يتعامل في مسألة الصلاة دي بنوع من الحب قال صلى الله عليه وسلم حب حب ما الي من دنياكم الطيب والنساء وجعلت قرة عيني في الصلاة - 00:03:01

يعني ايه قرة عيني يقول لك العين القريرة عكس العين الزائغة الراجل ده عينه زايغة يعني بص يمين وشمال. عين قال تعالى ربنا هب لنا من ازواجنا وذرياتنا قرة اعين - 00:03:18

وجعلنا للمتقين اماما ان انت عينك تستقر عينك تستقر على حاجة تبقى خلاص راضي بها حاببها النبي عليه الصلاة والسلام كانت قال جعلت قرة عيني في ايه الصلاة الصلاة ان لما كان بينادي على بلال يقول ارحنا بها يا بلال - 00:03:33

ان معاملة النبي عليه الصلاة والسلام مع الصلاة معاملة المحب كان يقوم صلى الله عليه وسلم حتى تتورم قدماه كلنا عارفين الحديس صح لكن بالله عليك عايزك بس تتخيل ان - 00:03:54

ان الصحابة السيدة عائشة وكتير من الصحابة رووا الحديس زي ده ان هم شافوا رجلين النبي وارمة يعني النبي عليه الصلاة والسلام فضل واقف يصلي واقف يصلي لحد ما رجله ظهر عليها الورم - 00:04:10

يعني انت اخر مرة وقفت في رمضان مسلا يعني رجليك بدأت توجعك شوية كده انا بكلمك النبي عليه الصلاة والسلام وقف لحد ما رجله ظهر عليها ورمت ان انت تبص تقول ده رجله ورمت - 00:04:23

تورمت قدماه حتى تتفطر قدمه من طول القيام ابن مسعود رضي الله عنه بيروي الحديث لما دخل خلف النبي صلى الله عليه وسلم في الصلاة قال آآ فبدأ النبي استفتح بالبقرة - 00:04:37

النبي صلى الله عليه وسلم اطال القراءة فقلت يركع عند المئة ميت اية وهيركع فبعدين كمل مية وعدى فقلت يركع عند ايه عند ميتين مئتين فكمل فقلت يركع بها يعني يكمل البقرة كلها ويركع - 00:04:55

فاكمل البقرة واستفتح بالنساء خلص النساء ودخل في ال عمران فقال ابن مسعود حتى هممت بامر سوء هممت ان اجلس واترك النبي صلى الله عليه وسلم. متخيل! يعني انت متخيل قيام النبي للصلاة كان عامل ازاي - 00:05:16

كان سجود النبي نحوا من قيامه. يعني لما كان الركوع والسجود نحو يعني ايه يعني قريب من القيام لدرجة ان السيدة عائشة قالت كان يسجد حتى اظن انه ايه؟ قبض - 00:05:33

صلى الله عليه وسلم. فتخيل السجدة يعني لو قرأ مسلا البقرة وال عمران والنساء مسلا قد ايه؟ اربع ساعات مسلا. يبقى السجدة دي كانت ايه؟ سجدة ساعة مسلا. تخيل النبي عليه الصلاة والسلام ساجد - 00:05:49

ساعة ساجد ساعة ساعة على الارض ساجد الساعة دي بيدعي بيقول ايه طب هل ده حال ده حال محب يعني لما النبي عليه الصلاة والسلام سئل قالت عائشة رضي الله عنها يا رسول الله - 00:06:02

تفعل هذا وقد غفر الله لك ما تقدم من ذنبك وما تأخر هي المسألة مش مسألة انا اتغفر لي ولا لا قال يا عائشة افلا احب ان اكون عبدا شكورا - 00:06:20

لما قالت عائشة رضي الله عنها قمت في ليلة فالتمست النبي فلم اجده فقلت ذهب لبعض نسائه على طول آآ يعني النساء نساء يعني. فقلت ذهب لبعض نسائه فتحسست فاذا وضعت يديها على الارض او قدميها الارض فاذا قدمي النبي منصوبتان وهو ساجد - 00:06:37

يقول اللهم اني اعوذ بك اعوذ برضاك من سخطك وبمعافاتك من عقوبتك واعوذ بك منك لا احصي ثناء عليك انت كما اثنيت على نفسك فقالت بابي انت وامي يا رسول الله انت في شأن وانا في شأن - 00:07:03

انا بفكر ان انت رحت لبعض نسائك وانا وانت ايه في عالم تاني في عالم تاني اعوذ برضاك من سخطك وبمعافاتك من عقوبتك واعوذ بك منك لا احصي ثناء عليك انت كما اثنيت على نفسك - 00:07:19

ده حال ايه؟ محب بيحب ربنا لما قال لعائشة يا عائشة اسمع الكلمة دي ذريني اتعبد الليلة لربي. ذريني سيبيني اقوم اصلي قالت يا رسول الله والله اني احب جوارك ولكني اؤثر هواك - 00:07:38

نفسي تبقى جنبي بس انا ايه اوثر هواك. قالت فقام النبي صلى الله عليه وسلم يصلي فبكى حتى بل صدره. ثم ركع فبكى حتى بل حجره ثم سجد فبكى كحتى بل الارض - 00:07:58

فجاء بلال يؤذنه لصلاة الفجر فقال يا رسول الله يعني تبكي تبكي وقد غفر الله لك قال يا بلال يا بلال نزلت علي اية ويل لمن قرأها ولم يتفكر فيها. ان في خلق السماوات والارض ايات ال عمران - 00:08:14

الشاهد من من من الكلام ده ايه النبي عليه الصلاة والسلام كان بيحب ربنا كان بيحب ربنا عليه الصلاة والسلام. فمن علامات صدق محبة العبد لله حب الصلاة كان كان صلى الله عليه وسلم اذا حزبه امر - 00:08:34

ايه فزع الى الصلاة عارف يعني ايه فزع يعني انت اول لما تحصل لك مصيبة بتعمل ايه بترفع التليفون على طول فلان الحقني. كان ازا حزبه امر او ازا حزنه امر لما يحصل لك ابتلاء ولا يحصل لك مصيبة. اول حاجة تعمليها ايه - 00:08:52

تفرشي السجادة وتدخلي تصلي عارف احيانا الواحد يتحط في مصيبة ولا بلاء وهو مش عارف هيتحل ازاي تدخل تفرش السجادة وتصلي بس كده وتدعي وتسجد وتطول وتنكسر لله تتذلل لربنا سبحانه وتعالى - 00:09:10

قلت له يا رب انا مش عارف اعمل حاجة حلها لي انت ممكن تقوم ترفع من السجدة دي وانت حاسس ان الدنيا ايه خلاص الموضوع خلص. هو ما فيش حاجة حصلت - 00:09:26

بس انت حاسس بسكينة ووضوء ان خلاص ده اثر الصلاة ده اثر الصلاة فمن علامات صدق محبتك لله ان انت تحب الصلاة. انت تحب لقاء الله. قال صلى الله عليه وسلم من احب لقاء الله احب الله لقاءه - 00:09:37

ومن كره لقاء الله كره الله لقاءه انت تحب لقاء ربنا في الصلاة او بالموت قالت يا رسول الله كلنا يكره الموتى عائشة رضي الله عنها قال ليس ذلك ولكن العبد المؤمن اذا كان في انقطاع من الدنيا نزلت اليه ملائكة فتبشره بالجنة في حب لقاء الله - 00:09:57

فيحب الله لقاءه فاول علامة من علامات صدق محبة العبد لله حب لقاء الله. تاني علامة ان يكون مستهترا بذكر الله. مستهترا يعني كثير الذكر لسانه ده بيلهج بذكر الله. بيتكلم عن ربنا كتير. اللي بيحب حد - 00:10:19

تلاقيه بيحب واحدة ويقعد يتكلم مش عارف كزا دهب وصوابع ايديها ويوصف مش عارف ايه وورجليها مش اصابع رجليها عاملة ايه ويتكلم عن تفاصيل تفاصيل كل حاجة في اللي بيحبها دي - 00:10:42

اللي بيحب الكورة مسلا بيحب لعيب معين كل ما تقعد معه يقعد يكلمك وفلان شفت وعمل شفت الترقيصة دي وشوفت عمل ايه اللي بيحب العربيات كل ما تقعد معه تلاقيه بيتكلم على العربيات - 00:10:56

بيحب الفلوس كل ما تقعد معه تلاقيه بيتكلم في التجارة والفلوس والشغل اللي بيحب حاجة بيتكلم عنها مش بس بيتكلم بيحسن الكلام عنها صح ولا غلط صح ولله المثل الاعلى - 00:11:08

اللي بيحب ربنا سبحانه وتعالى بيذكر ربنا كتير بيكثر من ذكر الله. بيحسن الكلام عن الله سبحانه وتعالى بيحب ربنا. يعني كلام المحب مختلف تماما والزكر مش مجرد ان انت بس ايه ذكر باللسان - 00:11:23

ده واحد من بداية اليوم وهو فاكر ربنا سبحانه وتعالى في كل تفاصيل طول ما هو ماشي يعني اللي اللي ماشية في الجامعة وبتغض بصرها ولابسة حجابها وهي نازلة من بيتها حجاب آآ شرعي محتشم وماشية وبتغض بصرها ولما تيجي سيرة - 00:11:40

لحد ما تتكلمش دي ايه ده في ده في زكر طول اليوم اصلا. يعني هو طول اليوم فاكر ربنا لما واحدة بتعدي بيغض بصره وهو فاكر ربنا سبحانه وتعالى قال ان تعبد الله كأنك تراه - 00:11:56

فان لم تكن تراه فهو يراك. هي دي المراقبة ان اللي بيحب ربنا طول اليوم صاحي من بداية اليوم هو مشغول مشغول بربنا بيفكر في ربنا هعرضيه ازاي النهاردة انا انا كده صح ولا غلط - 00:12:12

هو كده انا كان المفروض اعمل كزا وما اعملش كزا عشان ربنا يرضى عني. ربنا شايفني. فدايما فاكر ربنا فبالتالي كثير الذكر يعني تلاقيه قاعد مع نفسه كده ماسك كده السبحة ولا حاجة وهو قاعد ايه - 00:12:28

بيصلي على النبي عليه الصلاة والسلام يستغفر بيسبح ربنا بيقول لا اله الا الله وحده لا شريك له له الملك وله الحمد يحيي ويميت وهو على كل شيء قدير. ميت مرة - 00:12:43

بيكتر من الزكر هتلاقيه بيتكلم عن ربنا بيدعو الى الله بيتكلم هو هو بيحب ربنا فكل ما يقعد مع حد ايه يكلمهم عن ربنا فمن علامات صدق محبة العبد لله كثرة الذكر - 00:12:54

تالت علامة من علامات صدق محبة العبد لله قال ان يكون ان يكون انسه بالخلوة مع مولاه اه في اه في ناس لما بتقعد لوحدها بتزهق يقول لك يا عم انا زهقان يكلم اي حد انزل اخرج اعمل اي حاجة انا ما بحبش اقعد لوحدي - 00:13:12

في واحد بيستنى اه اه لحزات كده في اليوم اليوم اللي مشغول في وسط الجامعة وفي وسط الدروس والشغل حياة زحمة الحياة بيستنى كده ايه ساعة كده يقعد مع نفسه - 00:13:35

يخلو بربه سبحانه وتعالى فمن علامات صدق محبة العبد لله ان انت تحب الخلوة خلوة يعني ايه؟ يعني انت تبقى قاعد كده قال ورجل ذكر الله خاليا ففاضت عيناه. خاليا يعني ممكن تبقى في وسط الناس - 00:13:51

بس انت بينك وبين ربنا ايه حال انت قلبك ده في حتة تانية خالص فتلاقيه يحب الوقت نازل مسلا اصحابه خارجين بالليل يقول لك لا لا انا الوقت بتاع الليل ده بالنسبة لي ده وقت خاص بيني وبين ربنا - 00:14:09

ده وقت الخلوة بتاعي خفي وفيه جزاه الله خيرا ان الناس كلها قاعدة بتتفرج على الماتشات والناس كلها في النوادي وده ايه روح قفل عليه اوضة وقفل النور وفرش السجادة وحط مصحفه كده ولبس آآ آآ احسن السياب واتعطر يا عم انت رايح فين انت خارج؟ لا - 00:14:29

ده في حال بينه وبين ربنا ده مع نفسه كده ويقرأ القرآن كانت قراءته آآ مترسلة متأنية لا يمر باية فيها سواب الا وسأل الله يعني تلاقي ايات بتتكلم على الجنة فالنبي عليه الصلاة والسلام كده ايه يتفاعل مع القرآن - 00:14:52

اللهم اني اسألك الجنة. اية فيها ذكر عزاب يستعيذ من النار فتفاعل مع القرآن ان الانسان ده بيأنس بالخلو بيأنس بالخلو انا انا احب ان انا ابقى مع نفسي مش ان انت تنعزل عن الناس - 00:15:11

لكن يبقى ليك وقت بينك وبين ربنا حال مع الله سبحانه وتعالى فمن علامات صدق محبة العبد لله ان انت تأنس بالخلق ان انا مستني كده نص ساعة كده امسك مصحفي واقعد اقرأ - 00:15:28

مستني الساعة اللي هي بالليل اللي هتيجي دي اللي انا آآ هقعد اقرأ فيها قرآن او ان انا آآ هقف كده افرش السجادة واصلي واطول في السجود وادعي واتكلم مع ربنا سبحانه وتعالى وافضفض - 00:15:41

يأنس بالخلو رابع علامة ودي مهمة جدا ان يكون اسفه او اسفه على ما فاته من الله اعظم من اسفه على ما فاته من الدنيا او من دنياه يعني ايه الكلام ده؟ فيه ناس لو لو فاتها طاعة - 00:15:55

لو فاته مسلا درس لو صحي من النوم وما صلاش الفجر راحت عينومة اليوم ده بيبقى يوم يعني بص هو مش طايق نفسه طول اليوم. ليه يا عم سبني بص انا ما صلتش الفجر النهاردة وحاسس ان انا مش طايق نفسي - 00:16:16

صاحي مخنوق عشان ما صلاش الفجر عشان فاته طاعة ما قدرش يصلي قيام الورد بتاعه فاته فزعلان ما قراش القرآن بقى له يومين فايه فمتأسر بقى لي شوية مقصر مع ربنا في الدعاء وفي الذكر وفي السجود فمتضايق - 00:16:32

فاتني درس مجلس علم ما حضرتوش راحت علي نومة فزعلان يأسف على ما فاته من الطاعة يتحسر على الايام اللي ضيعها وهو بعيد عن ربنا سبحانه وتعالى ده محب ده بيحب ربنا - 00:16:53

ده بيحب ربنا وبيحب الطاعة. فلما الطاعة تروح منه يزعل. الطاعة عنده غالية الطاعة عنده غالية في واحد تاني بيأسف على ايه على ما فاته من الدنيا آآ راح عليها ماتش تشامبيونزليج دوري ابطال اوروبا الاربع اللي فات وزعلان ازاي ان انا ما شفتش الماتش! مدايق اوي - 00:17:10

او ان كان كان كنت هصاحب فلانة وهي ما وافقتش للاسف فزعلان يأسف على ما فاته من الدنيا او من المعصية ده الانسان ده الانسان ده لما بيتحط في مقارنة بين اختيار دين واختيار الدنيا يعني يجي مسلا ايه تعارض عنده درس وعنده في وقت الدرس مسلا - 00:17:30

مسلا مصلحة دنيوية او حاجة هو بيحبها. ماتش كورة مسلسل آآ خروجة مع اصحابه آآ اي حاجة اي حاجة هو بيفضلها على ده فتلاقيه في وقت التعارض ده بيفضل الحاجة اللي هو بيحبها اكتر - 00:17:53

لو هو محب للطاعة ومحب لله يفضل الدرس هيفضل الطاعة قال يوسف عليه السلام قال رب السجن احب الي مما يدعونني اليه. قال له انا قاعد سجن بس ده احب الي من الفاحشة - 00:18:08

بتدخل السجن هو السجن ده حد يتمنى السجن لا لا بس لو السجن ده انا هبقى فيه طاعة لله وهبعد عن المعصية لا السجن بالنسبة لي احسن فان انا اقعد في بيتي ما اخرجش خروجة فيها معصية واقعد في بيتي اتسجن في بيتي ده بالنسبة لي الحمد لله كده احسن. ربنا يبقى راضي عني - 00:18:24

اه تمام اقعد في البيت اصلي اخرج خروجة فيها طاعة بس ما اخرجش خروجة فيها معصية فالانسان اللي بيأسف على فوات الطاعة ده محب لله من علامات صدق محبة العبد ان لو فاتك صلاة الفجر تصحى متعكنن متضايق - 00:18:43

وتقول لا لا مش هفوتها تاني. ان انت لما تعصي ربنا سبحانه وتعالى تبقى متضايق. زعلان حزين ان انا قصرت في حق ربنا التاني ممكن يفرح بالمعصية والعياذ بالله يفضل ماشي يحاول ورا معصية معينة واول لما يظفر بالمعصية دي يبقى في قمة السعادة. وحاسس بانتصار - 00:18:59

فضل ورا البنت لحد يمين وشمال ويكلمها لحد ما ايه لحد ما وصل الموضوع ففرحان حاسس بنشوى عرفت آآ اظبطها خلاص الموضوع انتهى العلامة الخامسة التلزز بالطاعة وعدم استثقال الطاعة - 00:19:21

تقول لواحد يقول لك يا عمي القيام ده تقيل علي قوي قل له يا عم انت ما بتقيمش ما بتصليش قيام ليل؟ يقول لك يا عم هو انا بصلي قيام النهار وعشان تصلي قيام الليل؟ ما فيش تقيلة. الصلاة تقيلة. الذكر تقيل - 00:19:44

آآ قراءة القرآن تقيلة على قلبي مش قادر ممكن نفس الشخص نفس الشخص تنزل مسلا ايه الجامعة الساعة تمانية الصبح تبقى انت داخل المحاضرة عشان تاخد الغياب بتاعك وقايم عينيك منفخة ومش طايق نفسك - 00:19:59

وتلاقي ايه الواد واقف قدام جامعة قدام كلية هندسة واقف ايه مع واحدة على الصبح كده واقفين مع بعض بيحبوا في بعض تدخل المحاضرة وتحضر محاضرة وتخرج تلاقيهم واقفين مع بعض - 00:20:14

الله انت يا ابني واقف رجليك ما وجعتكش واقف من الساعة تمانية للساعة اتناشر متواصل سبات. الشمس تيجي عليه مش عايز حتى يقف في حتة ظل. مش عايز يقف لأ هو سابت على موقفه - 00:20:30

وهي ما شاء الله يعني اسد واقف. فعنده صبر وجلد على المعصية غير عادي ايام زمان لما كان آآ ايام الزمن الجميل يعني كان واحد بقى عايز يصاحب واحدة كان بقى يلف تحت البيت ويقع ويقعد بقى تحت بالعربية ويجيب - 00:20:45

ويجيب ايميلها ويبعت لها على الايميل تقوم عاملة له بلوك واعمل ايميل تاني. صبر رهيب. يعني ممكن يعمل عشر ايميلات عشان ترد عليه. وكل مرة ايه بياخد كلمة زياد يعني تقوم ايه بقى عاملة له بلوك بعد خمس سواني - 00:21:03

بعد عشر دقايق بقى شوية ايه تبتدي خلاص تجيب معه مسلا ما خلاص كده سيبك بقى من خطوات الشرايح بنتكلم عن ايه؟ على الصبر على المعصية الصبر على المعصية ان واحد عنده همة ان ويطبق عشان تاني يوم يروح لها عند مش عارف ايه مجهود رهيب بيبزل مجهود فعلا الراجل بيتعب - 00:21:17

تقول له انت رجليك مش واجعاك؟ لا لا مش وجعاني. نفس الشخص ممكن يدخل المسجد لو الامام بس قرأ بصفحة قرأ بصفحة ايه يا عم الناس دي بتطول كده ليه - 00:21:40

رجليا وجعاني يا عم احنا ورانا مشاغل ماشي؟ عارف انت عارف نوع ايه فمن علامات صدق محبة العبد لله هو الاولاني ده اللي واقف الشاب اللي كان واقف مع بنته مش حاسس بتعب ده - 00:21:52

مش حاسس بتعب هو عمل كده ليه؟ هو بيحب ايا كان بقى يعني بيحب هو بيتسلى ولا يعني بس ده ايه من محبة فمش حاسس بالم مش حاسس فبيضحي فاللي بيحب ربنا سبحانه وتعالى اللي هي المثل الاعلى ونعتزر عن التشبيه يعني ده الدهس ولله المثل الاعلى احنا بنقول ده للتقريب يعني - 00:22:06

الشاهد ان ان من علامات صدق محبة العبد لله من علامات صدق محبة العبد لله عدم استثقال الطاعة التلذذ بالطاعة ان انت تستمتع بقراءة القرآن عارف في واحد كده بيشغل القرآن جنبه - 00:22:32

يسمع اول لما يسمع شوية زهقت بيزهق من القرآن مش قادر يسمع كتير في واحد تاني مستمتع مستمتع بالايات قاعد بيسمع ويقلب من الصورة دي للصورة دي من التلاوة دي للتلاوة دي فرحان سعيد - 00:22:51

بيتلزز بالعبادة من من علامات آآ صدق محبة العبد لله ان هواك هواك يبقى مع الطاعة. يعني في واحد طاعة مش على هواه بس بيجاهد نفسه ده مأجور يعني بيجاهد نفسه عشان يصحى يصلي الفجر بيجاهد نفسه عشان يصلي قيام الليل بيجاهد نفسه عشان يقرأ القرآن عشان يغض بصره. لكن في واحد هو اه بقى مع الطاعة. يعني - 00:23:09

هو بيحب الطاعة هو بيحب يقرأ قرآن ودي من نعمة ربنا على العبد قال صلى الله عليه وسلم لا يؤمن احدكم حتى يكون هواه ايه تبعا لما جئت به ان هو بقى ايه - 00:23:35

بقى موافق للشرع فالشرع يقول البسي النقاب ولا البسي الحجاب تقول ايه سمعنا واطعنا ده هواية اصلا ده اه ده انا مبسوطة بده الشرع يقول غض بصرك سعيد. بغض بصري وانا راضي وفرحان. مش بقعد اقول طب ليه كده ؟ طب آآ طب اصل كزا طب اصل اقنعني لا لا هو هو اصلا ايه - 00:23:51

هواه مع الشرع الشرع بيقول يمين انا يمين الشرع بيقول ما تروحش شمال مش هروح شمال من علامات صدق محبة العبد لله ودي العلامة الخامسة التلذذ بالطاعة وعدم استثقال الطاعة - 00:24:12

سادس علامة لو انت في يوم من الايام ماشي في الشارع فلقيت واحد ايه بيشتم ابوك هتعمل ايه هتغضب صح من علامات صدق محبة العبد لله ان يغضب لله سبحانه وتعالى - 00:24:26

ولا لي مسل اعلى ان انت تغضب لربنا. يعني ايه يعني ايه غضب الله؟ قبل ما اقول لك يعني ايه غضب الله؟ انت بتغضب لايه يعني يسأل نفسه سؤال كده ايه الحاجة اللي بتخليك تغضب - 00:24:44

تغضب ليه في واحد بيغضب لما الفريق بتاعه بيخسر ذكور بيغضب وبيتخانق ويقعد على يقعد على الفيسبوك ومين يشتم في الناس ويتخانقوا مع بعض علشان مسلا ايه الاهلي كسب والزمالك مش عارف خسر - 00:24:56

ولاء وبراء وده بيوالي دول وبيعادي دول وحرب. ويقعد يشتم في ده وداخل واهب نفسه في الكومنتات وعلى الرد. وعايش قضية يعني يعني وانتم مش عارف كزا وانتم مش عارف ايه وده يشتم في ده ولا دي اصلا يعني هو الماتش خلص واللعيبة خدت فلوس وراحوا وناموا وعاشوا - 00:25:12

عادي وانت لسه قاعد تتخانق هو ده قطع الفانلة ولا لا وده فاول ولا لا؟ وده شف ده بيمسل بص هنا ايده كانت رايحة فين يا عم يا عم انت - 00:25:32

ويتخانق ويشتم بتغضب لايه؟ ايه الحاجة اللي بتحرك غضبك ايه الحاجة اللي بتحرك غضبك في واحد بيغضب لاي توافه من توافه الدنيا. واحد كسر عليه فتلاقيه بقى ويزعق ويشتم ويغضب - 00:25:45

في واحد بيغضب لله النبي عليه الصلاة والسلام كان احلى من الناس السيدة عائشة قالت كان احلى من الناس عليه الصلاة والسلام وكان لا يغضب قط لا يغضب قط لا يغضب لنفسه قط - 00:26:00

الا ان تنتهك حرمة من حرمات الله فاذا انتهكت حرمة من حرمات الله فلا يقوم لغضبه احد يعرف في وجه صلى الله عليه وسلم بغضب قال او بدعوى الجاهلية وانا بين اظهركم؟ دعوها فانها منتنة وينتفخ عرق في جبهة النبي عليه الصلاة والسلام. يعرفوا ان هو ايه - 00:26:19

غضبان ان هم عملوا حاجة حرام يغضب لله ان انت من علامات محبة الله من علامات صدق محبة الله ان انت تغضب بس تغضب ليه لله. يعني ايه اغضب لله - 00:26:40

اغضب لله يعني لما اشوف الله سبحانه وتعالى بيعصى اغضب مش هغضب من العصاة مش هكره العصاة لكن انا غضبان ان ربنا بيعصى لما الاقي الفواحش منتشرة والكفر منتشر والالحاد منتشر وشرب الخمر منتشر - 00:26:54

ابقى انا ماشي ايه؟ غضبان مضايق متضايق ان الناس بتعصي ربنا سبحانه وتعالى الحديس وان كان الحديس اه اظن فيه ضعف يعني لما قال ارسل الله جبريل يخسف آآ بقرية - 00:27:13

الارض فقال يا جبريل يا رب فيها عبدك آآ فلان صالح قال به فابدأ فانه لم يتمعر وجهه من اجل قط. لم يتمعر يعني ايه ما فيش مرة يغضب. شايف الناس كلها القرية كلها على الكفر. وده ايه - 00:27:30

متعايش عادي ما بيغضبش لله فمن كل ما انت تبقى صادق في محبة الله كل ما هتبقى متضايق تغضب لغضب الله ان اللي حبيبي بيحبه وانا بحبه واللي حقيقي بيكرهه انا بكرهه - 00:27:48

واللي يغضب حبيبي يغضبني. فمن علامات صدق محبة العبد لله ان يغضب لحبيبه العلامة السابعة من علامات صدق محبة العبد لله ودي العلامة الاخيرة ان تحب ما يحب الله سبحانه وتعالى - 00:28:06

انت تحب الحاجة اللي ربنا سبحانه وتعالى بيحبها ودي قلناها قلنا قال صلى الله عليه وسلم لا يؤمن احدكم حتى يكون هو تبعا لما جئت به. قلنا في الدرس اللي فات كلمة للامام جعفر الصادق او - 00:28:22

سفيان الثوري فقال قال له هقول لك وصية حاجتين. لو عملت الحاجتين دول وازبت عليهم وعشت عليهم ومت عليهم تدخل الجنة قال له ايه الحاجتين دول؟ قال احتمال ما تكره اذا احبه الله - 00:28:35

احتماله ما تكره ازا ايه ازا احبه الله وترك ما تحب اذا كرهه الله اعمل بهما وانا شريكك قال له اعمل وخلاص احنا ايه ان شاء الله يدخل الجنة الحاجة الاولانية ايه - 00:28:52

احتماله ما تكره اذا احبه الله هي الحاجة دي ربنا بيحبها الحاجة دي ربنا بيحبها اه ربنا بيحبها. طيب انا كمان بحبها كان شوف شوف انس انس ابن مالك آآ قال - 00:29:09

قال انس وانا احب الدبان دبا اللي هو ايه زي القرع كده القرع زي البطيخ قال وانا احب الدبان ليه بقى ليه سيدنا انس بيحب القرع ليه قال لان رسول الله صلى الله عليه وسلم لان رسول الله صلى الله عليه وسلم كان يحبها - 00:29:26

يعني انا بحبها علشان النبي عليه الصلاة والسلام كان بيحبها فالنبي عليه الصلاة والسلام كان بيحب كزا فانا مع ان ده مش متعبد به ده مش متعبد به لكن هو انا بحب النبي عليه الصلاة والسلام. فانا بحب الحاجة اللي هو بيحبها - 00:29:52

يعني كان ابن عمر رضي الله عنه من شدة محبته للنبي صلى الله عليه وسلم كان يتبع اثر اقدام النبي يبقى ماشي كده فيلاقوه ايه؟ حوت. لف كده بالحتة ورا شجرة - 00:30:09

فيسألوه فقال كنت مع النبي صلى الله عليه وسلم فحاد عن هذه الشجرة انا ماشي مع النبي فالنبي عليه الصلاة والسلام وهو ماشي راح ايه حوت كده. فلقى ايه انا باحود زيه - 00:30:22

كان يتبع حتى في ماشيين في سفر فوقف ابن عمر يتبول فسألوا عنه فقالوا له يقضي حاجته فقال والله ما كان بي من حاجة غير ان النبي صلى الله عليه وسلم بالهنا - 00:30:36

يعني شف الاتباع لدرجة ايه ده بيعمل ده بيحب النبي عليه الصلاة والسلام اللي بيحب النبي عليه الصلاة والسلام واللي بيحب ربنا هيحب اللي ربنا بيحبه من علامات صدق محبة العبد لله - 00:30:51

انك تحب ما يحب الله سبحانه وتعالى احتمال ما تكره ازا احبه الله وترك ما تحب اذا كرهه الله. فاحنا قلنا كده كم علامة؟ سبعة. سبع علامات. الله الله عليك - 00:31:06

العلامة الاولى حب لقاء الله العلامة الثانية كسرة الذكر والدعوة الى الله العلامة التالتة الانس بالخلوة. العلامة الرابعة ان يأسف على ما فاته من الطاعة العلامة الخامسة التلذذ بالطاعة وعدم استسقاء الطاعة. العلامة الساتة غضب لله. العلامة السابعة ان تحب ما يحب الله. سبحانه وتعالى - 00:31:18

آآ الهدف من العلامات دي ايه ان احنا نراجع نفسنا انت تشوف الدرس ده مع الدرس اللي فات انا عايز ربنا يحبني ولا لأ وهو عايز ربنا يحبني طب هعمل ايه عشان اوصل لمحبة الله - 00:31:38

الاعمال بتاعة الدرس اللي فات طب ايه سمرات محبة الله للعبد؟ الاعمال بتاعة الدرس اللي فات اه طب الدرس ده انا عايز اشوف انا اصلا بحب ربنا ولا لأ؟ قيس نفسك بقى - 00:31:53

شوف اخبار القيام ايه اخبار الاستمتاع بالعبادة ايه؟ اخبار الانس بالخلوة ايه؟ اخبار الدعاء اخبار السجود التبتل اخبار محبة اخبار حبك للشرع ايه؟ حبك للاسلام ايه لما الحاجات دي تبقى - 00:32:03

في دماغك وبتراجعها وبتفكر فيها هتلاقي نفسك ان انت ممكن يبقى عندي مشكلة في مسألة الحب. انا ما بتهمش ان احنا ما بنحبش ربنا بس حب ربنا مش مالي قلبي لدرجة ان الحاجات دي عندي مترسخة ثوابت - 00:32:19

نكتفي بهذا القدر جزاكم الله خيرا بعتزر على الاطالة سبحانك اللهم وبحمدك اشهد ان لا اله الا انت استغفرك واتوب اليك - 00:32:35