Transcription
اذا تعينت لا يجوز لاحد ان يخرجها عن الجهة التي تعينت فيها. بحال الحبوس. الى واحد حبس واحد الأرض حبسها فسبيل الله او قال هاد الأرض هادي انا حبستها على فلان او ولادو. را ما عندكش الحق شي واحد اخر يجي لتما. من الفقراء او المساكين لا علاش - 00:00:00ضَ
لأن الحبوس محدد. ويراعى قصد المحبس. فإذا انا عطيتك كلفتك بهاد الحوايج او هاد الفلوس سير اديها لفلانة ووليداتها ونتي ديتيها للجمعية وديك الجمعية داوها لمرا خرا. هذا عمل سيء. فعلا. هاد الأخت هادي غفر الله لناها كتحمل - 00:00:20ضَ
المسؤولية ديال هاد الغلط هادا ولذلك زعما الى قادرة قادرة باش تكفر على هاد المشكل وهو انه تمشي لهاديك المرا اللي كان خصها تعطيها داكشي وتعوض لها تعوض لها تعوض لها لأنه يعني اللحظة باش خصك تفهمي مزيان اشنو وقع في الشرع هادي هبة - 00:00:40ضَ
وصدقة بحال بحال في المعنى بحال بحال هوما مختلفين يعني من حيت القصد ولكن في النتيجة يعني الشرعية بحالنا لما نقول انا مع راسي بأن هاد الفلوس راني عطيتهم لفلان. وخبرت شي واحد حدايا. عرفتو شنو وقع؟ هاد الفلوس هادو ولاو فملكو. هداك فلان ولاو ف - 00:01:00ضَ
ملكو ملكو وكيتورتو حيت الى مات الورتة ديالهم يورتو ولاو فملكو انا لي عطيتهم ليهم مباقيش عندي الحق نعاود نتصرف فيهم انا انا مولاهم لي عطيتهم لو لأن خرجوا من الملكية ديالهم مبقاوش دياولي الى متسجلت عند الناس راه تسجلت عند الله لأن هاد الفلوس مبقاوش ديالي وراه ولاو دياول فلان ولاو دياول فلانة - 00:01:20ضَ
فإذا ديك المرا راها هي مولات هداك الرزق. ماشي واحد اخر. تعطاو لجهة اخرى راه يعني هاديك الدولة رزقها داولها رزقها هاديك المرا فخصو يرجع ليها ادا باقي ممكن دابا يرجع ليها خصو يرجع. ما بقاش ممكن يرجع خصو يتعوض. لأن بحالا ديتو لها ديالها خصكم تعاودو تخلصوها فيه - 00:01:40ضَ
مع هادشي ديال الخير والإحسان عنداك ومايوقعش فيه التلاعب يوقع فيه التخربيق والإجتهاد الخاوي معندكمش الحق اذا تعيننا عا منقولك اودي هادو عطيوهم اليتامى هاد الفلوس عطيوهم اليتامى وديك الساعة نتي تخيري اليتامى لي بغيتي - 00:02:00ضَ
انا ما حددت لكش اليتامى. اما الى قلت لك هادو ديهم لليتامى لي في الموضع الفلاني اولاد الفلانة اولاد فلانة. صافي. ما باقيش عندك الحق تحوليهم اما نقولك اليتامى وكان ايوا اليتامى راه فالعالم كامل فيه اليتامى نتي يمكن لك تعطيه هنا ولا لهادي ولا لهادي كاع اللي عندها اليتامى ويلا قلت لك عاود اليتامى ماشي تديهم لشي وحدة - 00:02:20ضَ
مريضة لا لأن انا قلت اليتامى خصهم يمشيو لليتامى وخا وحدة مريضة كتموت ما تعطيهملهاش لأن انا حددت الجهة هاديك لي مريضة يجيب لها الله ويدبروا لها الناس واجب على المسلمين نتعاونوا معها باش يحاولوا ينقدوها الى كتب الله. اما هادوك الفلوس اللي خرجوا اليتامى خاصهم يمشيوا لليتامى. لأن - 00:02:40ضَ
الجهة التي وهبت او تصدقت حددت. ويلا وقع التحديد ما بقى كلام. وما بقاش اجتهاد. الاجتهاد مع النص. يعني على سبيل القياس هادي كتسول واش يمكن لها تختم القرآن الكريم مع الجماعة؟ هادي يعني القراءة الجماعية للقرآن الكريم. ما كاينة في العالم الا في المغرب - 00:03:00ضَ
وهي لي بغا ياخدها بالوجه ديالها الحسن. انما استعملها المغاربة للتعليم. هي دارت للتعليم تعلم الناس القراية هذا الأصل لي مكيعرفوش يقراو القرآن. كيجلسو مع الفقيه ويبداو يقراو جماعة باش كيتعلمو. ففرق بين قصد التعلم وقصد التعبد - 00:03:20ضَ
فرجل او مرا كيعرف يقرا القرآن الكريم اذا بغا يعبد الله فعلا ويشعر بالحلاوة ديال العبادة يقرا بوحدو يقرا بوحدو لكن الى مكيعرفش وباغي يتعلم راه لا بأس. ميكونش بنادم متشنج ومتشدد. او معندو فقه راه الفهم ديال الدين هكا داير. خصو - 00:03:40ضَ
يعني لأن الوسائل هدا كيتعتابر دابا داك الحزب كيتعتابر من الوسائل التعليمية ماشي التعبدية. فمن دخله بقصد التعلم فلا بأس به شحال من واحد كان امي ما كيعرف يقرا والو وكيجلس مع الناس في الحزب. وتطلق لسانو سبحان الله العظيم بالقرآن الكريم. ماشي تقولو الحزب حرام وفيه وسير قريه - 00:04:00ضَ
هذا ماشي جاي فقط للعبادة جاي تعلم فإذا نفرقو بين الأمرين اذا كانت هاد المرأة ما عندهاش قدرة لتلاوة القرآن تخطئ تلحن ما فيها باس تجلس مع الجماعة وتبع بودنها. وتحاول اليوم وغدا تحرك لسانها باش تضبط الأداء ديالها - 00:04:20ضَ
وعندنا شحال من واحد كيقرا واحد الحرف مقلوب في القرآن مكيعرفش يقرا مزيان. او واحد يعني جملة او كلمة ميعرفش يخرجها مزيان. فإذا كان حالها ان تجلس في المسجد ساعة قراءة القرآن الكريم الجماعي وتنصت الى ذلك وتتابع ايضا بلسانها بقصد التعلم حتى اذا تم - 00:04:40ضَ
كانت من قراءة كتاب الله على احسن ما يكون ديك الساعة تخلو الى ربها بنفسها وتقرا القرآن مع مولاها اللي خلقها وهو افضل شي واحد او وحدة رهنت بجوج د المليون كتسولو واش تزكي به على ديك جوج د المليون اتزكي. تزكي لأنه سلف وخا راه كاين داك التعويض لا التعويض ماشي زكا - 00:05:00ضَ
عود كيتسمى ربا هداك التعويض حرام. لي هو السكن بمعنى انه الى نتا جوج د المليون عطيتها. يعني مول مول جوج مليون هو لي كيزكي ماشي قابضها ماشي لي قابضها لأن لي قابطها هو مول الدار. لا لي ساكن كاري هو غير كاري. هو عاطي جوج دلمليون. ولكن معاطيهاش مني - 00:05:20ضَ
يعني هي ديال السلف لأن نهار تبغي تخرج غادي تشدها خصك تزكي عليها. وخا كتعطي واحد التعويض بسيط لمول الدار. هداك التعويض ديال الكدوب. كيقولو كيحل ما عمر الحرام ما كيتحلل ديما الحرام حرام. فهداك التعويض ما داخلشاي نهائيا في الزكاة ما يتحسبش - 00:05:40ضَ
وهاديك جوج د المليون خصها تزكى كل سنة خمسة خمسة الاف ريال في المليون يعني عندك جوج د المليون عندك عشر الاف ريال في العام. عشر الاف ريال في العام خاصك تخرجها - 00:06:00ضَ
واللي ما خرجها في الدنيا يخرجها من ضهرو في الآخرة نطلبو الله السلامة والعافية. هادي امرأة جاهلة وعليها ان تنقطع عن هذا الفعل بتاتا يعني كاين بعض المصائب حقيقة هي مصائب في المجتمع. آآ كبيرة. نسأل الله العافية. شي وحدة كتخاف من السحر - 00:06:10ضَ
وتخاف من تخطي بعض الأشياء. قال لك تأخذ البول اعزكم الله وترشه. هذا فعل الشيطان. هذا هذا اكثر من السحور هذا. يعني النجاسة صافي ما لقى بنادم يخدم غي بالنجاسة هداك هو اللي يجيب الشيطان هاد الفعل هو اللي يجيب لك الشياطين ويجيب لك الجن توصل لدارك يسكنوا معاك - 00:06:30ضَ
ويباتو معاك وينعسو معاك. باش يطرد الإنسان السحر ويطرد الشياطين تعرفو اش خصو يدير. خصو ينظف ينقي. لأن الشياطين ما مع الطهارة. اش هاد الميزان المقلوب؟ النبي صلى الله عليه وسلم قال لك الوضوء سلاح المؤمن. حيت تكوني موضية راكي - 00:06:50ضَ
فحصنا عندك الواقي لباس الدرع الواقي من الرصاص. النصارى لابسة داك الحديد واخا يضربوا ملي تكوني موضية حالا راك لابسة داك الحديد لي مكيدخلش فيها الرزاز. علاش؟ الطهارة كاين الوسخ حداك - 00:07:10ضَ
الشياطين حداك. ايوا هذا الميزان المقلوب خايفة من السحر هي كتجيب السحر. وهذا من اعمال السحرة وهاد الخدمة من اعمال السحرة. مع الاسف تجاه المصيبة مصيبة كبرى. يعني شي مرا عندها شي عائلة على حساب ما فهمت كتأديها وما قادراش تصل الرحم ديالها رغم ان الله سيأمر بالرحم. لا - 00:07:30ضَ
واجب عليك الا تصبري لديك الرحيم وتمشي تصل الرحم ديالك. اذا كانت هاد العائلة عندها حق الرحيم. لأن العائلة اللي الرحم هي اولو الأرحام اولو الأرحام. يعني اختك خالتك عمتك - 00:07:50ضَ
القرابة القريبة اللي معروفة. هادو راه واجب عليك تصلي الرحم ديالهم ويصلوا الرحم ديالك. كانوا عائلة بعيدة مزيان صدر رحم في الحدود الشرعية. الحدود الشرعية ما فيه غير الخير. انما اللي واجب وكيتحاسب عليه الانسان يوم القيامة. هي العائلة اللي قريبة بزاف. اللي - 00:08:10ضَ
يعني يعني كيمكن لك الا رجال مثلا تشوفيهم بلا حجاب. خوتك خوالك اعمامك هوما الى كانوا الرجال هما لي واجب عليهم الجنة ويلا كانوا النسا راكم مقادين. نتي تشوفيهم هوما يشوفوك. خالتك عمتك وهكذا. فهادو وخا يظلموك وخا يظلموك - 00:08:30ضَ
ماشي غير كيآديوك كاينين فوق الأذى كيظلموك كاع صبري ليهم. والحساب يوم القيامة كل واحد يتعامل على قد فهم. صبري ليهم اوصلي الرحم ديالك مرة في العام. ما غاديش دير لك شي حاجة د المرة في العام غير الشيطان كيجيب الوسواس. اما الانسان تكون سنوات ومنقطعة واحد العائلة ما كيشوفهومش. بل قصدهم العمل - 00:08:50ضَ
هذا والعياذ بالله يدخل في قوله جل وعلا ويقطعون ما امر الله به ان يوصل. نسأل الله العافية - 00:09:10ضَ