Baheth

بسم الله الرحمن الرحيم. الحمد لله رب العالمين. والصلاة والسلام على اشرف المرسلين محمد واله. اللهم ارنا الحق حقا وارزقنا اتباعه ارنا الباطل باطلا وارزقنا اجتنابه. اللهم اعنا على ذكرك وشكرك وحسن عبادتك. واجعلنا يا ربنا من التوابين واجعلنا من - 00:00:01ضَ

من المتطهرين واغفر لنا اجمعين. ما قرأه اخونا الكريم سنن الاول من سورة الانبياء. وسورة الانبياء سميت هذه التسمية في القرآن الكريم لتعميق اعتقاد المسلم بالانبياء فمن اركان العقيدة الاسلامية الايمان بالانبياء. الايمان بالرسل الايمان بالكتب السماوية والايمان بالكتب السماوية. هو - 00:00:21ضَ

عينه الايمان بالرسل واحد لانك حين تؤمن بالرسول فقد امنت بما جاء به هذا الرسول. ولذلك كان من اركان العقيدة في الحديث النبوي الصحيح هذا المعنى متواتر في الدين ان تؤمن بالله وملائكته وكتبه - 00:00:48ضَ

والايمان بالكتب والرسل اساس في بناء تصور المؤمن للدين وللاسلام الأمر اذن حينما يكون عقيدة يكون اصلا من اصول الدين. يعني شي حاجة لي كتكون في الدين مهمة بزاف واساسية - 00:01:07ضَ

كبيرة بزاف الله عز وجل كيجعلها من الأصول ديال الدين يا اما من اركان العقيدة او من اركان الإسلام اركان الإسلام الخمسة واركان الإيمان الستة هاد الأركان هادي اللي هي مرة ديال الإسلام العملي نشهد ان لا اله الا الله وتقيم الصلاة وتتي - 00:01:26ضَ

الزكاة وتصوم رمضان وتحج البيت ان استطعت اليه سبيلا هادي الامور الاساسية والجوهرية ديال الدين من الناحية العملية التطبيق واللي خصها تكون فالدماغ ديال الإنسان مآمن بها ومتصورها مزيان كيحس بها بالوجدان ديالو والقلب ديالو بقوة هي اركان الإيمان قال فأخبرني عن الإيمان قال الإيمان ان تؤمن بالله وملائكته وكتبه ورسله - 00:01:46ضَ

واليوم الاخر والقدر خيره وشره حلوه ومره اذا النبوة او الرسالية نسبة الى الرسالة اللي هي مهمة ديال الرسول عليه الصلاة والسلام او عليهم الصلاة والسلام اجمعين هذا هو لي كيهمنا حنا في هذه الحلقة المباركة وهي هاد المهمة ديال الرسول عليه الصلاة والسلام لي هي الرسالة او الرسالية - 00:02:11ضَ

عندو واحد الوظيفة كل رسول الا وله وظيفة عندو واحد الوظيفة كيدير بها عندو واحد الشغل واحد المهنة فالرسول ماتسمى رسول الا لأنه مرسل من مرسل الى مرسل اليه. فهو كيأدي واحد الأمانة كيوصل واحد الرسالة لماليها. من عند الله عز وجل الى البشر - 00:02:36ضَ

هاد المهمة هادي لي هي مهمة الرسالة مهمة جليلة وعظيمة وهي كتختلف من دين لدين ماشي هي عند الله النصارى او اليهود كما هي عند المسلمين مختالفة ماشي المقصود مختالفة يعني راه الدين ديالنا مختالف على النصرانية ولا اليهودية ماشي هذا هو المقصود هو مختالف على النصرانية واليهودية ولكن المهمة ديال الرسل هي لي كنقصد - 00:02:56ضَ

او المهمة الرسالية الوظيفة الدينية للمسلم تختلف عن الوظيفة الدينية لغير المسلم من اصحاب الاديان الاخرى المسيح عليه السلام كان رسول من الله الى امته ولكن الأمة ديالو ما جعلش فيها الله عز وجل من عموم الناس - 00:03:20ضَ

نفس الوظيفة ديال المسيح عليه السلام انه يكونوا هما رسل مكيناش شكون لي كان كيقوم بالمهمة ديال تجديد الدين المسيحي؟ الأنبياء فلما جا المسيح عليه السلام جعل الله عز وجل - 00:03:41ضَ

في دينه انبياء اخرين. جعل فيهم انبياء اخرين من بعد موسى وفي ازمنة شتى تقوم بتجديد الدين في كل منطقة الأنبياء ديال بني اسرائيل كان ربي تعالى بعض الأنبياء كلفهم بمدينة او قرية او قبيلة كيكون نبي الشغل ديالو هو - 00:03:57ضَ

واحد القبيلة ولا واحد القرية ولذلك فهاداك الزمان كيمكن تلقى زمن واحد جوج ديال الأنبياء في وقت وحدة واحد مثلا راه مشغول بفاس واحد راه مشغول بمكناس كل واحد عندو المهمة ديالو والحدود ديالو فاش خدام هو دين واحد ماشي جوج ديال الاديان دين واحد ولكن فيه شحال من نبي لما جاء الاسلام - 00:04:19ضَ

وانزل الله القرآن على محمد عليه الصلاة والسلام وكلفه بمهمة الرسالة كانت جوج د الأمور لما كلفو بمهمة الرسالة جعله عليه الصلاة والسلام خاتم الأنبياء والرسول ما جعلش امكان يكون في الدين ديالنا كل مدينة فيها نبي لا في زمان محمد عليه الصلاة والسلام ولا بعده لا في الزمان - 00:04:39ضَ

لي عاش فيه سيدنا محمد ولا من بعد. ما كاينش نبي من غير سيدنا محمد عليه الصلاة والسلام ما الدين غادي يقدام؟ اش مع نتي قدام؟ يقدام في القلوب ديال الناس كينساوه - 00:05:03ضَ

ويهملوه اذن خصو التجديد لي يجددو يجددو في العقيدة د الناس يجددو في القلوب ديال الناس وهاد المهنة ديال التجديد الشغل ديال من؟ الشغل ديال الأنبياء هكذا كانوا بانو اسرائيل الأنبياء ديالهم والشغل ديالهم كانوا كيجددوا الدين ديال الرسول الأول ديالهم - 00:05:14ضَ

الله عز وجل انعم على هذه الامة نعما افضل مما انعم على الاديان السابقة اهل الاديان السابقة من بني اسرائيل وغيرهم وجعل المهمة ديال الأنبياء اللي كانت عند بني اسرائيل مهمة متاحة في الدين ديال الإسلام لكل من تعلم ولذلك قال عليه - 00:05:32ضَ

الصلاة والسلام علماء امتي كانبياء بني اسرائيل هداكشي لي تعطى للأنبياء في بني اسرائيل فقط غي الأنبياء تعطى فهاد الأمة لكلشي كاع لي تعلم شوية ديال الدين راه تعلم شوية ديال - 00:05:52ضَ

ويمكن لو يقوم بالوظيفة ديال سيدنا محمد عليه الصلاة والسلام في المكان اللي هو فيه انما سيدنا محمد عليه الصلاة والسلام كانت المهمة ديالو مع العالم كلو العالم وارسلت الى الناس كافة كلشي الكرة الأرضية النبي صلى الله عليه وسلم سيدنا محمد كان يخاطبها - 00:06:08ضَ

الاسلام اللي وصلو الخبار ديالو كاين فديك اللحظة وبقي خطابه الى اليوم ممتدا الى كل مكان وكل جنس بشري مكاينش شي واحد لي ممعنيش باش مطلوب منو يسمع الدين ديال سيدنا محمد ويدرسو يحاول يفهمو وديك الساعة يعتقد الدين لي بغى فالرسول ديال هاد الأمة عليه الصلاة والسلام ارسل الى الناس كافة ولكن - 00:06:28ضَ

الناس اللي امنوا بسيدنا محمد عليه الصلاة والسلام كل مكلف بجزء من النبوة بمجرد ما كتآمن بالنبي عليه الصلاة والسلام محمد الا وانك تكلفت على كتافك بواحد الشغل ديال النبوة الاسلام ديالنا ماشي بحال الاديان الاخرى الاديان الاخرى فيها الخصوصية الذاتية بينك - 00:06:51ضَ

وبين الله فقط هل المسيحية خلاص فردي انت مع ربي حاجة اخرى ما كايناش خلاص الفردي هادي الفكرة ديال المسيحيين الإسلام لا الخلاص الفردي نعم ولكن زائد خلاص الآخرين هادي نقطة اساسية في الإسلام - 00:07:11ضَ

لا يؤمن احدكم حتى يحب لأخيه ما يحب لنفسه وفي الحديث الصحيح ان الله لا يسأل العبد يوم القيامة حتى يسأله عن المنكر لما لم تغيره اذ رأيته؟ يعني الله عز وجل في الحساب يوم القيامة كيحاسب الإنسان - 00:07:28ضَ

الانسان المسلم حساب نحاسبو على هادي وعلى هادي وعلى هادي من بين القضايا لي كيحاسب عليها الله عز وجل المسلم كيحاسبو كيقولو النهار الفلاني والمكان الفلاني وشفت المنكر الفلاني وما غيرتوش علاش؟ فإذن الى حسبنا الله تعالى على واحد المنكر وقع فواحد الحادثة معينة بمكان معين اذن هذا الشغل ديال الرسول - 00:07:43ضَ

الأمر بالمعروف والنهي عن المنكر كنتم خير امة اخرجت للناس يعني خير الأمم السابقة باش؟ تأمرون بالمعروف وتنهون عن منكر ها الميزة لي تميزنا بها. ولكن ماشي ميزة ديال التشريف هادي التكليف فيها الخدمة فيها العمل والعمل كيعطي الشرف فعلا عند الله عز وجل - 00:08:03ضَ

اذن المرتبة الأساسية لي خصنا نوعاو بها الآن كمرحلة من مراحل الوعي بالدين والوعي بالدعوة ان المهمة ديال كل انسان متدين واعي بالدين ديالو ان راه عندو مهمة نبوية باش متساهلوش في الفهم ديال الدعوة يسحب لينا الدعوة راه زعما غير - 00:08:24ضَ

لي بغا يديرها يديرها ولي مبغاش يديرها ميديرهاش ماشي بهاد المنطق الدعوة واجب عين على كل مسلم فهم الإسلام. واجب عيني يعني واجبة علي وعليك وعلى هذا وعلى هذا وعلى هذا بحال الصلاة. وماكاينش فيها واحد - 00:08:44ضَ

كينوب على لاخر مكيناش النيابة. علاش؟ لأنه حينما يصبح الفساد عاما عموم البلوى في المجتمع. كيولي الفساد هو الوضع الطبيعي ديال البلاد كتولي الدعوة واجبة على كل فرد انما هاد الوجوب ديالها محدود ماشي بالشكل اللي كان واجب على سيدنا محمد عليه الصلاة والسلام لا هو الوجوب ديال الدعوة - 00:08:59ضَ

عليه وجوب عالمي ولكن الوجوب ديال الدعوة علي وعليك وعلى الاخر وجوب جزئي محلي فقط مرتبط بالمجال ديالك فاش عايش ماشي مطلوب منك تنوض تسافر وتمشي تقلب على المنكر فين كاين باش دير لو الدعوة راه ممطلوبش هذا لا يكلف الله نفسا الا وسعها لي مطلوب منك هو - 00:09:19ضَ

خدم المكان اللي انت فيه. علماء امتي كانبياء بني اسرائيل. اش الخدمة ديال انبياء بني اسرائيل؟ الخدمة ديالو هي مدينتو. ما ارسل نبي الا ارسل في قومه فقط. القوم ديالو ولا الرهط ديالو ولا القبيلة ديالو. وارسلت الى الناس كافة. اذا اذا كانوا علماء - 00:09:39ضَ

هاد الأمة كأنبياء بني اسرائيل من بين الصفات الجوهرية ديال بني اسرائيل انهم مشغولين كل واحد بقبيلتو او بلادو او مدينتو ونحن كذلك علماء هاد الأمة خصهم يقوموا بالدعوة محليا لأنهم كان بيا بني اسرائيل هذا القياس النبوي الصريح والقياس شامل كياخد كلشي الصفات - 00:09:59ضَ

انبياء بني اسرائيل كيجددو الدين ديال موسى او ديال عيسى عليهم السلام كيجددوه او علماء ديال الأمة كيجددو الدين ديال سيدنا محمد عليه الصلاة والسلام حادث كثيرة لي كتكلم على تجديد علماء الأمة لدين سيدنا محمد عليه الصلاة والسلام. ان الله يبعث لهذه الأمة على رأس كل مئة سنة من يجدد لها - 00:10:19ضَ

هذا الحديث المشهور وهناك صيغ كثيرة لهاد المعنى موجود ثم اضافة الى تجديد الدين لي كانو كيديروه انبياء بني اسرائيل كان ديالهم انحاصر في زمن معين ومكان معين. واحد الجزء معين ولا واحد المجموعة ديال الناس. فإذا حتى العلماء ديالنا مطلوب - 00:10:40ضَ

منهم يجددو الدين حيت كانوا وهادشي كان عبر تاريخ الإسلام كتلقى الناس طلبة العلم كيرحلو كانت كتسمى الرحلة في طلب العلم علاش؟ كيرحلو لأن كيقولو اودي العالم الفلاني راه في البلاد الفلانية ولا في المكان الفلاني شاد واحد القنت خدام فيه هاز فيه الراية ديال الاسلام كيمشيو لو هوما لتما وياخدو - 00:11:00ضَ

عليه العلم ويدي وعاود كيديو الشعلة النورية الى منطقة اخرى او بلدة اخرى ويشعلو عاود المشعل ديال الدين فيها كل واحد وبلاصتو فكانو متميزين بمواقع فلان الفلاني هذا المصري هذا المغربي هذا الأندلسي البصري وهكذا كل واحد تنسب لمنطقة - 00:11:20ضَ

او لبلد في كثير من الأحيان لأنه عاش فهاديك المنطقة وانار البلاد والعباد بديك المنطقة وهادي درجة ورتبة اساسية العقل ديالنا باش متشتتش لينا العمل الدعوي ديالنا را من بين اساسيات فقه الدعوة لي ملي كنتلفوها - 00:11:40ضَ

يتلف لينا العمل ديالنا مكنحسوش بأننا كنتقدمو في الإصلاح الدعوي من بين المشاكل هاد القضية مكنفدوش فيها مزيان يبدا بنادم ما عندوش اهتمام بالمجال والدعوة الاسلامية ينبغي ان يكون لها علاقة وطيدة بالمجان - 00:12:00ضَ

اش هو المجال؟ هو الحدود البيئية ديالك اللي عايش فيها ونطبقو على الواقع ديالنا حنا عايشين فمكناس كل واحد فينا خصو يكون عندو اهتمام بمكناس اللي عايش فمكناس خصو يكون عندو اهتمام بالمدينة ديالو دعويا يرفد لها الهم حجم الفساد اللي فيها كيداير كيزيد ولا كينقص الطبيعة ديالو - 00:12:17ضَ

ولا خايبة ولا خطيرة كتحارب الدين ولا غير واحد الفساد عادي لازم غير متعدي حجم الصلاح لي عندنا في البلاد كيداير عدد المساجد وعدد الخمارات شكون لي كتر من لاخر؟ هادشي كلو مهم جدا باش الإنسان كيكون فعلا مرتبط بالمجال ديالو وحاس عندو حاسة - 00:12:37ضَ

بحال هداك الآلة لي كتحس بالزلازل قبل متوقع. هاديك الآلات الحساسة لي آلات الإنذار بالزلازل كترصد واحد البقعة ارضية معينة على بعد وحساس يعني واحد الميزان دقيق دقيق دقيق كيشعر بالحاجة قبل ما توقع - 00:12:57ضَ

المومن هكدا خصو يكون في علاقاته المحدودة بمكان معين ميمكنش يكون عندو هو الإحساس ديال الكرة الأرضية كلها اش وقع فيها واش غادي يوقع؟ ميمكنش ولكن بلادك خصك تعرفها. النبي عليه الصلاة والسلام لما ارسله الله عز وجل الى الناس كافة يعني كلشي الكرة الأرضية درب - 00:13:16ضَ

بعدا فواحد المرحلة سابقة على المجال على مكة والحدود الجبلية ديالها قال الله عز وجل لتنذر ام القرى ومن حولها خدم غير هنا دابا تفاهم مع المجال ديالك. عرف حجم الفساد لي عندك والطغيان لي عندك والضلال لي عندك. وفكر في الوسائل العملية الممكن باش - 00:13:36ضَ

حل المشكلة ديال مكة ومن حولها وطبعا باش غادي ينطلق ننطلق بحبابو والقرابليه ولذلك قالو الله عز وجل وانذر عشيرتك الاقربين بني عمك مراتك ابوك بدا بهاد الفئة هادي ما تبدا بها خدم في مكة ومن حولها يعني البدو لي دايرين بالمدينة الكبيرة البدو خدم بهادي وبدكشي لي داير - 00:13:57ضَ

ركز مزيان لأنه الى مشيتي درت عقلك الهم العالمي تشتت مغتخدمش مزيان مستحيل الضو الضو الى ركزتو على واحد المنطقة بحال ديك البيل لي مركزة شوف مزيان الى طلقتو تشتت ما تشوف والو - 00:14:25ضَ

ولذلك حنا ماشي رسل ما يمكناش نقابلو المغرب كامل ولا العالم كامل هنا كنقومو بشل تكلفنا به وهو التدين يعني الصلاة والأمور ديالنا الشخصية سم بالمحيط ديالنا لي كنحتكو صباح وعشية وهو البيئة ديالنا ولذلك الله عز وجل راه مقابل الجهة الاخرى ماترفدهاش انت الهم اكثر من القياس - 00:14:41ضَ

يرفد الهم من موضعك الله تعالى دارك هنا باش تخدم هنا. لهيه دار فيه ربي لي خدم لهيه. ماشي شغلك واش انت غادي ترفد الهم لسيدي ربي سبحانه؟ هذا غلط كبير. كل منطقة الا وبعث الله فيها. من يجدد لها امر دينها - 00:15:08ضَ

البلاصة الخاوية اطلاقا ويلا خاوية راه الله عز وجل يمهد لها امرا حكمة وما تدري انت تخدم هنا ولا على اله عز وجل يجيب لك من اخر البلاد واحد اللي يتأثر بك هنا ويدي الشعلة لهيه - 00:15:26ضَ

اما الى بغيت تشعل كلشي را ما تشعل تا وحدة فإذا رتبنا الكلام من قبل وتكلمنا على ان الإنسان ينبغي ان يقرأ باسم ربه انديروا واحد المراجعة دابا مختصرة باش نعرفو هاد الكلام ديال اليوم الحلقة ديالو فين جات - 00:15:43ضَ

وقلنا بأن الإنسان خصو ينطلق بسم الله عز وجل مرتبطا بالله ويقرأ المفاهيم وحنا قلنا القراية راه ماشي هي القراية الله عز وجل قال سيدنا محمد اقرأ باسم ربك الذي خلق وعمرو ما قرا والراجح عند المحققين انه مات عليه الصلاة والسلام وهو ما كيعرف يكتب ما كيعرف يقرا - 00:15:59ضَ

ولكن قالو اقرأ باسم ربك واش كيكلفو شي حاجة لي فوق طاقتو؟ هاديك القراية ديال المفاهيم يعني ان الفهم ديالك يفهم وانك في الحركة ديالك الدعوية للعمل ديالك تكون مرتبط بالله عز وجل خالق الكون الذي خلق تسند كل شيء لله باش كتقوى - 00:16:19ضَ

عقديا وكتنطلق بقوة تا حاجة ما تقدر توقف قدامك. وحتى حاجة ما تخلعك ثم بعد ذلك جات القواعد ديال صورة المدثر لي كتعطيك واحد الدفعة اخرى. ما اسست العقيدة في تصورية ديالك وديال الوجود ديالك في اقراء - 00:16:39ضَ

كتجي يا أيها المدثر قم فانذر وربك فكبر وثيابك فطهر ورجزة فاهجر ولا تمن تستكثر ولربك فاصبر اعطتنا قواعد عملية وحدة شادة فوحدة وحدة نتيجة على وحدة العملية ديال التغيير ها المتطلبات ديالها وها المزاليق ديالها ها فين يمكن يوقع لك الخطر - 00:16:54ضَ

ها الدخلة ديالي ابليس التكسير ها الأثر ديال الناس والفتنة ديال الناس ولربك فاصبر ثم قبل ذلك ها الأشياء اللي خصك ان منها وتكون مصفية من تصفية العقيدة وتصفية النفس من الذنوب الى اخره مما تكلمنا عليه - 00:17:14ضَ

وبعد ذلك ملي الإنسان كيشد القواعد ديال الخدمة هادي الأدوات باش غادي يتحرك ويخدم خصو يعرف باش يبدا خصو يعرف باش يبدا جات الأولويات الدعوية على جوج دلأولويات كبار القرآن وقبل السنة. ماشي السنة لا. لا السنة نعم. ولكن القرآن اولا عاد السنة - 00:17:31ضَ

والفرض قبل النافلة ومانكونوش مقلوبين فمخنا تهتم بتفاصيل السنة وواجبات كبار فالقرآن مزال مخدامينش هذا غلط تهتم بجزئيات صغيرة في النافلة والفرائض الكبار باقي معوجهم هذا غلط لا الالتزام ديالك الشخصي ولا في الدعوة ديالك للناس. مخاطبة الناس بالقرآن قبل السنة. مخاطبة الناس بالفرض قبل النافلة وبعد ذلك - 00:17:51ضَ

فين تخدم في مكناس؟ اذن ها الخدمة تركبت بقات خصك تنزل للواقع الواقع ديالك هو مكناس. لتنذر ام القرى ومن حولها. وانذر عشيرة وخمم ورفد الهم للمدينة ديالك وللناس ديالك وخاص يكون عندك احساس ديال الحوت احساس ديال الحوت اش كنقصد به - 00:18:21ضَ

الحوت كيعيش فواحد البركة مائية او بحر او واد الى تخلط عليه الما كيحس بيه لأنه عايش فواحد الفضاء مائي الى تخوض الى سخن الى برد كتر من القياس لي هو مولفو الى تلوس توسخ ملي يزيد كتر من القياس كيموت وكيطلع للفوق صافي - 00:18:41ضَ

راه حنا بحال داكشي تماما حنا نطلبو الله تعالى نكونو متدينين ونصلحو احوالنا الدينية ولكن راه حنا عايشين فواحد الفضاء راه بحال الحوت راه الى كثر علينا الوسخ الوسخ الوسخ راحنا نموتو ونجيفو ونطلعو للفوق ونتلاحو. فلذلك بنادم يكون هداك الهوى لي عايش فيه. هداك الما لي عايش فيه رد لو البال مزيان - 00:19:01ضَ

خصو يعرف واش كيتنقا ولا مكيتنقاش ولا كيتوسخ كتر من مكيتنقا ويلا كيتوسخ كتر ما كيتنقا ادن راك فالخطر خصك ترفد الهم بزاف كيفاش تحل مشكلتك المحلية فإذا هادي مرحلة اخرى خصنا نوعاو بها وقنطرة اساسية خصنا نجتازوها ونتجاوزوها باش يكون عندنا واحد - 00:19:21ضَ

بالمجال ديالنا وبالمدينة ديالنا ونهتم كثيرا بالبيئة المحيطة بنا ونخدمو فيها اولا واخيرا ماتفكرش نهائيا ترفدش الهم لجهات اخرى او حتى مدن اخرى من المغرب مدردلهاش الهم نرفدها من مدينتك لي عايش فيها لأنه المشكل اش كيوقع لينا؟ غادي للخدمة جاي للدار غادي للخدمة جاي للدار لي بغا - 00:19:42ضَ

طيح يطيح لي بغا ينوض ينوض ما جايب خبار للسوق اش فيه؟ هذا غلط خصك مدينتك ترد لها البال اخبار المدينة ديالك من الخير والشر معا ترد لهم البال باش تساهم في دفع الشر وجلب الخير. وهذا هو الواجب ديالنا واحد واحد. فالمهمة ديالنا كمهمة انبياء بني اسرائيل. من حصل - 00:20:02ضَ

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه. اللهم اعنا على ذكرك وشكرك وحسن عبادتك. واجعلنا من التوابين واجعلنا من المتطهرين اللهم صلي وسلم وبارك على سيدنا محمد واله وسلم تسليما. سبحان ربك رب العزة عما يصفون وسلام على المرسلين والحمد لله رب العالمين - 00:20:22ضَ

ودابا كيكون بعض الأحيان المثال فيه الحيلة هذا هو لي كاين ماشي هي الحيلة اولا هنا خيزو ديالنا مكيدبلش لأن عندنا الدين عمرو ما يذبال بنادم هو لي كيذبال درنا داك تجديد الدين الدين عمرهوم كيتجدد لي نزل من الله راه باقي كيما هو اش كيتجدد؟ كيتجدد قلب بنادم هو لي كيتوسخ تعرض في الحديث الصحيح تعرض الفتن - 00:20:41ضَ

قلوب عرض الحصير عودا عودا هادي تلت شهور حتى انه فأيما قلبي شربها نكست فيه نكتة سوداء حتى يصبح القلب مجخيا كالكوز لا يعرف معروفا ولا ينكر منكرا اذن القلب - 00:21:02ضَ

شكون لي كيتوسخ؟ هادي اساسية اذن حنا يعني البضاعة ديالنا لا تذبل ولا تتسخ ولا تموت فهي دائما الحمد لله جديدة المشكل ديال بنادم طيب فإذا فشلت انا فهاد المنطقة منين المشكل؟ المشكل مني انا بدل ما نرحل نراجع نفسي ونشوف الأساليب ديالي - 00:21:15ضَ

وما راني غالط فالطريقة باش راني نتعامل مع الناس جربت هاد الوسيلة بدل الوسيلة التانية بدل التالتة حتى تلقى الشكل المناسب لأنه مستحيل مستحيل المسلمين ميسمعوش الإسلام ما يمكنش فين المشكل كاين؟ المشكل فطريقة توصيل الإسلام للمسلمين في كثير من الأحيان ما كتكونش في مستقيمة وصحيحة فإذا لما - 00:21:36ضَ

نفهمو الطريق الحقيقية لي نخدمو بها بإذن الله عز وجل راه يوصل الخطاب لكل مكان. لكل مكان مكاينش شي منطقة لي تقول اودي راها متسمعش الإسلام. كل منطقة الا فيها خير فيها قابلية مهم كاين احصاءات جديدة ديال التسعينات هادشي كلو علاش؟ يعني مهم في نهاية المطاف غنلقاو بضعة الاف غنلقاو الالاف الالاف هو سيدنا محمد - 00:21:58ضَ

براسو العدد د السكان لي كانوا فداك الزمان ديالو غادي تلقاهم اقل من السكان دياول مكناس ودار بهم داكشي لي دار في العالم كلو في العالم كلو يعني بضعة الاف غادي تلقاها يعني الزمن ديال سيدنا محمد يعني بالجزيرة العربية كلها كاع اللي كانوا البشر اللي كانوا ديك الساعة - 00:22:18ضَ

من هنا اذن كتحس بالفعل بأنه راه كل مدينة كتشكل تكتل بشري كافي باش الى بارك فيها الله عز وجل منها نواة نواة للدعوة الاسلامية في البلاد كلها نواة يعني قلب ديال الحاجة الى شعلت مزيان غادية ضوي على كلشي ولكن يكون غير التركيز راه المشكلة ديال الدعوة والدعاة - 00:22:35ضَ

راه واحد المشكل خطير مدمر سنوات هادي والخدمة في المغرب بسبب التشتات سبحان الله العظيم بقات الأمور غير في السطح بينما يكون تأسس واحد عمل قوي فواحد المنطقة تولي قلعة حصن - 00:23:00ضَ

للدين واهله وتبدا تصدر الخير للجهات الأخرى ويجيو الناس من الجهات الأخرى ياخدو كيما كانو زمان ياخدو فلذلك يعني الإهتمام بالبلاد الإهتمام بدور القرآن فيها الإهتمام المساجد فيها قداش ما استطعنا نهتمو بمراكز الاحياء الديني راه شي كبير وبالرسالة القرآنية الكلام اللي قلنا في الدرس السابق الرثام - 00:23:13ضَ

قرآنية خصنا نقلبو على القرآنيين كتر من السنيين دابا هي في السبعينات والتمانينات شاعت واحد السمية كيقولو فلان سني باش تعرف بنادم راه بدا كان خصو يقولو فلان قرآني علاش مدازتش هاد المرحلة - 00:23:33ضَ

قرآني وهادو القرآنيين قالوا السنيين بداو بتنين وخلاو واحد ما مشاتش العجلة مزيان لأنه ماديماراوش مزيان من البداية خصنا القرآنيين والتهمة ديال القرآني عزيزة لأن الى قال القرآني هو اللي خسر مخيرة وهادا غزو تغزو به البلاد والعباد سلاح كبير - 00:23:47ضَ

انه الناس يتنسبو للقرآن والخدمات القرآن بالمعنى لي تكلمنا عليه ماشي زعما ضروري بنادم يكون حافظ القرآن لا غي نهتم الشوق د القرآن عندو والاحتضان ديالو العطف على ماليه والتدريس ديالو والتكسير من السواد ديال المهتمين بالقرآن والمتداولين القرآن والمفاهيم القرآن والعبارات القرآن والفرائض - 00:24:08ضَ

اركان القرآن خصنا القرآنيين فعلا قبل السنيين اذن هادي الى خدمنا بهاد القواعد بإذن الله عز وجل ان شاء الله الرحمان الرحيم راه بإذن الله يعطي واحد اثر كبير هاد الكلام راه زعما كينزل علي الوحي ولا الإله انا غي كنقراه راه هادي تجارب ديال الناس فعلا اللي غلطوا ووقفوا وغلطوا ووقفوا وفشلوا وعاودوا فشلوا حتى وصلوا - 00:24:28ضَ

الحقائق ديال سنوات ناخدوها من هنا ومن هنا ومن هنا وكنركبو هادشي ونحطوه لا اقل ولا اكثر الله اعلم ودوما يتجدد اللقاء بمشيئة الله - 00:24:48ضَ