Baheth

السلام عليكم ورحمة الله وبركاته اهلا بحضراتكم في المقطع رقم متين تسعة وتسعين من مقاطع حظر التجول. والمقطع رقم عشرة من مقاطع سورة المؤمنون. بكرة المقطع رقم تلتمية الحمد لله وفيه ناس في فرنسا عاملين تورتة وهيحطوا لنا صورتها وهيكتبوا عليها تلتمية - 00:00:04ضَ

ان شاء الله عايزكم تبقوا دعاية تحتفلوا كده بالموضوع ده ابتداء من الليلة. تشدوا انزار الناس وتجزبوا ناس اكتر عشان يشاركونا في الثواب ده بحب اعتزر الحقيقة مرة اخرى على الارهاق الشديد اللي اثر على حلقة امبارح - 00:00:31ضَ

وهنمر على الايات آآ مرة اخرى سريعا النهاردة الايات اللي اخدناها امبارح واحب اشكر حضراتكم جدا جدا والله على المساندة بتاعتكم والدعوات الحلوة اللي بتجي لي على في الرسايل وفي التعليقات - 00:00:47ضَ

احب اقول انا انا اطمنكم الحمد لله انا مش مريض ولا حاجة انا بس يعني ارهاق من قلة النوم من اكتر من حوالي خمس تيام تقريبا يعني ما بنامش خالص اعتقد ان انا الحمد لله في - 00:01:01ضَ

من شوية دلوقتي يعني. كنت باخد الدواء غلط زي الراجل اللي كان بياخد الدواء في ودانه. الدكتور محمد عبدالحكم باعت لي ميلاتونين عشان النوم. واكتشفت انا بقى لي ست اشهر - 00:01:11ضَ

انه لازم الحمد لله عموما في ناس طلبت ان احنا ناخد راحة من التدبر والحقيقة الراحة بتكون من شيء متعب ما حدش بياخد راحة من الراحة. والقرآن هو الراحة آآ وقلة النوم مش شبابها القرآن اطلاقا ولا تدبر اطلاقا. انا الحلقة دي بتاخد مني في حدود خمس ساعات في المتوسط عشان تجهز - 00:01:21ضَ

خلونا نبدأ ان شاء الله وخلوها على الله واحنا ان شاء الله مستمرين وبازن الله لو ربنا اراد وشاء مستمرين بازن الله بازن الله بدون توقف الى ان احنا نتم القرآن الحمد لله. احنا دلوقتي ماشيين في الجزء الحداشر يعني - 00:01:48ضَ

تدبرنا امبارح تعجب القرآن من موقف المشركين العجيب. اللي لا يوجد له اي مبرر اللي هو التكذيب النبي بالشكل ده والكفر بما جاء بدون اي مبرر بالرغم انه بالرغم انه اقرا معي في التمانية وستين بسرعة - 00:02:03ضَ

افتح تمانية وستين اعوذ بالله السميع العليم من الشيطان الرجيم. افلم يتدبروا القول. يعني هو بيقرا عليهم وحي بلغة تانية مسلا بالهندي. ما بيقرا عليهم وحي والعربية بلغتهم مش بلغة غير مفهومة - 00:02:23ضَ

ام جاءهم ما لم يأت اباءهم الاولين؟ ولا هو جاب لهم عقيدة غريبة عن اللي جت لاجدادهم؟ هي نفس ملة ابراهيم اللي هم اصلا بيدعوا الانتساب لها. على فكرة الكفار آآ الكفار الجزيرة العربية كانوا بيدعوا الانتزام لمهنة ابراهيم. يعني ما كانوش بيسموا نفسهم مشركين - 00:02:40ضَ

او ما كانوش بيسموا نفسهم عبدة اصنام. هم كانوا بيبرروا عبادة الاصنام ويقولوا انما نعبدهم ليقربونا الى الله زلفى اقرا معي تسعة وستين ام لم يعرفوا رسولهم فهم له منكرون - 00:02:58ضَ

ولا هو وهو كمان ما كانش مجهول بالنسبة لهم ده من اهم عائلة في اهم قبيلة ايه الموضوع؟ ما فيش اي عزر خالص. اقرا سبعين ام يقولون به جنا ما يقدروش يقولوا ان هو كان مجنون وبيدعي النبوة لانه كان مجنون. احنا النهاردة بيجي يظهر ناس بتدعي النبوة او تدعي ان هي المهدي المنتظر او تدعي ان هي مش عارف الالوهية - 00:03:12ضَ

في ناس مخها خفيف ناس مخهم شوية. لكن هو كان معروف بالعقل والحكمة في وسطهم لما القبائل كانت هتتقاتل راحوا يعني يعني قرروا ان هو اللي يحكم بينهم وشافوا فيه العقل وشافوا فيه الحكمة - 00:03:32ضَ

انا معي اتنين وسبعين ام تسألهم خرجا فخراج ربك خير. وهو خير الرازقين. وما يقدروش يقولوا انه كان بيدعي النبوة عشان ياخد منهم فلوس. او يستفيد ماديا. لان الكل كان شايف - 00:03:46ضَ

هو كان عايش ازاي وما كانش بياخد منهم فلوس لذلك هم اللي جلبوا على نفسهم الخراب واستحقوا غضب الله لان النبي صلى الله عليه وسلم لم يأتيهم الا الا ايه؟ اقرا معي تلاتة وسبعين وانك لتدعوهم - 00:03:57ضَ

الى صراط مستقيم. النبي لم يدعو الا للخير والاستقامة لكن صراط مستقيم ايه اللي هيمشوا عليه دول بتوع صراط مستقيم؟ دول بتوع دول بيمشوا ماشية ماشية عوج دول بتوع الصراط المعوج بس - 00:04:14ضَ

ازا هم اللي جابوا الخراب ده على انفسهم وهم يستحقوا غضب ربنا عليهم لان النبي كان بيدعوهم لصراط مستقيم. ليه ليه يعصوه يعني؟ كان بيدعوهم يسرقوا يعني اقرا معي اربعة وسبعين - 00:04:29ضَ

ان الذين لا يؤمنون بالاخرة عن الصراط لناكبون. الناس اللي مش بتؤمن بالبعث وبالحساب دول بيحيدوا عن الصلاة. هو ليه مش عايز بعثة الحساب ما يتحاسبش على اللي بيعمله في الدنيا. عشان اللي يظلم زي ما هو عايز في الدنيا - 00:04:41ضَ

ويعربد زي ما هو عايز في الدنيا فلو ربنا كشف عنهم العذاب سيستمر في طغيانهم وضلالهم. لو ربنا نزل عزاب عليهم وكشفوا زي ما كشف العزاب عن قوم يونس وقلنا قوم يونس القوم الوحيدين اللي كان - 00:04:55ضَ

بدأ ينزل عليهم سم توقف. لما رجعوا وتابوا. وسبحان الله رجعوا تابوا بدون النبي. يعني بعد ما كان يونس مشي وخلاص يونس بقى في في في المركب ولا في حوت كانوا بيتوبوا وجع - 00:05:11ضَ

لكن ربنا قال عنهم ايه بقى كفار الجزيرة العربية في خمسة وسبعين ولو رحمناهم وكشفنا ما بهم من ضر للجوا في طغيانهم يعمون. ابن عباس عنده ترجمة عنده عنده اه شرح هنا ان العذاب هنا كان هو غزوة بدر - 00:05:28ضَ

من عزبوا جامد في غزوة بدر يعني يعني آآ كان عندهم ايه؟ كان عندهم تقريبا خمستاشر في المية ضحايا ما بين آآ اسرى وقتلى الجيش تقرا معي آآ ستة وسبعين ولقد اخذناهم بالعذاب فما استكانوا لربهم وما يتضرعون. دول ما بيتراجعوش دول. اصل هو - 00:05:46ضَ

ربنا لما بينزل عزاب على حد او شيء من من من الابتلاء في الدنيا بيبقى عشان يدي له فرصة يرجع قبل ما يموت فربنا بيقول في سورة السجدة ولنذيقنهم من العذاب الادنى دون العذاب الاكبر لعلهم يرجعون. يعني ربنا بيذيق الناس بيدوق - 00:06:10ضَ

ناس بيدوق دوقان بس شوية صغيرين كده من العذاب الادنى. يعني الاقرب اللي هو في الدنيا. الدنيا تسمى دنيا لانها قريبة الدنيا القريبة احنا بنسميها في الانجليزي حتى في الترجمة بتاعتنا الدنيا يعني - 00:06:37ضَ

وممكن زلور الادنى يا اما معناه الاوطى او الاقرب. لكن هي غالبا معناها الادنى يعني الاقرب. الحياة الاقرب الحياة الدنيا هي الحياة الاقرب والحياة الاخرة اللي بعدها يعني ربنا بيذيق الناس عذاب صغير كده في الدنيا هم - 00:06:53ضَ

قبل العذاب الاكبر بتاع الاخرة لعلهم يفوقوا لنفسهم ولنذيقنهم من العذاب الادنى دون العذاب الاكبر لعلهم يرجعون. هنا الادنى معناه الاصغر الاكبر. طيب لكن هناك نوعية من الناس ما بتفوقش - 00:07:15ضَ

ما بتفوقش فيبدأ بقى استعراض قدرة ربنا في الاية تمانية وسبعين. اقرا بقى معي تمانية وسبعين وهو الذي انشأ لكم السمع والابصار والافئدة قليلا ما تشكرون. ربنا انعم عليكم بالادوات اللي تتعلموا بها - 00:07:34ضَ

فهل شكرتم ادوات ما هو ربنا يعني اخرجكم من بطون امهاتكم لا تعلمون شيئا. ربنا خرجنا من طون امهاتنا. ما نعرفش حاجة ما عندناش اي معلومات وادانا السمع قلنا السمع مفرد. لان السمع ما بيتعددش. الناس اللي قاعدين في الاوضة كلهم سامعين نفس الحاجة - 00:07:53ضَ

والابصار وتعددت الابصار لان مش كل واحد شايف زي التاني اللي قاعد على اليمين شايف الناحية دي كويس واللي قاعد على الشمال شايف الناحية دي كويس فالابصار بتختلف حسب موقع الانسان. انما السمع كله سمع نفس الحاجة مهما كان الناس - 00:08:14ضَ

والافئدة الفؤاد هو القلب المحترق. فربنا اداك قلب بيحترق على على على العلم عشان انت تطلب العلم هنا بقى نبدأ تدبر ايات الليلة. الايات تسعة نبدأ النهاردة من الاية تسعة وسبعين - 00:08:30ضَ

وهو الذي ذرأكم في الارض واليه تحشرون ربنا بيذكرهم انه زي ما هو اللي خلقهم في ارحام امهاتهم فهو اللي بيكفر اعدادهم في الارض ما رأكم جاي من كلمة ذرية يعني يعني يكفركم ربنا بيكفركم وذرائكم في الارض. ربنا هو اللي كتركم - 00:08:44ضَ

في الارض وجعلكم تتناسلون واليه تحشرون. يعني ربنا جابكم من ارحام امهاتكم. وخلاكم تكتروا في الارض وانتم كل ده في الطريق الى ايه؟ في الطريق اليه راجعين ان لله يعني ان احنا ملك لله - 00:09:08ضَ

وان احنا اليه راجعون. احنا راجعين له احنا بنحشر لربنا سبحانه وتعالى طبعا هم مستبعدين اوي مسألة البعث. بعد الموت اقرا الاية تمانين وهو الذي يحيي ويميت وله اختلاف الليل والنهار افلا تعقلون؟ يعني بيقولوا انتم ايه ما بتفكروش - 00:09:25ضَ

ما عندكوش مخ افلا تعقلون؟ هو اللي بيحيي ويميت. وله اختلاف الليل والنهار. ليه مستبعدين البعث؟ القوي القادر الذي عن كل ذلك بيحيي ويميت سيبعث من في القبور. ايه المشكلة يعني؟ افلا تعقلون؟ انتم ما بتفكروش؟ اقرا واحد وتمانين. بل قالوا مثل ما قال الاولون - 00:09:58ضَ

بعد كل ده بدل ما يشغلوا عقلهم ويؤمنوا لأ نفس الغباء بتاع اجدادهم بالزبط بل قالوا مثل ما قال الاولون ما فيش لا يعقلون بل قالوا مثلما قال الاولون. والاولون قالوا ايه بقى؟ اقرا اتنين وتمانين وتلاتة وتمانين - 00:10:21ضَ

قالوا ائذا متنا وكنا ترابا وعظاما. ائنا لمبعوثون؟ لقد بعدنا نحن واباؤنا هذا من قبل ان هذا الا اساطير الاولين نفس المادية ونفس الخيابة بتاعة اجدادهم اللي قالوا نفس الكلام ده. ونفس المادية ونفس الخيانة بتاعة احفادهم اللي موجودين دلوقتي - 00:10:37ضَ

هي بالزبط لو تدخل كده تشوفه من كم سنة طلع في مؤتمر هنا في لندن هو وريتشال دوكنز الاتنين دول صناديد الالحاد في العالم طلع قال عن الاديان هل الدين ده - 00:11:01ضَ

يعني ايه عشان تعرفوا ان فيه يعني ايه؟ اقرا اخر الاية الاية تلاتة وتمانين ان هذا الا اساطير اولين اساطير الاولين يعني هي نفس الكلام نفس الكلام مكرر بقى لهم الاف السنين بيعاندوا في وحي ربنا - 00:11:16ضَ

وما بيصدقهوش. وربنا يعلم طريقتهم في التفكير وبيكشفها لنا دلوقتي قدامنا في القرآن. بقى معقول لما نموت ونبقى تراب نرجع تاني من اول وجديد ما هو ربنا اللي خلقكم اول مرة - 00:11:36ضَ

هو الاصعب هو الخلق اول مرة؟ ولا اعادة الخلق تاني مرة زي المرة اللي قبلها؟ انهو اصعب يعني انت انت مش عارف تفسر الخلق اول مرة مستبعد ليه؟ ان اللي جابك اول مرة يجيبك تاني تاني مرة. ايه المشكلة يعني - 00:11:50ضَ

وبيتحدوا بقى المرة دي احنا اتقال لنا الكلام ده احنا واجدادنا قبل كده وما فيش حاجة حصلت ولا هتحصل شوف الاية اه تلاتة وتمانين لقد وعدنا نحن واباؤنا هذا من قبل - 00:12:04ضَ

ايوا يا باشا وعدتم ايه؟ البعث بعد الايه؟ بعد يوم القيامة انتم دول لسة القيامة ما قامتش يبقى مش هتقوم آآ تفتكروا ان هم لازم يفوقوا بقى شوية لازم يفوقوا كده نفوقهم بشوية اسئلة من اللي ما يعرفوش يجاوبوهم ما يعرفوش يهربوا منها. اسألهم يا محمد هو الارض واللي عليها كده كلها - 00:12:19ضَ

ملك لمين ؟ واسألهم يا محمد. مين اللي بيرعى وبيحفظ السماوات بما فيها ومين اللي له السلطان وبيتخذ القرار واسألهم يا محمد مين المتحكم في شأن كل شيء في الدنيا؟ اسئلة تفوقهم اقرا - 00:12:42ضَ

معايا اربعة وتمانين لتسعة وتمانين قل لمن الارض ومن فيها ان كنتم تعلمون سيقولون لله قل افلا تذكرون قل من رب السماوات السبع ورب العرش العظيم سيقولون لله قل افلا تتقون - 00:13:00ضَ

كل من بيده ملكوت كل شيء وهو يجير ولا يجار عليه. ان كنتم تعلمون سيقولون لله قل فانى تسحرون. طبعا كفار زمان كانوا مؤمنين بوجود الخالق. لكن كانوا بيشركوا مع الله - 00:13:20ضَ

مش مؤمنين بالاخرة والبعث والحساب! يعني مش مؤمنين بالاخرة ولا بالبعث والحساب طبعا وكانوا بيشركوا مع الله لكن كانوا بيقولوا ان هناك خالق ما لهاش حل وهو الله لكن كفارنا النهاردة معديين بقى - 00:13:38ضَ

مش مؤمنين بوجود الخالق اصلا لكن بيقولوا ممكن يكون فيه قوة من خارج العالم خلقتنا ثم تركت العالم يعمى قالوا من خارج العالم يقول لك لازم القوة دي ما تكونش محدودة بالقدرة اللي جوة احنا طب ما احنا بنقول ان ربنا كده. واحنا بنقول ان ربنا من جوة العالم - 00:13:54ضَ

طيب اذا احتمالية وجود خالق عندهم عند الكفار النهاردة ما زالت يعني هي موجودة ولزلك الايات اللي قرأناها دي هنتدبرها دلوقتي تنطبق على كفار النهاردة ايضا وعلى الملحدين كمان اربعة وتمانين - 00:14:18ضَ

قل لمن الارض ومن فيها ان كنتم تعلمون اصل لا يقول ان الارض بلا مالك وبلا متحكم فيها متسابة كده سبهللة شغالة كده بالبركة كده شيطاني كده الا انسان جاهل. عشان كده ربنا بيقول قل لمن الارض ومن فيها ان كنتم تعلمون - 00:14:41ضَ

عندكم شيء من العلم لا يمكن يكون هذا النظام المحكم اللي ماشي بدون ما يكون له حد متحكم فيه اقرا خمسة وتمانين سيقولون لله والافلا تذكرون لازم وجود قوة بتحكم ما لهاش حل لازم وجود قوة هم هم طبعا الكفار النهاردة يقول لك قوانين الفيزيا ايوة قوانين الفيزيا مين اللي - 00:15:04ضَ

قانون الفيزيا مين اللي حطها يعني ايه اما اقول لك مين اللي بيدير البلد تقول لي القانون القانون لازم حد بينفزه. القانون ما بينفزش نفسه لابد من مشرع شرع القانون. ولابد من قوة تنفيز للقانون. مين؟ المشرع اللي شرع قوانين الفيزيا. قانون الجازبية. قانون - 00:15:32ضَ

قانون النسبية فلما يقولوا الله قل لهم طيب ليه مش بتتذكروا الاجابة دي؟ لما باكلمكم عن البعث والحساب سيقولون لله قل افلا تذكرون اقرا ستة وتمانين وسبعة وتمانين قل من رب السماوات السبع ورب العرش العظيم؟ سيقولون لله قل افلا تتقون - 00:15:53ضَ

تعبير العرش دايما يقال عن او كناية عن من بيده السلطة مين رب يعني مين اللي بيحفظ ويرزق وينعم دي اسمها صفات الربوبية قل من رب السماوات السبع ورب العرش العظيم. مين اللي بيحفز ويرزق وينعم - 00:16:23ضَ

ده كل ما في السماوات ومن هو رب العرش العظيم؟ مين صاحب الكلمة والسلطان؟ مين صاحب السلطة؟ في كل هذا اللي انت شايفه فلما يقولوا الله ما تتقوا الله بقى طالما انتم عارفين - 00:16:55ضَ

يعني يبقى بهذه القوة وهذه القدرة وانتم معترفين. وتقولوا ما يعرفش يبعثكم مرة اخرى بعد الموت. اتقوا الله بقى اقراها تاني معي. قل من رب السماوات السبع ورب العرش العظيم؟ سيقولون لله قل افلا تتقون. طب ما انتم ما انتم حلوين اهو - 00:17:13ضَ

ما زالوا متفاهمين اهو ومفكرين معي تمانية وتمانين تسعة وتمانين قل من بيده ملكوت كل شيء وهو يجير ولا يجار عليه. ان كنتم تعلمون سيقولون لله قل فانى تسحرون. اسألهم مين اللي بايده تسيير الامور - 00:17:33ضَ

تيسير امر كل شيء في الدنيا وهو يجير يعني هو بيعطي الحماية للناس ولا يجار عليه يعني ما حدش يقدر يحمي حد تاني منه. ازا ربنا اراد انه يبطش بحد ما فيش حاجة هتقدر تحميه ابدا - 00:17:57ضَ

اينما تكونوا يدرككم الموت ولو كنتم في بروج مشيدة لما يقولوا الله قل لهم ايه؟ طب امال انتم عاملين ليه زي المسحورين كده يعني الباطل مسيطر عليكم رغم وضوح الحق كده ليه - 00:18:12ضَ

سيقولون لله قل فانى تسحرون. طب انتم ما لكم؟ مسحورين ليه؟ عمر اندعو الله ان اللهم ارنا الحق حقا وان يرزقنا اتباعه ويرزقنا وآآ وان الباطل باطلا وارزقنا اجتنابه. نتوقف هنا الليلة ان شاء الله. اللهم انا نسألك حبك وحب من يحبك وحب كل عمل يقربنا الى حبك - 00:18:30ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:18:55ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحبك وملائكتك وانبيائك ورسلك وعبادك الصالحين اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك - 00:19:14ضَ

بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:19:39ضَ

اللهم بحق كل حرف في كتابك تلوناه او تدبرناه اكفنا واهلينا شر كل من يكيد لنا ولهم واحفظنا يا ربنا من شرورهم ونجعلك اللهم في نحورهم فانت الوكيل ولا حول ولا قوة الا بك - 00:20:05ضَ

اللهم من قضى منا بالوباء المنتشر فاكتب له الشهادة. ومن كان منا او من احبابنا مريضا به او حاملا له فالبسه ثوب الصحة والعافية. عاجلا غير اجل. ومن لم يصب به فقيه شره. وابعده عنه. ولا تسلطه الا على - 00:20:24ضَ

اولئك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك. وتعاهدت على نصرة شريعتك. فوثق اللهم رابطتها. وهذه مدها - 00:20:44ضَ

انتهى سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا فبمعرفتك وامتها على الشهادة في سبيلك. انك نعم المولى ونعم النصير. والسلام عليكم ورحمة الله وبركاته - 00:21:08ضَ

وكل عام وانتم بخير ومبروك المقطع رقم تلتمية غدا احتفلوا النهاردة. وادعوا الناس انها تنضم لنا بازن الله. جزاكم الله خير وبارك الله فيكم - 00:21:28ضَ