Baheth

السلام عليكم ورحمة الله وبركاته. اهلا بحضراتكم في المقطع رقم تلتمية وستاشر من مقاطع حاضر التجول والمقطع رقم اربعتاشر والاخير من مقاطع تدبر سورة الفرقان طبعا معظم الناس خمسة وتسعين في المية من الناس يريد ان الدرس يكون لايف - 00:00:04ضَ

انا على قد ما هقدر بقى يعني انا مسافر على حسب وضع الانترنت عندي هعمل ان شاء الله يبقى نحاول نخليه لايف في الفترة الجاية ان شاء الله لغاية ما نرجع عباس - 00:00:36ضَ

وانا اكتشفت كمان ان الناس بتوع اليوتيوب بيحبوا اللايف عشان يقعدوا يرغوا مع بعض ويعملوا تشات مع بعض نص ساعة قبل اللايف باستمرار على حسابي انا بقى يلا هاتوا المصاحف ان شاء الله نبدأ بسم الله اواخر آآ حلقة من حلقات تدبر سورة الفرقان. يبقى الخصال اللي احنا - 00:00:46ضَ

تدبرناها لحد دلوقتي من خصال عباد الرحمن هي ايه؟ واحد التواضع اتنين عفة اللسان والبعد عن المهاترات الكلامية تلاتة حب التهجد وقيام الليل. اربعة عدم الامن من عذاب الله. خمسة الاعتدال - 00:01:07ضَ

والوسطية في الانفاق وفي كل احوال الانسان ستة الابتعاد عن الشرك. سبعة الابتعاد عن القتل. تمانية الابتعاد عن الفاحشة اقرا معي بقى تلاتة وستين واربعة وستين واعوذ بالله السميع العليم من الشيطان الرجيم. وعباد الرحمن الذين يمشون على الارض هونا. يبقى اول - 00:01:28ضَ

هي التواضع والبعد عن التكبر والغرور. واذا خاطبهم الجاهلون قالوا سلاما. عفة اللسان والبعد عن المهاترات كلامية وعدم رد الاساءة اللفظية بمثلها والذين يبيتون لربهم سجدا وقياما. بيجدوا راحتهم وبيحبوا التهجد وصلاة الليل - 00:01:59ضَ

والقيام يعني اقرا معي خمسة وستين وستة وستين. والذين يقولون ربنا اصرف عنا عذاب جهنم ان عذابها كان غراما. انها ساءت مستقروه ومقاما. يبقى عدم امن من عذاب الاهل سبعة وستين والذين اذا انفقوا لم يسرفوا ولم يقتروا وكان بين ذلك قواما - 00:02:23ضَ

الاعتدال والوسطية في كل احوال الانسان وطبعا منها الانفاق والذين لا يدعون مع الله الها اخر. الابتعاد عن الشرك. ولا يقتلون النفس التي حرم الله الا بالحق الابتعاد عن القتل ولا يزنون. الابتعاد عن الفاحشة. ومن يفعل ذلك - 00:02:57ضَ

فيلقى اثاما. ثم بعد ذلك بقى تكلمنا عن التوبة واهمية ان الانسان يتبع التوبة بالعمل الصالح. نبدأ فتدبر الليلة من الاية اتنين وسبعين اقرا معايا الاية اتنين وسبعين والذين لا يشهدون الزور واذا مروا باللغو مروا كراما - 00:03:23ضَ

دي الصفة التاسعة والذين لا يشهدون الزور برضه بيعرفوا بما لا يفعله بيعرفوا بعدم شهادتهم للزور. ده معناه ان شهادة الزور بتكون انتشرت واصبحت مقبولة في المجتمع ده فيه قهوة في وسط البلد ورا مجمع المحاكم اسمها قهوة شهود الزور - 00:03:47ضَ

اسمها كده زي قهوة الكومبارس اللي ورا شارع محمد عقل زي قهوة السواقين فيه قهوة بتروح تأجر منها شهود زور والناس تاخدهم معهم المحكمة او تاخدهم معهم يشهدوا على محضر في قسم البوليس - 00:04:16ضَ

كلنا شفنا المقطع بتاع الست اللي بتكلم الدكتور مبروك عطية وبتحكي له وبتحكي له عملت ايه في جزء بنتها؟ قالت له جبنا عشرين راجل وخدنا العفش وجبنا شهود زور وتقول لها عادي جدا - 00:04:31ضَ

لان ده حل مقبول في الوسط بتاعها عادي جدا. طب هات شهود زور ورح واعمل مش عارف ايه من اشكال يا جماعة شهادة الزور اللي اصبحت منتشرة جدا الخطاب المضروب اللي بيطلع من شركة فلان ان فلان اتدرب عنده او اشتغل - 00:04:48ضَ

عنده عشان يبقى عنده خطاب خبرة يحطه في السي في بتاعه. طب ما ده شهادة زور خطاب الخبرة المضروب اللي بنسميه خطاب جدعنة ده شهادة زور قال النبي صلى الله عليه وسلم في الحديث المتفق عليه - 00:05:09ضَ

عليه عن البخاري ومسلم اتفقوا عليه الا انبئكم باكبر الكبائر الا انبئكم باكبر الكبائر الا انبئكم باكبر الكبائر. قالها تلات مرات قلنا بلى يا رسول الله قال الاشراك بالله وعقوق الوالدين وكان متكئا فجلس. يعني اعتدل في جلسته - 00:05:24ضَ

من الاهتمام الا وقول الزور الا وشهادة الزور. وما زال الراوي بيقول وما زال يكررها حتى قلنا ليته سكت. يعني فضل يقوم الا وقول الزور الا وشهادة الزور. الا وقول الزور الا وشهادة الزور. فضل يكررها لغاية ما الصحابة قالوا يا ريته - 00:05:53ضَ

ارفاقا به عشان ما يشقش على نفسه. قعد يكررها كتير علشان يحذر منها لان بعض الناس بيتساهل فيها او بيجي وقت بتبقى مقبولة مجتمعيا لدرجة ان اللي ما بيشهدش الزور يعرف بانه ما - 00:06:17ضَ

ماتش الزور المفروض ده يكون شيء طبيعي كمل الاية واذا مروا باللغو مروا كراما اللغو هو كل كلام باطل مريت بناس قاعدين بيتكلموا في اعراض الناس. او بيغتابوا الناس. مر مرور الكرام - 00:06:35ضَ

واذا مروا باللغو مروا كراما. مرور الكرام. الكريم يعني الانسان النبيل. الذي لا يشارك في هذا اللغو يعني اعرض عنهم في سورة المؤمنون دبرنا. تاني خصلة من خصال المؤمنين ايه؟ لو تفتكروا سورة المؤمنون ابتدت كده. قد افلح المؤمنون - 00:07:03ضَ

الذين هم في صلاتهم خاشعون والذين هم عن اللغو معرضون. تاني خصلة على طول بعد الخشوع في الصلاة. الذين هم عن اللغو معرضون يبقى مرور الكرام ده يعني ايه واذا مروا باللغو مروا كراما؟ يعني بيعرضوا عن اللغو. لا يشاركوا في اللغو - 00:07:26ضَ

المؤمن ما ينفعش يبقى معهم معهم عليهم عليهم عليهم كل ما يقعد مع ناس يبقى زيهم. لأ لازم يكون لك شخصيتك. شخصية المسلم. شخصية عباد الرحمن. شخصية المؤمن الناس هي اللي تقلدك. مش انت اللي تروح تقلد الناس الخيبانة - 00:07:46ضَ

قال رسول الله صلى الله عليه وسلم لا تكونوا امعة تقولون ان احسن الناس احسنا. وان ظلموا ظلمنا ولكن وطنوا انفسكم ان احسن الناس ان وان اساءوا فلا تظلموا يعني البني ادم ما يبقاش امعة يعني طرطور. من الاخر بقى - 00:08:03ضَ

الرسول عليه الصلاة والسلام بيقول لا تكونوا امعة. ما تبقوش طراطير. لما الناس تحسن تحسنوا. لما الناس تسيء انتم كمان تسيئوا لا ما ينفعش. لما الناس تحسن تحسن ولما الناس تسيء انت تحسن برضو - 00:08:28ضَ

ما تبقاش زيك زي الناس. يبقى تمر بناس بتقعد تقول كلام فارغ وتهبل تعرض عن هزا وتمر مرور الكرام اقرا تلاتة وسبعين والذين اذا ذكروا بايات ربهم لم يخروا عليها صما وعميانا - 00:08:41ضَ

دي الصفة الحداشر. يعني اذا ايات ربهم تفاعلوا معها بقلوبهم تأثروا بها. يعني ايه؟ يعني لما يسمع ايات ربنا ما يبقاش كده ايه؟ آآ الاطرش في الزفة اكنه مش سامع ومش شايف لأ - 00:09:02ضَ

ده اللي احنا بنسميه التدبر القلبي. اللي احنا بنعمله مع بعض اسمه تدبر عقلي. انما هناك التدبر القلبي ازاي؟ بنروح نتفرج على حلقات دورة مفاتح التدبر اللي احنا بنحطها في كل بوست في الفيسبوك وموجود عندكم القناة - 00:09:22ضَ

بتاعة اليوتيوب دورة مفاتيح التدبر ارجع لحلقات مفاتيح الدبر هتعلمك يعني ايه تدبر قلبي النبي صلى الله عليه وسلم كان اذا مر باية ذكر فيها العذاب استعاذ بالله من العذاب - 00:09:42ضَ

واذا مر باية ذكر فيها النعيم سأل الله النعيم ولفظ الاية يعني ايه اية يقبل انها تكون اية قرآنية او اية كونية يعني هناك ايات الله في الكون الانسان لما يذكر بها لما يتفكر فيها - 00:09:57ضَ

يتفاعل معها. الكورونا اللي احنا عايشين فيها دي اية من ايات الله اية من ايات قدرة الله لما نذكر هذه الاية يجب نتفاعل معها فتذكرنا بقوة الله. وبقدرة الله. الشمس اية من ايات الله. القمر اية من ايات الله. المنازر الطبيعية الجميلة - 00:10:21ضَ

اية من ايات الله. الافلام اللي بتسجل في اعماق البحار دي اية من ايات الله كل ده يجب ان هو يذكرنا بقدرة الله فلا نمر عليه صما وعميان. يعني دون تفاعل كاننا لم نسمع ولم - 00:10:40ضَ

الصفة الاتناشر والذين يقولون ربنا هب لنا من ازواجنا وذرياتنا قرة اعين واجعلنا للمتقين اماما تعبير انجليزي بيوصف البني ادم انه فاميليمان او مش فاميليمان يعني شخص منتمي لاسرته مهتم بهم - 00:10:58ضَ

والذين يقولون ربنا هب لنا من ازواجنا وذرياتنا قرة اعين. عباد الرحمن مهتمين باسرهم درجة انهم دائموا الدعاء لهم. بيدعوا له بيدعوا لازواجهم وزوجاتهم ولذرياتهم يدعوا له ان ربنا يجعلهم قرة اعين لهم - 00:11:32ضَ

يعني ايه قرة عين يعني الشيء اللي بيرضي العين يعني في كل احوالهم في تدينهم يكونوا مرضيين لي في احوالهم الدنيوية وفي شغلهم وفي امورهم الحياتية يكونوا مرضين ايضا وربنا وبعد كده يقول لك ايه وجعلنا للمتقين اماما. يعني اجعلنا احنا وذرياتنا من الدعاء للاسلام - 00:11:59ضَ

الهادين المهديين بان يهدي الله بك رجلا واحدا خير لك من حمر النعم. لو ربنا استخدم حد منك لو انت دليت حد على على الدورات بتاعة التدبر بتاعتنا دي. قلت له بس تعال ما تحرمش نفسك. ده احنا بنستمتع جدا. تعال واسمع قرآن. خل مصحف في ايديك او افتح ايات على الموبايل. وتابع معنا. ده - 00:12:34ضَ

تلت ساعة كل يوم وربنا هدى الشخص ده خير لك من حمر النعم. يعني ايه حمر النعم؟ يعني من كل الجمال الحمرا اللي في الدنيا مين عايز جمل احمر النهاردة - 00:12:57ضَ

يعني ايه جمل احمر؟ جمل احمر في الوقت ده كان هو افخم وسيلة مواصلات. زي ما تقول مسلا ايه عربية فيراري حمرا فلو ربنا هدى بك شخص واحد بس احسن لك من ان يبقى ملكك كل العربيات الفيراري الحمرا اللي في الدنيا - 00:13:13ضَ

واجعلنا للمتقين اماما. ومش لازم تروح تدرس تعمل ماجستير في الشريعة الاسلامية عشان خاطر تبقى داعية. لا لا خالص. انت مجرد انك تنمر على حد من اصحابك وتبدأ تدعوه وتقول له تعال اسمع معنا - 00:13:37ضَ

ربنا يهديه على ايديك خلص الموضوع كده اكتملت الاتناشر خصلة من خصال عباد الرحمن اللي هم من انتاج الفرقان الفرقان سورة الفرقان القرآن اقرا معي خمسة وسبعين اولئك يجزون الغرفة بما صبروا ويلقون فيها تحية - 00:13:53ضَ

وسلاما خالدين فيها حسنت مستقرا ومقاما. شرحنا الايتين دول قبل كده. وقلنا زي ما في او غرفة خاصة في المطار للركاب المميزين بتوع شركة الطيران بتعاملهم فيهم معاملة خاصة وبتحييهم تحية خاصة يوجد لون - 00:14:22ضَ

او غرفة في الجنة لعباد الرحمن فيها برضو تحية خاصة وسلام خاص بهم بيدخلوا هذه الغرفة وهي مكانة عالية في الجنة ليخلدوا فيها. مش هيخرجوا فيها منها وتبقى الدرجة بتاعتهم تنزل - 00:14:44ضَ

لدرجة الايه ؟ الايكونومي ولا درجة لأ هيفضلوا دايما في الدرجة العالية دي خالدين فيها حسنت مستقرا ومقاما. يعني ما فيش احسن من كده مكان للاستقرار ومكان ده في مقابل ايه - 00:15:02ضَ

مين فاكر مقابل جهنم ارجع لخمسة وستين وستة وستين هتلاقي جهنم ايه اقرا معي خمسة وستين ستة وستين ارجع هات لي خمسة وتلاتين ستة وستين. والذين يقولون ربنا اصرف عنا عذاب جهنم ان عذابها كان غراما. انها - 00:15:20ضَ

ساءت مستقرا ومقاما الصورة من اولها عبارة عن فرقان بيفرق بين الحق والباطل يجلي الحق عشان يزهر انه حق ويجلي الباطل عشان يزهر انه باطل. فجاب لك الغرفة حسنت مستقرا ومقاما. وجهنم - 00:15:40ضَ

ساءت مستقرا ومقاما. تمام؟ هات الاية سبعة وسبعين ستة وسبعين هات سبعة وسبعين قل ما يعبأ بكم ربي لولا دعاؤكم فقد كذبتم فسوف يكون لزاما. لها معنيين قل قل يا محمد ما يعبأ بكم ربي العبء يعني الثقل التقل - 00:15:59ضَ

ما يعبأ بكم ربي يعني وزن عند الله. لولا دعاؤكم لا وزن لكم عند الله الا في حالة انكم تكونوا مؤمنين وبتدعوه بتعبدوه وتدعوه قل لا يعبأ بكم ربي لولا دعاؤكم - 00:16:28ضَ

المعنى الاخر هو لا وزن لكم عند الله ولا آآ آآ دعاؤكم اي الا انه ربنا بيدعوكم. هم. وارسل لكم الرسل انتم ما لكم يعني الناس ما لهاش قيمة عند ربنا الا ان ربنا بيدعوها. فارسل لهم لولا دعاؤكم مش دعاء الناس لربنا لأ لولا ان ربنا - 00:16:52ضَ

يدعوهم لها معنيين دعاء الناس لربنا وان ربنا بيرسل الرسل ليه؟ عشان يدعوهم فقد كذبتم فسوف يكون لزاما الكلام للمشركين تكذيب المشركين للرسول عليه الصلاة والسلام هذا سوف يلازمهم في الاخرة - 00:17:15ضَ

سيكون لزاما ويسبب لهم عذاب ملازم ودائم وبذلك انتهينا بفضل الله من سورة الفرقان ومن الجزء الحداشر منذ ان بدأنا مقاطع حظر التجول ونبدأ غدا باذن الله سورة العنكبوت احشدوا الناس عشان يبدأوا معنا سورة العنكبوت. اللي يعرف حد بطل يكسل يقول له بلاش كسل. يلا هنبدأ من بكرة سورة العنكبوت. وابدأوا - 00:17:38ضَ

رجل الناس وقول لهم يحضروا معنا نتوقف هنا ان شاء الله. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب - 00:18:12ضَ

اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك سكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب - 00:18:33ضَ

اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي - 00:19:01ضَ

وحسناتكم جميعا. اللهم بحق كل حرف في كتابك تلوناه او تدبرناه. اكفنا واهلينا شر كل من لنا ولهم واحفظنا واحفظهم يا رب من شرورهم ونجعلك اللهم في نحورهم فانت الوكيل ولا حول - 00:19:31ضَ

حول ولا قوة الا بك. اللهم من قضى منا بالوباء المنتشر فاكتب له الشهادة. ومن كان منا او من احبابنا مريض به او حاملا له فالبسه ثوب الصحة والعافية. عاجلا غير اجل. ومن لم يصب به فقه شره - 00:19:51ضَ

ابعده عنه ولا تسلطه الا على اعدائك واعداء دينك واعداء اوليائك. اللهم انك اعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق الله - 00:20:11ضَ

هم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك جميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك. انك نعم المولى - 00:20:37ضَ

ونعم النصير. والسلام عليكم ورحمة الله وبركاته. ونراكم غدا باذن الله ان كنا من اهل الدنيا - 00:20:57ضَ