Baheth

السلام عليكم ورحمة الله وبركاته. اهلا بحضراتكم في المقطع رقم تلتمية اربعة وتلاتين من مقاطع حظر التجول ملحقة رقم تمانية من حلقات تدبر سورة الروم. من فضلكم هاتوا المصاحف وافتح معي المصحف على الاية واحد واربعين - 00:00:00ضَ

اربعين واحد واربعين بعد ما ربنا سبحانه وتعالى قال اعوذ بالله السميع العليم من الشيطان الرجيم. اقرا معي اربعين واحد واربعين الله الذي خلقكم ثم رزقكم ثم يميتكم ثم يحييكم - 00:00:26ضَ

هل من شركائكم من يفعل من ذلكم من شيء سبحانه وتعالى عما يشركون ظهر الفساد في البر والبحر بما كسبت ايدي الناس. ليذيقهم بعض الذي عملوا لعلهم يرجعون بعدها على طول قال - 00:00:45ضَ

اقرا بقى معي اتنين واربعين عشان تشوف العلاقة بينها وبين الايات اللي قبلها. احنا هنبدأ من هنا التدبر بتاع الليلة اتنين واربعين قل سيروا في الارض فانظروا كيف كان عاقبة الذين من قبل - 00:01:06ضَ

كان اكثرهم مشركين ازا لما ربنا امتن علينا بالاحسان يعني ذكرنا بمنته علينا وباحسانه علينا في الاية اربعين قال الله الذي خلقكم ثم رزقكم فذكر نعمة الايجاد. قلنا اول نعمة هي نعمة الايجاد انه خلقنا - 00:01:22ضَ

دي نعمة. واللي يقول لك مش نعمة قل له الكافر الملحد اللي مش مؤمن بجنة ولا نار ولا بعث بعد الحساب. بيبص يمين وشمال ليه قبل ما يعدي الشارع هو خايف ينعدم. لان العدم - 00:01:50ضَ

صعب العدم مخيف اذا الايجاد الوجود نعمة من الله. فربنا ذكر نعمة الايجاد ثم بعدها ثم رزقكم. ذكر نعمة الامداد. فالنعم نعمة ايجاد ثم نعم امداد. بيمد بقى الواحد بالرزق - 00:02:08ضَ

وبالصحة وبالمال. كل ده ده اسمها نعم الامداد. خلاص؟ ده طبعا طبيعي ان ربنا يبدأ بنعمة الايجاد ثم نعمة الامداد. ده شيء طبيعي. طيب لكن لما الانسان طغى وربنا قلل رزقه. هم. ذكر انه قلل رزقه اولا. اقرأ معي واحد واربعين - 00:02:28ضَ

ظهر الفساد في البر والبحر بما كسبت ايدي الناس بما كسبت ايدي الناس يعني بطغيان الناس فكان العقاب ايه؟ تقليل الرزق ظهر الفساد في البر والبحر يبقى ربنا بيقول لنا ان هو - 00:02:48ضَ

في الاية اربعين انعم علينا بنعمة الايجاد اولا. ثم نعمة الامداد عند العقوبة بدأ بايه بانه بيسحب نعمة الامداد واحنا موجودين وحصل تقليل للرزق. ماشي فاضل ايه بقى؟ فاضل الاعدام - 00:03:08ضَ

سحب نعمة الايجاز كمان يقلب الوجود الى عدم عشان كده اسمه اعدام. عكس ايجاد بقى اللي معي الاية تلاتة واربعين. هم قل سيروا في اتنين واربعين. قل سيروا في الارض فانظروا كيف كان عاقبة من قبل - 00:03:29ضَ

كان اكثرهم مشركين. امشوا في الارض وسافروا وشوفوا كيف اعدم واستأصلت الاقوام المفسدة قوم نوح وقوم هود وقوم صالح وقوم لوط وقوم شعيب يبقى ربنا بيكلم كفار قريش او كفار العرب وبيقول لهم - 00:03:51ضَ

انتم يا كفار قريش ويا مشركوا العرب يا فقراء لانهم لا يقارنوا بالشعوب الغنية اللي حولهم فقراء يعانون من قلة الرزق بيقول لهم سيروا في الارض وشوفوا اللي فاضل عشان يحصل لكم - 00:04:11ضَ

خلاص تقليل رزق وانتم وانتم في قلب ده دلوقتي حالتكم وفقركم مقارنة بالروم والفرس واليمنيين والعمانيين وكل الحضارات اللي حواليكم فانتم اصلا تقنين رزقكم وده حصل فاضل لكم ايه مش فاضل غير انكم تستأصلوا - 00:04:29ضَ

زي ما حصل الاقوام اللي قبلكم كان اكثرهم مشركين ازيكم بالزبط. فالاية اتنين واربعين دي فيها انزار شديد جدا لمشركي العرب. ازا ربطتها بالايتين اللي قبلها شفتم بقى ازاي ؟ يبقى يعني - 00:04:44ضَ

شف الاية اتنين واربعين. قل سيروا في الارض فانظروا كيف كان عاقبة الذين من قبل. اعدموا وانتم يا مشريكي العرب نعمة الايجاد هي اللي فاضلة لكم دلوقتي انكم موجودين ونعمة الامداد عمالة تتسحب منكم - 00:05:03ضَ

فيها وعيد شديد ثم يأتي بعد كده مقطع اخر بقى يرشد للطريق الصحيح اللي بيسلكه لا يندم معي تلاتة واربعين واربعة واربعين وخمسة واربعين فاقم وجهك للدين القيم من قبل ان يأتي يوم لا مرد له من الله. يومئذ يصدعون - 00:05:17ضَ

من كفر فعليه كفره. ومن عمل صالحا فلأنفسهم يمهدون. ليجزي الذين امنوا وعملوا الصالحات من فضل انه لا يحب الكافرين. شف بقى فاقم وجهك للدين وردت قبل كده في الاية تلاتين - 00:05:42ضَ

فاقم وجهك للدين جت في الاية تلاتين. بعد ان بين القرآن سبب الضلال بتاع المشركين. وهو انهم اتبعوا اهواءهم بدل ما يتبعوا الدليل والمنطق راحوا مشوا ورا مزاجهم. اقرا معي تسعة وعشرين وتلاتين. وشف - 00:06:02ضَ

فاقم وجهك للدين جت في اي سياق. عشان هنقارن بينهم دلوقتي. تسعة وعشرين وتلاتين من اتبع الذين ظلموا اهواءهم بغير علم. فمن يهدي من اضل الله. وما لهم من ناصرين - 00:06:24ضَ

من يهدي من اضل الله وما له من نصيب. يبقى دي غلطتهم انهم اتبعوا اهواءهم. فانت بقى تعمل ايه ؟ كمل تلاتة واربعين. اسف آآ كمل تلاتين فاقم وجهك للدين القيم - 00:06:41ضَ

فاقم وجهك للدين حنيفا في الاية تلاتين يبقى جت بعد ان بين الله سبحانه وتعالى عاقبة الذين اشركوا واحدة منهم جت بعد ما ربنا بين منهجهم الغلط اللي هو من اتبع الذين ظلموا اهواءهم واقم وجهك للدين التانية بتاعة الاية تلاتة واربعين جت بعد ما ربنا - 00:06:56ضَ

تبين عاقبة الذين اشركوا مرة وردت بعد خطأ منهجهم ومرة وردت بعد بيان مصيرهم مرة للتحزير من منهجهم ومرة للتحزير من مصيرهم. يبقى تكرار جملة فاقم وجهك للتين. في الاية تلاتين وفي الاية تلاتة واربعين - 00:07:16ضَ

مش صدفة مش صدفة. التكرار ده مقصود للفت النزر لان المنهج ده اللي ربنا حزر منه بيقود للمصير ده اللي ربنا بيحزر منها خلاص؟ خلينا بقى نمسك الاية تلاتة واربعين - 00:07:34ضَ

ونشوفها فاقم وجهك للدين القيم يعني المستقيم من قبل ان يأتي يوم لا مرد له من الله يومئذ يصدعون يوم لا مرد له من الله لها معنيين اول معنى انه يوم جاي جاي ما بيتردش - 00:07:50ضَ

هييجي من مين؟ من الله يعني يوم لا مرد له من الله المعنى التاني ان ده يوم ربنا لا يرد ابدا ان كان يعني ربنا وان كان يستطيع انه يرده لكنه ربنا قدر انه لا يرد هذا اليوم يوم اساسي يوم القيامة - 00:08:15ضَ

يبقى هيحصل ايه في اليوم ده ؟ اللي زي بعضه ده اصلا يومئذ يتصدعون. التصدع هو التفرق يوم القيامة سيتفرقون الى ايه؟ اقرا معايا الاية اربعة واربعين يومئذ يصدعون من كفر فعليه كفره. ومن عمل صالحا فلانفسهم يمهدون. هو ده التصدع اللي هيحصل. اللي كفر عليه كفره - 00:08:37ضَ

واللي عمل صالح ولانفسهم يمهدون يبقى اللي شال قربة مخرومة هتخر على دماغه من كفر فعليه كفر. ما حدش هيدخل النار عشان جاره كافر الكافر هيشيل كفره في سورة المدثر ربنا بيقول كل نفس بما كسبت رهينة - 00:09:02ضَ

طب والفريق التاني اقرا اخر اربعة واربعين. ومن عمل صالحا فلأنفسهم يمهدون العمل الصالح متعب بس هو عبارة عن تمهيد الانسان بيمهد في مكانه في الاخرة ومن عمل صالحا فلأنفسهم يمهدون. زي زي اللي بنى قصر - 00:09:21ضَ

مش متشطب او اشترى قصر مش متشطب. فبيقعد يشتغل فيه بيشطبه العمل الصالح في الدنيا هو الشغل في في تشطيب القصر بتاعك اللي تقعد فيه في الاخرة. بتركب بقى رخام ستاير بالريموت كنترول - 00:09:45ضَ

بتعمل فلما يدخل الجنة يلاقي العمل بتاعه هو اللي مهد له القصر. ومن عمل صالحا فلانفسهم يمهدون. يمهدون دول مشتقة من المهد. المهد هو فراش الطفل الرضيع. ليه؟ لان الطفل الرضيع - 00:10:01ضَ

ما يعرفش يمسح فراشه ويجهزه عشان ينام فيه فالام بتمهد الفراش للطفل الرضيع. عشان كده الفراش الرضيع اسمه مهد ما اسموش فراش اسمه مهد عشان تم تمهيده له. فبيبقى مريح جدا. بالتالي الجنة بتعتبر مهد للذين عملوا - 00:10:19ضَ

العمل الصالح من شدة الراحة اللي فيها بس الجنة كل انسان بيمهدها لنفسه. مش امه اللي بتمهدها له. هو اللي بيمهدها لنفسه. لاحز معي الالتفات في الاية اربعة واربعين. من المفرد - 00:10:40ضَ

من كفر فعليه كفر. ومن عمل صالحا ولنفسي لا فلأنفسهن يمهدون من عمل صالحا مفرد. وحصل التفات في العدد من المفرد للجمع. فلانفسهم يمهدون. لو كانت من عمل صالحا فلنفسه - 00:10:55ضَ

فهد يعني دي هي القاعدة ان اللي بيعمل صالح بيمهد شيء لنفسه. لكن ممكن القاعدة يكون لها استثناءات انا ايه اللي يضمن لي ان كل من يعمل صالحا هيبقى بيمهد لنفسه. ما يمكن ربنا يستسني الناس - 00:11:13ضَ

القرآن عمل التفات من المفرد للجمع ليؤكد ان كل اللي بيعمله صالحا بيمهدوا لنفسهم الكل من كفر فعليه كفره ومن عمل صالحا فلانفسهم. كلهم يمهدون. الخطاب هنا للمؤمنين عشان يحثهم على - 00:11:31ضَ

العمل الصالح ويشجعهم عليه عايزين بقى نعمل حاجة نركز فيها شوية يا جماعة مع بعض هنقارن بين الايات اربعتاشر وخمستاشر وستاشر عايزك لو تعرف كده تبقى بصباعين كده عامل صباع في الصفحة اللي فيها اربعتاشر خمستاشر ستاشر وصباع في الصفحة اللي فيها تلاتة واربعين واربعة واربعين وخمسة واربعين - 00:11:49ضَ

هنقارنهم مع بعض. اقرا معي اربعتاشر وخمستاشر وستاشر ويوم تقوم الساعة يومئذ يتفرقون فاما الذين امنوا وعملوا الصالحات فهم في روضة يحضرون. واما الذين كفروا وكذبوا باياتنا ولقاء الاخرة فاولئك - 00:12:13ضَ

في العذاب محضرون. ده اربعتاشر خمستاشر ستاشر اقرا معي من تلاتة واربعين لخمسة واربعين فاقم وجهك للدين القيم من قبل ان يأتي يوم لا مرد له من الله يومئذ يصدعون. من كفر فعليه كفره. ومن عمل صالحا فلانفسهم يمهدون. ليجزي الذين امنوا وعملوا الصالحات من فضله - 00:12:35ضَ

انه لا يحب الكافرين شايف الاية اربعتاشر ويوم تقوم الساعة قصادها في تلاتة واربعين ايه يوم لا مرد له من الله اللي هو يوم يوم تقوم الساعة. اللي هو يوم القيامة - 00:13:00ضَ

بص في الاية اربعتاشر تاني. يومئذ يتفرقون. بص في تلاتة واربعين يومئذ يصدعون. يعني يتفرقون برضو لكن في مجموعة الايات الاولانية ربنا قدم الكلام عن المؤمنين قبل الكافرين بينما في مجموعة الايات الاخرانية اللي في الاربعينات - 00:13:15ضَ

ربنا قدم الكلام عن الكافرين عن المؤمنين. بص معي خمستاشر وستاشر خمستاشر وستاشر. فاما الذين امنوا وعملوا الصالحات فهم في روضة يحضرون. واما الذين كفروا وكذبوا باياتنا ولقاء الاخرة فاولئك في العذاب محضرون - 00:13:38ضَ

تكلم عن المؤمنين اولا ثم عن الكافرين. بينما لما نقرا اربعة واربعين وخمسة واربعين من كفر فعليه كفره. اتكلم عن الكفر الاول. ومن عمل صالحا لانفسهم يمهدون ليجزي الذين امنوا وعملوا الصالحات من فضله انه لا يحب الكافرين. طب ليه؟ قدم الكلام عن الكافرين اولا هنا - 00:13:54ضَ

بصراحة مش عارف لكن لكن قد يكون السبب سبب بلاغي بس. يعني فيه شيء في البلاغة اسمه تنويع الخطاب. عشان يكسر السآمة والملك لما ربنا بيؤكد على نفس المعنى راح منوع الخطاب نوع الخطاب عشان ما يبقاش زيه بالزبط يبقى فيه نوع من السقامة او الملل. فمش - 00:14:15ضَ

بالضرورة يكون فيه حكمة غير الحكمة البلاغية والله اعلم. انتم بتدبروها. لكن انا قرأت حتى في كتب تدبر كثيرة ما لقتش حد قال فيها اي شيء. خالص. يعني الكل لفت نظره لكن فيه ناس قالت لكن كلام لا يروي ايه الضمآن يعني. والله اعلم - 00:14:39ضَ

انا توقفت فيها مدة ولم اجد سبب اخر لكن قد يكون السبب بلاغي بحت. طيب اقرا معي خمسة واربعين ليجزي الذين امنوا وعملوا الصالحات من فضله انه لا يحب الكافرين. ربنا هيجزي الذين امنوا وعملوا الصالحات - 00:14:58ضَ

هات من فضلك. ايه؟ انه لا يحب الكافرين تقتضي انه يحب المؤمنين فلما ربنا يقول انه لا يحب الكافرين. طب ليه رزق ليه ما قالش انه يحب المؤمنين؟ ليجزي الذين امنوا وعملوا الصالحات من فضله انه يحب المؤمنين. طب مش - 00:15:16ضَ

بتبقى اوضح ما هو واضح لما يقول انه لا يحب الكافرين انها تقتضي انه بيحب المهين فعمل فيهم كده. لكن لما ذكر الكافرين ذكر عقوبة اخرى وهي حرمانهم من الجنة - 00:15:32ضَ

فبالطريقة دي ربنا ذكر ضمنا انه بيحب المؤمنين وذكر عقوبة اخرى للكافرين وهي الحرمان من الجنة. وليس فقط دخول النار شوفوا الايات دي لوحات جميلة والتريهات. الانسان يتأملها فعلا خسارة كل لحزة قرينا فيها الايات دي بسرعة بدون تأمل - 00:15:44ضَ

بص اللوحتين الرائعتين دول بقى معي ستة واربعين وسبعة واربعين. بص الايتين دول. ستة واربعين وسبعة واربعين. لوحتين بجد ومن اياته ان يرسل الرياح مبشرات وليذيقكم من رحمته. ولتجري الفلك - 00:16:07ضَ

بامره ولتبتغوا من فضله ولعلكم تشكرون ولقد ارسلنا من قبلك رسلا الى قومهم فجاؤوهم بالبينات فانتقمنا من الذين اجرموا وكان حقا علينا نصر مؤمنين كل ما القرآن يتكلم عن الرسل الدنيا تمطر - 00:16:26ضَ

يا قبل الكلام عن الرسل يا بعد الكلام عن الرسل هتلاقي فيه مطرة نازلة بص معي ستة واربعين. ومن اياته ان يرسل الرياح مبشرات. مبشرات بايه الرياح بتبقى مبشرة لما تكون بتحمل السحاب - 00:16:48ضَ

ما انت لو فيه رياح جامدة لكن ما فيش سحاب ما فيش ما فيش بشرى. البشرى لما تكون الرياح شايلة سحاب والسحاب لونه غامق واسود يعني يعني محمل بالمطر هنا بتبقى مبشرات. المبشرات ان فيه مطر نازل هو مطر مفيد. للزرع وللشرب وكل حاجة - 00:17:07ضَ

اسمع وليذيقكم من رحمته. المطر ده رحمة من الله. بدون المطر بيحصل جفاف. والناس بتموت والحيوانات بتموت الزروع بتموت وفي الماء بيحصل كمان ايه؟ كمل الاية. ولتجري الفلك بامره. والسفن بتسير في الماء ولتبتغوا من فضله - 00:17:25ضَ

فالسفن لما بتسير في الماء الناس بتستفيد لان عندها مصالح وتجارة بتنمو. كمل الاية ولعلكم تشكرون. اللي يدرك نعمة ربنا دي المفروض يشكر مش يكفر. الاية اللي بعدها بتتكلم عن ايه بقى؟ نفس الموضوع بالزبط. مساحة مش واخدين بالهم - 00:17:47ضَ

ولقد ارسلنا من قبلك رسلا الى قومهم فجاؤوهم بالبينات. فانتقمنا من الذين اجرموا وكان حقا علينا نصر المؤمنين. وقلنا قبل كده الرسل مثلهم مثل السحب المحملة بالمهنة. والملائكة مثلهم مثل الرياح التي تدفع السحب. والوحي الذي ينزل من السماء - 00:18:04ضَ

كمثل الماء اللي نازل عشان يحيي الارض. حط اللوحتين دول جنب بعض وبص معي بين الايتين. قل لي بقى بص ومن اياته ان يرسل الرياح بالملايكة مبشرات لانها بتدفع السحب اللي اللي هي تمثل الرسل. وليذيقكم من رحمته. رحمة ربنا هنا اللي هو ماء المطر - 00:18:27ضَ

يمثل الوحي. الماء ده بيحصل فيه ايه؟ لتجري الفلك بامره. الفلك اول ما تسمع الفلك دي ايه فعلى طول في مخك اسم مين من الانبياء؟ سيدنا نوح اللي بنى الفلك. سفينة نوح تمثل الايمان اللي ركبوا في سفينة الايمان هم اللي ربنا نجاهم بينما - 00:18:49ضَ

غرق الكافرون ولتبتغوا من فضله. ولعلكم تشكرون شف بقى ربنا انقل بقى معي في الاية سبعة واربعين ولقد ارسلنا من قبلك رسلا الى قومهم فجاؤوهم بالبينات اللي هي رحمة ربنا اللي نازلة زي - 00:19:08ضَ

انتقمنا من الذين اجرموا وكان حقا علينا نصر المؤمنين اربطها بالفلك والناس اللي غرقت والناس اللي ايه ربنا ينجها في السفينة بالزبط مثل اغراق قوم نوح وانقاز المؤمنين في الفلك لذلك سفينة نوح تمثل زي ما قلنا سفينة الايمان - 00:19:24ضَ

اللي بيركب في سفينة الايمان بينجو اللي بيقفز منها هو اللي بيغرق طيب هل انا بألف الكلام ده ولا فيه دليل على هزا المثال الحديث متفق عليه متفق عليه يعني البخاري ومسلم اخرجوه. قال رسول الله صلى الله عليه وسلم ان مثل ما بعثني - 00:19:42ضَ

الله به من الهدى والعلم الوحيد اللي ربنا اداه له كمثل غيث يعني مطر اصاب ارضا فكانت طائفة طيبة. جزء من الارض كان ارض طيبة ارض خصبة. قبلت الماء فانبتت الكلأ والعشب الكثير. وكان منها اجاذب - 00:20:00ضَ

امسكت الماء طبلت عندنا فاتحين نقول طبلت يعني آآ صخرية فطلع الماية ها فنفع الله بها الناس فشربوا منها وسقوا وزرعوا واصاب طائفة منها اخرى انما هي قيعان مستنقعات. لا تمسك الماء ولا تنبت الكلأ. فذلك مثل من فقه في دين - 00:20:22ضَ

الله ونفعه بما بعثني الله به فعلم وعلم. ومثل من لم يرفع بذلك رأسا ولم يقبل هدى الله الذي ارسلت به الكلام ده بيرد على الناس اللي بيسموا نفسهم قرآنيين وما هماش قرآنيين - 00:20:43ضَ

اللي بيقولوا نؤمن بالقرآن بس وليس لولا الحديث ده في السنة ما كانش قدرنا نفهم الامثلة بتاعة الماء والمطر اللي دايما تيجي مع ذكر الانبياء لزلك انا ضد مسلا كلمة هم ليسوا قرآنيين اللي بينكر السنة بنسميه يا اما منكر السنة يا اما انا بحب اسم اخر الاريكيين - 00:21:00ضَ

يعني ايه اريكة؟ الاريكة يعني الكنبة الرسول عليه الصلاة والسلام قال اللي هيجي زمان يكاد الرجل يجلس متكئا على اريكته يقول ما وجدنا في هذا الكتاب اخذناه اللي هو القرآن. وما لم نجد فيه لا نأخذه. يعني سينكر السنة ويأخذ بالقرآن. فهو قاعد متكئ - 00:21:24ضَ

على الاريكة يعني قاعد مسلطح كده ومريح نفسه وواكل وشارب ومش لكنه مش فاهم دينه خلاص اقول قولي هذا واستغفر الله لي ولكم. نتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك - 00:21:44ضَ

اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:22:06ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم - 00:22:25ضَ

واجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا. اللهم بحق كل حرف - 00:22:48ضَ

اختم في كتابك تلوناه او تدبرناه. اكفنا واهلينا شر كل من يكيد لنا ولهم. واحفظنا اللهم من شرورهم ونجعلك اللهم في نحورهم فانت الوكيل ولا حول ولا قوة الا بك. اللهم من قضى منا بالوباء المنتشر فاكتبها له شهادة. ومن كان منا او من احبابنا مريضا - 00:23:08ضَ

به او حاملا له فالبسه ثوب الصحة والعافية. عاجلا غير اجل. ومن لم يصب به فقه شره. وابعده عنه. ولا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك - 00:23:28ضَ

يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادم مدها اهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك - 00:23:48ضَ

وامتها على الشهادة في سبيلك. انك نعم المولى ونعم النصير. والسلام عليكم ورحمة الله وبركاته. ونراكم غدا باذن ان كنا من اهل الدنيا في نفع هذا الموعد - 00:24:08ضَ