Baheth

السلام عليكم ورحمة الله وبركاته. اهلا بحضراتكم في المقطع رقم تلتمية خمسة وتلاتين من مقاطع حظر التجول. والحلقة رقم تسعة من حلقات سورة الروم. هي الحلقة رقم تسعة والحلقة قبل الاخير - 00:00:05ضَ

باذن الله من حلقات تدبر سورة الروم. افتح معي المصحف على الاية ستة واربعين تدبرنا امبارح الايتين ستة واربعين وسبعة واربعين. وشفنا العلاقة اللي بينهم رغم اختلاف الموضوعين الاية ستة واربعين عن الرياح وماء المطر والسفن اللي بتسير في البحر بامر الله - 00:00:25ضَ

والاية سبعة واربعين عن الرسل والوحي وشفنا العلاقة بينهم. مش هنكرر تاني نعيد مش هنقعد نعيد نفسنا والاية سبعة واربعين انتهت بقول الله تعالى. بصوا معي في اخر الاية سبعة واربعين. وكان حقا علينا نصر الله - 00:00:51ضَ

المؤمنين طيب وكان حقا علينا نصر المؤمنين هنا عندنا سؤالين لو هو فعلا حق على الله نصر المؤمنين ليه بنشوف كتير من المؤمنين مضطهدين ومهزومين شخص زي السيدة سمية ام عمار ابن ياسر دي اول شهيد في الاسلام هي امرأة اول من استشهد في الاسلام امرأة السيدة سمية ام عمار ابن يسري - 00:01:07ضَ

عذبت في حر مكة ثم طعنها آآ ابو جهل المنطقة الحساسة من جسمها وقاتلها هل السيدة سمية ربنا نصرها ده سؤال مهم طيب اصحاب الاخدود اللي القوا في النار واحد ورا التاني احياء - 00:01:44ضَ

هل ربنا نصرهم سيدنا يحيى ابن زكريا اللي قطعوا راسه هل ربنا نصره وده ندل سيدنا المسيح عيسى ابن مريم هل ربنا نصره نصر على اعداءه نصر مادي زي ما نصر سيدنا محمد كده في فتح مكة ونصر سيدنا موسى - 00:02:08ضَ

ربنا قال في اخر الاية سبعة واربعين وكان حقا علينا نصر المؤمنين وفي سورة غافر انا لننصر رسلنا والذين امنوا في الحياة الدنيا ويوم يقوم الاشهاد المشكلة في فهمنا لكلمة مصر - 00:02:34ضَ

احنا فاهمين ان كلمة نصر معناها ان الله سبحانه وتعالى سيحقق للانسان انتصار عسكري انتصار مادي في الدنيا هي دي المشكلة لان الانتصار العسكري والانتصار المادي في الدنيا مرتبط باسباب دنيوية - 00:03:01ضَ

مثلا لما الرماة من الصحابة تركوا مواقعهم في احد انقلبت كافة المعركة ضدهم يعني كان المسلمين هم اللي غالبين انقلبت الكفة واصبحت لصالح الكفار وهزم الصحابة هزيمة ثقيلة جدا راح - 00:03:22ضَ

فيها عشرة في المية من الجيش. استشهدوا سبعين شهيد من سبعمية قوائم الجيش كله كان سبعمية عشرة في المية هل كان في مصلحة الصحابة انهم ينتصروا رغم مخالفتهم لكلام رسول الله - 00:03:43ضَ

ليس في مصلحة الصحابة انهم لما يخالفوا كلام رسول الله ربنا ينصرهم عسكريا. لأ ليس في مصلحة اي جيش انه لما يخالف كلام القائد العسكري ينتصره. لا ده ضد قوانين الدنيا نفسها - 00:04:06ضَ

ضد الاسباب يعني ايه الفرنساويين ييجوا يهاجموا العالم الاسلامي ويحتلوه بالمدافع والبنادق ويجدوا العثمانيين بيقاتلوا بالسيوف ولا المماليك بيقاتلوا بالسيوف لسه في مخاطب السيوف ربنا لا ينصر هؤلاء لا ينصر ناس لم تأخذ بالاسباب. باسباب النجاح باسباب النصر في الدنيا - 00:04:22ضَ

نصر الله نصر معنوي في الاساس السيدة سمية ربنا نصرها بانه سبتها على الاسلام وصمدت ولم تترك دينها ابو جهل ما كانش عاوز يقتلها. ابو جهل كان يريد انها تترك الاسلام. فلم تترك الاسلام ولم يحصل على ما يريد. وربنا نصرها بانه سبتها - 00:04:54ضَ

وماتت على الحق هذا نصف معلمة مش نصر مادي نفس الكلام في قصة اصحاب الاخدود. ربنا نصرهم بانه ثبتهم. الملك ما كانش عاوز يقتلهم ما كانش عاوز يحرقهم. هو كان يريدهم ان هم يتركوا - 00:05:21ضَ

ويدخل دينه. لم يأتوا ما يريد الدليل على ان النص كلمة النصر مش معناها الانتصار مش معناها فيكتري بالانجليزي معناها المساعدة والمساندة في سورة الحشر لما المنافقين قالوا لليهود وان قوتلتم لننصرنكم. يعني ايه لننصرنكم؟ يعني هنجيب لكم فيكتري هنجيب لكم انتصار. ما فيش حد - 00:05:38ضَ

انه يجيب انتصار مين يعرف؟ يقدر يجيب ولا لا؟ لكن لا ننصرنكم يعني سنساندكم سنقف معكم سنقاتل بمعنى لا ننصرنكم. فلما ربنا يعد بالنصر يعد بالمساندة. واللي ربنا يسانده ينتصر - 00:06:08ضَ

على فكرة ينتصر انتصار مادي ازا كان محقق الاسباب المادية ده نزام الدنيا اللي ربنا عمله اللي يزاكر ينجح. مسلم ولا كافر مش مهم الامور هو لو زاكر وخد بالاسباب المادية هينجح - 00:06:27ضَ

المشكلة هي ان المسلمين عاوزين النصر في الدنيا وبسرعة وبيستبطئوه جدا لما بيتأخر. بيستبطئوه وبيحسوا ان الدنيا ماشية بطيئة قوي ومش قادرين تحمله ويريد النصر بسرعة اقرا معي تمانية واربعين وتسعة واربعين وده بداية ايات التدبر الليلة - 00:06:42ضَ

معي التمانية واربعين وتسعة واربعين. الله الذي يرسل الرياح فتثير سحابا فيبسطه في السماء كيف يشاء ويجعله كسفا. فترى الوزق يخرج من خلاله. فاذا اصاب به من يشاء من عباده. اذا - 00:07:04ضَ

يستبشرون وان كانوا من قبل ان ينزل عليهم من قبله لمبلسين. ناخدها كلمة كده معي تمانية واربعين. الله الذي يرسل الرياح فتثير سحابا. الرياح اللي ربنا بيرسلها دي بتثير السحاب بتحرك السحاب - 00:07:25ضَ

من ما كان لمكان ويبسطه في السماء كيف يشاء. يعني السحب بتمسك في بعض وبتتفرد زي البساط. بتبقى كأنها سجادة كبيرة في السمع فيبسطه بيفرده في السما كيف يشاء ويجعله كسفا - 00:07:46ضَ

فيا اما بيفردوا زي البساط كده مغطي في السما السمك كله عبارة عن حتة سحابة كبيرة. او يجعله كسفا. الكسف يعني القطع. فتلاقي ده ايه السحاب عبارة عن سحابات صغيرة مقطعة جنب بعض كده - 00:08:08ضَ

سحابة وبعدين جزء من السما الزرقاء سم سحابة بيضة تانية وهكزا فترى الودقة كمل معي تمانية واربعين. فترى الودق يخرج من خلاله. فبتشوف ماء المطر بيخرج من قلب لسه حابدأ سواء السحاب اللي هو المفرود زي البساط او السحاب المقطع بتشوف الماء المطر نازل منه - 00:08:24ضَ

كمل الاية تمانية واربعين فاذا اصاب به من يشاء من عباده اذا هم يستبشرون. فلما ينزل على ارض ناس بيفرحوا ويستبشروا ويبقوا في منتهى السعادة والفرحة ليه؟ عشان الفايدة بتاعة ماء المطر هيشربوا بقى ويسقوا زروعهم ويسقوا البهايم بتاعتهم ويحوشوا ماية - 00:08:50ضَ

فاذا اصاب بص معي في الاية فاذا اصاب به من يشاء من عباده اذا هم يستبشرون معي تسعة واربعين. وان كانوا من قبل ان ينزل عليهم من قبله لمبلسين يعني ايه مبلسين؟ ارجع للاية اتناشر - 00:09:15ضَ

ارجع للاية اتناشر في سورة الروم خلاص؟ رجعنا ويوم تقوم الساعة يبلش المجرمون. يبلس قلنا يبلس يعني يبقى محبط شعور عبارة عن خليط من البؤس واليأس يوم ما الساعة هتقوم المجرمين اللي كانوا بيكذبوا بالساعة يشوفوا الساعة قامت فعلا ده اللي هم كانوا بينكروه دايما - 00:09:35ضَ

يجي لهم شعور بالاحباط. بؤس مختلط باليأس هات لي بقى الاية تسعة واربعين وان كانوا من قبل ان ينزل عليهم من قبله لمبلسين الناس اللي كانوا اللي بقوا فرحانين بماء المطر دول - 00:10:02ضَ

قبل ما ينزل كانوا مستبطئين المطر لدرجة اليأس لدرجة البؤس. لدرجة ان هم بقوا مبلسين يعني هم كانوا بيستبطأوا المطر وبعدين المطر جه ففرحوا الاية اللي قبلهم بقى. الاية سبعة واربعين كانت بتقول ايه اخر كلمتين فيها - 00:10:21ضَ

اقرا لي اخر كلمتين في السبعة واربعين. وكان حقا علينا نصر المؤمنين. انتم متصورين وقع هذه الكلمات على قلوب الصحابة الناس مستبطئة المطر ومعرة واحدة المطر جه ففرحت نصر ربنا زي المطرة رزق - 00:10:50ضَ

بس انت متخيل دلوقتي الصحابة الكلام ده بينزل عليهم امتى ؟ احنا قلنا ان سورة الروم نزلت قبل سورة العنكبوت اللي نزلت قبل سورة يعني اللي هي اخر سورة في مكة - 00:11:09ضَ

يعني سورة العنكبوت نزلت في اخر سنة قبل الهجرة يعني بعد تلتاشر سنة من الخنقة ومن الاضطهاد ومن العذاب وما فيش نور باين في اخر انزل الكلمات دي. وكان حقا علينا نصر المؤمنين - 00:11:24ضَ

ده اللي تحقق بعدها سنتين في متر احيانا احنا بنستبطئ النصر والنصر زي المطر بينزل بقدر الله وقت ما يشاء على من يشاء. مننا اللي هيشوف انتصار المادي في الدنيا ومننا اللي مش هيشوف - 00:11:47ضَ

لكن ربنا يثبته ان يبقى على الدين ويبقى على مبادئه الى ان يموت ده برضو نصر ده النصر المعنوي الصورة كمان بدأت بانتصار الفرس على الروم غلبت الروم ثم انتصار الروم على الفرس - 00:12:09ضَ

معي اول اربع ايات سورة الجروب. ارجع تاني هات لي اول اربع ايات رجعنا الف لام ميم ميم. غلبت الروم في ادنى الارض وهم من بعد غلبهم سيغلبون في بضع سنين لله الامر من قبل ومن بعد - 00:12:29ضَ

النصر ربنا ينزله على من يشاء وقتما يشاء الفرس انتصروا بعدها بعشر سنين الروم انتصرت نفس اليوم اللي انتشر فيه الروم انتصر فيه المسلمين في بدر ويومئذ يفرح المؤمنون بنصر الله - 00:12:52ضَ

وربنا ينزل النصر على من يشاء وقتما يشاء. وهو قادر على نصر من يريد كل شيء في الدنيا ممكن يتغير في لحزة المهم انك انت يا مؤمن تبقى ثابت على دينك وعلى مبادئك. وربنا قادر انه يغير الاحوال من حواليك - 00:13:12ضَ

اقرا معي الاية خمسين تنظر الى اثار رحمة الله كيف يحيي الارض بعد موتها؟ ان ذلك لمحيي الموتى. وهو على كل شيء قدير ربنا هو القدير انت عارف علشان ربنا يحيي ارض صحراوية - 00:13:35ضَ

انظر الى اثار رحمة الله. المطر لما بينزل كيف يحيي الارض بعد موتها انت عارف ان ربنا يرسل المطر يرسل سحاب لارض صحراوية ده معناه ايه معناه ملايين الاطنان فاكر السحاب خفيف؟ - 00:13:58ضَ

خش كده اعمل على التشيك على الانترنت كده وزن السحابة كم السحابة الصغيرة وزنها خمسميت الف كيلو يعني نص مليون طن. ده السحابة الصغيرة يعني هناك انهار بتتحرك في السماء. ربنا بيوجهها الى الارض التي يشاء انه ينزلها فيها - 00:14:23ضَ

ومعي الاية خمسين. فانظر الى اثار رحمة الله. كيف يحيي الارض بعد موتها؟ ان ذلك لمحب الموتى وهو على كل شيء قدير. اهو ربنا بيسوق السحاب من مكان لمكان وبينزل المطر ليحيي الارض هو نفسه اللي - 00:14:47ضَ

الموتى وهم هم الناس اللي فرحت واستبشرت بنزول المطر لو شافوا ريح قوية ساخنة لا تحمل ماء لا تحمل سحب والزرع بتاعهم ابتدى يصفر من من الريح الجافة دي سيقنطوا ويكفروا. بعد ما كانوا - 00:15:07ضَ

فرحانين معي واحد وخمسين ولئن ارسلنا ريحا فرأوه مصفرا لظلوا من بعده يكفرون يبقى هم طبعهم الكفر اولا عند عدم نزول المطر كانوا مبلسين يعني في حالة من البؤس والاحباط. ثم فرحوا بالمطر - 00:15:31ضَ

ثم لما الزرع اصفر راح الفرح والاستبشار وعادت حالة اليأس والقنوط يكفر الانسان بعد ما كان بيشكره ما كل دول سيدنا محمد عليه الصلاة والسلام بيدعوهم ليه مش بيؤمنوا اتنين وخمسين - 00:15:57ضَ

فانك لا تسمع الموتى ولا تسمع الدعاء اذا ولوا مدبرين. وما انت بهادي العمي عن ضلالتهم ان تسمعوا الا من يؤمن باياتنا فهم مسلمون فيه ناس ما تزعلشي على عدم هدايتها يا محمد - 00:16:16ضَ

يا محمد انت عملت اللي عليك لكن واحد ميت هتعرف تسمعه خطبة عن الاسلام ازاي؟ اكيد لأ معي كده فانك لا تسمع الموتى مش هتقدر تسمع الموتى ولا واحد اصم ما بيسمعش. وكمان مش بس ما بيسمعش. وغير راغب انه يفهم منك حاجة. فمدي لك ضهره ومش مستعد حتى - 00:16:41ضَ

حصل معك بلغة الاشارة. مش مستعد لدي كمان. كمل الاية ولا تسمع الصم الدعاء اذا ولوا مدبرين. كمان ده الدعوة مش هتجيب نتيجة مع شخص لا يريد ان يعرف الحق اصلا - 00:17:10ضَ

لا يبحث عن الحق اصلا كمل وما انت بهادي العمي عن ضلالتهم واحد لا يرى نعم ضريبة لا يا رب انت ازاي هتهديه الى طريق ما بكلب الكلام هتقول له تعال كده هو مش شايف كده دي كده. رح كده هو مش فاهم يعني ايه رح كده - 00:17:28ضَ

خليك ماشي جنب النار هو مش شايف النار طب هتعمل ايه وما انت بهادي العميا عن ضلالتهم. خل بالك انها لا تعمى الابصار ولكن تعمى القلوب التي في الصدور فلما ربنا بيتكلم عن العمي والصم والبغنة مش الناس الفاقدة للحواس بجد. لأ الناس الفاقدة اللي حست البصر او حاسة السمع - 00:17:49ضَ

دول فيهم ناس مؤمنين كتير دول مبصرين وان كانوا لا يرون في الدنيا والاخرين اللي نزروا ستة على ستة لكن لا يرى الحق برغم ان الحق واضح امامه لا يرى الحق حق ولا يرى الباطل باطل. هو ده الاعمى. العمى الحقيقي. عمى البصيرة - 00:18:13ضَ

كمل الاية تلاتة وخمسين ان تسمع الا من يؤمن باياتنا فهم مسلمون. انت مش هيسمع لك يا محمد اللي بيؤمن باياتنا لان هم دول المسلمين. لان المؤمن قلبه زي الارض الخصبة - 00:18:35ضَ

اللي لما بتتلقى ماء المطر بتنبت وتفيد وتستفيد انما اللي لا يبحث اصلا عن الحق انت مش هتقدر تعمل معه حاجة نتوقف هنا الليلة باذن الله وبكرة ان شاء الله اخر سورة الروم وبعدها نبدأ سورة لقمان. اللهم انا نسألك حبك - 00:18:53ضَ

وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:19:16ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا - 00:19:43ضَ

ما كله في مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:20:15ضَ

اللهم بحق كل حرف في كتابك كلونه او تدبرناه. اكفنا واهلينا شر كل من يكيد لنا ولهم. واحفظنا اللهم واياهم من شرورهم. ونجعلك اللهم في فانت الوكيل ولا حول ولا قوة الا بك - 00:20:36ضَ

اللهم من قضى منا بالوباء المنتشر فاكتبها له شهادة ومن كان منا او من احبابنا مريضا به او حاملا له فالبسه ثوب الصحة والعافية عاجلا غير اجل. ومن لم يصب - 00:20:54ضَ

في فقهه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:21:10ضَ

وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها املأها بنورك الذي لا يخبو. واشرح صدورها بفيض الايمان بك وجميل التوكل عليك واحيها يا ربنا بمعرفتك وامتها على الشهادة في سبيلك - 00:21:30ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا لاهل الدنيا - 00:21:54ضَ