Baheth

السلام عليكم ورحمة الله وبركاته. اهلا بحضراتكم في المقطع رقم تلتمية واحد واربعين. من مقاطع حظر التجول والمقطع رقم خمسة او الحلقة الخامسة من حلقات تدبر سورة لقمان. ارجو حضراتكم تجيبوا المصاحف وتفتحوا معي - 00:00:00ضَ

على الاية خمسة وعشرين بداية تدبرنا النهاردة آآ من الاية خمسة وعشرين في سورة لقمان. اقرا معي اعوذ بالله السميع العليم من الشيطان الرجيم ولئن سألتهم من خلق السماوات والارض ليقولن الله - 00:00:21ضَ

قل الحمد لله الاكثرهم لا يعلمون ما ينفعش نبدأ نقرا كده من اية بتقول ولئن سألتهم. ده لازم نرجع نعرف هم مين ارجع كده بعينيك وشف المفروض نرجع نقرا من اول اي اية بالزبط. عشان السياق يكتمل - 00:00:42ضَ

خدوا تلاتين سنة هاديكم دقيقة بصوا وقولوا لي هنرجع لاي اية بالزبط يلا سانتظر ولئن سألتهم مين هم؟ ارجع واكتب لي في الكومنتات اكتبوا لي في في التعليقات من اول الاية كزا. عشان نبقى مسكنا السياق من اوله - 00:01:01ضَ

مين هم؟ اللي ولا ان سألتهم خلاص ارجع معي واقرا من اول الاية عشرين. بص بعينيك معي في الاية عشرين الم تروا ان الله سخر لكم ما في السماوات وما في الارض واسبغ عليكم نعمه ظاهرة - 00:01:33ضَ

القرآن بيكلم الناس كلها. وبيدعوهم كلهم يتأملوا في نعم الله. كمل الاية عشرين ومن الناس من يجادل الله بغير علم ولا هدى ولا كتاب منير. واذا قيل لهم اتبعوا ما انزل الله قالوا بل نتبع ما وجدنا عليه اباءنا - 00:01:56ضَ

ولو كان الشيطان يدعوهم الى عذاب السعير؟ ايوة هم دول اللي الاية خمسة وعشرين قالت عنهم ولئن سألتهم يبقى احنا بنتكلم عن ناس بتجادل في امر الله بدون علم وبدون هداية وبدون كتاب - 00:02:16ضَ

اللي هو عكسنا بالزبط احنا لما بنتكلم في امور الاعتقاد في الله بنتكلم عن علم له اساس. علم العقيدة وبهدى من الانبياء ومنهم محمد صلى الله عليه وسلم وبكتاب منير حكيم نزله الله علينا من فوق سبع سماوات. اللي هو القرآن اللي هو الفرقان. الفرقان. والناس دول مجرمين - 00:02:33ضَ

لدرجة انهم لما يقال لهم اتبعوا ما انزل الله مش حتى يقولوا مسلا لو ثبت انه فعلا من عند الله هنتبعه فممكن الواحد يعني يتعاطف معهم شوية لا دول بيقولوا حتى لو من عند ربنا. احنا ماشيين ورا اجدادنا - 00:02:56ضَ

فربنا في الاية خمسة وعشرين بيقول للنبي صلى الله عليه وسلم ولئن سألتهم من خلق السماوات والارض ليقولن الله قل الحمد لله بل اكثرهم لا يعلمون. يعني ايه بقى يعني هم هم دول اللي مش عاجبهم كلام ربنا. وبيفضلوا كلام الانسان اجدادهم - 00:03:15ضَ

لو سألتهم طيب مين السبب الاول مين اللي اوجد السماوات بما فيها من مجرات وكواكب ونجوم وكلها بتتحرك بسرعات عالية وسرعات مختلفة ومع ذلك لا تصطدم ببعضها البعض بل كلها - 00:03:37ضَ

تجري وفق قوانين محكمة مين اللي اوجد ده كله؟ مين اوجد الارض وما فيها من حيوانات وحشرات وطيور وثروات معدنية وماء من مكان لمكان في السما على شكل سحب ثم ينزل كامطار - 00:03:57ضَ

هيقولوا مين ؟ هيقولوا الله يبقى الفطرة عندهم لسة شغالة مش عطلانة قل الحمد لله قل الحمد لله ان الفطرة عند الناس دول ما زالت بتعمل. مش عطلانة يبقى فيه امل - 00:04:18ضَ

امال ايه المشكلة؟ كمل الاية بل اكثرهم لا يعلمون. دول جهلة. لا يعلمون ان الحمد لله فعلموا انه الخالق لما سألتهم مين اللي خلق قالوا الله ومع ذلك لم يحمدوه هو بل حمدوا غيره - 00:04:34ضَ

فاشركوا اشتغل بقى يا محمد على ازالة الجهل وفهمهم ان الله هو المستحق للحمد تاني بقى عشان بس شف شف الجمال بتاع الاية لما لما بنفهم. قبل كده كنا نمسك نبدأ نقرا من اول الاية دي ما احناش فاهمين ولئن سألتهم مين هم - 00:04:51ضَ

ولا ثمين ليه بيقولوا الله ولا فاهمين ليه ربنا قال للرسول والسلام قل الحمد لله لكن اهي بقت واضحة. ولان سألتهم اللي هم مين؟ اللي هم في الاية عشرين الو - 00:05:13ضَ

الاية عشرين قالت عليهم انهم ومن الناس من يجادل في الله بغير علم ولا هدى ولا كتاب منير وعندهم مصيبة. ليه ؟ الاية واحد وعشرين. واذا قيل لهم اتبعوا ما انزل الله. قالوا بل نتبع ما وجدنا عليه اباءنا - 00:05:26ضَ

تمام؟ الناس دول ربنا قال عليهم بقى في خمسة وعشرين ولئن سألتهم من خلق السماوات والارض ليقولن الله دول بيعترفوا ان الله هو اللي خالق مصر. ما فيش حل تاني. ما فيش. مش ممكن يكون اي الهة اخرى. ومش ممكن تكون الدنيا جت - 00:05:44ضَ

بدون خالق وبدون موجد هذا جنون ليقولن الله قل الحمد لله ان عندهم فطرة وهنشتغل على الفترة هنشتغل طالما الفترة بتاعتهم شغالة هنشتغل على الجهل. بل اكثرهم لا يعلمون تمام. لا يعلمون ان الله - 00:06:03ضَ

الموجد هو اللي يستحق الحمد. مش الالهة اللي هم عاملينها وعمالين يسجدوا لها صح؟ اول ما فهمت الاية دي وتدبرتها قل الحمد لله ان ان الله هو المستحق للحمد قلت لازم يكون اسم الحميد جاي - 00:06:23ضَ

يا في الاية اللي جاية يا في الاية اللي بعدها. والله قبل ان انظر في الاية ستة وعشرين انا قلت اكيد اسم الحميد جاي. اهو اقرا معي ستة وعشرين لله ما في - 00:06:43ضَ

السماوات والارض ان الله هو الغني الحميد فهمتم بقى يعني فهمهم يا محمد انه كل شيء في السماوات والارض. اللي هم معترفين ان ربنا خلقهم وملك لله يبقى اكيد ايه - 00:06:53ضَ

اكيد مين اللي يستحق الحمد؟ كمل الاية ستة وعشرين ان الله هو الغني الحميد. ان اه ده التوكيد والفصل بهوى ممكن تبقى ان الله غني حميد. لكن لما يفصل ان الله وفصل بهو ضمير فصل بيفيد الاختصاص. يعني - 00:07:18ضَ

الله بالغنى والحمد هو الغني الحميد لكن ان الله غني حميد كفي غني اخر وحميد اخر لكن لا. ان الله ضمير فصل يفيد الاختصاص هو الغني الحميد ربنا هو المختص بالغنى والحمد لا غني الا الله. لا حميد الا الله - 00:07:41ضَ

هنا ده اسمه قصر قلب يعني ايه الغنى والحمد مقصور على الله لكنه قصر قلب يعني ايه؟ في البلاغة لما تكلم شخص بكلام هو بيعتقد عكسه فانت بتقلب المفاهيم عنده - 00:08:03ضَ

يعني بتقلب له المعنى اللي كان بيعتقده. فانت قصرت الغنى والحمد على الله وهو كان بيعتقد عكس ذلك فقلبت له المعنى ان الله هو الغني الحميد طيب ما معنى الحميد؟ يعني طب اشمعنى مش المحمود - 00:08:23ضَ

ما احنا بنحمد ربنا ازا هو محمود نحن نحمده وهو محمود المحمود بيبقى محمود لما حد يحمده فهو يحتاج لحامدين يحمدوه فيبقى محمود اما الحميد فهو حميد في نفسه. مستحق للحمد ولو لم يحمده احد. ان شاء الله العالم كله يكونوا كفار - 00:08:41ضَ

هو الحميد هو غني عن الحامدين. عشان كده نجد كثيرا ما يأتي اسم الحميد مقترن باسم الغني. الله هو حميد حميد في نفسه ولو لم يحمده احد فهو غني عن الحامدين - 00:09:05ضَ

شوفوا الجمال اقرا معي الاية سبعة وعشرين اقرا معي الاية سبعة وعشرين ولو ان ما في الارض من شجرة اقلام والبحر يمده من بعده سبعة ابحر ما نفدت كلمات الله - 00:09:25ضَ

ان الله عزيز حكيم الصورة تكلمت عن غنى الله وعن علمه الغزير. يعني لو رجعنا للاية ستاشر بعينك بسرعة كده ارجع للاية ستاشر يا بني انها ان تك مثقال حبة من خردل فتكن في صخرة او في السماوات او في الارض يأتي بها الله. الكلام عن علم الله - 00:09:46ضَ

بكل شيء في الكون. ان شا الله تكون حبة خردل اللي بيتعمل منه المستردة تكون جوة صخرة كمان. والصخرة دي تكون في السماوات في اي كوكب او في الارض يوه - 00:10:07ضَ

بها الله الكلام عن علم الله وعن قدرة الله انه يأتي بها. اقرا تلاتة وعشرين اطلع بسرعة لتلاتة وعشرين. ومن كفر فلا يحزنك كفره. الينا مرجعهم فننبئهم بما عملوا ان الله عليم بذات الصدور. ربنا هينبأ الناس كلها بكل عمل عملوه. وربنا عليم بذات الصدور. يعني يعلم حتى النيات - 00:10:17ضَ

والاشياء الخفية وليس فقط الاشياء الظاهرة في نفس هذا السياق اللي بيتكلم عن علم الله اللامحدود وقوة الله وقدرة الله اللامحدودة تأتي الاية الرائعة الاية سبعة وعشرين والله الاية سبعة وعشرين انسان ممكن يقف امامها يتأملها كده تكون بورتريه جميل - 00:10:39ضَ

عدة ساعات عدة ساعات. اقرا معي سبعة وعشرين. ولو ان ما في الارض من شجرة اقلام والبحر يمده من بعد سبعة ابحر ما نفدت كلمات الله ان الله عزيز حكيم - 00:11:03ضَ

اول حاجة لازم نعرف نعرفها ان الناس زمان كانت بتكتب ازاي القلم كان بيبقى حتة بوص. او قطعة من فرع شجرة بتتبرد فتبقى مدببة زي القلم الرصاص وبيمسكها الكاتب وبيغمسها غمسة سريعة في دواية حبر - 00:11:21ضَ

وتبقى مبلولة بالحبر وهو بيكتب يكتب كلمتين تلاتة ويرجع يغمسها غمسة سريعة تاني ويرجع يكتب كلمة او كلمتين او تلاتة ويرجع يغمسها وهكزا. دي الطريقة اللي كان الناس بتكتب بها - 00:11:43ضَ

اقرا الاية بقى ولو ان ما في الارض من شجرة اقلام والبحر يمده من بعده سبعة ابحر نفذت كلمات الله كلمات الله كناية عن علم الله فالانسان لو كتب علم الله لو الناس كتبت علم الله - 00:11:55ضَ

والاشجار خلي بالك بقى اقلام والبحر حبر وقده كتير وهنشرح دي علم الله لن ينفد مش هيتكتب. ما فيش مش ما فيش حبر يستوعبه. ما فيش اقلام تستوعبه سؤال بقى - 00:12:20ضَ

ليه ما قالش اشجار ولو ان ما في الارض من شجرة اقلام ليه ما قالش ولو ان ما في الارض من اشجار اقلام لان لو كان قال لو ان ما في الارض من اشجار اقلام يبقى كان هيبقى معناها ان كل شجرة عبارة عن قلم. وده اللي انا كنت فاهمه بصراحة. ولكن لما - 00:12:41ضَ

دبرت الاية وقرأت التفاسير ولو ان ما في الارض من شجرة اقلام يعني لو كل شجرة على الارض اتقطعت الفروع بتاعتها وكلها اتقسمت الى اقلام شف بقى الشجرة ممكن تعمل كم قلم؟ آآ الاف الاقلام. الاف الاقلام من كل شجرة - 00:13:05ضَ

فلو كل شجرة اتقسمت الى اقلام. مش لو كل شجرة عبارة عن قلم. لا لا لا. احنا بنتكلم في مليارات تريليونات الاقلام لو كل شجرة اتقسمت الى اقلام ولو ان ما في الارض من شجرة اقلام - 00:13:27ضَ

والبحر والحبر كل الماء اللي على الارض هو الحبر والحبر ده بيمده لما يخلص اضعاف مضاعفة سبعة ابحر. يعني ابحر كثيرة. كلمة سبعة في اللغة العربية. العرب يستعملوها كناية عن الكثرة - 00:13:44ضَ

وليس فقط الرقم سبعة بالتحديد ولو كل شجرة على الارض اتعمل منها الاف الاقلام احنا بنتكلم في تريليونات الاقلام والماء اللي على الارض بقى حبر ولما يخلص يمد اضعاف اضعاف اضعاف اضعاف - 00:14:04ضَ

حبر علشان نكتب علم ربنا كلمات ربنا كناية عن علم ربنا لن يستوعب علم ربنا. كل ده كل الحبر ده وكل الاقلام دي اذا الناس الجهلة دول بيتحدوا ربنا ازاي - 00:14:23ضَ

مش متخيلين الفرق بين المحدود واللا محدود هم محدودين ربنا لا تحده حدود. علمه غير محدود. قدرته غير محدودة. غناه غير محدود كمل الاية سبعة وعشرين ان الله عزيز حكيم - 00:14:44ضَ

عزيز هم بيواجهوا مين ؟ الله هو العزيز. ان العزة لله جميعا. لا احد يستطيع ان يتحدى الله الحكيم وهو الحكيم عزيز حكيم يعني هو منبع الحكمة امرنا بطلب العلم - 00:15:09ضَ

واثنى على العلماء واثنى على طلب العلم. وبعد كده قال لنا ان علمه لا نهائي الله طب الكلام ده مش المفروض ان هو يحبطنا فما نتعلمش بقى وما نطلبش العلم لأ بالعكس - 00:15:26ضَ

ازا مهما بحثتم وتعلمتم لن تصلوا للكثير. وسيظل علمكم قليل جدا. والكلام ده ما يحبطكوش لان العبادة ليست الوصول للعلم العبادة هي طلب العلم نفسه لو العبادة هي الوصول للعلم يبقى الكلام ده محبط واحنا عمرنا ما هنعرف نعبد ربنا. لان مش هنعرف نوصل للعلم كله. لكن نلاقي ربنا بيقول لنا مهما اتعلمتم مش هتتعلموا كتير - 00:15:40ضَ

فالاجر في طلب العلم. الهدف هو طلب العلم في حد زاته وهذا المفهوم يجعل الانسان كلما تعلم كلما تواضع لله مش تكبر واغتر بعلمه. تجد ناس كده لما ياخد دكتوراه ولا ياخد مش عارف يقعد بقى ويبدأ يتفخر. طب تفاخر بايه؟ متكبر على ايه - 00:16:07ضَ

كل ما الانسان تعلم العلم الحقيقي كلما تواضع لله مش تكبر واغتر اقرا تمانية وعشرين وما خلقكم ولا بعثكم الا كنفس واحدة. ان الله سميع بصير خلقكم كلكم كده اول مرة - 00:16:29ضَ

ثم بعثكم كلكم كده بعد الموت. يوم القيامة كلكم على بعض تماما عند ربنا زي خلق وبعث شخص واحد تخيل اللي بيقول الكلام ده تبقى قدرته قد ايه ؟ لا محدودة - 00:16:51ضَ

مليارات الناس تريليونات الناس منذ بدء الخليقة الى ان الى يوم القيامة خلقهم كلهم وبعثوهم كلهم بنفس القدرة محتاج نفس القدرة بتاعة خلق بني ادم واحد وبعت لبني ادم واحد - 00:17:05ضَ

يبقى احنا نحن بين يدي اله علمه غير محدود. وقدرته غير محدودة. الانسان لما يعرف قدر ربه لا يملك الا انه يتوجه نحو الله فقط بالعبادة لذلك الشرك نتيجة للجهل بالله والجهل بالنفس - 00:17:27ضَ

انت كلما عرفت نفسك عرفت ربنا لانك بص من اقوال الامام علي ابن ابي طالب رضي الله عنه وارضاه كرم الله وجهه من عرف نفسه عرف ربه يعني اللي يعرف مدى محدودية وقلة علمه - 00:17:48ضَ

يعلم ان علم الله غير محدود ومن يعرف مدى محدودية قدرته ومدى ضعفه يعلم ان قدرة الله غير محدودة هذا الكلام هو الحكمة اللي الصورة تريد انك انها توصل القارئ لها - 00:18:07ضَ

فتخيل لما الحكمة تبقى انك تعرف مدى جهلك الحكمة انك تعرف مدى ضعفك ومدى عدم علمك ودي الحكمة كلها. ومدى احتياجك الى الله نتوقف هنا الليلة باذن الله. اللهم انا نسألك حبك وحب من يحبك وحب كل عمل يقربنا الى حبك - 00:18:25ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:18:48ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا - 00:19:07ضَ

اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:19:31ضَ

اللهم بحق كل حرف في كتابك تلوناه. او تدبرناه اكفنا واهلينا شر كل من يكيد لنا ولهم. واحفظنا واياك من شرورهم ونجعلك اللهم في نحورهم فانت الوكيل ولا حول ولا قوة الا بك. اللهم من قضى منا - 00:19:53ضَ

وباقي المنتشر فاكتبها له شهادة. ومن كان منا او من احبابنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقه شره. وابعده عنه ولا تسلطه الا على اعدائك واعدائك - 00:20:13ضَ

في دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك توحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها - 00:20:33ضَ

سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا معرفتك وامتها على الشهادة في سبيلك انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الوقت ان كنا من - 00:20:55ضَ

اهل الدنيا - 00:21:19ضَ