Baheth

السلام عليكم ورحمة الله وبركاته. اهلا بحضراتكم في المقطع رقم تلتمية خمسة خمسة واربعين من مقاطع حظر التجول والحلقة الثانية من حلقات تدبر سورة السجدة. ارجو حضراتكم تجيبوا المصاحف واقرا معي الاية سبعة - 00:00:00ضَ

هنبدأ النهاردة من اية سبعة اعوذ بالله السميع العليم من الشيطان الرجيم الذي احسن كل شيء خلقه وبدأ خلق الانسان من طين. لأ كده احنا داخلين في وسط الكلام. محتاجين نمشي مع الخيط ونرجع شوية علشان نجيب السياق من اوله - 00:00:33ضَ

نرجع في الصورة لغاية الاية كام عشان نمسك السياق من اوله يلا فكروا كده واكتبوا لي في التعليقات. يلا هسيبكم تلاتين سانية نبدأ من الاية كم الذي احسن كل شيء خلقه. يبقى نبدأ من فين - 00:00:56ضَ

نبدأ من اول الاية اربعة. الله الذي خلق السماوات والارض وما بينهما في ستة ايام ثم استوى على العرش ما لكم من دونه من ولي ولا شفيع. افلا تتذكرون؟ يدبر الامر من السماء - 00:01:14ضَ

الى الارض كما ان ربنا بين مسألة الخلق يبين بقى مسألة الامر ما هو الا له الخلق والامر كمل الاية خمسة يدبر الامر من السماء الى الارض ثم يعرج اليه في يوم كان مقداره الف سنة مما تعدون - 00:01:33ضَ

ذلك عالم الغيب والشهادة العزيز الرحيم. كمل بقى الاية سبعة الذي احسن كل شيء خلقه وبدأ خلق الانسان من طين. يبقى الله الذي خلق السماوات والارض وما بينهما من صفاته انه عالم الغيب والشهادة. ومن صفاته ايضا انه ايه؟ الاية سبعة - 00:01:54ضَ

احسن كل شيء خلقه ربنا احسن كل شيء خلقه. طيب هنا فيه شبهة ازاي ربنا احسن كل شيء خلقه وفي سورة النمل ايضا تدبرنا قبل كده صنع الله الذي اتقن كل شيء. كل شيء ربنا صنعه صنعه باتقان شديد - 00:02:18ضَ

متقن. ما فيش فيه عيب هنا في شبهة ازاي ربنا احسن احسن كل شيء خلقه واتقن كل شيء خلقه والدنيا مليانة نقص اطفال بتتولد مشوهة واطفال عندها سرطان ومشاكل في الدنيا ما لهاش حصر - 00:02:42ضَ

ازاي ربنا خلق كل شيء واتقن كل شيء والدنيا فيها نقص ده كله هي الدنيا عبارة عن ايه دار اختبار دار ابتلاء اذا لازم تكون فيها مشاكل ومصايب وسرطان وتشوهات وامراض وفيروسات - 00:03:03ضَ

لان الدنيا لو كاملة وما فيش فيها نقص وما فيش فيها عيوب وما فيش فيها مصائب تبقى مش دار اختبار ولا دار بلاء فتخيل بقى دفعة كاملة تدخل الامتحان والدفعة كلها تجيب النمرة النهائية يبقى امتحان فاشل. لان الامتحان لم يميز بين مستويات الطلاب - 00:03:28ضَ

الامتحان المفروض ما يبقاش صعب اوي الكل يسقط ولا يبقى سهل قوي الكل يجيب فيه نمرة نهائية ازا كمال الدنيا في النقص الذي فيها ربنا احسن كل شيء خلقه يعني كل شيء ربنا خلقه على احسن وجه حتى يؤدي الهدف - 00:03:50ضَ

منه ولما يكون الدنيا الهدف منها اختبار الناس بمصائب وبنقص وبامراض يبقى لابد من وجود الحاجات دية تمام؟ طيب كمل معي الاية سبعة وتمانية الذي احسن كل شيء خلقه وبدأ خلق الانسان من طين - 00:04:14ضَ

ثم جعل نسله من سلالة من ماء مهين بداية خلق الانسان من الطين وعلى فكرة سبحان الله اه وطبعا فيه ان الانسان مخلوق من تراب ايضا وانا دايما كنت اتعجب ليه ربنا ما بيقولش من التراب؟ يقول من تراب ولا كانه تراب تاني تراب مش بتاعنا تراب غارقين - 00:04:38ضَ

لو تعمل كده بحث على جوجل هتطلع كم من الروابط بتاعة المواقع العلمية الجيوجرافيك ومواقع علمية كثيرة ان الانسان داخل في الغبار الكوني اللي هو الغبار اللي جاي من من الثقوب السوداء - 00:05:06ضَ

التراب ولكنه مش من تراب الارض كله شيء عجيب جدا الحقيقة المهم سيبونا من ده. بداية خلق الانسان من الطين. ثم بعد ذلك الانسان تكاثر عن طريق التزاوج بين الذكور والاناث. ثم جعل نسله من سلالة من ماء ميم اهو الانسان من طين. طب فين الطين - 00:05:29ضَ

فين الصلصال اللي فيا؟ فين الفخار؟ ما فيش. ليه؟ لان حصل نوع من انواع التطور في الانسان بداية خلقه كانت من طين ثم بعد ذلك اصبح التكاثر عن طريق التناسل - 00:05:50ضَ

بين الذكور والاناث وعبر عن هذا التزاوج بوصف ماء الرجل او النطفة بانها ماء مهين شيماء مهمل لا يعبأ به احد. بل الناس بتشمئز منه. مع انه طاهر وليس نجس - 00:06:04ضَ

لكن الناس بتقرف منه لزج كده التدبر هنا هو ان اصلين بتوع الانسان الطين والسائل المنوي ما هماش حاجة محترمة الطين يعني ده مش بس جماد واسفل حاجة بيتحط يعني تحت رجلين الناس تحت جزم الناس بتدوس على الطين - 00:06:22ضَ

والسائل المنوي آآ شيء مش محترم والناس بتقوى قرفانة منه هو ده اصلك يا بني ادم هو ده اصلك يا انسان هو ده اصلك يا مغرور هو ده قصدك يا اللي يا يا يا اللي بارم ديلك وماشي فاكر الارض اتهدي ما عليك قدي. ما انتاش معمول من الدهب ولا من الفضة ولا من - 00:06:46ضَ

ازا قيمتك الحقيقية ليست في المواد اللي جسمك معمول منها وانما قيمتك الحقيقية النفخة العلوية التي بثت فيك الروح الروح المبثوثة فيك قيمتك ليست مادية قيمتك روحانية المادة اللي فيك رخيصة - 00:07:05ضَ

بيشدك للارض والروح اللي فيك ثمينة. وسر من اسرار الكون في سورة الاسراء تدبرنا. ويسألونك عن الروح. ربنا بيكلم النبي عليه الصلاة والسلام ويسألونك عن الروح. قل الروح من امر ربي وما اوتيتم من العلم الا قليلا. حتى النبي صلى الله عليه وسلم ربنا لم يخبره بحقيقة - 00:07:43ضَ

الروح وبماهية الروح ايه ده راحتك في راحة الروح والروح لن تستريح الا بالتواصل مع المصدر بتاعها. التواصل مع الله. عشان كده بنشوف مليارديرات عندهم كل كل حاجة مادية. فلوس سيارات قصور جمال شياكة. بيرموا نفسهم وينتحروا من الدور الخمسين - 00:08:06ضَ

ليه علشان مش مستريحين مش مستريحين مش مستريحين ازاي! ده عندهم كل حاجة مادية هم عايزينها. ايوة لان الروح مش مستريحة الروح مش مستريحة اقرا معي الاية تسعة ثم سواه ونفخ فيه من روحه - 00:08:36ضَ

وجعل لكم السمع والابصار والافئدة قليلا ما تشكرون سم ربنا سوى الانسان ونفخ فيه من روحه. والاية دي هي اللي بيستخدمها دعاة التطور المسلمين او المسلمين زي الدكتور عمرو شريف دكتور نضال قسوم دكتور باسل الطائي وغيرهم - 00:08:59ضَ

لاثبات للقرآن يقر بمبدأ التطور قال لك احنا امام تلات مراحل في هذه السورة بص معي في الاية السابعة. وبدأ خلق الانسان من طين بداية خلق الانسان والتين. اقرا الاية تمانية ثم جعل نسله من سلالة من ماء مهين ثم تفيد الترتيب - 00:09:23ضَ

على التراخي. يعني بمرور وقت طويل اصبح هناك تكاثر عن طريق التناسل احنا دلوقتي في الاية تمانية في مرحلة الاجيال اللي موجودة من الذكور والاناث اقرا الاية تسعة ثم سواه ونفخ فيه من روحه بالاجماع ده لازم يكون ادم - 00:09:49ضَ

لا يستطيع اي مسلم ان ينكر ان ادم هو الشخص الذي تمت تسويته ونفخ الروح فيه. ربنا قال قال للملائكة ايه في سورة حجر اللي احنا تدبرناها من كم شهر فاذا سويته ونفخت فيه من روحي فقعوا له ساجدين فسجد الملائكة - 00:10:14ضَ

كلهم اجمعون الا ابليس ابى ان يكون مع الساجدين. يبقى مين اللي اتسوى واتنفخ فيه روح ادم التطوريين المسلمين يقولوا ايه اللي هم بيوثقوا بين نظرية التطور وبين الدين الاسلامي - 00:10:34ضَ

بيقولوا ان طالما الاية تسعة في سورة السجدة قالت ثم سواه ونفخ فيه من روحه اللي هو ادم وثم تفيد الترتيب على التراخي اذا ادم جه بعد اجيال جاء بعد اجيال - 00:10:48ضَ

وليس هو الانسان الاول اللي خلق من الطين. ودكتور عبدالصبور شاهين هنا في كتاب ابي ادم قال ادم هو اول البشر العاقل لان ربنا نفخ فيه روح خاصة غير الارواح اللي موجودة في الحيوانات جعلته مسئولا وحرا عاقلا - 00:11:06ضَ

ودعاة التطور قالوا برضو ان طالما ربنا قال في سورة ال عمران ان الله اصطفى ادم. والاصطفاء بيبقى من بين نظراء. ازا كان هناك مخلوقات تشبه ادم موجودة وربنا اصطفاه اختاره هو من بينهم ونفخ فيه الروح ليصبح هو ابو البشر العاقل - 00:11:26ضَ

طبعا دي ادلة ليست هينة ما نقدرش ننكر وهم معظمهم لا يؤمنون بكل ما في الداروينية خاصة الانتخاب العشوائي والعشوائية وبيسموه تطور موجه على رأي الدكتور مصطفى محمود الله يرحمه - 00:11:48ضَ

بيقول التطوير مش تطور هو ربنا استخدم التطور في خلق المخلوقات كلها. ده الكلام اللي بيقولوه واللي هم بيؤمنوا به وبيدي الطريقة اللي هم قدروا يوفقوا فيها بين الدين الاسلامي وبين نزرية الثورة - 00:12:02ضَ

انا لما اجد الاسلام له تفسير مقبول لغويا. يوافق النظرية العلمية المقبولة في كل جامعات العالم. اتضايق ليه؟ ده كويس لكن برضه حبيت اشوف الطرف الاخر وهم الناس اللي بيحاربوا نزرية التطور - 00:12:17ضَ

كيف يردون على هذا الدليل؟ اللي هو الاية تسعة في سورة السجدة بامانة لم يستطع ان يجيبني منهم الا واحد وهو اكبر مواجه ومفند لنظرية التطور. كلكم طبعا عرفتوا مين؟ دكتور اياد قنيدي - 00:12:35ضَ

غالبا معزمكم يعرفوا ويعرف حلقات رحلة اليقين وواجهت بهذا الدليل الايات سبعة وتمانية وتسعة في سورة السجدة تقول ايه يا دكتور اياد في سم التي تفيد الترتيب على التراخي. يعني ادم جه بعد مدة من وجود اجيال تأتي عن طريق التباسل - 00:12:52ضَ

قال لي ثم مش بالضرورة تفيد الترتيب على التراخي. ولكن ممكن تفيد الترتيب الرتبي يعني الرتبة الاعلى وليس بالضرورة الترتيب الزمني وبصراحة هذا فعلا وارد في اللغة العربية وفي القرآن كمان بالزات - 00:13:13ضَ

واستخدم في القرآن وانا بصراحة نفسي استخدمت ان ثم تأتي ايضا للترتيب الرتبي في رد شبهة خلق السماوات والارض مين فيهم الاول؟ لو تفتكروا في الرد على شبهة الملحد احمد سامي - 00:13:37ضَ

اه اه موجود عندي فيديو استخدمت فيه جدلية دية بتاعة ان ثم ليس بالضرورة تفيد الترتيب اه الزمني رأي الدكتور اياد في وجاهة خليني افهمكم هو يقصد ايه اقرا معي السبعة وتمانية وتسعة - 00:13:52ضَ

وبدأ خلق الانسان من طين ثم ترتيب زمني. جعل نسله من سلالة من ماء مهين خلاص احنا كده بقينا في مرحلة التناسل. وعن طريق التزاوج الموضوع آآ شغال الناس بتتكاثر عن طريق التيار وما فيش حد بييجي من طين تاني - 00:14:12ضَ

بس كده الموضوع خلص واتقفل خلاص وربنا هيكلمنا في موضوع جديد اهم منه في الرتبة فقال لي ثم سوى ونفخ فيه من روحه. يعني كاني بحكي لك حاجة وعاوز اقول لك حاجة تانية بعد ما خلصت الحاجة الاولانية اهم منها - 00:14:34ضَ

فاقول لك ايه ثم اسمع بقى واقوم قايل لك موضوع جديد. هنا ثم مش معناها دي بعد دي. لأ انا مجرد بفصل بين موضوعين وبوريك ان اللي جاي ده اهم في الرتبة - 00:14:52ضَ

وده على فكرة مش بالضرورة بقى يبقى ترتيب اسف الترتيب الرتبي لكن ممكن بنسميه ترتيب الاخبار. يعني ايه يعني يكون في عدة اخبار انا بقولها لك بقول لك اول خبر وهنقول لك ايه - 00:15:06ضَ

اما اسمع بقى ومايلك خبر تاني. سم دي مش معناها ان لها علاقة باللي قبلها اكبر مثال على هذا في القرآن موجود في سورة الانعام الاية مية تلاتة وخمسين. ربنا بيقول وان هذا صراطي مستقيما فاتبعوه. ولا تتبعوا السبل فتفرقوا - 00:15:26ضَ

بكم عن سبيله. ذلكم وصاكم به لعلكم تتقون. ثم اتينا موسى الكتاب ازاي؟ ربنا بيكلم الصحابة وبيقول لهم ذلكم وصاكم به لعلكم تتقون. بيكلم الصحابة وبعد كده قال لهم ثم اتينا - 00:15:45ضَ

موسى الكتاب ناموسة قابلهم بتلت تلاف سنة عليه الصلاة والسلام. يبقى هنا ده اسمه ترتيب الاخبار. يعني آآ ربنا بيقول لهم ذلكم وصاكم به لعلكم تتقون ثم اسمعوا بقى اتينا موسى الكتاب - 00:16:03ضَ

فهمتم يا استاز هنا مش بالضرورة سم تكون ترتيب زمني هتقول لي طيب. اومال انت يا عم فاضل مع مين فيهم؟ انت شرحت كل وجهة نزر منهم بمنتهى الحماس وكانك مؤمن بها - 00:16:23ضَ

مع ان الاتنين عكس بعض اسمعوا بقى انا ارى ان الاتنين غلط. لان الاتنين شايفين انهم عكس بعض الاتنين زنقوا نفسهم في ورطة وهي انه علشان النزرية تبقى صح يبقى لازم النظرية التانية تكون غلط. وده مش صحيح - 00:16:37ضَ

ايه اللي يمنع منطقيا ان ربنا يكون خلق المخلوقات الحية كلها بالتطور فعلا ثم خلق مخلوق اخر وهو ادم بالخلق المباشر وادخله في المنزومة. لا يمكن حد يجد اي احتمال او - 00:17:00ضَ

اي اي دليل على ان ده مش ممكن يحصل فما الذي يمنع؟ هل هناك شيء يمنع شرعا او عقلا او علما؟ لا يوجد اذا مين قال انه اما نظرية التطور - 00:17:19ضَ

الخلق المباشر لهذا ليه ما يكونش في نظرية تالتة ازهر بعد ميت سنة خليط بين الاتنين وليه ما يكونش فيه نزرية رابعة تظهر بعد تلتميت سنة؟ هو مش ده امر يخص بداية الخلق - 00:17:36ضَ

وربنا قال في سورة العنكبوت قل سيروا في الارض فانظروا كيف بدأ الخلق والاية السارية الى يوم القيامة. اذا الناس ستظل تبحث كيف بدأ الخلق الى يوم القيامة لماذا انحاز لاي فريق منهم؟ هو مش اهلي وزمالك ومش لازم اشجع فريق مش لازم - 00:17:56ضَ

اعتقد دلوقتي انا كده وضحت معنى الكلمة اللي بقولها دايما وهي ان الوصول للعلم مش مهم الاسلام المهم هو الطلب العلمي المستمر لان هي دي العبادة لكن مهما وصلنا من علم سيظل العلم بتاعنا قليل جدا. وما اوتيتم من العلم الا قليلا - 00:18:15ضَ

نخلص الاية تسعة بس عشان ايه ما نطولش على اكتر من كده النهاردة اقرا معي الاية تسعة ثم السمع والابصار والافئدة قليلا ما تشكرون بعد نفخ الروح ربنا اعطى الانسان ادوات الاستقراء وطلب العلم - 00:18:41ضَ

السمع والابصار والافئدة عرفت منين انهم ادوات طلب العلم؟ سورة النحل. تدبرنا قبل كده من حوالي اربع شهور خمس شهور. والله اخرجكم من بطون امهاتكم لا تعلمون شيئا وجعل لكم السمع والابصار والافئدة لعلكم تشكرون. فربنا اخرجنا من بطون امهاتنا ما عندناش معلومة واحدة. زيرو نولين - 00:19:05ضَ

ما فيش معلومة واحدة في دماغ اي طفل وهو بيتولد وبعدين اعطانا ادوات نجمع بها العلم المتناثر في الكون. العلم ده الانسان مش بيخترعه الانسان بيكتشفه الانسان بيصل اليه. فالعلم موجود ربنا نثر العلم في الكون. وادانا ادوات نجمع بها العلم - 00:19:33ضَ

الادوات دي السمع ما قالش الاسماع ليه لان احنا كنا قاعدين عشرة في غرفة في شكل دايرة وصوت يحصل في في الغرفة او خارج الغرفة كلنا بنسمع هو هو السمع. نفس الصوت سمعناه - 00:19:55ضَ

لكن لو احنا قاعدين عشرة في شكل دايرة اللي بيحصل خلف الدايرة دي اللي مديين ضهرهم ما بيشوفوهوش واللي قاعدين قدام هم اللي بيشوفوا. ففي ابصار في زوايا للبصر مختلفة. السمع والابصار والافئدة. الافئدة يعني - 00:20:08ضَ

القلوب المحترقة. القلوب التي تتحرك لطلب العلم نرجع للاية احنا ترجمة آآ آآ بتاعة ترجمة القراءات العشر المتواترة. ترجمنا الافئدة يعني القلوب المحترقة للاسف قليلا ما الانسان بيشكر وجعل لكم السمع والابصار والافئدة قليلا ما تشكرون - 00:20:27ضَ

قليلا ما الانسان بيشكر ربنا على ادوات طلب العلم دي فبدل ما يستخدمها في طلب العلم يستخدمها في غير ذاك ربنا ادانا السمع عشان نطلب به العلم ونسمع بقى دقات القلب ونسمع مش عارف ايه ونسمع كزا ونبعت هابل ونحاول نسمع الدقات بتاعة الاصوات اللي جاية من من - 00:21:05ضَ

اه الكل من اماكن مختلفة فبدل ما نعمل كده لأ نسمع ما لا يرضي الله غايبة ولا ونميمة غيبة ونميمة وحاجات حرام واغاني حرام وحاجات زي كده وبدل ما ننظر في الميكروسكوبات والتلسكوبات لأ ننظر الى ما لا يرضي الله - 00:21:28ضَ

وبدل ما يتحرك قلبنا على طلب العلم يتحرك قلبنا على اشياء لا ترضي الله يبقى ايه بدل ما نبقى بنشكر النعمة نبقى بنكفر النعمة وقلنا ان ان شكر النعمة يكون بالعمل بالنعمة. والدليل اعملوا ال - 00:21:56ضَ

داود شكرا. فالعمل نفسه ممكن يبقى شكر. فشكر النعمة انك تستخدم النعمة فيما يرضي الله نقرا الاية الاخيرة ثم سواه ونفخ فيه من روحه وجعل لكم السمع والابصار والافئدة قليلا ما تشكرون. ونتوقف - 00:22:15ضَ

هنا الليلة اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب - 00:22:34ضَ

اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين - 00:22:53ضَ

اللهم احيي قلوبنا بحبك. واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة - 00:23:17ضَ

اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم بحق كل حرف في كتابك تلوناه او تدبرناه. اكفنا واهلينا شر كل من يكيد لنا ولهم. واحفظنا الله - 00:23:43ضَ

اللهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم من قضى منا بالوباء المنتشر فاكتبها له شهادة ومن كان منا او من احبابنا مريضا به او حاملا له فالبسه ثوب الصحة والعافية عاجلا غير اجل - 00:24:01ضَ

ومن لم يصب به فاقه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:24:25ضَ

وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان وجميل التوكل عليك واحييها يا ربنا بمعرفتك - 00:24:45ضَ

وامدها على الشهادة في سبيلك انك نعم المولى ونعم النصير. والسلام عليكم ورحمة الله وبركاته ونراكم غدا باذن الله في نفس الموعد ان كنا من اهل الدنيا السلام عليكم - 00:25:06ضَ