Baheth

السلام عليكم ورحمة الله وبركاته. اهلا بحضراتكم في المقطع رقم تلتمية تمانية واربعين من مقاطع حظر التجول والحلقة الخامسة من حلقات تدبر سورة السجدة بكرة ان شاء الله تكون الحلقة الاخيرة - 00:00:05ضَ

وبعدها هنبدأ سورة الاحزاب. فنبدأ ان شاء الله نحشد الناس عشان تيجي آآ من اول سورة الاحزاب معنا وان كان بكرة حلقة مهمة جدا اه لان بعد ما هنخلص سورة السجدة نحاول نلم الروم واللقمان والسجدة وعلاقتهم بالاحزاب. يعني - 00:00:26ضَ

اه افتح معي المصحف واقرا من الاية واحد وعشرين الاية واحد وعشرين اعوذ بالله السميع العليم من الشيطان الرجيم ولا نذيقنهم من العذاب الادنى دون العذاب الاكبر لعلهم يرجعون ربنا بيقول انا هدوقهم من عذاب الدنيا الصغير مقارنة بعذاب الاخرة الكبير - 00:00:46ضَ

لعلهم يرجعون الاية دي على بساطتها وعلى وضوحها الا انها من اروع واجمل اللوحات البلاغية اللي في الصورة الحقيقة اولا الاية الجاية في اي سياق الاية الجاية بعد ما ربنا في الاية اللي قبلها اللي تدبرناها امبارح الاية عشرين - 00:01:13ضَ

ورانا مشهد صعب جدا للمجرمين المكذبين بالبعث وهم بيتعذبوا في النار وبيحاولوا يهربوا منها وكلما يخرجوا ويقوموا جايبين من قفاهم تاني ويترموا فيها اقرا معي الاية عشرين عشان تفتكر اللي قلناه امبارح - 00:01:37ضَ

اقرا العشرين واما الذين فسقوا فمأواهم النار كلما ارادوا ان يخرجوا منها اعيدوا فيها وقيل لهم ذوقوا عذابا النار الذي كنتم به تكذبون مشهد صعب جدا ما حدش يحب ان يكون مصيره كده ابدا - 00:01:55ضَ

ولكن طبعا ده مصير المجرمين والكافرين والفاسقين والظالمين لكن ربنا ايضا لا يحب ان ده يكون مصير الناس يقوم يعمل ايه علشان يساعد الناس انها تختار الطريق الصحيح يذيق الناس عذاب صغير كده في الدنيا شوية مشاكل على شوية مصايب - 00:02:16ضَ

من بتاعة الدنيا عشان تذكرهم باللجوء لله فيتفادوا العذاب الاكبر بتاع الاخرة اقرا معي الاية واحد وعشرين ولا نذيقنهم من العذاب الادنى. دون العذاب الاكبر لعلهم يرجعون. عندنا هنا كزا نقطة. اولا الادنى - 00:02:38ضَ

يعني الاقرب يقابلها الاقصى مش الاكبر ربنا بيقول ولنذيقنه من العذاب الادنى دون العذاب انا متوقع الاقصى. لكن لأ دون العذاب الاكبر الاكبر مش عكس الادنى وعلى فكرة ولو كان لازم الاكبر وهنجيب عكسه يبقى من العذاب الاصغر دون العذاب الاكبر - 00:02:58ضَ

لكن لأ ربنا ما قالش الاصغر سبحان الله طيب شوفوا هو طبعا مفهوم من الاية انه ربنا بيقول ولنذيقنهم من العذاب من عذاب الدنيا الاصغر دون عذاب الاخرة الاكبر. انا طبعتها لكم منها. بس انا بازعل لما باطبع ده عشان انا عارف ان بتوع الفيسبوك والانستجرام بيشوفوا الكلام مقلوب - 00:03:23ضَ

لكن هنا الجماعة بتوع اليوتيوب هيكونوا شايفينها كويس ولا نذيقنهم من عذاب الدنيا الاصغر دون عذاب الاخرة الاكبر القرآن من صفاته الايجاز. يعني ايه الايجاز؟ يعني باقل عدد من الكلمات يدي لك اكبر عدد من المعاني - 00:03:51ضَ

فربنا بيختصرها ازاي ؟ قال لي ولنذيقنه من العذاب الادنى. الادنى يعني الاقرب يعني عذاب الدنيا اللي في الدنيا دون العذاب الاكبر فانت بقيت فاهم ان بتاع الدنيا اصغر وبقيت فاهم ان العذاب الاكبر ده عذاب الاخرة. اللي هو عكس الايه؟ عكس الادنى - 00:04:15ضَ

آآ طيب بس في حاجة تانية بقى نقطة تانية غريبة اوي لعلهم يرجعون. لعلهم ده للرجاء يعني لعلهم يرجعون. يمكن يرجعوا يعني نرجوا انهم يرجعوا. ربنا لا يرجو ربنا لا يرجو - 00:04:36ضَ

لا يترجى احد طب دي معناها ايه ولنذيقنهم من العذاب الادنى دون العذاب الاكبر حتى يقول القائل لعلهم يرجعون مش ربنا اللي بيقول. مش ربنا اللي يرجو ابدا. ربنا لا يرجو - 00:04:57ضَ

او ولنذيقنهم من العذاب الادنى دون العذاب الاكبر على الوجه الذي يفعله من يرجو ان يرجعون ماشي ده المعناها في المفسرين جابوها بالشكل ده طيب لان ربنا يعلم من سيهتدي ومن لن يهتدي. ما فيش حاجة اسمها ربنا بيرجو ان فلان يرجع - 00:05:18ضَ

الاية خلاصتها هو ان ربنا بيذيق الانسان شوية مصايب في الدنيا بحيس يقرب من ربنا. ويرجع فيتفادى مصائب الاخرة. طيب هل الناس بتتغير لما بتدخل في ابتلاءات الدنيا ولا بتظل على الحال اللي كانت عليه لما الدنيا تتحسن وتتغير شوية - 00:05:43ضَ

وترجع عريمة لعادتها القديمة. فاكرين في صورة العنكبوت هات الاية اتنين وتلاتين في سورة العنكبوت. ارجع بس السورة اللي قبلها وات الاية اتنين وتلاتين. بلاش كسل وغلب وهات الاية اتنين وتلاتين - 00:06:03ضَ

ربنا بيقول ايه في الاية اتنين وتلاتين واذا غشيهم موج كالظلل لما ييجي موج كبير ومقلوب يعني بينزل على كالظلل زي السحاب. مغطيهم من فوقيهم كده دعوا الله مخلصين له الدين - 00:06:17ضَ

ده ايه هنا ربنا دوقهم شيء من من العذاب الادنى ها فلما نجاهم الى البر فمنهم مقتصد وما يجحد باياتنا الا كل ختار كفور يبقى البعض بيتوب توبة صادقة والبعض بيتلاعب بالتوبة او بيتوب لحين زوال المشاكل. ثم يرجع تاني يزلم ويعتدي - 00:06:37ضَ

اقرأ بقى معي الاية واحد وعشرين واتنين وعشرين مع بعض. ولا نذيقنهم من العذاب الادنى دون العذاب الاكبر لعلهم يرجعون. ومن اظلم ممن ذكر بايات ربه ثم اعرض عنها انا من المجرمين منتقمون - 00:07:01ضَ

هو فيه حد اكثر ظلما لنفسه من من اللي يذكر ان حد يفكره بايات ربه ثم برضه يعرض عنها. شف الفرق بين دول وبين اللي في الاية خمستاشر اللي في الاية خمستاشر لما كانوا حد بيذكرهم بايات ربنا كانوا بيعملوا ايه - 00:07:23ضَ

انما يؤمن باياتنا الذين اذا ذكروا بها خروا سجدا وسبحوا بحمد ربهم وهم لا يستكبرون. عكس اللي في الاية اتنين وعشرين اللي في ايدينا دلوقتي لما بيذكروا بربهم بايات ربهم بيعرضوا عنها. بيدوها ضهرهم. بيتولوا بعيدا عن كلام ربنا. شف دول نقيضين - 00:07:41ضَ

واحد بيذكر بايات ربنا فيقبل عليها في خشوع ساجدا ساجدا والتاني يعرض عنها ويديها ضهره. عشان كده من السنة اننا اذا مررنا بالاية خمستاشر وانا نسيت اقول الكلام ده امبارح ننزل نسجد سجدة دي - 00:08:05ضَ

في سجدة تلاوة في خمستاشر سجدة تلاوة في القرآن الكريم وسجدة التلاوة تعريفها سجدة وحدها بين تكبيرتين الله اكبر وتنزل تسجد وترفع الله اكبر ما فيش لا تسليم ولا بتاع. عشان بس الناس بتتلخبط بينها وبين آآ سجود السهو. سجود السهو اسمهم سجدتي السهو - 00:08:21ضَ

دي اسمها سجدة التلاوة بتقول فيها سجد وجهي للذي خلقه وشق سمعه وبصره بحوله وقوته. وممكن تقول اللهم اكتب لي بها عندك اجرا اجعلها لي عندك ذخرا وضع عنه عني بها وزرا واقبلها مني كما قبلتها من عبدك داود - 00:08:44ضَ

او قل اللي بتقوله في سجود الصلاة وخلاص سبحان ربي الاعلى وخلاص مش مشكلة الجمهور جمهور العلماء اشترطوا نفس شروط الصلاة في سجدة اه تلاوة. يعني استقبال القبلة الطهارة الوضوء آآ تغطية العورة يعني الست تكون لابسة حجاب وبعدين تسكت - 00:09:08ضَ

طبعا هي سنة. فمش واجبة ممكن تمر بها وما تسجدش بس الافضل اتباع السنة طبعا. طيب اقرا بقى معي الاية تلاتة وعشرين ولقد اتينا موسى الكتاب فلا تكن في مرية من لقائه - 00:09:31ضَ

وجعلناه هدى لبني اسرائيل واجعلنا منهم ائمة يهدون بامرنا لما صبروا وكانوا باياتنا موقنون قلنا ان سورة السجدة نزلت في الثلث الاخير من الفترة المكية. يعني بعد اضطهاد شديد حوالي عشر سنين وايذاء رهيب من قريش للنبي صلى الله عليه وسلم - 00:09:48ضَ

فربنا اختار سيدنا موسى خاصة هو الوحيد اللي ذكر من الانبياء في السورة دي عشان يهون على النبي صلى الله عليه يمشي عليه عليه وسلم شوية. ليه؟ لان كل نبي اوذي من الكفار - 00:10:09ضَ

سيدنا موسى بقى اوذي من الكفار فرعون وملأه واوذي من قومه ايضا من بني اسرائيل ايضا فكان ابتلاءه مضاعف. فربنا قول النبي عليه الصلاة والسلام. ولقد اتينا موسى الكتاب. وهو الرسول عليه الصلاة والسلام اوتي الكتاب برضو. اوتي القرآن. ولقد اتينا موسى الكتاب فلا تكن في مريم - 00:10:26ضَ

من لقائه ما تشكش في انك هتقابله. وفعلا النبي عليه الصلاة والسلام قابل سيدنا موسى في ليلة الاسراء والمعراج كمل معي تلاتة وعشرين وجعلناه اللي هو ايه؟ اللي هو الكتاب اللي هو التوراة هدى لبني اسرائيل - 00:10:46ضَ

وجعلنا منهم ائمة يهدون بامرنا لما صبروا. وكانوا باياتنا يوقنون. ربنا جعل التوراة هدى لبني اسرائيل ودي مش لاول مرة توصف التوراة بالهدى في سورة ال عمران وانزل التوراة والانجيل من قبل هدى للناس. وفي المائدة انا انزلنا التوراة فيها - 00:11:03ضَ

هدى ونور يحكم بها النبيون التوراة هي اعزم كتب الله بعد القرآن الكريم لانها تحتوي على عقيدة وشريعة وليس عقيدة فقط كالانجيل اقرأ معي الاية اربعة وعشرين وجعلنا منهم اللي هم بني اسرائيل ائمة يهدون بامرنا لما صبروا وكانوا باياتنا يوقنون - 00:11:25ضَ

كان ممكن ربنا يقول وخرج منهم ائمة يهدون بامرنا. لكن لأ. ربنا قال وجعلنا منهم ائمة. ربنا بيكلمنا ازاي صنع منهم ائمة؟ وصنعهم بايه صنعهم بالتوراة الوحي هو مصنع الائمة. فربنا بيصنع الائمة في مصنع الوحي - 00:11:51ضَ

يا اما يعني يعني قادة مش في حاجة اسمها يقول لك معهد اعداد القادة احنا بنتكلم عن اعداد القادة ازاي ربنا بيعد القادة؟ كيف استحق بني اسرائيل هذا التكريم بني اسرائيل يستحق هذا التكريم؟ اه امتى؟ لما صبروا - 00:12:15ضَ

وكانوا باياتنا يوقنون. لما كانوا صابرين وعندهم يقين وايمان قوي ربنا جعل منهم ائمة ما فيش قوم خرج منهم انبياء قد بني اسرائيل والاية دي بنرد بها على اللي يقول ان القرآن معادي للسامية. اه معادي لليهود. ليه؟ لا انا اسف جدا القرآن - 00:12:31ضَ

كتاب موضوعي جدا. اللي بيعمل عمل صالح بيثنى عليه. واللي بيعمل عمل محرم او غلط بيذم. ويتقال له انت غلطان. خلص الموضوع. بني اسرائيل موضح هنا في هذه الاية اه طبعا واضح جدا - 00:12:54ضَ

ولكن اللي كفروا منهم لعنوا في سورة المائدة. لعن الذين كفروا من بني اسرائيل على لسان داوود وعيسى ابن مريم ذلك بما عصوا وكانوا يعتدون. يعني مش كلهم سانيا لان فيه اسباب - 00:13:07ضَ

ذلك بما عصوا وكانوا يعتدون هو مش كراهية لحد ولا لجنس معين ولا لعنصر معين ابدا ولما ارسل لهم السيد المسيح في صورة الصف ربنا قال ايه؟ فامنت طائفة من بني اسرائيل وكفرت طائفة - 00:13:23ضَ

عادي جدا يعني منتهى الموضوعية نرجع بقى للاية اربعة وعشرين تاني وجعلنا منهم ائمة يهدون بامرنا لما صبروا وكانوا باياتنا يوقنون الكلام ده لمين الكلام ده نازل للصحابة. نازل للرسول واصحابه - 00:13:41ضَ

بيقول لهم اصبروا وخلي عندكم يقين عشان يصنع منكم ائمة زي ما صنع ائمة من بني اسرائيل اقرا خمسة وعشرين بقى ان ربك هو يفصل بينهم يوم القيامة فيما كانوا فيه يختلفون. ربنا سيفصل بين الائمة من بني اسرائيل وبين قومهم اللي عاندوهم وعذبوهم - 00:14:01ضَ

الكلام ده لك يا محمد كلكم يا صحابة محمد ارجع اقرا الاية تلاتة في سورة السجدة ارجع بسرعة معي للاية تلاتة سورة السجدة. ام يقولون افتراه. ربنا بيتكلم عن القرآن - 00:14:23ضَ

بل هو الحق من ربك لتنذر يا محمد. لتنذر قوما ما اتاهم من نذير من قبلك لعلهم يهتدون. يا جماعة الكتاب كله نازل لنا احنا مش نازل لبني اسرائيل نازل سلام ونازل للصحابة ونازل لنا احنا من بعدهم. فانتم مطلوب انكم تنذروا قومكم. وسيفصل الله - 00:14:36ضَ

بينكم وبين قومكم بينكم وبين قريش وانتم بينكم وبين الفرنساويين والمش عارف مين والناس اللي انتم بتنظروهم كما كما سيفصل بين بني اسرائيل وائمتهم ائمة الهدى هذا الجيل اللي صنعته التوراة لما سيدنا موسى تلقى التوراة تلقاها في وسط جيل تعبان - 00:14:56ضَ

شعبان مش راضيين يجاهدوا قالوا له اذهب انت وربك فقاتلا. ان ها هنا قاعدون. فربنا توهم بقى في التيه في سيناء اربعين سنة راح الجيل اي كلام وجه جيل تاني بقى جاهد وفتح فلسطين بعد ما كان اباؤهم - 00:15:18ضَ

جبنوا عن القتال ورفضوا يقاتلوا طبعا احنا هنا لما بنتكلم عن بني اسرائيل احنا مش بنتكلم عن اجداد الصهاينة. لازم تفهموا كده احنا بنتكلم عن اجدادنا احنا لان الرابطة التي نعترف بها هي رابطة العقيدة من الناحية العقائدية بني اسرائيل دول كانوا هم الامة المسلمة الفين سنة - 00:15:38ضَ

ونظرتنا لهم انهم اسلفنا في الاسلام نستفيد من اخطائهم ونستفيد من حسناتهم نستفيد من تجربتهم عشان ما حدش يفهمني غلط فلسطين ارض جعلها الله حق للمسلمين عبر الزمان. من ايام بني اسرائيل. عشان كده لما سيدنا موسى قال يا قوم ادخلوا الارض - 00:16:01ضَ

المقدسة التي كتب الله لكم كان يكلم مسلمين هذا العصر بصوا لما المسلمين حكموا فلسطين الناس كلها كانت بتعبد ربنا بحرية لما الصليبيين دخلوا والمسيحيين حكموا فلسطين دبحوا سبعين الف مسلم في القدس واتناشر الف يهودي - 00:16:21ضَ

ما حدش عرف يعبد ربنا غير المسيحيين ولما اليهود حكموا ادي احنا شايفين لا مسلمين ولا مسيحيين نفس الكلام. ازا آآ هذه الارض هي الارض المقدسة المكتوبة للمؤمنين في كل - 00:16:45ضَ

العهد ونتوقف هنا ان شاء الله الليلة وبكرة ان شاء الله نخلص سورة السجدة مع بعض وبعد كده نتكلم عن ملامح صور اللي وراء بعض واللهم انا نسألك حبك وحب من يحبك وحب كل عمل يقربنا الى حبك - 00:16:58ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:17:20ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا - 00:17:39ضَ

ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:18:02ضَ

اللهم بحق كل حرف في كتابك تلوناه او تدبرناه اكفنا واهلينا شر كل من يكيد لنا واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك. اللهم من قضى منا بالوباء المنتشر فاكتبه - 00:18:29ضَ

له شهادة. ومن كان منا او من احبابنا مريضا به او حاملا له فالبسه ثوب الصحة والعافية عاجلا غير اجل ومن لم يصب به فقهه شره. وابعده عنه ولا تسلطه الا على اعدائك واعداء دينك واعداء اوليائك - 00:18:50ضَ

اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعهدت على نصرة شريعتك. فوثق اللهم رابطتها. وادم ودها واهدها سبلها. واملأها بنورك الذي لا يخبو - 00:19:10ضَ

واشرح صدورها بفيض الايمان بك وجميل التوكل عليك واحييها يا ربنا بمعرفتك. وامتها على الشهادة في سبيلك انك نعم المولى. ونعم النصير. والسلام عليكم ورحمة رحمة الله وبركاته. ونراكم غدا باذن الله في نفس الموعد. ان كنا من اهل الدنيا - 00:19:33ضَ