Baheth

السلام عليكم ورحمة الله وبركاته. اهلا بحضراتكم في المقطع رقم ربعمية وتلاتين من مقاطع حظر التجول والحلقة الثامنة والاخيرة من حلقات تدبر سورة صاد ارجو من حضراتكم تجيبوا المصاحف اه - 00:00:01ضَ

نسينا امبارح نتدبر الاية ستة وستين. اقرا معي خمسة وستين ستة وستين بسرعة اعوذ بالله السميع العليم من الشيطان الرجيم. قل انما انا منذر وما من اله الا الله الواحد القهار - 00:00:20ضَ

نسينا ايه بقى ؟ رب السماوات والارض وما بينهما العزيز الغفار. اذا الله سبحانه وتعالى هو الاله الواحد القهار رب السماوات والارض. يعني هو رب الكون وما بينهما. كل شيء في الكون. العزيز الغفار. رب الكون وما فيه - 00:00:33ضَ

هو العزيز الذي لا يهزم لا يقهر لا يتغلب عليه احد. الغفار الذي يحب ان يغفر كثيرا مهما بلغت الذنوب طالما ان الانسان ما بيتكبرش وبيتوب وبيعترف بذنوبه ودبرنا امبارح الاية سبعة وستين والاية تمانية وستين اقراهم معي اقرا معي كده سبعة وستين وتمانية وستين. قل هو نبأ عظيم انتم عنه معرضون - 00:00:52ضَ

قلنا ان حسب اللحاق النبأ العظيم هو قصة ادم اللي هي قصة بتؤسس حياة الانسان. وقلنا حسب السياق هو القرآن كله. وحسب السباق القريب هو وحدانية الله. وحسب السباق البعيد هو - 00:01:21ضَ

حسن المئاب وشر المئاب مسألة البعث والحساب اقرأ بقى معي دلوقتي احنا هناخد الايات اللي بعد كده فاحنا هنتكلم بحسب اللحاق. قل هو نبأ عظيم هي بداية فقرة بتتكلم عن خلق ادم. اقرا بقى معي بداية - 00:01:36ضَ

تدبرنا النهاردة من الاية واحد وسبعين اذ قال ربك للملائكة اني خالق بشرا من طين اذا سويته ونفخت فيه من روحي فقعوا له ساجدين اذ قال ربك يعني اذكر لما ربك قال - 00:01:50ضَ

افتكر لما ربك قال طب هو النبي عليه الصلاة والسلام كان موجود وقتها؟ عشان يفتكر حاجة زي كده ؟ لأ. ده معناه ان ربنا اخبرنا انه خلق ادم بالخبر الصادق - 00:02:11ضَ

والقرآن الكريم وبيقول لنا تذكروها باستمرار. اذ قال ربك يعني دايما فكر نفسك بالقصة دي. القصة مهمة جدا ده امر للنبي ولنا احنا من خلال النبي صلى الله عليه وسلم. لازم دايما نفكر نفسنا بقصة ادم. هي دي اللي بتشرح لك انت هنا ليه اصلا في الدنيا - 00:02:22ضَ

واحد وسبعين اذ قال ربك للملائكة اني خالق بشرا من طين ربنا اخبر الملائكة انه سيخلق بشر من طين طب احنا من اسبوع اخدنا في سورة النور والله خلق كل دابة من ماء - 00:02:44ضَ

مش ده يبقى تعارض؟ ماء ولا طين؟ سورة الروم ربنا قال فيها ومن اياته ان خلقكم من تراب. الله! وده مش تعارض؟ تراب ولا ماء ولا طين هو التراب والماء بيعملوا ايه؟ بيعملوا طين - 00:03:01ضَ

ازا لو ربنا قال من تراب صح. التراب داخل في التكوين. لو ربنا قال من ماء صح الماء داخل في التكوين. لو ربنا قال من طين صح الطين والماء اصلا - 00:03:22ضَ

التراب والماء قسطنطين. فده معناه ان بداية الخلق كانت من طين ثم تطور الانسان وصار التكاثر يأتي عن طريق التناسل عن طريق التزاوج بين الذكور والاناث. في سورة غافر تدبرنا - 00:03:32ضَ

هو الذي خلقكم من تراب ثم من نطفة ثم من علقة ثم يخرجكم طفلا ثم لتبلغوا اشدكم. طيب. ازا بداية الخلق من تراب. ثم بعد ذلك تمت التكاثر عن طريق التزاوج بين الذكور والاناث - 00:03:48ضَ

طبعا هنا في موضوع بقى خلق الانسان بيدخل نزاع عقيم ما لوش اي محل من الاعراب هو نزاع حول نزرية التطور. وخناقة لا محالة لها من الاعراب دول يقولوا تطور حقيقة والخلق المباشر غير صحيح وغير علمي - 00:04:08ضَ

ودول يقولوا الخلق المباشر هو الحقيقة والتطور يخالف الدين ولا يمكن يكون صحيح الحقيقة ان الطرفين داخلين في نزاع متوهم متوهمه ان فيه تعارض ما المانع علميا انه يكون التطور حقيقة ويثبت. وان برضه ربنا يخلق خلق - 00:04:27ضَ

لمخلوق معين ويضعه في المنزومة. ما فيش شيء يمنع لا علميا ولا منطقيا ولا اي شيء لا يوجد ما يمنع شرعا ولا علما اه طيب ازا زهر في تعارض بين العلم والشرع نعمل ايه؟ اولا ده اللي بتفهم ان هو ده مستحيل - 00:04:48ضَ

مستحيل يا اما العلم اللي انت فاهمه علم ده مش هو الحقيقة وانه سيتغير وتظهر نظريات جديدة. واما ان فهمك للشرع كن خاطئ والشرع ما بيقولش اللي انت فاهمه ده - 00:05:08ضَ

لكن تعارض حقائق علمية مع قطعيات وثوابت الدين امر مستحيل وايه رأيكم بقى ان العلم اكتشف ان الانسان اصله من تراب الغبار الكوني ودي مقالة هحط لكم الرابط بتاعها على موقع ناشيونال جيوجرافيك. اللي عايز يعمل لها جوجل دلوقتي يسيرش عليها - 00:05:24ضَ

عاوزين طنز اوف كوزميك داست فولين تو ارث افيكس يو امي يعني اربعين الف طن من الغبار الكوني اللي طالع من السوبر نوفا من من الشموس الكبيرة اللي خارج المجرة - 00:05:48ضَ

بيقعوا على الارض كل سنة وبيدخلوا في تكوين التربة وتكوين الانسان يزل الانسان من تراب حتى علميا حتى علميا انا اللي يهمني هنا هو متى امر الله الملائكة بالسجود للبشر - 00:06:04ضَ

اقرا معي واحد وسبعين واتنين وسبعين اذ قال ربك للملائكة اني خالق بشرا من طين فاذا سويتم ونفخت فيه من روحي فقعوا له ساجدين يعني الملائكة لم تؤمر بالسجود بعد خلق الانسان - 00:06:22ضَ

ولا بعد تسوية الانسان بل بعد نفخ الروح هذه النفخة العلوية هي التي تربط الطين بالسماء واذ قال ربك للملائكة. بص معي واحد وسبعين. اني خالق بشرا من طين. قال لهم اسجدوا؟ لأ لسة - 00:06:45ضَ

فاذا سويته قال اسجدوا لأ لسة ونفخت فيه من روحي وقعوا له ساجدين. هذه النفخة العلوية هي التي تربط هذا الطين بالسماء الطين بيشد الانسان لاسفل. شهوات الانسان بتشد الانسان لاسفل. والروح التي نفخها الله في الانسان تريد ان تتسامى - 00:07:05ضَ

تتطلع الى السماء مصدرها السماء هو ده الصراع اللي داخل كل واحد فينا. الطين يجعلك تنسى والروح تذكرك بالله الطين يشدك لتحت والروح تشدك للسما قبل نفخة قبل النفخة كان البشر هيبقى زي اي حيوان على الارض مجرد جسد عنده شهوات يريد اشباع هذه الشهوات لما يشعر بالجوع يفترس غيره لما - 00:07:29ضَ

نشعر بالانجذاب الجنسي يشبع رغباته دون تقيد باي قيود او اي مسئوليات اما الروح فيا التي جعلت هذا البشر عاقل يفكر يتطلع الى معرفة سبب وجوده. هو انا اصلا هنا بعمل ايه في الدنيا - 00:07:56ضَ

وزيفتي في الدنيا ايه اصلا؟ الجوب دي سكريبشن بتاعي ايه ايه هي المهمات المطلوبة مني اصلا عشان كده الدعوات المادية اللي بتقول بعدم وجود الروح ان الروح مش شيء مادي. وهم دعوات مادية وعقل مادي وحضارة مادية اي شيء مش مادي ما بيعترفوش بوجوده - 00:08:12ضَ

دايما تجدوا نفس الدعوات المادية دي مرتبطة بالانحلال الاخلاقي وبالتفسخ الاخلاقي. ليه؟ لان المادية اللي جعلتهم ينكروا وجود عشان الجروح غير مادية هي نفسها المادية اللي تريد ارضاء شهوات الجسد المادي دون تقيد بشرائع تطبيقها. ما فيش ضوابط - 00:08:34ضَ

الشريعة تجعلك تشبع الغرائز لكن اشبع الغرائز مرتبط بالمسؤولية عاوز ايضا اتوقف عند الياء في كلمة روحي فاذا سويته ونفخت فيه من روحي. يعني ايه روحي؟ روح الله! الله! يعني ايه روح الله - 00:08:55ضَ

زي ما اقول سيارتي دياء الملكية. هل سيارتي جزء مني؟ لأ لما ربنا يقول ارضي وسمائي مش جزء منه. يعني يملك هزه الارض يملك هزه السماء. روحي لا يجوز للمسلم انه يظن انها الروح - 00:09:17ضَ

التي يحيا بها الله. اوعى تفتكر كده اوعى تفتكر كده ليس كمثله شيء هي روحي يعني روح الله يعني ملك لله الروح التي اعدها الله للانسان لكن التكريم واضح جدا في الاية الحقيقة. الاية فيها تكريم كبير جدا للانسان - 00:09:37ضَ

اقرا كده الاية اتنين اقرا كده معي الاية اتنين وسبعين. فاذا سويته ونفخت فيه بالروح فقعوا له ساجدين. اول تكريم ان الله هو الذي اذا سويته تاني تكريم ونفخت فيه من روحي. ربنا هو الذي نفخ الروح المملوكة له واعدها للانسان. ربنا هو الذي سواه - 00:10:01ضَ

وهو الذي نفخ فيك الروح اسمع بقى فقعوا له ساجدين امر الله الملائكة بالسجود لادم وده امر كبير جدا هو نبأ عظيم انتم عنه معرضون منتهى التكريم للانسان ان الملأ الاعلى ان اعلى المخلوقات الملائكة ربنا يسجدها للانسان. السجود لغة هو الخضوع - 00:10:22ضَ

اللغة السجود عن الخضوع اصطلاحا السجود هو وضع الجبهة على الارض خضوعا اقرا بقى معي تلاتة وسبعين واربعة وسبعين. فسجد الملائكة كلهم اجمعون الا ابليس استكبر وكان من الكافرين. طيب يعني ايه فسجد الملائكة؟ كلهم اجمعون. مين هم الملائكة يا جماعة - 00:10:48ضَ

قال النبي صلى الله عليه وسلم ملك من الملائكة موكل بالسحاب يبقى فيه ملك موكل بالسحاب وتحريك السحاب يعني انزال المطر الطقس. طيب وفي رحلة الطائف قال النبي ان ملك - 00:11:11ضَ

ناداه وقال يا محمد ان الله قد سمع قول قومك لك وانا ملك الجبال. اذا هناك ملك الجبال والصخور والجيولوجيا اذا الملائكة تدير الطبيعة تتحكم في قوانين الطبيعة. بالتالي اسجاد الملائكة لادم هو اخضاع الطبيعة - 00:11:27ضَ

للانسان اخضاع الطبيعة للانسان. ربنا سخر الكون كله. عشان يسهل عليك مهمتك يا انسان وزيفتك انك خليفة الله في الارض. يعني مطلوب منك تعمر الارض تساند الحق. تقف ضد الزلم وضد الباطل. آآ طبعا تعبد الله. آآ تدعو الناس الى الخير. دي المهام المطلوبة منك كخليفة - 00:11:50ضَ

والله في الارض هتعملها ازاي لو الطبيعة بتعيقك يعني مسلا لو لو قوة الجاذبية قوية جدا فانت مش قادر تشيل رجلك من على الارض. طب انت هتعمل يعني هتؤدي وظايفك ازاي - 00:12:16ضَ

في سورة الجاثية ربنا بيقول وسخر لكم ما في السماوات وما في الارض جميعا منه. كل شيء في الكون مسخر لخدمة الانسان ما عدا حاجة واحدة اربعة وسبعين. الا ابليس - 00:12:30ضَ

استكبر وكان من الكافرين. قوى الشر هي اللي هتقف ضدك. ممثلة في ابليس هنا مش قلنا الصورة كلها عن خطورة الاستكبار الا ابليس استكبر وكان من الكافرين الصورة ضربت المثل - 00:12:48ضَ

للاوابين. يعني الناس اللي مش بتتكبر بتعترف بالغلط. بتتوب الى الله وذكر ربنا نبي الله داود وسليمان وايوب لانهم كانوا اوابين. ووصفهم بالاوابين هنا يذكر ابليس كمثل اعلى للمستكبرين الا ابليس - 00:13:05ضَ

استكبر وكان من الكافرين. ما السؤال بقى هو ليه ابليس من الكافرين يعني هو اللي ما يعملش يعني اللي يعصى ربنا يبقى كافر يعني لو واحد عصى ربنا يبقى كافر - 00:13:31ضَ

لأ هنا بقى دي حاجة قال لك معصية الشيطان وامتناعه من امتناعه من السجود ما كانش تكاسلا. مش زي اللي ما بيصليش تكاسلا لا. ده امتنع من باب في حكمة ربنا وفي علم الله - 00:13:43ضَ

هو شايف ان ان امر ربنا له غلط اصلا وده كفر. هذا كفر لا محالة الاية اربعة وسبعين اسمع الحوار اللي دار بين الله وبين ابليس معي اربعة وسبعين قال يا ابليس ما منعك ان تسجد لما خلقت بيدي - 00:13:58ضَ

استكبرت ام كنت من العالين. ربنا سبحانه وتعالى بيلوم ابليس. وبيسأله ايه بقى ايه اللي منعك انك تسجد زي ما انا امرتك امارتك تسجد للمخلوق اللي انا خلقته بيدي لما ربنا يقول لما خلقت بيدي عندنا هنا تلات مزاهب عقائدية - 00:14:19ضَ

المذهب السلفي الذي يثبت الصفة طالما ربنا قال بيدي اذا ربنا له يدين زي ما قال عن نفسه وهذا المذهب اسلم لكن لا نعلم الكيفية يدين ليستا كايدينا هناك مذهب التأويل زي الاشاعرة والماتريدية - 00:14:39ضَ

ما دام احنا قلنا ان كلمة ايدي معناها القوة. في نفس السورة. الاية سبعتاشر واذكر عبدنا داوود ذا الايدي انه اواب يعني ذو القوة كان قوي وكان ربنا كان مدي له قوة في حاجات معينة - 00:15:02ضَ

الاية خمسة واربعين واذكر عبادنا ابراهيم واسحاق ويعقوب اولي الايدي والابصار وقلنا الايدي يعني القمة مش معقول ربنا هيوصف ناس بان عندهم ايدين ايه الشيء الغريب يعرف ان يكون عندهم ايدين. ليه ربنا يوصف حد يقول لك عنده ايدين - 00:15:20ضَ

طب ما انا اقول لك مسلا فلان اللي عنده ايدين ما مش ممكن يكون فهنا الاي دي معناها القوة. ازا طبقا للمزهب اللي بيؤول المقصود ان ربنا خلق ادم بيديه يعني بقوته وبقدرته - 00:15:38ضَ

ده المزهب التأويلي اللي بيؤول هناك مذهب تالت وهو مذهب التفويض اللي هو بيفوض الامر ويقول والله اعلم بمراده دول تلات مزاهب انا بقول لكم اهو اي واحد فيهم مشي - 00:15:53ضَ

ما تخشش في الجدل العقيم اللي شغال والناس عمالة تتخانق مع بعض على الفيسبوك. وده الصح. وده انتم مجسمة. ده احنا الصح وانتم حشوية. وعمالين يتخانقوا مع بعض جدل عقيم هيضيع الامة ما لوش اي معنى اصلا - 00:16:08ضَ

انا معي خمسة وسبعين ومش عايز حد يقادرني في المسألة دي خالص الموضوع منتهي بالنسبة لي. خالص عمري ما هاستدرج لهزا الفخ ابدا اقرا خمسة وسبعين. قال يا ابليس ما منعك ان تسجد لما خلقت بيدي - 00:16:25ضَ

استكبرت ام كنت من العالين انت شايف نفسك كبير ام كنت من العالين ولا انت عليت؟ اللي علي علي علي زي بزاتنا واحد مسلا صاحب شركة يقول لموزف قديم عنده يقول له ايه - 00:16:44ضَ

يقول لي ادي له امر فلما ما يعملوش يقول له انت ايه كبرت ولا خلاص اللي علي علي؟ انت شايف نفسك كبير يعني؟ ولا شايف نفسك عالي؟ ابليس بغباؤه جه يكحلها عماها - 00:16:59ضَ

عاوز يبرر معصيته لاوامر الله راح قايل ايه ؟ اقرا بقى معي ستة وسبعين. قال انا خير منه خلقتني من نار وخلقته من طين. انا ما لان انا احسن منه. بيقول لربنا ان ان اصلا قرارك غلط - 00:17:14ضَ

عمرك اصلا غلط. شيكا ما نفزتوش. بيصحح لربنا انا احسن منه. ليه ؟ العنصر بتاعي النار. ارقى من العنصر بتاعه اللي هو الطين خلقتني من نار وخلقته من طين خلي بالك احنا دلوقتي امام اول معصية في التاريخ - 00:17:29ضَ

اول معصية في التاريخ هي معصية ابليس. لامر الله بالسجود لادم وعصى ربنا بسبب العنصرية. يرى ان عنصره افضل من العنصر الاخر اذا الخطيئة الاولى هي العنصرية وهي نوع من انواع الاستكبار استكبار بالعنصر - 00:17:48ضَ

اقرا معي سبعة وسبعين. قال فاخرج منها فانك رجيم ربنا طرده فورا من الجنة اذا الخطيئة الاصلية هي العنصرية. ولا مكان في الجنة للعنصريين وليس الخطيئة الاصلية كما يقول المسيحيين انها ان لما ادم وحواء اكلوا من الشجرة المحرمة. اولا دي مش اول خطيئة. اول خطيئة خطيئة ابليس - 00:18:11ضَ

البشرية محتاجة النهاردة اي مفهوم فيهم المفهوم اللي بيقول ان لما ادم وحواء رأى آآ اكلوا او ارتكبوا حاجة حرام. آآ قانون ربنا اتكسر وده شيء كبير جدا ولازم حد يتعاقب عشان ربنا عادل بس برضه ربنا رحيم فربنا مش عارف يعاقب ولا يرحم فيعمل - 00:18:40ضَ

ايه تجسد وتأنس يعني بقى جسده بقى في شكل انسان ونزل مات على الصليب وعاقب نفسه. هو ده المفهوم اللي البشرية ولا ان الخطيئة الاصلية والتحدي الاساسي الذي يواجه البشرية الان هو العنصرية - 00:19:02ضَ

ان ما حدش يفتكر نفسه افضل من الاخرين بسبب لونه بسبب عرقه بسبب لغته بسبب المستواه المادي او مستواه الاجتماعي ان اكرمكم عند الله اتقاكم اي مفهوم فيهم هو الذي ينقذ البشرية النهاردة - 00:19:19ضَ

بصي للشغالة اللي بتخدمك في البيت وقولي في قرارة نفسك. احتمال كبير تكون هي احسن مني عند ربنا تقدري تعملي كده بص للسواق او البواب بتاعك يقول في قرارة نفسك. احتمال كبير انه يكون احسن مني عند ربنا. هل تقدر تعمل كده - 00:19:36ضَ

لو فكرتم كده لو فكرتم بالطريقة دي طريقتكم في التعامل معهم هتتغير. ونظرتكم لنفسكم انتم ما تتغيروا هتقدروا تتفادوا اكبر عدو لكم اكبر عدو مش الشيطان ابدا. الشيطان ده اي كلام. ان كيد الشيطان كان ضعيفا. امال ايه اكبر عدو؟ اكبر عدو هو الانا - 00:19:56ضَ

الشيطان ما كانش قبله فيه شيطان عشان يخلي الشيطان يبقى شيطان لأ. الانا هي اللي كانت موجودة والانا خلت ابليس هذا المخلوق الجيد الجميل يصبح شيطان بعد كده الانا الانا هي اللي خلت فرعون يبقى شيطان - 00:20:19ضَ

لما قال اليس لي انا ملك مصر وهذه الانهار تجري من تحتي الانا هي اللي خلت فرعون يبقى شيطان لما قال آآ انما اوتيته انا على علم عندي انا بتخلي الناس شياطين. بتخلي المخلوقات شياطين - 00:20:37ضَ

تمانية وسبعين وان عليك لعنتي الى يوم الدين. لعن الشيطان بسبب الانا بتاعته. يعني طرد من رحمة ربنا الى يوم الدين ومع ذلك هو طلب من ربنا طلب زكي جدا - 00:20:58ضَ

اقرا معي تسعة وسبعين. قال ربي فانظرني الى يوم يبعثون انظرني يعني انتظرني يعني اديني مهلة طلب ان ربنا يمهله ولا يعاقبه حتى يوم البعث يوم البعث يبقى ربنا يحاسبه ويعاقبه. هو عارف انه هيتحاسب وعارف انه هيتعاقب - 00:21:14ضَ

لكن هل ربنا استجاب له اقرا تمانين واحد وتمانين. قال فانك من المنظرين الى يوم الوقت المعلوم. ربنا فعلا هينظره يعني هيمهله ولن يعاقبه فورا لكن المهلة ليست ليوم البعث زي ما هو طالع - 00:21:37ضَ

اللي ربنا امهله اليوم البعث يبقى هو هيتفادى الموت يعني هو هييجي يوم القيامة ما يموتش وما يعاقبش لا يقهر بالموت. وربنا مدي له فرصة ليوم البعث. فربنا قال له لا الى يوم الوقت المعلوم - 00:21:55ضَ

الى يوم الى الساعة لكن عند قيام الساعة هيموت ويقهر بالموت. يجب ان الكل يقهر بالموتى لا يوجد قهار الا الله هو الواحد القهار فربنا سيؤجل عذابه في الدنيا الى يوم الوقت المعلوم. طيب - 00:22:10ضَ

السؤال بقى هو هو يعني الشيطان كويس اوي يستحق ان ربنا يستجيب لدعائه يعني لأ ربنا مش بيستجيب لدعاءه عشان هو يستحق الاستجابة دعاء لأ ربنا امهله وانذره الى يوم الوقت - 00:22:27ضَ

معلوم لان لانه الشيطان عامل رئيسي جدا في اختبارنا في الدنيا. لازم لازم يوسوس لنا ولازم نختبر هو بيمثل قوى الشر كلها هناك شياطين انسى شياطين جن زي ما اتكلمنا قبل كده. طيب - 00:22:38ضَ

اقرا معي اتنين وتمانين وتلاتة وتمانين. قال فبعزتك لاغوينهم اجمعين الا عبادك منهم المخلصين اقسم بعزة الله انه يغوي الناس كلها لكنه واقعي وفاهم كويس انه لا يستطيع اغواء الناس كلها. ولن ينجح في اضلال المخلصين. يعني اللي ربنا اخلصهم - 00:22:56ضَ

وطهرهم الخلاصة يعني بعد ما بتفلتر الماية او السائل بينزل لك الخلاصة الطاهرة النضيفة المخلصين الناس اللي ربنا اخلصهم وطهرهم لانهم مخلصين ومتخلصوا من الانا فربنا اخلصهم اربعة وتمانين وخمسة وتمانين - 00:23:18ضَ

قال فالحق والحق اقول لاملأن جهنم منك وممن تبعك منهم اجمعين. ربنا بيتكلم بيقول الحق والحق اقول يعني فانا الحق والحق اقول وهناك قراءة اخرى بفتح الحق الاولى ايضا. فالحق والحق اقول ده قسم. الفاء هنا هو آآ آآ بدل الواو القسم يعني. ربنا - 00:23:40ضَ

بيقسم بالحق فالحق والحق اقول والحق هو الله. فالحق بيقسم بالحق ان قوله الحق انه سيملأ الحق ايه بقى ؟ انه سيملأ جهنم من الشيطان واتباعه كلهم طب دي تفيدنا في ايه؟ تتدبرها ازاي؟ اللي يشوف الحرام منتشر النهاردة ويشعر بجرأة انه يرتكب الحرام في قلب الناس عشان خاطر خلاص بقى ما هو - 00:24:08ضَ

يعني ربنا هيعاقب الناس دي كلها اه يعاقب الناس دي كلها. لأ جهنم كبيرة جدا اوعى تتجرأ على الحرام لما الناس كلها تعمله ثم خذ يعني سيظل الحرام حراما ولو فعله كل الناس - 00:24:35ضَ

ثم ختمت السورة بامر الله تعالى بامر الله سبحانه وتعالى لنبيه ان يقول ايه بقى؟ اقرا معي من ستة وتمانين لتمانية وتمانين قل ما اسألكم عليه من اجر وما انا من المتكلفين. ان هو الا ذكر للعالمين ولتعلمن نبأه بعد حين - 00:24:55ضَ

قل يعني قل يا محمد ما اسألكم عليه من اجر. انا مش عاوز منكم لا فلوس ولا منصب ولا عندي اجندة شخصية اصلا وما انا من المتكلفين بالبلدي كده وبالمصري يعني انا مش بفتي - 00:25:14ضَ

عارفين لما واحد يتكلم في شيء ما بيفهموش من اصوله يقول لك عن ده بيفتي يا عم سبك من الفتي بتاعه نقصد انه بيتكلم في امر بدون علم. وما انا من المتكلفين يعني انا مش بتكلم بدون علم - 00:25:28ضَ

ابن مسعود قال من سئل عما لا يعلم فليقل لا اعلم ولا يتكلف يعني ما يتكلمش في حاجة هو مش فاهمها فالرسول صلى الله عليه وسلم بيقول وما انا من المتكلفين انا مش بتكلم بدون علم ده اللي بقوله ده مهم جدا. ايه بقى اللي بيقوله؟ ان هو الا ذكر للعالمين. اقرا سبعة وتمانين. ان هو الا ذكرا - 00:25:41ضَ

للعالمين ولا تعلمن نبأه بعد حين. اللي بقوله ده هو ده الذكر اللي بيذكر العالمين جمع عالم عالمين عالم الانس عالم الجن عالم الحيوان كل العوالم يذكر العالمين ده الذكر يعني ايه يعني بيذكر بوجود الله. بيذكر بوحدانية الله. بيذكر بتنزيه الله عن كل نقص. بيذكر بان بعد - 00:26:04ضَ

موت حساب بعث وعد البعث حساب. وبعد الحساب اما جنة واما نار النار ستكون للمستكبرين الذين لا يتوبون عن خطاياهم هو ده الذكر الذكر اللي هو ايه بقى؟ اللي هو في القرآن ارجع للاول اية في السورة - 00:26:28ضَ

الصاد والقرآن ذي الذكر. الذكرى هو اللي في اخر السورة الذكر هو المحتوى بتاع كل كتب ربنا. المحتوى العقائدي لكتب الله كلها اقرا بقى التمانية وتمانين ولتعلمن نبأه بعد حين. يعني اللي مش مصدق ان ده هو الحق هيتأكد من ذلك بعد حين - 00:26:45ضَ

لما يبعث وبذلك نكون قد انتهينا بفضل الله تعالى من تدبر سورة صاد. وغدا بازن الله نبدأ سورة الزمر اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:27:08ضَ

ما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك - 00:27:29ضَ

وانبيائك ورسلك وعبادك الصالحين. اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا - 00:27:49ضَ

لقى احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتك وحسناتكم جميعا اللهم بحق كل حرف في كتابك كلوناه او تدبرناه. اكفنا واهلينا شر كل من يكيد لنا ولهم. واحفظنا واياهم من شرورهم - 00:28:09ضَ

نجعلك اللهم في نحورهم فانت الوكيل ولا حول ولا قوة الا بك. اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين. وانصرهم وانصر من نصرهم. واخذل من خذلهم وطهر المسجد الاقصى من - 00:28:32ضَ

فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم يصب به فقه شره وابعده عنه - 00:28:52ضَ

لا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك - 00:29:14ضَ

فوثق اللهم رابطتها. وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل الثواب توكلي عليك واحييها يا ربنا بمعرفتك. وامتها على الشهادة في سبيلك - 00:29:32ضَ

انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا الموعد. مع بداية تدبر سورة الزمر سلام عليكم - 00:29:49ضَ