Baheth

تاني السلام عليكم ورحمة الله وبركاته. اهلا بحضراتكم. في المقطع رقم ربعمية تسعة واربعين من مقاطع التجول والحلقة السابعة من حلقات آآ تدبر سورة فصلت ارجو من حضراتكم تجيبوا المصاحف - 00:00:01ضَ

واقرا معي ابتداء من الاية واحد وربعين. هنقرا واحد واربعين واتنين واربعين مع بعض اعوذ بالله السميع العليم من الشيطان الرجيم ان الذين كفروا بالذكر لما جاءهم وانه لكتاب عزيز - 00:00:32ضَ

لا يأتيه الباطل من بين يديه ولا من خلفه تنزيل من حكيم حميد الفقرة دي لها علاقة بفقرتين تانيين في الصورة الفقرة القريبة هي الاية اللي قبلها. الاية اربعين اقرا معي بداية الاية اربعين - 00:00:54ضَ

ان الذين يلحدون في اياتنا لا يخفون علينا بعد ما ربنا تكلم عن اياته السماوية والارضية فاكرين الايات السماوية عشان نفتكرها. اقرا معي بداية الاية سبعة وتلاتين. ومن اياته الليل والنهار - 00:01:14ضَ

شمس والقمر. واتكلمنا عن الايات السماوية دي اللي هي ايضا ايات زمانية ومكانية. الايات الزمانية الليل والنهار زمان والايات المكانية شمس وقمر وبعد كده ربنا تكلم عن الايات الارضية الاية اقرا عشان نفتكرها نقرا مع بعض بداية الاية تسعة وتلاتين. النهاردة بقى مهم جدا تتنقلوا بسرعة معي بين الايه؟ الايات - 00:01:36ضَ

تقرا معي بداية تسعة وتلاتين ومن اياته انك ترى الارض خاشعة. الارض خاشعة. فاذا انزلنا عليها الماء اهتزت وبعدها ربنا توعد الذين يلحدون في اياته يعني ينحرفون عنها ينحرفون عن الايات - 00:02:03ضَ

اقرا بداية الاية اربعين. ان الذين يلحدون في اياتنا لا يخفون علينا وهو ايات ربنا سؤال بقى هو ايات ربنا ايات كونية بس يعني ايات سماوية وارضية بس ولا فيه ايات اخرى - 00:02:26ضَ

طبعا فيه ايات اخرى اللي هي ايات ايه؟ ايات الذكر الحكيم ايات الوحي ايات القرآن اقرأ بقى معي الاية واحد واربعين اللي هي بداية التدبر النهاردة ان الذين كفروا بالذكر لما جاءهم. يعني اللي كفروا بكلام ربنا بعد ما جالهم. ده اسمه تخصيص للعام - 00:02:46ضَ

يعني ان الذين يلحدون في اياتنا المقصود بها ايات الله عامة سواء ايات الوحي القرآن او التوراة او الايات الكونية اما بقى الاية واحد واربعين ان الذين كفروا بالذكر ده كده آآ آآ واضح ان هو آآ آآ - 00:03:06ضَ

واضح ان هو آآ يعني آآ بيخصص ايات القرآن خاصة انا عايز اعرف بس هو فيه فيه مشكلة عند الناس انا شايف الصوت بيقطع ده الناس بتوع والبث سيء ده الناس بتوع اليوتيوب بيقولوا. وكلاب هوس قطع - 00:03:32ضَ

طيب خير ان شاء الله خير ان شاء الله خلينا اه يفتح وناخد ده فيديو برضه طيب كده افضل شوية كده الدنيا شغالة عندكم آآ الجماعة بتوع بتوع الفيسبوك الصوت عندكم واضح واليوتيوب اكتبوا لي بسرعة الصوت عندكم واضح من فضلكم - 00:03:51ضَ

مش انا اتصرفت. طيب. خير اوكي. طيب يعني واضح ان الفيسبوك شغال كويس طيب يا جماعة بتوع اليوتيوب بيقولوا الفيسبوك شغال كويس نكمل نكمل ان شاء الله يبقى ان الذين كفروا بالذكر - 00:04:34ضَ

المقصود بها على وجه الخصوص ايات الوحي طيب فين الجواب يعني ان الذين كفروا بالذكر. ايه بقى؟ يعني فين جواب هذا الكلام الجواب محذوف. انت محتاج تقدره. محتاج تفكر فيه وتتدبره. ان الذين كفروا بالذكر ايه؟ تعالوا نشوف مسال خدناه امبارح - 00:04:54ضَ

لجواب محذوف واحنا ازاي قدرنا نتدبره تعالوا مسلا هات الاية سبعة وتلاتين وتمانية وتلاتين الاية سبعة وتلاتين ومن اياته الليل والنهار والشمس والقمر لا تسجدوا للشمس ولا للقمر. واسجدوا لله الذي خلقهن ان كنتم اياه تعبدون. فان استكبروا - 00:05:15ضَ

يعني ان استكبروا عن السجود لله بالرغم ان هو اللي خلق الشمس والقمر وخلق الاسباب. فان استكبروا وبعد كده ما قليناش جواب فين الجواب بتاع ان فان استكبروا فالذين عند ربك يسبحون له بالليل والنهار وهم لا يسأمون. قلنا ما ينفعش ده يكون الجواب - 00:05:43ضَ

لان الملائكة تسبح لله كده كده سواء الناس سجدت وعبدة الله او كفرت وقلنا يبقى تقدير الجواب ده ممكن يبقى ايه؟ فان استكبروا ان الله غني عن عبادتهم. مسلا تعالوا بقى نرجع للاية واحد واربعين ونشوف الجواب المحزوف ممكن يبقى ايه - 00:06:07ضَ

بص معي في الاية واحد واربعين وركز معي هنا ان الذين كفروا بالذكر لما جاءهم ها يقدر الجواب ازاي طيب بص بعدها كده في ايه اقرا باقي الاية واحد واربعين. وانه لكتاب عزيز. قلنا عزيز يعني يغلب ولا يغلب - 00:06:27ضَ

يقهر ولا يقهر يبقى ان الذين كفروا بالذكر لما جاءهم هم الخسرانين ده تقدير الجواب. ان الذين كفروا بالذكر لما جاءهم في سرك كده وفي ذهنك تتدبر وترد بالجواب وتقول هم الخاسرون - 00:06:50ضَ

وانه لكتاب عزيز. فعلا ما يتغلبش اقرا معي اتنين واربعين لا يأتيه الباطل من بين يديه ولا من خلفه. تنزيل من حكيم حميد ما فيش في الدنيا كتاب كامل. مهما كان جميل - 00:07:07ضَ

لان الانسان مش كامل الكمال لله وحده الله فقط هو الذي لا يخطئ. اذا القرآن ايضا لا يخطئ القرآن ليس فيه خطأ واحد اقرا معي الاية اتنين واربعين. لا يأتيه الباطل من بين يديه ولا من خلفه. يعني من اي اتجاه - 00:07:26ضَ

لا في المستقبل حد يستطيع انه يثبت ان في خطأ في القرآن ولا في الماضي حد استطاع انه يثبت ان في خطأ في القرآن هذا الكتاب يتحدى دائما في اول صفحة بيتحدى - 00:07:47ضَ

في سورة البقرة في بدايتها بيتحدى الف لام ميم ذلك الكتاب لا ريب فيه. في اول صفحة كده بيتحدى القارئ انه يجب خطأ واحد يعني اكنه بيقول للملحدين اجر العب بعيد يا ملحد انت وهو - 00:08:00ضَ

اقرأ معي اتنين واربعين لا يأتيه الباطل من بين يديه ولا من خلفه تنزيل من حكيم حميد. ما فيش فيه غلطة. لانه مش كلام بشر. ده تنزيل نازل على العالم من خارج - 00:08:15ضَ

العالم ونازل من مين؟ من حكيم حميد مصدر الحكمة حكيم مصدر الحكمة هو الذي انزله وحميد هو في نفسه هو حميد في نفسه. يعني مستحق للحمد ولو لم يحمده احد - 00:08:33ضَ

يكفي نعمة القرآن وحدها كي يحمد الله عليها نرجع للاية اتنين في السورة. هات لي الاية اتنين كده في السورة اول اية. اول ايتين ولاحز معي وصف القرآن الكريم. اقرا في الاية اتنين كده تنزيل من الرحمن الرحيم - 00:08:50ضَ

ده تنزيل من الرحمن الرحيم. ورحمة ربنا ان هو انزل القرآن انه نزل القرآن ليفصل جدالات الكافرين هنا في الاية اتنين واربعين تنزيل من حكيم حميد هنا بقى في الاية اتنين واربعين مش مناسب انه يقول تنزيله من الرحمن الرحيم - 00:09:08ضَ

المناسب يقول من حكيم حميد. ليه بعد ما اتكلم عن دقة القرآن. وانه لا يأتيه الباطل من بين يديه ولا من خلفه. يبقى تنزيل من حكيم مناسبة اكتر ما يقول من رحمن رحيم. هنا من حكيم - 00:09:28ضَ

وبعد ما اتكلم عن الذين يكفرون باياته يبقى تنزل حميد من حكيم بعد ما اتكلم عن دقة القرآن. حميد مناسبة اكتر هنا لانها اتكلم قبلها عن الذين يكفرون ولا يحمدون الله - 00:09:48ضَ

هو حميد في نفسه لا يحتاج الى حمدهم اصلا تلاتة واربعين تلاتة واربعين. ما يقال لك الا ما قد قيل للرسل من قبلك ان ربك لذو مغفرة وذو عقاب اليم - 00:10:04ضَ

بعد ما ربنا توعد الذين يلحدون في اياته وبيكفروا بايات الوحي ربنا بيطمن وبيسلي النبي صلى الله عليه وسلم بيساليه يعني بيطمنه بيؤكد له ان هو معه وانه شايف وسامع كل اللي بيحصل معه. وكل اللي بيقال له من الكفار - 00:10:21ضَ

تاني. اقرا معي تلاتة واربعين. ما يقال لك بيكلم النبي. ما يقال لك يا محمد الا ما قد قيل للرسل من قبلك ما فيش حاجة جديدة يا محمد هو هو نفس الفيلم الخيبان بتاع الكفار اللي كفروا بكل الرسول قبلك - 00:10:46ضَ

هو هو نفس الفيلم قالوا عليه كزاب وقالوا عليه ساحر وقالوا عليه مجنون ما يقال لك الا ما قد قيل للرسل من قبلك ده بيطمن النبي ليه هو النبي قلقان من ايه - 00:11:03ضَ

انت لو مكان النبي عليه الصلاة والسلام هتقلق من ايه كل الناس دي كفرت الله ما يمكن انا مش نابي شاطر يمكن انا مش عارف اوصل الرسالة صح ده بيطمنوا ان هم كذبوه وكفروا مش لانه الرسول مش شاطر في شغله. لأه ده كل الرسل قبلك حصل معهم كده - 00:11:18ضَ

اطمنوا انه مش هو السبب في ده انت لما يحصل لك موقف صعب وحد يقول لك على فكرة اللي حصل لك ده حصل لالف واحد قبلك ده يطمنك الله يطمنك. طيب اقرا باقي تلاتة واربعين كده - 00:11:39ضَ

ان ربك لذو مغفرة وذو عقاب اليم ايه معنى ان ربنا يقول للنبي عليه الصلاة والسلام بعد ما اتكلموا عن الكفار اللي كذبوه وعادوه زي ما كفروا وعادوا كل الرسل اللي قبله - 00:11:58ضَ

ايه معناه انه يقول له ان ربك لذو مغفرة ذو عقاب اليم ماشي مفهومة ربنا هيعاقب الكفار اللي كزبوك دول. عقاب اليم. لكنه يخبر النبي انه ممكن يغفر ليه واحد زي عمر ابن الخطاب رضي الله عنه وارضاه - 00:12:12ضَ

عاد النبي في وقت من الاوقات. عذب المسلمين كان متوشح سيفه في يوم من الايام وطالع يقتل النبي صلى الله عليه وسلم. وبعدين حدثت احداث ذكرناها قبل كده وربنا هداه واسلم - 00:12:33ضَ

واحد زي ده هل النبي صلى الله عليه وسلم مش قلقان على وضعه عند الله ما هو من ضمن الناس اللي قالت ما قد قيل للرسل من قبلي برضه هو من ضمن اللي كذبه بايات الله. فربنا بيطمئن النبي انه ذو مغفرة لمن امن بعد كفره - 00:12:47ضَ

واللي استمر على كفره وتكذيبه ربنا ذو العقاب الاليم له شفت بقى معنى التسلية في الاية معنى ان ربنا يطمن النبي اقرا بقى معي تلاتة واربعين تاني كده وشف ازاي ربنا طمنه على نفسه وعلى المؤمنين - 00:13:07ضَ

نقراها تاني مع بعض. ما يقال لك الا ما قد قيل للرسل من قبلك. اطمن ان كفرهم وتكزيبهم لك ده شيء طبيعي وحصل لكل الرسل قبلك. ومش انت السبب فما تلومش نفسك يا محمد - 00:13:22ضَ

ان ربك لذو مغفرة وذو عقاب اليم. ما تخافش على التائبين ربنا هيغفر لهم التدبر كله عبارة عن حوار بينك وبين كلمات القرآن. انت عمال تقرأ القرآن والقرآن بيقرأك وبتتكلموا مع بعض انت وكلمات القرآن بتتساءل فبيرد عليك - 00:13:38ضَ

ده التفاعل اللي بيتم بينك وبين القرآن الكريم لزلك القرآن كائن حي بيعيش جوة الانسان المتدبر وكذلك اوحينا اليك روحا من امرنا القرآن مش مش حبر على ورق روح بتعيش جوة الانسان لما الانسان يعرف ازاي يتعامل معه ويتفاهم معه - 00:13:58ضَ

احنا بجد انا فعلا مش عارف ازاي كنا بنقرا القرآن قبل كده بدون تدبر ربنا يا رب يديم علينا نعمة التدبر القرآن واسأل الله الا يديم هذه النعمة علينا والا يزغ قلوبنا بعد اذ هدانا الى هذا. ونتوقف هنا الليلة. اللهم انا نسألك حبك وحب من يحبك - 00:14:18ضَ

وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد - 00:14:37ضَ

على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا - 00:14:55ضَ

اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:15:20ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم. فانت - 00:15:40ضَ

انت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وانصرهم وانصر من نصرهم. واخذل من - 00:16:00ضَ

خذ لهم وطهر المسجد الاقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او من ما بنا او من اخواننا او من اخواتنا او من مشايخنا او من علمائنا حاملا له او مريضا به فالبسه ثوب الصحة والعافية عاجلا غير - 00:16:14ضَ

اجل. ومن لم يصب به فقه شره. وابعده عنه. ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك. وتوحدت على دعوتك - 00:16:34ضَ

وتعاهدت على نصرة شريعتك. فوثق اللهم رابطتها. وادم ودها واهدها سبلها. واملأها بنورك الذي لا يخبو اشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها على الشهادة في سبيلك. انك نعم - 00:16:54ضَ

المولى ونعم النصير. والسلام عليكم ورحمة الله وبركاته. ان شاء الله الناس منكم اللي ما استطاعوش ان هم يتفرجوا كويس على الفيديو ده. اعتقد فيديو كويس على الفيسبوك الناس اللي على الفيسبوك شايفين ان الفيديو مستواه كويس جدا. فاللي فقد جزء من الفيديو وما كانش قادر يركز فيه بسبب التقطيع على كلاب هاوس او على - 00:17:14ضَ

اليوتيوب آآ يشوفه على الفيسبوك وانا ان شاء الله لو لقيت ان مستوى الفيديو بتاع الفيسبوك احسن من اليوتيوب كتير هنزله من الفيسبوك وارفعه على اليوتيوب بدل الفيديو ده ان شاء الله. بارك الله فيكم واشكركم جدا والسلام عليكم ورحمة الله وبركاته - 00:17:36ضَ