Baheth

لايف السلام عليكم ورحمة الله وبركاته. اهلا بحضراتكم. في المقطع رقم خمسمية وتمانية من مقاطع حظر التجول والسوء الحلقة الاولى من حلقات تدبر سورة الفتح. ارجو من حضراتكم تجيبوا المصاحف - 00:00:03ضَ

وافتح معي سورة الفتح سورة الفتح هي السورة رقم تمانية واربعين من آآ آآ من ترتيب المصحف افتح معي الصورة رقم تمانية واربعين هي الصورة رقم تمانية واربعين في ترتيب المصحف بس في ترتيب النزول هي من اواخر السور يروى انها السورة قبل الاخيرة. في النزول. يعني - 00:00:26ضَ

مية وتلتاشر قرآن مية واربعتاشر سورة هي رقم مية وتلاتين طبقا لبعض الروايات وروايات اخرى انها السورة قبل قبل قبل الاخير. يعني السورة رقم مية وحداشر في النزول يعني من اواخر السور في ترتيب النزول. عدد اياتها تسعة وعشرين اية - 00:00:52ضَ

طبعا هي صورة مدنية. معناها ما نزلتش في المدينة هي نزلت في الحديبية الحديبية قريبة جدا من مكة. طب ازاي ما تبقاش سورة مكية؟ ده اللي احنا قلناه وهنتكلم فيه النهاردة تاني. انما هنتكلم عن - 00:01:08ضَ

هنحاول نلمها كده بسرعة سبب نزولها آآ آآ ورد فيه نص نزلت سورة الفتح بين مكة والمدينة في شأن الحديبية وقد حيل بيننا وبين نسكنا. اللي بيروي ده مروان ابن الحكم - 00:01:23ضَ

فنحن بين الحزن والكآبة انزل الله تعالى انا فتحنا لك فتحا مبينا. فقال رسول الله صلى الله عليه وسلم لقد انزلت علي اية احب الي من الدنيا وما فيها وفي رواية ومن اولها الى اخرها - 00:01:44ضَ

يقصد سورة الفتح من اولها الى اخره علاقة الفتح ايه بسورة محمد سورة محمد تسمى سورة القتال صورة القتال اللي هي سورة محمد فيها حث شديد للمسلمين على القتال في سبيل الله. لاحباط اعمال الكافرين - 00:02:08ضَ

يعني اعمال الكافرين بشكل رئيسي هي ايه؟ الصد عن سبيل الله. يعني سورة محمد بدأت كده الذين كفروا وصدوا عن سبيل الله اضل اعمالهم وقال ايضا سورة محمد ذلك بانهم كرهوا ما انزل الله فاحبط اعمالهم. فربنا ذكر ان اعمال الكافرين - 00:02:31ضَ

الذين يصدون عن سبيل الله ستضل يعني هتضيع وستحبط يعني هتفشل وقال للمؤمنين وهو يحثهم على قتالهم. ولو يشاء الله لانتصر منهم ولكن ليبلو بعضكم ببعض. يعني دي مش مسئوليتي - 00:02:57ضَ

دي مسئوليتكم انتم. ما عليكم عمله هو مواجهة الصد عن سبيل الله. اللي بيقوم به الطغاة ثم امرهم في اواخر سورة القتال قال لهم ايه؟ فلا تهنوا وتدعوا الى السلم وانتم الاعلون والله معكم - 00:03:15ضَ

ولن يتركم اعمالكم. لن ينقص الله اعمالكم. وسيجزيكم عليها خيرا. ويجعلها تنجح حلو اعمال المؤمنين هنا ايه؟ في الصورة دي القتال قتال الكافرين الذين بيعملوا ايه اعمالهم هم بقى؟ الصد عن سبيل الله - 00:03:34ضَ

لما ربنا ينجح اعمال المؤمنين اللي هي قتال الكافرين الذين يصدون يصدون عن سبيل الله. يبقى ده اسمه ايه؟ اسمه فتح اسمه انتصار. يعني لما ربنا يقول لهم انه لن يحبط اعمالهم. ربنا يقول لهم ان هو آآ آآ هينجحهم في قتال الاعداء. ازا ربنا - 00:03:56ضَ

يفتح اليوم. ربنا هيرزقهم الفتح. هينتصروا ربنا هينصرهم اقرا اول اية في سورة الفتح انا فتحنا لك فتحا مبينا اذا ترتيب سورة الفتح. بعد سورة القتال بيخدم معنى في سورة القتال - 00:04:17ضَ

بيخدم معنى ان طريق الانتصار على العدو هو القتال. وليس الجلوس في المساجد والدعاء على العدو المسلمين مش دراويش ولا يجب ان يكونوا دراويش. واي محاولة لدروشة الاسلام هي تخريف وتحريف - 00:04:39ضَ

على طول هناك اوقات للتضرع والتعبد بالدعاء والسجود والقيام هناك اوقات للتعبد بالعمل والتعب وتحمل المشقات وبذل العرق وبذل الدماء كمان اذا لزم الامر دفاعا عن النفس ودفاعا عن المزلومين - 00:05:00ضَ

في سورة محمد اي سورة القتال قال تعالى فاعلم انه لا اله الا الله واستغفر لذنبك وللمؤمنين والمؤمنات والله يعلم فقلبكم ومثواكم فربنا امر النبي صلى الله عليه وسلم بانه يستغفر لذنبه وللمؤمنين والمؤمنات. في سورة الفتح بعد ان يعني الكلام ده فين؟ في سورة القتال. طب قاتلوا. سورة - 00:05:19ضَ

النتيجة ايه ان تقع مغفرة ربنا على النبي وعلى المؤمنين والمؤمنات. اقرا اول خمس ايات من سورة الفتح معي اعوذ بالله السميع العليم من الشيطان الرجيم. بسم الله الرحمن الرحيم - 00:05:48ضَ

انا فتحنا لك فتحا مبينا ليغفر لك الله ما تقدم من ذنبك وما تأخر. ادي اهو. قال له ايه واستغفر لذنبك في سورة القتال هنا اهو ليغفر لك الله ما - 00:06:08ضَ

تقدم من ذنبك وما تأخر ويتم نعمته عليك ويهديك صراطا مستقيما وينصرك الله نصرا عزيزا هو الذي انزل السكينة بقلوب المؤمنين ليزدادوا ايمانا مع ايمانهم ولله جنود السماوات والارض. وكان الله عليما حكيما. اسمع ليدخل - 00:06:22ضَ

المؤمنين والمؤمنات جنات تجري من تحتها الانهار خالدين فيها ويكفر عنهم سيئاتهم وكان ذلك عند عند الله فوزا عظيما. ووقعت المغفرة على المؤمنين ايضا. شفتم بقى ترتيب الفتح بعد القتال خدم القتال ازاي - 00:06:42ضَ

لابد من فهم ما حدث في الحديبية حتى نفهم سورة الفتح جيدا فسريعا بقى كده مش سريعا بصراحة ولغاية اخر الحلقة النهاردة انا هافضل اشرح لكم اللي حصل في الحديدة. بس عايز تركيز معي مهم جدا - 00:07:02ضَ

من الاول النبي عليه الصلاة والسلام قعد في مكة تلتاشر سنة ثم هاجر الى المدينة ظل في المدينة عشر سنوات الى ان مات عليه الصلاة والسلام العشر سنوات دول قامت فيهم دولة الاسلام - 00:07:19ضَ

قامت فيهم دولة الاسلام لذلك ما نزل من القرآن بعد الهجرة يسمى القرآن المدني او الايات المدنية او السور المدنية حتى لو نزلت خارج المدينة لكنها في المرحلة المدنية. انا طبعا في العلماء مختلفين في الموضوع ده لكن انا مع هذا الرأي - 00:07:36ضَ

ان القرآن يا اما مكي يا اما مدني مكي يعني قبل الهجرة حتى لو مش في مكة. حتى لو نزل في الطائف وفيه قرآن نزل في الطائف ما اسموش قرآن طائفي اسمه قرآن مكي لانه في المرحلة المكية - 00:07:59ضَ

وكزلك في المدينة آآ برضه المرحلة المدنية القرآن اللي نزل في المرحلة المدنية نزل في وقت الاسلام محتاج فيه تشريعات وقوانين وكان فيه ايضا قتال وجهاد في سبيل الله. فنلاقي فيه فرق في الخطاب بين القرآن اللي نزل في - 00:08:12ضَ

والقرآن اللي نزل في المدينة. في مكة كان التركيز على بناء الشخصية والعقيدة وترسيخ العبودية لله في المدينة نزل الحلال والحرام والتشريعات النبي عليه الصلاة والسلام كان له كام غزوة؟ - 00:08:31ضَ

في عهد النبي كان فيه كم غزوة؟ مم. اربعة خمسة ستة سبعة قلت تمانية هتستغرب كل اللي تعرفهم ايه ؟ بدر واحد والاحزاب النبي عليه الصلاة والسلام كان له سبعة وعشرين غزوة - 00:08:49ضَ

احنا نعرف يوم اربعة خمسة بس بدر واحد والاحزاب وواقعة كده اسمها الحديبية وفتح مكة وما نعرفش حاجة غير كده. اه سمعنا عن غزوة حنين صح صح اه اولا ده لان احنا مش مثقفين دينيا - 00:09:06ضَ

مش بنهتم بمعرفة اسماء الغزوات والصحابة زي ما بنهتم باسماء اللعيبة بتوع المنتخب والكلام ده بس ايضا فيه سبب اخر وان الغزوات اللي احنا عارفينها دي بدر احد والاحزاب وصلح الحديبية وفتح مكة - 00:09:22ضَ

كانت بصراحة نقط تحول كبيرة جدا في التاريخ الاسلامي في السيرة النبوية. عشان كده هي مميزة اوي وسمعنا عنها واتدرست لنا غير كده بقى للاسف غزوة بدر كانت سنة اتنين هجريا. انتصرنا فيها على قريش وهزمناهم هزيمة نكراء. وقتل منهم سبعين واسر منهم سبعين - 00:09:43ضَ

واحب اقول لكم ان قبل غزوة بدر كان فيه اربع خمس غزوات بس عشان تبقوا عارفين يعني بس غزوات صغيرة ومش مش مؤثرة اوي يعني في التاريخ الاسلامي فاحنا ما سمعناش عنها بالاضافة طبعا لعدم اهتمامنا عشان خاطر فيه كورة وحاجات مهمة يعني اهم من كده - 00:10:10ضَ

طيب بعدها بسنة حصلت غزوة احد هزي من المسلمين فيها هو نتيجة طبعا عدم سماعهم لتعليمات النبي كقائد الميدان وتعجل الرماة وتركوا اماكنهم لما شافوا الكفار بينسحبوا وبينهزموا كانت النتيجة انه استشهد من المسلمين سبعين - 00:10:27ضَ

يعني عشرة في المية من الجيش. تخيل جيش عشرة في المية منه يستشهد الهزيمة الثقيلة كانت والهزيمة الثقيلة دي شجعت اعداء الاسلام على مهاجمة المسلمين في كل مكان اول حاجة قبيلة بنو النظير حاولوا اغتيال النبي اصلا على طول - 00:10:45ضَ

بئر ماعونة قتلت آآ قبائل رعل وذكوان وعصية تسعة وعشرين ويقال اكثر يقال اربعين من القراء من صحابة النبي اللي عندهم علم بالقرآن وكانوا رايحين يعلموهم الدين لما تزاهروا انهم اسلموا - 00:11:03ضَ

يوم الرجيع قتل فيه ما بين ستة الى عشرة من الصحابة. كل ده حصل بعد احد تجرؤ شديد على المسلمين. يلا فرصة بقى ثم حصل غزوة الاحزاب سنة خمسة هجريا - 00:11:21ضَ

ودرسناها كويس في صورة الاحزاب انتم عارفين لما هبت الريح وخلعت خيام الكفار بعد حصار للمدينة دم حوالي شهر وعدم يعني لم يستطيعوا اقتحام الفندق الخندق انا اسف الخندق كزا مرة ما يعدوش يطعموا - 00:11:34ضَ

ثم في العام السادس يعني السنة اللي بعد غزوة الاحزاب رأى النبي صلى الله عليه وسلم رؤيا انه يطوف حول البيت مع اصحابه فحكى لهم الرؤية وده حرك داخلهم الشوق لزيارة الكعبة المشرفة - 00:11:53ضَ

فقرر النبي صلى الله عليه وسلم الخروج للعمرة ومعه اكتر من الف وربعميت صحابي يقال الف يعني الرواية الاقوى الف وخمسميت صحابي يعني حتى اللي قالوا الف وربعمية صحابي تراجعوا فيها بعد كده. الف وخمسميت صحابي تقريبا - 00:12:14ضَ

بدون سلاح الحرب. يعني ما فيش معهم لا دروع ولا حراب مجرد اسلحة خفيفة للطريق سيوف في الجرابات بتاعتها عشان يثبتوا لقريش ان هم مش جايين بنية الحرب واحرموا من المدينة - 00:12:33ضَ

وساقوا سبعين بعير للهدي يعني للذبح في الحج تبقوا عارفين ما فيش حاجة اسمها عيد اضحى للحاج. الحاج ما لوش عيد. العيد ده للي مش بيحج مش بيحج اللي بيحج - 00:12:50ضَ

يوم العيد اسمه يوم النحر يعني الذبح بيدبح فيه الهدي مش الاضحية. الاضحية ده للي مش بيحج. الاضحية للي عنده عيد. احنا بندبح الاضحية في العيد. اللي بيحج بيدبح الهدي - 00:13:05ضَ

في يوم النحر طبعا ده وضع غريب جدا انه يعني يعني هناك حالة حرب ضخمة حالة حرب جادة جدا بين قريش وبين محمد واتباعه امام الناس في الجزيرة العربية محمد واتباعه طلع في دماغهم يقوموا بالف يقوموا يروحوا على مكة يعملوا عمرة - 00:13:19ضَ

الوضع غريب امام الناس كلها في الجزيرة بيتفرجوا على المنزر ايه اللي هيحصل ؟ كل الجزيرة قاعدة مش عارفة ايه اللي هيحصل الخبر طار في كل حتة في الجزيرة العربية - 00:13:43ضَ

محمد واتباعه خرجوا الف وخمسمية رجل بدون سلاح لابسين لبس الاحرام بيسوقوا الهدي ومتجهين الى مكة بدون سلاح ولسه ما فيش من سنة واحدة كانت قريش وقبائل العرب محاصرين المدينة بعشر تلاف راجل عشان يخلصوا عليهم. وضع غريب - 00:13:55ضَ

النبي عليه الصلاة والسلام ارسل عينا من عيونه يعني ما خدش عين من عيونه لكن يعني عميل للمخابرات يتجسس على العدو طب هو مش الجاسوسية حرام؟ الجاسوسية حرام. والقتل كمان حرام. لكن في الحرب بتجوز حاجات حرام لمصلحة - 00:14:15ضَ

امة لان الحرب بتحتاج كده. ما فيش حد هيدخل حرب من غير ما يقاتل. اكيد القتل حرام. لكن في الحرب بيجوز. كزلك التجسس على الاعداء جائز فالنبي ارسل عينا من عيونه - 00:14:33ضَ

في اللغة العربية اسمه عين العين. عين من عيونه عشان يشوف ايه اللي بيحصل فرجع الرجل وقال للنبي قريش عزمت على عدم السماح لك بالدخول ما انتش هتخش مكة هم قرروا كده جمعوا الاف الرجال - 00:14:46ضَ

ومعهم حوالي متين فارس لغاية دلوقتي وعمالين يزيدوا. تحت قيادة خالد بن الوليد وخرجوا يواجهوك في الطريق الفلاني. جاي لك من الطريق الفلاني عشان ارجوكم فالنبي غير طريقه عشان ما يواجههمش. واستشار الصحابة وقرروا المضي قدما في التوجه الى البيت الحرام للعمرة - 00:15:05ضَ

واللي هيصدهم ويقاتلهم هيقاتلوه. لكن هم لن يبدأوا قتال وهم في الطريق وقفت الناقة بتاعة الرسول عليه الصلاة والسلام القفواء كان عنده الجمال بتاعته يسميها اسماء والحصنة يسميهم اسماء والسيوف يسميهم اسماء - 00:15:25ضَ

فالناقة وقفت ورفضت تتحرك في مكان اسمه الحديبية وقال الناس خلأت خلأت القسواء. خلقت يعني حرنت بالفلاح قالوا لك ايه ده بيحرم اللي هو الحمار لما يحرم آآ يعني يعني يزرجن ومش عايز يتحرك - 00:15:49ضَ

النبي صلى الله عليه وسلم قال لم تخلأ ولكن حبسها حابس الفيل. قال ان القسوة الناقة بتاعته مش من عادتها انها آآ تعصاني او انها تزرجن معي لكن حبسها حابس الفيل. نفس المانع اللي منع فيل ابرهة من التقدم حبس الناقة ولم تستمر وهي مأمورة - 00:16:10ضَ

انه امرت انها تتوقف هنا ازا ربنا لا يريد حدوث صدام بين المسلمين وهم غير مستعدين كفاية للحرب وبين المشركين وهم بكامل سلاحهم وعتادهم وفرسانهم ودروعهم والمسلمين معهم شوية اسلحة خفيفة - 00:16:32ضَ

وكان واضح ان النبي عليه الصلاة والسلام حريص على تعظيم حرمات الله عدم القتال في الحرم من دخله كان امنا المنطقة الحرم دي منطقة امنة من اي قتال اوي اي جرائم فيها - 00:16:49ضَ

يعني المعصية فيها مضاعفة بمائة الف ومش عايز يقاتل في الشهر الحرام واعلن استعداده للتفاوض مع قريش واظهر مرونة شديدة جدا قال لك والذي نفسي بيده لا يسألوني خطة فيها حرمات الله الا اعطيتهم اياها. هوافق وهاب امرن فعل اللي هم عايزينه بس نعظم حرمات الله - 00:17:04ضَ

انا هاوافق على اي خطة فيها تعزيم لحرمات الله وللحرم والبيت الحرام والشهر الحرام لكن قريش ارسلت له بديل بن ورقاء اللي اسلم بعد كده. طبعا ده اسلم اليوم اللي قبل الفاتحة. فتح مكة على طول - 00:17:31ضَ

لكن لسه مشرك مع قريش ارسلت بديل بن ورقاء وراح للنبي عليه الصلاة والسلام واخبره باصرار قريش على صده بالقوة قال النبي صلى الله عليه وسلم انا ومن معي سنسير في طريقنا مسالمين. لا نريد حربا - 00:17:44ضَ

ولكن من سيقاتلنا سنقاتله حتى تنفرد سالفتي. يعني لغاية ما تقطع رأسي الامور بتسخن والعملية عاوزة حد لبق ومحبوب وعنده كاريزما يروح يتكلم مع قريش فالنبي عليه الصلاة والسلام ارسل عثمان بن عفان - 00:18:03ضَ

ارسل قبله واحد تاني وكانوا هيقتلوه ورجع بسرعة عثمان رجل اعمال وعلاقاته كتير نزل في جوار يعني في حماية ابان ابن سعيد ابن العاص واتقال له يعني كان هناك ترحيب بعثمان ابن عفان - 00:18:23ضَ

وقالوا له لو تحب كمان انك تطوف بالبيت اتفضل قال لا اطوف قبل رسول الله صلى الله عليه وسلم. لا لا ما فيش حاجة عشان كده انا جاي اعمل عمرة مع مع النبي صلى الله عليه وسلم. مش هاعملها لوحدي - 00:18:46ضَ

المهم عثمان تأخر قعد حوالي تلت تيام بيحاول يقنع فيهم ويقع طلعت اشاعة انه قتل قريش يعني طلعت شائعة ان قريش غدروا بعثمان وقتلوه فجمع النبي الصحابة تحت شجرة في منطقة الحديبية - 00:19:00ضَ

وبايعوه على القتال نص البيعة قيل انه القتال حتى الفتح وقيل انه القتال حتى الموت في سبيل الله اما او الموت بس ورد فيها جابر بن عبدالله قال لم يبايعنا النبي صلى الله عليه وسلم على الموت وانما على القتال دون ان نفر. يعني القتال بشجاعة - 00:19:23ضَ

تعاهدوا على القتال بشجاعة وعدم الفرار واما تفتح مكة امامهم ليعتمروا فيها واما ما شاء الله بقى انه يحصل وبايعوه تحت الشجرة التي سميت بشجرة الرضوان لنزول الاية تمنتاشر وذكرت فيها الشجرة. لقد رضي الله - 00:19:48ضَ

وعن المؤمنين اذ يبايعونك تحت الشجرة طبعا كل اللي موجودين بايعوا على القتال ما عدا واحد بس اسمه الجد ابن قيس وعرف بعد ذلك ان هو من المنافقين وكان واحد اصلا من اللي طلبه العذر في تبوك - 00:20:06ضَ

ابوك اصلا قلنا على حدود كان اصلا يعني لقتال الروم هي على حدود الاردن مع السعودية السعودية دلوقتي اسمها يعني لكن هي في شمال الجزيرة وحتى انا فاكر ان هو في يعني في دي هتيجي في سورة التوبة لما نتكلم عنها - 00:20:23ضَ

قال له مش عايز يروح يحارب الروم عشان يغض بصره قال مش بقدر اشوف البنات الشقروات انا لا قال ايه ائذن لي ولا تفتني آآ لا لا اقدر على بنات الجلد الاصفر حاجة كده - 00:20:38ضَ

ثم بعد ذلك تبين طبعا انه من المنافقين رجع عثمان بعد ما دول كانوا بايعوا على القتال لقوا سيدنا عثمان راجع وقال لهم قريش قررت قبول المفاوضات. هو ده اللي قدر يقنعهم به - 00:20:54ضَ

انهم هيقبلوا المفاوضات وارسلوا للنبي اولا عروة ابن مسعود الثقفي يتكلم معه شوية عروة زكي اوي وداخل بيحاول يهدم الروح المعنوية بتاعة النبي وبتاعة الصحابة فقال للنبي شوف قومك مصرين انكم ما تدخلوش الحرم. فلو انت اصريت - 00:21:07ضَ

هتضطر تحارب قومك وهتبقى اول واحد في العرب يغزو قومه في دارهم. يعني ايه ايه ايه قطع الرحم اللي بتعمله ده فهل تحب ان يلتصق بك وصف مشين زي كده تبقى اول من يغزو قومه يغزو اصله حتى قالها له تغزو اصلك - 00:21:30ضَ

او انك ستهزم لان بصراحة مش شايف حولك الا اوباش ناس مش معروفين لو قاتلت هيتركوك وينفضوا من حولك. فسيدنا ابو بكر الصديق وهو معروف بالحياء الشديد والادب الشديد وعمر ما طلع من فمه واللفظ - 00:21:52ضَ

مش كويس ما بيشتمش حد ابدا شتموا شتيمة شديدة القبح. انا ما اقدرش اقولها بامانة وده كان شيء غريب جدا تقدروا تشوفوا الفيديو اللي انا حطيته النهاردة على صفحتي على الفيسبوك وعلى التويتر - 00:22:15ضَ

بعنوان هل تبرر السنة البذاءات والفحش في الكلام حصلت حاجة تانية غريبة. يعني ابو بكر تلفز بلفظ غريب جدا على على ابو بكر. يعني ما يطلعش منه ابدا وكمان عروة وهو بيكلم النبي كان بيحسس له كده على دقنه وهو بيكلمه. بيمسك دقن النبي كده شوية - 00:22:36ضَ

بيهزر معه فالبودي جارد بتاع النبي عليه الصلاة والسلام اسمه المغيرة ابن شعبة. لابس الخوزة بتاعته وراح ضارب الراجل في ايده وجعه فالنبي قال له انت عارف ده مين ده ابن اخوك المغيرة ابن شعبة - 00:22:57ضَ

قال له يا غدر يعني انت يا يا عيل يا عيل انت بتمد ايدك علي ده انا عمك دي حاجة غريبة جدا كل ده عشان قال ايه قال له انا مش شايف حواليك الا شوية اوباش لو قاتلت هينفضوا من حولك. فبيوصلوا له الرسالة. لأ ده احنا مش اوباش. واحنا مش هننفض من حوله - 00:23:19ضَ

ده احنا ممكن نتغير اوي. في كل حاجة. يعني الرسالة غريبة جدا. وبعدين النبي عليه الصلاة والسلام جه وقت الصلاة فجلس كالملوك دي برضو غريبة ده مش عادة النبي ابدا - 00:23:40ضَ

جلس كالملوك وجابوا له الماء الوضوء وضوء يعني ماء الوضوء. خل بالك ماء الوضوء اسمه الوضوء وبدأوا يوضوه هو زي الملك قاعد والصحابة بتجري تتسابق على الماء المتقاطر منه عشان يشربوه. والنخامة اللي بتنزل من انفه عشان يدعكوا - 00:23:52ضَ

بها جلده جلودهم طبعا كلها حاجات غريبة جدا. لزلك غلطان احنا ناخد احكام من المواقف دي لابد من فقه الايه؟ الواقع كل ما كان يحدث كان غريبا كان داخلا في اطار الحرب النفسية وتوصيل رسالة قوية لقريش وهي ان ازا - 00:24:14ضَ

قتلتم المسلمين فعندهم يعني فمحمد معه الف وخمسميت رجل سيقاتلوا بشجاعة وبسالة ولن يفروا ولن ينفضوا عنه ابدا هي دي كانت الرسالة اللي بتوصل عايز اقول لكم انه في موقف اخر بعد كده في المدينة - 00:24:38ضَ

النبي عليه الصلاة والسلام بيتوضأ عادي النبي رجل متواضع يقعد كده على ركبه ويتوضأ عادي فبعض الصحابة بقوا يجروا على الماء المتقطر منه. ما هم فاهمين بقى ان ده آآ هو ده النظام - 00:24:59ضَ

وقال لما تفعلون هذا؟ بتعملوا كده ليه نحن نطلب الطهور والبركة قال اذا احببتم ان يحبكم الله فادوا اذا اؤتمنتم واصدقوا اذا حدثتم واحسنوا جوار من جاوركم. هو ده اللي تعمله عشان ربنا يحبك - 00:25:12ضَ

ما عندناش احنا حاجة اسمها انك تحط النخامة على ايدك وتعمل كده وتشرب بالماء المتقاطر من ما فيش الكلام ده عندنا عشان في ناس خرجت باحكام من الوضع اللي حصل في الحديبية وهو وضع غير طبيعي وما كانش ده الطبيعي بتاع الصحابة - 00:25:32ضَ

بانه يجوز التبرك باثار الصالحين. وبقى لما حد يشوف الشيخ بتاعه بيتوضى بقى يجري على الماية المتقطرة منه. لأ كده غلط كده احنا بقى بنغير الدين النبي عليه الصلاة والسلام كان متواضعا دايما ولا يجلس كالملوك ابدا ولكن كل ما كان يحدث في الحديبية امام عروة بن مسعود كان جزء من حرب نفسية هدفها توصيل - 00:25:46ضَ

ووصلت فعلا لقريش. وادت ان قريش قدمت تنازلات. لما رجع لهم عروة قال لهم ايه؟ يا قوم اني قد وفدت على الملوك انا دخلت على ملوك الدنيا على كسرى وهرقل والنجاشي. دخل على كسرى الفرس هرقل الروم والنجاشي في الحبشة. اكبر تلات ملوك - 00:26:10ضَ

النهاردة ايه رئيس امريكا ورئيس روسيا وملكة انجلترا اكبر تلاتة كده واني والله ما رأيت ملكا قط اطوع في من هو بين ظهرانيه من محمد واصحابه. اطوع يعني اكثر طاعة له - 00:26:35ضَ

يعني ما فيش حد من الملوك الجبابرة دول بيطاع زي محمد ما بيطاع من قوم والله ما يشدون اليه النظر. ما مش قادرين يرفعوا عينيهم كده يبصوا فيه. طبعا دي كانت حركات في الحديبية. الصحابة اصلا كانوا بيتعبدوا ان هم ينظروا في وجه - 00:26:59ضَ

النبي صلى الله عليه وسلم لكن يومها قال مش قادرين يرفعوا عنيهم كده. عملوا وشو يعني وما يرفعون عنده الصوت وما يكفيه الا ان يشير الى امر فيفعل وما يتنخم وما يبصق الا وقعت في يدي رجل منهم يمسح بها جلده. وما يتوضأ الا ازدحموا عليه ايهم - 00:27:15ضَ

يظفر منه بشيء حرزت القوم واعلموا انكم ان اردتم السيف بذلوه لكم. وقد رأيت قوما ما يبالون ما يصنع بهم اذا منعوا صاحبهم يعني انا شفت ناس ما يفرقش معهم ايه اللي يحصل لهم طالما انهم بيحموا صاحبهم اللي هو محمد عليه الصلاة والسلام - 00:27:38ضَ

وقد عرض عليكم خطة فمادوه يا قوم اقبلوا ما عرض فاني لكم ناصح مع اني اخاف الا تنصروا علي. انا خايف انكم لو لو حاربتوه قد تهزم اسمعوا الكلام اقبلوا اللي يقوله لكم الراجل ده - 00:28:05ضَ

رجل وبعدين حاجة تانية بقى رجل اتى هذا البيت معظما له معه الهدي حرب هو ينصرف. يعني ايه الموضوع؟ انتم مكبرين الموضوع ليه؟ خلاص بقى. راجل جاي مسالم جاي بيسوق الهدي عشان يحج. ما تسيبوه يحج. سيبوه يعمل عمرة - 00:28:26ضَ

هو ده بالزبط اللي كان النبي عليه الصلاة والسلام عاوزه يوصل لقريش لاننا داخلين مفاوضات قريب. ما هو فيه واحد جاي بقى يتفاوض. فلو دخلنا من موقف ضعف مش هنخرج بحاجة - 00:28:44ضَ

لازم ندخل اقوياء عشان عدونا سقف مطالبه ما يبقاش عالي من الاول فارسلت قريش سهيل بن عمرو للتفاوض ومفوض انه يتفاوض ويكتب عقد الهدنة كمان. يعني زعيم كبير من زعماء قريش - 00:29:00ضَ

فرآه النبي صلى الله عليه وسلم فقال للصحابة هذا سهيل سهل الله لكم النبي كان يتفائل ما يتشائمش واحد اسمه حلو يلا ربنا يسهل لنا ثم اتفقوا قعدوا بقى واتفاوضوا واتفقوا على شروط الصلح. وكانت شروط غريبة جدا - 00:29:22ضَ

كاد المسلمون يفقدوا عقولهم. اسمعوا الشروط ان يوقف القتال بين المسلمين وقريش عشر سنوات لا يكون فيها حرب ولا سرقة ولا خيانة ولا اغلال ما فيش اي حاجة بينهم خالص. ما فيش اي مناوشات - 00:29:42ضَ

حلو لكل قبيلة في الجزيرة العربية الحرية انها تنضم الى عقد قريش او عقد المسلمين. خشوا في عهد مع قريش او عهد مع المسلمين كل واحد حر خزاعة دخلت في عهد مع المسلمين. بنو بكر دخلوا في عهد قريش خلاص. لحد دلوقتي ماشي كويس الموضوع. لكن الشرطين اللي جايين بقى - 00:30:01ضَ

جننوا الصحابة اسمع بقى من يأتي من قريش الى رسول الله في المدينة او يأتي يعني يترك مكة ويذهب للمسلمين وليس لوليه علم. يعني ابوه ما يعرفش ولي امره. لو هو عبد سيده ما يعرفش مش موافق - 00:30:25ضَ

على محمد ان يرده عليهم يعني على قريش ومن يأتي من المسلمين الى قريش لا يردوه الى المسلمين بحال يعني لو راجل او امرأة اسلموا وقدروا يهربوا من مكة لازم النبي عليه الصلاة والسلام يسلمهم تاني لقريش. ولو العكس حصل - 00:30:46ضَ

قريش مش مش ملزمة تسلم حد للنبي عليه الصلاة والسلام. الصحابة شافوا ده ازلال يعني معلش يعني احنا لو شفنا حماس بتقبل الشروط دي مع اسرائيل في تفاوض النهاردة. هنقول ايه على حماس - 00:31:13ضَ

ده سلام ولا استسلام؟ الصحابة هيتجننوا من الكلام ده نسمع الشرط الرابع ان يعود المسلمون الى ديارهم السنة دي من غير اداء العمرة ولن يدخلوا مكة على ان يدخلوها العام المقبل. لا يحملون معهم الاسلحة الا السيف في غمده - 00:31:27ضَ

شوية اسلحة خفيفة كده عشان الطريق. سيوف في الغندقة ويخشوا بعد كل ده هيرجعوا بدون عمرة برضه ويبقى يعملوا عمرة السنة الجاية طبعا الصحابة شافوا ان ده فيه اسباب كبير جدا - 00:31:46ضَ

اللي زود الطين بلة بقى ان اول ما وقعوا العقد وصل واحد اسمه ابو جندل كان هربان من قريش وهم بيعزبوه مين بقى اللي كان يعزبه ابوك مين ابوه؟ سهيل ابن عمرو نفسه اللي قاعد مع النبي عليه الصلاة والسلام بيوقعوا الاتفاقية - 00:32:00ضَ

فك القيود بتاعته قدر يهرب وراح داخل اول ما وقعه سهيلة قال للنبي عليه الصلاة والسلام ده اول اختبار لك يا محمد. واول اختبار لصدقك. انت وقعت عهد. لازم يسلم لي حالا دلوقتي - 00:32:22ضَ

الولد بقى بيصرخ يقول يا مسلمون اارد الى الكفر وقد جئت مسلما؟ الا ترون ما لقيت. شايفين اسار التعزيب اللي علي قال النبي صلى الله عليه وسلم يا ابا جندل اصبر واحتسب - 00:32:36ضَ

فان الله جاعل لك ولمن معك من المستضعفين فرجا ومخرجا. وانا صالحنا القوم وانا لا نغدر واضطر النبي انه يسلمه له الصحابة شافوا كده والدم فار في دماغهم. مش مصدقين اللي بيحصل - 00:32:50ضَ

لأ ده بلاها اتفاقية وبلاها صلح واحنا نقاتل احسن من الزل ده اختبار خطير واخدين بالكم من الفرق اللي بين صورة محمد اللي هي سورة القتال اللي بتحث الناس على القتال تعبدا الى الله ومن سورة الفتح - 00:33:11ضَ

احداثها كانت في الحديبية وبتحث الناس على عدم القتال وقبول الصلح ارجع للاية خمسة وتلاتين في سورة محمد فلا تهنوا وتدعوا الى السلم وانتم الاعلون بتنهاهم عن مسالمة الاعداء. دلوقتي بيحصل العكس بالزبط - 00:33:30ضَ

يبقى العبودية في القتال ولا في عدم القتال العبودية في الطاعة الطاعة طبقا للزروف ممكن تكون في القتال والطاعة طبقا للزروف ممكن تكون في قبول الصلح وممكن يكون القتال محببا الى النفس وقت ما يكون الاصلح الصلح هو المطلوب - 00:33:50ضَ

سيدنا عمر راح للنبي صلى الله عليه وسلم طبعا الصحابة كلهم خلاص مش مش مصدقين. في حالة من الزهول ومن الاحباط ومن الكآبة. هم قالوا كده احنا كنا في حالة من الكآبة لما نزلت السورة - 00:34:19ضَ

فقال يا رسول الله السنا على الحق وهم على الباطل قال اليس قتلانا في الجنة وقتلاهم في النار؟ يعني لو اتغلبنا ما احنا رايحين الجنة ولا بلا خلف فيما نعطي الدنية من انفسنا ليه بندني نفسنا كده ليه بنوطي نفسنا كده ونرجع لما ونرجع - 00:34:33ضَ

اما يحكم الله بيننا وبينهم ليه نذل نفسنا ونرجع من غير ما ربنا يحكم بينا وبينهم ربنا يحكم يعني خش قتال وربنا يحكم بقى قال يا ابن الخطاب اني رسول الله ولن يضيعني الله - 00:35:01ضَ

ازا انا قبلت هزا الامر في اوامر جات لي بين اخر الامر قال فانطلق ابن الخطاب ولم يصبر مش قادر يصبر متغيظا هيموت هيفرقع من الغيظ فاتى ابا بكر رضي الله عنه فقال يا ابا بكر - 00:35:16ضَ

لسنا على الحق وهم على الباطل؟ قال بلى اليس قتلنا في الجنة وقتلهم في النار؟ قال بلى قال فعلا ما نعطي الدنية في ديننا ونرجع ولما يحكم الله بيننا وبينهم قال ابو بكر - 00:35:33ضَ

يا عمر الزم غرزه يعني تمسك بامره حيث كان يلزم غرزه حيث كان. فاني اشهد انه رسول الله. قال عمر وانا اشهد وانه رسول الله سيدنا عمر بيقول قبل ما يموت - 00:35:48ضَ

ما زلت اصوم واتصدق واعتق من الذي صنعت مخافة كلامي الذي تكلمت به يوم الحديبية. حتى رجوت ان يكون خيرا فضل طول عمره يندم على اللي عمله يوم الحديب. هو مش قادر - 00:36:07ضَ

النبي عليه الصلاة والسلام لما المسلمين في هزه الحالة وخلاص رجع سهير ابن عمرو وخد ابنه معه امر المسلمين ان هم ينحروا الابل اللي هم جايبينها للهدي وكأنهم عملوا عمرة ويحلقوا رؤوسهم - 00:36:25ضَ

ويتحللوا من الاحرام كأنهم بيتحللوا كأنهم اعتمروا ففوجئ ان الناس فضت قاعدة باصة له ما حدش وقف ينفز الاوامر فدخل على ام سلمة زوجته وهو كان دايما لما يسافر بيعمل قرعة وياخد واحدة من زوجاته معه في الصفة - 00:36:42ضَ

دخل على ام سلمى وقال لها. هلك القوم يعني ايه ؟ هلك القوم يعني المسلمين كفروا قالت له ازاي قال لها امرتهم يحلقوا وينحروا فلم يفعلوا يعني عصيان اوامر النبي كفر - 00:37:00ضَ

قالت له اخرج واحلق وانحر ولا تتكلم وسيفعلوا مثل ما فعلت هم في حالة نفسية صعبة طبعا هي كده اول امرأة مستشارة سياسية في شؤون الدولة. سمع كلامها في هذا الامر المهم وفعل كده فعلا فالمسلمين - 00:37:21ضَ

تحللوا من الاحرام وحلقوا رؤوس بعض من النرفزة بيحلقوا البعض بالموس بقوا يقطعوا جلد بعض وبقى بيقول لك الدم كان نازل زي ما يكون دم نازل بيرحبوا الابل مسلا من كتر النرفزة ما هو الواحد بقى ايه بيكون عنده مزاج يقعد يحلق كده بالراحة وبمزاج ويخلي باله انه ما يتعورش لكن دول بقوا بيجرحوا بعض وهم بيحلقوا لبعض - 00:37:44ضَ

من كتر النرفزة والغيز اللي عندهم لكن سمعوا اوامر النبي وحلقوا وكانوا في شدة الكآبة واذا بالصورة تنزل انا فتحنا لك فتحا مبينا قال عمر وهو يبكي وفتح هو يا رسول الله؟ فقال النبي نعم والذي نفسي بيده - 00:38:08ضَ

انه لفتح ونزلت صورة هتشوفوا فيها ازاي ربنا بينزل السكينة في قلوب المؤمنين صورة كلها تثبيت وكلها تشجيع للمؤمنين هنا توقف هنا الليلة. اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما - 00:38:32ضَ

تحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا من الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين - 00:38:58ضَ

اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا - 00:39:22ضَ

همومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابه - 00:39:50ضَ

او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع - 00:40:09ضَ

اخواننا في تركستان وانصرهم وانصر من نصرهم واخذل كل من خذلهم وطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من - 00:40:33ضَ

علمائنا مريضا به او حاملا له فالبس ثوب الصحة والعافية عاجلا غير اجل ومن لم يصب به فقه شره وابعده عنه. ولا تسلطه الا على اعداءك واعداء دينك واعداء اوليائك - 00:40:54ضَ

اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك - 00:41:10ضَ

واحييها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله وبركاته نراكم غدا باذن الله في نفس هذا الموعد ان كنا من اهل الدنيا - 00:41:34ضَ