Baheth

سهل يا رب الحمد لله السلام عليكم ورحمة الله وبركاته اهلا بحضراتكم في المقطع رقم خمسمية وتمنتاشر من مقاطع حبر التجول والحلقة الرابعة من حلقات تدبر سورة الحجرات. ارجو من حضراتكم تجيبوا المصاحف واقرا معي الاية اتناشر - 00:00:00ضَ

اتناشر من سورة الحجرات. اعوذ بالله السميع العليم من الشيطان الرجيم يا ايها الذين امنوا اجتنبوا كثيرا من الظن ان بعض الظن اثم ولا تجسسوا ولا بعضكم بعضا. ايحب احدكم ان يأكل لحمه - 00:00:29ضَ

ما اخيه ميتا فكرهتموه واتقوا الله ان الله تواب رحيم. تمام دي كده خامس مرة واخر مرة في الصورة ينادى يا ايها الذين امنوا النداء بها معناه ان في امر مهم للمجتمع المسلم جاي بعدها - 00:00:59ضَ

واجتنبوا يعني امتنعوا تماما عن كزا. فيه ناس تانيين الاجتناب حاجة خفيفة يعني كده يعني يعني عايزين تعملوا تعملوا مش عايزين بلاش لا لا خالص. الاجتناب تشديد في النهي. يجتنبوا امتنعوا تماما جاي من - 00:01:27ضَ

ما تجتنب الشيء يعني تخليه على جنب وانت على جنب تاني. ده معناه يعني لو هو ماشي على الرصيف امشي انت على الرصيف التاني اجتنبوا خليج خليك بجانبه مش امامه ومش خال مش معه. لأ مش معه. تمام - 00:01:46ضَ

طيب يعني زيح الامر ده من طريقك تماما لما ربنا يقول في سورة المائدة يا ايها الذين امنوا انما الخمر الخمر والميسر القمار والانصاب والازلام اللي هم الا الاه الاصنام والازلام طريقة للقمار برضه كانوا بيعملوها - 00:02:02ضَ

رجس من عمل الشيطان اجتنبوه. ازا الاجتناب نهي مشدد ما هواش حاجة بسيطة يعني امتنعوا عن الحاجات دي تماما ما تمرش في خيالكم يعني انكم تعملوها. طيب النهي عن آآ اجتناب كثيرا من الظن - 00:02:28ضَ

ربنا قال ايه يا ايها الذين امنوا ركز بقى لان ده ربنا بيخاطبك بيخاطب المجتمع المسلم. فيه حاجة مهمة. اجتنبوا كثيرا من الظن كان ممكن ربنا يقول ايه يا ايها الذين امنوا اجتنبوا الظن - 00:02:47ضَ

كل الظن نجتنب حسن الظن كمان. ما هو حسن الظن داخل في الظن انت لما تحسن الظن بحد ممكن تكون غلط عشان تبقى عارف احنا مأمورين باحسان الظن في الناس اللي ما فيش ما يدعو لاساءة الظن بها - 00:03:04ضَ

ممكن تسيء الظن بمن مظهره يوحي بانه قد يكون انسان سيء يعني مسلا العمال في مصنع معين لازم لما يمشوا يكونوا معلقين في رقبتهم كارنيه وفي اسم العامل والصورة بتاعته - 00:03:26ضَ

وانا لقيت واحد لابس لبس عامل ماشي على المصنع كله. اصل انا باحسن الزن بيه. لأ ما ينفعش تحسن الزن بايه هو هناك ما يدعو لاساءة الظن به بلد مسلا معروف فيه ان الشحاتين محترفين وبيعملوا فلوس بالملايين وكل شوية يمسكوا لنا شحات معه اتنين مليون جنيه - 00:03:41ضَ

وبيدفعوا ارضية لاشارة المرور اللي بيقفوا فيها عشان ما حدش تاني يروح يقف فيها غيرهم وبيأجروا العيال اللي ماسكينهم دول وكل ما الولد كان مشوه اكتر كل ما كان ايجاره اغلى - 00:04:02ضَ

وانت عارف الكلام ده وعارف ان فيه حاجة اسمها مملكة الشحاتين. يبقى لما يجي لك شحاتة لا ممكن تسيء الظن فيه وما تديلوش فلوس. خلاص ليه؟ لان انت مطالب انك تبحث عن الفقير الحقيقي - 00:04:13ضَ

اللي مقفول عليه بابه اللي ما حدش حاسس بحاله لانه مش بيطلب مش بيشحت وانت مطالب انك توصل صدقاتك للفقير الحقيقي مش الفقير المحترف. ربنا بيقول الذين ربنا بيقول ايه؟ يحسبهم الجاهل اغنياء من التعفف - 00:04:26ضَ

في ناس متعففين الانسان الجاهل يعني الجاهل بحالتهم مش جلد شتيمة يعني نحسبهم اغنياء من كتر ما هم متعففين ولابسين كويس وكل حاجة هو ما فيش تفتح تلاجته فاضية مكسور عليه ايجار آآ شقته تلات اربع شهور مش عارف يدفعها. لازم تبحث عن هؤلاء. طيب اقرا معي الاية اتناشر - 00:04:47ضَ

يا ايها الذين امنوا اجتنبوا كثيرا من الظن. ان بعض الظن تمام انما ناس تكون في حالها ما بتضرش الناس مش بتسيء لاحد ما فيش داعي انك تسيء الزن بها - 00:05:08ضَ

ليه تظن فيها شرا السيدة صفية ام المؤمنين ذهبت تتكلم مع النبي او تزوره وهو معتكف في المسجد. معتكف يبقى في المسجد ما فيش حد بيعتكف في بيته. الاعتكاف يبقى في المسجد - 00:05:29ضَ

قالت بعد ما خلصت حديثي معه قام يقلبني يقلبني يعني يرجعني البيت. يقلبه يعني آآ آآ قمت انقل انقلبت يعني روحت فقام يروحني. يعني ايه يروحني؟ يعني يمشي معي في الشارع لغاية البيت. هي مش تمشي لوحدها في الشارع - 00:05:44ضَ

مر بهم رجلان فلما مروا وشافوا النبي والسيدة صفية طبعا السيدة صفية متغطية بالكامل امهات المؤمنين لازم بيتغطوا بالكامل مدوا بسرعة مشيوا بسرعة اسرعوا في المشي فنده عليهم تعالوا تعالوا تعالوا - 00:06:00ضَ

دي امكم صفية ان امهات المؤمنين كانوا زي ما قلنا كده متحجبات. متحجبة يعني مغطية وشها. على فكرة الاصل كلمة محجبة يعني مغطية وشها. عشان تبقوا عارفين. كلمة محجبة النهاردة لها معنى تاني غير الاسم الحقيقي الشرعي يعني - 00:06:20ضَ

آآ مغطية شعرها اسمها مختمرة. اوكي ؟ لان الخمار هو غطاء الشعر المهم في نساء اخريات كانوا برضه بيتحجبوا. كانوا برضه بيغطوا وشهم تطوعا منهم هو فرض على امهات المؤمنين بس - 00:06:38ضَ

فبالتالي الرجلين دول ماشيين شايفين ماشي مع واحدة متغطية بالكامل مش عارفين هو ماشي مع مين. وفي الطريق بالليل. فالنبي لما وجد ان هو هنا دلوقتي اصبح في موطن شبهة - 00:06:57ضَ

موطن شبهة ممكن الناس تسيء الظن في موطن الشبهة. لو حد اساء الظن بالنبي صلى الله عليه وسلم يكفر مش هزار. ده النبي ما ينفعش حد يسيء الظن فيها فالنبي قال لهم تعالوا تعالوا - 00:07:09ضَ

دي امه دي امكم صفية قالوا اوافيك نشك يا رسول الله؟ قال ان الشيطان يجري من ابن ادم مجرى الدم الشيطان الشريرة والافكار الغلط واساءة الظن والكلام ده مع البني ادم زي دمه معه - 00:07:24ضَ

ممكن اي حاجة في الدنيا تمر بخاطر الانسان القصة دي نتعلم منها كزا درس على فكرة اول حاجة الانسان لازم يحسن الظن بالناس ما يفترضش ان هم بيعملوا حاجة غلط. الا لو في قرائن الا وفي سبب يعني - 00:07:45ضَ

اتنين الانسان لازم يتجنب مواطن الشبهات فلو شعر ان موقف معين ممكن يجعل الناس تظن به ظن سوء ما يستحلهاش ويترك الناس مش فاهمة ويبقى فرحان الناس بتتكلم عليه بطريقة وحشة فيه ناس كده - 00:08:02ضَ

لا لازم يوضح موقفه على طول ويزيل عن سمعته اي شبهة. خاصة لو داعية خاصة لو واحد من المصلحين خاصة لو نبي طبعا. عليه الصلاة والسلام تلاتة ما ينفعش زوجتك او بنتك او اختك تبقى بتقابلك او بتزورك وتتركها تروح بالليل لوحدها - 00:08:21ضَ

دي من الاخلاق اللي احنا افتقدناها في مجتمعنا دلوقتي انا فاكر كويس لما كنا في امريكا وبعد حضرنا بقى حضرنا حداشر سبتمبر هناك شفنا امريكا القديمة وامريكا الجديدة امريكا الجديدة بقى كان فيها الجرائم كراهية وكل شوية اعتداء على واحدة محجبة في الشارع والكلام ده - 00:08:38ضَ

كنا في جامعة آآ الجامعة الامريكية وقررنا ان دايما في التراويح وفي اللقاءات بتاعتنا بتبقى الدنيا ليل بعدها الاخوات ما يروحوش لوحدهم. ويبقى الاخوة موجودين او ماشيين معهم وراهم بالعربية. او وراهم في او بطريقة بحيس ان يتأكدوا ان الاخوات روحوا - 00:08:56ضَ

كل اخت روحت بيتها وبعت لها الرجالة وده الصح. ده المفروض نعود الولاد ان هو شغلته انه يحمي البنات هو ده الصح طيب سؤال لو الناس اساءت الظن في جارهم او جارتهم - 00:09:18ضَ

ده ممكن يؤدي الى ايه يتجسسوا عليه او عليها علشان يعرفوا اسراره كمل الاية اتناشر. يا ايها الذين امنوا اجتنبوا كثيرا من الظن ان بعض الظن اثم ولا تجسسوا. ما هو بعد اساءة الظن هيخش الايه؟ الجاسوسية. التجسس بقى - 00:09:35ضَ

التجسس هو انتهاك خصوصية الانسان بهدف الاطلاع على عوراته. الاطلاع على اسراره الانسان لما يكون في بيته ما يحبش يكون فيه حد بيراه هو بيبقى في بيته ومش عارف ان فيه حد - 00:09:57ضَ

شايفه او سامعه سواء بقى حد بينظر بنظارة معظمة من مكان اخر او مركب له كاميرا جوة البيت او ميكروفون جوة البيت او بيتجسس عليه من خلال موبايله بطريقة النهاردة في شركات مخصوصة للجاسوسية - 00:10:16ضَ

كل ده حرام جدا ويؤدي الى البغضاء الى ان الناس تكره بعض وطبعا انا استثني من ذلك التجسس على الاعداء ان ده فيه تحذير من كيد الاعداء فممكن الدولة تتجسس على دولة عدوة او متربصة بها او هم في حالة حرب مع بعض. ده وارد - 00:10:33ضَ

في نوع اخر من التجسس اسمه التحسس قال رسول الله صلى الله عليه وسلم اياكم والظن فان الظن اكذب الحديث ولا تحسسوا ولا تجسسوا ولا تباغضوا ولا تدابروا وكونوا عباد الله اخوانا. التحسس هو التفتيش - 00:11:00ضَ

عن عيوب الناس لك جار جه ساكن جديد فتبدأ تبحث عن عيوبه شغلتك وليه تبحس عن عيوبه؟ دي مش شغلتك تبدأ تشوف هو بينزل يصلي ولا لأ مالك تبدأ تشوف مين طالع عنده مين نازل من عنده - 00:11:28ضَ

تبدأ تشوف هو بيبعت يشتري ايه من السوبر ماركت يكون بيشتري خمرة او بيرة او انت مالك اسمه التحسس اقرأ معي يا ايها الذين امنوا اجتنبوا كثيرا من الظن ان بعض الظن اثم - 00:11:47ضَ

ولا تجسسوا ولا يغتب بعضكم بعضا. بعد التجسس هيحصل ايه؟ هيحصل غيبة. ما انت لقيت حد طالع عنده نازل من عنده في وقت غريب بس خلاص. هتقوم ايه ضارب الجرس على اول ما ضارب التليفون لجارك التاني دي اسمها الغيبة - 00:12:08ضَ

ولا يغتب بعضكم بعضا الغيبة مش الغيبة. خلوا بالكم الغيبة هي ان تتكلم على حد في ضهره. الغيبة ان حد يكون غائب في مكان اخر بيقول هو في غيبة خلاص - 00:12:32ضَ

واحد اتجسس على جارته وعرف سر من اسرارها دي معصية كبيرة المفروض يستر عليها. ايه رأيكم بقى مش يفضحها ده المفروض قال رسول الله صلى الله عليه وسلم يا معشر من امن بلسانه ولم يدخل الايمان قلبه - 00:12:53ضَ

لا تغتابوا كلمة خطيرة بيكلم الناس اللي بتغتاب وبيقول لهم يا معشر من امن بلسانه. انت فاكر نفسك مؤمن؟ انت مجرد بلسانك بتقول انت مؤمن. ولم ولم يدخل الايمان قلبك - 00:13:16ضَ

لا تغتابوا المسلمين ولا تتبعوا عوراتهم ما تقعدوش تحسسوا تحسس ما تقعدش تتبع العورات فانه من اتبع عوراتهم يتبع الله عورته. ومن يتبع الله عورته يفضحه في بيته وانا قصدت اول المسال بالطريقة دي - 00:13:30ضَ

واحد اتجسس على جارته انا اظن ان بعض المجتمعات بتعتقد ان ما دام امرأة عايشة لوحدها يبقى عرضها مستباح بقى لو واحدة توفي زوجها آآ ما تجوزتش لاي سبب واحدة عايشة من لوحدها. لأ خلاص ده لا يعطي الجيران الحق - 00:13:58ضَ

التجسس عليها ولا تتبع عوراتها. ولا غيبتها ابدا الحاجة التانية بقى الغيبة المجرم مش بس اللي بيغتاب مش المغتاب ايضا شريك في الجريمة اللي بيسمع الغيبة انا اديكم مسال الست سنية - 00:14:15ضَ

راحت خبطت على جارتها الست فتحية وقالت لها شفت سوسن اللي في الدور التاني عملت ايه واغتبتها مين المجرم هنا اللي امن بلسانه ولم يدخل الايمان قلبه مش سنية. لا. سنية وفتحية - 00:14:39ضَ

الاتنين اجرموا المفروض ان فتحية اول ما سنية تخبط عليها وتقول لها شفت سوسن اللي في الدور التاني عملت ايه تقوم قايلة لها ايه مين عارف اخدناها في سورة النور - 00:14:56ضَ

الطريقة الاسلامية في وأد الشائعات ولا ما يكون لنا ان نتكلم بهذا سبحانك هذا بهتان عظيم. وتقوم سقف للباب في وشها على طول ما يكون لنا ان نتكلم بهذا سبحانك هذا بهتان عظيم. يعني ده كذب عظيم. حتى لو الكلام مش كزب. هو كزب - 00:15:12ضَ

لانه غيبة كل الاداب اللي في الصورة بتاعة الحجرات بتمنع انتهاك حرمة الانسان لحظة عاملة للانسان حرمة بتحميه الصورة اسمها ايه؟ الحجرات الحجرات جمع حجرة. والحجرة هي المكان المحجور. المحجور يعني لا يجوز ان يدخلها الا صاحبها - 00:15:37ضَ

والاحكام اللي في الصورة دي اللي الفرائض والنواهي اللي بتنهى اللي بتنهى عن الغيبة وعن سوء الظن وعن التجسس وعن دي عبارة عن انها عمالة تبني حوائط للحجرات بتاعة المجتمع المسلم. كل انسان بقى عنده الحجرة بتاعته - 00:16:10ضَ

كرمته فيها محفوظة ما له محفوظ روحه محفوظة ما حدش يقتله ما حدش يعتدي عليه. يتجسس عليه. كل ده ممنوع. ما حدش يجيب سيرته في حجرة اخرى كرامته محفوظة انت دلوقتي الصورة عمالة بتطلع بحوائط حواليك لحمايتك وحماية كرامتك - 00:16:28ضَ

بحيس تكون كرامتك محفوزة. انا عايز اقول لكم على حاجة النهاردة في اوروبا انا فاكر من حوالي اربع خمس سنين كده احد السياسيين البريطانيين مش فاكر اسمه ايه طلع قال - 00:16:55ضَ

اللي عايز يعيش بالقيم الاوروبية. لازم يفهم ان الاهانة حق من حقوق الانسان. من حقي اني اهين اي حد حق من حقوقي اني اوجه اهانات انا الحقيقة دعيت ان انا اتكلم مع بعض الناس الغير مسلمين - 00:17:14ضَ

واخترت آآ سورة الحجرات وجبت القيم الاسلامية او الاداب الاسلامية في التعامل بين الناس وبين الجيران وبين الناس كده قلت لهم ادي الفرق عمرنا ما هنتفق مع واحد بيتكلم زي كده ابدا. ابدا. الحاجة التانية مين قال ان دي القيم الاوروبية؟ جبتوا الكلام ده منين؟ يعني هو دليله ايه على كده - 00:17:36ضَ

هو هو ايه اللي ادى الحق انه يغير القيم الاوروبية؟ يعني ده فيديو موجود ممكن ابقى احطه لكم بس هو كله بالانجليزي يعني اسمه تدبر سورة الحجرات مع غير المسلمين. حاجة كده - 00:18:02ضَ

طيب بصوا المسل بقى المسال بقى منفر ازاي ؟ ربنا بيقول ايه في اخر الاية اتناشر ولا يغتب احدكم ان يأكل لحم اخيه ميتا فكرهتموه واتقوا الله ان الله تواب رحيم - 00:18:13ضَ

الانسان اللي بيغتاب يعتاد الغيبة هو بيحب الغيبة على فكرة بتبقى عادة عنده كأنه اكل كده بيتلزز به وهو بياكله بيحب يجيب في سيرة ده ويحب دايما تلاقيه كده الانسان اللي بيغتاب بيغتاب كتير هو مش بيغتاب مرة كل شهر لا المغتاب ده متعود على ده اكله - 00:18:34ضَ

الزاد بتاعه فالغيبة لزيزة في فم المغتاب وعادة بيغتاب علشان الناس تحبه لان الناس بتحب اللي بيحكي قصص وهو عادة بينقل قصص سواء حقيقية او كزب ما يفرقش هي غيبة - 00:18:56ضَ

تبقوا عارفين يعني الغيبة ان تذكر اخاك او اختك بما يكره مش معناها انك بتقول حاجة غير حقيقية. حاجة حقيقية. لكن هو يكره ان تقال عنه اصبحت غيبة فلان تخن اوي - 00:19:16ضَ

لو هو يكره انه يقال كده انت كده انت كده اغتبته. ايه رأيك بقى؟ ما ينفعش تقولها والمغتبين الاسرار بيوت واسرار الناس يبقى حاجتين المغتاب بيتلذذ بالغيبة وبيغتاب علشان الناس تحبه - 00:19:33ضَ

المثال بتاعنا بقى الست سنية والست فتحية قعدوا ياكلوا جثة الست سوسن اللي في الدور التاني. وهي ميتة تخيلوا بقى ان سوسن تموت هتنزل سنية وفتحية يقعدوا ياكلوا في لحمها وهي ميتة ويمكن متعفنة كمان - 00:19:53ضَ

هو ده بالزبط اللي هم عملوه. ربنا بيقول ايحب احدكم ان يأكل لحم اخيه ميتا فكرهتموه. الاية بتفصل الامر وبتوريك فظاعة الجريمة بالتالي الناس بتكره المغتاب فكرهتموه يعني ده على فكرة - 00:20:13ضَ

الغيبة مش بتحبب الناس في الانسان المغتاب هو فاكر هو بيغتاب عشان الناس تحبه بس الناس بتقابل المغتاب بابتسامة علشان تسمع منه شوية اسرار لكن بيتكلموا عليه ويقولوا ده طول النهار يجيب في سيرة الناس - 00:20:39ضَ

ويحرصوا على انفسهم منه فميدخلوهوش بيتهم او يدخلوه في اوائل يبقوا حريصين جدا في التعامل معه لانه عارفين ان هو هيغتابهم هم كمان هم في الحقيقة بيكرهوه. فكرهتموه ورد في الاثر - 00:20:56ضَ

ان الغيبة اسوأ من الزنا ليه ؟ قال لك الزنا يتوب الانسان منه فيتوب الله عليه لكن الغيبة لا يغفرها الله حتى يغفرها الذي اغتيب الشخص اللي تم غيبته اللي اغتيب لازم يغفر قبل ما ربنا يغفر - 00:21:14ضَ

انتم عارفين ان التوبة بتتم بتلات حاجات واحد الاقلاع اتنين الندم. تلاتة العزم الاقلاع عن الذنب الندم على ما ارتكب من ذنب العزم على عدم العودة لهذا الذنب. حتى لو واحد عاد بعد كده يبقى يرجع يتوب تاني. لكن لازم يكون عنده عزم صادق انه لا يعود - 00:21:38ضَ

كل هذا الذنب ابدأ صادقة لكن ده في الذنوب اللي في حق الله زي شرب الخمر كده للزنا اما اذا كان الذنب في حق انسان اخر لا تكتمل التوبة الا بشيء رابع - 00:22:04ضَ

غير الاقلاع والندم والعزم لابد من اعادة الحقوق الى اهلها لو كان حق مادي يبقى لازم ترجع الفلوس اللي حضرتك سرقتها لو كان حق معنوي يعني انت اغتبت حد او شتمت حد - 00:22:24ضَ

لازم يسامحك تروح تستسمحه ممكن تسامحني؟ لا لازم اعرف ليه يعني بصراحة انا جبت سيرتك اتكلمت في غيبتي انا رتبتك مش مسامحك اوعى تفتكر ان ما دام انت قلت له ممكن تسامحني وقال لك مش هاسامحك يبقى انت كده حلو اوي خلاص يلا مع السلامة لا انت في مصيبة - 00:22:44ضَ

انت تبوس ايده تجيب له هدايا تسوق عليه الناس تكلمه. اتصرف انت في مصيبة دي مصيبة اعمل كل اللي تقدر عليه عشان يسامحك بقى مننا دلوقتي طبعا عمال يهرش فكروا كل واحد بيفكر هو اغتاب مين - 00:23:14ضَ

اقرا باقي الاية اتناشر واتقوا الله ان الله تواب رحيم. اتقوا الله وابتعدوا عن هذه الذنوب اتقوا الله واطلبوا السماح من الناس اللي اغتبتوهم. وسيبوكم بقى من الفتوى بتاعة ايه؟ اغتابوا وادعي له - 00:23:39ضَ

الكلام ده الله يخليكم. الكلام ده لو واحد مات خلاص انت مش عارف تجيبه عشان تستسمحه. تعمل ايه ؟ تدعو له ليل نهار في كل سجدة لعل انه يسامحك بدعاءك له - 00:23:59ضَ

واحد عايش لسه لاقيها هتروح وهتقول له واتقوا الله ان الله التواب الرحيم. ربنا تواب. وسيتوب عليك ان شاء الله باب التوبة مفتوح. بس احنا اللي مش بنتوب رحيم ورحمته مالية الدنيا. بس احنا اللي مش مش بنستحضر رحمته - 00:24:12ضَ

احنا مش بنستمطر رحمته اقرا الاية تلتاشر هنخليها بكرة الاتي بكرة الأيدي بكرة عشان الأهالي دي طويلة مش عايزين نطول اكتر من كده نتوقف هنا الليلة ان شاء الله اللهم انا نسألك حبك - 00:24:36ضَ

وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:25:02ضَ

اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم - 00:25:30ضَ

اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور وصدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:26:00ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك سلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم - 00:26:27ضَ

ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخواننا في تركستان. وانصرهم وانصر من نصرهم. واخذل كل من خذلهم. وطهر المسجد الاقصى من - 00:26:48ضَ

فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا من علمائنا مريضا به او حاملا له فالبسه ثوب الصحة والعافية عاجلا غير اجل - 00:27:17ضَ

ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:27:39ضَ

وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك واحيها يا ربنا بمعرفتك - 00:27:59ضَ

وقامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله وبركاته ونراكم غدا باذن الله بنفس هذا الموعد ان كنا من اهل الدنيا - 00:28:22ضَ