Baheth

السلام عليكم ورحمة الله وبركاته اهلا بحضراتكم في المقطع رقم خمسمية سبعة وسبعين من مقاطع حظر التجول وفي الحلقة الاولى من حلقات تدبر سورة المنافقون ارجو من حضراتكم تجيبوا المصاحف - 00:00:00ضَ

وخلينا نبدأ سورة المنافقون نزلت في المدينة طبعا نزلت في منتصف المرحلة المدنية بعد غزوة المريسيع او بني المصطلق يعني سنة خمسة هجريا تقريبا اسمها المنافقون على اساس ان لفز المنافقون ورد كده - 00:00:25ضَ

اه اه في اول الصورة واسمها ايضا سورة المنافقين على اساس ان كلمة المنافقين تبقى مضاف اليه. يعني المنافقون سورة والمنافقين مضاف يضاف اليه فلازم انها تبقى اه اه مكسورة - 00:00:47ضَ

لكن كتب التفسير ايضا بعضها كتب سورة المنافقون. يعني لو انتم عايزين الصح الصح يا لغويا هي احنا احنا النهاردة المنافقون. يبقى بنتكلم عن الايه صورة المنافقين يا اما نقول سورة المنافقين. ده لغويا. لكن ايضا تعتبر على سبيل الرواية. يعني هو اصبح علم عليها انها باسماء المنافقين - 00:01:04ضَ

ايا كان محل الاعراب فبيرووها ككلمة وردت في اول اية يبقى اسمها المنافقون وخلاص. مش غلطان ان احنا نقول سورة المنافقون ايضا طب انا ليه لما قلت مدنية؟ طبعا وضحكت كده ليه مش يمكن تكون مكية؟ - 00:01:31ضَ

لأ ما ينفعش تبقى مكي ليه ان قبل مرحلة المدينة ما كانش فيه منافقين كان الناس اما مؤمنين او كافرين. لكن لم يكن هناك منافقين لان الاسلام كان ضعيف من الناحية المادية - 00:01:48ضَ

عدد وعدة مش صح ان احنا نقول الاسلام كان ضعيف ابدا لان دين الله ما ينفعش يبقى ضعيف. ولكن لان كلمة الله هي العليا رغم انف اي حد لكن نقول ضعيف من الناحية المادية. من ناحية العدد من ناحية التمكين. يعني كان المسلمين غير ممكنين. كانوا مضطهدين - 00:02:03ضَ

كانوا معذبين معلش يعني مين اللي هينافقهم يعني؟ ينافقهم على ايه انما فئة المنافقين دول ظهرت في المدينة بعد ما اصبح المسلمون في الحكم بقى خلاص المسلمين بقوا بيحكموا فدايما كده تلاقي ايه الفئة القزرة دي موجودة دايما تنافق الحكام وتنافق الناس الاغنياء - 00:02:25ضَ

زهرت الفئة دي بعد الهجرة وظلت موجودة حتى يومنا هذا لغاية النهاردة موجودين هذا المصطلح عشان تبقوا عارفين مصطلح النفاق مصطلح شرعي لم يكن معروفا في اللغة العربية قبل ذلك - 00:02:51ضَ

كان العرب يقولوا ذو الوجهين لكن ما يقولوش انه منافق القرآن جاء بمصطلح النفاق من كلمة النفق الانفاق النفق مكان مستتر تحت الارض بتحفروا الفئران او اي حيوان بيحفروا او حشرات - 00:03:13ضَ

ايه الفرق بين الحفرة والنفق الحفرة لها مدخل واحد وبخرج هو نفس المدخل هو المخرج اسمها حفرة انما النفق له مخرجين او اكتر فازا كان النفق ده ما لوش مخرجين له مخرج واحد يبقى مش نفق يبقى اسمه حفرة - 00:03:34ضَ

المخرجين بيستطيع انه يخرج الفقر من اي مخرج منها ما حدش يقدر يمسكه ما حدش يمسك عليه حاجة. كذلك المنافق عنده مخرج من ناحية اعداء الاسلام ومخرج من ناحية الاسلام. من ناحية بني النظير عنده مخرج وشفناهم بيشجعوهم على قتال النبي والصحابة وبتاع. ومن ناحية المسلمين بيتزاهروا - 00:03:55ضَ

حب الاسلام ويروحوا يصلوا في المسجد ويخرجوا في الغزوات اللي بيشعروا طبعا انها مضمونة والقتال فيها يكون سهل ومش خطير والغنائم هتبقى آآ كثيرة فمش عاوزين يضيعوها عندهم مخرج من كل حتة - 00:04:18ضَ

النفاق النفاق نوعين نوع مخرج من الملة سموه النفاق الاكبر ونوع غير مخرج من الملة النوع المخرج من الملة نفاق عقائدي ان انسان يتظاهر بالاسلام وهو يبطن الكفر وفي منهم كتير على فكرة - 00:04:32ضَ

وبيلبسوا ملابس شيوخ عشان تبقوا عارفين. ده منهم واحد لو فيديو قديم بيعلن تنصره وانه وجد السيد المسيح خلاص وانه بقى مسيحي وانه بيتقبل المسيح مخلص شخصي لحياته. يعني رسمي بيتنصر على - 00:04:57ضَ

القمامة المسيحية معروفة وبعدها وجد ان الافضل انه يستمر في التظاهر بان هو مسلم يعني وشيخ وقعد سنين بعدها يظهر في الفضائيات بملابس الازهر ليطعن في الدين وفي البخاري وبتاع. ولكن من واقع وكأنه شيخ بيتكلم - 00:05:11ضَ

الفيديو وقع في ايدينا كانت فضيحة كبيرة له وحزرنا منه كان بيقدم نفسه على انه مش عارف مفتي استراليا كلام اهبل يعني اللي يتظاهر بالاسلام ويبطن الكفر منافق نفاق مخرج من الملة - 00:05:32ضَ

هنا في سؤال طب واللي يعمل العكس؟ اللي يسلم سرا ويتظاهر بالكفر وهو في الحقيقة يبطن الاسلام ده مش منافق من ناحيتنا احنا لا مش منافقة من حقيقتهم وهم عايزين يعتبروه يعتبروه منافقة - 00:05:49ضَ

ده انا شرف لي لو اعتبروني منافق. النبي عليه الصلاة والسلام هو اللي امر كثير من الصحابة لما اسلموا الا يعلنوا اسلامهم. اما للحفاز على حياته او عشان يبقوا مصادر مخابراتية له داخل القبائل الاخرى المعادية للاسلام - 00:06:08ضَ

نعيم ابن مسعود ده اشهر قصة نعيم ابن مسعود رجل من غطفان اسناء حصار المدينة في غزوة الاحزاب ربنا ادخل الهداية في قلبه وراح رايح وعبر الخندق. الخندق ممكن الواحد ينزله ويطلع من الناحية التانية يعني ويقول يا جماعة انا رايح اقابل الرسول عليه الصلاة والسلام ما تقتلونيش. راح للنبي عليه الصلاة والسلام - 00:06:27ضَ

قال يا رسول الله اني قد اسلمت وان قومي لم يعلموا باسلامي امرني بما شئت. تحب اعمل ايه نروح بقى يا عم اقتل حد من القادة بتوع الجيش بتاع ايه اللي عايزه - 00:06:51ضَ

وقال رسول الله صلى الله عليه وسلم انما انت فينا رجل واحد انت لو انضميت للجيش بتاعنا فانت راجل واحد. بدل ما باحنا سبعمية بقينا سبعمية وواحد ما سبناش حاجة يعني - 00:07:07ضَ

فخذل عنا يا معاذ اسف. فخذل عنا يا نعيم ان استطعت فان الحرب خدعة خزل عنا يعني رح اعمل استخدم زكائك واعمل حاجة ادفع بها اللي احنا فيه ده. الوضع خطير في الوقت ده - 00:07:25ضَ

كان النبي عليه الصلاة والسلام والصحابة بقى لهم شهر كامل لم يناموا صاحيين مستيقظين طول الوقت بيحموا الخندق عشان ما يردمش من مكان ما. شهر كامل بيعملوا دوريات حوالين الخندق - 00:07:46ضَ

حتى كانت اعينهم كالدم وسمعوا بقى في الوقت ده بالكارسة بتاعة بني قريزة اللي خانوا العهد مع الرسول عليه الصلاة والسلام ودخلوا آآ يعني بيعملوا في تحالف مع آآ الاحزاب وآآ وبدأوا - 00:08:01ضَ

يهاجموا النساء نوعين سيدي ربي ذكاءه يوقع بين الخونة بتوع بنو قريدة وبين قريش وغطفان العشر تلاف جندي اللي محاصرين المدينة راح لبني قريزة اقول لهم انصحكم تخلوا بالكم من قريش وهضفان - 00:08:21ضَ

انهم ناويين يتخلوا عنكم وينسحبوا. ولو انسحبوا هيتركوكم مع محمد واصحابه هيفتكوا بكم لو انا مكانكم اطلب من قريش وغطفان يسلموكم بعض اشرفهم اشرفهم يعني رجال الاعمال بعض مجموعة من رجال الاعمال الكبار - 00:08:45ضَ

يبقوا رهن عندكم عشان تضمنوا انهم ما ينسحبوش ويتركوكم في مواجهة المسلمين. ما هو لو انسحبوا تركوكم هيتركوا كمان اشرفهم بصراحة فكرة حلوة جدا وراح لقريش وهطفان قال لهم انا عارف ان بني قريزة دول - 00:09:09ضَ

ولاد لزينة خلوا بالكم لو طلبوا منكم ناس يبقوا رهن عندهم ما تصدقوهمش دول غالبا هياخدوهم يغدروا بكم ويسلموهم لمحمد واصحابه كعربون محبة واسبال حسن نيتهم في الاجتماع بين زعماء الفريقين دول طلبوا اشرفهم ودول قال لك بس. ده نعيم كان عنده حق على مين؟ علينا احنا - 00:09:31ضَ

انفض التحالف اللي بين بني قريزة وبين الاحزاب عن طريق نعيم ابن مسعود. سؤال بقى هل من حق قريش وهطفان لو عرفوا حقيقة نعيم ابن مسعود انهم يقولوا عليه منافق - 00:09:57ضَ

ولا لأ بصراحة من حقه يعتبروه منافق ده انا يعني انا يعني انا لما لما انسان اسف يعني انسان واطي يعتبرني انا واطي ده شرف اذا اتتك المذمة من ناقص فهذا دليل انك كامله - 00:10:13ضَ

لما واحد يندس في وسط الاعداء هيبقى صادق ازاي ما لازم هيكزب عليكم ويظهر ما لا يبطل ده مش نفاق. هم يعتبروه النفاق هيعتبروه لكن ده مش نفاق. هذا ده انسان فدائي - 00:10:34ضَ

عشان كده النبي عليه الصلاة والسلام قال لنوعين ايه؟ الحرب خدعة يعني لا تتردد في خداعهم والكذب عليهم طيب احنا قلنا ان في نوعين من النفاق نوع مخرج من الملة - 00:10:47ضَ

ونوع غير مخرج من الملة زي اللي ينافق مديره. ويقول له انا بيعجبني جدا طريقة تفكير حضرتك الحقيقة. وهو من جواه شايفه غبي مسلا وشديد الغباء كمان. ده نفاق. ولكنه نفاق غير مخرج من الملة - 00:11:01ضَ

الخلاصة ان في حديث للرسول عليه الصلاة والسلام بيقول فيه اية المنافق ثلاث علامة المنافق تلاتة تلات حاجات اذا حدث كذب واللي ما يتكلم يكزب اذا حدث كذب. كل ما يتكلم يكزب - 00:11:16ضَ

واذا وعد اخلف. وكل ما يوعد يخلف واذا اؤتمن خانه. كل ما يؤتمن يخون الامانة وان صلى وصام وزعم انه مسلم. اللي فيه التلاتة دول ده منافق وش اسمع اللي جاي بقى حديس اخر - 00:11:41ضَ

وهو اكثر آآ وضوحا في المسألة دي مسألة اللي فيه خصلة منهم بس قال رسول الله صلى الله عليه وسلم اربع من كن فيه كان منافقا اربع حاجات اللي لو موجودة في بني ادم الاربعة مع بعض يبقى منافق - 00:12:08ضَ

من كانت خصلة منهن فيه كانت فيه خصلة من النفاق حتى يدعها. واللي فيه خصلة منهم يبقى فيه خصلة من النفاق لغاية ما يتركها يبقى خلاص يعني المسألة مش مش ون و زيرو مش اه مش يا منافق يا ما فيش لأ المسألة درجات - 00:12:32ضَ

تسعة على اربعة. من اذا حدث كذب واذا وعد اخلف. الاتنين دول سمعناهم ايه؟ في الحديس اللي قبله بدل بقى واذا اؤتمن خان قال النبي واذا خاصم فجر واذا عاهد غدر - 00:12:56ضَ

كتير على فكرة مننا احنا احنا اللي احنا دلوقتي بنعمل تدبر كتير مننا فيهم خصال من هذه الخصال التخلص منها يكون بالتربية لان التربية تؤدي الى زيادة التقوى ده مش موضوعنا ده التربية خدناها قبل كده لكن لكن التربية هي اللي تجعل الانسان يتخلص من خصال النفاق - 00:13:15ضَ

نبدأ الصوت. خلينا نبدأ الصورة. اعوذ بالله السميع العليم من الشيطان الرجيم بسم الله الرحمن الرحيم. اقرا معي الاية واحد. قالوا اسف اذا جاءك المنافقون قالوا نشهد انك لرسول الله - 00:13:40ضَ

والله يعلم انك لرسوله والله يشهد. والله يشهد ان المنافقين يقين لكاذبون ربنا بيقول عليه الصلاة والسلام لما يجي لك المنافقين ويقولوا لك نشهد مشهد يعني اقرار وتصديق شديد وكأنهم يشهدوا بعينيهم - 00:14:06ضَ

نشهد انك لرسول الله احنا مصدقين يعني بعنينا شايفين بعنينا ان انت رسول الله المنافقين اللي مش مؤمنين بك اصلا هيجوا لك يا محمد ويأكدوا لك ان اللي في قلبهم ان انت رسول الله - 00:14:32ضَ

اهو ربنا بقى يشهد ان هم كزابين اقرا اخر الاية واحد والله يشهد ان المنافقين لكاذبون يعني ايه مش النبي محمد عليه الصلاة والسلام يبقى رسول الله هم قالوا هو رسول الله. ازاي ربنا يقول ان هو ربنا بيشهد ان هم كزابين - 00:14:55ضَ

ايوة هو رسول الله حقا وصدقا. ولكنهم كاذبون لان الصدق هو ان تقول ما في قلبك وهم مش مؤمنين في قلبهم ان محمد بن عبدالله نبي ورسول فلو كانت الاية كده - 00:15:20ضَ

بص بقى لو كانت الاية كده اذا جاءك المنافقون قالوا نشهد انك لرسول الله. والله يشهد ان المنافقين لكاذبون. ممكن من زاهر العبارة ان الله يعني لا يقول ان محمد آآ ليس رسول الله - 00:15:40ضَ

ان ربنا يعني يرى ان هو لكن جاءت بقى جملة معترضة اللي هي ايه والله يعلم انك لرسوله اسمع بقى الجملة الاعتراضية دي مهمة جدا اذا جاءك المنافقون قالوا نشهد انك لرسول الله والله يعلم انك لرسوله. طبعا ربنا - 00:16:03ضَ

اعلم هذا بس في نفس الوقت المنافقين كزابين لانهم مش مؤمنين باللي بيقولوه. وربنا مطلع على قلوبهم. والله يشهد ان المنافقين لكاذبون. بس قبلها قال والله يعلم انك لرسول. زي ما اقول لك مسلا ايه - 00:16:32ضَ

هيقولوا لك انت طبيب شاطر وعلى فكرة انت طبيب شاطر فعلا بس هم كزابين مش مؤمنين بكده لما قلت لك وعلى فكرة انت طبيب فشاطر فعلا انا اكدت لك ان انا موافق ان انت طبيب شاطر. بس انا باقولها وانا مؤمن بها مش زيهم بيقولوها وهم مش مؤمنين بها - 00:16:47ضَ

خلاص مفهوم يا جماعة؟ طيب من ضمن الاحداس اللي حصلت وكانت سبب نزول الصورة دي ان عبدالله بن ابي بن سلول رأس النفاق في المدينة اسناء العودة من غزوة بني المصطلق - 00:17:08ضَ

بني المسترد قبيلة من قبائل خزاعة وكانت تريد غزو المدينة كانوا بيستعدوا لغزو المدينة. فخرج النبي صلى الله عليه وسلم وقاتلهم عندما يسمى ماء المريسيع او بئر المريسيع. عشان كده احيانا تسمى غزوة المريسين - 00:17:23ضَ

فيا اما اسمها غزوة المريسيع او غزوة بني المفترق. المهم الغزوة دي المنافقين لعلعوا فيها عملوا مصيبتين اول مصيبة فيهم حاولوا يوقعوا بين المهاجرين والانصار عايز اقول لكم ان الدماء سالت. بس دي بكرة نتكلم فيها - 00:17:46ضَ

وعبدالله بن ابي بن سلول قال لهم من المجموعة اللي معه دي سمن قلبك يأكلك اما والله لان رجعنا الى المدينة ليخرجن الاعز منها الاذل يعني بيقول ايه يا انصار ازا تركتم المهاجرين هو بيتكلم مجموعة من اللي حواليه اللي هم اصلا محسوبين على الانصار بس هم مش - 00:18:07ضَ

المدينة لو تركتوا فضلتوا تاركين الحبل على الغارب كده للمهاجرين بقى لهم خمس سنين هيبلعوا المدينة حطوها في بطنهم وهيطردونا وهيعاملونا زي الخدم فاحنا بقى نلحق واول ما نرجع لازم نقوم قايمين قومة رجل واحد ونطردهم برة - 00:18:35ضَ

اللي هو على رأي المسل ايه سكتنا له ودخل بحماره. هو عايز يقول لهم كده. احنا ساكتين لهم بقى لنا مدة. بقى هيبلعوا المدينة هو بيتكلم المجموعة بتاعته لسه. هو بيجرب ايه الايه؟ النغمة الجديدة قبل ما يطلع بها للمسلمين - 00:18:59ضَ

مين سمعه احد الانصار زيد ابن ارقم وكان شاب صغير وراح قال لعمو عمو قال لي يا ابني انت متأكد من الكلام ده ؟ قال له اه لازم تبلغ النبي. يا ابني ما حدش هيصدقها. قال لها لازم تبلغ النبي. المهم لغاية ما راحوا قالوا الايه - 00:19:14ضَ

الرسول عليه الصلاة والسلام فالنبي ارسل عبدالله بن ابي بن سلول والمجموعة اللي معه اللي هو ازاي تبلغ ان هم كانوا واقفين معه وهو بيقول لهم كده وسمعه بيقول لهم كده - 00:19:28ضَ

فجه واقسموا انه لم يقولوا هزا الكلام. هو اقسم اقسم اجتهد في الايمان يعني اقسم ميت يمين انه ما قلش الكلام ده فالناس كذبوا قالوا ايه؟ زيد كذبك يا محمد - 00:19:42ضَ

زيدان حتة عيل شاب صغير ده. هتصدقه هو واحنا الكبار وبنقسم هو كذبك النبي صدق الناس بتحلف بتقسم بالله هيقول لهم انتم كزابين. صدق فنزلت الايات تصدق اذن زيد بن ارقم - 00:20:01ضَ

حتى من ساعتها النبي عليه الصلاة والسلام قال له وفت اذنك وصدق الله حديثك تخيلوا لما ينزل وحي من السما يصدق كلامك ويقول لك يقول للناس ان انت انسان صادق - 00:20:23ضَ

ولسه شاب صغير المهم وصلوا المدينة ابن عبدالله ابن ابي ابن سلول اسمه عبدالله برضو. يعني عبدالله بن عبدالله بن ابي بن سلول كان صحابي رائع وقف في مدخل المدينة وراح ماسك سيفه وقال لابوه - 00:20:40ضَ

لن تدخل حتى يأذن لك رسول الله قالوا ولم وليم يا لية! هو فيه جوازات دلوقتي يعني ولا ايه! مش فاهم يعني قال له يعني ليه احتاج ازن من محمد عشان ادخل - 00:21:02ضَ

فابنه قال له لانه هو الاعز وانت الاذل والله لا تدخل حتى يأذن لك رسول الله وارسل للنبي يقول له تديني الاذن ادخله المدينة ولا لأ يعرفهم مين الاعز ومين الاذل - 00:21:17ضَ

وقبلها عند المريسيع لما حصل اللي حصل دوا ونزلت الايات قال للنبي صلى الله عليه وسلم اذا حكمت عليه بالاعدام خليني انا اللي اعدمه لا اريد ان ارى قاتل ابي. مش عايز قلبي يخليني اكره مسلم - 00:21:37ضَ

ممكن انفعل واعمل حاجة عشان اشوف قاتل ابويا ماشي قدامي. خليه يصدر مني انا الفعل ده فالنبي قال له بل نحسن صحبته ما دام فينا دع لا يتحدث الناس ان محمدا يقتل اصحابه. واتكلمنا في الموضوع ده قبل كده وقلنا هو الرجل اصلا حكم القتل - 00:21:54ضَ

ده خائن خيانة عظمى ولكن النبي صلى الله عليه وسلم يرى ان ده هيسيء لسمعة الاسلام وسمعة الاسلام كدين جديد بينتشر في وسط القبائل. هتضر لما يشوفوا النبي بيقتل واحد من - 00:22:14ضَ

لانه محسوب على الصحابة الناس من برة شايفينه من الصحابة قال له لأ المصيبة التانية اللي عملوها المنافقين في غزوة المريسيع هي انهم اطلقوا الشائعات على السيدة عائشة. الشائعات بشعة قذرات - 00:22:33ضَ

تنال من عرضها تنال من شرفها وشرحنا الموضوع ده في سورة النور فما لوش لزوم نضيع فيه وقت النهاردة لكن ارجو الناس تراجع حلقات سورة النور اقرأ بقى معي الاية اتنين - 00:22:50ضَ

في سورة المنافقون اتخذوا ايمانهم جنة فصدوا عن سبيل الله انهم ساء ما كانوا يعملون المسل المصري يقول لك ايه ؟ قالوا للحرامي احلف قال جا لك الفرج بس كده لو على الحلفان هيحلف ويحلف كزب ويتقي التهمة - 00:23:01ضَ

ويتقي العقوبة. خلاص ما حدش يقدر يتهمه. هو مش انا علي احلف كزب فالمنافقين وخاصة في الحادث بتاع غزوة بني المشترق اقسم يمين انهم مؤمنين وانهم ما قالوش ليخرجن الاعز منها الاذان بالتالي الايمان بتاعتهم دي - 00:23:28ضَ

آآ بتعتبر جنة جنة يعني درع الجنة خلي بالك الجنة اسمها جنة لانها تحجب الرؤية نتيجة كثافة الاشجار المجنون اسمه مجنون لان عقله محجوب الدرع يسمى جنة لانه بيحجب الجسم وبيغطيه - 00:23:51ضَ

هم بقى اتخذوا ايمانهم ايمان جمع يمين يعني قسم. اتخذوا القسم بتاعهم ده جنة درع. فصدوا عن يعني لما ما اتكشفش امرهم بالحلفان الكازب ده ظلوا مستورين ايه اللي سترهم - 00:24:14ضَ

الحلفان الكزب فضلوا مستورين يصدوا عن سبيل الله. موجودين بيخربوا وبينخوروا جوة الصف المسلم بيصدوا الناس عن الايمان لانهم طابور خامس موجود داخل كل جسم وهنا هم موجودين داخل الجسم المسلم - 00:24:34ضَ

لكنهم موجودين في الجسم المسلم زي السوس اللي بينخر في الخشب. خطر جدا كمل الاية انهم ساء ما كانوا يعملون ايه هو ايه هو اللي ساء اللي بيعملوه ده؟ ايه هو الشيء السيء اللي بيعملوه اوي يعني - 00:24:58ضَ

هل مقصود الحلفان الكازب هو اللي سيء ساء ما كانوا يعملون انهم بيحلفوا كزب يعني ولا الصد عن سبيل الله هو اللي سيء اقرأ تاني كده الاية اتخذوا ايمانهم جنة. ادي اول حاجة. فصدوا عن سبيل الله. ادي تاني حاجة. انهم ساء ما كانوا يعملون. ايه هو بقى اللي كانوا يعملوه؟ اللي كان سيء ان هم - 00:25:13ضَ

كانوا يحلفوا كزب ولا انهم بيصدوا الناس عن سبيل الله انا ارى انه المقصود هو الحلفان الكزب هو المقصود ان هو يذم ذم شديد. ليه الاتنين اعمال سيئة. الاتنين عمل سيء طبعا - 00:25:39ضَ

لكن الحلف الكاذب ده اذا انتشر لم يعد هناك قيمة للقسم في المجتمع ويصبح الوسيلة الوحيدة لاثبات اي شيء هي الأدلة المادية والشهود وتفريغ الكاميرات بتاعة المراقبة. لكن كلمة الشرف - 00:26:00ضَ

لن يكون لها قيمة وبالتالي ستفقد الثقة في الانسان وتتحول الثقة الى ثقة في الالة مش في الانسان نثق في الكاميرا نثق في الورقة والقلم لكن لن نثق في الانسان. حتى الشهود لن يثق الناس فيهم. ده في قهوة ورا مجمع المحاكم في وسط البلد - 00:26:21ضَ

اسمها قهوة شهود الزور اللي عنده جلسة يروح يأجر شاهدين كل شاهد بميت جنيه يروحوا يشهدوا معه في المحكمة اي شهادة هو عايزها. شهادة زور. عشان يكسب بها قضيته فالكذب والحلف والقسم - 00:26:45ضَ

كذبا يدمر المجتمع لان الثقة بتفقد بين الناس ونتوقف هنا الليلة وبكرة ان شاء الله هنخلص سورة المنافقون اللهم انا نسألك حبك وحب من يحبك وحب كل عمل يقربنا الى حبك - 00:27:05ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ - 00:27:23ضَ

اللهم حببنا اليك والى ملائكتك وانبيائك ورسلك. وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا - 00:27:40ضَ

كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغموم ومغفرة ذنوبنا اسأل الله العلي العظيم ان يجعل هذا التدبر في ميزان حسناته - 00:28:08ضَ

وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون فبحق كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم - 00:28:29ضَ

يحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. هيت بنصرك المرابطين في الارض المباركة فلسطين. وكن مع - 00:28:52ضَ

اخواننا في تركستاني وفي الشام وفي كشمير وفي الهند انصر من نصرهم واخذل من خذلهم وطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة - 00:29:12ضَ

ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له. فالبسه ثوب الصحة والعافية عاجلا غير اجل - 00:29:30ضَ

ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على - 00:29:44ضَ

على طاعتك وتوحدت على دعوتك وتعاهدت على نصرة شريعتك ووثق اللهم رابطتها وادم ودها واهدها سبلها. واملأها بنورك الذي لا يخبو واشرح صدورها بفيض الايمان بك وجميل التوكل عليك احييها يا ربنا بمعرفتك - 00:30:05ضَ

وامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله. نراكم غدا باذن الله. في نفس هذا الموعد ان كنا من اهل الدنيا - 00:30:25ضَ