Baheth

السلام عليكم ورحمة الله وبركاته. اهلا بحضراتكم في المقطع رقم ستمية وحداشر من مقاطع حظر التجول والحلقة الثانية والاخيرة من حلقات تدبر سورة القيامة ارجو من حضراتكم تجيبوا المصاحف تدبرنا امس اول خمستاشر اية في سورة القيامة - 00:00:00ضَ

وهي الايات التي اكدت على ان الانسان الذي ينكر البعث هو في الحقيقة يريد ان يفجر دون ان يحاسبه احد. عايز يفجر نقرا الايات كده سريعا مع بعض اعوذ بالله السميع العليم من الشيطان الرجيم - 00:00:33ضَ

بسم الله الرحمن الرحيم. لا اقسم بيوم القيامة ولا اقسم سي اللوامة ايحسب الانسان الا نجمع عظامه بلى قادرين على ان نسوي بنانه. بل يريد امامه ثم جاءت ايات عن سخرية الكافرين من فكرة يوم القيامة وفكرة البعث ثم الرد عليهم - 00:00:54ضَ

يلا مع بعض من الاية ستة يسأل ايام يوم القيامة فاذا برق البصر وخسف القمر وجمع الشمس والقمر. يقول الانسان يوما اين المفر؟ كلا لا وزر الى ربك يومئذ المستقر - 00:01:34ضَ

ينبأ يومئذ بما قدم واخر بل الانسان على نفسه بصيرة. ولو القى معاذيره لما النبي صلى الله عليه وسلم وجد ان السورة بتتكلم في هذا الموضوع المهم جدا هو كانه فرح واخذ يحرك شفتيه ليحفظ ايات السورة اثناء نزول الايات لسة. اثناء نزول الوحي كان بدأ - 00:02:02ضَ

وكأنه قلقان انه تتفلت منه الايات وهو زي ما يكون من فرحته ان الصورة كلها لحد دلوقتي بتعالج الموضوع ده لان هو ده الموضوع اللي عامل له مشاكل مع الناس - 00:02:35ضَ

هو كأنه خايف ينساها فقال له الله تعالى ونبدأ من هنا تدبر ايات حلقة الليلة اقرا معي من الايات رقم الاية رقم ستاشر الاية رقم تسعتاشر لا تحرك به لسانك لتعجل به - 00:02:51ضَ

ان علينا جمعه وقرآنه فاذا قرأناه فاتبع قرآنه ثم ان علينا بيانا في قاعدة كده في علم الخطابة المؤثرة وهو انه اذا اردت ان تكون متحدثا لبقا فعليك ان تكون مستمعا رائعا - 00:03:10ضَ

يعني وانت بتتلقى سواء بتسمع بودانك او بتقرأ بعينيك ما ينفعش تكون بتفكر في حاجة تانية او بتجهز الرد بتاعك آآ اللي انت ناوي تقوله لا. لازم وانت بتتلقى تتلقى بكل جوارحك عشان - 00:03:37ضَ

اسمع كويس وتفهم كويس ايه اللي بيتقال لك احيانا كان بيحصل لي ان انا بعد محاضرة مسلا اسأل الجمهور آآ حد عنده اسئلة فواحد يقول لي انا عندي سؤالين. اتفضل. السؤال الاول ويقول لي السؤال الاول - 00:03:55ضَ

والسؤال التاني وهو بيقول السؤال التاني ابدأ انا افكر في السؤال الاولاني واجهز الرد عليه اسناء ما هو لسة بيتكلم وبيسأل باقي اسئلته فلما يخلص كلامه هلاقي نفسي ان انا عرفت اجهز اجابة جيدة على سؤاله الاول ولا انا سمعت سؤاله التاني. وبيبقى شكلي وحش وبابقى حاجة محرجة جدا - 00:04:08ضَ

ان انا كأني مش مهتم لا انا مهتم بس لاني كنت بفكر في نفس الوقت ومشغول اسناء ما هو لسة انا بتلقى منه لا عرفت اعمل كده ولا عرفت اعمل كده - 00:04:30ضَ

المفروض كنت اتلقى الاول. اتلقى فقط. اركز في التلقي. وبعدين اخد وقتي وافكر واجهز كلامي. فالنبي عليه الصلاة والسلام كان بيتلقى وفي في نفس الوقت عمال يحفظ نفسه عشان يجهز كلامه في نفس الوقت. فربنا قال له ركز - 00:04:40ضَ

ركز في التلقي اولا ما تقلقش انا هحفزه لك واجعلك قادر على اعادة تلاوته لا تحرك به لسانك لتعجل به ما تستعجلش ان علينا جمعه وقرآنه انا كفيل اني اجمعه في قلبك - 00:04:56ضَ

فيحفظ ولا يتفلت منه حرف واحد من كل حروفه واجمعوا ان علينا جمعه. يعني ربنا عليه انه يجمعه كله بقراءاته المختلفة بمعانيه المختلفة جمع القرآن بكل قراءاته بكل حروفه. لان زمان كان فيه حاجة اسمها الاحرف السبعة. اللي هي لهجات العرب - 00:05:25ضَ

ثم في اخر سنة نسخت والنبي عليه الصلاة والسلام استقر على حرف قريش فقط ولغى الاحرف الاولى الاحرف السبعة كان فيه بقى ايه لغة تميم آآ حرف تميم يعني حرف هذيل. القبائل دي كانت بتتكلم بطرق مختلفة. فالنبي عليه الصلاة والسلام طلب ان القرآن ينزل بلهجاتها - 00:05:49ضَ

علشان ما يبقاش صعب عليها انها كلها تتبع حرف قريش وبعد كده في الاخر اتلغى. طب كل ده نزل امتى؟ كل ده ربنا جمعه في قلب النبي صلى الله عليه وسلم - 00:06:09ضَ

بالتالي جمع القرآن في قلب النبي وتم ترتيب الايات داخل سورها لان زي ما قلت لكم كده نزلت في الاول خمس ايات من سورة العلقة. بعد كده اول ايات في سورة المزمل بعد كده اول ايات في سورة المدثر وبعد كده رجعنا تاني ناخد من سورة العلق وبعد كده شوية من سورة الجن. الله - 00:06:21ضَ

القلم انا اسف دايما القلم فمين بعد كده لما بينزل الايات دي بيحطها في مكانها وفي صورها الله سبحانه وتعالى الوحي سيدنا جبريل مع النبي عليه الصلاة والسلام كان بيرتب له هزا كله - 00:06:41ضَ

المسألة كانت معقدة على فكرة والمسألة ما كانتش سهلة معي الاية تمنتاشر فاذا قرأناه فاتبع قرآنه لما نجمعه وننزله عليك وننزل عليك طريقة القراءة. اتبع طريقة القراءة. فاذا قرأناه فاتبع قرآنه - 00:06:55ضَ

مش مطلوب منك تعمل غير كده. سب الجمعية انا وانت فقط تتبع طريقة القراءة. اللي حتعلمها ثم اللي هي اللي هي احنا بنسميها النهاردة احكام التلاوة. ثم ان علينا بيانا - 00:07:16ضَ

الاية تسعتاشر البيان هنا يعني ايه ؟ بيان الالفاظ توضيح طريقة نطقها. او بيان معانيها هذه الابيات الحقيقة بتشعرني اني بشوف النبي عليه الصلاة والسلام وهو بيتلقى تربية ربانية من نوع رفيع جدا - 00:07:38ضَ

جدا بتفيده في مهارات التواصل خليته يعرف يتواصل تواصل رائع معناه. يعني بياخد درس في مهارات التواصل مع الناس آآ نرجع بقى لموضوع الصورة الرئيسي بعد ما خلاص النبي صلى الله عليه وسلم اخد درس قدامنا دلوقتي في - 00:08:00ضَ

رجعت الصورة لموضوع الصورة الرئيسي وهو انكار الدار الاخرة. اقرا معي الاية عشرين ولاحز معي النقل بين مشاعر الانسان في الدنيا ثم مظاهر السعادة او الشقاء على الانسان في الاخرة ثم النقل الى المرحلة الوسيطة بين الدنيا والاخرة - 00:08:24ضَ

وهي حالة الموت وخروج الروح ومرور شريط الحياة امام عينيه ومشاعره هتبقى عاملة ازاي وقتها. وهو بيفارق الحياة اقرأ معي من الاية عشرين للاية تلاتة وتلاتين وبعد كده هنقف ونرجع نحللها اية اية - 00:08:44ضَ

اقرأ معي من الاية عشرين كلا بل تحبون العاجلة وتذرون الاخرة وجوه يومئذ ناضرة الى ربها ناظرة ووجوه يومئذ باسرة تظن ان يفعل بها فاقرة كلا اذا بلغت التراقي وقيل من راق وظن انه الفراق. والتفت - 00:09:07ضَ

الى ربك يومئذ المساق فلا صدق ولا صلى. ولكن كذب وتولى. ثم ذهب الى اهله يتنطع قلنا قبل كده انه الانسان مش مش قادر يفهم ان ربنا قادر على احياء الموتى والبعث - 00:09:47ضَ

ولكنه في الحقيقة عاوز يفجر في الايام الباقية من حياته في مستقبله الاية خمسة لو ترجع للاية خمسة بل يريد الانسان امامه السبب الحقيقي ان هو عايز يفجر مش هو مش قادر يتخيل ازاي ربنا يعيد البعث تاني؟ مسألة منطقية جدا. ايه اللي خلق اول مرة يخلق تاني مرة؟ وعمالة سهلة قوي - 00:10:16ضَ

الموضوع مش مش مش كيميا لكن الحقيقة هو عايز يفجر. السبب التاني بقى غير ان هو بل يريد الانسان ليفجر امام معك في الاية عشرين. اقرا الاية عشرين كلا بل تحبون العاجلة وتذرون الاخرة - 00:10:41ضَ

موضوع انكم بتحبوا الدنيا بتحبوا شهوات الدنيا جمع المال تحبوا تكوشوا على السلطة. تحبوا شهوات الجسد. المسألة المسألة مادية تماما مادية في الاساس الناس ماديين كلا بل تحبون العاجل وتذرون الاخرة - 00:11:01ضَ

ممكن الواحد يستمتع بشهوات الدنيا. بس في اطار لا يغضب الله وده يحتاج لوضع الاخرة في الاعتبار. لكن هم يحبون العاجلة اللي هي الدنيا ومش عاوزين حدود ولا محاسبة بالتالي يذرون الاخرة - 00:11:25ضَ

القرآن بيقول لهم خلوا بالكم ان الاخرة اللي انتم بتهملوها دي مهمة اخونا شعبان سأل سؤال النهاردة قال لك ليه ما قالش؟ كلا بل تحبون العاجلة وتكرهون الاخرة. ليه؟ قال - 00:11:46ضَ

اتذرون الاخرة؟ كلا بل تحبون يبقى التانية تكرهون. يعني واضحة لكن لا الانسان ممكن يكره شيء لكن لا يتركه هم تركوا الاخرة تماما واسقطوها من حسبانهم تماما الاخرة اقوى من وتكرهون الاخرة - 00:12:02ضَ

في حاجة كمان لو نلاحزها بقى في الاخراج بتاع المشاهد. وربطها ببعض زي في في علم او في صناعة الافلام. في حاجة اسمها يعني بيمشي في صناعة الفيلم بعد ما بيخلص تصوير الفيلم وبيدي الفيلم فلتر بلون معين تربط مشاهد الفيلم المختلفة. بص معي - 00:12:27ضَ

هنا في الاية ستاشر ربنا بيخاطب النبي عليه الصلاة والسلام بيقول له ايه؟ لا تحرك به لسانك لتعجل فجاب سيرة العجلة نهى النبي انه يتعجل ثم في موضوع اخر في السورة وهو بيخاطب الكفار قال لهم ايه ؟ كلا بل تحبون العاجلة - 00:12:49ضَ

فسمى الدنيا عاجلة. وبكده اصبحت مسألة العجلة ذكرت معك في الكلام مع النبي وذكرت في كلام مع الكفار. وبقت العجلة سمة غالبة في ايقاع الايات بتاعة السورة وانت بتقرأ تشعر ان ايقاع الايات سريع سريع سريع سريع سريع ما تحسش انك بتنهج في اخر السورة - 00:13:17ضَ

انا بقول الكلام ده ليه؟ انا عاوز دايما واحنا بنقرأ القرآن نركز في المعاني وارتباط الايات مع بعضها ونركز في النواحي الجمالية. لازم تقرا القرآن بقلبك بمشاعرك مش بس بعقلك - 00:13:38ضَ

طيب نرجع بقى للاية عشرين واحد وعشرين كلا بل تحبون العاجلة وتذرون الاخرة. فالقرآن بيقول لهم خلوا بالكم ان الاخرة اللي انتم بتهملوها دي مهمة جدا ووجوه الناس وجوهكم فيها هتبقى شكلها ايه ؟ اقرا معي من اتنين وعشرين لخمسة وعشرين - 00:13:53ضَ

وجوه يومئذ ناضرة الى ربها ناظرة. ووجوهي يومئذ باسر تظن ان يفعل بها فاقرة وجوه الناس هتبقى اما ناضرة يعني فيها نضارة كناية عن الفرح والسرور الى ربها ناظرة. التفسير الاشهر - 00:14:15ضَ

معناها ان هذه الوجوه تنظر الى الله وقد ورد هذا في احاديث ان اصحاب الجنة يرون الله يوم القيامة كمكافأة لهم والتفسير الاخر الى ربها الناظرة. قلنا بمعنى منتظرة الشوام يقولوا نطرتك يعني انتزرتك. فالى ربها ناظرة ممكن تبقى انها منتظرة ربها يعلن - 00:14:43ضَ

المكافأة يعلن الثواب بتاع كل واحدة تمام فلها المعنيين الى ربها ناظرة والى ربها ناظرة بمعنى منتزرة. التفسيرين واردين ووجوهي يومئذ باسرة يعني ايه باسرة باسرة يعني وجوه محبطة حزينة - 00:15:11ضَ

في سورة المدثر ربنا وصف الوليد بن المغيرة وقال ثم عبس وبسر يعني كشر وقطب جبينه وبصر انهار واحبط في الاخر لما ما لقاش اه تهمة يتهم بها النبي عليه الصلاة والسلام تكون حق الناس تصدقها يعني - 00:15:39ضَ

وجوه يومئذ باسرة محبطة ليه تظن ان يفعل بها فاقرا حاسين ان هم هيتبهدلوا. حاسين خلاص تظن ان يفعل بها فاقرة فاقرة يعني كل ما هو سيء ما لهاش معنى محدد في اللغة العربية مجرد اشارة لكل ما هو سيء زي ما بنقول مسلا ايه بالدارجة كده - 00:16:00ضَ

ده فلان ده اتعمل معه الجلاشة مسلا ما لهاش معنى. لكنها ما لهاش معنى محدد ولكنها معناها هي كناية عن البهدلة يعني هيتبهدلوا اخر بهدلة. فهم قاعدين قلقانين وعشان كده وجوههم باسرة - 00:16:33ضَ

ثم ينقلن الى لحظة الموت وترد على اللي بيسخروا. فاكر في الاية ستة؟ ارجع الاية ستة كده اهو يسأل ايام يوم القيامة بيسخر ها طب قولوا لنا كده تاريخه ايه يوم القيامة بس عشان اكتب في الكالندر بتاعتي ها دمه خفيف ها - 00:16:50ضَ

فاترد عليه قبل كده في الاية السابعة واتقال له ايه ؟ فاذا برق البصر وفي قراءة فاذا برق البصر يعني قيامتك يقوم ما عنيك تبرق وانت بتموت هيفرق معك ايه امتى ؟ القيامة يوم ايه ؟ ما انت خلاص لو انت بتموت دلوقتي يفرق معك بعد الفين سنة ولا خمس تلاف سنة ولا بكرة. تمام هيفرق معك ايه - 00:17:08ضَ

نفس المعنى بقى دلوقتي جاي في الاية ستة وعشرين بس مع وصف لحزات الموت ها يسألون اي انا يوم يوم القيامة. اسمع بقى من الاية ستة وعشرين. كلا اذا بلغت التراقي - 00:17:30ضَ

وقيل من راق وظن انه الفراق والتفت الساق بالساق الى ربك يومئذ المساق فلا صدق ولا صلى ولكن كذب وتولى. ثم ذهب الى اهله يتنطط يا اللي بتسأل اي انا يوم القيامة اهي - 00:17:47ضَ

اذا بلغت التراقي كلا كلمة زجر لأ عايز تعرفه امتى اذا بلغت التراقي. يوم القيامة ده بييجي لما روحك تحشرج في الترقوة وهي خارجة والناس تسمع صوت انفاسك في التراقي جمع ترقى - 00:18:18ضَ

وكل انسان عنده طرقوتين على فكرة العضمتين اليمين والشمال دول اسمهم الترقوتين. لكن ما قالش اذا بلغت الترقوتين عشان ما تبقاش تقيلة في النطق فمن الممكن يطلق احيانا على المثنى يطلق عليه الجمع احيانا. اذا كان هذا افضل للانسياب اللغة - 00:18:43ضَ

حتى في الشعر يجوز الترقوتين دول والروح بتطلع الناس بتسمع الانفاس كلا اذا بلغت التراقي وقيل من راق بلغت الترقي قلنا انفاس الشخص صوتها بيعلى ويا وهو خارجة والروح بتطلع خلاص وصلت للقصبة الهوائية وقيل من راق - 00:19:09ضَ

اللي حواليه في حالة فزع هو بيموت قدامهم بيسأله ما فيش حد يرقيه من راق. مين هنا راقي عشان يعمل له رقية ويدعو كده طبعا هي لها معنى اخر برضو - 00:19:39ضَ

ان الملائكة تسأل من راق مين هياخد الروح دي ويطلع بها؟ يرقى بها. ماشي؟ لكن المعنى الاقرب هنا هو لما يقال من الناس اللي حواليه مين هنا يا جماعة بيرقي عشان يرقيه - 00:19:53ضَ

هنا تجد في المصاحف فيه حرف سين صغير فوق من معناه ان هنا في سكتة لطيفة. يعني ايه سكتة لطيفة؟ يعني تسكت بدون ما تاخد نفسك سكتة قصيرة جدا مش زي الوقف - 00:20:08ضَ

السكتة دي تسكتها لما تكون بتمد المنفصل. لكن لو انت بتقصر المنفصل لو مش بتمد المد المنفصل. المد المنفصل اللي هو بيبقى مد في اخر كلمة احنا بنمد في اسباب للمد. من اسباب المد ان يكون في حرف من حروف المد اللي هي واي واو الف ياء - 00:20:25ضَ

جاي وراه همزة لو الحرف ده مع الهمزة في نفس الكلمة اسمه مد متصل. السماء الهمزة في نفس الكلمة. لكن لو الهمزة في الكلمة اللي بعدها والحرف في الكلمة اللي قبلها اسمه مد منفصل. فيه ناس بتمده وناس ما تمدوش. الاصح ان احنا نمده. لكن اللي ما بيمدوش ما يسكتش السكتة دي - 00:20:48ضَ

وقيل من راق. من راق. لو مش هتمده تقول وقيل من راق. وتضغمهم في بعض. خير يا جماعة بقى يكلموكم في الموضوع دوت في الحلقة بتاعة التلاوة بعد ما نخلص ان شاء الله. طيب - 00:21:14ضَ

وظن انه الفراق. الاية تمانية وعشرين وشعر الشخص اللي بتقبض روحه انه يفارق الدنيا خلاص فراق الدنيا قد ان. وظن انه الفراق الفراق حضر وبعدين مات وتغسل وتكفن وهو بيتكفن والتفت الساق بالساق - 00:21:33ضَ

بيقوم اللي بيكفنه ولامم الرجلين في بعض كده هو عشان يقدر يلف الكفن كويس ويربطه. والتفت الساق بالساق يومها يا اللي بتسأل اين يوم القيامة ستساق الى الله. اقرا الاية تلاتين الى ربك يومئذ المساء - 00:22:05ضَ

الخطاب هنا موجه لمين مين يعرف الى ربك يومئذ المساق الكاف تعود على مين ؟ على الكافر ولا على النبي عليه الصلاة والسلام ولا على المحتضر اللي بيموت ايا كان بقى كافر او مؤمن - 00:22:28ضَ

مم مين يعرف مين يقول نفتح نشوف كده في الكومنتات الكفار الكفار الكفار موجه للي بيموت عموما النفس المؤمنة الكفار ولا حد قال ايوة غادة هارون قالت النبي برافو عليك - 00:22:51ضَ

يا جماعة الخطاب موجه للنبي عليه الصلاة والسلام. هو يعني فين هنا هو ربنا كان بيكلم الكافر اصلا ولا بيكلم اللي بيموت. ربنا بيتكلم كلام عام عشان الناس كلها تسمعه - 00:23:06ضَ

لكن الى ربك الخطاب للنبي عليه الصلاة والسلام اللي كان بيسخر منك يا محمد ده عشان انا ارسلتك نبي جاي لربك بقى سيبه لي زارني ومن خلقته وحيدا. زرني ومن يكذب بهذا الحديث. عارفين لو كانت الاية - 00:23:16ضَ

ربه يومئذ المساق اقول لك ممكن دي اشارة للشخص اللي بيحتضر سواء كان كافر او مؤمن لكن هنا الى ربك الى ربك يا محمد المكذبين والمستهزئين سيساقون. وربك هياخد لك حقك - 00:23:36ضَ

مش ربك قال لك فاصبر مش ربك قال لك سيبك منهم وذرني ومن يكذب بهذا الحديث سيبهم لي اهو هم يوسقوا لربك دلوقتي من واحد وتلاتين لتلاتة وتلاتين. فلا صدق ولا صلى. ولكن كذب وتولى. ثم ذهب - 00:23:55ضَ

الى اهله يتمطع ده لا هو صدق يعني صدق يعني امن مصدق مؤمن ولا هو صلى امال عمل ايه ده كذب كفر يعني وتولى يعني اعرض وادبر طب سؤال بقى في الايحة والتلاتين - 00:24:15ضَ

فلا صدق ولا صلى. ايه علاقة التصديق بالصلاة ولكن كذب وتولى. ايه علاقة التكذيب؟ بالكفر والتولي والاعراض الايتين دول عشان تشوفوا الجمال معناهم لازم تاخدوهم على بعض هم اعتبروهم اية واحدة. فلا صدق ولا صلى ولكن كذب وتولى - 00:24:41ضَ

صدق عكس كذب اللي في الاية اللي بعدها وصلى عكس تولى اللي في الاية اللي بعدها. فهو لم يصدق بل كذب اللي في الاية اللي بعدها. هو لم يصلي بل تولى وقت الصلاة - 00:25:04ضَ

لو ما صلاش معهم بالعكس ده ادى ضهره فلا صدق ولا صلى ولكن كذب وتولى ثم ذهب الى اهله يتنطع وبعد الكفر ده كله رايح بمنتهى الكبر يتفاخر بكفره امال ايه ياه بيتفاخر بالكفر - 00:25:17ضَ

بيتمنزر انا خريج جامعة اكسفورد اؤمن بالخرافات دي! عيب ثم ذهب الى اهله يتمطع بيتمطع بجد انت فعلا فخور اوي اولى لك فاولى. ثم اولى لك فاولى. ايحسب الانسان ان يترك سدى - 00:25:43ضَ

تعال لي بقى. يعني ايه اولى لك فاولى اما الصياد ينشن بالسهم بتاعه على الفريسة غزال ارنب آآ اي حاجة بقى بيصطاد حاجة ما فيش خلاص بيصطاد حاجة في وبعدين قبل ما يضرب السهم الحيوان ده يطلع يجري بسرعة - 00:26:07ضَ

فما يضربش عليه وبعدين يتدور ويقف في حتة تانية الحيوان ده فيقول له اولى لك فاولى هيقوم مدور وراه او ماشي وراه وينشن عليه في المكان الجديد اذا اولى لك فاولى بالبلدي كده معناها وراك وراك - 00:26:33ضَ

مش هسيبك ايحسب الانسان ان يترك سدى لن اتركك اولى لك فاولى. مصيبة تلي مصيبة فهي تهديد بتحقير. ليه؟ لان الكلمة دي بتقل البهائم. ما هو الصيد ده بهيمة. غزال كبش - 00:26:51ضَ

ارنب اي حاجة هو بهيمة فيروى ان النبي صلى الله عليه وسلم لما نزلت الاية دية شاف ابو جهل فمسكه من ملابسه وقال له اولى لك فاولى ثم اولى لك فاولى. فصرخ وقال يتهددني يتهددني محمد - 00:27:14ضَ

يهددني وبالفعل في الدنيا مصيبته جت. اولى لك فاولى في الدنيا جت في بدر وقتل شر قتلة وفي الاخرة ثم اولى لك فاولى يدخل نار جهنم ويعذب في سقر ستة وتلاتين ايحسب الانسان ان يترك سدى - 00:27:32ضَ

هو الانسان فاهم انه ممكن يترك ليفسد دون نهاية يترك سدى الابل سدى يعني بتفسد في الارض عمالة تاكل ورق الشجر وتاكل حاجة بتفسد. هو البني ادم فاكر ان هيترك يفسد يفسد كده بدون نهاية؟ ليه؟ بيستبعد ان ربنا - 00:27:58ضَ

يكون عامل له خطة مرسومة يمشي عليها ليه اقرا كده سبعة وتلاتين لتسعة وتلاتين الم يكن نطفة من مني يمنى ثم كان علقة فخلق فسوى فجعل منه الزوجين الذكر والانثى هو مش الانسان ده اتعمل له خطة قبل كده ومشي - 00:28:21ضَ

كان نطفة لزجة من نطفة يعني نقطة على فكرة اصلا كان حتة نقطة لزجة نطفة من مني يمنى. مني الرجل يمنى يقذف. ثم بعد كده ثم كان على فخلق فسوى - 00:28:40ضَ

وبعد كده اصبح علقة في رحم امه فخلق فسوى الخطة فضلت ماشية وبعد كده العلقة تم تخليقها مضغة بقت مضغة غير مخلقة وبعد كده مخلقة ثم سواه بقى. هم. ثم كان علقة فخلق فسوى فتم تسويته. اصبح له عينين وانف واذنين. اه - 00:29:01ضَ

طيب وهكزا. وبعدين تسعة وتلاتين فجعل منه الزوجين الذكر والانثى وبعد كده هذا الحيوان المنوي في مشواره اللي ربنا رسمه له ده اصبح ذكر او اصبح انثى. ليه بيستبعد الانسان ان ربنا رسم له طريقة - 00:29:29ضَ

ايضا بعد الموت شفتم العلاقة اليس ذلك بقادر على ان يحيي الموتى ده هيحيي وفي طريق تاني بقى وخطة اخرى مرسومة برضه للبني ادم يعني تعالوا نتكلم بالعقل وبالمنطق بقى اللي يعمل كده كل ده في الدنيا وانتم شايفينه بعينيكم الكلام دوة مش هيقدر يحيي الموتى - 00:29:49ضَ

فكما بدأت السورة به الاية تلاتة ايحسب الانسان ان لن نجمع عظامه انتهت بجدال عقلاني منطقي يثبت ان الله قادر على ان يحيي الموتى وانتهت باليس ذلك بقادر على ان يحيي الموتى - 00:30:19ضَ

وبذلك تم بفضل الله تدبر سورة القيامة. ونبدأ غدا سورة الانسان ان شاء الله. اللهم انا اسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا - 00:30:44ضَ

فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك - 00:31:05ضَ

اولئك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعبادك الصالحين اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا ارضيك بكل اجسادنا. اللهم اجعل حبنا كله لك. وسعينا كله في مرضاتك - 00:31:25ضَ

ثم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا غفرت ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل - 00:31:55ضَ

حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظ يحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:32:25ضَ

اللهم بحق كل حرف في كتابك تلوناه او تدبرناه. ايد بنصرك اخواننا المرابطين في الارض المباركة فلسطين. وكن مع اخواننا في تركستان الشرقية وفي الشام وفي كشميرة وفي الهند وانصر من نصرهم. واخذ - 00:32:45ضَ

كل من خذلهم وطهر المسجد الاقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية - 00:33:05ضَ

اجلا غير اجل. ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:33:25ضَ

وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجنين التوكل عليك. واحيها يا ربنا بمعرفتك - 00:33:45ضَ

وامتها يا مولانا على الشهادة في سبيلك. انك نعم المولى ونعم النصير. والسلام عليكم ورحمة الله وبركاته نراكم غدا باذن الله في نفس هذا الموعد ان كنا من اهل الدنيا - 00:34:05ضَ