Baheth

السلام عليكم ورحمة الله وبركاته. اهلا بحضراتكم في المقطع رقم ستمية اتنين وعشرين من مقاطع حظر التجول والحلقة الثانية والاخيرة باذن الله من حلقات تدبر سورة عبس ارجو من حضراتكم تجيبوا المصاحف - 00:00:01ضَ

وافتح معي صورة عبس ازن الصورة رقم تمانين تدبرنا امبارح اول عشر ايات في سورة عبس وشفنا فيهم ان ربنا سبحانه وتعالى بيأمر النبي صلى الله عليه وسلم انه يعطي - 00:00:25ضَ

اهتمامه الاكبر للمقبلين على العلم وليس للمعرضين عن العلم وعن الدين ليس للمعرضين المتكبرين لمجرد انهم اقوياء او اغنياء املا في ان هدايتهم دي تعطي قوة للاسلام فربنا بيعطي امر للنبي انه يعطي الاهتمام الاكبر - 00:00:40ضَ

المؤمنين وللناس المقبلة على العلم وعلى الدين اقرا معي بقى اول آآ حداشر اية هم اول عشر ايات اللي تدبرناهم امبارح وناخد الاية الحداشر ونبدأ نتدبرها على طول اعوذ بالله السميع العليم - 00:01:03ضَ

من الشيطان الرجيم بسم الله الرحمن الرحيم عبس وتولى ان جاءه الاعمى. وما يدريك لعله يزكى. او يذكر فتنفعه الذكرى اما من استغنى فانت له تصدى. وما عليك الا يزكى - 00:01:18ضَ

واما من جاءك يسعى وهو يخشى فانت عنه تلهى كلا انها تذكرة كلا حرف زجر وابطال يعني ربنا بيقول للنبي عليه الصلاة والسلام. ما يحصلش كده تاني اللي فات ده ما يحصلش تاني. ده بيورينا جدية المسألة بالنسبة لربنا - 00:01:46ضَ

المسألة مهمة جدا انها تذكرة انا مع التفسير اللي يرى انها تلحق بالايات اللي بعدها يعني هو كلا يعني ده ما يحصلش تاني انها تذكرة دي تلحق بالايات التالية بقى. ليه - 00:02:14ضَ

النبي عليه الصلاة والسلام قبل ما يأتيه ابن ام مكتوم كان قاعد بيكلم الوليد ابن المغيرة وابو جهل واللي معهم. وبيعظهم وبيقنعهم بالاسلام وبعقائد الاسلام ومنها البعث بعد الموت وهم يقولوا ده اساطير الاولين - 00:02:30ضَ

يعني خرافات قديمة القرآن بيرد عليهم ويقول ايه بقى ؟ اقرا معي كده كلا انها تذكرة. فمن شاء ذكره في صحف مكرمة مرفوعة مطهرة بايدي سفرة كرام بررة قتل الانسان ما اكفره - 00:02:53ضَ

انها تذكرة هذا الكلام اللي تكلم به محمد هو تذكرة ولا يوجد اكراه في الدين. لا اكراه في الدين. لا اكراه ان الناس تأخذ به. فمن شاء ذكره اللي عايز ياخد بهذا الكلام يستفيد من هذه التذكرة يستفيد - 00:03:20ضَ

في صحف مكرمة هذه التذكرة هي نفسها التذكرة اللي ربنا ارسلها قبل ذلك. هذه التذكرة موجودة في كل كتب ربنا كل الكتب كل الصحف القرآن الانجيل التوراة الصحف ابراهيم صحف موسى - 00:03:44ضَ

هذه الصحف مكرمة لان الله كرمها واعتنى بها مرفوعة مطهرة. وهي مرفوعة مرفوعة لانها عالية المقام هي كتب من العالم العلوي. كلام الله الذي ينزل على العالم من خارج العالم - 00:04:05ضَ

مرفوعة مطهرة طهرها الله من الخبث. طهرها الله من الكذب ليس فيها الا كل خير كل عظة اذا آآ لو الانسان اتبعها ينصلح حياته ومجتمعه مرفوعة مطهرة بايدي سفرة كرام بررة - 00:04:27ضَ

هذه الصحف وصلت للناس بايدي سفرة. جمع سفير المقصود بهم الملائكة والانبياء والرسل. وربما ايضا الدعاة اللي وصلوا كلمة الله الى الناس في كل مكان. في الجبال في المرتفعات في - 00:04:51ضَ

غابات في الجزر بايدي سفرة. دول سفراء الله كرام بررة. الكرام الملائكة. وصفوا في سورة الانفطار اه كراما كاتبين يبقى كرام بررة قالوا الكرام هم الملائكة والبررة جمع بر هو الانسان التقي - 00:05:09ضَ

من الانبياء من الدعاة اللي وصلوا كلمة الله للناس في كل مكان ومع ذلك الانسان بخيبته ياخد القرار الغلط ويترك هذه الصحف ويكفر بها ويكذب الكرام البررة قتل الانسان ما اكفره - 00:05:41ضَ

قلنا قبل كده انه قتل تعبير للتعجب من حسن الحال يعني لما لعيب يجيب جون في اخر دقيقة في المباراة ويقلب النتيجة من تعادل الى فوز الجمهور يفرح ويقف ويقول يخرب عقله - 00:06:03ضَ

هم مش قاصدين يدعوا عليه العرب يقولوا ثكلته امه برضو مش قاصدين يدعوا عليه. دي معناها ربنا يوفقه. برافو عليكم بس هم ما يقصدوش يدعوا عليه. هم اللي يقصدوه ان هذا الانسان - 00:06:21ضَ

عمل حاجة مميزة جدا لدرجة انه يتحسد وادي احنا بنحسده اهو ثكلته امه. قاتله الله. قتل. قتل يعني قاتله الله آآ اه يخرب يخرب مخه! يخرب بيته! الكلام اللي هو بيتقال دلوقتي ده! ده معناه لما لما يتقال لما حد يعمل حاجة كويسة او صح اوي! معنى كده! يا اما - 00:06:37ضَ

العكس يا اما معناها التهكم عليه. لو واحد عمل خد قرار في منتهى الغباء اللي هو اي حد بيفهم ما يعملش كده يوم الناس تتريق عليه. يخرب عقله! شاطر اوي - 00:07:01ضَ

اقصدوا العكس يعني اللي عمله ده غلط جدا في منتهى الغباء. اخد القرار الخاطئ جدا زي ما في سورة المدثر فقتل كيف قدر ثم قتل؟ كيف قدر؟ ده امتى؟ ده عمل كده امتى؟ بعد ما نظر وعبس وبصر يعني قعد يفكر - 00:07:17ضَ

يفكر يفكر وفي الاخر خد القرار الغلط فقتل كيف قدر يعني برافو عليه. ازاي يختار الاختيار الغلط ده؟ هي نفس الكلام. قتل الانسان برافو ما اكفر بدل ما يؤمن راح كفر - 00:07:37ضَ

يبقى الانسان بترك هذه التذكرة المفيدة اللي تصلح حاله وحال مجتمعه ونازلة بقى في صحف مكرمة مرفوعة مطهرة بايدي سفرة كرام بررة يروح يكفر ياه ما اكثره ايه الكفر ده - 00:07:56ضَ

ما بيفكرش ده ولا ايه؟ من اي شيء خلقه من نطفة خلقه فقدره ثم السبيل يسره ثم اماته فاقبره. ثم اذا شاء انشره. يعني ايه الغريب بقى ركز معي الانسان لما يفكر هم بينكروا ايه في ده - 00:08:18ضَ

بينكروا النشور بينكروا البعث اللي هو اخر حاجة ربنا بيقول له ركز معه بص انا هاقول لك هاكلمك بالقرآن من غير من غير ما اشرح دلوقتي من اي شيء خلقه؟ من نطفة خلقه فقدره - 00:08:39ضَ

ثم السبيل يسره. ثم اماته فاقبره ثم اذا شاء انشره وصلت يعني ازاي الانسان يكفر؟ هو ما شفش اتخلق من ايه من اي شيء خلقه؟ معي الاية تمنتاشر من اي شيء خلقه؟ - 00:08:53ضَ

هو اتخلق من ايه ما شافش ما يبوظش خلي بالك يبص الاول في نفسه جسمه روحه عقله هذه الاجهزة المعقدة جدا بتاعة الجسم العقل يعمل بطريقة في منتهى التعقيد. كل ده ايه بقى - 00:09:13ضَ

من اي شيء خلقه؟ من نطفة خلقه فقدره نقطة من مني الرجل ما بيتشافش خلق اهو من ده من نطفة من نطفة خلقه فقدر قدر له رزقه طعام وشراب وعلم وسعادة وشقاء. كل ده قدره بعد ما خلقه من نطفة ابيه - 00:09:32ضَ

وهو فين ؟ في بطن امه اسمع بقى ثم السبيل يسره ثم اماته فاخبره ثم ربنا يسر له الخروج من بطن امه ثم ادخلوا القبر بعد ان مات. السبيل هنا - 00:09:59ضَ

يعني المكان الذي تلد منه الام طفلها بعض المفسرين قالوا ثم السبيل يسره. يعني ربنا يسر له سبيل الايمان لكن لو تلاحز الاية اللي قبلها عن الخلق في الرحم من نطفة خلقه فقدره - 00:10:20ضَ

الخلق في الرحم. والاية اللي بعدها ثم اماته فاخبره يبقى اللي قبلها اتخلق في الرحم واللي بعدها ده مات ودخل القبر. يبقى اللي في الوسط دلوقتي هو في الدنيا. ثم السبيل يسره. يعني ربنا يسر له طريق - 00:10:40ضَ

الخروج الى الدنيا الله طب ما هي كلمة السبيل يعني الطريق الى الله لأ مش لازم. ايه رأيك بقى من نواقض الوضوء ايه خروج شيء من احد السبيلين شفت بقى الانسان كل انسان عنده سبيلين. سبيل لخروج البول سبيل لخروج الغائط. ثم السبيل يسره يعني ربنا يسر له انه - 00:10:56ضَ

تولد من هذا المكان في الام يا جماعة ده في حد زاته بيخليك تقف هنا وتشوف معجزة الولادة طفل يخرج وزنه تلاتة كيلو من هذا المكان الضيق ده الراجل لما بتنزل حصوة من الكلى - 00:11:22ضَ

حجمها قد ذرة الرمل بس حصوة في الكيك عبارة عن زرة رمل وهي خارجة الام رهيبة وصوته بيجيب اخر الشارع. امال مراتك تعمل ايه وهي بتخلف يخرج منها عيل عنده اتنين كيلو ونص وتلاتة كيلو - 00:11:41ضَ

مين اللي يسر هذا الخروج ده ؟ ده معجزة من عند ربنا. ثم السبيل يسره الله بايده كل شيء خرجوا الدنيا على طول ثم اماته فاقبره وبعدين بعدها بعد ما اتولد اماته. اماته فورا بعد الولادة او بعد تسعين سنة - 00:11:58ضَ

ثم تفيد التراخي. في فترة حياة بقى قد ايه ما نعرفش. كثرت آآ طالت ما نعرفش ايا كانت لكن احنا بنشوف دلوقتي المراحل اللي بيمر فيها البني ادم ثم اماته الفاء تفيد السرعة. فاقبره فادخله القبر المظلم - 00:12:23ضَ

كما كان من قبل في رحم امه المظلم اظن بقى الموضوع واضح ثم اذا شاء انشر ولما ربنا يشاء هيعيد خلقه مرة اخرى ويخرجه من الارض ايه الغريب ايه اللي مخليهم ما يؤمنوش بدي بس - 00:12:45ضَ

يعني بيقول ربنا بيقول للبني ادم شف رحلة الانسان كلها ملخصة في السطر من حيوان منوي ربنا خلقه في الرجل الى جنين ربنا خلقه في رحم الام. الى انسان ربنا خرجه على الارض الى ميت في بطن الارض ثم انسان مرة اخرى - 00:13:07ضَ

على ضهر الارض تاني لما ربنا يشاء. ايه يعني؟ ايه الغريب يعني يلا بقى تلاتة وعشرين كلا لما يقضي ما امره. الاية دي اشكلت على كثير من المفسرين لما تلاقي يقول لك اية مشكل مشكل يعني اشكلت يعني عملت مشكلة للمفسرين - 00:13:23ضَ

طلعوا فيها تفسيرين مختلفين لكن احنا النهاردة بعد ما تدبرنا مع بعض ثلثي القرآن وجدنا انه طالما التفسيرين مش متناقضين فلا يوجد ما يمنع ان الله سبحانه وتعالى يقصد المعنيين بجملة واحدة لكن يقصد المعنيين - 00:13:47ضَ

خليني اوريكم معنيين. اول معنى ربنا قال في الاية سبعتاشر ايه قتل الانسان ما اكفره يعني الانسان اللي بيكفر بالبعث لم يكفر بخلقه في رحم امه طبعا. هو عارف ولا كفر بخروجه من بطن امه - 00:14:07ضَ

ولا كفر بموته ولا كفر بدخوله القبر. ليه ؟ لانها كلها اشياء حدثت امام عين الانسان ولم يكذبها الانسان اللي كذب بالبعث كذب لانه لم يرى البعث ومش معنى انه لم يراه - 00:14:32ضَ

انه لن يحدث امال ايه كلا لما يقضي ما امره لأ طبعا معناها ان كل ما في الموضوع ان الله لم يقضي بحدوث امره بعد اللي هو البعث لما يقضي الله ما امره - 00:14:51ضَ

ده كل ما في الموضوع فالانسان كفر بدي لان لسة ربنا لم يقضي حدوث هذا الامر. بس لكنه هيحصل فالانسان مصدق اللي شافه بيحصل وبيكذب اللي لسة هيحصل في المستقبل - 00:15:16ضَ

واضحة طيب. تفسير جميل معنى جميل ماشي مع سياق الصورة تماما. التفسير الاخر والمعنى الاخر انه اللي لم يقضي هو الكافر مش الله. يعني ايه بقى كلا لما يقضي ما امره يعني بالرغم من كل مظاهر قدرة الله على الانسان ما زال الكافر لا يقضي - 00:15:33ضَ

اوامر الله له لما يقضي الانسان الكافر ما امره الله به رأى بنفسه انه خلق من نطفة في الرجل. ثم جنين في رحم امه. ثم انسان بيمشي على الارض. ثم ميت بيدخل القبر. وبرضه مش بيقضي ما امره الله - 00:15:56ضَ

وبه ايه اللي ربنا امره به انه يؤمن ويعمل الصالحات. برضو مش راضي يؤمن انه سيبعث مع ان اللي بيأمره بالايمان هو اللي خلقه في كل هذه المراحل اذا الايمان قرار - 00:16:18ضَ

ودي بقى نقطة فلسفية مهمة جدا. بيضيع بسببها ناس اوعوا حد يفتكر انه لما الانسان يكفر بيبقى غصب عنه لانه مش مقتنع لأ الايمان والكفر قرار. الانسان بياخده ، انا لو قلت لك فيه نقطة ماية بتتجمع على السقف فوق راسك وهتقع - 00:16:36ضَ

ثواني يا ثانية يا اثنين يا ثلاثة قوم بسرعة انت تملك القرار انك تصدقني او ما تصدقنيش انت تملك القرار انك تؤمن بكلامي او تكفر بي وربنا اعطانا كل وسائل التصديق - 00:16:57ضَ

ارسل رسل محترمين معروفين في اقوامهم بالصدق ارسل معهم معجزات. آآ خلق في الكون ايات تجعل الانسان العاقل يصدق الوحي ازاي ؟ اقرا من اربعة وعشرين لاتنين وتلاتين فلينظر الانسان الى طعامه - 00:17:16ضَ

ان صببنا الماء صبا. ثم شققنا الارض شقا. فانبتنا فيها حبا وعنبا وقبا وزيتونا ونخلا وحدائق غلبا وفاكهة فتوا وابى متاعا لكم ولانعامكم فلينظر هنا معناها فليتفكر فلينظر يعني فليتأمل فلينظر الانسان الى طعامه - 00:17:38ضَ

تعالوا نعمل ده واجب علينا مش اول ما يتحط لك الاكل قدامك تقوم غاب وواكل الطبق كله لأ. تعال تبص في الاكل بتاعنا شوية ونفكر على ما يبرد قبل ما ناكله نفكر جه ازاي - 00:18:19ضَ

فلينظر الانسان الى طعامه. اقعد بص في طبقك ما كانش هيبقى موجود فيه اي حاجة لا اخضر ولا لحمة ولا اي حاجة لو ما كانش ربنا نزل الماء فلينظر الانسان الى طعامه. البداية ان اصاب بنا الماء صبا - 00:18:35ضَ

اول شيء تفكر فيه هو سبب الحياة على الارض. الماء. جه منين تبخر الماء ده الماء المالح تبخر في المحيط وطلع نظيف ترك الملح وطلع في حالة غازية بخار ماء - 00:18:56ضَ

مين اللي عمل كده ربنا سبحانه وتعالى تجمع في شكل سحب فوق المحيطات جت الرياح دفعت السحاب من فوق المحيطات لفوق الارض اللي محتاجة. الماء لان السحب لو مطرت تاني في المحيط ما استفدناش حاجة. هيرجع الماء تاني في - 00:19:17ضَ

المحيط ماء مالح غير صالح للشرب ولا لسقيا الزرع ولا حاجة مين اللي ارسل الرياح تدفع السحاب من فوق المحيطات لفوق الارض عشان لما تمطر تسقي النبات كل ده علشان ينتهي النبات في صورة - 00:19:34ضَ

طبق فاصوليا قدامك وجنبه طبق سلطة وقبل شوربة خضار ثم شققنا الارض شقا ثم ربنا شق الارض. كل ده وانت قاعد لسة ما تاكلش. اقعد فكر في الاكل قدامك مين اللي نزل الماء وبالطريقة ديت؟ ومين اللي شق الارض جعل النبتة الصغيرة الضعيفة - 00:19:53ضَ

قادرة على الخروج بين حبات الرمال. تدفع الحبات دي تقوم خارجة ربنا شق لها طريقها علشان ينتهي بها الحال في طبقك ثم شققنا الارض شقا. نفس الارض اللي بيقبر فيها الميت هي اللي بيخرج منها الحياة - 00:20:21ضَ

فانبتنا فيها حبا اهم شيء بالنسبة للانسان في كل الزراعات دي الحب لان الحب بيخزن من مواسم الزراعة لمواسم اخرى طول العام يستخدم فيبقى فيه خبز على المائدة كل يوم حتى في - 00:20:45ضَ

المواسم اللي ما فيش فيها زراعة القمح والشعير والذرة اطار غدا عشا كل يوم الحب بيخزن اهم حاجة والنهارده ما بقاش عيش بس. النهاردة بقى وبقى آآ مكرونة وبقى كل ده حب. هو ده الحب - 00:21:02ضَ

وبنفس الماء ده اخرج الله للناس عنب حلو المذاق يحلوا بعد الاكل وبرسيم وحشائش من النوع اللي بيتحش يطلع تاني يتحش يطلع تاني عشان يأكله البهايم وعنبا وقضبا سمي قضبة لانه يقضب فينمو مرة اخرى. يقبض فينمو مرة اخرى زي البرسيم كده. الانسان بالمنجل - 00:21:22ضَ

اه يتحش يحشوه يطلع عارفين انتم علامة الشيوعية عبارة عن منجل وشاكوش. ما هو الشيوعية كانت عن العمال. الفلاحين والعمال. الفلاح الشعار بتاعه المنجل. المنجل المدور ده بيحش شو به الحشائش والبرسيم عشان تتحط للبهائم. وترجع تطلع تاني - 00:21:54ضَ

ففي انواع من النباتات تتحش تطلع تتحش اسمها قبة وزيتون بنعصر منه زيت الزتون ونخل بناخد منه التمر وزيتونا ونخلا والزيتون والنخل دول شجرتين معمرتين. لا تخلو منهما مائدة الرجل العربي او الانسان العربي ابدا - 00:22:19ضَ

زيتون او زيت زتون او تمر ده على طول على مائدة العرب وحدائق غلبا اغلب يعني عنقه تخينة. اسد اغلب يعني عنقه قد كده. اسد شكله ادهد قد كده. وحدائق غلبة - 00:22:47ضَ

حدائق اشجارها ضخمة. الجذوع بتاعتها ضخمة جدا عكس النخل النخل رشيق وطويل ومش بيطلع منه فروع ملتفة. انما الحدائق غلبة بتدي معنى انها حدائق لاشجار تخينة لها فروع طويلة وملتفة بشكل مختلف عن عن منزر النخل - 00:23:07ضَ

وفاكهة وابا كل انواع الفاكهة والاب هو ما ترعاه الاغنام كل ده متاعا لكم ولانعامكم ما قالش لكم وللانعام لأ لانعامكم يعني حتى لو ربنا عمل حاجة بياكلها الحيوان بس ما هو ده مصلحتك انت في النهاية ما انت اللي بتربي الحيوان - 00:23:33ضَ

وبتشرب لبن الحيوان وبتاكل لحم الحيوان صحيح احنا والحيوانات بنتشارك احيانا في بعض الحيوانات الفول بياكله الانسان هو الحيوان. البطيخ بياكله الثمرة ياكلها الانسان والقشر ياكله الحيوان كل الصحف دي - 00:23:59ضَ

وكل الوعظ ده وكل مظاهر قدرة الله دي في خلق الانسان واطعام الانسان الاطعمة المختلفة. وبرضو الانسان مش راضي يسمع فاذا جاءت الصاخة الصاخة هي التي تصخ الاذان. الصخ هو صوت الطرق بالحديد على الحديد - 00:24:17ضَ

فبيبقى الصوت عالي جدا يصم الاذان الناس كلها بتسكت وبتضطر تسمع الصيحة اللي سيبعث بعدها الناس من القبور صوتها عالي جدا هنا ربنا سماها صاخة التي تصخ الاذان ستجبر من كان - 00:24:47ضَ

لا يريد ان يسمع ان يسمع ما كانش عايز يسمع كلام الله هيسمع الصاخة يومها يوم فزيع اقرا معي من اربعة وتلاتين يوم يفر المرء من اخيه وامه وابيه وصاحبته وبنيه - 00:25:03ضَ

يومها الانسان هيفر من اخوه اللي بيحبه زي نفسه في الدنيا وهيفر من امه وابوه دائرة اقرب من الاخوة اللي شالوه ويفر من صاحبته ما قالش زوجته ممكن واحد يكون متجوز على كبر متجوز واحدة مسلا بقى يعني مسلا لسة متجوز قريب. الصاحبة هي شريكة العمر - 00:25:24ضَ

يعني متجوزين من من صغرهم خلاص فضلت معه يعني رافقته طول حياته وصاحبته واخيه. ودي دايرة اقرب حتى من دايرة الاب والام. هي دايرة الاسرة نفسها وولاده وزوجته دي دايرة اقرب - 00:25:54ضَ

بشوف الدوائر عمالة تقترب كل شوية يوم يفر المرء من اخيه اللي بيحبه زي نفسه. وامه وابيه دايرة اقرب من دائرة الاخوة. وصاحبته وبنيه الدائرة اسرته وهي الصق دائرة بالانسان - 00:26:11ضَ

هيفر منهم. كل دول هيفر منهم مش هيبقى طايق يساعد حد اللي هييجي يقول له ساعدني مش طايق حد لكل امرئ منهم يومئذ شأن يغنيه يومها كل انسان هيكون فيه اللي مكفيه - 00:26:27ضَ

لا هتطيق تصنع ولادك ولا امك ولا زوجتك ولا ابوك ولا اخوك ولا حد معي من تمانية وتلاتين وجوه يومئذ مسفرة ضاحكة مستبشرة ووجوهي يومئذ عليها غبرة ترهقها قترة اولئك هم الكفرة الفجرة - 00:26:52ضَ

الوجوه بتاعة الناس هتبقى نوعين وجوه يومئذ مسفرة يعني منورة مضيئة مسفرة ضاحكة مستبشرة بتضحك ومتفائلة وشوش منورة ومضيئة وبتضحك ومتفائلة. لان وجوه اهل الجنة اهل الجنة بتكون متفائلة انهم بيروا اشارات تطمئنهم ان حسابهم هيكون حساب يسير - 00:27:25ضَ

ووجوهي يومئذ عليها غبرة وجوه اخرى عليها غبار وتراب من كتر الوقوع والانكفاء على الوجه فالوش بيبقى كله تراب من كل حتة حالهم بلى ترهقها قترة على وشهم فيه باب اسود. هباب متهببة من كل حتة - 00:28:03ضَ

اولئك هم الكفرة الفجرة. دول هم الكفرة اللي كانوا في الدنيا فجرة. يعني شديد الفجور والعصيان والظلم اللهم اجعلنا من ذوي الوجوه المسفرة الضاحكة المستبشرة ولا تجعلنا من الكفرة الفجرة ذوي الوجوه - 00:28:32ضَ

عليها غبرة ترهقها قطرة. اللي انا عملته ده اسمه ايه؟ اسمه تدبر قلبي. يا اللي فيكم ناس بتسمع وبرضه لحد دلوقتي ما شافتش دورة مفاتح التدبر انا انصح الناس اللي ما شافتهاش تبدأ تتفرج عليها بالراحة. لانها مهمة جدا ولا تفهموا منها المفاتيح بتاعة التدبر اللي احنا بنستخدمها. وبذلك تم بفضل الله - 00:28:56ضَ

تدبر سورة عبث وغدا باذن الله نبدأ سورة التكوير احب انوه انه يوم الثلاثاء في مؤتمر الترجمات بتاع القرآن الكريم المؤتمر باللغة الانجليزية اه عملت به بوست على الفيسبوك اللي عايز يسجل عندكم الزوم لينك هتخشوا على الزوم. انا ان شاء الله هشوف طريقة ان شاء الله بازن الله وهنطلع به على صفحة الفيسبوك بتاعتنا - 00:29:22ضَ

اه اه يومها المحاضرة بتاعتنا او الدرس التدبر عشان ما نفوتش اي يوم حيبقى بعد المؤتمر على طول هيبقى قصير هيبقى بقى ربع ساعة كده ولا حاجة ان شاء الله. فاللي فيكم ما يقدرش يقعد لغاية الساعة حداشر بالليل بتوقيت القاهرة وهيبقى الساعة آآ منتصف الليل بتوقيت - 00:29:50ضَ

مكة فممكن ينام بقى وتاني يوم الصبح يشوف الحلقة او يستناها على الساعة هتبقى الساعة حلقتنا يوم التلات هتبقى حداشر مساء بتوقيت القاهرة بازن الله يعني هنأجل حوالي آآ ساعتين ونص. فمعلش انا اسف يعني - 00:30:10ضَ

آآ ان شاء الله برضه يوم السبت آآ بالنهار لسة ما اعلنش الموعد هنعمل حلقة لايف آآ هنتكلم فيها عن موضوع الشزوز لان الموضوع دوه عامل آآ ضجة جامدة جدا - 00:30:28ضَ

للاسف الشديد انا عملت حلقتين في زكرى وعبرة من كزا سنة. حطيتهم تاني اليومين دول على الفيسبوك. الناس ما نعرفش ازاي. كتير من الناس يعني مش كل طبعا ما بيفهمش نقصد ايه - 00:30:38ضَ

وبيفهم العكس بالزبط احيانا فشيء احيانا مزعج جدا فهنعمل حلقة ان شاء الله نوضح فيها المواقف نوضح للناس المشكلة دي بتحصل ليه وازاي الانسان نتفاداها ازاي الانسان يربي ولاده صح بحيس ما يطلعش عندهم المشاكل دي دي مشاكل نفسية - 00:30:48ضَ

ندعوا ان شاء الله ونختم. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب - 00:31:05ضَ

اللهم اجعل حبك احب الينا من اهلينا واموالنا ومن الماء البارد على الظمأ. اللهم حبب اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبياءك ورسلك وعبادك الصالحين - 00:31:23ضَ

اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك. وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب هموم - 00:31:48ضَ

منى وهمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل حرف في كتاب - 00:32:18ضَ

آآ بك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:32:39ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة مشاركة فلسطين. وكن مع اخواننا في تركستان الشرقية وفي الشام وفي كشميرا وفي الهند وانصر من نصرهم واخذل من خذلهم. وطهر - 00:32:58ضَ

المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من - 00:33:18ضَ

مريضا به او حاملا له فيلبسه ثوب الصحة والعافية عاجلا غير اجل. ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعة - 00:33:34ضَ

طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادمه واهدها سبلها. واملأها بنورك الذي لا يخبو. واشرح صدورها بفيض الايمان بك وجميل التوكل عليك اليك واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. والسلام - 00:34:01ضَ

السلام عليكم ورحمة الله وبركاته. ونراكم غدا باذن الله في نفس هذا الموعد. ان كنا من اهل الدنيا - 00:34:31ضَ