Baheth

السلام عليكم ورحمة الله وبركاته. اهلا بحضراتكم في المقطع رقم تلاتة وستين. من مقاطع حظر التجول والمقطع الخامس من مقاطع تدبر سورة طه اه احب افكر حضراتكم بالمصاحف. بسرعة اللي ما عهوش مصحف يجيب مصحف - 00:00:00ضَ

امبارح آآ تدبرنا ايات سيدنا موسى طلب فيها من ربنا اسباب مادية ونفسية تجعله قادر على القيام بالمهمة فدائية التي كلف بها وهي مواجهة فرعون وهو اكبر طاغية في الارض وحاكم اقوى واغنى دولة في هذا الوقت - 00:00:21ضَ

طلب منه اقروا معي آآ من اول الاية خمسة وعشرين نفتح سورة طه من اول الاية خمسة وعشرين قال رب اعوذ بالله السميع العليم من الشيطان الرجيم. قال رب اشرح لي صدري. ويسر لي امري. واحلل عقدة - 00:00:47ضَ

من لساني يفقه قولي واجعل لي وزيرا من اهلي هارون اخي. اشدد به ازري واشركه في امري فجاءه الرد على هذه الطلبات في الاية ستة وتلاتين. انا بفكركم باللي قلناه قبل كده - 00:01:04ضَ

قال قد اوتيت سؤلك يا موسى. طلباتك اجيبت خلاص مش ستؤتى سؤلك يا موسى. لا اجيبت خلاص يعني اعتبرها تمت. قال قد اوتيت سؤلك يا موسى وبعدين هو انت اصلا طلبت ايه غير الرعاية الالهية اللي هي معك طول عمرك من وانت صغير من وانت اول ما اتولدت - 00:01:24ضَ

انت طلبت رعاية الهية حتى تنجو وحتى تنجح في مهمتك هو ده الوضع اصلا من زمان يا موسى. من يوم ما انت اتولدت وعناية ربنا بترعاك معي الاية سبعة وتلاتين ولقد منا عليك مرة اخرى - 00:01:54ضَ

استجابة ربنا للطلبات الجديدة دي. ده كده ربنا بيمن عليه مرة اخرى المرة الاولانية اذ اوحينا الى امك ما يوحى ربنا بيقول له انا اللي اوحيت لامك طبعا مسألة ان الله اوحى لام موسى بيدخلنا في مسألة - 00:02:10ضَ

مسألة هل ام موسى نبية ام لا؟ جمهور العلماء على انه لا يوجد نبيات بين النساء بينما هناك علماء وفقهاء اخرين كبار ان هناك نبيات مثل السيدة مريم. فقد كلمتها الملائكة - 00:02:33ضَ

واذ قالت الملائكة يا مريم ان الله اصطفاك وطهرك واصطفاك على نساء العالمين. ازا ده وحي عن طريق الملائكة يا مريم قنتي لربك واسجدي واركعي مع الراكعين. وده يجعل منها نبيا اذا تلقت الوحي الجليل - 00:02:53ضَ

من الله الوحي الجلي يعني وحي عن طريق الملاك مش وحي الالهام. لان ربنا ممكن يلهم حيوانات واوحى ربك الى النحل ان اتخذي من الجبال بيوتا. ولا وحي من ام وربنا ممكن يوحي الى كافر زي آآ آآ المنام اللي جه للملك - 00:03:13ضَ

في قصة يوسف انه رأى سبع بقرات سمان يأكلهن سبع حجاب ام موسى تلقت وحي ولم يقل لنا كيف تلقت الوحي. لزلك هي مختلف عليها مسألة انها نبية ام لا - 00:03:33ضَ

آآ يعني حتى من يرون ان من النساء نبيات مختلف على ام موسى ان هم مش قادرين يقولوا انها تلقت الوحي عن طريق الملك وبيعتبروا ان وحي المنام ممكن ييجي لناس تانية. ولكن ولكن - 00:03:49ضَ

ابن حزم لما اتكلم في المسألة دي قال طب ما هو سيدنا ابراهيم والانبياء بيتلقوا الوحي ايضا في المنام يذبح ابنه اسماعيل لما رأى ذلك في المنام لانه يعلم. خلوا بالكم بقى - 00:04:06ضَ

ان مناماته وحي من الله ما فيش ام في الدنيا هتقوم تدبح ابنها لانها شافت نفسها بتعمل كده في المنام. الا اذا كانت تعلم ان مناماتها وحي من الله. لزلك بابداء - 00:04:20ضَ

تدل الشيخ او الامام آآ ابن حزم الظاهري على نبوة ام موسى طبعا في كلام في نبوة سيدات اخرى كتير زي مسلا آآ السيدة سارة والسيدة هاجر. السيدة سارة واضح جدا واحنا درسناها في - 00:04:36ضَ

آآ اللي فاتت ان آآ الملائكة بشرتها باسحاق. فبشرناها باسحاق. عن طريق الملائكة. اذا تلقت وحي جلية ايضا اه في كلام في ام في آآ في زوجة فرعون ايضا طيب عموما انا يعني عشان خاطر نقطع الكلام في الموضوع ده ما فيش ناس تقعد تتخانق عليه - 00:04:53ضَ

ونبقى امين معكم الجمهور على ان ما فيش نساء نبيات. وهاقول لكم دليلهم ايه وهناك القلة من العلماء ومن الفقهاء اللي قالوا ان هناك نساء نبيات. الجمهور يروا ان الاية الكريمة وما ارسلنا قبلك الا رجالا نوحي اليهم. ودي كانت تلات مرات بنفس الصيغة دية. فيه وما ارسلنا من قبلك الا رجالا نوح - 00:05:16ضَ

اليهم فاسألوا اهل الذكر ان كنتم لا تعلمون قال لك ما دام ربنا بيقول ما ارسلنا قبلك الا رجالا نوحي اليهم. ده دليل ان ما فيش نبيات لا ده هذا دليل مش صحيح. ليه بقى - 00:05:44ضَ

لان ربنا ما بيقولش ما نبأنا قبلك الا رجالا. قال ما ارسلنا قبلك الا رجال. ارسل رسولا برسالة نبأ نبئا بنبوءة خلي بالكم النبي غلي الرسول كل رسول نبي ومش كل نبي رسول - 00:05:59ضَ

اي رسول في الدنيا هو نبي ايضا ولكن كثير من الانبياء لم لم يصبحوا رسلا القصة دي بقت طويلة وفيها كلام كتير وايه الفرق بين الرسول والنبي؟ الرسول اخد رسالة وطلب منه يروح يبلغ الرسالة لقومه - 00:06:22ضَ

معينين. اما النبي زي العالم كده عنده علم قاعد الناس بتيجي تسأله مش مطلوب منه لم يكلف بابلاغ الرسالة لقوم معينين آآ احنا بنتكلم في نبوة مش بنتكلم في الرسالة. طب ليه ربنا ما ارسلش رسل آآ سيدات عشان ده كان دي دي مهمة فيها بقى آآ - 00:06:41ضَ

فيها اعتداء وفيها آآ مشاكل فيزيكل بقى. يعني احنا شفنا الرسول عليه الصلاة والسلام اعتدوا عليه وضربوه وحطوا لحم الجذور. حطوا السقط بتاع الجذور يعني لما بيدبحوا الابل بينزل من بطنها وساخة ومصارين وبتاع حطوها على ضهره وهو ساجد - 00:07:05ضَ

لغاية ما اغمى عليه فقد الوعي والسيدة فاطمة جت شال الدم عليه فربنا ما بيعرضش النساء لهذه المسائل ابدا. دي ممكن تخش في اكتر من كده. في في انبياء ذبحوا - 00:07:25ضَ

يعني على فكرة يعني. فربنا مش هيعرض النساء لهذه المسألة. ابدا وانا ارى ذلك. يعني انا انا اميل للرأي ان هناك نبيات. وارى ان ادلته قوية عموما فصل المقال عشان بس نخلص ما فيش انها تقعد تتخانق. الجمهور لا يرى ان هناك نساء نبيات والقلة ومنهم ابن حزم الظاهري - 00:07:37ضَ

يرى ان هناك عدة نبيات وليس فقط آآ ام موسى وام السيد المسيح طيب ولقد مننا عليك مرة اخرى. ارجع بص معي تاني في الاية سبعة وتلاتين اذ اوحينا الى امك ما يوحى. كالعادة من صغرك ربنا بيمن عليك بالرعاية والعناية. فهو الذي اوحى لامك - 00:07:57ضَ

بالتالي او حالها ايه بقى؟ اقرا معي تسعة وتلاتين فيه في التابوت فاقذفيه في اليم فليلقه اليم بالساحل يأخذه عدو لي وعدو له القيت عليك محبة مني ولتصنع على عيني - 00:08:22ضَ

لفت نظري كلمة اقذفيه جت مرتين ان اقذفيه في التابوت فاقذفيه في اليم. وبعد كده فليلقه اليم بالساحل. ايه كمية القذف والالقاء دي يأخذه بعد كده عدو لي وعدو لأ ده انت تحس ان سيدنا موسى ضاع خلاص. ده ده اتقذف مرتين القي في اليم يعني كلمة يم يعني - 00:08:43ضَ

البحر على فكرة بالعبري. فالقي في في البحر والقي في النهر الكبير. ها فليلقه اليم بالساحل وبعد كده يأخذه عدو لي عدو لربنا يعني انسان مجرم كافر مجرم في اجرامه وعدو له وعدو - 00:09:08ضَ

في اسرائيل كمان وعدو لموسى كمان يريد ان يدبحه تحس ان خلاص ضاع سيدنا موسى. طب ايه اللي انقزه والقيت عليك محبة مني ولتصنع على عيني. ياه! على الاية اللي مرة واحدة راحت قالبة - 00:09:23ضَ

الى سلام بعد ما الاية كانت بتوريك مشهد من العنف جاي انت متوقع عنف متوقع ان ان سيدنا موسى الطفل ده هيدبح دلوقتي اتقلبت الاية مرة واحدة الى سلام بحت. بص - 00:09:39ضَ

ان يقذفيه في التابوت فاقذفيه في اليم فليلقه اليم بالساحل. يأخذه عدو لي وعدو له. والقيت عليك محبة مني ولتصنع على عيني قرآن بيشيل الواحد ويحطه. انا بحس اني بتمرجح مش مش بقرا قرآن. مش ممكن. يشيلك ويحطك - 00:09:58ضَ

ارميه في صندوق وارميه في النهر والنهر هيرميه على الشاطئ واللي هياخده عدو لله فرعون رأس الكفر ورأس الظلم ورأس الاضطهاد اللي انت اصلا خايفة عليه منه انا هوديه عنده كمان. اكتر من كده ايه بقى - 00:10:23ضَ

بعد كل ده ينقذ سيدنا موسى والقيت عليك محبة مني كل المخاطر دي زالت بعناية ربنا كان سيذبح زي اطفال بني اسرائيل في السنة دي وكان سيغرق وده وضع طبيعي لرضيع بيلقى في نهر النيل ده نهر النيل ده نهر كبير جدا وعريض جدا وياما ناس غرقت فيه ده ده - 00:10:39ضَ

في مراكب بسياح بتغرق في نهر النيل والسياح بيغرقوا بيموتوا. يعني احنا بنتكلم على نهر كبير ضخم وكلمة بالعبر يعني بحر وعليك الفلاحين احنا الفلاحين عندنا كراحة على البحر. البحر ده مجرد آآ يعني آآ فرع كده من من النيل مسلا فرع رشيد او فرع آآ آآ الله - 00:11:06ضَ

اه اسمه ايه الفرع التاني المهم يعني الفرع بس من النيل بيتقال عليه بحر عندنا في في الفلاحين اه طيب ازا كان ممكن يغرق وكان ممكن يقتل وكمان انتقدوه حرس فرعون وعارفين ان هو من بني اسرائيل. عارفين ازاي ده بيبي صغير ايوة بس مختون - 00:11:30ضَ

ممكن جدا يقوم باين ان هو من بني اسرائيل. هم اللي بيختنوا الاطفال فرع دمياط. ماشي يا عم. شكرا كل هذه المخاطر زالت والقيت عليك محبة مني اتحدى يكون في حد مننا ما بيحبش سيدنا موسى - 00:11:56ضَ

انا عايز اشوف حد ما بيحبش سيدنا موسى. كلنا بنحبه حتى اكتر من انبياء اخرين. يعني مسلا انا حبي لسيدنا موسى اكبر من حبي لسيدنا يعقوب اكبر من حبي لسيدنا صالح. اكبر من حبي لسيدنا هود. ليه ما اعرفش - 00:12:15ضَ

ما اعرفش سيدنا موسى بالنسبة لي مختلف عنهم. مع انه يعني آآ مش النبي المباشر بتاعنا. زي سيدنا محمد عليه الصلاة والسلام ما احناش بندرس السنة بتاعته ولا عندنا الاحاديث بتاعته. طب ايه اللي خلانا نحبه اوي كده - 00:12:30ضَ

غريبة شوية ها وبعدين نبي بني اسرائيل يعني تحس ان يعني في ممكن حاجز يعني مكنس سيدنا صالح اقرب لنا سيدنا هود اقرب لنا عشان مش من لا ابدا والقيت عليك محبة مني - 00:12:46ضَ

يعني المهم وقع في قلب امرأة فرعون لما شافته بيبي صغير كده وقالت شف سورة القصص وقالت امرأة فرعون قرة عين لي ولك لا تقتلوه عسى ان ينفعنا او ولدا - 00:13:02ضَ

امرأة فرعون زي ما قلنا ايضا من النساء اللي يرى ابن حزم انهن آآ نبيات المهم انه بالحب ربنا حفز سيدنا موسى. وايه كمان بقى؟ ولتصنع على عيني تم تربية سيدنا موسى. لأ تربية مين ؟ تم صناعته ولتصنع على عيني اتصنع صناعة تحت عين - 00:13:20ضَ

ربنا على عيني يعني باشراف ربنا قال لامك ترميك في البحر. وما تخافش عليك وآآ وقال لامك آآ آآ انا هارجعه لي تاني. اكتر من كده ايه كمل بقى معي الاية اربعين. اذ تمشي اختك فتقول هل ادلكم على من يكفله - 00:13:42ضَ

رجعناك الى امك كي تقر عينها ولا تحزن وقتلت نفسا فنجيناك من الغم وفتناك فتونا في اهل مدينة ثم جئت على قدري يا موسى اختك فضلت ماشية وتتبعك بعينيها وانت في النهر لغاية ما شافتك - 00:14:11ضَ

بيلتقطوك الحرس بتوع فرعون وشافتك وتتبعت دنيتك بترفض المراضع الستات اللي هترضع فقالت لهم تحبوا ادلكم على امرأة تتولى؟ فبالطريقة دي رجعت لامك يا موسى. ربنا بيحكي لسيدنا موسى خلي بالك حكايته وهو صغير - 00:14:39ضَ

لان بالطريقة دي القصة بتاعة سيدنا موسى زي ما قلنا بدأت من النص. بدأت منين؟ مش من اول ما اتولد لأ. بدأت في سورة طه من اول وهو راجع من عند سيدنا شعيب بابنة سيدنا شعيب زوجته شاف نار وبدأت بالنبوءة بدأت ببداية النبوة - 00:14:59ضَ

وبعدين فلاش باك في القصة للمشهد بتاعه وهو رضيع وبيلقى في النهر عن طريق القرآن بيحكيه ربنا بيحكي لسيدنا موسى الحكاية فانت بتجي لك الحكاية فلاش باك دلوقتي المهم رجع دلوقتي ايه لامه - 00:15:19ضَ

فبامر من قلب قصر فرعون رجع لامه اللي هو الامر صدر من نفس المكان ده بقتل اطفال بني اسرائيل. يعني هو المفروض كان سيدنا موسى يقتل بامر من قلب قصر فرعون ثم بامر من قصر فرعون بيقول عاد الى امه وبطريقة قانونية هي دلوقتي لا تخاف عليه - 00:15:43ضَ

عيني عينك قدام الحكومة رجعت رجعتك تعيش مع امك يا موسى. مش ممكن الكلام الحقيقة قعد فترة الرضاعة مع امه وبعدها رجع بقى على قصف فرعون وكبر في قصر فرعون - 00:16:09ضَ

وبعدها قتلت واحد. مم. وقتلت نفسا فنجيناك من الغم. كان هيبقى غم وقتل نفس. ومصر بلد فيها قانون في الوقت ده. فطبعا بقى فيه محاكمة وفيه سجن وفيه ممكن يعدم كمان - 00:16:25ضَ

واضح ان البلد ما كتش بايظة ما كتش هايصة لانه ده يعني متربي في قصر فرعون بس مش من حقه يقتل حد آآ طبعا القصة احنا هناخدها بعدين في سورة القصص اللي هو لما دخل لقى واحد اسرائيلي آآ واحد تاني مصري بيضطهده وبيضربه فبيدافع عنه - 00:16:41ضَ

غصب عنه يزهر اتزق زقة جامدة شوية وسيدنا موسى كان قوي. الراجل وقع يبدو ايه وراسه جت في حاجة. المهم الراجل مات سيدنا موسى ما كانش يقصد انه يقتله آآ وبعدها قتلت واحد وكان ممكن تعاقب لكني نجيتك منهم. نجيتك من الغم. نجيتك من العقوبة. وفتناك فتونا. فيه حديس طويل في ابن كثير - 00:16:58ضَ

اسمه حديث الفتون عن كم الفتن والاختبارات اللي مر فيها سيدنا موسى ومنها ان هو اضطر يهرب وقعد سنين في اهل مدين بعد ما يتزوج بنت سيدنا شعيب طبعا قصة زواج وهنأتيه بس هي مش جاية في سورة طه. هتيجي بعدين. في آآ سورة اخرى - 00:17:21ضَ

وادي انت هنا جيت دلوقتي بقدر من ربنا ثم جئت على قدري يا موسى فتحس ان القرآن راح ملففك وجايبك تاني في اللحزة اللي ابتدينا منها. يعني احنا ابتدينا في سورة طه من اول ما هو شاف النار وبعد كده بداية النبوة وبعدين - 00:17:42ضَ

اشباك جابه من اول ما كان رضيع والقي في النهر واخدوه ورجع لامه ازاي واتربى في بيت فرعون ازاي وبعد كده قتل واحد وبعد كده هرب وبعدين راحت الاية ملففانا وجايبينها تاني في نفس المكان دلوقتي وهو بياخد الايه الاوامر بالنبوة والمهمة بتاعته ثم جئت على قدري يا موسى - 00:18:02ضَ

وادي انت جيت دلوقتي هنا بقدر من ربنا. مش بالصدفة مش ممكن الصورة مش ممكن. طيب احنا دلوقتي واقفين مع سيدنا موسى عند النار وهو بيكلم ربنا والحوار اخد جولة ورجعنا لورا فلاش باك وراح راجع بنا تاني. طيب - 00:18:22ضَ

ثم جئت على قدري يا موسى. انت ما جتش هنا صدفة. انت جيت بقدر ربنا لتتلقى الرسالة وتحمل ويعني وتحمل بعبء القيام بهذه المهمة الفارقة في تاريخ البشرية. احنا قدام موقف من اكبر المواقف في تاريخ البشرية - 00:18:42ضَ

واصطنعتك لنفسي عملتك علشاني ربنا صنع سيدنا موسى صناعي. يعني هو بداية تعامل ربنا مع سيدنا موسى مش من بداية النبوة. لا. ربنا صنعه على عينه من اول ما كان رضي - 00:19:00ضَ

لزلك شخصية سيدنا موسى وده قلناه في اول سورة طه ايه اللي يخلي سيدنا موسى اصلا يقرر يرجع بلده وهو محكوم عليه فيها بالاعدام. ليه الا لو كان راجل شجاع مش قادر يسيب آآ امه اكتر من كده ومش قادر يسيب قومه بيضطهدوا اكتر من كده وراجع عشان يعمل - 00:19:15ضَ

لكن ما كانش في دماغه انه رايح يواجه فرعون بنفسه يعني. لكن الراجل شجاع. وراجع وبيخاطر فدي صناعة ربنا. واصطنعتك لنفسي. عملتك علشاني. حياتك بقى هتكون لله. لنفسي لله. للقيام - 00:19:39ضَ

الدعوة فيه ناس كتير حياتهم بتكون لله. وليس لهم هم هذا مش خاص بس بسيدنا موسى على فكرة. النبي محمد عليه الصلاة والسلام حياته كانت كلها لله. سيدنا ابراهيم ودرسنا قصته حياته كانت لله. نوح كانت حياته ولا لا؟ كتير - 00:19:56ضَ

وهناك دعاة وهبوا حياتهم لله. لكن سيدنا موسى ربنا صنعه صناعة. واصطنعتك ده معناه ايه بقى معناه انه موفق انه بيشوف بنور الله بيسمع بنور الله. كل حاجة بيعملها موفق فيها. بصوا الحديث القدسي - 00:20:10ضَ

من عادى لي وليا فقد اذنته بالحرب. ربنا بيقول ان اللي هيحارب ولي من اوليائه اللي يعاديه انا هحاربه طب نبقى ازاي من اولياء ربنا وما تقرب لي عبدي بشيء احب الي مما افترضته عليه. نتقرب الى الله بالفرائض - 00:20:33ضَ

الفرائض اللي ربنا قال لنا عليها لما نؤديها بطريقة صحيحة وسليمة وبجمع قلب وبخشوع وبتدبر. ده اكتر حاجة ربنا بيحبها ها طب ازاي نقرب اكتر وما زال عبدي يتقرب الي بالنوافل حتى احبه - 00:20:54ضَ

عبد يفضل يتقرب لي بالنوافل يعمل النوافل يصوم اتنين وخميس من غير ما يروح يقول للناس انا صايم ويقعد يتمنظر عليهم يروح يصلي في بيته وهو قافل على نفسه مش عمال يتمنظر بصلاة النافلة قدام الناس. طيب. وما زال عبدي يتقرب الي بالنوافل حتى احبه. فاذا احببته - 00:21:14ضَ

ازا ربنا حب انسان كنت سمعه الذي يسمع به وبصره الذي يبصر به ويده التي يبطش بها يبطش بها وقدمه التي يمشي بها واذا سألني لاعطينه واذا استغفرت لاغفرنه لاغفرن له واذا استعاذني لاعيذنه - 00:21:39ضَ

واصطنعتك لنفسي ربنا جعله موفق وموصول بالله يرى ويسمع بنور الله ارجع كده الاية تلتاشر ارجع كده الاية تلتاشر سورة طه وانا اخترتك فاستمع وانا اخترتك وهنا واصطنعتك لنفسي ايه ده - 00:22:00ضَ

ازاي سيدنا موسى تحمل الكلام ده ما تارش من الفرحة انت متخيل رب العالمين يكلم بني ادم ويقول له انا اخترتك وهنا يقول له واصطنعتك لنفسي! ده لما صاحب شركة ينتقي موظفينه كويس - 00:22:20ضَ

ثم يختار منهم واحد ويعلمه ويدربه تدريب خاص عشان يوكل له المهام الصعبة ده شرف كبير ومسؤولية كبيرة اشحال بقى سيدنا موسى الحقيقة يعني يعني هذه الصورة شرفته تشريف كبير - 00:22:35ضَ

وبعدين الاية اتنين واربعين يلا الاية اتنين واربعين الساعة صفر. صدر الامر ببدء المهمة اذهب انت واخوك باياتي ولا تنيا في ذكري. اذهبا الى فرعون انه طغى خلاص بقى نزلت الاوامر. اطلع انت واخوك دلوقتي بالمعجزات بتاعتي باياتي - 00:22:53ضَ

اياتي هنا معناها المعجزات اللي ربنا اداها له. اليد اللي بتبقى بيضا العصاية اللي بتتقلب ثعبان وهتعمل حاجات تانية برضه لسه دي نقطة بقى مهمة قوي وكتير بقى يخدو على الاسلام ان في خرافات في الاسلام ليه اصل عندهم حاجات مش علمية والعقل لا يقبلها بالعكس - 00:23:13ضَ

ان العقل يقبلها. يقبلها ازاي؟ دي حاجات خوارق للطبيعة صحيح العقل لا يقبل ان سيدنا موسى يقلب العصاية تعبان. ده حقيقي. وما حصلش ان سيدنا موسى قلب عصاية ثعبان. عشان تبقوا عارفين. ما حصلش ان سيدنا عيسى عمل اي معجزة - 00:23:33ضَ

المعجزة بيعملها ربنا بايد النبي. خالق قوانين الطبيعة هو الذي يستطيع ان يخرق قوانين الطبيعة ده بنفهمه كده الحكام دوت. هذه المعجزات يصنعها الله بيد انبيائه. اما الانبياء نفسهم فهم بشر لا يملكون خرق قوانين الطبيعة - 00:23:47ضَ

ولا تنيا في ذكري ما تتوانوش في ذكري ما تكسلوش في ذكري. يعني ابذلوا قصارى جهدكم في ذكري. يعني خليكم متواصلين معي باستمرار. انتم رايحين دلوقتي تواجهوا فرعون خليكم متواصلين. ليه ؟ الواحد طول ما هو بيذكر ربنا - 00:24:07ضَ

هو حاطط الفيشة وبيستمد قوة الكهربا مشغلاه. اول ما الواحد يقوم شادد الفيشة من الكهربا مم خلاص وقفت المكنة ما تشدش الفيشة من الكهربا. امال ايه افضل حاطط الفيشة ازاي؟ تحط الفيشة بزكر ربنا. اياك ده احنا الطبيعة عندنا - 00:24:30ضَ

اذكار الصباح اذكار المساء بنقف نصلي ده ذكر. بنقرا القرآن ده ذكر. بنختم الصلاة ذكر. ليه مطلوب مننا الكلام دوت؟ عشان نفضل في حالة من التواصل مستمر يستمد الطاقة دي من ربنا - 00:24:54ضَ

خليكم واصلين اذهبا الى فرعون انه طغى. روحوا لفرعون لانه زودها طغى بمعنى الزيادة عن الحد وطغى بمعنى الزلم الشديد. فرعون بقى زودها في الزلم الشديد كمان. ادعى الالوهية كمان. اكتر من كده في سورة النازعات - 00:25:06ضَ

ربنا بيقول هل اتاك حديث موسى اذ ناداه ربه بالوادي المقدس طوى اذهب الى فرعون انه طغى فقل هل لك الى ان تزكى واهديك الى ربك فتخشى فاراه الاية الكبرى اللي هي العصا. فكذب - 00:25:25ضَ

شف فاراه الاية الكبرى ييجي في مخرج اختك ايه؟ العصا. فكذب وعصى. ثم ادبر يسعى فحشر يا ندى قال انا ربكم الاعلى. شوفوا المجرم مجرم ده ادعى الالوهية. وقال للناس انا ربكم الاعلى. ربنا طلب ايه من سيدنا موسى وهارون بقى؟ اقرا معي الاية اربعة واربعين - 00:25:45ضَ

فقولا له قولا لينا لعله يتذكر او يخشى تخيلوا واحد بيقول انا ربكم الاعلى ربنا يرسل له اتنين انبيا ويوصيهم يكلموه باللين لعله يتذكر او يخشى. اومال اللي بيحط في الارض ويقول سبحان ربي الاعلى ربنا هيعامله ازاي - 00:26:11ضَ

ربنا رحيم. ربنا كريم. ربنا ودود. ربنا بيدي فرصة واتنين وتلاتة وعشرة ومية والف الامر التاني بقى هو ان ده فيه درس للدعاء وهو الا ييأسوا من هداية احد يعني ده واحد مدعي الوهية وبيقول انا ربكم الاعلى وبيقتل العيال الصغيرة حاجة مش ممكن. فربنا بيقول لسيدنا موسى وهارون روحوا ادعوا للاسلام - 00:26:34ضَ

معقول ده ممكن يسلم يعني؟ ده يعني؟ اه ليس عليك هداهم. ولكن الله يهدي من يشاء. يبقى الدعاء لا يجب ان ييأسوا من هداية اي حد الدرس التالت هو ان الدعوة تكون باللين - 00:27:04ضَ

ولا تكون بالغلظة ولا بالفظاظة تقولا له قولا لينا لعله يتذكر او يخشى. زي ما قال لسيدنا محمد عليه الصلاة والسلام فبما رحمة من الله لنت لهم ولو كنت فظا غليظ القلب لانفضوا من حولك. وجزاكم الله خيرا وبارك الله فيكم ونراكم غدا بازن الله. اسأل الله العلي العظيم - 00:27:22ضَ

ان يجعل هذا التدبر في ميزاني وميزانكم اللهم انك تعلم ان هذه القلوب قد اجتمعت على كتابك واجتمعت على محبتك والتقت يا ربنا على طاعتك وتوحدت على دعوتك وتعاهدت على - 00:27:47ضَ

نصرة شريعتك فوثق اللهم رابطتها وادم ودها واهدها سبلها. واملأها بنورك الذي لا يخبو واشرح بفيض الايمان بك وجميل التوكل عليك واحيها بمعرفتك. وامتها على الشهادة في سبيلك انك نعم المولى ونعم النصير - 00:28:03ضَ

السلام عليكم ورحمة الله ونراكم غدا بازن الله - 00:28:23ضَ