Baheth

السلام عليكم ورحمة الله وبركاته. اهلا بحضراتكم. في المقطع رقم ستمية ست وخمسين ستمية ستة وخمسين. من مقاطع حظر التجول وحلقة تدبر سورة الكافرون ارجو من حضراتكم تجيبوا المصاحف وافتح معي سورة الكافرون. كلكم طبعا عارفين مكانها. في اخر المصحف. السورة رقم مية وتسعة - 00:00:01ضَ

سورة الكافرون سورة مكية. نزلت في السنة الثانية من الفترة المكية في ترتيب النزول هي تقريبا السورة رقم تمنتاشر في ترتيب المصحف هي رقم مية وتسعة. يعني ترتيب النزول رقم تمنتاشر - 00:00:32ضَ

والمصحف مية وتسعة عدد اياتها ست ايات بلا خلاف بين علماء العدد. اسماؤها كثيرة سورة الكافرون سورة الكافرين سورة قل يا ايها الكافرون سورة الدين سورة المقشقشة سورة الاخلاص والبعض سماها سورة العبادة وسورة الجحد وسورة المنابذة - 00:00:51ضَ

في ناس بيستغربوا من مسألة تعدد اسماء السور اخر مرة باقول لكم اسماء الصور ليست من القرآن بل الصحابة ما كانوش بيكتبوا اسماء السور في المصاحف ابن مسعود قال لواحد امحها - 00:01:22ضَ

يعني هو كان بيسمي السورة وهو بيتكلم اقروا لنا صورة كزا مسلا اقرأ سورة كزا لطلابه لكن لما لقى حد كتب صورة كزا قال له امحوها لانه كان خايف انه يختلط بالقرآن ما ليس من القرآن - 00:01:44ضَ

الصحابة اكتفوا في مصاحفهم بالفصل بين السور بالبسملة احنا النهاردة مصاحفنا واضحة ما عندناش مشكلة نكتب اسم السورة ورقم الصفحة وارقام بين الايات. وفي الهامش نكتب سجدة عند سجدة التلاوة - 00:01:58ضَ

ونحط علامات الوقف آآ ميم يعني وقف لازم آآ جيم يعني وقف جائز صلي يعني وقف جائز اصل اولى داقلي يعني وقف جائز والوقف اولى. ما عندناش مشكلة مش مش هيختلط الكلام دا بالقرآن - 00:02:16ضَ

فبقينا نكتب اسماء السور دي اول حاجة عشان بس نبقى نستعملها آآ سورة الكافرون هو الاسم الاشهر والمستخدم في المصاحف وده لان كلمة الكافرون وردت في الاية الاولى سورة الكافرين باعتبار انها مضاف اليه - 00:02:34ضَ

فالمفروض تكون مجرورة من الناحية اللغوية. لكن لما قلنا سورة الكافرون بالرفع اعتبرنا الكلمة اسم علم. ما يتغيرش حسب موقعه في الجملة. يعني خدنا كلمة من من الصورة زي ما هي واستخدمناها كاسم وكأنه اسم علم. ما بيتغيرش ايه؟ آآ آآ - 00:02:57ضَ

يعني آآ على حسب موقعه في الجملة يعني سورة قل يا ايها الكافرون من باب تسمية السور باوائل كلماتها سورة الدين لورد كلمة اه اه دينكم ودين اه في اخر اية - 00:03:17ضَ

سورة المقشقشة وده اسم حلو اوي بقى انا عارف طبعا فيكم ناس يعني الاسم استغربتكم يعني ايه المقشقشة؟ في الفلاحين عندنا والفلاحين داخلين بيوتهم بالليل بعد الشغل بيجيبوا في رجليهم وفي هدومهم قش - 00:03:36ضَ

فتنضيف البيت بيبقى بالايه ؟ بالمقشة لانها تقش القش انتم بقى اصل تسمية مقشة لان زمان ما كانش فيه حاجة اسمها وساخة في البيت غير هو القش وخلاص. قش بيدخل في رجلين الناس. قش بيدخل في في الجلابية من تحت. فيقشوه بالمقشة - 00:03:58ضَ

الناس اللي كانت بتلعب كوتشينة وتابت يقول لك الولد يقش يقش يعني بينضف اللي على الارض كله بياخد كله المقشقشة يعني التي تنظف الانسان من الشرك تمام طيب سورة الاخلاص لان فيها مفاصلة بين الايمان والكفر - 00:04:20ضَ

زي ما هنشوف بقى النهاردة في الصورة. وطبعا الاسم ده هيعمل لخبطة مع اسم ايه؟ سورة الاخلاص اللي هي قل هو الله احد لكن انا بقول لك يا عم هو في يعني عالم واحد قال لك سماه سورة الاخلاص. عشان هي السورة يعني كلها اخلاص الحقيقة ومفاصلة بين ايمان وكفر. لكن مش بالضرورة ان ده الاسم اللي هنستخدمه - 00:04:44ضَ

وانا لا انصح حتى باستخدامه يعني وبعضهم سماه سورة العبادة. لورود كلمة عابد وعبدتم وعابدون كثيرا فيه الصورة. طيب تعال نقرا الصورة مع بعض اعوذ بالله السميع العليم من الشيطان الرجيم. بسم الله الرحمن الرحيم - 00:05:01ضَ

قل يا ايها الكافرون اعبد ما تعبدون ولا انتم عابدون ما اعبد ولا انا عابد ما عبدتم ولا انتم عابدون ما اعبد لكم دينكم ولي دين الكفار لما وجدوا النبي صلى الله عليه وسلم يدعو - 00:05:21ضَ

وبدأ يدخل في الاسلام ناس من اسرهم شباب ونساء وعبيد وايماء بعضهم عرض عليه عرض ساوموه بنقول لك ايه يا محمد نتبع دينك يوم وانت هتتبع دينا يوم وقيل ان العرض كان سنة وسنة - 00:06:14ضَ

وده الاوقع يعني يعني سنة نتبع دينك؟ يعني ايه نتبع دينك؟ يعني نعبد الله وحده. هم اصلا كده كده كانوا بيعبدوا الله يعني وبيعبدوا معه الاصنام. وسنة تانية انت تعبد معنا الاصنام. بالاضافة لعبادة الله برضو يعني - 00:06:39ضَ

فنزلت الصورة للفصل بين الاسلام واي دين اخر. قل يا ايها الكافرون لا اعبد ما تعبدون ولا انتم عابدون ما اعبد ولا انا عابد ما عبدتم. ولا انتم عابدون ما اعبد. لكم دين - 00:07:00ضَ

دينكم ولي دين اول ملحوظة النبي صلى الله عليه وسلم لا يخاطب احد بكلمة يا كافر كل الانبياء بما فيهم سيدنا محمد عليه الصلاة والسلام نادوا اقوامهم باحب الاسماء اليهم - 00:07:20ضَ

يعني يا قومي وردت تسعة واربعين مرة في القرآن الكريم مع انبياء مختلفين ووردت مع سيدنا محمد عليه الصلاة والسلام مرتين سورة الزمر وسورة الانعام ربنا بيأمره بيقول له قل يا قومي اعملوا على مكانتكم اني عامل فسوف تعلمون - 00:07:40ضَ

هي هي نفس الاية نفس الكلمات بالزبط في الزبر والانعام قل يا قومي يا اهلي يا عشيرتي يا اقاربي قومي قومي انا قريب منكم وحتى انبياء بني اسرائيل لما بيقولوا يا بني اسرائيل - 00:08:07ضَ

يعني يا اولاد النبي يا اولاد نبي الله يعقوب كان اسمه اسرائيل. فده اسم حلو احنا عايزين نصحى على فكرة تشيل من دماغها ان اسرائيل هي اسرائيل دلوقتي. لأ اسم اسرائيل اصلا اسم مش وحش اصلا. هو اسم نبي لا يعقوب اصلا - 00:08:29ضَ

وسيدنا ابراهيم قال لابوه يا ابتي اربع مرات ورا بعض سورة مريم اذ قال لابيه يا ابتي لم تعبد ما لا يسمع ولا يبصر ولا يغني عنك شيئا. يا ابتي - 00:08:50ضَ

يا ابويا يا حبيبي فانت تدعو الناس ما تستفزهمش ما ينفعش تقول لحد يا كافر آآ اسلم يا كافر آآ آآ وحد الله ايه انت تنادي الناس وتدعوهم تدعوهم باحب الاسماء الى قلوبهم - 00:09:07ضَ

ربنا قال لموسى وهارون ايه روحوا لفرعون المجرم ده فقولا له قولا لينا لعله يزكر او يخشى. ازا لازم القول اللين لازم نبني الجسور مع الناس ونناديهم بلين ورفق قال للنبي عليه الصلاة والسلام فبما رحمة من الله لنت لهم - 00:09:27ضَ

ولو كنت فظا غليظ القلب لانفضوا من حولك فعشان تقول لحد يا كافر انت انت بتعامله بفظاظة ولكن في القرآن الكريم لم ينادى الكفار بهذه الصفة الا مرتين منهم مرة في الاخرة اللي هيناديهم ده الملائكة في سورة التحريم - 00:09:51ضَ

يا ايها الذين كفروا لا تعتذروا اليوم. ده في الاخرة والمرة التانية في سورة الكافرون هنا بامر من الله. ليه؟ لان هنا بقى احنا مش بندعوهم لأ. هنا هم بيحاولوا يغيروا دينا - 00:10:13ضَ

فانت تقول له يا قومي تقول له يا ابتي تقول له يا يا صاحبي تقول له يا جاري لكن هيغير دينك هتقول له يا كافر خلص الموضوع. واضح. تعال بقى - 00:10:32ضَ

عشان واضح ان حضرتك مش فاهم بقى انت كافر اصلا! تعال تعال تعال فهنا امر من الله ان يناديهم هكزا حاولوا يغيروا ديننا حاولوا معنا نغير في عقيدتنا. حاولوا معنا اننا ندخل في دينهم - 00:10:42ضَ

لو حد قال طيب ما هم كمان هيغيروا في دينهم يا جماعة وهيعبدوا الهنا سنة بدون شرك. هقول لك اصحاب الاديان المزيفة اللي هم صنعوها بنفسهم بيهون عليهم دينهم فمش مشكلة لما كل شوية ينزلوا ابجريد. مش مشكلة خالص - 00:10:58ضَ

وكل حاجة. لكن احنا ده مش وارد خالص اننا نغير في العقيدة اي شيء اه الفقه عندنا بيتغير من مكان الى مكان من زمان الى زمان. الامام الشافعي عنده المذهب القديم - 00:11:20ضَ

اللي كان في العراق لما مجرد بس انه نقل مصر غير حاجات كتير جدا وعنده حاجة اسمها المذهب الجديد عشان اغير المكان ففي الفقه ممكن الفقه ده لكن العقيدة لا يتغير فيها شيء من امتى ؟ من زمن ادم - 00:11:36ضَ

من زمن ادم الى ان يرث الله الارض وما عليها عقيدة الاسلام لا تتغير ما فيش حاجة اسمها توحيد اديان ما فيش حاجة اسمها ديانة ابراهيمية من ينادي بالديانة الابراهيمية ايا كان هو مين وده هيحصل قريب - 00:11:53ضَ

اقرأوا في وجهه هذه السورة قل يا ايها الكافرون لا اعبد ما تعبدون ولا انتم عابدون ما اعبد ولا انا عابد ما عبدتم ولا انتم عابدون ما اعبد لكم دينكم ولي دين - 00:12:15ضَ

خلاص مصطفى صالة يبقى دي اول نقطة ليه خاطبهم النبي بهذا الوصف الشديد يعني هنا احنا مش احنا مش في موقف دعوة. لأ موقف مفاصلة بيحاولوا معنا نغير دينا. لا لا لا - 00:12:31ضَ

تاني نقطة هو ايه علاقة الصورة دي باللي قبلها حلو تعالوا نقرا سورة الكوثر صور هنا كلها صغيرة كده سورة الكوثر انا اعطيناك الكوثر فصل لربك وانحر ان شانئك هو الابتر - 00:12:45ضَ

الله يدافع عن النبي في هذه السورة. ويقول له ان شانئك هو الابتر ربنا بيدافع عن النبي عليه الصلاة والسلام فليدافع النبي عن الله ايضا وعن التوحيد كما دفع الله عنه - 00:13:12ضَ

خلي بالك هو ربنا مش محتاج ان حد يدافع عنه. لكن ده واجب عليك لما تسمع حد بيسيء لله لابد ان تدافع عن الله ايضا فصلي لربك فصل لربك وانحر. فصل لربك يعني كن مخلصا لله - 00:13:31ضَ

لا تصلي الا لله. لا تقبل العروض التي تدعوك للتنازل لذلك سماها البعض سورة الاخلاص. لان فيها اخلاص العبودية لله والتدبر هنا يقول لي ان الدفاع عن الله عند التجرؤ على الله - 00:13:54ضَ

والاساءة الى الله واجبة على كل مسلم لان هو اللي ربنا اللي بيعطينا وهو اللي بيرزقنا وهو اللي بيحفزنا فكيف يسب او ينسب اليه ما يسيء اليه ونسكت لأ لازم - 00:14:14ضَ

هنبقى جامدين جدا. قل يا ايها الكافرون. ها كده على طول النقطة التالتة استخدام لفز العبادة حصل في الصورة دي بشكل دقيق جدا محتاج تركيز من حضراتكم شوية اقروا معي من الاية اتنين للاية خمسة. اربع ايات - 00:14:31ضَ

لا اعبد ما تعبدون ولا انتم عابدون ما اعبد ولا انا عابد ما عبدتم ولا انتم عابدون ما اعبد طيب عندنا اعبد فعل تعبدون فعل عابدون اسم اسم الفاعل عابد - 00:14:59ضَ

عابد اسم يبقى احنا عندنا اعبد وتعبدون وعابدون وعابد اعبد تعبدون فعل عابدون اسم. عابد اسم. طيب ايه الفرق بين الفعل واسم الفعل انا العب الكرة ممكن اقولها اسناء ما انا بالعب الكورة - 00:15:28ضَ

المرة الوحيدة اللي لعبت فيها كورة في حياتي وانا بالعب اقول انا العب الكرة تمام لكن هل اقدر اقول انا لاعب كرة؟ لأ ليه؟ امتى اقول انا لاعب كرة اذا تكرر مني الفعل وعرفت به فصار صفة لي - 00:15:55ضَ

خلاص اصبح اصبحت اوصف بلاعب الكرة محمد صلاح لاعب كرة. ليه؟ صفة ملتصقة به لعب في الماضي وبيلعب في الحاضر وهيلعب في المستقبل ان شاء الله ابو تريكة توقف عن اللعب. بقى اسمه اللاعب سابق لكن ما زالت الصفة ملتصقة به. عرف بها واشتهر بشكل صعب انك تنزعها - 00:16:16ضَ

منه يبقى اسمه لاعب سابق وفضل كلمة لاعب ملتصقة به. اذا الاسم الاسم يدل على الدوام المداومة طبق ده بقى على الاربع ايات دول. احنا قلنا الاسماء اللي هي ايه - 00:16:40ضَ

عابدون وعابد. يبقى لما يجي لي عابدون تدل على المداومة. عابد تدل على المداومة تمام تعال بقى هات لي الاية اتنين لا اعبد ما تعبدون لا حرف نفي اعبد فعل مضارع - 00:16:58ضَ

نفي فعل المضارع بلن لن اعبد يفيد الاستقبال. لا اعبد يفيد المضارع والاستقبال ايضا. لا اعبد ما تعبدون. يعني زمن المستقبل. انا مش هعبد لا اعبد يعني انا مش هعبد ما تعبدون - 00:17:21ضَ

هم عرضوا عليه يعبدوا الاصنام سنة وما يتوقفوا عن عبادة الاصنام سنة. وفي جميع الاحوال الله سبحانه وتعالى معبود. كله هيعبدوه. لكن العرض هو يخص الاصنام يا محمد تعبد الاصنام معنا سنة واحنا نتوقف عن عبادتها سنة معك - 00:17:42ضَ

لا اعبد ما تعبدون هذا لن يحدث ما تستخدم في الاشارة لغير العاقل. انهم كانوا بيعبدوا اصنام لا اعبد ما تعبدون. الاصنام اللي بتعبدوها ما لغير العاقل من للعاقل بس غريبة اوي اسمع بقى تلاتة - 00:18:03ضَ

ولا انتم عابدون ما اعبد طب ما هم بيعبدوا الله كده كده وبيعبدوا معه الاصنام كمان ليه بيعبدوا الاصنام كمان؟ احنا عرفنا منين في سورة الزمر قالوا ما نعبدهم الا ليقربونا الى الله زلفى. ازا هم - 00:18:36ضَ

لم يعبدوا عبادة النبي كما هي. يعني هم العرض بتاعهم مش انهم هيدخلوا دين النبي ويتخلصوا من الشرك وحدوا الله لأ. هم هيوحدوا الله بشكل مؤقت سنة او سنة لأ - 00:19:00ضَ

يعني توحيد على سطر وسيب سطر لذلك استخدم ما يعني ايه ما تشير للعبادة يعني ولا انتم عابدون ما اعبد من عبادة خالية من الشرك يعني انتم العبادة اللي بتعرضوها دي مش دي العبادة بتاعتي - 00:19:16ضَ

او ما تشير لمعبودي ولا انتم عابدون معبودي. ومعبودي يستخدم معها ماء لان هنا لا تشير لذات الله مش لله مش لكلمة الله لكن المعبودات المعبودات كثيرة جدا كلها زائفة ما عدا الله. فكلمة معبود يشار اليها بماء ممكن - 00:19:44ضَ

طالما ما بتقولش انها لا تشير لذات الله نفسه طيب ارجو يكون ده مفهوم لو مش مفهوم اتفرج على الفيديو تاني. انا عارف الصورة دي محتاجة تركيز جدا على فكرة. جدا - 00:20:10ضَ

ولو مش مفهوم الحتة دي خد المعنى بتاع ان ما تشير الى العبادة. ولا انتم عابدون ما اعبد من عبادة خالية من الشرك تمام؟ طيب عابدون في الاية دي اسم قلنا وليس فعل. ازا يدل على الدوام على المداومة. يعني انتم عمركم ما كنتم بتعبدوا الله بالعبادة - 00:20:26ضَ

بالتوحيد. ما هم بيعودوا الله بس لأ بالشرك ده ده عبادة تانية خالص انتم عمركم ما كنتم بتعبدوا الله ولا هتعبدوه اصلا في المستقبل بهذا الشكل اذا اصريتم على الاتفاق ده - 00:20:49ضَ

بتاع نعبد الله سنة ومع الاصنام والسنة نوحده لا لا لا ولا انتم عابدون ما اعبد بالشكل ده انتم مش هتعبدوه حتى لو عبدتوه انتم مش بتعبدوه انتم مشركين يعني واحد بيعبد الله ومعه الهة اخرى يبقى ده كده يعتبر آآ آآ على الدين لا مش على الدين صحيح - 00:21:06ضَ

اقرا اربعة ولا انا عابد ما عبدتم استخدم لنفسه المرة دي اسم الفعل بقى مع ان في الاول قال ايه اه لا اعبد المرة دي ولا انا عابد. فالمرة دي استخدم اسم الفعل لنفسه هو. النبي عليه الصلاة والسلام - 00:21:28ضَ

ليه بقى يدل على الدوام يعني انا عمري ما عبدت الاصنام اصلا قبل كده ولا عمري هاعبدها بعد كده. لا قبل ولا بعد ولا انا عابد ما عبدتم خمسة ولا انتم عابدون ما اعبد نفس بالزبط بالحرف الاية تلاتة - 00:21:51ضَ

قالوا التكرار ده ولا انتم عابدون ما اعبد؟ الاية تلاتة والاية خمسة للتوكيد. لكن في ناس قالوا لأ ما فيش تكرار للمعنى لان ازا اعتبرنا السياق هنجد ان ما فيش تكرار. ليه بقى - 00:22:19ضَ

الاية تلاتة كانت بترد على العرض بتاعهم تعال نعبد معك الهك سنة بدون شرك وتعبد انت معنا اصنامنا سنة ده اللي هو توحيد الاديان بقى الرد عليها كان ايه لا اعبد ما تعبدون ولا انتم عابدون ما اعبد - 00:22:35ضَ

لا اعبد ما تعبدون في المستقبل مش هيحصل اني اعبد العبادة دي. ولا انتم عابدون ما اعبد في المستقبل لان اللي بتقولوه ده مش مقبول مش اوضة ديني اصلا انما الاية خمسة - 00:23:03ضَ

ولا انا عابد ما عبدتم ولا انتم عابدون ما اعبد. يعني انا عمري ما عبدت الهتكم في الماضي ولا هعبدها في المستقبل ولا انتم بتعبدوا الله اصلا. لو انتم فاكرين ان دي عبادة صحيحة يبقى انتم بتحلموا. انتم ما كنتوش اصلا بتعبدوا باخلاص - 00:23:20ضَ

ابدا طيب وبعدين بعد المفاصلة الشديدة دي وما فيش فايدة لان احنا مش هيكون عندنا مرونة في العقيدة ابدا. ابدا. مش هيحصل حلوا بقى عن دماغنا لكم دينكم ولي دين - 00:23:42ضَ

يلا مع السلامة انتم لكم طريقتكم واسلوبكم في العبادة اللي ما يناسبناش لكم دينكم وانا لي خلي بالك دايما هنا الحديس هنا دايما عن النبي لوحده. ودي من الحاجات اللي توقف عندها المفسرين كتير - 00:24:03ضَ

ليه لكم دينكم مش مش مسلا لكم دينكم ولنا ديننا اولا ده كان في الفترة الاولانية من الدعوة قبل الجهر بالدعوة فلو بقى الكلام بصيغة الجمع فوكأن المسلمين كتير وموجودين في كل بيت والكلام ده هيعمل نوع من انواع الايه - 00:24:22ضَ

التسخين او الاستفزاز لهم دلوقتي على المسلمين والمسلمين الموجودين معزمهم لسة مستخبيين لم يعلنوا فالكلام كله عن هو النبي عليه الصلاة والسلام بس. هم جم يفاوضوا النبي والنبي بيرد عليهم. خلص الموضوع. هو هو بيمثلنا هنا - 00:24:42ضَ

وكلمة دين اصلا يعني طريقة لكم دينكم طريقتكم واسلوبكم في العبادة اللي ما يناسبنيش ده ولي دين انا لي ديني انا لي الدين اللي ربنا اختاره اللي ما بيتغيرش عبر الزمان - 00:25:01ضَ

ولي دين اصلها ولي ديني وحذفت الياء للتخفيف. يعقوب فقد الامام يعقوب يقرأها. يقول لكم دينكم ولي ديني ويمد حركتين في الوصل وفي الوقف لكن غير كده كله آآ ايه الياء محذوفة للتخفيف. طيب - 00:25:19ضَ

حد فكر ليه؟ النبي ما قالش لي ديني ولكم دينكم. ليه بدأ بهم هم لكم دينكم ولي ديني. طب مش ينفع كان يقول لي ديني ولكم دينكم بداية الصورة كانت ازاي - 00:25:42ضَ

بداية السورة قل يا ايها الكافرون لا اعبد ما تعبدون يبقى بدأ هو بلية ديني. بدأ بالكلام عن دينه هو. لا اعبد ما تعبدون ولا انتم عابدون ما اعبد. وبعد كده اتكلم عن دينهم هم - 00:26:01ضَ

اديني انا في البداية مع العرض لما سمع العرض انا مش بساوم فيه. لان العرض والمساومة جاية من عندهم هم. فبدأ الكلام عن دينه هو والاول لكن في اخر السورة قال لهم لكم دينكم - 00:26:21ضَ

وبدأ بهم هم. ولي دين انتم احرار في دينكم. تغيروه كل شوية تغيروا لونه تخلوه مقلم. انتم احرار في دينكم لكم دينكم اعملوا اللي انتم عايزينه تأسروه تطولوه تفردوه تكوه انتم احرار. بس انا ديني بقى - 00:26:36ضَ

هو الباقي دون تغيير. فبيختم به ولي دين يعني ايه برضو؟ يعني بيسيب الباب مفتوح لكم دينكم ولي دين برضه الباب مفتوح اللي يفكر يترك دينه وييجي يدخل ديني كما هو كده دون مساومة اهلا وسهلا. ان ما كانش - 00:26:57ضَ

مع السلامة ببساطة. شف الصورة معناها قصيرة جدا لكن فيها كم من المعاني ومن الاصرار على عدم قبول المساومات في عقيدة الاسلام ونتوقف هنا الليلة وبذلك تم بحمد الله تدبر سورة الكافرون وغدا نتدبر سورة النصر - 00:27:20ضَ

اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. الله - 00:27:47ضَ

اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعل - 00:28:05ضَ

انا نحبك بكل قلوبنا ونرضيك بكل اجسادنا. اللهم اجعل حبنا كله لك والساعة عين كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته. وحسناتكم - 00:28:35ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف فيه كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعل - 00:29:07ضَ

اللهم في نحورهم فانت الوكيل ولا حول ولا قوة الا بك. اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع اخواننا في تركستان الشرقية وفي الشام وفي كشميرا وفي - 00:29:28ضَ

في الهند وانصر كل من نصرهم واخذل كل من خذلهم وطهر المسجد الاقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا - 00:29:48ضَ

به او حاملا له فالبسه ثوب الصحة والعافية عاجلا غير اجل. ومن لم يصب به فقه شره. وابعده عنه ولا تسلطه على اعدائك واعداء دينك واعداء اوليائك. اللهم انك تعلم ان هذه القلوب قد اجتمعت على كتابك وعلى - 00:30:08ضَ

على محبتك والتقت يا ربنا على طاعتك وتوحدت على دعوتك وتعاهدت على نصرة شريعتك اتق اللهم رابطتها وادم مدها واهدها سبلها واملأها بنورك الذي لا يخبو واشرح صدورها بفيض الايمان بك وجميل التوكل - 00:30:28ضَ

واحييها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. والسلام عليكم ورحمة الله وبركاته نراكم غدا بازن الله في نفس هذا الموعد ان كنا من اهل الدنيا - 00:30:48ضَ