Baheth

عليكم ورحمة الله وبركاته. اهلا بحضراتكم في المقطع رقم سبعمية سبعة وتلاتين من مقاطع حظر التجول والحلقة الثامنة والستون من حلقات تدبر سورة البقرة. ارجو من حضراتكم يجيبوا المصاحف تدبرنا امبارح قول الله تعالى في الاية متين واربعتاشر اقرا معي كده الاية ميتين واربعتاشر - 00:00:00ضَ

اعوذ بالله السميع العليم من الشيطان الرجيم ام حسبتم ان تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين امنوا امنوا معه متى نصر الله - 00:00:30ضَ

الا ان نصر الله قريب وقلنا كده ده كده فيه تلميح ان القتال قادم الكلام عن الزلزلة والنصر فاتنا بقى نفهم ازاي الرسول عليه الصلاة والسلام والذين امنوا معه يقولوا متى نصر الله - 00:00:59ضَ

ده يعتبر استبطاء للنصر يعني اللي بيقول كده شايف ان نصر ربنا يعني تأخر وبيستعجله وهذا لا يليق بالرسول عليه الصلاة والسلام ركز بقى في الكلام في فئتين الرسول عليه الصلاة والسلام فئة لوحده. والذين امنوا معه مجموعة منفصلة - 00:01:22ضَ

وفي قولين اتقالوا متى نصر الله؟ ده قول والقول التاني بيرد على القول الاولاني اللي بيقول الا ان نصر الله قريب اقرا بقى وركز حتى يقول الرسول والذين امنوا معه متى نصر الله الا ان نصر الله قريب. يبقى - 00:01:45ضَ

الذين امنوا معه وقالوا متى نصر الله؟ قول الرسول هو الا ان نصر الله قريب يبقى الذين آآ استبطأوا النصر لانهم تعبوا وزلزلوا ونسائهم هوجموا ونسائهم اضطروا يقاتلوا للدفاع عن نفسهم. وهم بردانين يعني الاحاديث اللي وردت يعني حديث نعيم ابن مسعود وارد انه يعني يعني قال فيه ان - 00:02:10ضَ

كان الجو برد لدرجة ان مش قادرين يقوموا من مكانهم بردانين ومرهقين بقى لهم شهر بدون نوم بيحرسوا الخندق فشعروا ان النصر تأخر فطلعت منهم متى نصر الله؟ رد عليهم الرسول عليه الصلاة والسلام الا ان نصر الله قريب - 00:02:38ضَ

اقرا بقى معي متين وخمستاشر ومتين وستاشر تعالى نقرا متين وخمستاشر ومتين وستاشر يسألونك ماذا ينفقون؟ قل ما انفقتم من خير فللوالدين والاقربين واليتامى والمساكين بكيني وبني السبيل وما تفعلوا من خير يعلمه الله - 00:02:59ضَ

وما تفعلوا من خير فان الله به عليم. انا اسف اقرا ستاشر كتب عليكم القتال وهو كره لكم. وعسى ان تكرهوا شيئا وهو خير لكم. وعسى ان تحبوا شيئا وهو شر لكم. والله يعلم وانتم لا تعلمون - 00:03:34ضَ

فصل باية الانفاق بين الاية اللي فيها تلميح بالقتال وبين اية فرض القتال ولم يذكر في انواع الانفاق الانفاق في سبيل الله اللي هو المتعارف عليه ان هو انفاق على تسليح الجيوش - 00:04:02ضَ

لان القتال له نفقات. هناك اسلحة ودروع وخيول وجمال ونفقات لاسر المقاتلين الفقراء اللي هيتركوا اسرهم شهور لم يذكر هذا النوع من الانفاق لان لسه ما كانش فرض القتال لكن بعد كده لما فرض القتال ربنا قدم الجهاد بالمال على الجهاد بالنفس - 00:04:18ضَ

شعور بقى في سورة التوبة ربنا سبحانه وتعالى قال انفروا خفافا وثقالا وجاهدوا باموالكم وانفسكم في سبيل الله ذلكم خير لكم ان كنتم تعلمون الجذب النفس ليس فرضا على كل الناس - 00:04:43ضَ

يعني على الرجال فرض وليس على النساء وان كان في نساء يعني جاهدن واظهروا بطولات لكن مش فرض عليهم الجهاد بالنفس فرض على الرجال الاصحاء بعض الرجال مش فرض عليهم يعني مسلا في سورة الفتح - 00:05:04ضَ

اه ربنا بيقول ليس على الاعمى حرج ولا على الاعرج حرج ولا على المريض حرج وطبعا فيه كلام برضو في مسألة بقى ايه فرض عين ولا فرض كفاية وحالة ان يكون المجتمع المسلم هو اللي اللي بيهاجم ويعني - 00:05:23ضَ

فيها قصة تانية. لكن مش هنخش في الحتة الفقهية دي. لكن حتى الفقراء حتى الفقراء لا يجب عليهم الجهاد بالنفس وده شيء من اعجب ما يمكن. ليه بقى الجيوش كلها في العالم قايمة على الفقراء اصلا - 00:05:41ضَ

يعني الظالم هم آآ آآ يقوم جايب ولاد الفقراء والطبقة المتوسطة ويرميهم في الجيش ويضحي بهم في الحروب للدفاع عن ابناء الطبقة الغنية ده على مر التاريخ اما في الاسلام الاغنياء هم الذين يقاتلون ويضحون بارواحهم لحماية الفقراء - 00:06:01ضَ

اقرا بقى معايا الاية من اعجب ما يمكن التوبة واحد وتسعين ليس على الضعفاء ولا على المرضى ولا على الذين لا يجدون ما ينفقون حرج يعني الفقرا اللي مش لاقيين نفقة يطلعوا بها الجهاد - 00:06:25ضَ

ما فيش عليهم حرج. خلاص ما تطلعوش. امال مين اللي هيقاتل؟ الاغنياء يقاتلوا ويجاهدوا بانفسهم ويضحوا بارواحهم لحمايتكم هذا لم يحدث في التاريخ في اي مكان في العالم لذلك قدم الله الجهاد بالمال. على الجهاد بالنفس لانه - 00:06:45ضَ

مفروض في الاية دي يعني طبعا. لان مفروض على الجميع رجال ونساء وحتى قالوا حتى على الفقير ممكن يشارك ولو بربع جنيه. بنص جنيه بحيس يبقى له سهم في الجهاد - 00:07:04ضَ

قال رسول الله صلى الله عليه وسلم من جهز غازيا فقد غزى اللي يجهز مقاتل بياخد اجر كأنه هو بنفسه اللي قاتل نرجع للاية بقى متين وخمستاشر هم سألوا النبي قالوا له ايه؟ ننفق ايه - 00:07:18ضَ

ننفق ايه ؟ يسألونك ماذا ينفقون قل ما انفقتم من خير فللوالدين والاقربين واليتامى والمساكين وابن السبيل وما تفعلوا من خير فان الله هذه عليم فبيسألونك يسألونك كثرة السؤال مش حاجة حلوة - 00:07:43ضَ

احيانا بيبقى منزرة او رياء او استعراض لكن في حالة الصحابة الجيل الاول المرحلة اللي بيتأسس فيها المجتمع المسلم وبينزل فيها تعليمات من ربنا وبتنزل فيها تشريعات وبتنزل فيها قوانين - 00:08:06ضَ

كسرة سؤالهم دليل على حرصهم الشديد جدا على فعل كل شيء بطريقة ترضي الله ودليل على استعدادهم انهم يغيروا اي شيء تعودوا عليه لارضاء الله يعني الواحد لما يكون متعود على حاجة - 00:08:23ضَ

يبقى خايف يفتح الموضوع ده احسن تصدر تعليمات بشأن اللي هو متعود عليه ده وتبقى فيه تعليمات جديدة متعبة او هو مش متعود عليها فيقول لك ايه اسكت بقى ما تجيبش سيرة الموضوع ده خلينا كده زي ما احنا خلينا مستريحين احسن بعدين تصدر تعليمات تانية متعبة - 00:08:42ضَ

هبة لا هم اللي بيستنطقوا النبي عليه الصلاة والسلام عشان يؤكد لهم هم صح ولا محتاجين يغيروا اي شيء فدي اول حاجة كلمة يسألونك لما تصدر عن الصحابة لأ لها معنى جميل - 00:08:59ضَ

يسألونك ماذا ينفقون؟ قل ما انفقتم من خير فللوالدين والاقربين واليتامى والمساكين وابن السبيل هم سألوا ينفقوا ايه ماذا ينفقون بسرعة وباختصار قل ما انفقتم من خير. خير يعني لازم تنفقوا خير. يعني مال حلال - 00:09:16ضَ

مال حلال؟ قال رسول الله صلى الله عليه وسلم ان الله طيب لا يقبل الا طيبا طيب الطيب هو ما اه اه اه ما ينفع يعني يعني الانسان ويكون حلال ويكون شيء جيد - 00:09:43ضَ

هو فيه حاجة ويجوز ان الانسان يطهر ماله من الحرام فممكن انسان يخرج الحرام اللي في ماله وربنا بيقبل ده كتطهير مال يعني مسلا انت بتشتغل في فندق والفندق بيبيع خمور - 00:10:09ضَ

فانت بتعرف كده من ميزانية الفندق النهائية اخر السنة. ان الفندق كسب عشرة في المية مسلا آآ من ارباحه من بيع الخمور والباقي من تأجير الغرف بيع الوجبات ومن الخدمات الحلال - 00:10:28ضَ

فتيجي تخرج عشرة في المية من مرتبك كل شهر تطهير مال الى ان تجد عمل حلال بالكامل لكن وارد لانك مضطر ان انت تبقي على عملك ده اللي فيه جزء حرام وتطهر المال بانك تخرج الجزء الحرام - 00:10:43ضَ

في مالك وتاخد ثواب تطهير المال وده ما يتحسبش من الزكاة. لكن ما ينفعش ان انت تتاجر في الحرام وتنفق من هذه التجارة على الخير. لأ. ربنا لا يقبل هذا المال. ما ينفعش واحدة تشتغل رقاصة وتقول ما انا ما اقدرش ابطل رقص عشان انا فاتحة بيوت. وباصرف على - 00:11:02ضَ

ايتام لأ ده غير مقبول ان الله طيب لا يقبل الا طيبا تمام؟ طيب يسألونك ماذا ينفقون قل ما انفقتم من خير بترد. على سؤال ماذا ينفقون خلاص ثم الاية تكمل وتصحح لهم اهتماماتهم - 00:11:26ضَ

وتقول لهم المفروض برضو تسألوا تنفقوا على مين يقول لهم ان كان الواجب تسأله عن ده كمان ما هو خلي بالك جيل الصحابة ده جيل قرآني فريد على فكرة فيه كتاب اسمه جيل قرآني فريد - 00:11:48ضَ

دوروا عليه هذا الجيل تربى على القرآن اللي رباه هو القرآن يسألونك ماذا ينفقون قل ما انفقتم من خير فللوالدين والاقربين واليتامى والمساكين وابن السبيل يعني اولى الناس بالانفاق اول حد مين؟ الوالدين - 00:12:07ضَ

لانهم سبب وجودك في الدنيا هم السبب التاني السبب الاول هو الله لكن السبب التاني في وجودك ابوك وامك يبقى لازم تنفق عليهم حتى تسد حاجتهم ما ينفعش يبقى انت مستواك - 00:12:30ضَ

اه اه غني وابوك او امك او هم الاتنين مستواهم اه اقل منك تسد حاجتهم ويبقوا مغنيين. بمعنى مستغنيين عن طلب اي من اي حد والاقربين اقاربك بما فيهم زوجتك واولادك واولاد اولادك. طب ما هو الوالدين من الاقربين - 00:12:46ضَ

ليه ما زكروش الاقربين وخلاص؟ للوالدين ذكر منفصلين لاهميتهم. فكان لازم يميزوا وبعدين الاقربين مش بس الاقارب الاقربين بردو عن القريبين منك في العمل في السكن بيشوفوا عليك النعمة ظاهرة - 00:13:09ضَ

وهم ممكن يكونوا محرومين او فقراء وهم اولى الناس انك تعطيهم من الفقراء الاخرين اللي مش قريبين منك في بلد مجاورة مسلا او في شارع تاني او يعني طب ايه الفرق بين الفقرا دول والفقرا دول هما الاتنين فقرا - 00:13:32ضَ

احنا قلنا ان تعاليم القرآن وهي قوانين لكنها تختلف عن قوانين الدنيا الوضعية. قوانين الوضعية اللي شرعها الانسان بهدف تحقيق العدالة والمصلحة ان شريعة ربنا تحقق العدالة والمصلحة وكمان تصلح العلاقات الانسانية بين الناس - 00:13:49ضَ

تعالج الحسد تعالج الحقد انت لما يكون معك فلوس ولك جار فقير. هتقول لي ازاي انا معي فلوس وجاري فقير! يا سيدي جارك ده ممكن يكون البواب ممكن يكون بواب بتاع عمارة تانية كمان في الشارع - 00:14:16ضَ

فانت ازا لك جار حد قريب منك بيشوفك كل يوم وفقير ده المفروض تعطيه اول واحد تعطيه وكل شوية تجيب له اكل وتجيب ملابس له ولاولاده عشان يحبك عشان ما يحقدش عليك - 00:14:29ضَ

شف سيدنا علي بن ابي طالب بيقول الناس عبيد الاحسان لما تحسن لهم الاحسان ده بيستعبدهم يعني عبيد بمعنى وكأنك استعبدتهم باحسانك. مش انت ما اشترتهمش. لكن باحسانك انت اشتريتهم - 00:14:49ضَ

يسألونك ماذا ينفقون قل ما انفقتم من خير فللوالدين والاقربين واليتامى والمساكين وابن السبيل. طب ما زكر اليتامى ليه ما اليتامى داخلين في المساكين لا مش بالضرورة ممكن يتيم يكون وارس سروة - 00:15:12ضَ

الله! طب وده انفق عليه؟ ايوة طبعا ده اكيد هننفق عليه برضه. ليه اليتيم ده عبارة عن طفل اول حاجة لازم يكون طفل لانه الرسول عليه الصلاة والسلام قال لا يتم بعد احتلام - 00:15:30ضَ

فبعد البلوغ خلاص ما فيش ريتم اذا هو طفل بلا اب بيشوف اطفال الشارع كل واحد جاي له لعبة هدية من ابوه وملابس جديدة في العيد من ابوه هذا الطفل محتاج حنان من - 00:15:47ضَ

رجل عشان ينضبط عنده ما يسمى في علم النفس بالتعلق انت لما تدي له هدية او عيدية عشرة جنيه جديدة كده عشرين جنيه جديدة كده عيدية ازا بتدي ولاد اخواتك وتدي ولادك تدي عيدية للطفل اليتيم حتى لو طفل غني جدا - 00:16:04ضَ

انت قمت بدور الاب البديل وده يفيده في نموه العقلي وغياب الاب البديل ده قد يسبب الحاد او حتى شزوز جنسي. ايه رأيكم بقى بعد البلوغ انا بكلمكم بالعلم يعني فيه كتاب عندي هنا في المكتبة اسمه - 00:16:26ضَ

عقيدة من لا اب له كاتبو دكتور اظن اسمه بول فيتس وده آآ ازن كان رئيس هيئة الصحة النفسية الامريكية من اكبر علماء النفس في امريكا وجاب في الكتاب قصة عتات الالحاد - 00:16:46ضَ

من كارل ماركس لنيتشا لفرويد لتوماس هوبز كلهم يا اما فاقدين الاب في الصغر او علاقتهم بابوهم فاسدة وهم اطفال كان علاقتهم مش موجودة بابوهم او نتيجة الوفاة او نتيجة ان الاب فاسد - 00:17:05ضَ

يسألونك ماذا ينفقون قل ما انفقتم من خير فللوالدين والاقربين واليتامى والمساكين السبيل المساكين جمع مسكين وهو الفقير الذي اسكنه الفقر يعني مش يعني يعني الفقير مش بالضرورة يكون شديد الفقر. الفقير هو واحد مفتقر يعني عنده عجز في ميزانيته - 00:17:25ضَ

ممكن يكون مرتبه خمستاشر الف جنيه في الشهر. بس عنده مصاريف كتيرة بيصرف على ابوه وعلى امه وعلى اخواته وعلى وعلى آآ زوجته وعلى ولاده فهو محتاج الفين تلاتة فوق الخمستاشر الف دول ده اصبح فقير. لانه مفتقر انما المسكين ده اسكنته الحاجة - 00:17:51ضَ

ده ده يعني اللي هو مش لاقي وابن السبيل المسافر لانه قد يكون غني في بلده لكنه وهو ماشي وهو مسافر محتاج طعام محتاج شراب خلال سفره فيعطى فبرضو سبحان الله ده ممكن يكون غني فكأنك بترد جزء من مال الاغنياء للاغنياء. لما يحتاجوا زي فكرة التأمين او التكافل - 00:18:11ضَ

طيب قالوا ان الاية دي كانت قبل نزول ايات الزكاة ونسخت لأ هناك رأي اخر انها غير منسوخة وانها بتتكلم عن الصدقات عن النوافل. يعني ما يزيد على مقدار الزكاة. والدليل اولا ان الوالدين ليسوا من مصارف الزكاة - 00:18:35ضَ

حتى لو فقراء لانهم اصول والاصول يجب اعطاءهم. والاصول والفروع يجب اعطاؤهم من غير مال الزكاة. لا يحسب مال الزكاة عليهم. عليهم والدليل التاني بقى باقي الاية يا جماعة وما تفعلوا من خير فان الله به عليم - 00:18:57ضَ

اذا هذا الانفاق في السر والله يعلمه والزكاة فرض مش بالضرورة تبقى في السر. انت ممكن تعلق يافطة تقول انا فلان الفلاني وباخرج زكاة مالي يوم كزا. على من انه يتصل بي او يملى ابليكيشن او يبعت جواب. مسلا انت من حقك. ده زكاة - 00:19:16ضَ

ما فيش فيها ما فيش فيها اصرار بالعكس احنا عايزينك تعلن انك بتطلع زكاتك عشان الناس كلها تاخد لكن النافلة يعني الزيادة ده يبقى في السر تمام؟ طيب اقرا معي متين وستاشر - 00:19:37ضَ

كتب عليكم القتال وهو كره لكم. وعسى ان تكرهوا شيئا وهو خير لكم. وعسى ان تحبوا شيئا وهو شر لكم. والله يعلم وانتم لا تعلمون قبل الهجرة كان ممنوع حد يرد بعنف - 00:19:53ضَ

على عنف الكفار لانه ما كانش المسلمين مستعدين المواجهة واي قرار بعنف او باتخاز موقف عنيف او قتال لابد من ازن والا هيوقع المجتمع المسلم كله في مشكلة. طيب كان المسلمين مأمورين بايه - 00:20:12ضَ

كف اليد الم تر الى الذين قيل لهم كفوا ايديكم ما حدش يمد ايده ثم اذن لهم بالقتال في سورة الحج اذن للذين يقاتلون بانهم ظلموا وان الله على نصرهم لقدير. اذن - 00:20:34ضَ

الازن جه للي الذين يقاتلون للناس اللي بتقاتل انهم ظلموا عشان هم مظلومين يقدروا بقى يقاتلوا ويدافعوا ويعملوا ويردوا صاع وان الله على نصرهم لقدير اما الاية متين وستاشر مش اذن بقى لا ده فرض - 00:20:59ضَ

فرض فيها القتال فرضا متين وستاشر وشوف الفرق كتب عليكم القتال وهو كره لكم وعسى ان تكرهوا شيئا وهو خير لكم. وعسى ان تحبوا شيئا وهو شر لكم. والله يعلم وانتم لا تعلمون - 00:21:20ضَ

طب ليه كتب فعل مبني للمجهول قال لك لانه مش مكتوب على الكافرين، ده مكتوب على المؤمنين يبقى من امن بالله قد رضي بالله مشرعا يعني رضي بتشريعات الله ورضي بفرائض الله - 00:21:41ضَ

فهو كتب على نفسه هذه الشريعة بالتالي كتب معناها هنا الله كتب عليك يا من كتبت على نفسك قبول شرعه فهنا الله كتب وانت كتبت على نفسك ايضا يبقى اللي كتب الله سبحانه وتعالى - 00:22:05ضَ

وانت الله لم يجبرك فانت كتبت على نفسك لما امنت ان هذا نظامك وهذا قانونك وانت ملتزم به نظام ربنا في هذه الدنيا هو حرية الاختيار حتى بين الحق والباطل - 00:22:26ضَ

والحساب يوم الحساب اللي هيختار الباطل هيتحاسب يوم الحساب مش هيتحاسب في الدنيا على كده اما في هذه الدنيا فانت اللي بتختار طريق الحق او طريق الباطل. وبالتالي كتب هنا قالوا معناها - 00:22:41ضَ

الله كتب وانت ايضا كتبت على نفسك. كتب اللي بيهاجموا الاسلام وبيقولوا المسلمين بيحبوا الحرب ويحبوا القتال وسفاكين دماء يقولون بالعكس المسلمين ناس مسالمين جدا وربنا اقر في هذه الاية ان المسلمين بيكرهوا الحرب - 00:22:54ضَ

كتب عليكم القتال وهو كره لكم لكن احيانا هتضطروا الى القتال لرفع الظلم عن نفسكم وعن المزلومين والاصل يا جماعة في هذا الموضوع هو ان المسلم يجب ان يلجأ للوسائل السلمية كلها في التغيير - 00:23:16ضَ

اذا فشلت الوسائل السلمية ليس امامه الا الحرب سورة الحديد واضحة وضوح الشمس الاية خمسة وعشرين لقد ارسلنا رسلنا بالبينات وانزلنا معهم الكتاب والميزان ليقوم الناس بالقسط انزلنا الحديد فيه بأس شديد ومنافع للناس. وليعلم الله من ينصره ورسله بالغيب. ان الله قوي - 00:23:37ضَ

عزيز يعني ايه ربنا ارسل الرسل كلهم محمد وموسى وعيسى وابراهيم وكل الرسل بالبينات يعني بالمعجزات وانزل معهم الكتاب جنس الكتب اللي هو جنس الكتاب يعني التوراة والانجيل والقرآن والزابور وصحف ابراهيم وصحف - 00:24:07ضَ

والميزان ميزان معرفة الحق من الباطل كل ده ليه لام التعليل ليقوم الناس بالقسط علشان القسطاس يتحقق في الدنيا العدالة كل امن كل ما ذكر من وسائل لتحقيق القسطاس في الاية وسائل سلمية - 00:24:29ضَ

رسل كتب معجزات وسائل سلمية ما فيش فيها عنف خالص عشان ايه؟ عشان القسطاس يتحقق طب برضه ما تحققش والوسائل السلمية كلها استنفذت ولم يتحقق القسطاس هل نتنازل عن القسطاس من اجل استمرار السلام القائم على الظلم - 00:24:59ضَ

كمل الاية وانزلنا الحديد فيه بأس شديد ومنافع للناس وليعلم الله من ينصره ورسله بالغيب ان الله قوي عزيز يعني مش نافع معهم رسل. ولا معجزات ولا كتب. طب فيه حديد بقى - 00:25:26ضَ

والحديد ده زي ما بيصنع منه منافع للناس الاسانسير والحلة بتاعة الطبيخ بيصنع منه سيف وبيصنع منه درع وبيصنع منه ادفع يبقى الاسلام اختار احلال القسطاس بالسلام بالوسائل السلمية ولكن لازم يبقى السلام ده مبني على العدل - 00:25:45ضَ

لو والا ما يسماش سلام. فلو السلام مش مبني على العد والوسائل السلمية ما جابتش نتيجة في احلال القسطاس لأ في حديد بقى لما نجد بقى شيخ او عالم كنا نحترمه ويخرج قدام متين ملك ورئيس دولة ويقول لهم انا اختلف مع كانت الذي يرى الاولوية للعدالة - 00:26:10ضَ

فانا ارى الاولوية للسلام فالسلام مقدم على الحقوق ده كلام يخالف القرآن ويخالف السنة ويخالف الفطرة السليمة للاسف ان ان فترة كانت اسلم واطهر وانضف من فترة هذا العالم اللي خذل المظلومين والمضطهدين في موقف - 00:26:34ضَ

كانوا يتوقعوا منهم يقولوا الحق في وجه الظالمين. ده قاعد مع متين ملك في الجمعية العامة للامم المتحدة. انطق بقى وقل الحق. حسبنا الله ونعم الوكيل النقطة المهمة جدا هي - 00:26:58ضَ

الاية هي ارجاع الاية بقى ايه؟ متين وستاشر النقطة المهمة هنا هي ارجاع الامر لصاحب الامر قد يكون امر ربنا مش عاجبك قوي مش مستريح له اوي ممكن حد يشعر بكده لكن المفروض ساعتها لما انت تبقى مش مستريح اوي للامر ده. تقول لنفسك ايه - 00:27:11ضَ

كتب عليكم القتال وهو كره لكم. قل بقى لنفسك وعسى ان تكرهوا شيئا وهو خير لكم. وعسى ان تحبوا شيئا وهو شر لكم. والله يعلم وانتم لا تعلمون. لما نفسك مش فاهم ليه ربنا امر بامر معين لازم تشك في علمك انت وتشك في حكمتك انت مش تشك في علم ربنا وفي حكمة ربنا - 00:27:38ضَ

انت مين قدرتك انت على تحديد الحسن والقبيح محدودة جدا والله يعلم وانتم لا تعلمون انت ما تعرفش الخير فين ايوة انتم لا تعلمون حتى لو معكم عشرة دكتوراة كل واحد - 00:28:01ضَ

حتى لو قرأتم الاف الكتب برضه علمكم محدود اللي يضع ثقته في الله وفي علم الله وفي حكمة الله يرضى باقدار الله وباوامر الله. في حلقة في ذكرى وعبرة اتمنى تشوفوها اسمها كيف نجوت من احداث حداشر سبتمبر - 00:28:19ضَ

اننا احد الناجين من احداث حداشر سبتمبر وحكيت ان الفرق كان دقائق في ركوب تاكسي لمجرد ان احنا حاولنا نوقف تاكسي يودينا مركز التجارة العالمي يومها والتاكسيات ما كتش راضية تقف لنا واتأخرنا حوالي نص ساعة - 00:28:45ضَ

كنا متضايقين جدا ونشعر ان برنامجنا في اليوم ده باظ لاننا هنتأخر والبرنامج بتاعنا آآ واللي حصل ان ربنا كان بينقز حياتنا اتفرجوا على الحلقة انا مش عايز اقعد احرق الحلقة لان الانسان احيانا بيحتاج تطبيقات من الحياة العملية عشان يفهم ايات الله - 00:29:01ضَ

خلاصة الايمان بالقضاء والقدر يا جماعة. هو ان الانسان ما يفرحش بالمصلحة ايه اللي بتحصله وما يحزنش على فوات المصلحة لو كان تاكسي وقف لنا من اول دقيقة كنا نبقى فرحانين جدا. غلط كنا نفرح ان طلع عندك غلط. مش ده غلط. طلع ده كان هيتسبب في مقتلنا كلنا - 00:29:18ضَ

احنا التلاتة اللي كنا رايحين وما يحزنش على فوات المصلحة. نص ساعة بنوقف ما فيش تاكسي بيوقف. والوقت عمال يمر. واحنا كده برنامجنا كنا مخططينه باظ ما تحزنش برضو. انت مش عارف - 00:29:39ضَ

الحاجة الكويسة كويسة بجد ولا لأ ؟ ومش عارف الحاجة الوحشة او السيئة هي وحشة فعلا ولا لأ ؟ طب لما انت مش عارف ليه بتفرح لما يحصل لك حاجة كويسة - 00:29:52ضَ

وليه بتحزن لما يحصل لك حاجة سيئة الله! هو احنا لا هنفرح ولا هنحزن كمان! ايوة لو انت عايز الايمان بالقضاء والقدر بجد بقى وانك تستبدل الشعورين دول الفرح والحزن بشعور تالت وهو الرضا - 00:30:07ضَ

الرضا ياما زعلنا على حاجات فاتتنا وبعد مدة اكتشفنا ان فواتها ده كان احسن حاجة حصلت لنا وياما فرحنا بحاجات جات لنا وبعد مدة اكتشفنا اسوأ حاجة حصلت لنا يبقى ليه لسة بنفرح ونزعل؟ نفرح ولا ازعل اومال اعمل ايه ارضى ارضى باللي ربنا يقسمه لك جالك مصلحة ارضى - 00:30:24ضَ

فاتتك مصلحة ارضى. الرضا شعور اكثر ثباتا وافضل كثيرا من الفرح. واللي باقوله ده على فكرة من القرآن. انا مش بألف في العقيدة سورة الحديد الاية تلاتة وعشرين تقول لكي لا تأسوا على ما فاتكم ولا تفرحوا بما اتاكم. كده انت وصلت - 00:30:49ضَ

للايمان بالقضاء والقدر لما حاجة تفوتك ما تق لا تقسى عليها خلص ده قضاء ربنا مين عارف؟ ما يمكن كده احسن لي ولا تفرحوا بما اتوا. وحاجة تاخدها انت كان نفسك فيها وجت - 00:31:09ضَ

خليك هادي قل الحمد لله. ما تفرحش قوي ما حدش عارف. ده ممكن يكون ابتلاء كبير لك خلاص اللهم بلغنا رمضان موعدنا في رمضان في العشر الاوائل غالبا بس وبعد كده هنشوف الوقت عشان انا عندي هنا هو اليوم بيطول ساعتين خلال رمضان - 00:31:26ضَ

انا مش عارف لسة الوقتي يكون عامل ازاي. لكن موعدنا في رمضان هنأخر الساعة واحدة زي ما بنكون احيانا مسافر باخر ساعة. فمواعيدنا في رمضان هيبقى تسعة ونص بتوقيت القاهرة باذن الله عشرة ونص بتوقيت مكة المكرمة والقدس الشريف واسطنبول والمنطقة دية - 00:31:43ضَ

وآآ نتوقفون الليلة. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم - 00:32:01ضَ

اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعبادك الصالحين - 00:32:19ضَ

اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا نرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن كريمة ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا - 00:32:39ضَ

اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف فيه - 00:33:09ضَ

في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرور ونجعلك اللهم في نحورهم فانت الوكيل ولا حول ولا قوة الا بك - 00:33:27ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين واكون مع اخواننا في تركستان الشرقية وفي الشام وفي كاشميرا وفي سريلانكا وفي الهند - 00:33:45ضَ

وانصر يا رب كل من نصرهم واخذل من خذلهم وطهر المسجد الاقصى من الدنس فانهم لا يعجزونك واكتب لنا ختم القرآن فيه. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او - 00:34:01ضَ

من ابائنا او من امهاتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل. ومن لم تصب به فقه شره وابعده عنه ولا تسلطه الا على اعدائك واعداء دينك واعداء اوليائك. اللهم - 00:34:21ضَ

انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورها بفيض - 00:34:41ضَ

ايماني بك وجميل التوكل عليك. واحييها يا ربنا بمعرفتك. وامتها يا مولانا على الشهادة في سبيلك. انك نعم ونعم النصير. وصل اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته - 00:35:06ضَ

ونراكم غدا باذن الله في نفس هذا الموعد ان كنا من اهل الدنيا - 00:35:26ضَ