Baheth

السلام عليكم ورحمة الله وبركاته. اهلا بحضراتكم في المقطع رقم تمنمية وستة من مقاطع حظر التجول والحلقة الثامنة والاربعون من حلقات تدبر سورة ال عمران افتح معي المصحف واقرا معي من الاية مية واحد وسبعين الى الاية مية خمسة وسبعين - 00:00:02ضَ

اعوذ بالله السميع العليم من الشيطان الرجيم يستبشرون بنعمة من الله وفضل وان الله لا يضيع اجر المؤمنين وان الله لا يضيع اجر المؤمنين الذين استجابوا لله والرسول الذين استجابوا لله والرسول من بعد ما اصابهم القرح - 00:00:27ضَ

للذين احسنوا منهم واتقوا اجر عظيم الذين قال لهم الناس ان الناس قد جمعوا لكم فاخشوهم الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل - 00:01:07ضَ

فانقلبوا بنعمة من الله وفضلوا وفضل لم يمسسهم سوء واتبعوا رضوان الله والله ذو فضل عظيم انما ذلكم الشيطان يخوف اولياءه فلا تخافوهم وخافوني ان كنتم مؤمنين كنا امبارح بنتكلم عن الشهداء في الجنة - 00:01:45ضَ

وقلنا كانت اخر اية تدبرناها امبارح ان هم فرحين بما اتاهم الله من فضله ويستبشرون بالذين لم يلحقوا بهم من خلفهم الا خوف عليهم ولا هم يحزنون. يعني مستبشرين ان لهم اخوانهم - 00:02:31ضَ

لم يقتلوا وعايشين ويدافعون عن الاسلام وانهم لا خوف عليهم ولا هم يحزنون لان الذي يقاتل للدفاع عن الاسلام ويتمنى الشهادة ربنا يبلغه منازل الشهداء وان مات على فراشه يستبشرون كمل بقى هات بقى اول اية النهاردة مية واحد وسبعين. يستبشرون برضو نفس الشهداء دول. يستبشرون بنعمة من الله - 00:02:49ضَ

وفضل وان الله لا يضيع اجر المؤمنين الذين استجابوا لله والرسول يبقى صفات المؤمنين انهم يستجيبون لله والرسول. المؤمن هو اللي بيستجيب لله ورسوله. لكن اللي طول النهار عمال يقاوم اوامر - 00:03:14ضَ

واوامر الرسول ده ما ينفعش يوصف بانه مؤمن يعني اللي عنده مقاومة لاوامر ربنا واوامر النبي هو عنده مشكلة في ايمانه ده ده التدبر بتاعي في الاية الحقيقة ومن الاوامر اللي ربنا امر بها بقى - 00:03:33ضَ

بعد غزوة احد الخروج تاني يوم الصبح لمطاردة جيش قريش فيما يعرف بغزوة اسمها حمراء الاسد. وفي ناس بتقولها حمراء الاسد. لكن هي حمراء الاسد ده اللي اعرفه يعني بعد انتهاء معركة احد - 00:03:54ضَ

وقف ابو سفيان تحت الجبل والنبي عليه الصلاة والسلام فوق الجبل ومعه الفدائيين كانوا يقال تلاتين ويقال اربعتاشر بعد انتهاء المعركة فوق الجبل هم وابو سفيان تحت بيقول افيكم محمد - 00:04:13ضَ

النبي قال لا تجيبوه. اهملوه افيكم ابن ابي قحافة اللي هو سيدنا ابو بكر اسمه ابو بكر ابن ابي قحافة اه النبي قال لا تجيبوه ما حدش يرد عليه فيكم عمر - 00:04:29ضَ

برضو النبي قال ايه ما حدش يرد عليهم فالتفت الى اصحابه هو بقى ايه بيستفز وقال لهم اما هؤلاء فقد قتلوا. التلاتة دول خلاص ماتوا لو كانوا احياء لاجابوا فلم يملك سيدنا عمر نفسه. وان فعل وقال له كذبت يا عدو الله. قد ابقى الله لك ما - 00:04:43ضَ

اخزيك ربنا خلى ناس كافية انها تخزيك ازا يعني احنا عايشين فقال اعلو هبل اعلو هبل. فقال رسول الله صلى الله عليه وسلم اجيبوه وقولوا الله اعلى واجل. النبي مش هيسمح انه يتقال - 00:05:05ضَ

هبل وما نردش. فبعد ما كان لا تجيبوه لا تجيبوه قال اجيبوه وقولوا الله اعلى واجل فقال ابو سفيان الا لنا العزى ولا عزى لكم العزى اللي هي الالهة بتاعتهم - 00:05:25ضَ

وقال رسول الله اجيبوه فقولوا الله مولانا ولا مولى لكم لا سواء مش زي بعض لا توجد مساواة بيننا وبينكم قتلانا في الجنة وقتلاكم في النار فابو سفيان قال بقى ودي اللي انا ما قلتهاش المرة اللي فاتت. كان بعيد الحوار ده - 00:05:46ضَ

قال ستجدون في قتلاكم مثلى لم آمر بها ولم تسؤني المثلى يعني التمثيل بالجثث ابو سفيان الحقيقة كان شخصية غريبة جدا في الجاهلية كان عدو قوي جدا للنبي عليه الصلاة والسلام وللاسلام - 00:06:07ضَ

لكن كان عنده مروءة حصل كزا حتى بتوري ان هو عنده امروءة مش زي ابو جهل مسلا يعني يعني كان يضرب النساء وضرب السيدة اسماء بنت ابي بكر وبالقلم على وشها - 00:06:28ضَ

كان يعني كان قزر جدا الحقيقة ابو جهل انما آآ ابو سفيان كان عنده مروءة في كده ناس كانوا كفار بس رجالة فمسلا لما هرقل الروم سأله عن النبي عليه الصلاة والسلام كان فيه قافلة في الشام استدعاه هرقل الروم - 00:06:43ضَ

وسأله عن النبي عليه الصلاة والسلام فقال له كيف نسبه فيكم قال هو فينا ذو نسب يعني من عيلة محترمة وابن ناس كويسين. كده من الاخر يعني قال افأشرف الناس يتبعونه ام ضعفاؤهم؟ قال بل ضعفاؤهم - 00:07:01ضَ

طبعا دي صفات النبي اه الانبياء كانوا كده آآ قال ايزيدون ام ينقصون؟ قال بل يزيدون قال فهل يرتد احد منهم سخطة لدينه بعد ان يدخل فيه قال ابو سفيان لا لا ما بيرتدوش عنده - 00:07:17ضَ

قال فهل كنتم تتهمونه بالكذب قبل ان يقول ما قال قال له قال فهل يغدر ابو سفيان قال لا ونحن منه في مدة لا ندري ما هو فاعل فيها بس احنا طبعا في مدة دلوقتي في كده شد وجزب بينه ما نعرفش يمكن يغدر لكن هو بصراحة ما بيغدرش - 00:07:36ضَ

قال ماذا يأمركم؟ بيأمركم بايه قال ابو سفيان يقول اعبدوا الله وحده ولا تشركوا به شيئا واتركوا ما يقول اباؤكم ويامرنا بالصلاة والصدق والعفاف والصلة يعني صلة الارحام. فطبعا يعني بعد كده لموه يعني الناس في القافلة ناس من قريش قالوا له ايه اللي انت هببته ده اصلا؟ انت رايح تعمل دعاية - 00:07:59ضَ

محمد طالع تشكر فيه بدل ما تزم فيه قال خشيت ان تقول العرب اني كذاب شفتوا المروءة عدو ويقود الجيوش ضده لكنه خصم محترم كان. كفار بس رجالة زي ما باقول لكم - 00:08:22ضَ

في احد بقى اللي حصل ان بعض المجرمين مثلوا بجثث الشهداء. قطعوا مناخيرهم وودانهم واصابعهم وبقوا بطونهم طلعوا الاحشاء منها والحاجة اللي ناس كتير قوي لا تذكرها لانها كئيبة جدا ولان الناس برضه بتستحي انها تقولها لكن ده علم ولابد ان يذكر. حتى لا ننسى - 00:08:38ضَ

وحتى نعرف المعاناة اللي مر بها السلف الصالح الصحابة هم السلف الصالح من اجل هذا الدين من ضمن التمثيل بالجثث كان قطع المذاكير. يعني الاعضاء التناسلية وفعلوا هذا في كثير من الصحابة ومنهم حمزة عم النبي صلى الله عليه وسلم - 00:09:04ضَ

ابو سفيان برأ نفسه من هذه الجريمة. وقال لم امر بها. وبعد كده اخدته الحمية والعصبية وقال ايه؟ ولم تسؤني. انا ما اتضايقتش يعني بس هو اتبرأ نفسه من ده مش قراره وما كانش هو اللي امر به - 00:09:24ضَ

طيب انا ليه قلتها لكم اول حاجة ده علم ولابد انه يعلم. ما ينفعش احنا الحاجة التانية ده عدوك اللي عمل كده انت انت ليه مش عايز تقول عدوك عمل فيك ايه؟ الله - 00:09:38ضَ

الحاجة التانية انا يهمني واحنا بنتدبر الايات اللي عن غزوة احد يبقى عندنا تصور لحالة النبي النفسية هو والصحابة عاملة ازاي حالة الصدمة اللي كانوا فيها لما يعني اتهزموا هزيمة ضخمة ونزلوا شافوا جثث اخوانهم عشرة في المية من الجيش جثث. وكمان شافوهم ممثل بهم - 00:09:51ضَ

الشكل ده هنا اقدر افهم ليه النبي عليه الصلاة والسلام لما وقف وشاف حمزة بالمنظر ده وبكى قال لامثلن بثلاثين منهم تخيل بقى لما واحد يروح يروي يقول النبي قال لامثلنا بثلاثين منهم من غير ما يروي التمثيل اللي حصل بالجسس كان عامل ازاي - 00:10:18ضَ

هتلاقي ناس بتجد في قلبها على النبي برضو يقول لك برضو ما ينفعش برضو دا نبي ما كانش يصح يقول كدا. لأ. لازم نبقى فاهمين الحالة النفسية اللي كان فيها - 00:10:37ضَ

الصدمة الشديدة وهو شايف عمو بالشكل ده مصعب بن عمير جنبه كده مش معقول عبدالله بن حرام مش معقول سبعين صحابي من خيرة الصحابة ممثل بهم بابشع الطرق واقذر الطرق - 00:10:47ضَ

قال لا امثلن بثلاثين منهم. اذا ربنا اظهرني عليهم في يوم من الايام. فنزلت الاية وان عاقبتم فعاقبوا بمثل ما عوقبتم به ولئن صبرتم لهو خير للصابرين ما فيش حاجة اسمها كده. ايه اللي بتلاتين ده! انت مسلم - 00:11:03ضَ

فالنبي عليه الصلاة والسلام كفر عن يمينه وعفا وصبر وقال لهم اذهبوا فانتم الطلقاء لما اصبحوا في ايده بالنسبة للتمثيل بالجثث بقى كمان كانت مجرد كلمة قيلت في لحزة انفعال للتنفيز عن الغضب الشديد - 00:11:24ضَ

قال سمرة بن جندب رضي الله عنه ما قام رسول الله صلى الله عليه وسلم في مقام قط ففارقه حتى يأمرنا بالصدقة وينهانا عن المثلى. النبي كان دايما يأمر الناس بالصدقات وينهى عن التمثيل بالجثث في الحروب - 00:11:43ضَ

يبقى احنا احنا نظامنا كده الناس اللي معنا من خمسة وعشرين جزء دلوقتي احنا نظامنا لما بنيجي في آآ ايات ممكن يكون فيها احداث فيها بعض الشبهات احنا بنطرح الشبهات بنفسنا ومش هنستنى لما حد يرميه علينا عشان نبقى دايما عندنا علم وفاهمين احنا ايه اللي بيثار في - 00:12:06ضَ

دي وازاي نقدر نرد عليك يعني النبي كان دائم النهي عن التمثيل بالجثث كونه بقى قال كده في لحظة انفعال وكفر عن ايه؟ عن يمينه المهم النبي آآ امر دفن القتلى - 00:12:27ضَ

قال النبي انا شهيد على هؤلاء انه ما من جريح يجرح في الله الا والله يبعثه يوم القيامة يدنى جرحه اللون لون انه دم والريح ريح مسك يدفنوهم زي ما هم. ما حدش يغسل حاجة. ما تنزلوش الدم الدم اللي عليهم ده هييجي يوم القيامة ريحته مسك. اتركوهم زي ما هم كده - 00:12:46ضَ

وادفنوها وعمل ايه بقى ؟ قال انظروا اكثر هؤلاء جمعا للقرآن فاجعلوه امام اصحابه في القبر. اتعمل عدة قبور لكن قبور جماعية ومسلا كل اتنين في في لحد في قبر او كده لكن كان النبي يقدم في اللحد اللي حافز قرآن اكتر - 00:13:12ضَ

اخوه ينزل في اللي ايه في القبر بعد كده في البركة بتاعة القرآن بتاع اللي قبله. فالنبي كان بيقدم في اللحد اللي حافز قرآن اكتر الجامع القرآن يعني حافز القرآن. طيب - 00:13:34ضَ

هسألكم بقى سؤال سؤال دلوقتي ركزوا معي يا جماعة. قريش انسحبت من ميدان المعركة ايش عرف النبي والصحابة هم هيطلعوا على مكة ولا يمكن يطلعوا على المدينة ويحتلوها ويسبوا النساء والزراري ذراري يعني الاطفال - 00:13:46ضَ

ويستغلوا فرصة ان الصحابة في احد بيلملموا نفسهم وبيدفنوا الجثة بتاعة الشهداء وهم طالعين هم على المدينة. دي تبقى كارسة عمل ايه بقى النبي؟ بالرغم ان الحالة النفسية والعصبية الصعبة اللي هو والصحابة فيها كان مركز - 00:14:06ضَ

وحاسب الاخطار فورا اول ما شاف قريش بينسحبوا ارسل ولاء وراهم علي ابن ابي طالب وشرح له بدقة ايه المقصود من المهمة بتاعته وعاوزه يلاحز ايه؟ قال له شف لي المتين فارس اللي كانوا بقيادة خالد ابن الوليد هيفضلوا راكبين الحصنة - 00:14:24ضَ

ولا هيركبوا جمال ويسوقوا الحصنة قدامهم خلي بالك يا علي لو ركبوا الجمال يبقى خلاص راجعين على مكة. لكن لو فضلوا راكبين الحصنة ارجع قل لي بسرعة يبقى هم هيتوجهوا الى المدينة. هننزل كل يعني - 00:14:47ضَ

هنسيب الجسس زي ما هي ونطلع على المدينة ننقز النساء والاطفال اللي هناك ما هو ما فيش حصان هيستحمل يركب خمسمية كيلو سيدنا علي طلع لقاهم بيركبوا الجمال وبيسوقوا الحصانة قدامهم. فعلم النبي انهم ايه ؟ الحمد لله مش متوجهين الى المدينة. والا كان هيضطر - 00:15:04ضَ

بسرعة ينطلق هو والصحابة الى المدينة لانقاز من في المدينة ده يورينا ايه عبقرية هذا الانسان نبي وقائد ومفكر ومخطط استراتيجي مش رجل دين قاعد عمال مش درويش نبي فهو معلم وقدوة وقائد يبقى يقظ ومصحصح وذهنه شغال وبيفكر في كل الاحتمالات وعنده خطة لكل احتمال - 00:15:24ضَ

لو طلعوا على المدينة هنعمل كزا ونطلع على طول. لو طلعوا على مكة يبقى هنعمل ايه ونفز الخطة بتاعة لو طلعوا على مكة دفنوا الشهداء. جمع النبي الصحابة. صلوا الضهر - 00:15:55ضَ

وصلى بهم قاعد مش واقف لانه كان مرهق جدا ودايخ من كثرة نزيف الدماء منه انه نزف من وجهه نزف ومن فمه نفى كان مجهد جدا صلى قاعد وصلى وراه الصحابة جلوسا - 00:16:08ضَ

وده حكم انه اذا الامام الراتب مش اي امام الامام الطبيعي بتاع الامة او بتاع المسجد اذا صلى بالناس جالس يصلى يصلي وراه الناس جلوس هم ايضا خلاص ده الامام الراتب لو امام مش راتب يقفوا - 00:16:27ضَ

ليه؟ لان انما جعل الامام ليؤتم به بعد ما صلوا الضهر النبي جمعهم ودعا دعاء طويل دعا وهم يؤمنوا وراه ثم رجع المدينة ده علمنا ايه وعلم الصحابة ان الدعاء عبادة قائمة بذاتها - 00:16:50ضَ

مطلوب في ساعة النصر وفي ساعة الهزيمة ايضا الدعاء بيجعل القلوب متعلقة بالخالق بيملأ القلوب سكينة وثبات ويطمئن القلوب الدعاء والتواصل مع الله بيرفع بيرفع الروح المعنوية تمام؟ طيب وبعدين - 00:17:10ضَ

عمل حاجة عبقرية. ايه بقى غزوة احد دي كانت يوم السبت خمستاشر شوال على صلاة الضهر كانوا بيدفنوا الجسس وبيصلوا واضح انها بدأت الصبح بدري والعملية ما خدتش وقت طويل ساعتين تلاتة - 00:17:32ضَ

دفنوه وصلوا الضهر ورجعوا. رجعوا على على العصر كده في المدينة آآ طبعا هو النبي عليه الصلاة والسلام امر بدفن الشهداء في احد مطرح ما قتلوا فحتى اللي كان اهله شالوا جثته وحملوها الى المدينة رجعوها تاني - 00:17:51ضَ

عشان يدفنوا جميعا مع بعض في احد تاني يوم بقى تاني يوم الصبح يوم الحد ستاشر شوال من العام الثالث من الهجرة صلوا الصبح ونادى المنادي الى الجهاد سنخرج مع رسول الله صلى الله عليه وسلم في طلب العدو - 00:18:08ضَ

الا لا يخرجن معنا احد الا من حضر يومنا بالامس. ما حدش يطلع معنا ممنوع اي مخلوق ما كانش حاضر في احد امبارح يطلع معنا ممنوع ليه بقى النبي اراد فقط الناس اللي حضرت الهزيمة امبارح وعندهم تروما. عندهم صدمة من اللي حصل - 00:18:30ضَ

صدمة من اللي حصل ومن منازر الشهداء المشوهة اجسادهم ارادوا ان هم دول فقط اللي هيخرجوا يطاردوا قريش. ودي ده علاج نفسي لحالة الصدمة اللي عندهم واحد بس اخد استثناء - 00:18:59ضَ

جابر بن عبدالله بن حرام ابوه يوم احد الصبح قال لي بص يا ابني انت عندك سبع اخوات بنات. وقيل تسعة وما لهمش راجل غير انا وانت فما ينفعش نخرج احنا الاتنين - 00:19:17ضَ

بحيس لو قتلنا هم هيعيشوا ازاي لوحدهم من غير ما يكون معهم راجل يجري على اكل عيشه فانت بقى ايه اتركني اطلع انا ايه لعلي انال الشهادة وعايز المهم ايه ضغط على ابنه ابنه اللي قعد وخرج هو واستشهد في احد - 00:19:34ضَ

اسمه عبدالله بن حرام تاني يوم لما خرجوا حمراء الاسد بقى نادى المنادي بالخروج ما حدش يخرج الا اللي خرجوا في احد راح جابر وترجى النبي انه يسمح له يطلع معهم. يعني الفتني احد. سبني اخرج معك بقى في حمراء الاسد - 00:19:51ضَ

فاذن له النبي. ده الوحيد اللي خرج معهم وما كانش في احد امبارح حتى الجرحى خرجوا متسندين على بعض شايلين بعض حتى الجرحى ما عدا امه عمارة كانت مجروحة تلتاشر جرح غائر وبعض الجروح سببت حمى وارتفاع حرارة كانت حالتها صعبة اوي. يعني كانت يعني كانت بتموت. بس ما ماتتش يعني - 00:20:09ضَ

ما خرجتش معهم المهم المسلمين خرجوا يطاردون جيش قريش عايز اقول لكم ان عبدالله بن ابي بن سلول زعيم المنافقين اللي رجع بتلتمية راجل واحد قبل المعركة في احد رجع بتلتمية راجل. ده راح وطلب من النبي انه يأذن له ويخرج معهم في حمراء الاسد فالنبي رفض - 00:20:35ضَ

لا خلاص يعني دلوقتي المنافقين لما وجدوا ان معظم الصحابة خلاص بخير ولم يقتلوا ولم يستأصل الاسلام بدأوا يغيروا اسلوبهم ويزهروا وكأنهم مسلمين برضه وعندهم حمية وطالعين ينتقموا للقتلى حركات - 00:20:56ضَ

المهم خرج الصحابة اللي حضروا مع النبي عليه الصلاة والسلام الى منطقة اسمها حمراء الاسد تنازل فيهم قول الله تعالى اقرا معي مية اتنين وسبعين الذين استجابوا لله والرسول من بعد ما اصابهم القرح - 00:21:16ضَ

للذين احسنوا منهم واتقوا اجر عظيم للذين احسنوا منهم واتقوا معناها ايه هو في ناس في المجموعة دي ما كانوش محسنين ومتقين؟ لأ كلهم كانوا محسنين ومتقين قال لك منهم دي من هنا ليست للتبعيض. التبعيض يعني مش بعض الناس والبعض الاخر حاجة تانية. لأ - 00:21:38ضَ

مش معناها ان بعض اللي خرجوا في حمراء الاسد احسنوا واتقوا والبعض لأ لأ مش معناها كده قال لك من هنا للبيان يعني ايه بقى يعني من هنا منهم دي مش مقصود بها الذين استجابوا لله والرسول. لأ ده مقصود بها المؤمنين اللي - 00:22:05ضَ

في الاية اللي قبلها ازاي بقى اقرا معي من اخر الاية مية واحد وسبعين وانت تفهم ان وان سانية واحدة وان الله لا يضيع اجر المؤمنين الذين استجابوا لله والرسول - 00:22:27ضَ

من بعد ما اصابهم القرح للذين احسنوا منهم يعني من الذين امنوا من المؤمنين من عامة المؤمنين. اللي احسن من المؤمنين واتقوا اجر عظيم. مش من الذين استجابوا خلاص؟ الذين استجابوا دول هم دول اللي احسنوا واتقوا من المؤمنين. فهمنا؟ طيب - 00:22:45ضَ

النبي عليه الصلاة والسلام بقى ايه اقام في حمراء الاسد تلات تيام بيتحدوا قريش ليه حرب نفسية والحرب النفسية دايما بتسبق الحروب العسكرية كل يوم المسلمين يدبحوا خمس ست جمال ويقضوا الليل ويولعوا نيران فالنبي امر بتوليع خمسمية نار في مساحة - 00:23:09ضَ

عشان يخوف جيش قريش وكأن العدد رهيب الناحية التانية ويشعرون ان عددهم كبير وان هم طالعين بعدد رهيب والكلام ده كله. مع ان هو خارج بنفس العدد بتاع احد بس ابو سفيان ما يعرفش كده - 00:23:33ضَ

ابو سفيان شاف ركب يعني عدد قليل من الناس راكبين رايحين المدينة يشتروا الميرة. الميرة يعني التموين اسمهم ركب عبدالقيس اقول لهم بصوا لما تعدوا على المسلمين اقفوا عند الجيش بتاعهم - 00:23:47ضَ

وقولوا لهم ابو سفيان واقف بالجيش بتاعه وناويين يهاجموكم ويستأصلوكم علشان يخافوا وينسحبوا يعني هتعملوا خير انتم لو عملتوا كده وخوفتوهم مش هيحصل قتال وما حدش هيموت. يعني هتاخدوا سواب. اعملوا كده - 00:24:05ضَ

والسنة الجاية لما تيجوا سوقوا عكاظ في مكة ابقوا عدوا علي هديكم الزبيب ببلاش خلاص فعلا عبدالقيس والركب اللي معه آآ وهم في طريقهم للمدينة عدوا على معسكر المسلمين وقالوا لهم خلوا بالكم - 00:24:23ضَ

اقرا الاية مية تلاتة وسبعين. الذين قال لهم الناس ان الناس قد جمعوا لكم فاخشوهم فزادهم ايمانا سانية واحدة كده الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل - 00:24:38ضَ

بيخوفوهم بان قريش جمعت نفسها واستعدت وستعيد الهجوم عليكم. فبدل ما المسلمين يخافوا قالوا حسبنا الله الله ونعم الوكيل وازدادوا ايمانا الذين قال لهم الناس ان الناس الناس هنا هم اللي هم الركب القليل عبد العبد القيس ده. ماشي؟ وممكن معه واحد ولا اتنين - 00:25:04ضَ

قالوا لهم الناس اللي هم بقى ايه جيش جيش ابو سفيان جيش قريش. قد جمعوا لكم فاخشوهم فزادهم ايمانا وقالوا حسبنا الله ونعم الوكيل فانقلبوا بنعمة من الله وفضل لم يمسسهم سوء. واتبعوا رضوان الله والله - 00:25:31ضَ

فضل عظيم. يقول احد الصالحين عجبت لمن خاف كيف لا يفزع الى قوله حسبنا الله ونعم الوكيل لان الله عز وجل يقول بعقبها فانقلبوا بنعمة من الله وفضل لم يمسسهم سوء - 00:25:52ضَ

حسبنا الله يعني الله يكفينا ونعم الوكيل يعني لا يوجد افضل من الله. نتوكل عليه ونعتمد عليه اخر ما قاله سيدنا ابراهيم عليه الصلاة والسلام. قبل ان يلقى في النار هو حسبنا الله ونعم الوكيل. في صحيح البخاري - 00:26:15ضَ

حديث عن ابن عباس قال كان اخر قول ابراهيم حين القي في النار حسبي الله ونعم الوكيل كان اثرها ايه بقى ربنا قال للنار قلنا يا نار كوني بردا وسلاما على ابراهيم - 00:26:38ضَ

وارادوا به كيدا فجعلناهم الاخسرين. ونجيناه ولوطا الى الارض التي باركنا فيها للعالمين ووهبنا له اسحاق ويعقوب نافلة وكلا جعلنا صالحين بس المهم انها مش مجرد كلمة بتقال باللسان هذه عقيدة في القلب. ده جبريل راح لسيدنا ابراهيم وهو في المنجنيق بيرموه في النار قال له - 00:27:01ضَ

الك حاجة قال اما لك فلا انما من ربنا علمه بحال يغنيه عن سؤاله. انما انت لأ مش عايز منك حاجة سيدنا جبريل يروح لواحد يقول له عايز اي حاجة يقول له مش عايز حاجة منك؟ - 00:27:29ضَ

ده معنى التوكل على الله مش ما بيحطش سقته الا في الله شوفوا بقى الفرق بين الصحابة اللي اعصابهم كل ده في احد وقالوا حسبنا الله ونعم الوكيل وازدادوا ايمانا - 00:27:43ضَ

وبين مسلمين النهاردة اللي من اول ضربة او من اول امتحان تجد كتير منهم بينهار في الامتحان ويقول انا زعلان من ربنا هو بيعمل فينا كده ليه ويضيع سوابه ويضيع قيمة - 00:27:59ضَ

نانو ده تضييع للايمان انما ذلكم الشيطان يخوف اولياءه. فلا تخافوهم وخافوني ان كنتم مؤمنين الاية دي لها تفسيرين الاول ان معناها الشيطان بيخوفكم باولياؤه اللي هم الكفار فما تستسلموش للحرب النفسية. انما ذلكم الشيطان يخوف اولياءه. يعني يخوفكم انتم - 00:28:13ضَ

بالاولياء بتوع الشيطان. اللي هم شياطين الانس المعنى التاني ان الشيطان بيخوف اولياؤه هو فعلا اللي هم المنافقين اللي من جواهم عارفين ان الاسلام هو الطريق الصحيح لكنهم بيعملوا حساب للمصالحهم الدنيوية. واللي ممكن يخسروه نتيجة وقوفهم مع الحق. فالشيطان بيخوفهم من - 00:28:45ضَ

نتيجة الوقوف مع الحق فيبقى الانسان من دول عارف ان ده الحق ويقف ضده عشان هو خايف الشيطان خوفه على مصالحه الدنيوية انما ذلكم الشيطان يخوف اولياءه فلا تخافوهم وخافوني ان كنتم مؤمنين - 00:29:10ضَ

بدل ما تخافوا من الكفار وبدل ما تخافوا على مصالحكم الدنيوية خافوا من ربنا. لو انتم بالفعل مؤمنين. انا هنا عاوز اتوقف بقى عند حكمة النبي عليه الصلاة والسلام الخروج بالمسلمين اللي انهزموا في احد فقط الى حمراء الاسد - 00:29:33ضَ

لان في الحقيقة النبي عليه الصلاة والسلام لم يكن يريد ان يقاتل قريش ولم يكن المسلمين مستعدين اوي لقتال قريش. الا نفسيا لكن برضه كانوا في حالات تعبانة. يعني يعني نقصوا عشرة في المية سبعين واحد وجرحى - 00:29:53ضَ

الدليل انا ليه بقول كده ان النبي ما كانش يريد انه يقاتل زي ما ابو سفيان مارس الحرب النفسية وارسل مع ركب عبدالقيس رسالة تخويف للمسلمين لعل المسلمين ينسحبوا النبي ايضا ارسل لقريش رسالة تخويف - 00:30:15ضَ

النبي عليه الصلاة والسلام وصله من المخابرات ان في وسط جيش قريش فيه رأيين الرأي بيتزعمه ابو سفيان وهو عدم العودة الى مكة والعودة الى قتال المسلمين مرة اخرى. جولة اخرى لازم. عشان قريش تحقق اهداف الغزوة - 00:30:38ضَ

لانهم لحد دلوقتي لا دخلوا المدينة ولا خدوا اسرى ولا خدوا حاجة فما فيش حاجة تشرف يدخلوا بها مكة هيوروهم ايه انهم قطعوا آآ ودانهم ايه الهبل ده! فقال لك ما فيش حاجة تشرف اخش بها مكة. هنخش نستعرض الانتصار ازاي - 00:31:02ضَ

الرأي التاني بيتزعمه صفوان ابن امية قال لهم يا قومي اخشى ان الدائرة تدور عليكم والنصر الذي في ايديكم يروح منكم وتنهزموا. فانا ارى ان احنا نكتفي بالنتيجة اللي حققناها جيدة - 00:31:21ضَ

وندخل مكة كده بدل ما ندخلها مهزومين قال النبي ارشدهم صفوان. يعني بيفكر صح ما فيش شاب اسمه معبد ابن ابي معبد الخزاعي. الشاب ده هو واهله ساكنين في المنطقة دي خارج المدينة - 00:31:40ضَ

لو تفتكروا قبلها بتلات سنين النبي عليه الصلاة والسلام وهو في طريق الهجرة هو وابو بكر قبل ما يوصلوا يثرب مروا بخيمة امرأة اسمها ام معبد اللي هو معبد ده - 00:31:59ضَ

وطلبوا منها يشربوا لبن من الشاة قالت لهم الشاة ما فيش في بطنها لبن دي احنا عالم ده احنا مش لاقيين حاجة. احنا في مجاعة هنا فالنبي مسح على ضهر الشاة وحلبوها ملأت الاناء وشربوا كلهم وكان دي كانت في احداث الهجرة - 00:32:11ضَ

المهم معبد ده بقى وهم في حمراء الاسد راح يعزي النبي في القتلى فاسلم النبي امره يكتم اسلامه ما حدش يعرف خالص انه اسلم وقال له عدي على ابو سفيان - 00:32:28ضَ

وخوفه فراح قابل ابو سفيان وقال له رأيت محمدا قد خرج في اصحابه يطلبكم في جمع لم ارى مثلهم. ايه ده يتحركوا يتحرقون عليكم تحرقا. يعني محروقين على حربكم هيتجننوا ويحاربوكم - 00:32:48ضَ

وقد اجتمع معه من كان تخلف وبقى معه الناس اللي تخلفت عنه تزاكرهم سبعمية لا ده المدينة كلها طالعة والنبي كان بيولع نار خمسمية نار بالليل فيبان ان المعسكر كبير اوي - 00:33:08ضَ

ولهم عليكم من الحنق ما لا رأيت مثله. ومتغاظين منكم جدا قال ويلك انظر ما تقول انت بتتكلم جد ولا ايه وقال والله ما ارى ان تركب حتى ترى نواصي الخيل - 00:33:25ضَ

ولقد حمل حملني ما رأيت منهم على ان قلت ابياتا في ذلك فانشد. يعني انا شايف انك تركب وتطلع جري على مكة ما تقعدش هنا خالص ما تستناش ده انا اللي شفته خلاني اقول شعر وقال له كده ايه كان بيت شعر منهم - 00:33:43ضَ

كادت تهد من الاصوات راحلتي اذ سالت الارض بالجرد الاماثيل. يعني الراحلة بتاعتي او الركوبة اللي انا راكبها ان كان راكب حمار راكب آآ آآ بغلة راكب ايا كان. كانت هتقع هتموت من الخوف من كثرة - 00:34:04ضَ

الرواحل والخيول والجمال اللي راكبها الناس اللي مرينا بهم جيش رهيب جيش عرمرم يعني فعزيمة ابو سفيان اتكسرت وخاف وقرر يرجع على مكة بدون قتال المهم هو طب لو النبي عليه الصلاة والسلام مش عاوز يقاتل خرج ليه - 00:34:24ضَ

انا النهاردة استشرت متخصصين في علم النفس. يعني يعني اطباء علم نفس. في وشرحت احداث احد بالتفصيل لو وصلنا الى ان غزوة حمراء الاسد اللي اصر ما يخرجش معه فيها الا المجموعة التروماتيزد بتوع امبارح بتوع احد. المجموعة المصدومة يعني عندهم - 00:34:47ضَ

بعصبية من الهزيمة اللي حصلت ومن المنزر بتاع الصحابة اخوانهم الممثل بهم اللي مفتوح بطنهم اللي متبهدلين ناس عندها صدمة فدي كانت جلسة علاجية نفسية من طرق العلاج ان الانسان لما يقع عليه ضرر شديد او زلم شديد - 00:35:13ضَ

يخرج يواجه بعدها علشان ما تحصلوش عقدة نفسية من الزالم اللي زلمه ويبدأ يتقبل الزلم بعد كده. فلما يحاول يواجهه ويرجع حتى لو ما حصلش معنوياته بترتفع وبيقدر يدخل جولات تانية ضده بعد كده. بدل ما يجي له عقدة نفسية منه تجعله دايما شاعر بالانهزام - 00:35:34ضَ

ومش قادر يتحمل مواجهة مع هزا الطرف اللي قدر يضغط عليه جامد خلاص؟ اقول قولي هذا واستغفر الله لي ولكم اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة - 00:35:58ضَ

لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين - 00:36:20ضَ

واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل - 00:36:42ضَ

القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون - 00:37:10ضَ

بحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيدوا لنا ولا هم واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا - 00:37:40ضَ

اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين اللهم سدد رميهم وخيب رمي عدوهم واقبل شهداءهم. وكن مع اخواننا في تركستان الشرقية - 00:38:00ضَ

وفي الشام وفي كشميرا وفي سريلانكا وفي الهند وانصر من نصرهم واخذل من خذلهم وطهر المسجد الاقصى من الدنس فانهم لا يعجزونك واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت على كتابك - 00:38:22ضَ

على محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها واهدها ها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا - 00:38:42ضَ

يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير صلي اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته. ونراكم غدا بازن الله - 00:39:07ضَ

هذا الموعد ان كنت - 00:39:26ضَ