Baheth

السلام عليكم ورحمة الله وبركاته. اهلا بحضراتكم في المقطع رقم تمنمية واربعتاشر من مقاطع حظر التجول وفي الحلقة الاولى من حلقات تدبر سورة النساء العلماء قسموا سور القرآن الى الطوال والمئين والمثاني والمفصل - 00:00:00ضَ

الطوال سبعة السبعة الطوال هم البقرة وال عمران والنساء والمائدة والانعام والاعراف الانفال والتوبة تقول لي دول تمانية باقول لك اعتبروا الانفال والتوبة صورة واحدة لعدم وجود البسملة بينهم. فيه علماء لهم علماء العدد. اعتبروا الانفال والتوبة صورة واحدة - 00:00:34ضَ

فدول السبعة الطوال المئين كل سورة عدد اياتها مائة او تزيد حاجة بسيطة او تنقص شوية من اول سورة يونس من بعد التوبة من يونس لغاية سورة العنكبوت يعني احنا لما بدأنا التدبر من تمنمية واربعتاشر يوم بدأنا بالمئين وفوتنا السبعة الطوال - 00:00:57ضَ

تمام؟ طيب من يونس الى العنكبوت عشرين سورة تقريبا عكاي المثاني المثاني من اول الروم لغاية الفتح تسعتاشر صورة النوع الرابع يبقى الطوال المئين المثاني. النوع الرابع العلماء سموه المفصل اللي هو كل الباقي - 00:01:26ضَ

المفصل لسرعة الفصل بين صوره بالبسملة. البسملة فاصل بيسموه المفصل. يعني في في فواصل كثيرة ينقسم الى طوال المفصل او اوسط المفصل قصار المفصل اللي بنسميها قصار السور طوال المفسر من الحجرات الى النبأ - 00:01:48ضَ

تسعة وعشرين صورة اوسط المفصل من النبأ الى الضحى خمستاشر صورة المفصل او قصار السور من الضحى الى اخر القرآن الى سورة الناس اتنين وعشرين سورة. احنا بفضل الله تدبرنا كل - 00:02:13ضَ

كل المثاني كل المفصل وتدبرنا من السبع الطوال البقرة وال عمران والاعراف. لان احنا كنا رجعنا خدنا الاعراف معنا واحنا في المثاني كده باقي لنا النساء وهنبدأها الليلة بازن الله. لكن هتطول معنا شوية في حدود - 00:02:30ضَ

شهرين ثم المائدة ثم الانعام ثم الانفال ثم التوبة نبدأ بقى سورة النساء. ان شاء الله. بسم الله الرحمن الرحيم سورة النساء سورة مدنية ترتيبها في المصحف رقم اربعة بعد الفاتحة - 00:02:51ضَ

وبعد البقرة وال عمران فهي الفاتحة البقرة ال عمران النساء. رقم اربعة في ترتيب المصحف في ترتيب النزول هي تقريبا سادس صورة تنزل في المدينة. من قلنا سورة سادس سورة يعني بدايتها بدأت - 00:03:12ضَ

السادس صورة وقلنا الصور بالزات المدنية والطوال قعدوا سنوات ينزلوا. لكن باقول سادس يعني السادس آآ مقطع كان في بنحسب الصورة ببداية الصورة نزل امتى ؟ عدد اياتها مية ستة وسبعين اية في خلاف فيهم على فكرة في بين علماء العدد - 00:03:30ضَ

لانه بيجمعوا بعض الايات بيدمجوهم مع بعض. فالبعض قال مية وسبعين. البعض قال مية اربعة وسبعين. البعض قال مية خمسة وسبعين. لكن يعني ايه الجمهور على انها مية ستة وسبعين اية - 00:03:50ضَ

ما فيش اي خلاف ولا كلمة ولا حرف يعني لكن هو ادماج الايات احيانا بعضهم بيعتبر ايتين يعتبرهم اية واحدة مية ستة وسبعين اية كلهم نزلوا في المدينة ما عدا اية واحدة هي الاية تمانية وخمسين - 00:04:03ضَ

اللي هي ان الله يأمركم ان تؤدوا الامانات الى اهلها. واذا حكمتم بين الناس ان قوموا بالعدل هذه الاية نزلت في مكة يوم الفتح يبقى الاية دي مدنية ولا مكية؟ - 00:04:23ضَ

اكتبوا لي كده في التعليقات الاية دي نزلت يوم الفتح في مكة يبقى الاية دي مدنية ولا مكية؟ عايز اشوف كده بتكتبوا ايه في التعليقات مم الناس اللي على الفيسبوك يكتبوا لي والناس اللي على اليوتيوب يكتبوا لي بشوف تعليقات انتم الاتنين بس - 00:04:47ضَ

المدنية والمكية لما اية تنزل في مكة يوم الفتح مكية ولا مدنية؟ مدنية برافو عليكو اللي قالوا مدنية برافو عليك. ليه بقى؟ قلنا يا جماعة احنا نزامنا ماشيين عليه المكي القرآن المكي ما نزل قبل الهجرة - 00:05:04ضَ

وموضوعاته موضوعات التربية والعقيدة والمدني هو ما نزل بعد الهجرة. حتى لو نزل في مكة خلاص؟ طبعا فيه علماء ما بيقولوش كده. لكن احنا ماشيين على هذا النظام من اول ما بدأنا يعني - 00:05:20ضَ

وده افضل تقسيم في رأيي يعني طبعا آآ اسماء سورة النساء لها تلات اسماء فقط. قلنا فيه سور لها اسماء كثيرة مسلا الفاتحة لها خمسة وعشرين اسم آآ وهكزا اه صورة اه قل هو الله احد لها برضه حوالي تلاتة وعشرين اسم - 00:05:36ضَ

النساء لها تلات اسماء فقط اول اسم هو النساء وهو الاسم الاشهر والمستخدم في المصاحف والدليل هو كلام السيدة عائشة في صحيح البخاري لما قالت ما نزلت سورة البقرة وسورة النساء - 00:05:59ضَ

وسورة النساء الا وانا عنده. يعني بعد ما تزوجني النبي نزلت سورة البقرة وسورة النساء الاسم التاني هو سورة النساء الكبرى او سورة النساء الطولى يعني الطويلة. ليه؟ لان سورة الطلاق تسمى سورة النساء الصغرى او - 00:06:19ضَ

النساء القصوى. وده ورد في كلام ابن مسعود الاسم التالت وده سماه بعض المفسرين زي الطبري والرازي والانباري قالوا سموها السورة التي يذكر فيها النساء يعتبر اسم نلاحظ ان التلات اسماء لم يخرجوا عن النساء - 00:06:43ضَ

وده ان الصورة مليئة بالاحكام الخاصة بالنساء فالنساء قبل الاسلام كانوا محتقرات الى درجة كبيرة يعني ليس فقط ان المرأة كانت لا ترث بل هي نفسها تورس المرأة كانت تورس زي الفرس زي الجمل - 00:07:04ضَ

كأنها متاع من متاع البيت طبعا مش مش كل القبائل كانت بتعمل كده لكن كان في ناس بتعمل كده وده مش في الثقافة العربية فقط لا كثير من الثقافات او معظم الثقافات كانت تضطهد المرأة - 00:07:26ضَ

البعض مسلا الفرس ما كانوش يضطهدوا المرأة. لكن معزم الثقافات كانت تضطهد المرأة وفيه ناس تحب قوي تدافع عن العرب ايام الجاهلية ويقولوا لأ العرب ما كانوش بيسيئوا معاملة النساء ويضربوا المسل ان كان فيه نساء قويات غنيات زي السيدة خديجة هذه كانت حالات استثنائية - 00:07:40ضَ

ايا جدا لكن العرب بشكل عام كانوا بيضطهدوا المرأة الاوروبيين اكتر من اضطهد المرأة اصلا. الى وقت قريب جدا اصلا فكرة ان المرأة بعد الزواج تأخذ لقب عائلة زوجها يعني تفقد لقب عيلتها هي - 00:08:03ضَ

وتاخد لقب عيلة زوجها ده اصلا نوع من الاستعباد. لان الرجل لما كان يشتري عبد العبد بياخد اسم عائلة المالك. يعني مسلا عبد اسمه مسلا كنتاكي انت اشتراه واحد امريكي اسمه مسلا مستر - 00:08:26ضَ

سميث واتسون. فالعبد يبقى اسمه كونتا واتسون. ياخد اسم عائلة المالك كذلك بقى مستر واتسون ده لما يتجوز واحدة بيضا وامريكية ومسيحية اسمها مسلا سونيا جوردن يبقى اول الماء تبقى زوجته تفقد اسم عيلتها وتبقى اسمها سونيا وواتسون زي العبد بالزبط - 00:08:44ضَ

اقول لكم على حاجة اكتر من كده؟ هنا في انجلترا الازواج كانوا بيبيعوا زوجاتهم زي العبيد لغاية بداية القرن العشرين حاجة مذهلة اتفضلوا ادي صورة اهي ليه يعني رجل بيبيع زوجته - 00:09:11ضَ

في لندن هنا دي صورة اترصدت من حوالي متين سنة. في القرن التسعتاشر لبيع الزوجات. لكن في مؤرخ اسمه اه جيمس برايس كتب في اوائل القرن العشرين ان بيع الزوجات كان مستمر حتى هذا الوقت - 00:09:35ضَ

بل في محاضر الشرطة في مدينة ليدز ليدز تاني اكبر مدينة في آآ انجلترا في عام الف وتسعمية وتلتاشر زوجة عملت ريبورت عملت بلاغ للشرطة ان زوجها باعها لزميله في العمل بجنيه استرليني واحد - 00:09:53ضَ

طبعا المشاركة السياسية والتصويت في الانتخابات ده امر كان مستحيل اضطرت النساء لتكوين حركات تحرر اضطروا يلجأوا للعنف اعتقلت نساء كثيرات ورفعوا قضايا في المحاكم اخدوا حقهم في امريكا سنة الف تسعمية وعشرين لما كسبوا القضية اللي هم الجماعة اللي هم السفرجت - 00:10:16ضَ

وفي بريطانيا سنة الف وتسعمية تمانية وعشرين اول تصويت للنساء في فرنسا الف وتسعمية اربعة واربعين اول تصويت للنساء في سويسرا سويسرا الف وتسعمية واحد وسبعين في دولة العدل والاحسان - 00:10:41ضَ

التي كان يرأسها محمد بن عبدالله صلى الله عليه وسلم وعاصمتها المدينة قبلهم بالف وربعميت سنة النساء ادلت باصواتها مشاركة سياسية بدون سورة نسائية وبدون اعتقالات ولا تكسير زجاج محلات ولا محاكم ولا ولا ما حد يمن عليهم - 00:11:04ضَ

اصلا ان ده حق المرأة اللي الله سبحانه وتعالى اعطاه لها سورة النساء سورة كلها علاقات. علاقة الرجل بالمرأة بالله بالمجتمع بالعالم كله يعني علاقة الانسان بالانسان رجال ونساء وعلاقة الانسان بالله - 00:11:29ضَ

علاقة الانسان بالمجتمع علاقة الانسان بالمجتمع الدولي كمان. هنشوف هزا الكلام بطريقة يعني حاجة من اغرب ما يمكن الحقيقة. صورة عزيمة جدا الوحي سواء القرآن او السنة نقول الوحي الوحي بينقسم الى قرآن وسنة. سنة تشريعية وحي - 00:11:53ضَ

الوحي بيتعامل يا جماعة مع الانسان طولا وعرضا وعمقا ده كلام الشيخ القرضاوي عجبني جدا كلامه ده في كتاب كيف نتعامل مع القرآن العظيم؟ وده من اعظم الكتب اللي ممكن حد يقراها. هم في كتابين - 00:12:11ضَ

بنصح بهم دايما كيف نتعامل مع القرآن العظيم؟ وكيف نتعامل مع السنة النبوية المطهرة؟ الاتنين للشيخ القرضاوي عايز اقول لكم الكتابين دول غيروا حياتي خاصة كتاب كيف نتعامل مع السنة النبوية. وهو اسهل اسهل كتير اوي. من كيف نتعامل مع القرآن العزيم - 00:12:30ضَ

الوحي يتعامل مع الانسان طولا وعرضا وعمقا ازاي الوحي بيتعامل معك بالطول من قبل ما ابوك وامك يتجوزوا اصلا بيقول لكل واحد فيهم يختار التاني ازاي اظفر بذات الدين تربت يداك. قلت له ايه؟ اذا ان جاءكم من ترضون دينه وخلقه فزوجوه. فيقول لهم ازاي يختاروا ايه؟ بعض - 00:12:50ضَ

هو بيتعامل معك من قبل ما انت تتولد وبعدين لما يخلفوك برضو فيه طريقة في التعامل معك. الدين بيقول لهم السنة ايه؟ يأذنوا في ايدنا ودنك اليمين ويقيموا الصلاة في الشمال - 00:13:19ضَ

بيسموك امتى لو انت ولد يختنوك لو آآ العقيقة نزام كله حقك عليهم ايه؟ لك حقوق عليهم. وانت طفل رضيع ايضا الدين بيتعامل معك وبيحط لك نظام وبيحط لك حقوق والرداعة - 00:13:36ضَ

والفطام ثم لما تشب يعني اما تبقى شاب او تبقي شابة يا شابة حقوقكم حقوقكم على ابائكم برضه ايه. ثم يقول لك بقى لما انت تبقى شاب وشابة كده حقوقهم هم عليك انت ايه - 00:13:54ضَ

حقوق الوالدين عليك انت ايه وبعدين يقول لك ازاي انت بقى تختار شريكة حياتك ونرجع تاني من الاول وياخدك كده الوحي ماشي معك لغاية ما تموت او تموتي وبيقول للي حواليكم يعملوا ايه بعد ما انتم تموتوا - 00:14:13ضَ

يغسلوكم ازاي هيكفنوكم ازاي هيصلوا عليكم ازاي ويعملوا لكم ايه ويدعوا لكم ازاي وكل حاجة فالوحي واخدك بالطول في كل مراحل حياتك كل بقى مرحلة من مراحل حياتك دي الوحي بينزمها لك بالعرض - 00:14:30ضَ

فانت في لحزة معينة انت اب وانت اخ في نفس الوقت يقول لك انت عامل ازاي مع اخوك؟ وانت ابن تقول لك ازاي اتعامل مع ابوك او امك وانت زوج انت عايز تتعامل ازاي مع زوجتك - 00:14:47ضَ

وانت يا زميل في العمل ازاي تتعامل مع زميلك انت رئيس او مرؤوس جار كل ده ففي كل مرحلة في طول حياتك في عرض الدين برضه بينزمه لك الوحي بيتعامل معك بالطول وبالعرض وبالعمق. ازاي بقى بالعمق؟ يعني بيتعامل معك كجسد وكروح وكقلب - 00:15:03ضَ

ده مشاعر تعالوا نبدأ سورة النساء اعوذ بالله السميع العليم من الشيطان الرجيم بسم الله الرحمن الرحيم يا ايها الناس اتقوا ربكم يا ايها الناس اتقوا ربكم الذي خلقكم من نفس واحدة - 00:15:26ضَ

وخلق منها زوجها وبث منهما رجالا كثيرا ونساء واتقوا الله الذي تساءلون به والارحام ان الله كان عليكم رقيبا واتقوا الله الذي تساءلون به والارحام ان الله كان عليكم رقيبا - 00:15:53ضَ

احنا لسه طالعين من ال عمران اخر اية كانت بتأمرنا بايه الصبر والتقوى فاكرين اخر اية اهي يا ايها الذين امنوا اصبروا وصابروا ورابطوا واتقوا الله لعلكم تفلحون طب ليه نتقي الله - 00:16:18ضَ

بيقول لك خد الاهلي اللي بعدها. يا ايها الناس اتقوا ربكم الذي خلقكم من نفس واحدة. وخلق منها زوجها وبث منهما هما رجالا كثيرا ونساء واتقوا الله الذي تساءلون به والارحام ان الله كان عليكم رقيبا - 00:16:42ضَ

صح؟ طيب يبقى خطاب للناس كلها ودي اول مفاجأة في سورة النساء ان النداء يا ايها الناس عادة بيجي في القرآن المكي قبل الهجرة اما المدني فيخاطب المؤمنين بيا ايها الذين امنوا لكن هنا النداء - 00:17:01ضَ

للناس كلها يا ايها الناس يعني يا كل الناس مش النداء هنا ليس للمؤمنين فقط المؤمنين يا ايها الذين امنوا بيجي نداء عشان الاحكام الفقهية الحلال والحرام لكن هنا نداء للناس جميعا اتقوا ربكم. ليه - 00:17:27ضَ

ان هو اللي خلقكم الذي خلقكم. هي دي محتاجة سؤال يا ايها الناس اتقوا ربكم الذي خلقكم يعني ايه اتقوا ربكم؟ يعني اتقوا غضب ربكم اتقوا عقاب ربكم غضب ربكم او عقاب ربكم. الانسان لما يتقي انسان بيبعد عنه. علشان لا يناله منه اذى. اما تقوى الله تكون بالقرب من الله. ده - 00:17:45ضَ

كلما اقتربت من الله كلما تجنبت غضب الله عقاب الله تقوى الله تكون بارضاء الله وبذكر الله تقوى الله تكون بحب الله قلنا ان حب الله المهم هو ان الله الله هو اللي يحبك - 00:18:12ضَ

لا يكفي ان انت تبقى بتحب الله. لا يكفي ابدا. قلنا عندنا رقاصات بيحبوا ربنا وانا مصدق ان هم بيحبوا ربنا. كان هذا لا يكفي المهم هل ربنا بيحبهم ولا لأ؟ هل ربنا بيحبك ولا لأ - 00:18:35ضَ

هو ده المهم فلازم تبحث عن الصفات اللي ربنا بيحبها في الانسان. وتتصف بها. والصفات اللي ربنا يكرهها في الانسان وتبتعد عنها يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجال - 00:18:49ضَ

كثيرا ونساء او الرسالة اتقوا الله. تاني رسالة الذي خلقكم. يعني اول حاجة علاقتكم اول بند من بنود العلاقة بالله هي ان الله هو الخالق تالت رسالة كلكم اخوات كلكم ولاد نفس الاب ونفس الام - 00:19:12ضَ

يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء كلكم اخوات يا ايها الناس كلكم اخوات. سيدنا علي ابن ابي طالب كان يقول الناس صنفان اما اخ لك في الدين او نظير لك في الخلق - 00:19:33ضَ

ما فيش فضل للابيض على الاسود ولا للرجل على المرأة ولا للغني على الفقير يا ايها الناس اتقوا ربكم الذي خلقكم من نفس واحدة وخلق منها زوجها. وبث منهما رجالا كثيرا ونساء - 00:19:58ضَ

الاصل واحد ادم ومنه حواء ومنهما وبث منهما رجالا كثيرا ونساء بث يعني نشر بث يعني نشر الفراش المبثوث يعني الفراش المنتشر في كل مكان. لما بتنظر على الفراش ليه بيطير بس مش زي الطيور. الطيور كلها بتطير في نظام واحد في اتجاه واحد - 00:20:16ضَ

لكن الفراش بيبقى مبثوث يعني بيطير في كل اتجاه اهو انا عندي فيديو جبته لكم عشان اوريكم يعني ايه مبثوث. يعني ايه فراش بيطير الفراش اللي بيتجمع اللي هو بيسميها العتة اللي بتتجمع حوالين النور او حوالين النار. استنوا بصوا اهو - 00:20:40ضَ

اتفضلي ما اعرفش الصوت بتاعي طالع ولا لأ لكن يعني مبثوث يعني بيطير في كل اتجاه. في كل اتجاه ربنا بس بس منهما من ادم وحواء رجالا كثيرا ونساء يعني نشرهم نشر ذرية ادم وحواء - 00:21:01ضَ

في الارض كلها هذا دليل اتحاد المصدر مصدر الرجال والنساء مصدر واحد مصدر الشعوب اللي في الارض مصدر واحد وخلي بالك هنا في هذه الاية المقصود خلقكم من نفس واحدة وخلق منها زوجها يبقى ادم وحواء - 00:21:26ضَ

لانه ورد مرتين وجعل منها زوجة اللي هي مسلا في سورة الاعراف بصوا في سورة الاعراف اه هو الذي خلقكم من نفس واحدة وجعل منها زوجها ده مش ادم وحواء - 00:21:48ضَ

ليه ؟ كمل ليسكن اليها فلما تغشاها حملت حملا خفيفا فمرت به فلما اثقلت دعا والله ربهما لان اتيتنا صالحا لنكونن من الشاكرين وبعدين فلما اتاهما صالحا جعلا له شركاء - 00:22:21ضَ

فيما اتاهما فتعالى الله عما يشركون. ده مش ادم وحواء ادم وحواء لم يشركها بالله الكلام هنا عموما عن الانسان اللي ربنا جعل له زوجة وطول ما هم محتاجين ربنا وعاوزين حاجة من ربنا بيتقوا ربنا وبيدعوا ربنا وبيتضرروا - 00:22:45ضَ

الى الله واول ما يعطيهم يشركوا بالله. فده كلام رمزي عموما سورة الزمر ايضا سورة الزمر الاية ستة خلقكم من نفس واحدة ثم جعل منها زوجها جعل منها زوجها. وانزل لكم من الانعام ثمانية ازواجه يخلقكم في بطون امهات - 00:23:01ضَ

اتيكم خلقا من بعد خلق مقصود بها الناس عموما الناس عموما اما في اية النساء المقصود هنا هو ادم وحواء ادم وحواء يا ايها الناس اتقوا ربكم الذي خلقكم من نفس واحدة وخلق منها زوجها. وبث منهما رجالا كثيرا - 00:23:23ضَ

طب ليه قال رجالا كثيرا ونساء ما قالش ليه ونساء كثيرات فيها اراء كتيرة اوي في التفسير لكن اللي اقنعني بصراحة ان الموضوع في النهاية خالص المتعلق بالبلاغ المقصود رجالا كثيرا ونساء كثيرات - 00:23:48ضَ

لكن بتؤلم في الاذن لانها مش بليغة فحذفت كثيرات لانها مفهومة من السياق خلاص. رجالا كثيرا ونساء ونساء كثيرات الشيخ الشعراوي بيقول خاصة وانه عادة الذكور اقل من النساء. فلما يقول رجالا كثيرا يبقى اكيد نساء كثيرات مش محتاج يقولها - 00:24:13ضَ

من الناحية البلاغية كده افضل يعني والله اعلم خلي بالك من حاجة كل اللي انت عمال تسمعه مني ده والتدبر ده ده احتمال ده اللي بيعني الي دي رسائل بتيجي الى قلبي - 00:24:32ضَ

رسائل بتيجي كل الاراء اللي بتسمعوها دي كل يا جماعة الردود على الاسئلة هي ليست ردود. هي محاولات للرد. الحقيقة والحق انا اعرفه بقى يوم القيامة لكن لابد ان احنا باستمرار نحاول نطلب العلم نحاول نفكر نحاول نعرف - 00:24:47ضَ

واتقوا الله الذي تساءلون به والارحام. ان الله كان عليكم رقيبا. سبب اخر يجعلك تتقي الله وهو انك بتستخدم ربنا في الحلفان اصلا انت بتستحلف الناس بربنا يعني انت بتستفيد من ربنا بانك تطلب من الناس بالله تقول له بالله عليك اعطيني كزا - 00:25:03ضَ

معقول تستحلف الناس به وانت بتغضبه معقول تستحلف الناس دي وانت مش معترف به متخيل لو واحد مسلا عاق لابوه وامه وكل ما يكلم اخواته يقول لهم طب وحياة بابا. طب وحياة ماما انت يا ابني اصلا مضايقهم اصلا. انت اصلا عاق. بصرف النزر بقى ده حرام ولا حلال واحد يحلف بغير الله؟ انا باتكلم - 00:25:25ضَ

عموما لو ده واحد مش مسلم اصلا ما ينفعش يبقى بيستحلف اخواته بابوه مسلا او بامه وهو عاق لابوه او امه يعني هيضحكوا عليه مش مقبولة طيب لما انتم بقى بتستحلفوا بعض بالله - 00:25:46ضَ

طب اتقوا الله بقى ما تغضبوهوش واتقوا الله الذي تساءلون به والارحام. يعني اتقوا الله ان تغضبوه واتقوا الارحام ان تقطعوها لا تقطعوا الارحام القرابة الارحام يعني صلة الرحم. القرايب الاقارب الاعمام الخالات ولاد الاعمام ولاد الخالات - 00:26:01ضَ

وخاصة طبعا الاب والام لان هم سبب وجودك الثاني بعد الله. السبب الاول هو الله. السبب الثاني لوجودك هو الاب والام واتقوا الله الذي تساءلون به والارحام. يعني اتقوا قطع الارحام - 00:26:26ضَ

واخواتك والناس كلها لان كل الناس اخواتك ما تقطعش صلتك بالناس. الاية بتقول لك ان الناس كلهم ارحام. ايه رأيك بقى؟ يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء. كل الناس - 00:26:46ضَ

رجال ونساء من اب واحد وام واحدة. واتقوا الله الذي تساءلون به والارحام ان الله كان عليكم رقيبا يعني ايه ما قالش ربنا يراكم. لأ رقيبة بيراقبكم ما قالش شايفكم ما قالش بكم بصيرة - 00:27:06ضَ

انت انت اصلا ممكن وانت ماشي بالصدفة تشوف حاجة. قدرا كده تشوف حاجة لكن ان الله كان عليكم رقيبا الرقابة انك ترى عن قصد الله ينظر اليك ليرى ما تفعل - 00:27:25ضَ

ده فيه تشديد اكثر. اللي بيراقب عليك اسمه المراقب في الامتحان. يعني هو شغلته يراقب. هو جاي عشان يراقبك ينظر مش بينظر لك بالصدفة لأ. فبيقول ربنا بيقول لك ان ربنا هو الرقيب - 00:27:44ضَ

بينظر اليك حتى يرى ما تفعل. يعني خلي بالك انت تحت الميكروسكوب عاوزكم بقى تنظروا على الاية كده كلها من اطرافها وتشوفوا الاتساع الرهيب اللي فيها. الاية واسعة اوي يا جماعة - 00:28:01ضَ

كلم الناس كلهم اولاني يا ايها الناس يا ايها الناس اتقوا ربكم بتدعوهم بيدعوهم آآ يتقوا ربهم يبقى علاقة الناس كلها بربهم اللي خلقهم الذي خلقكم كلكم من نفس واحدة - 00:28:17ضَ

وده اهم بند في العلاقة بالله ان الله هو الخالق وجاب لك بقى تاريخ البشرية من اول خلق ادم بقى. وكيف وصل الامر الى انتشار الناس النهاردة في استراليا ونيوزيلندا اهو - 00:28:38ضَ

الذي خلقكم من نفس واحدة وخلق منها زوجها وبث منهما رجالا كثيرا ونساء خلاص انت كده جبت اطراف العالم كله اية واسعة اوي ثم رجع امر الناس مرة اخرى بالتقوى. تاني - 00:28:53ضَ

لكن المرة دي ما قالش اتقوا ربكم. قال ايه اتقوا الله واتقوا الله الذي تساءلون به والارحام فمرة ذكرهم بربوبيته ومرة ذكرهم بالوهيته اتقوا ربكم تستدعي ان هو اللي خلقكم وبثكم يعني نشركم ورعاكم - 00:29:15ضَ

والوهيتي واتقوا الله تستدعي قدرته عليكم عشان انتم مطلوب منكم حاجات تؤدوها نحو الارحام. جاية بقى صورة هتبدأ في الموضوع ده ما تقطعوش الارحام. ما تظلموش بعض. والصورة هتبدأ من بكرة بقى في المسألة دي - 00:29:36ضَ

لان ربنا هو الرقيب عليكم. شف الاية واسعة ازاي وفي الاخر خالص ركزت ان كل حاجة ربنا يراها اقرا الاية كده واشعر بالغزارة بتاعة هذه المعاني ونتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا - 00:29:55ضَ

فيما تحب وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهل واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك - 00:30:23ضَ

احب ملائكتك وانبيائك ورسلك. وعبادك الصالحين. اللهم احيي قلوبنا بحبك. واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا - 00:30:48ضَ

وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون فبحق كل - 00:31:18ضَ

في حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:31:41ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم وتقبل شهداءهم. وكن مع اخواننا في تركستان الشرقية وفي - 00:31:59ضَ

وفي كشميرا وفي سريلانكا وفي الهند. وانصر يا رب من نصرهم واخذل يا رب من خذلهم. وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت - 00:32:19ضَ

على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو واشرح بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا - 00:32:39ضَ

على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه والسلام عليكم ورحمة الله وبركاته نراكم غدا بازن الله - 00:33:12ضَ

بنفس هذا الموعد ان كنا من اهل الدنيا - 00:33:32ضَ