Baheth

السلام عليكم ورحمة الله وبركاته. اهلا بحضراتكم في المقطع رقم تمنمية اربعة وعشرين من مقاطع حظر التجول والحلقة الحادية عشر من حلقات تدبر سورة النساء سورة النساء مستمرة في مخاطبة الرجال - 00:00:00ضَ

سبحان الله اسمها سورة النساء وهي عمالة تخاطب الرجال تمنعهم من اضطهاد النساء. من اكل حقوق النساء في الميراث. قتل حقوق النساء في المهور اللي هو الصداق ودلوقتي ستضع قائمة او مش هتضع مش دلوقتي ده احنا هنبدأ حلقة او يعني اه احدى حلقتين او تلات حلقات عن المحرم - 00:00:25ضَ

ومات من النساء. اللي الراجل لا يستطيع انه يتزوج منهم لان كان في ممارسات غريبة جدا في الجاهلية. يعني كان الابن يتزوج زوجة ابوه وقلنا في الحلقة السابقة انه يورثها يورثها - 00:00:47ضَ

بعقد النكاح بتاعها بالمهر اللي ابوه دافعه خلاص هو كده ولسه زي ما يكون متاع من متاع البيت انها حصان او جمل فربنا قال الاية تسعتاشر وتدبرناها امبارح اعوذ بالله السميع العليم من الشيطان الرجيم - 00:01:02ضَ

يا ايها الذين امنوا لا يحل لكم ان ترثوا النساء كرها ما فيش حاجة اسمها واحد يورس مرات ابوه طب لو مش كرها طب لو هي موافقة وهيتزوجها بعقد جديد - 00:01:21ضَ

ومهر جديد ينفع؟ برضو لأ بمجرد ما ابوه عقد عليها اصبح اولاده محارم مؤبدين. يعني ايه مؤبدين؟ يعني للابد محارم واحد عقد على واحدة. ابنه اصبح محرم مؤبد. ياخدها يسافر بها الحج - 00:01:42ضَ

يا محرم تماما للابد زي امه انما اخوه محرم مؤقت ممكن لو هو مات او طلقها بعد العدة اخوه يتجوزها. ما فيش مشكلة جبنا بقى الكلام ده منين؟ الاية اتنين وعشرين. اقرا بقى معي الاية اتنين وعشرين - 00:02:08ضَ

ولا تنكحوا ما نكح ابائكم من النساء الا ما قد سلف انه كان فاحشة ومقتا وساء سبيلا ولا تنكحوا ما نكح ابائكم مجرد عقد النكاح حتى لو طلقها قبل الدخول - 00:02:28ضَ

يعتبر تزوجها خلاص وتحرم على ابنه يبقى ده معنى تنكحوا. تنكحوا يعني مجرد عقد النكاح طيب ما نكح اباؤكم يعني ايه اباؤكم؟ هي دي محتاجة كلام الاب؟ لا اباؤكم الاب والجد وابو الجد وجد الجد. يعني الاب وان علا - 00:02:50ضَ

ومش بس وان علا. ومن ناحية الام يعني ايه يعني زوجة جدك لامك يعني جدك ابو امك ايضا وحرام عليك ان ده يعتبر من اباؤك يعني من ابائكم جدك من امك اسمه من اباؤكم. كلمة اباؤكم تشمل جدك من امك. يبقى مش الاب وان علا بس. وكمان ابو الام وابو ابو الام - 00:03:15ضَ

هكزا تمام ولا تنكحوا ما نكح اباؤكم من النساء الا ما قد سلف يعني لو تزوجها في الجاهلية يبقى ايه؟ يبقى ما فيش اثم يعني مش بس في الجاهلية قبل نزول الاية دي برضو ما فيش اثم ما دام قبل التحريم ما فيش اثم ما فيش عقوبة لكن لازم - 00:03:41ضَ

الا ما قد سلف يعني ما فيش اثم ما فيش عقاب على الانسان لكن لابد ان يحصل فراق بينهم لانها لا تحل له زي امه بالزبط ثم ربنا بقى بيبين خطورة هزا الفعل - 00:04:06ضَ

وبيقول انه شيء في منتهى القبح انه كان فاحشة ومقتا وساء سبيلا السماح بالزواج من زوجة الاب امر فاحش يعني قبيح قبيح ومقتن. المقت هو الكره مع الاحتقار يعني امر كريه وقبيح ومحتقر - 00:04:26ضَ

وساء سبيلا يعني ده طريق اخرته وحشة ده طريق اخرته وحشة. فيه رجال بتقتل رجال عشان يتزوجوا زوجاتهم متخيلين لما الراجل يقتل ابوه عشان يتجوز زوجته طريق اخرته وحشة وساء سبيلا - 00:04:54ضَ

اقرأ بقى معي تلاتة وعشرين وربنا يثبتكم بقى الشرح بتاعها قد يعني انا هحاول ابسطه على قد ما اقدر وربنا يستر. عشان كده قلت لكم اشربوا قهوة النهاردة حرمت عليكم امهاتكم - 00:05:14ضَ

وبناتكم واخواتكم وعماتكم وخالاتكم وبنات الاخ وبنات الاخت وامهاتكم اللاتي ارضعنكم واخواتكم من الرضاعة وامهات نسائكم اللاتي في حجوركم من نسائكم اللاتي دخلتم بهن فان لم تكونوا دخلتم بهن فلا جناح عليكم - 00:05:37ضَ

وحلائل ابنائكم الذين من اصلابكم وان تجمعوا بين الاختين الا ما قد سلف. ان الله كان غفورا رحيما الاية دي فيها اربعتاشر صنف من النساء محرمات حرمت عليكم امهاتكم وبناتكم واخواتكم وعماتكم وخالاتكم وبنات الاخ وبنات الاخت - 00:06:11ضَ

السبعة دول محرمات آآ بالنسب عشان النسب اللي بينك وبينهم حرمت عليكم امهاتكم مين الامهات دول الام وام الام وام ام الام خد عندك كمان وجدتك لابوك تعتبر ام من امهاتك - 00:06:43ضَ

جدتك ام ابوك تعتبر امك. وامها تعتبر امك فهمت كده؟ طيب يبقى امك وام امك وام ام امك وام ابوك وام ام ابوك ما اظنش بقى في حد لسه عايش من اللي قبل الفوق بقى مش محتاج اقول اكتر من كده. يبقى امهاتكم دول معناها الامة والجدات من الناحيتين - 00:07:10ضَ

كل يعني تعريفها بقى اسمع بقى امهاتكم هن. بصوا بقى في العلم اهل العلم يقولوا ايه كل انثى حضرتك جيت عن طريق ولادتها كل انثى ولدك وبناتكم منهن بناتكم دول - 00:07:30ضَ

كل انثى لك انت عليها ولادة يبقى امهاتكم كل انثى لها عليك ولادة وبناتكم كل انثى لك انت عليها ولادة يعني بنتك وبنت بنتك وبنت بنت بنت بنتك وبنت ابنك تعتبر بنتك - 00:07:55ضَ

وبنت بنت ابنك تعتبر ايه بنتك كل انثى جت عن طريق ولادتك انت. لولاك ما كتش هي جت طيب خد عندك كمان واخواتكم مين هم اخواتكم قال لك كل انثى اجتمعت معك في اصل او اصلين - 00:08:15ضَ

يعني اختك من امك وابوك واختك من امك بس. بس لك كل واحد فيهم له اب كانت امك متجوزة واحد ومات اتجوزت ايه آآ وخلفت البنت وبعد كده اتجوزت ابوك وخلفتك. انت والبنت دي - 00:08:36ضَ

ها اخوات بس اخوات لام اخوة لام او اختك من ابوك ابوك متجوز اتنين جابك من ام وجابها من ام تانية اختك من ابوك. دول معنى اخواتكم كل انثى اجتمعت معك في اصل او اصلين - 00:08:53ضَ

وعماتكم مين هم عماتكم ها مستعدين للخبطة؟ هنبدأ كل انثى ولدها ولد سانية واحدة كل انثى ولدها من ولد ولد زكر ولدك كل انثى ولدها يعني ابوها اللي ولدها لو ولد ولد زكر - 00:09:12ضَ

يولدك كل انثى ابوها لو عنده ابن ولد يولدك. يبقى العمة علاقتك بها انها اخت ابوك عشان اللي ولدها جدك لما جاب اخ لما جاب ولد لها اخ لها الاخ ده هو ايه؟ اللي جابك - 00:09:43ضَ

طيب ليه اللفة دي انا بقولها؟ عاملة كده زي ايه؟ بيسألوا جحا ودنك منين يا جحا؟ قال لهم اهي وراح حاطط ايده لأ مش عشان كده التعريف ده لان العمات مش بس اخوات ابوك. ايه رأيك بقى - 00:10:04ضَ

اخت ابوك واخت جدك. عمتك واخت جد ابوك عمتك بل ممكن كمان العمة تيجي عن طريق الام. اخت جدك ابو امك تعتبر عمتك وعمت امك عمتك كل انثى ولدها من ولد ذكرا - 00:10:20ضَ

ولدك يا رب تكونوا فهمتم. يعني الموضوع ده الحلقة دي محتاج تتفرجوا عليها مرتين تلاتة وخالاتكم. مين هم الخالات كل انثى ولدها من ولد انثى ولدتك خالتك علاقتها بك ايه - 00:10:51ضَ

ان جدك اللي خلفها لما خلف انثى تانية اخت لها جابتك انت ده معناه ان خالة ابوك خالتك خالد جدك خالتك اخت جدتك من امك خالتك يعني خالة امك خالتك؟ - 00:11:16ضَ

ها اتلخبطتوا ولا لسة اقول لك على حاجة حتى لو متلخبطين دي كلها افتراضات هي اصلا ما بيحصلش ان حد بيتجوز ام يعني يعني او بيبقى عايز يتجوز خالد جده والكلام ده بس هي ايه - 00:11:42ضَ

يعني ده علم موجود انا حسيت ان هو لطيف انكم تطلعوا عليه واضحة يا بنات الاخ الخالة العمة ما يلا جاهزين؟ استعدوا بقى. وبنات الاخ مين بنات الاخ؟ كل انثى لاخيك عليها ولادة - 00:11:57ضَ

كل انثى اخوك ولدها بقت بنت اخوك يعني بنت اخوك يا بنت اخوك وبنت ابن اخوك ايه يا بنت اخوك وبنت بنت اخوك. بنت اخوك خلاص؟ طيب ده معناه بنت اخوك - 00:12:20ضَ

تبقى بنت اخوك بس حفيدات اخوك برضه بنات اخوك يعتبروا كده صح كده؟ تمام وبنات الاخت كل انثى لاختك عليها ولادة يدخل في الصنف ده بنت اختك وبنت بنت اختك - 00:12:47ضَ

وبنت ابن اختك ابن اختك بنته بنت اختك يعني كل انثى اختك لها عليها ولادة من غير اختك ما كتش جت دول كده السبعة المحرمات بالنسب. عد معي. حرمت عليكم امهاتكم. وبناتكم واخواتكم وعماتكم - 00:13:07ضَ

وخالاتكم وبنات الاخ وبنات الاخت. سبع محرمات بالنسب ييجي بعدهم سبعة محرمات بالسبب مش بالنسب بالسبب اتنين محرمات بالرضاعة وخمسة بالمصاهرة بسبب الجواز بسبب جوازك اتفضل الاتنين اللي بالرضاعة عشان كده انا قسمتهم التقسيمة دي وانا بقراها - 00:13:34ضَ

وامهاتكم اللاتي ارضعنكم واخواتكم من الرضاعة وامهاتكم اللاتي ارضعنكم يعني اللي رضعتك دي تعتبر امك. اسمها امك من الرضاعة حليمة السعدية كده اللي رضعت النبي عليه الصلاة والسلام يقوموا من الرضاعة - 00:14:05ضَ

واخواتكم من الرضاعة. يعني اللي رضعت من نفس الام اللي رضعتك. تعتبر اختك في الرضاعة هم دول بس اللي حرام من الرضاعة؟ لأ دول بس المحرمات من الرضاع بالقرآن. ولكن هناك محرمات من الرضاع بالسنة النبوية - 00:14:26ضَ

ليه؟ ايه الدليل؟ دايما في حاجة اسمها ايه الاصل؟ الاصل يعني الدليل. ولازم يكون قرآن او سنة السيدة عائشة قالت الحديث الصحيح ان النبي صلى الله عليه وسلم قال يحرم من الرضاع ما يحرم من النسب - 00:14:51ضَ

النسب قلناهم السبعة. مش كده يحرم من الرضاعة هم هم السبعة دول بس ايه؟ من الرضاعة. يعني ايه؟ يعني نروح نجيب السبعة اللي احنا لسه شارحينهم دلوقتي. ونحرمهم هم امة من الرضاعة - 00:15:12ضَ

ده تحريم بالسنة وليس بالقرآن. هاتهم بقى هات المحرمات دول تاني الامة محرمات بالنسب. اتفضل حرمت عليكم امهاتكم. قلنا خلاص امهاتكم من الرضاعة. هي اصلا وردت محرمة في القرآن وبناتكم - 00:15:27ضَ

برضو آآ بناتكم بقى يعني بنتك من الرضاعة محرمة عليكم في حاجة اسمها بنتك من الرضاعة! هو انا راجل هارضع ازاي ؟ لأ بنتك من الرضاعة يعني اللي زوجتك رضعتها وهي على زمتك وهي - 00:15:46ضَ

انت دلوقتي عندك زوجة رضعت بنت. البنت دي بقت بنتك من الرضاعة. تحرم عليك لكن زوجتك دي انت طلقتها وجت بعد آآ بعد العدة رضعت بنت. البنت دي مش بنتك من الرضاعة. خلاص اللي رضاعتها مش زوجتك - 00:16:01ضَ

خلاص؟ دول ايه؟ وبناتكم هتبقى وبناتكم من الرضاعة. هنجيب السبعة المحرمات من النسب ونقلبهم لسبعة من الرضاعة طبقا للحديث واخواتكم الاية اصلا قالت واخواتكم من الرضاعة دي محرمة بايه؟ بالسنة. وعماتكم - 00:16:20ضَ

يعني وعماتكم من الرضاعة يعني اخت الراجل اللي رضعتك زوجته وخالاتكم اخت المرضع اللي رضعتك وبنات الاخ بنات اخوك من الرضاعة. ما انت اللي رضعتك رضعت معك ولد تاني او رضعت بعديك ولد. ما دام هي امك من الرضاعة وام اي ولد تاني من الرضاعة بقى اخوك من الرضاعة - 00:16:40ضَ

سمعتوا بنات اخوك وبنات الاخت يعني بنات الاخت من الرضاعة برضو شوفوا المسال ده يا جماعة ولد امه ادته لامرأة اخرى ترضعه فاللي رضعته بقت امه من الرضاعة حرمت عليه - 00:17:05ضَ

وامها بقت امه من الرضاعة. ما قلنا الجدات وبنتها بقت اخته من الرضاعة حرمت عليه واختها بقت خالته من الرضاعة حرمت عليه واخت زوجها بقت عمته من الرضاعة حرمت عليه - 00:17:24ضَ

وبنت ابنها بقت بنت اخوه من الرضاعة هو دخل العيلة كواحد منها تماما بالرضاعة حكمه حكم الابن من الصلب بالزبط زي يعني الابن النسبي الابن بالنسب. زيه بالزبط يكون ده اسرته العادية - 00:17:42ضَ

طبعا دي بتبقى مشكلة مشكلة لكن الحمد لله في حاجة هنا مطمئنة شوية وهي انه من هو اللي بيحرم من الرضاعة العلماء اتفقوا يعني او الجمهور على ان هم الا يرضع خمس رضعات مشبعات - 00:18:02ضَ

يعني لازم مش يعني رضع مرة اتنين تلاتة من الست دي لسة مش ابنها في الرضاعة ما يحرمش عليه الستات دول كلهم. ولكن ازا رضع خمس رضعات مشبعات يعني ايه مشبعات؟ يعني بيقشط بعضهم. او بيبطل يبكي بعدها. خلاص شبع - 00:18:25ضَ

ده معنى يعني يعني المص والمصتان مش مش رضاعة فلو قعد رضع خمس مرات على الاقل مشبعات كده اصبح دخل العيلة دية حرمت عليه كل النساء دول. لزلك بننصح دايما - 00:18:46ضَ

في يعني في القرى بالزات وكده. يا جماعة بلاش حفلات الرضاعة اللي بتحصل في القرى دي. اللي هي كل واحدة تسيب ابنها مع جارتها او مع مش عارف مين وتروح مشوار او مع اختها واختها تقوم مرضعاه. جارتها تقوم مرضعاه - 00:19:04ضَ

يرضع مرة اتنين تلاتة بس بلاش اكتر من كده. عشان بتبقى مشكلة لما الولد يتزوج بنت وهي محرمة عليه وهم مش عارفين وبعد كده حد ييجي يقول يا جماعة دول راضعين على بعض بعد ما يكونوا اتجوزوا وخلفوا - 00:19:19ضَ

بتبقى كارثة لابد من التفريق بينهم بتبقى كارسة بتدمر اسر انا شفت بعنيا الكلام ده اسر بتدمر بسبب هذا الاهمال بسميه اهمال يا سيدي انت محتاجة ان ابنك يرضع على واحدة تانية - 00:19:34ضَ

اكتبوا الكلام ده يبقى فيه سجل زي ما فيه سجل كده للمواليد وبيتسجل وهو بيتطعم امتى ؟ يتسجل مين رضعه ورضعته كم مرة. عشان حرام يا جماعة ده اختلاط انساب - 00:19:51ضَ

ويعني كارثة كملوا بقى الاية عشان نشوف المحرمات بقى من كده احنا جبنا ايه الاية جابت اتنين محرمات من الرضاعة يعني محرمات بسبب السبب الرضاعة. فيه بقى خمسة تانيين محرمات بسبب لكن بسبب المصاهرة. هات بقى معي - 00:20:04ضَ

وامهات نسائكم وربائبكم اللاتي في حجوركم من نسائكم اللاتي دخلتم بهن فان لم تكونوا دخلتم بهن فلا جناح عليكم. خلينا في الاتنين دول دلوقتي وامهات نسائكم يعني بتحرم عليك حماتك. عشان واضحة يعني هي مش محتاجة كلام - 00:20:25ضَ

ام ام زوجتك وربائبكم اللاتي في حجوركم يعني بنت مراتك. بنت زوجتك تسمى الربيب انت يعني هي بتتربى عندك انت مربيها وربائبكم اللاتي في حجوركم من نسائكم اللاتي دخلتم بهن. فان لم تكونوا دخلتم بهن فلا جناح عليكم - 00:20:45ضَ

يعني يحرم عليك تتزوج بنت زوجتك ما تتجوز ام زوجتك ولا بنت زوجتك بس فيه اه امهات نسائكم ما قالشي اللاتي دخلتم بهن بينما في تحريم بنت الزوجة قال التي دخلتم بهن. ليه - 00:21:14ضَ

يعني لو واحد كتب كتابه عمل العقد عمله العقد وعملوا حفلة وعملوا عقد والناس قالت لهم بارك الله لك ما وبارك عليكما وجمع بينكما في خير. ثم طلق الزوجة دي - 00:21:39ضَ

ولم يدخل بها ما حصلش البناء ماشي يقدر يتزوج بنتها لكن العكس لأ لما جه بقى في البنت بنت الزوجة قال لك ايه وربائبكم اللاتي في حجوركم من نسائكم اللاتي دخلتم بهن - 00:21:53ضَ

فان لم تكونوا دخلتم بهن فلا جناح عليكم بنت زوجتك تحرم عليك سانية واحدة اه عشان اتلخبطت بس. اوكي الفكرة ان الام مش هتشيل في قلبها من بنتها لكن العكس صحيح - 00:22:14ضَ

لو انت كتبت كتابك على انسانة وبعد العقد طلقتها ما تقدرش تتجوز امها. لان البنت ممكن تشيل في قلبها على امها لكن قلب الام ما فيش زيه اصلا. يعني لو تلاحز انت بقى في العلاقات دية - 00:22:40ضَ

ربنا حرم زوجة الاب بمجرد العقد لو الاب عقد على واحدة تصبح تصبح آآ محرمة عليك الى الابد حتى لو ابوك طلقها قبل ما يبني بها. قبل الدخلة زوجة الابن برضو تحرم على الاب بمجرد ما ابنه يعقد عليها - 00:22:54ضَ

ام الزوجة تحرم بمجرد العقد على البنت انما البنت لا تحرم بمجرد العقد على الام لان الام ممكن تسامح بنتها ما فيش زي قلب الام ابدا ولكن طيب ما دام الام طيبة اوي كده ايه الاخبار؟ لو حتى واحد آآ آآ اتجوز اتجوز الام - 00:23:17ضَ

وتم البناء وتمت الدخلة وبعد كده اتطلق عليه ما يتجوزش بنتها مش لأ هو كل شيء له حدود ازا الراجل دخل بالام تحرم عليه بنتها لان العلة هنا ما ينفعش يجتمع - 00:23:43ضَ

البضعين دول. البضع ده ما ينفعش. اللي هو عملية العلاقة الحميمة ما ينفعش تتم مع الاتنين دول اقول لكم على حاجة كمان هذا يسري حتى في العلاقات المحرمة كان عندنا حالة صعبة جدا من تلاتين سنة - 00:23:56ضَ

كنت بحضر في مسجد شارع كابول في مدينة نصر اسمه مسجد الهدى ولا الهدي وكان درس للشيخ عبدالستار فتح الله. ربنا يا رب يبارك في عمره يا رب فجه ولد في واحد بعت سؤال من اصعب ما يمكن - 00:24:19ضَ

قال انا كنت ولد منفلت وصايع وبتاع ستات وربنا هداني الحمد لله والاخوة جابوا لي عروسة. فرحت اشوفها في بيتها واقابل اهلها فوجئت ان امها من النساء اللي انا عملت معهم علاقة - 00:24:37ضَ

محرمة من عدة سنوات هل يجوز ان اتزوج بهذه الفتاة؟ الشيخ اجابه ان جمهور العلماء انه لا يجوز له ان يتزوجها. يعني هو ما كانش متزوجة ده دي كانت علاقة محرمة. هي هي نفس العلة - 00:24:55ضَ

لا يجتمع البضعين دول نرجع للاية تلاتة وعشرين وامهات نسائكم. حماتك بمجرد ما تكتب العقد على زوجتك حماتك بقت محرمة عليك. الى الابد محرم مؤبد وربائبكم اللاتي في حجوركم من نسائكم اللاتي دخلتم بهن. الربيبة يعني بنت الزوجة تسمى ربيبة لان التربية آآ يعني - 00:25:13ضَ

من التربية اللي المفروض ان انت بتربيها زي بنتك فان لم تكونوا دخلتم بهن فلا جناح عليكم. لو كنت عقدت على امها فقط وطلقتها بعد كده او ماتت يقدر تقدر تتزوج بنتها - 00:25:37ضَ

الا يا ربيبتك بس في قيد اخر ربنا قال وربائبكم اللاتي في حجوركم يعني بنت زوجتك اللي متربية في حجرك يعني متربية في بيتك زي بنتك ازاي تفكر تتزوجها؟ لا يجوز انك تتزوجها. الله! طب ولو مش متربية في حجري - 00:25:51ضَ

لو مش متربية في بيتي لو متربية عند ابوها هل يجوز اتزوج منها؟ الاية واضحة بتقول اللاتي في حجوركم برضو لأ لا يجوز تتزوج منها طب ايه لزوم القيد ده ليه ربنا حط التقييد ده وربائبكم اللاتي في حجوركم هذا تقييد. لأ - 00:26:13ضَ

قال لك هذا اسمه تقييد للتنفير. يعني ايه للتنفير؟ عشان هدفه ان ربنا ينفرك من مجرد التفكير في شيء زي كده. ده شيء مقرف ازاي تفكر في كده اديكم مسال تاني برضو التقييد للتنفير. في سورة النور - 00:26:39ضَ

ربنا بيتكلم عن الناس اللي بتقذف المحصنات. يتكلموا في اعراض النساء. ان الذين يرمون المحصنات الغافلات المؤمنات طعنوا في الدنيا والاخرة ولهم عذاب عظيم. قذف المحصنات ده اه بيجرم على طول على طول خلاص بيعتبر مجرم - 00:26:56ضَ

ولازم يعاقب ويقام عليه الحد اللي يتهم امرأة محصنة يعني محترمة غافلة يعني بيتكلم في عرضها من وراها في ضهرها وهي مش حاسة بالكلام اللي هو عمال يشيعه في ضهرها - 00:27:16ضَ

اللي يعمل كده يبقى ملعون في الدنيا والاخرة وله عذاب عظيم. لازم يعاقب في الدنيا ويعاقب في الاخرة بس سانية واحدة النص ده مش بينطبق على اللي يشتم واحدة في وشها. يعني شاف واحدة في الشارع وراح شاتمها في وشها شتيمة في منتهى القزارة تطعن في شرفها. ده كده مش - 00:27:35ضَ

محصنات طبقا للاية دي لأ عشان هي مش غافلة. قال لك لا. هذا تقييد للتنفير. يعني ايه؟ يعني هو عادة اصلا اللي بيتكلموا على الستات في اعراضهم بيتكلموا من وراهم - 00:27:52ضَ

وده شيء يدل على الجبن فربنا بينفرك من اللي يعمل كده لكن حتى لو في وشهم هو قاذف محصنات. فهذا القيد قيد تنفير بيقرفك من الفعل ده ومن الناس اللي بتعمله - 00:28:06ضَ

خلي بالك بقى من حاجة. ايات القرآن الكريم التشريعية اللي بتشرع ليست مثل المواد القانونية في اي قانون وضعي من وضع البشر لانها ايات بتحمل جانب قانوني تشريعي وايضا جانب - 00:28:21ضَ

تربوي روحاني الهدف من الشريعة ليس فقط احلال العدالة والقسط في المجتمع. لا المسلم المفروض يتربى على الاخلاق الفاضلة ايضا. فالشريعة تيجي عشان تعمل احلال للعدالة والقسط وتربي على الاخلاق الفاضلة. هو ده الجانب الغير موجود في اي تشريع وضعي من وضع البشر - 00:28:40ضَ

كمل بقى وامهات نسائكم وربائبكم اللاتي في حجوركم من نسائكم اللاتي دخلتم بهن. فان لم تكونوا دخلتم بهن فلا جناح عليكم. اسمع بقى كمان واحد حلائل ابنائكم الذين من اصلابكم. وان تجمعوا بين الاختين الا ما قد سلف. ان الله كان غفورا رحيما. حلائل ابنائكم - 00:29:08ضَ

الذين من اصلابكم يعني ايه؟ اللي بيحلوا له زوجاته يعني يعني مراتات ابنك. اوكي؟ زوجات ولادكم وملك اليمين. حلائل ابنائكم ماشي وملك اليمين بتوع ولادك اللي هو متخذهم آآ ملك يمين آآ آآ للتسري يعني محظية - 00:29:32ضَ

برضه لا تجوز خلاص للايه للاب. قلنا ما ينفعش يجتمع البضعين دول عند اب واب وعند عند اه حلائل ايضا جمع حليلة. ولها معنيين. اول حاجة المرأة التي تحل له - 00:29:57ضَ

قلنا الزوجة وملك جميل. لان في الوقت ده كان فيه حاجة اسمها ملك يمين. والشبهة دي لها فيديو انا رفعته النهاردة على فيسبوك. اتفرجوا عليه لكن المعنى التاني هو حليلة يعني التي تحل مع زوجها حيث حل - 00:30:13ضَ

سافر يدرس برة يعمل ماجستير فسافرت معه. راح يشتغل في الكويت راحت معه. حليلته شريكة حياة ابنك رفيقة كفاح ابنك يعني يخرب عقلك انت ازاي اصلا فكرت في كده! وحلائل ابنائكم الذين من اصلابكم. تشعر ان الاية بتقول للناس هو انت - 00:30:26ضَ

انتم ايه دماغكم دي؟ ازاي بتفكروا كده شفتم الجانب التربوي يا جماعة اللي في الاية اللي هو بيصحح الاذواق. انت ايه الزوق بتاعك ده؟ انت ازاي اصلا تفكر كده؟ فالاية بتصلح الاذواق - 00:30:49ضَ

بتصلح الاخلاق بتصلح التفكير. مش مجرد تقول لك ده ممنوع. الا ممنوع. انا عم بنتكلم في غرامة اه اه كسر اشارة. احنا بنتكلم في حاجة اخلاقيا و ازاي الانسان يستسيغ هزا الامر - 00:31:02ضَ

خلاص نلاحز ان الاية برضو قالت وحلائل ابنائكم الذين من اصلابكم. يعني استثنت الابن بالتبني. والعجيب بقى ان العصر كانوا بيبيحوا حاجات غريبة جدا يبيحوا الزواج من من كل النساء اللي ذكرناهم دول - 00:31:16ضَ

كانوا بيتجوزوا زوجات ابائهم كانوا بيتجوزوا زوجات ابنائهم وقال ايه الاخلاق بقى يمتنع عن الزواج من نساء كانوا زوجات ابنائهم بالتبني اللي هم اصلا مش ابناءهم خالص ولا يمت لهم بصلة - 00:31:35ضَ

شيء عجيب جدا وكانوا يصروا على المسألة دي فجاءت الشريعة تبطل هذا الاعتقاد بل الشريعة استخدمت النبي صلى الله عليه وسلم في ابطال هذا الاعتقاد الفاسد بان ربنا زوجه من طليقة ابنه بالتبني سابقا زيد ابن حارثة - 00:31:55ضَ

والاية في سورة الاحزاب ابقوا يرجعوا للتدبر بتاعنا فيها وفيها الشرح كامل فلما قضى زيد منها وترا زوجناكها. ربنا اللي جوزها له لكي لا يكون على المؤمنين حرج في ازواج ادعيائهم اذا قضوا منهن وترا - 00:32:16ضَ

وكان امر الله مفعولا عشان ما يبقاش فيه حرج على اي مسلم ان لو ابنه بالتبني اللي هو مش ابنه عسكر ربنا قال ادعيائهم اللي ادعوا انهم ولادهم هم مش اولادهم. ما فيش حاجة اسمها تبني وتدي واحد آآ اسمك - 00:32:35ضَ

هذا باطل الاسلام ابطله ازا الولد ده طلق ممكن تجوز مراته. يلا واهو نبيك نفسه جوزناه مرات ابنه بالتبني كمان وتشعر ان ده كان يعني كان عامل حرج. كان الوضع محرج بالنسبة للرسول عليه الصلاة والسلام - 00:32:51ضَ

طبعا اه لازم اه بيطيع ربنا كمل الاية بقى اخر حاجة بقى ممنوع ايه؟ وان تجمعوا بين الاختين الا ما قد سلف ان الله كان غفورا رحيما. يعني لا يجوز حد يتجوز اختين؟ لأ يجوز تتجوز اختين - 00:33:08ضَ

لا يجوز هو انك تجمع بين الاختين في نفس الوقت يعني سيدنا عثمان ابن عفان تزوج بنت النبي صلى الله عليه وسلم رقية رضي الله عنها. بعد ما ماتت تزوج اختها وام كلثوم - 00:33:24ضَ

لكن لا يجوز ان كان يجمع بين الاختين في نفس الوقت الا ما قد سلف برضو معناها ان الوزر قبل نزول التشريع مغفور ربنا بيغفره لكن لو واحد متزوج اختين قبل التشريع ثم نزل التحريم لازم يطلق واحدة منهم - 00:33:38ضَ

لازم هيفارق واحدة منهم. الموضوع بقى طبعا فيه تفاصيل فقهية بقى اوي. تخص استبراء الرحم والتأكد ان اللي طلقها مش حامل فلا يقيم على اختها اللي على زمته آآ اللي هي ابقاها الا بعد ما اختها تكمل العدة ويتأكدوا انها ايه مش شغلانة بقى تفاصيل كتيرة جدا العلماء اتكلموا - 00:33:58ضَ

لكن اللي يهمني هنا ان زي ما شفتم الشريعة الاسلامية من ادلة نبوة محمد بن عبدالله صلى الله عليه وسلم. يعني دليل على صدق النبوة في هذه الشريعة العميقة جدا - 00:34:18ضَ

كيف يمكن لرجل امي ان يخرج بتشريعات دقيقة بهذه الطريقة لها كمان جانب تربوي اخلاقي بيصلح الاذواق بالاضافة للجانب القانوني في صحراء الجزيرة العربية من الف وربعمية سنة. في الوقت اللي فلاسفة اليونان كانوا بيكتبوا شرائع لتنزيم حياة الناس - 00:34:33ضَ

النهاردة لما تقراها معظمها يضحك شيء عميق جميل. بارك الله فيكم. خلونا نتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:34:56ضَ

وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء في البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحبك - 00:35:15ضَ

ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك لقلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن - 00:35:35ضَ

الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله علي العظيم ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض عالم الغيب والشهادة - 00:35:55ضَ

انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم ونجعلك اللهم في نحورهم فانت الوكيل ولا حول ولا - 00:36:15ضَ

الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم. اللهم تقبل شهداءهم وكن مع اخواننا في تركستان الشرقية وفي الشام وفي كشميرا وفي سريلانكا - 00:36:35ضَ

وفي الهند يا رب العالمين. وانصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا - 00:36:56ضَ

ربنا على طاعتك وتوحدت على دعوتك وتعاهدت على نصرة شريعتك. فوثق الله مرابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك - 00:37:16ضَ

يا مولانا على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع والسلام عليكم ورحمة الله. ونراكم غدا بازن الله في نفس هذا الموعد ان كنا من اهل الدنيا - 00:37:36ضَ